رواية بين سلاسل العادات للكاتبة كفاية كاظم كاملة
العادات هي سلاسل قيدت العديد منا..
أما القدر فله كلمة لاتتجزأ..
كنا هناك
اسرى
ضائعين
مجروحين
مقيدين بسلاسل عاداتهم
في روايتنا القدر يصدر قرارة
والعادات مستمرة بتقيدنا
كيف ستكون النهاية؟
وهل سينتصر القدر ام العادات؟
ادخلو في عالمنا فالطريق
طويل.
لاتتوقف في بداية الحكاية
اركض بكل بحيلي اريد افلت بريشاتي ماريد شي بس يعتقوني واتحرر منهم ومن عاداتهم وضلمهم گلبي احسة يرعد رعد من الخوف اخاف منهم يمة اخاف انفاسي انكطعت ماكدرت اكمل وگفت اتنفس بقوة ورجلية تختض جسمي كلة يرجف سمعت صوتة يرعد باسمي جحظت عيوني وصرت ااااركض ودموعي تنزل بحررگة.
وگعت وجهي احس روحي انسحبت مني دخل شوك بية شغت من الوجع صرخت بالكتمان وندبت حضي الاغبر الطلعت بية وخليتهم يشوفوني بذاك اليوم ريتني ما طلعت من بيتنا ريتني، ردت انهض وسمعت صوتة عالي يسب ويلعن يتنفس بقوة صاير وراي مباشرة بجيت بحرگة خلص بعد ماكو مهرب منهم اني ميتة ميتة اخذ نفس وبصوت فحطان كال.
-خلص لاتحااولين ااانتهى دور المحاولات
ضربت ايدي بالگاع من وجع روحي صرخت بحرگة ودموعي تنزل وجهي.
-للليششش الاااا اننننني ينعللل اب.
مخلاني اكمل كلامي سحبني بقوة رفعني يسحل بية سحل مثل العابة بيدة يمشيني وبس توگف رجلي يرفعني من ملابسي جاي احس بروحي تنهار انگطع نفسي وحرارة اعتلت بجسمي اصواتهم صارت قريبة علينة غشاوة صارت عيوني من صاح بوجهي.
-ووولج ييييييييش.
-خلص سكت الحجي ما يفيد بعد
مكدرت اميز صوت الشخص اليحجي بعدني ماعرفهم زين انسحبت من ايدة وانشمرت بالگا على وجهي طلعت روحي ورجعت من الالم صارت هوسة كلها تصيح يردون يملخوني حسيت شي حاد يضغط راسي بقوة من سمعت صوت سحب عرفتة هذا سلاح...
ضحكت بصوت عالي ودموعي تنزل بالگاع حجيت بصوت مبحوح.
-اقتلوني ماريد شي بس اضغط الزناد وخلصوني.
ضلام محاوط المكان ماشفت وجوهم بس عرفتهم غمضت عيوني ودعيت من كل كلبي يسوونها كل هذا العذاب واني بعدني بالبداية ما اريد نهاية وياهم.
اجاني صوتة الحاد اليرعبني.
-ااانتي مسؤلة عن الراح يصير عفناج بحالج وماسوينالج شي سترنا عليج وكلنة نبدي صفحة جديدة ويجوز انتي بريئة وكلشي جذب بس هسة تاكدنة لو مابيج شي ماشردتي. انتظري الراح يصير
فصول رواية بين سلاسل العادات
- رواية بين سلاسل العادات للكاتبة كفاية كاظم الفصل الأول
...باقي الفصول اتباعا كل يوم فصل