رواية بين سلاسل العادات للكاتبة كفاية كاظم الفصل الثالث
بعدني بالباب واسمع صوت حياوي عااالي وامي تهدي بية گلبي وگع بين رجلية من الخوف.
دگيت الباب فتحة إلى مهند لگيت حيااوي نااار صاير كمزت من صاحت امي علية بصوت عالي.
-روووحي بدلي بسرررعة
احمد: -نوووو متررروح ررروحي ااانتي ووحدج
: -حياااوي انجبببب لاتتدددخل ماتررروح ماجابرررتك بس هي لا مجبووورة ترروح.
بقيت مفهية شبيهم ذولة! كل شوية واحد بيهم ساحبني علية بقيت التلفت حياوي الصاير نار و امي ممستوعبة، ولاول مرة يدخلون بنقاش حااااد، سحبتني امي من ايدي دخلتني جوة وسحبني حياوي من الايد الثانية يكول.
-مترروحين
همست خايفة: -وين اروح
سحبتني امي من ايدي لغرفتي اسمع بس صوت التكسير درت وجهي حياااوي مسوي اعصار يكسر بالغراض نغزني گلبي حياوي شبية شصاير وياة.؟
- روحي بساع بدلي يلة بنيتي
-اي ماشي بس وين.
-خالج حمزة مريض نروح نشوفة ونرجع مانطول
-هاا
-اي يلة بسررررعة
-لعد شبية حياوي
-خيولي ماعليج بية صاير عصبي ويطلع حرگتة بينه يريد يلا يوم انزلي وراي
هزيت راسي بالموافقة ورحت بدلت، اول مرة ازور بيت خالي امي مشددة علية متخليني اروح لاي مكان حتى اخوالي مشايفة شكولهم ابو محافضات اخر مرة رحتلهم من جنت سادس ابتدائي.
بس خالي حمزة الوحيد اليجينة بالسنة حسنة عود بنفس المحافظة وحسب علمي هو نفس ماما ميروح لاهله هواية.
بدلت ونزلت حيلي رايح من الصبح تتلگاني المشاكل وبعدهي مستمرة متعرف شنو حيصير.
رحت للمطبخ صبتلي امي غدة اكلت شوية واجة سجاد رحت سلمت علية من بعيد لان امي موجوده
والا اني متعودة الا احضنهم.
سجاد: -يلا امشن
طلعنة ضايجين امي وجهة ميگصة السيف ضااايجة
-نووانة.
درت وجهي حياوي جان مكتف ادية فتحهن إلى رحت اركض لحضنة بوسني ولزم وجهي بين ادية اباوع لملامحة حزينة متعوبة مو نفس ذاك حياوي.
-ديري بالج على روحج ومو تباتين يمهم تمام
-تمام
بقيت بحضنة مشدد علية الوحيد الاخذ راحتي بتصرفاتي وياة بوجود امي ابد متحجي، ودعتة وانطلقنا لبيت خالي.
وصلنا بعد طريق طويل استقبلنة ولد شاب (ناصر) يطلع بعمر حياوي سلم امي وسجاد وعبرني ولا كانو شافني هسة گول هلو مرحبا شبيك يطير نصك اذا سلمت الصراحة ضوجني لان معبرني.
دخلونة الاستقبال جان خالي بيها مدد رحنة سلمنة علية كلش تعبان وصدرة يصعد وينزل صوت تنفسة عالي، گعدت بصف امي استكشف بعيوني المكان اشرلي بيدة اروح يمة باوعت لامي هزت براسها روحي رحت يمه متوترة حضني يبوس بية خنست ساكتة.
حمزة: -شلونج بوية.
همست: -زينة
-حياوي شلونة
-هم زين
-ليش ما اجة وياكم
-تعبان يمكن من الدوام
اخذ شعري بيدة الترجف ذب حسرة عالية وهز براسة باسف.
-حاقد هالولدد بس حكة يحقد
سكتت ماعرف منو يقصد حركت امي راسها نافية
-مو حقود خوية بالعكس حياوي ماكو احسن واطيب منة بس الصار مو هين ماشاف طيب لاتلومة.
سكت خالي يدور باغلفة الحبوب او اعتقد يضيع وقت. دخلت مرة شوية جبيرة سلمت علينة وگعدت تسولف، رجعني خالي لحضنة يشم بشعري ويتلمس بضفيرتي اترقب عيون زوجتة تريد تاكلني بقو يسولفون واني كل همي شلون اسحب نفسي واخيرا نجحت وطلعت بالساحة جانت جبيرة نصها مصبوبة والباقي ستايگر مكسر، دخلت جوة صادفني ثنين بنات شابات ابتسمت ابتسامة واسعة برزت اسناني لوحتلهن بيدي.
-مرحبا.
محد ردت التحية بقن يكصن بية من فوگ ليجوة باوعت لنفسي ملابسي مبيهن شي شبيهن ذني هيج يباوعن ردت وحده علية من وره خشمعا رافعة حاجبها.
-انتي ياهو
-نو
: -ههههههههه جدتي نو ههههههه ااسمج اقدم من السلام عليكم يبووو اسم عجوز يمة لو تشوفج جدتي نوة تحرگ روحها.
سكتت اباوعلها شبيها هاي بعدنا باسم الله تنمرت اسمي، اول مره واحد يعيب اسمي حتى مابالي اسمي قديم ابدد ولا مفكرة بمعناه دمعت عيوني مقهورة حيل من كلامها ردت اطلع واجت بنية تركض شكلها لطييييف كلش عكس ذني ابتسامتها وجهها وتحجي بلهفة.
: شروق -هللللووو نووةةة شلونج
ابتسمت وهمست: -زينة
عدلت شالها المخليته راسها وباوعت لاخواتها الخازراتها.
- معليج باسراء خل تولي تنغاار هاي.
دفعتها اختها على ضهرها شوية جان وکعت بقيت فاتحة حلگي تصرفاتها وطريقة كلامة المامحترمة ابد تغلط وتسب اختها.
اسراء: - گح ساعليمنننن اغااار الحقيررة ام الووولد لووو بيج خييير ماتركضين ورة خطيبي هسة تطلع هاي اگح منج ام الولد.
دخلت بينهن اختهن الاكبر منهن فاككتهن وبقت ترزل بيهن التفتتلي و عاطت بيه بصوت عالي.
التفات: واانتتتي شكووو يلا منااا اجيتتتي وجايبببة الطلايييب وياااج.
جمدت بمكاني وبهتت ملامحي شبيهن ذني المفروض يرحبن بيه اول مرة ادخل لبيتهن شنو من بشر يطردن الخطار هسة اني شسويت باوعت بوجهها حواجبها مسويتهن تاتو صاعدات لشعرها بحيث گصتها مختفية وصاير لونهن احمر وهي سمرة يمة تخوف...
التفات: -مسررحية عدناا يلة منااااا.
عفتهن وطلعت ضااايجة واغم بنفسي شكو اجيت هي هاي الطلعة الجنت اكتل روحي عليها امداني بعد ما اطلع لو شيصير ابقى بيتي اميرة مدللة حتى بكلمة محد يغثني بس عبدالله وبالشقة، طلعت للشارع الباب مفتوح لكيت طفل صغير واگف بالشارع.
-مرحبا
التفتلي خازرني معاجبة: -شبيك
-انتي شبيج
-مبية شي تعال تطلع وياي تشتري
-لاع انطيني فلوس واني اشتريلج
-تمام.
مديت ايدي بجيبي طلعت الف انطيته الة اخذة وطفر حتى مگلي شتريدين اشتريلج شبيهم ذولة بقيت بالشارع مطلعت مسافة افتر بصف الباب منتظرتة شوية واجة يركض.
-هااا شتريتلي
-اي
فتح ادية وفتحت حلگي وياة جر ايدي وخل تلث كعكات صغار فتحت عيوني وصحت بية
: -شنووو هذااا
-شبيج لاتصيحين
-هييييي انت تضحك علية شنو هذا وين الالف مالتي يلة جيبة
-هذا شكر لمه تلاثة بخمسمية وخمسمية إلى خو اشتريلج بلاش.
-ماريدة روح رجعة وجيب الفي يلللة
عافني وراح يركض وي الجهال متت من الحرگة طفل يضحك علية امدااني صرت اضرب برجلي بالگاع واعض باصبعي حقيرر مو طفل شيطاان ضحك عليه جايبلي كليجات. بقيت كاعدة بمكاني كالبة خلقتي جعت اريد اشتري ماريد ذني مسوينهن بالبيت حتى ممخلينهن بعلاگة.
-تعااال رررررجعهن
سوالي بيدة ولي ورجع يركض اجت بنية صغيره تركض: -ها شبيج
-حبابة رجعي ذني ماريد اكلهن وصخات ممخلينهن بعلاگة.
-لا خاب ذني مو وصخات نضيفات وعلى ذني ام محمود تسويهن بالبيت وتبيعهن هذا شكر لمة طيببب يخبببل
-وليش تسوي بالبيت وتبيع؟
-مو زلمتها مريض وعدها كووومة بنات منين تجيب فلوس تبيع بالبيت كلشي وكلاشي
بلعت ريگي مقهورة عليها شبسرعة ذميتها و حجيت عليها، سحبت ضفيرتي العب كالعادة، فتشت بجيوبي عندي فلوس اخواني ينطوني كل يوم غير المصرف التنطينياة امي طلعت الف وانطيته للبنية.
-هاج روحي اشتري بالف من هذا الشكر لمة بسرعة يلا
اخذتة وطارت مثل الطلقة كعدت بالعتبة مبتسمة محسبة ببالي افرحهم من اشتري منهم طبگت سيارة قريب مني حجيت بگلبي والله سيارة جديدة بالباكيت بقيت اباوعلها واكل شكر لمه.
-امداني شلون حجيت الناس طلعو خوش يطبخون
-شعندج گاعدة هنا
التفتت للصوت جان ولد شاب اكبر من حياوي واگف قريب مني خازرني بغضب شبيه هذا مديت ايدي اله عگد حاجبة متسائل.
-شكررر لمه هذااا.
ابتعد مني يفر بالسويج ويتأفأف
: -انتي منين
-مو منا خطار عليهم بس تدري ضجت لان بناتهم رزلني كبر عود خطار يعني هسه انتم من يجيكم خطار تطردونة
-لاعع
-اي حتى احنة والله كلشي نسويلة خوب من تجينة سرى نجيب الهة حلويات ونفررح شكد بيهاااا
بقة وگفتة يستمعلي واني انطلقت اسولف مثل عادتي اموت السوالف
: -سرى تصير بت عمي بس اكولك سر.
طفرت من مكاني اتقرب علية صرت كلش قريبة ابتسامتي شاگة حلگي اما هو فاتح عيونة ورافع حاجبة اشرتلة بيدي واني اهمس بصوت ناصي.
-تعال اشاورك شبيك نزل راسك
دنك راسة إلى قربت من اذنة وهمست بعد مسافة قليلة.
-سراوي تحب اخواي حياوي وهو يحبها بس ميكول ماعرف ليش يكول ماحبها بس هي سراوي تخبببل ودارسة وحباابة بعد شبيه يجذب ويگول ماحبها وبعد هاا اي سراوي اخوها مخبل مدري شبية والله اسمة عادل يخوف اكلك شي بس مو تكول كول والله ماگول
ابتعدت من اذنة شوية منتظرتة يحلف وارجع اكمل السر الاجة ببالي فجأة
: -يلة احلف حتى اكولك بعد سر
همس بصوت ناصي والله التفتت محد بالشارع رجعت اهمس بمثل نبرة صوتي عافسة وجهي.
-عادل يحبني يريد يتزوجني بس اني ماحبة تدري بية هو مريض نفسي بالقرآن يخوووف انت مشايف شكلة بحيث اذا لزمني من ايدي تبقى يومين توجعني والله لو احجي شي يضربني لو يعيط بية يخلسني خلس
-يضرربج
-هاا
-شني ها شيسويلج هذا عادل
-ميسويلي شي
ابتعدت عنة اتذكر شكل عادل وشلون يخوفني انگلبت ملامحي لحضات گعدت بعتبة الباب ورجعت ابتسمت واكل من الشكر لمة رجعت مرة اخرى عرضت علية.
-اكل شكر لمة مدري شسمة ترة اني هم مثلك اول مرة اسمع بية واكله اكل شبيج طيب وبلاش بعد شتريد
مادتلة ايدي وهو خازرني ساكت ماخذ مدري شبية جلبت الا ياكل، ما اكل شي وحدي اذا ردت اكل شي بالبيت اسويلي محاضرة امدح بالاكلة حتى يشتهون وياكلون وياي الواهس.
: -شوف لاعبالك بس ذني ترى هسة دزيت يشترولي بالف هسة البنية تجي، شبيك اخذ مني تفوتك
اجت البنية تركض اديناتها متروووسة منهن ترست حضني فتحت حلگي وصحت.
: -عااا لج هذااا هوااي بيشش
-هههه بالاف
اخذتهن احسب بيهن 12وحدة ضربت رجلي وعطت.
: -غشمرررني الحقيررر اخذذ الفي واشتااارلي بربع بسسيطة والله مااا اسكتلة شافني طفففلة
انطيت للبنية منهن وخليت بيد الولد تلاثة والباقي خليتة بجيبي ورحت اركض بالشارع اذا الزمة الا اشلع اذاناتة غشاش غشني فجأة انسحبت من گصيبتي لزمتها وعطت.
-شبييييك شعررري عوووفة منو گلك تلزززمة قليل ادددب.
عاف شعري ولزمني من زندي يمشي بية طالعة روحة مدري شبية صار عصبي قبل شوية جان خوش ولد و حباب نترت ايدي منه.
-شبيك عوووفني
عاط بوجهي فاتح عيونة وسعهن
-زلام هناك وين مولية وووين زعطوطة انتي طالعة بالشارع تركضين ورة الزعااطيط شكوووو زعطوووطة؟
-لا
-وكون لاععع تركضين ورة الزعاطيط شكبرج بعد تصيرين لو بس طول عقل ماكو مشيول من راسج
-معليك بية يلا عوفني.
وخرت ايدة ومشيت للبيت لاتطلع امي وترزلني كدام ذني البنات واتفشل رحت اركض وصلت يم الصالة ورجعت الة لگيتة گدامي دخل للاستقبال فتحت عيوني وسعهن بطني خبطت من الخوف اكيد هسة يگل لامي علية...
رحت اركض شفتة يسلم عليهم بقيت واكفة بالباب التقط انفاسي خليت اصبعي بحلکي ودمعتي بطرف عيني اباوع لحلگة هسة يگول ومنا خالي العقاب يصير مضاعف من امي شيخلصني بعد.
حمزة: -بوية نو تعاي دشي هنا تعاي لية.
توجهت الانظار الية ختلت كلش بس مطلعة راسي مرديت علية دخلت من حجت امي خازرتني.
-تعاي نو اكعدي يمي
دخلت وعيني الولد ضام ضحكتة كوة عيبت علية بحلگي ونترت بية
: -اضحك اضحك عادي لاتستحي يلة اضحك
گرصتني امي من رجلي سكتت ضايجة، بقى يضحك عوجت حلگي اعيب علية اكيد يضحك عليه راد يحجي وعطت من مكاني
- انتت الوولد سيارتك الجهال ضرربتهااا بحجاارة.
طفر من مكانة مفزوع ورحت اهرول وراة بقة يدور حول السيارة من كل الاتجاهات مبيها شي اكيد غير اني جذبت علية اجاني مخنزر طابگ حواجبة.
-حباب عليك الله لتكول لامي بنتج تحجي وياي والله العظيم محجيت وي رجال ابدد بس وياك لان انت حبااب فدوه لتزن ماما بعد متطلعني ابد
هز ايدة خازرني ماعاجبة الوضع
: -مال الثول اي والله عبالي السيارة صار بيها شي طيرتي گلبي، دمشي طبي جوة گصيبتج تسحل وراج شني ماعدكم فلوس تشترين حجاب.
-لاءء ماعدنة فلوووس
-اي ماعدكم بس تشترين شكر لمة
-اهووو هسة فوگ منطيتك يلة جيبهن يلة
مديت ايدي الة ضربها ودخل يهز براسة يضحك دخلت وراة وطلعت هاي ام حواجب الحمر تضحك وخدودها حمرر مخليتلهن حمرة طوخ بحيث ذيج هي واضحة لو مبقيتهن جوزيات افضل.
التفات: -هلا بانمار شلونك
أنمار: -بخير
-منورنة اليوم
-مشكورة.
دخل مدنگ راسة ولا يمها وهي حلگها مشگوگ رايحة بغير عالم شمرت بوسة وراة وورفعت راسها فاتحة اديها تدعي بصوت مسموع.
-كون كل يومية ابوي يتمرض حتى اشوفك افيييش
بقيت فاتحة حلگي شنو من بشر شلون تحجي هيج ابوها تتمنالة المرض في سبيل تشوف هذا الولد عديم المشاعر، الناس تتمنى يكون عدها اب حتى لو بالاسم موجود وهاي تدعي علية فززتني من عاطت بية...
-وغسل شبيييج فاتحة حلگج كون ذبانة تطب بية امدداج الفاهية.
غمتني باديها ودخلت جوة شبيها هاي وياي هزيت بيدي متنرفزة الاخر بقيت افتر يم باب الاستقبال استحي ادخل حتى سوالفهم ما افهما، طلعت اختهن الصغيرة تلف بشالها وتضحك صفنت بملامحها معقولة هاي الملاك اختهن سبحان الله هي وين وهنا وين من ناحية الشكل والاخلاق.
- سبحتي مو
شروق: -هههه اي مادري بيكم راح تجون كلني وصخ
جنت افشل بعلي
عدلت شالها جانت لابسة دشداشة طويلة لونها غامق عاكس بياض بشرتها.
-حلوة دشداشتج.
شروق: -هااا مالت اختي اسراء انطتني اياها ماتريدها
-شكد حلو من عندج اخوات وتلبسن سوة
-ابد موحلو بالنسبة إلى يمكن كلامج صح حلو من عندج الاخوات بس مو كل اخوات زينات الحمدالله كل حال
التفتت والتفتت وياها طلعت اختها ام حواجب الحمر شايلة صينية جاي وابتسامتها واسعة
خزرتنة ودخلت.
-اكولج هاي اختج شبيها
حجت بهمس مقربة وجهها علية:
-حقيرة ومسمومة لابعد الحدود
-مبينة انوب حواجبها حمرر هههه
-اسكتي لاتسمعج
-قابل مكذبة.
-هاي سوت تاتو وگلب
-شعجب تقبلون ماما تكول بس المتزوحة تسوي حواجبها
-اي مو هي هم جانت متزوجة
-وهسة؟
-تطلگت
حجتها والتفتت خايفة صاحتني امي مقبلت ادخل جريت البنية من ايدها وياي.
-مگلتيلي شنو اسمج
-شروق
-ياااي يجنن اسمج مثلج.
سكتت خجلانة شروق اسم على مسمى فعلاً شروق دخلت مجلبة بيدها كعدنة يم امي بقينا نستمع حديثهم الممل رفعت عيوني اشوف التفات تخزر بشروق خلتها تطفرر ردت اروح وراها وامي گرصتني كعدت يمهم مدنگة راسي العب بذيل ضفيرتي. رفعت راسي من سالني خالي
-نوة تضلين يمي الليلة
هزيت راسي ب لا ورجعت دنگت اكرر حركتي.
حمزة: -ليش ماتضلين يمي
-شعندي باقية ضجت اريد ارجع لبيتنة
-بس الليلة
-شحصير باليلة تنزل ملائكة اذا بقيت هههه.
رفعت راسي امي خازرتني تعض بشفتها وتسويلي بيدها بسيطة لفيت شعري ايدي وهمست
-عندي دوام اذا اغيب منو حيشرحلي واخواني ميقبلون ابقى حياوي تعبان هم
حجة بقلق وخوف واضخ شكلة
حمزة: -شبية
-مبية شي بس تعبان ودراستة كلش صعبة
حمزة: ها خوش وانتي شلونج بالدراسة
-زينة شوية.
بقينة شوية واترخصت امي منهم شكد لح خالي نبقى بس ماما تعذرت وگالت ورانا دوام. رجعنا وامي تهز براسها متحلفة بية، سجاد يهز بحواجبة اباوعلة كاتمة ضحكتي بيدي.
: مااال الغسسل فاااهية شوووكت تبطلين فهااوة مو مووتيني
سجاد: من يبيض الديج اكيد تلعب بشعرها وفاتحة حلكها صافنة هههههه
نو: -بسسيطة سجاااوي اني اعلمك بس نوصل اااني مووو فااهية تماااام
سجاد: -تمام يعيون سجاد اكيد مو فاهية شبيج اتشاقة وياج.
عفست وجهي طول الطريق دايرة وجهي الجامة اضوجك من شخص يعيب علية لو يگلي فاهية. موتتني الگعدة واخيرا وصلنا لاگاني حياوي ضايج كلش حضني من جتفي اخذني لغرفتة كعدت بصفة ساكت يبرم بگذلتي.
-شلونج
-زينة ههههههه
-هسة شبيج تضحكين مو جاي اسئلج شلونج
-ههههههه ماعرف بس انت تضحكني
-انشاءالله اگدر اضحكج العمر كلة شفتي حمزة
-اي شفت خالي وسال عليك هم
-ها اي زين وشكالج
- والله ماكو شي مهم صار لو كلام معين هيج ماعرف نسيت.
-يعني كلشي ماحجة ابدددد
-هاا لا بس سلم وهاهية
-وبناتة هم حاچنچ
تربعت مقابيلة وسرفنت ارداناتي كلني حماس اسولفلة الصار مستحيل يمر يوم واحد اذا مانگعد هاي الگعدة واسولف البخاطري.
-شوف اولا ذني مو حبابات احسهن خبيثات وحتى صارن يضحكن على اسمي
-اسمج! شبية
-اي يگولن مثل اسم جدتي ويضحكن اهىء اهىء گبوررر انشاء الله اخخ ضوجني ليش يضحكن اسمي
-خيولن ينغارن منج اسم حلو يجنن.
شلت المخدة وشمرتها بالگاع دموعي بعيني حيل اتأثر بالكلام الاسمعة وخاصة اسمي نو شنو معناة؟
-اسمي محلو والله بس اني اسمي نو حتى هذا الولد انهار من سمع اسمي بقى يضحك
-انهار منو، قصدج انمار
-اي
-جاي؟
-اي اجة اكلك بس موتكول
هز راسة تقربت علية اسولفلة لازم لازم احجي مستحيل اضم شي بگلبي اگلك بس مو تگول اذا مالگيت واحد احجيلة اروح لميمو اسولفلة.
- هاي البنية ام حواحب التاتو تحب انهار بس هو ميحبها مبين.
رفع حواجبة ولزمني من ايدي مقربني علية
-وانتي شلون عرفتي شفتي شي گووولي
بلعت ريگ يمكن جفصت شو هذا عصب علية شگلت
-لا شوف مشفت شي بس من دخل بقت تباوعلة بطريقة ثانيه ودزتلهم جاي وتضحك هم
-عيببب عيبببب لتحجين بهلطريقة الناس حررام وحتى لو تشوفين ثنين سوى لتحجين اسكتي
-يووووة لعد اني شكد اشوف ثنين سوى واسكت مگول لاحد
فتح عيوني وسعهن و هزني من جتفي معصب.
-شنوو. شفتتي ويننن؟!
-هاا
-شنوو هااا احجي وين شفتي ثنين سوة.
-هههههههههه شبيك بكل مكان حتى بالمدرسة وبالشارع وبالبيت عادي شبيك مشايف ثنين سوى لعد هسه احنة مو سوى ههههههه
ضربني راسي بخفة بقة يستغفر بصوت ناصي
-غبية تحجي بدون لاتفكرر اخخ منج، تعالي شنو هاي تباوعلة بطريقة ثانيه فهميني
-ها اي شوف افهمك شلون يعني مثل سراوي من تباوعلك هيج يعني
-نواتي حبيبتي ابتعدي عن هيج مواضيع تمام
-تمام لعد هسه اني شكلت اووف.
عوجت حلگي اتذكر شصار. حجيت وي انهار لازم اگلة متعودة احجيلة كلشي يصير وياي الا عن عادل لان يخوفني.
-اكلك حياوي
-كولي يروحة
عدلت گعدتي واخذت طرف شعري العب بية متوترة
-حياوي حجيت وي الولد يعني عادي
-منو الولد؟ وشحجيتي؟
-حجيت وي انهااار.
احس وجهي صار نار من تذكرت شلون وتقربت علية كل هذا القرب شكد غبية اني يعني لهدرجة ناسية روحي المهم احجي البگلبي. باوعت لحياوي منتظرني احجي سكتت ماعرف شحجي اكلة كلتلة سرى تحبك لو عادل المريض.
سجاد: احجي شسولفتي
طفرت من مكاني رجعت باوعتلة مبتسمة واحس وجههي مولع ناار.
-هيج بس انطيتة شكر لمه وگلي شكرا گتلة العفو هيج يعني
-بس بعد لتحجين وياة ابتعدي عنة
-ليش بس لا موو. حباااب.
نهض من مكاني صار مقابيلي لزم خدي يمسح علية
-انمار حباب اي بس ماكو رجال حباب ابتعدي عن الجنس الاخر و من تشوفين نفسج بس انتي وولد بنفس المكان اتحركي ابد ابد لتبقين ولاتاخذين وتنطين بالحجي وي ولد انتي تشوفينها بس سوالف وعااادية بس المقابل يشوفها غير وياخذج بنضرة غير
-اي بس انت مو رجال وحبااب وسجاد ومهند هم حبابين
-اي لان احنة خوانج ونحبج ومستحيل نأذيج
بس هاي الناس متعرفين زينها من شينها ومحد.
يحبج بنفس الطريقه إلى احنا نحبج بيها
-اكلك شنو يعني شينها؟
-يعني الشي السيء المو زين
-هاا
-اي وهسة متكولين شحجيتي وياة
-ها لاهيج كتلك اشتريت ونطيته
نزلت ررركض واحجي وي نفسي شلون اشاورة عيب اكيد عيببب بس يمكن عادي هسة شصار قابل. تعشينة وسجاد راح يغسل المواعين بس اكيد مو وحدة الجمهور كلة وياة كعدت الكاونتر بيدي جزراية اباوعلهم مسوين عرض.
سجاد: -لانعل ابوة للقطارر سعاد وماتاتة اويلي دلال سعاد وماتاتة اويلي دلال اه اه اه
مهند: -ايااااا زماني
سجاد: -اه اه اه
مهند: هو الرماني
عبدالله: ودوارة دوارة يادنيا دوارة
سجاد: -راح الحبيب الغالي وانكطعت اخبارة
مهند: -راح ومرد لينة هوو إلى ناسينة
عبدالله: -طب طحطح طب طحطح
سجاد: اووويلي ياا يابة اووويلي
ميتة ضحك سوالفهم عبالك جاي اشاهد مسرحية مستحيل يخلى بيتنة من الضحك والوناسة دخل حياوي عاط بيهم.
-ادبسزززية شبيكممم مو جاي نلطمم صووتكم حيووانات
عبدالله: -مرحبا يا اخونا
احمد: -انجبببب
سجاد: -شو بدك خييي
احمد: سجااد صوتكم نصوووة خلوني اقرا
عبدالله: -حبيبي اخوي الغالي منو لازمك احنة عدنة مستر ذيفويززز نكتشف موهبة حبيبة الجماهير سجاوي الغالية ام ضحكة الحلوى اموححح
سجاد: اموووح حبيبي انتاااا.
احمد: مستر ذيفويززز الخايس دلفظ اسمها صح مواهب شكولكم القذرة مال مواهب حتى نجوى تشرد وتعوف البرنامج من تسمع صوتك
عبدالله: -لا نجيوة حبابة بس هذا عليوي شكد اكرها وجهة احمررر يكول يشرب عصير دممم
احمد: يعععع لعبت روحي حتى كلامك خايس
مثلك
مهند: يلة خلونة نكمل عزف وغناء والحان يلة نو شاركينة مو بس تگرطين جنج ارنب ياكل جزر
خزرني حياوي وصاح بية.
-يلة ست شرفي المحل مو عندج قراية شو مصفطة ايد ليورة وايد ليگدام.
شلون اكلة اليوم مشايفة المدرسة منين اعرف الواجبات.
نو: ها مو معندي واجبات هستونة بدينا
سجاد: -اي حبيبي خلصت كورس واستلمت النتيجة ناجحة وانت حتى هدية مجبتلها
نو: -على اساس انت الجبت هسة
احمد: -دستلم يحجي بالحصاد ومنچلة مكسورر
سجاد: -افااا اني الما اجيب هديه لنو اصلا بس انت الما جايب.
طلع سجاد ومهند من المطبخ عافو عبدالله يرتب بالكاونتر بقيت گعدتي شوية دخلو للمطبخ يركضون طفو الگلوب صارت ضلللمة بلعت ريگ خايفة اخاف من الظلمة بشكل اخنس بمكاني بعد ما اتحرك.
-ياءء شبيكم ليش تخوفوني مو تعرفون اخاف من الظلمة شبييكم تعالووو
انفتح الضوة ودخل سجاد بيدة كيكة صغيره بيها شمعة.
-عبدالله: حبيبية زيطيوو يوو يوو سنة حلوااا ياخووافة سنة حلللوووة سنة حلووة سنةةة حلوووا
ضربه حياوي راسة.
-احمد: شبيكم بابا ترة مو عيد ميلادها
سجاد: -اي نعرف بس نووو تستاهل لان تعبت ونجحت بقرار اكو احسن من هيج
عبدالله: -لاععععع
حضني سجاد وجرني حياوي ضايج يغاار والله اعرف بية
سجاد: -ترة هي مو بس اختك يلا جيبها
سجاد يجر بية وحياوي حاضني قوي مستحيل اوصف السعادة الاني بيها بوجودهم حتى ماعرف شنو حزن شلون وليش الناس تضوج وتبجي وتنقهر.
احمد: -انجبو مو گدامي
عبدالله: -ديلا خلي نگصگص التيتة اع اع اع.
مهند: -لعد حضر روحك حبيبي لانكصك
واحد حضن الخ شلون مشهد رومانسي اوي
سجاد: -ديلا خل نحتفل مو وقتكم
اجت امي شاركتنا المة الحلوة گعدت تخوزر بالكيكة الكل منتظر تعليقاتها.
هند: -هذا منو صاحب الفكرة
سجاد: -احم احم اني
: طاح حضك غير تجيب عصير يعني ناكل بس كيك
سجاد: -نسيت يلا هنودي يحلها يلا بعد اخوك دبرها نسيت العصير
طلع مهند ورجع شايل صينية متروسة گلاصات.
مهند: -اعزائي وعزيزاتي هذا ليس ماء عادي انهو سر الحبسكة يشبة السفن بالطعم
سجاد: -فدوه الكلبك عزيزي طبعاً هذا كووولش غالي لاعبالكم
متنة ضحك تارس الكلاسات مي وجاي صاحت بينة امي: -دگعدو يلا ابو الغالي هسة جيبو سجينة خلي نوة تگصها
نو: -اي يلا عفيه جيبولي سجينة ههههه
جابو سجينة اكص بالكيكة مدا تنگص يگول سفنجة
: يمة الفهاوة يمة بس گليلي لشوكت تبقين هيج فاهية
نو: -ماماا اني مو فاهية بس هي الكيكة صلبة.
احمد: -الكيكة جنهة طابوگة صارلها سنة كاملة بالمحل حتى خربانها مبينة من شكلها
سجاد: -لحد يعيب كيكتي رجاءً سقطتو سمعتها هيج عيبببب وحررام
كطعتها امي كل واحد انطتة شوية
سجاد: -تفضلو الحبسكة
انطاني گلاص صرنا ناكل كيك ونشرب مي وياة خلصنة بقة واحد يباوع للثاني محد بينة تحمل طگينة ضحك وامي تصيح...
-فضحتونة ولكم الجيران راح يبلغون علية بتهمت ازعاج كاافي بسكمم
سجاد: -يلا اسكتو خل ننطي الهداية.
هند: -خيعونكم مو هي كله ميات ميييية بصف مية اشو بقرار ناجحة ودرجاتها انصى من درجات الحرارة
نو: اهوو ماما المهم المهم نجحتتتت مووو
عبدالله: -اي والله هسة شكو محتفلين بس هذا كلة من ورة سجاوي حتى ياخذ دور حياوي المايع
راد يحياوي يضرب عبدالله وعاطت امي بيهم
-هاااوووو شبيكم زعاطيط كل واحد شاربة شثخنة متسحون متخجلون
سجاد: معدكم حيا حضوري
هند: -انت انچب
عبدالله: -هيهيهيهي فشلتة.
مستحيل نفتقد هيج اجواء حياتنا باختصار، تحمحم سجاد وطلع من جيبة سلسال اخذتة بيدي بية اربع نجمات ثنين كبار بالنص وثنين صغار محاوطاتهن كلش عجبني ضحكتي انرسمت على وجهي.
-شكرا شكرا سجاوي
سجاد: -حلوة
-تجننننن تجننننن
سجاد: -لاتنزعينها دووم اربع نجمات اربع اخوان بكل مكان احنا وياح احممم ترة هاي ذهب لاعبالكم
نو: ليش خاسر فلوس هواي لو جايبلي عادية هم راح افرح بيها
سجاد: هو الذهب ميلوگلة غير بس الذهب.
حيل فرحت اعرف كلش زين سوو هذي الحفلة البسيطة حتى يضحكوني ويغيرولي جو مو قصة نجاح.
مهند: هسة اجة دوري احمم احمم تفضلي
انطاني قراصات ام الربع ثنين مشدودات اخذتهن اضحك.
-شكرا شكرا شكرا تجنننننننننننن
احمد: -شتجننننننن هنا قراصات بربع لو سولة تجنننننن
منهد: -كل واحد على كد فلوسة شبيكم من خابرني سجاوي مجنت ماخذ فلوس ويمي بس الاسواق عود من تنجح من السادس اجيبلها ذهبببب
سجاد: -انت الذهب حبيبي.
هند: -اروحلكم سبع فدوات اولادي الغوالي هسة اجة دور عبيد
سجاد: ياكل كلة ثريدد
عبدالله: اني ماجنت اعرف جبتلكم علج
طلع باكيت علج وزعالنة ميتين ضحك سوالفة بقى حياوي ضايج وسجاد يعير بية علساس هو احسن منه.
نو- حياوي اصلا انتي وجودك هديه لتضوج والله انت احلى هدية بالدنيا
ضمني لصدرة مبتسم. : -بالعكس متعرفين الفرحة العندي ماتنوصف تدرين اني مطمن عليج حتى لو متت عندج سند غيري
ابتعدت عنة ضايجة دموعي تغرغرت بالدموع.
-ليش هيج تكول ميصير انتو كلكم سندي ربي يحفظك النة مو بس الي
سجاد: -يموتنة كلنة ومايموت جنه جدتي نوة
نو: -يعني صدك بيبي ااااسمها نوووة
احمد: -ههههههههه اي والله اليسمعج يكول جانت بغيبوبة ماتعرف اسم حبوبتها
نو: -والله مو بالي اعرف اسمها يكفي اسمها بيبي زبن لعد ليش مدكلولي اكول بقو يضحكون عليه ماا مااا اريد اغير اسمي قديم مال عجايزز
احمد: -انچبي والله حلو مو سجاد.
سجاد: -اي والله حلو يعني هسة مو اكو حجي اسمة احمد
احمد: -وهم اكو حجي اسمة سجاد يعني عادي هي الاسماء متداولة واسمج حلو ومميز
سكتت مقتنعة بكلامهم راحو لغرفهم، رحت يم امي انام يمها بالاصل اني انام يمها بس من ورة ميمو طردتني، گعدت متحلمة بميمو مات رحت مخروعة ادور علية بنص اليل دورت بالحديقة ملگيتة رجعت صعدت بغرفتي لگيته نايم بمكاني ذبيت نفس مرتاحة. نمت حاضنتة للصبح.
سرى: -گاعدة بغرفتي صافنة بالفراغ احس عقلي فرغ من كثر مفكرت انفتح الباب بهمجية مستغربت ابد دخل باوع عليه درت وجهي من نظراتة السخيفة شمر تليفوني فوگ السرير.
عادل: -هذا صخامج ومن باچر ترجعين للدوام
فتحت عيوني مصدومة وفرحاانة بنفس الوقت طفرت من مكاني كلني حمااااس.
-صدووووك!
-لا اشااقة وياج
كلب عيونة وطلع رگع الباب وراة بقوة بقيت مصدومة اني بحلم لو هاي الحقيقة گرصت ايدي اتأكد.
-اخ ههههه اي هاي حقيقة.
لزمت الموبايل گلبي يرعش بس اريد الزمة عندي الف سؤال واستفسار كلهن كم يوم بس الصار بيهن كبرني وكبر همي.
فتحت الموبايل الصارلة اسبوع عند عادل من بعد الصار اخذ تليفوناتنة وگعدنة ثنينة عن الدوام كلشي صار اني مالي غرض بية بس صدك لو كالو الخير يخص والشر يعم نهى عمت علية بتصرفاتها الطايشة وگلبت حياتي راسأ عقب مر الصار براسي والحرگة مشوطة روحي.
-شبييكم انتتووو شبيييكم بسس فهمووني اااني شكوو لييش تريدون تزووجوني لييش
جرني من شعري بقوة امام ناظر ماما وبابا
عادل: -تتزوجين وتاكلين خر افتهمتي مو تريدن تسوون علاقات وحبچيات براس الزواج هاي اختج ماشايفة جامعه ولاعبة لعب الا انتي بنص الوولد شمصخمة
لزمت شعري احسة تگطع مابيدي شي بس دموعي تصببب صحت بالم.
-اصابعك مو كلها سوى لاتحكم علية من خلال تصررف مرراهقة عمر وياكم ماشفتو علية شي بابا احجي شي.
باوعت لبابا بقهر عسى ولعل يحجي شي بية فايدة ويفرح گلبي الملچووم اشر باصبعة لعادل وگال.
-اخوج اعرف بمصلحتج وتاليتج للرجل
حسيت كلماتة سجينة بگلبي طعنتني هو هذا السند! صعبة من تشوف روحك تنخذل گدام عينك اباوع لامي ساكتة اكيد فرحانة لان ابن اخوها سكتت اعرف نهايتي شنو مراح احصل بس الضررب اذا حجيت وعارضت.
بقت دراستي تعب سنيني وفرحة گلبي يحرموني منها بس اريد اعرف مصيري شنو؟ حجيت والغصة واضحة بصوتي
-ودراستي.
ردت علية امي بابتسامة كرهتني باصلي
-حجيت وياة کال اخليها تكمل لاتخافين ماكو احسن من هاي القسمة ابن خالج يخليج بطن عينة.
درت وجهي امشي بدون روح رحت لغرفتي اسمع بس صوت شهكات رحت ورة السرير كعدت بصفها رفعت وجهها مطعون دممم
نهى: -اسفة والله مجنت اعرف هيجي راح يصير والله ماعرف راح تتأذيين سامحيني سامحيني سرى فدوة راح اموت.
حضنتها ثنينه نبچي حضنة العاثر اكيد راح يزوجوها وحتى لو مزوجوها هسة دراسة مراح يخلونها تكمل غلطة الشاطر بالف وهذا العقاب معروف.
-مو ذنبج من حبيتي شخص ذنبنا كلنة لان هاملينج وهو احتواج وصار يسال عن احوالج ومزاجج ويهتم بادق تفاصيلج المفروض يحاسبون انفسهم اهمالهم
-والله ممسوية شي بس احجي وياه حتى مدازتلة صور
-خلص كافي الفات ماااات مااات وراح يجر رواحنة وراة.
الليل كلة منمت لازم اتصل بحياوي بس شلون نزلت لغرفة ماما فتح الباب كيييف مديت راسي نايمين شفت موبايلها الشحن جريته وضميته لصدري نبض الامل بداخلي، اتصلت بية كذا مرة ميفتح مسحت عيوني ودزيت مسج.
-حياوي راح يزوجوني لابن خالي فدوة ساعدني ماريد اتزوج الله يخليك سوي شي.
اتتظرت يقراها بس وين اكيد هسة هو نايم رجعت التليفون لمكانة ومر اليوم سم سمعت صوت حياوي وسجاد بالبيت نزلت اركض واحس عقلي انضرب من سمعت الكلام.
سجاد: -اني ابن عمها اولى بيها من ابن خالها سرى منهية
عادل: -واني ماعندي اعتراض اخذها الك مهلة شهر انتو عاقدين واجمع نفسك واتزوج
سجاد: -تكمل دراستها وبعدين نحجي بالموضوع.
صارت بيناتهم مشاحنة روحي انسحبت مني من تخلى عني شخصي المفضل بكل سهولة وگعت من طولي مغمي علية فتحت عيوني البيت هدوء احس روحي غيمت قهر بمكان ميجي يخطبني يخلي اخوة ينهي علية اووف يالقهر بجيت بجيت عيوني ورمن وكل نتيجة ماكو.
مر هالاسبوع اعصابي توسلت ببابا يخليني ارجع لجامعتي منطاني كلمة وصلت بية مرحلة وافكار بهذا الاسبوع للانتحار اعوذ بالله...
رجعت للواقع مسحت عيوني والموبايل بيدي بدون تردد اتصلت بحياوي گلبي يدك بقوووة وايدي ترجف.
احمد: -الوو
خليت ايدي حلگي امنع صوت شهكاتي العالية صوتة اشبة بعلاج لروحي شلون انحررم منة لو اعرف اخسر العالم بس مستحيل اخسررة.
-الو سراوي شبيج حاچيني.
-حياوي احبك ليش مدا تفهمني ليش تخلي سجاد ينهى علية شلون ينطيك گلبك اتزوج اخوك واني روحي معلكة بيك وين تريد توصل انت بس جاوبني روحي احترگت الففف مرة بسببك بسبب جفاك وصلت بيك مرحلة تزوحني لاخوك
-بس اسكتي خل افهمج
-شفتهمم كلشي واضح وضوح الشمس انت من الاساس مستغني عني ولا حبيتني ولا اهتميت إلى بيووم بس اني غبية روحي تعلگت بطاريك.
-سررى اسمعيني ماعندي اي حل غير هذا يعني افترضي خطبتج راح يوافقون اهلج؟ اكيد لا راح ينطونج لابن خالج ماعندي غير سجاد يدخل وينهى عليج ويسد السالفة
-وبعدين سد السالفة هسة والنتيجة
-النتيجة تكملين دراسة هسة وسجاد ابن عمج يكدر يخرب زواجچ من اي شخص يجي يخطبج الة الحق راح تضلين هيج الا ان تكملين دراسة
-وشنو النتيجة احمممد شنوو.
- تبقة بكيفج بلكي اهلج يلينون إلى ويقبلون زواجنا واذا ماصار اتزوجي سجاد احسن من ولد خالج الهمج
-مجاي استوعب
-طرقنة مسدودة مستحيل ننجمع سرى راح تعبين حبي غيري كلتها الج قبل وراح اكلها هسة اني مافيدج راح تعبين من ورة وراي
-حياوي لتگول هيج راح احبك لاخر يوم بحياتي وراح احارب الكل علمودك صدگ بس انت لتعوفني
سديت التليفون من انفتح الباب نهضت روحي ارجف متخيلت ابدد يجي بهذا الوقت لغرفتي روحي انسحبت مني.
عادل: -شلونج يحلوى
-هذا حياوي والله العظيم
ضحك يبرم بشواربة كعد سريري واني ارجف اليوم نهايتي ايدة دخيلك يارب ارحم ضعفي وقلة حيلتي.
بلعت ريگ خااايفة احس ملك الموت گدامي
-اعرف بيج تحبين حياوي لتخافين
احس نفسي بدوامة شجاي يصير معقولة هذا واقع.
-شوفي سرى اني وياج نفس الشي حبينة ناس متحبنة ولاتفكر بينة انتي حياوي واني اختة تريدين تتزوجين حياوي لازم تقنعين نو تتزوجني تك تاك وحدة بوحدة.
فتحت عيوني مرعوبة مصدومة ممستوعبة كلامة.
-شلوون!
-قنعي نو تزوجني واقنعي حياوي ينطيها إلى وذا تزوجتها ازوجج حياوي.
-شنوو
-مثل ماسمعتي اقنعي حياوي ينطيني اخته
-تريد تساوم شلون
-تؤ بس اريد نو.