رواية بين سلاسل العادات للكاتبة كفاية كاظم الفصل الأول
ليل، ضلام دامس، هدوء مخيف انتظرت لحظة لحظة حتى يجي هالوقت طلعت اتمشى واتلفتت من كل صوب خاف واحد منهم بطلعلي البيت صار صنطة كلها نامت وكفت بالطارمة اتنفس سريع ايدي على صدري.
كلبي يدك بجنون الرعب الداعيشة بابشع احلامي ماحاسة بية اريد اطلع منهم اريد اختفى واتبخر بدون تفكير بشي ثاني رحت للباب الرئيسي فتحتة وبدون لا التفتت وراي طلعت اركض بكل حيلي ماعرف وين بس اريد ارجع لبيتنة اريد اهلي وينهم عني عافوني وحدي بيد ناس ماعرف عنهم شي يكرهوني مايردوني ما اتقبلهم ولايتقبلوني.
الدنيا هندس ليل صوت حيوانات وكلاب تنبح كلما اتقدم يزيد صوتهن خفت واتراجعت بس ماكدرت اتقبل الواقع واعيش يمهم كملت امشي بسررعة واتلفت المكان فارغ لابية بيوت ولا محلات ارض واسعة كلها زرع ماعرف منين اطلع من كاعهم ولا اندل الطريق امشي والخوف اكلني اكل بقيت ارادد...
-امن يجيب المضطر اذا دعاة ويكشف السوء
عيوني تتوسع بخوف كلشي موجود يخوف صوت الهوى القوي يضرب الشجر ويطلع صوت قوووي.
دموعي نزلت من الخوف وكفت بمكاني جامد الدم بجسمي نباح كلب وراي جاي باتجاهي والله ياكلني ويملخني مثلهم، صرخت بخوف و ركضت بكل حيلي گلبي احسة يريد يطلع من مكانة دخيلك ربي دخيلك خلصني منهم بس الضاهر ما اخلص حسو على طلعتي دقايق ماكو دقايق حتى بعدني من طالعة من كاعهم سمعت اصواتهم العالية تدوي باسمي گلبي وكف خوف اذا لزموني هالمرة يقتلوني بدم بارد.
اركض بكل بحيلي اريد افلت بريشاتي ماريد شي بس يعتقوني واتحرر منهم ومن عاداتهم وضلمهم گلبي احسة يرعد رعد من الخوف اخاف منهم يمة اخاف انفاسي انكطعت ماكدرت اكمل وگفت اتنفس بقوة ورجلية تختض جسمي كلة يرجف سمعت صوتة يرعد باسمي جحظت عيوني وصرت ااااركض ودموعي تنزل بحررگة.
وگعت وجهي احس روحي انسحبت مني دخل شوك بية شغت من الوجع صرخت بالكتمان وندبت حضي الاغبر الطلعت بية وخليتهم يشوفوني بذاك اليوم ريتني ما طلعت من بيتنا ريتني، ردت انهض وسمعت صوتة عالي يسب ويلعن يتنفس بقوة صاير وراي مباشرة بجيت بحرگة خلص بعد ماكو مهرب منهم اني ميتة ميتة اخذ نفس وبصوت فحطان كال.
-خلص لاتحااولين ااانتهى دور المحاولات
ضربت ايدي بالگاع من وجع روحي صرخت بحرگة ودموعي تنزل وجهي.
-للليششش الاااا اننننني ينعللل اب.
مخلاني اكمل كلامي سحبني بقوة رفعني يسحل بية سحل مثل العابة بيدة يمشيني وبس توگف رجلي يرفعني من ملابسي جاي احس بروحي تنهار انگطع نفسي وحرارة اعتلت بجسمي اصواتهم صارت قريبة علينة غشاوة صارت عيوني من صاح بوجهي.
-ووولج ييييييييش
-خلص سكت الحجي ما يفيد بعد.
مكدرت اميز صوت الشخص اليحجي بعدني ماعرفهم زين انسحبت من ايدة وانشمرت بالگا على وجهي طلعت روحي ورجعت من الالم صارت هوسة كلها تصيح يردون يملخوني حسيت شي حاد يضغط راسي بقوة من سمعت صوت سحب عرفتة هذا سلاح...
ضحكت بصوت عالي ودموعي تنزل بالگاع حجيت بصوت مبحوح.
-اقتلوني ماريد شي بس اضغط الزناد وخلصوني.
ضلام محاوط المكان ماشفت وجوهم بس عرفتهم غمضت عيوني ودعيت من كل كلبي يسوونها كل هذا العذاب واني بعدني بالبداية ما اريد نهاية وياهم.
اجاني صوتة الحاد اليرعبني.
-ااانتي مسؤلة عن الراح يصير عفناج بحالج وماسوينالج شي سترنا عليج وكلنة نبدي صفحة جديدة ويجوز انتي بريئة وكلشي جذب بس هسة تاكدنة لو مابيج شي ماشردتي. انتظري الراح يصير.
نرجع للبدايات السعيدة
في احد مناطق بغداد الساعة 12: 00
صباحاًً.
امشي اطراف اصابعي و ادعي متلزمني امي اذا تلزمني تگطع النعال راسي طلعت من الصالة ادور ميمو عسى ولعل الگاه وگفت بالباب الجو يگصگص من البرد لفلفت الكوت علية وبقيت ادور علية بعيوني همست بصوت ناصي.
-تعال ميمو يلة تعال راح اجمد من البرد ليش تتأخر اووف
اجت ميت فكرة سلبية براسي ضربت رجلي بالگاع راصة اسناني بقوة.
-ماات ماات راح ماات كلة من وراي عايفتة بهل برد اخ شبيدي عليك اخاف تموت شبيك تعال
وگفت بالساحة عيوني دمعن من البرد انقبض گلبي من تذكرت عادل (ابن عمي) يمنة درت وجهي الباب، يربي هسة يطلع الحظ يسويها اي يسويها وتصير سالفة نفضت الافكار من راسي وتقدمت للحديقة بقيت اتلفت واصيح بصوت ناصي.
-ميمو اجيت وينك ميمو گلبي اح يوگف اويلييي عليك ميمو غير تطلع اجيتك اطللع عااد.
شهكت بخوف من اللتف رجلية يتدفأ ضحكت وشلتة من الگا الباردة ضميتة بحضني قافلة ادية علية ادفية من البرد مررت خشمي فروتة ورجعت ادخل جوة مابية راح اطفي الوقت ولش تأخر.
دخلت للصالة اريد ارجع لغرفتي، انسحبت من ايدي للمطبخ شهگت مرعووبة خليت ايدي صدري ميتة خوف ذبيت نفس عالي و ارتجيت الكاونتر انظم انفاسي.
-اوففف ساوي خوفتيني شبيج
سرى: -هههه شبيج هيج خفتي معبالي هيج حتخافين.
-شللون ماخاف وانتي ساحبتني عبالي عادل الحقير يمة گلبي
غمضت عيونها بقلة حيلة منزعجة من كلامي رفعت حاجبها وكتفت اديها.
سرى: - فكرة عادل طالع مبقى هنا
-احح همزين راح گلعة الگلعتة يقيدني اذا بقى يمة ارتحاحيتت هففف
-احوووى هي بقى يمكم مرة مدري مرتين بس انتي تدورين حجج حتى تحجين عليه على الاقل احترمية گدامي كوني اختة
-رجاءً اسكتي مداگدر اطيقة والله تصرفاتة متناقضة تماماً ابد مو صاحي اخوج.
سكتنا ثنينة، اباو ليديناتي ترررجف بعدني بنص الصدمة وميمو ساكت بحضني طلعتة من الكوت ولعبت بشعرة اتمايزة، القيت نضرة سرى متوترة، ضايجة هيج يبنلي طلعت مي شربت وصارت مقابيلي الدمعة بطرف عينها.
-شبيج حبيبتي سراوي!
-مابية شي نو ءءانتي وتالي وياج وي هلبزازين مو امج متقبل تلعبين وياهن ينقلن الامراض وخصوصا هنا عايشات بالشورا.
حاولت تغيير الموضوع وتتلافة سؤالي بس واضحة اكو فد موضوع ببالها تريد تحجي بية وياي بس مترددة، ابتسمت وتجاهلت موضوعها لدقائق.
نو: -لا تحجين ميمو ترة والله نضيف وحباب واذا امي اوفف متدري اجيت اتختل منها چني حرامي خاف تكمشني هههه
جعصت ميمو جعص خطيه خانس ماله صوت من البرد عوجت حلگي افكر واخمن التفكر بية سرى هزيت راسي وعضيت شفتي مبتسمة حجيت بحماس.
-سراوي تحبين اخوي؟
رفعت راسها متفاجئه من كلامي جحضت عيونها وهزت راسها نافية الكلام ابتسمت بحزن ورفعت حاجب.
سرى: -يا اخو منهم ماحددتي هما خير من الله
-منين خيررر اليسمعج يگول عدها عشر اخوة ترة هما اربعة
هزيتلها بحواجبي بقت تتلافة نظراتي تخاف اكشفها بس وين هي مكشوووفة من الاخير.
-اممم حياوي منو غيره تحبينة اكيد مو مووو مو مووو كولي ادري تحبينه.
خلت اديها وجهها وانفجرت بالبچي رحتلها امسد ضهرها انقهرت عليها حيللل شهگاتها عالية تحاول تكتمهن تحمحمت وحجيت مقهورة مردت اوصلها لهاي الحالة.
-هسسة شنو تبچين بس فهميني؟
مسحت وجهها الصاير احمرررر وحجت بصوت مبحوح تكسر الخاطر.
-احبة والله يا نو ميتة بية بس هو مدري شلونة مايحس احساس ماكو الله اكبر راسة الدنيا كلها درت احبة وهو ابددد
رتبت ضهرها وهزيت راسي وگلت باصرار.
-عوفية علية ضلعة اجيبة للدرب واخلية يركض وراج
-اي كلشش لج هذا حياااوي مو سجاد
-تعلميني بية اخوي خابزتة وعاجنتة مايحب يبين لاحد مشاعرة
-وليش عيني؟
-يخاف من الاستغلال ههههه
-ههههههههه اي ادري راح اغتصبة
-لاتصيرين فاسقة روحي نامي وخلي الشغلة علية
-اي واضح استفاد منج نوة ام البزازين
-انچبي ولي مني مو انطيتج عين ضليتي تحجين عليه فاااسقة ايععع شكد اكرة اخوج تدرين.
-اي ادري ادري اوووف منج وين صاحتلج واحد يحبج مثلة
شمرت ضفيرتي ورة ضهري وحجيت بدلال وغنج.
-اي بس اني علية المرضى النفسيين يحبوني
رادت تضربني بالشبشب عفتها وطلعت اررركض لغرفتي ذبيت ميمو الجرباية ورحت انام راح اطفي بعدين افكر بسالفة هاي العوبة سرى.
بين الصاحية والغافية سمعتها دخلت لغرفتي گعدت تقرا خربت نومتي وحجيت.
-والله عندج واهس للدراسة قابل مثلي بويااا والله واهس
شمرت علية الكتاب وصاحت بية.
-لج نو لتطيررريني والقران اموتج لتحطين عينج علية اقري وصيري مثلي
-ماحبها شسوي مو مثلج تحبينها وذابة واهسج بيها ترة اني ماحسد والله العظيم بس هيج گلت ربي يوفقج عيني باردة
تنهدت وحجت بصوت ناصي مليان قهرر
-اي ذابة واهسي بيها لان ماعندي السند العندج ماعندي سند بالحياة اريد شهادة تسندني وتحارب وياي بهذا الزمن الاغبر
سكتت افكر بجملتها فسرتها اكثر من سؤال حجيت متسالة وباقية نومتي وجهي بالمخدة.
-ليش ماعندج سند ترة انتي هم عندج اخو صح ماحبة بس يبقى اخوج وسند الج
-ربي يحفظلج اخوتج مجان قصدي اخلي عيني عليج
-لا موهيج قصدت والله داگول ليش ماعندج سند لعد اخوج وين راح.
رجعت تكمل دراستها متجاهلة الاجابة على سؤالي غفيت افكار عشوائية مخربطة
فزيت صياح امي عبالي مدري منو مات كعدت مخروعة.
-هاا ماما منو المااات؟
-صخااام بوجهج اااني چمم مررة گايلتلج لاتطببين البزازين للبيت بسسس گوولي شلون بيج انتي.
لفلفت راسي بالبطانية زين وصحت واني جواها.
-عبالي صار شي شبيج يا ماما هو گطو زغيرون لطيف ضريف اتعرفي عليه راح تحبينة والله شمدخلة ثوررر قابل
سحلت البطانيه مني غمضت عيوني بقوة بلكت متطير مني النعسة.
-كووومي لج طابووگة التطيح راسج يلا كوومي
-گايمة گايمة
كمت بتذمر رحت بدلت ونزلت جوة اكيد ميمو شارد من ورة امي يعرف سوالفها خطيه كل يومية تطيحلة بالنعل وتشردة واني اتسودن عليه.
امي عدها فوبيا من القطط لذالك تمنعني منهن...
نزلت جوة لگيت بس سجاد گاعد يلعب بموبايلة دحست روحي بحضنة حتى اشوف وياة.
-ها ولك بمنو تراسل بس لاعندك حبيبة
-منين وجهج فكر عندي حبيبة فكررر صحراء مبيها نباتات ماعندي لامعجبة ولاحبيبة حالي حالج يخيتي
-هههههه شبيدي عليك اخوية اشتريلك خرزة حتى البنات تركض وراك ركضضض اركض عبود الضاري بوياااي هههه.
ضربني راسي بالشقة وبقينة واحد يضرب الثاني واني بحضنة، انجريت منة بقوة بلعت ريگ من شفتها امي عاگدة حاجبها ومعصبة بشكل، لحضة وحده وانفجرت بوجهي.
-ااااني جمم مررة گتلللج انننتبهي تصررفاتج الطااايشة مو گتلج لاتكعدين وين خوانج هيييج گلت لوووو مگلتتت.؟ حاضنتتتتة شكوووو
دمعت عيوني ماتحملت نبرة صوتها وهي تنتر بية غطيت وجههي و بچيت مستهضمة من اسلوبها وياي حضني سجاد ومسح شعري
رجعت عاطت بية.
-: شصخمتتت شحجيتتت موو گلتتت عوفووو المحاضنننن
-يممة اانتي شبيييج وياهاا اختتتي هاااي مسستحيل اباوعللها بغيرر نضررة لليشش تزرعين افكاار موحلووة بيناتنه ليييش
هند: -ااانتة اسسكت اااني اعلللم بيهاا لاتددخل ثاااني مررة خلوو بينكم حدود تفتهمون كلامي ترة احجي عربي مو هندي
-يمة رحمه لاهلج هذا مو تعلووم، نو اختنااا وبهاي تصرفاااتج راااح دمررين شخصيتهااا تخلينها ضعيفة شبيييج ويااها.
-اوووف منكممم اوووف استغفرالله ررربي
نجيبهم منا يرحون منا اوووف
رحت اركض لغرفتي ودموعي تنزل ليش دائما تفشلني بين خواني وتحسسني اني نيتي وصخة! ليش متقبل احضنهم لو العب وياهم كل متشوفني قريبة عنهم تسوي فد مشكلة.!
بعد عدة دقايق اندگ باب غرفتي رفعت راسي شفتها سرى دخلت وردت الباب اجت گعدت مقابيلي رتبت شعري.
-سرى: حببيبتي لتزعلين ترة عادي يمكن ماتريدج تاخذين اسلوب الولد امج ادرى بمصلحتج.
-يا مصلحة هاي گولي تنغار اي
-ياااء شتحجين امج تغاار منج!
-اي تغارر لان اخواانها مايحبونهاا ويسألوون عنهااا ومن تشوف اخوتي يحبوني هيج تضوج
-ترة اخوها حمزة دائما يجيكم لاتنكرين هففف شلوون افكاار خايسة ناس ملتهية بالعيشة شلون يگابلونها ويگعدون ترة هما محافضات مو ورة البيت.
حركت جتفي بحركة ماعرف وبنفس اللحظة انقتح الباب، دخل حياوي من شاف سرى بقة واگف بالباب، فوراً طفرت من مكانها اجة يمي گعد بمكانها درت وجهي زعلانة اخذ اديناتي باسهن ودار وجههي علية سحبني لصدرة حاضني.
احمد: -ليش زعلتي نوايتي اني شكم مرة معلمج لاتنزلين دموعج مايصير اقل شي وبچيتي اروحلج فدوه اريدج قوية ماتبچين شي تافة ترة متسوة اسمعي كلام امي تحجي لمصلحتج ترى
-حياااوي تشووف هالشي تافة بنضرك!
يعني امي ترزلني لان اكعد يمكم لو اشاقيكم وتشوفة تصرف عادي وما لازم ابچي!
-تؤ تؤ مو هيج نوة امي اكيد تحجي لمصلحتج متريدج تتعلمين اسلوب الولد وتصير عندج عادي تحاجين الولد لان متعلمة علينة.
-اي بس اني يمتها شفتوني احجي وي احد غيركم شكوو بعد
-ماكو شي سلامتج نبضي
سكتت مكممة حلگي من سمعت هالكلمة امتصت عصبيتي.
-هههه اعشق هاي الكلمه
-نبضي ورحي ودنيتي نوايتي الحلوة اللطيفة
لاتزعلين وتبجين بسرعة.
حضنتة قوي اضحك.
-حيااااوي الوردة احلى وليد بالمنطفة ههههه
-خوش مدح هذا بس لا تچذبين بعد
سرى: -اي والله صح هي ممچذبة ههه
اختفت ابتسامة سرى من دار وجهها علية خطيه ضليت تلعب باصابعها اكيد جفصت
نو: -اي والله صح حتى انتي سرى احلى بنية بالمنطقة من بعدي طبعاً لاعبالج ههه
ابتسمت بحياء وطلعت من الغرفة وحياوي طلع وراها نسيت الزعل بسرعة هذا طبعي بسرعه ازعل وبسرعة انسى بقيت بمكاني مطلعت شوية واجتني امي.
: -هاا ست ماتنزلين تتريگين لو ينرادلچ عزيمة
-مااا اريدد اكلل يلة
-وجعاا من الله
لفيت روحي مطنگرة اكيد راح تراضييني اعرف امي كلش زين بسرعة تراضيني مينطيها گلبها ابقى زعلانة اجت كشفت راسي وطلعت ضفيرتي غمضت عيوني، مسحت خدي وتنهدت.
: - امي لاتزعلين مني ميصير تگعدين بحضن اخوانج ولا تتقربيلهم لهلدرجة خلي بينكم حدود دائما.
نهضت روحي وحجيت بحرگة دائما اسكت واحس غصة بگلبي انقهر كلش من تمنعني منهم وخاصة ماعندي اخوات بس همة.
-ليششش ليشش انتي گلتي اخوانج بعد شكو!
-اووووف اووووف منج يبقون هما ولد وانتي بنية احجي وياهم عادي بس لاتضربين وياهم ميانة هيج خل بينكم حدود اكعدو سوة بس خل مسسافة
-احبهممم والله احبهمم غيررر اخووتي انسى روحي بيناتهم
صفنت بوجهي وابتسمت
-دروحي اسبحي وخل امشط شعرج بساع يلة
-مااا.
-اووف نو گومي امي حبيبتي يلة گداامي
غطيت راسي زعلانة واحس سچينة بگلبي نابتة من تگول هما ولد بقت تداعبني ودغدغ بية حتى اضحك.
-ههههه كافي هنووودة كااافي هههههههههه
-يلة گومي اسبحي
-باااردة ماريد اسبح اولت البارحه سبحت شنو كل يومية ماا والله باردة ماسبح
-وانتي راح تطلعين برة ان شاءلله اشو البيت داافي يلا بنيتي لاشعرج يگمل گومي عااد.
طفرت من فراشي للحمام بس لا يصير بية گمل حتى شعري گام يحگني سبحت بسرعة ردت ابدل واتذكرت نسيت ملابسي كالعادة دگيت الباب اعيط.
-مااماا وياااج ملابس
اجت انطتني ملابس لبست و طلعت لگيتها ترتب بغراضي كعدت واجت نشفت شعري زين وخلت سيروم بسبب عناية امي لشعري صار يوصل لركبي هي تخليلي زيوت وحنة وتمشطة إلى بمشط خشب كلش معتنية بية.
-نوف: بس لو اعرف ليش مهتمة بشعري هيج.
: -جمال البنية بشعرها لج ماما شعرج يجذب الانظار اهتمي بية دوم حيل مميز ومنطيج جاذبية
-شلون يعني ماما؟
-مميز يلفت الانظار عليج وزايدج جماااال فوگ جمالج
-بس ينرادلة عناية واهتمام وتعال اغسل ومشط وصخم وضفر يتعب اووف ماحبة
-علساس اليسمعج صدگ تمشطينة ومعتنية بية اشو كلشي ماكو يضل بچبانة الا اني امشطة يايوم مشطتية
-هم صح بس ماحبة ماگدر امشطة ايدي تضل توجعني الا انتي تمشطينة.
تفأفات ضايجة اتمنى اكص شعري ولادي متاكدة كلش يلوگلي حتى اگدر امشطة براحتي.
-راح اضل امشطة الا ان يجي سعيد اللحظ يمشطة الج بدالي
-هههههه وين اكو رجال يمشط شعر مرتة ماما انتي بيج شي؟
-انچبي اكو اكو وخاصة المثل شعرج حلو وجذاب يدوخ بية
- ما احبة
-لازم تحبية لاتصيرين غبية غيرج يتمننة
-امم
ضفرتة إلى ونزلت رحت المراية خليت توريد شوية لشفتي ونزلت جوة هزلي سجاد بحواجبة وبوز شفتة ليكدام.
-هههههه شبيك سجاوي تخبلت.
-ليش اني صاحي
احمد: ابد والله وين صاحي عقلك عقل مطي
عبدالله: -واني اشهد
نو: -هيووو كافي امي عيب عليكم تتعاركون منووو عقلة عقللل مطيي ماتستحووون ترة اخوكم الجبير هذا استحو
درت وجهي اغمز لسجاد واعضلة شفة
-ها سجاد
سجاد: كفوو منج نوانة ابوس شخصيتج القوية
-نووو بدون بوس وانتو يلة اعتذرو من اخوكم الجبيررر بسررعة
عبدالله: -اي والله حتى اني اگول خل يعتذرون
سجاوي اختنا الجبيرة احووو.
سجاد: -ديلا منتظرر اعتذارر من ذاااك الزلمة المايع دائما يتجاوز علية واني اسكتلة اكول خطية لايبجي
گلب حياوي عيونة وشمر الدفتر علية گام متعصب منه
احمد: للك هذا منوو المااايع
سجاد: البعبة صخل يمعمع اني مدخلني انت اخذتها روحك ترة اني مجنت اقصدك
هد حياوي سجاد دخلت بينهم يبوو لازم يتعاركون بكل وقت وهذا حياوي يتخبل من واحد يگلة مايع لان ابيض واحد بيهم يصيحولة مايع.
-ديلا ولووو وحدة بوحدة خلص محد يعتذر من الثاني بس لاتتعاركون
نزل مهند هرج الهول هرج بصوتة العالي
-منووووو مااااخذذذ حزااامي البييييجي ياااحيوووان بيكممم خللل يرررجعة بسررعة احسسن مااسوويلي عركة شكبررهاا
سجاد: -تعرفني بعد اخوك ما البس احزمة تعرف منو شباب ستايل مو ميحتاج ادليك
مهند: -حياااوي طلع الحزاام لا امووتك يلااا رااح اتاااخر
احمد: -ماعندي وروح بابا
مهند: -لعددد طاااار خووو مااا طااار.
طفر عبدالله من مكانه يركض يريد يطلع وسجاد سحلة، رفع قميصة ونزعة الحزام وانطاه لمهند بعد شيسكت عبيد.
عبدالله: -اااريدد حزززااام يلللااا هسه جيبووولي حزااام لااا احرررگ البيت ررروسكممم مستحگررينييي امدداااني اذا اضل وياااكم عاارات
ضل يبچي ويعيط كلها تضحك عليه بالسكتة اجت امي خازرتنة.
-شبيكم وي عبودي؟
نو: لبس حزام هنودي واخذاه منه.
احمد: ؛ حبيبي تاج راسي روح لغرفتي شتريد اخذ ولا يهمك بس اسكت فضحتنة جنك زعطوط شبيك رحمه لجدك لميت علينة المنطقة
حضنتة امي تجرجر بوجهة تبوس بيه وتمدح اقرب واحد لامي تحبه اكثر واحد بيهم.
: -اروح فدوة لوليدي العاقلل مو نفسك ابو صماخ(سجاد) ولا يگوول اخووي الصغيرر تفف عليك عقلك مزنجر
سجاد: -هذا كلة لخاطر حبيب الگلب بس لايزعل اوووي اووي هنودة
هند: -وجعوي يلاا روح لشغلك تأخرت.
-رايح انتي تعرفيني بس بالشغل والفلوس رئيس المالية اني مححح
-دمشي سويت عندي جالي من الصبح، وانت حياوي اشو اليوم گاعد شنو ماعندك دوام
احمد: -لا يوم عندي هسه امشي بس منتظر سرى اخذها وياي
هند: زين لعد ودير بالك عليها امي
طلع سجاد لشغلة سجاد خريج معهد تحليلات ماصارلة خمس اشهر من تعين بمستشفى و.
حياوي طالب هندسة مرحلة ثانية ومهند طالب كيمياء مرحلة اولى وعبداللة خامس ادبي كسولي واني رابع واكسل منة بس انجح بالاخير شلون محد يعرف ومن الدور الاول.
نزلت سراوي كاشخة اخر حباية لابسة كوت طويل وربطة لافتها بطريقة عصرية ومخلية مكياج خفيف والعطرر بوية العطرر كلنة شميناة مو بنية طرگاعة.
سرى: -كملت اني يلة نطلع.
سرى: -طلعنة سوى فتحلي باب السياره مثل كل مرة صعدت وطبگ الباب وراي هلولد جامع كل الصفات الحلوة بية ادب واخلاق وجمال شغل السياره وطول الطريق ساكتين لو تبقة علية ابد ميحجي بادرت وحجيت.
-اكول حياوي
-كولي
-شنو رأيك ب. رنأ
-هاي الويانة بالقسم مو
-اي هي
-وشمعرفني بيها
-يعني متعرفها
-تؤ
-هااا زين بس حبيت اخذ رأيك بيها عبالي تعرفها
-للأسف ماحب اتعرف هيج نماذج
-شقصدك هي مو زينة!
-اني گلت مو زينة لو كلت ماحب اتعرف.
-ها عبالي
تنفست براحة يعني ماحاط عينة عليها بس هي السززز بس تشوفة تسيح وتسوي حركات واغرائات حقيررة عايفة الناس كلها راجعة حياوي ابتسمت فرحاانة شوية وصلنة للجامعة
تمشينة لقسمنة سوى درت وجهي اتمايزة لابس كوت طويل اسود وبنطرون اسود وشعرة الاسود الناعم نازل وجهة عاكس بياض بشرتة البيضة جداً، العيون تتطافر علية تعداني بخطوات رزنة وادية خالهن بجيوبة صفنت علية من يمشي قاطعت صفنتي زينب صديقتي الوحيدة.
زينب: -صباح الخير وين صافن الحلوو
-صباحو مصافنة
-اي واضح
اخذتها من ايدها ورحنة نگعد المسطبات صايرة بالضبط مقابيلة وزينب مقابيلي.
: -اگول عمري شفتي رنا البارحة
-سرى: -البارحة ماداومت االخط عطلان واليوم اجيت وي احمد، اي شبيها؟
-امممم مابيها بس.
-بس شنو؟
-عزمت احمد غدة مرتب
-ليشش تعزمة شكو خيررر!
- كيفج بس لان شرحلها الامتحان مو هي مأجلة يبعدي.
-اي وشكو بس حياوي موجود ماتروح لصفاء تشرحلها لو لمهيمن مو هما سچاچة القسم
-ماعرف بعد بس تگول شررحة يجننن خمفشااارري ههههه
-هه هه هه عابتلها الفاسقة خمفشاري
- ديلا امشي ورانة محاضرة لو تريدين تدگين وتلطمين
-اكيد لا هففف يلا امشي
اخذنة محاضرة والثانية والثالثة واني دمي فايررر اشوف بعيني هاي الحيلة الصفرة تفتر حياوي حتى بالمحاضرات الا تگعد بصفة طلعت عيوني صايرة بگصتي.
: - كيفج امي لتضوجين نفسج لخاطر ولد.
-ماضايجة ابدد
-هههههه واضح ابدد ماضايجة هو انتي حتى اكل مأكلتي
-هففف ما اشتهي نفسيتي زبااالة
- طاري الزبالة شفتي دكتور امجد شلون يباوعلج
-يععع ناقصني الدكاترة بكبر جدي راح اتقيأ
-هههههه اي بس حلو ومرتب نفسه
-لعباان نفس سديتيهاا لنفسي عوفيني امي
-عايفتج يابة
اتصلت بحياوي يجي ياخذني شوية واجت رنا تتمختر وتگلب بشعرها القصير.
-هاااي گايززز
درت وجهي العب بموبايلي.
رنا: -اکول سراوي حبيبتي بما انج راح تروحين وي حمودي انطية هاي گليلة من رنا مو تغلسين هههههههههه
صعد الدم الراسي من ضحكت بعجرفة بعد صار بيها هداية بعد شيخلصها
-وليش مو انتي تنطينها الة! ااني شكو
-مو خاف ميقبل ياخذها مني هنا والا انطيتها اله يلا سيووو
خلت العلبة بيدي ومشت ورة دقايق واجة حياوي مشيت سريع بدون ما احجي وياه.
-يابة كيفج شادة محرك بطة اوكفي نمشي سوى
-مااا ارريد نمشي سووى
-شبيببج!
-مابية لاتخاااف.
عفتة وراي وامشي سريع صعدت بسيارتة وطبگت الباب بقوة
احمد: كيفج وي الباب راح ينكسر
-اخسررره عوود
صعد بمكانة وبقة ساكت صرت، انافخ گلبي ورم درت وجهي علية يباوعلي من التقت عيونة دار وجهها طگت روحي طلعت العلبة بديني الترجف سحبت ايدة وخليتها
تفاجأ من تصرفي عگد حاجبة حسيت على روحي.
-شنو هاي؟
-هدية من حبيبة الگلب والروح والرية
-حبيبة! منو شبيج انتي
-مااا بيية شي بس هااي رناا انطتنياهاا انطيهاا الك وصللت الامانة.
-شنو المناسبة؟
-واااني شمعررفني غير حبيبهاا وتنطيك هداية
-استغفر الله يمتها صرت حبيبها
-يعني هسه انته مو حبيبها؟
-تؤ
سكتت شوية خزرتة ساكت ورجعت افتح الموضوع من جديد.
-اااي واااضح مااعنددك شي ويااها
-وانتي شبيج تصيحين بوجهي
-ماا مصيحة بس صررت عصبية لان مجاوبت بالامتحان وبسسس
-ليش الاسئله سهلة اليوم
-حضي غيرر قابل نفسك سچاچة
-اقري وصيري نفسي يلة ميخالف شدي حيلج بالامتحان الجاي.
سحبت العطر رشيت منه اعصابي بردت شوية
-باجر عدنة امتحان واني ولا طگة بية
-من ارجع اشرحلج زين
-زين
شغل السياره وفرحة بداخلي جبيررة من عرفت ماعندة مشاعر تجاهها، بس هي لازگتلة حقيررة.
الطريق كله اسرق منه نضرات عجيب شكد شايلة مشاعر تجاهة من جنت بالاعدادية عيني علية وحتى قدمت وياة نفس القسم حتى تقوة علاقتنة بس هو اووف منه مامريح گلبي بكلمة وحده يحجي وياي برسمية.
وصلنة لبيتهم ولاگتني نو صديقتي ومحط اسراري صح مو بعمري بس كلش مقربة مني تفهمني بدون ما احجي اجت حضنتني وصارت تگرص بخدودي.
-هههه لج شبيج
-تفااح هذا لج شنووو هااي سرراوي تخبلين شگدد شاايلة جمالل اووف لو اني ولد
-يااا شبيج
غمزتلي عرفت قصدها تسمع حياوي اجة عليهة ضربها راسها وعاطت بية.
-حياااوي شبيج وياي ترة زعلت يلة فررني
ترى بعد ماحجي وياك
-مو هسة تعبان
-گول وعد تفرني من ترتاح
-وعد
-واذا مافريتني وجذبت علية.
-سوي بية دگة من دكاتج الناقصة اضفري شعري واصبغية طبقي سوالفج الاجرامية علية
نو لاعبة بيهم لعب بحيث محد يسلم منها
تگص وتضفر وتصبغ طبعاً مو من وحدها تسوي هاي المصايب عبيد الملعون يدفعها وتوكع بيها هي.
نو: -تشمين ريحة الاكل
-أي والله تخبل مممم
-هاي اني طبخت
-ها
-اي لعد شعبالج اني ام بيتتت.
طلعت امها من المطبخ خازرتةكممت حلكي اضحك، نو تطبخ! لو اشوفها بعيني ماصدك صعدت بدلت ونزلت لگيت الغدة منصوب الكل مجتمع على السفرة شكد يسون واهس الاكل بسوالفهم.
عبدالله: ولكم ما دريتو
الكل: -شدرينة
-احمم اليوم اعترفتلي بنية هي تحبني عرضت علية الزواج واني وافقت
نو: الففف الصلاةة والسلاااام عليك ياااحبيببب الله مح.
بعدها مامكملة وعمتي گرصتها من ايدهة
-اخ يمة شبيج.
هند: يگول صدك متزوج بطلي لگافة اضل اعلم اني لوين الثگل الثگل
عبدالله: -دخليها تكمل غير راح اتزوج ترة البنية ماتجذب حلفت بستر اخوانها تتزوجني ماتضحك علية
احمد: -خوش لعد لازم اسأل سمعت اخوانها بالمنطقة الناس شدكول عنهم ونرجعلها خبر
منهد: -اي ترة كلها من هسة عندي اخت موعبالج ماعندي اخوات وتستغليني
نو: اي گلها علية عندي اخت فد وحدة مشكلجية ولسانها شطولة وصاحبة طلايب.
عبدالله: -احوووي باتمان مو نو تسحل سحل وماتبچي ابد وفد قوووية وابد مو فاهية ولاجنها منعسة وتريد تنام
طبعاً لازم يتنمرون عليها ويگللولها الفاهية المنعسة ماترهم اذا مايعصبونها.
نو: -شقصدددك
عبدالله: -ماقصدي شي شبيج
نو: -لا قصددك شيي انني اعررف تعييبب علية مااماا شفتية شلون يعيب علية يگول عني فاهية ومنعسة
هند: -لا ميقدج انتي شبيج قابل انتي صدك شكلج منعسة وفاهية ابد مايقصدج.
سجاد: -احمم نو ترة امي هم تضحك عليج
نو: -مااماا عود صدك شبيج تضحكين
هند: -شبيج موعليج بس اضحك سجاد اتخيل شكلة متزوج وعندة مرة وجهال
سجاد: -ها يوم سالمين شو گلبتي علية
مهند: -تخيلت سجاد متزوج وعندة طفل اذا بچة يضل يبچي وياة وعلى ههههههه
بقوا الولد يحششون علية متنة ضحك وبزعوة
سجاد: -شلون راح اكوملكم اطيح صبغ صبغكم
هند: - اكلو وسكتو ترة راح اشيل السفرة.
احمد: شيليها يوم ترة ذولة مايحترمون النعمة راح يطيرونها علينة بهاي مسلتتهم
هند: -اروحلك فدوه بس انت بيهم عاقل ربع ساعه اذا ماخلصو تضل عليهم هم يشيلونها ويغسلون المواعين
سجاد: الحيال حلتها علينة لابارك الله بيك
احمد: -خل يفيدك الحجي اني شبعت والمواعين تبقى اخر واحد گاعد
مهند: -اني هم راح اشبع مو كل مرة توگع براسي.
الكل ياكل بسرعة يخافون توگع براسهم المواعين، صعد حياوي لغرفتة طفرت وراة غسلت ورحت لغرفتة ماحصل مثل هاي الفرصة ابد خل احجيله عن مشاعري قبل لايطير من ايدي وشيصير خل يصير.
دگيت الباب وفتحتة بدون مايجاوبني مديت راسي، واگف يبدل بدون قميص ردت اطلع ودار وجهها متت بدمي طبگت الباب فشلانة هسه عبالة اباوعلة يبووو حضي المصخم يبوو.
بقيت برا حتى سخنت صدك اني حماارة غير يگول تفضل يلة ادخل. ورة شوية صاحلي.
دخلت اباوع وين اكعد اشرلي بيدة الكرويتة كعدت بدون كلام.
احمد: اشو مجايبة المحاضرات
سرى: والله ممستنسخة اقرا pdf
-مو زين تقرين بالتليفون يأذي عيونج وميخليج تركزين مثل الورق يجيج اشعار تنسين ابو الموضوع فلازم تستنسخين وهي متكلف هواي
-إن شاءلله بالجايات.
گام جاب اوراق واقلام وملازم خلاهن بينة وبدا يشرح طول ماهو يشرح اني صافنة بية شعرة مخربط اتمنى اعدلة اتمنى يجي يوم واصير الة بالحلال رفع عينة بعيني دنگت اقرا باصابيعي.
-شبيج صافنة ركزي وياي مو تريدين تصيرين سچاچة لعد بس حاسدة الناس
متت خجل يبوو هسه شحجي مرض بگلبي انشاءالله
: ها اي هو مركزة بس هيج شويه صفنت
-خير انشاء الله صدك اليوم شبيج
-ها لا مابية شي
-اممم تؤ بيج شي احجي عادي.
-حياوي اكولك شي بس لاتفهمني بغير نضرة اني لو ماعرف اخلاقك مستحيل اگولك
-گولي سرى اذا صايرة مشكلة احلها الج لاتهتمين
-شوف هي مو مشكلة تعرف او يمكن متعرف حياوي اني اغار عليك من هاي رنا
رفع حاجبة مستغرب شوية ويغمى عليه شسويت بروحي بس لازم احجي حتى لااتندم بعدين وهو بالحالتين اتندم واعض اصبعي.
-ليش تغارين! وشمعنة رنا ترة ماعندي شي وياها
-اءءعرف بس شوف اني، احبك من زمان واحسها هي حاطة عينها عليك.
احس احترگت بنار بهتت ملامحة، شوية وابچي من الفشلة طفرت من مكاني اطگطگ باصابيعي شكددد غبييية شلوون احجيي بس هم لو محجيت اتندم صار مقابيلي فرگ وجههة واني منتظرة على احر من جمر يحجي كلام يريحني ويطفي نار گلبي.
-شوفي سرى انتي حبيتي الشخص الغلط انتي بنية مؤدبة وجميلة وهواي يتمنونج وحتى لو حبيتج بدون فايدة
گوة مسيطرة على نفسي صوتي يرجف گوة نطقت.
-ليش.
-افترضي بادلتج مشاعري وبعدين شنو نهاية العلاقة زين انتي شنو تريدين النهاية؟
-اكيد زواج
-اي هذا المفروض بس هذا الشي من سابع المستحيلات يصير لا تتعلقين بشي ميصير بيوم اهلج ميقبلون هذا الزواج لو شجبت وشسويت راح يرفضوني النهاية معروفة بالنسبة إلى وانتي هم بما انج تعرفين النهاية اختصري على نفسج هواي كلام وتعب
نزلن دموعي حااارت جون گلبي مو خدي
شسويت وشورطت نفسي بهاي حچايتي.
-سراوي لاتبچين ترة اهلج مراح ينطونج إلى ومستحيل يوافقون زواجنا شوفيلج واحد غيري اهلج يحبوة اني مافيدج
-حاول احمد حاول وياهم يقبلون والله واصلا اني مو هسه ازوج من نتخرج عدنة هواي وقت
-الحقيقه واضحة وضوح الشمس انتي فكري بجدية خلال سنتين راح تتعلقين بية بزيادة وبالاخير طريق مسدود راح يزوجونج غصب عنج
-حياوي لا تحجي هيج والله اني احبك
-لا تتعلقين بية سرى اهلج احمد عدهم لاشي
حبي انسان يقدرج ويعرف قيمتج.
-بس اني ماريد غيرك زوج إلى مستحيل احب غيرك اني مو اليوم احبك من زمااان من هسة
-اعرف
فتحت عيوني على وسعهن مصدومة معقولة يعرف بية احبة كل هاي السنين
-تعرف شلون!
- اعرف بس ماريدلج الاذية سرى ترة كل البدايات حلوة بس البداية مو مهمة النهاية الاهم واني وياج نهايتنة معروفة نهاية حزينة تعيسة
-لاتگول هيج اهلي يتغيرون ويبدلون نضرتهم بيك والله.
-ابد متتغير صدگي وانتي تعرفين اهلج اكثرمني وشلون يباوعولي لاتبنين مستقبلج على اوهام
-مو بيدي والله مو بيدي
هز راسة بأسف علامات الحيرة واضحة علية حسيتة خلص كل الكلام العندة من بعد هذا اليوم مستحيل اراوية شكلي على نضراته هاي مشيت اريد اطلع احس المسافات امتار مو خطوات.
-شوفي سرى
درت وجهي وفز اخر املي بداخلي مسحت عيوني وانرسمت شبة ابتسامة وجههي.
-هاا.
-حبي واحد اهلج يحبونة ويرضون بنسبة ومستواة حتى تضمنين النهاية السعيدة امحيني من بالج وشوفي.
سكت يرفع بشعرة مرارا وتكرارآ ورجع حجة
-سجاد اهلج يحبونه وسجاد خوش ولد اكيد يصونج ويقدرج ونهايتكم معروفة اذا حبيتية
فتحت عيوني وسعهن ممستوعبة كلامة ابد
صرت ارجف من العصبية معقولة اني جاي اسمع هذا الكلام بالحقيقة...
-انت شتحجي شلون احب سجاد انت شبيج صااااحي.
-اي صاحي لمصلحتج سجاد يدير بالة عليج وماعندة سوالف موزينة واهلج راح يوافقون علية اصلا يحطونة بعيونهم وهذا يوم المنة الهم احسن متحبين شخص مغلف متعرفين هو شنو وشبية
-لا مستحيل انت مو واعي اگلة احبك يگلي حبي اخوي لا لا انسى انسى كولشي كلتة انسى انسى.
طلعت اركض للحمام غفلتة وگعدت ارجف وابجي شلون وليش خطيت هالخطوة وحجيت المضموم، اكيد هسه راح يشفق علية اكيد راح ايصير يستخطيني اني چلبة حمااارة شلون اعترفتلة.
اريد اسكت وامنع نفسي من البجي مداکدر گلبي يوجعني من نضراتة ليش الدنيا مو عادلة ليش الشي النريدة ميصير دائما يصير العكس
ويانا اهلي اخ ياهلي كسروني وحطموني بتقاليدهم كل يوم يذكروني اتزوج من اقاربنة ماكو بت تطلع للغريب.
تمنيت ينمسح الماضي الما الة دخل بية بس مستحيل يصير هذا الشي، سديت حلکي بيدي امنع صوت شهكاتي عالي راح انفضح
هم يجي يوم وانسى هم يجي يوم واحب غير حياوي لو انغصب على غيرة دخيلك ياربي ارحم گلبي.
نو: -خليت ملابسي بالغسالة ورحت للمطبخ لگيت مهند يغسل المواعين خطية كلهة طفرت وبقت علية.
-نو: ها اختي شلونج اساعدج بشي
-انچبي نو لااجي احط راسج بالسنك
-خوفتني بشت بشت امشي لك ماما كمل غسل حوووبي.
-ديلا انچبي ولي خليني اشوف شغلي
-الله يساعدج دادة كملي واني راح اشوف جهالج خاف يبجون ورجلج شوفية وياج يمكن محتاج شي
رشني مي نص صار بية والباقي بالحايط طلعت اركص للحديقة اشوف ميمو ماكل الاكل المخليتة اله.
لگيت البزازين شكد تارسة الحديقة كعدت يمهم اضحك على منضرهم اللطيف اموت على البزازين كد ماحبهن يصيحولي ام البزازين اتمنى اسوي بيت بية بس بزازين، اندك الباب رحت افتحة جمدت بمكاني من فتحتة يگول جاي ملك الموت...
عادل: -اهلا اهلا يابة شلونج عاش من شافج وين مختفية
-وانت شعليك
عفتة ودخلت متجاهلتة تماماً جرني من ايدي بقووة شهگت خايفة دارني علية فاتحة عيوني وسعهن وجهها صار ازرك ضغط على ايدي ونتر بين سنونة.
-ثاني مره اتجاهليني وشوفي حضج اطيحة ديري بالج تعيدين هالتصرف الارعن مثلج
شجعت نفسي وحجيت مالازم اسكتلة مثل كل مرة حتى صار يتمادى بكلامة وتصرفاتة
وياي.
-احترم نفسج انت الارعن
نطن عيونة من العصبية متت خوف احس العظم راح ينكسر من گد ماضاغط عليه نزلن دموعي و رجلية صارت تختض من الخوف.
-شبيك ايدي راح تنكسر ايدي حباب
ردت اصيح وخفت تصير مشكله وخاصة حياوي يتخبل اذا طلعت علية سكتت وهذا مجلب بيدي.
-سرى: شگاعد تسوي عادل شبيك
عاف ايدي والتفت لسرى الجاية باتجاهنة
مجهزة نفسها، مسحت دموعي وابتعدت منة
ارجف.
عادل: -يلة امشي گدامي
باوعتلي سرى بنضرة خيولي وطلعت ضايجة وعيونها حمررر
-رااايحة؟
التفتت إلى وهزت براسها اي
-ليش
-الخط رجع ياخذني
طلع حياوي وراهم البيت فرغ رحت لعبدالله گاعد
ذبيت ميمو جربايتة وكعدت يمة اتأفاف
-هبدالله: شبيج.
-ضايجة هي هاي العطلة لاطلعت لاتونست امداني هسه البنات وين راحن وشسون واني مگابلة الحيطان
- وين تريدين تولين لاوربا لو لبريطانيا
-اووف هسه اني گايلة اخذني لاوربا شبيك هنا طلعني نفتر والجو يجنن ماكو شمس تحرگ
-امم افكر
بقيت اتوسل بية سحلت روحي سحل علمود اطلع.
-يلة گومي بدلي لالالا مو هسه بليل من يرجع حياوي اخذج بسيارتة هسه بيش اخذج
-هم صح بس مو تجذب وتبدل رأيك بعدين.
-خوش افتهمت ماجذب بس اخذي هذا العتوي لايبول جربايتي واموتج انتي وياة
-اهووو شبيكم وياة ترة معلمته يعرف كولشي يعني شكد صارلة عندي ولا مرة دگ الناقصة بية وسواها وثانيا عندة اسم مو عتوي ميمو اسمة
- هذا اسم ميزو بربع دينار کبر الكم ثنينكم يلا ولي لا ابطل ماخذج ترة من هسه اكلج ماتخذينة وياج
-اي اعرف بحقارتكم ماخذة
-ديلا ولي.
ضربتة بالمخدة راسة وطلعت اركض وميمو يركض وراي للغروب رجعو الولد من الشغل تجمعنة بالمطبخ نسوي عشة ذوقنة.
سجاد: شنسوي عشة
مهند: -كنتاكي
سجاد: -انچب نريد اكل بيها خير
احمد: -استغفر الله ترة كلها نعمة ميصير تحجي هيج
سجاد: اهوو حجة رجل الدين روحي بابا صلي وتعال
احمد: -صليت ماضال عليك
خزرني يهز براسة متأسف دنگت راسي مغلسة شكد يحجي عليه اصلي واني اغلس يوم اصلي وعشرة انسى.
عبدالله: -وهسه شبيكم شنطبخ فضوها.
احمد: -دولو اني اطبخ اسكتو يجيكم جاهز واكيد يعجبكم بس اسكتو
فتح الثلاجة وطلع بتيتة وجبن ولحم وطماطة وبيض اكيد راح يسوي مخلمة وشلون مخلمة اويليي.
بهلاثناء تعارت وي عبدالله وصرنة من الروس هو لازم شعري واني لازمة شعرة دخل بينة سجاد يفاككنا.
سجاد: -انچب عبيدو عوف شعرها لا اجيب نعال امي واكطعة راسك
بقينة واحد خازر الثاني وحياوي يرزل بينة الكل سكت اخير شي انفجرنا ضحك.
احمد: وسم ومرض حيوانات يلا اطلعو لا اطلعكم دفرات وانتي نوة تعاي وياي
سجاد: -شمعنى وياك ليش ماتنچب نوة تعاي ويانة نطلع بالهول نلعب اشيلج على ضهري يلا
احمد: -نواااانة تعاااي يمممي طلعي الطاوة وخلي بيها زيت
راح سجاد بدون حجي نزل الطاوة وخلة زيت وبصل وبقة يسوي وياة بس ضاج حيل على شنو ماعرف حسيت بسببي ضاج لان حياوي ميقبل واحد يضوجني ابد احنة صح نتعارك بس شوية ونرجع.
طلعت بالهول كعدت يم عبدالله ضايجة شوية واجة سجاد يضحك.
-تعاي العبج يلا
-لا شكرا شكراااا
ركضت ادري بلعبلهم كلة راجديات وسجاد يركض وراي ثنينة نضحك...
احمد: -ها اشو تضحكين وي سجاد الضاهر اني مافيد
سجاد: -چلب لاتنغار
نزل الصينية ورحت حضنتة اعرفة يغار علية كعدنة نتعشة اكلة يجنننن.
سجاد: مانتفح مطعم وتطبخ بية شدكول حياوي
احمد: -اممم.
مهند: -هو شنو اممم كول اي واني المدير وحياوي الطباخ وسجاوي الكرزون وعبود اكيد يغسل المواعين.
نو: -واااني
مهند: -انتي اخت المدير قلبي
سجاد: -انچب هي بكيفك اني المديرر
عبدالله: -خو اني اني احلى واحد بيكم واللطف واصغر اني المدير يلة
احمد: -هاهية اتفقنة استاذ عبدبد
سجاد: -ههههههههههه خرب شرفك حياوي
احمد: -انجب اكل
مهند: -اگلكم امي شو محد صاحلها شنو محد بيكم تذكرها شكد ج.
احمد: -هيوو عزلتلها من تگعد تاكل.
كملنة اكل بين ضحكة وراجدي ودفرة ورزالة گامو سجاد وحياوي يغسلون المواعين سوى علاقتهم كولش قوية اصدقاء اكثر من كونهم اخوان، مهند راح لغرفتة بقيت العب وي ميمو اول ماسمع صوت امي اختفى اسم الله يكول مدري شايف.
حياوي راح يقرا وسجاد ميطلع وحدة الا وي حياوي بقينة اني وعبدالله انتظرنة امي تروح لغرفتها وطفرت لبست كوت وطلعنة محد يدري...
-جايب السويج
عبدالله: -اي بگتة من حياوي يلة اصعدي.
صعدت وياة بالصدر مكيفة والضحكةشاگة حلگي.
-شغل اغاني حبااااب خل نغير جوو
-هاي سيارة حياوي ميخلي بيها اغاني ملا ملا حياوي
-وانت شغاثك عوفة ملا
-بيج خير صيري مثلة صلي البسي حجاب شعرج يسحل وراج عثررر كوون
-انچب يلا انت شعليك بية بكيفي من اكبر البس مطايرة
-اي اي واضح من تكبرين ويععع.
سكت ماريد اخرب فرحتي من ورة هذا الخايس عبرنة فرعين علساس نشتري ونتفر، طبگت سيارة سودة عالية گدامنة سدت علينة الطريق سنوني صگت من الخوف جلبت بعبدالله من ايدة اررجف.
-لك عبود منووووو ذولة؟
-يمكن عصااابة...