رواية بين سلاسل العادات للكاتبة كفاية كاظم الفصل الثلاثون
: -شلون ولجن واحد مايصخم عدناااا امتحاانات اصخاامات
رغد: -هسة شگلنا ست سجى الجماعة يردون رأيج شدگولون
سجى: -يااا جمااعة عووفوووني وي امتحااناتتي نااقصة انة منيين طلعلي هذاااا
رغد: -اعصابج يابة طالعة.
طلعت رغد النار مشتعلة بية كلها تلح علية ارضة بالخطابة الجاييني خوش ناس والزلمة زين صدك بطرانين يا زين هو انة يفيد وياي زين خلوني ساترة على روحي طگة ونص مال زواج انة رجعت رغد تضحك خزرتها بدي اگطعها عود يودوها وسيط إلى امي ملت مني عبالها هديوة بجلمتين قنعتها.
-خير شكوو هالمررة
رغد: -شوفي بس هالمرة والله انة مدخلني بس هنة ودني عليج.
-راح اكوم اركع راسج بالحايط ترة راسي كام يوجعني كلششش زواج ماتزوج هية كوووة
-لا مو كوة براحتج بس يكولون الزلمة كايل اي شي تريدة يجرالها جامعة وضيفة ماعدة مانع يوضفج بفلوس اذا تردين.
-شلون افهمكم بس كلولي انة رافضة مو قصة وضيفة ودراسة ولج انة الزلم كلهم ماطيقهم اكرههم شلون اتزوج غير انتحر بشالي
-يلة راح اگلهم تكرة الزلم
-وولج تعاااي
-هاا.
-تريدين تسويني مضحكة بحلوگ المايسون تعاي انجبي واليحجي خل يجيني كلهن معلية ذيج هي وروحلها
-خوش
طلعت كمت سديت الباب كفشتي شكبرها صايرة كل شوية وجريت شعري من الحرگة اهمداني هسة شلون اقنعهم انة ماعدي شي بس ماريد اتزوج اكرة الزلم شلون سالفة هاي الله كون يصگعك يبو دشداشة البيضة هسة لو جاية الشحاطة بيك عينك زايغة.
امتحانات الفاينل شلعت كلبي البنات كملن عدهن عطلة حاليا بس انة متبهذلة كلش دك تراكمات على گلبي كلت ارتب روحي مايصير هيج اخذت ملابسي سبحت ورتبت روحي طلعت جني العافية الكحلة بالعين والحمرة السحرية تحمرت بيها يبووو والحمزة اخبل اخذت دفتر وقلم وموبايلي خليتة بجيب الكوت لاگاني فارس سلم علية وفتح الموضوع.
-اكلك هي السالفة اجبار يو شني.
-هذا الموضوع بالذات مابية اجبار الاختيار الج بس اجيت اسمع منج لان الناس لحو عليج
-اي واضح مو اجبار جا هاي شتسمونها كلساع كايليلي ارضي
-معليج بيهم هسة كولي شني رايج
-اكيد لا ماريد اتزوج
-خوش يابة الدنيا نصيب والكاتبة الله يصير
-بالضبببط
ضحك وطلع موبايلة يخابر ارتاحيت من سمعتة يكول.
فارس: ؛ احنة نعتذر منكم مالكم نصيب يمنة.
ماي بارد ونزل على گلبي الضحكة شكت حلگي نزلت لكيتهن بالمطبخ مادري ليش لازكات بية كل اجتماعاتهن بيه وعبير وسن وياهن اجتمعن الحبابات
-وسن: ها سجيوة راح تعرسين
سجى: -no
وسن: -شنو النوب هاي
- يعني لا لاتضلين صافنة بوجهي مو شي جبير ويكلك احجي بالبيت انگليزي عمود يسولي سحر عبالهن اغلط عليهن
وسن: -تردين الجلمة بعشرة هسة شكتلج فوك ما اسئلج
-ماريد سؤالجن مشكورات حبيباتي اضل نايمة على كلوبجن لا تتأملن اعوفجن.
طلعت اقرا بالبستان لاگاني عمي فايز رزلني لان طالعة.
-اجيت اقرا هذني كتبي بيدي
فايز: -ذاك البيت واقري بية
-وين اقرا ماتكلي اذا صاير هوسة مشية عليك الحمزة خليني اقرا لان وراي امتحانات والمصيبة تعودت على هالمجان
-دخوش ضلي بس لاترحين منا ومنا ترة الحجي يطلع وانتي خوش بت
-فدوة اروحلك رحمة الله والديك.
كعدت اقرا بكل حواسي منا لمن حفظت المادة خلصت وبديت اسئل روحي واجاوب ضبطت المادة ورجعت صاير العصر دخلت المطبخ خزرت نوف تسولف وي عبير ومنطلقة شلون بهاي الفرخة عبير ماتكعد راحة واكفة بمجاني اريدها بس تنتبة علية ماكو شوية واجت هديوة سحبتها برا.
ذبيت البيدي وكعدت وي البنات يلفن دولمة ضحكت على سفانة بطنها كبرانة.
-علي هل تسمعني لك امي جاوبني تسمعني
سفانة: -وين يثمعج بعدة ثغير.
عبير: -يووة يسفانة بعدج ترتلين عجيب بالعجبة شلون فارس يفتهم عليج
دنكت سفانة تلف ماردت عليها خزرتها من فوك ليجوة وكتلها: -وانتي شكو شعليج بفارس الزلمة ميت عليها لوگية انتي شلون فاارس يفتهم گبور اي والله شلون ناس يكول تحجي فارسي حتى مايفتهم
عبير: -لا تضلين تراددين واحترمي روحج لا اجي اغط راسج بالجدر
سجى: -كلش خوفتيني بهاي السجينة اجي اسويج وصل واشوفج شلون تهوبزين فوك راسي.
رغد: -اهووو كافي اسكتن جهال انتن عبير امشي منا واكفة فوك روسنة مدير
عبير: -غصبا على راسجن مدير اشتغلن لا اعرف شغلي وياجن
سجى: كون اجيبلج نزار يطگج بزيج كلش محتاجينة
ضلت دردم واجت حبوبتي صاحت بيها ولت من وجههنا: -شلون وتالي وي هيج شكول
سفانة: -ثجى عوفي عبير مو مال واحد يراددها هل تشوفيني اثكت عنها
سجى: -وحگ هو الله اسوي وجهها خارطة الوطن العربي بس تحجي وياي ثاني مرة.
سكتت الف بالدولمة واتوعد التفتت للباب شكو شصاير هوسة وكلهن طلعن نكتت ايدي وطلعت انة وشروق ورغد حاضنتة تبوس بية وتبجي والمجسب يسلم على امة ابتسمت ودرت وجهي لشريقة وجهها دم ودموعها يتسابقن على خدها رفع راسة يعاينلها سحبتها رغد رأسا لاتشوفها امة مابينة حيل للطلايب.
دخلو تلكوهم بالصلوات خاصة رحمن صارلة شكد محد شايفة ضعفان بشكل ملامح التعب مرسومة على شكلة عيونة تزرزر بالمجان بلكي يشوفها شكد انقهرت علية امة تضحك بانتصار من مالكت شروق عسة الله ياخذج ضالة المن راية نصر
رجعنا نكمل العشا وصو على سمج مسگوف من برا صار البيت خبصة ولدنا كلهم موجودين ناقصهم بس انمار.
كلنا ملتمين على السفرة بس شروق ورغد ماكو عيوني تفتر على الكاعدين رحمن مخلي بصفة ماعون يشيل ويخلي بية ابتسمت عرفتة يريدة لشريقة تعجبت من شفت عمي فايز يگص من السمجة ويخليها جدام نوف ويگلها.
-ماتعرفين تاكلين هذا الحم دكلي يلا.
بقت تاكل بخوف احسة جاي يحسن تعاملة وياها الله يهدية عايشة ماكملت عشاها كامت الدمعة بطرف عينها وسن تخوزر بهديوة جي عباس يترس ماعونها دولمة جانت هاي المة من احلى المات المفتقدينها كلش هواي. كملنا وكمنا نعزل ونلملم بالسفرة نزلن البنات يساعدنة تجمعنا بالمطبخ نغسل وسفانة تسوي جاي انتبهت لوسن لابسة دشداشة عريضة كلش كلت متسألة.
-اكول وسن هسة انتي بيا شهر حامل.
تلبكت كلش والبنات خازراتها اصلا ناسين بيها حامل وهي ماتجيب هاي السيرة عاينت على بطنها وكالت
-بالرابع يجوز مامتأكدة
-انتي بخطبة هديوة كلتي حامل شنهي السالفة حولتي للرابع
وسن: -مو انة اختي تحسبلي وهل نسيت بعد شوي اخابرها تضبط ايامي.
رجعنا نكمل شغل وهي اختفت شو لا اعراض لا اصخام مثل سفانة غريب شغلتها خلصنة شغل وصعدنا فوك وحدة مكابلة الثانية صارت عيونة على شريقة بس تتمضحك كرصتها نوف ومستمرة على حالها طگينة ضحك عليها ضلت مثل الثولة تسأل شكو.
سجى: -شو متسرسحة خيرج خية اكو واحد متجاوز الحدود وياج
شروق: -ها شني شبيجن
رغد: -سلامتج ماكو شي
سجى: -معقولة هذا حالج على النضرات ماكو لمسات.
اضحك واغمزلها صار وجهها احمرر وتصيح علينة راسا نوف كالت: -خاااب شفتهممم
سدت حلگ نوف خلتها ترافس كمت اطلع نوف منها كوة تتنفس.
-نوف: عكررروكة لييش هيج خنگتييييني تفيديني انتي لو رحمن ابو الغمزات
سجى: -يابوبة بيها غمزات كملي نوف
صايرة ورة ضهري وشروق تريد تلزمها.
نوف: -هههههه ولجن هاي مو اول مرة اكمشهم يبووو طگني الجفاااف ارريد انهااار خررب عشيرتك وين رحت.
سجى: -لا نوف امي عيب ادري بيج بناتنة علمنج على الجفاف وسوالفة بس مايصير الزمي السانج عوفي انهار مدري جبال وسولفينة على ذولة الادبسزية
شروق: -وولج نوووف امووتج بس تحجين
زهراء: -لا نووف اااحجي خلينة نتونس شووية
سجى: -يااء صكد ماتستحن شني تتونسن ولجن طالعة عينجن كلش ماتكللي شبيجن
زهراء: -هاي نوف تسولفنة على زواجها
نوف: -وحق الله جذابات هنا يسولفن اصلا اني حتى مابايسة انهار هواي شسولفلهن مثلا ع.
سديت حلگها بيدي هاي ماعدها فواصل تحجي مباشر دفعتني ونترت بية.
نوف: ومرض هسة اني شگلت خل احجيلجن على رحمانوة جايب اكل لشروق ويوكل بيهاا ههههههههههههههههه
لزمت شروق تريد تهد النوف: -يلة نوف كملي شصار
نوف: -ولجن ماشفتن شلون جان شكلها رادت تطيح بالكاع وهو لزمها هههههههه وجهها احممررر يكول فاقدة الوعي.
سجى: -شجاج شريقة من هسة تسرسحتي بعدج بسم الله من نضرة هيج صار بيج جا شلون لو صارت لمسات وحبجيات شتسوين.
خلصنة الوكت كله نضحك عليها وهاي نوف فضحتنا بضحكتها كلساع وصفنت وطاحت بالكاع من الضحك شروق لفت روحها بالحاف وسوت روحها نايمة من المستحة وحنة هم وكفنة رقابة لاتطلع وتسويلنا مصيبة ضلينة نحرس فوگها لهدعش كامت تريد تروح للحمام.
-يلا امشي اخذج
شروق: -ياءء شبيج ترة رايحة ابول
-امشي امشي ما بية حيل مشاكل رحمن مستهتر وبعد غسلت ايدي منة من راح كلية عسكرية صار سرسري اصلي من شواربة
-شبيج هيج تحجين شفتيني سجى.
-ماشفت الناس شافتج شلون متسرسحة على الاخير
سحبتها عيونها مدمعة دخلتها وضليت واكفتلها احساسي طلع بمجانة طلع من حجرتة شافني وسوة روحة يلعب بموبايلة طلعت شريقة جريتها راسأ ضلت دايرة وجهها علية كرصتها اسحل بيها هذولة صدك مالهم امان الحب مسرسحهم تسرسح دخلنة وسديت الباب شوية واندك رحت افتح طلعت بس راسي.
-شتريد رحمن
-شاحنة
-ماعدنة تعذرنة
-ليش مو عدجن تليفونات.
-رغد انكسر وانة يختلف عن موبايك الشاحنة ماتصير عليك
-هاا
-محتاج شي ثاني
-اي
-شني
-هاي اكلج تعرفين تسويلي صفحة بالتلي
-صفحة بالتلي!
-اي اذا ماتعرفين خلي البنات يسون
-ماعدنة بنات تعرف بالموبايلات يلا نريد ننام تصبح على خير حبيبي
ردت اسد الباب ودفعة بيدة عيونة تبصبص منا ومنا
-شتريد رحمن بس بنات هنا امشي لا اصحيح والم البيت عليك
-شبيج سجى شمسوي
-شتريد تسوي ارجع الحجرتك وخلصني
-بس احجي وي شروق شوية.
-انسة رحمن ماكو تشوف البت بنص اليل لو واحد شافك مو يضلون يحجون عليها عوفنة هايدين شوية
-لاتصيرين كلش بس احجي شوية وياها
-كونك هيج ميت عليها روح فضها قنع امك والما قنعت اتزوجها تزعل يومين شهر سنة وترجع استر على روحك وعلى البت لاتورطنة بسالفة الها اول مالها تالي
-اي هو هيج ان شاءلله بس هالفترة تعدي
-عود من تعدي الفترة تعال احجي وياها.
طبگتة بوجهها وخزرت شروق لفت روحها ونامت يم البنات ضلت بس رغد كاعدة تتصفن صحت بيها تنام واخذت فراشي نمت بصف الباب خاف وحدة تطلع صرت ما أمن اخاف عليهن كلش ضلن على نومتهن حتى محد طلعت بيهن كعدت بالستة ركض ركض بدلت وطلعت اركض وي فارس ابو المرور مارضة يوصلني ذبني بداية الشارع وراح نزلت اتمشى شيوصلني الشارع شطولة اكو لوفة ردت افوت منها وطلع بوجهي عيوني تعلكن بية لا ارادي سلم علية وعبر عطرة ضل بخشمي هزيت بيدي ورحت اكمل الدرب.
خففت مشيتي من صاح باسمي عيوني مركزة ليكدام
يمشي بصفي تقريباً ساكت ماحجة شي.
-ها ارفد رايد شي
التفتت علية من سمعتة يضحك رفعت حاجبي وكتلة: -اكو شي يضحك
حگ لحيتة وكال: -اول مرة تكولين اسمي
-لا شني السالفة قابل اول مرة اشوفك
-صحيح بس يمكن مامنتبة
-المهم رايد شي مني
-الصراحة جان عندي موضوع بس نسيتة
-خير ان شاءلله
-شلونج بالامتحانات
-يعني زينة
-يكولون عليج سجاجة القسم بس اطردين عيون شني
-منو گلك حتى اعرف شغلي وياة.
-يابوية شغلتج كلها عرك
-حسب طبعاً اي صح المرحلة الاولى شلونهم وياك شطار لا
-دفعتكم احسن بهواي ذولة غثيثين
-نفسك
-شگلتي
-نسيت
سرعت مشيتي لا اجفص بالحجي وياة خليني بعدني بمود الاحترام لا اطلع على الترابي.
-على كيفج لا تعثرين امشي على كيف
-بكيفي
-اي صدك ماكتلج علخير
-ياخير هذا ممكن توضح
-هاا ليش مو سمعت انخطبتي
-لا ما انخطبت ولا راح انخطب وبعد لاتسمع لان الاخبار جذابية.
-ردت اشتري ملابس لخطبتج رغم عدي هواي بس كلت لا مايصير الا جديد همزين كلتيلي جا اليوم رحت اشتريت
-اشتري وضمهن لخطبتك مو احسن
-بعد هواي يروح موديلهن
خزرتة ومشيت اهز براسي لازم يعصبني خرب رجلية طاحن وبعدني ما واصلة اشوفة حول الجنطة بيدة الثانية وكال.
-شعجب رفضتي القسمة زينة
-وانت شعليك ارفض اوافق مايخصك امي
-صح امي مايخصني بس كلت اسئل بما انو احنة صرنة شبة الاصدقاء ودائما تسأليني اسئلة مختلفة لو نسيتي.
-لا مانسيت انة فضولية زيادة وجنت اسألك
-حتى اني صرت فضولي هسة حبيت اسال اكو سبب لرفضج
-اكيد اكو ولا تنسى الضروف تحكم
-صح بس اكول سجى اخر سؤال
-تفضل
-ما شاءلله احسج بديتي تتغيرين نحو الافضل
-لاتضل تلغي براسي واحجي فضني بلا هسة شافوك طلاب قسمي مو يطلعولي سالفة شكبرها
-اسف هم صح خاف هيثم يزعل عليج
-شقصدك لحضه يانعال هذا اليزعل علية
-على كيفج ماقصدي احجي شي بس فلتت من لساني بعد اعتذر اذا ضوجتج.
-لا قصدك ولا مو قصدك اعرف شجاي تحجي ثاني مرة على اي اساس هيثم يزعل علية اعرفة يعرفني
-سمعت سالفة طبعاً ماصدكت استغفر الله
-شسمعت احجي
-على كيفج اخاف احجي ولنج راكعتني راجدي
-لا احجي ما اسويلك شي
-طبعاً يكولون كتلج مو اني سمعت
-هسة غير يحجي شيكولون كبل لا افقد السيطرة على روحي واحير شسوي
-انتي حبيبة هيثم
فتحت عيوني على وسعهن النار شابة بية ادية ترجف ماتخيلت وين مايروح يحجي: -منين سمعت ياجلب ابن جلب گلك.
-تؤ عيب عوفي الغلط احنة بجامعة
-هسة دكلي والله كريم
-كتلج سمعت هذا صح الكلام
-اكييييد لا
عفتة ورحت اركض ركض الكاع احسها تمشي بية اسمعة يحجي وراي عفتة مامهتمة وصلت للقسم لكيتة جدامي هو وجماعتة ملتمين شافني ابتسم رحت علية صايرة نار گبرة.
-هييي انت زوودتهااا ترررة، شنييي حبيبتك انة منين صررت اعررفك تعررفني وين ماتررروح تبسط بيية الضاهر ماتعررف وياامن اندگيت تمشي وتحجي علية اذا انت زلمة ضل وكول انة حبيبتك الا اخليهم يزينون شواربك بالنعال وندوس على راسك وراس اليطلع وراك حضر عشيرتك وابن انة اليضل بيتة.
فقدت كلش كلت هالكلام بدون وعي عفتة يحجي مصدوم وكلها ضلت تعاين طلعت موبايلي اتصل بجاسب خليجي ويشوف شغلة هاي السالفة ماينسكت عنها، ماحس الا انسحب الموبايل من ايدي درت وجهي اجدح نار صحت بوجهة.
-جيببب الموباييل وبلا قلتتت ادبببب
ارفد: -ضبي السانج كلمة وحدة ماريد اسمع.
راح جدامي سحب هيثم وطلع گبل ضليت بناري اخذ موبايلي وياة وبعد ساعة ويبدي الامتحان رحت وراة لغرفتة مالگيتة مشيت مسافة ولاگاني اشرلي اروح وراة رحنا للمقررية مدير القسم موجود وغيرة من الدكتورات الله يطيح حضك وين وصلتنة حلوة هاي بحقي رادني اقدم شكوة ضدة وينفصل بس ماكدرت حرامات يروح مستقبلة كتب تعهد بعد مايجيب سيرتي وانتها الجدال طلعنا من المقررية وكتلة.
-اطيني موبايلي وانت هيثم ماعبالك كلشي انتهى اذا ماسويتها عشائريا فلا تسميني باسمي
راد يحجي وكال ارفد: -لغرفتي انتو الاثنين
رحنا لغرفتة كعد بمجانة راسا كال حسن والدموع متجمعة بعيونة: -ماجان قصدي اشوة سمعتج بس ماردت واحد يحجي بيج من الولد حجيت هيج حتى تضلين باسمي واجيت وكتلج انطيني كلمة حتى اجي اخطب بس انتي معاندة شسوي ردتج تصيرين إلى بالحلال وكدام الكل.
رفعت اصبعي بوجهة ردت احجي وقاطعني الاملح عيونة صايرات بگصتة خلة الموبايل بيدي بقوة واشرلي اطلع طلعت ورحت لقاعة الامتحان بوجهي حتى المادة نسيتها راسي انسطر ضليت اخر وحده بالقاعة خلص الوقت يلة سلمت.
اخذت غراضي وشفت موبايلي خمس اتصالات فائتة والرقم مجهول فتحتة واتصلت اجاني صوتة يكول
-ارفد: يم الكراج متانيج.
سدة بوجهي ضليت مصدومة منين جاب رقمي كعدت لازمة راسي يريد ينفجر كمت اطلع محد موجود بس انة بالقسم نزلت القسم فارغ تماما من طلابنا بس يمتحنون يطلعون طلعت بوجهي للكراج شفتة واكف يم سيارتة رحت يمة راسا صاح بية بعصبية.
-وتااالي وياااج شلوون تررحيين تهدديين بالولدد جداام الامة كلهااا وووين تووصليين اكووو وحددة تسووي سووايتج
-جا شتريدني اسكتلة لو اغلس عنة واخلية يحجي بكيفة مكيفتلة على الوضع عشتو حبيبتة.
-واااني وووين گووا. موو بعيينج اطييح حضة وحض الخلفووة شكوو رحتتتي تحجين وياااة بكييفج تصررفين حتى ماگلتيلييي
- جا منين سمعت الحجي من الدب لو منك ماسويت شي من سمعت ولو انت شعليك ابن عمي اخوي حتى تدخل.
-ردت اتأكد منج اذا حجية صحيح مالي دخل بس لا والله مالج غرض بية ادوس على راسة وراس اليطلع وراة
-لاتدخل عدي ولد عم خير من الله هما يشوفون شغلهم وياة
-انتي من كل عقلج تحجين صاحية.
-اي صاحية اخليهم يعرفون شغلهم وياة
-سجى سدي الموضوع خلص انتهى اني نهيتة بعد شكو فاتحتة من جديد لو درو الولد مايسكتولة يكسرونة تكسر ويروح يشتكي عليهم وينحبسون وهما عدهم دراسة مايحتاج موضوع تافة وانسد بعد ماينعاد عليش تخلين الكل يدري ويكبر الموضوع واك و ناس تألف بكيفها
-صح
يحاول يكتم غضبة بعد ماخلص رگع السيارة بيدة بقوة فززني يحجي بعصبية شرايينة يردن يطگن حجة كلام خلاني مصدومة شحجي.
-عرررمة لاتصيررين موو كلشييي يعجبج تررحيين تسووينة ولا كللل جلمةةة تجييي بحلگج تحجينهااا
انتتتي بنييية واكوو زلممم تحجييي نيااابة عنج وتطلع حگج مربببع بس لاتصييررين عرررمة
-خوش ما اصير عرمة ادلل.
عفتة ومشيت طلعت من الكراج كلة داخلي يغلي نار اتصلت بيهم كتلهم على الشارع العمومي اجة جاسب اخذني سالني شبيج كتلة مامجاوبة من هذا اليوم كررهت شي اسمة ارفد كرة العمى حتى اذا شفتة صدفة بدرب ادير وجهي عنة اسمة وطارية بعد ماطخ بالساني على حجية وانة عرمة خلتني اشيل حقد وكرة تجاهة مو طبيعي.
مرت الايام لاهيثم ولا غيرة يكدر يحجي وياي لو اسمع حجاية زايدة واصلا انة كمت بس تخلص المحاضرة اطلع بوجهي اذا لكيتهم ارجع وياهم مااكيتهم ارجع وحدي ومشغلة مبدأ للطز شيصير خليصير.
خلصت امتحانات وخلصت العطلة وحاليا احنة بنص الكورس الثاني مابقة شي وتخلص السنة كلها.
كعدت من النوم مفزوعة ادور على هدوة لكيتها هي ونوف بالحوش يقرن وحبوبتي يمهن خليت ايدي على گلبي اتحسب على وسن ودگاتها السودة شربت ماي حلگي يبس وكعدت اتذكر الصار.
جنت فوك اكتب تقارير نزلت على صوت الصريخ لكيت وسن جوة الدرج طايحة وتصرخ بعلو حسها
-كتلتتت ابننني هديووة ذبتنييي من الدررج الله لايوفقها موتت ابني الحگوولي رراح ابنيييي.
الدم ترس الكاع حارن بيها منين مايكضنها تصرخ التفتت مفزوعة ادور هديوة واكفة مثل الصنم بس عيونها فاتحتهن هزيتها احجي وياها ماترد.
-ولج هدوة احجي شكو
ماحجت شي بقت على صدمتها اخذو وسن للمستشفى سحبت اختي ادك على وجهها ماكو اي ردت فعل اخذتها غسلت وجهها وشهكت تبجي وتصيح...
-والله. هي هي. طاحت انة.
غصت بالحجي عيونها تصب تسودنت عليها حتى نفسها راح وجهها صار ازرگ رجلية ماشالتني من شفت شكلها طحت بالكاع والبنات اخذنها.
لزمت راسي الكاع تفتر بية عرفتها لعبة واختي المقصودة من البداية وسن مو حامل بس تمثل وسوت كل هذا حتى تورط اختي وتكمل جذبتها بس المصيبة ياهو اليصدگ الاگولة المن احجي اذا الدم ماخذها.
كمت على حيلي تصيح وتبجي هي شمرت روحها مادافعتها رجعو من المستشفى والبيت گب ماتفتهم شي صياح وحجي وسن خبصتنة خبص كتلت ابني ابني راح من وراها كوة سكتوها صوتها ودعاويها نشفت دمي مهما يكون الدعاوي ماتنراد وهي طايحة لاختي بذيج الدعاوي.
هدأ البيت وضلت السالفة عالگة وسن تصيح كتلت ابني ماتريدة يجي للدنيا وهدى تصيح هي ذبت روحها ما لازمتها ثاني يوم جان نزول عباس اجة بتعبة وتلگتة بالسالفة ماحجة غير.
-العوض على الله مامقسوم
مارضت بهذا الحجي اجو اهلها اخذوها ومن ذاك اليوم هدوة متسودنة كل ماتشوف عباس تنهار وماكو بلسانها غير: -هي شمرت روحها مو انة
كلنا حرنة بيها صدمة الشافته والدم المادري منين لو فعلا هي صدك حامل وهل نزفت عقلي قفل على الاخر، كل ما اكعد من النوم الكاها تبجي وتحجي وحدها: -مو انة والله انة ماسويتلها شي
حضنتها اسكت بيها: -ادري والله ادري انتي ماتسوينها هاي وسن جذابة هي سوت كل هذا الفلم.
-لا لا طلع دم هواي انتي ماتدرين مات مات. طفل صغير تكول الله يحرمج من الاطفال مثل ماحرمتيني من ابني هي هي تكول بعد مايصيرون عدي اطفال من اكبر لان كتلت طفلها.
-اس اس جذابة هي اسكتي حبيبتي مالج دخل لو الله كاتبلة عمر يعيش
-اني كتلتة مو لو جذب كولي جذب
-جذب والله جذب الله ان شاءلله يكشف الحقيقة.
بهاي الفترة خسرت عافيتي ورجعا عافية اختي كلش تمرضت وتغيرت اطباعي صرت مسؤؤلة عنهن شروق من يجي رحمن افتر وراها وهي البت هم تسمع كلامي نوف كل ماشفتها وي عبير امنعها وابعدها عنها رغد من صفحة اهود عليها صفيت رماد لخاطر مايصرلهن شي.
جدة حكمة: -تعاي يسجوة
-جاية حبوبة
رحتلها وكفت كبالها اخذت ايدي وصارت دگدگ بيها باصابعها ضحكت وكتلها: -شجاي تسوين حبوبة
-اهىء هل ضحكتي شمالج مبوزة
-مامرتاحة احس راح اطگ.
-سولفيلي وانة جدتك
-شسولف كلشي مخربط والله هلتشوفين ذني البنات صح يسولفن ويضحكن بالنهار ومن يجي الليل كل وحدة ونتها تختلف عن الثانية هدوة بالف ياعلي صارت زينة وبعدها ونوف كليوم الگاها خاتلة بزاوية تبجي وتصرخ لو رغد المنكسر واهسها كاسرة گلبي تشخبط بالدفاتر الكاها تالي الليل لو شريقة الشاردة من رحمن ودعاوي امة الماتخلص شلون ارتاح وانة بوسطهن والله شايلتلهن هم وافكر بمستقبلهن.
-تفرج يحبوبة ربج مايخلي حمل مطروح هذا ابو سبع لفتات كلهن يلتفت عليهن ويفرحهن هسة تشوفين بعينج كل وحدة بيهن تصير ام بيت وعيال وتحير بيهم.
-ان شاءلله جا انة شريد
-اضحكي يحبوبة الدنيا ماتسوة لاتكدرين روحج والله موجود ويعاين علينة هو المتكفل بكلشي ويحلها بعدلة وحكمة
-ونعم بالله.
سرى: -لازمة راسي بثنين ادية الافكار السلبية متخليني اتقدم خطوة اخاف من انتقامة لو كشفني هسة هو هيج يحبني وشمسوي بية لو عرف اسرب معلومات للشرطة شيسوي.
اجة حضنة ودفن راسة برگبتي يشم ويبوس بية غمضت عيوني لعبانة نفسي منة كالعادة ماراح يجي يوم وارتاحلة لو ارتاح لافعالة حتى لو جانت زينة
بعدتة بهدوء مني مدد بحضني گلبت عيوني وصرت امشي ايدة بشعرة الجنة دود.
-احسك ضايج شكو
-امممم كلش جاي نخسر.
-شلون تخسرون وشنو التخسرونة؟
-بضاعات غالية كلش ماتتصورين بكم مليار
-مليار!
-لاتتعجبين مليارات مرات توصل البضاعة
-بيها مخدرات
-مشكل المخدرات مو كلش غالية اكو اشياء اغلى
-مثل شنو
-ميخصج
-رجعنا لهل كلمة عبالي تغيرت وعفتها
-اكو اشياء مالازم تعرفينها
-براحتك
-شو انتي صايرة حبابة
-شلون
-لنتي جنج لو وكعتي بحبي
-احتمال هاي واحتمال هاي.
رفع راسة يقبلني بعنف ابتعدت منة للمراية الدم ينزل من شفتي اخذت كومة كلنس خليتهن عليها تعودت علية شنو اسويلة شكد حجيت ردت بطل همجية مايفيد يستلذ بعذابي نهض من مكانة يبوس بوجهي بعشوائية.
دلهار: -اسف اسف
-ههههههه صح اسف
-ماارتاح اذا ماسوي هيج تفهميني مو
-لا ما افهمك ولا راح افتهم
-ليش لازم تفتهين اني احب اتعامل بهلطريقة.
-افتهم شغلة اني بشر ليش تتخيل نفسك اسد والگدامك غزالة الرقة مطلوبة بكلشي وخاصة الانثى رقيقة ماتتحمل سلوكيات همجية
-اي صح اعرف تعالي نكعد نكمل بدون بوس
سحبني من ايدي كعدني ومدد بحضني احس گلبي يريد يطگ ماعرف شلون باقية عايشة لحد الان بعد كل هالعنف، شال ايدي خلاها على راسة صرت امررها مثل مايريد ساكت صافن بالسگف خفت لايرجع علية خل افتح موضوع عاد الهية بين ماينطمر.
-اكو دلهار منو سماك هالاسم
-ابوي.
-حلو هالاسم شنو معناة
-مركب رمز اممممم
-ابوك وين عايش لو ميت
-هممم تؤ
-عايش مو
-امممم
-بالعراق موجود
-اممم
-يشتغل وياك
-اممم
-احب تحجيلي عنة وشنو يشتغل
-هممم اكبر تاجر بغداد وبعد سنتين يصير الاول على العراق
-شنو اسمة ابوك
-جيثام
-غريب هالاسم منين تجيبون هالاسامي لقب هذا مو
-اممم
-خوش طلعون القاب للصراحة حبيت جيثام
-هممم
-يعني هسة بس ابوك هنا وامك مسفرها هي واخواتك
-امممم
-يدرسن اخواتك لو شنو
-مي.
-ميخصني صح حلو من ابوك هيج جبير مو بلة تاجر ممنوعات
-ههههه ههههه حزبي فوگاها
-بالدولة تقصد
-امممم
-من ذولة الفاسدين الدمرو العراق
-اممم
-حلو ماشاء الله عمي حزبي
-ههههههههه
-هم يجي يوم ونلتقي
-اذا احتاجني بشغلة وصخة كلش
-شلون ممكن توضح
-هممم
-ها اوكي وراك تسليم بضاعة اليوم
-اممم اريد انام بس انتي حلگج يشتغل بس للحجي ماتعرفين تبوسيني بية
-خلينة نسولف ماشبعت بوس.
-تؤ ماشبع دوم شفايفج مدري شمخلية بيهم ماكدر اعوفهن يذوبني
-وين تروح هاي الشاحنات التجي هنا
-تعالي بوسيني مشي شفايفج على بشرتي
-تعبان وراك شغل نام خليني اكوم اجيبلك غطا
-تؤ تؤ انتي غطيني
-اي خليني اكوم اجيبلك
-مايحتاج انتي موجودة
-مابية حيل وانت هم تعبان عوفني اكوم حباب
-بية حيل باي وقت معليج بية
-شبيييييك كاااافييي تعببببت بشررر اني مو آلةةةة عوفنيي اررتااح يوووم منك
-ترتاحين واني لا.
-شكد اناااني ماتفكررر بغييرك ماتكول تعبانة جسمها يأذيها اهم شي نفسك ياربي صبرني عندي اقتراح الك روح لبنات ليل هو انت عايش بالحرام بقت على هاي شول شغلك الى متى تضل مجلب بية
-كتلج للموت
-هسة شكلت اني ليش تغلس من احجي شي بية فايدة اتزوج وحدة ثنين تلاثة عشرة بكيفك بس عوفني جيبهن هنا اذا تريد باليعجبك.
-بيهن امراض اولا وثانيا تلعب نفسي من المستعمل مايعجبني والبنات النفسج قليلات وبصعوبة نلگاهن بشغلنة فانتي اجيتي عن طريق اخوج البطل
-اي صح بطل الله ينتقم منكم
-هممم
-زين انت مو كلت انتي سادس وحدة اجت لهنا شجنت تقصد يعني مو بنات ليل لو شنو
-رقم واحد جانت حبيبتي بس قتلوها هنا
-منو القتلها
-صارت بعد وراحت
-والثانية سولفلي
-اجت هدية بعدين كامت تضوجني وراحت بالباي
-شنو يعني ماتت منو القتلها.
-الثالثة هم مثل الثانية والرابعة والى انتي هسة بنفس الطريقة الجيتي بيها اجن بس هنا اكثر وحدة بيهن تبقى شهر
-يموتن تقتلهن انت
-عوفيهن ركزي بنفسج وشلون ترضيني.
عقلي انضرب من الكلام السمعتة وين لعد اني بيا خطر موجودة بعدني مامتحركة هجم علية مثل الحيوان الجوعان ملخني تملخ مايعرف شي اسمة رحمة انتهيت جواة صوتي راح واني اصرخ مثل كل مرة افقد الوعي واكعد الگة نفسي بملابس مرتبة حتى عطري راشلي دموعي ينزلن من الوجع من الوضع الاني بيا اتمنى اموت بس اخاف يبقى يعذبني العمر كلة رفعت راسي مخلي شريط حبوب وكاسة مي على الميز البصفي قريتة واخذت منه حباية رجعتة لمكانة وخليت ايدي على عيوني روحي تلوب شوكت ياخذ مفعولة وارتاح نمت ماحسيت على شي كعدت على صوت الشاحنات.
سحلت روحي باوعت عليهم من الشباك اخذت الشي المطلوب ورحت طلعت الجهاز ورحت للحمام احجي وياة مثل ماطلب احتمال اكو كامرات بالغرفة، اجاني صوتة يكول.
باهر: -اجوي
-اي سيدي اجو
-العدد
-88888 شاحنة
-اول مايتحركن انطيني خبر
-تمام سيدي
-صوتج شبية
-مابية
-مريضة
-لا سيدي
-اهاا شجبتي من معلومات
-ماكدرت احصل هواي حذر جدا بس عرفت شغلات بسيطة اسم ابوة جيثام اعتقد لقب وهو حزبي مثل ماكال واهلة بالخارج
-عيدي الاسم
-الاب جيثام سيدي.
-حلو استمغي
-شنو
-استمري اي بعد شنو عرفتي عنة
-خسرانين بضاعة كلش غالية تتقدر بالمليار هيج شي
-اي حلو معلومات دقيقه
-اي بس وعن زواجة ماعرف شنو سالفتة متزوج خمس نسوان ومقتولات ماعرف والله يخوف داموت على البطيء
-لاتخافين ميسويلج شي وعوفي سالفة النسوان شوفي غير سالفة تفيدنة
-سيدي قاتلهن يمكن لا والله صح قاتلهن بيدة
-اوووف سرى لادخلين نفسج بهيج مواضيع تخربطين معنوياتج
-احاول سيدي
-شوفي الشاحنات
-هسة.
خليت الجهاز بصدري ورحت اباوع: -سيدي تحركت وحدة انطلقت وراها الثانية
-يولو انتي رحمة ربك دزك علينة
-خلصوني فدوة والله جاي اموت
-مابقى كثيغ اءء كثير
-افتهم اذا مانطقت الراء صح يعني ماكو داعي تعيد الكلمة مرة ثانية
-افتهمتي غلط مو هيك انا متقلب ماتعرفين شفكر
-براحتك يابة شنو تحجي احجي بس ساعدوني.
-خلصت هالمهمة الحلوة يلا مدام سرى نستودعج الله ونلتقي بيج بخير وسلامة اهتمي بنفسك تا لاتتمرضي وياريت تكدرين تسحبين كلام منة ازيد
-المعلومات ذني فادنكم
-اكيد وكثير هم
-عرفتو ابوة لو شنو بالضبط
-اي يبة كلشي عرفنا وخطوة خطوة نهدم السكف على روسهم
-حلو زين ممكن اعرف شنو تسوون من تعرفون عدد الشاحنات وشوكت يطلعن
-اهم معلومتين ماراح اشرحلك بس احب اقلك من خلالهم تنجح مهمتنا.
-كل التوفيق الكم محتاجين شي بعد عدكم معلومة تضيفونها الي
-كل الوصيتك علية اطبقينة بالحرف وهالجهاز تضمينو بمكان مايكدر يوصلة
-اعرف شغلي لاتوصي حريص
-استودعتك االله امانة مدام سرى
-شكرا الرب يوفقكم مع السلامة
سديت الجهاز ورحت كعدت على السرير مر وقت طويل يلة رحت ضميت الجهاز وكل يومية بمكان حتى اذا اكو كامرات مايشك ليش بمكان واحد ادور.
مهمة صعبة وحذرة مرات انسة نفسي وانتبه اريد اكلة ادهم ساعتها اموت كلش قلقة بس مطمنة راح اخلص منة ومن عذابة الجهمني.
لفيت روحي ونمت من الالم استمر هالوضع فترة انطي معلومات للشرطة بس للاسف ماكدر اخذ منة معلومات لانة كلش حذر.
الكل مخبوص يحضر للاستقبال ناس تجي منا وناس منا خايفين من الحارث مايعجبة الترتيب يتهامسون بينهم بخوف واحد يكل للثاني.
-الورد عطرة طيب الالوان متناسقة.
صاحت بيهم الام الكبيرة كل واحد راح لشغلة اشرفت على الاكل مثل مايحب ويشتهي ضافت لمساتها الاخيرة علية وهزت راسها راضية عن كلشي بس ياترى هو هم راضي راحت تركض من سمعت صوت العكازة تضرب بالارض الصلدة وتطلع صوت ثنت اله باحترام واخذت ايدة قبلتها بقة لازم ايدها مبتسم بوجهها وهي مبادلتة الابتسامة.
-نورت يا بيك
-الحارث اني
-على راسي بيك.
قهقة بصوت وراح جلس على كرسي فخم خلة رجل على رجل ايد شامرها على الكرسي والثانية يطگطگ بيها بخرز السبحة تطلع صدى بالمكان، فر عيونة بارجاء المكان لم شفتة الداخل حلكة كانة راضي على الترتيب.
-ها بيك عجبك مو كلشي مثل ماطلبت
الحارث: -عاشت ايدج صفية من يوم يومج كفوئة
-تسلم بيك اهم شي تكون راضي علية
-راضي ياصفية وياج شوفيلي هالخرفان وين داحوو
-صار صار تأمر هسة اشوفهم.
طلعت تركض نزعت الشبشب وبدلتة بثاني طلعت للمزرعة تعرفهم يم الخيل بهذا الوقت ذبت نفس وصاحت بيهم بصوت عالي.
-كداامي اجة البيك منتظركم
-شلونج صفاوي
-انجبو مو وكت كلامكم الماصخ وشقاكم البيييك اجة روحو شوفوة
اجة يداعبها وهي تضحك وتضرب بية بخفة وتصيح
-لك ازااد انتتت متجووز من سووالفك عووفني بحالي
ازاد: -لا ماجوز احبببج احبببج
-بس عوفني ولك صخاام تعال اخذ اخوك الصخل
ازاد: -لا لا اني صرت صخل زعلت عليج ماماتي.
شمر سرج الخيل واجة يسحب بازاد الخانگ صفية ويداعبها تنفست براحة وراحت تضرب بية وتگلة.
-شقي يا ازاد تعبتني كلش ماتجوز مني
ازاد: -اكلها احبج تكلي جوز مني
صفية: -اكلني اكلني واخلص
ازاد: -والله ياريت
صفية: -بس اني ماحبك احب انوار الغالي
راحت تحضن بيه حتى تغور ازاد وانوار يضحك لان يعرف بازاد يغار صاحت بيهم صفية وكالت باستعجال وهي تضرب على گصتها.
-الوكت امي الوكت بسرعة كدامي للبيك عفتة وحدة.
راحت تركض گدامهم وهما يمشون على كيف يضحكون ويسولفون رجعت عاطت بيهم. وراحت تستقبل باقي الولد تسلم وتسال على صحتهم استقبلتهم بالصالة سلمو على البيك مثل ممتعودين يسمونة وتطشرو على الكراسي استلمتهم صفية تسولف وتسالهم عن ادق التفاصيل كل هذا تحت نضرات الحارث بابتسامتة الهادئة مركز انضارة عليها التفتت علية قاطعة كلامها مستمعة اله بكل تركيز وحب.
-ياصفية يانبع للحنان كلشي يخلص بالعالم الا محبتج وحنانج الله عليج تمنيتج امي
هزت راسها بخجل وجناتها صايرات حمر راحتلة ومسحت على خاتمة الزيتوني وهمست بصوت ناصي كلة حنان.
-امك وزوجتك ومثل متحب اكون
غمض عيونة ومع ابتسامة تعبر عن حبة واحترامة لهل مرة العضيمة بالنسبة اله ولاولادها زادت خجل من غمزات ولمزات اولادها الماكرين رفع الحارث عكازتة بوجههم وكال بتحذير.
-صفية خط احمر انتبهو شتحجون وياها لانها حساسة كلش
ماكدرو يحجون شي بس اشكولهم تحجي راحت صفية تركض للباب من سمعت هورنات جاية من الخارج اول وحدة طلعت تستقبلة تفرك باصابعها شوق ولهفة تتمنى تشوفة التفتت على صوت صفار الولد وهما يصفگون ويصيحون بصوت عالي.
-طبت يالزهررررة تلگيهااا طببت يالززهررة.
قطعو كلامهم من اجو الباقين يكملون الاحتفال بطريقة رنانة طبول وعازفين مزمار يستقبلونة ويرحبون بية انفتح الباب ونزل يرتب بسترتة ويهز براسة بخجل من موقفهم راحت صفية تحضن وتسلم سلام حار بعد غياب سنين. عيونة تتجول على الولد يبتسم لفرحتهم وكفو الموسيقى والتمو علية يتعاركون منو الاول يسلم خلصو سلامهم الاشبة بالعرك جان صاحت بيهم صفية واخذتة من ايدة للبيت متحمسة تگلة.
-البيك كلش مشتاقلك.
-ههههه الحارث مامتعود على البيك
-اني اسمية بيك بعد بكيفكم
دخل وانبهر من الاستقبال جان مميز ولطيف مثل ميحب ريحة ورد طبيعية وريحة الجو وهادئة مو مثل قبل كلة عطور فرنسية يكرة ريحتها
دار عيونة للحارث فاتحلة ايدة راح يسلم علية بحرارة وشوق جبير اشرلة يكعد على الكرسي البصفة استحى من نضرات الولد اليعاملونة باحترام جبير لان كدامهم الحارث وجهة تركيزة اله من كالة.
-شلونها جانت رحلتك
-زينة
-بس زينة!
-المهم خلصت شغلي مو مهم شلون عشتها
-شوفني ابني حبيبي
طلع من سترتة كارت اخذة الحارث بيدة يضحك ويكول: -وصار عدنة محامي بطل يدافع عنة بعد مانحتاج شي احنا القانون واحنا الدولة
فر عيونة وحجة متسائل: -وين ابو عيون جداحة
-صفية: عندة شغل سودة علية
-اهاا حلو
لحو الولد يطلعونة للاسطبل يشوف الخيل وخصوصا مهرتة كام من مكانة بهمة وهو يستأذن من الحارث ويگلة: -بس اشوف گحليتي طگ گلبي عليها.
ضحك الحارث وسمحلة يطلع وي الشباب اخذوة ضحك وسوالف وهو يجاوبهم مثل ميحبون وصل للاسطبل يدور عليها مقلص عيونة يمكن ضاعت او كبرت وبعد مايعرفها بس اكيد لا هو ميزها عن الكل
ازاد: -بيك زود طلعها
انوار: -مايكدر صدگني
جاوبهم وهو يبعد بالخيل ويگول: -بيضة مثل الشكر
وعيونها سودة مكحلة ودائما خاملة ههههههه والاهم خاتلة بزاوية.
طلعها من بين الخيل يضم بيها ويضحك كانها شخص ضحكو الشباب علية وكف متفاجأ وجهها عليهن علامات استغراب وحيرة التفتلهم وكال.
-ماتعرفني ليش
انور: -غير صارلك فترة طويلة ما شايفها
غوركت عيونة بالدموع وكال: -يعني تنساني ولقاء احدنا من ثلج والاخر من نار وحينما نلتقي يمحو احدنا الاخر.
اجة صوت صفية تصحيهم يجون يتغدون قبل لايبرد الاكل لحضات غيرن من نفسيتة للاسوء طبعاً وخلن براسة تسألات ومشاهد عديدة مؤذية انتبهو علية الشباب واكيد فهمو قصدة حاولو يغيرون من جوة لكن ماتغير شي.
طاولة طويلة اشهى واطيب المأكولات عليها يترأسها الحارث والكرسي الامامة فارغ اشر اله بيدة وگال.
-مكانك ابني
خلة ايدة على صدرة وكال رافض: -مو مجاني هذا.
لابو عيوان جداحة هذا
قهقة الحارث بصوت وكال: -مايجي أيس منة.
كملو اكلهم وراحو للاستقبال يتناقشون بامور عملية مهمة لكلا الطرفين شعل الحارث سگارتة المميزة بشكلها المختلف المخصصة الة قدمها الة رفض وكال
-ما ادخن من هذا النوع
-تحب تصنعهن بيدك
-صح وذا جان عندي الوقت الكافي طبعاً
دخلت فتاة شابة بفستانها الابيض مزينة ورد احمر شعرها الجميل منثور تحمل بيدها صينية سلمت وقدمت الكهوة الهم كل الانظار تتطاير الها الا هو منزل عينة بالكاع اخذ كهوتة وكمل نقاشة وي خالة الحارث.
-اكدر ابلش بشغلي مو
-تكدر ابني من باجر موفق
-شكرا جزيلا
-انت ابني وكلكم اولادي فبطلو الشكر لان تعرفوني ماحب هذا الكلام.
ضحك وكمل نقاشة وي الحارث ودائما يحاول يلگة جواب مثالي يناسب عقل شخص مثل خالة كمل من النقاش وطلع خارج القصر مثل مايسموة ايدية ورة ضهرة والهوى العالي يلعب بشعرة ابتسم يباوع للزرع ويشوفة شلون يتمايل مد ايدة يلعب بية ويضحك عيون الشباب تراقبة باستغراب بينما هو مستمتع ويتذكر شخص يسوي هذي الحركة.
التفتت على الصوت اجة باتجاهة يرحب بيه تعانقو وكان سلامهم حار كلش ومميز حاضنة ويضحك همس بذنة.
-ها ابو عيون جداحة
-انجب انهار شو جنك جفيت مابيك لاسمجة ولا عگروگة
-احب العگاريگ تدري
ضحك بصوت وضربة على ضهرة: -لك وتالي وياك عقلك صايغ كلك
-والله مادري بس ذني الجلمات بعقلي ضالات
-شكد احب لهجتك احس بيها ملوحة
-حتى انة ياخي احب لهجتك وخاصة من تگول غاح اغوح
-ههههههههههههههه لك اسكت وخليها انسى روحي مرات واحجيها
-احلة شي من تحجيها ههههه
-اي يولو سولفلي شكو شصاير وياك.
-لا شيء سوى عينيها الكحليتين يتجولان في الفراغ
-اليس لك عودة ثانية
-وعلى ماضي الشوق غنينا ايا فلان ليتنى ما التقينى.