رواية بين سلاسل العادات للكاتبة كفاية كاظم الفصل الثاني والثلاثون
المطبخ صار هوسة ارتجيت على الكاونتر مفهية اشوف عبير تبجي وحاضنة امها وتصيح.
-يمة طلگننني شسويي وين انطي وجهيي ااانة كتلة طلگنيي يمةة ااانة طلببت الطلاگ
تلطم وتملخ بروحها وامها مو ازيد منها كوة سكتنهن راح يلمن الناس علينة كعدت حبوبتي تفهم سبب طلاگها وكل الكالتة...
-عصبي ماينحمل على كلشي يتعارك بعد ماعدي طاقة تحملة.
تفاجئنة من عرفنا هي طلبت الطلاق وصار الحجي عليها بلفس ماصبرت علمود جهالها ومن هذا الحجي حالتها تقهر لا اكل ولا شرب وطول الوقت متوترة وخايفة اكيد مو لهنا وخلص كلشي صارت مشية وناس ورجلها طلگها رسمي وهي تنازلت اله عن الغايب وصارت مشكلة بيتنا جبيرة كلش علبو ماعدنة مرة تتطلگ بالعشيرة بس صارت شلون محد بيهم مفتهم.
فترة وقت وعدت ومرت الايام نسينة السالفة بس لا اني ولا البنات نحجي وياها كطعت علاقتي بيها من كالتلي سجى محذرتني.
-هاي الورطتج وكالتج ضلي ومن حاجوها نكرت لاتحجين وياها ولا تعاينين بخلقتها تسوي مصايب وماطول تطلكت خافي منها بزيادة
كلش خفت بعد ما اسمعهن يحجن متاكدات سبب طلاقها مو عادي وخاصة سجى تحلف وتكول.
-هاي الحوبة رجعت عليها
رغد: -ياحوبة.
-بجي وصريخ نوف يروح بالخالي بلاش ورطتها وخلت الكل يتهمها هسة طلعت وراح تطلع وعود اذكرجن
عجيبة هالبنية تحجي متاكدة من كلامها وكانها تعرف المستقبل.
رحت لغرفة سفانة اشوف على لكيت سفانة مخليتة بحضنها وتلعب بية ابتسمت اباوعلها وهي تناغيلة.
سفانة: -بنياتي الحلوات اكلج انا شثوي بيج ماتكليلي
علي يافرحة كلبي ياوليدي اغوو.
اضحك على ضحكتها وفرحانين الهم رب العالمين ماقصر ورزق فارس من الانسانة التستحقة كلبي يرف من اشوف فارس شلون يلاعبة اتذكرت ردة فعل انمار من كتلة تاخرت علية وعبالة حامل اووف وين رجعت صارت ذكرريات ماترجع ولاتكمل.
لحد الان مطالع الاربعين مالتة البيت كلة فرحان كل مايجي واحد من الولد يشيلة ويبوسه وفارس مايقبل...
فارس: -على كيفكم وي ابني ماشايفين ولكم طلعتو روحة ماتولون
رحمن: -هسة هو شاكيلك كايلك مضايقيني.
فارس: -هو لو عدة لسان ويحجي جا كال عوينت الخلفوني مخليني بيد رحمن وابن عمة
رحمن: -بس بوسة وحدة وكافي
فارس: -ماكو ادري بيك راح تشفطة روح تزوج وخلف محد لازمك
رحمن: -تروح لو ماتروح حتى عظ اعظة بسيطة فارس
فارس: -سفانة ديربالج تخلينة بيدهم انوب الگاة مثلم ابني شسويلة ارگعة انوب
جان يشاقة وياهم انطاة لرحمن يبوس بية بهدوء ويضحك فرحان من يلزم ايدة كال متفاجأ.
رحمن-: شو هذا حيل صغير جنة لعابة.
فارس-: سودة علية ابني صغير حيل بس يكبر شبيك خو مايضل صغير دوم
رحمن: -هم صكد عبالي يضل هيج حتى نسيت
فارس: -مو بس انت حتى انا انخمش كلبي
جاسب يباوعلهم ويضحك مو كلش علاقتة بية يخاف مايشيلة بس يبوسة بيدة يكول خطية عباس روحة من الدنيا على اول ماينزل يروحلة وياخذة لغرفتة يلعب علية.
مرت الايام عادية كعدت الصبح كلش ضايجة مثل هذا اليوم اجيت بية للناصرية حياة مختلفة عن حياتي الهادئة اسرار وغموض حب وحرب متواجدات بيت واحد بيت جبير كلش يضم اطفال ونساء وبنات وشباب ماعرف شلون مكفي وزايد لكل هاي الاعداد غرفة بصف غرفة وكل غرفة بيها قصة محد يعرفها. تعايشت بس ماتعلمت يوم عن يوم اوعى.
يحترك كلبي زيادة من اسمع الكلام علية من يجي خطار يسأل.
-هاي منين البت
-مرت انمار.
-ياء خية جا ليش عايفها شحلاتها
-محد يعرف المستور غير ربج كلنا مانعرف ليش عايفها وحيدها
گلبي يشتعل نار لامرة ولامرتين ينعاد هذا السيناريو وكاني بية شي وعافني من صدك بس بعد ما اهتم لشي تعلمت شي واحد اتعايش ما اتعلق بشخص واليروح الله وياة حتى اهلي اتفاجئو من اجوني ودعتهم بوجة يضحك وامي تحضن بية وتكول.
-كبرت بنيتي بعد ماتبجي ورانة.
اي كبرت البعد والشوگ والفراك يكبرن الواحد ويعلمنة لازم يتخطة الجاي مو احسن من الراح اقرا بجد وتركيز ومخصصة وقتي كلة للدراسة اريد اطلع معدل وبعدها ابدي صح نوف الطفولية الجانت مطفية بكلشي فتحت عينها على الدنيا وتغيرت.
حاليا احنا بالصيف الجو يسمط سمط بعدنا بداية السنة الدراسية وصادفت اجواء محرم والحزن تارس العراق مو بس لهذا السبب لا اكو سبب ثاني وهو الحرب.
ولدنا الجاي تروح بعز شبابها داعش والكوارث الغزتنا كل يومية يشيعون شهيد وتشيع احلامة واحلام اهلة وياة اقرا ودموعي تنزل على الدفتر تنگع سديت وكعدت ابجي مكسور خاطري من اسمع فلان استشهد ومرتة ولدت لو فلان استشهد ورة شهر من عرسة العراق جاي ينزف شباب.
الامهات جاي تموت ورة ابنائها الفرح ينمحي من الشوارع حتى الجهال مهتمة باخر الاخبار ومركزين بالتلفزيون يردون يعرفون اكو انتصارات لو لا.
الامل مرة يزيد ومرة ينقص فتوة عظيمة فزعة الشباب لابناء وطنهم تتخلد وتبقى مثال للعالم ينضرب بينة المثل بالغيرة والفزعة والشجاعة.
مسحت دموعي وكمت طلعت للديوانية كعدت برا استمع للملاية من بدا محرم بدات المجالس بيتنا وبيوت المنطقة خلصت الملا نعيها واستلمتها بيبي حكمة مثل كل يوم وهي تنعي الامام وتكول بصوتها العذب...
-اة يحسين ومصابة
ولجلة العين سچابة...
وتنهي المجلس بكلمة ابد والله يازهراء ماننسة حسينا وراها بالدعاء للعراق وشبابة الابطال اخر شي تعلة صوت الصلوات وكلمة امين يارب العالمين
تطلع صدى يحجنها بكلوب محتركة.
طلعت النسوان وراحن البنات وياهن الا اني بقيت ماعرف لا الطم ولا اعرف ناس المنطقه مامتعودة على الطلعة البيت فارغ بقى كلها راحت حتى الجهال راحت للمواكب.
كاعده اقرا وكل شوية اصفن واتذكر الشهداء ترسخو بعقلي على رشم وغيرة وغيرة ضحكتة متروح من بالي كل يومية تذكرة القنوات وتحجي بشجاعتة قريت الفاتحة لروحهم الطاهرة ورحت لبيبي كاعدة على ابساط قديم بنص الزرع بيدها سبحة تسبح بيها وتدعي بصوت ناصي ابتسمت بوجهي واخذتني لحضنها تمسح على شعري وتلعب بضفيرتي.
-شمالج يحبوبة موش مثل البنيات
-ضايجة ماكدر اتخطى شي شكاعد يصير بهاي الشباب العرسان
-اسمعي يحبوبة اسمعي.
جان صوت قصيدة عالي كلش يمجد بابناء الحشد والجيش دمعت عيوني وقشعر جسمي من اندمجت وي القصيدة.
-لو ما دم ولدنا ماجان هاي كعدتنا ولا ناكل ونشرب ونسوي المجالس ونلطم على الحسين (ع) اساس الشهادة عمت عيني عليك مولاي وذولة الشبان هاي عازتهم الكاع تريد زلم تحرسها وتحمي العرض ولدنا ماقصرو يتعنون الموت بضحكتهم الحلوة.
باجر عكبة يرجع العراق وتعيش الناس بخير بس تنسي هاي الشبان وينسي دمهم للناقصين غيرة يصيرون بس هما وبس ولا جن اولادنا روت الكاع بدمهم الطاهر ويلاة يحبوبة تنسون بس التاريخ ماينساكم ولا حنة ننساكم.
كلامها صحيح فعلا ينسونهم اووف روحنة صارت متلكة بالاخبار يوم نفرح ويوم نحزن وهيج مشة الوقت بين القلق وانتظار النصر.
خايفين على عباس كلش خطية بيتة جاي يبنون بية هو ماراد يعزل بس ابوة ماقبل كالة اسس حياتك ولان ابو وسن صديقة كلش مارضة يزعل علية رجعت وسن لبيتنة بس احنة متجاهلينها تماماً ومانلتقي بيهن.
وبيوم نزولة نحضر ونطبخ اله الاكل اليحبة مانعرف ليش روحنة تعلكت بية نخاف لايصير بية شي ودائما نحسة فخر عدنا شخص يحارب الاعداء صاحت الجهال اجة كلنا طفرنا فرحانين نشوفة بس انصدمنا بمنظرة...
الوجة مكلوب گلاب وايدة متصوبة ومعالجها انخبصنة بية خبص جبنالة مي اخذة يشرب كلنة منتظرينة يحجي...
عباس: -شسالفتكم طلقة باللحم ماتشوفوني مابية شي ازيد من الولد الراحت لو انا احسن منهم.
صح كلنا متاثرين علية بس مو مثل هدوة تناشغ وتبجي بصوت عالي اشوف وسن تريد تاكلها سحبتها سجى لصدرها تسكت بيها كام من مكانة وراحلها سحبها من حضن سجى تحت انضار الكل عمامي مغلسين او بالاحرى عدهم عادي لان مربيها يمكن لهذا السبب مافكرو ولاخلو على ببالهم تكون زوجة اله بيوم من الايام
لازم وجهها بيدة يمسح بدموعها ضمها لحضنة يحجي وياها.
-كافي بوية هدوة بسج هل تشوفين انة جدامج مابية شي شمالج بعد.
مابطلت بجي ولاملت ملاحظتها طول الوقت تدعيلة حتى ورة كل فرض تدعي وتبجي اخلص صلاة وهي تبقى تدعي شكد لعد حبها صافي ونضيف تجاهة.
-كافي استكي فوگ تعبي تعبيني
سكتت وتحمدتلة بالسلامه صعدت فوك ورحت وراها لزمتني سجى وكالت بتوسل.
-نوف فدوه ماتعوفينها ابد حتى للحمام ضلن سوة اخاف عليجن من الحية واختها
-صار ادللي ماعوفها
طول الوقت سجى تفتر ورانا ومن تجي من الدوام كلبها مخموش عبالها صاير شي ومن نسالها تكول.
-والحمزة تعبت كل ما ارجع للبيت الكة مصيبة وانوب رجعن خفت عليجن اكثر من كبل
الف وصية توصينة ومن تطلع توصي رغد تفتر ورانا ماشفت ولا راح اشوف وحدو بحنانها بس اليشوفها يكول العكس دائماً حتى اهل البيت ماخذين عليها نضرة الوكحة المايهمها احد.
نايمة وفزيت على هدوة تدغ بية ردت احجي وسدت حلكي بيدها وهمست.
-نوف اطلعي بدون صوت عفية
اخذتني تجرجر بية بين الصاحية وبين الغافية نزلنة الدرج: -ولج وين ماخذتني.
-هسة تعرفين
-يمة بس لاتخطفيني بهليل
-اووف نوف اووف ولج اصحي مو وكتج
فركت عيوني اصحصح طلعت بينة كبل للحوش ردت احجي وبطلت من شفتة كاعد يدخن لزمت ايدي وكالت بتوسل.
-ضلي هنا لاتطلع مرتة
-مو تتأخرين
-لا هسة شوية وارجع
راحت كعدت بصفة منطيني ضهرهم وكفت وراهم مباشرة اسمع حديثهم الهمس.
هدى: -ماتروح تنام
-ماكدر
-ليش ماتعبان
-تعبان وحگ عيونج كلهن بية لهسبب ما يجيني النوم
-الله يبعد عنك التعب ان شاءلله تلكة الراحة.
-صعب كلش صعب تنلگي الراحة
-ايدك توجعك
-گلبي وروحي يوجعني
-اسم الله خوفتني شبيك
-صور صحباني ماتروح من عيني عشرت عمر انا وياهم راحو بساع بساع
خنگتة العبرة سكت يدخن ورة دقايق كمل بحسرة
-غمضت عيونهم بيدي وضلت عيوني مفتوحة رسايلهم امس وديتها لحبيباتهم وزوجاتهم دفناهم بدينا شلون ننام
-الله يرحمهم.
-ماعايزين الرحمة شهداء ذولة بس ماكول غير الله يرحمنا وياهم ويصبرنا شلون نصبر على فركاهم مجانهم خالي ياهو الاصيحة حسن يطارق راحو حتى السفاح راح وياهم شنشوف اكثر واحنة غمضنة عيونهم واحد واحد
دموعي تجري واني اسمعلة حضنتة هدى تبجي وتكلة.
-ابطال والله ابطال
-عنوان للبطولة.
المكان هادء بس صوت حسراتة العالية احس كلبي نار من اسمع ولد يموت راسأ اتذكر اخوي. كامت هدى بعد ماكالها بس يخلص البيدة ويكوم لزمت بيدها وصعدنا لغرفتنة كل وحده راحت بفراشة عيوني بعد ماخذت نوم شفتها كاعدة.
نوف: -نامي
-بعد طارت النومة
-خلنسولف لعد
-يلا طلعي سالفة
-اممم تحبينة
-اي بس مو مثل البالج انة من زمان احبة
-يعني شلون ماتنغارين من بسيط الشرير.
-لا هاي مرتة كل وحدة بينة حبها يختلف حبي اله اعظم من حب الزوجة الينتهي بيوم ويومين
-لعد
-حب البنية لابوها اعظم واقدس شي ومو بس هذا كلهن تجمعن بية ماكدر اوصفلج
-يعني باجر اذا اجوج خطابة توافقين
-اول وتالي اتزوج
-عزاا يبوووو شنو هاي شو ما اقبل تزوجين
-مو بكيفنة الزواج سنة الحياة بس ادعي من كل گلبي يطلع رجلي يشبهها مثل شكلة وحنيتة علية
-ان شاءلله تلگين
-جذب ماكو ولا راح الگة بجمالة وطيبة كلبة بس اكول بلكت.
لفت راسها وضليت ادعيلها من كل كلبي تتحقق امنيتها ابتسمت وضربت گصتي وين اكو واحد يشبهها وبجمالة عباس طويل كلش ولو هما ولدنا كلهم اطوال وملامح وجهها حادة كلش عيونة حواجبة خشمة واشواربة مقوسة ربي يحفضة لشبابة ويهنية.
سرى
مخنوگ صدري حتى الهوى يأذيني رفعت عيني للباب اتاكد منة مقفول رغم اني قافلتة بيدي بس انسى الخوف ينسيني ويخليني قلقة ماعرف المكان وخطورتة ولا اعرف هذا الجيثام شنو يستفاد مني او شنو ممكن يسويلي.
اسبوعين مرن على تواجدي بهذا المكان الاكل يجيني بوقتة محد معترضلي ولا يمنعوني من الطلعة خارج البيت فقط افتر وارجع مرات اخاف من اشوف هواي اشخاص بلبس رسمي اعتقد حماية للجيثام.
دلهار ماشفتة ولا اجة عقلي تضارب بية الافكار وين راح لحد هذا الوقت مختفي ياخوفي يكون باعني الهم.
الخوف ياكل بية من الداخل اخاف من المجهول حتى وي دلهام ماخفت هالشكل على الاقل جنت مطمنة من ناحية محد يعتدي علية غيرة على الاقل هو زوجي.
هز الجهاز بصدري طلعتة وكلبت عيوني كلش مليت منهم وكمت احس بيهم مو شرطة ولا هذا باهر مدري شسمة ضابط لان لحد هاي الفترة ماتغير شي ولا خلصت من هالمجرمين.
فتحتة ونترت بية قبل لا يجيني صوتة.
-كااافي بزعتووني كوول ااانت من جمااعتة كوول تررة ااني مو غبية اكتشفت كلشيي لاعبالك تبقى مستغبيني
-اهدي سرى شوية
-ههههههههههه غبية اني والله اكبر غبية ماكدرت الحقيقة ولا سالت نفسي الباب منو فتحة إلى الملائكة نزلت لو انتو ماكو غيركم الله ينتقم منكم كلكم استغبيتوني واني جنت مأمنة بيك وحلفتك بغيرتك بس انت نذل حالك حالهم
ابجي وارجف احس نفسي اشتعلت نار دموعي تتطافر حارات.
-بس اهدي خل افهمج
-شنو تفهمني تفهمني اني غبية وصدكت بيك لو طلعت وياك بدون ما اشك بيك كل هالفترة الله ينتقم منكم استغليتو ضعفي وقلت حيلتي
-ابدي اشرحلج الباب ماجان صدفة مفتوح لو واحد نساة من الاستعجال
-لعد منو فتحة
-عدنة اشخاص يشتغلون وياهم لصالحنة وبامر منة خلو الباب مفتوح لان نعرف كلش زين راح تطلعين وبما انو ماكو سيارات تمر طلعنة بوجهج.
-وبعدين شنو الاستفاديتة لحد هذا الوقت ما سويتو شي لحد هذا الوقت اني بيدهم وبنص الخطر اذا جان دلهار خطر هذا ابوة اخطر منة انطيتكم كل المعلومات بعد شتنتظرون
-مو بسهولة نقضي عليهم يول تفهمين ذولة مو عصابة ذولة عصابات صار سنة نشتغل ضدهم ونعرف اماكنهم بس مو لهنا وتنتهي محتاجين وقت لا تتصورين بس انتي وياهم وياج ضباط عدهم عوائل واطفال بنص الخطر مثل ما قلتي.
-والله تعبت ومليت حتى لو يريدون يقتلوني ماهتم بس يفضوني بدون كل هالقلق
-الصبغ يبة الصبر مريود نحس بيج وقلبنا معاكي
سديتة من حسيت على حركة كلش خفت يطلعون سمعوني كمت ارجف فتحت الباب محد موجود ذبيت نفس بزونة طلعت تفتر بذيلها.
عدلت شالي وطلعت خلص صبري اريد اعرف مصيري شنو طلعت امشي وصلت تقريباً لمكان الجيثام وكفوني الحماية المكان الكاعدة بية صاير ورة المكان الكاعد بية الجيثام شلون البيت المقسوم نصين بس ذاك يختلف جبير كلش وحتى يمكن بية ناس عايشة بس لحد الان ماشفت غير الحماية.
-مدام مايصير تطلعين
-اريد اشوف الجيثام احجي وياة
-بس هو هسة ماموجود من يجي نطيج خبر ارجعي بلا زحمه
رجعت على اعصابي كعدت روحي تحترك كدام عيني.
شوية واجة الحماية بعد مادك الباب سمحتلة بالدخول كال.
-تفضلي مدام الجيثام موجود يريدج
طلعت اشوفة امشي ورة الحماية مسافة قليلة وكفت كدام طاولة جبيرة بنص الزرع والورد مزروع بالصفحة البيها هوة لبسة رسمي قاط رصاصي شعرة الابيض نازل لحد رگبتة مبين من النوع اليحب يتكشخ اشر إلى اكعد على الكرسي كعدت وسالتة.
-شوكت حبقى هنا ولدلهار ليش لحد الان ماكو.
ماجاوبني واستمر يدخن بسجارتة مال الاغنياء برودة نرفزني بس ماكدرت احجي انتظرتة يجاوب
رمقني بنظرة باردة وكال.
-من يخلص شغلة يجي ياخذج
-ياشغل تقصد
-انطيتة كم شغلة يخلصهن
قهقة بصوت عالي وطفة السگارة بالنفاضة.
-دلهار يحب بعد كل الصار وياة اخر زمن
-ليش شنو صار وياة
-مو يحبج شعجب ماسولفلج
-عن شنو ممكن تفهمني
-اعتذر ماكدر اطلع اسرارة من يجي اسئلية.
كام يخابر واني رجعت لمكاني سديت الابواب الزجاجية وكعدت ورة القنفات لازمة راسي بدية يربي وين اني وشنو هالناس الغريبة خلصني يا اللهي
الوقت بطيء كلش كل شوية ارفع عيوني اباوع للساعة المقابيلي احسها ماتمشي.
اكثر شي احب اسوية اتذكر الماضي إلى صار هروب من الواقع الذكريات هي الانقذتني من هذا الجحيم رجعت لايام الخير صرت ادندن بصوت كاني رجعت لذاك اليوم.
-مامرتاح گلبي الليلة اودعك حبيبي لخاطري ماشوف دمعك.
انة مسافر الليلة لان مابيدي حيلة.
زمن ضيعني ماريدة يضيعك.
اجة صوتة يكول: -ضيعني وراح يضيعج وراي
عشت ذاك اليوم بتفاصيلة وين يلا حسيت على روحي ارجف وابجي لازمة ركبتي بيدة ضايع عني الهوة اجتمعن سوة الماضي والحاضر كسرني وصرت مثل طير مكسور جناحة يباوع للسما بس مايكدر يطير صدك ضاع وضعت من وراة.
ماعرف شكد مر وقت واني على وضعي احس كلبي يريد يطگ من القهر فقدت ورجعت اتذكر من جديد سوالفة وايام خطوبتنة الما تمت.
فتحت عيوني روحي كاسرها الحزن يحضن ويبوس بية كرهت جسمي ادفع بية فاقد لازم راسي بثنين ادية ويتنفس سريع يكول عبالك طاير الهوى ادية ترجف مايكدر يحجي يتلمس بية ويبوس طلعها لروحي وين يلا بعد مني.
كعد بصفي سحبني لحضنة يبوس براسي ساعة يرفع ايدي يشمها لو يعصرها كسرت السكوت وكتلة.
-وين جنت كل هاي الفترة
ضمني حيل لصدرة ورفع وجهي باصابعة عيونة مدمعة.
دلهار: -ماسوالج شي ادري بس كتلج راح يستغلني بيج ويخليني اخلص شغلة
-واني شكووو شعلييية بييك وبشغللك ااانت وابووك ترريد تموونيي من الخووف كل يومية ناقلني من مكااان لمكااان وتاالي ويااك عووفني بحالي كافي تعبتتتتت ماكدرررر اتحمل هاااي المهزززلة اقتنلنيي وخلصنييي
اعارك بية بثنين ادية ودموعي تنزل يحاول يقربني علية بس ماكدر جان تعبان.
-عووفني الله ينتقمم منك اليوم قببل باجرر الله يشوفني بيكم يووم بجااه كلمن.
سد حلگي ماخلاني اكمل فحطت واني انازعة سكتت اجر النفس كوة مسح على خدي وكال.
-بعد ماتنعاد اخر مرة تشوفين هذا المكان اوعدج
كومني وطلعني من البيت يسحل بية اعيط واملخ بية بس مايحس لاگانة ابوة واكف مبتسم سحبني حيل وحضني بهلثناء اجة طفل صغير يركض من البيت ويضحك التف حول الجيثام ويحجي بحماس وضحكة.
-باابا راح تاكلنيي البعبع هههههه.
حاوطت ايدة الطفل وطلعت الخدامة تركض من شافتهم رجعت مبينة جانت تلعبة باوع الطفل لمكانها مالكاها اجة يركض لدلهار حضنة من رجلة ويكلة.
-هلاو هاي انت اجييت شكدد اسال بابا عليك
دفعة لدلهار برجلة نرفزني تصرفة كانة كائن فضائي مو طفل يجنن سحبة ابوة واشرلة يدخل جوة دخل ايدة بجيبة وكلة.
الجيثام: -فرصة سعيدة تعرفنا على مدامك الاكثر من رائعة.
سحبني وراح يمشي بدون مايرد علية صعدنة بالسيارة بقينة دقايق بين ما الحماية جابت غراضي وخلتهن بالجنطة شخط السيارة شخط يمشي بكل سرعتة وبنص الطريق كتلة.
-هذا اخوك الصغير
-اي
-اكيد مو من امك صح
-ذكية تلكفينها على الطاير صح
-حلو عندك اخو هنا بس ليش ماتريدة
-بكيفي.
سكتت طالعة روحي من شخصيتة المتناقضة شي مايشبة شي عندة بعد مسافات وطرق مختلفة تماماً اني من النوع اركز واحفظ الطريق لهذا ميزت طريق جديد جان قبل لا اسئلة عرفت مو نفس المكان وبعد ساعات تاكدت.
طبكت السيارة كدام بيت صغير بمنطقة زراعية بيها بيوت متفرقة كل بيت يبعد مسافة طويلة عن الثاني
اعتقد احنة باطراف بغداد لان المكان هيج يوحي.
نزل الجنط وفتح الباب دخلت عيوني تفتر بالبيت صغير وقديم مفروش فراش جديد بية غرفة مابيها سرير ولا كنتور وحمامات ومطبخ صغير وصالة صغيرة التفتتلة من كال.
-مسالة وقت ونروح لغير مكان
-ليش وذاك البيت بعد مانرجعلة
-لا
-ليش
-صار خطر بالنسبة الي
-شلون
-مكانة انعرف
-اهاا وشكد نبقى هنا
-ماعرف بعد بس مو هواي الثلاجة متروسة واي شي تحتاجينة يمج
-وين راح تروح
-هنا مارايح.
حجاها وطلع اسمعة يقفل بالباب اجاني احساس اكدر اطلع من هذا البيت مابية كامرات وبمنطقة ممكن شخص يساعدني الفرحة تغرست لداخلي لحضات واختفت من فكرت بعقلانية اذا شردت وين اروح اكيد لاهلي ومناك عادل يرجعني اذن محتاجة مكان غير بيتنة.
راسا خطر بالي الجهاز طلعتة ورحت بالغرفة كلبي يخفق بقوة عسى ولعل اخلص مثل ماخلصت من البيت. انفتح الجهاز معناها جاي يسمعون راسا كلت
-سيدي احنا باطراف بغداد بمنطقة زراعية و.
ضحك بصوت عالي استغربت وكلت اكيد مو علي.
باهر: -سرى ميحتاج تكولين انتي وين الجهاز محدد موقعج بالضبط لاتقلقين نعرف بيا مكان حاليا
-شوف سيدي يكول عرفتو بيتة
-الج الصافي سغى
ضحكت بدون ما انتبه على نفسي عضيت شفتي وكتلة: -اذا ماتحتاجون شي اترخص
-الله وياج.
سديتة ورجعت اتجول بالبيت لليل جاي اسوي عشا واسمع سيارات عفت البيدي ورحت اشوف بس هالمرة ماكو شباك رحت اشوف من جوة الباب اكو فتحة مجموعه سياارات حمل تنزل اشخاص يفرغون صناديك وكارتون وتمشي تجي بعدها غيرهن يحملنها ويروحن راسي داخ.
رحت للمطبخ كملت اكل وشوية اجة حضني من ضهري.
-اشتاقيتلج
-اني العكس اصلا ارتاحيت منك
-بس اني لا.
كرصني من خصري شوغها لروحي بدا بسوالفة المقرفة حتى اكل ماخلاني اكل عافني وطلع من الوجع صرت اركع راسي بالكاع ماعندي غير ادعي الله يخلصني منة.
من هذا اليوم وتوالت الايام والليالي واحنة بهذا البيت نفس العذاب ونفس المهزلة وحش مو بشر رجع اسوء من قبل ايست من الدنيا كلها حتى الشرطة حسيتهم متهاونين وياهم او يخافون منهم اعتمدت على الله وشيصير خل يصير تعودت على العذاب.
كاعدة بارض المطبخ تحضر فطائر ومعجنات بضحكتها المتفارق وجهها البشوش سمعت سلينا تصيح على وحدة من الخدم عافت البيدها وراحتلها
-ليش يابنتي تصيحين عليهم كم مرة اكلج عامليهم بلطف
سلينا: -ماما صفية انتي ماتعرفين ليش رزلتهن جانن يحجن عليج
-ميخالف يا بنتي يمكن عدهن فضول و الفضول موجود بكل انسان
-بس اني ماقبل واحد يحجي عليج انتي امنا
-حبيبتي بنتي بس هاي حقيقتي.
حضنتها سلينا بعيون دامعة مسحت على خدها باصبعها الكلة طحين.
صفية: -شوفي رسمتلج طير هههه
سلينا: -متجوزين من سوالفج صفاوي
-لا ماجوز يلا يلا وياي نكمل شغل
رجعت تكمل شغلها والعاملات وياها يشتغلن.
-احجيلجن حبيباتي صح اني اجيت خدامة لهلبيت
وجانت المدام موجودة اشتغل عدها ربيت الجهال من هما وصغار باهر وانور وازاد جنت احبهم وكانهم ولدي ومن المدام رادت تنفصل جانت سلينا رضيعة.
عافتها عندي انطيتها حناني واهتمامي حبني البيك وطلب ايدي للزواج واكيد وافقت وصرت ام الهم.
وجبت من البيك اربع ولد ماميزت يوم جهالي عن جهالة كلهم واحد حتى اصدقائهم اعتبرهم اولادي
العاملات تسمع باهتمام عدا وحدة بيهن ماعاجبها لان جانت وي صفية تشتغل سوة ومن شافت صفية صارت ام البيت بقت تالف سوالف للعاملات ولذالك و صفية حجت الهن بالسانها بدون ماتخجل من مهنتها السابقة.
تشتغل وتتنقل مثل الفراشة من مكان لمكان طاقة البيت الايجابية هي صفية ماكو شخص يكرهها لو حاقد عليها الكل يحبها وخاصة الحارث تعلق بيها بشكل وخاصة بعد مافلس جانت تنطية القوة ودائما تطرح علية افكار وعاد الحارث بقوة بفضلها من بعد رب العالمين.
كملت بيدها السفرة والخدم تروش جوة ايدها بقت الفطاير منتظرتهن يكملن باوعت لسلينا وجهها مقتحن احمر وتبرش باضافرها بحركة.
حضنتها من زندها وكالت: -سلينا امي احجيلي شبيج من شنو ضايجة
-ماما صفية ماريد اتزوج كولي لبابا
-ليش يا امي انطيني سبب حتى نقتنع ونفهم
-ماما اخاف من الزواج
-طبيعي كل بنية يجيها هذا الشعور بعدين يروح وتمشي الحياة طبيعية
عافت ايدة وراحت للسنك تغسل بيدها ودموعها نزلت: -ماما انتو مدا تفتهمون علية.
-حبيبتي سلينا احنة مانجبرج ولا نضغط عليج هذا اختيارج يا امي بس ميصير هالشكل ترفضين كل اليتقدمون من افضل الشباب واحسنهم مستوى مادي
غير نفهم السبب
-ماريد وبس اخذت قرار اريد اخذ شهادة ثانية
-اووف يا امي الدراسة دمرتج مايكفي اخذتي الماستر شتسوين بتخصص ثاني عقلج راح يضرب من كثر مادرستي
-فدوة ماما صفية قنعي بابا اريد ادرس
-اووف منج يسلينا ماعرف شنو احجي الولد يحبج ارحمي بحالة عاد.
-سدي موضوعة رجائا والله ماكدر
-تمام خلص بنتي بس على كيفج وي نفسج
عافت سلينا بحالت قلقها إلى اعتادو عليها كل مايفتحون موضوع الزواج ترفع بشعرها الاشقر وتنزلة نجي لسلينا فتاة شابة تبلغ من الجمال احسنة عيونها خضر وبياضها ناصع تشبة اخوها باهر وارثين الجمال من امهم العايشة حياتها بالخارج ماتعرف عنهم ولايعرفون عنها شي بالنسبة الهم امهم صفية
طلعت بعد ماصاحوها راحت تجلس بصف اخوها ضمها الصدرة وكال.
-بعد الاكل اريدج بموضوع
صار وجهها احمر وتركت الاكل دخلت لغرفتها تبجي بصوت دقايق ودخل اخوها ضمها لحضنة يهديها الكل بالبيت متعود على وضعها حساسة على اتفة الاسباب تبجي سد الموضوع قبل لايبدي بية ونزل بعد ماسكتت.
-وين ابو الشباب
باهر: -بنص الخير
-عبالي تكول زفت
-لايولو احكينة اشلونك
-بوية انت شني كليومية محول على محافظة حدد هويتك يا اخي
-عراقي انا
-مصلاوي انت على شوية انباري بنكهة بغداد.
-يرحمها الامك جبتها بالضبط لك تخيل يضحكون من اكول بدال سرى سغى عبالهم عندي لدغة
-هم تعتبر لدغة اووو منين هاي سغى
-وحده نشتغل معاها كثير انظلمت تجي بعمر سلينا او اصغر حغامات ضاع شبابها وي مجغم
-هواي امثالها واكو ضاع وي سادة حسب
-صح
-اي شكو ماكو
-ماكو شي بس اسمع عنك لاعب ومامخلي بالعب
-شغلي
-نصيحة مني لاتتعمق وي الحارث
-ادري ما متعمق بس القضايا الاخذها ثكيلة
-ابتعد راح تدخل بطريق ماتكدر تطلع منة
-صار هيج.
-بس لا تتورط وتروحلها دير بالك تتعرض للخطر بسببك
-لا يابة ماروح بس تجيني الاخبار
-هم بعدك تشتاق
-لا
-افااا ليش هيك
-اسكت عني ولا تجيب سوالف قديمة
-اافففف صاغت الشكرة سوالف قديمة
-القديم والجديد الماضي والحاضر والمستقبل هي
-دنجب مو كلنة هيج
عافة يضحك وراح لسيارتة صعد وصاح علية من الجامة.
-تروح وياي
: -وين
-شغل تحبة
-جايك
صعد وانطلق بية.
انمار: -شوكت تقفل الملف
-عن قريب
-صكد.
-بحيل الله القريب العاجل نمر هواي ناس جاي تتاذى بسببهم اطفال ونساء من كل الاعمار والفئات يجبروهم يشتغلون وياهم من غير عمليات الاغتصاب وغيرة سوالف تقشعر الها الابدان ومستغلين وضع العراق الصعب اوووف
-ابطال ماينخاف عليكم
-الله ويانة يكفي، هسة انت ماكلت وين مولي بينة
-نودي تبرعات للحشد
-فكرة حلوة يستاهلون ولدنا
-ابطال كفو من شواربهم
-هاي اول مرة تدز
-لادائما عدي تواصل وياهم صحباني كلهم تطوعو.
-لحد الان عندك تواصل وياهم
-عندي تواصل وي الكل
طبكت السيارة كدام انشائية نزلو منها كل مايحتاجونة وباهر زود عليه اجت سيارة حمل نقلتة ورجعو لسيارتهم الحارث يتصل بيهم ويطلب يشوفهم رجعو للبيت يشوفون توصياتة بمجالات عملهم...
رحت للمطبخ لكيت زهيرة مادة لسانها على نزار وصايرين بالنعل.
سجى: -شكوو شبيكم
نزار: -ماتصيحين بيها تجي تذب حجي علية بكدها انا
زهراء: -يمتها ذبيت حجي عليك كون ذبو عليك عرابيد
نزار: -ها خوب شفتي
سجى: شبيج زهراء انجلبتي صايرة فرد مرة
زهراء: -والله ماحاجية شي بس كتلة ليش تابع نور ومهند مو عيب عليك انوب كام يعيب علية يكلي وجهج اصفر
سجى: -ها نزار وتالي وياك ترة اكل لجاسب عليك.
نزار: -جا ماتكليلة هي اختة تعيل بية زلمة اعاينلي على فلك شعدج وياي طالبتني بطلابة ترة هاي غير شغلة
زهراء: -اي انت ماتستحي يحضن بيها وتضحك علية
نزار: -خرب وجهي يو اجيتكم بعد وين ما اروح لاحگيني امداج الصخلة
سديت حلكها وطببتها جوة لحجرة سفانة كلنا ملتمين على ابنها نلعب علية كل شوية يجي الدور لوحدة تبوسة وتلعبة اجة فارس وطلعنة رحنا لحجرتنا.
نوف حدبت على كتبها صايرة مدمنة مال قراية من رجعت من النجف وليجاي ماتحجي بس ساكتة خطيه زارت اخوها.
صارت هاي الحجرة ملجأ النة نحتمي بيها من المصايب التنزل بدون مقدمات.
رغد: -ضاااايجة
سجى: -شلوووون انا موجودة وانتن تضوجن من اهمداني يلا جهززن رواحتجن
زهراء: -وين بس لا للمول
سجى: -وجهج جاي بالطول يا مول اليستقبلة
نوف: -نمبر وان بالتنمر
سجى: -وجهج طاكتة الكأبة وتحجي بالنمبر
نوف: -اهوووو.
سجى: -اذا السادس طلع براس رغد گمل يمكن يطلع براسج عگاريگ وانتي منا تحبين العگاريگ فرصة سعيدة
نوف: -سجى تسكتين عني لو اجيب ميمو اشمرة عليج
سجى: لا وروح جدي بعد ماحجي عليج تعاي احبج
نوف: -ماريد
سجى: -جا تحضرن
راحن يلبسن صاياتهن خاف يطلعنا واحد ويرزلنة مابينة حيل نزلنا وصارت بوجهنا عبير احسها توترت من شافتنة.
-وين رايحات يبنات
سجى: -للنجف
طلعنا وصاحت ورانة: -خاب لاترحن البستان هسة.
درت وجهي عليها خازرتها: -وليش يابة
-اخاف يصير نفس كبل ويطلع زلمة يفتر بية
-لا تخافين ذيج حالة نادرة.
كلنا لحبوبتي واخذناها ويانة كلشي يصير خاف صدك يطلع واحد وتصير سالفة كعدت حبوبتي على جذع نخلة تسبح واحنة دخلنة جوة.
نوف: -ديلا هسة هاي طلعة لا والنوب اني الفطير عفت قرايتي واجيت وياهن
سجى: -شبية الحلو زعلان اسكتي خلينة نلعب
طلعت من جيبي دعابل وصحت: -ياهي تلعب دعابل.
رغد: -انة
زهراء: -وانة.
ديلا احفرن نگر رحنا ندور على حديدة شي صلب نحفر بية اليشوفنة يكول يدفنن سحر ياهو اليصدك نلعب دعابل حفرنة وخطينة خط بالكاع يسمونة الاساس وكفنا تلاثتنة وشمرنة الدعابل مالتي صارت فيت وي الاساس رحت استلمت النكر وبدينا نلعب
خسرتنة زهراء وهي الفازت: -هييييي فزززت فزززت
سجى: -ولجن جيبن الها الكاس شبيك هي لعبة
نوف: -حرامات ماعرفها بنات حبابات نريد لعبة كون كلنة نلعبها
رغد: -يمي سجيوة
سجى: يلا تعالن.
بدينا نلعب لعبة الشيطان مثل مانسميها نصيح بصوت عالي جنا جهال نسينة اعمارنة.
: -من ااانت
سجى: -انة الشيطان
هدى: -عاوز اية
سجى: -سبع الوان
رغد: -ماننطيك
سجى: -اروح اصيح للجلاب السود
-لااا لااا تعال ننطيك
نفتر ونصيح سبع الوان سبع الوان ضحكنا ولعبنة وماخلينة من العابنة القديمة الفارة هندي هندي والليلة باتت عندي وغيرها وغيرها رحنا لحبوبتي تسولفنة قصة من مالات كبل.
فرت بسبحتها وحجت بصوت تقلد حركاتهم واصواتهم واحنة نسمعلها بكل تركيز جنا زعاطيط.
-كان ياما كان في قديم الزمان
اكو مرة زلمتها فقير
يشتغل صياد يصيد هالسمجات
وذاك يوم ويصيد عربيد
دحجي يالعربيد وكل للصياد
طلعني واطيك كنز
طلعة الصياد وشمرة بالماي تاناة تاناة ياهسة يجي ياهسة ايس وكال هذا جذاب خل ارجع لاهلي
لا والله ويمشي الزلمة ويصيحلة العربيد كالة هاك هذا الذهب والفلوس الصياد تعجب وكيف.
كالة العربيد كل يومية تعالي اطيك مثلهن بس مو تكول.
اخر ايام فرحنة بيهن يمكن مقدر النة نلعب ونضحك لاخر مرة. مندمجين واجت الجهال تصيح علينة الحگن ركضنة نشوف صرنة هوسة رغد ضلت وي حبوبتي تمشي بيها لاتنجلط رحت واشوف عايشة تدك وتلطم اخذو عمي فايز شهكت من شفت حلكة اعوج وايدة عاوجها طگتة جلطة خفنا يموت يو يلحكون علية لو الله اعلم.
اكيد اكو خبر اجاة سبب بحالتة بعدنة بعز الصدمة واجو ولدنا تتراكض وبيومها الكل موجود مصيبة لامنها مصيبة حادثة غيرت حياتنا كلنة ونقلتنة من ان الى.