رواية بين سلاسل العادات للكاتبة كفاية كاظم الفصل الثامن عشر
سفانة
واكفة اسوي غدة البيت شبة فارغ البنات بالدوام وامي راحت يم اختي والباقي كاعدات بالديوانيه التفتت من سمعت شي وكع، شفت نوف مدنكة بالكاع ترفع بالسجينة ايديها ترجف ذبيت البيدي ورحت يمها مسحت على شعرها.
-انطينياها حبيبتي
بقت على وضعها متجمدة سحبتها من ايدها بهدوء رجعتها لمكانها وگومتها ترجف وجهها عرگان واحمررر رجف گلبي عليها ركضت جبت ماي غسلت وجهها كوة تتنفس.
-نوف بيج شي احجي
-اريد اريد هذا شسمة.
-شثمة
-مادري بس اريد اريد وينة هو وينة هاا
-على كيفج كولي شبيج وشتريدين
-اريدة وينة ليش يعوفني وحدي اخاف اخاف اموت
لزمتها من ايدها تختض بيدي مثل السعفة كعدتها على الكرسي وكعدت گبالها اريد افتهم منها شي ماكو ترجف وتتلفت ساعة بالسگف ساعة وراها شككتني صرت اتلفت وياها.
-هنا هنا واحد هنا
-وين شبيج ماكو شي كولي بثم الله.
صفنت بالفضاء رحت انصي الجدر واشوف شبيها التفتت شفت عمي فايز بالباب يعاين لنوف صاح بصوت كمزنا ثنينة.
-شنهوو هاااي وينن احناا عايشين بتركياا امشيي جداامي بدلي لبسج ولمي شعرج لا ابتلي بيييج
جانت لابسة تراكات وشعرها نازل بعشوائية بلعت ريگي اعاينلها خازرتة بحدة رجع صاح بيها.
-ااانننة شحجييي موو ويااج يوو صررتي مثثثل رجللللج العااار مايسمع الحجيي.
كامت ترجف رفعت اصبعها بوجهها: -انت انت العار هو احسن منك انت عاارر تمام
ماحسيت الا رگعها راجدي من قوتة طاحت بالكاع شهكت ورحت ارفعها كلني ارجف دفعني يغلط ويفشر بصوت عالي.
-اذاا ماطلعتتلج گلببب ثااانيي اتفليي بشيبتيي انة عاااار
سحگ على راسها برجلة جان لابس شحاطة صرخت بصوت عالي اطرافي تختص حتى الهوى ضاع مني
يسحگ بقوى ادفع بية اريد اوخرة ضربني بيدة جانت بيدة سبحة طفت عيني.
-عااار عاار انتتت عاارر عوووفنييي وخرر منييي جلببب الله يااخذذك
التمينة علية نريد نطلعها منه ماكو لازمها من شعرها بقوة ويغلط وهي ماسكتتلة تغلط وترجف شمرهاا بالكاع مسافة وكف يغلط ماحسينة الا الطاوة اجت براسة شهگنة بصوت عاينتلها كوة تجر نفس دخيل الله اذا لزمها ركضنا انة ورضية سحلناها طببناها بالحجرة وسدينة الباب عليها لاگانة صاير نار گبرة.
ولازم راسة ربك مامشگوگ.
-اليوووم اموووتج بيييدي ما اتسمى باسمييي اذااا ماكتلتتتج موووت افتتتحييي البااابببب
يرفس بالباب احسة الشيطان الرجيم يفشر ويغلط عليهم وهي ماسكتت ترجعهن اله.
نوف: مسسووي رووحك ررجااال تضررربنييي حتى المرررة احسن منك الووصخ القذررر الله يااخذكككك
هو يرفس بالباب وهي تدك بية وتصرخ بحرگة.
جدة نوفة: -شماااالك تسووودنتتت وييي الفررخة.
: -تغللط علييييية وتطگنيييي بتتت بغددادد اليوووم اشرررب من دمهااا هييي ورجلهااا
عايشة: -بسك كاااافييي طللعتت ررواحننة شللووون مانررتاااح مننن شرررك
حجت هالكلمتين وضربها راجدي لحضة صار البيت صنطة نعاين عليهم لازمة خدها تعاينلة بعيون مدمعة
حجت بغصة.
-تمد ايدك علية تالي عمري وجدام الكل
مانطق بحرف واحد تولتة حبوبتي بعصتها وعايشة دموعها تنزل تكسر الخاطر حضنتها رضية تسكت بيها طلع وصاحت وراه.
-لا عبببالك اضلن يمك اعووفلك البيت واطلع واشوف ياهيي التضل يمك
رجع عيونة بگصتة يريد ينفجر لزمها من جتفها يهز بيها.
-ماتطلعين اجسر رجليج اذا طلعتي. طلعة من البيت ماتطلعييييين
-هساع شوف المايطلع
راحت تمشي تلم غراضة وكفت من صاح يهدد.
-بس تطلعين تندمين
جانت جملة مبطنة محد يعرف معناها بس هما طلع وهي رجعت لنوف تدك بالباب: ولج يمة اطلعي راح افتحي الباب.
ماكو اي صوت يبدر گلوبنا طاحت بالكاع والبيت انخبص خبص ضلينا حايرين لانكدر نكسر الباب ولاهي فاتحتة خفنا البت صار بيها شي هستوة خلص الاذان ودخل انمار يعاين بوجوهنا عاگد حاجبة بمعنى شكو محد حجت شي.
-موو. احجييي وياااجن شكوو شصااايررر وين راحت شردت مو؟
صدرة يصعد وينزل يترقبنا نحجي جان متاكد طلعت: وووييين رراحت وينننننن شررررردتتتت مووو ليييييشششش وووييين الگاااهااا وووييين وولتتتت.
بعدنة ماحاجين وفتحت الباب التفتنة الها صايرة قطعة حمرررة رركضت الة حضنتة تبجي منظرهاا يگطع الگلب يسكت بيها ويعاين علينة حجة بصوت يرجف مبين على وجهها القلق.
-شبيها يمة شبيها احجي
اجتة تمسح على جتفة دموعها تصب ونوف منتهية
صاح بيها بصوت: -بسسسج بجييي بسسج سوولفييي شمااالج
لازمتة من قميصة تريد تحجي ماتكدر: -ابوك ابوك داس على راسي برجلة و. وو. ضربني ضربني.
تحول الى بركان عافها وطلع يصيح بصوت عالي كلهن طلعن وراة يركضن ضليت حايرة بنوف طاحت مغمي عليها اضرب بيها اريدها تصحة ماكو ردت اسراء تساعدني اكومها اختفت. فتحت عيونها كوة تررجف.
نوف: لا يسوولة شي حبابين لاتأذونة.
-مايثولة شي اهدئي على كيفج اتنفثي راح تموتين.
كوة تجر النفس صدرها يصعد وينزل والعركة لازالت قايمة ماكدرت اطلع رجع يركض صاير كتلة نااار عاين لنوف وصعد دقايق ونزل يسحل بجنطة شمرها وجر نوف يلبس بيها بصايتها.
انمار: -يلا امشينة بعد مانضل هنا
نوف: -اي عفية انهار حموت طلعني منا ابو.
انمار: -اس اسكتي الا اسويها بالتفگ. لاتحجين لا اسويها اسكتي اسكتي
لبسها صاية ويلف بشالها ترجف بين ادية راد يطلع وجلبت بية امة تبجي.
عايشة: -وين رايح ينمر.
انمار: -گاع الله واسعة
عايشة: -لاتروح يبعد امك جا وانة مافكرت بية
انمار: -عمري كلة افكر بيج وهل ضليت هنا بس هساع اريد افكر بروحي وبهاي المسكينة، ادعيلي يمة ادعيلي
طلعو وطلع عمي فايز بوجهم خلة نوف وراة لازكة بية.
فايز: -گلعة بلا رجعة درب السد مارررد
جدة حكمة: -خفة هالحلگ بيش مفاولة ولك فويززز لاتخليني اغضب عليك ليوم الدين بسك مصختها شلون بيك وي هالمسكين
فايز: مسكين ههههه شيطان هاذا تففف عليك.
طلع انمار ماحجة كلمة وين راح يروح محد يدري راحت عايشة تركض وراة ولحگتها جدة نوفة بس جدة حكمة ضلت تلطم على رجليها وتنعى.
انمار: ضلة هنااااا ماضلللن لاتسسولفنهااا مااا كفاااة انننة رررجع على مرررتتي لا والنننوووب يدووس عللى رراسهاااا والكاافل رردتت اكتلة مووت خليية يجوز مني وخل يتهنى
عايشة: -وين تروح ماخذ البت وياك وماشي وين
انمار: -محد الة غرض بينا وين نولي لعفففج نوولي.
يشيل روحة ويدگها بالكاع ومنا عمي فايز يشمر حجي انخبصنا بعدهم ماطالعين وطاحت عايشة التمينة عليها انمار تسودن اجة ابوى يريد يشوفها دفعة ليغداد يتوعد ويتحلف، ماتت بين اديهم شالها واخذها للمستشفى راد عمي يصعد وياة عافة وطلع
رجع مثل المسودن يدور السويج طلع بيدة رجع للمطبخ يدفر ويكسر يريد يطلع حرگتة باي شي يطلع جدامة احلف علية اذا صاحي خبص البيت خبص تنفسنة براحة من طلع.
اعاين للمطبخ صاير بية انقلاب حيلي انهد هد اخذت جنطة انمار رجعتها لحجرتة وسحبت نوف واكفة مثل الصنم مو طبيعية ابد...
نوف: -وين راح وعافني
-هثة يرجع شبيج. تريدين شي خاف جوعانة
هزت راسها وصعدت لحجرتها لفت روحها ونامت صارت عادة عدها من يصير شي تلتجأ للفراش. كعدت اجر نفس راحت اسراء تشوفها وضلينة نتحرگن.
سجى: -شني سالفتكم طاحت گلوبنا عبالنة واحد مات
هدى: -شمدريجن ما ماتت عيشة.
سجى: -انجبي فال الله ولا فالج بيش طالبتها بعدها بالباكيت
رغد: -اففف شلون سالفه عليمن
سولفتلهن مختصر ورحت انضف المطبخ خابرنة عليهم محد يريد رجعنة خابرنة على ولدنا راحولهم للعصر الا اجو گايللهم الطبيب لو ضالين شوية جا انجلطت، الوجوة متربة، بيها هموم الدنيا وخاصة انمار اخذوها لحجرتها مجلبة بانمار ضل يمها بحجرتها رحت اصب الهم اكل والبنات وياي.
رحمان: -والعباس تبهذلنة من وراكم.
رضية: -شبيدنا يمة الطلايب تنزل علينة رشك رشك
جاسب: -دوختوني خايبين اسكتو كافي سالفة انتهت. امشن حطلي هدوم اريدن اسبح
سجى: -شلون سالفه كلنة نروح نحطلك هدوم ماصارت هاي
جاسب: -وحدة بيجن تروح ترة روحي طالعة
سجى: -جاي اشتغل ماتشوفني
جاسب: -امشي رغيدة طلعي هدومي
رغد: لا والله انة شعلية بيك ماتكوم انت
جاسب: -مابية حييييييييل يلا جدامي.
رغد: -ابدي احرگة شكد اكرهة غثة مشيت كوة عن روحي صعدت لحجرتة تفلت بالباب ودخلت رحت لكنتورة لعبت روحي شبية خبل هذا اطلعلة ملابس
سديت الباب حيل وردت اطلع صار بوجهي.
-هااا
رغد: -هااااا
-طلعتيلي هدوم
-لاعععع
دخل وسد الباب و لوة ايدي حيل عفست وجهي ونبتت اضافري بيدة حيل: -ومرض وسسسم عوف ايديييي
-شمااالج تزاگطيين جنج مطييي
-انة مطييي. لاتخليني اغلط عليك عوفني
-حتى اشگ حلگج بس تغلطين
-يلا عوفنيي.
-ثاني مرة احجي عدل وياي
-خووش
-وهوش اليثرد بمصارينج ثررد
عاف ايدي صارت حمرة الحقير ابدي اتفل بوجهة بس اخاف يلطشني بالحايط.
-اي عود خوش خليني افوت
-وين هدومي
-ها اي مو شوف. هاي انة ماعرف شتلبس كلت انت اخذ احسن.
-طلعيلي تنورة وياها بدي ابو اليلگ لو فستان سهرة ليلي وكون لونة اسود واذا لكيتي احمر بعد احسن.
طاح حضج مو صوجج
-اي صح صوچك يلا وخر.
فتحت عيوني من ضربني راچدي على ضهري خسفة خسف صكيت سنوني بقوة ماكدر اضربة مثل كبل جنة نتكامش وتصير بالنعل خزرتة وجهي يريد يطگ
-يلا ولي خفة هلوجة الفاهي
فتحت الباب ضليت واكفة وهو راح يطلع ملابس
: -المجسب الاملح امداك اي والله
غميتة بثنين ادية ورحت اركض لايلزمني رجعت فحطانة.
سجى: -ها ولج بس لاسوالج شي
رغد: جلب خسف ضهري امداني اذا گمتلة ثاني مرة اطلع جلبة
سجى: -جلبة وجلب متراهمين خوش ثنائي
رغد: -انجبي سجيوة.
سجى: -سكتتت يابة
رغد: -هففف اروح اقرا احسلي
سفانة: -تغدو واخذت غدة لحجرة عايشة دخلت لكيتها حاضنة انمار وتلعب بشعرة.
-ماگلك لاتروح بس عاد خلتصير مرتك زينة
-ماتصير وانة وياكم كل مااريد اخذها تطلعولي صفح وانساها.
-الله كريم يمة اليوم ناخذها
وخر منها يرفع بشعرة خليت الغدة...
انمار: -ولو اتعبج بس الحگيلي بغدة خل اغدي البت لاتموت هاي ماتكول جوعانة.
-ثار هثة احضرلك.
حضرت صينية واخذتها وراة دكيت الباب كال فوتي دخلت، مخليها بحضنة ويظفر بشعرها مالها صوت
-شلون ثارت
-على لونها
خليت الاكل وطلعت رجع البيت مثل ماجان ولايكول صارت انتفاضة بية رحت لرضية اخابر فارس اشوفة وين.
-ها يمة
-ها انة ثفانة
-هلا سفانة شلونج
-زينة. انت شلونك
-هساع صرت زين
-ها.
-اي
-شوكت ترجع
-اتأخر لاتانين
-خوش
سديت الموبايل گلبي انعصر عصر من الصبح طلع ولحد الان.
رضية: من زمان يتأخر مو اليوم
-اي ادري.
ام سفانة: -هسة تلگينة غاط بالعسل ياشغل ياسفانة
رضية: شمالج خية شنهي هالحجي
ام سفانة: -حجيي صگد النسوان وياة اشكال الوان الحمرة والصفرة وينها وينها وهو زلمة والزلم تشتهي الحلوات هسة تلكينة متزوج بالمتعة مابيها شي يمتع روحة.
نار وشبت بية رحت لحجرتي سديت الباب ودموعي صبت شبية ليش تأثر بيها هالكثر حجيها سم بثواني ينتشر بالجسم كعدت يوسوسلي الشيطان مرات اكول حجيها صح هو حلو وكلشي عندة ليش مايتزوج بالسر شناقصة. تفرگعت تفرگع لليل وهو ماكو عيوني ورمن من البجي يكول ميتلي عزيز.
انفتح الباب دخل مبتسم درت وجهي وزحفت روحي للفراش لفيت روحي ماريد احجي وياة ولا اريدة يغشمرني بجلمتين يحجيهن. احسة واكف يم راسي.
-شني نعستي وي جيتي.
مارديت علية يسحب بالغطا لافتة عدل ماكدر يكشفني.
-شبيج مريضة كومي خلشوفج شني ماتريدين تشوفيني من الصبح وليجاي.
-لاااا مااارررييد
-ها چا شبيج تنترين بية. مسويلج شي
-لاعع كلشي مامسويلييي
-لا السالفة مليوصة شو خل اشوفج
بعد الغطا مني ضل صافن على شكلي.
-اييي ايي فرعون مو مرة مو شكلي مخربط مايعجبك لاتنثدم مو مثل التعرفهن حلووات ومرتباات.
-شكاعد تحجين.
-احجي الثدگ انت تزوجتني حتى تحميني كلت لاتثوي شي بروحها. مرتك بعدها بگلبك ادري كلش زين ماثار فترة من طلعت من حياتك واجيت انة لازگة روحي ادري بيك ماتحبني ولا انة من ذوقك الثار كلة مو بارادتك ادري والله ادري بث لاتضحك علية وتثتخطاني تثوي روحك تحبني وتخاف علية هنا تكتلني ليش تعيشني باحلام خلينة ثريحين انت ماترريدني.
احجي ودموعي تنزل صافن مانطق حرف لزم ايدي نترتها ورجعت ليورة.
-منين تجيبين هالخرط.
-اي ثخ خرط هههههه حياتي خرط بخرط كلشي ماافتهمت منها بس التثمية خرط افتهمتة كلش زين.
-بيج شي اليوم
-لاتغلث احجي الثدگ وين جنت
-بالشغل مثل كل يوم يعني وين
-اي شغل من الثبح لليل كلة شغل غشمرني زين
-بوية انتي شبيج
-بية وجعا خفية من وراك
-الله ياخذني اذا هيج
كعد بصفي سحبني علية ابجي بحرگة.
-عليج الله اسكتي وفهميني شبيج
-انت ماتحبني والله ادري ماتحبني
-هسة انة كايلج لو ملبينلج انة ماحبج.
-اي ادري بيج تحب رحيل بعدها بگلبك
رفع راسي ومسح وجهي اشر على گلبة.
-وداعت امي ونضر عيني رحيل كرهتها من جانت وياي بنفس الغرفة كرهتها من شفت جفائها وياي لاعبالج جنت ميت بيها هاي بس البداية تالي طلعت من عيني حتى ما اتقربلها اكثر من اشهر هي بصفحة وانة بصفحة ولا إلى غرض بيها ولاهي الها غرض بية
الله يشهد علية ما احبها ولا الها اي مكان بگلبي.
-ما اكدر اثدگك.
-صدگيني ضروري تصدگين بية لانج اكثر شخص مقرب إلى اكثر شخص اسولفلة كلشي يصير وياي اكثر شخص اخاف علية من الناس تجرح مشاعرة الرقيقة سفانة عايني بعيوني.
عاينت بعيونة يلصفن انشلع گلبي بنظراتة خلة گصتة على گصتي وكال.
-والعباس ابو فاضل احبنج وميت بيج
كلشي بية يرجف گلبي الملگوف يريد يطلع من صدري.
-اها.
-جنت اتمنالج تلكين شريك يحافظ عليج ويسعدج جنت اعاينلج مثل الحمامة المكسور الهة جنح. تعامل اهلج وطيبة گلبج الزايدة حنيتج جنت اخاف عليج من ذني يكسرنج بيوم اخاف عليج من حجي العالم التسمعينة ويجرحج ابدي اكض حلوك اليحجون ما اريدن واحد يغثج لانج حمامة سلام
گلبج صافي روحي بريئة حنينة ماعندج حقد لو انانية. احمد الله لان عوضني بيج حسيت روحي محظوظ لان لكيت بيج حنية امي وحبها وخوفها.
بلعباس انت نعمة جبيرة ترست روحي فرح...
لازم وجهي ثنينة نرجف مشتعلين نار رجع كذلتي ورة اخذني وقربني ملتهم شفايفي اندمجت وياة بنفس واحد وروح وحدة احس روحي طايرة بالفضاء بكلمات ممكن ان تموت او تحيا روحك. جانن اجمل الكلمات...
-راح افرض عليج عقوبة قاسية حتى ماتعيدينها
-ليش شثويت
-ماسمعتي كلامي كتلج عوفي حجي العالم يولي بس ضليتي تهتمين وتسمعين الهم
-اثفة بعد ما اثمعلهم
-ادري بيج تثمعيلهم
-فاارث شبيك.
-صدك شبية فارث
-ليش تعيب علية ثرت مثلهم
-هههههه جنج طفلة طايحة سنونها ابدي اكلج من تكولين فارث احسج طفلة اشتلعتتت امج
-ياااء عوف امي شعليها
-اكرهها غثة ماتنجرع بس لاتحبينها بعد كل السوتة بيج
-تضل امي
-بس مكروها وغثيثة
-اي بدل الموضوع
-شني رأيج تقدمين نشرة وانة انطي رأيي بيج
-يلا
-ابدي
-احم. اعزائي المتابعين والمشاهدين بعد شگول.
-هههه تعالو معي لنطلع على اهم اخبار العالم والوطن العربي في ساعة واحدة. يلا كملي احجيلنة الاخبار
-يا اخبار
-مثلا كولي الصار كبل شوية
-يااء شبيك هو شثار
-هم صح ماصار تعاي نسوي حدث مهم.
-اثتقلالي وجذاب ههههه لا لا.
-كل يوم صدمة اقوى من القبلها من اعاين على روحي ينكسر گلبي علية
رغد: -طمطحطح طمطحطح طمطحطح
سجى: -دسكتي لا واحد يسمعنة يكول ذني مخابيل
-عن نفسي لا بس انتي مادري عنج
-نعمه الله عليج سويتيني مخبلة افففففف
-هسة شبيج
-عدنا محاضرتة اليوم
-للللك هلااا بعد شتريدين
-اخاف اجفص بالحجي ولني كايلتلة انجب وانوب انفصل وانة ماعولت ادخل جامعة
-يااا صدك تحجين كضي السانج ولج لا صدك تسوينها حتى يدفرونج من الجامعه للبيت.
-هسة شسوي
-اكعدي بالستولات البلاخير ولاتشاركين بالمحاضرة اسكتي وعلى اليومي هو ينطيج كامل
-اي غصبا علية ينطيني كامل شحدة لو ينقصني
-بس سجيوة ديربالج تكولين اعرفة سوي روحج كلش ماتعرفينة تدرين احنا بجامعة والطلاب مدري شلونهم انوب تصرين على كل لسان شگلك هاي كرايبة لو حبيبتة وينجحها.
-حبة حباية منين حبيبتة هالاملح
-دكافي شكد تتنمرين ماتشبعين
-جا مجذبة علية
-كولي اسمر حنطاوي مو املح.
-لا هو هيج املح من كثر مايدخن
-دهر فرج منيلة املح غير يطگ بالكاع مايجي يدرسنة
-وانة شمدريني دروحي يلا راح اتاخر من وراج
-تتاخرين لو لكيتي غيري بعد انة مافيد
-من الكة وحدة تشبهج ابدلج عود
-بدلتيني ولكيتي الاضرب مني
-بعيوني ماكو الاضرب منج ضلعة.
ابتسمت وراحت لقسمها وانة هم رحت لقسمي لكيت طلاب قسمنا متجمعين بالباب اكيد يحشون بالبنات كبور حتى كبور مدري شبية ولا طقتهم فتت منهم وكفت من واحد صاح باسمي وكفت وخزرتة طالب ويانة اسمة هيثم شوية شكلة مرتب بس شعندة.
-صباح الخير
-هلا
-بس سؤال
-بدال هاي جا كايل شتريد بطلو هاي السالفة بس سؤال وترجع تكلك جواب
-هههه على كيفج شدعوة هيج اعصاب
-تفضل شنو سؤالك
-ها بس بخصوص المحاضرة التجي عدنة كوز مو
-اي مو
-بيمن الكوز.
-بالموضوع يعني بيمن
-ادري بس كلة لو نصة مافهمت
-نصة امي واذا انت لهدرجة شاطر وقارية كلة بعد احسن
-لا وين حافضة كلة بس ردت اتاكد
-هسة تاكدت وثاني مرة رجائا اسئل جماعتك الولد لان وكفتي وياك ما الها داعي
-ترة مصار شي احنة زملاء
-عود خوش
عفتة ومشيت شلون غثة ادري بية يريد شي يحجي بية والله لاكاتلة موضوع ولاغيرة امداني اذا جاوبتة ثاني مرة، ابتسمت ورحت اسلم.
-هلو
رنا: -هلااا وميت هلا ياصباح المبارك
-هلا بيج عمري.
-ورة المحاضره نروح ناكل
-عساها سم اذا رحت اكلت بوكت محاضرتة
-لاحبابة ماعدنة وقت بس بهاي المحاضره
-خايبة هسة احنة عايزين رزايل وانة ما اتحمل خاف مايدخلني وووووو. شلي بهاي الدوخة
-على كيفج سجاوي براحتج تاكلين اكل تمشين امشي تقرين اقرا
-خاف خيالي طلعتي
-ههههه لا ولج بس حبيتج حسيتج من طينتي هيج ماتتعايرين ولا عندج زايدة ناقصة
-احمم احمم تعذريني خية ماعرف ارد بكلام حلو انة اختصاصي عركاات.
-وانة اعشق العركاات ههههه جذب جذب الله يجفينة شرهن
-آمين
رحنة بوجهنة للقاعة كعدنا ثالث سطر وحدة بصف الثانية نسولف ومنسجمين.
رنا بهمس: -راح اكلج بس لاتلتفتين على كيفج
-شكو
-شوفي منو الكاعد بصفج وصافن بيج
بلعومي انشحط تحمحمت وعدلت كعدتي ابن الذين كاعد بصفي والستول مالتة لازگة لزگ بصفي.
-اجيبلج مي
-شكرا جزيلا واستلولك شوية ابعدة هم نريد نتنفس
-صار يابة تأمريني.
ردت ابدل مكاني لان الصراحه ما ارتاحيت اله بس بعد اجت الدكتوره وبدات المحاضرة خلصناها وبقينة كاعدين رغم اسلوبي الناشف وطريقة كلامي وي الطلاب وهذا الما يتسمى بس لازك شسويلة يحاول يخلق مواضيع ويحجي بية طلع روحي.
رنا: -سالمين
-على ساعة تطك عندي والزگة بالگاع
-ايباااخ على كيفك جانتاال
-بعدج حبيبتي ماتعرفيني انة سجيوة شبيهة جدتي نوفة
-والنوب نوفة الله يعديلها على خير وياج.
التفتنة من دخل خليت ايدي على خدي اعاينلة يمشي برهاوة لابس لبس رسمي شكد لايگلة والساعة بالايد سلم وبدا يشرح الصراحة شرحة ممتاز يفهم بس هي المادة صعبة لان بالانكليزي. البنات بيهن لگفة كل شوية وحدة عاوجة حلگها اوستااذ بس هاي شلون صارت كبر ذيج هنا مبينات عمدة يسالن.
رنا: -اويلي عليجن شكد مؤدبات
-خيبة ولا عبالي هيج اكو بنات بالناصرية لبس فضيحة والاسلوب مدري شلونة وحتى احسهن موذيج الاخلاق.
-والله يا سجاوي وين ماتروحين تلكين ناس مو زينة ذني يعكسن تربية اهلهن مو محافظتهن
-حجيج عسل اي بالله و.
ارفد: -سجى وزميلتها اخر مرة احذرجن ثاني مرة خارج القاعة
سجى: -ولييش عيني شسوينة
كرصتني رنا لان جانت نبرة صوتي عالية وطريقتي بالكلام تعرفونها شلونها الطلاب كلها تعاينلي حرك گلبي الاملح صار استاذ وهلة هلة.
ارفد: -كاعدات بقاعة مو كهووة
سجى: -اي ندري بقاعة جا هسة شسويت طلبت معسل.
انة كلت هيج لو الطلاب ماتو من الضحك دهر صابك هسة الا تحاجيني رنا انتهت تكرص وكاتمة ضحكتها
خلة ايدة بجيبة وتقدم ليكدام كال بصوت عالي وهادء كلة ثقة وغرور ولا تخيلتة هيج.
-اول واخر شخص يقلل ادب بمحاضرتي ولد او بنية گبل للمقررية وانطية صفرر على اليومي والحضور وابن امة الينجح.
-استااذ بس انة ماحجيت شي جنا نتناقش بخصوص المحاضره بعدين انت كلت بقاعة لو بكهوة جاوبتك لا اكثر ولا اقل.
رجع كمل يشرح متجاهلني متت حركة ردت اكوملة انتفة اتنتف وين يروح يطير خو مايطير البستان يجمعنا وانة اعلمة خلصت المحاضره على اعصابي منا هو ومنا هذا الغثيث خلصت محاضرتة خزرتة وهزيتلة براسي انة اعلمك جنة عرف شحجي ابتسم ابتسامة جانبية بمعنى نشوف اخذنة محاضرة لخ
وانسطرنة سطر بس هالمرة طلعنة من وكت...
-هيثم: كفو منج والله عرفتي تردينة
التفتت علية خزرتة ومشيت اعدل بعباتي اتصلت على رغدة ماكو ماترد.
رغد: -كل يوم اشوف حسن يم قسمنا من يشوفني يبتسم مدري ليش من اشوفنة كلبي يضل يرعد رعد
بكل مرة بس نضرات مايحاجيني ابد بس هالمرة.
خلصت من وكت وكعدت بالحديقة بين ماتخلص سجيوة اعاين على الجاي والرايح كمزت من صفنتي
حسن: اسم الله ماقصدي افززج
رغد: - حسن
-بس لا تسوين روحج متفاجئة بشوفتي
-الصراحه متفاجئة بوجدك هنا
-من حسن الحظ طلعنة نفس الجامعة بعد شريد من الله
-صدفة طلعنة
-احلى صدفة اني والحب نتشاوف براحتنة.
وجهي اشتعل نار كعد بصفي مسافة بينة طفرت من مكاني كمت متوترة من كلامة.
-على كيفج يابة صرتي وردية شگلنة هسة
-مو اريد اروح بعدين
-اوكفي لاترحين كبل لاتسمعيني انتي تعرفيني من زمان من جنة جهال وصرتي بالمتوسطة صرت اشوفج تمشين انتي والبنات كلبي يشتعل نار من اشوف الولد تعاينلج دوم جنت اراقبج والقدر خلانة نفس المكان نداوم ونشوف بعض خلينة نجدد ايام الابتدائية بس بمشاعر اقوى مشاعر حب وعشگ
رغد انة احبج من زمان.
اتخربطت من ساسي لراسي ماعرف شحجي وشكول متت من المستحة والرجفة اخذتني...
-كون اعض اخدودج الصايرات تفاحة حمرة
لزمت خدي ومشيت شبية هذا شو نازل على الترابي يكول بينة علاقة احسة يمشي وراي قللت خطواتي صار بصفي يمشي...
-ماعرفت ردج شني
-على شني ارد
-لاتستغبين اكلج احبج
-شسمة هسة شتريد
-نسوي علاقة
-علاقة حبب قصدك وهاي السوالف.
-لاتفهميني غلط كتلج اني احبج ماكدر هسة اخطبج انتي درسين وانة هم ادرس ماترهم هسة والمصيبة مااصبر بدون ماحجي وياج نسوي علاقة نتواصل بيها لا اكثر نفضفض لبعض نسولف.
-وبعدين
-نتزوج اكيد هسة احنة راح نبني ونعدل بيتنة وانة اشتغل ما كاعد منا لمن نتخرج كلشي جاهز تصيرين بيتي
-لكل حادث حديث من تخطبني اوافق باي.
الكلام الكلتة جان من تاليف عقلي اما كلبي جان ابد ما راضي عن هذا الحجي يدگ بكل قوتة. ماكدر اتواصل وياة والكل محذرني من هلسوالف منا حجي سجيوة ومنا جدتي وتحذيراتها ماكدرت اسمح بهلشي.
-بس على كيفج امشي شبيج طايرة
-مو نريد نطلع
-لاحگة عالبيت مامليتي منه خل اشوفج شبيج يابة
-مايصير حسن تعرف اهلي يذبحوني من يعرفون اتواصل وي ولد.
-براحتج حبيبتي قابل اجبرج مانتواصل ما نتواصل هاي هية بس لاتتوترين وتزيدين الطين بلة
-ها يلة باي
-باي مرتي
امشي بسرعة احس الكاع تمشي بية فتحت عيوني على وسعهن من شفت سجيوة دهر فرني بس لا تشوفة وراي راسأ التفتت وراي ماشفتة تنفست براحة.
سجى: -شبيج
-ها مابية شي شبية
-گلي لروحج وجهج دم شبيج
-ها مو جنت واكفة وطگتني الشمس
-نفسها الشمس اللتفتي الها.
بلعت ريك ومشيت شيعديها على سجيوة تخوز بية وتباوعلي بشك حاولت اغير الموضوع واسئلها عن محاضراتها. رحنا كعدنا بالكافتريا طلبنا اكل بين مايوصل واحد من الولد الكافتريا بيها نت اجاني اشعار من التلي فتحت الموبايل هو مراسلني راسأ كتبتلة.
-منين جبت حسابي
-اهل الحلال هواي
-ها خوش
-اي خوش. تدرين لو ما سجيوة جان طلبنة اكل النة
-حسن شبيك تعرفني اني من ياصنف وتعرف اهلي بعد شلك بهلحجي.
-شحاجي مابيها شي يجي يوم مو نطلب انتي تسويلي اكل وتوكليني بيدج
انرسمت على وجهي الابتسامة سديت الموبايل وكل شوية ابتسم.
-خير يمة اشو تتمضحكين وحدج
-حرام واحد يضحك
-لا مو حرام بس غير نعرف عليمن
-هيج وحدي
-اشو ماجنتي تضحكين وحدج
-شبيج سجيوة
-مابية شي واداعت البالي.
اخذت الفة اكل كل ما ارفع راسي الكاها تعاينلي بحدة هاي لو تدري بية اجة حجة وياي وكال كل هذا الحجي يمكن تلم الرئاسة علينة اكلت وطفرت للمراية اعدل وجهي.
سجى: -يلا دكتوره متانينة بساعج
-يلا ماعدني شي
سجى: -مشت جدامي ماعاجبني وضعها صويحبتي عاجنتها وخابزتها اكو شي صاير وياها وضامتة عني بس وين لازم اعرف شكد تضم عني.
وصلت ميتة تعب رحت نمت مو بحال غدة كعدت العصر كوة افتح عيوني رحت اشوف اختي كاعدة هي وزهراء يتابعن مسلسل هندي عفتهن ورحت اشوف ضيمي حتى ضغطي ارتفع من الحركة ماضل شي ويخلص الكورس وانة كلشي مامفتهمة جمعت كل ملازمي اروح للبستان اقرا هنا عقلي مقفل.
ام سفانة: -ها وين
-وانتي شكو صايرة سيطرة
-لا يابة مو سيطرة هيتة ترحين وتطبين بكيفج وين مولية
-لجهنم ترحين وياي كوومي
-سجيوة احترمي روحج لا احرگك عليج كيبل.
-شو عيدي شو مافهمت المن الكيبل تحركين
-اله اگل لبوج عليج تغط غطات بالبستان
-يابة الله بالخير عليج انة سجيوة اليرشني بماي ارشة بنار بس واحد يحاجيني وانة ماريد احطج براسي خاف ائذيج.
-شتسوين تكتليني بلة
-لا تخافين ما اكتلج بس اخلي ام حبذ تلزگج بسحر تطيرج اله اخليها تگلبج ديج ارمل. كلشي اسوي ارجعها الج مضاعف انة مو سفانة مستحگرتها وتذبين سمج عليها.
ضلت تحجي صوتها يلعلع دخلت حبوبتي نوفة كبل لاتحجي حجيت بتمسكن.
-جدة صيحي بجناينج لا يمها ولا كرباها هسة واحد هم يحترم عمرة لا بعمرها ولا وياها تهدد بية احيل ابوج عليج والله جي ترحين للبستان تقرين
جدة نوفة: -وانتي يمغسولة شعليج بالفرخة امها ابوها شعدج وياها ماتعوفينها تروح تقرا جا هو البستان المن للجيران يو النة
ام سفانة: -عمة ماحجيت شي بس كلتلها وين رايحة.
جدة نوفة: -مالجن غرض بالبنيات لا انتي ولا غيرج ماطول انة موجوده انة اعرف شغلي وياهن وهاي مو ياهو الجان هاي سجيوة تروحلها فدوة هاي بالف زلمة ما اخاف عليها لو اذبها بوسط الزلم.
ام رغد: -والله ياعمة بهذا حجيج تخلينهن مستهرات بعد محد يكضهن طلعتي عيونهن بعد شيخلصنة من سجيوة.
-جدة نوفة: خل تطلع عيونهن ماطول انة وراهن روحي جدة اقري زين اريدنج الاولى
-فدوة لعمرج بحيل الله الاولى.
بستها براسها هزيتلهن بحواجبي ماي بارد ونزل على گلبي بعد بيتي بس هي تردهن رحت لمجاني اقرا كملت المواد الاعرفهن وضلن نص عدل ماعرف بية ولا طگة والنوب عدنة امتحان بيهن. تانيت الاملح بلكت يجي مثل كل مرة بس هلمرة ماكو صرت اطحن بروحي شلون اروح اداوم وانة كلشي ما اعرف قريت الفاتحة لام البنين بلكي يجي يشرحلي...
طكت روحي وشمرت الملازم خليني ارسب جا شسوي امشي بالبستان واحجي وي روحي اكص بية كص.
-بعد صار استاذ وين يلفي على البستان هاي الناس شمالها تنسى ماضيها بساع امس هو يسوق سيارة حمل هذااا مجاانة جان يكعد هنا يدخن سم. اووووف.
انضغطت كلش ماحسيت على روحي وصلت لنهاية البستان وهنا محذرينة مانوصل واحنة اصلا مانوصل بس داخل البستان غمضت عيوني افكر المن ذاك البيت مدري الغرفة.
جانت غرفة صغيرة من طين وبصفها حمامات صغار جذبني اروح اشوفها عبالي مهجورة ياهو اليكعد هنا.
اخذت نضرة عليها والتفتت وراي محد موجود دفعت الباب بساع انفتح مردود رد دخلت راسي بيها بيها دبة ماي وثلاجة صغيرة وفراش مسطر. طبيت جوة امشي على كيف بيها ريحة عطور طيبة شني هاي.
گلبي يدك بقوة شي بداخلي يريد يكمل والثاني يريد يطلع سكتت الثاني ورحت اكلب بالغراض اشتغل الفضول براسي لاعدنة حارس ويشتغل هنا جا المن.
الدم وكف بجسمي يمة كلبي وكف من صاح بية بصوت عالي.
-شتسويييين هنااااا.
-دخيلللك ياااعليي استرنييي يمة فدووة والعباس معليية اريدن امشيي
رافعة ايدية ليفوك عبالك شرطة مداهميني درت جسمي على كيف راسأ نزلت ايدي ورجعت لشخصيتي.
-هم انت لا هلا ولا مرحبا
-يلا اااطللعي
-شبيك ومرض شني كاعدة بيتك
-لسانج كضبية
صاير اعصاب خفت يسويلي شي وهالنوب محد يمر منا اشتغلت الافلام براسي طلعت بسرعة تنفست براحة والتفتت علية يسد بالباب.
-شني شبيك طردتني صدك ماعندك ذوق.
-لا والله انتي الماعندج ذوق اكو واحد يدخل لبيت مو اله
-هسة شصار قابل بيتك هو
صفنت افكر بالكلمة: -لا لا عود صدك انت هنا عايش
سكتت اعاين بوجهة: -اي هنا عايش عندج اعتراض
-لا يمة ماعندي بس ماعبالي
الف سؤال والف فكرة براسي ماكدرت احجي شي وياة خفت يغير نضرتة بية النوب عبالة اركض وراة رجعت للبيت حتى ماكتلة يشرحلي مر اسبوع وحدد الامتحان بمادتة رحت بدلت ولفيت شالي ورحت احاجية اكيد هسة موجود عرفت اوكاتة.
لكيتة يخابر ويدخن تانيتة لمن خلص ورحت صرت على مسافة منه.
-هلو
-خير
-لوين تضل بهاي تصرفاتك شكد غثة يربي هنا وهناك
-غثة ماغثة مالج شغل بية
-هو مالي شغل بيك بس اكول انت عايش هنا يعني ماعندك اهل بس وحيدتك
-مالج غرض
-جا اهلك وين امك ابوك اختك اخوك شني هاي بس لايتيم سودة علية هذا قضاء الله وقدرة لاتضوج الله يعوضك بعائلة كول امين
ابتسم وهز راسة: -لسان دلالة وين ماتروحين تمشين شغلج.
-هسة شني اهلك وين ماتكول تخاف اعيرك شني
-لا إله إلا الله شتريدين باهلي
-هيج اكول وينهم
-موجودين اوصللهم سلامج هم
-اي عفية اكلك
-لاتكولين
-لا اكول شبيك صدك طلعت استاذ وهلة هلة ماشاء الله عليك خوش تشرح
-وهسة شتريدين
-الاسئلة
-لا والله
-عليك العباس حلفتك فدوة انقذني هسة انت مو تعرفني وانة اعرفك ودعيتلك ذيج النوبة بدال هاي انطيني الاسئله
-لاتسولفينها.
-لا حباب معتدمة على الله وعليك ترة المادة صعبة كلش انطيني الاسئله يلا اريد امشي
-جا ماتمشين
-انطيني جم سؤال عاد ساعدني بس بمادتك وتضل عندي مادة وحدة اخذ بيها قرار. سهل امري شبيك
حتى الله يسهل امرك.
-الله يسهل امري خوش
-اي ان شاءلله يارب يارب بدل حالة الا افضل حاال يارررب
-مو هواي سحلتي روحج
-معليك انة وربي ادعي. يلا انطيني الاسئله وجوابهن وياك اذا موجود
-خوش ماخذة ميانة.
-يلا غير انت وليدنا شمالك وياي بالمحاضرة ترة كوة ساكتتلك
-بالمحاضرة تغيرين اسلوبج وطريقة كلامج
-حتى خلقتي اغيرها بس اشمرلي جم سؤال
-ارشحلج المهمات مايصير انطيج
-لا بلةةةة.
-كسرتي خاطري وراح ارشحلج
-لا اريد الاسئله كلها حباب
-راح امشي تريدين ارشحلج
-شكد حقير
كلتها بصوت ناصي ماعبالي يسمعني يبوو سمعني وخزرني بعيونة الچتالة استغفرالله ويني وين هاي السوالف عيب عيب انطيتة الملزمة يشخط بكيفة.
-بداعت امك شوية مو هواي
خزرني رافع حاجبة ورجع يرشح انطاني الملزمة صرت اكلب بيها: -مابيها مجال تنطيني بعد
-ابد لا تفكرين تجيني على اسئلة بعد اعتمدي على روحج بالمرحلة الثانية ما اخذكم يجوز
-الله كريم دخل نكمل هاي السنة ورب يفرجها سنة الخ
-مو تكولين لاي مخلوق بالجامعه تعرفيني لو شايفتني
-اي بس ليش عود
-حتى الطلاب تنهش بلحمج
حجاها ودار وجها صحت وراة: عن جد شكرا الله يوفقك ان شاء الله.
رجعت اقرا وطلعو اخذو نوف للسيد هاي ثاني مرة ياخذونها تاخذلها اسبوع نايمة واسبوع تبجي وتصرخ وتملش بروحها ناس تكول سحر وناس جن وناس تكول داست ومن هاي السوالف والبت يوم عن يوم تذبل وانمار متسودن عليها والمصيبة ماتريد غيرة.
بيتنا لا يطاق صاير طالعة روحي كلش منا ضايحة على نوف ومنا ماتحمل حجي نسوان عمي كل هذا بصفحة وصاحبتي رغد بصفحة كلش تغيرت علية ماجنها الاولية احجي وياها بيج شي ماتسولف عفتها وحرت بضيمي اقرا لباجر.
داومت وامتحنا الطلاب كلها تصيح وتستريح من الاسئله الا انة سهلة عندي لضمت الورقة لضم وسلمتها الابتسامة على وجهي ابدي ابوسة من الفرح اكثر مادة جاوبت بيها.
طلعنا للبيت بسرعة حتى المحاضرة الاخيرة ماحضرتة جاسب مر علينة وجان مستعجل وصلنة للبيت عمتي جاية ولدها، تخبلت عمتي على نوف من شافتها اخذتها هي ولدها وانمار وياها شايفيلهم طبيب نفسي كايللهم انهيار عصبي من موتت اخوها
رجعوها على السادة وماكو اي نتيجة.
حاضنتة من ركبتة مخلية راسي اشتم بية.
-تؤ كافي
-تؤ مو كافي عوفني عطرك طيب اريد اشمة
عضيتة من رگبتة دفعني فاتح عيونة خليت اصبعي بحلكي اعض بية: -اسفة شبيك شبيك بس سنوني توجعني اريد شي احد بيهن.
رفعت ردني اراوية ادية كلهن اثار عض استغفر بصوت ورجعت حاضنتة مغمض عيونة يتنفس سريع امرر اصبعي على شرايين ركبتة كل شوية محرك راسة اخير شي طفر من مكانة راح للكنتور يطلع ملابس إلى غمضت عيوني اريد مبرر للشي الدا اسوية ماكو كلشي خارج عن سيطرتي كلامي افعالي حتى اخواني ما اريدهم امي امي اصرخ ما اريدها بس هو اريدة وكاعد اضوجة بتصرفاتي لازكة روحي بية حتى نفس ما اخلية يتنفس مثل البشر، مرات احس على نفسي وابتعد عنة.
كومني يمشي بية مثل الطفلة ماكدر اسوي شي اكعد الكة ملابس مبدلة وشعري مشط شوكت صار هيج ماتذكر. دخلني للحمام وعلك ملابسي.
-اسبحج
-لا اني اعرف
-شوفي راح اوكفلج هنا بالباب بس تريدين شي صيحيلي خوش
-خوش
احس نفسي مثل الطفل اليستكشف الاشياء اتلمس الصابون بيدي اضحك شعور حلو طولت واني كلشي مامسويلة بس العب بالصابونة دخل علية لكاني على وضعي.
-شوف هاي تزلگ ريحتها حلوة
-اي ادري.
سد الباب وطفى الضوة بدا يسبحني لحضات تجيني احس واريد امنعة وبعدين استسلم بيدة الحمام اضلم كلش.
-انهار انت وياي
-وياج راح اطلع البسي هدومج
-تمام
لبست ملابسي وطلعت اخذني للغرفة كعدني وراح جاب مشط ومنشفة وخر المنشفة الاف بيها شعري وصار ينشف بية مشط وكمل لفة ولبسني شال وراح طلع جواريب وحذاء وصاية لبسني جلبت بية ارجف
-ما اروح يخوفوني حباب لاتاخذني الهم والله اخاف
-ماخذج الهم لاتخافين
-لعد وين.
-للكافل اخذنج ضلي هنا بين ما اسبح مو تسوين شي بروحج
هزيت راسي وكعدت بمكاني هادئة راح يسبح رجع ينشف بشعرة لابس دشداشة بيها ازرك ورمادي ضحكت بصوت التفتلي.
-صلوات عليمن تضحكين
-صارلك شكد ملابس دشداشة
-من وراج غير الدشداشة البسها للكشخة مو وانة كاتلني الضيم
-اي بس حلوة عليك طالع كلش جميل
-ابوسة للجميل اليحجي. هيج والله وتصحين
كمت من مكاني رحتلة حضنتة: -مو تعوفني
-ما عوفج بس صيري زينة حتى اعرف شغلي وياج.
خلة عطر ورشالي وياة: -طيب كلش احبة
-وهو يحبج
طلع جراوية رصاصية لفها بطريقتة واخذ سبحة زرگة يفر بيها: -الله صرت شيخ
راح يباوع بالمراية ويعدل بلحيتة: -الشيخ مرتاح وانة والراحة عدوان
وكفت يمة اباوع للمراية: -اني حلوة
باوع بوجهي عاكد حاجبة مستغرب من سؤالي خلة ايدة على خدي.
-كلش حلوة
-شنو شنو الشي الحلو
-كلج.
-لا لا يعني عيوني خشمي حلكي شنو الحلو
ابتسم وحرك اصبعة على شفتي: -كتلج كلج.
تحمحم ومشة للباب رجع التفتلي سحبني من ايدي طلعت مجلبة بية وخاصة من شفتهم حتى عيوني اغمضها طلعتنا برة فتحت عيوني صعدنة بسيارتة مسافة طريق وطبگ سلم على ولد واكف بصف سيارة عالية نزلني صعدت بيها كعدت ليورة وهو راد يكعد يم الولد.
-انهار
-ها
-يمي حباب يمي لتعوفني
صعد يمي حضنتة ودفنت راسي بصدرة همس بصوت ناصي: -اكعدي عدل عيب احنة مو بالبيت
-واذا واذا عادي اني زوجتك مو حرام ولا عيب.
السايق: -صدك نمر لاحرام ولاعيب شمالك وياها ماتعرف الاصول هي تعرف احسن منك
انمار: -شعدك حاط اذنك ويانة
السايق: -صوتكم عالي اجة لذني مو هي الراحتلة
انمار بهس: -صوتج نصي احنة طالعين
-اي
مرت خمس دقايق وغفيت ماحسيت الا من وصلنة كعدني ونزلنة دخلنة مطعم والولد ويانة كاعد طلبو اكل شوية وصل ياكلون ويسولفون واني اباوعلهم
التفتلي انمار غمض عيونة ورجع يسولي لفات صغار.
-الله عليك يازمن واخيرا شفنة انمار صار اب ههه اب قبل لايتزوج
انمار: -انلصم
-شنو رائيك بشعور الابوة يعني سولفنة حلو لا نريد نجرب
-ليش ماتجرب الفلفل يسلگ بلعومك
-لا يلة سكتت
اكل واخوزر بالولد مارفع عينة بوجهي ابد وانمار كل شوية يسولي حركة بمعنى نزلي عيونج. شبعت اخذني غسل ادية وطلعنة للامام فتحت عيوني اباوع للقبة ضاوية تشع شع لزمني من جتافي موجهني للقبة...
-هنا يالكافل محلفك بستر العقيلة تكشف علتلها.
علي الله وعليك حرت وين اروح اجيتلك واليجي يمك مايحير.
دموعي تنزل كل ما يحجي كلمة اشهگ بصوت رغم تعلقي الزايد بية بس اليوم زاد اكثر حسيتة ابوي مثل خوف الاب على بنتة. يمسح على راسي ويدعي بصوت عالي محترك كلبة كل اليفوت يصيح ينطيك امرادك.
كعدنا بالصحن حاضني ويقرا قران روحي ارتاحيت
رفعت راسي همست بوجهة.
-اريد ازور
-خاف تضيعين
-لا منا اروح وارجع ابقى انت هنا انتظرني
-لا خاف تضيعين وين الكاج بعد.
-ما اضيع شوف ذني النسوان يدخلن منا ويطلعن وراهن اروح
ضليت الح علية اروح ازور صار عندي حيل واهس جبير للزيارة كوة قبل انطاني رقمة خليتة بجاروبي
ورحت على تعليماتة. صاح وراي التفتتلة عيونة بيهن دموع.
-ادعي هواي. وتعاي هنا
-تمام يلا باي.
سويتلة باي وضلت عيوني معلكة بية رحت زرت من بعيد ما كدرت ادخل وي النسوان خفت اختنك كعدت صافنة ودموعي تنزل بجيت لمن مليت صرت استرجع اشياء صايرة وياي تصرفاتي افعالي كلهن اجن ببالي دعيت وطلعت مو نفس المكان.
امشي وافتر على وجهي ماعرف وين راح عني فص ملح وذاب دموعي تنزل وكلبي يخفق بقوة طلعت من الامام بكبرة طلعت امشي بافرع البصف الامام.
سمعت صوت وراي رجف جسمي.
-سوبزيززز يحلووة رجعنااا ونرجع ايامنة الحلوة.