رواية بين سلاسل العادات للكاتبة كفاية كاظم الفصل الخامس والخمسون
باهر: -دكتوره اختي عايشة مو؟
-الحمدلله عايشة الرصاصة مأذية الكلى ادعولها تكوم بالسلامه
عافتنة بقلقنة وراحت مابيدنا شي غير ندعي رحت احجي وي سجاد شوية ورحنا لنوف فاقت بس دموعها تصب ماتحجي دنكت بستها ولزمت ايدها بقوة: -صيري قوية مابية شي انمار.
مسحت دموعها ماقابلة تسكت مر الوقت وهي على حالها بس تبجي بدون صوت اخوانها يحومون محتركين عليها وكل شوية جاي واحد بيهم يمسح دموهها ويبوسها هنا اكدت الاخوة مو بالدم...
جاب سجاد اكل وهي معاندة ماتقبل تاكل شي فلتت المغذي بدون كلام وكامت رحت وراها تمشي بخطوات بطيئة اتجهت لغرفتة وكفت من الشباك تباوعلة ودموعها تجري خليت ايدي على ضهرها اليهتز كان انمار الاجهزة مطوقتة والدكاترة ما عافوة.
شهكت بصوت عالي ودموعها تنزل: -گولي يا الله يصير زين لاتخافين
-سرى گلبي يوجعني علية احس راح اموت من القهر شوفي شنو صاير بية راح يموت مو؟
-اسم الله علية يگوم بالسلامه
-لا راح يعوفني بعد كلمن بطريق
تغص بالكلمة والشهگة موتتها سحبتها كعدتها ما سكتت دقيقة حضنها سجاد خلت راسها بحضنة يسولف وياها غفت على هالحال...
مر الوقت واصريت ابقى واطمئن عليهم نوف كلبت المستشفى بالصريخ من رادو يرجعونها بالتالي رجع مهند وعبدالله وهي وسجاد بقت، سلينا فاقت دخللها باهر شوية وطلع واني بعدة تحمدت الها بالسلامه وطلعت ما طولت...
نوف: -شلونها
-زينة
-الحمدلله على سلامتها
انتبهت لباهر طلع مستعجل رحت وراة لكيتة واكف برا يخابر...
: -صفي كلشي يمك خلص انهي مهزلة الحارث راح يخلص علينا كلنا، انمار بعد ماله شغل بيكم اخر قضية يستلمها تخصكم لاتلعبون بالنار عوفو الولد عندو زوجة عش تهجمونها، شوفو غيرو
لهنا ويخلص الشغل، اي جهز الجوازات خلص بس تصير زينة تسافر ماتبقى بالعراق، اذا هو فعلاً اعدمة العافية. سلمتها القضية يتاكدون منهم بعدين نتصرف...
رجعت فوراً قبل لايلمحني بقيت افكر بكلامة معقولة الحارث يعوف شغلة! وانمار ليش يشتغل وياة؟
اجلت التفكير بمواضيع اني في غنى عنها اتصلت بصفية اتطمن على ابني گلبي نار علية بس ماكدر اعوف نوف وحدها وانمار بعدة ما فايق ورة فترة كلش قليلة بلغونا المريض فاق نوف طفرت مفزوعة
نوف: -اني بياحال
وانت تكلي شدحيلك
حايط طين كلما تمطر ابجيلك
شهگة ودمع وهمزين الرجفة تنشاف ماتنسمع
عيوني عبرن عن كل كلمة صعب اللسان عن نطقها
كعدت قريب منة وما دام احس عيونة علية ماكدر اخلي عيوني بعيونة...
همس بصوت تعبان كوة ينسمع: -لاتعوفيني ضلي يمي
مارديت علية ولا حتى باوعتلة رغم الالم الياكل بروحي...
انمار: -شكر لاتعوفيني گبل لاتسمعين كل العندي
-صير زين بعدين نحجي
-ليش باردة
-ماكو شي يضل مثل ماهو
-لاتحرگين روحي ماناقص چويات
-ما احرگ الا روحي لاتخاف
-گلبج
-شبية
-گليلة لايدك باسمي حيل لايوكف
-لاتخاف علية بعدة ما متأقلم على الوضع الجديد يلا ضلت يمك العافية اترخص.
كلتها واحس نار تلهب بية بدال ما احضنة واشمة اعاملة هيج مسحت دموعي وكمت خليت عيني بعيني تعبان منتهي هز راسة وغمض عيونة...
-بس اصير زين وروحي
-تمام
-ضلي يمي اعاين بوجهج
رجعت كعدت عيوني بالكاع رجلي تهتز مابدر مني لاصوت ولا غير حركة احس بعيونة مركزة بية دقايق مرت محد بدر وتكلم بعد هدوء سمعت ضحكتة رفعت راسي خازرتة...
انمار: -هسه خل ننسه العتب نحچي بصفاتك
و انت زعلان شحلاتك
-عفواً
-مريض انا شكوني وطلعو رصاصة.
-اعرف
-نفسها الرصاصة لو جاية بگلبي وموتتني شتسوين
-اقرالك الفاتحة واذا صارت عندي فلوس اسويلك ثواب ولو اني ماعرف اطبخ
بقة فاتح عيونة بصدمة كمت من مكاني مو بس جسمي يرجف احلف حتى گلبي يرجف ردت امشي وانفجرت ما تحملت اكثر...
-امووووت ررررروحيييي واخللللصصص منننننك بسسس گلييييي شسووووي تحررررگ بررروحي وتذبببب ملح على جرررروحي وكان مامسووي شييي ترررجع ولازززم ارررجع طبيعيييية بسسس گلييي شسوووي شوووكت اخلصصص من عذااابك
دكيت على صدري بقوة ودموعي تنزل نار
-كلههههه من ورررة گلبييييي اااااموتة الا ارررتاح شببببع لوعاااات منك وبعدة يحنلك ويدك باسمك.
لوو ادرري العشگ هيج ياذي ما حبيتك ولا باوعت بوجهك تمنيت يرجع ذاك اليوم والله اخلي عمامي وعادل يقتلوني وما اخليك تساعدني انت ما ساعدتني انت اخذتني الدرب مجهول ضيعتني ماعرف روحي شتريد تحبك حاقدة عليك تبجيك تريدك كرهت روحي لان تسولف بيك
طلعت من الغرفة ما اشوف دربي رحت لسجاد الواكف مستغرب حالتي قبل لايحجي سحبتة من ايدة اتوسل بية: -امشينة راح اموت والله اموت.
طلعت ماملتفتة وراي احس بروحي تنهار تعبني حتى صرت ماعرف اميز مشاعري، رجعنا للبيت وطول الطريق ساكتة وهادئة بس بداخلي ضجيج
وصلت للبيت بوجهي لغرفتي غفلتها ولفيت روحي بفراشي احس الوجع ياكل بروحي والله جاي اتعذب بس محد يحس بية...
لثاني يوم على نومتي وجريت اسبوع انتهيت صخونة طلعت لطمة حمة ترست وجهي مو بس خدي وحلكي من جوة طگگ كطعت الاكل كلة كوة يشربوني شوربة لو عصاير غيرهن ما اكل...
فزيت على اثر حلم مخيف احس گلبي وگف طفرت مفزوعة من فراشي لغرفة سجاد ادك بكل حيلي واصرخ فتح الباب متفاجأ حضنته ارجف...
-راح يموت سجاد اخذني اله فدوة بس احجي وياة
كطعت الكلام اجر بنفسي كوة احس ضربة سجاد على وجهي واني ارجف وابجي اطلب منه ياخذني اله فات جايب صاية وشال يلبس بية ماكدر ارفع ايدي امي طلعت باوعت ماحجت شي بس تهز براسها وتذب حسرات...
طلعنا ليل، الحلم براسي مايفاركني رعبني بفكرة الفراك مرعبة بالنسبة إلى وصلنا بعد طريق طويل جنت فاصلة بية فتحلنا الباب باهر عبرتة بدون سلام ودخلت جوة ادور علية بعيوني
دخلت للغرفة لكيتة يفتح بالشاش فتح عيونة على وسعهن من شافني ضليت بمكاني ارجف من ااصخونة...
-انت هنا؟
-شصاير بيج
صكيت بمكاني ارجف ودموعي تنزل كام من مكانة لازم صدرة كوة يمشي شهكت من صار قريب مني سحبني لحضنة واني انهديت بالبجي.
-كلة من وراك راح امووووت موتتني شتررررررريد مني؟
-يومي گبل يومج بوية شكر حگج علية
حسيت ماكدر اوكف على رجلية عفتة ورحت كعدت على السرير امسح بعيوني وارجف: -اني مريضة تعبانة هم
مسح على راسي ودنك باسة: -بية يندار
-اريد انام حتى اذا اتحلم بيك الكاك يمي.
جنت مو بوعيي الصخونة مخبلتني وموتتني نمت بالفراش بسرعة غفيت كل شوية افز ارجف احس نار تاكل بية روحي بغير عالم كعدت الصبح امط بجسمي مكسر فريت عيوني بالمكان بهتت ملامحي معقولة هاي غرفتي شجابني؟!
طفرت من مكاني افتر بالغرفة ماكو احد لزمت راسي عبالي اتخيل، لكيتة بالمطبخ كاعد
ويلف جكاير...
-ليش خاطفني؟
-صباح النور
-منو گلك تجيبني لبيتك؟
-اااااه انتي اجيتي برجلج ملهوفة علية شسمة شوفي ملابسج احمم تغيرن بعد ماسبحتي
فتحت عيوني على وسعهن اباوع لابسة ثوب نوم رحت يمة ارجف لزمتة من زندة بقوة: -شسووويتليييي البااااارحة؟
-لا عود صدك نسيتي افاا وانا اكول تضل تذكر هاليلة العمر كلة وسفة والله
-لاشافك الله گليييي شسووويت؟ منو سمحلك تتقرررب منيييي؟
-انتي طلبتي حقج كتلج انا مريض بس لحيتي حتى نسيتيني العملية
-جذاااااااب اني ما اطلبببببببب هيج شي.
-تؤ لو ادري جان صورتج حتى تصدكين بروحج على العموم جانت ليلة مذهلة الشكر ذايب بيدي
لزمت الجگاير الافهن مردتهن بيدي باوعلي مطگگ عيونة وجهة اقتحن ابتسمت بخبث وكتلة: -صح جانت ليلة مذهلة اذا تحب نعيدها
تقربت علية ايدي على صدرة والثانية حاضنة رگبتة طبعت بوسات على رگبتة واترقب شكلة وجهة صار احمر وصدرة يصعد وينزل قربت شفايفي غمض عيونة ذاب بيدي عبالة صدك ابوسة ابتعدت اضحك فتح عيونة مذهول.
-انهار ذايب بيدي هه جانت ليلة مذهلة الدرجة كانك ماعايشها البارحة
رجعت للغرفة ادور شي البسة لكيت صايتي بالزاوية اخذتهن لبستهن وطلعت لكيتة على كعدتة
-وين موبايلي؟
-ما جبتي موبايل وياج جنتي كلش مستعجلة
-انمااار احترم نفسك وجاوب
-انمار!
-اريد اروح شكو باقية يمك
-احساس ماعندج للاسف رجلج يالمسعدة مسوي عملية وانتي ولا يمج.
-اي صح ماااااااعندي احساس لدرجة ااااااسبوع نايمة مادري بالدنيا لدرجة وجهي طگگ من الحرررگة ماعندي ااااااحسسااااس مووو.
انت ابو الاحساس الحنييين لاتساااال ولاتكوول مرتيي وين راحت مااااااتتت عااااااشتتت بس شترجة منك العفتني سنين كلش عادي تعوفني عمر ثاني.
هههه بس لاعبالك نفس قبل ارجعلك وكان ماصار شي تحلم ارجعلك مو اني التعوفها شوكت ماتريد وترجعلها بمزاجك.
-صحتي تسمحلي اتناقش بهيج موضوع؟
لا اذن سدية مو وكتة
-خلص انسد وراح اطلع مو بس من البيت من حياتك هم
عفتة ورحت للباب افتح بية مقفول رجعت دمي فاير
-المفتاح ووين المفتاااااح ارريد اطلععععع راح اختنگ
-انزعي واكعدي اتريگي
-ما ارريد اتزفنننننب تمااام
-تمام كلش تمام
-انمار لاتستفزني ترى حيل مابية عوووووفني اطلع
-ما كاضج ترى انا
-استغفر الله ررررربي ليشششش تستفزززني من صبااااح الله
-االساعة بالوحدة الضهر مدامتي.
بهتت بوجهة ذبيت نفس افرك بوجهي كعدت يمة احاول اهدأ حتى افتهم: -بس فهمني حباب شجابني هنا؟ وهاي ملابسي ليش مغيرات؟ بدون جذب انهار فدوة لخاطري كول الصدك ليش ماتذكر شي
-جنتي مصخنة ويمكن مو بوعيج جابج سجاد تصرخين عبالج صاير بية شي طلبت منة يروح
ولان حرارتج عالية سبحتج واكيد اغيرلج ملابسج تعبتيني البارحة المفروض انتي تسبحيني مو انا بس يلا تعبج عسل على گلبي.
من ناحية اطمنت ومن ناحية تفشلت حجيت بصوت ناصي: -اريد اروح
-ماتريدين تشوفين سكر ولوز وبتها الثانية مدري شسمها
دنكت عيوني وهزيت راسي لا حجيت بكسرة: -شعجب ماشمرتهن
-تدرين تعودت عليهن واشكيلهن منج هسة متحلفات بيج
-لا مو منطقي انت تلعب وي البزازين التلعب روحك منهن!
-شسوي غير انتي تحبينهن
-كلشي بية الك ذكرى اعوفة عفتهن رغم معزتهن جبت قط
-بزون
-نفس الشي
-ذاك ذكر شلون تلعبين وياة ترى حرام الله يحاسبج
-حيوووان.
-حتى لو
-لعد انت مو جنت يم بزوناتي هم حرام عليك
-انا مو نفسج اخليهن بحضني والعب وياهن بس اخليلهن اكل ومرات اشكيلهن منج
-تعبت اريد اطلع
-ليش ماتعاينين بوجهي عود
-مايعجبني بكيفي
-هيج صارت
-واكثر انمار خليني اروح انساني وانساك انت هواي اذيتني تروح بدون سبب الى متى تبقة تحرك بروحي
-انساج! لاتفسرين بكيفج بدون ماتفتهمين مني.
-شفتهم انت خليتني افتهم بين يوم وليلة تكلي متزوج هدمتني وحتى مابررتلي شي ورجعت اختفيت شيسمونها هاي؟
اوكي اني مو مهمة عندك خل ننهي كلشي بعد ماكدر اتعذب اكثر من هيج خل نكمل طلاقنا ونخلص.
-يا طلاك بوية مصدكة انا اعوفج اموت وماعوفج والله
فتحت عيوني على وسعهن مصدومة ردت احجي ماخلاني وكمل هو.
-خليج بمجاني خالي الاحتواني رادني احافظ على سمعتة مالكة شخص غيري نعم مايكدر يثق بغيري خاف على بنتة ابن خالي رايدها من زمان ويدور الزلة عليها حتى ياخذها وبس يتزوجها ماراح تضل عايشة.
، جان اتفاق انج ماتدرين كلت ليش اكلج واني لا بصوبها ولا يمها اكيد مراح تصدكين من اسولفلج
زين هسة انتي كاعدة وكتلج الصار كذا وكذا راح تصدكين؟ اكيد لا
-لاتبرر ماكو عذر يشفعلك عندي.
-حكج علية هاي الفترة كلها جنت مشغول بقضايا مهمة حتى ماجنت بغداد غيرت كلشي بهاي الفترة خطي ومجاني كطعت التواصل وي كل الناس الاعرفهم حتى لايكونون بخطر
-والى متى انت وشغلك المبهم؟
-كلشي خلصتة خلص شغلي المبهم طلعت من الحارث وراح ابدي شغلي باسم انمار
-دوختني انت شنو شغلك؟
-محامي استلم قضايا فساد اشتغل بهوية مزيفة تابعة للحارث جانت اخر قضية ومن بعدها اترك كلشي يخص الحارث، اذا ماتصدكين عفت الحارث نرجع للناصرية نستقر
-ما ارجع لمكان روح انت وين ماتريد تعبت اني تعبتني انمار
-اخر فرصة نبدي من جديد ترى لا انا اكدر اعيش بدونج ولا انتي
-لا انت الهوى ولا الماي حتى ماكدر بدونك عشت بدونك ليش ماعشت
-جسد بدون روح لان روحج يمي
-اكره روحي واكرهك
-احبچ ياضيم گلبي.
-لاتحجي شي خليني اروح انت ماوراك بس شلعان الگلب
-كبلها لازم تحضرين شي
نهض راح للغرفة وعافني بناري عجزت افتهم على روحي وهواها رجع بيدة موبايلة فاتح كام ويحجي وي شخص اجة كعد بصفي كلش ابتعدت وحضني مخلي الموبايل بوجهي جان باهر واختة كاعدين ويمهم شيخ عكدت حواجبي مافاهمة لكن دقايق واتضح كلشي صار كدام عيني طلاق سلينا...
ابتعدت منة وهو يحجي وي باهر اسمعة يكلة بس تصير زينة تسافر بعد ماتبقة هنا اخر شهر الها بالعراق
رجعت للغرفة كعدت بالكاع ساندة روحي للسرير عقلي صار بية تضارب ماكو شي يرجع مثل ماهو بعد العاصفة...
-اشوف الندم بعيونك شوكت تطلكها شيخ
جاسب: -اطلكها محكمة بس شيخ ماكدر
عباس: -ليش ماتكدر مو انت خربت كلشي جانت تحبك لو ماسوالفك احلى عائلة مكون
-غبي و الغيرة دمرتني وخربت حياتي من كد ما حبيتها صرت اغار عليها من الهوى اتسودن اذا شفتها خاطة عيونها كحل وغيري يشوفها مريض انا بيها
المرض موتني اريدها بس الي
-راحت من ايدك بعد مستحيل ترجعلك
-ادري راحت وراحت روحي لاعبالكم مرتاح مريض انا وهي علاجي.
-مايتوفر هالعلاج بيدك
-اضل مريض بيها طول عمري الندم موتني روحي جاي تحترك تتحطم ردتها بس إلى حتى عيونها ماردت تشوف غيري كلشي سويته حتى احرگ گلبها مثل ماحتركت
-بس حركتك ما احترگت
-صح محد غيري احترگ محد غيري تأذى هوسي راح يخبلني صرت ادور عليها بغيرها
-عوفها تعيش حياتها لاتضل واكفلها عثرة.
-ما راح اوكفلها عثرة خل تعيش مثل ماتريد بس لاتعاقبني بهاي الطريقة ما اتكربلها بس خليني اشبع عيوني منها بالحلال اذا طلكتها سيد بعد حتى حرام اعاينلها تصير محرمة ماكدرررر والله اموووت
نزلت دموعة وضم راسة بحضنة تنهدت بقهر اشوفة ينحب مثل الطفل طبطبت على ضهرة: -اتعالج جاسب لاتضيع روحك هاي بعدك بالبداية وهيج الهوس مرض يوصلك للموت عوف كلشي وانقذ روحك باجر تصير اب اذا ما صرت زوج صالح صير اب صالح.
-تعبت عباس تعبت الحب تعبني من وانا وصغير عيني عليها كبرت وكبر حبي وصلت لهاي المرحلة الخطيرة الدمرت كلشي
-امشي وياي اتعالج عد طبيب نفسي طلع رغد وهواسها من راسك
-ماتطلع راح تموتني ماحبتني مثل ماحبيتها شسوي روحي تاكل بروحي من القهر بعد ماكدر المسها ماكدر اركز بتفاصيلها ااامووت روحييييي بلكتتتت اموووت واخلصصصص من هالمرررض
-انجب لاتحجي هيج وتخلي جهالك وراك ياهو الهم لو رحت انسى رغد
-ساعدني انساها.
-اسمع كلامي
-بيدك انا انقذني
-كوم بدل نطلع
نهض حيلة مهدود وعيونة دم من اليوم الطلبت الطلاك رغد صار حاسب شخص ثاني الجكاير مايذبها ساعة وابتعد عنا كلنا خسر جاسب اعز ثنين بحياتة حبيبتة ومرتة وصاحبة واخوة رحمن...
گلبي يتكطع علية من اشوف حالتة صح السواة غلط بغلط طغى هواي طغى بس دفع الثمن من صحتة وروحة خفت علية يضيع بدرب مامنة رجعة رجعت انتشلة واسندة غلطان اي نعم لكن سبحان المايغلط.
طلع مبدل روحة طافية كمت طلعت قبلة وصعدت بالسيارة بمكان السايق وهو صعد بصفي اول ماكعد سحب باكيت الجكاير سحبتة من ايدة بقوة وشمرتة من الجامة ضل فاتح عيونة مصدوم ماحاجيتة وحركت السيارة...
-ماكدر عباس اريد ادخن روحي تلهب تضل
-جاسب لادوخني بعد تدخين ماكو لاتهلك روحك سممممم هذا ندري بية بس مو هيج تشرب باكيت بساعة وحدة ترررريد تمووت روحك لاتخلينييييي افقددد اعصااابي.
-تريد تموتني موتني الجكاير مصبرتني هسة ياهو اليصبرني موتني خليييييني ااااامووت
-انجببب جاااااسب انجبببب لاتجيبببب طااااري المووت ووولك لاتهلك رروحك علمود مرررة عايشة وتضحك ومرتاحة يارريت بحالك
-ااااااسسسسكت اسسسسكت اددددرررري ماحبتتتتني اددددرررري دمررررتنيييي سااااعة السوودة الصرررت بيهاااا ااابن عمهاااا
-كافي لاتهذرري خلينة نعووف التمسلت احجي بغير سالفة
-ماعندي
-هسة انت شمالك.
-مريض والله مريض تعبان روحي توجعني
-تطيب صدكني تطيب من هالهوس بس اخذ بحجيي
لاتضل تعاند مثل الزمال
ضل ساكت داير وجهة على الجامة يهز رجلة بتوتر
مسافة الطريق وكال: -اريد جكاير راح اختنگ
-ماعندي
-فدوه وحدة بعد ماكدر راح اموت لك مو بهاااااااي السررررعة اعووووف كلشييييي بالتسلسلللللللللل
-صوووووتك حيووووان طررررشتنيييي.
طلعت باكيتي شمرتة علية لان صار يرجف اخذة يدخن مثل الملهوف يشرب ومستلذ جاسب وصل باليوم يشرب خمس بواكيت جكاير اي يمكن البعض مايصدك وحقة مايصدك مرات اكثر لازم ارجعة مثل قبل لايجرجرونة صحبانة الوياة للملاهي والشرب ساعتهة محد يكدر يرجعة.
قبل فترة...
الساعة بالثنتين جنت نايم واسمع موبايلي يرن كمت بية مابية اشوف يازمال متصل بهيج وقت بس من شفت جاسب گلبي نغزني خفت صاير بية شي
-االوو جاسب احجييي بيك شييي.
اجاني صوتة ضعيف يمط بالحجاية مط: -عباس تعال اخذني راح اضيع
طفرت من مكاني مفزوع: -انت وين جاسب
انطاني المكان وعيوني نطن لبست بسرعة ورحت اركض شغلت السيارة ومن السرعة خفت اسوي حادث شوداة لهذا الدرب الاعوج ولدنا كلهم ماعدهم هاي السوالف ملتزمين صلاة وصوم حتى علاقات الكترونية ماعدهم كل واحد ملتهي بمرتة وبجهالة وحتى المامتزوج مايدور علاقات تعجبة بينة نروح نخطبها...
وصلت بعد فترة اتصلت علية لكيتة برا اول ماشفتة ضربتة كلة براسة طاح جفي على وجها لزمته من قميصة وضربتة راجدي دار وجهة صفح وهو مستسلم بيدي...
-لككككك شجااااابك هنااااااا
-تعبت
-وعبااااالك ترتاااااح لكككك بالزايدددد تتعبببب لاتضيعععع ررروحك جااااسب عوووف دررب الحررام
-ماريد الحرام لاتخليني اروح طلعني عباس.
صار يبجي مثل الطفل اول مرة اشوفة بهاي الحالة تعبان، ضايع، مكسور اخذتة وغسلتلة خليتة يصحصح شكد حجيت وياة ماجاوبني ولا حط عينة بعيني من ذاك اليوم شغل تفكيري. وصرت ماعوفة احتويتة اريد اعرف علتة ولو جنت اعرغها بس مامتاكد.
الشقة فارغة ومرتة عد اهلها راح كدامي للحمام ضليت الليلة يمة والحصلتة منه صحبانة الوياة بالشغل ماخذينة...
-جنت تعبان وضايع طاوعتهم
عباس: -شكم مرة تروح لهيج مجان
-اول مرة وخابرتك تاخذني.
-اول واخر مرة اموتك بيدي لو رحت ثاني مرة
جريت حسرة وسحبت الباكيت من ايدي رجعتة للجكمجة وفتحت وياة مواضيع عامة بين ماوصلنة للطبيب النفسي لزمت ايدة بقوة: -تعالج من الهوس عيش حياتك طبيعي باجر وراك جهال
-ادعيلي
دخل واني ضليت مناطرة ماكدرت اعوفة اشتريت عصاير وهو طلع عيونة حمرة دكيت على ضهرة
-الله يگويك
-ويگوي حيلك
انطيتة العصير وصعدت شربت وهو ضال صافن
-هيوو وين بالك
-لا هيج
-جا اشرب العصير لا اسبحك بية.
-هه تذكر من مرة انمار تعارك هو وابن عمران الخايس وانا اجيت مشتري ببسي بطل كزاز بعدني افتح بية وانمار سحبة مني فتحة كيفت عبالي يرجعة إلى تالي فرغة على راسة
-سبحة بية وكسر البطل براسة صار طشار وصارت طلابة شكبرها وانمار شارد من ابوك ههههههه
-جان يشرد بالزور (مثل الشجرة) واحنة نلحكة هسة انمار الوصخ مايسال علينة
-كل واحد رسم طريجة بعيد عن الثاني
-الله يوفقة
-آمييين.
اخذتة ورحنا للشط وهو طول الدرب يسولف ويتذكر ايام الطفولة احس بية ارتاح ونفسيتة صارت احسن صرت كل مرة اخذة واضل متانية يوم يطلع وجهها عابس ويوم لا والله يضحك اخذة واروح للشط نسولف وتتغير من نفسيتة...
-تشوف الماي صافي بس بداخلة عوالم
جاسب: -مثلك ههههه مسوي روحك فارغ وانت متروس
-شو ماتعرف تحجي شني فارغ ولك
-جنت اكصد احممم العشگ كاتلك كتل يبن عمي
طلعت مو بس انا كلنة على هالسالفة
-غلطان ماكو هيج شي.
-خوش جا خلي البت تعرس وتروح بحال سبيلها مرة شفتها تنخطب لصاحبك هالمرة تزفها هههههه
-جااااااااااااااااااسسسسب اكلللللللل نعععععل وكووووم عنيييييي
-على كيفك صوتك اوتارك لاتتكطع مو زين الصياح جاي نحجي
-جااااي تنعععععل
-خوش جا اكمل ابن خالتها طالب طب و.
ماكمل كلامة كبل دفرتة طاح على صفحة يتلوى وكفت اعصابي ترجف نار: -اگصص لسااااانك لو عددت الحجي.
-لاتضل واكف كبل جنت متزوج وما منعتها هسة شني عذرك اشو اعزب والبنية متعلمة عليك وهاويتك شتريد اكثر
-شرررريد اخاااف اضلمهاا وياي اخاف ترريد تحببب
واحد بعمرها ومن حكها والله لو رادت وكالت هاوية فلان بيدي ازوجها
-لك انت شني من كلب عندك تزوج التحبها بيدك
-الحب تضحية انت جاهل عنها اليحب يرتاح من يشوف اليحبها گلبة مرتاحة شني فايدة الحب لو هي وياك ومامرتاحة وين ماجانت راحتها انا ما اوكف بدربها.
-بس لاتموت هالمرة من تعرس هههههههه اتذكر بخطبتها ترجف كلساع فارك وجهك وذبيت حركتك بالزعاطيط
-ااااانجبببب زماااال مو صوووجك صووجي جاااي ويااااك ابدل نفسيتك جلببب ماينعدل ذيلة
-روح شوف هدوتك لاتروح امها تلح عليها وهي بنية فقيرة مالها جلمة كبل ترضة.
عيوني غوشن من الحركة عفتة وحركت السيارة ادية ترجف والدرب كمت ما اشوف شي طبكت السيارة على صفحة اختنكت اريد اتنفس ماكو سحبت بطل ماي رفعت راسي ودرتة كلة على وجهي تنكعت ماي اريد ابرد ماكو نار مشتعل كعدت على الرصيف الدنيا تدور بية هذا بس حجي وهيج صار بية جا شلون اذا تزوجت...
انا عباس عسكري اول شبابي رحت عسكرية ماشفت شي من مراهقتي لو حبيت حالي حال الشباب دخلت العسكرية صرت شخص ثاني كلشي بحياتي التزام وروتين حياتي جانت مملة دوام ومن ارجع اتولة امور البيت الشي الحلو بحياتي ذيج الگنيبرة (فصعونة) المحد يدري عنها شي غيري...
جنت اتمنى عندي اخوات فُ صارت روحي بيها
جنت اشوفها تلعب وتفتر تضحك جانت كلش ناعمة وهادئة.
دائما اشوفها تبجي تحز بخاطري واخذها اشتريلها شتريد تعلقت بيهة كطفلة صغيرة لا اكثر بس بسبب تعلقها بية تميزت عندي صرت اشتريلها واقريها وحتى شعرها امشطة الها امها جانت ملتهية بالعرك والقال والقيل وهم كليومية مخلفة وبطنها شكبرها...
كبرت بين ادية تعلقت بية لدرجة الى ان كبرت احس جنت نايم وفزيت شفتها بنية شابة صحيت على روحي اختلف كلشي عندي وصارت تبدي تجاهة مشاعر لذالك علمتها الحلال والحرام ومايصير تقترب مني لان انا محرم عليها بس هم ما التزمت وتجي تنام بصفي وتجلب بيه تعوذت من ابليس وابتعدت عنها شوية...
شلون بهاي الورطة البت ماتعرف جاهلة وتذب روحها علية وانا رجال اتاثر ابتعدت عنها شوية بس اهتمامي نفسة ولا مرة بدر مني تصرف مو حلو بحقها رغم مشاعري حتى لمسة ما لمستها بغير نظرة مثل ماهي تشوفني وتعاملني انا هم ومشاعري ضلت مكبوتة بداخلي جنت انتظر تكبر واشوف تاليتها وياها اكيد ما اجبرها على شي ان تقبلتني كزوج انا اسعد الناس وان لا تروح بالدرب التختارة والله يسعدها...
بفترة حبي الها وتعلقي بيها لكيت ابوي خاطبلي احس گلبي تفتت والكاع ما وسعتني شلون مو انا متانيها تكبر شلون ابوي خطبلي غيرها وانا مشاعري كلها الها حاولت اقنع ابوي انا ماريد اتزوج...
-شلون ولك انت مخبل وبت العالم قريت فاتحتها جدام الوادم تريد تنزل راسي وتخليني بحلوك العالم الماترحم تريدهم يكول عني موش زلمة وكد جلمتي
-مو هيج بوية بس انا ماريد هسة.
-بوية لاتدوخني البت نحجزت الك وصارت جدام الوادم مرتك بعد محد يجي يخطبها ولو عفتها الناس ماترحمها الك مهلة جم شهر وتعقد عليها
طلعت منة الدنيا مسودة بعيني شلون يتصرف من كيفة وشلون اعيش وي وحدة وانا گلبي وي غيرها صح انا اكبر منها بعشر سنوات ومو بعمري، مادري شلون حبيتها وتعلكت روحي بيها خفت اضلم بت الناس وياي عفتها على الله يمكن البت مو نصيبي...
طولت العقد بحجة اكون روحي من فلوسي بس انا اريد وكت اقتنع وابعد نفسي عنها بلكت اطلع ما احبها هيج مجرد اعجاب لو تعلق بس طلع العكس جنت ميت على حجاية منها كل ماضل وحدي ترن بذني اسمي بلسانها من تكول: -عبسي، عباسي، عبيس
اقترب عقد قراني وهي تسودنت ماجنت مفكر راح تتاثر بس عرفت هي متعلقة بية ماتحبني والدليل ماتريد ابتعد عنها عبالها من اتزوج ما اهتم بيها مثل كبل طلعت تحب اهتمامي ما تحبني مثل حبي الها.
مرت الايام الماحب اذكر شي عنها بس اذكر حبي الها يزيد يوم بعد يوم بعد يوم وچوية روحي هي ماتحبني بس انة احبها عفت مشاعري على صفحة مثل كل مرة ورجعتلها عباس اليهتم بيها والله لو تطلب روحي اسلمها بدون مقابل مو عباس اليدور مقابل حبي الها ماتغيرت تصرفاتي وما دام اذكر الله ماخليت الشيطان ياثر علية وغلطت بشي، جانت تنام يمي واسهر الليل عليهة من تتمرض مادنت نفسي وغضبت ربي متاني يجي يوم واخذها بالحلال.
بس اخاف كبرت ومشاعرها مو الي...
كلت لازم اصارحها بالحقيقة والقرار الها تزوج ابن خالتها غيرة هي حرة لا ضل اتأمل زايد...
صعدت بالسيارة كوة مركز بالشارع بالف ياعلي يلة وصلت للبيت رحت بوجهي للمطبخ لكيت نسوان عمي كاعدات يسولفن وي امها على نفس الموضوع سلمت عليهن وكالتلي كبل لا اتحرك...
-عباس ماتروح تحجي وي هديوة ماتفعل تعرس الولد ابن اختي وطالب وعدهم خير من الله ويخليها تكمل والناس شاريتها ماتحجي وياها بلكت تقنع منك هي تاخذ احجايتك
ابتسمت وعضيت شفتي هزيت راسي: -صار احجي وياها رايح
صعدت بوجهي رحت سبحت احس دايخ يمكن الضغط صاعد عندي كملت ورحت للغرفة دكيت الباب طلعت زهراء: -هلو عبسي
-هلا احمم هدوة وين ماتصيحينها وياج
-جوة ادخل رغد مو هنا
-اي بس انطيها خبر لا خل تلحكني لحجرتي.
رحت لغرفتي الود رايح راجع شلون اصارحها شكد ماعندي جرئة وادخل دواوين اخذ وانطي بالحجي وي شيوخ وناس كبار بس وي هالگنيبرة غير.
اندفع الباب ودخلت ملزمتها بيدها وشعرها رافعتة بعشوائية نازل شي منة على وجناتها: -هاااا شني شصاار رايدني؟
-كولي يا الله
-اوووف تعبت نعسانة اريد انام هم ليش هيج مااااا
-شكو شبيج
-هيج
-ها خوش
-انته شردت مني
-اكعدي احجي وياج
كلبت عيونها وكعدت تنفخ بملل مبين طالعة روحها.
كعدت بعيد عنها: -بس لاتنافخين
-هفففففف
-هسة غير تخليني الطم
-يلا الطم وانا انعي
-امج حاجتني ابن خالتج خاطبخ وانتي تعرفينة وشايفتة مايحتاج اكلج علية بس اجيت اخذ منج جلمة رايدتة اي لا
-لااااا
-ليش لا
-ماااااريدة
-بس هو خوش ولد انطيني سبب لرفضج
باوعت بعيوني وبرطمت ضمت وجههة بيدها تبجي ضليت صافن ابتسمت وتحمحمت اسكت بيها
: -كولي بوية محد يجبرج ماتريدينة هسة مو؟
-اي ماريدة والله
-اخر جلمة مو
-اي
-زين ليش ماتريدينة.
-هيج ماحبة
-تحبين غيرة؟
-رفعت راسها فاتحة عيونها على وسعهن اباوع لايدهة ترجف صار وجهها احمر بلعت ريك وكامت جلبت بيدها ورجعت كعدتها احجي بجدية.
-تحبين مو؟ كولي مابيها شي اذا عينج على واحد والله بيدي ازوجج بس كولي هذا منين؟
هزت راسها بلا ودموعها صارت تتناثر احس گلبي صار نار ماتحملت اكثر وكتلها: -انا احبچ اذا خطبتج تتزوجيني؟
احس كهرباء صارت بجسمها نفضت روحهة مني وطلعت تركض حتى ماعاينت بوجهي غمضت عيوني احسهن جمر حتى ماكلفت روحها وكالت لا باحترام
كمت والدنيا افترت بية راسي موتني كلت لايصعد الضغط ويكتلني طلعت ارجف خابرت جاسب ماكو دقايق واجة: -هاا شبيج ابو الفضل
-االضغط علك الحكني
اخذني وطار للمضمد جان الضغط صاعد كلش كملت منة وطلعت گلبي ملچوم ويوجعني صرت ادك علية بكلي يوكف ويخلصني ليش فشلت روحي...
جاسب: -شبيك خوية.
عباس: -كاغد ولاحة الماي گلبي
-ها واخيرا طلعت المشاعر النايمة
-لو ضالة نايمة بگلبي ولا هاي الكسرة مالي نصيب بيها حبها راح يضل چوية بگلبي طول العمر هدوتي ماتريدني وانا الكضيت عمري اتنطرها تكبر.
نو
مر اسبوع والوضع يسوء مايتحسن كاعدين بنفس البيت لا عندي موبايل اتصل باحد ولا اكدر اطلع ولا هو يطلع من البيت مخلصين الوقت واحد يستفز بالثاني اختنگت حسيت نفسي بسجن...
كاعدة بالحديقة صافنة بالفضاء اندك الباب طفرت وهو راح يفتحة سلم على شخص ودخل بيدة قفص عكدت حواجبي اترقبة واذا بقفص بية بلابل ملونات
ابتسمت على منظرهن عافاهن بالحديقة ودخل جوة
تقربت وكعدت نص ركبة اشوفهن شلون يتعاركن
-طيور الحب ذني.
-حلوات بس ليش جبتهن
-عجبني
-ان شاءلله بالمستقبل راح يصير البيت زوراء
-احتمال
اخذ طبلة صعد عليها يدك بالمسمار كمل والتفتلي
-ناوشيني القفص
هزيت براسي وشلتة انطيتة الة علكة بالحايط نزل يباوعلة ويضحك: -شبيك ماما تخبلت؟
-خبلتيني امي
-تافة
تقرب سحبني علية وعض خدي دفعتة وضربتة على صدرة: -لاتعيدها بعد
راح ورجع ابتسم وكال: - نسافر؟
-نسافر!
-اي كبل لاتبدي دراستج وهم تغيرين من نفسيتج
-هاا
-شني ها نروح نغير جو حجزت
-وين.
-تركيا
انرسمت ابتسامة على وجهي عفس وجهة واجة كرص خشمي بقينة نحضر غراضنا جاب ملابسي من اهلي ورجعت غسلت البيت كلة سويتة يلمع جهزت نفسي ورتبتها خلصنا كلشي واجة اليوم المحدد.
فرحة على حماس ورهبة، لازمة ايدة بقوة واضحك وهو يضحك على ضحكتي: -ااالله انهار شكد حلو المطار حبيت هههههه
-فداوي لهل ضحكة.
كل لحظة انطبعت بذاكرتي اول مرة اسافر جنت كلش فرحانة شعور حلو احس بية، كعدنا بمقاعدنا هنا بين علية التوتر لان راح تقلع الطيارة خليت اصبعي بحكلي اتخيل توكع بينة دمعت عيوني
باوعت بعيونة المتروسة فرح همست: -ابريني الذمة ترى اني احبك والله بس اخبث عليك لان گلبي محترك منك حباب مو تبقى حاقد علية
ضحك ورفع ايدي باسها عفس وجهة بلطافة
-المفروض انا احجي هالكلام مابيج قصور انتي.
اعذريني بوية بجيت عيونج الحالف ماتنزل دمعة منهن
-اخذت حقك وزيادة عاقبتك اني مو؟
-اسوء عقاب بالدنيا هو عقاب الاحبة ننسى الصار
-ننسى بعد ماتنعاد ماتعوفني بحجة شغل ما شغل الحارث تنساة حتى سلام ماتسلم علية تمااااام
-تمام بوية
خليت راسي على جتفة وغفيت كعدني يكول وصلنا نزلنا لازمة بيدة بقوة اخاف اضيع منة طلعنا من المطار اليضج بالناس عيوني على الناس صاح بية
-لاتضيعين انتبهي لدربج.
-كلت بلكت اشوف ممثلين اتراك ممثلات الله هيج واشوف الممثلة اصليهان شكد احبها اووي
-عوفي ليان لاتضيعين والكاج شاخطة
ركزت وياة طلعنا وهو على اتصال وي شخص تلكتنه سيارة نزل منها ولد شاب حضن انمار يسلمون سلام حار ويضحكون...
-ها سيدنا حليان شوف تاثير الزواج
-انجب يلا منا الفرخة
اندار علية يسلم: -شلونج خوية شكر شخبارج
ضربة انمار بطنة يدفع بية ويكلة: -لا تكللها شكر لا اشگ حلگك
-هسة غير نسلم على فرختك شمالك مهموش.
خلة ايدة على حلكة بمعنى لاتردين السلام علية صعدنا وياة وطول الطريق يسولف وانمار يكفخة من يچفص وصلنا للفندق وراح...
بعد طريق ودوخة متت تعب ذبيت نفسي منتهية وهو راح يسبح شبعت نوم وكعدت من وحدي لكيتة مشتري مسواك ويعزل بية اخذت من السلة تينة
-انهار جوعانة
-يخسى الجوع تعاي ناكل
-اروح اسبح اول.
رحت سبحت على السريع اكلنا وطلعنا نفتر بالشوارع عوائل تفتر عربية واجنبية المكان يجنن من كثر مامشينة جعت شفت رجال يبيع روبيان البحر ويعصر علية ليمون كلت لانمار اخذني اشترالي مترددة اجربة لكن اتضح طعمة طيب ردت اوكل انمار وحدة عكش وجهة وابتعد عني.
-شبيك طيبة جربها
-ماريد اجرب اكلي انتي
-حباب جربها فدوة.
ماعفتة الا جربها ياكل كالب وجهة ماخذ مني بعد رجعنا نفتر ومن شفت الذرة يشون بية خليت اصبعي بحكلي بدون ما احجي اخذ النة ثنين...
-اكلك هاي ذرة
-اسمها عرانيص
-جاي لهنا قبل
-مرة جان عندي شغل والولد جابوني لهنا
-ولد خالك
-اي بس مو الحارث اغلبهم هنا ساكنين
-هذا الوصلنة ابن خالك
-اممم
رجعنا للفندق هلكانين ركضت كبل للسرير شمرت روحي: -يمة تعبت كلش
-بس لا تنامين؟
-امممم
- الضاهر تخلصينها بس نوم.
غفيت وهو يحجي علية والله ولا بية حيل اتحرك كعدني الصبح فتحت عيوني اشوفة جاهز: -يمتها كعدت
-من زمان يلا كومي اتجهزي خل نطلع
بدلت وطلعنا تريكنا برا رحنا لمنطقة سياحية وهناك حجزنا بفندق بتنة الليلة، كعدت الصبح قبلة متعجبة على روحي جهزت نفسي وكفت امشط بشعري ماطول دقيقه من كصيتة وليجاي ابد ماطول.
حضني من ضهري وخلة راسة بركبتي يطبع بوسات متفرقة همس ورة اذني وايدة تمشي بشعري.
-ليش كصيتية حركتي گلبي حرررگ تدرين
-اي ادري هو اني ردتك تحترك حتى بعد مايطول ابد هههههههه
عضني برگبتي حيل دفعتة افرك بيها: -ترى توجع لاتصير متوحش
-خوش صيت هو المتوحش شمحصل بلة كل زعلة سنة
-من ايدك تستاهل
سحبني علية ارتطمت بصدرة اخذ شفايفي بادلتة احرك ايدي على صدرة...
خلصنا اسبوع بتركيا زرنا الاماكن المشهورة وجربنا اكلات مختلفة تغيرت نفسيتنا ناسين كلشي صار
رجعنا لبلدنا ولبيتنة الوطن الام...
تمر الايام رجعنا مثل قبل واحسن بس الاختلاف انمار طلع نفسة من الحارث قبل متشدد علية لو هز ياخذني لو حماية هسة راحت هاي السوالف خلالي خط ياخذني ويجيبني...
كاعدة افكر اسويلة مفاجأة الساعة بالتسعة هو طالع وي اصدقائة حدة للعشرة يرجع، طلعت بالكراج البلابل نايمات بس البزازين يتعاركن من اجة ميمو لعب بيهن لعب افكر ابيعة لان وكح اخذتة طلعتة من مكانهن وشمرتة بالحديقة...
-تستاهل حيل بيك اذا متصير عاقل اشمرك يا ملطلط
عفتة يتكلب ودخلت جوة طلعت فستان احمر غامق
يوصل جوة الركبة وضهرة مفتوح سبعة والصدر مربع حفرتة خليت ميكب طوخ روج احمر صبغت اضافري بالاحمر غيرت النزلة ورتبت الغرفة شعلت شموع معطرة مماحب النشرة دوخني.
شغلت السبلت حتى تبرد الغرفة ورحت احضر للسهرة سويت سلطة فواكة وحلويات وعصاير وكرزات رتبتهن على الميز بالصالة لان الغرفو مابيها بلازمة حضرت فلم التايتنك شكد ما اشوفة ماشبع منة.
اخر شي طفيت الاضوية وكعدت لو اسوي مفاجأة لو ما اسوي ابتسمت واخذت الموبايل اتصلت بية ماجاوبني عرفتة جاي ماطول دقايق بالعشرة ضبط هو بالبيت...
راد يشغل الضوة صحت بية: -لااااا تشعل شي تعال اكعد
-مو ضلمة ششوف.
-احسن لاتشوف شي لاتفتح فلاش موبايلك والله اموتك
-عمي اجي على ضوة عيوني
شغلت الفلم شوية صار ضوة اجة كعد بصفي يفحص المكان بعيونة: -اليوم سهرة وكذا
-لعد متستاهل انت؟
-اتبغددي علية اموت بلعد
-واني بعد اموت بالچا من حلگك
سحبني علية يبوس بية: -انهاااروو رركز بالفلم
-هاي شمطلعتلي اليوم
-التايتنك
-اطول من حياتي هالفلم كل مرة نعوفة عالنص ولا مرة شفت نهايتة.
-النهاية تغرگ السفينة حبيبي بعدين جاك ينقذها لروز وهو يموت وتصير عجوز كلش كلش تذكرة
-وابن عمها النكس ابو عيون الفاكسة
-يبقى عايش ويريدها بس هي تحب جاك
-همزين ماشفت النهاية شلفايدة روزة وجاك مانجمعو
-روز حبيبي
-روزة روز نفس الشي يلا بدلية بسرعة النهاية وعرفناها جلبتي بية
-اووي شبيك خليني اتابع
-ديلا حدج لحدما يفتحون اديهم على السفينة
-امممم تابع وياي.
اندمجت بالفلم عيوني بعد مايرمشن احس ادية على جسمي نترت ايدة: -يبوو. خل اتابع زين انت ليش ماتابع وياي ماتجوز من سوالفك
-هو ياهو المايجوز انا لو انت لابسة مزند وجسمج يلالي ملالة وتريديني الزم روحي واباوع للفلم
-جاك وروز اشش باوع
-عايف روز العندي واعاين لفرخة جاك حتى حرام علية
غلست عنة بس اريد اركز وهو كل شوية مسوي حركة تشغل تركيزي بس وكفو على السفينة شالني من بطني: -يممممة انهار بطني مو هيج نزلني.
-امشي ولي شعلتيني شعل تباوع للفرخ الاجنبي وعايفة المملوح
-بس خل يسوووون الحركة بعدهم
وكف ونزلني مجلب بية من ضهر الفستان ويمشي اصبعة على ضهري مركزة وي روز من صعدت وفتحت اديناتها وجاك صار بضهرها ماحس نفسي بالغرفة: -موو صووجك عوود اسوي اجوواء مررعدتني بعد شيلني بهاي الطريقة وشوف شسويلك
-جااااك ااوووي جااك فاتحة حلكج علية جنة جربوع اشكر
-استغفر الله شلون يلعب نفسي هسة اوووف انهاار اوووف.
-شبيج بوية كل هاي الترتيبات مسويتها تالي تنفريني
-مو هرموناتي تغيرن بسرعة هفففف
-لاتهتمين يتغيرن بسرعة
فتحت عيوني على وسعهن وعضيت شفتي كبر شلون انسى المفاجاة نهضت من مكاني نزع القميص رحت تعلكت بركبتة اطبع بوسات متفرقة...
-االيوم دلال زيادة مو
-تستاهل غير
-اي شموع و، انتي ليش هيج تلبسين؟
افتريت كدامة وكتلة: -ليش ماعجبك الوك
-عجبني شني سودني بعد لاتلبسين هيج اخاف عليج من روحي
-متأذيني.
نزل عيونة لشفتي سحبها مقربني علية شمرني فوك السرير صار فوكي يطبع بوساتة واصابعة تنغرس بزندي دفعتة فقد همست باذنة: -المفاجأة انمار المفاجاة
جاوبني يلهث: -احلى مفاجأة
-بس هاي مو المفاجاة
رمش عيونة بثقل مترقبني احجي دفعتة عدلت كعدتي ولزمت وجهة بيدي طبعت قبلة سطحية على شفتة باوعت بعيونة الحمرة وكتلة: -اني حامل
بلع ريك يرمش عيونة بثقل حسيتة فصل عن العالم ضربت خدة برهاوة ايدي مقربة وجهي لوجهي.
-شنو مافرحت بحملي؟ مامستعد تكون اب؟ شبيك انمار جاوبني لاتبقى ساكت
نزلت دمعة من عينة مسحتها وماي بارد نزل على كلبي لكن بهتت ملامحي من عافني وطلع بقيت مصدومة والف سؤال ينطح براسي.
كمت من مكاني فرحتي مكسورة طاقتي صفرت
طفيت الشموع وشمرتهن رجعت للنزلة شمرتها بالكاع
رجعت للعطور والمكياج ترست بيهن الكاع كعدت بالكاع اعصابي ترجف ودموعي معاندات ينزل شطت من الحركة...
مايريد الطفل؟! بس اني اريدة اخذة اربية وحدي.
وابتعد عنة مستحيل اضحي بية الثاني المفروض هسة ابني بحضني ماحافظت علية احافظ على الجديد...
لزمت راسي مسطور كمت الدنيا تفتر بية مادري شكد مر وقت ضحكت بصوت عالي واني اباوع لملابسي ولكشختي...
طلعت تراكات ورحت للحمام بقيت جوة الماي البارد اريد النار تطفى صعبة والله صعبة الجاي اعيشة
تخيلتة يطير من الفرح بس كسر فرحتي...
استنسفزت فرحتي وطاقتي طلعت من الحمام شعري ينكط ماي على ضهري احسة تنكع دخل وي طلعتي تجاهلتة ورحت امشي بخطوات ثكيلة لغرفتي
رحت لفراشي وسحبني ينشف بشعري دفعتة بكل قوتي اصرخ بوجهة: -عوووفني لاتلزززمني بعددد تحلمممم ابقةةةة ويييااااك وهذاااا الطففففل لو تمووت ما انزلة ماتريد تصير اب لاتصير اني اصيرة ام واب وابعدة عنك.
درت وجهي راسي نار اريد انام سحبني من زندي علية فاتح عيونة بقوة صايرات مثل الدم كز على سنونة وكال: -تخبلتتتي شتحجييين ااانتي
-مثثثل ماسمعتتت الطففل ما انزززلة وعلى جثتي ارجعلك زوجة
عصر وجهي بيدة عيونة مطگكهن بوجهي: -اناااا مارريد ابنييي تخبلتييي انتتي منين جبتي هالخرط
-ماجبتة من جيبي تصرفاتك وضحت كلشي
لزم راسة يباوعلي بصدمة وياشر على روحه.
-ولج انا اتمنى يصير عندي طفل كل ما اخلي راسي على المخدة افكر شسمية شلون اعاملة شني اقدملة
هسة انا من كثر مافرحان عبالي اتحلم
-يعني تريدة؟ لعد ليش عفتني وحدي
سحب راسي بين ادية: -بعدني مامصدك امنيتي البعيدة تحققت انمار ذاك الشاب الحالف مايتزوج اليكرة جنس حواء يعتبرهن خاينات طماعات
الجان يفكر اذا مات ياهو اليذكرة يموت ويموت ذكرة لان ماعاف وراة خلفة هسة انمار متزوج يعشق مرتة الحامل بابنة.
انا ما فرحان اي انا طاير من الفرحة
ضميت راسي بحضنة ابجي حضني يبوس براسي
هاليوم انحفر بدماغي كد مامميز انمار الليل كلة ما نام حاضني يبوس بية ويتلمس بطني كل ما افز الكاه نايم...
الفرحة البعيونه ماتنوصف شالني على كفوف الراحة شبيك لبيك قبل لا اطلب شي الكاه موجود كل شوية يتصل بية يتطمن ها وجعج شي لاتتحركين هواي اكعدي واسكتي منا لمن اجي.
-ترى حامل يعني الطفل ما مخليتة بحضني ومن اتحرك يوكع امي داخل احشائي الطفل ماعلية اذا اشتغلت لو سويت شي
-استري علينة بين ماتكبر بطنج هسة الا تتحركين صرتي نادرة مثلا الفاهية من درت بروحها حبلة صارت ام بيت تكنس وتمسح استجني بوية
سويت مثل مايريد ماتحرك هواي رغم الدكتوره كالت حملي زين بس هو يوهوس خاف توكعين ووو الف احتمال يخلي...
فرحان بالحمل اكثر مني ومهتم بية اكثر من نفسي تمنيت يجي هالطفل باسرع مايكون حتى اشوف تعامل انمار وياة اكيد راح يكون اب مثالي.
كاعدة اصفح بالموبايل جنت قبلها احجي وي سرى تسولفلي على دوامها وشلون ابنها تعلق بامها اكثر منها لان تعوفة يمها تهتم بية فتحتلي كام صاير يجنن كبران وبس يتفل علية بالكامرا اخذتة تغيرلة
ونهيت الاتصال
رن التليفون بيدي ابتسمت وصفكت بيدي بفرحة
-هاااا لج هدددوة اشلوونج ووين مختفية.
ردت بصوت يرجف والشهكة خنكتها حجيت بخوف
-شبيج هداووي؟
-باجر خطبتي معزومة انتي وانمار.