رواية بين سلاسل العادات للكاتبة كفاية كاظم الفصل السابع والأربعون
بخيبة نو تگول...
يلعيشتني بضرف محد بشر عاشة
ام وضناها الولد ووحيد عدها وترف
تكعد تشوفة الصبح مكتول بفراشة
الرمي فوگ راسي گلبي يدگ بقوة واحس روحي جاي تنسحب مني على البطيء كمت وشفت الجو احمر من الخوف وكعت على وجهي هي وكعة وهي اغماء كعدت راسي ثگيل وجسمي منمل فتحت عيوني بتعب لكيت نفسي بحضنة حضنتة واشتميت عطرة باس راسي ومسح على خدي بابهامة.
انمار: -شلون صرتي
-زينة.
غمضت عيوني واردفت بصوت تعبان: -شكو شصار ليش هالرمي
-ماكو شي حبيبتي
-لزمتة من قميصة فاتحة عيوني: -كل هذا الرمي وماكو شي شفتني كدامك بس كلي
-سلاح عدهم جديد ورادو يجربوة
رفعني لصدرة وخلة راسي بركبتي استرخيت بيدة وتنفست بذبول مررت ايدي على ركبتة شوية بعد عني عيونة ذبلانة وجهها متعرق ركز عيونة بعيوني
وهمس بصدق: -احبج من دخلتي حياتي نورتيها حييتي المشاعر الميتة من سنين
-واني احبك هم.
لزمت وجهة وطبعت قبلات متفرقة على بشرتة ماجنت محسبة حساب راح يكونن ذني القبلات قبلات وداع غمض عيونة واخذ شفتي بين سنونة بادلتة بكل حب ابتعد عني مبتسم ويعدل بنفسة
انمار: -بالبيت طلعي سوالفج لاتشعليني بيت العالم
غمزلي وطلع رجع علية باسني بقوة احس شفط وجهي شمني حيل استغربت من تصرفة كعد بصفي لزم راسي بثنين ادية يبوس بوجهي ابتسمت وكتلة
-شبيك انهار ماشايفني احسك تريد تاكلني
-ياريت ياريت.
كام وعدل ملابسة للمرة الثانية التوتر واضح علية عيونة حمر وجهها متعرق بعدة طلع واجت سرى بيدها ابنها اجت باستني: -ها نوفانة شلون صرتي
عدلت كعدتي وعيوني على ابنها: -زينة
-والله خوفتينة عليج
-على اساس ماتعرفيني بس اخاف اتخربط، صدك سرى ليش صار الرمي هجمو عليكم
خلت ابنها بحضني تحاول تبتسم: -ياهجوم وين عايشين احنة دشوفي حياوي مبتسملج.
فز گلبي والرجفة سرت بجسمي عبالي اخوي صدك عيوني دورت المكان برهبة باوعت بوجهها بهتت ملامحنا ثنينة افتهمت حالتي واشرت على ابنها كالت بصوت يرجف: -ابني ابني اصيحلة حيا.
ماكملت كلمتها بسبب الغصة الخنگتها حالتي مو احسن منها بس حاولت اتدارك الموضوع شلت ابنها ابوس بيه واشم عطرة وهي تباوعلي بعيون مدمعة
رفعت راسي كالت تحاول تسيطر على دموعها.
سرى: -هسة حياوي يجي ياخذ ابنة يبوس بية و.
سكتت من نزلن دموعها ابنها صار يبجي اخذتة وطلعت كالت اسويلة ممة بقيت بمكاني صافنة كلبي يوجعني طلعت من الغرفة من بعد مادخلت احدى العاملات وكالت: -حضرتج كومي اكلي.
هزيت راسي وكمت اسحل بروحي عصرت راسي احسة ينفجر بقيت بالغرفة واكفة ماعرف شبية بعدها طلعت شفتهم متجمعين على الطاولة الحارث بالمقدمة وانمار بصفة وسيلي تنقش بماعونها من شفتهم احس الدنيا افترت بية صح جان المنظر طبيعي وسيلي بعيدة عن انمار بس كلام الحارث اجة براسي من يكل لانمار.
-يمتة تعلن زواجك منها والبت حامل.
لزمت راسي بيد والايد الثانية لزمت بيها گلبي احسها يريد يوكف تمنيتة يوكف بهل وقت انتبهلي انمار ارجف وكوة اجر النفس طفر من مكاني يركض ناحيتي مجرد مالزمني دفعتة بكل قوتي وصرخت متناثرة دموعي على وجناتي...
-عوووووفني عووووفني لاتلززززمني.
صرت اضرب على راسي بيدي من الالم خبر مثل هذا كادر يدمرني ويمحيني رجع لزمني ونترتة اريد احجي لساني نعكد ماكدر اتخيل هالكلام باوعتلة بعيون ذبلانة مكسورة متجاهلة الكل لزمتة من صدرة
حجيت بصوت يرجف: -الحارث يگ. ول صد. ك ها شنو صدك الكالة اكيد اكيد جذب مو جذب لا مستحيل انت حبيبي وزوجي إلى وحدي
سحبني لحضنة دفعتة بغضب لزم ادية عيونة دم وصدرة يصعد وينزل حجة بصعوبة: -لاتعوفيني اضيع بلياج.
دفعتة بقوة من الحركة اجتني طاقة رهيبة صحت بصوت عالي كلني ارجف ومامستوعبة الموضوع بعدني: -شبييييك انهاااار شبيييك اني ماعووفك ماعووفك للموت بس كليييي كليييي السمعتة شنووو منوووو المتزوووج وسيلينااا من منو حامل
درت وجهي عليهم كلهم عيونهم علينة بلعت ريك ومشيت بخطوات بطيئة صرت يم الحارث وعيوني دور سلينا فص ملح وذاب مالمحت خلقتها درت عيوني للحارث المتجاهل نظراتي.
-احجي شي احجي يلا شكلت لانهار كول.
رفع عيونة بعيوني نظراتة باردة عكس نظراتي كلهن نار راد يحجي اجة انمار سحبني من خصري علية ضهري صار بصدرة ضربت ادية المطاوقاتني يريد يطلع بية من المكان كلة...
انمار: -امشي امشي نرجع لبيتنة كافي تعبتي
صرت اضرب على ادية بقوة واحاول اثبت رجلية بالكاع: -عوووووفني خل اسمممممع شيحجييييييي
انمار: -امشيييييييي نرررررجع لللبيتتت تعبناااااا كاااافي.
سكتنا ثنينة من صاح الحارث بصوت عالي وكف انمار واني طلعت نفسي منة حسيت بدية رخت وعيونة على الحارث يكلة اسكت عكسي اريدة يحجي ويبرد كلبي بس جان العكس كسرة لكلبي بكلماتة...
الحارث: -اسمعي بابا انمار تزوج بنتي على سنة الله ورسولة.
ماخليتة يكمل كلامة وصرخت بصوت عالي مغمضة عيوني ودموعي تطفر بحركة: -جذاااااااااب جذاااااااااب انهاااار مايسووويهاااا هووو يحبني يحبني تعرف شنو يحبني محدددد يعرف الحب بس هو انتم ماتعرفون شنو الحب بس هو.
درت وجهي اله مدنك راسة وعلامات الانكسار واضحة على شكلة تقربت يمة امسح على خدة مابدر منة اي ردة فعل رفعت رجلية بستة بخدة ومسحت علية: -ادري انت تحبني وماتسويها انت حبيبي واني حبيبتك هذا يجذب حتى يخرب بينة بس ماراح اصدكة واعوفك لاتخاف
لزمت بيدي سحبتة باتجاه الباب حتى نطلع التفتت علية مايتحرك جامد بمكانة عتيت ايدة بقوة ومسحت وجهي اردفت بصوت متحشر.
-انهار امشي خل نرجع للبيت اني مصدكتك مراح اصدك خالك يلا امشينة هسة الكة سكر هي وبناتها جوعانات امشينة بسرعة
سحبتة وگلبي نغزني عيوني راحت للحارث وصوتة تخلل بمسامعي احسة هدم روحي تقدم صوبي وكال...
الحارث: -بابا هاي سنة الحياة والشرع حلل اربعة ورجلك ماسوة شي غلط طلبها مني واني انطيتة بنتي مراح تاثر عليج ولا راح توكفلج عائق هي بمكان وانتي بمكان وهسة هي حامل لازم تعرفين لان كل ما عرفتي من وقت زين الج وللكل
جمدت بمكاني حتى فص عيني ماكدرت احركة من الصدمة عيوني يبسن دمع واخيرا تحركت ورحت لانمار اسحب بية من ملابسة گلبي يدك بقوة وعقلي رافض يستقبل هيج فكرة...
-يلا يلا امشينة نرجع يلا يلا.
طلعنا خارج الصالة نتر ايدي باوعت بعيونة مصدومة
وبلساني كلام خايفة اكولة وانكسر من الحقيقة: -
حجيت بصوت يرجف وكلامي متقطع: -هذا هذا الحارث خالك خالك مخرف مو؟ هههههه سمعت شيكول هههههههه انت زوجي انت حبيبي متزوج بنتة الجنها لعابة ههههه اصلا انت ماتباوع على النسوان بس علية ادري انت تحبني مايغرك الجمال.
سحبتة مثل طفل يسحب بشخص جبير حتى ياخذة لمكان يريدة لان مايعرف يحجي سحبني من ايدي لحضنة حضني بقوة لدرجة اختنكت قرب شفايفة على خدي قريب اذني وكال...
-الحارث مامجذب صحيح انا متزوج بنتة بس بس انتي
دفعتة بقوة من صدرة فاتحة عيوني على وسعهن صرخت بوجهة: -انتتتتت جذاااااااااب مقلببببب هذا مقلب ولك انهار لا تجذب علية مو تدري بية احبك وماعندي غيرك روحي من الدنيا انت لاتجذب علية
بهيج شي.
لزم وجهي بثنين ادية وعيونة تدور بملامحي جسمي وجسمة ثنينة نفس الرجفة خليت ايدي على صدرة
غمض عيونة وكال: -شكر انا متزوج عليج ومرتي حامل
رجفت شفتي ودفعتة من صدرة: -لا تجذب علية ادري بيك جذاب
-ماجذب عليج هذا الحجي صدك
-هههه لا انت حبيبي شلون تحبني وتروح تزوج علية ليش مو اني هم احبك
باوعت بعيونة ردتة ينكر بس خاب ضني عقلي استوعب الكلام احس روحي انهارت بين ادية ماكدرت اسوي شي بس حجيت بانكسار...
-ليش مو اني حبيتك اكثر من روحي متت بيك احسك ابوية واخوية وصديقي وصديقتي واختي مو بس زوجي احسك صرتلي عالم جبير وحلو جربت الحب والعشك وياك انت اول واحد اباوع بتفاصيل وجهة اول شخص اكلة احبك طفلة وتزوجتني حسيت كل الامان بحضنك.
مسحت دموعي الغركن وجهي وكملت: -عفتني سنين خليتني بحسرة صوتك جنت احسب شوكت يجي الليل حتى اتخيل شكلك واعيش مواقف حلوة وانت ماعرف عنك بيا كاع، رجعنة سوى وخليتني فراشة طايرة بالجو من الفرح ابتسامتي ماتفارك وجهي شلون ينطيك كلبك تكسر گلب اليحبك.
صرت اضرب على صدرة بقوة ودموعي تنزل بحركة وقهر: -شلوووون تكسرررني مو انييي روحك اكوو واحد يكسررر روحة كووول جذبببب كووول كووول مقلبببب كول انت مو خاااين ماتززعلني بكلمة شلون ينطيك كلبك تكسرررني وووولك احجييييي
روحي خرت وصعدت بين ادية وكعت بالكاع منتهية واحس انرفعت بالكاع وعطرة بخشمي يعني اخر مرة اشتم هالعطر اخر مرة اتدفة بهالحضن ماجاي اصدك.
صعدت روحي وطلعت من الحركة كل هذا وجان عندي امل يطلع كلشي جذب لو حلم من احلامي السود من فتحت عيوني للحظة كلت اي جنت اتحلم بس من شفت الكانونة مغروسة بيدي والمغذي بصفحة تيقنت ماجنت نايمة جنت منهارة لمحتة كاعد كبالي مخلي راسة بين ادية يعصرة بقوة انتبهلي كعدت طفر من مكانة تقرب علية باسني براسي واني احس مصدومة اريد احجي ماكدر
انمار: -الحمدلله على سلامتج.
اريد احجي ماكدر فتحت عيوني بقوة وحركت نفسي لزمني مثبتني: -الكانونة لاتنزف انتظري يخلص العلاج
شلعت المغذي وطفرت من فراشي عيوني مثبتتهن ليكدام روحي توجعني مو بس گلبي مشيت مدنكة راسي بالكاع لزم ايدي دفعتة بقوة وكملت مشيتي
طلعت بوجهي خارج المستشفى احس حيلي باد شفت مصطبات رحت صوبهن كعدت صافنة وعيوني شاخصة بالفضاء...
عقلي جامد عن التفكير حسيت بية كعد بصفي دفايق مرت الهدوء سيد الموقف حجيت بصوت متحشر وعيوني احسهن نار...
-ليش تزوجت علية انطيني سبب حتى ماحاقد عليك
مارد علية درت وجهي علية مدنك راسة صافن بالكاع رفعت ايدي الترجف خليتها على جتفة...
-هاي جزاتي ليش كسرتني سويت كلشي حتى ترتاح جنت اموت من اشوفك ضايج لك احسك روحي واغلى منها ماهتميت لروحي وحزنها كدك جذب الحجي النكال انكر وكول جذب اني ماخونج ولا فكرت بغيرج.
نزلت دموعي حارة يجون خدي دنكت راسي والشهكة لازمتني: -عيونك شافت غيري ركزت بتفاصيل غير تفاصيلي ايدك لمست غيري شفايفك
خل ايدة على حلكي دفعتها وكال: -والله ماصار بنضرة ماخنتج
ضحكت بين دموعي وكملت: -حضنك الدافي لم غيري شعرك مشطتة غيري ضحكت ذابت بيها غيري
ماتحملت وانفجرت بوجهة ملختة تملخ انهاريت علية ضرب بكل قوتي شلعت شعرة بيدي مارفع ايدة ولا همتة الناس التباوع علينة...
-شلوووون اكدررر اعيييش بعددد اليوووم شلووون گلييي شلوووون مافكررررت بيةةةةة لييشششش انييي وحدةةة موو مهمة عندك كسررررتنييي كسرررتنيي حرگتتت گلبييييي كتلتتت روحي التحبك
تعبت منة عفتة ورفعت راسي للسما وعيوني تمطر فتحت ادية وصرخت من اعماق گلبي الصرخة إلى الكل سمعها...
-ساااااعدنييييي ياااررربي شلوووون اكدرررر اعيييش انكسررررت اخذذذذ روحيييي انخذلللتتتت انخدعتتتت تيتمتتتت.
وكعت على ركبي منهارة حضني من ضهري وشالني للسيارة ماسويت شي غير الصريخ ثاني اسوء خبر بحياتي من بعد موت اخوي طاقتي خلصت لابية اتحرك ولا بية احجي مغمضة عيوني ودموعي احس بيهن ينزلن...
شايلني بحضنة بعد فترة حسيتة يجردني من ملابسي ماكدرت اسوي شي حتى عيوني مافتحتهن سبحني ولبسني ملابسي حسيت بدفو الفراش وشعري بيدة ينشف بية جلبت بالغطا بقوة وكورت على نفسي غفيت واتمنى ما اكعد ماكدر اصلح روحي المكسروة ليش هو الكسر يتصلح شي!
مرت ايام نفس هذا اليوم صرت جثة مادري بالدنيا طشت رشت احس بكلشي يصير كاني اباوع على شخص ثاني واشاهد حياتة جانت بنية متهالكة تاكل ماتحس بالطعم حتى ماتعرف شنو نوع الاكل ماتعرف شي بس نايمة اشبة بالميتة جثة خامدة بيها نفس...
اريد اصحى على روحي ماكدر مو بيدي شي حتى عيوني ماكدر افتحهن من بعد الصار احس بنغزات ابرة بايدي وبعدها رجعت لعالمي المظلم مابية نور ضلمة ذكرتني بداية الضيم المر علية ذكرتني بزاوية غرفتة السكنتها...
اسمع صوتة واحس بلمساتة وحتى بقبلاتة بس ماكدر ارد علية احس بوجود سرى واديها الناعمة تلامس بشرتي...
بعد مرور فترة من الوقت المجهول صحيت على صوت باذني عرفتة صوت اخوي يكعدني...
-خليج سباعية كومي لا تستسلمين.
نوف: -بعد محد يحميني
-روحي تحمي لاتنسين
نهضت مفتحة عيوني على وسعهن اباوع بالمكان اني بغرفتي ايدي بيها كانونة شمرت الغطا وكعت لساتني ملجومة الموضوع براسي ماطالع...
اريد ابجي بس ماكدر عيوني جافات خلص دمعي كمت لازمة بالسرير تمشيت للكتتور طلعت جنطة وخليت ملابسي بعشوائية كملت كلشي ولبست صاية وشال شمرتة ولبست حذاء سحلت الجنطة واتلفت بالغرفة هنا جان يمشط شعري واني اسولف وهو يضحك هنا نايم واني اتحرش بية هنا اختل واكمزة كل مكان بالغرفة الة ذكرة حلوة...
التفتت للمراية اشوف بنية جاية من جنازة اعز ناسها الحزن مغطيها دنكت اسحل بالجنطة بعدني مافاتحة الباب صار كدامي صدرة عاري وشعرة يقطر مي...
ابتسم وتقدم تجاهي يريد يحضني مديت ايدة صادتة غابت ابتسامتة من شاف الجنطة بيدي انخطف لونة وسحبني يبوس بية واني ادفع بية بدون صوت...
انمار: -موتنيني ليش هيج شكر حرگتيها لروحي
ابتسمت وابتعدت عنة ملامحة باهتة مابيهن حياة
ردت اطلع معترض طريقي: -عوفني اروح.
-وين ترحين وانا شكر وانا مو كلتي ماعوفك
-انت عفتني مو اني اني ماعوف واحد وراي هاي مرتين تعوفني وتتخلي عني
رفعت اصابعي بوجهي احجي برود: -المرة الاولى تركتني وراك ضايعة والمرة الثانية كسرتني وتزوجت تعرف بية اغار عليك من اليباوع بشكلك شلون لو تبوس وتلمس وتما.
سكتت كاطعة كلمتي لزمني من ايدي ويدير بوجهي علية: -وغلاة عيونج الماكو اغلاه منهن ما شفت غيرج ولا حبيت غيرج لاتعوفيني ضايع ماعرف شتصرف...
ضحكت بخفة وهزيت راسي: -العابة الفرنسية اثرت بيك حقك ما لومك البنية حلوة اني بنية وانغرمت بجمالها شحالك انت الرجال
سحبني من خصري علية وجهة حار يضرب بشرتي الباردة: -لا تعوفيني ماخنتج لاتفكرين بية هيج
-تزوجت ادري ماتروح للحرام هم شي حلو هذا بيك محسوبلك روح كمل البديتة هسة يجيكم طفل اشگر نفس امة يكمل حياتكم.
عيوني شاخطة بالفضاء ماباوع لشكلة گلبي يدك بقوة مسحت دموعي بعنف وحجيت: -مثل ماحرگت گلبي الله يحرگ گلبك حوبتي ماتتخطاك ياحبيب الروح اعتبر كلشي بينة جان حلم وكعدت منة وياما اكثرها الاحلام الحلوة ماتجاوز اليوم وتنمسح من راسنة...
اني كدها اكدر اتخطاك وانسة والله انساك انسة واحد جان اسمة انهار هسة تشوف.
لزم وجهي بثنين ادية طبك گصتة على گصتي ودموعة نزلت رفع ايدة الترجف يتلمس وجهي.
حاول يحجي بس ماكدر شفتة ترجف دفعتة وطلعت من الغرفة مادري منين القوة اجتني ولا ادري شلون واكفة على رجلية...
الصار يمكن عادي عند غيري فلان اتزوج على مرتة
بس احنة نختلف بحبنة وتعاملنة وي بعض جنت دائماً اكول احنة احسن ثنائي بالكون بس جنت غلطانة جان يقويني حتى يكسرني...
اخذت موبايلي اتصلت بسجاد يجيني طمنتة ماكو شي بس انمار ماموجود كعدت بالحديقة الدنيا ظلمة بعيني صعب شعور الخذلان وخاصة من عزيز كلبك.
هو مو بس خذلني لا وغدرني وخاني هم...
فزيت ورمشت عيوني شفت سكر تلتف حولي كوة حركت ايدي عليها نزلت دموعي: -تدرين يا سكر اني شكد احبج انتي وبناتج بس ماكدر اخذج وياي لان تذكرني بية واني ماريد شي يذكرني بية لا تنسني وين مارحتن لان ماضن تبقن بهذا البيت صاحبة بدل ام البيت وجاب غيرها هسة يشمرجن وراي
اعذرني ماكدر اخذنج وياي...
مسحت دموعي وكمت امشي بانكسار فتحت الباب وطلعت السجاد اجة حضني بخوف وهو يسال عن حالتي: -ماكو شي بس طلعني من هالمنطقة
-رجلج وين صدك تحجين
-امشي سجاد لحك علية لاتشوفني احجي وياك واكفة على طولي ترة على اي لحظة انهار.
رحت افتح الباب ماعندي قوة فتحتة صعدت وهو صعد غراضي من شافهن افتهم اكو مشكلة بينة بس ماحاول يفتح الموضوع مرة ثانية صعد وحرك السيارة جنت اترقب انمار اكول هسة يطلع وراي بس حتى هاي ماسواها الظاهر انبعت برخص...
طول الطريق اشهك بدون صوت لازمة گلبي اول ما وصلت صارو بوجهي عبدالله ومهند شمرت روحي عليهم ابجي بحرگة...
-تزوج علية خذلني وكسر بية حرگ كلبي حرررگة
سجاد: -ماعاش اليكسرج واحنة اخوتج.
سحبني منهم لحضنة يسكت بية ويبوس براسي مر اليوم سم علية وتلاها ايام مجرد اكل وبالاجبار اكلي لكمتين وراوح ماخذني النوم لعالم هادء مافتحت الموضوع ولا سولفت بية من كثر مانايمة...
انسحب الغطا مني عرفتهم اخوتي ماكدرت اكوم سحبوني من فراشي وضربات صارت على وجهي فتحت عيوني على النص وكلت بصوت ناعس.
-شبيكم عوفني اريد انام
سجاد: -تنامين ورجلج نايم وي غيرج عاشت ايدج خوش تسوين.
عبدالله: -بس يكلك مو مرة طركاعة ايباااخ لا وانوب جابها بيتكم
فتحت عيوني بقوة وايدي رجفت دفعتهم اريد اروح لفراشي بس ماخلوني سحبوة وشمروة صرت اسد باذاناتي من اسمع كلامهم اليسم البدن...
عبدالله: -هسة هما نايمين على فراشج لو بدلوة
سجاد: -يمكن بدلوة لان مابيهم حيل يغيرونة
عبدالله: -زين هسة شكاعد يسون
سجاد: -سوالف المتزوجين شبيك بوس وحضن وشم واحممم
كمت من مكاني اسد باذاناتي واهز براسي صوتي متحشر مايطلع...
سجاد: -اوة نوف شنو ترجعين اله وتعيشون سوة هي بغرفة وانتي بغرفة مو؟ اي هيج سوي احسن ماتبهذلين حبيب الروح انمار
هجمت علية اضرب بثنين ادية واصرخ بحركة
-انماااار مووو حبيبييي ماعندييي حبيبببب غدررني خاااني تزووج غيرررري ماررريدة اكررهاااا ماررجع وياااة افتهمتووو لو يمووت مااوووكف على جنااازتة رررجلي مااات مااات مااات
وكعت ورفعني لحضنة ابجي باستهتار وهو يكول.
سجاد: -عفية ابجي اصرخي طلعي حركت كلبج لاتضمين شي طلعي مشاعرج
نوف: -ليش تزوج وعافني والله مامقصرة بشي وياة
عبدالله: -خيولي مايستاهلج دعوفية امدااج تبجين علمود واحد خاين العشرة
نوف: -ماجاي اصدك ليش هيج سوة؟ مو اني احبة
سجاد: -ماتستاهلينة كومي وشدي حزامج انتي اختنا واحنا ماعدنا اخت ضعيفة لان رجلها تزوج نست العالم وهملت كلشي
عبدالله: -لج بابا عيشي عيشي عوفية يولي هو الخسران وعيونج.
هاليوم وكل يوم يمر اسمع كلامهم اليقويني ويضمد كسرني بس جذب اذا اكول تجبرت الكسر جبيرر مايتعالج بسهولة نفسيتي ادمرت من ذاك الخبر بيوم كعدت انزف صرت ارجف ورحت كلت لامي اخذتني بساعتها للدكتورة سوولي تحليل والنتيجة حامل طلعت من صدمة دخلت بصدمة جديدة خاف كلت صرت زينة رجعت حالتي انتكست بالزايد...
ضعفت بشكل مو طبيعي صرت عظم وجلد كل هذا الصار وياي بفترة ماتتعدة الشهر اخواني محاوطيني وحايرين وياي...
عيوني شاخصة بالسكف وهما كاعدين داير مدايري مخلين كدامي صينة اكل ويسولولي لفات يوكلوني حسيت على كرصة بزندي انتبهت لعبدالله رمشت بعيوني: -شبيك
-مو نحجي وياج
-ماجنت منتبهة اسفة
سجاد: -هو انتي يمتها منتبهتلنة نوف اصحي على نفسج واخذي قرارج لاتضلين هاملة نفسج تدرين هسة انتي مو وحدج اكو روح بداخلج لازم تدارينها
خليت ايدي على بطني ونزلت عيوني: -ماريد طفل منة اريد انزلة.
انفتحت عيونهم بصدمة وسجاد صار نار قابلتة بنظرات باردة وكتلةة: -مثل ماسمعتو ماريد شي يربطني بية الطفل اول وتالي مايجي للدنيا خلوني انزلة لعبانة روحي من كلشي
سجاد بعصبية: -بكيفج تنزلية رروح هاي شنو ذنبها وين ترحين من ربج امانة عندج شلون هيج تعاملين الامانة وترفسين بالنعمة عقلج وييين عقلج مشكلتج وي رجلج مو وي الطفل ماتريدينة جيبية وانطية لابوة يربية صدكي اذا اجة نشيلة بعيونة والقانون وياج.
نزف: -اطفالة اله هو كال ياخذة مني ويجبرني ارجع كتلكم ماريدة يعني ماريدة انزلة وشيصير خل يصير ليش الصار قليل اريد ارفع قضية طلاق هم لاتنسون
ماريد اسمة بصف اسمي.
رغد...
نزلت على جوة وجانت كابة بين رحمن وجاسب عرفت السبب بدون ماواحد يگلي رجعت لغرفتي بدون لا احجي شي شوكت تخلص هالمهزلة وشني نهاية القصة...
اجن البنات يمي يغيرن الموضوع واني كل خوفي ما اداوم وساعتها تسود الدنيا بعيني وتتحطم كل احلامي البنيتهن وفعلا هو ينتصر...
لذاك الوقت اجة رحمن كال جهزي روحج للدوام مو تضلين نايمة للضهر
حجيت بحماس مبين على شكلي: -يعني اداووم مو.
رحمن: -اكيد تداومين جا انا شكتلك مو عيب على شواربي لو تراجعت بحجيي
رغد: -لا مو هيج بس عبالي جاسب مارضة
رحمن: -الرضة والمارضة مشكلته هاي مو مشكلتي خل يركع راسة بالحايط مالة دخل بيج عسة ما تسافرين
رحت حضنتة اضحك واحس الدنيا وردية كوة نمت الليل مامصدكة ارجع اداوم واكمل تعب عمري العفتنة على النص بسبب اشباة الرجال...
كعدت وي الفجر صليت ورحت بدلت فرحانة ومتحمسة كاني طفل راح يداوم مدرسة اول يوم اله.
لبست فستان وخليت مكياج خفيف لفيت الربطة وجمعت غراضي واحتياجاتي بجنطتي تجهزت على اخر حباية كل شوية اروح اشوف نفسي بالمراية اتاكد من شكلي وافر بنفسي اشوف اطلالتي ضحكت على روحي ورحت شفت موبايلي يدك فتحت الخط اضحك...
-سجى: -صباح الخير
-صباح الورد يا احلى وردة
-قل اعوذ برب الفلق بيج شي
-لج راح اداوم
-ادري ولج ماتشوفيني اتصلت بيج عبالي نايمة
-شلون انام والحماس يحجي الف.
-ولج حتى انا ارفد مصدوم لان كاعدة مايدري على مودج هسة ماكلتي شلبستي لان ادري بيج تنزعين وتلبسين
-لا لج حضرت لبستي من البارحة كملت بس منتظرتة ياخذني
-ماوصيج بعد ديربالج على روحج واكلي مو تضلين بدون اكل ترة حامل مو تنسين الفرخ تالي نلگاة بية جفاف
-خوش
-واشربي ماي وعصاير لان الجو حار الضهر ولا يصير بيج جفاف
-خوش.
-اليحاجيج بالاربعة والاربعين لاتكولين جامعة وعيب الزكية على وجهة وانا اخابرلج ارفد يطلعج ولد لو بت لاتسكتيلها
-يابة جا شعدي ياهو اليباوعلي
-شوف الفطيرة غير صايرة تخبلين وجهج يريد ينفجر يكول نافختة دمشي وماوصيج بعد
اخذت ربع ساعة تنصح وترزل يلا راحت اتصل بية فارس منتظرني بالباب صبحت على الموجودين وطلعت سلمت على فارس وسئلتة على سفانة والجهال...
-شحجيلج امير موكفنة على تك رجل بس يصرخ وخطية سفانة حايرة بية حتى على مالها غرض بية يادوب ملحكة علية
-ما اخذتوة لطبيب يشوف شبية
-مايفيد مليت ملخليت طبيب يعتب علية ينطونة علاجات ومافايد
-الله يشافية
وصلني فارس وراح امشي وحدي واتذكر من جنا اني وسجى نمشي سوة وهي تحشش وتكص بالعالم وشكو واحد يمر تصنف علية ابتسمت بقهر لو ماذيج السالفة جان هاي السنة تخرجي وياها بس بعد غلط ذبني بتهلكة...
احس كلشي غريب علية خوف ورهبة فضيعة لازمتني طلاب جدد كلهم زملاء ويعرفون بعض الا اني جديدة بينهم اجت بنية سالتني...
امل: -اول مرة اشوفج جديدة انتي
-تتركت وهسة اجيت اكمل
-عفية عليج شكد احب البنات المايتركن دراستهن
بقت تسولف وياي وعرفتني عن نفسها وعلى طلاب القسم اخذنة محاضرات والبنية وياي كلش لطيفة يكول تعرفني من زمان صارت صديقتي ندرس سوة وناكل بس اكو اشياء ارفضها من تكلي...
-اكلج خل نروح لمطعم نتغدة.
-ماروح حبيبتي طلعة من الجامعة ما اطلع
-قابل احنة وين رايحين والكافتريا اكلها يلعب النفس
-ماروح لا تحاولين
ماتدري بية كلبي مجوة لو اعرف بدون اضل بدون اكل وشرب وماطلع عوزني يشوفني المجسب ويسويلي سالفة هاي اذا مو مراقبني ويشوف تحركاتي...
جبت اكل من الكافتريا وكعدت بالحديقة اكل بسرعة اجوع صايرة لان حامل واني اكل اجت بالي سالفة
سدت نفسي معقولة يوصل الحقد بجاسب يخبر الكل بالصار حتى يبطلوني...
تنهدت بحيرة اكيد مايسويها لان وعدني وكال الموضوع مات وانتهى...
مشت ايامي بين البيت والدوام جنت ذابة حيلي كلة بالدراسة المرحلة الثانية اصعب من الاولى وخاصة حملي متعبني لان اصعد درج طوابق ولان عطلانة مصاعد القسم ارفد يدخلني من باب المقررية وبلغ الامنية الواكفين بالباب يدخلوني اذا اجيت وحدي هالشي ريحني المصعد يذبني بالثالث اهون علية.
صادف يوم جمعة الكل مجتمع وصلنا خبر زواج انمار.
الصراحة انصدمنا السالفة مادخلت بعقولنة الف سؤال براسنا نوف نتصل بيها ماترد اي حقها تتاثر لان انمار مو جاسب القاسي الكلبة مظلم بس ليش سوى بيها هيج!
جنت كاعدة اقرا وسجى فوك راسي تدردم شني السالفة مافمهت: -اهوو والله دوختيني شبيج تحجين
سجى: -والله يامدري شسمج طالعة روحج
-اسمي رغد اسم الله نسيتية وماكلتي وين طالعة روحج
-خاب انجبي ماتدري بضيم كلبي
-اسمعج احجي شبية ارفد.
-مكرود الرجال مابية شي سودة علية بس اهلة مدري شبيهم ولج امة بصوب هي صح ما ماذيتني بس مدري شبيها رجل اختة حاط علينة على لكمتنة ويحسب هو ومرتة علينة الربع تخيلي كاعد بيتنة ويتحسر على خيرنا ومرتة وياةة
-ذولة عيونهم ضيگة جا ديري بالج لا تنباكون
-والله حتى ماندل الفلوس وين بس تسويها انوب ياريت مقصر وياها رغم هي اختة من امة وينطيها مصرف كل ماتجي.
-محسوبتلة عند رب العالمين حتى لو هي ماحاسبتها اففف شتسوين عيشي واسكتي
-اكول رغد سؤال
گبل لاتسال عرفت السؤال ذبيت نفس وكتلها: -ادري بيج راح تكولين جاسب تحبينة لو تشتاقيلة احب اكلج لا
-ولا شوية.
-ولا شوية ليش السواة بية قليل نسيتي لو اذكرج اول شغلة حرمني من دراستي العميت عيوني عليها ثاني شغلة وهاي ما انساها دوم من اخذني غصب بدون عرس صح سوالي عرس وزفة بس بعديش بعد العنف لو التجريح لو الضرب كل ذني عفتهن وفتحت صفحة جديدة وهم رجع يشك بية ورجع حيونتة
وماكفاة خلاني احمل منة بالغصب بعد ماجاب ضرة على راسي
سجى: -الصدك احجي لو ولدتي ترجعيلةة.
-هه والله ثم والله على جثتي جاسب مات گلبي منة حسبتة مات عفتة وراي وخططت شغلات حلوة لروحي
-واذا ماطلكج
-مو شي مهم واذا ضليت باسمة شيفرق عندي اهم شي عندي مايتقرب علية ويلمسني اما طلك او بقة اخر همي هو اله حياتة وانا هم
-شلون يعني باجر تريدين تزوجين و.
كطعت كلامها عافسة ملامح وجهي: -للموت ياسجى وعد اموت وماخلي رجال يلمسني شستفاديت منهم بس الكسر والخيانة خونة غدارين مايملي عينهم بس التراب لا اريد كاعهم ولا كاع التريدهم.
عود اذا جبت بسلامة اربي ابني لو بنتي واعيش هواي نسوان مثلي عاشن بعد كلبي مات ودفنتة لاجاسب ولاغيرة
-والله عمي كفوو منج عجبني تفكيرج صدك ماطول فضل وحدة عليج خل يتهنة بيها هسة انتي متطمنة عليج بس نوفة الفقيرة شلون بيها.
-تنكسر وتتعلم الضربة الماتموتك تقويك
-اكلج خل اشوف زلمتي لا يروح منا ومنا هو انمار وتزوج بالسر تضل على الاملح
-ديري بالج وكصري السانج لا ياخذ عليج
-حتى اشنقة بشالي واموتةة
ضحكت عليها راحت تخابرة شوية واجة اخذها كاعدة بالمطبخ بيدي ملزمة جاي اقرا ودخل هو ومرتة مرتة سلمت علية من بعيد خايفة مني ابتسمت ورديت السلام ودنكت راسي اقرا متجاهلتة كانة ماكو من الاساس رفعت عيوني على صوتة عكدت حاجبي...
جاسب: -شلونج بالدراسة
-ميخصك بس اطمنك عالي العال واذا مو ممتاز جيد جداً
-ها خوش بس ديري بالج على ابني مو تهملينة ترة سلامتة انتي مسؤولة عنها
رفعت القلم واردفت برود: -ابني إلى صحتة من صحتي ميحتاج توصني بضناي ولا تهدد ثاني مرة
-عينج صايرة كوية
-اعجبك ماتنكسر عيني.
سحبتة مرتة صاير اعصاي راحو جوة بالهول واني ضليت بمكاني اقرا طلعت اكل خليت كدامي طبو وطلعو اخر اهتمامي برودي خلاة بارود شيترجة مني اغار لو اهتم يحلم...
مرت الايام واجة وكت استلام النتائج الدور الثاني للسادس كاعدة من الصبح اقرا وهدى تفتر ماخذة الدرب راجعة صاحت بيها حبوبتي...
-خايبة شمالج جنج وحدة بايامها تفتر حتى ينزل الفرح و تجيب طبيعي.
جاوبتها تعصر باصابعها بتوتر: -اليوم النتائج حبوبة ادعيلي خاف اطلع راسبة
-ياع شمالج ساقطة فوك تعبج وقرايتج هاي ادور ترسبين
رغد: -حبوبة تكلج خاف هسة انتي ادعي
-والله ياحبوبة ادعيلجن كلجن بس بعد مدري الدنيا شلون تمشي بينة
للضهر وماكو نتيجة عباس ماكو وهاي ماترضة اله هو ينزل العصر ويطلعها النتيجة صدك وضلت مثل السمجة المزوهرة منتظرتة...
جنت كاعدة بالزرع البلحوش بيدي صحن فواكة اكل بية وبنفس الوكت اقرا جانت هي تفتر تدخل وتطلع انتبهت اله دخل شمر جنطتة للجهال تاخذها لغرفتة سلم علية وهي طلعت تركض وجهها مخطوف...
هدى: -عبسي النتيجة حباب شوفها يمكن راسبة
عباس: -هسة دسلمي بالاول كل همج مصلحتج
-لا والله بس نسيت.
راحتلة رفعت رجليها باستة بخدة ورجعت للخد الثاني ضليت فاتحة حلكي والرجال هم انصدم ضل لا ياخذ ولا ينطي بس هي حسيتها مو بوعيها ونست روحها كبرت وماعاد يصير تسلم علية بهلطريقة
لازمة ايدة ولازكة روحة بية...
هدى: -يلة حباب حباب طلعلي النتيجة
بعدها عنة شوية وطلع موبايلة اشوف ايدة ترجف وهاي الغبية بعد شوية وتدخل بية مادة راسها بالتليفون رفع التليفون فوك ودفعها بخفة...
هدى: -هسة شلون اعرف خليني اشوف فدوة عبيس.
عباس: -اوكفي بس تنطيني اذا راويتج
هدى: -كليتي اخذها واشتري بيها اليعجبك
ضحك ودنك الموبايل اخذتة من ايدة صافنة بية وهو يدك على ضهرها يكلها: -عفية ببنيتي السباعية
رحت يمهم جانت صافنة بالشاشة مديت راسي قريت المعدل 77 هلهلت بصوت عالي وحضنتها عبالي فرحانة بس طلع العكس...
صارت تناشغ وتبجي وتكول: -راح تعبي راح هذا الصفيت بية.
حضنها عباس يمسح بدموعها ويكلها: -مو زين بطلة والله بعد الحادث والالم كلة البيج طلعتي هاي النتيجة رفعتي راسي
-يعني ماضايج لان ماطلعت معدل طبية
-بالعكس فرحان بيج طاير من الفرح أصلاً بنيتي السبعة وجعج كلة ماهزج وخلاج تقرين وتنجحين بهلمعدل شني ماعاجبج! اكو طلاب ثلت سنوات نايمة بية وماطلعت معدلج مو انتي سنة اولى الج بية ونجحتي.
سكتها بكلامة الحلو والمريح دخل جوة يسبح بعد ماسكتت ودخلت جوة رجعت لكعدتي اقرا شوية وانفزعت من شفت سفانة تركض وتصيح ابنييي مااات الحگوولي ماااات ابنيييي.