رواية بين سلاسل العادات للكاتبة كفاية كاظم فصول إضافية السادس والأخير
رغد: لآ تضيعني. ترى اليردون گلبي هوآي.
دك گلبي بقوة وي حجايتي مانطق كلمة يمكن منصدم مشيت سريع مشة وراي سحبني من ايدة رفعتها كال: اسف اسف بس
لاتلزمنيييي
اسف اسف روحي يلا روحي اكملة مو اكملة؟
جان بس ينتظر مني كلمة عبالة اتشاقة مشيت وعفتة بدون ما ارد علية رحت لغرفتي ادور بيها صدك جذب شحجاني شلون هسة ليش كتلة هيج
اروح اكلة لا مو قصدي؟ لا رغد لاترحين دنيا ليل وهذا بس يلزم.
حتى نوم مانمت رحت اخلي تليفوني على الشحن جايني اشعار من حساب مامعرف علامة استفهام فتحت تليفوني دخلت على التطبيق كاتب
صدك رغد يعني ابني ونرجع
؟
جنت منطيتة حظر لكل حساباتة مراسلني بهذا جديد مارديت متصل وبين يمة قريت دز
باجر نحجي لو هسة
روح نام
ايدي راحت للحظر سويتة وخليتة على الشحن ليش هيج سويت ماعرف ولا ادري شريد يمكن الصبح احجي عكس الصار ماكدرت اغفى فتحت الحظر عنة لكيتة بعدة متصل ما تعبت
هوسة وصخام.
رجعت نمت الصبح وي طلعتي لكيت العمال تشتغل وهو على راسهم باوعلي رحمان درت وجهي صبح علية وجهة مبتشر وفرحان احس حتى الكلام اليكولة بفرح.
جاسب: صباح النور هلا حبيبي صباحك عسك
رحمان: شبيك اليوم
جاسب: تعال اتريك كيمر وكاهي واشكااال جايب
فتحت باب السيارة باوعتلة راحت ابتسامتة وبقة صافن رحمان يحجي وياة مايرد دخلت وسديت الباب ماسمعت كلامهم شوية ورجع رحمان يضحك يباوعلي من الجامة نصيت راسي.
رحمان: جاسب غير جاسب اليوم
سكتت ما اعتقد كايلة بس جنة شك من شاف جاسب هيج فرحان داومت وبنص الدوام اجاني ولا متوقعة ابد بقيت ادير بعيوني راحت زميلتي تضحك اسمعها دكلة.
شلون صرت
الحمدلله
رادت تحجي قاطعها بكلمة رغد
اشرلي اخذت نفس ومشيت من كدامها بقت تباوعلي انطاني ضهرة ومشة مشيت وراة
وصلنا للحديقة نترت بية
ترة مايصير كل مرة جايني ماناقصتني حجاية
مو جنت مريض واجيك هسة لا بعد طبت.
بس گليلي ترجعين حتى باسبوع اكمل البيت
ردت احجي ماكدر احس لساني انربط
واني ابد ماصاير موقف احجي وياة وجها لوجهة بحيث عيوني ادير بيهن منا ومنا ماكدر اباوعلة بس هو عيونة مركزهن بوجهي حتى مايرمش.
والله مانمت الليل كلة وي الفجر خابرت الخلفة كتلة تعال من وكت ورحت جهزت الريوك
انتي كلتي اي لا تغيرين رأيج
قبل لا انطق بشي جهالي صارو كدام عيوني تخيلت شكد راح يفرحون بهلخبر مو هما هيج يتمنون.
حققي امنيتهم احجي بداخلي وامحي صورة كلشي بفرحة جهالي عيوني غوركت بدموع واخيراً
كدرت اباوعلة بس مو بعيونة.
رغد: ارجع لعيون جهالي ما ارجعلك
راحت ابتسامتة صفن ودنك راسة
ميخالف
ماتتقربلي ماتحسبني زوجتك
هز راسة مدنك
رغد: احجي احجي ماكدر انسى الصار ونرجع طبيعي اموت والله
رفع راسة
هاهية والله مستحيل اتقربلج اذا مو بارادتج
هاهية رغد والله بكيفج
غرفتي وحدي ترة
ميخالف اجهزها الج.
درت وجهي ليغاد عنة اباوع وادعي دموعي ماتنزل وتفشلني.
احمم وبعد عندي هواي كلام وشروط
خلي شعندج اسمعلج وانفذهن
خليت عيوني بعيوني تغيرت نضرتي للحدة
باع والله العظيم لو غثيتني بشغلة وحدة ما ابقة وياك لحظة ولا ارجعلك ثاني وخليها بالك لو ماجهالي مارجعلك لو نهايتي بس الوضع الاني بية خلاني ارجع من ناحية ابن عمي وناس طابة وناس طالعة ومن ناحية جهالي مو دكول معزولين وماعرف شي عنكم.
سكتت وسحبت نفس طويل رجعت كملت وهو ساكت.
رغد: جاسب القديم ماريد اشوفة اطلع للدوام اخلي مكياج اكشخ اطلع وي صديقاتي مطعم
عزيمة ارجع وحدي بتكسي تعليق ماريد
وما الك حق تدخل مو عبالك مثل قبل
اذا بعدك نفسك لا. تعب نفسك وتحاول وياي
لا والله جاسب القديم مات وانتهى
سكت وكملها
بس بقى بالة رغد
جاااسب
كلتها ورجفت نزلت دموعي
جاسب: ادري والله ادري شني بالج.
والله ماينعاد كل الراح انطيني فرصة وانتي مطمنة تعيشين شي جديد وي شخص جديد بس يحبج من زمان
هو شعم علينة غير الحب
كلتها وملت برگبتي امسح بدموعي
تخربطت اوضاعة: هاهية بس لاتبجين شتردين خادم انا كولي يا الله ونعوف كلشي على صفحة
ونبدي من جديد
توتر وحار شيسوي وشيحجي كتلة
روح بعدين نتفق على كلشي
صار صار روحي لشغلج
عفتة ورحت لشغلي
ها لج شبيها خدودج حمرر شيحجي وياج هذا الحلو
هيج عادي.
حبابة شلون يتغزل شو احسة مو من ذولة اليتغزلون
عيني ياغزل غير طليقها وهي تستحرم
باوعتلها صح جننا نتفق على رجعتنا
ليش راح ترجعين
امم
ها علخير
شكراً
رجعت للبيت الضهرية اجو جهالي كلهم تراب سبحتهم بدلو واجوني اريد انام فتحتلهم ايدي
تعالو نسولف
كرار: قصة جديدة
لا
اخذتهم بحضني بوستهم وهما متحمسين احجي
شدكولون ارجع لجاسب؟
باوع واحد بوجهة الثاني مامتوقعين افتح هيج موضوع وياهم عدل كعدتة حيدر ابتسم لزم ايدي.
اي ماما ارجعي والله يحبج وخوش رجال
ها كرار
خزرة حيدر يكلة اي
كرار: اي ماما ارجعي حتى نعيش بيتنا ونجيب لولي(ولاية) ويانة
حيدر: اي عفية ماما المن باقية هنا خلنروح لبيتنا
ها هية بس يكمل نروح
كلتها اترقبهم بقو صافنين بوجهي
حيدر: صدك يمة ترجعين؟
اي
فز من حضني وطفر يركض بكل قوتة طفرنا وراة
شبية هذا دزيت كرار يشوفة راح كرار من بعيد صاح: كال لابوي.
رجع حيدر صفني يكمز ويروح منا ويرجع منا من الفرح وجهة من بعيد احمررر وصل لباب المطبخ
مالت بيت جدة صاح بصوت عالي.
ماما راح ترجع لابووووووووووي
راح نعيييييييش بيتناااااا
جاسب اجة وراة من الشارع يضحك باوعلي حيدر فتح ادية واجة يركض شمر روحة بحضني مجلب بية بكل قوتة نصيت ابوس براسة وامسح على ضهرة.
يميني حيدر ماما
رفع راسة يمسح بعيونة كلي
فرحان ماما والله احبج كلش هواي.
باسني بخدي قوي وراح يركض طلعو نسوان عمي على صوتة راحلهن يكلهم.
سمعتو راح نعيش بيتنا ماما رجعت لبابا
حضنتة حبوبتة وجاسب يباوعلي اخذت كرار ودخلت جوة حضني ساكت بالي يم حيدر
مو يروح لبيت جدادة وعى على سالفة رغد ماترجع لجاسب وصار اقسى طموحة نرجع وهاي رجعنا
يساري
ها ماما
فرحان
كلش ماما
باسني بخدي هادئ حضني من رگبتي
روح صيح اخوك وتعالو
راح جابة واجة حيدر حاضني بقوة يبوس بية
طاير من الفرح: شكراً ماما شكراً.
ليش على شنو
حققتيلي امنيتي
حضنتة ماعافوني بقو حاضنيني تعبانة غفيت واحس يبوس بخدي ويرفع كذلتي عن وجهي
لو جنت متندمة من شفتهم هيج راح كل الندم
وحسيت نفسي متخذة احسن قرار بالدنيا
الكل عرف بالخبر والكل فرح اجوي يباركولي واني ساكتة حتى مارديت البيت اذا يكمل باسبوع جاسب يكملة بيومين حتى بلليل يشتغلون بية
وكلها وياة تعدل حيدر وكرار وياة رجعولي وي الغروب بيدهم اكل سفري
هاج ماما هذا عشاج.
شروق: بس امكم وانيييي ولكم
حيدر: الجن الجن من بابا
تعالو وين رايحين
لبيتنا نشتغل
عبالك زلم عافوني ومشو كعدنا ناكل اني وشروق رضا شكد فقير وهادئ حتى شموسة ماكو مثلهم كعدو ويانة ياكلون.
شروق: اكلج شلون افاركج يمة لا رغد
تعوفيني وتمشين شلوون
خاب اسكتي هو اني اريدلي حجة ما اروح
لا روحي الله وياج گلعة بلا رجعة
ها هيج صارت
اي هيج صارت بس خلصيني اني اروح لبيت جدي بس اضوج
ضحكت فرحانة وكلها فرحانة الا اني.
شايلة مو هم الف هم افكر واتخيل شلون ابقى وياة بمكان واحد صعبة هاي سنين احنا منفصلين واني شاردة منه تالي ارجعلة كمت الهي روحي بالروايات اخلص وحدة اقرا غيرها حتى صرت اشتبهة بينهم اراسل هدى ترشحلي روايات
اتعجب باليصير وياهن صدك لو كالو اليشوف مصيبة غيرة تهون علية مصيبتة
لا اخر شي قريتهن اخس من حالي وباقيات وياة
لو ماعدهن اهل لو اهلهن مو كفو.
جنت متمددة اقرة اجاني حيدر هزني
ماما ماما
ها حبيبي.
بابا يكول خل تشيل الحظر اريد احجي وياها
اهووو هسة اني بيا حال خل اشوف المكرودة هاي شصار وياها
ضربت على رجلية هز ايدة كال
هاي القصص راح تخبلج
كفشتي شكبرها ولا متحركة من مكاني
قريت تكملة البارت صعدت الحرگة لراسي من التصرفات المستفزة لو سجيوة بمكانها كلت
جان مشتهن مسطرة شمالج يحضي اكسر المواعين براسهن اااخ طلعت من التطبيق وفتحت نت
دخلت للانستا ليا صفحة اشيل الحظر شكد هنا.
طلعت الحساب الاصلي وخرت الحظر متصل الافندي.
دزلي صور للبيت كاتبلي حلو
اي
بعد بعد خل يكمل وشوفي شلون يصير
تفاعلت باوكي وهو لايعرف يفتح مواضيع
لليل رجعو الجهال نامو تعبانين من الركضة
جنت اراسل بالبنات بالكروب دز
كاعدة
طلعت من الواتساب للانستا رحت
رايد شي
نامو الجهال
اي
خوش بس ردت اخذ رأيج بالاثاث يا لون حابة
جوزي لو ازرك واوف وايت
ماعرف دزلي خل اشوف
ثواني
دزلي صور اثاث شي احلى من شي كتلة الجوزي احلى مو لو الازرك.
هو انا سئلتج
الجوزي احلى وياة بردات يطلع اهدأ مو
اي صح يلا نامي وراج دوام تصبحين على خير
وانت من اهلة
صار يدزلي اي شي يشترية تحفيات غراض
فراشات بس من دزلي غرفة نوم اختاري صفنت وسخنت بنفس الوقت رديت علية
ميخصني اختار اليعجبك
مارد علية ولا عرفت شنو اختار بقة يشتغل
من الصبح لليل رجع للمركز يشتغل بس يتغدى ويروح للبيت يكمل شغل وذولة وياة ولا شايفتهم كل مايخلص روحي تعتصر تركت الروايات.
وكلشي لكاني رحمان كاعدة اخذني لحضنة باسني
لاتهتمين اضمنلج تغير ولو اذاج بكلمة
يخسرج للابد
اتذكر الصار عبالك البارحة شسوي
الانسان مامعصوم رغد لو كلها ماتنطي فرصة ثانية وماتسامح وتغفر يوكف العالم
لاتضغطين على روحج بالتفكير عيشي يوم بيومة
واتذكري اخوج بضهرج يخليج بروحة
والله من هسة شايل وحشة لغيابج تعودت عليج وعلى جهالج مدري شلون اتعود على غيابكم
حتى اني.
لا رغد والله تتعودين وشوفي جهالج شلون يفرحون وتتغير نفسيتكم جاسب تعب كلش
ليل ونهار يشتغل ماخلة شي ما جابة
والله انا متاكد مايقصر وياكم
يلا كومي نامي
جان جاسب مراسلني على حيدر راسة يوجعة؟
وكع خطية كتلة لا زين
كمل البيت باجر ان شاءالله
باجر تعال اخطبوني
ها
شني الها جا شلون غير خطبة وعلى حسب الاصول
صار يلة هاهية
وبعدها عرس؟
لا ماريد قابل رايدتك حتى انزف الك
بكيفج شتردين اسوي
ماريد شي بس نجي
ان شاءالله.
ثاني يوم ماداومت كعدتني شروق كوة وسجيوة جاية من الصبح تلغي فوك راسي
خرب واحد ماينام شكوو
سجى: كومي لا ازوعج العافية
اهووو ترة اعرف البالجن خل اطمنج
ما اباوع بشكلة ولا اريدة علمود الجهال
سجى: هسة دكولين هيج وتالي الليل تموعين بيدة
انجبي واطلعي منا يلا ولي
سجى: اهوو دولي
دكلب برجلية
تمام التمام بس شعرج كومي اسرحة وجهج نضيف عفية عفية مجهزة روحهة
حبيبتي من زمان اني نضيفة ويلا ولن.
سحبت شعري واني الممنونة يعني الا تمشي كلمتها براسي ورة الغدا سبحت لبست فستان ابيض بية
كلوشتة قليلة ومكياج خلتلي سجيوة عفت شعري مفتوح وحيدر يجيب علبة العطر ويرشلي خزرتة
يضحك بدلو وكشخو راحو لهناك كلها اجت واني بس اخوزر بيهن جدتي تصلي على محمد وكلساع بايستني.
اجو هو وعمامي مخلي حيدر وكرار من كل صفحة وياة لابسين دشاديش ووهو هم لابس دشداشة زركة على نيلية مطقم وي ولدة السبحة بالايد ومحابس تارس ايدة عباس ونزار وحتى انمار جاي
سجى: شتردين هو وجهالج يخطبونج هههه
يمة فدوة لله شكد حلوين عين الله عليهم
بس دخلو وصارت الهلاهل تطرش بطني كامت تمغصني شكو وتروني كعدو شوية اجو جهالي الضيافة يلا.
من اشوفهم هيج بنفسي اكلهم والدشاديش تموت عليهم كل الجهال نغارو منهم ويريدون مثلهم
دخل رحمان اخذ الضيافة كلهم بالاستقبال بس احنة بالصالة نسمعهم اتفقو على غايب وحاضر ما اخذ حاضر منه بس هيج شوية وحجة الشيخ
حتى يعقد اريد احجي ماكدر دورت بعيوني بس ردت جهالي اشوفهم حتى اكول اي جنهم حسو بية اجو اخذتهم لحضني ضميتهم قوي وانطيت الموافقة علت الهلاهل كمل العقد عفتهم ودخلت للغرفة سديت الباب ودموعي نزلت.
اتذكر وعودي لنفسي ما ارجعلة وشي بداخلي يكول ها ماعندج كلمة وبس ارجع للواقع اكول لخاطر جهالي يستاهلون يفرحون.
دكو الباب علية سجيوة تهمس عيب رغد
كمت عدلت وجهي ورفعت شعري ذيل حصان طلعت كذلة ورجعت باركولي وراحن جابن جاسب بقة صافن علية خزرتة بقوة خاف يحاول يلزمني
ماسواها بقة واكف يمي وهنا يهوسن
خلصن كالن: بوسها بوسها ردتلك
رفعت حواجبي هز راسة ودنك حضن جهالة.
يبوس بيهم اخذهم وطلع ارتاحيت شوية وخلصت الهوسة من بيتنا مسوين عشا بيتهم ولا رحت
شكد ودو علية لو يموتن كتلهن راسي يوجعني دزلي عشا بدلت تعشيت ورجعت اكمل بروايتي
دخل رحمان كال ها هنا
جا وين اروح
عبالي هناك
تعال تعشى وياي
تعشيت
دنك باس راسي كال الف مبروك الله يسعدج
بوجودك
شمقررة
ها العقد اريد اخلي بية شروط منو المحامي انمار مو
اي
جا كلهم اريدهن بالعقد ينكتبن
خوش عود ذكرية من تعقدون.
خلصت عشا خدرت جاي ورجعت اقرا النت مطفيتة حتى اليراسلني ما ادري بية اجني البنات بليل كللي يلة ترحين
لا مو هسة
جا يمتة
معليجن بكيفي خل نعقد محكمة اول
جنت اتحجج اروح شكد رادني اروح ماقبلت
والتليفون مافاتحة بية نت من ورة القصص
صفر خليتة على الشحن بدلنا ملابسنا اني وجهالي
وغسلنا اسنانا سوى كل يوم هيج رحنا انام
اني بنصهم هالمرة فرحانين
كرار: ماما اليوم طلعتي تخبلين.
حيدر: صح ماما كلش حلوة جنج عروس وبابا هم حلو يخبل ماما بيتنا كمل شوكت نعيش بية
مادري
سكتو حضنوني ونامو ثاني يوم داومت من رجعت من الدوام كالت شروق عاد اخذي ملابسكم رتبيها بيتكم سكتت
شتردين انتي عرس لو ياخذج سفرة تتونسين
لا ماريد
جا ماترحين لبيتج
خل اعقد محكمة
عود ردي علية مخابر رحمان يكلي شبية موبايلها محترك كتلة لا
فتحت نت صدك مراسلني
شوكت نروح نعقد اخذي اجازة
ردبت علية بكيفك.
ما فاتح نت العصر دز الجهال باجر نروح للمحكمة
ماحجيت شي ثاني يوم طلعنا انمار ويانة ماحجيت شي بس من وصلنا حجيت وي رحمان على شروطي وجاسب يسمع ما اعترض عقدنا وراها اخذنة لمطعم تغدينا اكل مدنكة مارفعت راسي
هو يسولف ويقسم من الدجاجة يخلي كدامي
لان ماكدر اسحب.
انمار كال عندي شغلة رجعنا وحدنا كعدت ليورة بمكاني الصبح ماقبل بهدوء كال
تعاي هنا مو حلوة دكعدين ورة
اريد انام اتمدد
ها اخذي راحتج شوكت تجون
اشوف.
سكت واني سكتت مددت تعبانة ونعسانة من كعدت الصبح وي وصلتنا كعدت تلكوني الجهال اخذتهم ودخلت لليل اجوي
ماما بابا جابلنا كنتور يخبل وجربايات حلوات
راح نروح هناك نام
كرار: اريد ملابسي ماما راح اخذهم
فتح الكنتور يكلب بيهن ويشيل بادية يريد هيج ياخذهن لبيتة ضحكت كتلة اوكف اجمعهن كلهن وناخذهن
خليتهن بجنطة كل غراضهم وملابسهم وشروق وكفت تطلع بملابسي گلبي انعصر كالت بصوت مبحوح.
اخذيهن كلهن سوى.
لا عوفيهن هواي بعدين ارجعلهن
اخذت بس ملابس الجهال احس مدري وين رايحة الدرب صار شطولة وهو قريب فتحو الباب مردود مصبوغ جديد البيت من بعيد يضوي مسوية دخلت الحديقة تخبل مسويها كلها ورد مرجوحة مخلي من هاي اليكعد بيها اكثر من شخص
الارضية تخبل الاستقبال مفتوح وشحاطتة بالباب عرفتة جوة راحلوة يركضون بابا اجينة
مشيت سريع بيدي الجنط دخلت المطبخ
انبهرت ماشاء الله شمسوية يخبل كلة اثاث جديد.
حتى ميز طعام جايب وفراش مفروش حتى معطر راش دخلت الصالة مو كلش جبيرة يعني وسط بس تخبل الاثاث ميز التلفزيون البرادي انبهرت بذوقة وترتيبة كرار يكلي تعاي شوفي غرفتنا
دخلتها تخبل سريرين منفصلين كنتور مراية ميز برادي جاهزة من كلشي كعدت اعلك كل واحد ملابسة وحد عندي حيدر ملابسة اوسع من اخوة كرار ناعم.
مو تخربطون هذا كنتورك
صار ماما.
اجة حيدر يساعدني رتبتة واخذت الشامبو وفرش الاسنان هاي الشغالات للحمام موجودة غراضة مخليهن وحد وجهي صار نار هاي بس شفت غراضة يربي ساعدني قبل لا اموت.
الحمدلله ما دخل بصوت ناصي كلتلهم
ابوكم وين
بالدونية يسوي بالبلازما.
باوعت لغرفتة ماكدر اكول غرفتي مشيت مترددة بس اشوفها مديت راسي شعلت الكلوب بقيت صافنة افخم غرفة شايفتها بالحقيقة كلشي بيها راقي وحلو مرتب عطورتة على الميز بدلتة العسكرية معلكها بالزاوية وبسطالة جوة
طلعت بسرعة دخلت للمطبخ كرار فاتح الثلاجة
تارسها من كلشي يخطر بال الواحد
ردت اطلع جلب بية حيدر
وين ماما خلنبقى هنا فدوة
غراضي كلها هناك
نروح نجيبهن ونجي
هزيت راسي كال كرار اني ابقة هنا تعالولي مو ماترجعون.
حيدر: نجي يلا ضل
طلعت جان برا يدخن بقة يباوعلنا راحله حيدر
بابا خلينة ملابسنة هسة نجيب مالت ماما ونرجع
دك على ضهرة وطلع حيدر خزرتة وطلعت
شبية كالبة خلقتي المثلي من تشوف هذا البيت تهوس وتعلكها
رجعت اخذ ملابسي شروق ماكو شاورني حيدر.
ماما خالة تبجي جمعت غراضي ودموعي تنزل كملت ورحتلها لكيتها الوجهة مصبوغ وجهالها خانسين حضنتها ابجي واشهك اختي مو مرت اخوي ماعرف شلون راح افاركها ولو هي قريبة علينة حيدر رايح صايح لخالة اجانة
رحمان: شكو شكو ياهو المات شبيجن
رغد: كافي اسكتي بطلت ماروح علساس شلون اني رايدة اروح راح ابقة يمج
شروق: لا والله روحي شبعت منج هواي حمضتي على گلبي
انجبي جذابة
رحمان: يلا كافي اخذي ابنج ولي خل ناخذ راحتنا
هااا.
اهووو والله ماعرف شحجي
تعاي تعاي ياروح اخوج وعلى روحي صارت بيج وبجهالج
رحت لحضنة ضمني قوي يبوس بية وبحيدر
كلة خالي يمكم احنا كل يومية نجيكم
واذا مسوين اكل زين نجي ناكل
هلا بيكم خالي البيت بيتكم
اخذ غراضي وراح لان هواي ضليت يم شروق كالت والله روحي راح البس الاحمر لاخوج واتمكيج
اتمكيجي كدامي لاتالي تشدين راسج وتنامين.
بقيت يمها تمكيجت ورحمان نقل كل غراضي كال يلا بوست شروق وطلعت عبالك لخارج العراق العبرة خنگتني شوية وابجي وصلني رحمان ورجع
دخلت جوة وهو بعدة بالاستقبال ريحني دخلت لغرفة الجهال سويت مجال خليت كم قطعة استخدمهم والباقيات بقن
حيدر: ماما مكياجج والعطور نخليهن هناك كدام المراية مثل خالة شروق وهدى.
ماكو مكان الهن اخذت العطر الاستخدمة وكم قطعة مكياج استخدمهن وكمت شايلة الباقي وحيدر يسحل بجنطة فتحت الكنتور معلك ملابسة وعطورها تفتح سديتة والثاني هم اله مرتبة
الباقيات فارغات علكت كم قطعة والباقي كعدت اسفط بيهن لان كلش هواي شتوي صيفي مناسبات شروق كلهن كارفتهن حيدر اشوفة يرتب بالمكياج والعطور دخل كرار تعاركو هاي هنا خليها مو هنا
حيدر: معليك اني اعرف روح ساعد ماما
كرار: ماما اجي اساعدج.
لا حبيبي ماتعرف تسفط
مرت ساعة واني على كعدتي حتى الجهال ملو وطلعو انكسرت رگبتي رفعت عيني شفت جاسب بالباب يريد يدخل خزرتة تحمحم ودخل
بس اطلع ملابسي
مارديت لحد الان بعدني بحجابي مانزعتة كملت وهو اخذ ملابس وطلع كملت وطلعت لكيت التوم كاعدين على القنفات بالصالة مشغلين البلازما ويكلبون بالقنوات
حيدر: ماما مو حلوات شكلية على اليوتيوب
ماعرف والله
كرار: ماما جوعان سويلي اكل
شتردون
لفات شاورما
صار.
رحت للمطبخ جاسب بالحمام احس روحي مبهذلة شالي واني وين جنت كلة تراكات فتحت الثلاجة طلعت طماطة رحت للمجمدة تارسها دجاج
لحم سمج بانيا مجمدة لحم مثروم طلعت دجاجة اخذت الصدر ورجعتها بديت اشتغل
شمرت الشال متاكدة مايدخل لان اني موجودة
سويتة بخبز عادي وفواكة كطعت بماعون متعودين هيج ياكلونها خليتلهم كتشب.
وعصير صبيت تلاثة سويت هواي صاج شلت الصينية ودخلت لكيت جاسب كاعد وكرار متمدد بحضنة وحيدر وراة ينشف بشعرة يضحكون مدري شيسولفون بس دخلت كلهم باوعولي خليت الصينية علميز: تعالو اكلو
نزلو فرحانين قبل لاياكلون كال
حيدر: عاشت ايدج ماما شكلة كلش طيب
بالعافية حبيبيني
مشيت كال كرار ماما تعاي اكلي
ما اشتهي حبيبي اكلو انتو
جاسب يباوعلي بس اخزرة يدنك لو يسوي روحه مايباوعلي دخلت لغرفة الجهال احس بغربة.
يمكن راد اتعود بعد الجربايات منفصلة كل واحد وحد وهما متعودين سوى ينامون رحت دفعتهن
خليتهن صف وحدة دخل كرار بيدة ماعون
ماما اكلي
مو كتلكم مو جوعانة
ميخالف اكلي
اخذتة من ايدة اكلت نص لفة والباقي رجعتة
مشكل البلازما على اليوتيوب وكاعدين رحت للمطبخ اغسل المواعين لحگني جاسب بالصينية
عزلها وكال: عاشت ايدج
مارديت علية اخذت الصينية غسلتهن ودخلت وراة
يلا عيني تاخر الوقت كومو نامو
بعد بس شوية.
جاسب: لا بابا تاخر الوقت مو زين تبقون كاعدين
حيدر: جا بس رغد تبقى كاعدة تقرا روايات للصبح
فتحت عيوني على وسعهن خزرتة طفر كال
حيدر: عمي امشي انام
سحل كرار رحت وراهم خليتهم يبدلون ملابسهم كلولي يلا روحي بدلي
شلون ابقى متبهذلة ماطول عايشين سوى خل اعود نفسي واعودة السالفة مطولة لبست تراك نوم عريض شوية وضفرت شعري نمت بنصهم
ماما راح تنامين هنا
اممم
جا مو عندج غرفة حلوة وجديدة
اممم
روحي هناك نامي
بكيفي لا تدخلون.
كرار: وبابا ينام وحدة خطية يخاف
هسة يجة جني ياكلة
شوف هذا الفطير نام نام واذا تريد ابوك روح نام يمة وانت الثاني هم
حيدر: هاي غرفتنا مانعوفها انتي ذيج غرفتج
عضيتة بخدة سكت كتلهم
شوفو اي شي يصير بداخل البيت ماتكولون لاي واحد نتعارك نصير بالنعل ممنوع منعاً باتاً تحجون شي حتى لخالكم اي شي يصير بالبيت يبقى بالبيت
خاف يسألونكم ماما وين تنام شلونها وي ابوكم
اي شي يسألونكم كولو مانعرف اسألو ماما
فاهمين حبايب
اي.
عفية بولدي
كرار: ماما باجر نجيب لولي ونجيب ملابسها هم
خوش
بس وين تنام
جيبولها جرباية خلوها بصفكم
كرار: ونفرغلها من الكنتور
خوش يلة نامو
طفيت الضوة حيدر يحوس لزم خدي بصوت ناصي كال: ماما روحي لغرفتج احنا وحدنا انام
مانخاف
نام
بابا خطية وحدة
روح يمة
بس هاي غرفتي
انجب
طفر كرار كال ماما راح اروح يمة انام
روح
طفر بقة حيدر نمت كعدت الصبح مالكيتة غسلت لكيتهم كاعدين يسوون ريوك بالمطبخ مامصدكة شعدهم كاعدين من الصبح.
حيدر: بابا خلي ملح شوية تصير مو طيبة
جاسب: شني تعلموني ولكم
حيدر: اذا طلعت مو طيبة ماناكلها
باوعولي طفرو صباح الخير ماما
صباح النور شو كاعدين من الصبح
جاسب: نامو يمي بس كعدت فزو
يسوي بالمخلمة ومحضر صينية ماعون كيمر عرب مخلي واجبان مربى كلة متوفر بالثلاجة عفتة يسوي بالمخلمة رحت بدلت لكيتهم منتظريني كعدت وياهم مايحتاج اعيد واكول اتوتر من اصير قريب منه.
حيدر: ماما ذوكي المخلمة كولي طيبة لو لا.
اكلت شوية منها طيبة
هذا بابا سواها
عاشت ايدة
تريكت بسرعة وهما يسولفون وي ابوهم شو هناك
مطنكرين يكعدون بس يخوزرون خلصوها ضحك واني ابتسم الهم.
حيدر: بابا خوش طباخ انت بعد اطبخلنة
تدللون
كرار: بابا نريد جرباية لولو
باوعلي دنكت كال
تبقى هناك خاف ماتجي
كرار: لا بابا اني كلتلها تجين يمنا كالت اي
هناك ماعدها جرباية جيبلها تجي
صار اليوم توصل
عبالة ما اقبل يباوعلي سكتت
كام يبدل لميت الريوك دنكت كتلهم.
مو دكولون بابا سوى الريوك مثل ماكلتلكم
كلشي لاتحجون باليصير بالبيت
خلصت دجل جاسب لابس بدلتة عطره كدامة يمشي لواكة راحولة يعدلون بطرونة مايلوحونة
دنك باسهم كلهم: تبقون هنا لا ترحون لبيت جدكم منا لمن نجي
لا نبقى على البلازما روحو انتو
بقى يباوعلي كتلة
ماعليهم كبار الطباخ مايوصلونة مو ماما
واني هم مطفية الغار والجداحة رافعتها
حيدر: روحي ماما اذا ردنا شي نروح لخالة
بقة جاسب خايف عليهم كلولة.
مانخلي واحد يطب للبيت ولا نطلع اذا راد واحد يطلع واحد يبقى بالبيت
جاسب: عفتلكم موبايل خابروني وخابرو امكم
بس تردون شي
كالها وباوعلي يلا امشي
صفنت يلا استوعبت يوصلني طلع كدامي
مشيت وراة فتح باب الصدر إلى صعدت
واندار صعد وحرك شغل دعاء الصباح بقة ساكت واني هم.
ترجعين وحدج لو امرلج
اني اخلص قبلك فارجع وحدي
سكت ماحجة شي وصلني وراح
جنة مجتمعين بالمختبر كال نبراس
رغد هذا اخوج الثاني الوصلج بسيارتة العالية.
كلهم باوعولي كالت بنية هي عدها بس رحمان
كتلهم زوجي
انصدمو شوكت تزوجتي ومنو
ابو جهالي رجعنا
باركولنا بس وحدة هاي الرادتة ضاجت كلولي
والله خوش سويتي علمود الجهال عاد يتربون وي ابوهم مو رجال غريب
نبراس: بعدة شاب هو شيشتغل
التفتت على هاي كالت بنبرة استهزاء
زابط
سكتت عنها ورحت لشغلي خابرت الجهال بالبيت
ماعدهم شي خلصت شغلي ورجعت بالطريق افكر اكول لو طابخة بالليل هسة شسوي
دكيت الباب اجوني صوتهم منوو
اني.
فتحولي الباب بوستهم دخلت للمطبخ كدورة على الطباخ: خالة جابتهن كالت غداكم
حبيبتي شروق مسوية لحم وبامية وجدرية تمن طبخها يخبل سبحت كتلهم اصبلكم
لا ماما اكلنا
شنو بقيتو بالبيت ماطلعتو
لا
شعجب
احسن
شكلتو
فواكة وسوينا لفات كيمر ومربى
بالعافية هسة اصبلكم
لا ننتظر بابا ناكل سوى
كعدت وهما ينشفون بشعري واني اراسل بملاك كاسرة گلبي هالبنية الصار وياها ابد مو هين.
طلعت من الناصرية وتركت شغلها باوعت لحيدر من جان يدعي يارب البيت النا وكلنا نكعد بية وصدك كعدنا بية ربي العالمين استجاب دعائة كلتلهم ماما ادعولها خطية بقو يدعولها اطفال الله يستجاب منهم.
ضفرت شعري كمت سويت زلاطة خلطت لبن وطرشي خليت بكاسات شوية واجة جاسب راحو يركضولة حميت المركة كال اسبح واجي
واني دايرة وجهي منه صبيت بين ما اجة كعدنا نتغدى كال عاشت ايدج الاكل كلش طيب
طبخ شروق
هم عاشت ايدج.
ابتسمت مدنكة راسي ماحط عيني بعينة ابد
كملو شلت المواعين شوية وكفت اغسلهن اجة يسوي جاي كملت وهو صب وكفني
هاج اشربي
اخذت من ايدة كوب كتلة شكراً ومشيت
كعد بالصالة صاب لجهالة وياة كعدو يشربون
كملت غسلت الكوب صار وراي يريد يغسل علكتة وابتعدت رحت نمت عفتهم يم ابوهم واني نومي كلش ثكيل الا يكعدوني ما يكعدوني ابقى نايمة
كعدت على الهوسة لكيتهم كلهم بالغرفة جاسب مخلي جرباية ويفرش بيها فراش بناتي.
لميت كفشتي كرار حاضن ولاية يكلها
شوفي شلون حلو فراشج بية لعابات
حيدر: بابا خلية بصفنا خاف تخاف بعيدة لو تشمر الغطا اني اغطيها بالليل
باوعلي كتلة اي خلية هنا
شالها خلاها بصفهم صارت عبالك وحدة جبيرة
لولي بس تضحك كمت كتلها وين ملابسج
بالبيت يم جدة
روحو جيبوهم خل ارتبهن الج
راحو يركضون بقة جاسب يباوعلي كال
ديري بالج عليها حتى امها ماتريدها
اخر مرة راحت رجعت تبجي ماروح بعد الها.
طكتني وهي من زمان اشوفها مالها علاقة بيها
حالها حال جهالي ما اقصر وياها
طلع جابو ملابسها علكتهن بخانة وحدها وهي مكيفة اخذتلها ملابس سبحتها وكرار اجة ينشف شعرها كال ماما اجيب من التخلينة لشعرج مال بنيات حتى يصير طويل مثل شعرج
اي روح
راح يركض يموت عليها راح جاب زيت شعري مشطتلها كلي ماما عطر بعد هما متعودين بس اسبحهم لو ابدلل الهم امشط شعرهم واخليهم سيروم واخر شي ارش عطر راح جابة عطر رشيتلها كالت جوعانة.
امشو اسويلكم عشا
انطيتها فواكة كعدت تاكل وياهم سويتلهم فاهيتا
ومعكرونة بالجبن والدجاج كلش يحبونها اجة جاسب كال اساعدج
صفنت هذا شبية كتلة لا ماعندي شي
فتح الثلاجة كال راح اسوي زلاطة سكتت
طلع خضروات وكف يثرم واني احمس
جاسب: شرايج نروح سفرة
هسة لا خليها لغير وقت اذا تريد تروح روح
اني ما اروح
علي راحتج شوكت ماتريدين كولي
علمودكم اني.
كملت العشا كعدنا ناكل ثنينا نباوع لكرار يعلم باختة تلزم الخاشوكة متعلمة تاكل بيدها ماتعرف وهي تريد تاكل بيدها حل الخلاف حيدر وصار يوكلها بخاشوكتها ويرجع ياكل بخاشوكتة
هيج الزميها شو الزميها هيج
كوة لازمتها جاسب ياكل ويضحك عيونة تشع فخر بيهم حتى اني افرح من اشوف حنيتهم على الكل
حيدر: ماما الاكل طيب عاشت ايدج
جاسب: صح يخبل عاشت ايدج
بالعافية.
متعلمين من خالهم من نطبخ ويجي ياكل يكول عاشت ايدج وهما من يسمعونا يكولون النة بقو هيج عفتهم ياكلون وكفت اقرا بالرواية واكفة اضحك واگلب اسمع حيدر الوتي يكل لابوة
بابا ماما تقرا قصص كل يومية
كرار: بس هما يضحكونها
ديلا بلا هسة شسويلهم غسلت المواعين
عود ردت اروح لبيت اخوي اندك الباب جاسب جان يسوي كهوة حيدر يصيح خالي اجة.
عاف الطباخ جاسب وراحلهم دخلو بوست شروق والجهال يضحون صبيت الكهوة واخذتها يسولفون على الشغل بقينا اني وشروق بالمطبخ تشرب بالكهوة كالت
شوية رادلها شكر لو مخليتلها
انطيتها شكر جاسب سواها يمكن هيج يحبها
صدك سواها
امم والله زين
اي شلونكم شو ضفيرتج وانتي على البر
من شكلج عرفت
طاح حظج
وين تنامين شعجب ماسحبج لحضنة
انام وي الجهال بطرانة انتي هو بس من ناكل نكعد سوى
عفية عفية ولحدمن تضلين هيج ولج حرام.
الامتناع انوب بنفس البيت
انجبي رجعت علمود الجهال وافق
شو مخلصتها علينة انجبن شني السالفة سجيوة صرتي
مشكلتجن ليش تجفصن بالحجي
عمي سكتنا اي شكو ماكو
سولفتلها مختصر بسيط اخذو شوية وراحو
كلت اطبخ الغدا لباجر رحتلهم كاعدين بالصالة كتلهم شسوي غدا لباجر
ردو الجهال بكيفج هو كال كلشي من ايدج نعمة
كلت اسوي دجاج اسهل شي اجو كال ماخذ الجهال ورايح خو مامحتاجة شي
لا
مانطول شوية ونرجع.
عافو ولاية كاعدة على البلازما مخلينةةالها على شفا ناسية الدنيا كملت طبخ ورحت ابدل ملابسي
شفتها تغفي كلت ابدل ملابسي نزت
والله ماسويت شي لااطكيني
يا حبيبتي ليش اطگج بس اغير ملابسج ذني ماترتاحين بيهن.
بدلتلها ورخيت شعرها حتى ترتاح غفت خطية نصيت البلازما شلتها اخذتها لمكانها غطيتها وطفيت الضوة دخلت لغرفتة اخذت حمرة واني واكفة شفت المكياج خطيت حمرة وكحل جريت عيني وشوية مورد طلعت كعدت بالمرجوحة وهما رجعو ماماااا
ها
اجو يمي جنا يم بيت جدنا
كرار: ماما وين لولي
نامت
اني هم نعست
راح واخوة لحكة كتلهم بدلو
طفيت الاكل عفتة يبرد ورجعت للمرجوحة
مرت نص ساعة اجة بقة واكف كدامي رفعت عيوني.
طبي جوة بردت
مابردانة.
افتر بالحديقة ماعبالي يگطع وردة شمها وجابها جانت حمرة قدمها إلى ما اخذتها تقرب انخفض نفسي عطرة احسة صار بية خلاها بشعري وكعد بالطرف طلع باكيت الجكاير دخن
ساكت واني اكلب بالتليفون مامنتبهتلة كلت اشوفة شيسوي ساحب طرف ضفيرتي بيدة يشم بية ومغمض عيونة.
جاسب
اممم
فتح عيونة ذبلانة
عوف شعري
بس اشم ريحتة مو حرام
سنين انا اتخيل ريحتة
من ايدك.
رجع يدخن وطرف الضفيرة بيدة يفرك بية كمت وسحبتها منه دخلت برد الاكل رجعتة للثلاجة ورحت ادحس روحي بصفهم حيدر غافي ويكلي
وبابا منو ينام يمة
حضنتهم ونمت وهيج مرت الايام جاسب بقة على كلمتة إلى ما اتقرب منج وصدك وفة بيها اني بغرفة وهو بغرفة مرات الجهال ينامون يمة لولي تعبتنا شوية تريد تنام بيت جدها بعدين تعودت.
بس من اروح للدوام يوديها ابوها الهم والجهال يبقون الاكل اطبخة بالليل الهم ومن ارجع احمية الهم ناكل سوى مرات نكعد بالصالة سوى وبس.
سرى: داعيش اجمل ايام عمري هدايا ورد
ماخلة بنفسي شي انطاني فلوس اجهز نفسي
وابني كالت مو تنسينة جبتلة غراض فوك العندة
كال نسافر للشمال نتزوج هناك وافقت
احمد ماقبل يروح ويانا شكد حجيت سفرة ماما نتونس ماقبل باهر حجة راد ولا اقتنع
سلينا اجت كال ابقى يمها الحارث وصفية
كلش يحبونة حتى سيلي عبالك حفيدهم
مو بس بالاسم.
عفتة يم صفية وسافرنا حجزلنة كوخ يجنن والطبيعة احلى شي خيال كرص خدي كال.
نروح تلبسين بدلة وناخذ صور
هزيت راسي اي طلعنا للمركز لبست فستان ابيض مخصر على الجسم كلة تور تصميمة كلش حلو
وهو لابس قاط شطالع كيكة مو رجال يلصف
لبست فستاني ومكياج يخبل سوينا جلسة بالطبيعة
اغلب صورنا نضحك بيها بيهن شايلني لازمتة من رگبتة وحدة كارص خدي ومكزكز وحدة بايسني بخدي وغيرها وغيرها من الحركات
السيارة جانت مفتوحة من فوك وكفنا سوى واخذنا طن حركات بيها بعدها شغل السيارة.
معلك الاغاني والهوى شوية ويطيرنة ايدي بيدة كلشوي وباسها بصوت عالي صاح
احبج سغىىىىىىىى
ضحكت بصوت عالي
واني احبك
صيحي بصوت عالي
هههههههه لا باهر
صيحي يول محد يسمع
احبك باهررر
اعلى
احبك باهرررررررر هههههه
رجعنا لكوخنا شلت فستاتي طويل فتح الباب
ادخلي مدامتي
هههه شكراً
ادخلي لگلبي
يگولون داخلة من زمان
منو الكلج
واحد يسمونة ابو عيون جداحة
ماجذبو ههههه.
دخلت بدلت وهو بدل طلعنا نشوي حرك نار ابتعدنا لتصير بينة ريحة دخان خلاني كدامة حاضني من ورة مخلي راسة على كتفي.
باهر: اول ماشفتج يول كسرتي خاطري
بيد مجرم جنتي جزمت اطلعج منه
وطلعتني منه وساعدتني هواي
بوقتها حصلت على ترقية بسببج لان ساعدتيني
نلزم العصابة وبقيت ممتن الج وحالتج احسها بسببي لان عرف بيج تساعديني واذاج
باسني بخدي همس
خيولي الماضي سغى
هههه باهغ
شالني فرني ضحكت من كل گلبي.
باهر: باهررررر باهرررر ما الدغ
لعد منو اليكول سغى
مرات تلزمني والدغ بيها خاصة اسمج هههههه
كعدت اصور وهو يشوي ويغني كعدنا ناكل يلف ويوكلني من الفرحة بس اضحك جانت اجمل لحضات عشتها
دخلت للغرفة استحيت ابدل
فتحت شعري اسرح بية كلت بعدين ابدل
طلع من الحمام لابس بس بجامة والمنشفة بيدة ينشف شعرة خلاها على متنة حضني وجهي جمر
باهرر
روحو
ميل رگبتي يطبع قبلات دافية ويتغزل
دارني علية واني ميتة خجل كرص خدي.
طماطات ذني مو خدود
لا تفاح احمر باوعيلي شوية
رفعت عيوني باوعت بعيونة دنك يبوسني
سلمتها بيدة ليلة من اجمل الليالي
اسبوع بقينا عشنا اجمل الايام رجعنا ناس ثانين الكل لاحظ علينة التغيير
استقرينا بيت وحدنا بصف اهلة
واحمد طاير من الفرح بالعيشة يروح يم بيت الحارث كل يوم اصلاً مخلص وقتة هناك
اما اني صرت الزوجة والحبيبة والام
اكعد الصبح اعزل البيت نتريك اطبخ.
الغدا وبعدها اجهز نفسي اهتم بشكلي عطري يرجع من الدوام كلشي جاهز نلتم ناكل ينام الا اني يمة نكعد العصر نسوي عصرونية لو نروح لاهلة
دوم نتعشة يمهم مرات كلش بيتنة
ورة العشا ياخذنا نفتر لو نتسوك مرات مطعم
وهيج عشنا اجمل ايام باهر انسان يعجز الوصف عنة.
يوم جمعة اجازتة وابوة مسوي غدا انمار جاي نوف راسلتني كالت تعبانة ماكدر اجة انمار جايب روز وياة يموت عليها الحارث والكل يحبها انمار ابد ماقل علاقتة بخالة يموت علية
جانت روز بحضن الحارث يبوس بيها گال لباهر
جيبولي بنية مثل روزة
ان شاءالله كالها وباوعلي دنكت
لحد الان ماراجعت دكتورة هو مايريد يكول اخاف عليج لايصير بيج شي من رجعنا كتلة اريد طفل حتى لو واحد اخذ وجهي بثنين ادية يحجي بخوف
عدنا احمد.
اريد غيرة اريد اعيش الامومة من جديد بدون خوف وحزن ابوة موجود وبارادتي
كلشي انساة بس ماكدر انسى فترة حملج
معجزة عشتي انتي وطفلج
صار هواي على هذا الكلام هسة صحتي زينة
اخذج للدكتورة ونشوف اذا كالت لا
انسي سالفة الاطفال مستحيل اخليج تحملين
ماحجيت شي الدمعة بقت بطرف عيني وهو يقنع بية ابنج عندج واني عندي بنية يخاف الدكتورة تمنعني الليل كلة باقية ادعي
كعدت الصبح سويتلة ريوك تريك شافني ضايجة
باسني حضني ماحجة شي.
العصر شوكت يجي صار الوقت طويل
كلت لابني يدعيلي يصير عندة اخو اخت كلشي الجان.
رحنا للدكتورة جنت كلشي خايفة وادعي كملنا فحوصات شافت حالتي كالت صحتج كلش زينة حتى طبيعي تكدرين تجيبين من الفرحة طفرت حضنت باهر كدام الدكتورة بكل قوتي ودموعي تنزل.
مرت ايام منتظرة بفارغ الصبر حملي نوف جابت ولد سمتة جود جنت راجعة من بيتها وهي شكد دعتلي سويت لاحمد بيضة گلي كال جوعان.
حسيت بزفرة مو طبيعية لعبت نفسي ركضت اذب من راسي وهو وراي ماما شبيج
لعبت نفسي
راح گال لابوة صفن بوجهي واني صفنت كال طالع ثاري راح جاب تحليل ورجع اخذتة اسوية واحمد كاعد يتابع لعبة وباهر منتظرني جبتة نباوع بية
وگلبي يدك بقوة طلع خطين باوعتلة ضحك
حضنتة قوي جلبت بية من رگبتة ابجي هو خوفني كلت بعد ما احبل رحنا لاحمد كال ماما شبيج تبجين خزر باهر ضربة على ضهرة
راح تصير اخ
ماما حامل
هزيت راسي وحضنتة ابجي.
اي حبيبي حامل
الف مبروك ماما
بستة قوي وباهر خبر اهلة اجونة للبيت كلش فرحو جابو حلويات وصفية توصيني لاتعبين نفسج
ولا تتحركين هواي.
لهنا نختم ابواب قصتنا لكن تبقى مفتوحة النة ننتظر طفلنة نعم انه العوض عطايا الله كثيرة
تاخذ شيئاً غد او بعد غد عوض منتظر.
جاسوسة لضابط استخبارات
ساهمتِ في نجاح مهمتي
افترق الطرقات
لكن جمعتنا المحطات
وحلقت فوقنا الفراشات
وروت قصتنا في الروايات
جاسوسة لضابط استخبارات.
رغد: كل مايشوفني كاعده على المرجوحة يقطف وردة ويخليها بشعري ويكعد يمي مرات يبقى ساكت ومرات يسولف عن شغلة يفتح موضوع
واني اشاركة تعودت على بيتنا وحياتنة
صرت ما تقيد البس اتمكيج من يعجبني
افتح شعري خاصة من سويتة كرياتين ما الفة ابد
بيوم الاوف مالتي اكعد اسوي دولمة
كبب اجمد اسوي مقبلات واخلي بعلب
اسلك فاصوليا حمص وافرز بالمجمدة.
جهالي من الفرحة سمنو هالفترة يقرون حتى لولي وياهم دفترها وحدها تشخبط حيدر من يشوفها يسحبها وولج مو هيج مو هيج ماما شوفي
علمها لاتصيح عليها
اخذ قلمها يكتبها عفتها يمهم مرات تصيحلي ماما
مو تسمعهم تحجي مثلهم رحت للسوك جبتلها ملابس كاملة على ذوقي ماعجبني ملابسها
ماخليت احذية طوكات قراصات كلشي جبتلها فرحت بيهن حيدر كللها
كولي شكراً ماما
اجتني شكراً ماما
كرار يكلها بوسيها اجت بوستني.
خالها يجي يشوفها ياخذها يوم ويرجعها بالليل
سمعت مريم تزوجت ابن عمها بوقتها سمعت جاسب وعباس يسولفون جاسب يكلة.
ساعة جوة بالبيت يصلون لو يقرون ادعية
جا انا شمدريني
هي الفلوس تندلهن بخمس دقايق تطلعهن
تعلمني عود انت لو ما كاشفهم بس ماعندي دليل
طبعاً تزوجتة فوك مرتة وجهالة هيج سمعت
لولي اكثر وقتها بالبيت تكعد على شفا تحبها
وهدوء البيت.
نامو الجهال ردت اكعد بالمرجوحة رحت لكيتة كاعد مشغل بالتليفون ولد ينعى مو جديدة القصيدة علية قبل جان يسمعها
شيبة وانة تباصرنة وكعدنة
شيبة وانة وحجة جرح المخزن المخزن
شيبة وانة وراك مهدل واركض
شيبة وانة جفني سنينك مجلبات بية
رجعت بسرعة عفتة يسمع ويدخن اكول شكد حزينة بلسانة ثاني يوم الساعة ب 11 ونص جاسب طالع والجهال كلهم نايمين
جنت بالمطبخ احضر بالغدا لثاني يوم ماحسيت شوكت دخل جاسب جنت فاتحة شعري مسرحتة.
فزيت من حسيتة وراي جان مغمض عيونة ويشتم بشعري
شبيك
باوعلي بنظرات ذايبة تقرب طخيت الكاونتر كدامي صار كلش دخل ايدة بشعري باوع بوجهي
جنت بس اخزرة يغض بصرة لو يدنك عيوني راحت من الخزر وهو على وضعة تفاحة ادم تصعد وتنزل نترت بتوتر من قربة.
جاسب وخر ماتشوفني اطبخ وخرر
بس مرة وشتردين انطيج
عكدت حاجبي شنو.
جنت منتظرة يحجي سحبني من خصري شهكت ردت اصرخ اخذ شفايفي بقبلة طويلة كطعها وايدة تضغط على خصري مدنك راسة يتنفس سريع
ضربتة على صدرة.
مو كلتلي ما اتقربلج كلمة رجال وينها وينها
اسف اسف ماكدرت رغد ماكدرت
ايدي فوك ايدة افتح بيها ضابها بقوة احجي عيني بعينة وجهي ناار صار.
مو كد كلمتك مو كدها.
رغدة عايني عايني جاي اموت اشوفج كدامي تتمايلين گلبي يرف شعرج يفتر وراج عطرج يصحى كل خلية بية غمض عيونة مال براسة يم رگبتي يجر نفس حتى نفسي رجف
اخ بوية اخ بس انطيني الرخصة
جاي اموت حسي بية
شواربة طخت رگبتي دفعتة
روح
دار وجهة وطلع من المطبخ عبالي يروح للاستقبال بس سمعت باب الرئيسي انطبك طلع من البيت
غسلت وجهي بمي بارد جسمي كلة يرجف صخنت.
طفيت الكدورة عفتهن على الطباخ ورحت للغرفة اريد انام ماكدر عقلي يعيد اللقطات
تخلص ويرجع يعيدها باوعت للساعة ب 1 وهو مارجع رحت لغرفتة فراشة فارغ كعدت على طرف الجرباية تلمستها باردة انطية فرصة گلبي يخضع
وعقلي يرفض وينرفزني لميت شعري
بعد ولا افتحة كدامة صارت ونص ومارجع خفت لاسوى حادث لو لاگوة سكارى دنيا كلشي بيها
اتصلت بية رد ماحجة.
وين انت
يهمج
تاخر الوقت ارجع
نامي ما ارجع
صفنت وين انت؟
جاسب: يم الشط.
ياشط الساعة 1: 30 بهليل شط!
اي موجود الشط مايطرد واحد شكد اجي عصبي اصيح ماردني سكت شوية همس
حتى الشط عرف جاسب شكد عاشگ رغد
ورغد ماتريدة حتى الشط عرف قصة عشگي
وعرف جاسب شكد رفضتة رغدة
بلعت ريگ: ارجع للبيت شبيك لايجي سكران
مايهمج والله مايهمج اعيش اموت
شهگ خفگ گلبي شبيك جاسب ارجع
روحي گالها وغلق الخط خفت علية حسيتة مو بوعية ضليت افتر بالبيت المن اكول اتصل بية مايرد الليل يخوف راساً خطر بالي عباس.
ماهمني الوقت متاخر خفت لايصير بية شي
واني السبب شلون اتقبل نفسي بعد.
رد علية عباس جان نايم
ها رغد شكو
احم لا ماكو شي بس خابر جاسب خل يرجع
الوكت تاخر
وينة بهليل
مادري
يلا هسة اخابرة
سدة مني ضليت انتظر لا اكدر انام مدري شبية لل 2 ونص يلا رجع سمعت الباب انفتح ركضت للغرفة
تغطيت وي الجهال.
ثاني يوم طبيعي عندة تريك وي الجهال صارو يكعدون ويانة وينامون الضهر.
طلعت قبلة للسيارة متوترة طول الطريق ماحجينا شي من رجعت اجتنا سفانة مسيرة.
تستقبلون خطار
يا هلا ومية هلا
كمت باوستها وحميت الغدا الجهال التمو يلعبون هوسة صارو.
نتغدى ثوى لاتثبين هثة
ها خوش
اجة حيدر كال ابوي كال تغدو عندي شغل
صبينا غدة كملنا وكمت اغسل المواعين سفانة كاعدة على الكرسي.
شلونج وي جاسب
كل وحدة تسألني اكلها زينين وطبيعي حتى لاتبقى تحجي علية بس سفانة الوحيدة سولفتلها سكتت.
انتي مو مارايدتة لا انتي ماتردين تنثين الماضي
اي عفية تخيلي راساً يصير كدام عيني وادفعة
اعتبري نفثج متزوجة جديد كل بنية تخاف
وتردد يبقة دورة بث لاتثدينة
مادري احس ماكدر
الكدر ماكدر خطية صارلة هواي من طلك
انطية فرصة والله يدللج حتى يصير غير واحد
بعد مايمشي على الكاع لا يطفر يضل
ضحكتني واني روحي بخشمي اخذتلها شوية وراحت نمنا كلنا والبيت سويتة ضلمة كلنا نمنا هو مارجع كعدت لكيتة جاي نايم بالصالة.
الجهال راحو لبيت جدهم كلت اسوي كيكة
لميت شعري يذكرني بالبارحة كملتها انتظرتها تستوي كعد يمط بادية يدور بالثلاجة
طلع الكدورة حماهن فتح المجمدة طلع زلاطة اخذ بماعون ورجعها رش عليها ملح وطلع مواعين
يصب سويت صوص وطلعت الكيكة من الفرن كعد ياكل المكان هدوء كلت ليش ما احجي وياة شو اموت على السوالف من اجيت وليجاي صمن بكمن واركض اركض.
شعجب اليوم تاخرت
اجتنا قضية شتلتنا شتل
جريمة؟
اي شاب كتلوة اصدقائة.
التفتت علية: اصدقائة! عليش؟
مداينهم فلوس كالولة تعال نطيك الدين
خطية بالسجينة اربع طعنات والقضية بعدها مفتوحة والتحقيق بعدة
كشت ملامحي اتحسب عليهم كال
اشكال بيها الدنيا
حجيت بلا وعي دفعة وحدة: وانت تطلع بالليل بلة لكوگ سكراى مكبسلين
كال بهدوء الزميني وشوفي ياهو اليطلع
درت وجهي صخنت صوجي اني احاجيك
خلص غسل مواعينة رجعهن كطعت الكيكة وصبيت الصوص عليها خلة القوري على الطباخ
مر وراي شال القراصة من شعري انفتح.
اخذها ومشة كال جيبيلي جاي ومن هذا السويتية
ضليت جامدة من خدر صبيتلة واخذتلة بصحن
كيك كاعد بالصالة يلعب بموبايلة باوعلي من رجلية لراسي عبالك بدون ملابس عض شفتة خزرتة
شبيييك
باعي شفايفج مو بوسة مالت البارحة طعمها غير
مال وحدة تصبيرة تردينها برقة تردينها بقسوة
كالها وضحك فتحت عيوني على وسعهن
شو صاير فد مررة خيررر
كلج خير بس لو تجين تكعدين بحضني
اضمج واكسر ضلوعج
باوعتلة بنضرة ماعاجبني
تذكر كلمتك يا رجال.
يا كلمة هاي بلة اكعدي هنا وذكريني
ماد ايدة وياشر رفعت حاجبي
بالمستشفى من كلت بس ارجعي لجهالج
كام من مكانة الصينية بيدي بعدها
عكد حاجبة شوكت كلت ويتقدم
درت وجهي وركض للمطبخ خليت الصينية على الكاونتر وهو وراي مباشرة درت وجهي سحبني من خصري ضربت ايدة
وخر وخرر
ليش
كالها وباوع بعيوني
احنا شگلنا
شگلنا؟
افتح بيدة يضب بيها خباثة
بس وخر ايدك
ليش اشرحيلي شتحسين حتى افتحها
خرررب شبيك اليوم مو صاحي.
هسة انا صاحي قبل مو صاحي ولاشخصيتي
يلة هسة شترريد
كلتها وكتفت ايدي صرت عصبية كلش
نظراتة تحولت لشفافي همس اضوگهن ماشبعت منهن
دفعتة لزم ايدي ما خلاني باسني برقة عكس البارحة رفع راسة عاف ايدي فركت صدري
كلني ارجف: مو رجال انطيت كلمة ما اتقربلج
المو رجال يعوفج وينام
دمعت عيوني ماعرف شيسوي اجيبة منا يرجعني منا شوية وابجي نفسي عالي
يلا وخر خليني امشي هسة يجون الجهال
شمسوين ملابسنا ولابسينهم
خررب شبيك انت.
اوووف رغد اووووف اخاف ابوسج بعد
اخاف الكاج شاردة من البيت
عفية اعوف البيت واشرد
لج ليش مو احبج واموت عليج هسة لو تفترين العالم كلة تلكين واحد يحبج بكدي؟
لا ابوج ولا امج وحتى اخوج مو بكدي
لج حسي بية حسيي
ضرب على صدرة رفعت عيوني نظراتي حاقدة
من ايدك
وتندمت بكد شعر راسج خاف مقصر اكثر
شتردين اسوي اكتل روحي
دنكت راسي كوة لازمة دموعي نترت وخرر
رفع راسي بيدة مرر اصابعة على خدي
قشعر جسمي قرب وجهة يهمس باذني.
احبج واموت عليج
شتردين ابيع الدنيا واشتريج
يمهم جليد وبنظراتج اذوب
لمسة وحدة منج ارجع من جد وجديد
رفع ايدي مررها على رگبتة لشفايفة طبع بوسات عليها عيونة ذبلت ابتعد مني كال
بعد ما اكدر ارحميني رايدج
دخل بدل وطلع لاكوة الجهال كلهم فوتو
ماما وين بابا راح
ماعرف.
تعشينا وهما يحجون شعجب بابا ماكو لاتغدى ويانة ولا تعشى مارديت كامو ضايجين كعدو على البلازما كنكو شوية وراحو نامو عزلت البيت هو ماجة بعد ضليت افكر بالصار وكلامة افكر اروح ابدل بعدين اكول لا شني ولا بية خير ورحت نمت ضليت بالصالة شغلت الضوة الخفيف كعدت اكنك من سمعت بخطواتة بطني مغصتني وكف بالباب غلست عنة حتى ملابسي ماغيرتهن فتح الضوة شافني هيج ومندمجة اكنك عود طفاة كلت راح يرجع لغرفتة ينام بسرعة اجة يمي سد حلگي بيدة وشالني صرخت مكتوم صوتي طبك الباب وراة.
نزلني على الجرباية صاير فوكي ادفع بيدة من حلگي نفسة عالي
ما اتقربلج ولا اجبرج بس نامي يمي الليلة
وخر ايدة تنفست حاضني
وخر اريد انام
نامي بحضني
ماريد
ضمني قوي الصدرة وباس راسي
ما اسوي شي والله نامي
ما ما مامتعودة هنا انام
تعودي لاتحاولين ماعوفج نامي واسكتي
شني جبر
اي انتهى زمن الديمقراطية
سكت واني سكتت حاضني بقوة خاف اشرد.
شوية شوية نعست ونمت كعدت على بوسات برگبتي طفرت وهو يضحك رحت غسلت حتى شكلة اختلف راح يسوي ريوك
طلعنا سوى مثل كل يوم بس من صار الليل جنت نايمة بغرفة الجهال شالني من نصهم ساد حلگي
هم نفس البارحة بس نامي ما اسويلج شي
وهيج مرن سبوعين انام يمة يشيلني وياخذني
احس تعودت وحبيت مكاني رحت قبلة للغرفة تمددت بمكاني شوية واجة وراي سحبني لحضنة يلعب بشعري
رغدة
هممم
تنعسين
امم
نامي.
راسي على ايدة فتح شعري خلة على وجهة ضابني بقوة بسرعة نمت عبالك مخدر جنت اتكلب شكد
واضل افكر هسة مدري شبية بسرعة انام
صار يتغزل بالنهار ويضحك كدام الجهال يكرص خدي لو يصنف قبل جامد عبالك محرمة علية
صرت من ذاتي اروح انام بغرفتة وانتظر يجي يسحبني لحضنة جنت مأمنة ما يتمادى
بس اخر ليلة صار يبوس رگبتي وتمادى همس
كولي لا ادفعيني.
صار كدام عيوني جاسب الجديد الاطلع مايعلق على وجهي ولبسي المخليني براحتي ارجع وحدي التعب بيتنا وتعب ويانة والنا جاسب المنتظر اشارة مني ماكدرت ادفعة ولا ارفض بادلتة مشاعر جان مامصدك كوة سحبت روحي سمعت صوت الامجاد
يلا عافني سبحت وراي دخل رحت للمطبخ سويت لفة كيمر عرب ومربى لحگني.
سويلي وياج
انطيتة البيدي وسويت غيرها دنك باسني وحضني اكلتها وهو اكل: احبج رغدة اموت عليج
ضحكت كولي احبك
بعدين
شوكت بعدين؟
هي تطلع وحدها احلى
ضمني قوي سحب نفس براحة
شوكت ماتكولينها كوليها
صلينة اجيت انام اخذني بحضنة بسرعة غفيت واسمع صوتة يگل للجهال بغرفتي
رجعت غفيت فزيت على لمساتة فتحت عيوني
شو هنا ما داومت
اخذت اجازة
شعجب
گلي لروحج كومي تريكي
الجهال وين؟
راحو لبيت جدهم
ابتسم بخباثة عرفت كعدتة مو خالية
شو تضحك
فرحان
شكو
ملامح فرحتي كلها منج
احبج رغدة
صفنت بوجهة ضايع بملامحي ابتسمت فرحانة
واني هم احبك
ضننت انها النهاية.
فكانت فعلاً النهاية هذه هي بداية جديدة
لقصة حب قديمة انتهت منذ سنين
وها قد احييتها الايام من جديد
كانت البداية ل قصة
عشق منذ الصغر
جاسب ورغد
شروق جابت بنوتة
سجى حامل بولد
هدى بولد حامل
وااني ماريد اطفال.