رواية بين سلاسل العادات للكاتبة كفاية كاظم الفصل العشرون
انمار فقد كلش ملخها تملخ جان ناوي يكتلها موت
سحلناها سحل گلنة ماتت مستحيل تضل عايشة بعد كل هذا الكتل، گلوبنا وكفت صوت سيارات الشرطة ترس البيت وحدة تباوع بوجهة الثانية بخوف صاح بينه انمار بصوت عالي نطب جوة اجو الولد يتراكضون لبسوها شالها ورفعوها من الكاع صار المدافع بفلس مدري ياهو دفعني انرگعت بالحايط. مديت راسي من ورة نسوان عمي دخلو الشرطة ترسو الصالة كلبشوها واخذوها ولدنا وياهم.
احس روحي بفلم هندي كتل رفس صياح شرطة دخيلك يالحمزة انة بحلم بعلم لزمت راسي انسطر سطر من الهوسة وحدة تجر وحدة تعر كل وحدة تفسر بكيفها انريد نفتهم ماكو دخلت حبوبتي نوفة تلطم وتدگ على صدرها.
-ويلا. ويلااااة يماااااة يمااااة منيين طلعتنة هالسالفة رااحت سمعتنا جدااام الوادم شنكوول وشنحجي
رضية: -شكو عمة شصاير كلوبنا وكفففت
-يمة يحمززة شخلفتتت وشعفتت وراااك من بنووات سودة بويوهنا وين نروح من العالم وحجيها.
دخلت حبوبتي حكمة طاحت من طولها التمينة عليها ضغطها علگ ركضت رضية جرت عبايتها واخذتها هي والولد ضل البيت يصوصي وجوهنا صفران حتى حجي مانكدر نحجي من الصدمة شنحجي وشنكول بعدنا مامستوعبين الصار. التفتنا لانمار دخل يركض سوة الدرج خطوتين دقيقتين ورجع شايل نوف بحضنة شكد حجينة وياه مايحاجينة اخذها وطلع.
جدة نوفة: -راح تتطشر سمعتنا ويلاااة يالززمن الاغببرر.
عائشة: -شنهي عمة عليش اجت الشرطة واخذو البت كاتلتلها واحد ياستار
-خاايببات عووفنيي بضيمييي شمدررينيي بالفلك الاسود الطاح علينة.
عايشة: -جا نمر وين اخذ مرتة هسة غير واحد يفهمنة
رغد: -يمة بطني يمة يمة راح امووتتت
سجى: -دگومي هسة وكتج خلينة نشوف رحمة الله منين تنزل
رغد: ومررض بطنييي ولج راح ياخذونه وراها جي جانت يمنة
سجى: -فلك الصابها زعم تشتغل وي عصابة اخ بطني يمة فلك.
ضلينة نتگلب مثل السمجة المطلعينها من الماي ماخذة الدرب رادتة محد رجع علينة للعصر وهما ماكو بس نريد خبر يبرد گلولنا ويگللنا السالفة.
-نضفي غرفتي وياج يلا
شروق: -استغفرالله مو نضفتها
التفات: -يمتها نضفتيها البارحة لو نسيتي
شروق: اي البارحة يعني نضيفة شني كليومية
التفات: -روحي گدامي لا اجي اسويج وصلة مسح
شروق: ضهري انكسر من الصبح وليجاي حتى كعدة ماكاعدة مثل البشر نضفي انتي هي مو غرفتج
يكول ذبيت عليها نار مو حجيت كلمتين لزمت خدي صاير نار كسر بيدج كون هل راجدي نزل دموعي دفعتني على الحايط خانگتني الهوى ضاع مني صرت ارافس جواها.
-لاترادديني ثاني مرة اشتغلي بدون حجي خوش ماكاعدتلج انة
بس لو ادري شني من قوة عدها، طحت بالكاع كوة اجر النفس الله لايوفقج دنيا واخرة مشغلتني خدامة البيت كلة براسي وبس احجي شي تگوم القيامة علية محد يحاجيها امي تباوعلها وتسكت ولاجني بتها يكول مرت ابوي مو امي، عود خلصت من اسراء كلت ياالله راح ارتاح شو بالزايد متواصيات على يكول.
اندگ الباب راحت تركض رجعت بيدها علاگة شگبراتها ركضت لغرفتها ارجع انضفها من جديد مابية حيل انكتل كعدت على الجرباية بهلفترة اشترت غرفة جديدة احدث وارقى موديل حتى بالمسلسلات ماشايفتها والفلوس تلعب بيها لعب ملابس ذهب اكل اشكال والوان توصي منين تجيب مادري تكول اشتغل بشركة بس شني من شغل حتى شهادة ماعدها هسة تشتغل سكرتيرة ميخالف بس مو راتبها هلكد.
اباوعلها تطلع تكدر الملابس كلة فساتين مثل المصريات لاكدر احجي ولا اكدر اسكت ياهو اليكول كلامج صحيح اخذت فستان وراحت كملت نص الغرفة وبعدلي كومة شيخلصها إلى ضهري كمت ماحس بية. رجعت لابستة مشلتح اجت اشسور بشعرها كدام المراية وتغني.
-حبيبي شو حلو حلو شو حلو. عجبج
-ها شني
-تريدين مثلة
-شسوي بية
-روحي گدريلج واحد لايضل بنفسج
-شكرا ماريد شعندي لابسة.
-غبية غير يطلع عليج يموت وانتي جسمج ابيض الاحمر اويلي الاحمر يشگ شگ يطلع عليج
لعبت روحي من طريقة كلامها وياي ايدي ترجف دخيلك ياعلي خلصني منهن من لابسة هيج لبس المن وشمعنى. اريد بس اخلص متت.
-لاتخافين مااسويها مو خوفا عليج بس تطلع وراج ناس وتنلاص علية.
مافهمت شتقصد بكلامها خلصت ورحت كعدت بالمطبخ صافنة بالوضع الاحنة بيه من مات ابوي وليجاي صارت هيتة طالعات طابات محد يگللهن على عينجن حاجب. رفعت عيوني شفتها بباب المطبخ لاطخة المكياخ كلة والشعر ناثرتة والعطر يفح فح صايرة طشار تدندن وتصبغ باضافرها.
-يلا ادخلي جوة
-مو متانية الغدة يستوي
-محد ميت على غداج ولي من وجهي بساعج.
رحت لغرفتي كاضة ضهري من الوجع طلعت كتبي اقرا حتى وكت ماعندي اشوف دراستي درجاتي زفت نزيت من سمعت طگة قفل ركضت للباب مقفول اعت بية ماكو گلبي يريد يوگف من الخوف منين واحد يتلكاها.
مر وكت كلش طويل وانة على كعدتي ادك بالباب اريد ماكو وين راحت وعافتني فتحت عيوني على وسعهن جمدت بمكاني بس لايمنة هذا الصوت اقنع بروحي يم الجيران صوت شرطة يدوي دوي حتى الهوى ضاع مني بيتنا اي بيتنا الصوت.
دبج على الكاع، صوت اسلحة، صريخ التفات، متت من الخوف زين مني وضليت عايشة الباب يكسرون بية بكل قوة وكع على صفحة صرخت بصوت عالي مخلية ادية على اذني شرطة شكولهم ترعب طوال وضخام شوية ويغمى علية صاحو بية بصوت عالي ارفع ايدي ليفوك.
رفعت ايدي اختض سن يطك بسن اخذو ادية ليورة كلبشوني كوة استجمعت قوتي وحجيت ارجع.
-: ش. ش. شتريدون مني والعباس ما. مامسوية شي.
كلمة محد حاجاني طلعت للصالة التفات بذاك الحال اليخزي وياها وزلمة مغطين روسهم تخربطت عليهم من الخوف بحياتي ماشايفة هيج شي حتى بالمسلسلات وين وصلنة بطيشهن الله ينتقم منهن
علي هاي البهذلة.
فتحت عيوني ارجف كدامي ضابط يخوزر بية عدلت شالي مدنكة عيوني بالكاع تمنيت الكاع تنشگ وتبلعني على الخزي والعار من كال.
-لاتصيرين شريفة براسي
-اشرف من امك
-لاتجيبين سيرة امي على السانج الا اگصة الج.
-مثل ماتحب سيرة امك ماتنجاب بالطاري لاتجيب سيرتي
ضحك بصوت عالي يمسد بشواربة.
-مسويات بيت دعارة بطلات تشتغلن شغلتين كفو منجن
سچاجين ونبتن بكلبي ريتني ميتة ولا اسمع هذا الحجي: -شنو بابا اليوم اجازتج مامطلعينج لو زبائن ماعندج
: -شتحجي انت والعباس ابو فاضل ماعندي شي جنت اقرا والله انة ماعندي شي.
-شالج العباس ورگعج ولج اختج وياج بنفس البيت تخيط وتخرط وانتي ماتدرين.
-والنبي مادري بيش احلفلك وتصدكني جنت جنت اطبخ حتى الغدة بعدة على الطباخ طردتني للغرفة وسدتها علية والله مادري هيج تسوي بيش تريد احلفلك.
-خوش شغلة هاي مالت الحلفان الائمة والانبياء بلسان القذرات والعاهرات. اي سولفي منين تستلمون مخدرات والمن تسلمون ياهو اليوزعكم شسمة يلا باباتي احجي وراي شغل.
شعر راسي وكف من الحجي السمعتة مخدرات انوب دموعي تنزل ياخزي ياعار موقف ماانساه لو اعيش الف سنة صرت مثل الاطرش بالزفة انة مامفتهمة الموضوع يرودوني احجي شحجي صوت شهگاتي ترست المكان. شوية ودخل جندي ماعرف يمكن هم ضابط حجة بصوت عالي خلسني.
-تم سيدي عوف هاي البت مبينة فقيرة حجيتلك البلبل.
-خوش بوية بس لعلمك ماكو فقير بهيج مكان
-والله ياسيدي اكو اشكال مشكلة.
الولد الواكف يخزر بية گصني گص طلعاة وياه الضابط ضليت وحدي فترة طويلة يمكن لان خايفة وحدي حسيت الوكت طويل.
-مرحبا ياحلو ابو خدود وردية
رفعت اصبعي بوجهها ارجف ودموعي تنزل: -لاعبالك انة مثلهن والله مالي شغل احسبني اختك واطلع منا الله يخليك وعلى مو نفسهن ماعدي شي.
-طالع عمي شسويت هسة اني.
مر وقت لاباس بية ورجع الضابط كعد بمكانة يدخن بوجهي الله لايطيح واحد بيدهم كل اسلوب واخلاق ماعدهم يكول الناس حشرات هيج يعاملونها متكبرين وطغاة كرهوني بروحي بجم ساعة.
-والله اخت عندج مثل اخوان يوسف من شمروة بالبير رادو بس يخلصون منه.
رجع ضهرة على الكرسي يكتب بالدفتر والجكارة بحلگة: -اختج اعترفت عليج تشتغلين وياهم بس بيج بخت افراد العصابة الحبابين نكرو وجودج وحتى امج واخوج بروج بس هي ال.
شهكت بصوت عالي عيوني نطت من مكانهن: -امي امي. اني امي واخوي هم.
-امج تدري بيها تاجر واختمال جانت تساعدها واخوج يشتغل وياهم واختج الثانية هم بس انتي شعجب ماتدرين عجيبة
اختض ودموعي تنزل حارت جون كلبي كلشي توقعت بس هاي الطرگاعة لاعلى البال ولا على الخاطر.
-راح ياخذون جزاتهم كلهم حتى امج.
اصعب موقف مر علية بحياتي انذليت انكسرت تبهذلت شلون إلى عين واباوع بوجوة الناس شگلك اهلها يتاجرون مخدرات واخواتي عليهن علامة اكس دموعي عبرن عن البداخلي گلبي خلص من البجي.
وقعت على اوراق انطونياها وطلعوني شفت عمي وجهها اسود اخذني من ايدي يعت بية عت طلعنة برا شفت رحمن سحبني من ايدي كدامهم وحضني.
ابجي وارجف: -والله مادري بيهن بيش تريدون احلفلكم مادري بشي.
-كافي اسكتي مالج دخل ادري.
رجعنا لبيتنا بس ماوصلنة اله وكفت السيارة بعيد عنة نزل رحمان بيدة علاگة جبيرة خلاها ورة وكعد بصفي.
-غراضج هاي
الوحيد الهون علية وگال مالج شغل بيهن والا عمامي ماخلو سب غلط فشار فرفحت روحي من البجي مامصدگين مالي علاقة صاح بيهم رحمن الا سكتو وصلنا لبيتهم ميتة جسد بلا روحي راسي بالكاع مااكدر اباوع للناس من هذا اليوم انرسمت علية علامة سودة، شلون راح اواجة الناس؟
سجى: -يوم من اكثر الايام الخفنا بية وانصدمنا. بيتنا انگلب گلاب من وراهن كله بسبب امهن الشفية مخليتهن يسرحن ويمرحن عائلة كاملة تاجر مخدرات الام انتي شبيج بلة ذولة ماعدهم عقول شلون تدرين وتسكتين.
نوفة: يمة حلتلهن الفلوس ياخزينة وياعارنا علمود الفلوس سودن وجوهنا ونزلن سمعتنة بالوحل
ساچت: -كافي يمة لاتحجين ماناقصين قهر مصيبة وطاحت على روسنا لاعلى البال ولا على الخاطر.
موتهن حلال تلاثتهن اغسل عارهن بيدي بس يطلعن
وجهي صار نار من سمعت الحجي كلهم اتفقو على هذا الشي هدرو دمهن لو ماالدولة اخذتهن جا هسة بخبر كان. رجع فارس وجهة مترب كعد كلنة متانينة يحجي عن حالة نوف جان وياها. ذب حسرة عالية.
-لا اله الا الله
جدة حكمة: -شمالك احجي وبرد كلبي
-شبرد حبوبة شبرد البت منتهية الله لا يوفقهن مامخليات شي ما يعتب عليهن مهدئات كرستال مخدرات حبوب ترخي الاعصاب تخليها ماتحرك شي.
ولاتلزم شي بيدها اشكال الحبوب والجرعات ماخذتهن البت.
عقلي افتر فر مستحيل واحد يفكر بالشي الصار منة وبينة انوب اختها تنطيها حبوب حتى تدمرها في سبيل شني.
-جدة نوفة: الله لايوفقهن ان شاء الله الحياية منه وبينة شعدهن وي الفرخة المايخافن من الله
رضية: -ولكم راسي انفر فر بنيتنة تاكل وتشرب ويانة سبب بهذالنة من سيد السيد نفتر بالبت والولد مدولب بيها والسم منها الموت بيها حلال ولكم اخيتها انوب.
فارس: -عادل النذل يدفعلها افلوس يشتغلن وياة بالدهر بس مو صوچهن صوج امهن البربو
ساكتتلهن واخوهن الدوي وياهن
رضية: -طاح حض الفلوس التجي من ورة هيج شغل
البيت في حالة فوضى مرن اسبوعين نفسيتنا ادمرت من الحجي النسمعة بعد واحد يأمن بيمن، نوف نامو بيها بالمستشفى تتعالج اليوم يرجعون يكملون علاجها بالبيت وشروق كلش انتهت بهاي الفترة.
-خايبة سفانة روحي شوفي شريقة بكلي تسكت منج عيونها راحت من البجي.
سفانة: -شكد حجيت وياها بدون فايدة گطعت گلبي
هدى: -تحس بالذنب من ورة اخواتها
سجى: -جا هي شعليها بيهن مال المرض الياخذهن ونخلص امشن سكتنها
هدى: -وين رايحة
سجى: -اقرا راح ارسب ماكو وكت نقرا بيه شلون دهر علينة
رغد: -حتى انة تانيني نروح سوى
سجى: -يلا بساعج.
رحنا للبستان نقرا كملنة محاضراتنة ورجعنا لكينا انمار هستوة جاي وعايشة تهلهل فرحانة بيهم صعدو فوگ رحنا وراهم نوف شوية صايرة احسن من كبل مادري انة هيج اشوفها. ابتسمت من اشوف عايشة شگد فرحانة استلمت انمار تبوس بية.
عائشة: -توة نور البيت يبعد هلي
انمار: -منور بيج غاليتي
عائشة: -لاتگول غاليتي لا نوف تزعل ها نوفة تزعلين؟
هزت راسها گرصتها عايشة من خدها تضحك وانمار خازرها.
-ها ولك تنغار.
انمار: -مو اغار بس مايصير تگرصينها جسمها يأذيها من العلاج
عايشة بضحكة: -خوش جا بس انته.
من جهة ضايجين من الصار ومن جهة فرحانين بنوف على الاقل طحنة على علتها والعلاج متوفر وانمار وياها خطوة بخطوة. عفناهم يرتاحون وطلعنة.
سجى: -ماترحين تشوفينها
شروق: -ماگدر احط عيني بعينها والله احس بالذنب
من ورة اخواتي
هدى: -شجم مرة نكلج انتي مالج علاقة بيهن
شروق: -بس اضلن اختهن
سجى: -دضلي لاترحين.
التفتت لرحمن الواكف بالباب: -ها خو مامحتاج شي
رحمن: شلونج شروق
شروق: -زينة
رحمن: -بس ردت اكول شغلة
سجى: -يا شغلة بله كولها
رحمن: -شبيج. سجيوة
سجى: -مابية شي انت بيك شي
رحمن: -انة اعلمج بسيطة، اكول شروق داومي وي هديوة بين مانسويلج نقل حجيت وي المديرة كالت ميخالف
شروق: -بطلت مادوام نوف من وراي تركت دراستها وبكل صلافة اداوم.
رحمن: -وانتي شعليج شروق لاتطولينها باجر تداومين وانة حتى كتبج جبتهن وياي عوفي الصار وادرسي لاتشغلين روحج بغير شي فترة وتعدي
سجى: -عمي والله زين وين لاگيتلي هيج واحد ينطيني معنويات وطاقة ايجابية
رحمن: -خفة حتى خفة بس لاتحطين عينج ما عولت على الله اخلص
سجى: -منين تخلص لا لا.
رحمن: -غير تضم لسانها راح يفلگني
دخل المجسب دگ على ضهر رحمن صاح بية.
-انخسف ضهري انخسففف
جاسب: -خسفتهم.
يخوزر بينة عرفت عينة وين راحت على رغد بس هي ابد مو يمة تتفل منة دم مثل اليكولون.
جاسب: -شعدك يم البنات سالمين
رحمن: -هسة انة اختي هنا انت شكو اختك بذيج الحجرة
جاسب: -لاتنسة ترة هذا بيتنا ونلعب بية شعدها دخل بينة الناس
رحمن: -شني عيرتنة بعدنا ماضلينة يمكم عشرين سنة
جاسب: -تضلون يمنة عشرين سنة لابربكم شني ملينة منكم عمي على هاي السالفه نعوفلكم البيت ونطلع.
رحمن: -بعد احسن مابينة حيل نبني.
رحنة اجتمعنا بالمطبخ اذا الولد موجودين تحلى الكعدة الحياية يسكتن مالهن حسن هنا ياهن الحياية الصدك احجيها ام سفانة وام رغد وامي وياهن مامقصرة حاطات روحهن بالصغيرة والجبيرة ماعدهن شغلة غير الگال والگلت...
رحمن: يمة ما كتلج هلهلي
-عليش يمة فرحني
رحمن: -غير هاي السحلية خلصت منها راحت للسجن بعد مدري شگد يلا تطلع الله يحبني وخلصني منها.
هلهلت بصوت عالي الصراحة فرحنة اله من البداية ماراهمتلة جان مايطيقها بس مادري شلون رهمتها.
-ازوجك احسن البنوات بس دير السنة
رحمن: اغديلج فدوة يمة نسيت اوفي انذوري مطلوب طلي اخذه لكربلة واحنية من راسة لرجلية وين ماشوف فقير انطية اله فلاچة ملاچة.
جاسب: -خوش نذر هذا منين اخترعتة گلي
رحمن: -مرة رحت لكربلة وشفت حجية تسحل بطلي وكلة حنة شافتني اعاين عليها گالتلي تعال يمة اخذ مرادك منة.
جاسب: -وانت مثل الطلي رحت تمسح على راس الطلي وتنذر.
رحمن: -خاب انجب شني مثل الطلي غير الحجية ناذرة واخذت مرادها وهسة انة هم اخذت مرادي اروح اوفي النذر.
جاسب: -اذا هيج انذرلي جاموسة وانطيها للفقراء
جدة حكمة: -يحبوبة اهل البيت ما رايدين منه شي بس هاي الوادم تنذر اليطلع بيدها محبة بيهم.
جاسب: -هم صدك انة وين وجهي جاموسة انذر علمود صخلة
نزار: -ها هاي منين الصخلة.
جاسب: -لاهلا ولا مرحبا ماعدكم بيت تكعد بية شعدك جاينة
نزار: -شني بيتكم بيت جدي حبيبي اطب اطلع بكيفي
محد اله علاقة مو هيج حبوبة.
جدة حكمة: -اي يحبوبة البيت بيتك و يو تريد ازوجك هنا
نزار: -اطيني حجرتج وانتي اكعدي بالهول
جدةحكمة: -موش تدلل
جاسب: -حضوظ كلمن وحضة
رحمن: -يگلك حظ الزرگ گاعد
نزار: -غير يستقرون الاجانب عيوني بهتت من كثر بياضكم. اگلكم صدك عود عادل ما لازمينة الشرطة.
جاسب: -اي صدك محد يدري بية بيا گاع شارد النغل
نزار: عقلي احس بية مطي يزاگط من كدما دخت بسالفتهن وامهن اخ منها لو حاجية جا كل هذا ماصار
جدة حكمة: -سدو السالفة يحبوبة كلساع تعيدون وتصقلون بيها بس گلوبگم تحترگ
رضية: -اي والله حجيج صح اسكتو لخاطر نمر.
صبينة الغدة اجتمعو بالصالة مثل عادتهم بس انمار وديناله صينيتة ليفوك وشروق مارضت تجي ضلت هي زهرة، بس صوت الخواشيگ تنسمع محد اله قابلية يحجي وجوهم مدخنة من الصار وليجاي.
بعدنا مامخلصين نزل انمار وياة نوف خاتلة بسدة.
عايشة: -ها يمة وين ان شاءلله
انمار: -طالعين شوية
فايز: -عود جاوبها المغسول بس مو صوجك صوج اليسألك.
عايشة: -هسة انة شاكيتلك شي مرتاحة على الوضع
فايز: -بس يو ادري شمسويلج وهيج تحبينة جا ارتاحيت.
عايشة: -وليدي نمر شلون ماحبة روح الله وياك يمة ترجع بالسلامة الله يخلصكم من كل شر ويسعدكم
انمار: -ممتن لدعواتج الطيبة والج بالمثل غاليتي
فايز: -غاليتك خفة هالحلگ
جدة نوفة: -شني تغار عليها تالي شيبك
فايز: -هه ادري بية كاعد يستغلها بلسانة
نفخت عايشة بملل جنها حافضة سوالفة طلعت ورة انمار ورجعت ابتسامتها على وجهها. وعمي يخوزر بيها بس يشوفها وي انمار يتسودن عود ابنة.
للعصر رجعو انمار ونوف صار يطلعها دائماً جزء من العلاج العافية بالتدرج بدت تستعيدها.
سجى: -وين الله واهل البيت انجح دور اول
رغد: -خل اوستاذج ينجحج
سجى: -اصخامي احسن هو يتحاجة عمي الدنيا شايلها على راسة بس الصدك ساعدني بالشهر الاول اريد الاسئلة مال الشهر الثاني بلكت ينطينياهن
رغد: -حاجية اليوم
سجى: -هو لاگيتة حتى مااحاجية ماكو مايلفي لمجانة
رغد: -عود اذا هاي راسلية لو روحيلة لغرفتة.
-عوزي لايمة اسكتي مابية حيل لايدفرني.
هدى: -انتن مخلصاتها سوالف ولايهمجن احد بعد بس رواحتجن شكد انانيات
سجى: -شكو شبيج
هدى: -مابية شي بس سفانة تبجي روحن شوفنها
طلعنا مفزوعين نشوف شبيها البت صارت بينة خوفة جفتنة لحجرتها وكفنة متفشلين وحدة تباوع بوجة الثانية فارس حاضنها يافشلة الفشل.
سجى: -اسفين اءءء مو كلنة البت صار بيها شي هل اجينا
رغد: -اي والله نعتذر منكم حيل احسبوها علينة.
فارس: -لا يابة ماصار شي تعالن شوفنها بلكي تعرفن شبيها
سجى: -لا لا اخذو راحتكم احنة نطلع
فارس: -دتعاي سجيوة شفتينة حتى ناخذ راحتنا
دخلنا متفشلين طلع هو وبقينة يمها عيونها حمر
سجى: -ها ولج شبيج تبجين واحد طاگج بس لا امج ترة اروح اتعارك وياها طلعتها من ماعونها.
رغد: -دسكتي خل نشوف البت كلة عدج عرك
سجى: -لا يلة سفسف گولي شبيج
سفانة: -بطني توجعني
سجى: -اكيد ام داوود بالطريق.
سفانة: -لا ماكو صارلها هواي بس هسة تلويني راح اموت
سجى: -خاف حامل ولج
سفانة: -ها لا يمتها
سجى: -شني يمتها هسة مال اكفخج غير صارلج شكد من تزوجتي
سفانة: -اي بس خاف مو هيج
سجى: -مادري هسة احنة نشوف دوكفي خل احسبلج
اممم حامل اخذيها من هل شارب
رغد: -اذا صدك انطينة بشارة فلوس حمر نريد
سجى: -اي مو انتي ام زكي امشن نشوف شلون نعرف المرة حامل لو لا
رغد: -يعني شلون غير تحاليل.
سجى: -هسة شياخذها خلشوفلجن طريقة سامعتها من صاحبات حبوبتي بيها ملح وكلاص هيج شي خل اذكر
رغد: -لاتبخطين عووفي افكارج الخايسة الدنيا تطورت اكو تحليل منزلي
سجى: -عود صدك شو انة مادري
رغد: -احسلج
سفانة: -روحن كلن لفارس يجيبلي واحد
سجى: -لا عوفن فارس سولة مفاجاة اذا صدك نشوفلج غيرة بس ياهو جاسب لو رحمان واحد منهم.
رغد: -عوفي المجسب اشوفلجن اخوي
سجى: -بس عيب مو
رغد: -لا اكتبها بورقة ويطيها للصيدلية.
راحت رغدة لرحمن ماكال لا نص ساعة وجابنلة علمتها رغد علية وضلينة متانينها.
-سجى: اذا ولد اسمية معتز لو ابو شاب
-شاب لو بت
-هه هه عود تحشش ترة جاي احجي صدك واذا بت اسميها.
-خيرية لو شريفة ذوق خايس
-ماعندي باب الحارة لاتلاكفين بكيفج عود ردت اسميها شام عاجبني هالاسم مثل طوق البنات.
-احتفضي بذني الاسماء لجهالج عوفي جهال الوادم هما يسمونهم
-اهووو سالفة طويلة هاي. ها حامل مو
مسحت دموعها النزلن: -لا.
سجى: -الله يعوض يصير عليش تبجين
-عبالي صدك فرحت يصير عندي طفل صغير
سجى: -جددو المحاولات يصير ربج كريم
سفانة: -ونعم بالله
ضلينة يمها نحجي عليها خطية انقهرنا عليها.
سفانة: -تدرن بنات اذا ثار عندي طفل ادللة والله كلشي اثويلة ماخلية بعازة شي شيريد اگلة بلي عد عينك اعيشة بدلال وعز الماعشتة.
سجى: -الله كريم حبيبي يصير وتملين تاليتج تركضين وراه بالنعال وكفشتج شعلوها و تزلكين وتطيحين على ضهرج تصيرين مضحكة لامة محمد نفس ذيج الوحدة.
سفانة: -ههههههه عادي بث جهالي حبابين مو وگحين يطلعون علية.
رغد: -يلا خالة بدلي وتعطري راح نوديلج فارس
صدك لكينة فارس شافنة وراح لحجرتة، رحنة لحجرتهن شروق نايمة ورغد راحت حضرت غراضها: -وياج طلعيلي غراضي مابية حيل
-خوش.
تمددت بفراشي غطيت راسي صافنة بالفضاء اشوفها لزمت موبايلها تضحك اخذتة وراحت لفراشها تاكدت هاي البت مو خالية بس الا اعرف ياهو هذا الشاغلها عنة عاد يستاهل لو يضحك عليها.
رغد: -وقتي المفضل بدا نبدا نسوالف منا لمن اطفي وبالجامعة هم نلتقي احس روحي طيرة شعور الحب حلو فصل عقلي...
-باجر البس اسود ولو يسحب الحرارة كلها بس حتى نطلع كبل.
رغد: -يا انوب كبل
-يعني ثنائي شبيج واحلى ثنائي
-ههههههه.
-اروح فدوه لهلضحكة بكلبي ضحكتج
-تحبني حسن
-اموت عليج شني احبج
-خاف بعدين من تجي تخطبني اهلي ماينطوني
-لاتفكرين دوم اخذج لو يضل اخر يوم بالدنيا
-صدك
-رب الصدك اصلا كمت احضر للعرس من هسة
-شلون يعني
-بنيت غرفتي بالطابق الفوك وسويت بلكونة حتى باليل نتونس بيها
-ياااي
-وجعاي بكلبي على هالصوت تموتيني من تحجين
-راح اسكت
-لا شلون تسكتين اريد انام على صوتج
-اي مو هو مخدة
-مهدء صوتج اعصابي ترتاح من اسمعة.
-امممم والله خوش طلعت شي زين
-كلج زين مدري ليش مالي واهس اكعد وي الناس بدي طول الوكت بطاريج اهلي كلساع وصايحين بية وين بالك مايدرون بالي وياج.
-حتى انة ماتروح من بالي
-ماضل شي كلها جم سنة ونصير احلى عروس الي
-يلا باي باجر وراي دوام شيكعدني
-ههههه بطلي مستحة مايفيد تصبحين على خير يوجة الخير.
سديتة منة روحي منتعشة ادري مايصير احجي وياة بس ماكدر امنع روحي وماطول راح نتزوج ماخذة الشغلة عادي نمت ابتسامتي على وجهي طفرت النوم بعيوني وسجيوة تصيح علي.
سجى: -راح يعوفونة من وراج خلصيييني
-يلا يلا شبيج على كيفج
سجى: -طلعت روحي كل يومية على هالحالة رحت اشوف هديوة لگيتها كاعدة عيونها حمر.
-شمالج من الصبح
-شعليج بية
-ياء شلون شعلية بيج غير اختي
-رغد اختج انة شكو
-تروحلج فدوة هلصخلة كولي شبيج.
-كلشي مامفتهمة وابشرج راسبة بكل المواد
-انتي راسبة تحجين صدددك
-جا اجذب عليج
-ليش موجنتي الاولى
-جنت من جان عباس يقريني
-جا وهسة غير معتمدين علية جي هو فارغ وماعندة شي من ينزل
-خيولي ماريدة يقريني بعد ابطل وماكلة
-ليش تسودنتي. افتحي راسج وطلعي هاي السالفة منة عيب عليج والعباس فشلة هو معتبرج مثل بتة مربيج بيدة وانتي تريدينة ترة ماصايرة.
-ماريدة بطلت خيولي التزوج والضل شعلية بية.
-كون من كل كلبج طالع هالحجي مو السانج شي وكلبج شي احترمي نظرتة ومشاعرة تجاهج ارجعي عادي مثل كبل يقريج وسولفي وياه خلي الوضع طبيعي.
-لا ماكو شي طبيعي ماريد اشوفة بعد خلية يشوف وكتة ويراسل حبيبتة البايرة
لساني عجز وانة احجي ماكو فايدة راسها يابس ولا عندي وكت واشرحلها رحت لحجرتة دكيت الباب ودخلت.
-هلو شلونك
-هلا بيج شلونج
-زينة شوف عدك وكت شوية
-كولي
-اذا مشغول ادبر امري
-هسة غير تحجي اجرها منج
-هديوة.
-شبيها هدوة
-راسبة عفتها تبجي ماتفهم اله انت تشرحلها وانوب ماكاعدة والله الجامعة ودراستها بهذلتني ما لحك اشوف دربي
-رادلها جرة اذن كل ماكلها تكلي اعرف ماريد
-على كيفك وياها ترة هي مراهقة وتصرفاتها طايشة
-ماعليج انة اعلمها كلشي
طلعت خبصوني خبص طلعت كالبة وجهي ماتصفة دوم رادلي وكت اشوفها اسولف وياها هم محسوبة اخت امداني اي والله. وصلت للدوام وبدا الضيم. كاعدين نراجع واجت بنية ويانة كعدت يمنة.
-اكول بنات هيثم شلونه
ريم: -ماعدة لون مو سجيوة
سجى: -لا عاب حلگج
-ليش هيج اكو وحده تحجي على حبيبها هالشكل
سجى: -نعمممممممم حبيبييييي شنيي عيددي عيديي
-شبيج حبي على كيفج سويتي روحج ماتدرين
سجى: -بيش ادري ممكن تحجين عدل
-ترة ماقصدي شي بس جان قصدي اخلاقة شلونها لان صديقة صارحني وكلت هما نفس الاخلاق فاجيت اسالج علية لانج اعرف بية بعد الحب.
-احترمي روحج لا اشگ حلگج ترة لا اهتم بجامعة ولا غيرة انتفج تنتف واعلمج شلون تحجين وياي هيج
-شلون ناس اني شكو روحي شوفية هو يكول حبيبتي شلي غرض بيكم
اخذت جنطتي ورحت بوجهي للمقررية اشتكي علية واطيح حضة هذا مو مال واحد يحجي وياه جدام الطلاب رحت سولفت للمقرر طلعت وصار بوجهي ارفد عبرتة ومشيت صايرة نار صاح وراي.
-شكو شبيج
-ماكو شي سلامتك
-تعاي لغرفتي.
مشة لغرفتة ردت اتجاهلة بس كلت خل احجيلة لاتكبر السالفة وافقد روحي بس اشوف هذا الزمال
دخلت الغرفة كعد بمكانة ضليت واكفة قدملي كلاص ماي. شربتة اشرلي اكعد.
-عوفني هيج مرتاحة
-شكو شبيج شعدها هيثم يوسف
-شوف والعباس ما اعترف بجامعة اسحلة سحل بس كلت عيب خل اشتكي علية حتى لو ضل وماتغير اشوف شغلي وياة.
-غير يستقر باتمان شبيج انتي كلة عندج عرك.
-هاي الناس ماتجي بالعين والاغاتي الا بالنعل يرجعون لمجانهم. يمهم هسة انة بس كلي شاف مني
يدور حبجيات براسي بسيطة.
-اسلوبج بطلية بنية انتي وجامعة هنا مو حلبة مصارعة ماطول قدمتي شكوة استقري احنة نشوف شغلنة.
-لاتضل تفيك براسي شفت البنات وانفتحت على الدنيا اسلوبي مايخصك خوش
-بس انتي تخصيني خوش. وهاي جامعة بيها ولد ماتنجرع عوفيهم ينبحون وحدهم لاتردين عليهم.
-اسكتلة يعني.
-اذا جاب طاريج بلسانة لو حجة وياج افصلة من الجامعة بكبرها وانعل ابوة على امة. بس انطيني خبر.
-اي خوش بس اكلك شو صرت حباب فجأة
-من زمان انة حباب هستوج دريتي مع الاسف
-كونك حباب بدربك انطيني الاسئلة
-بعدني مامسويها
-جا شلون
-من اسويها اوديها الج
-بيدمن
-اشوف هسة روحي
-ديلا رايحة بس مو تغلس الحرمة بشارب الخير
-هههه هاي ماتوكل هنا
-المهم الاسئلة فدوة اروحلك تدري من جاوبت ذاك الشهر بدي ابوسك.
فتحت عيوني على وسعهن شلون جفصة طلعت اركض على سعة اعثر بعباتي من الفشلة خرب روحي شلون ما انتبة للساني طاح حضي. مر اليوم عادي لا حاجاني ولا حجيت وياة.
اخ اخ انهار اخخخخخخخخ
-عضيني اكرصيني يلا طلعي آلمج
لزمت ايدة اعض بيها ماكدر جسمي موتني وخرت منة مسحت على ايدة كلها اثر عض دنكت عليها بستها: -اسفة الله ياخذني اذ.
خلة اصبعة على شفتي: -انجبي ولا تعيدين هالجملة
-بس اسفة
-عليمن هساع شسويتي
-مو عضيتك
-فدوة الج
-بس جاي اتعبك وياي وفوكاها اعضك واگرصك حتى حرام علية
-على التعب ماتعبان وعلى الكرص والعض سوالف المتزوجين ولا يهمج
-الحمدلله يعني عادي.
-كلش عادي صرتي احسن
-شوية
-امشي نطلع
-مابية حيل
-تؤ كومي
جرني جر كوة لبست صايتي وشال اخذني يفرفر بية اراضي زراعية طبك السيارة ونزلنة.
-كل يومية مكان جديد
-شلون مجان يرد الروح امشي وياي وماعليج
سحبني من ايدي يمشي بية كالبة خلقتي نفسيتي مو تمام كلش داتأذة مرات ما ابين اخاف اتعبة فوك تعبة بس هو الله يخلية مامقصر بشي.
الجو والمكان كلش حلوات منظر غروب الشمس يجنن السمة حمرة والطيور طايرة والزرع ياخذة الهوى.
-اماكنك حلوة مثلك هههه
-منيلي حلو
-والله انت تجنن
-دخيلك ربي هالنوب صرت اجنن بعدج مريضة تشوفيني حلو من تصحين تصيحين كش برد
-هههه داحجي جد ماجذب عليك
صرت گدامة داير عيونة على الزرع رفعت ايدي جريت شواربة: -ذني حلوات.
جريت خشمة وضحكت: -خشمك جنة مسطرة يجنن وحواجبك حلوات وعيونك السود ورموشك وشفايفك هم كلش حلوات...
-آة
-هههههههه اضحك عليك الله.
صرت ادغدغ بية مللني عابس وجهها اريد اشوفة يضحك صار يضحك واني مستمرة عطت بصوت عالي: عزززاااا انهاااار
-شكو
-عندك رصعاات واني مادري بيهننن
بهتت ملامحة خليت اصبعي بمكانهن محفورات حفر
-اااالله شكد حلوات لييش ماگلتلي عليهنن
-والله ناسي لو ادري هيج تهتمين جا كتلج
-هههههه انطيني وحدة والله حلوات
-عوفيهن بوية عيب عيب
-ما مااا اوكف بس خل احفرهن
-شني تحفرين بيهن دعوفيهن يبوو. على حضي.
-اوكف حباب خل اشوفهن بعد تعااال اضحك شبييييك
-ليش تصيحين
-اضحك يلا لا اصير عصبية
-وينج فاهية مو مال عصبية
-اااني موو فااااهية تماااام لاتلززكلييي بيها
-واذا لزگت بيها شتسوين
-والله اكتلك بس تعيدهاا
وكفت زعلانة كعدت بالكاع وهو يمشي ويحجي وين وصل دار وجها اجة يركض ثاني ركبتة بالكاع.
-شبيج كلببببج تعبتي من المشي مو لو اختنگتي
-لاااا بسس زعلتتت
اخذ نفس وخزرني بطرف عيني: -يا والغسل عبالي صار بيج شي دكومي.
-اني مو فاهية افتهمت
-يا جلمة ردتي لمجانج طاح حضي اذا احجي وياج
-مو هي بكيفك ماتحجي وياييي، يااااااييييي انهاااار تعااال يمييي بسرررعة
-شكو راح تجلطيني باسلوبج هذا
جريتي كعد بصفي اشرتلة على المنظر واضحك من كل كلبي الشمس باقية نص تريد تختفي والطيور مسربة: -اخذذ صوورررة بسررعة يلااااا
-تدلل علية بت بغداد.
طلع تليفونة اخذ صور جريتة منة نزلتة كلش طلعت الزرع صارت الصورة تجنن ميلتة صفح واخذتلة صورة طالع نص وجهها والزرع وراه اخذني الواهس وكمت اطگطگ.
-شتسوين
-ها هيج
-شو بلة اطيني
-مو تمسحهن عليك الله
-اممم حلوات تعاي ناخذ ثنينة حتى تضل ذكرة الج تذكرين هذا اليوم وتذكريني.
-نتذكرها سوى ونراويها لاطفالنة
-حلم ابليس بالجنة
-افففف لاتضوجني شبييك
-تعاي ناخذ يلا.
اخذ صورتين اني وياة تجنن مخلية راسي على جتفة جريت التليفون منة وقربت علية كلش: -اضحك بسررررعة يا ليش حقير خلي تطلع رصعاتك شبيييك
-على كيفج هسة اطلعهن
اخذنا من جديد هالمرة ضحك وطلعن محفورات حفر مكيفة برصعاتة اكثر مافرحانة بالصورة: -وين جانن ذني ليش ماشايفتهن قبل معقولة طلعن جديدات
-يمكن حتى انا ماشايفهن كبلج
-اي حقك كالب خلقتك كلب شلون يطلعن
-صح
-كل يومية اريد اشوفهن مالي غرض بعد تضحك
-يدلل شكر.
-شكرا نهوري
-ههههههههههههههه والله لعبتو باسمي لعب كلساع مطلعيلي لقب
-تستاهل صدك منو سماك نمر
-امي الله.
-حلو اسمك
-من جانت شابة مختارة الاسم شكد حاولو يغيرونة بس هي اصرت علية.
طلع باكيت الجكاير يدخل وعيونة مدمعة.
-انت رسام
التفتلي عاكد حواجبة: -شفتيهن؟
-اي
-مو كتلج لاتتقربين لغراضي
-قبل كلش من جنت مريضة كلش كلش شفتهن بس حلوات كلش وبيهن دم
-دم گلبي هذا
-عود صدك شنو معناهن زين ليش الوردة بيها دم.
-كتلو الورد شايفة ورد مكتول
-لا يعني شلون
-ماتفهمين
-زين والثانية اتذكرها بيها مرة لابسة عباية وابنها وياها كلش حلوة
-حبر على ورق صارت حلوة بس الحقيقة ابد موحلوة محد بيهم تهنى
-ليش
-يلا كومي خلنرجع راح يصير الغروب
-لا ليش خلنبقى هنا
-غير مرة هم اجيبج
-تمام
رجعنا طول الطريق يدخن ماعرف شلون مركز غفيت تعبانة موجوعة كعدت نايمة بفراشي دورتة بعيوني شفتة ابتسمتة.
-ماتصلين
-تعبانة مو هسة بعدين
-خوش اجيبلج اكل.
-اي بسرعة جوعانة
راح ورجع بيدة صينية نفسيتي كلش مفتوحة عكس قبل بدا اثر العلاج: -على كيفج لاتغصين
-اي غير جوعانة خليني اكل
-هني ومري بالعافية
-على گلبك حبابي
-صايرة عدح سوالف
-من زمان بس جنت مريضة بس اطيب شوف شسوي بيك ههههههه
-خوفتيني ترة اطردج من الحجرة صيري عاقلة
-مو بكيفك هاي غرفتي صارت اني اطردك بس تضوجني...
-والله عمي انگلب السحر على الساحر صرت انة المطرود
-لعد شعبالك.
اكلنة وشال الصينية رحت قبلة غسلت لاگاني ابتسم
-بعد ماتحتاجيني
-لا والله احتاجك بكلشي
-ان شاءلله ماتحتاجيني گولي امين
غلست عنة ودخلت لزم ايدي وكفني.
-ليش تريديني
التفتت علية عيوني دمعن من نبرة صوتة: -اي ليش غير زوجي
لزمني من وجهي بثنين ادية خليت ايدي على ايدة
همس عيونة مدمعة.
-تضلين وياي
-اكيد
-تتحمليني بكل حالاتي
-مثل ماتحملتني اتحملك للدوم
-خاف تروحين اذا گتلج ضلي
-شبيج انهار والله ماعوفك
-تؤ بس حجي.
مسح عيونة وطلع. ما افتهم شيريد وشيقصد بكلامة علاقتنة كلش باردة كل ماحاول اتقرب منه يبتعد عني عجزت وياة والتهيت وي روحي وي ضيمي بس اصفالة اعرف سالفتة.
تاذيت اكثر من قبل فترة العلاج اصعب من المرض نفسة مر شهر كامل على هذا اليوم حالتي صارت احسن نمشي على الجدول والله كريم.
كعدت وي البنات صح ما اسولف هواي بس استمعلهن احب سوالفهن بالعادة احب الجمعة والصداقات بس الفترة المرضت بيها ابتعدت وكرهت التجمعات دارجع باية باية.
طلعت برة من سمعت صوت عايشة تحجي وياة جان الكل مجتمع حجة بصوت عالي مليان شماتة هيج حسيتة.
-كما تدين تدان والله الدنيا دوارة شسويت بالناس باجر يرجعلك يا سبحان الله بالمثل الله يرجعها دخيلك ربي شكد عظيم. اتهم غيرة بالباطل وانهدر دم من سببة وسبب لسانة اليوم تؤ تؤ تؤ نفس، اليوم المشئوم نفسة نفسة الله رجعها اله بس مو تهمة صدك...
عايشة: -شكو شصاير
انمار: -انا لله وانا اليه راجعون
حجاها بصوت راخي وكع من طولة.