رواية بين سلاسل العادات للكاتبة كفاية كاظم فصول إضافية الرابع
حط مالاتك ومالاتي ع الميزان.
وانت التعتذر غلطان ما غلطان.
رغد: امي تحجي بفرح واني مخنوكة
شكد اكرة هالسالفة واكرهم من يحجون بيها
عبالك كاعدة على كلوبهم لو عبالك تارسني الحزن وهما يردون يزوجوني حتى افرح واطلع من حالتي مايدرون العكس.
كعدت وكالت مثل المامصدكة
ولج جاسب ماحجة ولا فك حلكة وطردهم
مثل كل مرة ههههههه بس تخيلي نحجي بالموضوع وهو ساااكت كالتلة حبوبتج شني رايك
كالها الله وياها خل تشوف حياتها.
والجهال اوديهم الها يمتها ماتريد تشوفهم ويرجعون
بهاي كلمتها صدك اريد اتنفس ماكدر
ماصدكت بكلامة مت كالها بس هسة سواها صدك
استغنى!
باوعتلي امي تترقب ملامحي عبالها افرح
ومدري ليش الدمعة صارت بطرف عيني
وجهي احسة جمر تغيرت ملامحها وعتتني بقوة نترررت
شتردين ااانتي شرايدددة مادكليلي
ما زين وخلصنة منه جان مجلب هاي بدال ماتفرحين وتوافقين
انتفضت وكمت
يمة اني ما اتزوج واعوف جهالي
من كل عقلج
صاحت بية وكمت.
انعل ابو جهالج شني مايعيشون شعليهم
هذا ابوهم وذولة احنا كلها تحبهم اهلهم موجودين حبوبتهم موجودة شعليج بيهم روحي تزوجي شوفي حياتج مايكبرون؟ يكبرون ويصيرون زلم
والله حسيت گلبي يريد يوكف اباوع لجهالي واكفين ويسمعون كلام امي صيحت بعصبية
يمة اسكتيييي اسكتيييي اسكتيييي
ضربتني راجدي وعتتني من شعري
شتردين انتييي ولج مطينج على مايج
ثولة وزعطوطة ماتعرفين تقررين ترضين وغصباً ماعليج مو ضالة تربين بجهالة.
اجة حيدر يضرب بامي ويصيح بيها
عوفيها لا تلزمينهاا هيج
وكرار يصيح: شعرها تكطع خرررب خررب
عافتني وصيحت
ولج غبرررة انا المن حارگة روحي غير علمودج
شوفيهم يطلعون حگهم من حلگ السبع
مو صغار وجبنة كولي اي وعيشي تتندمين بعدين
اخذت جهالي لحضني ودموعي نزلت
اضيع عمري لخاطررهم اني راضيية
وسعيدة لحد يدخل جهااالي ذولة
اخذت جهالي للغرفة جسمي كلة يرجف.
لزمني خفقان وهي ضلت تحجي سديت الباب وكعدت رجلية ماتحملني خليت ادية على وجهي ابجي بصوت عالي ملامح وجهم وهما يسمعون
كلام امي كسرت شي بداخلي
اكو ام تعوف جهالها!
هي مو ام ولا تعتبر ام الام تفني عمرها لخاطر جهالها مو تركض ورة رغباتها وما هما ذولة شلون يعيشون ولشنو يتعرضون.
وين الكة مثلهم وبحنيتهم حضنوني حيدر يعدل بشعري ويوخر بيدي من وجهي ادية ترجف يكلي
كافي رغد عليمن تبجين.
ختولي بعد مانروحلهم ولا نوصل بيتهم بس اسكتي
فدوة اسكتي
كرار ضل يبجي وضام روحة بحضني ضال بس حيدر الجبير الفاهم يحجي علينة اسكتو ما اسكتو
مرة يكول ماما اسكتي مرة يصيح باخوة كرار اسكت من شافنة ماسكتنة صاح.
وعليييي اروح احرررك البيت عليهم
افشخهم بالطابووك خررب اننننه
يدفع بية من الباب يريد يطلع واني يكول مامصدكة ابجي.
اصعب موقف مر علية من تزوج جاسب ما انقهرت هيج ولا انكسرت شفتة يتزوج كدامي بس من شفت جهالي يسمعون كلام امي انكسرت صدك
شروق تدك الباب وكرار غص بالبجي يرجف كمت بية اسكت بية واني ما ساكتة ودموعي بعدها تنزل
حبيبي كرار شبيك يروحي سكتت ها باوعلي
وجهة صار قطعة حمرة وضام وجهة بية
اخذتة اغسلة واغسل وجهي ولا سكت بقة مجلب بية بقوة حجيت ردت ماما حبيبي احجي بستة ماكو كعدت على الجرباية وهو مجلب بية غطيتة.
وخرت شعرة من وجهة غفة بيدي سودة علية
غطيتة واجت هدى كالت.
ولج هذا حيدر فشخنا بالطابوك
كسر جامة المطبخ سواها طشار يصيح انعل ابوة اليحاجي امي بعد.
طفرت لبست حجابي وطلعت اشوفة لاكاني عباس يضحك.
عباس: عمي ماتصيحين بابنج فشخنا هسة لو جاية طابوكة بابني تنطيناية فصل هاي شلون
اخ لو اكضة
لا عليك الله لا تحاجية
بقة يباوع لوجهي ودنك راسة كال
شرد مدري وين ولة
فدوة جيبة الي
عباس: هسة رايح.
صدك شوية وجايبة شايلة وحيدر يضرب بية وصل يمي نزلة حيدر وجهة احمر كال عباس
خرب خلفة جاسب خلفتة ماتنجرع
حيدر: لا تحجي على ابوي وعلى افشخك
لزمة من وجهة وهو يخزر بية
عباس: اشتعلت روح جاسب خوش وهسة ما راح
اهف براجدي لخاطر امك
اخذت حيدر وتشكرت من عباس دخلت احجي علية: ولك خبل انت ماتستحي من مفشخهم وكاسر الجام تخبلت؟
حيدر: جا بس يخلونج تبجين ويحركون بگلبج
شعليك اني وامي بله هاي شغلة تسويها
شيكولون ماتعرف تربي.
خيولون اصلا بعد ما نروحلهم
ولا نطب بيتهم
استغفرالله شبيج يمينييي
نتر ايدي كال
اروح اشوف اخوي احسن
دخل للغرفة وشروق ساكتة بس تباوع
لحكتة كاعد يم راس كرار باوعلي كال
شو نام
هزيت راسي اي كتلة جوعان
لا ماكل
ذبيت روحي بصفة حضنتة ونمت كعدتني شروق كومي اكلي حيدر ماكو بس، كرار نايم كعدتة كوة وجهة احمررر شلتة غسلت وجهة وادية لكيتهم بالصالة فارشين السفرة كعدت بصف حيدر وكرار بحضني روحه خاوية اوكل بية كوة ياكل.
رحمان: كرار خالو شبيك
بقة ساكت كال حيدر
خالي صيح بامك وصيح بيهم لا يحاجونة بعد
سكت رحمان مبين شروق مسولفتلة
گلبي راح على كرار مصخن كال رحمان بدليلة
اخذة للمضمد.
شيسولة لا لا يضربة ابرة وهو مصخن يروح يصير بية شي جيبلة خاف حرارة ولزگات
خطية طفر وحيدر كال رايح وياة
غيرت ملابسة حرارتة مرتفعة سبحتة بمي دافي
راح للفراش ضم روحة نشفت شعرة اجت عايشة علية ورضية شافنة.
جاب رحمان دوة وحلويات.
شربتة خافض حرار وخليتلة لزكات عيونة ذبلن
الصبح يخبل وكلشي مابية حسبي الله
روحي راحت ضليت كاعدة وحيدر وياي خطية
طلع ورجعلي كال.
بابا يكول اخذة للمستشفى
كلة مايحتاج
هما مرات يكولون بابا ومرات بوية واني لو يصيحولي رغد لو ماما مرات يمة مشكل حجيهم
طلع ورجعلي صافن كعد كرار اكل شوية حلويات ونام كوة كوة نام حيدر كلي قبل لا ينام.
بس يصير كرار مو زين عليج الله
اكعديني مو تعوفيني نايم
نام مابية شي حبيبي.
بعدت فراشة عنة لا ينعدي كل شوية يزحف علية خلصت الليل ابجي عليهم شكد يحبون بعض
وكل ما اتذكر دفاعهم عني ابجي واضحك
غفيت لوجهة الصبح بعد مانزلت حرارتة
ماداومت بيومها وهما كاعدين قبلي متريكين
كعدت كالت شروق طلعو كلت معقولة راحو لبيت جدهم مستحيل هذا حيدر بعد ولا يروح
طلعت مالكيتهم برا
ولا كدرت اطب جوة رحت لباب الشارع شفتهم يم البيت العمال والخبطة هوسة صايرة وجاسب شايل كرار يسولف علية شافني اشر بيدة ادخلي.
دخلت جوة شوية واجو علية كرار صاير زين بس عاقل حتى مايلعب خفت لا حجي امي براسة
عبالهم اتزوح واعوفهم.
كتلهم اليوم نطلع لمدينة الالعاب كيفو
كلت لشروق كالت من يجي رحمان ياخذنا
رحنا نتجهز اسويلهم حماس راسلت هدوة كلت خطية خل تطلع ويانا كالت خل عباس ياخذنا رحمان يجي تعبان ويتاخر شروق خابرتة
كال روحو حضرتلة غداة وطلعنا كلنا وي عباس
لمدينة الالعاب عباس شايل فضل يبوس بية
ويشمر بالحجي على حيدر سحلني حيدر.
ماما حبيبتي خل نلعب وحدنا
وعباس يهز بيدة اخذتهم العبهم واصورهم فرحانين صعدنا ديلاب الهوى كلنة حتى عباس
عدى شروق وهدى فضحتنا بالصريخ وعباس يصيح بيها فضحتينا واحنا نضحك عليها
نزلنا راحت تذب من راسها عباس كلها بعد ماتلعبين
بالعبة الثانية اخذت الجهال واحنة صعدنة بقت تصور بينة حيدر يگل لعباس.
شني عمي انت زعطوط تلعب بالملاعيب
كلة عباس
مثل ابوك الزعطوط
رد علية بضحكة مستفزة
ابوي زلمة مايلعب باللعاب لا وانوب عسكري.
ضربة راشدي خفيف يضحك
عباس: خرب روحك جاسب على هاي الطركاعة الجبتها
لعبنا شكد تونسنا صرخنا وعباس بس يهز بيدة خلانة على راحتنا تالي اخذنة ناكل وكل واحد شكل لليل يلة رجعنا متونسين والجهال بس يضحكون كلت بعد كل فترة اخذهم كتلهم تشكرو من عمكم لان اخذكم راحلة كرار.
والله انت احسن عم بالدنيا مشكور عمي مشكور
عباس: عمي والله انت تستاهل
شالة يبوس بية دفعت حيدر كلة برود
شكراً عمي عباس.
عباس: لا عمي تدلل انت وابوك وامك واخوك هم
دخلنا وهما طايرين كدامي راحو لخالهم يسولفون على اللعاب كاللهم اخذكم الأسبوع اليجي كون هيج فرحانين
حضرت ملابس للدوام وكعدت اخلي مرطب دخلو
كعدو بصفي خليت لاديهم مثل كل مرة وهما ساكتين
فرشتلهم ورحت طفيت الضوة شغلت خفيف
كتلهم: اسولفلكم قصة؟
كالو مانريد باستغراب رديت
شعجب شو صايرين ماتردون قصصي
حيدر: يمة هو احنا صايرين قصة
كالها ولف راسة اجيت يمة طلعت وجهة كتلة.
شكو شبيك صاير قصة؟
سكت وسحب الغطا ماخليتة كتلة
يميني صار كلش وكح ولسانك طويل
هسة ماكلتلي شبيك صاير قصة منو وياك
نامي ماما باجر وراج دوام
تهرب مني بكلامة ولف راسة بقة كرار يباوعلي هادئ اخذتة لحضني ابوس بيه
تونست اليوم؟
اي
كلبت شعرة كال بهدوء
ماما صدك راح تتزوجين وتعوفينا
هزيت راسي لا
شبيك ماما شلون اعوفكم ماكو ام تعوف جهالها وانتو روحي من الدنيا هاي.
كرار: يمة ديربالج تسمعين حجي حبوبتي وتعوفينا والله احنا نحبج واني بس ما اشوفج يوم اموت
كالها ونزلت دموعة مسح عيونة بيدة تخبلت صرت ابوس بية واوعدة ما اتزوج ولا اعوفهم نعيش كل عمرنا سوى بقة حاضني.
رغد: لو شيصير لا تصدكون بهذا الحجي
ولا تزعلون لان ماعوفكم خوش عمري
كرار يباوعلي يحفظ ملامحي عبالك شكد يكسر كلبي احسة فقير ولو مو حيدر وياة حتى مايطلع بس على واهس اخوة سكتنا واني العب بشعرة
طلع راسة حيدر كال.
رغد احجي وياج بس مو تصيرين عصبية
كول ماما عيب رغد
هز راسة اي وتقرب كلش
شوفي ماما هسة انتي حلوة وصغيرة وبابا هم حلو وعندة فلوس وضابط ويحبج كلش هواي
ليش ماتتزوجينة؟
جنا متزوجين وصارت مشاكل انفصلنا احسن
بس هو يحبج باعي هسة انتي ماتكليلنا ابوكم شلونة ولا تسألين عنة بس. هو كل مايشوفنة يسألنة عنج امكم شلونها شتسوي
سكت يشوفني اعصب لو لا كمل كرار
صح ماما حتى يحب عطرج
يكول خلو من عطرها طيب.
فتحت عيوني بصدمة وهو مثل الجفص حيدر مد ايدة كرصة عبالة ما اشوفة كتلة عطري؟ بس لا العطر الضاع اخذتوة اله
باوع لحيدر خزرت حيدر مايقبل يحجي كال برائة
يكول عطرها طيب يريد يشتري منه ومايلكة بالسوك اخذناها اله حتى يشتري منها كال ارجعها الكم بس بعدين انكسرت كال لا دكلولها تضل تحجي علية واحنا سكتنا ماگلنالج
ماحجيت رجع شعري كال
حتى يسألنا على شعرج صابغتة لو على لونة بعدة.
وانتو كلشي دكلولة حرام ماما اني مو زوجتة
مايصير يعرف عني هيج شغلات
حيدر: ماما هو يحبج ليش ماتقبلين بية
والله احنا نفرح ونكعد بيتنا كلنة احسن ماكاعدين بيت خالي
لا ماما هذا هم بيتكم
لا مو بيتنا بيت رضا من يكبر
سكتت شرد علية هما نامو واني ما نمت ضليت افكر بكلامهم وبكلشي يصير نمت كم ساعة وطلعت للدوام رحمان وصلني ملاك مداومة وبس تصفن
بقيت وياها خابرني رحمان كال ما عازمج
صحكت كتلة وين
علي غدة بمطعم...
امرلج للمستشفى
تمام
بس خلصت اجاني رحنا للمطعم كتلة
شعجب اليوم
اخذت اجازة زمنية واجيتج عاجبني اكل وياج
بعد روحي
وصلنا كعدنا بالطابق الثاني فارغ تقريباً طلب مسكوف بين مايجهز كال: خلينا نسولف
صار هواي مامسولفين
سكتت عرفت الموضوع بس ردتة يفتحة
اليوم امي حاجتني اقنعج بالقسمة الجايتج
شني رايج بيها
شبيك رحماان تحجي صدك انت!
لو تشاقة
عليش اشاقة شني جديدة السالفة عليج.
ناس تعرف بيج تشتغلين بالصحة وراتب وصغيرة ومطلقة يجون يخطبون مابيها شي
واذا يخطبون شني شعلية بيهم ماريد اتزوج
الصار كل فترة يتكرر لا امي ولا ابوي وحتى عمامي يخلونج يكلج جاسب وخر من عرضتج شني حجتج بعد
وجهالي؟ اسكت رحمان فدوة اني ماريد اتزوج
رغد بعدج شابة وانتي تعرفين احنا وين عايشين شني رايج هسة
مستحيل اقبل
واذا جاسب
شبية
ترجعيلة؟
تدري شكد جاسب اذاني شني نسيت؟
باعي لو انا بمجانة هم راح اضلم شروق وياي.
واضل اشك بيها
اطرافي ثلجت گالة جاسب واني عبالي سر مخلية
رغد انا وياج بس هالمرة لا
جاسب يحبج ماتلكين واحد بكدة يحبج تندم
وتغير وهسة بس يدور رضاج
التجارب عرفتة شني رغد وشني معدنها
هسة لو يسمع اشكال ويشوف مايصدك
لان اخذ درس
بقيت لا اخذ ولا انطي نصة وكال
والله العظيم جاسب ما كالي بالسالفه ولا واحد يدري بيها غيرنا انا وياة مو نشتغل سوى شكيت بشغلة وعرفت سبب مشاكلكم
رجفت شفتي كتلة
عرفت الماضي؟
عرفت كلشي لاتخافين انا هنا ما اجيت احاسبج
اجيت اوعيج وازيح ذاك اليوم من عيونج
تدرين بعد ماعرفت كبر بعيني جاسب لو كايل جا لحد هسة يحجون عليج وما خلوج تعتبين برا البيت وحتى لو عرفو الحقيقة يضلون لازكين بالسالفة
والله اني حبيتة من يوم سوالنا عرس
بديت وياة بداية جديدة بس هو اذاني وتزوج علية
هسة لو انتي تعرفين بية جان يحب وحدة او عندة علاقة بيها وهم طلعتو للزيارة واختفى
بعدين شفتيها بالمطعم كدامة وتباوعلة.
دكولين جان وياها لو ما دكولين؟
سكتت كال جاوبي
هزيت راسي اي
ولو انا بمجانة هم شكيت ولو غيرنا هم يشك
بس هو غلط ماصدكج والغيرة عمتة عمي
بقرار وحدة كلشي تدمر جاسب باقي يحبج ولو يعيش مية سنة هم يبقى يحبج ومايشوف غيرج
لج شايفة بالدوام شكد يخطبولة شكد يسولفولة على نسوان لان متزوج ثنين يعرفون عبالهم من هذا النوع وهو ولا تهزة ولا بنفسة.
انطية فرصة شوفية تغير لا عيشي وياة شوفي شلونة هسة هو بس يريد يكسبج لو شتردين يسوي حتى لو تزوجتي غيرة ما تلكين مثلة لا يحبج مثلة
ولا يخاف عليج هذا صارلة درس بعد ما يأذيج
تريد ارجعلة؟
ارجعي ماتشوفين جهالج هو يموت عليهم وعليج
انطي فرصة اله وفرصة لروحج
رفعت راسي خليت عيوني بعيونة كتلة
كل ماريد اقرر واتخذ خطوة اتذكر يوم عرسة والحقد يعمي عيوني اكول لو يموت ما ارجعلة يحلم يشوف خصلة من شعري.
كالي كالي، اطلكها والله كال بس ماردت
وصل الاكل كال كافي اكلي هسة
بعدين فكري ورجعيلي خبر بهذا الاسبوع وحدة من الاثنين لو توافقين بالخطابة لو ترجعيلة بيتج وحدج كعدي وياة وتفاهمي وهو شدكليلة يكلج صار متاكد انا.
تغدينا واخذنا اكل للبيت بعد مافتحنا الموضوع.
سرى: طفت الكهرباء متت خوف صارت هندس كلشي مايبين حسيت اكو حركة حجيت بصوت يرجف.
استاذ هذا انت
بس لا تخافين
كالها وضحك طلعت تليفوني فتحت الفلاش جان واكف بالباب مرتجي ومكتف ادية كلش خفت
هو منا شكلة مو راحة ضليت اردد بس يتقرب اكسر التليفون براسة كال.
لا تخافين كتكوتة هسة تجي الحلوة
سكتت ضحك كال
ولا مبين عندج ولد
مارديت لان وحدي وخفت رد
شبيج السانج انبلع
استاذ شترديد ما اجاوبك وحقي.
بس مو دكولين مراقبني وعرف اخباري
لا يابة من نور سمعت
هم مارديت اجت الكهرباء طلع اخذت نفس گلبي يدك بقوة يمة شلون اكمل وهذا موجود
اجو الموظفين صدك كبار وماكو ولا بنية كعدت اشتغل مالي علاقة بيهم وهما ما حاجوني
بس يخوزرون الحمدلله لبسي بية عرض
طلعت خابرت امي على احمد كالت بالبيت
يمسح بالكراج ضحكت كتلها عينج علية
رجعت سمعت شفت بنية شابة دخلت للشركة باوعتلي كالت وين استاذ فارروق جانت.
كلش حلوة مكياج ولبس ضيك وشعر شنو
كتلها ذيج وي حجايتي طلع من غرفتة راحتلة
تمط بالحجاية اوستاااذ
مشيت منهم كال كهوة ثنين
استغفرت ورحت سويت جبتة وصوت ضحكها عالي
دكيت الباب دخلت مخلية راسها على الكرسي ورجل فوك رجل التنورة طافرة رجلينهن بيض
وتلعب بشعرها باوعتلهم بنظرة قرف وخليت الكهوة بنتر على الميز رفع عيونة كال.
الفرق بين العشرينية والثلاثينية.
كلبت وجهي وطلعت مارديت علية مو مال واحد يسويلة راس ويرد على هيج شكول كملت شغلي وطلعت بسرعة.
احمد واكف على الطباخ دخلت بستة كال
روحي بدلي وتعاي ناكل سوى
دقايق
لكيتة صاب الاكل ومنتظرني امي تطبخ مرات هو يسوي جاي بيض هيج شي كعدنا ناكل كالت امي
باجر اروح لاختي اضل يمها اسبوع
وكفت اللگمة بلعومي كتلها
واحنا نبقة وحدنا
لعد ترديني كاعدتلج بالبيت عمريش هذا
العفو بس بالنهار روحي وبلليل ارجعي مو تعرفين وحدنا.
اذا خايفة هيج تزوجي اني مو رجال البيت
دبري روحج
سكتت وجهي احمر شوية ورد احمد بهدوء
روحي بيبي اني رجال البيت
فدوة اروحلك حبيبي
ضحكت وكمت كلمة امي غثتني هي امي من شوكت حبتني واهتمت بينا جان كل هما عادل وياة وياة من انقتل ولحد هسة تبجي وتون علية من اسمعها ابجي واارجع اتذكري العذاب العشتة بسببة اسكت.
وكفت اغسل مواعين واحمد كعد يسولفلي على جوارينة كلش يحبهم وناس محترمين يلعب وي الجهال.
ماما
حبيبي.
ماتخابرين خالة سيلي هي مو دوم تخابرج
ضحكت وغمزتلة
ها نخابر سيلي لو بت سيلي (سيلينا اخت باهر)
خلصي حتى نخابرها
طفر بالكراج كملت ورتبت شكلي شغلت الضوة واخذت تليفوني اتصلت بيها علاقتي بيها ابد ما قلت رغم هي خارج العراق قبل سنة تزوجت
اتصلت بيها ردت بتنها ترطن بالانكليزي ضحكت واحمد اجة يباوعلها فوك راسي حجة وياها.
هلو بزونة شلونج احجي بالعربي ترة احنا عرب
ضحكت وكالت بلسان مكسر
هلاوو احمد شلونكم.
زينين حبيبتي ماما شلونها
كاعدة هي وبابا بالحديقة
لعد عوفيها كليلها خالة سرى اتصلت بيج
انلكف التليفون منها ضحكت سيلي فدوة صايرة تموت ولو هي بالاصل حلوة سلمنا وكعدت تحجي وياي.
خاف زوجج موجود بعدين نحجي
لا عندة شغل ابقي وياي
شلونكم اخباركم
دائماً احتفظ بجزء من احباطاتي واحجي الجزء الايجابي من حياتي من ضمن السوالف كالت
تذكرين من كتلج تاخرت عني
ضحكت ونثرت شعرها كالت.
طلعت حامل إلى تلث اشهر هههههه كالتلي الدكتورة لو مخليتها للرابع حتى بسرعة نعرف الجنس
جانت كلش فرحاانة تحجي عن زوجها وحياتها احمد دخل جوة واحنا نسولف كتلها.
شلونة باهر اخبارة
عندة مشاكل باهر ابد مو زين
شبية ياستار
ميقبل يحجي بس صفية دكول مو زين
خوفتيني علية لج واني اكول صار فترة ماكو
مستلم مهمة جديدة اعتقد وخطة مغلق
صار فترة طويلة بيها عايف كلشي ومنهزم
كلش ضجت باهر رجال كلش زين مايستاهل.
سولفت لاحمد على باهر سكت بلكت يعذرة
داومت وامي صدك راحت ومارجعت
واني اداوم شفتين احمد اخذتة لبيت عمتي هند
ومن ارجع امر علية اخذة هناك كلش يحبونة
خاصة عمتي عبالك حفيدها.
خلص الأسبوع وامي مارجعت خابرتها كتلها وضعي متبهذل بس ارجعي كالت متونسة يم خالتج وجناينها المن جاية للكأبة ضالة بين اربع حيطان.
من كد ما انقهرت حلگي طگگ صارت لطمة حمى واضحة احمد حس وكال يمة روحي عادي ابقى بالبيت وحدي كتلة: راح اترك شفت المسائي
وارجع من وكت شسوي بعد
اذا علمودي ذمة بركبتج لا تركين
وانت ماما مايصير اعوفك
ماعلية قابل زعطوط ماعرف اكل ماعرف اشرب
شو كلشي اعرف والمنطقة امان
ضليت بحيرة اترك الشفت المسائي راتبي ينقص.
واني اريد اعتمد على روحي الى متى باهر ينطي مصرف احمد كلت لجيرانة كالت يمنا صدك تحجين احنا اهل ولد المنطقة حبابين وبس واحد ينخاهم
داومت وكل شوية اتصل بية بالدوام بالي يمة
جنت اخابر بية كتلة.
حبيبي خلي التليفون بجيبك مو تعوفة
وينشلع گلبي
رفعت راسي الغثة واكف ييسمع كال
والله وطلع بيها حبيبي ويوييي
سديتة ونترت بية ابني
بلة كولي حبيبي
خزرتة ضحك ودخل جوة جابو موظفات جدد.
كلهن شابات ومو محجبات شكلهن جذاب بكلبي اكول شنو يوضفون على الشكل.
صار كل شوية وحدة داخلة للغرفة واني اطبع ادز للغثة فاروق الكاهن يمة هو بمكتبة ثابت وهنا كدامه احس روحي تلعب وهو نظراتة تخزي
خرب شكلة انتظرتة يوقع الاوراق واخذهن كال
اوف منو حارگ گلبج هيج
مارديت رفعت عيوني ليفوك بانزعاج كمل بنبرة حقيرة مستفزة.
ماتستاهلين سرو وليش تحرگين گلبج عليه اشو بعدج تلاثينية والفرص كدامج مدير قسم لو تأشريلة يجيج.
سحبت الاوراق وصحت بعصبية
احتررم نفسك ولا تحجي وياي ثاني مرررة
بس على كد الشغل
طلعت وركعت الباب بقوة ضلت اعصابي ترجف خلص الدوام وبدا الثاني كلها طلعت وقبل لايجون اجة لمكتبي ضرب على الميز بعصبية.
منو سمحلج تصيحين بوجهي وتطبكين الباب
باوعتلة برود مارديت علية صرت اختم بالاوراق
صاح مو داحجي وياج ليش تغلسين
رديت برود تفضل استاذ اسمع
طلع المدير من مكتبة باوعلنا فات من يمنا وكال
اعصابك حبيبي
صحت وراة.
استاذ ماتشوف تعاملة
كال
عمر: احنا شراكة مايصير احاسبة على تصرفاتة
طلع باوعت لاستاذ فاروق يعني هو شريك اله نص الشركة كتلة: من الاخير انت شرايد؟
ترة اني مو من هالنوع لا تحاول ولا اتعب روحك
مرة جاي اعيش بكدي وتعبي بعيد عن منية البشر
وتصرف واحد اعوف الشركة واشوفلي غير شغل
صفن وبقة ساكت كال
اوف دخلتي براسي.
درت وجهي للصفحة اليمنة ضحك ومشة كلت ماطول مامتجاوز الحدود هسة يمل ويشوف غيري واني ابقى اتجاهلة خابرت نور ثاني يوم اجت واخذتني وياها بعد ما كالت لاستاذ عمر
رحنا لكوفي طلبنا كهوة وسولفتلها علية وعلى تصرفاتة ضحكت كالت.
لج اجوز عجبتية شبيج فكرري
ولج شفكر هذا نيتة مو زينة
اني ما سامعة عنة مو خوش ليش اجذب وترة عمر مايقبل بهيج سوالف بالشركة اذا صدك تحجين.
شنو قابل اجذب عليج هو فد واحد استغفر الله كلساع داخلتلة وحدة شكل ضحك وين يوصل
ااايععععع
مانعرف شنو يصير بالداخل مانكدر نحكم
شنو قابل هو ابن عمج وهيج ماتنطين بية؟
لا بس صديقة المقرب نعرفة معرفة شخصية
لعد اذا هيج ماتحجين علية خل يفك مني
ترة ما ناقصتة واذا بطلت هم رادلي فترو ادور على شغل ثاني
ميخالف احجي وياة
شربت كهوة وضحكت همزين ماشركت صحت بيها
شبيج
نور: لج باع وجهج من تعصبين شيصير.
هههههه ما الومة من يتغزل بيج
انجبي انتي
والله شبيج تخبلين ونصيحة اذا تردينة مايتغزل لا تعصبين لان شكلج يبين احلى ويجذب
شربت كهوتي دفعة وحدة اخزر بيها اختفت ضحكتها وكالت بجدية:
هو منفصل باعي لج اذا خطبج تقبلين
ايعععع شقبل منه ابو النسوان المستفز
والله اني اعرفة مو هيج ايجوز فاهمة غلط
لاااا
خاب غير صيدة ماتنصاد مثلها وين تلكين
شالت جنطتها كالت
ابقي بثگلج هما يحبون الاثگال.
ضحكت ومشت رجعت للدوام ونفس الوضع نفس كلامة واستفزازة وكلمة ثلاثينية ماتوكع من لسانة خبلني منا امي مارجعت حيل شلت بگلبي عليها
واوضاعي تخربطت اخاف على ابني واحس بتأنيب الضمير لان عايفتة وحدة.
كلت لعمتي دوريلي بيت بصفكم كون صغير وعلى كد فلوسنا قررت ابيع البيت واشتري بيت بصف بيت عمتي عاد ابني أمن علية وارتااح يم عمتي
بس خايفة بيتي مايجيب مبلغ كلت اسحب قرض على العندي وادبرها لان امي وراها طلعات.
هواي راح تسويها بيهة.
حاجيت جيرانة كال اني اتكفلج بسالفة البيع
عفتها علية ورحت للدوام خلصتة روحي طالعة امي لا اتصلت ولا اني اتصلت بيها من رجعت لكيت عمتي هند يمنا خطية طابخة ومشغلة التلفزيون على الدعاء والبخور مشتغل راحة نفسية شكد احبها وهي اكثر سلمت عليها بدلت وكعدنا ناكل ونسولف كالت
ماتجين بخطوبة عبيد الله
ضحكت وكلش فرحت كتلها
يا خطبتولة
رحنا اني ونوف ومرت سجاد لبيتهم
البنية يحبها عشتو.
شايفين كل الخير شوكت حتى اخذ اجازة
هاي اذا قبلو واذا ماقبلو بعد الله والعاذرين
الخميس ان شاءالله.
بقت يمنا ماقبلت تروح لبيتها شافتنة وحدنا اخذتها الغيرة واني ميتة بداخلي فوك العشرة اجو عليها مهند وعبد الله ياخذونها ماقبلت عبدالله كالت انام يمج لعد وهي تطرد بية ولا تغير هو هو يشاقي ويضحك كتلتة وضل نايم فرشتلة هو واحمد بالصالة واحنا بالغرفة نمنا شكد سولفنا عبالك امي هي امي ماتسولف وياي هيج تالي كالت وراج دوام نامي صدك نمت والصبح كاعدة سوتلي ريوك تريكنا وذولة نايمين كلتلها.
عمة لا تخافين علينة ارجعي لبيتج
يا ولج تطرديني
لا والله شنو ماتدرين بمعزتج يمي وشكد احب وجودج بس اعرف شنو بداخلج نتعود
طلعت خابرت احمد للضهر كال سوت الغدة وراحت مرت سجاد مريضة راحت تاخذها للدكتور
اجة يوم الخطوبة حاجيت المدير وافق
طلعت فرحانة اخذت ملابسي واحمد كشخ
رحنا لبيتهم مخبوص خبص مسوين غدا زلم تغدينا
وغسلت مواعين وياهم نوف مايعة ماحطت ايدها
تاشر على بطنها وتصيح
جود يتأذى احوو
وامها تصيح بيها.
مانريد منج شي ام جود
بتها وي الجهال كلساع تطلع وابني يطببهم مايقبل
تبقى تبجي طلعت انمار شالها وهي تشكي من ابني كلها: خوش يسوي شعدج بالشارع بلا
دعمتج سيارة
بقت بس تخوزر رجعت لامها دكلها بابا No
بعد ونوف تضحك
خلصنا شغلنا وبدلنا كشخت وتمكيجت صار زمن عن هالمكياج الثقيل طلعت غير شكل
عبدالله يكل لنوفة.
العبي لعب اريدج اخت العريس عشتو
نوف: واخونا خوش اخو يستاهل الهوسة
بعد نسيت الباقي
هسة كون ماتنسين هاي هم.
يلا كلجن هوسن وامدحن بية لا اردجن من هسة
ضحكنا نكلة
والله نهوس بس خل نروح
وصلنا لبيت العروسة وبدت الخطوبة البنية تجنن
طالعة وبس تضحك امها تكرص بيها دكلها ثكل نوف دكلي يلا ثنينهم ملكوفين وتضحك
دخل وفشخناة بالجكليت وصدك هوسنالة ذيج الهوسات هو يخلي ايدة على صدرة عود ممنون
لبس الحلقات وموبايلي بيدي اصور رن نور جاوبتها هوسة صرت جوة الدرج كالت شنو بس لاحتتزوجين
ضحكت كتلها لا خطبة ابن عمي.
نور: واني جايتج للشركة عبالي اخذج ونطلع
يلة غير مرة
بلة افتحي كاميرا اشوف شكلج
فتحت كاميرا تليفوني اشد بية نت ماعدنا شبكة
كالت واوووو لج عيني تخبلين شنو هالزلوف الناعمة ههههه
ضحكت الباب انطبك يمها رفعت عيونها واني درت وجهي اباوع للنسوان مامنتبهة للكاميرا بس التفتت.
موبايلها وكع كالت بصوت مرتبك باي سراوي بعدين نحجي سديتة ورجعت اصور خلصت الهوسة وزعو كيك وعصير والنسوان تسولف صاحتلي عمتي رحتلها يمها مرة كالت.
بت حماي مطلقة
يكولون عني مطلقة باعتبار جنت زوجة باهر
وابني باسمة مسجل بقت المرة تضحك بوجهي رحت يم البنات نسولف شوية ورجعنا
بالطريق كالت عمتي هاي المرة ابنها منفصل
ويدور على بت حلال يشتغل ابنها
موظف بالدولة شدكولين.
سكتت كالت فكري خوش قسمة وبس ترجع كالت ادزلج صورتة واذا هاي خل يطلعون يسولفون سوى بقت تقنع بية كلت اشوف اذا زين اوافق
واكلة ابني وياي.
بالليل دزتلي صورتة مرتب قبل لا ارجعلها خبر كعدت وي ابني افهمة جان هادئ صدمني بردة
بكيفج ماما
وراح نام مشيت وراة كتلة
اذا تزوجت لا تفكر افرط بيك انت بروحي اخليك ومعزتك ماتقل والله لو اهلي بيهم خير ما اتزوج بس هالتشوف وضعنا متبهذلين بيتنا فارغ.
وهاي سنة الحياة مثل مايكولون اني كبرت
وباجر عكبة ماكدر اشتغل ومستقبلك يخرب
تضطر تترك الدراسة
بقة ساكت مسحت على شعرة بستة كتلة
احجي شي ترة اني مصدومة من نفسي لان وافقت بسرعة وما رفضت مثل كل مرة
يكولون الحياة تجارب شدكول اجرب؟ لو ارفض
اتزوجي ماما صدك بعدج صغيرة
بس اذا تزوجتي بعد ماتشتغلين اتفقي وياة
عجبني كلش تفكيرة حضنتة قوي
بعد شكلة
بكيفج انتي جبيرة وتعرفين
ماتزعل؟ كول ترة ارفض والله بس ماتقبل ارفض.
لا ماما هاهية بس كون حباب ويحبني مثل باهر
ان شاءالله يروحي هو انت منو ميحبك
الصبح كعدت سويت ريوك ريكتة وعزلت البيت
وصيتة وطلعت خابرت علية عمتي كالت انطيتة رقمج حتى تتفقون على وقت تسولفون بية
سكتت واحس روحي تطلع خايفة ماحبة خايفة ماعندي مشاعر تجاهة داومت اشتغل وصفنة تاخذني لبعيد افصل جنت اطبع واكف على الطابعة وصفنت فزيت على صوت أستاذ فاروق يكلي
عمي مو صفنة هاي دباعي شكثر استنسختي.
يمكن فوك العشر نسخ وهي بس وحدة يردون
كتلة اسفة واخذت الباقي شمرتة بقة يباوعلي
فاروق: خففي صفناتج وتفكير زايد بوقت الشغل
هزيت راسي اي ودك تليفوني رقم غير معرف بردت اطرافي رحت كعدت جاوبت الو
السلام عليكم سرى
اي
وياج مالك عرفتيني
ها اي
شوكت نكدر نلتقي
ماعرف اشوف
بالاربعة اني مخلص دوام فارغة
لا عندي شغل اشوف وقت واردلك خبر
تمام انتظرج
جنت حابسة النفس بس سديتة تنفست.
انتبهت لفاروق يطبع وعيونة وياي والا يشمر بالحجي كال.
ناس مواعيد وطلعات بقت علية ليش محد يواعدني ياربي لييش
يحجي باستهزاء سكتت عنة وكلت بلگلبي انت ماتواعد اگص ايدي بس خلص شغلي الصباحي
طلع المدير بقة الغثة ولازم اكلة اطلع من وقت
اشتغلت بسرعة بين متوترة وخايفة مثل اي بنية يجونها خطابة ونفسبتها تتعكر الا اني اضررب
رحت لمكتبة كال تفضل وصافن ليكدام
تقدمت وكتلة اريد اطلع باوعلي عيونة ذبلانة.
خرب حضي شبية هذا بقة يباوع بوجهي كال
بنبرة ناصية.
المكياج الاوفر يكتل عليج لو وي شعر مفتوح ولبس مفت...
كطع كلمتة واني فاتحة عيوني على وسعهن
راساً تذكرت نور كلت الا هي عمدة تراوية
لك انت شنو ماتستحي ماعندك اخلاق
راوتك نوررر مو؟
كام كال
والله العظيم لا جانت تخابر بيج واني دخلت
ماعبالها اباوع بالتليفون بس اني اخذني الفضول
اشوف وبقيتي بالي من البارحة لليوم
شلت اللوحة مالت اسمه ركعتها طشرتها.
ضليت اصيح طلعني من طوري
لك حرررام حررام
ماحجة ولا كلمة طلعت برا كلت اترك الدوام وافق على مالك واخلص من شكلة.
عباس: وكفت على العمال احس طلعت روحي جاسب من البارحة نزل مرتة بيتنة اجت اخوها ذبها سلم علية وراح خابرتة
رد علية بصوت تعبان خفت علية
تعال عباس مو زين انا
اسمعة يستفرغ تخبلت علية دلاني على مكانة
شغلت السيارة ورحت لكيتة منتهي بس يستفرغ
غسل وجهي وكعد تعبان كتلة شماكل البارحة
كال ماتذكر
كعدت يمي فركت ضهرة كتلة
امشي نروح للمستشفى
رد بتعب مايحتاج
جبتلة علج بقة يعلج ساكت سحلتة واخذتة للبيت.
كلتلهم سوو شوربة مشتهي ضليت كاعد اباوع
جاسب نام ثاني يوم صار زين جنت برا طالع علشط
خابرني كال رايدك بموضوع ضروري حسيتة صاير نار ويسوق كتلة علكيفك فدوة سوق
شوية وصلني راد يحجي اتصلو بية شوية وسدة التليفون وكع من ايدة باوعلي وطاح بالگاع
خشمة طگ دم وجهة صار اسود خفت لا تضربة جلطة بسرعة اسعفتة للمستشفى بنص الطريق انتهى بيدي صيحت متخبل...
جاااااسبببب اصحىىىى خووووية.