رواية عروس الهور الجزء الأول للكاتبة هيلانا الفصل السابع عشر
أيام مرت كلش بطئية وعلى ما أشوفة هواي وين يروح وين يجي ما أدري
شدايضم عني شدا يسوي هم ما أعرف
اليوم على غير العادة البيت كلش هادء
هو صح بيتنا هادء بس مو بهالطريقة الغريبة
مرتگية على باب المطبخ الظهر وحدي وبيدي كلاص ماي بارد
أندك الباب تحرگت أفتحة أتوقع علي
مشيت خطوات وأني عيوني على درج
كلت بكلبي معقولة رغد ما سمعت دكة الباب
لعد على لويش جابها اذا نايمة
وعايفتني بلا أنخطفت.
هزيت راسي أطرد الافكار الغريبة من راسي
والعدوانية ليش دا أفكر هيج
فتحت الباب طاحت عيني على رجال متوسط بالعمر
علي وجهه بتسامة غريبة
عندة سنين أكبار طالعات ليگدام يمكن تشوه خلقي
وجهه شاحب وأصفر عبالك مريض بمرض خبيث أسم الله
حسيتة شگلة كلش غريب ما ادري
توترت وبلعت ريكي
كال وهو مركز بعيوني بطريقة عجيبة
: -مساء الخير
: -مساء النور
بقى ساكت وأني ماكدريت أمنع نفسي من التركيز بوجهه وعيونة جان أسمر سمارة داكن.
مثل كحلة العرب او رماد التنور الطين
مو السمار إلى نعرفة
ريحتة نتنة كلش مثل بلاستك محترك
كتلة بتوتر
: -منو رايد.!
كال: -سمش
: -تقصدني أني
هز راسة عگفت وجهي هذا شبي ليش كالب أسمي
اذا يعرفة: -العفو أسمي شمس
رد كرر أسمي وهو يطلع لسانة بتاكيد على مخارج
الحروف: -سمش
: -لا شمس
: -أشوفج قريباا سمش
: -بس منو أنت وليش جاي.! منين تعرفني حضرتك
صدمني من تجاهل سوال ودار وجهه ومشة
بقيت أباوع وراة طلع لشارع وبعد ما شفتة.
قفلت الباب ورجعت كعدت وأيدي على خدي
شنو سمش منو هذا
مسحت على وجهي بدية وأني منزلة راسي
حسيت بحركة يمي رفعت راسي
وأني أفتل عيوني بالمكان بس ماكو أحد
ما أدري ليش حسيت أكو أحد يراقبني
او يمي بالهول
سميت بأسم الله وگمت أخذت ماي من ثلاجة حتى أشىرب علاجي
لگيت الطباخ مشتغل وحدة تفأجت منو مشغلة
صحت على رغد بس ماكو
اكيد نايمة هاي. وكفت يمة وأني أحاول أسترجع ذاكرتي شوكت.
شغلتة بس بدون فايدة زين معقولة من الضرب إلى أكلتة گايمة أنسى وما أتذكر
طفيت الطباخ
وصعدت فوك لگيت رغد فارشة الغرفة ملفات
ومسويته هوسه واني عبالي نايمة
ابتسمتلي وحجت بمرح: -هلا شمس تعالي فوتي
اجيت كعدت على جرباية أباوعلها متربعة وتشخط بقلم أحمر
فركت أدية وسالتها: -أنتي ناسية الطباخ مشتغل رغد
: -يا طباخ حب اني حتى ما نازلة جوة
سكتت ردت كالت: -شكو
: -مادري لگيت الطباخ مشتغل بس يمكن اني ناسيته
: -عادي.
: -تدرين مساع اجانة رجال غريب
فزت وكالت: -شوكت
: -قبل شوي ما سمعتي من دك الباب اني كلت اكيد نايمة
: -لا ما نايمة واصلا ما سمعت دكة الباب شوكت هاي
: -والله قبل شوي راح
: -شلون فاتتني غير تجين دكليلي لا تفتحين وحدج
: -مادري نسيت
بقت تباوعلي بفتور واحسها تفكر بغير شيء
أنوب سحبت أسلاحها وفصختة
وأيديه شگد خفيفة وهو تفصخة قطعة قطعة
باوعت على الهوسة اليمهة
: -رغد أنتي منو معلمج على السلاح.
باوعتلي بنص عين وكالت: -رجلچ
: -أنتي تشتغلين ويا
: -جنت بالفرقة إلى هو جان مسؤؤل عنها
وهو أختارنة أني وعصام وعزيز خلانة حماية شخصية ويا
: -شمعنى
: -لان يثق بينه ولان جدا مقربين الة
: -يعني أنتي صديقتة
: -لا
: -لعد
: -بمقام أخت مو صديقة لان أني أشوفة هيج مواقفة وياي أبن امي وأبوي ممسويهن
: -زين ما راح تحجيلي شيء عن شغلگم
: -لا
: -عود ليش بلا
: -ميقبل رجلچ
: -شعليج بي أحنا مو صديقات كلتي.
: -حبيبتي شمس هالسوالف موعلية
: -أوووف حتى أنتي تضوجين مثله
ضحگت وحجت بتساع
: -هم تغارين عليه مني.!
: -جوؤ
: -شعجب
: -لأن مينحرز كلساع وحدة اغار على وحدة أثنين وبعدين هو ميحبني عليمن اغار
: -الرجال حتى وي اهلة تخابر علمودج وميحبج
: -ليش أنتي تعرفين أهلة
هزت راسها ب اي
: -هو لو يحبني جان عرفني عليهم
: -لا گلامج مو صح المهم مشاكل عائلية أني معلية بيكم
ضحكت عليها وقاطعنة صوت مبايلها
كالت: -تمام جاية.
أنوب رجعت حجت: -اها خوش عزيز راح يجي بمكاني لعد تمام نص ساعه يمكم
سدت الخط وگامت ركبت قطع السلاح وخلتة بخصرها باوعتلها بستفاههم
: -وين
: -بالليل أرجع عندي شغل عزيز راح يجي يمج
: -براحتج عيني
خلت ومشت وأني بقيت وحدي لحد العصر أجة عزيز
شفتة كاعد بالسيارة وصافهة باب السياج
وكفت بالباب وصحت عليه نزل وأجاني
كال بهتمام
: -أمري مرت أخونة.
: -ما يأمر عليك ضالم بس بلا زحمة أكو اغراض بيت أهلي تگدر تجيبهم إلى هي أختي تلگاها محضرتهم بس أنت كللها اغراض شمس وهي تنطيهم الك
: -صار بس ترجع رغد للبيت أنة اروح
: -متگدر تروح هسه
: -لا. لازم أبقى هنا بين ما تجي رغد
: -اوكي
عفت ورجعت أتصلت بشجن علمود الاغراض
صراحة امل گايمة واريد شيء أتونس
بي علما أطيب ومشتاگة لراديو واغاني كاظم الساهر
لو باقية أحب كاظم مو أحسلي
شجابني على هل الضيم.
بالليل ورغد بعدهة ما راجعة
جنت أشيل بلزگة من شفتي والله مشگوگة شك الله ياخذهم دمرو وجهي
عبالك وحدة مشوهة. شفت الباب أنفتح ودخل علي
باوعلي. طول نظراتة وهو ينزع سترتة
درت وجهي عنه ورجعت أخلي عصارة على وجهي
جنت ماخذة واحد. من كراسي ميز الاكل وكاعدة عليه
وهو أجة سحب الكرسي الثاني حطة وكعد أكبالي
وجر كرسيي عليه بحيث صار، كعدتي بنص رجلي
أخذ العصار ولزگات من أيدي.
أجيت أوخر خلة رجلية بين رجلي وحط أدي على الكرسي وسحبة أكثر
: -يمعود على شسوي
: -أداويچ
: -ميحتاج جنت أسوي وحدي وشمحلاني
: -لا شلون
: -علي أنعس وخر خلي أگوم
مرر أصبعة على شفتي ومخلي قليل من العصارة على أصبعة بس هو ما دا يخلي عصارة
دا يتحرش والله حرگاتة حيل أدبسززية
: -الشفة مورمة
: -الله يسلم مرتك
: -مطلگهة
: -المهم جانت مرتك
باوعلي عاض باطن خدة وكال: -فعل ماضي
: -علي
: -عيونة لعلي.
: -شوف شصار بية من وراك والله حياتي جانت هادئة قبل جيتك
رد برود وهو يخلي لزگة على طرف جبيني
: -جاا شسوي هسه أطلگج
: -ايي
: -حتى بحلامچ هم ما أطلگج
: -بس هيج راح أگرهك وممكن أسوي شيء ميعجبگ
ضحك بتساع وكال بسخرية وهو يعصر اصابعي
: -ولج بربهو أنتي غير مقدمتني بالخساير
جا شسوين بعد
: -لعد شسويلك دا أنگتل من وراك أني شگو
: -وتبيعيني.؟
: -شبيعك هو بگل الاحوال حتى لو أگلهم ذاك علي.
ميفيد هم أنسحل ليش.؟ والله لان مرتك
: -يگفيج الاسم غير زوجج على ال هاشم
: -ومنو على مخترع التليفون
: -لا حبيبچ
: -تعوذ من الشيطان وعوفني ترى مغثوثة منك
ابتسم بطرف شفتة وأجة يبوسني خليت أيدي على حلگي رجع ظهرة على الكرسي وحجة
: -مو وجه نعمة
باوعتلة بنص: -تحلم تقرب مني بعد
: -شسويلي
: -والله أموتك
ضحك بصوت عالي هز راسه وهو يطگ بأصابعه على الميز.
گمت أتمتم بضوجة وأني أتلمس وجهي
والله لو عارضين عليّ دور بفلم رعب چان قبلت بلا تردد!
شنو هالحالة شفتي مورمة وجهي مخطط
واللزگات متوزعة عبالك خارطة طرق بغداد
: - والله لو تدري شلون حاسة هسه
چان كاعد بمكان آمن بعيد عني ومتگفي شري
: - هااا يعني إنة لازم أخاف منچ.؟
: - اي خاف خاف تذكر اخر مرة من طگيتك طلقة
: -جا أشلون طبعا أذكر حتى الحايط ضحك عليچ
بوگته.
: -شتتوقع يعني مجربة أسوي جريمة قبل هو جربت بيك وما متت
: -لا بس تعلمتي بسرعة
گالها بنبرة غامضة وهو يرفع حاجبه، نظرة كلها خباثة خلاني أشك
باوعتلة بستفهام
: -يعني شتقصد؟
: -أنة لو أربيچ على أيدي چان هسه صايرة محترفة
: - محترفة بشنو بالله؟
: -بالجريمة طبعًا ذچ چيلة چانت صدفة بس قوية أخاف باجر عگبة تگتليني صدك
: -ما تنطيني أسلاحك أجرب هالمرة تموت لو لا
رفع إيده باستسلام وهو يضحك
كال بخبث.
: -عدي الچ شغلة تفيدچ أكثر
: -شنو هالشغلة
: -مو هسه بعدين
: -ليش
: -تحتاج الهة حيل وإنتي شوية ضعيفة هالأيام من صيرين زينة نشتغلها
ضيقت عيوني بشك فهمت قصدة
: -أروح أنام أحسلي
گمت وصاح وراي: -أجي أنومچ بحضني
: -لا عيني شكرا
: -أدفيج تبردين بالليل
: -أدفى بالبطانية
ضحك واني مشيت وصلت لباب الغرفة وذكرت الرجال إلى شفتة الصبح
رجعت للمطبخ كلت أكول لعلي عليه
لگيته مخلي القوري على نار
ويغسل بالاستكان
: -علي.
التفتلي مستغرب كال: -هااا أنومج بحضني
: -لا
: -جا شكوو
: -اريد أحجيلك شغلة صارت اليوم
أجيت يمه وكفت جنت مترردة أحجي
وبعدين حجيتلة السالفة كله
تنهد وكال: -أستغفرالله بدة الگلان خرا
: -مفهمت
لف خصلة من شعري على أصبعة وهو يتأمل عيوني حجة بحيرة
: -شلون أحميچ منهم شمس
: -ما أدري بس أني معرف شنو دايصير وياي
لا تعوفني علي
تنهد وضمني بحضنة.
اليوم أنتقلنة للبيتنا هو بصف بيت عمو
البيت حلو بس مو كلش مثل بيتنا للي بغداد
جانت اللاستقبال عبارة عن لوحات وتحفيات ومدري شنو ماما تارستة ترس
مسويته كركبة
أخذت وحدة من الغرف رتبتها الي
جنت أعدل بغراضي ومرام أتصلت بيه
كلت أحجي وياها شوي لان مالة
حجيت بتسأل: -مرام شنو سر نجاح الحب
: -الفلوس
: -عوفي التفاهة وأحجي جد
: -ترا دحجي عن نفسي الفلوس اما أنتي بكيفج ضلي ورة مديرج
: -لا خيولي
: -ليش حبي
: -طلع ميحبني.
: -شعرفج
: -اكولة راح أنخطب يلكي مبروك همزين لزمت نفسي وما رزلتة
: -منو هاي شجن،؟ ماعرفتج
: -سكتي غير هو يدوس بالبنكرياس
: -اني بس اريد اعرف همة الزلم شيردون من گطيعه على رسهم
: -تعبني اني مشاعري معلوسة كلش
: -عليمن جنه ديج هرتي
: -شخصيته حلوة
: -وينها شخصيتة مدا أشوفها
شجن: -أني أشوفها
مرام: زين أنتي صدگ راح تنخطبين؟!
شجن: لاااااا چنت بس أختبره.
مرام: ورسب
شجن: طلع الأول عالقسم
مرام: بالبواري
شجن: -مقهورة.
ضحكت وكالت: -الله وگيلچ ما يستاهلج
شجن: -لو منعجبة بصخل ولا بي
مرام: -يروحلة فدوة الصخل عاد بي فائدة
شجن: -من وراة حتى بنكرياسي يوجعني من الضوجة
مرام: -شجاب بنكرياسج بالموضوع
شجن: لأن المشاعر تجي من المعدة والبنكرياس يم المعدة فكلشي مرتبط علميًا.
مرام: - إي صحيح والعقل بالط والدليل أنتي
شجن: -شكرا صديقتي هذا الدعم إلى احتاجه بهاي المرحلة الصعبة
مرام: أدللي.
شجن: أني حالياً مرحلة ما بعد الصدمة العاطفية أصيح أضحك ألطم أتحمليني مرام معندي غيرج
مرام: ميخالف بس لازم نتحرك وناخذ ثارج خوما نبقى كاعدين ماعدج خطة منا منا نفلش راسا بيها
شجن: -الخطة أعوف الحب وأجمعلي فلوس وأشتري الدائرة و أصير مديرته وأفصله من الشغل.
طگتها ضحكة وحجت بمرح: الله أكبر حياالله المديرة
شجن: اووف كون هيج وأصير مديرتة
وأخلي يتأخر خمس دقايق وأخصم من راتبة.
وأشغله أوفرتايم بدون فلوس وإذا غلط بحرف بالإيميل، أكوله تعال وياي للمكتب، وأخليه يعيش رعب لحظي!
مرام: متلاحظين حبچ له تحول لحقد طبقي؟
شجن: لا لا حبي متحول جينيًا.
مرام: وإذا فجأة رجع وكال أحبچ شجن شراح تسوين؟
: -أكولة أنعل ابوك لبو الحب وأدفرة
: -بس مو تجيني ها مرام كال احبج اركعج بنعال ترى
: -كون انعال زين حتى اتوب منه
: -ولا يهمج اجي من بغداد حتى أضربج بي وارجع.
ضحكت وسديت الخط بقيت اليوم كله اعزل وأرتب بس ماما وبابا ممرتاحة الهم
أدخل وأطلع أشوفهم مجتمعين ويبسبسون من يشوفوني يسكتون ما ادري شنو وراهم بالضبط
ثاني يوم خابرت شمس كلتله
: -نطلع لسوك أنغير جوء
فعاد هي ماكالت لا أجت
وصلنة لسوك وهي كالبة خلقتها حجيت بنزعاج
: -ترى أجينا نغير جوء أشبيج جنج وجه لطامة
: -ممرتاحة نفسيا
: -هو منو مرتاح نفسيا
: -شيء عن شيء يختلف
: -لعد ليش خليتنا نجي اذا مالج خلك.
: -ما ادري البيت يخنگني اريد أخذ نفس أحس مضيعه نفسي وين جنت وين صرت
لزمت أيدهة ونمشي يد بيد شديت عليها
: -حبيبتي شوشة أحجيلي شنو المضوجج علمود مرت العار نسيبي صح
: -لا
: -لعد
: -أنسي خلي نفتر بعدين أججيلج
هزيت راسي بيجاب وگمنة نفتر بالسوك
دخلنا السوك وهي شافت محل فساتين اعراس وندارتلي بضحكة
أختي نذلة حتى وهي مريضة متگعد كالت
شجن هذا محل الفساتين ندخل؟
شجن: لااااااااااااااااا شعدنة أنتي وعرستي.
خل ندخل محل الجنط
شمس: -هم صح يمكن نلگة جنطة نشيل بيها همومنا.
شجن: - والله تحتاجين جنطة سعة 50 لتر على الأقل!
شمس: أوف حته همومي بيها وزن زايد!
دخلنا محل الإكسسوارات وچان أكو خاتم فضة يخبل.
شمس: شنو رأيچ نشوف خواتم الخطوبة؟
شجن: لا تلعبين بعصابي بعدني مضروبة نفسياً.
شمس: - لا تخافين بس راح نسأل العامل: هذا الخاتم إذا اشترينا يجي ويه الخطيب لو بدون
طكت روحي سحبتها.
وطلعنة لان أدري تسويه صدك أختي شاخطة أعرفه
وبعد ما أتحمل ضغط بس تضغط عليه أكثر
، أروح أعتكف بزاوية وأبچي
علي بنكرياسي المكسور
شمس-: شنو رأيچ نروح محل المفروشات ونشوف سرير ينفع للبچية العاطفية
شجن: و لازم يكون مقاوم للانهيارات العصبية
حتى إذا عصبت وطلعت حرگتي بي ما ينكسر
مثل كلبي كون يتحمل
دخلنا للمحل نفتر بي لحد أجة الموظف
سالنة: -تحتاجون مساعدة
شمس: - إي نريد جرباية تتحمل شخص مصدوم عاطفيًا.
الموظف: - شلون يعني؟
شجن: - يعني بيه ضمان مو يومين ويگلي مبروك
شمس: -ويكسر كلبه
الموظف ما عرف يرد ظل يباوع علينا بنظرة
واحد مكسور خاطرة علينه حسيته يگول
هدولي البنات قبل ما يبچوني وياهم
طلعنا من المحل نضحك وأجة هذا عصام أخذنة وصلوني بالاول وانوب مشوا
همزين طلعنة من بيت عمو جان كبر مثل السجن النا
هسه شوي شفت وجهه الله
فتحت الباب ودخلت أجاني صوت ماما وبابا ديتعاركون وصوتهم طالع من المطبخ.
قفلت الباب بهدوء وأجيت وگفت قريب على باب المطبخ بس ما دخلت
ارتكيت على ميز المراية وبقيت أتنصت الهم
بابا كاعد ومخلي أدي على وجهه بضوجة
وماما متخوصرة وتروح وترجع بالمطبخ متعصبة
حجت بلوم وهي تفح عصبية
: -كلللله منك! ضيعتنه
وبهذلتنة شوف حالنه بيتنا بغداد وبعنا شغلك وتركتة و بتك أخذها أبن هاشم عبالك فصلية
: -أسكتي نهال كااافي گتلج أني أحلها لا تلحين
: -شلون تگدر تحلهااا هاااا.
: -هاذ شهر نرتب وضعنا ونطلع من العراق
: -وشمس شلون مينطيها النا هذا المجرم
: -أجيبها أجيبها بس لا تگعدين تنگدين فوك راسي
! دبرت أموري
: -والله مادري شنو تاليها
سكتت بابا ما حجة شفتة ديكوم وأني بسرعة رجعت لباب وكياستي بيدي
عود توني جاية.
شمس
المغرب كلش كاعدة بالصالة وعيوني على رغد بيدها أكثر من جهاز
وخذت الكرسي وصعدت عليه وين ماكو صورة وخرتها
ولزگت الجهاز على الحايط جوة الصورة.
نوب وخرت البردة وخلت جوها.
جان كلش صغير، يشبه أزرار القميص يلمع معرف مال شنو
بس هي تبحوش وحدها
من الصبح ولا كاعدة.
كالت: نطبخ عشة سوة شدكولين؟
هزيت راسي ب لا وهي مشت للمطبخ بقيت كاعدة وحدي أحس بضيق وخوف من المجهول
مشاعر متناقضة مرافگتني.
فززني من صفنتي صوت يجي من غرفتي. صوت ضحك وأسوالف!
كلت بكلبي: معقولة رغد.! بس وي منو تحچي وتضحك هي مو بالمطبخ؟
گمت مشيت للغرفة وأنا أحچي: رغد وي منو تحچين؟
ماكو رد. باب الغرفة مفتوح على نص. دفعتة ووكفت باب الغرفة. ماكو أحد!
ولا أكو صوت! ضليت متجمدة بمكاني وأدور عيوني بكل زاوية بس هدوء قاتل.
انتبهت للكنتور مفتوح وواكعات منه ملابسي
بلعت ريگي وما دخلت.
رجعت للمطبخ أدور رغد شفتها من باب المطبخ الخلفي.
بالحديقة لازمة گرك وتحفر
ما أدري شتسوي.
أجيت يمها شالت راسها وهي تمسح العرگ من جبينها.
رغد، جنتي بغرفتي؟
ردت مستغربة: لا، ليش هالسؤال؟
مادري، بس لكيت أغراضي مفرددشة والباب مفتوح.!
خاف أنتي ناسيتهن؟
لامن طلعت جنت مرتبتها!
شمرت الگرك على جهة وطلعت من الحفرة وحجت شو خلا أشوف!
مشت قبلي ولحگته للغرفة تفاجأت! مرتبة وما بيها شي مثل ما جانت قبل شوي.
بس قبل شوي جانت مفرددشة؟!
رغد: ماكو شي.
شمس: معقولة جنت أتخيل؟
رغد: إي حبيبتي، أتصير عادي. ذهنج مشوش رايحة أسويلچ عشة حتى تاكلين وتشىربين علاجچ.
هي طلعت وأنا كعدت على طرف جرباية أكل بطرف شفتي بقلق.
مستحيل يكون أوهام! أنا سبق ومريت بهالشيء، فما أقتنع لا بتخيل ولا أوهام.
لو شكد ما جنت تعبانة وحالتي تعيسة.
بالحظات سمعت صوت طفل يبجي. الأذان بدى يأذن يختلط ويا صوت الطفل إلى دا يجي من الكنتور!
فكيت عيوني على وسعهن ورجلي ماتت مستحيل أنسى هالصوت!
تقربت بخطوات مرتجفة وفتحت باب الكنتور. وگعت عيوني على طفل سبحان الخالق من جماله!
شكله حيل بريء وشعره ثخين ملفوف بگماط لونه أسود يصرخ.
مديت إيدي الترجف دا ألمسه. بس
بالحظات اختفى! فصّ ملح وذاب! رمشت عيوني بقوة من هوال الموقف.
وخرت عن الكنتور برعب وعيوني تتجول بهلع بالغرفة أحس شي هنا. بس شنو؟
طلعت أجر بخطواتي المرتبگة والخايفة للمطبخ لگيت رغد مجهزة السفرة.
كعدت مقابيلها حجت بتساع: سويتلج باگلة، تحبيها!
حچيت وبالي مو يمها: إي.
بقت تسولف بس أني ما مركزة وياها وما أفسر كلامها عقلي ديخبط.
ماأكلت شيء وهي حجت بعتاب: مو سويته إلچ شلون ما تاكلينه؟
ما أشتهي من أجوع أكل.
گمت كعدت بالصالة وهي جابت العلاج شربتني الحبوب وبزتني أبرة.
أنوب رجعت خلت عصارة للخشمي
علي خفة أصبعها لأن يأذيني.
بس عقلي بعده بغرفتي وبالكنتور
وبالطفل إلى شفته!
كعدت بالصالة بس أحس روحي مو هنا. مخي بعده بالغرفة وبالكنتور وبالطفل!
كلت بنفسي مستحيل يكون خيال! أنا شفته. حسّيته، الصرخة بعده بأذني شلون اختفى؟
شربت مي بس ريجي ناشف. صدري يضيگ أحس الهوا ثكيل. عيوني تباوع ل رغد، بس عقلي يفتر بأفكار سودة
ما أتحمل!
گمت فجأة بدون ما أحچي شي، رجلي تجرني للغرفة. وكفت على الباب مترددة
جوة رجلي بارد، جسمي
يرجف ويدي ترجّ بس لازم أشوف!
مديت إيدي ودفعت الباب شوي شوي. صوت صريره يگرص بأذني!
الكنتور. الكنتور اللي قبل شوي شفته مفتوح، هسه مسدود!
معقولة
خطوتي صارت ثكيلة رجلية متجمدة، بس چان لازم أتحرك.
مديت يدي المرتجفة، أصابعي تنرعد. لمست الباب مال الكنتور وگبل ما أفتحه.
طك
دگة قوية من جوة! كأنّه اكو شي
جوة دفع الباب من جوة.
تراجعت بسرعة وصدري يصعد وينزل أتنفس سريع عيوني توسعت والخوف لعب بيه لعب.
رغد!
صوتي طلع ضعيف أريدها تجي يمي بس ماكو
ختنگت گانو ماكو هوا برئتي!
نوب. نوب سمعت الصوت مرّة ثانية.
مو بس دگة. صوت طفل يبجي. ضعيف. متگطع. صوته گانة يعاني!
بلعت ريگي. بسم الله.
مديت إيدي الترجفة. أصابعي بالكوة لامست الباب فتحتة
ماكو شي! الملابس بترتيبها
الكنتور نظيف لا طفل، لا صوت ولا شي!
بقيت واكفة، يدي على الباب، أتنفس بثگل كلبي يدگ بقوة توجع
وعيوني تدور بالغرفة
مو معقولة! قسم بالله شفته! صوته بعده بأذني!
رجعت للوراء شوي بس
صوت طگة
شي وكع على الكاع
صرخت وصرت أركض بدون ما أفكر
طلعت من الغرفة وركضت صوب الهول
دگ كلبي تسابق رجلي
وعيوني تدمّع من الرعب.
رغد واكفة بنص الصالة تباوعلي بدهشة جانت وأكفة وبيدها مسدس معرف شسوي بي عافتة وأجتني
شبيچ مرعوبة؟
ما كدرت أحچي، جسمي ينفض مثل ورگة يابسة، كعدت وأدور الهوا وما ألگاه!
: -هوا. ماكو هوا. ما دا أگدر أتنفس.
رغد: - شمس شنو بيچ وجهچ أصفّر!
بقيت أشهگ وعيوني توسعت، ماچنت أگدر أفهم
ولا أگدر أفسر، بس جان عندي يقين.
أكو شي ديصير
رغد چانت تباوعلي بقلق
حچت وهي تقرب مني
: -شمس شنو صاير احچي وياي!
بس أني ماكدرت. صوتي محبوس
صدري يضيك وريجي ناشف!
رغد ركضت جابت مي وكعدت يمي ومدت الكلاص لإيدي الترجف.
بس حتى لما شربت ماي أحس المي ينزل بحلگي چنه صخر وحار
: -رغد. أني مو طبيعيّة.!
چان صوتي يطلع ضعيف، خفيف
عبالك مو صوتي أصلاً.
كامت تمسّح جبيني، حچت بقلق
: -شمس كافي تخوفيني عليج راح أخابر على خلي يجي يشوفچ تمام
راحت للمطبخ بقت تدور تلفونها بين الأغراض وهي تحجي وي نفسها
: -وينه التلفون. وينه؟
لگيته رفعته وخابرت علي
رغد: -علي. تعال بسرعة شمس ما أدري شبيها
سكتت لحظات نوب حچت برجاء.
: -ما أعرف شبيها دا ترتجف ما تحچي وجهها مصفّر خايفة بس ما تريد تحچي!
سكتت مرة ثانية، نوب كالت
: -إي زين
سدت التلفون رجعت لهول
وأني بعدني بنفس وضعي ما تغير شي.
رغد: -شمس على جاي. لا تخافين
بقيت أنفاسي متگطعة، وعيوني تباوع على الحياطين السگف وحتى الباب
أحس المكان كله يتغير أحس الهوا يصير أثگل والظلام يصير أثگل!
طار عقلي من مكاني لما سمعت دگة الكنتور مرة ثانية
عيوني توسعت.
رغد التفتت بسرعة باتجاه الغرفة، حچت.
: -شنو هالصوت؟
وأني بعيون كلها خوف حچيت بصوت ضعيف
: -يعني أنتي هم سمعتي
ما حجت سوتلي أشرة أش وهي تخلي أصبعها على شفتها وسحبت المسدس من خصرها
مشت گدامي وأني وراها بخطوات متحذرة
ما دفعت الباب على كيف لا گبل رفستة
ودخلت
ماكو شي اصلا ولاشيء
كلبت عيونها منزعجة وحجت: -عبالي أچطلي واحد هنا
: -شنو هل الاصوات
: -مادري يجوز بزون أنتي أبقي هنا وأني راح أستگشف البيت للاحتياط
: -لا نستكشف سوة
جذب اريد أبقى مجلبة.
بذيالها لان أني أخاف وحدي
أمشي وراها وهي فرت البيت زاوية زاوية وحتى الحديقة فتشتها
ماكو شي
طاحت عيني على الحفرة إلى مساع جانت حافرتها سالتها مستغربة
: -رغد شنو هل النگرة
: -لمناورة العدو
باوعتلها صفح وهي ضحكت: - لا تشاقين
رغد: -قابل أجذب عليج
: -ترة مبينه أجذبين يا عدو تناوري بالحديقة
ضحگت ودخلت جوة، بقيت كاعدة أنتظر على يجي اكيد راح يفهم عليه من أحجيلة هو يصدگ كل حرف أگولة.
حسيت بشيء بارد ينزل على خشمي تلمست خشمي كله دم گمت من مكاني ومشيت للحمام جوة
وگفت على مراية أغسل بي. أنوب يوجعني من أغسلة مورم من الضربة
حسيت بطعم الدم بحلگي هم تمضمضت وكلما أبز يطلع دم هواي
لعبت نفسي بالزايد، سحبت الخاولي من تعلاگة وخليتة على خشمي
وأني الدمعة بطرف عيني معرف خفت أني هاللايام خايفة عدي أحساس، غريب
وهواي أهوجس بالموت
سمعت صوت على بالصالة ما طلعت بقيت بمكاني
رفعت راسي وعيونة مدمعة من دخل.
كال بلهفة وهو يگعد أكبالي
: -شمس
: -علي خشمي ينزف اني ماعرف شبيه
وخر الخاولي من وجهي يباوعلي بتفحص
حجة راص سنونة: -أشعل أبيج اليوم سهاد
: -شبيه شمسويتلي فدوة
سگت وجر نفس ومسح الدم من حلگي بكمام قميصه
حجيت بصوت مختنگ ودموعي تهمل
: -علي كلي أني شبيّه؟
تنهّد وباوعلي بنظرة طويلة مثل إلى يحاول يلكه جواب ما يخليني أنهار أكثر. الحيرة متشبثة بملامحه
علي: -مسويلچ ربط
: -شنو شنو يعني راح أموت مو.
تأفف ومسح على ركبتة بضوجة ملامحة قاسية
وعيونة باردة
: -لا أن شاءلله ماكو شي
: -هي شتريد مني
: -مو منج مني
: -شتريد
: -مصطفى مقابل حياتج ماراح تفگ الربط عنج اذا ما أنطيتها مصطفى
: -أبنك عندك
هز راسة بي. زين واذا ما نفك الربط شنو راح يصير أموت؟
سكت ماجاوب.
: -يعني أموت؟
لحظة صمت طويلة كال
: -إي
شهگت وايدي على حلگي لا ما عشت ماشفت شيء من حياتي لااااا فكرة الموت مرعبة كلش كلش
گمت أبجي بالزايد وهو حضني وكال.
: -وعيونچ لبجيها دم على هالدگة
سكتت وأني حرفيااا خايفة وضايعة لدرجة أتمنى أرجع يم أهلي وأبتعد عن على وحياتة
وكلشي يخصة لأن دا أتأذة بدون ذنب
وأحس أيامي معدودة
لا أستطيع البقاء في داخلي الليلة، فهناك خوف متوحشٌ يتجول في أعماق روحي.
شجن:
ندگ الباب گمت أفتحة أهلي طلعو وهل أيام أبد ولا مرتاحة لسگوتهم وتصرفاتهم حاسة أكو شيء وراهم
فتحت الباب صار بوجهي هذا الرجال إلى أسمه عزيز أنوب شكلة كلش جامد
كتلة بعفوية: -تفضل؟
حجة مثل إلى يتاكد: - إنتِ شجن؟
يعني لو ما شايفني بالمستشفى جان كلت حقة ميعرفني بس هو شافني شبي هذا مطفي
شجن: - لااا والله آني نانسي عجرم بس متخفية هنا علمود المعجبين!
ضحك وكال: -جاي أخذ أغراض شمس كالت هي تعرفهن يابة ممكن تجيبهم
شجن: - يمعود خفت عبالي جاي تحقق وياي
عزيز: -وين الأغراض؟
شجن: -دقيقة
عزيز: -أستعجلي
شو هذا يتأمر كتلة بملل: -ليش عدك طيارة تلحگهة ومستعجل أنطي فنتك
عزيز: -عدي شغل
شجن: -اي أنتظر شسويلك
عزيز: - أنطيني الأغراض عجلي
دخلت جوة أجيب الاغراض بس نسيت وين حاطتهن
أتاخرت وأني أدور
أووف منج شمس هسه وكت أسوالفج
التفت ما أحس الا الرجال يمي بالصالة.
حجيت بصدمة: -هاااا عيني وين داخل
عزيز: -يبااا عبالي صار بيج شي نمتي شنو
شجن: -دا أدور عليهن
عزيز: -جا ما حضرتيهن قبل لا أجي
شجن: -لا صدك ترى مشتغل عندك
عزيز: - خوش.
شجن: -لا تبقى هيج مگشرلي عبالك أشتغل عدك
عزيز: -يابة أنة أشتغل عدج بس فضيني
شجن: -تمام
كعدت دورهن بالدرج اني خليتهن بس ماعرف يا خانة خرا على كلبي شكد ينسى.
تنهد وكال: -الأغراض.؟ بشري
شجن: -إي إي يمعود جاي أدور
جان مگشر عن وجهه حتى خوفني
حجة: -وين صرتي؟
سكتت ما جاوبتة وبقيت ادورهن شفتة يباوع بيتنا مثل إلى ما عاجبة
ويباوع لتحفيات والورد والوحات إلى معلگة صراحة هاي الفوضى كله ذوق ماما
كال
: - شلون عايشين بهالهوسة
: -فن هذا مثل ميكول بابا مو هوسة
: - خريطي ياا فن
شجن: -هو بابا يلام من جان يگول ماكو تقدير للفن
عزيز: - اخت شجن الأغراض أستعجلي.
: -اخ عزيز دشوفني ادورهن ما ادور وياي
عزيز: -وانة شعرف بيتكم وادور
شجن: -لعد اسكت مو خبصتني حتى نثولت
عزيز: -يا أخت شجن مو مستعجل
شجن: -يا اخ عزيز شنو وراك أجنازة؟
خلة أيدة بجيبة وكال: - لا بس ما عندي وقت أضيعه.
شجن: - آني عندي وقت أضيعه، تعال خلي نحجي عن الاقتصاد والوضع السياسي بينما مالگاهن؟
عزيز: -لا
شجن: - زين تحب تحجي عن الحياة؟
عزيز: - لا
شجن: - عن الطقس؟
عزيز: - لا
شجن: -عميييييي عن شنو تحب تحجي؟
عزيز: - الأغراض.
شجن: -ياا آآآآخ عزيز مرة ثانية كول للاختي هي تجي تاخذ أغراضها وما دزلي واحد يشبه عبد الحليم حافظ مثلك
ما حجة بقى ساكت واني لكيت الاغراض والراديو
لميتهم كلهن وأطيتهم اله اخذهن
تونست عليه شوي اني ميته ملل هنا وحدي مثل طنطل حتى لو يجيني طنطل من شارع هم أحجي ويا
باقيىة أفتر مرات أحجي وي ثلاجة
لازم أكول لبابا يخليني اروح لشمس بحجة مريضة عاد أكضي وكت وياها هي ورغد شوي.
ولو حالف ميخليني أدخل بيتهم بس نحاول.
اليوم خطبة أبن عمي الوسطاني
طبعا أبو يصير أخو بابا الصغير
خابر بابا وعزمنة على الخطبة
هي المشية جانت بالنهار
بس بتسعة مسوين حفلة
بابا بالمشية راح وماما جانت يمي بالمطبخ تقنع بيه أروح وأتونس وي البنات
بس أني ما أحبهم شكو رايحة لو شمس موجودة جان رحت هي لسان وبسرعة تخالط وذب ميانة
وحدي ما أدبرهة
: -تعالي لهنا شجن
جنت دا أسوي بيض سلك
وأسلط طماطة وأخيار عفتهم ورحت يمها كالت
: -أني أكمل العشة روحي البسي.
: -ما أروح ماما
: -شجن
: -ماما فدوة لكلبج عوفيني مااروح يعني ماروح
: -لعد أضلين وحدج هنا
: -يعني شعلية أتعشة وأخابر شمس أسولف وياهة لحد ما تجون
هزت راسها بعدم رضا، غلست عنها ورحت كملت عشاي بالتسعة أجة بابا
أخذ ماما وراحووا ووصتني الف وصية ما أفتح الباب للاحد
علي أساس لو وين
رايحين همة بيت عمو بصفنة
طبعا هنا أعمامي بيت بصف بيت
ناس مجاورة ناس مابينه غريب
حضرت الاكل وأخذت خليتة على الطاولة بالصالة.
جانت طاولة خشب مربعة أصغيرة
نخليها بنص. طلعت مبايلي أتصلت بشمس
ما ردت أول مره
أنوب جاوبت كعدت أكل وأحجي وياهة جانت مو على بعضها بس ما كالت شبيها
وماحبيت الح ما أدري ما هواي تحجيلي شگاعد يصير وياها ما عدا مشگلة زواج رجلها
ماكو شي ثاني
كالت بلوم: -ليش باقية وحدج ما رحتي وياهم
: -مالي خلك اعراس ولعبان نفس
: -اااه نسيت أنتي كلبج مكسور
: -والله خبيثة
ضحكت وحجت ويمها صوت ثاني.
: -رغد يمي دكول أنصلح كلبج وندورلج رجل
: -ابد مو صوچن أني المن أخابرچن وأحجي وياچن
سمعت صوت ضحكت رغد يمها وهي دكول جيب المبايل أحجي وياها
بعدنة دنسولف والباب أندك
منو يدگ الباب بالليل و بهالساعة؟
منو معقولة رجعوا أهلي
: -بنات بس أشوف منو على الباب
شمس: -ماشي
مخلية المبايل على أذاني وأسمع سوالفهم ومناگرتهن
قربت عالباب وما فتحت صحت
منو؟
ماكو جواب...
منو يم الباب؟
صوت خفيف، مثل نفس كال
أني عساف شجون أفتحيلي؟
: -عساف.؟ شكو جاي
: -عمي كال ناسي محفظتة ياريت لو أجيبه
عدنة كعدة
: -لعد بابا ميجي ياخذها
: -يمعودة روحي أخرتيني أفتحي الباب هسه
فتحت الباب على نص لگيتة وأگف
: -تمام أنتظرني خلا أشوف وين مخليه بابا
: -شنو ماكو تفضل
: -لا تفضل
دخل كعد بالصالة واني صعدت للغرفة أهلي
وشمس كل شوي دكول منو كلتله: -عساف
عفت المبايل على جرباية وفتحت الكنتور
ادور بسترت بابا هسه صدك جذب
شلون ينسى محفظته هنا بعدني دا أدور والباب أنفتح.
التفت عساف كتلة بهتمام واني أفردش بالملابس
: -اكلك ما كالك وين مخليها شو ماكو
: -شجن
انداريت تقدم خطوات وهو صوتة يرجف واحس نظراتة غريبة بقيت واگفة بمكاني
وكف أكبالي كال بصيغة غريبة: -أني أحبج
: -شنووووو
: -أحبج شجن
: -شنو هالگلام عساف أنت رجال مزوج
: -ما أحبها لمسرة وحدة وكحة وصلفة من شفتج عرفت اني شگد أثول وماعرفت أختار والا اكو واحد عاقل يعوف بتة عمة ويزوج غريبة.
: -عموما هالحجي مو وكتة وانت متزوج وعندك أطفال ورجااااا أبتعد عني لان أني ما أشوفك غير أخ وأتمنى تكون نظرتك إلى هم بنفس الطريقة
جان لزم أيدي وحجة: -مااااكددددر والله ميتتت عليج
سحبت أيدي منه متنرفزة: -باع محفظة بابا ماكو ويلا روح عود خلي ماما تجي تاخذها
حجة راص سنونة: -كتلج أحبج
عطت بي بصوت عالي واني دا أطلع من الغرفة
: -اهووو شبيك دمشي لو أخابر أهلي
: -شجن أحبج تعرفين شنييي اااااحبج.
: -ماااااحبكك هي شنو كوة ماعندك كرامة أنت
: -اي كوووة غصباااا عنج تحبيني لو هم عاجبج عصام
: -شجابة بنص اعرفة يعرفني يعني اذا رفضتك لازم أحب غيرك شهل التفكير المابي خير
اجيت أطلع لزم أيدي ودفعني على الگاع فكيت عيوني من شفتة قفل باب الغرفة
أندارلي وأني ركضت بفزع اريد أفتح الباب لزمني من أيدي سحلني الحمام.
وهو يگول بحقد: -أحبج أني أحبج وماقبل واحد ياخذج مني ااااني مو ازاد الفاهي أخذو شمس منه لو تموتين ما طلعين للغيري
: -لككككك عساف عوووفني شجااااااك
دخلني للحمام سحل وهو يكتم صوتي بيدة
دفعني للحمام واندار يقفل الباب
شلت قنينة مال دهون أتصير ستيل رگعته براسة
لزم راسة وتيهه الباب
واني شردت للغرفة
ركضت على مبايلي وشمس صوتها مرعوبة وهي دكلي
: -شجن اشبببييج، وينننج
بعدني توني لزمتة وهو جرني من شعري عطت بصوت عالي.
: -شمسسسي لللحيكككلي، لججج شمسسسسسس
التفت عليه أضرب بي بدية بعشوائية
: -عووووفني عساااف لكك اااني عرضك ياااااحقيرر
عوفني
دفعني على الارضية يم جرباية وصار فوگي
وأني أدفع بي بگل قوتي بس بدون فايدة
جان أقوى مني ثبت أدية فوك راسي وهو يشم بركبتي وشعري بطريقة مقرفة
روحي طلعت واني مفرفحة
وأصرخ اريددد اي احد ييسمع صوتي يساعدني
بس، ماكووو جان حبل نجاتي متعلق
بشمس الجانت تسمع صوتي وأني أصرخ
ضربتة على وجهه.