رواية الرمق الأخير للكاتبة شمس العراقية الفصل العاشر
أومأت آله صديق ويآنآ
فيصل وليش هيج يبآوع بلت هآلعيون
نزلت وعيونه عليه آخر شيء أبتسم وهزلي أيده أطمئنيت ودخلت آلجآمعه بعدني آمشي سمعت صوت ورآي مو غريب عليه آلصوت أيمن!
أيمن شبيج خآيفه شآيفه وحش كدآمج!
آلطآف شتريد؟
هذآ رجلج آلي يوصلج!؟
آي
مو من رجآلج كبير عليج ومآ لآيك لشخصيتج!
كبير صغير مآ يخصك انت
أيمن آمشي بطريقك وخليني بطريقي آلحب مو أجبآر شوفلك وحده تستآهلك وتقدرهآ وتخآف بيهآ عن إذنك.
صآرت بوجهي ورده صبآح آلخير
ورده صبآح آلنور، تعرضلج مو!
عرفته يسوي حقآره قبل لآ يغآدر آلجآمعه
حقآرة شنو! مآ آله حق آني مآ آنطيته أمل
بس قله شخصيه يشوف نفسه بآآنسآنه مآ شآيفته عوفينآ منه من سآلفته تعآآي ندخل
آلمحآضره رآسي مصدع بس آريد آنآم
ورده خآف حآمل
آلطآف لآ مآ أعتقد آني من آضوج تطلع برآسي
دخلنآ آلمحآضره وخلصت بس آريد آشتم هوآ طلعنآ كعدنآ بآلحديقه رن آلتلفون آلمتصل قآدر!
عرفتهآ أختي ما جاوبتها خليت صآمت وبقيت أسولف ويه آلبنآت وعلمود أقسآم آلداخليه أغلبهن شجعني عليهآ لآن بعيده وآتعب هوآي وملل
ورده آلسنه آلتجي أقسآم أحسن آلج وك وآحنآ ويآج بس خآف عمتج وحموآتج مآ يقبلون وتصيرلج مشآكل!؟
مآ عليهن أصلآ مآ يدخلن نفسهن بدرآستي هو يقرر وبس هذآ آلشيء حلو عدهم كلمن بنفسه
حلو هيج شيء يآريت يبقون هيج لمآ تخلصين درآستج بدون تتدخلآت أحد.
آن شآء هدفِ آلوحيد حآليآً فقط أكمل درآستي وآتخرج ومستعده أحآرب آلدنيآ علمودهآ
خلص الدوام بقيت أنتظره تأخر هواي أخر أتصل
فيصل لطوف طلع عندي شغل تكدري ترجعين للبيت وحدج!
آلطآف وحدي وآنت شلون ترضآها على نفسك
وشنو يعني يلا فضيني اخذي تكسي وانطي العنوان ورجعي عندي شغل فوق رأسي حتى للبيت ما الحك ارجع اليوم!
سديته بوجهه وآخذت تكسي كبل للبيت أهلي وين أعرف عنوآن آلبيت آني كومه درآبين.
وصلت فرعنآ أتمشى وصآرت ذكريآتي كبآلي نآسي وهلي جآرآتي وآلمشغل وسوآلفنآ آلحلوه
طلعت ذهب بآب بيتهآ تغسل شآفتني وشهكت أجتني تركض طآيره من آلفرح
ذهب هلي كلهم آنتِ آوووف يمه فدوه لريحتج فدوه لطولج آلحلو بنيتي حملوهآ مسؤوليه أكبر منهآ شلعوآ كلبي قبل كلبج
آلطآف حيل حيل مشتآقتلج يآ ملح حيآتي آنتِ
حآضنتهآ وآبوس بيهآ ودخلنآ بيتنآ وشفت أبوي كآعد بآلحديقه وحده وبيده خبزه بآبآ.
شآفني برطم ونزلت دموعه رأسآآ ركضت لحضنه آبوس بي من آيديه من عيونه وكعت يم رجليه حآجيته مهضومه
ردت أكضي آلعمر أخدمك بويآ
حآتم آلبيت من بعدج طفئت شمعته محد بحآل أحد بس آني بحآل بنيتي آلحلوه
آلطآف بقيت يمه. وأسولف ويآه وآجت جديتي وكملت كعدتنآ ركضت صبتلي آلآكل وآكلت جوعآنه عبآلك صآر سنه مآ مأكله شحلو طعم آلآكل بيت أهلنآ
آلحجيه عطفه الف عافيات عيني انتِ
يمر الوقت بسرعه وياكم
حاتم خليج يمنا اليوم
ياريت والله.
حاتم اني إكول لاخوج مازن يحجي وياه بلكي يقبل تبقين يمنا
آلطآف آبوي مخنوك من دونِ لدرجه مآ بعد نظره عني ويرآقبني ويقرآ ملآمح وجهي خآف تعبآنه آو آحد غآثني!؟
حآتم مرتآحه بنيتي!؟
آلطآف آي آلحمدك
أثنآء كلآمنآ آجه مآزن بس سلم ودخل آلمطبخ
كمت غسلت وجديتي جآبتلي آلتلفون آلمتصل هو!؟
فيصل وين آنتِ لخآطر
آلطآف بيت أهلي
شنو شودآج آلهم مو كلتلج رجعي آلبيت أشوفج هم كمتي تعآندين.
مآ إندل آلبيت وخفت أرجع وحدي لهذا بيت أهلي أقرب اليه
ترجعين ونتفاهم وحسابج يمي!
أظن ما سويت شيء آني علمود تحاسبني؟
ولآ كلآم! بليل أجي أخذج؟
آلطآف قطع آلخط ما أهتميت رجعت يمهم ولا فتحت موضوع ابنه ما ادري فضلت السكوت!
آلحجيه عطفه شلونهم عيالچ وياج!؟
الحمدك زينين لا تشيلين همِ
شلون مآ أشيل همج على مكسورته سوآهآ بيج بعد كلبي مآ يرتآح آله.
غيرت الموضوع وحجينا على شغل مازن واهماله هالفتره ما دخلت نفسي بقيت انتظر ذهب راحت كالت أجيب البنات واجي اشويه ودخلوا يا فرحتي بيهن بقينا كاعدين سوا وسوينا عشه واني والبنات نفتر بالمطبخ وجديتي وسميه ينظفون خضروات ويحجون عاد اني كلت چده بعد لازم تزوجين مازن
الحجيه اي ياريت الله وايدج تحجين وياه والمره مو بعيده عنه موجوده حوالينا.
الطاف كالت وباوعت هديه ونعم ما اختيارتي چده واني هم بالي احجي وياه ان شاء
ذهب خآف يشلع كلبهآ أخوج مآ ينجرع
آلطآف قسمه هي كريم بآلبدآيه خل آحجي ويآه آذآ أقتنع لآن هو شآيل فكره آلزوآج حآليآ بعد مآ آدري
لليل تعشينه وهو مآ أجه عيني على التلفون هسه يجي دخل مازن اشرلي برأسه بس لا هو يوصلني
مازن جايتنا بدون علمه وك خووش هيج علمناج الاصول امشي حضري نفسج أخذج للبيت شفت يابا هذا نتيجه الدلال.
حاتم تروحون الها فدوه انت وياه
مازن اي دلل بيها بعد خل تطلع عينها بالزايد
الحجيه انت شبيك على خيتك تحجي من وره خشمك وياها خلي بكلبك محنه عليها
مازن مو تصرفاتها تجلط شلوون تجين ما تبلغينه بابا هذا رجلج ما يصير زين منه يوافق تكملين دراستج.
حاتم ورجله فوق رأسه تكمل دراستها والي يفكر مجرد فكره يبطلها امحي على وجه الارض لا تشوفني عاجز وما بيه بس آلسالفه من توصل لطوف اصير سيف.
مازن تسمعينه احجي شو انبلع لسانج ولج خيتي اني مو ضدج بس لمصلحتج احجي كون ينفع الكلام وياج.
آلطآف أبدآ مآ حجيت كمت حضرت شغلاتي ذهب جانت تغسل آلمواعين بس تسمع النا باوعتلي
ذهب ليش مستفقره ما جنتي هيج خليج قويه
الطاف ما اريد احجي خلي الحجي مدثر. حضنتها ديري بالج عليهم ما حاجه اوصيج بيهم
ذهب بعيوني وانتِ لا تبقين حآبسه الكلام داخلج ترى يطگ گلبج حبوبتي
آلطآف لآ تخآفين مع آلسلآمه.
طلعنآ للبيت بآلطريق حآجيته مآزن ليش مآ تتزوج!
مآزن مو هسه
بنت سميه تخبل عين عليهآآ هديه
لآزم تخبلت آخذ منهن بآبآ سكتي
ليش شبيهم وحدتهن آتكول للثآنيه كومي آني أحلى منج مآ بيهن قصور
آني أتزوج مو آنتِ وآختآر شريكه حيآتي بكيفي!
آلطآف سكتت بكلبي ليش لعد آني بس رددت تزوجني وبكيفك آنت، بقيت سآكته وصلنآ لكيته ينتظرنآ يم آلبآب ويفتر
مآزن نزلي مآ آلي خلك يكعد يحجي لآن آسآسآ آنتِ آلغلطآنه!؟
آلطآف نزلت سلمت عليه ما رد راح على مازن واني دخلت البيت بالطبخ كاعدات حاجتني عمتي
مديحه من الدوام لبيت أهلج والله خووش دلال
آلطآف عفوآ وين آلدلال بالموضوع!
أحلام كله على حل شعرج درآسه وزيآره ادري ماخذه رجال لو حائط بس لو اعرف اخوي شنو دوره بالحياة الزوجيه!؟
آلطآف توني ردت آحجي دخل هو جاوبها جواب اني فشلت من نفسي
فيصل بوس وحضن عندج مآنع!
آلطآف صعدي وآخذي ذآكر ويآج؟
آلطآف مآشي صعدت فوك غيرتله ورضعته ونام مرتاح واني هم تعطرت ورتبت نفسي وآلغرفه كذلك دخل هو وقفل آلبآب ورآه
فيصل تردين حسابج!
آلطآف سويت روحي غبيه ~
جاوبته حسآب شنو!؟
تقرب فتح شعري ويشم خصله خصله شالني شمرني بقوه على السرير همزين ابنه فرشتله بالكاع جان طار
رفعت أيدي بوجهه بس على كيفك لا تصير عنيف.
فيصل أحب اعيش كل التفاصيل وياج ما اريد انسى شيء اريد اتفنن بيج اريد انتج لوحه فنيه بلون بشرتج وقوه شخصيتج إلى يتزوج لو ياخذ لبوه لو لا يفكر يتزوج أساساً!؟
حنين ويقسى نفس الوقت يجرح ويطيب الخاطر خلاني امتزج وياه بكلامه بحركاته وبهيامه خلاني عجينه بيده وسقطت تحت ذراعهُ...
نايمه واباوع اله وابنه واقارن ماكو تشابه نهائياً أحتمال يشبه أمه كمت عليه سويتله ممه ورضعها بقه كاعد واني وياه خليته ونزلت تسبحت دخلت أحلام من بره شافتني أنصدمت اكثر من ما اني مصدومة طلعت حياة شافتنا اخذت ماي للشرب باوعت لااختها ودخلت وقفلت الباب على نفسها أحلام عبرت من يمي وكالت
أحلام شعندج هيج تباعين نزلي عينج لا اطلعها الج.!؟
آلطآف لآ بس مستغربه وين جنتي بهالليل وحدج واخوج يدري.
أحلام لا ادخلين نفسج بهيج مواضيع وحياتي خط أحمر خليچ بعيده اوك يالحنطيه!
آلطآف مشت وتمآيل بخصرهآ
لآ جريمه شايله أسم أحلام لأن أبداً مو راحه شعليه اني ادخل نفسي آنوب تطلعلي سآلفه ما ناقصه وجع رأس قررت أعيش لنفسي وبسس وابداً ما أهتم لهذا ولهذاك يعني أتخذت قانون التجاهل بعد ما اعرف شنو يصير بحياتي!
دخلت غرفتي كعدت أقرا وذاكر يمي يناغي ويلعب.
يحلو صوتك بقيت سهرانه أكمل دراستي لان قسمِ صعب وأحبه ان شاء أطلع من آلآوآئل
للفجر أذن توضئت وصليت وذآكر نآئم فرشت يمه ونمت حسيت بريحته بقربه فتحت عيوني حآضنِ نآيم ويآنآ
فيصل ليش نآيمه بعيده عني
آلطآف بقيت أدرس ونعست ونمت آهنآ لمني بحضنه وآني لميت أبنه بحضني ونمننآ سوه
مرور أشهر
آلطآف.
تأخر الوقت على دوامِ وهو واكف يصيح عليه لبست شالي عالسريع مثل المخلبه وذاكر يبجي وين أخلي وهنا ما يحجن وياي اوف منك فيصل!
أنزلته وياي حياة شافتني اخذت بنتها دخلت الغرفه
صحت وراه خلي يمج بس اليوم راح تخلص السنه.
حياة شافتني مربيه الچ وبعدين محد يستاهل ليش متعبه نفسج بتربيه طفل مو أبنج خل يذبه ميتم
احسن اله والج
حررام عليج شنو ذنبه وانتِ عمته هيج تحجين ينطيج کلبج انخلي ميتم.
کلشي وراد والدنيا ما عاد بيها واحد گلبه بي رحمه ضلت عليه وصدکِ يبقى يمج يتعذب لان ما تحنين عليه مثل امه تصيرين أم وتهملي وأبوه مو بحاله
خلتني أكل بلحمي لميته بحضني وهو يضحك بوجهي وين اوديك وابوك أكيد راح وخلاني امشي نشوفه طلعت بالحوش ما لكيته رايح وراح عليه الدوام. هاي صار يومين ما اروح
رجعت أتصلت عليه هااا فيصل وين آنت
فيصل طلعت روحه أل فيصل سآعه أنتظرج
غير أبنك وين أخلي آمك وأحلام رآيحآت للدوام.
آي وبعدين
مآ آدري! عفيه صآر يومين مآ رايحه هيه السنه راح تخلص بس هالشهر
الطاف أنسي جامعتج!
لا عفيه احنا ما اتفقنا هيج لا فدوه دراستي
لعد شلووون وذاكر
مآ آدري تجي ونتفآهم بهذآ آلموضوع قطع الخط صعدت لغرفتي نظفتها وغسلت ملابسنا ونزلت نظفت البيت وكملت الغده طلعت حياة جانت تسبح بنتها صحت عليها أكولج امج واختج شنو شلغهن!
حياة موظفات بدائره أمي مديره واختي موظفه عاديه ليش تسألين.
ليش حرام السؤال بس كلت شنو هذا الشغل المهم لدرجه طفل ما يتحملن وجوده ولا تربيته
ما مجبورات بي
انتن شنو من أهل جديته وعماته ما يحن گلبچن عليه
کلمن وملتهي محد فاضي وابوهُ موجود وانتِ بيج البرکه
أحس بيج طيبه بس تجبرين نفسج تكونين غير شخصيه
من رخصتج اروح امشط شعر بنتي.
ماشي براحتج أباوع عليه يلعب الهوا الله يرحم أمك ماتت وارتاحت بس العذاب وكع برأسك الله ينطيني عمر وقوه ما أخليك وما انطيك لاي احد أضمك بنص گلبي
تلفوني اصدر صوت باوعت رساله منه
فيصل لا تتنظرينِ ما أجي
الطاف ضجت تالي طلعت رقم ذهب واتصلت عليها ردت هلأ عيوني ونظرهن انتِ
ذهب طاگ کلبي عليج اريد أجيج بس ما اندل بيتكم وهذا رجلج ما اطيقه خاف موجود
تعالي علواه ماكو أحد بالبيت بس اني وذاكر
نسيت وکلت أسمه.
منو هذا ذاكر!
انتِ تكدرين تچين عليه
جاوبيني بالاول
أبن رجلي
عزا العزاچ ليش الحلو أرمل
اي أرمل تجين واحجيلج کلشي
دزيلي العنوان برساله واجي ونتفاهم من يمتة تضمين عليه هيج مواضيع لا والقهر لحد الان باقيه وياه
أنتظرج قطعت الخط ودزيتلها رساله عنوان بيتنا اخذته وكعدت بالحديقه أنتظرها تجينا
مر وقت واندك الباب والله أجت أجت كمزت بفرح فتحت الباب وحضنتها بكل قوتي ولج أضمج بروحي.
ذهب بنيتي الصغيرونه فدوه رحتلج هذا ذاكر!
الطاف باوع الها وضحك اي هو امشي ندخل البيت اخذي راحتج ماكو أحد بس اني وحماتي بغرفتها ما تطلع هي وبنتها!
ذهب ليش والده جديد
لا ولج بس هي هيج ما تحب تختلط عازله نفسها من يوم أجيت وشفتها كلامها تقطر
يمه حتى منطقتكم تخوووف أخر الدنيا قحط أماكن الا أهنا يسكنون وبعدين صاحب معرض سيارات وبيتهم قديم وتعبان توقعت بيت فخم.
َ غير حسب الامكانيه، امشي ذاكر جاع اريد اطعمه ونتغدا سوه، دخلنا المطبخ تغدينا سوه
ذهب شكثر نسوان يسألن عليج ويكولن خياطها تجنن هواي مدحن منج ومن شغلج هيجن المواجع
الطاف انتِ بيج البركه ما تقصرين دخلي البنات دوره تعليم خياطه علمود ما تتعبين وهم توفرين وقت للشغل
اي سميه تاخذهن وحده تعلمهن أشويه أحسن هديه الها واهس تخيط تشبهج شمرتها بالخياطه.
فدوه اي عفيه علميهن على شغلهن واي شيء تحتاجون بس كولي بالخدمه والله
ما تقصرين نريد سلامتج وراحه بالج اي تعالي احجيلي سالفه هالطفل شلون عرفتي وليش قبل لايخطبج ما كال
وره يومين أخته جابته وحجتلي كلشي وهو ابنه وعمره 6 أشهر واخذته وسكتت
ليش ما زعلتي لاهلج واطلكه وانعل والدي تربين جهال غيرج وانتِ دراستج ما عندج وقت الها.
لا خطيه هو شنو ذنبه کلبي ما أنطاني وحتى لو زعلت شنو يفيد مازن واعرفه يرجعني غصب عني بس اسويلي سالفه على خالي بلاش ومصيري ارجع
والله عمي وين أكو مثل عقلج فعلاً كلامج سندج ضعيفٌ وابوج مريض واخوج واكف ضدج ما عندج حل ثاني ما ينسى تعبج وتربيتج لهل الطفل
بس آلي محيرني أهله مآ يردونه من آروح آلدوآم وحده تذبه ع الثانيه خطيه واكع بين الرجلين
حقيرات خوما يحقرن وياج هم
لا ما يكدرن يخافن من فيصل.
فيصل شلونه وياج؟ يعني عليج مرتآحه!
اي يعني مرات زين ومرات يلا يحب يتحكم بيه
ما ادري شو أحس ما مرتاحه! الطاف حياتج مدري شلونها ما اعرف احسها مو طبيعيه
تعودت عليها صدكِ ماكو شيء حياة طبيعيه شبيج خوافه شکو يعني
ذهب ماشي حبيبه الله يسعدج اي شيء تحتاجينه بس أتصلي أجيج طياره وهسه لازم اروح تأخرت
الطاف تمام على راحتج طلعت وصلتها ورجعت لكيت حياة تتغدا هي وبنتها
حياة صديقتج جانت يمج!؟
الطاف اي هسه راحت هسه يجن علمود اشيل الاكل
حياة لا تعبين نفسج يأگلن بالدوام شيلي أصلا بغيابج وبوجودج محد يأكل بالبيت اغلبهم برى
الطاف تمام شلته وطلعت جزر وشچر وبطاطا قطعتهم وسلكتهم وهرستهم ناعم واخذت ذاكر وصعدت لغرفتي اطعمه تقريبا صار عمره 8 اشهر كبر ما شاء وكلشي يأكل حتى قليل يرضع حليب.
لليل اني ما نزلت ذاكر شبعان ونايم واني ما جوعانه بقيت أدرس والكهرباء طفت الطابق الثاني يصرع کمت قفلت غرفتي تمددت بفراشي ذاكر بحضني
صآرت سآعه 12 ونص وهو مآكو!
تآلي نزلت مشغلآت التلفزيون وكآعدآت بس حياه مو وياهن سلمت عليهن وردن أكول عمه فيصل يمته يجي تأخر هوايه
مديحه عنده شغل هو يچي تتصلي عليه وشوفي.
الطاف ماشي أباوع الاجواء حلوه الكرزات والعصائر کلها بطاله كزاز وفواكهه انواع هي وبنتها وتگلب بالريمونت بقيت صافنه فززتني أحلآم
أحلام شبيچ صافنه! اذا عاجبج تعالي سهري ويانا لما يجي فيصل شكوو كاعده بهل الغرفة وحدج
مديحه لاااا توته خليها رجعي لغرفتج يم الولد وفيصل هسه اني اتصل عليه
آلطآف عفتهن رجعت لغرفتي، هي صحيح أسمها أحلام بس ما يصحون الها أسمها كله توته!
تمددت بقيت انتظره صارت بالوحده أتصلت ما يجاوب وينك لحد الان خل أنام وراي دوام باجر
صباحاً
صحيت على المنبه وفراشه فارغ ما رجع لحد الان يعني نام برة البيت كمت غسلت البيت هادئ صعدت لغرفتي وسمعت خطواته عالدرج هسه يلا أجه
دخل الغرفه گوه يمشي ساند نفسه على الحائط استغربت هذا شبي تقربت عليه فيصل شبيك شنو دايخ وبعدين وين جنت! جاوبني لسانه خدران گوه يطلع الكلام منه!
فيصل مآ عليج بيه خليج بعيده عني لطوووفتي شووو آبتعدي مني
آلطآف من يحجي ريحه مو طيبه تطلع من حلگه لعبت روحي سديت خشمي جاوبته ليش ريحتك مو طيبه فيصل شبيك، ما جاوبني ذب نفسه ع السرير ونام رحت غطيته وبدلت ملابسي شلت ذاكر ونزلت
لكيت حياة كاعده حجيت الها عن تصرفاته بقت صافنه هااا شبيج يعني معقوله مريض!
حياة يعني انتِ ما تعرفين شبي
الطاف لا لعد ليش أسالچ!؟
حياة هاا احتمال مريض عوفي روحي لدوامج خلي ذاكر يمي.
الطاف شعجب اليوم وافقتي تخلينه يمج
حياة لان ادري عندج امتحانات، روحي ويآج
آلطآف مآشي طلعت لوحدي للشآرع أدور سيآره وآبآوع آلوقت هم آتآخر وهم آلبآرحه مآ رحت
وكفتلي سيآره آنطيته أسم آلجآمعه وتوكلنآ وآلسنه آلتجي أقسآم وآخلص طلعت روحي.
وصلت گبل دخلت المحاضره وأستلمت رزاله معدله من الأستاذ وغلست مو جديده عليه أبداً ما ارتاحيت كله دراسه بدراسه اخر شيء تعبت وجعت رحت أكلت وكعدت ويه البنات نسولف واتصل تلفوني قادر! ما جاوبته رجع اتصل اكثر من مره أيضاّ ما جاوبته، دز رساله
قادر اريد احجي وياج ضروري!
جاوبته نعم شتريد!؟ أجاني صوته تعبان
قادر أختج مريضه وتعبانه مو راضيه تروح دكتور
ليش شبيهآ!؟
وصلت لدرجه تغار من أختي! أختج تعبتني مريضه نفسياً اريد اخذهاا دكتور ما تقتنع ولا ترضى
منو وصلها لهل المرحله من مرض! لا تسكت انت اي انت سبب مرض اختي أكيد ما شافت حب واحتواء منك وشافت خيانات منك وتغاااار وزرعت الشك بگلبهااا
ليش اختج تخلي أحد يحبها بشكها وقله ثقتها بنفسها ومنو گال ألج أخوانها ليش هي تغيب عن بالي.
كل إلى صار وياها انت سببه اختي سابقاً جانت تعنف لدرجه تعذيب الحيوان ارحم منها لا عبالك اني وياها ما نحجي بس ما غافله عن بالي
عوفينه من هذا الموضوع رجاءاً لأن أختج أحبها والله ما أريد أخسرها أفهميني ألطاف أريدج تساعديني ام فاطمه ما اريد اخسرهاا صدكيني أحبها الها وما احب غيرها.
خليك صادق ويه نفسك وياها وانت تعرف علاجها وتعرف تقنعها اني ما أكدر اساعدك بالعكس أعگر الامور عليك وصدك أختي مو مريضه فقط محتاجه شخص يفهمها وهسه عن أذنك
قطعت الخط ضجت حيل وكتمت قهرتها بگلبي شبيدي عليج واساعدج ظلمتي نفسج وظلمتيني خليتني أعاند نفسي واوافق اول قسمه أجتني والغموض بيها يقرأ الف!؟
شلت جنطتي وطلعت بعد ما خلص الدوام اتمشيت واخذت تكسي وطلعت ابداً جنت ما أخاف جنت كل ما يتمآلكني شعور الخوف أقرا سوره الکرسي واطمئن أباوع الطريق إلى أچيت منه خاف انخطف!
لان مكانهن بعيد
بعد مسافه قطعتها طويله بين الجامعه ومنطقتنا وصلت لكيتهن غاسلآت ومنظفات والغده ع الطباخ وذاكر يلعب اليوم صدك أكو روح بالبيت لكيت حياة تخبط لبن الله يساعدج
حياة هلأ بيچ
آلطآف شنو فيصل لحد الان نايم!؟
لا بالحمام.
تمام عفتها صعدت غرفتي فتحت الباب ريحه تذبح ابداً مو طيبه بطاله اثنين گزاز مشمرات عالميز تقربت عليهن شنو هذا عصير فتحته شميته ريحته ادوخ شنو من عصير هذا عفتهن لملمت الهوسه طلعت الفراش السرير كلها نشرته عالسطح وعطرت الغرفه توني لزمت البطاله دخل هو رمقني بنظره اجه. ركض اخذهن مني
فيصل انتِ شوكت جيتي!؟
آلطآف هسه أجيت وبعدين شنو هذآ ريحته مو طيبه أكو وآحد يشرب هيج عصير ليكون هذا الصخام أحجي صخم شبيك أجتك الجمده!
فيصل أي هذآ!