رواية الرمق الأخير للكاتبة شمس العراقية الفصل الحادي عشر
فيصل
هذآ عصير أوصي عليه من آلخارج خوش نوعيه
الطاف عرفته السم وسويت روحي غبيه أريده أشوفه وين يوصل
وجاوبته: - شعجب بالعراق ما موجود وشنو فوائده هذا العصير توصي عليه من الخارررچ!
هااا يسوي طاقه شو جيبي شعليج بهاي السوالف
أستغبيت أكثر
لحظه لحظه خل اقراها الكتابه ابو الطاااقه ترى مو غبيه اني چره من ايدي
شمعرفچ بي كله انكليزي.
لا اني أعرف شنو نسيت ادرس انكليزي جريته منه وقريته وانصدمت كحووول فيصل تشرب كحول!
فيصل لا عرگ ليش هو نفس گحول
الطاف فيصل ترى مو غبيه
لا واضح مو غبيه دارسه واصله!
وأنت تشرب من آلمحرمات وك منعهن وتتقربلي آنت شنو من بشر آني بيآ مستنقع! صم حلكي بقوه وكتم أنفآسي
صوتج مآ يعلى فآهمه لو لآآآآ
طلگني، مستحيل أبقى وياك اني إنسانه أخاف ربي ما أكدر اعيش وياك وانت تشرب السم هذا.
من هاي االغرفه للگبر مالتج حسج نفسج أسمعلج صوت اشرب واتسممم أضر نفسي ما أضرج
بالجنهم تاخذك وتخلصني منك دا أكولك ما استحمل آعيش ويآك بغرفه وحده طلعني منه
آلمكآن كله وسآخه وريحه آلسم مآلتك وآني آلغبيه عبآلي رجال زين طلعت مليان قذاره
ھَہھَہھ أصلآ أچن بيج من تكونين غبيه يلا ما صار شيء وانسي كلشي وعد ما أشرب اهنا واغثج.
دفعته بقوه طلعت تلفوني أخابر أخويه يجي ياخذني وهو كعد بهدوء ع السرير.
فيصل بس تروحين ذاكر أشمره بالميتم
أبنك مو أبني اذا گلبك أنطاك تشمر روحك أبنك هذا أشمره ما يهمني إلى يهمني اطلع منا
تغيرت ملامح وجهه عصر ايده بقوه الا برزت شريانه بسرعه خاطفه كمز واخذ التلفون مني
يعني ما يهمج أمر ذاكر
كلتلك أبنك مو أبني
جنيتي على نفسج.
طلع وقفل الباب عليه أفتح الباب فيصل حياة فدوه فتحي الباب بقيت ادك بالباب ماكو نتيجه مليت وعجزت وصارت الدنيا لليل وصوت ذاكر بنص روحي طگ من الصريخ محد يسكته لو يشمرك ميتم اشرفلك من أبوك يشرب عرك وسكير وما مهتم الك ولا مره شفته حضنه او بوسه مجرد أب بالاسم!
للصبح طلعت الشمس وهدوء قاتل باوعت الشباك بينا وبين السطح زين أكدر اطلع منا وانهزم!
لبست ملابسي واخذت كل كتبي وشغلاتي تخص دراستي فقط حتى الجنسيه فتحت الشباك باوعت السطح بس ستاره ماكو درج والسطح عالي بس اكو طريقه وحده من الستاره البيت على مضله المطبخ اشمر نفسي وبعدها أگدر انزل...
بقيت واكفه كل اشوي اهون اوصل اريد اذب روحي وارجع الغرفه، اتخبل من اذكر كلام ابوي عن إلى يشربون وشلون الله حرمه لعبت روحي خلصي نفسج الطاف وين تصفى خل تصفى.
استغفرت ربي خفت أشمر نفسي وهي الشمره خفت أموت تمالكت نفسي ومديت روحي بالقوه وصعدت الستاره وشمرت نفسي ع المظله خررب اصدرت صوت فضيع واحس جسمي تملخ تكسرت عظامي
بقيت ساكنه خفت كعدوا عالصوت خليت أذني ماكو صوت حتى ذاكر أختفى صوته اكيد تعب ونام اوف
رجعت اباوع المسافه يعني اذا اوكع هم اتأذى اويلي لازمت جنطتي بقوه وشمرتها قبلي وراها شمرت روحي شاغت من الوكعه تزلعت ايديه طاح حظي.
انگلبت قرد اليوم، زحفت ع كيف ناحيه الباب همزين ما مقفول بس سيم جريته انفتح، باوعت الشارع فارغ مشيت خطوات بطيئيه اقيس النفس بالاول بعدين اركض يعبود
وصلت الشارع العام ما بالي اي فكره انهزمت وانهزمت ولا خليت بالي كلشي غير اخلص روحي منا وادفنها بحضن أبوي...
اخذت تكسي وطلعت لبيتنا!؟
وصلت بيتنا دگيت الباب مرتين واصابعي توجعني جسمي كله يون من الوكعه أنفتح الباب صارت بوجهي جديتي وشهكت لان رأسا انتقلت عيونها على ايدي صارت زرگه يمكن انكسرت!
الحجيه ولج شبيج تعالي بنيتي يمه سوده بوجهي عرفته هالمسودن يضربج اجعل ايده الكسر اي وك
وين أبوي أشرتلي على غرفته مآ أكدر آوصفلكم شعوري بهذيج آللحظه بنت مآ عدهآ بآلدنيآ بس أبوهآ وشمرت نفسهآ بحضنه آلله يعين كلبي بس.
حاتم خليج قويه وما يكون الا خاطرج طيب مستحيل أخليج يمه ارجعج يمي بنيتي الطاهره ما اخليها يم الوسخين ما يعرفون
بآبآ من يوم تزوجنآ هو مآ يصلي كل مآ أسأله يكولي بآجر لو يجذب آخر شيء كمت مآ آلح عليه، كلت هو يصلي لنفسه بس من توصل السالفه يشرب السم واني وياه مستحيل ابقى وياه ونگر عنده طفل من زوجته يابه مرته متوفيه يعني ارمل
تغيرت ملامح وجهه وبقوا يباعون اليه شبيكم!
حاتم وانت من يمتى تعرفين عنده ولد وضام علينا
ثالث يوم كلتها ودنگت راسي
ضيعتي حقج انتِ لو من هذاك اليوم چايه جان انتِ هسه مو ع ذمته
بابا طفل شنو ذنبه کلبي ما انطاني وبعدين هو ما مهتم اله اتصور يذبه ميتم عادي عنده
يصير خير بنيتي، كومي ارتاحي وانتبهي لدراستج زين وما عليج بالباقي تهون.
آلطآف مآشي بآبآ كمت لغرفتي وكعت ع وجهي اجوني ركض رجليه وايديه كل جسمي يوجعني جديتي لبست عباءتها وابوي جاب سياره طلعنا للمستشفى
الدكتوره فحصتني وبقت تفتر هي والممرضه هزت رأسها مو مرتضيه
الدكتورة ماما انتِ منين شامره نفسج عندج رضوض بجسمج احتمال عندج كسر باايدج لان زرگه سويلي أشعه ونشوف
ذهب لآ ينطي آمشي آسويلج آلآشعه هسه تطلعين متكسره وكآعده.
آلطآف خطيه مآ قصرت ويآي تمشي سويت الاشعه واخذنها للدكتوره فعلاً طلع عندي كسر لان وجع دمرني شدوها اليه برقبتي ورجليه كذلك لفوهن متت شاغت روحي وجع ما ينوصف دمرت روحي من شمرتها من فوك عزا چاان متت...
ذهب علمود تعرفين قيمه روحج ما تسوين إلى سويتي اليوم لو ميته ليش هو يهم أصلاً عادي عنده
حاتم شسويت بيج بنيتي كله مني آني آلسبب
آلطآف لا فدوه رحتلك لا تذب اللوم عليك الحمدك قسمتي هيج.
طلعنآ للبيت ذهب فرشتلي ونمت واخذت علاجات لا تروحين فدوه
ذهب لا حبوبتي وين اروح باقيه يمج ليش أگدر اروح واخليج ربطتي ايده ورجليه
الحجيه تنكسر ايديه هالثور خل يچي مازن ونتفاهم اذا نخليج ع ذمته الحقير
الطاف ذهب هزت رأسها تعرف مازن مو صاحب حق واني متوقعته يوكف ضدي ويوضع أعذار
للمغرب يلا أچه شافني ما سلم ولا سأل ع حالتي.
مازن أكو حرمه عاقله والدراسه تسوي إلى سويتي اليوم وشنو أستفاديتي أكثر من اذيتي روحج ما نفعتيها
الطاف ما أكدر أعيش وياه يشرب وعنده ولد واني دراستي تعبت وياه للجامعه ما يوديني الاغلب الاوقات اني اروح وحدي وارجع وحدي تراضاها انت
مازن بس أول تالي انتِ الغلطانه رگبتي الحق عليج من أنهزمتي وضيعتي حقج عيب بابا مره تنهزم من بيت رجلها لو يكطعها هم ما تنهزم تكعد لما ربج يفرجهاا.
انت ليش مو تعرف الحق اني أختك معقوله توكف ضدي وهو رجال غريب عنك
مو ضدج بس السالفه بالمعقول خابرني عقل ما باقي برأسه اخر شيء گال خليها ترتاح يمكم هي نفسيتها تعبانه
يكذب كلشي ما بيها نفسيتي والله
بس خلصوني منه مستحيل ارجعله مازن حباب طلگني منه ما اريده بعد شنو قابل اول وحده اطلگ
الطلاگ مو حل ورچلج يريدج ومشتريتج
هسه ابقي اهنا وارتاحي فتره عود نتفاهم
مو مال كلام هسه وحالتج تعبانه تنحل
كريم.
آلطآف راح خلاني اكل بلحمي هذا عديم أحساس كلهم نفس بعض محد بكول لبني حامض هفف
أيام بقيت بغرفتي وذهب ما قصرت وحددوا موعد الامتحانات وكمت اروح امتحن واجي وذهب ومازن وياي وخلصت السنه الدراسيه ع خير
اليوم طلعت النتائج ناحجه تمنيت اطلع من الاوائل بس ما حالفني الحظ بسبب ظروفي بعد آليه سنتين واتخرج وان شاء أتعين وآخلص
دخل مازن باوع اليه جاوبته
بعدني مصممه على قراري مستحيل أرجع.
مآزن آلرجآل اعترف بغلطه ويريدج ترجعين
ليش تهجمين بيتج!؟
اهجم بيتي! غير آلطلآك مآ عندي!
لا اله الا الله أستهدي بالرحمكن وشيلي
موضوع آلطلآك من بآلج
يآ أخي آنت ليش هيج آني آختك مو عدوتك
لآ تصف ويآه عليه حرآم عليك
آلطآف مآ عدنآ مررره تتطلك هآي تريجيه
وخليهآ بآآذنج
ليش شبيها واذا تطلگت زواج فاشل وما ينجح
خل ننفصل وكلمن يروح بطريقه
طلاك ماكو وابقي اهنا لما يلين رأسج
انتِ تردين الطلاك واختج هم شصايرلجن.
طيبه تريد تتطلك
اي ما متفاهمين يوميه معارك هو وياها
مخابيل مو نسوان فضحتنا وعلي
الطاف عافني وراح تذكرت كلام قادر!
اكيد تعاركوا بدال ما يوكف وياها ويقنعها
يطلگها صدك رجال بس بالاسم يستنكفون
يوكفون ويه مره مثل العندي تمنيته مره
وحده يوكف وياي يعني مصيري ارجعله
لبست صايتي وايدي تأذيني رحت لبيت ذهب
لكيتهن كاعدات بالحوش مسويات لمه حلوه
ذهب الف هلأ توه شعشع المكان، شلونج
زينه مشتاقه لأأيام الخياطه ولمه البنات.
سميه واقع حال ماكو حال يبقى حاله
اي وك آم هديه تكدرين تحجين ويه مازن!
سميه بعيوني تأمرين انتِ
ما يأمر عليج عدو بس اريد انفصل من رجلي
ذهب رجاجه ه ترج عظامه رج ليش هم ينحسب عليهم خيه مو کل رجال مشورب ينعد زلمه
اصلا هذا مو زلمتچ
بس اخ من الوكت الطايح حظه ودايحه أمه شلون لعب بينا فلگ خله مازن ابو طول شبر ونص يتنبص علينا
سميه ترى ما بيدنا شيء الكلمه الاولى والاخيره بيد الزلم بس نهوبز ونخبص نفسنا.
ذهب وليش عشتوا لا تخلين لساني الحلو يغرد عليهم اطلع بيهم والعب بيهم فلك لا تزعلين لطوف بس ابوج موقفه ضعيف ما يحل رجل دجاجه
الطاف أدري هو وياي بس من يحجي مازن يسكت اوادم كبار راحت هيبتهم ويه الكبر مع الاسف وك
وهسه سآعدني فدوه
آذآ آرجع هل آلمره كل كرآمه مآ عندي
سميه وك خيه آلصوج لآخوج هو مآ خلآلج كرآمه.
ذهب خاف اشغل كونان إلى برأسي وافلش الجبهه
الطاف استري عليه غنج
يعني اذا حجيت وياه.
وبينت گرهي اله وحقدي عليه
توقعين بعد ما يريدني ويطلک
سميه لا خيه هذا مو حل راح يعاند بيج
ذهب عوفي وابقي بيت ابوج...
خوما يردون ياخذوج سحل
الطاف ما ادري وين تصفى
سمعت صوت مازن يصيح أسمي
من رخصتجن اكوم اروح
طلعت ذهب اجت وراي، خير شغلتي كونان برأسج شنو بالچ!؟
ذهب ادور رقم محاميه حتى لو محامي ونسأله
احسن ما نبقى نتصفن واخوج شمدري طشت لو رشت خليها عليه باجر.
الطاف فدوه رحتلج انتظرج بوستها وطلعت لكيته يفتر بالحوش كلب عيونه عليه
مازن هم زعلانه وهم ما تعرفين تكعدين
الطاف ما رايحه يم غريب حسبه أهلي
الطاف الناس ما ترحم لا تجيبن العين علينا ويبقون يعلجون بلحمنا ناويات تجلطني انتن!
کلام الناس لو بي منفعه چان ماكو مشاكل بالكون
عفته رجعت لغرفتي فتحت تلفوني كومه متصل
اخر شيء داز رساله
فيصل مشتاقلج حيل
توني ردت اقفله أتصل رفضته ورجع اتصل اخر شيء جاوبته: - شتريد.
فيصل آريدج وبس كلشي مآ آريد!
سکران أنتَ؟
لا بس سکران بيج ما حنيتي النا اريدج يمي
ليش ما اطلک وتفضنا اني مستحيل ارجع
نجوم السمآ أقربلچ طلاک ماكو!
ولو لعبتوا بذيلکم وطلكتوا اخطفج!
شنو تحجي انت اكيد سكران
بلا عناد ومکابره رجعي وفضيني لو اني بنفسي اجي اخذج من بين أهلج والرجال يفک حلگه ويمنعني امس حلالي! هااا اشوف انبلع لسانج
قطعت الخط وقفلت التلفون أحتاريت أكثر من اني محتاره هذا قافل عليه شسوي!؟
مر وقت وآني بغرفتي واسمع صوته بالحوش وشلون اخويه
يستقبله سوآهآ وأجه
كمت أكل بروحي أكل
انفتح الباب مازن!
مازن رجلج آجه ويريد يحجي وياج
ماشي مشيت وراه لكيته صافن شافني وابتسم يعني معقوله يحبني ومتندم يآخذه!
مازن اني أترخص منكم أخليكم راحتکم
كعدت رفعت رأسي بشموخ وكلتله
خليتك تجيني وبرجلك وانتَ الممنون
فصيل شلون ويه لسانج...
هسه شنو آلمطلوب!
اذا أفگر ارجع عندي شروط؟
أمري شنو شروطج؟
آولهن تترك آلسم مآلتك؟
وآقسآم دآخليه آلسنه آلتجي
ومآ آريد أطفآل
اخر شيء ما فهمت؟ قصدج أبني
لا مو أبنك، ما اريد اخلف منك
ليش يابه شبينا!
أكمل دراستي شنو نسيت بعد لي سنتين
مآشي تدللين
شلون آخذ منك كلآم الصدق
وآضمن مآ راح تخلف الشروط
وعد ومن هل الشارب وما يكون الا خاطرج مرتضي
وبعد عندي شرط نسيته هسه تذكرت؟
الطاف اذكريهن مره وحده مو جاهل كدامج
لعد ما أرجع أكوم اروح لغرفتي اتمدد احسن
رأسا نهض لازم أيدي يمنعني
مشتاقلج ليش العذاب كافي عاد.
توافق على الشروط
كولي العندج وتدللين
تجيب حبوب مانع حمل!
تغيرت ملامح وجهه هاا شكلت؟
شمعرفج بحبوب المانع وانتِ ما صار الج اشهر من تزوجتي؟
أهنا مشكلتك
ماشي وبعد
أمك واخواتك ما الهن دخل بيه وبدراستي
ماشي وبعد
أبتسمت أبتسامه مزيفه،
ماكو غير سلامتك
يبعد هلي كلهم أمشي جهزي نفسج نروح
ان شاء ما تخيب ظنِ بيك
عيوني الچ شعندي بدنيتي غير لطوف
ٍ عفته فرحان رحت لغرفه ابوي باوعلي وهز رأسه دنگت بوسةً ايديه.
بابا اني رايحه ادعيلي لان الظاهر لو أني لو هو وانتوا موقفكم ضعيف كسرتوني يا بويا
اووف شلون مآ آدعيلج آنتِ روحي
أتحملي وصبري ودائماً خليج قويه ولا تضعفين
ان شاء
طلعت من يمه وجهزت نفسي ودعتهم وطلعنآ للبيت
بالطريق رن التلفون المتصل قادر!
فيصل منو يتصل؟ جاوبي ثولنا
الطاف اي بعدين مو مهم خليته صامت، وبعد طريق طويل وصلنا
فيصل نزلي اني أروح السوك.
الطاف ماشي نزلت وهو راح فتحت الباب حياة جانت تغسل الحوش وذاكر بالحجله شافني وكام يضحك ويكمز يمه فدوه ركضت ابوس بي شلته افيش مشتاقلك ولك
حياة لعد شلون أنطاچ گلبج تعوفينه توقعتج قويه وما يهزج ريح
ٍ أخوج تصرفاته تجلط...
تتعودين ونفس الوقت تكدرين تغيرينه وتخلينه أنسان زين
من رخصتج عفتها رحت لغرفتي هوسه والكنتور مكسور وملابسي مشمره عزا هذا شمسوي بالغرفه شگد خبل أبوك.
شميت ملابسه ريحته مو طيبه رفعت فانيلته رقبته كلها وسخ فضيع الا لحم ملتصق ويه بعض
نزعته بسرعه جسمه وسخ رچليه سود صايرات
بقيت صافنه عليه كسر خاطري ولاحظت دوده تنزل رقبته شفتها گمل (قمل)! عزا مو لهل الدرجه
كمت أكلب بشعراته مليان يمه سوده بوجهي يربي طفل شنو ذنبه شگد ما عدجن رحمه عليه
خليته بحضني انظف شعره وهو يحگ هسه حبيبي انت أسبحك وترتاح وانومك يمي وعد ما أعوفك أهلك ظلام وابوك عديم أحساس...
دزيتله رساله أبنك رأسه گله قمل چيب وياك شامبوا لا تنسى
فيصل ماشي
الطاف بقينا ننتظره أچه خزرته انت شنو من أب أبنك مأكله الوسخ يعني ما تشوفه ما تنومه بحضنك وما شميت ريحته مو طيبه
فيصل الطاف شسويله آني حجيت مره مرتين سبحنا مره اني سبحته وتمرض
خطيه عليك مسوي عليه فضل
الله عليك هذا ما عنده خوال يسألون عنه
اي عنده بس ما يردوا
ما تكولي الطفل شمسوي وهيج محد يتقبله
فضينآ عآد وهآج آلشآمبوآ!؟
آخذته منه ونزلت لكيتهن كاعدات ما سلمت لان احتركت حرك ذاكر سبحته الطفل نشنش وفرحان بالماي يمشر ويضحك بقيت مكابتله وكاعده والعب وياه لحد ما شبع لعب ونظف بدلته وصعدنا فوك وابوه نفس كعدته ويباوع للغرفه
ليش هيج كالبهاا ومكسر الكنتور؟
أنقهرت منج ما عندي حظ بالنسوان
ليش قبلي كم وحده
عشيره
صدك! لعد وينهن آلعشيره
كلتلج مآ عندي حظ بآلنسوآن
غير انتَ مو أدامي! كلتها متقصده گلب وجهه
لسآنج تآلي ويآه
خلص سگتت سگتت.
-يمتى تخلصين
ليش شعندك
جوعآن نزلي سويلنآ لكمه أگل من أيدج ميت جوع
بالأول خل أنوم ذاكر والم هاي الهوسه وانظفها تلعب الروح ادري شلون تنام بيها وهي هيج وسخه
ما انام أهنا أنام بالاستقبال
الطاف عفته ويه أبنه وبلشت تعزيل وغسل وعطرت للغرفه وسويت اكل وتعشينا وغسلت المواعين نظفت البيت گله واخر شيء صليت وكعدت انوم ذاكر دخل هو باوع المصلايه
فيصل مو صليتي عشه انتِ هاي صلاة شنو أنوب.
الطاف صلاة الوتر فيصل ليش ما تصلي وك ترتآح وبعدين آلصلآة خط وصل بينآ وبين رب آلعآلمين...
مآ آلي وآهس لآ تلحين ويآي يلآ نومي وتعالي
الا تصلي
ما أصلي شعليچ انتِ بيه
گلبي ما ينطيني تتقربلي وانتَ ما تصلي وترضي
آهووو يآ سآلفه مآ تخلص آروح آنطمر وآخلص منج ومن لسآنج يطفر سم
هآي تآليتهآ آنصحك بآلصلآة أطفر سم
عافنا وطلع مر هذا الليل وحدي اني وأبنه فرحت لان ما أجه.
ما أعرف شعور داخلي خاف أصير حامل أنتظره يجيبلي الحبوب
لثاني يوم الظهر واحنا نايمين صحيت شلته ونزلت باوعت الاستقبال ماكو حتى فراشه ما موجود وينه أبوك
فيصل موجود بالمطبخ يسوي وجع لبطنه
ضحكت من گل گلبي حتى ذاكر يضحك وياي تخصرت وكفت يم الباب مقابله صباحوا
صبح عليج غراب البين
َ ليش
كيفي
زعلان منا
لا
تقربت عليه اريد مصلحتك اني
لا تلحين عليه
تمام راحتك شاورته ممنوع تتقربلي قبل لا تجيب الحبوب فاهم!
مو اليوم ما طالع هسه
تمام شايله ذاكر وافتر بالحديقه وهو يسوي أكل لروحه
الحلوات أمه واخواته نايمات المسعدات
بصياااح كال أسمي!
فيصل الطاآآآآف تعالي سويلنآ سم مو وضعيه هآي
آلطآف أي أجيت دخلت آلمطبخ جهزتله الاكل أكلنا سوه
وأجت أحلام (توته) وامه كاشخات استمريت أكمل أگلي
مديحه ما نعجب حظرتج تچين تسلمين وتكعدين ويانا فوك گواةّ عينج
الطاف بقيت ساكته بس أعصابي
أحلام عوفيها الا ينكسر خشمها يلا تعرف ناسها.
الطاف. ما عاشش ولا صآر يكسر خشمي
سگتن ومشن بس القهر كل هذا الكلام وهو ساكت ضربت الميز بقوه وهو ضربني راچداي الا وكعت بالكاع
فيصل اذا ما تعرفين الاحترام اني أعلمه الچ
أخذي الولد وانگبري من كدامي يلاااا
سندت نفسي رفعت راسي وجاوبته بكل شموخ
هذا إلى كدرت عليه تضرب مره صم حلكي بيده أثنين واخذني چر لطابق الثاني وأبنه وحده بالمطبخ...
فيصل أعلمچ أكدر عليه شلون.
الطاف قفل الغرفه وضربني وأذاني بس دافعت عن نفسي كل ما ارفع أيدي عليه أتأذئ أكثر
عافني حد ما تعب من الضرب
فيصل اذا ما تصيرين أدامي وتعرفين تحجين اقضي عليج اموتج وأكول ضربتها سياره فاهمه
من الخوف جاوبته: - ماااشي فهمت فهمت
رچليچ أكسرها تطلعين من دون علمي حدج تكملين شغلج وتنكبرين بغرفتج ومشاكل ما اريد.
بس أهز رأسي شمر الحزام مالته وكعد أخذ نفس سمعت صوت صريخ ذاكر رغم الوجع والضرب شفته من أبوه ركضت بكل ما أملك من بقايا طاقتي اتعثر الدرج بس اريد اوصل اله
وصلت المطبخ وشفته وانصدمت بي!
ساحب المرگه عليه وجهه صاير أحمر يمه بس لا تشوه وجهك عزا العزاني ولك فيصل الحك ابنك التفت أبوه وراي!
فصيل شلت خطيته اني
الطاف شدعي عليك يا ظالم أمشي أتحرك نأخذه للمستشفى الولد فحطت روحه من البجي تحرررك.
شلته وغيرت ملابسه وافتر بي اريد يسكت باوعت وجهه ززين بس طفار المرگه بس ايده حمره حيل توجعت وانقهرت عليه هذا إلى ما عنده أم يديح وراها والدنيا تلعب بي فلك...
أجه ابوه وطلعنا للمستشفى الطريق گله ينافخ والولد من كثر ما بچه غفه بحضني وفيصل يباوعله بحزن مسح رأسه، جاوبته: - عليك تحبه
فيصل آي وآلله هذآ روحي من دنيآ.
آلطآف سكتنآ وصلنآ آلمستشفى أخذوا من عدنا وكعدنآ ننتظر باوعلي وركز شكلي وايدي لحد الان من الوكعه توجعني تقرب لازمها ب حنيه!
فيصل أني أسف.