رواية الرمق الأخير للكاتبة شمس العراقية الفصل السادس
الحديث يدور بينهن وذهب بس تريد تحجي تحوص گوه ضابطتها بس أكرص بيها ولچ فضحتينا
همست شو هذن لازگن
عيب صوتچ، رجعت ابتسمت عاد أمه گامت والبنات وياها سلمن وراحن رجعت محتره لملمت الهوسه وذهب وياي
ترى ما توافقين نهائياً الا نشوف الولد خوما ياهو الچان ياخذ لطوفتي...
الله يقدم إلى بي خير يبين خوش نسوان حبابات بعد ما أدري.
هو بهذا وگتنا خوفچ من الحباب!؟ يلا حبوبتي اني اروح قبل لا يچي اخوج ومنا اني مقهوره منه كلشي على السريع عبالك باقيه على گلبه هو وطيبه مصخوها، بس يلا أن شاء الله خوش ولد وتنسعدين
الله وياچ، راحت دخلت غرفتي غيرت ملابسي عيوني بمرايتي يارب فوضت امري اليك يارب أگتبلي السعادة وبالخير غمضت عيوني يمر بالي عاندت طيبه وراح اوافق، وما عشت قصه حب خليها على الله.
للثاني يوم من الصبح أني وذهب فرغنا الاستقبال والمكائن الخياطه كلهن خليتهن يمها والقماش
ذهب عاد كون سميه تخلي بالها وتتعلم وتعلم البنات بما انو انطيتنا الشغل والله بس يحتاج تعلوم
انتِ وياهن يتعلمن وربج يسهل وهذا مصدر زرق، يلا نستعجل بلشنا غسل وفرش وتعطير مازن چاب الضيافه وراها دگ الباب صاح بينا
مازن بسرعه دخلن اجو كولي لابوي يحضر نفسه
ذهب أي گرص يگرصك فهمنا عاد الوزير چااي.
الطاف گلب عيونه عليها چريتها ادري بيها ضايچه عليه دخلنا المطبخ وهما دخلوا باوعنا من برده المطبخ وجديتي تحجي علينا عاد ذهب عاطت بيها
ذهب كرصج يگرصج انتِ خل نشوفه يستاهل لطوفتي ولج بس هذا ابو گرش سمين لأن الباقين كلهم زلم گبار
الحجيه فضحتينا شو تعالي حضري الضيافه.
الطاف بقلق جاوبتها چده خل اشوف الولد قبل عقد سيد لان چايب سيد وياه انتوا ما تجبروني مو إذا ما عجبني افرگ بيدي مدري شبيه احس عقلي يضرب خماس بسداس...
الحجيه أي لازم واحد يشوف الثاني وهذا حق الرؤيا الشرعيه ما بيها شئ اگول لاخوج وانتِ تحجبي زين هسه اچيج
الطاف عدلت شالي ذهب عيونها دمعت بوستها ادعيلي غنچ گلبي
ذهب ولچ شلون ما ادعيلج بنيتي وليدي الصغير.
فدوه لروحچ الطبيه، راحت أخذت الضيافه لمازن واني على كعدتي مر وقت واچه مازن يفرك بلحيته
مازن خيتي لطوفتنا الحلوه الله يسعدج يابا بس الولد يشوفچ وما بيها شئ وانتِ لازم تشوفينه تعالي وياي...
الطاف مستحيه منه بس هزيت راسي ومشيت وراه الولد كاعد بغرفه أبوي يمه جديتي تحجي وياه غمضت عيوني فتحت وصارت عيونه عليه بقه مركز بعدين تتدارگ نفسه اخوية بصفي كعدنا شفته يعني الصراحة مو فائق الچمال ما اكدر اگول محلو خلقه الله هو صورها، متوسط الطول بس زلمه ضخم عنده گرش وجسمه بعرض يعني خوش زلمه ما بي شيء يتعيب
فيصل يشرفني نسبگم وبنيتكم بعيوني اذا الله سهل النا وجعلها من نصيبي
مازن ونعم منك.
الطاف اشوي وطلعوا بقيت بالغرفه اجت ذهب تضرب على راسي مثل عبالك تصحيني
ذهب محلو ولج مو من رچالچ هذا عبالك برميل أنتِ صحيح عندج طول بس فصعونه
والقهر عنده گرش
الحجيه لا خوش ولد لسانه دره ورده مالت الله هاا لطوفه شكلتي وبعدين منو ما عنده گرش الرجال ما تعيب عود من يتزوجون خل تعلمه يسوي هذا الريجيم ويروح گرشه الولد عليج بالاخلاقه طيبه گلبه يكفي يحبج ويسعدج واحنا سألنا عليهم خوش ناس ونعم منهم.
الطاف أتوكلت على الله وافقت ما حبيت أگون أنانيه واتعالى عليه وبالاول والاخير قسمه والله دزها قبل لا هو يچي و خلقه الله ما تعيب هو معانيه حلوه بس جان شئ محلو بي هامل جسمه
صار الحديث بينهم وسوالفهم وضحگهم احنا واكفين بالصاله طلع مازن لبسني حجاب الصلاه ولازمني من ايدي ورا الباب صار كلام السيد واني اردد إسم الله وتم العقد علئ الخير وصرت زوجته...
ذهب الله يسعدج وياه بنيت روحي.
حضنتها فدوه لروحچ الطبيه وبوست جديتي وراها طلعوا راحوا اجه أبوي اخذني بحضنه يبوس بيه مازن عيونه دمعت مسح على راسي
حاتم اذا ما موافقه كولي الدنيا كلها ما تجبر لطوفه على شي ما طول ابوج خشمه يشم الهوا
الطاف لا يروح بنيتك موافقه لا يضل بالك بس اريدك سالم وتدعيلي الله يوفقني
حاتم الله يوفقگم گلگم يا بويا
مازن صغيروتنا الحلوه راح تزوچ تعالي لحضني يبعد اخوج الله يكتبلج الخير.
امين، ذهب دموعهاا ما نشفت أبوي ومازن يحاولون يخففون عنها بضحگ وسالفه بس مو راضيه تقتنع حتى أني أخذت روحي بدموعها
ذهب أني اروح افرغ روحي بيتنا ما أريد اقهرچ واخرب فرحتچ وهاي قسمتچ اجت وتزوجتي خوما تبقين طول العمر يمي...
الطاف الدنيا كلها ما تبعدني عنچ راح تبقين بروحي وابقى خط تواصل وياج والبنات وسميه ما راح اگطع عليچن وهاي سنه الحياة وانتِ ديري بالچ على بنات اخوچ وطوري الشغل بالف عافيه عليچن.
ذهب وليدي الحنون فريختي تعالي اضمچ بروحي
الطاف اشم بعطرها ريحه امي بيها راحت مختنگه واني اختنگت وراها، لملمت الهوسه وكلشي رجعت لغرفتي لكيت قادر متصل عرفتها طيبه تجاهلت الاتصال رجع رن التلفون تالي چاوبتها هاااا!؟
طيبه لا توافقين الزواج عمر مو يوم يومين لا تعاندين روحچ إذا أنتِ ما مقتنعه بي ولا تعانديني
الطاف لا تخافين من اتذكر حقارتچ ونذالتچ وكلامچ مثل السم!؟ كلش اقتنع!؟
تغالطين نفسچ!؟
لا منو كال!؟ الزواچ قسمه ونصيب ونفس الوقت علمود ترتاحون من همِ أنتِ ومازن كرهتوني بعيشه الله تزوجي وتزوجي عنستي وليش رافضه الزواج وهسه لمن وافقت صرتوا حنينين عليه،
هيچ حنه ما اريدها مازن گلبه طيب صحيح يغلط بحقي مرات بس گلبه نظيف يرده الدم بس أنتِ شيردچ
الله يسعدچ
ما اريدچ تحضرين زواچي باي شكل من الاشكال ولا تحاولين تردين حبل الوصل!؟
مثل ما تردين براحتچ مع السلامة خيتي...
الطاف انتهى الاتصال دخل مازن عليه عرفت عنده موضوع واني هم عندي موضوع احم اتفضل خويا
مازن خيتي امانه إذا تحسين نفسج ما مقتنعه كولي
الطاف بقيت صافنه مرات احسهم هو وطيبه تؤم رجعت چاوبته لا تخاف مقتنعه بس عندي طلب اتمنى توكف وياي وهو أكمل چامعتي واتخرج
مازن بدون ما تحجين حجينا بهذا الموضوع قبل العقد كتله هي تحب دراستها وتعبانين عليها خليها تكمل گال بعيوني ما بيها شئ حق.
ف لتخافين دراستچ محد إله حق يحرمچ منها وإذا بيوم سواها ومنعچ اجيبج منه واهنا تگمليها واني اخوج،
و صحيح چنت مرات اقسئ عليچ بس اريدلچ الخير وأريد ارتاح من اشوفج سعيده وبيتچ وتكونين نفسچ ما أريد الناس تحجي يكولون عافها تخدمهم فاتهاا العمر وضلت...
الطاف اخذني بحضنه دمعت عيوني بكلامه، طلع وخلاني ومر هذاك اليوم بين فرحه وحزن وغصه بالگلب مدفونه...
مرور أيام على أساس يچي نعقد محگمه وينطي فلوس المهر بس چان عندي امتحان مازن بلغه غير يوم، لبست وطلعت لچامعتي مازن وصلني كملت دوامي وخلص الامتحان رجعت لكيت نسوان بالبيت أمه وخالته واخواته چايبات النيشان من كلشي من ملابس قطعتين وحلقه وياها ومنطي فلوس المهر لاخوي وباچر يچي نعقد محگمه بالي أعرف ليش هل الاستعچال بس استحيت اسال منو!؟
بليل ذهب والبنات وسميه اجو حيل فرحت بيهن سوالفهن شايله هم شلون راح افارگهن عاد سميه گالت!
سميه يبين زلمتچ خوش زلمه رجال گد عمره زلمه خشنه
ذهب بس عنده گرش وجسمه كلش محلو ولبسه محلو قميصه قديم ما ادري احسه مو رجال لطوفتي
الحجيه كلشي بالمعقول اذا حلو ما يتاخذ منه لا حلال ولا باطل شايف نفسه، ما ادري حسيته من أهل الله رجال فقير وعلى نيته الله يسعدهم وانتِ كافي تحجين تخربين واهس البنيه.
الطاف ما شاركت بالرد بس عيون ذهب عليه والقهر باين على شكلها شلون نتفارگ،
خلصت التعلوله نظفت البيت حتى غسلت ملابس والحوش وبعد تعب صليت جماعة وياهم دخلت غرفتي أحضر لبس شنو البس باجر طلعت تنوره وقميص زيتوني شكله مرتب ورجعت نمت بدون أي تفكير فقط راحتي وبس...
الصبح لكيتهم يترگون كعدت وياهم اتصل تلفون مازن باوع فيصل شنو بس لا اجه عاد رد عليه فتح سماعه
مازن هلا فيصل.
فيصل هلا بخوي صبحكم الله بالخير عيني مازن خيتك جاهزه أني يم الباب
اي بس شعندك من هسه ترى بعد وگت مغبش
يا بعد وگت الشمس عاليه خويا هم يلا الحگ وراي رده للبيت عندي شغل
الطاف هزلي رأسه معناها روحي جهزي نفسج دخلت غرفتي عزه هذا حلمان شگله متعلم يگعد من الفجر. كملت ومازن جهز وانفتح الباب دخلت ذهب جاهزه باوعنا بالاستغراب الها!؟
ذهب زين لحگت عليكم
مازن وين تروحين؟
براءه جاوبته وياكم.
مازن عمي رجعي وانتِ شكو چايه ويانا
الطاف نزلت رأسها مقهوره لازمت ايدها وجاوبته أني ما اروح إذا مو ذهب تمشي وياي بعدين أني طلبت منها تچي ما اخطي خطوه اذا مو تخطي وياي
مازن يلا فضناا عاد الرجال ينتظر عنده شغل
الطاف مشينا سلمنا عليه ذهب صارت وراه ھَہھَہھَہھَہ ضحگت عليه تغار من عنده وتعيب عليه والله أني اشوفه ما بي شي بس هامل نفسه لحيته عاليه واشوية سمين لأن گرش مبين...
توگلنا يسولف هو ومازن متگلم ولسانه حلو سوالفه گلهن گبار مو خفيف ولا ثگيل يعني وسط، خير الأمور اوسطها
وصلنا المحكمه بقينا ننتظر لان اصلا جاين من وگت مازن ما متعلم يبقى ينتظر اشوي صاحوا ودخلنا واسئله وقعنا وتم العقد...
بعدنا ما طالعين لازم ايدي حتى أني تفأجت باوع الباب
فيصل أريد بس اني وياج نحجي خوما يبقون ويانا
الطاف عاف ايدي وطلعنا ما جاوبته أخذ مازن على صفحه مدري شنو كله ورجعوا.
مازن اختي فيصل عازمج على الغده وهو زوچج وهو تتعرفون على بعض إذا تحبين ابقى وياج
ذهب روح أنت أني ابقى وياها
فيصل أنتِ مثل حمصايه بكل چدر نابصه
ذهب شنو اتفضلت حضرتك!؟
فيصل سلامتج
الطاف خلص خويه اخذ راحتك ذهب موجوده وياي عود خل أبوي يأخذ علاچه
مازن ماشي عيني
الطاف راح وفيصل ضاچ يباوع لذهب نص عين هي لازگت بيه وهي تهمس صوت گوه اسمعه
ذهب اطلع عيونه إذا هيج يباوعلي عيون الثور ندري عيونه گبار بس خل يباوع ب أدب.
الطاف الله يستر منج ومنه خل نمشي وراه وانتِ لازمي لسانچ مو يطفر بگلمه ويشيلچ ويشمرچ
ذهب أي خيه يشمرني بس بعدين هذا يمردچ هذا غول مو فيصل
الطاف ھَہھَہھَہھَہ ولج اصص خرررب متت، مشينا وياه ردت أصعد وره يم ذهب هو بقه متخصر وصافن جاوبته هاا
فيصل هاا
الطاف شو واكف
فيصل انتظرچ تصعدين ليگدام يمي حاجه أگولج
الطاف أي ماشي صعدت وذهب خزرته هو ابتسم ما گال شئ عاد رجع گال
فيصل عفوا هاي تؤامچ!؟
ذهب أي عندك مانع.
فيصل لا ما عندي بس اعتقد أنتِ مستعجله على الدنيا طالعه قبلها لأن هي فصعونه وانتِ بيج البرگه
ذهب وانت هم مو قصر بگد الحائط ما شاء الله
الطاف ھَہھَہھَہھَہ عسا يمر هذا اليوم على خير، طلعنا نزلنا مطعم ما قصر مشاوي وكثر كدام ذهب واني كذلك كعدنا نأگل ويباوعلي بس ما يأكل
ذهب شو ما تأكل أنت تبقى تباوعلنا!؟
فيصل ما جوعان، شبعان الحمدلله
ذهب لعد هذا الكرش شلون مربي على الماي
فيصل على صينيه ابوج.
ذهب أبوي الله يرحمه ما يربي گروشه، يربي بس الصاگين
فيصل ادورين صاگين ما عرفتچ كارنيا گابور
الطاف ھَہھَہھَہ شبيگم صدك تحجون
فيصل لا نتشاقه وهي دمها حلو
الطاف ما جاوبته أگلت براحتها ولا تقيدت رحنا نغسل احم غنچ اشوفج اگلتي براحتچ عادي ولا خليتي شئ
ذهب لعد هو شكو عازمنا خيولي عبالچ استحي منه ما ادري شو ما چاي ابلعه ما ينهضم
الطاف شبي والله حباب حتى شگله عن قرب مقبول معانيه حيل حلوه
ذهب أي سوي غزال مخطط.
الطاف لا حمار وحشي عمي بس لا اطنگرين عليه راضيه احجي عليه
ذهب واگسر رأسه هم امشي خل يجيب النا چاي رأسي صدع من وراه أبن الثور
الطاف أحبچ ما ازعل منچ
ذهب واگسر رأسچ إذا تزعلين، يلا امشي
الطاف رجعنا خطيه محضر النا الچاي شربنا يريد يحجي بس متردد ولو ذهب خطيه تغار لو بيدها تكص لسانه...
ذهب ما تحجون تبقون ساكتين؟
فيصل لا احجي أنتِ؟
ذهب احجي أنت؟
فيصل لا أنتِ احجي.
الطاف عمي شسالفه أني احجي واحد يذبها على الثاني شبيگم
فيصل تعرفين الطاف حبيت الشئ البيچ ما تتقدين بسرعة اخذتي على الوضع أني گلت هاي لا تكضيها استحي واستحي لا الحمدلله انسانه واعيه
ذهب الحمدلله لطوفه دره ورده مالت الله گلبها طيب بس إذا تقسي مستحيل يرجع يحن وما تحب احد يسألها ولا تعب نفسك بالسؤال لأن ما تچاوب
فيصل ها خوش معلومات انطيتني بس أني أن شاء الله اختلف زوجها واكيد طبعا هم يتغير.
الطاف گلبت وجهه وهو ضحك وبعدها طلعنا للبيت انسان بسيط حتى كلامه مو تفخخ، وصلنه ومازن طلع عليه قبل لا انزل كال
فيصل حيل محظوظ أني
الطاف اجه مازن وسكت ذهب اجت وياي تربعت بالمطبخ تشگي منه لجديتي وجديتي تضحك عليها ھَہھَہھَہ ولچ والله جان حباب وياچ
ذهب أي عيني انت ِ كمتي دافعين إله حبيب الروح صار وذهب بيش كيلوا
الحجيه أي خيه رچلها بعد شلون ما ادافع إله بس أنت حارگ دمج على شنو حتى وجهچ أحمر.
ذهب ما أدري ما اطيقه ما عليگم بيه كل شخص ما يگدر يتقبل شخص
الطاف ماشي يعني مو غيره عليه تحبيني تخافين ياخذني منچ
ذهب ياخذچ شنو!؟ اخذه الله بكيفه هي تبقين بنيتي وكل فتره تچين ونتشاوف
الطاف تمام تمام هه‍ه دخلت غرفتي صارت ميراتي كدامي أباوع وجهي احس مضيعه نفسي وادور عليها غمضت عيوني أبعد الافكار مو زينه من عقلي ما أريد ادخل مطاحنه وتضارب بين القلب والعقل...
لثاني يوم اجه هو واخته علمود ياخذني نشتري الذهب خلصت لبس وذهبه واگفه يم الباب وهما ينتظروني بوستها وطلعنا أني يمه واخته وراه ردت منها ما اقتنعت...
حياة نشتريلچ الذهب والملابس وباقي الشغلات عليچ جهزيهن ع كيفچ لان عدنا شغلات بالبيت
الطاف لا عادي معذورين
فيصل اني اوصلچ لسوك من تشترين ملابس اخذي وياج هاي تؤامچ، كتبي رقمي يمج.
الطاف أخذت رقمه وهو ضحك وبعدها وصلنا السوك گبل راحوا محل الظاهر يعرفونه هو يختار واني البس عاد هو ابتعد وكال
فيصل اختاري أنتِ ع راحتج
الطاف هزيت راسي اخذت تراچي وگلاده ومحابس اثنين وحلقه سوار واخذلي حچل رغم بحياتي ما لابسته، اردفت فيصل ما أحبه
فيصل بس أني أحبه
الطاف يكولون حرام
فيصل خلي الحرام الچ انتِ تلبسينه إليه خوما لناس أكره هاي العقليه مالت تحلل وتحرم أخذي وبلا لغوه زايده...
ما جاوبته، اخذته وطلعنا گبل للبيت وهو دخل محل أطفال استغربت شعنده اشوية واجه مدري شنو چايب خلاهن يم أخته. بقينا ساكتين
فيصل شكو أنگلبت خلقتچ واني شنو كلتلچ
الطاف ما بيه شي
فيصل ماشي مااشي
الطاف نبره صوته تغيرت واخته ساكته وصلني قبل لا انزل
فيصل مو اتصل عليج وما تجاوبين من أول يوم وجهچ كلبتي عليه
الطاف ترى كلتلك ما بيه شئ ليش تلح بالسالفه
فيصل ماشي عيني.
الطاف مع السلامة نزلت بيدي ذهب مالتي انطيتهن لجديتي تباوع الهن عاد كالت
الحجيه شستوين بالحچل ماخذته وانتِ ساكنه ويه عيالچ المن تلبسي
الطاف هو اخذه، چده هو مو حرام إذا بس إله تلبسه داخل الغرفه عادي
الحجيه أي يمه مو حرام حتى إذا بنات هم عادي بس إذا حماچ شافه أو شخص غريب ما يصير يبرز مفاتن چمالج ويصدر صوت رنان يشوش عقل الشخص اليشوفه.
الطاف ماشي چده أبوي هم شافه اقتنعوا خوش ذهب وثگيل ضميتهن ذهب تچي تشوفهن، اتصل هو اشوي يلا بديت
فيصل مزاچچ صعب شلون بي
الطاف لا مو صعب بس انت قسسيت وياي
هاا عمي إسف
تمام تنفست براحه احم شلونك
هسه صرت زين قبل ساعه چنت مو زوين
سلامتك
أكول باچر امرلچ جهزي ملابسج وشغلاتچ
ليش للاستعجال خلينا مخطوبين لما تخلص السنه علاقل
لا يابه لا، ما أنتظر هالكثر
ليش
غير اريدچ يمي ام بيتي أنتِ
شكراً
عفواً يابه.
صدك أسألك انت هم عندك أخوان
لا وحيد امي اني بس اخوات اثنين إلى يچن أول يوم حياة وأحلام وبيتنا چبير الحمدلله
ماشي، بقينا نحجي عن مواضيع تخص حياتنا الزوجيه وشنو يحب وشنو يكره ومواضيع عامه إلى وهواية حجينا سوالفه حلوه مو مزاجي لطيف بالكلام بس عنده حده اشوي.
للثاني يوم رحت جامعتي والبنات باركوا إليه لأن أخذت علبه چگليت وياي وحيل فرحانات بيه عاد صديقتي وياي كالت.
ورده زواچچ تقليدي تحسينه ينجح شخص ما تعرفين اطباعه ولا شنو تفكيره ما اعرف ليش جنتِ رافضه تعيشين قصه حُب
الطاف بقت يم الله، ما لكيت الشخص يستاهل أحبه وانطي مساحة من گلبي
وايمن لو تعرفين شكثر انقهر عليچ بس كال الله يسعدها لأن انسانه تستحق كل الخير وطلع من الجامعه.
الله يسعده بوحده احسن منِ، عفتهن لأن فيصل اتصل. جاوبته هلأ
فيصل هلأ والله، أشتاقيت
تشتاق الك العافيه، صدك وين انتَ
أنتظرج باب الجامعه.
لا والله تحجي صدك!؟
أي والله، كلت لاخوج أريد نتغدا سوه بالمطعم
هاا تمام، اخلص محاضراتي واطلع
علي راحتج
الطاف رجعت يمهن عيوني على الباب شعور حلو ارتباط وكذا وشخص يهتم بيك ويسأل عنك واحلى شي حلالگ
مر وقت بين المحاضرات دخلت الحمامات رتبت شالي ومكياجِ وجهي بي لمعه حسيت الفرح بعيوني مبين عليه، يارب اكتب اليه السعادة ويه هالشخص خليت كلشي عليك يالله...
طلعت لكيته يدخن شافني ابتسم نزل فتح الباب إليه عيونه تباوعلي بحب وطلعنا للمطعم
فيصل عيناي شنو تحبين نتغده؟
اردفت: - كيفك؟
مشتهي سمك شتكولين
تمام. وصلنا المكان حلو بي ناس اغلبهم عوائل اخذنا مكان ع صفحه وحدنا وطلب الاگل واشوية جابوا بديت أكل هو يباوعلي أحم فيصل إذا تبقى هيج تباوع ما أكدر أكل براحتي
فيصل اباوع على الشفه شلون تاكلين شدعوه هالكثر ناعمه ولطيفه.
خجلت منه، خلصنا وبعدها نشرب الچاي ونحجي أحم صدك فيصل ليش هيج جسمك سمين
ما توقعت منچ تسألين؟
ترى ما بي شئ سؤالِ؟
يعني ما عاجبچ جسمِ!؟
أكيد عندك سبب او اهمال من عندك لو أنتوا عدكم سمنه بالعائله وراثه يعني
ولا وحده منهن فقط سبب خاص مع المرور الزمن تعرفينه!؟ عوفينا من السمن وشحلاه الگرش العراقي إذا ما عنده گرش محلو اصلا، ها شتكولين!؟
بس بالمعقول!؟ تمام على راحتك بقه ساكت حسيت باله موضوع أو بالاصح مواضيع بس ما يحجي، فيصل تريد تحجي أسمعك
لا ما عندي شئ، بس جهازج استعجلي بي فدوه لروحج
تمام يوم أخذ ذهب ونخلصه بس ممكن أعرف سبب الاستعجال
ماكو سبب اريدج يمي أريد مره بحياتي تعبان
الحياة من دون مره ما تسوه شئ.
جاوبته بالاستغراب: - عفواً يابه كلامك بي لغز شنو الحياة من دون مره ما تسوه شئ لازم اكو بحياتك مره قبلي احجي اطرب خل أسمعك، گلب عيونه عليه حسيته ضاچ من كلامي!؟
فيصل طريقه كلامچ غيرها والنتر ما أحبه فاهمه
الطاف شال سويچ السياره ومشه واني بقيت على كعدتي رجع صاح بيه
فيصل ما تكومين الطااااف
الطاف ما اتحرك من مكاني إذا ما تجي وتحجيلي
فيصل ماشي؟