رواية الرمق الأخير للكاتبة شمس العراقية الفصل الرابع والثلاثون
لليل هو ماكو أنوب تلفون ما عندي بقيت بقلق
وأنفتح الباب دخلت زهور وياها إمها وهو ماكو
كَلبي وچعني، همست حسين وينه
عواطف موجود
سالفتج يا يمه إنلاصت
زهور جهزي نفسج نأخذج ل أهلج
ألطاف شتكولين زهور
وحسين وينه!
زهور حرنا وياج مو تريدين أهلج
حسين شگوو بعد
ألطاف ليش هيج تحجين
عفيه بس كولي حسين وين؟
عواطف إحنا سوينه إلى علينا وسترنا عليج
زهور أي مثل ما كالت أمي بس الظاهر أنتِ ما تريدين الستر
الطاف لا هيج تكولون.
مو هيچ القصد بس ردت بنتي أشوفها وأهلي أشوفهم وافهم منهم وأفهمهم هذا كل الموضوع
عواطف يمه عبالچ أهلج هسه يرحمونج.
هسه مترصدين إلچ بالشر والحقد ودمج ينثروا إن رضيتي أو ما رضيتي
ألطاف أني أنجبرت خاله
قابل ما يصدگوني
زهور يمكن بس إحنا صدگنا بيج
بس ما أعتقدد أهلج يصدگونچ.
لأن لو فعلاً مصدگنين بيج كان دوروا عليچ وسألوا زوجج وگبلوا الدنيا عاليها واطيها وطلعوچ من مستنقع الرذيله كان زلموا زلمتج وحاسبوا مو عافوا يسرح ويمرح بكيفه وعايش حياته وانتِ بالضيم
يا أهل تذكرينهم...
عواطف زهور كافي يمه البنت ما ناقصه قهر خفي عليها يلا يمه لطوفه جهزي نفسج وملابسج نأخذج
ألطاف خاله فدوه وحسين
ما أتحرك خطوه منا
عواطف أوفف يمه ما عندج حظ
وحسين خنت حيلي عليَّ.
وجهه مثل الگبده وحيله مهدود مغثوث حيل
بس شيسوي بعد أهلج ما يگدر يحرمج منهم وهو منطيچ وعد يرجع بنتج لحضنج وبلكي يتفاهمون
ألطاف هو وينه خل أشوفه فدوه
زهور برى بالسياره ينتظرنا
ألطاف لبست شالي عفتهن وطلعت عليَّ لكيته يدخن وحالته حاله شافني صد وجهه عني فتحت الباب وصعدت لزمته من كتفه نتر بيه ودفع أيدي
حسين جهزي نفسج أبوج ينتظرنا
ألطاف يعني إنت بلغتهم
أبويه راح إلهم وفهمهم السالفه كلها
وأنت
شبيه.
حسين ما أعوفك أني
كذابه وحياله
مو هيج أني
تستاهلين كل الصار بيچ!
تعرفين ليش؟
بصدمه: - ليش
لأن بسببج أنتِ رخصتي نفسج لناس ما تستاهل السلام بس شسويلج ما تعرفين ناسچ ومجلبه بالماضي وبنتج وتحنين ادري بيج
أنقهرت منه
جاوبته والله العظيم أكرهه
بس بنتي لا تجبرني أكرهها اني وعدتها ما أعوفها حسين بنتي مريضه وذنبها برقبتي
وليش مو برقبه إبوها
ليش تحملين نفسج ذنب وحمل فوق ذنوبج وحملج
يمتى تصحين وتبطلين ضعفج يمتى.
ليش تصيح ترى جاي نحجي بهدوء
نزلي ألطاف ولي من يمي والله هسه أمشي
للموت ما تشوفين خلقتي
مسگته بقوه أنزل خل نتفاهم
أني ما أعوفك أنت زوجي و أبو ابني
بس هذن
أنت كلشي بحياتي
حسين فدوه لا هيج تسوي بيه
لا تتخلى عني وكلامي أسحبه خليني وياك
حسين أكثر شخص ما أذاج ورحم حالج بس كولي بشنو قصرت بشنو غثيتج اني
تردين أهلج بس كووولي، هذا گلبي ما حب بس حبچ وأنعمى بحبج بس أنتِ حرمات بيج كلمه أحبج...
راحتك ما أضغط عليك بعد.
قبل لا تحجين وتطلبين إهلج
أبوي وعمامي راحوا ل إبوج
منين عرفوا عنوانهم
َ ما أدري كله من وراج
أهلي وأهلي تحقق إلى تريدنه
يلااا نزلي جهزي نفسج
نزلت من السياره دخلت الغرفه غيرت ملابسي كلشي ما أخذت فقط الجنطه مالتي بيها الجنسيه قبل لأ أطلع هو دخل وقفل الباب...
حسين تحجين كلشي مو تبقين مثل الطرن ومطگگه عيونج وتضعفين وتبلعين لسانج الحلو
ماشي وبعد
أرجعج هاا مو عبالج تبقين يمهم
برطمت
شسوي بگلبي شسويله أشيله وأشوي.
حضني بقوه ويشم بشعري تمسگت بقميصه ومسگت وجهه قربنا لبعض وتنفسنا من أنفاس بعض وشهگناا.
لأخر العمر وياج
َ لأخر العمر وياك
َ أحبج
أحبك كلتلها بگلبي تقرب باسني بقوه ضمني بروحه لأ تعوفني فدوه
والله ما أعوفج
أوعدني
شبيچ أنتِ
قابل ما تصدگين بيه
والله خايفه
لأ تخافين
وعدتج أرجع بنتج لحضنج
وأخذ حقج ومستعد أوگف بوجه أهلي وأهلج بوحدي
خليج قويه مثل حسين
فدوه رحت ل أسمك.
مسح دموعي واخذ جنطتي وطلعنا من البيت وأمه وزهور ويانا يباوع إليه عيونه حمر والحزن مغيم عليهن...
متردده وخايفه كل أشوي أريد أگوله خل نرجع
لما وصلنا الفرع وغابت روحي باب البيت مفتوح سياره أبوه واقفه وعباس يم الباب وقف سيارته نزل قبلي فتح اليه الباب
حسين لأ تخافين العلويه وياج
وأني بظهرج
ما تعوفني مو
والله ما أعوفج
وين أعوفج نسيتي علوشي نايم بطنج
مشيت وراه منزله رأسي باوع اليه
أنتظري خلي تجي بنتج.
وينها أنداريت طلعت تمشي شعرها الخفيف شافتني وركضت وگعت الجنطه من أيدي ورگضت حضنتها وكعت بالكاع لميتها بحضني وأبوس بيها وهي تبجي وتشهگ صرخت بوجع أوففف يمه أوففيآخذني شلون أبتعدت عنج باوعيني ولج گبرانه تعالي أضمج بروحي ابوس بيها حتى من أصابعها شلتها شفت سميه تباوعلي من بعيد.
أشرلي أجي يمه نزلوا أهله مشيت وراهم وبنتي بحضني دخلنا البيت هبت عليَّ ريحه أبوي ريحه إهلنا وسوالفنا وذكرياتنا اويلي شُككر وجع چاس روحي من فارقت هالبيت وريحته...
دخلنا الأستقبال بس أبوي وابوه شافني ونظر لبطني ونزل رأسه أتقربت وگعت يم رچليه وبچيت دفعني بقوه گدامهم وصاااح بيه
حاتم ما عندي بنت مثلج مع ألاسف عليج
ألطاف بابا فدوه لا تصير ضدي والله باعني
حسين كومي يلا نرجع
مطول ما عندك بنت خلص أنسوها لعد.
ألطاف چرني من أيدي وره ظهره وبنتي بحضني عاد أبوه گال
ابو حسين حجي هذا كلامك مو حل وأني فهمتك السالفه والبنت چايه تشوفك وتشوف بنتها وأحنا نريد نحل السالفه من عرچها بدون دم وهم لخاطر أبنه ما نريد نكسر گلبه.
حاتم طلگوها وأخذوا أبنگم وتوگلوا وجزاگم آلخير...
أبو حسين إذا هيج كلامك أذن أحنا ما علينا قصور
سوينا للي علينا خلص يابه وليدي حسين طلگ البنت
ألطاف أندار عليَّ هزيت رأسي لاااا حسين لااا.
لا تگولهااا فدوه لا تعوفني أمانه اتوسلك
حسين لا تبجين
مرتي مستحيل أطلگها أم أبني
عواطف هذا هو يلا أمشينا يمه ألطاف عوفي بنتج يلا نروح تحركوا يمه
ألطاف حسين فدوه خل أخذها وياي
أثناء كلامنا دخلت ذهب گوه تأخذ النفس
ذهب أخذوها رحمه لهلكم اهلها وعمامها ما ناوين. خير ابوس أيديكم أخذوها قبل لا يجون
أبو حسين ما نطلع قبل لا نشوف عمامها وأخوها ونخلص من عالعار ورطتنا بي.
ألطاف نباوع بالوجوه حسين نصدم بموقف أبوه وعباس
حسين ش تحجي انتَ عباس احجي كلمممممه
عباس طلگ البنت
ما مستعدين نشيل عارها العمر كله
عواطف ضحگتوا الولد وهو يحبها مع ألاسف عليكم امشي يمه جيبها وتعال عوفي بنتج وتحرگي
ألطاف لزمني من أيدي بقوه وطلعنا وأبوه يصيح عليَّ وزينه تبجي ذهب أخذتها بعدنا بالباب دخلوا عمامي ومازن عيونه تجدح نار خلاني وره ظهره...
مازن والله أشرب من دمج خليتي رؤوسنا بالطين اليوم جنازتج اليوووووم
ألطاف هجم عليَّ وصارت هوسه بنص البيت وحسين خلاني بظهره ولازمه من ياخته
حسين أنتَ جريمه تعتبر أخ والله ازوعك الحليب الطاهر رضعته شو تعال
ألطاف لزمه بوگسيات وضرب قضه عليَّ اخر شيء نام عليَّ ويجفص بي وعباس وعمامي يچرون بي بس هو فقد يضرب بقهر ويگول.
حسين هاي لوعاتها وهاي لدموعها وهاي لضيمها وجعهااا وهاي لرجولتك يا عار الزلم تفوااا عليكم وك أمثالكم أنقرضوا موت يگرفكم مسوين المره عبده الكم تفوااا.
ألطاف چرني أبوي من شعري هو وعمي وحسين صار بعيد عني أندار عليَّ هزيت رأسي وبچيت
حسين وين ماخذينها عمي فدوه مريتي أريدها رجعوهاا لخاطر الله اني رااااضي بيها
حازم أخذوا أبنكم والله وياكم بنتنا صارت يمنا.
حسين أسويها دم وما أعوفها الطااااف تعالي شووو أني اخذها بالغصب
ألطاف دفع عمي راد يچرني بس أبوي عتني منه وابوه وعباس سحبوا وطلعوا برى ونهض مازن گوه يمشي وصاااح وراه
مازن تعال أخذها جثه
مسوي المصيبه وجاي لكل وقاحه
حسين راجع إلكم ما أعوفها والله
ألطاف چرني مازن للغرفه صار الكلام
ورجع كال
مازن امشي الشفيه عنده كلام وياج أحجي وتعالي نتحاسب يا عار.
ألطاف دفعني بقوه للباب لگيته واگف باب المطبخ فرححت روحي وتندمت والندم يأكل ويشرب وياي وضعفت روحي وذليتها بيدي. باوع اليه بخيبة
حسين أرتاحيتي؟هسه برد گلبج
هذول أهلج شبعي بيهم خل يفيدونج
گمتي تموتين يم حسين
اي أرتاحي حتى عقد محكمه ما عندي شلون أشتگي عليهم كسرتي أيدي ورجلي
ألطاف أسفه
حسين شيفيد ألأسف مالتج
اخ منج ومن عنادج شسويتي بيه شلعتي لگلبي
ألطاف ما قصرت ربي يبارك بيك
حسين ديري بالچك أبني مو يجعصونه.
لما أفضها وياهم راجعلج والله
ألطاف هزيت رأسي وبچيت مسح دموعي ومازن صاااح بي
مازن أنگلع عااااد
حسين أنگلعت روحك أياك تمد أيدك عليها أياك
ألطاف ما جاوبه حسين ما تحمل چرني من أيدي
أخذني وياه وهجم عليَّ مازن و صارت هوسه وعرگه ثانيه هالمره اهله اخذوا گوه عنه وبعد ما شفته وطاح حظج ألطاف الف مرررره
اخذوني عمي وأخوي للغرفه وبلش الضرب من كل مكان فقط لامه نفسي لبطني وخايفه يموت روحي صارت بي هذا أمانته.
مازن ولج عاااار تنهزمين وياه حبيب الگلب وتخلينا رؤوسنا بالطين واني أكول ليش يوميه منهزمه وزعلانه من فيصل اثاري عندج عشيق اني الج
صررررخت يا عشيق تحجون عنه اني انباعيت فيصل بااااااعني لناس اني كنت بنت ليل وملاهي ورقااااااصه باااااعني النذل وگال إلكم انهزمتتت
يبرررر موقفه وينقذ نفسسسسه
مازن كذااااابه كذااااابه اليوم أموتجججج عمي طلع السلاح.
الطاف ذهب تصرررخ هي وسميه ودفع بيهم وأني من الضرب جسمي تبنچ والدم يرش من كل مكان وعمي مخلي رجليهك رأسي وأنازع الموت لحظات ألأخيره لمحت سلاح راد يضرب وذهب تلاوت وياه
ذهب لااااا تقتلهاااا مظلومه ذنبها برقبتك مظلوووومه اقتلني اني بس مو هييييي حرام عليكم بطنها رووووح خطيه ما تشوفون بطنها
يولوا داخله عليكم ابوس ايديكم ورجليكم لا تقتلونهااااا...
ألطاف أنضربت طلقه بالسقف والثانية الحايط واخذته منهم وجهته عليهم وهي ترجف وتبجي
ذهب كافي العااار فيصل دمرها وضحك علينا
أقتلكم وما يرف اليه چفن وأدخل السجن واني الممنونه لهذا أحسن إلكم تطلعون مناااا
مازن ذهبببب طلعي نفسج منها انتِ ما الج شغل بيناااا خلينااااا نغسلللل عارنا تعرفين بيها خلت رؤوسنا بالطين
ذهب بالجهنم الحمره تأخذكم كل هذا وقليل.
ألطاف دفعها قوي وچرني بسرعه خاطفه وأني منتهيه وعمي بيده سچين خلاها رقبتي تلمست بطني وهمست أبني بي روح أبني عايش خل أولد بالسلامه وعد أني أقتل نفسي...
مازن خليني أذبحهاااا وأرتاح
راسي ما أكدر ارفعه بين الناس من وراچ
حازم أذبحهااا وأستعجل
بين ما نحضر قبرها ندفنها
ألطاف خلاها رقبتي وشخط والدم نزل وصوت صراااااخ طيبه هز البيت هز
طيبه الطاااااااااف
مااااازن اذبحك وراها أذا ذبحتهاااااا.
ألطاف توه راد يسحب السچينه دفعته ونامت عليه تضرب وتغلط وأني وگعت بالكاع وذهب تقربت عليَّ وبعدها ما أذكر شصار
صحيت دكتوره يمكن فوق رأسي وطيبه لافين شاش رقبتي تلمست بطني أبني عايش
دكتوره أي عايش بي نبض
ما أدري شگول. هيج عقليات بس الله يهديگم
طيبه نرجس لا تطلعين سرنا دزيت عليج لان منا وبينا أخوات احنا وعشره عمر.
دكتوره ش تحجين أنتِ واختج مبينه مظلومه وكل الفرع ما مصدگون لان يعرفونها ويعرفون ترتيبها وأخلاقها بس عقليه أهلج وعمامج الطراز القديم، مجمتع جهلي
ألطاف طلعت وياها بس ذهب يمي دنگت لمتني بحصنها وحضنتها قوي وبچيت اوووف ذهب دمروني اووف لو تدرين شصار بيه لو تدرين أغتصبوني خلوني بنت ملاهي الحرام چاس روحي ذهب الذنوب تارسه روحي.
ذهب اوفف بنيتي اوو الصغيرونه تعبوج خنت حيلي أخذوا عافيتي من أخذوج ولج عميت ولج عيني طفت والثانيه أشوف بيها توالي بقت علمود اكحل بشوفه وجهج الحلو.
الطاف بجيت بقهر وهي تبچي وياي لمتني بحضنها وتسگت بيه تعبت ونطتني علاجاتي ودخلت طيبه تباوع اليه بحزن درت وجهي عنها كلت لذهب
خل تطلع ما عندي أخت أني ما عندي أهل هي بس أمي وماتت وخلتني...
طيبه ألطاف خيتي باوعيني أحنا اخوات هالسنوات المرت ما نسيتي.
ألطاف شَ أنسى كلشي بسببج أنتِ
طلعي ولا تشوفيني وجهج
طيبه راحتج
ألطاف طلعت وصارت صوره أمي كدامي شفتي يمه هذول اخواتي هذول من بطنج شفتي شسوا بيه شفتي أرتاحي بگبرج يمه أجيج مو اليوم باجر...
مرور أسبوك ^^
الموت يحوم حواليه بسبب الوجع بطني وجسمي ألوب وذهب تفتر خطيه تحير شتسوي بس همست
ذهب أريد أعرف أخباره فدوه
ذهب حيري بنفسج هسه
هو رجال يدبر نفسه شگو عليَّ
أهلج ما ناوين خير ينتظرونج تولدين ويصفون حسابهم...
الطاف خليهم وأني أريدهم يصفون حسابهم شنو باقيه بنتي إلها الله من بعدي وأبني اهله خوش ناس وأبوه تحطي الجرح يطيب جان مرهم لجروحي.
ذهب لعد شَ رجعج يالثوله يالغبيه دومج عقلج نايم بي حماااار المن رجعتي يا طيحان حظ ابوج. مثل الدجاجه. لو اخوج مثل الثور واذا ع السمعه طبهم ستين مرض وزقتبوت...
ألطاف بنتي
وعبالي أبوي يعرفني شنو أني وافهمه وأشگيله
بنتج اني اخذتها.
الحقير ذبها يم الباب وياها جنطتها هذاك اليوم ما أنساه الدنيا أنگلبت بيتكم وصيااااح ومازن تخبل ما خله ما دور عليج وأحلام گالت إلهم نهزمت ويه حبيبها
الحقيره تمثل عليَّ شگد أنذال وحقراء وشگد رعنه اني وثقت بيهم وصدقتهم وطاح حظي...
مرور أسبوك اختفوا من بغداد گلبوا الدنيا عليهم وطلگج غيابي ودز حقوقج كامله وذهبج وأوراقچ وكلشي يخص دراستج حتى ذكرياتج ملابسج ومكياچج دزهن إلچ...
شسوي بالحقوق
ليش هو خله حالي حال.
نبش روحي نبش عذبني تعذيب ما صار
دفني بيده وأني عايشه يا موقف يغفرلك فيصل
سنه ونص ما عرفنه أخباره أنگشت الكاع وبلعته هو وأهله كلهم وانتِ ضاعت أخبارج وياه والناس بدوا يحجون أزداد الحمل أبوج وأخذوا عمامج جديتج أنجلطت كامت ما تحجي اخذنها للعرب يدارنها...
وبقه البيت لام طيره ل مازن وسوالفه كَام يجيب جماعته ويسگر وعربته شَ أحجي...
لا تحجين ما ناقصه قهررر
أحجيلي كلشي أسمعج
ما بيه ما عندي طاقه والله
يمتى تحجين.
أريد أكتبها علمود ما أنساها
ما تريدين تنسين؟
ما أريد أنسى إلى سواه بي أهلي من أختي ل أخوي وأخر شيء يگملها عليَّ أبوي وعمامي...
أنهزمي لا تبقين
منو يلفيني بعد
حسين وراح مغثوث منِ حيل
والسبب منِ وعاذرته والله عاذرته وحقه...
هالمره غلطتي وغلطچ چبير حيل
ليش رجعتي
عوفيني بحالي فدوه ترى نار شابه بروحي والندم يأگل بيه
. راحتج. حبوبه
نمت. رجليها صايره أدخن والگبر واضح عليها وعينها طافيه أخذت روحي لازمت أيدها قوي.
غنج گلبي لاتعوفيني ما إلى احد غيرج
بس الموت يبعدني عن حبوبي
نامي وأرتاحي وهي تصفى وتهون يمه...
ألطاف أنفتح الباب بقوه مرت عمي شاده عصابتها وعيونها تجدح نار وغضب زخمت بينا
نوريه يلا تحركي عاد نشوف طولج الحلو لو طابتلج الگعده وأنتِ حامله أبن حرام
ألطاف مو أبن حررررام فاااهمه وأحترمي نفسج وجودج بالبيت
أهاا لسانج نفس ما هو ما نكسرت عينج ولا أحد گص لسانج بعدج شرسه
أي نفس ما اني ما عاش يكسرني.
والبطنج ما يگسر عينج يچي لدنيا وهو منبوذ وسمعته بالطين هو وأمه
ألي بطني أله أهل وناس معروفين وجديته علويه يخافون الله ويحبون الستر مو مثل بعض ناس تشتري الفضاحه مشتراه والله وگت خلاچ أنتِ توگفين وتحجين وياي وأمي كانت ما تعترف بيچن
صبر عليَّ يا بنت زمن أذا ما أندمج كلامج هذا وأبجيج دم
اي إلى يطلع بيدج لا تقصرين طلعي برا يلاااا...
ذهب ليش هيج سويتي خليتها ثايره.
خاف تسويلج مشاكل أنتِ بغنى عنها عوفيها يمعوده
ستري علينه ما ناقصين
ألطاف شتسوي مثلاً
ذهب أني أروح لبيتي وهم أجيبلج أكل تأكلين تغذين روحج أبقي بغرفتج لا تسوين مشاكل
ألطاف الله وياج
من ما راحت وخلتني بقيت كاعده وحدي تالي كمت طلعت برى بس هي وعمي حازم يفترون ومازن يدخن عيونه حمر وأبوي نايم صافن بالسقف
باوعت غرفه جديتي فارغه والبيت وسخ حيل يلعب النفس رچيت رأسيك الحائط بقيت صافنه الحال.
ألاعثر بنتي صرخت توني ردت أروح إلها أجه مازن
مازن كاعده
من أكون نمتي لا كعدتي
الله ياخذج يخلصنا من عارج والحرام بطنج
ألطاف أبن حلال
عبريهن غيري
والله أبن حلال عقدنا سيد
الله بريئ منج يا نذله
ألا أرجعج لفيصل هو دواج
ترجعني اله ھَہھَہھ
تضحكين حضرتج
لان يحب الستر وستر عليج تضحكين عليَّ
أي أضحك حالي وعليك شلون مصدگه
ولك هو باعنييي باعنيييي تعرف شنو باعنييي
شغل عقلك ومخك وفكر زين
ضربني ولطمت بالحائط وتأذيت.
أدعي إلى بطنج مخليج عايشه لحد الأن
كان من أول جيتي بي ذابحج ودافنج وطام عارج
مشه وصحت وراه
أنتَ وفيصل متفقين وبعتوني أنتَ شريك بالبيعه
ش تخربطين بسوالفچ أنتِ
فيصل أشرف منج ولو أنتِ خليتي علينا وعليه شرف الرجال هچ وما ضلتله سمعه...
من أيده هو السبب هو باعني والله
حسبي الله ونعم الوكيل أشوف بيكم يوم.
دخلت غرفتي وقفلتها ولميت بنتي بحضني لو تدرين أبوج شسوه بيه لو تفهمين الوضع أمج بي وشلون الدنيا چارت عليها وناسها غلطت بحقها ومحد فاهمها ومصدگهااا.
بس أبو على شريف بيهم بس ما عرفت قيمته عندي أخ مني أخ شيفيد الندم بعد يا ألطاف شيفيد
ثاني جسمي كله يون عليَّ من الضرب لزمت بطني
إبقى عايش يروح إمك أريدك تجي لدنيا وتسند إمك.
مثل كان أبوك ساندها بس ذكر إسمك تنشرح روحي
مشيت بخطواتي المتعوبه فتحت البابك كيف باب.
الأستقبال بصف باب الغرفه ردت أعبر ناحيه المطبخ لان عطشانه وقفني الصوت وإني أسمعهم؟
حازم والله هذا أبوه زلمه شهم
رغم غلط أبنه أجه واعترف بذنبه
مازن أثنيهم نفس القذاره هو وأبوه
أخ لو مو المشاكل والمصايب جابتها إلنا العار
أقتله وأطمره وأنعل شيب الخلفوه عود يدعي نفسه
إبن العلويه العار
مازن دير بالك تغلط وتصخمها علينا
الزلمه اخذ أبنه ورد المصخمه اختك
تريد طفي نارك طفيها بالعار مكبوره بغرفتها.
الولد ما يگرب إذا ما شاف عين من أختك
اخ ما قاهرني غيىر فيصل شلون مأمن إلها والماي تمشي من تحت رجليه هج الرجال من سوالفها
كله منك ومن أبوك أنتوا أدلللون البنت چثير
البنت مكانها البيت شنهي تروح جامعه وتلزم هالتلفون مخله عقول برؤوسهم. وشوف العار وصلته إلنا العمر كله ما نكدر نرفع رؤوسنا يا سواد الوجه
هالسالفه ما أسكت عنها كالوا نفضها بگعده شيوخ بس ما تفض هيج لو مو شيوخ التميم.
شتفض ولك أسگت وطم روحك العار من عدنا
ومو منهم الزلمه ما عليه عتب والشيوخ ما راح تحكم عليَّ تحكم علينا احنا العار طامنا طم
و أبو حسين يكول بنتكم أبنه نقذها من الملاهي بنتكم هي منهزمه قبل بساع إبنه ماله شغل بسوالف بنتكم ومستعد يحلف كلام ألله انو أبنه ناقذها وما مسوي وياها العيبه وصخام الوجه
يكول هو ساترها بالحلال...
هي بنته بكلهن صخمت وجوهنا
أخ لوما الطفل بطنها واهله يردونه جان عرفت شغلي.
أنعل والديه طر رأسها واغسل العار
ما اخليها
بس أنتظر شغله برأسي ويصير خير
عوف الزلمه بحاله
هو رايدها بس بالحلم يشوفوها بعد
ما إلى شغل بي
شغلي ويه العار مطموره بغرفتها
لعد شنو بالك ولك أحجي
أدز فيصل
شنهي هاي
وين تلگاه الرجال هچ الله يدري بي وين هسه
وشتريد منه
هي السالفه كلها يمه
ويجي يأخذها هو دوائها
خل هو يغسل عاره
الرجال طلگها محكمه ودز حقوقها
خلص منها ومن عارها ماله شيء يمنا
غير السگط بنته وهاي هم أشمرها عليَّ.
ناقصين سگوط إحنا
ولو طلگها فيصل شهم ويعرف يتصرف
وأختي محد يلمها غيره
أني أعرف شغلي عمي خليها برأسي
هو محد وصلنا لهل المواصيل وطيح حظنا
غير شغلك وتصرفك الارعن وبدون عقل
أشوفكم وين توصلون طيحتوا حظنا
طمستوا رؤوسنا بالطين يا سواد الوجه شلون اواجه العرب شلوووووون شللووووون...
ألطاف فزيت صوت نوريه وراي؟
نوريه شمطلعج من حجرتج يالمگموعه
ردي لو اعرف شغلي وياج
فگي عني رحمه ل أهلج ما ناقصتج.
مشيت لمطبخ أشرب ماي وبالي يم كلامهم؟
يااخوفي يأذونه يربي شُككر أغبياء مصدگين فيصل
ومكذبين حسين شهل العقول العندكم
شگول عليك فيصل شگول تكطع تكطع وچلاب تنهش بلحمك نهش مثل ما نهشت روحي حركتها
وخليت وراك مصايب وناس تأكل بلحم ناس
يارب تفض خير وحسين ما يتأذئ عود أني خل أموت واخلص من الهم واخلص العالم منِ...