رواية الرمق الأخير للكاتبة شمس العراقية الفصل الخامس والثلاثون
أنتظر ذهب تبين عليَّ ما إلى غيرها
سمعت صوتها ويه نوريه ردت أطلع لمحت مازن يفتر
رجعت مكاني خاف يضربني زينه تباوع لشگلي عبالك تكولي وين جنتي بيا مكان تقربت مسحت وجهه وشعراتها بقت صافنه بعيوني حاجيتها ما تحجي لحيت وياها ماكو رد
لميتها بحضني زينه ماما باوعيني أحجي أسمع صوتج ليش ساكته. ماكو رد بس صافنه بوجهي
أنفتح الباب دخلت الباب ذهب بيدها جنط عرفتهن غمضت عيوني. ذهب ليش زينه ما تحجي.
ما ادري أوفف.
أقل تطلب شيء بس تهز برأسها من عفتها جانت تلعب وتهوس أليه وتصفك بيدها هسه اشوفها طافيه بس تباوع وتهز براسها ذهب شبيها احجي
ذهب ما ناقصه قهر
عوفيها بعدين نحجي
أحجي بنتي شبيها
من يوم جابها طگت وراه
من ساعه رماها من الساعه مجلبه بقميصه وتصرخ
ومن مشه ركضت وراه وأني جبتها خفت السيارات تدعمها.
هو ما رف گلبه عليها هيج خلاها اصرخ وراى
الحقيقه أگولج إلى شفته.
هو جانت عيونه دم وشفايفه ترجف يبوس بيها ويحضن بيها عافها وشغل سيارته الحقير خلاها تبجي وراه طگت، بس مع ذلك گلبي يبقى بنظري عار گلبي ما ينگسر عليَّ
كملي
زينه شصار بيها
بلعت لسانها
ما نسمع صوتها بس من تبجي
أخرست يعني ما تحجي موو
أيام هي تبجي وما تأكل عازله نفسها بليل اصحى
الگاها كاعده تبجي وتشهگ بالگوه أسگتها ولحد ألان هي كل ليل تنصب مناحه رغم صغر سنها
بس أحس بنتج فاهمه كلشي...
باوعت إلها لعد شگد عانيتي بغيابي وتأذيتي
لميتها بحضني وعد ما أعوفج بعد مستعده اتحمل كلشي لخاطرج وأسمع صوتج وتحجين وياي
نامت رجليه لازمه أيدي قوي
باوعت الجنطه شنو هاي هذن الجابهن مو
أي غراضج هاي ذهبج وفلوسج
وهاي كل ملابسج دزهن إلچ!
فتحت الجنط كل ملابسي حتى ملابس النوم
والدوام غمضت عيوني دفعت الجنطه عليها ما أريدهن حرگيهن شتسوين سوي بيهن.
َ ماشي ولج حتى مكياجج وعطورج جامعهن وأحذيتج كلشي الچ دازه واني كله عفته بجنطه
وحتى تلفونج هم واني كل فتره افعل الخط مالتج
عسا وعلى أحد يتصل عليج وأعرف شيء عنج...
باوعت المكياج كله خربان دفعت الجنطه من بين الغراض لمحت الستره مره دكتوره لبسته اليه اخذتها ضميتها لأن ذكرى منها، كلشي ما اريد كله أخذي
حتى الفلوس والذهب
وين أودي ولج
كيفج ما أريد منه كلشي
نطيني تلفون خل أشوف.
فتحته باوعت أخر مكالمه فلان سنه والدقيقه وشكثر حاجين اني وياه والرسائل والغزل والعراكات اني وياه شمرته بعيد عني زينه راحت تلعب بي همست
ذهب أريد منج خدمه
ذهب كولي بعيوني أخدمج
انطينج عنوان تروحين اله
أريد أعرف أخباره
قصدج حسين
ومنو غيره
مشتاقتله وتلفون أخذي وياج كسري ما أريده
عندج تلفون غيره جيبلي
أي عندي سميه أشترت واحد
والقديم موجود بس شاشته مكسوره أجيبه إلج
أي جيبي أنتظرج
شالت الجنط واخذت الغراض وسمعنا صوت.
عذراً رقم الهاتف المطلوب لا يمكن الوصول اليه أو خارج نطاق الخدمه.
ألطاف جريته منها متصله أبوها بالغلط
اخذي وياج كسري ذبي
ولا تتأخرين حبابه
تمام أجيبلج التلفون وياه خط
وراها أروح للعنوان ومناك أتصل عليج
تمام
طلعت وبقيت أنتظرها مر وقت تأخرت
خفت مازن شاف بيدها واخذه منها صخام تكمل عليَّ
مر وقت دخلت الغرفه وقفلتها أخذته منها وضميته بصدري اي حبابه أستعجلي
وأدري بي هسه زعلان منِ
شسويلك ويفگ زعلك
ذهب تحبينه ولچ.
َ أي والله أحبه بس تأخرت هواي
من راح يلا أكتشفت روحي معلگه بي
أروح أني وأن شاء الله أرد ألج ب أخبار تسر خاطرج
أنتظرج واخذي رقمه حيل مشتاقه لصوته
أوي يمه فدوه
حيل أحبه
ربي يجمعگم
- أمين
راحت وخلتني بقيت أنتظرها عيوني التلفون أنتظر أتصال منها مر وقت كثير وأتصلت
جاوبتها بلهفه هاا بشري؟أجاني صوته
حسين أني أبشرج
ألطاف حسين
شلونج
ما إلى لونك من بعدك
ليش شبيج
مو ردتي أهلج هذول أهلج شسويلج بعد
ما تجي بعد
لأ
أختنكت حيل.
أنتَ زعلان منِ
هم لأ
وأبنك
شبي
تعوفنه
ألطاف شنو كلتلج قبل
كلتلي ما أعوفج
خلص بعد
لا تلحين
تمام راحتك
ديري بالچك نفسج وأگلي وتغذي زين
إن شاء الله
خوما يأذونج أحجيلي كلشي
أريدك
أوفف منچ أوفف
تندمت والله
شيفيد الندم بعد
الظاهر ما تعرفيني زين
زعلك ثگيل
حيل
يلا أني أروح عندي شغل
أنتظر أتصالك
أنقطع الخط بدون رد
أنت فرصه عمري وضيعتك من أيديه ما عرفت قيمتك يروحها المتعوبه لَ ألطاف يارب أجمعني بي.
نوريه تحركي عاد بس نوم بهالغرفه خوش والله
شتردين منِ
نظفي صخمي بس أكل ونوم
حازم عوفيها هي بس هالايام تعيشهن براحه خل تولد ويصير خير كلهن يچن بوگتهن، عابت هالوجه
ألطاف قفلوا عليَّ الباب بقينا وحدنا أني وبنتي أسمع صوت ذهب بالباب ما يخلونها تتدخل حتى غنج گلبي حرمتوني منها. رن التلفون المتصل ذهب هاا
ذهب ما يخلوني طردوني من البيت الحقير أخوج شايفني ويدري جنت يم حسين مراقبني النذل
ألطاف اوفف.
وحسين شگلج شنو فهمتي منه
ما فهمت منه شيء بس متعوب وصاني بيج وچاي يحاول يقنع أهله يجون وياه يرجعوج بس كلها صارت ضده الظاهر ما متقبلين وجودج بحياته
اي هما رافضيني
أنفتح الباب مازن چر التلفون منِ وكسره برچليه سواه طحين وچرني من شعري ولازمه بطني
مازن كاعده وتخابرين بي وتتغزلين أنتِ وياه عبالچ ترجعين لحبيب الگلب بالحلم هذا الشيء
اليوم نهايتج اليووووم اغسل العار اليوووم
حرام عليك.
فتح المخزن ودفعني بي وقفله عليَّ ظلمه والمكان يوحش مااااازن حررررام عليك أفتح الباب فدوووه
باباااا ساعدنييي بااباااا ذهبببببب ساعدوووني فدووه...
مر وقت تعبت أسمع صوت بنتي تبجي صاااح بيها
مازن وجع يوجعج ويوجع أمج ويخلصنا منجن
أخذيهااا ل ذهب خلصيني من صوتهااا
ألطاف ما شبعت منها رجعهااا لحضني لا تحرمني منها بنتي أريدهاا حرام عليك البنت مريضه راح تتخبل حتى ما تحجييي البنت اخرستت من قهرها.
ماكو رد رجعت كعدت وسكتت
ولليل انفتح الباب عمي ومازن تخبلت خفت منهم حيل رجليه ما يعينوني رفعوني من الكاع دفر أبيهم
وين ماخذينيييي حررااام عليكم والله مظلومه والله
باباااا فدوه ما أريد اموت واني حامل ب أبني باباااا
بابااااا يااا ناااسسس يااا اهل الغيررره يا اهل الرحم
يااا عالم سمعونييي ساعدونيييي فدوه مااا اريد امووووت والله مظلوووومه والله مظلوووومه ساعدوووني فدوووه يا يا اهل الغيره.
حازم صم حلگها فضحتنا بين الجيران خل نأخذها ماطول الدنيا ظلام ومناك عمامك جبار وخلف ينتظرونا، أستعجل يول...
ألطاف لاااااا فدووووه
ياااا ناااس يا عااااالم والله مظلومه والله ساعدوني انگتم صوتي وشدوا شال حلگي دفعوني بالبدي مال سياره بيگم لعمي ومازن مخلي رجليه رأسي وبچيت ودعيت يارب باوع لحالي
يارب ساعدني ما أريد أموت، وينك حسين وينك
أسمعهم بينهم يحجون
مازن عمي أذا احد تعرضلنا كُول إلهم غسل عار.
حازم ماشي صم حلگها ما اريد أسمع صوتها
الطاف ما أدري شُككر مر وقت والطريق يبين طويل وگفت السياره رفعت رأسي الدنيا لليل مكان مقطوع يوحش بس صوت الچلاب وضوء لايت عمامي ينتظرونا سحلني مازن
بالتراب وأيدي بطني وأمتزج الدم والتراب بحلگي
عضيته من أيدي قوي وركضت بكل ما أملك من بقايا قوتي عوووووفني ما أريد أموت وأني حامل فدوه
مازن أخلصج وترتاحين وإحنا هم نرتاح
الموت أحسن حل إلج كلام الناس ما يرحم.
بالگوه أشوفه شگله
همست خل اولد وبعدها أني أقتل نفسي
أبني بي روح الصبح يتحرك بطني أمانه مازن خل أجيبه أخذوا لأبوه واقتلوني...
حازم لا يلين گلبك عليها أسحلها خل نشوف شغلنا
يلا خلف جبار جيبوا المساحي وحفروا گبرها هالعار
الطاف چريته من قميصه أبوس ايدك ورجليك
أبني ما اله ذنب والله أبن حلال والله أبن حسين.
خويااا والله مظلومه تقتل أختك وهي أنظلمت شتگول لامي أذا لاكتك أهناك خويي فيصل باعني إلهم لا تقتلني وبطني روح حرام عليكم
مازن لا تحاولين وياي لان گلبي مات من وراچ
ألطاف لااااا فدوه مااااازن لاااا أمانه أتوسلك لاااا
اخذني سحل وصلني الگبر يحفرون بي باوعت الحفره والخوف سگن گلبي عمامي يباوعون ينتظرونا يقتلني...
خله المسدس برأسي لااا فدوه لااا أصرخ وأبجي لااا فدوه يول أبني عايش والله أحس بي
مازن تشاهدي.
ألطاف وغمضت عيوني وأني أشهك
أشهد وإن لأ إله ألا الله
وأشهد وأن محمد رسول الله
أنضربت الطلقه وفقدت وبعدها ما أذكر أي شيء
صحيت لگيت روحي بمكان غرفه طين فانوس بالحايط وفراش ومخده والباب مقفول والشباك مضروب سجنيل يعني أني ما متت ما قتلوني يعني أني عايشه أتلمس شگلي لحد ما وصلت بطني وأبتسمت أوف يا حسين لحد الان أنت تساعدني أنت غايب وأبنك سد مكانك ما كذبوا من كالوا
هذا الشبل من ذاك الأسد. فعلاً رجال.
طلعت الشمس دخلت الغرفه باوعت السقف من سعف مال نخل وحشرات وأبو بريص گومه گمزت وين ما أروح أشوف واحد باوعت الفراش لكيت أثنين صرخت وكمزت انفض بملابسي وانفتح الباب
الحجيه هاا كعدتي هاج أخذي هالحليبه شربيها
غذي هالطفل بطنج طلع بسبع أروح كل الدك بيج وهو عايش...
الطاف حجيه ساعديني فدوه رحتلج
الحجيه أنطمري مكانج أدري تحالين عليَّ
عينج گويه شابعه بالملاهي وتريد تصير شريفه برؤوسنا...
خلت الحليب وراحت وقفلته وراها باب حديد
طفيت الفانوس واخذت الحليب شربته وبقيت أتصفن بالحياطين وين أني وين جابوني ضعت منك حسين ضعت الله يدري وين أني...
أباوع الأرض تراب ورجليه كلهن دم نازفه وما أدري بنفسي ثوبي وسخ والتراب شعري منظري يرثى لهُ
مر وقت تعبت أسمع صوتهم يحجون بينهم تقربت يم الباب أسمع كلامهم.
حازم وصل خبر هاد البيت گالب الدنيا زين أبوه وأخوه خوش ناس وماخذينه.
مازن گتلك خل نحط طلقه برأسه ما رضيت
حازم مو أبوه يبين خوش زلمه وكالوا أخذوا بنتكم أحنا هم ما نريدها تجينا سمعه من وراها زلمه يحجي حجي معدل...
مازن اي زلمه معدل ما عرف يربي أبنه
يسوي مگسوره وينهزم ويه مره متزوجه
حازم أسگت سالفه ما تسولف
وهسه شتسوي تبقى هيج ما تكدر تقتلها
عمي ناظم يكول خل تولد والطفل خطيه شنو ذنبه خل تولد ونفض سالفتها
راحتك بويا
هسه خليها أهنا يم الحجيه هي أدير بالها عليها.
لما تولد وندز الولد لاهله ولو أبو حسين كالي ما نريده
وين نودي لعد اني العندي مبتلي بيها أنوب هذا
دزها لابوها
ما أعرفه وين تاهت أخباره سألت عنه ماكو
عمي حقه ما ضلتله سمعه من وراه العار أختي سودت وجوهنااا الله ياخذها...
ألطاف رجعت لمكاني وجريت حسره أي يا فيصل.
وين صفه بيك الوگت وذبيتها كلها برأسي ضحيت بيه وأني أم بنتك شلون هنت عليك شلون وبنتك من دمك ولحمك والعشره والدلال والغزل والحب حبيته إلك هيج من دون سبب تبيعني وتنشك الكاع وتبلعك
حسبي الله ونعم الوكيل بيك أشوف بيك يوم
مرور أشهہر
ليت يعود الزمن يوماً كنت غيرت كلشي بحياتي وما وصلت لهل المرحله من حياتي يمكن بثيت الخوف والرعب والتشائم داخلكم بس صدقاً.
لمصلحتگم لأن الدنيا تحتاج شخص نبه ويعرف مصلحته ويعرف ناسه ومقدارها ويعرف إلمن ينطي الثقه كامله نهائياً لا تثقون بشخص نهائياً حتى لو قلوبگم أرتاحت اله خلوا حاجز بينگم وكونوا نبهين
أباوع لبطني برزت وكبر وليدي رغم كل العذاب لاقيته بقه متمسك بيه أبتسمت وأني أمسح عليَّ
دخلت الحجيه وقفت يم الباب وتباوع إليه هاا خاله
الحجيه يبعد خالتج صدك أنتِ مظلومه.
ألطاف أي خاله تمنيت تسمعيني أشهہر المضت بس أنتِ مصدگه أهلي وظلمهم وخاصه أخوي...
أي كلت شگلج ما يوحي لسوالف مو زينه شگلج نوراني رغم التعب المغيم عليَّ...
تساعديني
لا حبيبه أني باب الله ما ألي مسگن غير بهل العرب حچي حازم أنطاني هالخرابه وعايشه بيها
وأجيب نسوان العرب.
أنتِ قابله.
لا يمه أني مهنه أخذتها من الوالده الله يرحمها من بعدها أخواني ذبوني بالشارع لأن كبرت بالعمر ونسوانهم ما تحملني وزوا برؤوسهم وشمروني
يعني هم مريتي بظلم مثلي
أي يمه
كومي تعالي وياي بالبستان هم نشتغل وهم تفضين خلگج ونحجي شگد ما تردين،؟
طلعت وياها لبست الصايه مالتها وصلنا البستان بديت أشتغل وياها ونسولف حال الدنيا وأحوالها
وسولفت بيوت عمامي ونسوانهم وحقارتهن.
الحجيه يمه أدعي من تولدين يخلونج يمي ولا يأخذونج يمهم لان نسوانهم يرگصن والله...
لأ وين يأخذوني
بعد ما أولد يذبحوني وأني راضيه خل يسون إلى يشوفنه صحيح
شمرت من أيدها وزمخت بيها وتعصبت ملامحها أشتت بغضب
الحجيه شتگولين أنتِ
هي كيفهم كلمن أله وين عايشين إحنا يذبحون ويصلخون سگتي لأ أكوم أطر بطنج بهل المنچل
هاي الحقيقه والله أخوي ما ناوي خير لهذا.
كلتلچ ساعديني أني عندي بنت مريضه وما إلها بس الله وأني حتى ما شبعت منها.
لأ إله ألا الله
خلص سگتي زرفتي گلبي يصير خير حبوبه...
تفائلت وأستبشرت خير
رجعت كملت شغل وياها جمعنا الحيشيش وياها خلينا باب البستان تقربياً بي سياره
هاي بس عاد أمهات كراعين يجن ياخذنا
أمشي نرجع فطست من الجوع وانتِ هم طفلج خطي شنهو ذنبه أمشي يمه...
ألطاف رجعت وياها أباوع الطريق كل بيوت عمامي وبساتين منين ما ألتفت ماكو مهرب هي المنطقه كلها إلهم وعمامي هما شيوخها وعمي حازم هو المختار مالتها مختار ظالم وطاغي
صارت بوجهنا مرت عمي نوريه گلبت خلقتها وعفست وجهه
نوريه شمطلعها من حجرتها هالمصگوعه
الحجيه طلعت تحش وياي
نوريه وأنتِ شنو شغلج
أخر مره تطلع من حجرتها خل تنگبر هالشهہرين ونتفتك منها ومن عارها وأبن الحرام بطنها...
ألطاف ما رديت عليها ولا جادلتها دخلت الغرفه تمددت بفراشي جسمي تعبان كله يون عليَّ وخطر بالي هذاك العزيز لمس روحي وحبها فدوه لعيونك وغمازتك وسوالف الادبسززيه وينك يا أبن روحي
يا سر عمري خاف أحجي وتحسده الناس ويتبخر
جابت ألاكل طماطا حمس وياها بصل وخضروات وخبز بالطبك حياگه أهل قبل چريت المندر وكعدت وياها وبلشنا نأكل...
الحجيه اليوم أحجي ويه حجي حازم ما يرفضلي طلب بلكي يحن گلبه عليج قبل لا تولدين...
َ الله يسمع منج
خاله عندج تلفون
أي يمه عندي هذا بس يگول ألو ما ياخذ صوره ولا بي طربك طربك هاي الاقاني تشد الروح بطربها
ضحكت أي عادي خاله بس المهم يگول ألو نطيناه
أحجي أتصال أطمئن بنتي
يمه منعوني خاف أسويلچ مشگله حبيبه وإحنا ساترين عيشتنا ستري علينه لطوفه
فدوه رحتلج خاله بس أشوي
أنطته إليه راحت تباوع الباب
كتبت رقم ذهب همزين حفظته رن أكثر من مره أجاني صوت بنتي وهي تبجي
يمه رويحتي زينه ولج يعمري تبجي.
ما تفهم صار عمرها 3 سنوات تأخرت بس صوت بنتي أسمعها وأبجي أجاني صوت ذهب
ذهب ولجن ليش تنطنها تلفوني شمسويه بحاله هسه يعطل منين أجيب خلنا ساتر عليَّ شغلن إلها طيور الجنه هي تسگت. شو يمه طلعي من حلگج يبوه يا يمه
ألطاف ذهب أني ألطاف جاوبيني
حظ ما عندي صار صوت ودخل مازن شاف تلفون بيدي اخذه وسحلني للغرفه.
مازن ما توبين ما تصيرين أدامي بطلي سوالفج أستچتي أستحي مني ولج اني ما إلى وجه أباوع بخلق الله وأنت عينج گويه شنو بنت شنو هالصلافه
أشوف بيك يوم يا مازن
ما تلحگين موتج قرب أحسبيهن زين الأيام باقيه إلج
طلع وقفل الباب هو يصحح عليها ويكول
مازن حجيه ألطاف ممنوع تطلع من غرفتها وهالمره سماح مره ثانيه ما يصير خير ستري نفسج...
ألطاف شگد نذل معدومه الرحمه بگلبه
وأنتِ ذهب وثول جاوبيني أوفف يا حظج المعثر...
مر أشهہر بس بالبيت وياها من تطلع تقفل الغرفه عليَّ طگت روحي بس أباوع الحياطين أختنگت حيل أنفتح الباب دخلت هي هاا خاله
الحجيه كومي تطلعين لشغل ويانا بلكي تحركين نفسج وتوسعين يصير عندج ولاده أنتِ بشهرج يمه
ألطاف وأذا ما ولدت طبيعي تخلوني أموت اني وياه.
ما بيدي شيء يا يمه
يلا تحركي.
كمت وياها وطلعنا لشغل لبساتين حشيش وتنظيف البساتين من الدغل وشغل بالمساحي والتعب يقرأ الف بس شسوي لازم أبني يصعد لمعدتي احسه يريد يطلع من حلگي...
وأستمر هالحال أيام لما وصلت نهايه شهري وبليل يزيد الوجع وروحي تلوب مدري تعب شغل مدري ولاده تجي تفحصني وتگولي بعدج تمددت بفراشي
ودخلن نسوان عمامي وبناتهم كلهن لابسات ربطات وجواريب ومغطيات أيديهن وعصابه رؤوسهن.
نوريه أي ذبحتني تريدن تشوفن بنت عمج البغداديه شوفنها مو تعلمن منها سوالفها الخايسه
ردت وحده منهن
لا يمه بس نباوع إلها بس والله حرام تگتولونها شحلاتها چنها طابوحه.
نوريه هالطابوحه عمت علينا وخلت رؤوسنا بالطين سودت وجوهنا الله ياخذها...
ألطاف أبداً ما رديت عليها
كعدن ويباعون اليه حيل أنقهرت عليهن طامسات بالشغل يدگون عليهن شغل وجوهن متعوبه يابه شُككر أنقهرت عليهن حتى نسيت حالي.
رابحه شلونج لطوفه من توفت أمج الله يرحمها بعد ما شفنانج لا أنتِ ولا طيوبه
الله يرحمها.
أشوي دخل مازن وباوع إلهن طلعهن برا
مازن صايره مصدر شفقه
ما تولدين عاد ناوي يتخمر بطنج هل الفصعون.
ينتظر خاله يرف گلبه إمه
تحلمين أكون خال لجهالج السگوطه
أنهضمت وبلعت عبرتي يقصد زينه ما جاوبته رن تلفونه وبقه صافن بوجهي
مازن خير إن شاء الله منو هذا!
ألطاف قفل الباب وطلع بعد ما شفته ولأ الحجيه بينت عليَّ أستسلمت لاأمر الواقع مثل كل مره خل أموت هي موته وأخلص وجهالي إلهم الله من بعدي
مر أسبوك وجع يأكل بطني نزيف عندي لليل أشتت الوجع وصارت عندي ولاده وأجت الحجيه إلى لحد الان ما أعرف أسمها بديت أتوجع وهي تساعدني
الحجيه ساعديني يمه فدوه رحتلج
خل ينزل بسلامه هاا ما ضل شيء.
ألطاف تذكرت ولاده زينه هم كنت خايفه يأخذها مني وأبني كذلك ولا فرحت بيهم تذكرت المر الشفته من أختي گلهن خطرن البال بجيت وصرخت بقوه وطلعت عبرتي وأنهاريت بالدموع وسمعت صرخته من بين دموعي شفته رفعته الحجيه وتمسح برأسه وهو يصرخ.
الحجيه مبارك مبارك ما أجاج يمه وليد
ألطاف فرحت بي كملت شغلها لبسته خلته بحضني ورجعت لبستني وغطتني وهو يصرخ تقربت ناحيتي طلعت الثدي خلته بحلگه وبدأ يرضع.
الحجيه خل يرضع الصمغه يمه حني عليَّ ودري حليبج خل يشبع...
أي خاله بديت أرضعه بس يمد باايده تعبانه.
مرت أيام ما ينام والحجيه تجيب زيت تتدلك كتوفه
الحجيه أويلي شُككر تعبان
دگوا أمه ألا كالوا بس
طبعاً يجي تعبان زين طلع عايش
الله كريم يمه
ألطاف جريت حسره وأني أباوع إلها شلون تنوم بي وهو يصرخ...
ومر شهر وهو بحضني وفرحانهہ بي مازن أشوفه بس ساگت بلكي گلبه حن أثناء صفنتي أنفتح الباب ودخل هو باوع اليه ولأبني.
مازن يلا كومي
الحجيه. بختك يمه أستهدي بالرحمكن أختك بعدها نفسه وهالطفل شنو ذنبه ما اشوفه شلونه مثل الملاك هم تصير أب ويصيرلك جهال يمه خيتك هاي خطاياا
مازن من خلت رؤوسنا بالطين ما كالت خطيه
أمشي جهزيها نولي للبيت
الحجيه يمه ما تقتلونها
مازن لأ
يلا خل تستعجل
ألطاف طلع وخلانا تمسكت بي وحضنته معقوله اليوم يذبحوني بعدني ما شبعت منهم أقل أشوف بنتي خاله أحجي وياه فدوه رحتلج...
الحجيه أبقي أهنا كلشي ما يصير.
هسه أشوف وأرجع إلچ؟
ألطاف بقيت بوحدي وعيوني الباب تأخرت يربي وين صارت يارب أفرچها عليَّ هونها وتهون.
دخلت هاا بشري؟
الحجيه يمه مسوين گعده علمودج يردون يحلون السالفه من عرچها إلى فهمته شيوخ بني تميم وشيوخ عشيرتج. علمود هذا رجلج.
قصدج گعده قصاص الحق
أي يمه
يلا تحركي أغيرلج ملابسج بلكي خير وما يحرمونج من طفلج.
الطاف أجت لبستني ثوب من ملابسها ولميت أبني بطانيته جانت قطعه قماش خيااط ولبست صايتها وطلعت وراها عمي حازم ومازن وجوهم سماد وضايجين ويفترون شافوني صدوا عني فتحتلي الباب صعدت وراه وهي بصفي
واجو شغلوا وطلعنا وما ادري شراح يصير؟
طول الطريق حاطه أيدي كلبي وعيوني تناظر أخوي بالچام بلكي گلبه يحن عليَّ...
نظرلي ونظرته خاليه من طعم ألاخوه ولا چنه أخوي أنهضمت مو جديده عليج ألطاف...
وصلنا البيت سيارات هواي وكلها عاليه باب مضيف عمامي رجليه تخشبت وتجمدت كلها تنتظرني بس أباوع بالعيون وأبني بحضني
الحجيه نزلي يمه
إلج الله حشا ما يگطع بعبدهُ.
سندتني ونزلت وياها وهما كدامي مازن منزل رأسه أعرفها صعبه عليَّ بس شسوي يخوي قابل بيدي جبتلك العار.
أنت جبت العار لنفسك.
وصلنا المضيف كنت منزله رأسي من رفعته شفته واگف يم الباب عيونه علينا تقدم وعباس حاول يمنعه بس هو ما رد عليَّ مازن صار كدامه بصيااح...
مازن وين وين
حسين شنو وين
بعد من طريقي أريد أحجي وياها تراها زوجتي بعدهاك ذمتي
مازن اللهم صبرج يا روح
ياا أخيي راويني عرض كتافك خل نشوف شغلنا
حسين وانييي شمسوي إلك
چاي أكولك زوجتي شبيك انت عقلك شبي
شو بعد.
ألطاف دفعته وعمي منع مازن يتقرب صار مقابلي وتقدم نزلت رأسي فشلانه منه بس شفتي ترجف عيونه عليَّ
حسين رفعي رأسج وباوعيني
الطاف مبروك ما أجاك صارلك علوش
تقدمت أنطيته اله بوسه وشمه
حسين أني اريد أسمك تميم
وأمك تريد علوش إذن صار إلك أسمين يا بطل
ألطاف صاحواا عليَّ ما أهتم إلهم كل أشوي يباوع لوجهي أخذته منه وفرك أيده بقهر اووف ورجع باوعلي.
حسين سالفتج صارت سالفه شرف متهميني أني مأخذج من بيت رجلج وكلها ضدي حتى أهلي
ألطاف لا تعب نفسك يروحي أنت
حسين وينج من قبل هسه صرت روحج
نزلت رأسي ما جاوبته؟
أمشي دخلي البيت وأذا دزوا عليج لا تجين
يبقون يفتون برأسج وكلهم يصيرون ملائگه
تعالي وراي
ألطاف مشيت وراه هو راح المضيف وأني دخلت يم نسوان عمامي كلهن موجودات والبيت هوسه
كعدت بصف الحجيه عيوني الباب طالت الگعده بس تعالت ألاصوات وصوت حسين عالي.
غمضت عيوني تمنيت أختفي وأتلاشى من الوجود
مر وقت أجه مازن يهف وجهه لونه أسود ومزعوج
مازن سودتي وجوهنا بين العالم والشيوخ ما راضين يقتنعون أمشي أخذج الله
ألطاف ما أروح ولا أتحرك من مكاني خليني بحالي أنتوا زلم وحلوا السالفه
مازن خليتي بيها زلم طيحتي عگل من رؤوسنا بالطين سويتنا علچ بحلك اليسوه والما يسوه
أني صوجي ما ذبحتج أول ما شفتج صوجي.
يلا تحركي عاد
ما أتحرك؟
چرني من أيدي قوي وسحب ابني من حضني.
غصب عنج تجين يلا
أنغلب أمري مشيت وراه فتح المضيف زلم وشيوخ معگله كلهم وقفوا يم الباب بيهم يم سيارتهم لأن عيب مره بين الزلم والسالفه العوجه الزلم تحلها
دخلت بس هو وأبوه والشيخ أضن منهم
وعمامي خلف وحازم صرت بصف مازن عيوني عليَّ انطاهم أبني عصرت أيدي قوي ونزلت دموعي بقهر اووف...
حسين مستحيل أحرمها منه
مستحيل ألوعها عليه رجع الطفل لحضن أمه لو أسوي المضيف مجزره رؤوسكم...
ألطاف رجعه لحضني وصاحني أروح عليَّ باوعلي مازن لزم أيدي قوي منعني. الشيخ منهم باوع اليه
وگال
خل البنت ترتاح وتحجي سالفتها
حسين إلمن تحجي شيخنا
ليش هذول هم بشر هم عدهم رحمه
حازم ابو حسين سگت إبنك خل نعرف شغلنا ونفض السالفه
أبو حسين حسييين بس عاد خل نخلص نريد نرجع لبيوتنا الشيوخ مصطره يم الباب من وره حضرتك
متت عليها خلصت النسوان بس هي ضلت.
ألطاف يهمس اله هما قريبين عليَّ ينفاخ وسگت يضرب رجليه بالكاع عيونه عليَّ حتى لأبنه ما يباوع گأنما يگولي شسويلج بعد شسويلچ؟
الشيخ أحجي بنيتي نسمعج وياريت الگل يسمع وما أريد صياح خل نفهم من البنت
الطاف باوعت ل حسين بشفايفه همس أحجي كلشي لا تخافين، غمضت عيوني وجريت نفس
صاااح الشيخ
الشيخ بنتي حسين سولف إلنا كلشي بس كولي
حسين صادق بكلامه لو لا.
إذا ما بيج تحجين، وأحنا فضينا السالفه بس نريد نتأكد من صحه الكلام هاا يابه
أي والله صادق بكلامه
وأكثر شخص صدق وياي هو
خاف الله بيه وستر عليَّ هو والعلويه ما قصروا
حسين فدوه لحلگج عاد هما مصدگيني
أحلفهم كلام الله هم ما يصدگون باقين عقليتهم عود أسآس أني شارد بيج من بيت رجلج
والله يالله...
أبو حسين حسينننن كافي عاد
يصدگون ما يصدگون مو مشگلتنا بعد
حسين نشبت صفحه أهل حسين أي والله.
حازم نزلللي عيونج لا أقلعهن وانتوا فضونااا عاااد
الطاف نزلت عيوني لان جنت أباوعلهم رجع مازن جاوبهم...
مازن يلااا عاد فضوناااا
لا تطولها وهي قصيره حجينا وفضينا السالفه كلها بقت يمك أنطقها عاد
حسين انتَ تسكت يا عار الزلم
ألطاف صار الغلط بينهم وهجم عليَّ وصار ضرب بوگسيات وضرب من حسين اكثر شيء وكلها
ألتمت وعمي چرني ونفضني من ثوبي
حازم طلگها عاد واخذ شيوخ عشيرتك وتوگل
كافي مشاگل...
حسين لا إله ألا الله.
أول مره أشوف ناس ما تريد ولا تحب الستر
والله وگت وگت
ألطاف تعالي تعالي يمي
مازن بصيااااح وليش تجي يمك طلگها ولي عاد
ألطاف باوع اليه يابه نظرته أخذت روحي حتى أبنه ما أهتم اله الذنب ذنبي أني فرطت بي أني ضيعته من أيدي...
حسين ألطاف أنتِ طالق
وتميم يبقى يمج ما أخذه منج
ابو حسين يلا إمشينا
ألطاف أخذ روحي وانتزعها من جسدي تقدم عليَّ ونظرلي أويلي نظرته أويلي
حسين هسه أرتاحيتي هسه برد گلبج.
خلصتي من حسين خل ينفعوج أهلج
شسويلج بعد شيوخ معگله جبتلج أهلج ما يردون الستر...
من لا إلج أهل أي والله
ألطاف ما جاوبته راح الله وياه وطلعوا وراه أهله
وشغلوا سيارتهم وأولهم سيارته خله التراب ماله والي رحت وخليتلي حبك بحضني رحت نظر عيني
الله وياك الله يسعدك ويوفقك ويحفظك ما قصرت كفيت وفيت ياريت كلها مثلك ياريت...