رواية الرمق الأخير للكاتبة شمس العراقية الفصل الرابع والأربعون
كَلبي دگاته ازدادت ونفسي صَار سريع واتصل
اووف يمه فدوه بالگوه فتحت خط
واجاني صوته من بعد سنوات كثيره
حسين الوو؟
ألطاف الحمدلله سلامتكيسلمج
شلونج؟
الحمدلله زينه
وأنتَ؟
الحمدالله
جريت حسره شُكبرها
جاوبته: - حسين!
نعم
نگدر نحجي
أي لعد اني ليش متصل!
تمام
ما اعرف منين أبدي الكلام
كلهن عندي لا تحجين
راحتك
بس حسين
هہاا
الغصه تغلب الكلام
بقيت ساكتهه
تالي جاوبته: - عمتك خابرتني وحجيتله كلشي
ألطاف ما عليج منهن ولا شنو يحجن.
ولا تجاوبين رقم غريب عدا أختي وأمي
هذن الوحيدات فقط
غيرهن لأ...
تمام
بس أنت هم تأخذ تميم
حسب ما وصلني تاخذه
اخذه!
شبيچ لازم ما تعرفين حسين
وبعدين لو اريد اخذه جان اخذته من زمان من يوم
أهلج وعشيرتج كلها وأهلي وعشيرتي طلبوا منِ
آخذهہ منج ومن حضنج رفضت وقفت بوجوهم
وبوحدي وما حرمتج منه.
تردين هسه كُبر وتعلق بيج وصارت روحه باامه هسه اخذه والوعج عليَّ
هسه أخذه وحرمه تمشي كلمتها عليَّ...
لا الظاهر ما تعرفيني زين!
لا والله أعرفك
بس أنت صاير ما تعرفني
ولا چنك بيوم باوعت بعيوني
ألطاف؟
هہاا؟
سدي هذا الموضوع
بعدين نحجي بي
ممكن!
تمام راحتك
المصرف يوصل إلج مو
اي يوصل 15 عباس يوصلهن
وليش 15 ليش
اني ادز 2 شمعنى يوصل الچ 15
ليا كواويد
ما أعرف والله
بعدين 15 كافي والله
والحمدالله طلع أسمي وخياطه
الله وفقني دابره.
الحمدالله
لان تستاهلين
أشكرك
بس البيت العلويه سچلته بااسمي عندك عُلم
أي عندي عُلم
بالعافيه شايفه خيرهُ.
ألطاف هسه عندي شغل يمنا ناس وخطار
بعدين احاجيج لا تنامين أنتظريني تمام...
تمام أخذ راحتك
إنتهى الأتصال،
ألتفت صارت ذهب بوجهي دموعها خدها!
همست إلها: - ليش تبجين غنچ؟،
ذهہب هہيج مآ عليج منِ
شنو حجيتوا أنتِ وياه؟
ذهہب حسين متغير
أعرف
ألطاف تعالي أحضنج يمه تعالي أضمج
كانت حاسه بيه، حضنتها وهي تطبطب ككتفي
لا تنقهرين
ما يعرفون قيمتج
خل يروح خل يشوف حياتهُ
الرجال ما قصر الله يوفقهُ
ذهہب غصات العُمر هواي.
أنسيهن كلهن وتعديهن
وانهضي مثل كل مره تنهضين بيها
ولا چنج بيوم طحتي. شد الحيل حيلج
ومدي روحج بالقوه فوق قوتج...
ذهہب
روحهہآ أمي أنتِ هَلي كُلهم
أحبج نور حياتي أنتِ
أنتِ السنَد من بعد الله
رويحتي،
شنو كال إلچ بالأخير؟
كال إلى بعدين أحاجيج!
أنتظريني لا تنامين!
ما أعرف أحس عنده كلام يگوله اليهَ،
بداخلج عارفهَ هالكلام مو!
بس تمنين يطلع خطأ، وتمنين إلى ما يتحقق
متوقعة منهُ شنو يكول إلچ مو صح كلامي؟
صح الصح.
الله كريم، روُحي نامي وأرتاحي عيني أنتِ
ماشي
بس خليج قويه ولا تضعفين كدامهُ
تمام أمي ما أوصيج بعد،
تمام
راحت نطيت تلفون ل زينه تلعب بي
ورجعت كملت خياط وأشوفها فرشت فراشها
وأني أخيط بس بالي يمه ومنتظره هالاتصال...
كمت نومت زينه وذهب هم نامت كنت مخليه التلفون الشاحن لأن زينه ما خلت بي شحن ونفس الوقت منتظرته يتصل،
باوعت الساعه توني ردت أكوم أتصل رن إهتزاز
باوعت الشاشه هو أخذته رحت للصاله جاوبته ألو.
حسين هاا عبالي نمتي
شنو تنتظريني؟
أي
أنت كلت لا تنامين أريد أحاجيج
أي
أي
بقينا ساكتين هو يجر نفس حسيت بي يدخن
وصوت سيارات همست وين أنتَ
بالسيارة البيت هوسه العشيره كلها يمنا
البيت مليان صخول
صخول شنو!
بنات عمومتي غير بكد الدود
هاا
ألطاف
هاا عيني أنتَ
كلت بدون أرادتي، رجع رد،
سالمه العيون وصاحبتهن
أريد أحجي وياج الصريح
كولي أسمعك
بقه ساكت
حسين أنت وياي؟
وياج وياج
ألطاف الضربه التوجع تقوي مو صح!
أي صح
شلونج هسه.
الحمدلله قويه إن شاء الله
أريد أكولك شيء!
حسين أني ما تزوجت من بعدك
الشيء الصار بحياتج صار ماضي
خلص لا ترجعين تذكرينهُ
بس ردت اوضح إلك
خاف وصلتك غير فكره عنِ
ألطاف
هاا
وياك ألطاف كول
كملي حياتج من دون أبو تميم
ألطاف لا تتنظريني بعد
راحتك
الله يسعدك ما قصرت ربي يوفقك
ويوفقج
عندك شيء بعد تگوله
لأ
تمام
تميم وينه نايم لو بعده كاعد
لا نام بحضن أمي صعدته بغرفتي نام
نوم العافيه
تمام أخذ راحتك
تصبح خير
وأنتِ بالف خير ورده.
إنتهى الأتصال
وكع التلفون من أيدي (ورده! )
ردت ما أضعف ردت ما أنهار
ما سيطرت روحي عفت التلفون ودخلت الغرفه
بعدت الغطا وحضنتها ونمت شهگت بصدرها...
مو بيدي والله مو بيدي نار كَلبي شسويلهااا
ذهہب خلص أبچي صدري وأرتاحي
ألطاف بچيت وأرتاحيت كانت هذيج الليله
كفيله تطيب جروحيي من بچيت بهذاك اليوم
بدل الضعف قوه بدل الدموع صمت وهدوء الروح
مر أسبوك
كنت صَافنه ب مَوضُوع بالي من زمان!
وأجه الوقت أنفَذهُ.
الي هو زواج ذهہب وأبويا،
بما أنُ حسين خلص بعد ما يرجع نهائياً
وأختار البُعد ويكُمل حياتهُ
فَ لازم أخطي هالخطوه لازم
ذهہب خيرج شعندج صآفنهہ
لا وتباوعين لطولي نظرتج مو راحه
ألطآف كُلش نظرتي راحه،
ذهہب تحجين لو شلون
شبيچ صافنه
الصفنات مو إلك
غنچ تعالي يمي
أجلسي قريبه بجانبي يا أختاهُ!
بسم الله الرحمكن الرحيم
خاف حرارتج مرتفعه شو أتلمس گصتج
أنوب الفصحى منين أجتنا هو إحنا بالعربي إكمال
ھَہھَہھ.
شبيچ محسستني خبله وعُقلي طگه ونص
لأ چد احجي عندي موضوع وياج
الي هو أني أريد أزوجج
تزوجيني!
يالله منو هذا سعيد الحُظ إلى يأخذني
توافقين يعني؟
لا أتشاقه وياج
أتزوج شنو لا ما اتزوج
أبوي!
ما بيها شيء سنه الله ورسولهُ
وبما أنُ حسين خلص كمل حياتهُ
واني كنت منتظرته وصدمني
فَ حالياً لازم ازوجگم ويجي أبوي يسگن ويانا
تردين الصراحه علمود نسگت العالم صار
كم سنه عايشين وحدنا والناس ما ترحم
ما أعُرف صدمتيني والله!
أبوج!
معتبرته مثل اخويا
الموضوع ما بيها اخويا
والزواج بالحلال ما بي شيء
ذهب فدوه رحتلج وافقي
مو عبالك عُيب
َ ليش يابا
وين العيب بالموضوع
إذا قصدج لأن تسگنون إهنا فَ البيت بيتي
وأنتوا أهلي، لهذا غلسي عن الناس وعن العيب
وردي اليه موافقتج لان أريد احجي ويه عمي ناظم
بس احصل موافقه منج بالاول...
ما أدري
أستوحي اني،
كمزت للغرفه
ھَہھَہھ فديت ل يستوحي فدوه
ندك الحديد وهو حامي طلعت رقم عمي واتصلت أجاني صوته هلا بالعم شلونك.
ناظم هلا بالغاليه الحمدالله
الوالد شلونه
أريد ازوجه عمو واريدك تمشي بيها
لا بربج
تعجبيني أنتِ أصلاً بالي هالفگره قبلچ
وياج بكلشي أبشري
حجيتله كلشي وعن ذهب
بيها الخير واحسن ما فگرتي بي
والعالم بعد ما إلها حجه يحجون عليج
لان ساگنه بوحدج، صار العريس باجر يمج
أندك الحديد وهو حامي
ابشري.
ما تقصر عمي اريدك تقنع ابوي
خلي عليَّ وگملي شغلج
غسل وشحم عليَّ المعه واجيبه الكم
ھَہھَہھ فدوه ما تقصر والله.
إنتهى الاتصال، وفعلاً خير البر عاجلهُ حجيت وياها
وأقتنعت وافقت ودمعت عيونها أحبج راح تصيرين
مرت ابويا بس هاا مو تسوين مشاكل اموتج
ذهب ھَہھَہھ
أنجبي عابتلج
بس لازم أبلغ سميه واروح يمها تعالوا اخذوني من يمها تبقى زوجه اخوي الوحيده باقيه من اهلي
وهم بنات اخويا موجودات وهم عيب من الناس
عوفج من الناس + هذا الشيء من حقج
تدللين يروحي أنتِ الا ازفج من بيتج لبيتي
وحضنتها قوي ربي يحفظج اليه مرت ابويا.
ھَہھَہھ ضحگنا سوا
ونفس اليوم اخذتها لسوك وأشتريت جهازها
وفستان بسيط كد عُمرها طبعاً ذوقها
ما خليت شيء بنفسها ورجعنا تعبانين
همست بعد إلكم غرفه نوم لازم أشتري
ذهب صدك تحجين لا يمعوده عيب
شنو عيب أنتوا بعدكم
ترة ابوي مو جبير بس القهر تعبه
وصدگي لو يرتاح ويدلل يرجع شباب
ضحگت وخجلت وشالت الغراض راحت الغرفه
باوعت الساعه هالوگت تميم داك أقامه يم ابوه
يا خوفي ينفر منِ...
للعصر فرغت غرفه إلها جانت بيها غراض مثل، المخزن وصبغتها وطلعت تخبل وهي وياي
ولليل كعدت أخيط ملابس إلها هي بس منزله
رأسها مستحيه وخيطت جراجف جربايه
ورتبتهن سهرت الليل كُله أني وياها وخلصنا
وبعد تعب تمددت بفراشي وزينه بحضني غفيت
الصبح كعدت رنه تلفون اتصل عمي
جاوبته هاا عموا!
ناظم العصر نجي عليج وبلغت أختج طيبه
هي ورجلها وغيرهم لأ
هذا هو عمي شتسوي سوي
ماشي يبعد عمج
أنتهى الاتصال.
كمت غسلت البيت وذهب راحت تجيب مواد
دولمه مشتهين نسوي طلعت لحم اثرم بي
ودخلت هي ترتب المسواك زينه گبالي تلعب
أندك الباب خير منو أجانا! معقوله طيبه
ذهب رايحه اشوف
ألطاف لابسه تراك وناثره شعري ظهري
وسمعت صوته! وصوت العلويه
راساً لبست شالي دخلت الصاله
دخلت العلويه سلمت عليها وتميم أجاني يركض
العلويه يمه أجه يأخذ سيارته وجابني وياه
لأن ما يجوز يجي وحده لهذا يريد المفتاح
أي خاله دقائق اجيبه.
رحت جبته ننطيته إلها وراحت عليَّ قفلت باب المطبخ والعلويه كعدت يمنا نسوي الدولمه
كان الشباك مفتوح بس صوته نسمعه يصييح
حسين َ أشتغلي عاد بنت الگواويد أشتغلي
ليششش مزوملله ليشش عنترتي برأسيي
العلويه الولد شخط وفلت لسانه
الله يثبت عقلك يا يمه.
حسين خررب بيج
ألطاف شگله صااار عصبي تميم راح عليَّ بس نسمعه يصيحح ھَہھَہھ
حسين روح من يمي لا ادفرك أبن الخبل
تميم وليي، من يمي
تعالووااا اخذواا
الطاف ذهب روحي جيبي فدوه.
العلويه فضحنا أكوم أشوفه شبي
الطاف راحت وذهب جابت تميم ردت الباب وراها
هاا شبي
ذهب طبعاً ما تشتغل ترى صار سنين ما مشتغله
لو تشوفي شلون صاير شگله يخرب ضحك
گفشته مهلسه ومدهن حاله يرثى لهُ...
خطيه
تميم ماما لا تروح بابا جاي يشتغل
خليك يم أختك ألعب ب الايباد.
سمعنا عيطته وگمزنا خررب فززني
حسين خرب بغيرتك عبااااس
ليش ما مشغلهااا ليشششاقل حرك الماي بطنها
خايسه والمحرك مجيم مثل، حظي
خرررب منين ما اجيبها مليوصه.
امداك حسين امداك...
العلويه ولك فضحتنا
لسانك روح جيب مصلح وصلحها وفضنا
انت تدرين ابنج الثور مدمر سيارتي
الصبغ مقشر والله بس الزمه الا أعلگه بالعامود مال كهرباء سبع ليال بحالهن قهر سيارتي الطرررن
فدوه الك
أشتري إلك احلى منها
َ واذا مزاجي ما يحب غيرها
شتسوين اله تبدلين گُلبه
روحي من يمي لخاطر طليان يعقوب
الطاف ھَہھَہھ
متت ضحك سوالفهُ.
واجت گعدت تلف دولمه ويانا وراها سمعنا باب الحوش أنرگع بعدين عرفت راح جايب غراض
وگعد يصلح بيها للظهر الغده جهز گعدنا بالصاله
تغدينا وجهزتله صينيه ورتبتها ودزيتها بيد ذهب
ذهب خليتها يمه عاد كون يأگل
ألطاف تمام
عفتهن يتغدن ورحت جمعت ملابسه كلهن القديمات
محتفظه بيهن بالجنطه خليتهن بالصاله خاله هذن ملابسه.
العلويه ماشي يمه
بس شسوي بيهن هو صاير بكد الثور.
الطاف ضحگنا سوا وراها غسلت مواعين وذهب اخذت أله چاي وجابت الصينيه وگوب الچاي نفس ما هنا شنو ما متغدي!
ذهب كالي مشكوره ما أريد
بس أكل لگمه لخاطر ما يرد الزاد
الظاهر صدك مقهور سيارته خطيه.
الطاف خطيه
خلصت غسل المواعين ورجعت كعدت يم العلويه
تقربياً ساعه 2 أجه تميم يركض
تميم بيبي بابا راح يروح
أشتغلت سيارته
العلويه اي همزين أجانا الفرج
يلا يمه مشكورين الضيافه
تعبانگم ويانا
ألطاف لا خاله صدك جذب تعبگم راحه.
طلعت ذهب وصلتها وتچر بيه هزيت رأسي معناها لا
اشويه واجت
ذهب ليش ما طلعتي شفتي طولج وأحرگي گلبه
ألطاف مو إلنا هاي السوالف
الله يسعده بحياتهُ
يلا حُب كومي تجهزي شنو نسيتي ناخذج لسميه
العريس اليوم يجي. خدودها أحمرت فدوه للخجلان
راحت تجهز واني هم وگفت المرايا ورتبت شگلي
رغم ضعفانه كُلش بس مو مهم اخذ مسمن واسمن
وارجع أحلى من قبل والحياة ما توقف...
طلعنا من البيت وتميم يكمز وفرحان لان گلتله عدنا عرس يباوع ل ذهب ويگول إلها
تميم هلا راح تصير عروس جديده وحلوه
ذهب شنهي ولك قابل يبدولني
هذا ابنج خرفه بس ما الومه ابوهُ حسين الادبسزز
الطاف ھَہھَہھ
خررب راح اموت من الضحك
امشوا هسه يوصل عمي ناظم لازم اوصلج وارجع
طلعنا لبيت سميه منتقله لغير منطقه نسيبها مشتري إلها مشتمل بصفهم. دخلنا البيت يلمع والبنات
هنا وجهالهن وهديه شايله بنتها فدوه للبنات.
حضنتهم وبوستهن تستاهلون كل الخير حبيبتي
هديه فدوه رحتلج عمه
اتفضلوا عيوني إنتوا
سميه ذهب خجلانه من بنات اخوها دخلنا
واجت سميه وهلهلت ھَہھَہھ اي فدوه عفيه
أرواحنا محتاجه فرح خل نفرح جان اهلهل
كلكوششش وصفگت وگعدنا وجابوا الضيافه
سميه زين ما خطيتي هالخطوه بارك الله بيج
جزاج الله كل الخير
ألطاف راح تصير مرت أبوي
أخاف نتعارك ومن الشعر عزا ھَہھَہھ اتخيل بس
سميه ھَہھَہھ لا ذهب وك إسمها.
الله يسعدهم إن شاء الله و يسعدج ويستر
عليج ولكم تعالوا فروخ الحلوين فدوه
هديه عمه الطاف اني اريد أرگص
ألطاف ھَہھَہھ تردون عرس
تدللوا انجيب ديچي ونرگص ليش لأ
كم ذهب عدنا هي وحده وراح تصير مرت ابويا
ضحگنا وهي ترگص بيه وخجلانه رن تلفوني عمي
هذا عمي اجه العريس اجه والله...
هلا عمو وصلتوا مو
ناظم وصلنا بعدنا بالطريق ما اندل بيتج
وصفي إلنا العنوان بالضبط وين وهاي اختج
طيبه هم تريد تجي تتصل عليج ما تجاوبين.
عمو خل ارفع خشمي شوي عليهم
عاجبني أنغر وطبعي البارد
رفعي خشمج عمي وعمج بظهرج
اوف لو ادري بيج مظلومه بوقتها انعل شيب خلفهم
لا تذكرني فدوه الفات مات
يلا أني اروح لبيتي وراح ادزلك العنوان كامل برساله ومن توصل أكو أسواق مقابل قريبه علينا
خوش دزي العنوان
تمام
أنتهى الاتصال
يلا اني أروح لبيتي وما أوصيگم جهزوا عروستنا
نخلص شغلنا ونجي نأخذها...
سميه تدللين أنتِ
الله وياج يمه.
الطاف طلعت وجهالي وياي اخذت تگسي وصلنا البيت نطيته الگروه هما واقفين وأني أفتح بالباب
سمعت تميم كال
تميم ماما هذا عمو وبابا بالسياره
ألطاف ما التفت بقيت منطيه ظهري ألهم فتحت الباب ودخلنا وتميم كام يبجي يريد يطلع أندك الباب من وره الباب منو
عباس إني مرينا صدفه وتميم شافنا كام يبجي
خل يجي ويانا بليل نجيبه
تمام
بعده بگشخته يلا روح وبليل تعال لا تسوي وكاحه
وصير عاقل بوسته وراح.
دخلت الغرفه صارت مرايا كدامي باوعت لبسي
بنطلون أسود وقميص تفاحي لاحظت لبسي يجنن
صفنت هسه اني شكو صافنه وأباوع لشگلي...
رن تلفوني عمي أكيد وصل
ناظم ولج عمي وين بيتج أني وقفت بالفرع
كله بيوت ياهو منهم بيتج
الطاف لحظه طالعه
خليت تلفون بيد زينه وطلعت وقفت يم الباب أباوع
السيارات شفت سيارتهم رفعت أيدي وعمي ناظم
دگ هورن مالت عريس وضحگت عليَّ نزلوا وحضني
أبوي يم الباب يفدوه لعمرك وعمي مستمر بالهورن.
حاتم وگرص فضحتنا انت وياها
ناظم غير عدنا عريس ادري ماخذ ارمله
لما ماخذلك وحده جنگل
الطاف ھَہھَہھ سنگل عمو سنگل
تقرب حضني ويبوس بيه فدوه لعمرك
اتفضلوا الف هلا بهالاثناء أجه تميم
شجابك ولك مو رحت
تميم لا عمو وبابا إهناك بالاسواق مالتهم موجودين
الطاف ما أهتميت دخلنا والسياره بقت برى
حيل فرحانه بيهم. دخلوا للاستقبال وقدمت ضيافه وجگليت وعمي يأكل وناصب عمي
ناظم عمي نيالك تعرس مره ثانيه وتجنگل.
الطاف ھَہھَہھ يستاهل عريسنا
ناظم ولج نسيت من وره العريس
اكو صوغه بالسياره شلونها تعجبج
الطاف ما تقصر
طلعت بملابسي نفسهم فتحت الباب ونزلت صناديق
فواكه وتمر خستاوي دخلت صندوق صندوق وتميم ينزل التمر وياي سله بيض نزلتها وقفلت السياره ودخلنا البيت. جهزت العشه وفرغت الفواكه
ودزيت لبيوت الجيران بيت تميم يروح ويرجع
كافي ولك بعد ما أندز
تميم بس هذاك ماعون ما اخذته بيت ابو حسن
ألطاف لعد ألمن أخذته.
نزل رأسه وضحك. احجي ولك
تميم أخذته لعمو وبابا
الطاف وأنت شلون تعبر الشارع لصوب الثاني
لو ضاربتك سياره شلون بيك أنت
تميم والله اخر مره
بابا هم گرصني من أذني ما قبل
شوفي صارت حمره
لان تستاهل
هسه شيگول عليَّ هاملتك
اوف منك روح يم أختك العب
راح باوعت الماعون يعني وصلك الفواكهه بالعافيه
بعدين تذكرت هالاسواق إلهم وجاين لهنا...
جهزت السفره وتعشينا وعمي خربنا ضحك وابوي.
هم كام يضحك وبقينا سهرانين هواي فرحت بهذا اليوم وانوب شاف الغرفه يبوه متتت ضحك...
مر أسبوك عقدوا سَيد ومحكه وطبعاً كُله عمي وياه أول بالاول ما قصر خطيه و أشترى إلهم غرفه من حسابه الخاص هديه زواجه واني رتبتها وعطرتها صارت تخبل الله يسعدكم
اغلى أثنين كَلبي...
سمعت صوت طلعت من الغرفه ودخلت طيبه تهلهل وتشمر چگليت عيوني ما قصرنا اني وياها
ما شايفين فرح أثنينا هلاهل بعلوا الصوت...
طيبه والطاف كلوكلوشششششش كلوكلوشششششش، ودخل قادر جايب
الديجي لا سواها ابو فاطمه صدك تحجي
قادر أي لعد شعبالج هذا عرس الغالي
واللمه بيت الغاليه أم تميم عمي تستاهلون كل الخير.
طيبهہ ولگم گرصوني خل أصدك ابوي عريس
يفرحتي بيك واخيرا رجعت بغداد ونلتم بيت
يمه فدوه...
الطاف حضنته وهو فرحان بجمعتنا حواليه عيونه
اكثر شيء عليَّ والله فرحانه بيك لا يضل بالك
يروح بنيتك...
ناظم بدون بجي شغلوا هالملطوم ولك قادر.
اريد هذا مال جوبي مال الغربيه تعال نجوب اني وياك.
قادر تدلل عمي واحلى جوبي
ألطاف طلعنا بالحديقه شغلوا الجوبي عمي وابوي
وقادر وفاطمه وطيبه ركص جوبي خاصه عمي وابوي وقادر طيبه وفاطمه يسحلون بيهن
قادر ضحك وصاح بيهن
قادر مايعات انتن
الجوبي مو الجن للزلم مثلنا مو عريسنا.
الطاف تميم وزينه يرقصون الوسط وصوت الجوبي عالي صدك فرح يترس الروح راحه احتيت بهذا اليوم لازمت ايد عمي وطيبه لازمت ايدي ورگصنا جوبي وبدعت أني.
مر وقت كثير وما حسينا وراها رحنا جهزنا العشه
أني وطيبه ورتبنا البيت وطيبه تفتر بالبيت وبالغرفه مالتي ومگائن الخياطه اجت عيونها دم دموعها تصب بدون مقدمات أجت حضتني بكل قوتها
طيبه أحبج أنت قدوتي
سباعيه خيتي تشتننا بسبب اغلاطنا وأنت انظلمتي
وتالي أنتِ جمعتينا وبيتج فدوه رحتلج.
ألطاف الحمدلله ككل حال
يلا تعالي ورانا روحه نجيب ذهب.
طيبه أي عمي گال تصير دنيا مغرب نجيبها علمود گبل ندخلهم غرفتهم خطيه محرومين.
الطاف ھَہھَہھ
والله عمي شعنده سوالف من البارحه اليوم
موتنا ضحك
يعمري إن شاء الله دوم تضحگين
بيتج كلش حلو ومرتب يخبل حتى حديقته تجنن
بيت عامر يعمري تتهنين بي.
أشكرج عيوني
جهزنا العشه وغطينا الگدوره ورحنا تجهزنا بغرفتي
فاطمه وفرح رتبت من مكياجي وطيبه گعدت تغيرر
ملابس تميم وزينه وتبوس بيهم وتمسح دموعها
ما ردت اخرب فرحتي تجاهلت هالحزن وبعدتهة.
طلعنا وبيدنا الجگليت وصعدنا سياره عمو قادر وطيبه وأبوي واني وجهالي ويه عمو وتوگلنا لبيت
ذهب وهورنات قادر وعمي ومشغلين اغاني بالسياره
واحد يسابق الثاني...
وصلنا البيت والبنات جاهزات ورجالهن موجودين
أستقبلونا بالاستقبال. ودخلت عليها لابسه بدله نازگه وصدك طالعه تخبل مگياج خفيف وحجاب
مرتب عمي نياله عمي اني ما عرفتج فدوه تعالي
ابوسج مرت ابويا الغالي.
ذهب راح أبجي ترى ويخرب الوك
ألطاف ھَہھَہھ.
نجدده عيوني نجدده فدوه للوك طالعه تخبلين والله
وراها طلعناهم بالطرمه اشوي گعدوا وطلعنا للبيت
قادر السائق دك رقص والاغاني ناصب عليهم
قادر اليوم عمي يبدع
ناظم محروم ولك واخذله جنگل
طيبه ھَہھَہھ
جنگل شنو
الطاف قصده سنگل
ضحگنا وطلعنا للبيت
عمي وقادر ما أنطاهم مجال گبل دخلهم الغرفه.
حاتم هسه اني العريس أنتوا شعدكم مستعجلين
اكثر منِ
قادر غير فرحانين الك يا عمي
وربي اني مرتبك انت فلا مرتبك
ألطاف ھَہھَہھ.
دخلوا الغرفه وهلاهل وجگليت وقفلوا الباب
ربي يسعدهم. دخلنا الغرفه غيرلنا ملابسنا
ورحنا صبينا العشه وتعشينا متت تعب...
وطيبه غسلت المواعين وفاطمه اخذت جاي إلهم
فرح تنظف وياي لزمت البيت كله غسل ونظفت الحديقه طلعت لباب البيت بالصونده غسلته كله
بس ماده رأسي خلصت رجعت سبحت وصليت
ونومت جهالي طيبه جهزت العشه الهم...
انفتح الباب وطلع ابوي صدك عريس حتى لون بشرته تغير والفرح مبين فدوه حضنته اني وطيبه.
وبارگنا إله وأستلموا قادر وعمي ب استقبال
قادر تعال عمي عدنا وياك تحقيق
وانتن شوفن شغلجن...
الطاف ضحگنا ودخلت عليها منزله رأسها فدوه
لغنج گلبي تعال ابوسج بارگنا إلها وگعدنا وياها
ودخل تميم ولك مو نمت شعندك گعدت
تميم مو العرسان كعدوا خنشوف
هاا ذهب صايره جديده وحلوه
طيبه ھَہھَہھ ليش جانت قديمه ولك تعال
أكلك هالسان هاي صارت بيبي فاهم
تميم اي احبها لان صارت حلوه
ألطاف ھَہھَہھ فدوه.
گعد بحضن طيبه وبقينا نسولف وما حسينا
بالوقت ألا متأخر وراها كلمن راح لفراشه نام
تمددت بفراشي نعسانه فتحت تلفوني جنت
مسجله رقمه واتساب باوعت أخر ظهور من ساعه، جنت نعسانه قفلت تلفون ونمت
الصبح كعدوا ودعت عمي ناظم عود مرلنا
ناظم ربي يحفظج الغاليه شلون ما امر ألج
طلعتي سباعيه تعالي ابوسج روح عمج
حضنته فدوه لعمرك
راح الله وياه ودخلت طيبه هم تجهزت هاا تروحون
طيبه أي والله قادر عنده شغل ما نكدر
راحتگم عيوني.
بوست البنات...
طيبه الغاليه ربي يقويج ويسعدج
لا تتهمين نهائياً
لا يبوي شنو أهتم
الحمدلله ككل حال هيج مرتاحه كَلبي أطمئن
جهالي يمي وبيت يلمني وأبوي يمي وذهب
بس أريد ستر الله علينا وعليكم
طيبه فدوه لعمرج
وصدك أخر اخبار أخونا العار متزوج أرمله وراها
جهال أثنين يكولون طيبه وفقيره بعد ما ادري
هذا سمعته من قادر
ما يهمني بعد
ودعتهم وراحوا الله وياهم والعرسان بعدهم.
نائمين شلت الفراش ونظفت البيت وطلعت لحمالسنك وقفلت البوب،
باوعت إرجاء البيت كُل لحظات والحُب هباءً منثوراً بس مع ذلك تركت وراك أثر جميل بحياتي وثمره حُبك طفلك تميم،
چريت حسره وكُتمتها بداخلي أه ياروحُي شگد
تعبتي وتعذبتي أعتذر إلج نيابه عنهم كلهم أذوج
وجروحج أقدم إلج أعتذري لأن ما شفتِ أحد أعتذرلج وعد ما أسمح أحد يأذيني ويجرحني ويمتلك كُلبي أعيش لنفسي وبس وأطفالي.
أكون إلهم كلهن يكبرون ويعوضوني عن الشفته
والحمدالله والشُكر دائماً وابداً
رحت بغرفتي نمت السرير وحضنتهم ونمت وبعد كل الافكار من رأسي خلص أريد أرتاح كافي عاد
والى هنا كانت اخر محطات قصتي واخر رمقُ
أشكر إلى حُبوني وأشكر إلى كرهوني وجرحوني
بكلامهم بس خليها بالگم صار الكلام يجرحني
يقويني والضربه توجع تقوي وألطاف قريتوا
قصتها وأسطر حياتها في حلقات الماضيه
مو نفسها ألطاف الحاليه.
تغيرت ما عادت نفس الاول الدنيا خلتني أعرف ناسي خلتني بس أباوع البشر أعرف شنو نيته وأني كنت ماشيه ويه البشر حُب الله وك نيتي عبالي كلهم مثلي ونفس كُلبي أثاري ما كذبوا من كالوا البشر أجناس. وأني شفت أجناس وتعذبت وياهم
واولهم أبو زينه إلى حرام أسمي أبوها وهو باعنا وشمرنا للوحوش البشر ومُِجتمع وهو أختفى كأنما هباءً منثوراً
كلشي شفت االقبيح والسيء والقذر وذو وجهين
والي لابس قناع ونهايتهم واخر رمق هم.
والطيب والمقيد بحكم الاهل والتقاليد واحسه أنجبره يبتعد عني او ما عادت اله نفس بيه
الي هو ابو تميم ما قصر وفضلهُ للموت ما أنساهُ
نقذني من الرذيله وساعدني وسندني وعالجني
وخلاني انهض وعزز الثقه بنفسي وحُبني حُب
بكل وفه وألاخلاص ذكريايته حُلوه بحياتي
وحتى من غاب وأنسجن أمه ما قصرت وفضلهم
مغطيني من رأسي لرجليه. الله يوفقهم ويسعدهُ.
تعلموا تبنون نفسگم وتعززون الثقه وتمدون نفسگم بالقوه والتقرب من الله يچلب كلشي حلو وما يتخلى عنا قربي الى الله راحتي
وحجيت لكاتبتنا تفاصيل حياتي وما قصرت شمسنا
ومثل ما أنجز أعمال الدنيا من شغل وگلشي،
أنجز أعمال الاخره لان الدنيا أعمالها ومشاغلها زوال
وإما أعمال الاخره أعمال دائمه...
بلشوا أنجزوا أعمالگم وحسنوها خصصوا وقت
مثل ما تخصصون وقت بمشاهده تلفاز او تصفح
أجهزه، اقل وقت الفجريه صلاة الفجر وقراءه.
صفحه من كتابهُ، أحجيلكم تجربتي وراحه سگنت
روحي حتى صرت ما أهتم للبشر يحجي عني
والي يغثني دام اني راضيه ربي وماشيه صح
خلص بعد أهناك إذا اليه حق ربي يأخذه...
وأخيراً رگزوا أختيار الشريك الحياة
مو شرط حلو وهو قبيح من الداخل
الجمال مو كُلشي. من تحبين حُبي رجال
انطي گلبج إلى يستاهل
لو تخلي بين أضلعج بدون حُب.
أتمنى من الاهل ما يظلمون بناتهم مثل ما أهلي ظلموني والاكثر، أخوي وتجرد من العائله ونبذ وما عاد ينحسب أخونا لان ظلمني هواي.
خليج قويه ما يهزج ريح
خليج واكفه مثل الجبل شامخه رغم كل المصائب
أنهضي ونفضي غبار السنين عنج حُبي نفسج
وأعتني بيها داري رويحتج ولج دادا والله محد يفيدج شنو والمن أهمل نفسي ومنو يستاهل
صار وياج موقف اذاج؟ عادي دخيل ربه منو إلى ماشاف وجع منو إلى ماتأذه؟
هوني نفسج شوفي وجع ناس غيرج اعمق من وجعج، واحمدي ربج الشيء إلى انتي بي، حبي روحج ثم حُبي روحج
حته عيوبج حبيها، شما تعبتي حبي روحج
حلاتج بروحج
ب ايمانج
ب ثقتج بنفسج
بشخصيتج
بكلامج
بأسلوبج
و هواي امور تخليج ملكه
لتصعبين الدنيا ع نفسج ابد
عيشي هالدنيا بكل بساطتها
خلي ابالج العُمر مينعاد تعيشي مره وحده بس
عيشي بتفائل. عيشي بحب لروحج.
عيشي بقوه. عيشي شخصيه ثابته.
. عيشي لمستقبلج.
عيشييي لروحج لأن تستاهل تفرح كك.