رواية الرمق الأخير للكاتبة شمس العراقية الفصل الخامس والأربعون
مَرت هالسنوات وأخذت من عُمري عُمر، حتى التعب بين على ملامحي، الدنيا اتعب خاصه اذا كنت لوحدك تعاني بيها وبالاخص الامرأه ومطلقه وعدها إطفال ما يحس بشعوري والضيم المريت بي بس اللي رجلها عافها حتى لو ما جان اكو تفاهم وأنفصلوا ل أسباب عده صعب كلش صعب المسؤوليه أتعب، بس رغم هذا كله أبو ابني هو مصبرني مطبات الحياة صحيح تواصلنا بس علمود أبننا وعلاقتنا محترمه ورسميه يكفيني وجوده بالدنيا وهو بخير ما اريد شيء بعد.
بنات حبيباتي عزيزاتي باجر أمتحان أقروا زين واللي راسبه بهذاك الشهر خل تشد حيلها بهل الشهر حرامات تروح عليكم السنه، علمودكم ماما هذا مستقبلج وشهادتج سلاحج بهل الوكت محد يفيدج صدكيني بس شهادتج.
احجيلكم عن نفسي شفت محد فادني غير شهادتي هي نقذتني وخلتني أوكف علىك رجليه واعيش اطفال أثنين من دون أب خلتني أتحمل مسؤوليه لوحدي خلتني أكون قويه وأستند علىك نفسي بشهادتي كدرت أكمل الطريق لوحدي.
ست الطاف ليش أنتِ ارمله.
لأ حَبيبتي مطلقه، يلة المهم مو أهنا موضوعنا أني حجيت الكم علمود يصير الكم حافز قوي وأريدكم تشدون حيلكم وتجيبون درجات عاليه وأفتخر بيكم ويكولون طالبات الست الطاف متميزات ومتجهدات وافتخر بيكم أني.
الكل إن شاء الله تدللين.
بالتوفيق يارب نلتقي باجر علىك خيك مع السلامه.
رن الجرس وشلت جنطتي وطلعت الاداره وكعدت ويه المدرسات يسولفون، واني فتحت تلفوني أتصفح شفته ناشر ستوري ضليت صافنه وأقرا العباره والموسيقى انطيت أعجاب وطلعت من الحساب ورن تلفوني ذهب! خير جاوبتها هاا خاله.
ذهب تميم راح الاسواق يشتري ولحد الأن ما رجع واني ما كدرت اطلع وراه أبوج تعبان وزينه ما أكدر اعوفها وراي.
الطاف طلعت بالحديقه لاتكولينها فدوة شأخذه الهم مو نبهت عليج لاتخلينه يطلع وشلون عبر الشارع هسه اهله يرجعون عليه.
مو تعرفينه عبالك شيطان وخفيف بسلامته غافلني وأنهزم وهسه شوفي عمه أبوه اتصلي عليهم.
شلون يا خاله خليتني بموقف صعب وياهم، ما متصله من زمان والله ما اريد اتصل هسه حبابه لبسي عبايتج وروحي وراه جبيبي وتعالي وأذا لكيتي حسين موجود يا ويلج تكولين ما ادري بي طالع كولي اني دزيته على شغله من الاسواق مالتكم
ما اكدر يا معوده.
وهو شعنده طلع مو يدري ابوه بالدوام راح يخبلني هالولد والله ركصني وياه.
لا يكول بابا بالاسواق شفت سيارته وضل ينك علىك رأسي امشي وديني بس اني رفضت وهو غافلني وإنهزم المكروص.
- ما بيها مجال خلاص عندتي الا الطاف تتصل علىك حسين.
ولج بنتج تنحست وبس تبجي وابوج ماله خلك بطلي كبرياء وعزة نفس وأتصلي على أبوه وشوفي أبنج وين خل واحد منهم يجيبه.
ماشي ماشي، ديلة روحي الها صوتها واصل لعندي ديري بالج عليها فدوة، خل اخابره وارجعلج وأحجي وياها، قطعت الأتصال.
رحت الواتساب ما فاتح نت نشط منذ ساعات وباوعت المحادثة قبل فتره علمود تميم راسلته يجي يأخذه ضليت صافنه وتالي فزيت علىك أتصاله أبو تميم.! اخذت نفس وجاوبته الو.
حسين السلام عليكم.
الطاف عليكم السلام.
وينج.
بالدوام والله.
تميم يمي أجه ل الأسواق وراح أخذه وياي للبيت گالي امي ما تدري بيه اني أجيت، ليش تخلينه يطلع من البيت بدون علمج لو ضاربته سياره شسوي بيج وكتها.
ما تسوي شيء أبنك هو وكح ومركصني على عشر أصابع، وطالع من البيت وغافل خاله ذهب وأجه عليك لن شايف سيارتك بالفرع، فہ مو مشگلتي ترجع عليه وربك الحافظ لاتفاول عالولد.
شحجي وياچ أذا إسلوبج وردچ زفت
الطاف قطع الأتصال بوجهي أني شبيه أنفعلت من حقه أب ويخاف علىك أبنه شصارلي انفجرت بوجهه
بس اني هم من حقي أم، ضليت صافنه وتالي اجاني صوت ست انوار
أنوار الطاف عندج درس المديره كامت تحجي تأخرتي.
الطاف أجييت، رجعت الأداره واخذت جنطتي والاسئله الصف الثالث ودخلت عليهم مرحبا شلونكم جاهزين
ل الامتحان.
الكل اي ست بس تأخرتي.
اي والله يلة نأخذ من الدرس اليجي 1 دقائق ونكول بسم الله، انطيتهم الأسئله وضليت أفتر واراقبهم وسمعت صوت أشعار فتحته من عنده
حسين اخذيله أجازه باجر ما يروح مدرستته يضل يمي.
الطاف ما جاوبته خليته صامت ورجعت أكمل الدرس وبعض الطالبات يسألون وأوضح ورن الجرس وأخذت الفرصه كلها وما طلعت الا الكل خلصوا وأستلمت الاوراق ورجعت الأدراه
أنوار شبيچ وجهج أنكلب 18 درجه، أطفالج خوما بيهم شيء.
الطاف لا ما بيهم شيء بس بالي يم بنتي أسم الله على أطفالج مريضه.
سلامتها يارب.
الطاف يحجن بينهم علىك أمور البيت والدراسه وأني مأخذه جوي بعيد عنهن وأباوع ل رسالته وفاتح نت، نشر ستوري هو تميم يضحكون مخلي بحضنه ويصور ابتسمت وتداركت نفسي وطلعت من الستوري.
رن الجرس الدرس الأخير، طلعت وصعدت السياره الخط ويه المدرسات ورجيت رأسي وصفنت أريد أرجع البيت گلبي مثل النار عليهم، تذكرت گالي أخذيله أجازه أتصلت علىك الاستاذ مالته مرحبا أستاذ محمد.
محمد أهلا ام تميم.
أستاذ اريد أخذ أجازه ل ابني لباجر.
ماشي هذا هو.
مشكور أستاذ، نهيت الأتصال وكفت السياره، نزلت وباوعت الأسواق مالتهم سيارته بعدها موجوده اروح اجيبه لا لا شسوين تروحين وهو موجود دخلي البيت وسگتي وهو گال راح أخذه وياي وأخذتيله أجازه بعد هالروحه شگوو.
دخلت البيت الغده علىك الطباخ خاله وينج باوعت بالبيت فارغ وين راحوا، أتصلت عليها مرتين يله ردت وينكم شو البيت فارغ.
ذهب أبوج تخربط وأخذته المُستشفى تعالي بنتج تبجي خبلتني نثولت والله منا أبوج منا هي
وليش ما أتصلتي وبلغتيني.
ليش لحكت طلعت مثل المخبله أبوج وكع بين إيديه.
خوما نفس هذيج المره.
أقوى شو هالمره تعب سوده عليه.
جايتج
جيبي فلوس وياج مفتاح الغرفه بالمزهريه.
الطاف ماشي ماشي، قطعت أتصال وأخذت فلوس وأسمع صوت بالحوش وأجاني هاا ماما شجابك.
تميم ويه بابا.
الطاف أبوك وينه.
بالباب، ماما اريد ملابسي وجنطتي.
تميم كلش مو وگتك ماما مستعجله روح علىك أبوك وكوله بعدين جدو بالمستشفى، راح وكمت جمعت ملابسه عالسريع يضل ينك وشلت جنطته وطلعت من ورا الباب تميم تعال هو جان يحجي أتصال منطيني ظهره وأجه تميم أخذهن خليهن بالسياره ومن ارجع أتصل وأحجي وياك.
رجعت البيت أخذت ملابس لأبوي وقفلت البيت وطلعت جانوا رايحيين تمشيت على الشارع أخذت تكسي ل المُستشفى.
وصلت ولكيت زينه صايره وصلتين ما تحب المُستشفى شمرت نفسها بحضني تشهك أوففہ يمه خلاص اهدئي اني يمج ماما يروحي شو باوعيني مسحت دموعها لميتها بحضني أجت خاله هاا شلونه
ذهب شكلوا اله مغذي وأنتظر التحاليل، ويسأل عليج يكول خل تجي أشوفها.
الطاف سوده بوجهي، دخلت عليه بسته من رأسه شلونك بابا ليش تخوفني عليك الصبح عفتك ما بيك شيء شو بس من اروح اني وراي تتخربط خاف خاله ذهب مو زينه عليك.
ذهب على بختج غير شايلته بعيوني.
الطاف اعرف والله متقصرين هاا بابا حاجيني عيني أنتَ شبيك شُنوْ يوجعك أخابر على عمي يجي.
لا، لا تخابرين أحد وتخوفيهم أني زين شوية تعب
أبنج تميم شفتي خابرتي عليه.
أي اجاني البيت أخذ ملابسه راح لبيت جده ويه أبوه.
وحسين حجيتي وياه!
لا ما حجينا، وليش احجي وياه صاير شيء باوعت الخاله غمزتلي، بابا أرتاح ولاتشيل همي صدكني أني بخير وكلش مرتاحه ليش قالق راحتك يلة أرتاح اروح اشتري ل زينه وأرجعلكم
طلعت كعدت على الكراسي وأخذت نفس تعبانه ومن حجيت وياه تعبت أكثر وصوته أخذ روحي وخله كل خلايا روحي تشتاقتله.
مو وكت شوك الطاف حسين طلع من حياتج من زمان أنسي وحيري بأبوج مريض وبنتج، باوعت إلها لكيتها صافنه عليه.
زينه ماما جوعانه، هزت رأسها وأتمنى أسمع صوتها وترجع تحجي، لزمت إيدها وطلعت رحت أشتريت الها كالعاده أخليها تفتر وهي تختار على راحتها وأبو المحل يساعدها يتعاطفون وياها وهي شگلها بريئه وتنحب عيني هي بنيتي.
رجعت كعدت يم بابا وأباوع لخاله ذهب حايره بي وتتوسله يأكل وشكثر مطوله خلگها وياه مرات أصفن أكول شلت خطيتها بهذا الزواج كظته بالمستشفيات أنقهر عليها، وأعرف بيها وافقت بس علمود لاتخليني لوحدي بالبيت ولا الناس يحجون عليه ولو شما أسوي ما أجازيها وكمت اكول الها خاله أحتراماً الها مو مال اضل أصيح الها بأسمها.
لازم يبقى بالمستشفى ولازم أثنينا نضل وياه ما أكدر ارجع والبيت فارغ بس أني وزينه، خاله رايحه أجيب اغير ملابسي واجيب غطا تردين شيء أجيبلج وياي.
ذهب جيبي ملابس لأبوج وياج ولو تروحين أنتِ وزينه خطيه تتعذب ويانا شُنوْ ذنبها
وحدنا.
أقفلي الباب شگوو عليج أنتِ سباعيه.
هسه لو تميم موجود بيها موجود بالأسم زلمه.
فدوة للزلمه راح يشمرها مثل أبوه الخلف على الخلفوه.
كثر الله خيره ما قصره، الله يسعده بحياته الحمدلله.
اوففف شحجي، اخذي بنيتج وروحي وقفلي الباب زين والغطا دزي بيد ابو التكسي اليوصلج وانطي كروه زايده علمود يجيبها.
ماشي الله المعين، يلة زينة ماماتي نمشي لبيتنا هزت رأسها وشدت على إيدي بقوه لحد الأن ما راحت منها خوفة فقداني بكل الليل تفز وتحضني تخاف تكعد وما تلكاني أذا اروح المرافق الصحيه تصرخ وراي، الا أكعدها وأفهمها يلة بس من اروح الدوام تشوفني لابسه وبيدي الكتاب يلة تطمئن مع ذلك تضل خايفه وتتواصل وياي على التلفون خاله ذهب كل شوي تتصل الا يطمئن قلبها يلة ترتاح.
تمشينا علىك المحلات أخذت الها كباب هي تحبه وعصير الرمان المفضل عندها وبسكت اوريو واخذت الها كلشي تريده شتطلب أخذه الها عفتها تختار وأني أخذت اندومي وشطه حاره وبيبسي وكفت احاسب التفت زينه ماكو!
زينه زينه ماما وينج، عفت كلشي وركضت أدور عليها بالسوبر ماركت ياربي وين راحت رجعت سألت فدوة بنتي بلكي تشوفونها بالكاميرات وأني احجي وياها اجتني بيدها اجياس! وَك وجهه إبتسامه وين جنتي وكعتي گلبي، حضنتها زينه شطلعج!
هسه عفتج تختارين حلوياتج شمطلعج هاا احجي اندارت وتأشر وهي مبتسمه منو زينه منو، أشرت لبرى اوكفي اهنا هسه اجي، طلعت باوعت برى ماكو أحد معقوله إبوها ما أتصور خل ارجع أفهم منها.
دخلت لكيتها بيدها جيس فتحته تيشرت لونه أحمر بناتي وقراصات مال بنات وجيس حلويات زينه أحاجيج وباوعيني زين، منو انطاهن ألج لمت أيدينها لصدرها وحضنت نفسها يعني حضني وباسني ومسح شعري وأجت طبعت بوسه على خدي زينه لاتخبليني منو! أبوج مو، نزلت رأسها وتفرك بإيدها، أي هو! حقير هسه متذكر عندك بنت بأي عين تباوع الها والله من زمان جنت شاكه بيك أنتَ.
أخذتهن منها وشمرتهن بالكاع نزلت رأسها حزينه ياربي مدني بالصبر طفله شُنوْ ذنبها لعد أني شُنوْ ذنبي من دمرني، رجعت شالتهن وعطت بيها عوفيهن زينه ومنا وهيج ما تأخذين أي شيء من احد وما تفاركين خيالي فاهمه.
أمشي نرجع المُستشفى حتَہ للبيت ما نولي هزت رأسها يعني ليش، هي تكرهه المُستشفى تتخبل منها.
دام أبوج شافج يعني موجود أهنا ما نرجع، باوعت الأجياس شلتهن ردت أذبهن جلبت بيه منعتني باوعت عليها دمعتي بالكوه واكفه بطارف عيني خلص أخذيهن أخذتهن بفرح وباستني.
رحت دفعت الحساب ولزمت إيدها وطلعنا وهي جانت تلفتت زينه ماما گافي باعي طريقج تأشر على الشارع، ما التفتت ولا أنداريت ضليت أمشي ومواصله طريقي بأتجاه واحد، وأريد اوصل المُستشفى صارت شبعدها.
وكفت وأدور بجنطتي وكعت من ايدي التلفون ما اعرف وين راح توترت وأنخبصت اطرافي يرتجفون وزينه صافنه على الشارع صرخت بيها لاتباعين.
لكيته وطلعت رقم خاله ذهب وأتصلت عليها ردت تعاليلي كبال المُستشفى أطرافي يرتجفون رجليه ما يحملني ميته خوف.
ذهب إسم الله شبيچ، الطاف أمي بيج شيء
ألطاف صخيم موجود.
منو
منو غيره إسليمة الكبور الله أخذه.
يمه عوذه منه منين طلعلج، جايتج خلص أهدئي.
ألطاف قطعت الأتصال، جمعت أغراضي بالجنطه وأني منزله رأسي أجمع بيهن شفت رجلينه بعد مسافه مو واضح لن المكان أظلم ما اعرف هو او لا بس تأكدت لن زينه صافنه عليه، غمضت عيوني جمعتهن عالسريع زينه أمشي سريع، أمشي وأتعثر أمشي ماما دا اكولج امشي شبيچ تخشبتي.
قبل لا أوصل المُستشفى اجت خاله ذهب أنداريت ماكو أحد وهي مشت مسافه تباوع وگالت.
ذهب أذا أنك زلمه اطلع وأشوفك النسوان شتجيب يا عار الزلم الأحسن الك تبعد بدال الخطوه مليار خطوه.
ألطاف أجت عفت الأغراض من أيدي وكعدت اخذ نفس عركانه لن مشيت سريع.
ذهب منو يكول هو خاف متوهمه وبعدين شذكره بنته وهسه صاك حنين بعد بيتي.
طلعت الها الأغراض شافتهن
عوذه نجسات مثله قذرات شگو اخذيتهن شو جيبيهن أذبهن بالزبل
رادت تأخذهن زينه جلبت بيهن ما قبلت، عوفيها ما تقبل خطيه لاتكسرين خاطرها.
هاا حنيتي.
لا ش حن حنت عليه الگبور وأخذته بس متشوفينها شلون حضنتهن وخبلتني بس تلفت وتباوع الشارع العام باعي وجهه شلون ورد وردتله الحياة طلعت أدور وره أبوها.
شُنوْ ذنبها خطيه، وهسه ما تروحين البيت.
لإ وين اروح.
أكول الطاف خاف حسين مو أبوها.
لا مو سوالف حسين، حسين ما يحب الضم مو بالحيف يخوفني، والصبح أجه اخذ تميم وبعدين وين يطلع ويعوفه ما يأمن عليه، وأني أحجي أتصل باوعت هو شوفي أبن حلال، أخذت نفس وجاوبته الو.
حسين وين أنتِ كسرت الباب محد طلع.
الطاف ما موجودين بالبيت.
وين لعد.
مو بابا مريض تميم ما گالك.
لا والله ما گالي هالأدبسزز بس حاير بابا أشتريلي.
طفل ونسى، شلونه خوما تعبك.
شلع گلبي من مكانه وخلاه بيدي، شلون متحملته عود أمي تكول يشبهك أنت جنت شرس شو ما مبين عليه وين الشراسه البيه شو ماكو أفقر مني، المهم يريدج خبصني وديني وهسه يم الباب سمعي كسر الباب والطامه الكبرى كلب من ماما يصيحج بإسمج سمعي سمعي أبنج شُنوْ يغرد
تميم الطاف فتحي الباب الطاف.
ضحكت علىك صوته، تمام راح أجي هسه.
تمام ننتظرج لا تتأخرين عندي دوام أريد ارجع.
لعد ليش أخذته.
أبني وكيفي لاتعلين صوتج
ما عليت صوتي.
لا النبرة تغيرت.
ألطاف قطع الأتصال بوجهي أكوم أروح
ذهب انطي وجه ليني بلكي يحن گلبه.
حسين من سابع المستحيلات يلين، يلة الصبح أجيج ونتخابر ولو ما ردت أروح بس بعد حضرة الباشا تميم.
ابو للسان، يلة دربالج علىك نفسج ولاتخافين ما يكدر يسوي شيء لن جبان وعار ما يكدر يواجهج ويطلع كدامج د خل يطلع وأشوفه عيني اذا ما خليت الشرطه تسحله خاف عباله گبل سگتنا لن ما عدنا أحد هسه ما أسكت واطلع القضى والمضى.
الطاف كفو منچ، وكفت تگسي وطلعنا للبيت زينه نامت، ومر وقت ووصلنا البيت لكيته واكف يم السياره وعينه بالتلفون من وكفنا رفع رأسه شايله هم شلون أباوع اله، أخذت نفس وكعدت زينه ونزلت الأغراض وكمت أدور بالجنطه على المفتاح وتميم أجه واني انثولت
كلت لسائق عمي أنتظر بس أجيبلك شغلات ترجعن المُستشفى المره الجانت واكفه وياي تاخذهن منك
ماشي بنيتي.
نزلت وعبرت من يمه السلام عليكم.
حسين وعليكم.
وكفت أفتح الباب وأيدي ترتجف وكع المفتاح وكعت الجنطه، صبرك يارب، فتحت الباب ودخلت أخذت بيدي الملابس وطلعت ما لكيت السائق! وين راح
حسين خليهن بالسياره أني أوصلهن.
لا ميحتاج أنت عندك دوام الصبح وتأخرت، تكدر تروح، تميم زينه يلة ماما دخلوا.
كيفج، يلة تميم باي حبيبي.
ألطاف مشه بدون ما يناقشني أكثر، شغل وراح دخلت البيت مقهوره شبيه ما تنازلت شوي ليش يبست خشم وياه.
دخلت وقفلت الابواب زين ودزيت رساله لذهب وأعتذرت منها ورحت عليهم لكيتهم كالعاده متوسطين الجربايه تميم باشا لازم نعسان.
تميم أي أنام بحضنج.
صاير حنين ما عرفتك مو تريد أبوك ليش ما نمت يمه.
بس يصيح رأسي كام يوجعني منه.
اهااا سلامتك حبيبي اذا هيج حقك، تعال نتعشى ونأكل حلوياتنا وندرس واجباتنا وأنام.
ما ادرس مو بابا كالج اخذي اجازه شبيچ متاخذيلي.
أي صح أخذتلك أجازه وأني باجر باقيه ما اروح أجه حضني فرحان.
يسسسس.
صفنت بوجهه أبوك مزعلك بالعاده تحب تبقى يمه شبي وياك.
هو وجدو تعاركوا وجدو كال ودي على امه وبابا صار عصبي ويصيح.
أمشي نتعشى، أخذتهم ورحت سوينا عشه سوه وخليته هو يطك البيض ويضحك ويسولف ويه اخته عنده خلك الها وهواي يحبها لدرجه يحب يضل يسولف وياها وما عنده أي فكره هي من غير أب.
ماما ليش بابا ما يأخذ زينه وياه من يجي يأخذني.
صفنت بوجه حرت شجاوبه هذا طفل شمفهمه غصيت ورن تلفوني هسه اجي كمت أشوف منو حسين اليوم شبي، جاوبته هلا حسين.
حسين شوفي وين وصلتينا.
ألطاف شُنوْ شبيك.
تميم كدام أبويه طلب أخته زينه تجي وياه وطبعاً أبويه ما يعرف يلزم روحه كاله هي مو أختك!
شُنوْ من بشريه أنتوا، شُنوْ مو أخته أخته ونص وغصباً عليكم أخته بابا شبيكم انتوا زينه أخت تميم.
عليك كيفج شبيچ تعصبتي أنطي مجال نتفاهم.
شلون ما أعصب وأني انحطيت بموقف صعب ويه أبني وهو يسألني ليش زينه ما تروح من بابا يجي يأخذني! شجاوبه حسين شجاوبه.
الطفل ما عنده اي فكره زينه منو أبوها ولا يعرف ماضي أمه المصخم الملطم تخلون هالافكار برأسه ليش وهو طفل من الله متخافون شلون تكولون اله زينه مو أختك أخته غصباً عليكم فاهمين زينه أخته وما عدها أخ غيره هو لاتخلوني اخذهم وإهج واخلص من هالمجتمع والعطلات اللي نفخوا رأسي.
وين تأخذيهم وتهجين رجعنا لسوالفج.
يا سوالف حسين.
گبل ما هجيتي هسه تهجين أستقري بابا.
تعيرني حسين.
لا بس أحجي عدل وبعدين تميم أبني مو بس أبنج وگلشي يصير هسه أنتِ السبب بي ياما گتلج صبري الطاف صبري بنتج اني اجيبها صبري يا بنت الناس
لا رأسج والف سيف الا اروح واخذتج الهم وتالي والطاف تالي شصار، كلمن راح بطريق والأطفال وكعوا بيها.
شُوْ هسه متذكر! من سنوات هسه تحجي.
بصياح ليش أني نسيت علمود أتذكر لاعبالج وضع أبني سهل عليه مشلوع گلبه يوم يمج يوم يمي، محد دمرنا غير أنانيتج ما فكرتي بس بنفسج
ألطاف قطع الخط بوجهي وباوعت الهم وهم وكع گلشي برأسي وذب اللوم عليه عجيب إمرك ياسيد
رحت الواتساب لكيته حاظرني والأنستا كذلك هذا شبي! أعرف ما ناسيني أعرف وتريد حجه تعصب عليه لن بعدك مقهور مني يمكن فعلاً أني السبب.
رجعت يمهم وتميم يباوك عليه أحس هالطفل كبر وصار يفهم السالفة من بدايتها، طالع نبه على أهله وصاحب ذكاء.
خلصوا ورحنا نمنا مخليتهم علىك جربايتي تميم متمسك بيه وزينه حاضنه أخوها وإيدها شابگه أيده نزلت دمعتي عليهم أخوج يمه ومحد يفكر يفرقكم عن بعض لو يذبحوني من الوريد للوريد.
كعدت الصبح رأسي مصدع سحبت نفسي طلعت كعدت بالصاله رحت التطبيقات بعده الحظر موجود، أتصلت عليه على الرقم هم محظور! عفته وكمت غيرت ملابسي وفتحت الشبابيك ونظفت البيت وكعدوا سويت الهم ريوك وأندك الباب، لبست شالي منو.
ذهب أني وأبوج طلعونا من المُستشفى.
الطاف هلأ بيكم، فتحت الهم الباب دخلوا أبويه راح يتمشى والجهال ركضوا عليه واكفين يم الباب
شلونكم.
زينين، باوعت بالفرع هدوء ماكو أحد وانتقلت عيني علىك الأسواق مالتهم مفتوحه أكيد عباس كاعد بيها لو عُمال هو كال عنده دوام الصبح
دخلنا زينه تميم خل جدكم يرتاح تعبان ماما جان بالمستشفى.
حاتم خليهم يمي، تعالوا جدو.
تميم جدو ذهب هي خلتك تصير مريض مو.
اي هي.
اي اعرفها هي.
ذهب ليش تميم ولك ليش شاد وياي أنتَ، خبيث.
الطاف ضحكت عليهم هو وياها مو اصحاب، سويت الريوك وكعدوا يتريكون وخاله عيونها عليه.
هزتلي رأسها راحت الغرفه لحگتها بعدين أبويه يحس علينا ويضل باله.
أحجيلي ما عليج من إبوج هسه، شبيچ وجهج ما عجبني حزينه شصار أنوب من مصايب ليكون العار اجه وشفتي وتعاركتوا يا صخام خوما سوالج شيء
لا ولا شيء من البالچ، أني وحسين.
شبيكم.
حجيت إلها وبالأخير حظرني من كل التطبيقات والأرقام، تصوري الأنستا يعرفني ما افتحه بالشهر مر قله كلش ادخل حتى أهناك منطيني حظر على الرقم هم ما اعرف شبي أنفجر بوجهي وأنتِ السبب
يحبچ والله.
وين الحب بالموضوع خاله.
لو ما يحبچ جان شاف حياته من بعدج مو لحد الأن أعزب ماكو مره بحياته.
ما يتزوج لازمته قابل ولا واكفه بطريقه خل يشوف حياته ليش هيج يعذب روحه ويعذبني وياه.
عليك منو تجذبين والله تموتين وراه أذا يتزوج رويحتج متعلكه بي لدرجه تحجين وروجج منتهيه
َ بجيت وأنفجرت بالدموع وكعت بحضنها خاله تعبت والله ما ناقصه والله البيه يكفيني وزايد يعني من كال هالكلام ما حسب حساب لمشاعري شنو أني جماد لو گلبي من حديد ياهي يتواله ما يقصر نخلوني نخل والله ما خله بيه طاقه اعيش حتى الجهالي، تعبوني خاله تعبوني.
تحسبي على إسليمة الگبور هو السبب بگلشي يصيرلج، والإ حسين المسكين ماله ذنب هو هم ضحيه حبج وفه الج وما قصر وياج وكفلج وكفات زلم صدك زلمه وينعد على الزلم خوما هو وهذاك واحد يروح فدوة لنعال حسين.
حسبي الله ونعم الوكيل، يلة خاله روحي يم أبويه ولا تحسيينه بشييء خطيه ينقهر هي صحته گوه.
راحت كمت غسلت وجهي وعيني تراقب التلفون ما اريد منك شيء غير ما تزعل مني ولا تأخذ بخاطرك عليه، افتح الحظر فدوة خلينا هيج بدون زعل.
مر أسبوعين وهو ماكو وحتى تميم ما وصله ولا خابر ولا سأل رغم كل ليل يطلب مني يحاجي إبوه واتحجج عنده شغل ومشغول أخر شيء أتصلت من تلفون ذهب وأنطاني رفض ورى شوي الرقم إنحظر.
خليك على راحتك وصدك بعد ما احجي وياك واني أنسحب حتى التواصل علمود إبنا تميم ولخاطره هم اقطعه، اطلع من حياتك نهائي من حقك تعيش حياتك حالك حال البشريه شلك بهل الشلعان الگلب والأذيه شاب ومن حقك.
جنت أمتحن طالبه رسبت وطلبت أعيد الها امتحان انطيتها فرصه وقبلت، خلصتي زينب.
زينب اي ست وجاوبت هالمره اجيب درجه زينه ومشكوره ربي يوفقج نقذيتني من كلام أهلي اليه.
ربي يوفقج، شدي حيلج علمود يتحسن مستواج وشنو تواجهين صعوبه اي درس يكون عندج فارغ تعالي الاداره نكعد بالحديقه وأشرحلج.
-أن شاء الله.
ألطاف أخذت الورقه ورحت الأداره كعدت أصلح بيها وفعلا ومجاوبه وأخذت درجه ممتازه، وكفت وجانت فرصه شفتها زينب تعالي حَبيبتي اجت فرحانه مبروك نجحتي عجبتيني تعبتي على نفسج وما فوتي الفرصه اللي أنطيتها الج أستمري وراح يتحسن مستواج.
زينب يالله شُكراً هوايه ست الطاف ربي يوفقك.
الطاف ويوفقچ حَبيبتي، عفتها فرحانه ويه صديقاتها ودخلت الأداره، كلبت بالتلفون باقي الحظر، أني ليش مدوخه نفسي وأدور وراه عفته وعدت نفسي بعد ما أراقبه
خلص الدوام ورجعت البيت وبدخولي أجت زينه تركض وراه تميم حضنتهم فدوة لريحتكم تعالوا ماما
دخلنا وخاله ذهب جانت تسوي چاي منو يمنا!
ذهب العلويه چايه تأخذ تميم!