رواية الرمق الأخير للكاتبة شمس العراقية الفصل الخامس
بفراشي وصوره أمي كدامي نزلت دمعتي بضعف رغم أكثر شئ أكره انهُ أبجي أو أضعف!؟ ردت اشكيلها عن الصار وياي وسبب الوجع بروحي هي أختي بنت بطنج يمه. ،
حتى بالصور أستحيت احاجيهم...
تمالكت روحي نفضت فراشي واستغفرت ربي صبحت عليهم وابتسامته الحلوه إلى تزيد جماله عارف بروحي شكو ويقرأ عيوني بس ساكت لأن يعرفني ما أحب أحد يسألني ولأ أچاوب، حافظ كل تفصيل بيه نعم هذا أبوي احجيلكم عنه هذا العافيه وأهلها والحب وأهله وكلشي بي حلو...
حاتم ارتاحي بابا ولأ تفكرين هي تحس بذنبها وتجيج وطبعها من صارت لدنيا هيج حتى من صغيره تلعب وحدها ما تلعب ويه الجهال علمود لأ يأخذون العابها كلشي عزيز گلبها.
الطاف لأ بابا لأ تهتم بس فدوه لعينك لأ تذكرونها كدامي لأن گلبي ما عاد يحن إلها انتهت فرصها وكل مره اسامحها بس هالمره ما أكدر،
حاتم ماشي بنيتي إلى يريحچ...
ألطاف سمعنا صوت الباب عرفتها فريختي ذهبتي
الحجيه عطفه هاي ذهب مثل الشايطه تسأل عنج روحي إلها خطيه...
آلطاف كمت بخطوات ما موزونه فتحت الباب وشفتها ردت إليه روحي حضنتها وابوس بيها واشهك وأحاول ما أضعف بس ذهبتي بحضنج أضعف أنتِ أمي ذهب تعبانه الروح ملچومه
ذهب يبعد الروح وأهلهاا ولچ مثل البزون مضيع فريوخه شاطت روحي عليچ كل اشوي اجي أسأل واتصل تلفونج مغلق هيج إني هنت عليج وما تسألين
لأ تسألين غنچ فدوه لأ تسألين!؟
ما أسأل والله ما أسأل اعرفج ارتاحي فرغي رويحتج المتعوبه خنت حيلي ولچ وجهچ ذبلان.
مشتاقتلج حيل بالأخص سوالفچ وكعداتج ذهب خليها بالچ من دونج أضيع أنتِ صديقه روحي
يا يمه وأنتِ كل هلي بنيتي وحبوبتي وليدي صغيرون وحتى رچلي ابو الوصخ لحد الآن ما شايفه ساگاته.
بعز قهري متت ضحگ ھَہھَہھَہھَہ ما تبطلين سوالفچ عيني أنتِ تعالي سولفيلي شصار بغيابي ومنو أجاج وكلشي وكلاشي...
سحلت سميه ورزلت أبو خليل وتعاركت ويه جارتنا أم وليد علمود المجاري وهذا هو
كل هذا بغيابي عود ليش ولج!؟
بيمن افرغ قهري عليچ غير بيهم بس ما شفه غليلي
أبو خليل شعلي مو هو الروح والريه
تزوج وعافني وإني ما أدري أهله خاطبين إله وهو وحده ارمله بهذاك الفرع خان الحب والعشره حرمات حبيته شايب النحس...
لاااا
أي والله لو تدرين شصار بيه إني صوچي حبيت شايب ما بيهم امان
ليش ادورين شباب
خيه شبيه ليش بعدني حلوه عيني هل الوسعها
تخبلين فدوه لعينج تعالي بالغرفه نسولف أموت على سوالفچ...
أي خيه أهم شئ أكو حبشگلات لأن من صار يومين ما مأكله من قهري عليج
ياا وتصبرين ھَہھَہھَہھَہ ولچ أم بطن خابزتك وعاجنتك أنت تصبر، تعالي اجيبلچ حبشگلات وتدللين علينا غنوچ...
أي عيني چيبي ونحجي عالشغل
فعلاً رحت چبت احلى حبشگلات لأم بطن ألف عافيات.
أي هسه تمام بالأول نفتح صالون وإذا كلتي لا أموتچ كلهن يردن حفافه والمنطقة ما بيها حفافه وبيها خوش شغل وندخل دوره ونتعلم المكياج وشغلاته هو شنو يرادله بس يراد عزيمه صارمه
أي ويحتاج موافقه من جهاات العليا، تتوقعين مازن يوافق ما أعتقد هو المشغل الخياطه بالگوه موافق عليه أغلب زبائن ما يچن من هو موجود.
خلي عليه إني احجي وياه بالأول فكري بالموضوع وشوفي فلوسچ وإني ابيع ذهب أمي ونفتح مشروعنا الحلو وبنات أخوي هم يشتغلون ويانا ها شنو كلتي!؟
ً والله هو خوش شغل ومشروع ناجح ماشي موافقه اني كلت موافقه وهي كمزت وتحضن بيه فرحانه غنوچ سوده عليه ما يكون إلا خاطرج طيب.
يولي كتلنا الفگر والعازه وأبو الإيجار كل الشهر فوك رأسنا يسمعنا كلامه مثل السم ونفس الوقت أريد البنات يعتمدون على نفسهم امهن ما منها فايده بس اگل ولبس وهذن بنات يردن مصاريفهن كثيره
أن شآء الله شجعتيني صرت كلني حماس للشغل خل يچي مازن واحجي وياه عاد كون يوافق ما
يوكف سچينه خاصره...
أن شآء الله يوافق...
ألطاف فكرتها چانت حيل حلوه ونفس الوقت حلو المرأة تتقن شغل لنفسها وتفيد أهلها وما تحتاج أحد.
فعلاً بعد ما راحت ذهب وهي رافعه أيدها وتندعي مازن يوافق رجعت على أبوي وجديتي حجيت الهم ما كالوا شئ بالعگس شجعوني
حاتم إني وياچ بكلشي تحتاجي حتى فلوس انطيج وجديتج تروح وياج لدوره تتعلمين وبارك الله بيج على هالعمل الاچر الچ لأن بنات يتامئ ما الهن أحد كل يوم تكبرين بعيني رويحه أبوج
الطاف البركه بيگم يكفيني دعمكم إليه عسا ما انحرم منكم يآرب.
الحجيه عطفه ولا منچ يل الطيبه، بس بعد مازن أبوج يحجي وياه ويحاول يقنعه وان شاء الله يوافق
ألطاف فرحانه وصار إليه واهس بالحياة وقررت اتجاهل كلشي ولأ اقهر روحي والحياة ما توگف على أحد أكون عملي واطوره والبنات يگعدون بالصالون والخياطة إني وذهب وخل سميه هم تساعدنا ويكمل العمل واتخرج أن شآء الله.
للمغرب أنتظر مازن عيوني ع الباب جهزت وسويت احلى عشه إلى يحبه گلبه منتظرته على نار، دخل استقبلته أخذت من أيده وامسح على كتفه،
باوعلي بألاستغراب!؟
مازن مصيبه عندج!؟
ألطاف لأ إسم الله.
مازن لعد شنو!؟
ألطاف طلب صغيرون، بابا يفهمك!؟
. مازن ما أعتقد صغيرون، لأن مدخله أبوي بي احجي من الأخير شنو طلبچ.
الطاف شبيًگ ما عندك صبر بابا يحجي وياك، عافني ودخل يگلب يشوف شنو العشه أگل وباوعلي مصغر عيونه عليه ويقرأ بعيوني أحم شبيك هيج تباوعلي.
مو الأمور جديده الاگل إلى يحبه گلبي العصير جاهز واستقبال يم الباب، أريد أعرف طلبچ قبل لأ اعرفه من أبوي شنو الطلب لطوف
اثناء كلامه دخلت جديتي وأخذته يم أبوي أي نقذتيني من لسانه شكد يلغي بس كون يوافق أبو رأس اليابس...
تعشينا وإني شلت المواعين طفرت للمطبخ وخليتهم يحجون حوالي عشر دقائق مو أكثر گبت العيطه حتى الماعون وگع من أيدي وتفلش صاح أسمي بعلوا صوته ينعل بليسك ولأ يحترم أبوي بس يصيح...
مازن ولج مصگوووعه شوووو تعالييي!؟
الطاف أي اچيت رحت عليهم شكله ما يطمن بالخير أبوي يحاول وياه هو قافل
مازن تردين تفتحين صالون حضرتج لأ والقهر متفقه ومجهزه أمورج على الأخير، بعد ست الطاف شنو طلباتج غير الصالون...
ألطاف أي وشنو يعني وشبي الصالون مو شغل مثل كل الأشغال لو حرام المراه تشتغل وتعتمد على نفسها.
أي حرررام الرجال هو مسؤول عن مصاريف الحياه وإني مطمور بالضيم والبرد وما مقصر شتردين متوفر الچ زين مني وافقت على غرفه خياط ناس طابه طالعه عبالك غرفه ولاده...
ليش حرام عيب إذا المرأة اعتمدت على نفسها وتعرف بنات أخوها يتامى وجوارينه محد الهن وما بيها شئ افتحه ويتعلمن هنا يستفادن وهم إني استفاد وإليه الاچر والثواب
توووولي وسوالفج تعبانه أدور اچر وثواب ب شغل صالونات بس إذا أشد گرون استيلل اخليج تفتحينه هذا رأسج يابس اكسره كافي يوميه مطلعتي شغل شگل
حاتم خلصت لو بعدك أشوفك كل إحترام ما خليت وإني عن نفسي موافق وخل تفتحه ولا تضل تزاكط وتغث بالاختك فضنا عاد...
مازن يابه فدوه لعينك اطلع من سالفه الصالون إذا انفتح احرك البيت والي بي فاهمين صالون ماكو وهذا الموضوع ما أريد أسمعه...
الطاف طلع من البيت عند ورگب رأسه هذا قافل بابا شلون وياه يعني شنو ما أفتح الصالون عفيه حاولوا وياه
حاتم عوفي خل تهدأ أعصابه وإني أحجي وياه بالمسايسه بلكي يچي لطريق ويوافق اخ من زمن امج انطته عين خلته يدلل وهسه ولا اكدرله الله يرحمج برحمته...
الطاف أمين، عفتهم رحت صبيت ألهم العشه ولملمت الهوسه وكعدت افصل كم قطعه ورتبت الغرفه رجعت نمت...
مر أسبوعہ، چان يوم الخميس وإني راجعه من الدوام وخلال هالاسبوع مازن ما يحجي وياي لحد الان مصمم على قراره شلون يقنع ما أعرف...
دخلت البيت شفت احذيه تكرمون منو يمنا!؟ طلع فضل يزحف من باب المطبخ شافني كعد يصفگ ويضحك يمه فدوه شلته بحضني وابوس بي اكرطگ ولك شهل الحركات تحب خالتوا وتستقبلها ابوس روحك ي بيتي، أجت فاطمه فرح فرحوا بيه بعدني ابوس بيهم اجت طيبه تقربت صوبي...
طيبه الطاف شلونج
الطاف فاطمه أخذي اخوچ، عبرتها رحت لغرفتي وجديتي همست وراي
الحجيه عطفه سلمي على أختچ يمه أنتِ گلبج حنين.
الطاف لأن كلبي حنين ما تستاهل ابقيها بگلبي أو اسامحها، والحنين يرف للحنين مو لل گلبه أسود مثل وجهه، عفتهن دخلت غرفتي قفلت الباب بدلت ونمت
لليل يلا صحيت وهنا داگات الباب إلا عاچزات ملابسهن بغرفتي ما جاوبتهن أگلت كم لگمه لبست صايتي وطلعت من باب المطبخ على ذهب صاح ورأي مازن!؟
مازن وين موليه!؟ أشوفچ كل أحترام ما عندج
ألطاف رايحه ل ذهب عندك مانع
لاااا وتحجين من وره خشمچ.
ترى زهگتني شتريد وين اولي قابل شغل ما توافق عليه وبس تصيح بس تتأمر شتريد مني، كمز من مكانه يريد يضربني لازمني من شعري وأبوي يصيح طيبه تهدي بي اووف إيدك عن شعري بابا گوله
مازن طالعه عينچ شايفه نفسج هواي يردالچ گسره رأس والله ابتلي بعمرج إذا تحجين وياي بهاي النبره
طيبه استهدي بالرحمكن عوووفها يمعود بعد إيدك عنها وبعدين أبوي وجديتي كاعدين احترم وجودهم...
الطاف بعد أيده ودفعني على الحائط وطيبه أجتني دفعتها، أنتِ بعدي عني لا تصيرين حنينه مثل اخوج
رحت على أبوي مدنگ ويهز برأسه بابا فدوه لعيونك خليني أروح أنام يم ذهب مختنگه منهم أتوسل بي وهما عيونهم عليه عاد طيبه كالت
طيبه أكولج ترى عيب عليچ گاعده وتشكين من عدنا ترى احنا اخوان تصير مشاكل شعندج تنامين يمها.
آلطاف والج عين تحجين أنتِ بالأساس أكرمينا بسكوتج، رجعت باوعت لابوي هاا بابا.
حاتم ماشي بنتي، مازن كلمه ما أريد لأن گلبي راح يوگف منكم خفوا على أختكم
مازن يابه ترى كثره الدلال مو زين تطلع عينها
حاتم وين الدلال بالموضوع، أمشي بدون لغوه تأخذ أختك توصلها بيت ذهب تبات يمها أدري بيها ترتاح اهناك
طيبه صدك تحجي بابا
الطاف أنتِ ما عليچ
مازن اخ منچ ومن لسانچ منو يكدرلچ يالله انوب صايره وگحه ولأ تنجرع أمشي كدامي اوصلچ.
آلطاف طلعت وياه وعيون طيبه ورانا هي وبناتها ما اهتميت ولا انقهرت علمود تعرف قيمه الأخت عبالها بس بالاسم، وصلنا دگ الباب طلعت هي تصيح
ذهب ولك ياهوو ياهووو ما تحجي الووو الله يأخذك ما تحجي، هااا هذا آنتَ!؟
مازن أي إني، جبتلچ رچلج
ذهب كطعيه ما عندي رجال، تزوج قبل فتره وحالياً سنگل
مازن سنگل لعد دهاچ هاچ جدريه ولگت غطاها شلون إثنين
الطاف طلعت رأسي إلها وضحكت وجاوبت مازن
ذهب واحلى رجال فدوه لعمره وليدي.
مازن اللهم ثبت علينا العقل والدين
الطاف مشه وهي تصيح وراه
ذهب ما عاجبينك لازم شوف اكولك إحنا شيخات ونگعد بالدواوين خاف ما تعرف امداك أبو رأس
ألطاف ولچ كافي غضب الله على صوتج فضحتينا أمشي ميته نعس، عفست وجهه وسدت الباب بقوه، احم خير شبيج
ذهب وين تنامين!
شنو وين أنام غير نعسانه
لأ ماكو نوم إليوم عدنا سهره!
سهره! أحم ما أرتاح لسهراتك غنچ أمشي كدامي لأ نتخارب
ليش دوم تفهميني غلط الله ياخذج كم مره أكولچ.
إني أنثى ولدي مشاعر جياشه
ما أدري اعذريني بس اشگ هرمونات الذكريه عندچ مرتفعه هھَہھَہھَہھَہ إني كلت هيج واحصل منها بسطه معدله متت ضحك بوگتها دخلنا الغرفه مالتها تلهث بنات أخوها يضحگن عليها ونبي شافطه نفط
ذهب أحسن من بعض البشر
الطاف تباوع لسميه وتحجي أحم ذهب يلا فرشيلي فراشِ نعست والله
ذهب باجر عطله خل نسهر حبابه وعندي كرزات اشتريت كومي ولج تلگيهن بسطل التمن جيس أسود جوه الدرج مو إلى بالمطبخ.
ألطاف العسكري بنفسه ما عنده هيج أماكن سريه
ذهب مو بنات وحوش والله إلى تمد أيدها اكسرها أكلن ونامن كافي سهر
الطاف ذهب خفي على ترى أزعل، سكتت والله جانن فقره حتى سميه حبابه بس نسوان ما يتعاشرن ولو عدهن فلوس جان صارن حبايب بس الماده عادتهن والعيشه صعبه كل وحده تشيل هم من صوب
ثلاث بنات (ودق - زهره - هديه) هديه ثاني متوسط وزهره سادس ابتدائي ودق ثالث ابتدائي بعدهن صغار والدنيا الهن ويردن كلشي انقهر عليهن.
ذهب جابت الكرزات ورتبت خطيه سميه سوت شاميه الأجواء تخبل بيت أهلي الثاني كعدنا نسولف ونضحگ ھَہھَہھَہھَہ والبنات فتحوا مواضيع الدراسه وطلبوا مني ادرسهن كم موضوع كل سنه يچون عليه هالسنه امهن ما ادزهن صارن نسوان وعيب من مازن والناس تحجي ما ترحم أحد
سميه الله يرزقچ إبن الحلال يتربع بگلبچ
ذهب أكولچ كل مره نفس الدعوه غيرها وبعدين ليش يتربع پگلبها ما يگله مكان يكعد بي الا گلبها.
سميه يعني يحبها ويصونها وعينه ما تشوف غيرها
ذهب غير أطلع عيونه بيدي إذا يباوع لغيرها أبو الوصخ زين منها ترضي بي انوب يباوع لغيرها
ألطاف ھَہھَہھَہھَہ ولج هو وينه أگلتي لرجال حاصل فاصل...
ذهب تلكي نائم بحضن أمه وهي الحلوه المزيونة تقنع بي يأخذ من بنات أختها الشگره والحمره والگرطه تسوي بنات أخوها مدري أختها ملائكه هنا وبسس عاد هو يتنحح ويخثن صوته الجهوري عوفنيييي لأ تضحگن ترى چاي أوصف شخصيته احم أي عاد يكول والله يمه حالياً ما مفكر بالزواج من أفكر أكولج
ألطاف ھَہھَہھَہھَہ كل هل الوصف من أمه ولحد الان ما مفگر
ذهب أي لأن خوش ولد ويعرفهن ما يحب يجدد النسل عبالك نايم ويه اخوه.
الطاف ھَہھَہھَہھَہ أخ بطني وشوكت يوافق عيوني علمود نروح بعرسه
ذهب أحم يوافق حبيبه يوافق شبيج مستعجله من يطگنه بسحر معدل يخلنه يمشي ما يندل دربه يروح الحمام عباله غرفه النوم غير إني خبره بيهن...
سميه ينعل بليسج خربيتنا ضحك ھَہھَہھَہھَہ شعليچ سوالف
آلطاف أي والله ذهب بعد فدوه لعيونها كامت تعدل بنفسها نفضت ريشها علينا وتفيگ ولج بسس راح اموت أمشي فرشي نعست عيوني دمعت من الضحك.
فرشنا ونمنا وجانت احلى سهره اتونست وياهن نمنا بغرفه وحده غفيت وإني مرتاحه ولأ بالي شئ ما أكثر أفكار برأسي علمود لأ أتعب ولا اشيل هم باچر إلى كاتبه الله يصير ونعم بالله...
الصبح تقربياً ساعه عشره يلا صحيت يوم جمعه البنات نايمات بس هديه تقرأ كعدنا نقرأ سوه واشرح الماده إلها وذهب چابت الريوك كعدنا ناگل سوه.
للعصر يلا رحت لبيتنا ولكيت البيت فارغ وهدوء عرفت رايحه دخلت الغرفه قراصاات البنات ناسيتهن وتشيرت فضل شميتهن لو تعرفون شگثر أحبكم...
مرور أشهر وإني بين دوام وشغل وهي ما بينت ولا أتصلت الظاهر عرفت ما ألها وجه بعد وانتهى كلشي يجمعنا وصف الاخوه بس بالاسم...
أما الصالون رفض الفكره نهائياً ومصمم على قراره حاولنا وياه بس مع الاسف ماكو نتيجه باتت المحاوله بالفشل وخربت أحلامنا بحجه الشغل عيب.
راجعه من الدوام وإليوم مازن ينزل من شغلهُ ولأزم ملابسهُ كلهن غسل وگوي من يچي أدخل حاله إنذار هو وأختي نفس الطينه حبايه مقسومه بالنص...
دخلت المطبخ صبيت وأكلت وغسلت البيت حضرتله ملابسه أثناء صلاتي العصر سمعت صوته أجه وأبوي يرحب بي هو وجديتي بس هل مره من دخل عيونه انتقلت إليه ونظرته ما كدرت افسرها حتى أبوي لاحظ عليه!؟
حاتم شبيگ هيج تباوعہ لأختك!؟
حگ لحيته وبعد نظرته ورجع هتف لأ ماكو شيء أختي واباوعہ إلها، أي الغده جاهز لو لأ
الطاف دقائق يجهز أرتاح بين ما اجيبه الك
دخلت المطبخ چان تلفونه موجود على الثلاجه من دخل خلاه رن بس هزاز رأسا چريته وباوعت المتصل رقم غريب توقعت حبيبته لو وأحد من أصدقائه...
رجعت أخذت الاكل اله وتلفونه مستمر يتصل أخذته إله رأسا نهض عاف الاگل دخل غرفتي رد الباب وراه حتى أبوي استغرب مو عادته ما يحجي بتلفون گدامنا...
حاتم هل الولد مو خالي وراه سألفہ!؟
الحجيه عطفه لأ شعنده قابل إحتمال أبو الشغل
الطاف بقيت كاعده يمهم وطلع هو أكل باله سہألفہه بس شنو هي ما اعرف ليش ملاحظته ليش هل الكثر لأن سوالفه عوچ ونخاف عليه واكع بمصيبه لهذا اندقق عليه...
لليل هو طلع ويه اصدقائه وإني كملت شغل البيت واطيت علاج لابوي وصليت وياهم صلاه الوتر عفتهم كاعدين يسولفون وسوالفهم دافيه...
دخلت غرفه الخياط وبلشت شغل باوعت الرفوف فارغه أغلب الحاجات خلصانه يحتاج روحه لسوك عاد گون مازن يوافق وما يسويلي سہألفہه
دخلت غرفتي سمعت صوته أجه صاحني
مازن ألطاف بعدج كاعده!؟
الطاف أي خويه اتفضل
باجر هم تروحين للجامعه
لأ والله يمكن ما أروح لأن عندي شغل
ها ماشي
خويه ليش تسأل
هيج يلا رجعي نامي
ركضت وراه أمانه الله كولي ليش تسأل
تروحي ما تحبين أحد يسألچ وأنتِ تسألين وتلحين هم.
راح ورجعت لغرفتي هم صدك هسه اني شبيه انگرصت يچوز هيج مجرد سؤال تالي رجعت نمت
صباحاً...
جنت أغسل البيت وانظفت جديتي تسوي الغده وبالي أگوله على روحه السوك العصر بلكي وره الغده احجي ويوافق يلا اخلص غسل واروح ل ذهب ونتفاهم بعدني أغسل الحوش دخل هو بيده عبله گاگو وعصائر أخذتهم منه خير منو يچينا!؟
الحجيه عطفه خير وليدي المن الضيافه!؟
مازن جهزوا نفسگم وره الظهر يجونا خطار يلا إني أروح صاحبي عازمني على الغده تغدوا آنتوا باي
الحجيه عطفه منو يچينا معقوله عمامج بس چان بلغوا أبوچ خاف خطابه لأن انهزم بسرعه
ألطاف أكيد!؟ ما شفتي شلون طفر وبليل يسألني أروح للجامعه لو لأ اثاري يچونا خطار
الحجيه عطفه وهلأ بالخطار إحتمال خوش ناس وتحبيهم ولد خوش ولد وكلشي بالقسمه وبعدين منو يكول خطابه إحنا نحجي بگيفنا.
الطاف ما أدري، رحت صبيت وأكلنا نظفنا البيت وعطرته دخلت غيرت ملابسي مدري ليش أچاني واهس اگشخ غمضت عيوني وتذگرت طيبه وشلون تلح عليه اتزوج علمود تخلص مني ويرتاح ضميرها
تلاشت الافگار رجعت رتبت نفسي شئ بسيط نفس أناقتي بالبيت بس مجرد غيرت لبس شغل بملابس البيت المريحه بعدني بالغرفه واسمع جديتي ترحب شنو معقوله أجوا
الحجيه عطفه يا هلأ بيچن اتفضلن خيه زارتنا البرگه ألف هلأ.
مو عبالك جديتي هواي كالت هلأ شبيهاً. دخلت بسرعه تحجي
الحجيه عطفه يلا استعجلينا دخلتهن الغرفه أثاري خطابه مازن أتصل على أبوج و كاله نسوان يچن يشوفن الطاف لو تدرين أبوج شسوه بي
أي يستاهل يتصرف من رأسه وأحنا آخر من يعلم إلى يسمعه يكول نايمه على گلبه والله عيب شنو عنست بعدني جامعه ما خلصت شدعوه عليه
يلا استعجلي بنيتي بعدين نتفاهم بهذا الموضوعہ هسه أروح يمهن عيب تعالي وراي...
ماشي، ضچت ما عجبني تصرفه خوما باقيه على گلبكم حتى ذهب ما بلغتها هسه تزعل خل أتصل عليها تجيني اتصلت رأسا ردت ولج تعالي بسرعه
ذهب ما اچي ولا أحجي وياج حقيره إني اخر من يعلم...
شمدريچ ولچ
نسيتي إحنا چيران يلا ولي
تعالي أمانه والله كلشي صار على السريع وإني هسه وحدي عود يعني أرتب نفسي لحد الان ما سلمت عليهن تعالي حبابه غنج گليبي اهون عليك.
شعچب تحضرين بالعاده اعرفچ ترگبين رأسج وتقفلين الباب على نفسج لحد ما يروحون
ما أدري خل اشوفهم هي قسمه ونصيب ومازن أحسه ضايج مني لأن كل مره ارفض وهي يريد يرتاح من ناحيتي
اي فهمت فهمت هسه أجيچ ولأ تقدمين ضيافه لما اچي إني اقدم
أي تدللين أم بطن بس تعاليلي بسرعه. سديت الخط رجعت أرتب بروحي خررب ليش مرتبگه معقوله هالمره أوافق ليش احس چاي اعاند روحي.
اووف طيبه أووف، اندك الباب ودخلت هي شمرت عباتها چرت قلم الحمره سحريه وتخلي لنفسها باوعت استغراب أكول هما يچون يخطبوچ ھَہھَہھَہھَہ!؟
ذهب أي شكووو بيها، لأ ولج أرتب روحي علمود يعرفن مرتبات لأ يبقن يتفيگن علينا
هاا خوش يلا خل نطلع أحم هذا هو حلوه طلعت
أشوفج راح توافقين بدون ما تشوفين الولد ترى أهم شئ هو، أمه وأخواته شكو چيس حب هنا.
ماشي مشيت وراها دخلنا أربع نسوان أخواته اثنين وخالته يمكن وأمه ذهب همست بصوت گوه مسموع
ثلاثة حيايا وضب
بالگوه لازمت روحي ما اضحك سلمنا امه جانت بعدها صغيره شابه مو عجوز فد مره وأخواته سمر حيل معانيهن حلوه أمه خاطه الگحل طوخ سواد فاحم ولبسها راقي
هلا بيچن اني إسمي مديحه، شلونج داده
الطاف وبيگم أكثر الحمدلله ابتسمت بوجهن جانت عيونهن عليه ويدققن بنظرهن خاصه الأم.
مديحه هاي اخواته حياة واحلام هاي ارمله حظ ما عدها وهاي عزابيه حسبه اخواتج ونعم منكم واصلكم الحلو والقسمه جابتنا لبيتكم
الحجيه كل الهلا بيكم الزواج قسمه ونصيب وبالرضا احنا ما متعلمين نجبر بنت يتشاوفون ويصير خير والله يسهل أن شاء الله
الطاف الكلام يدور بينهن أني بس ساكته اباوع الهن وذهب قدمت الضيافه كعدت بصفي عاد حركت نفسها وسألت إم الولد
ذهب أكول خاله الولد شنو أسمهُ!؟
مديحه يمه اسمهُ فيصل!؟