رواية الرمق الأخير للكاتبة شمس العراقية الفصل السادس والثلاثون
ليش هيج كلشي ما يدوم أعترف أني السبب وصلت لهل المرحلة من حياتي يمكن غلطت أي
بس ما أنكر طالبت بنتي وتمنيت أستقر وياه بس ما عرفت أستقراري وياه أدفع ثمنه هيج
حازم همزين طلگها وخلصنا
تبقين أهنا ولج حالج حال البقيه
مازن وهو هيج
يلا تحركي يمهن
بنتي أريدها
حازم ما تطير هي تجيج
أنگلعي من كدامنا
حسبي الله ونعم الوكيل بيگم واحد واحد
أشوف بيكم يوم.
عفتهم شلت أبني من حضن الحجيه تباوع إليه وتقربت ناحيتي عيونها تلالي بالدموع، همست ليش هيج خاله كلشي نريده ما يدوم
الحجيه الولد ما قصر بس ألي فهمته أهلج ما رايدين تبقين ذمته ونفس الوقت أهله رافضين وجودج بحياته لأن ناس معروفين وألهم أسمهم
فهمتي يمه لا تنقهرين إلى يعرف قيمتج مو شرط يبقى بحياتج.
تمنيت أستقر وياه وأرتاح لأن ما ضلتلي طاقه أكمل بوحدي
أدري بيج
الله يسعدج ويسعده مو زين وافق يبقي أبنه يمج.
هاي الحياه توجع وتعلم وحسين كان اله دور حلو بحياتج وحسب ما حجيت إلى مواقفه وشهامته وياج هذن كلهن زينات وأهلج أساساً ما يردون الستر لو يردون الستر كان سألوا سمعه زوجج الأول يلا يوافقون زواجكم بس مو بيدنا هذا الشي
بهذا الوگت إلى يصير أكبر من عدنا وخارج عن أرادتنا...
لهذا يا يمه لا تضعفين ولا تبنين راحتج وأستقرارج رجل. أبنيها نفسج بنفسج وأسندي نفسج بنفسج وربي جهالج وصليهم وأجرج عند ربج ما يضيع وتقربُِ من الله يغفر إلج ويريح گلبج...
ألطاف شلون أدبر حياتي بوسط حيايا
ونوريه ما ناويه خير لا هي ولا عمي حازم
شتسوين اتحملي وأدعي ربج يخلصج منهم
تقربي من الله وهي تفرج عليج وأني ما أكطع رجلي عنج أجيج بكل وقت تردين...
نوريه يلا كومي الظاهر عجبج الوضع بس سوالف.
خو طلگتي بعد ما عندج رجال تنفخين نفسج بي
لو الطاك عشتي وياه ولا أبن العلويه والله يدري منو غيره...
الحجيه نوريه بسج عاد فگي عن البنت
نوريه ما إلچ شغل أمشي لبيتج يلااا
ألطاف وگت خلاها هيج تحاجيني وگت
راحت الحجيه وشلت أبني مشيت وراها مخصصين إلى غرفه بيها بس فراش زين نظيفه. نومت أبني.
لليل دخل مازن وياه بنتي أخذتها بحضني كامت تبجي رفعت وجهه وأباوع إلها الله يساعد گلبج وگلبي يا يمه ما شبعنا من بعض يوميه بدار
مازن هاي غراضج ذهب دزتهن إلج
كعدي وصيري عاقله وأهتمي بجهالج وما أريد مشاكل أهنا
ألطاف أخذتهن منا
فتحت ملابس أبني كلهن جديده فدوه
بين الملابس لكيت تلفون
ألطاف كمت قفلت الغرفه طلعتهن
طلعت رقمها وأتصلت عليّها الوو ذهب
ذهب هلا يروحي أنتِ
شلونج ولج ديري بالچ
مو مهم
أحجيلي كلشي هم أجاج.
لأ بس أخته زهور جابت ملابس الطفل وياها فلوس
وغراض من العلويه دزتهن إلج وتسلم عليج وخلت رقمها موجود بالتلفون أني أشتريته ألج وخليت أرقام أذا تحبين تسألين عنهم واما حسين ما اعرف شيء عنه والله وحتى رقمه ما أعرفه أتصلي زهور وأفهمي منها.
ماشي
تدرين طلگني
اي أدري أخته كالتلي
الصار اقوى منه مجمتعه رافضينج بس أمه وأخته وياه وموقفه ضعيف...
الله يسعده ما قصر يكفي ما حرمني من أبني
الحمدلله.
ديري بالچ نفسج وأني بلكي أكدر أجيجراحتج عيوني انتِ مع السلامه
أنتهى الاتصال ضميت التلفون بين الملابس كمت فتحت الباب علمود لا أحد يشك ما ناقصه عين عليَّ
طلعت ملابس اليه ولجهالي أريد أسبح دخلت بنت عمي حازم رابحه باوعت اليه وأبتسمت
رابحه الله يحفظهم الج
أمين يارب
بس فدوه أريد أسبح أني وياهم تساعديني
أي بعيوني تعالي.
رحت وراها أول شيء سبحت علوش بالطشت ونومته وراه زينه سبحتها خليتها يمها ودخلت الحمام وتسبحت سبحه زينه وطلعت لافه منشف رأسي عيوني عمي ومرته تلاحقني دخلت الغرفه
رابحه أني أروح خاف أمي تصيحنيي
تمام
كعدت أمشط شعري فتحت الجنطه حجاب صلاه عرفته من العلويه دازته اليه وياه مسك وورقه ييها أدعيه كثيره وسجاده وكتاب الله والعطر عالم ثاني.
تعطرت ولبست الحجاب وفرشت سجادتي وكعدت أصلي لحد ما ذابت روحي وخشعت ونزلت دموعي بقهر ودعيت ربي يغفرلي وطالت صلاتي بحدود الساعه أني أصلي، وراها خليت زينه يمي وغطيتها
وفتحت القرأن وأيدي ترجف وگلبي يدك سريع يارب
سميت بسم الله وبديت أقرأ...
ما أعرف شُككر مر وقت وأني أقرا حيل أرتاحيت وراها كمت أصلي صلاه الليل وقريت الادعيه دازتهن اليه وكمت كل صلاه أرددهن وادعيهن كان إلها فضل كبير عليَّ...
مرور أسبوك.
كاعده وحدي أني وأطفالي فتحت تلفوني صار رقمها كدامي وأتصلت عليها جاوبت مَباشرةً
زهور هہلأ ألطاف
ألطاف شلونج زهور خاله شلونها
الحمدلله بخير أنتِ شلونج تميم شلونه
الحمدلله بخير
زهور حسين شلونه
تردين الصراحه
حسين ما أله لون من بعدج
حيل حبج وصدق وياج بس أهلج واهلي الله يسلمهم ما يعرفون قيمه الحب الصادق والنيه الشريفه وگتنا تغير وناسنا صارت ما تحب الستر...
أي والله صحيح كلامج
هو وينه هسه شيسوي.
العلويه سكنت يمه لان حالته تعبانه
ما كدرت تعوفه وحده وأضافه مشاكل هو والسيد الوالد وعباس صارت كثير أمور ما تنحجي التلفون...
أمانه سمليلي عليَّ وك أمج وحيل أتشگر منكم والغراض دزتهن اليه
لا يمعوده شهالكلام نزعل منج ترى
علاقتنا أكثر من اخوات يشهد ربي نحبج من معزه حسين حالج من حاله خو تعرفين حسين شگد غالي علينه...
أي والله اعرف.
والله نريد نجي عليج ونشوفه تميم وامي طاگ گلبها شابعه قهر والله بس شنسوي بعد مشاكل صارت وما عدنا أحد حتى عباس صاف ويه أبوي وعمامي ونرجع ونكول الحمدلله ٍ.
الحمدلله كل حال
عليج الله شنو تحتاجين أتصلي علينا
ماشي عيوني ما تقصرين بس أريد رقم حسين منج
ألطاف أعذريني والله هو منعني أنطيج رقمه
حلفني كدام أمي بعد ما أكدر
ماشي راحتج
مع السلامه.
إنتهى إتصال وخابت الضنون وجاوبت نفسي حقك والله حقك ما ألومك أني وصلتك وصلت نفسي لهل المرحلة وأستاهل من أيدي لو سامعه كلامك جان ما صار إلى صار، بس من أذكر بنتي وما إلها أحد أحس روحي أنانيه والبنت من دون الأم تضيع وأعرف بروحي من دون أمي شصار بحالي
والحمدلله كل حال
مرت 6 إشهہر...
أتصلت مثل كل مره ماكو رد
يربي شصاير ليش ما تجاوب
رجعت دزيت رساله هم مثل كل مره وصلت بس ماكو رد وينج زهور؟
صار فتره ماكو وهم جنسيه لتميم ما طلعلوه بقيت بحيره أبني ما تسجل يا حظج يا الطاف
أنفتح الباب بقوه دخل مازن باوع اليه شاف التلفون
مازن من يمتى عندج
وشنو يعني شتريد
تأخذه أخذه تقدم أخذه من أيدي
وضل يگلب وعيونه عليَّ؟
شتردين منهم عوفي الناس بحالهم
هيج صايره شخصيه تافهه ورخيصه
ٍ أهل أبني
َ أبنج إلج مو أبنهم!
أصلاً هما ما معترفين بي يالفهہيمه
يبقى إبنهم لو شافوا ريچ طيب منكم
كان ما عافوا بس ما بيدهم شيء...
ليش يابه هاي لان إمه واخته أجو مره مرتين
ما أستقبلنا حضراتهن زعلن وشالن خشمهن عليج
حرام عليك إلى تسوي وما ألك حق تحرمهم من حفيدتهم شنو من أخ انتَ منتزع الرحمه من قلبك
ياريت لو أنتزعها؟
لو منتزع الرحمه من قلبي مثل ما تفضلتي
كان إنتِ ما عايشه لحد الأن؟
شمر التلفون بوچهي وأبتسم بخبث
وباوع ل تميم شلون يلعب
ما حاجه أخذه خلي
وانتَ يا حلو مو حرمات هيج جمال
أبن هاي الحيوانه
سحبته من كدامه ونطيته ظهري خله وطلع.
شگد مكروه صاير ولا عبالك أخوي عبالك عدوي
رجعت أتصلت أجاني الرد؟
زهور شتردين لخاطر الله
ما كافي إهلج حرمونا من شوفه تميم
أنقطع الخط ما لحگت أجاوبها خليته الفراش وغطيت زينه لأن نايمه لبست شالي وطلعت باوعت بالبيت فارغ طلعت المضيف زلم كاعدين من بين ألاصوات سمعت؟
عمي والله ما إلنا شغل ب إبنكم
أستغربت منو يقصد؟
رجعت وانضربت بصدر مازن؟
مازن شعندج يم المضيف
تالي وياج ألطاف وين تردين توصلين
ألطاف أريد أحجي وياك
بشنو.
ليش تمنعهم يجون يشوفون تميم
حرام عليك هذول إهله مازن لا هيج تسوي خطيه
ما إلنا حق والله إبنهم هذا
هيج يحبونا خل يجون يأخذونا ونفتك
ما أربي جهال الغرب فاهمه فهمي أخته هالكلام
دخل المضيف ورجعت الغرفه صادفتني نوريه مرت عمي. وياها مرت عمي خلف سالمه
نوريه نومي هالفروخ وتعالي ويانا عندنا تنظيف البستان من الدغل
ماشي أخلص والحگجن.
أي أستعجلي خو اليوم ما شفنا طولج الحلو بس بهالغرفه بس أنتِ عندج جهال ما خلفنا وربينا قبلج
ألطاف ما جاوبتهن لأن أعرف أذا أردهن تصير مشاكل وأني ما إلى خلگ
مشن وهزن بيدهن رجعت لكيتهم نومتهم فدوه أروح إلگم دنگت بوستهم ومسحت رؤوسهم وأنتبهت أيديه منتهيات من الشغل حوالي أظافر الجلد منتزع ومخشبات لا مرطب ولا جفوف وشغل بدون رحمه...
رديت البرده والضوء خافت علمود ما يگعدون.
لما أرجع ما أريد أحد يتقرب إلهم ويأذيهم يكفي أمهم تأذت بما فيه الكفايه عوض عنهم وعدت نفسي أكون الام والاب إلهم يارب ما أقصر وياهم ولا شيء...
طلعت من الغرفه من باب الخارجي أستوقفني همسهن رجعت خطواتي كيف وأنصدمت؟
منار عمي حظوظ الجگمات وحظ ألطاف شلون كلايبه ريحتها تفوح أعتقد العلويه مزورتها
رابحه أي أكيد لأن ريحتها تجنن وحتى المسك دازته إلها
بس تدرين حرام علينا نأخذهن وهي دزتهن لزوجه ابنها تعتبر أمانه.
منار شعلينا إحنا روحي سألي أمج وأهلج بعدين احنا وين شايفين هيج لبس وأغراض تخبل كاضينها حاجات من برنسيسه وخلاگين أمي تجيبهن إلنا كلهن تعزيله من المحلات وتبيعهن برؤوسنا
رابحه تحمدي ربج وسگتي
بس تدرين حتى لو أقل دزيلها ملابس الداخلية شمدريهم أهلنا خطيه بحاجتهن لان هي محد مشتري إلها وملابس ابنها أمج كلهن باعتهن والله ما يجوز.
أنتِ لا تصيرين شيخ مفتي برأسي خلينا متونسه بيهن لا أكوم أهفج بطراك وأنومج دهر بااكمله والله خوش صايره دافع لبنت ملاهي وأم الزلم وحده وصخه وقذره...
عرضج هاي انت هيج تحجين لعد شنو خليتي للغريب وبعدين أحنا ما شفنا شيء بعيونها ولا سمعنا ما إلنا حق نحجي لان ماكو دليل ضدها.
يا دليل تحجين عنا عمي زلم وشيوخ شهور رايحين چاين يفضون سالفتها هذا التميمي إلى إنهزمت وياه وعافت رجلها وبنتها والمسكين فيصل هج من بغداد كلها من وره سوالف مرته طاح حظها
ما علينا منهم لربهم تفف تفف التوبه ربي احنا بنات بيت سدي السالفه لخاطر الله
بس تدرين حظها كاعد ويه الحلوين شفتي شلون يحجي وياه مازن ويشمر بايده مبين حيل يحبها بس طلگوها لو هذاك فيصلوا الله يذكره بالخير.
الطاف حظها مفتح باللبن خوما مثلنا وين ماكو واحد منتف ومهتلف يجينا لا انوب ما يعرف ينسق ملابسه هفف أريد جگليته من هذول مروا بحياتها حتى لو ارمل مطلگ راضيه
صخاااام بوجهج كون امييي تسمعج شهل الحجي ولج سكتييي عزا العزاج.
شعلينا أحنااا بيها والي مروا بحياتها وتاليهم ولا واحد بقه وياها وين حظها كوليلي سكتي خفت سوالفج تموتين الحلوين امداچ...
اي اي فهمنا.
هاچ كومي ضميهن بالبوفيه وطلعلينا من هالحلويات الحلوه بالخانه موجوده
اي هسه انطيج ام كرش بس هذول مو كلهن إلنا
بيت عمي خلف يردن كالت لامي دزيلنا
خفت بطونهن خزنااا عبالك ما شايفاات والله لو ابوي يدري يگلب الدنيا هو گالي شمريهن للحلال والملابس حرگيها بس أمي ما قبلت
بينهم أحنا شكو هسه شتردين ياهي منهن
انطيني خل نحلي من حلاوه النجفيه ترد الروح.
هاي العلويه شگد ذواقه ونفسها طيبه جبيبي خل نأكل بلكي يصينا الخير من خيرها وتجينا قسمه زينه ويتعدل الحال واخلص من فگر أهلج وشغلهم
ألطاف َ ما كدرت أتسمع أكثر سوالف كثيره
ما مصدومه لأن حقارتهم ينشهد بيها كدام خلق الله
طلعت للشغل وغطيت وجهي وصلت البستان وبلشت
شغل وياهن انظف وأجمع الحيشيش باب البستان وظهري أنقسم بالنص لان تأخر الوقت ما بالهن يرجعن للبيت
نوريه يلا نرجع للبيت.
الطاف فتحت لثام وأخذت نفس مشيت وراها
وصلت البيت غسلت من البوري وأنشمرت كدامي فرش وبطانيات رفعت رأسي خير شنو هاي
نوريه غسل شنو تشوفين
هاج هذا التايت أخذيهن لو النهر
لو البئر عمج خلف شغله چاي يسقي الزرع
أخذيهن بالحوض وغسليهن بعد كيفج شوفي الانسب إلج بس أني اكول ع النهر لان ماي هواي
الطاف راحت وخلتني
اللهم صبرك.
مسحت وجهي دخلت البيت رحت عليهم نومتهم فدوه رحتلكم، شفتهن راحن المطبخ يجهزون الغده.
أخذت الفراش وسطل التايت ورحت البئر شفت عمي خلف شايل الگرك مالته ويفتر تقربت وفرشت الفراش وگعدت أجلف بيدي واجفص بالطشت وأغسل وأشمر بالحوض ألا خلصت وتعبت...
خليتهن حافه الحوض يوشلن من الماي وبعد
هنا ينشرنهن ما إلى شغل...
عدلت شالي وعصرت الماي من حافه ثوبي ورجعت البيت بعدني ما دخلت أجت منار
منار أمي تكولج خل تغسل المواعين وتغسل الداير وتنظف المضيف كله ريحه جگاير وتعطره بالبخور وتفرشه...
وانتن شنو شغلجن.
يماااا تعالي سمعي الخاتون شنو تحجي
أخذج الله أنتِ وأمج أمهات الوسخ بعدي عن طريقي، دفعتها رحت المطبخ حماده أبن عمي متربع ومخلي الجدر بحضنه ويأكل حگاكه والمطبخ گله مواعين والتمن بالكاع...
لا حول ولا قوة الا بالله.
لميت المواعين وطلعت برى أغسل بيهن البوري خليتهن بالصينيه الشمس بالحديقه وجفيت الگدوره ورجعت غسلت كل البيت ونظفت المضيف هلگت من التعب سمعت صوت جهالي يبجون يبوه عليج ألطاف مشيت سريع أريد اوصل وتزحلكت ظهري بالطرمه گوه گمت سندت نفسي وصلت ألهم البطانيةك وجهه ويصرخ وزينه مگابلته وتبجي
يا يمااا سوده بوجهي.
زينه ناني دادا.
الطاف اي يمه فهمت همزين سمعت صوتج كافي تبچين فدوه لعيونج تعالي بحضني لما أرضعه. خليتها يمي وكعدت أرضعه حليبه قليل صاير ولا يشبع يجر ويبجي ويعارك بيده ويصرخ شبيك أمي أنت...
حولته الثدي الثاني نفس الحاله يعارك يرفس برجليه ويصرخ بوجهي، زينه ماما نامي لما اشوفهم واجيج ما تفهم لازگت بثوبي شلته وهي وراي طلعت برة اشوف أحد اجه عمي خلف تقربت عمي أبني ما يشبع من صدري وبس يبجي خطيه فدوه رحتلك جيبلي حليب.
خلف اخذيهم ورجعي لغرفتج
يصير خير؟
رجعت المطبخ فتحت الگدر كنت عازله أكل لبنتي جيت ما لكيت شيء يربي شتأكل هسه هذا يا مصخم سطه الگدروره. دخل حماده شمر الماعون ومسح حلگه بطارف دشادشته صحت بي أنت ما تشبع كرفت الاول والتالي بگرشك هامه خوما هامه
حماده شعليج انتِ بيت ابوي هذا والله خوش.
طلع وخلاني أكرض بروحي وهي جوعانه وأبني يصرخ فتحت الثلاجه فارغه بس دبس محمض وهي ما تأكله رحت رابحه بغرفتها لكيتهن يأكلن حلويات شافني وضمنهن. رابحه وين البيض أمج وين تضمه أريد أسوي أكل لبنتي.
رابحه والله هي تجيبهن من الگن گبل تبيعهن تخلي منهن بس لريوك
شلون سالفه أكو هسه أذا اوصي أحد يجيبلي
أي ادزلج حماده من أبو عتوي يبيع 6 بالف.
ماشي هسه أجيبلج فلوس.
دخلت الغرفه جريت الجنطه من النضده فتحتها ماكو ولا فلس مصفره شلون قهر جهالي ماتوا من جوع الله لا ينطيك مازن. كعدت لميتهم بحضني وأنقهرت دخلت رابحه بيدها كارتونه وقفلت الباب وراها خلتها كدامي كلها حلويات وكزرات ترد الروح.
رابحه جبتلج هذن تردين الصراحه العلويه دزتهن إلج
أدري
أي ف أني ضميته وجبتلج لأن وصت امي تنطيج علمود الحليب گالت إلها خل تأكل حلو وتتغذى لأن هي ترضع تميم من صدرها...
دزتلي فلوس.
نزلت رأسها فشلانه
أي دزتلج أنطت شده لافتهن لازتيگه أنطتهن لأمي
وأمج أخذتهن
أني لازم أروح
راحت كمت قفلت الباب وكعدنا أني وبنتي نأكل وهي فرحانه وتهز برأسها وتوگلني وگت كنتِ مدلله ماكو شيء يروح بنفسج دمرنا أبوج الله يأخذه
تميم نام جوعان كمت شلت الكارتونه وضميته شُككرنفسج طيبه خاله أم حسين الله يوفقج...
كمت غسلت لبنتي وفرشت فراش ونمنا مر وقت كعد يصرخ ورضعته ودر عليَّ الحليب ويرضع السريع ويعارك ويسابق أبتسمت عليَّ فدوه لعيونك أشبع...
للمغرب يلا كعدت خليتهم بالغرفه يلعبون رحت توضيت ورجعت أصلي وفتحت القرأن وكعدت اقرا وهما يمي انفتح الباب دخل مازن وباوع إلنا بيده جيس مدري شنو بي رجعت كملت قراءه.
مازن هذا حليب أبنج
ألطاف ما جاوبته
مازن مو وجه نعمه عابت هالوجه.
ألطاف هذا شبي كمت فتحت الجيس حليب وممات وكلشي ملهيه وحفظاظات هذن مو مشترات مازن هذن منهم دزوهن لابنهم أكيد بلغوهم.
فرحتي أكثر شيء بالحفظاظات كمت سويتله وكعدت أعلمه يرضع نحس بالگوه أخذها وتعلم عليها
وراها سبحتهم بليل ولبسته حفوظه وأرتاح وليدي
و نومتهم سوه واحد بصف الثاني، كمت غسلت ملابسهم بالطشت البوري وعصرتهن قوي و نشرتهن سيم ألأستحكام فوك الحائط مخلينا علمود الواوي لا يهجم الدجاج والحلال مالهم...
رجعت تمددت بفراشي واباوع إلهم تذكرت المر المريت بي ولحد ألان يسري ويه عمري ما أريدهم يعانون وياي بس شسوي، سمعت رنه التلفون
أهتزاز مخليته باوعت الشاشه رقم غريب جاوبته الو
ماكو رد الوو أيضاً ماكو رد تالي قفلته ورجعت نمت.
مرت أشهہر
وصار عمر تميم سنه وبدأ يمشي بخطواته مليانه حب والقهر لحد الان ما مسجل بااسم أبوه...
كمت أطلعهم ناحيه البستان يباعون الخضار ويلعبون وأني صافنه عليهم زينه تركض وره أخوها وهو يباوع إلها ويقههه بضحگته يمشي ويعثر فرحان وضحكته عاليه صوت ضحكهم ضحكت كمت أركض وراهم وفرحانين لزمتك لزمتك طاروا لأن شارگتهم لعبهم وفرحتهم رحت كعدت فتحت حضني أجوني ركض منو ألاول يسبق ويوصل حضني رغم زينه أكبر بس تميم وصل قبلها لميته بحضني ولك أنت سبع التفت ما لكيت زينه...
كمت افتر وأصيح عليها ولج يمه بنيتي فدوه لعمرج وين رحتي شلته وهي ماكو اتعثر وگلبي ذاب عليها
لگيتها بصف الشجره وتبجي وگعت يم رجليها وهمست زينه ماما باوعيني رفعت رأسها عيونها حمر ومهضومه وتشهك لميتها بحضني قوي وبچيت وياها
أسفه يروحي أنتِ أنتوا روحي بنص صدري شعندي غيركم شلتهم أثنيهم گوه أمشي بيهم وهما يضحكون.
وصلت البيت صارت بوجهي جديتي الگرسي وحلگها معوچ وايديها ترجف وگلبي أحترك رميتهم من أيدي وگعت يم رجليها جيتي من الناصريه حن گلبج عليَّ جيتي تشوفين شسوت الدنيا بيه جيتي تعرفين كم شخص نهش روحي وراح...
بس تهز برأسها وتبجي دنگت بوست أيديها وبچيت عيونها جهالي دموعها تنزل رفعت نفسي ومسحت دموعها وبوستها من رأسها تهون وداعتج دموعج الحلوه تهون ادري تحملت بهموم أكبر من عمي بس يجي يوم وأنفضها وأستند بس أريد الدنيا تباوع اليه اشوي كلها ضدي جده، نمت رجليها وهمست
أدري بيج ما تبقين لان مريضه امسح بوجهه
رابحه لازم ادخلها البيت عمي ناظم ينتظرنا يرجعون الناصرية جايبها لان هي طالبه تشوفج.
ألطاف حضنتها ودعتها روحي الله وياج
أخذتها وعيونها عليَّ وك جهالي دخلتهم وياي وما طلعت من الغرفه لان البيت هوسه بيت عمي ناظم متزوج بالناصريه جاي ما حبيت اواجه أحد ويبلش الكلام والمغثه خليني بوحدي أحسن...
رن تلفوني زهور؟جاوبتها ألو زهور ردت متنخگه
زهور شلونج ألطاف
بيج شيء
زهور صاير شيء الووو
لأ!
بس حبيت أطمئن تميم وهم كلت أسأل عنج
أسفه صار أيام ما محاجيتج، حقج عليَّ
لا معذوره
أهم شيء تكونون بخير هذا يكفيني.
الطاف
هاا عيني
حسين يكولج؟تميم وين ما تروحين تأخذينه وياج تميم روح حسين وخلاها بحضنج ديري بالچ عليَّ،!
شقصدج زهور صاير شيء
لا بس حبيت أبلغلج لا أكثر
بدون ما تكولين هذا أبني بنص روحي أخلي
شلون أعوفه لايشيل هم سلميلي عليَّ هواي وأتمنى أحجي وياه بس راحته
الله يكون بعونج
مع السلامه
كلامها كان غريب مختنگه معقوله صاير شيء
لا ألطاف لا توهسين ب أفكارچ كلشي مااكو
أي أكيد تنقهر حال اخوها وأبنه أنحرم وابتعد عنه.
شگول عليك يا مازن حرمتنا من بعض
مر أسبوك-- واني مختنگه نفسي كاتم ما مرتاحه كَلبي يوجعني أجر روحي چر الشغله وزهور ما بينت بعد وحتى بعد ما دزوا شيء ل أبنهم أستغربت مو عواديهم ابداً أخر فتره كانوا يدزون وعمي كام ينطيهن اليه ومنع نوريه تأخذهن...
سبحتهم خليتهم بالشمس كان شهر 2 الجو حلو وعطله نصف السنه وبناتهم كلهن أجن هنا وجهالهن عاد تكثر السوالف وتعالي ألطاف تحملي يرادلي گلب يم الحداد اسوي من حديد يتحمل الكلام والمغثه...
كمت أخذت ملابسهم بالطشت اغسل بيهم بماي الحار خلصت ونشرتهن السيم وقسم الشجره
نشفت أيدي وجبت حلويات منهم باقيات اخر شيء الكارتونه فرغت وذبيتها بالوسخ اخذها مني تميم.
زينه بقت تباوع اليه، خلص العصر ادزلج من المحل اشتري إلى تردي، انطي لاختك حبيبي تعال اقسمها بالنص عند وانطاني ظهره ويأكل تعال ولك
تميم ماما يبس رأسه ولا يرد عليَّ، أثناء كلامنا اني وياهم اجت رابحه؟
رابحه ألطاف مازن وأبوي دزوني عليج
ألطاف خير
ما أعرف كالولي خل تجي للمضيف؟
الي عرفته أكو مره چايه عليج طلبت تشوفج
منو هاي المره؟
عوفي جهالج يمي
روحي إلهم شوفيها منو
ألطاف أي حبابه ديري بالچ عليهم.
خليتهم يمها وعدلت شالي وطلعت ألهم عبرت المطبخ مليان جهال وبناتهم كلهن موجودات
وصلت المضيف وأنصدمت بوجود؟
همست بصدمه أم مريم؟