رواية الرمق الأخير للكاتبة شمس العراقية الفصل الحادي والأربعون
عباس أم تميم
الطاف شلونك عباس
العلويه موجوده بالبيت
أي موجوده اتفضلي
رفل أجاكم خطار كعدي أمي
هاا ولك تميم تعال لك لوتيي...
شاله وطلع من البيت زينه ضلت تباوع وره أخوها
تعلقت بي ما تكدر فَراقهُ، أجت رفل سلمت
عليها دنگت تبوس ب زينه وتمسح شعرها
رفل َ صَدقه لله شلون بنت حلوه مثل الملاك
ولج شهل الجمال تنكرطين حبيبتي انتِ
الله يحفظها إلج ويفرحج بيها...
أتفضلي عيوني،
ألطاف فدوه لگُلبج ويحفظ ألج أبو بيتج وأطفالج.
مشيت وراها وريحه البخور ترد الروح وتشرحها
فتحت باب غرفتها فارشه سجادتها والقرأن صدقت
واندارت عليَّ.
ركضت لعندها حضنتها بيه ريحته وبچيت بحضنها
وهي تمسح رأسي أستغربت ما نزلت إلها دموع
العلويه لا تفأولين وتبچين أمي أنتِ
يرد بالسلامه إن شاء الله
شلونج يمه شلون أحوالج ويه الدنيا
الحمدلله
الحمدلله دائماً وابداً
هالملاك الحلو بنيتج
أي خاله إسمها زينه
ما شاء الله كبرانه وحليانه
يحفظها ربي ويبارك بعُمرها.
أمين يارب.
خاله أمانه هم سامعين شيء عن حسين
ما تعرفون أي خبر عنه عباس ما سأل ما دور عليَّ
عباس ما مبطل يا يمه
محد يعرف يا قوه أخذتهم مدري الجيش العراقي
مدري القوه البيشمرگه بيهم كالوا أسألوا بسجن بالشمال مدري شسمه بعد ما أعرف
أريد أضمه لصدري وأرتوي من ريحته ومن سوالفه
الحلوه المتربعات بنص گُلبي
يارب خير
فدوه لعمرج خاله إذا عرفتوا شيء عنا
بس طموني گُلبي عنا المهم أعرف بي عايش
بس أريد سلامته...
إن شاء الله بنيتي.
الله ينطيج كد تحملج وصبرج وأيمانج
شلونج مرتاحه ويه أهلج بعدهم قاسين عليج
يعني الحمدلله كل حال
قسمتي هيج وهذا وعدي.
بارك الله بيج
يلا خاله اضل يمج العافيه
لازم أمشي بستها من رأسها لزمت أيدي خلت بيها فلوس لا خاله ما محتاجه أريد سلامتج
اخذيهن يمه ولا ترديني
ما أردج خاله الله يخليج إلنا
ويفرح گُلبج برجوع حسين بسلامه
مع السلامه طلعت من يمها صار بوجهي عباس
عباس تعرف شيء عن حسين
عباس ليش يهمج.
طبعاً يهمني أبو أبني هذا
إن شاء الله عايش هالاسبوك أروح
وأسأل والله كريم...
يارب خير
عن إذنك أخذت تميم كان مشتري أنواع الحلويات
وصلت السياره ذهب تنتظرني صعدت وطلعنا
ذهب هاا شصار عرفتي شيء
أحسهم يعرفون بي وين هو وعايش
بس ما يكولون اليه بعد ما أدري
لا جان كالوا شجابرهم
والعلويه ما تكذب مو صح
صح هي كانت حزينه حيل
أني هيج أخمن بداخلي...
يلا خل نطلع لسوك نشتري نقوصات الخياطه
و محتاجه شغلات اليه ولجهال...
نزلنا برأس الفرع من نزلت بقيت أمشي وحدي وروحي مدري وين التفت جهالي يبچون عصرت أيدي لان هيج تصرفت رجعت إلهم شلت تميم وذهب شايله الغراض دخلناهم بيتها لأن أني أخيط وياهن
مازن ما يقبل أخيط بالبيت صوت مكائن يزعج ست الحسن...
ذهب هذا هو خلصنا بعد بليل نبلش بالطليبه مالت العروس لان عرسها هالشهہر ولازم نلحگ نكمل جهازها...
ألطاف ماشي عيني أنتِ.
نتعشى ونجيج احتمال أبات يمج هذاك اليوم رجعت متأخره ومازن سوالي سالفه بس يعيط
أوف منه هل المازن شگد مكروه
نتحمله شنسوي يلا عيني أترخص منج
رجعت البيت رتبت غراضهم لگيت أبوي گاعد اخبار وحده هاا بابا شنو محد موجود
حاتم أجه وگالي يابه صرت أب مرته ولدت
وراح إلها اليوم يباتون بالمستشفى.
هاا بيها الخير.
سويتله لگمه يأگلها وراها نطيته علاجه وسويتله صحن فواگه وگعدت يمه أني وجهالي ما حسيت بالوقت لأن صافنه وهو يلعب وياهم كان حاس بيه مو طبيعيه فتحلي حضنه تقربت حضنته بابا تعرف بيه شُككر احبك بابا إذا يوم نمت وما كعدت سامحني ودير بالكك جهالي، رفع وجهي ومسح دموعي بقهر وهو يبچي وياي
حاتم بنتي الحلوه القويه شصاير بحالها
ليش هل اليأس هذا
أنتِ روحج حلوه لا تخربيها بكثره حزنج.
محد يستاهل تعذبين وتقهرين بروحج علموده
حُبي نفسج أكثر من كلشي والي راح راح
وذبي كلشي وراج وأنسي الماضي وسوالفه
أكتفي بوحدج الدنيا يا بابا توجع بس تعلم
وأنت توجعتي هواي تعلمي من اوجاعج وتقوي
بيهن ماشي بنيتي الحلوه...
ماشي بابا
مر وقت باوعت الساعه لازم أروح أساعد ذهب بالخياط وخطيه بابا شلون...
ما حسيت غير أنفتح الباب دخلت ذهب جابتلي قسم من الخياط جان شغل نمنم أخذته منها
ذهب عرفتج ما تجين لأن أبوج وحده.
لهذا أنتِ شاطره بشغل نمنم كملي هذن
ماشي عيوني
ذهب راحت وبلشت أشتغل ومر الوقت وما حسيت بي ومشتغله هواي الا حسيت رقبتي انخلعت لان منزلتها القماش وشغل دقيق...
كمت توضيت وصليت صلاه الليل وفتحت القرأن وكعدت أقرا همومي تنزاح وترتاح روحي رجعت تمددت بفراشي بصف جهالي باوعت أبوي نايم والغطا نازل كمت بسته وغطيته ربي يحفظك اليه
مرور زمن.
مرت سنوات وتميم كبر وفرحان بروحه واني أباوع اله كبرت يا يمه ولحد ألان ما مسجل وما عندك هويه ولا أبوك عرفنا أخباره...
أهلهُ شبه قطعوا نفسهم أسال أمه تگول حسين مات
ولابسه أسود عليَّ وزهور وجهه طافي والحزن مغيم عليها الله يساعدهم. إذا عايش الله يردك بالسلامه
رتبت الطليبه مالت القماش جراجف جربايه خليتهم بالاكياس، دخلت سوسن عليَّ شگلها وراها سالفه
سوسن عفيه لزمي أبنج والله موت أبني من الضرب.
ما ينجرع وهاي زينه ذبحتني بس تگمز ترة ما يصير
شسويلهم جهال ترا گلبي شاب من هالسالفه
وأني طلعت روحي من هالعيشه ومن أخوج
صار سنوات وأبني كُبر ما دبر حاله وطلعني بيت وحدي والله طگت روحي...
راحت وخلتني وأسمعها اصيحح وتدعي جهالي
جبتهم يمي جهال ما يتعاشرون بينهم ومن يجي مازن تبقى تشگى منهم ويجيني مفول جهالج وجهالج أدري وين اوديهم وين أولي...
دخلت ذهب بيدها القماش.
ذهب هاا ولج مخلصه الجراجف عفيه عليج.
أكولج علمود الدروس لكيتلج كم طالبه جوارين
4 طالبات ثالث متوسط لما يطلع أسمج بالمحاضرين
انهي الموضوع وين أدرس ما تشوفين الأوضاع ما تساعد هذاك اليوم درست ولد اثنين وبنات ثالث متوسط دخل مازن فضحني سوالي سالفه وتالي راحوا لغير مدرسه هذول مو وجه احد يفتح شغل
أنطيهم من الشغل بلگي يصمون حلوگهم.
ليش أني مبطله مسواك البيت كله عليَّ ومرته وأبنها ما مقصره وياها بس حشاج حقراء ما يغزر بيهم كلشي وأخوي كل خير ما بي...
شسوين ألطاف تحمليهن بلكي ينگلعون بيت وحدهم وتأخذين راحتج وتطورين شغلج
الله كريم
هاج اخذي هذن جراجف هنا والگوشات وجوه المخاد أربعه لهاي المره گبالنا
أتفقنا الجرجف 1 والباقيات حالتها مو شيء 7
تمام حبيبتي هذا هو.
راحت وبلشت شغل قفلت باب الاستقبال كعدت أخيط وجهال يمي زينه تگلب تباوع بتلفوني أجاني تميم يركض خير ولك
تميم ماما زينه فتحت بث فضحتنا عزا
صخام الوجه
أخذته منه ولك ما فاتحه بث ناشره أستوري
ماخذه صور نفسها وناشرتهم الانستا باوعت برائتها وضحگتها دنگت بوستها راح اخلي صورتج
فدوه لشگلج الحلو
تميم واني ما تنشرين صورتي
اني حلو والله
الصبح لبست جديد
ھَہھَہھ
فدوه إلى يغار تعال أخذلك صوره.
اخذتله ونشرته أستوري اول مشاهد زهور شافتهم
وتفاعلت ودز بوسات وسمايلات دازتلي
زهور هاي بوسات الج ولعصافيرج الحلوين
عمري أنتِ
بعدني جاي أحجي وياها أندك الباب طلعت سوسن
خليت التلفون الشاحن والجهال وراي دخلت العلويه يربي شُككر تعبانه تفاچئت بجيتها وفرحت حيل ركضت أستقبلتها وأجه تميم عليها وتبوس وتشمم بي وحاضنته كل قوتها
عواطف يمه فدوه لطولك وسوالفك وريحتك
الطاف تريد تضمه بروحها وهو متعلم عليها كل.
أسبوك يجي عباس يأخذه وإذا ما يجي يطلب مني أخابر عمته لأن تعلق بيهم هما مدللينا وما مقصرين بحقه من فلوس من ملابس وملاعيب كلشي...
باوعت السائق نزل أشگال الدنيا من فواكه ومن ملابس اليه وحتى لبنتي حتى الشامبو والعطر جايبته دخلت الاكياس ودخلت الاستقبال كعدت
رحت اجيب ضيافه وقفتني.
عواطف كلشي لا تجيبين عندي موضوع وياج
كعدي نحجي يمه
راحتج خاله
كولي أسمعج، خير صاير شيء!
ماكو الا الخير إن شاء الله يصيبج ويصيب جهالج.
يمه
سمعت صوت زينه صرخت طگت من الصريخ وتميم گذلك طلعت أشوف سوسن ضاربتهم علمود گيك متعارگين بينهم وأبنه يبجي باوعت وجهوهم دم ليش سوسن مو عيب المره كاعده وجديته
شويه احترمي وجودها
والله ما دازه عليها خط مصخم
وهيج تحب أبن إبنها خل تاخذه وتخلصنا من وگاحته
سگتي لخاطر الله
شلته ورجعت والعلويه سمعت الكلام نزلت رأسي فشلانه منها كعدت وهي أبتسمت.
عادي يمه لهذا أني جيتج وأريد أحجي وياج
يمه أدري بيج ما مرتاحه ومُجتمعج ما يرحم
وأني أسأل زهور عنج تگول جاي تشتغل خياطه
ومعيشه جهالها عجبتيني وبارك الله بيج.
واجبي هذا وإن شاء الله ما اقصر وياهم
والله المعين
ونعم بالله
خاله خوما تردين تأخذين تميم
أخوج محاجي عباس گايله أبنكم وكح
تعالوا أخذوا
لا خاله فدوه رحتلج
أموت والله وين تأخذونه
لأ يمه ما نگدر أصلاً نأخذه!
لأن حسين فدوه لعيونه كالي أموت وما أخذه من حضنها وأحرمها منه والوعها عليَّ، تردين أحنا نكسر خاطره وصيته ونأخذه منج لا يمه مو العلويه تگسر گُلب أحد أني حاسبتج بنتي حالج من حال زهور
فدوه رحتلج خاله رحت عليها حضنتها
وهي حضنتني ونزلت دموعها
أريدج قويه ولج أنتِ أم تميم مو حي الله
تدللين خاله
فدوه لعينج.
نرجع لموضوعنا الاساسي يمه ألطاف جيبي جهالج وتعالي لبيت إلى عافه حسين سكني بي وطوري شغلج وخلصي منهم ومن إلى يحجون عنج وشمري سبع حجرات وسلميهم بيد الله هو وحده ياخذ إلج حقج منهم ومن إلى أذوج
تفأجئت بس خاله هذا بيت حسين شلون
سگتني وهي تگول
بيتي
حسين من أشتراه صحيح أشتراه بتعبه وراتبه
بس سجله بااسمي وأني مو بحاحه البيت الحمدالله.
وهو فارغ وتردين الصراحه يا يمه عباس أبني من يوم سامع كلام من أخوج مو زين شبعنا قهر وأحنا ما نگدر نأخذ تميم منج
والله ما أدري شگول إلج بقيت محتاره
والناس ما تحجي قصدي لان أسگن بيته...
والناس نعتمد كلامهم ونگمل حياتنا
لا يمه خلي أخر همج كلامهم وصدگي بالحالتين ما نخلص من حجيهم. لهذا فكري بالموضوع زين
ولا تعتبرين البيت بيت حسين البيت بيتي وأني فتحته الج وأعتبري بيتج وبيت جهالج...
فدوه رحتلج خاله ما أعرف شلون اجازيج
لا تجازيني
الله يجازيني
هاج المفتاح يمتى ما تجين هلأ بيج شدي همتج وفگري زين وك راحتج بعد...
يلا يمه أني أروح زهور تريد تجي هي وجهالها
وعمتها وياها لازم امشي تعال ولك تميم تعال جده
أخذته تبوس بي وتشمم بعطره وتبوس من عيونه وگفوف أيديه
باوعت لمفتاح وهي نهضت من مكانها وطبطبت
أكتافي بحب وأبتسمت بوجهي وطمنتني...
عواطف لا تخلين الافكار الموزينه تسيطر عقلج وتكولين وشلون أعيش وحدي وشلون أدبر اوضاعي يمه أنتِ إذا ما تنهضين حيلج محد ينهضج ويسندج الحياة ما تمشي من كيفها والمشگله ما تنحل إذا ما نفكرلها وإذا العيشه أكو الله هو مدبر ومسهل ألامور وگلي أمرج اله...
وخليج قويه ومو عيب أذا سكنتي بوحدج وأبتعدي عن هذا المُجمتع وتشترين راحه بالج وراحه أطفالج
أنهضي يمه والعلويه بظهرچ،
عسا من أنحرم من العلويه وحنيتها عليَّ.
ربي يخليج إلنا وينطيج الصحه والعافيه
ويبرد گلبج برجوع أبنج وتگحلين عيونج بشوفته
َ الله أحلى دعوه
تدرين دعوتج هاي ودمعتج النزلت إلها حوبه عند الله كبيره، ربي يحفظج بينتي
َ شُككر أحجيلگم عنها طيبه حيل طيبه
بوستني ودنگت بوست بنتي وأما تميم سالوفه عشگ أجاها ركض حضنها يبوس بيها روحها بيها.
وصلتها يم الباب عباس أجه أخذها ما باوع نهائياً يهز بيده الظاهر ما راضي دخول أمه لبيتنا أدري والله أدري بس العلويه حنينه وطيبه...
دخلت البيت وسوسن تفتح الاكياس وتأكل بهل الفواكهه والخير من العلويه باوعت وگالت
سوسن عمي هذول فايخين وخيرهم أعلى من رؤوسهم وين أكو مطلگينج ويجيبون إلج أشكال وانواع وأتوقع إذا أبنهم طلع عايش يرجعج ذمته
ثوله شگووو رجعتي أمداج علمود هاي السگط عيونها طاگه.
حسبي الله ونعم الوكيل بيج
ليش هيج تحجين كدامها مو خطيه
زينه كبيره وتفهم حرام عليج
شتفهم ترا هاي عقل ما عدها ادا وادا
خبله الله يثبت علينا عقولنا...
أخذتها للغرفه لأن كامت تبجي أش ماما
عيوني انت اش وعد بعد ما اخلي احد يحجي عليج
ويذم شكلج أو يضربج هالمره غير تمام هزت رأسها
لليل رحت يم أبوي وحجيتله كل الموضوع بقه صافن بوجهي وباوع لجهالي ورجع جاوبني...
حاتم نقذي ما باقي من حياتج
سمعي كلام العلويه بابا.
روحي الله وياج
وإذا مازن رفض أسگن بيتهُ
جيبي تلفوني من جوا المخده وطلعي رقم عمج ناظم وأتصلي عليَّ هذا أشوي احسن من باقي عمامج
هو يكدر يساعدج
بس بابا وأنت
أني
ليش هو يسمع الكلام منِ
جيبي تلفون بابا جيبي...
طلعت الرقم وسجلته
هسه أتصل عليَّ وافهمه الموضوع متأگد يساعدني
اي متأگد لان أنتِ مظلومه
أتصلي وهو يساعدج...
ماشي
كمت للاستقبال وأتصلت عليَّ رن مرتين ورد
جاوبته ألو عمي ناظم أني ألطاف بنت أخوك.
ناظم هَلأ عمي ألطاف شلونج جهالج شلونهم
أستغربت الحمدالله عمي زينين
عمي عندي موضوع وياك أنت الوحيد من عمامي
ما ألتقيت بيك ولا سمعتني الباقين سمعوني بس محد بيهم گال الحق ونصفني عمي أني مظلومه
لا تحجين يبعد عمج
أدري بيج مظلومه وكلنا عرفنا فيصل بايعج وبلغنا مازن العار أخوج النثيه ليش ما كالج عمامي عرفوا بيج مظلومه.
لا والله ما كالي.
يعني عمي ظهر الحق وعرفتوا اني مظلومه وفيصل النذل بايعني مو عمي فدوه ساعدني...
َ اي عمي عرفنا كلشي والحق لازم يجي يوم ويظهر والباطل ينگشف وحوبتج تگسر أخوج أنتظري وشوفي اما أحنا يا عمي حگمتنا العادات والتقاليد والسمعه مو بالهين وكلام الناس ما يرحم لولد ولد يبقى، بس الظاهر أخوج معمي عيونه وهو سبب دمار حياتج...
حسبي الله ونعم الوكيل بي
عمي مطول عرفتني مظلومه جايتك بطلب أريدك.
تساعدني بيها لأن متاگده مازن ما يوافق
يأكل تبن
أحجي عمي أسمعج...
حجيت كل الموضوع بقه ساكت
عمي والله زوجته ما تنجرع وبنتي دمرت نفسيتها
وابني گبر وجهال يگبرون ما يتعاشرون ومازن ما ينطي لا ب زوجته ولا أبنه يرجع عليه وعليهم وأنيي عجزت وحدي أريد أرتاح ما شفت الراحه أني أقل أطفالي يرتاحون لو هم يعيشون المر إلى عاشته أمهم، فدوه ساعدني.
يبعد عمج ما أدري شگول الج
الله يكون بعونج
مطول العلويه كالتلج أني بظهرج.
روحي وياها وأنتِ مغمضه عمي أنت بعز الامان
والعلويه بارك الله بيها عمل الخير وربج ما يگطع
اي والله
ومازن شلون
ما عليج منا أني أحجي وياه
وأبوج ادز عليَّ يمي يغير جوا ويرتاح خاف ينقهر وراج وتوگلي وصيري سباعيه واجهي الحياه بكل قوه باقيه عندج...
مشكور عمي مع السلامه
إنتهى الاتصال وأستبشرت خير
رأساً أتصلت ذهب وبلغتها وطارت من الفرحه...
ولج أجاج الفرج أطفر من الحايط اجي اجعصج بحضن...
تعالي
ذهب أريدج تجين وياي.
أوفاا وأني اعوفج اصلاً بدون ما تكولين أجيج ركض بدون نعال طرك ثوبي
بس تعالي العلويه ما كالت تسكن وياج لو شنو
لا ما كالت
ما أعتقد تسكن وياي
يمعوده يكفيني موقفها الحلو
خلص روحي جهزي نفسج أنتِ وعنافيصج
واني أروح اجهز هديماتي وأبلغ سميه أنوب هاي وين أعوفهااا
بنتها الثاني انخطبت مو
أي أنخطبت هالاسبوك يأخذونا
تبقى بس هي والصغيره...
خل اروح احجي وياها واجيج حبوبي انت
فدوه رحتلج غنج گلبي،
أنتهى الاتصال.
رحت نومت الجهال وراها صليت وقريت قرأن أشوي ورجعت بفراشي بقيت كاعده أتصفح بالانستا شفت زهور فاتحه دزيت إلها رساله كاعد الحلو
زهور مو احلى منك
شلونج ولج
الحمدلله
العلويه جانت يمي اليوم
أعرف بكل التفاصيل حبيبتي
هاا شنو قررتي تكسنين بالبيت لو لا
وهاا البيت نظيف أمي كل فتره تسحلني وياها أنظفه تگول حسين ما يحبه وسخ خاف يجي گبل يروح لبيته ادري بي سوده عليَّ...
أختنگت إن شاء الله يرجع بسلامه
يارب.
هہآآ مآ گلتي تجين تعيشين بي
أي إن شاء الله
بس بعد اخويا شوفه شيگول
هاا بيها خير عمري
وعندج أحد يسگن وياج
أي جارتي وصديقتي ذهب
اي خوش وإحنا قربين عليج
أني شمره عصا أطفرلج
تميم حبيب عمتو شلونه
الحمدلله زين
فدوه لعيونه
يلا حُبي يصير خير وإي شيء تحتاجين أتصلي امانه
فدوه رحتلج ما تقصرين.
رجعت تلفون الشاحن ونمت للصبح كعدت سوسن نشيطه وتشتغل كاعده تسوي الغده مو عادتها أباوع البيت نظيف ومعطر عبرتهم ودخلت الحمام غسلت ومن طلعت سمعت همسهم
سوسن يعني راح يبقى البيت بس إلنا أني وياك وحمودي
مازن هو أساساً بيتي محد اله شيء عندي
سوسن واخواتك خاف يردن حصه
ما إلهن شيء
ألطاف دخلت أسوي ريوك هما يباوعون أليه نهض ذب الگوب السنك
مازن تعالي أريد أحجي وياج
ألطاف مشيت وراه كعد بالاستقبال وأني وأقفه.
مازن وليش رحتي بلغتي عمي خو تعالي عليَّ
كلت خاف ما توافق
وليش ما اوافق أجاج بيت
وحق أبنج هذا
واني هل شوفيني بالگوه مدبر عيشتي
روحي عمي بيت التميمي طاگين وناس عدهم فلوس
مو علمود الفلوس
مازن معقوله أنت اخوي
اي طبعاً أخوج قابل منو
مازن ليش هيج دمرت خيتك
وعرفت أني مظلومه وعمامي عرفوا ليش ما جيت بلغتني...
شنو أبلغلج بالحالتين كسرتينا
كسرتكم.
أنت حتى بعد ما عرفت مظلومه ما تغيرت معاملتك وياي بقيت نفس ما أنت قاسي وتأذيني وتأذي جهالي بكلامك زوجتك تضربهم يوميه مسويه مشگله ليش هيج يا خويا يا أبن أمي وابويا هيج وصت أمي عليَّ هيج تجازي تعب امي بيك مو دموعي يأذنها عبالك مرتاحه كَلبي يوجعني شلون اعوف بيت أبوي واخوي وأسگن عن الغرب بس من ضيمي من ضيمك ومن ضيم مرتك تعبت جهالي كبروا ما عندي سند ومحد يحن عليهم ولا احد يطيب خاطرهم زينه بدال تطيبون خاطرها تعيروها بخلقتها اكثر من مره اسمعكم تكولون منغوليه واجي الكاها تبجي.
وين تروحون من كسر خاطرها...
تردين تبقين أبقي
تردين تروحين روحي
اني البيه مگفيني لا تزيدنها عليَّ
لا ما أزيدها ولاأنقصها
رايحه ياا خويا بس دير بالكك أبوي
وانسوا عندكم بنت إسمها ألطاف
بالبدايه تزامط وشيوخ وگعده وجبرته يطلگ
وهسه تكولي روحي دمرتني يا خوي دمرتني
للموت ما أسامحك، مشيت للغرفه طلعت الجنطه
لميت ملابسهم كلهم عيوني أبوي أبتسم
حاتم روحي الله وياج لا تخافين عليَّ
عمج يأخذني يمه هاي حرمته تذبني بالشارع.
حضنته بابا أحبك
بابا أنت الوحيد ما زعلت منك رغم كلشي صار
بحياتي وشُككر تعبت تبقى أبوي ابوس بيده ونزلت لرجليه حضنته بقوه دير بالك نفسك...
بوس جهالي وغيرت ملابسنا رن التلفون زهور
جاوبتها هلا زهور
زهور هاا تجين علمود أمي تجي تأخذج
اي جاهزه
تمآم هسه ابلغها.
بقيت أنتظر سوسن شايله أبنها تباوع بقرف لبنتي لميتها بحضني ودخلت ذهب بيدها جنطتها...
ذهب هاا جاهزه
أي حجيتي ويه سميه شگالت
ما كالت شيء.
گالت روحي الله وياج والج الاجر
بناتي موجودات ورجالهن خوش زلم
عمي سميه تعرف تزوج بناتها انطت هديه لمحامي
يموت عليها والثانيه مدرس الله يوفقهن...
بلعت عبرتي الخنگه بصدري أريد انفجر أباوع حياطين بيتنا والحوش والحديقه وكعدات امي وسوالفها هي وجديتي من يسون گليجه وابوي يجي من الشغل نركض اني وطيبه نأخذ من أيده احس أمي تباوع خيالها صار كدامي وهي تلف بجدر الدولمه وينج يا يمه بنتج ضاعت ما عدها سند لا أب ولا اخ ولا رجال صفيت يم الغرب والعلويه تحن عليَّ.
صحيت من صفنتي ندهه بكتفي وذهب تشيل الجنط وتميم طلع يركض جديته فرحان صعدنا وشغل السائق السياره ودعت المنطقه وبيتنا...
طول الطريق كل مره أعبر هالشارع أذگرهن وحده من أختي و فيصل وحبه وسوالفه وغزله وطعناته وكذبه وخداعه عيشني بوهم وحسين وصدقه وحبه المجنون وظلم اهلي وأخوي وعمامي والدنيا والناس وكلامهم أنجمعن كلهن بروحي ونزلن بدموعي أيد دافيه مسحت دموعي ذهب لزمت ايدي بقوه وشدت عليها وهمست.
ذهب كافي تقهرين بروحج نبدي حياة جديده
ألطاف هزيت رأسي
وصلنا البيت ازدادت نار گلبي كل جسمي يرجف نزلنا الغراض نطيت المفتاح إلها فتحته دموعها تنزل بغزاره من دخلنا كالت
عواطف ولك يمه حسسسسسسسين
ولك يمه سمعنييييي صوتك ولك يمه ما عفتهااااا
حبيبتك ما عفتهااااا ولك يمه جبتها لبيتك
ولك يمه حسووووووني ولك ابو تميم
ولك الادبسزززز ابو لسان الوسخ ابو المصايب
ولك كولي هااا يمه ولك تعال اخذ وليدك مني.
ولك حسسسسسين، اخ منك حسسسسين
الطاف وگعت بالكاع وياها وبجيت وحضنتها قوي خاله فدوه رحتلج خاله فدوه كافي تبجين
عواطف لا ما أبجي ما ابجي ابني عايش أن شاء الله يمه الطاف هذا بيتج وهاج المفتاح وهاي سيارته من راح ويه جماعته عافها حطتها محد شغلها
ديري بالچ عليها...
بعيوني خاله بعيوني
يلا يمه هذا مصرفكم ومفتاح السياره
واني اروح للبيت تأخرت اريد اصلي اقرأ قرأن
راحتج خاله
خلتهن بيدي وصلتها السياره وراحت الله وياها.
رجعت وقفلت الباب وراي تمشيت لسيارته فتحتها
باوعت بيها ساعته تلسمتها وشميتها وبستها
أجه تميم صعد بيها وفرحان همست هاي سياره
أبوك وكام يصيح ويگمز
تميم بابا بابا
نزلته ورجعت قفلتها وغطيتها بالچادر مالتها
ودخلنا البيت غمضت عيوني صار المطبخ كدامي ولحظاتنا أني وياه وسوالفنا وعراگتنا وكلشي
أخذتني رچليه للغرفه باقيه نفس ما هي بس نظيفه منظفاتها باوعت الجربايه تشيرت لون أحمر.
الي جان لابسه من يوم أجه نقذني واخذني منهم
شميته قوي وبچيت ودعيت ربي يرجعه بالسلامه
فتحت الگنتور ملابسهُ موجودات وشغلاته كلهن حتى عطوارته دورت صوره اله مع الأسف ما لكيت
ذهب كافي تعذبين بروحج
ألطاف حبوبي جبتج تقوين لو تضعفين
أقوى إن شاء الله
بس ما أگدر ريحته بكل مكان
كافي يلا ننجمع ملابسه بخانه وحده ونرتب ملابسج وملابس جهالج...
مشيت وياها ورتبنا ملابسنا والعلويه تارسه المطبخ مسواك ومواد غذائيه كراتين والثلاجه فواكهه ومخضر حتى بالحمام شامبوات وغسولات والصابون
وگلشي شگد هو طيب أمه أطيب منه...
هذول نعمه
شلون ناس ينحطون بالگلب
أخ من اخوج دمر الاول والتالي
سكتت وبلعت غصات العُمر كلهن.
أباوع إلهم فرحانين طايرين بالبيت طلعوا ألعابهم ويلعبون أبتسمت واخيراً أرتاحوا اطفالج ألطاف
ذهب كافي صفنات
عود أكولچ نشتري مگائن جديده.
هذنيج وحده عطلت والثانيه سميه تخيط بيها
اي إن شاء الله نرجع نفتح شغلنا باجر نروح
نشتري مگائن والمواد الخياط كلها بس زبائن منين
أني أفتر النسواين بالفرع ونگتب قطعه خياطه فلانه مو أسمج نختار أسم رمزي علمود يشوفنها
والله كريم أنتِ صوجج لو مقدمه تعينات
اقدم إن شاء الله بس هي وينها
كلهن سهلات المهم لگيت سقف يلمني أني وياهم
دخلت المطبخ جهزت إلهم أكل وذهب تلعب بيهم
ويضحگون وياها ربي يحفظج اليه أنتِ السَند...
كعدنا نأگل سوا واندك الباب كامت ذهب تشوف منو
وانفتح الباب!