رواية الرمق الأخير للكاتبة شمس العراقية الفصل الثاني والأربعون
زهور لك هَلأ بزلمه البيت تعال ولك حبيب عمتو
فديتوا امح ولك أكرط هالخدود شهل العسل والجمال...
وأنتِ يا قُمر حبيبتي تعالي أبوسج
فدوهہ شلون بوسه ترد الروح قشطه بالعسل.
الطاف فدوه لسانج ينگط عسل شلونج
أنتوا العسل والله
شلونگم رتبتوا ملابسكم شغلاتكم خوما محتاجين شيء مسواك شيء كولي أمانه...
ما تقصرين يروحي العلويه ما قصرت
فدوه لعيونها
ولج أنتِ روحه ل حسين شلون نقصر وياج
وانوب أزداد هالحب من جبتي إلنا تميم.
يمه نسخه منه تربعتوا بكَلب
أختنكت الكلام غصه بصدرها تحجي ودموعها تصب عاد گالت
هالايام هم عباس وأبوي يروحون لشمال يسألون عنا إهناك ما قاطعين الامل بلگي عايش يارب
هو صوجه روحه بالشمال وسفرات عبالك أمي ذابه صرته أهناك حتى وهو غايب وراه مصايب أدبسزز
كامت تبجي وذهب سگتتها ودخلنا ورحت جبت جاي وگعك يمكن نص ساعه وكامت
زهور يلا أني أروح أجيت أطمئن عليكم.
وهم شفت تميم، يلا مع السلامه ديري بالچ نفسج ولو سباعيه ما ينخاف عليج ذيبه...
ألطاف وصلتها وقفلت البيان ورجعت يمهم
وگعدنا ننظف البيت ونلمعه ونرتب بي وخصننا الاستقبال للخياطه فرغنا قسم منه للشغل ونبتدي عُمر جديد ويا عُمر خلص بالتعب وأهات...
مرور أشهہر
گاعدة وايدي ع خدي والدمعة من عيني نتيجة ضيم إلى شفته
گلبي فززني من صفنتي صوت بنتي
رحت عليها بوستها بحب و اباوعلها
تباوعلي بمنتهى البراءة وتضحك بهدوء.
لعبت بشعرها الخفيف واني احجي بگلبي.
وأبلع بعبرة وتخنگني الثانية اوف يا بنتي
ياترى من تكبرين شلون راح تواجهين المجتمع
شلون. راح يرحمونج وينصفونج هم راح
تصيرين مشلوعة گلب مثل أمج؟
اذا من هسه الكل كارهج ويتمنى عدم وجودج
اذا حتى ابوج ممعترف بيج شراح تكون حياتج
من تكبرين اكثر،!
غمضت عيوني واني أتذكر هذاك الشخص
الي غايب بس عايش بيه ومغاب لحظة
واتذكر كل تفصيلة بيه براكين اشتياق متولعه.
بوسط صدري عليه تروح أفكاري بيه وترجع...
هم عيني بعد بيوم تتكحل بشوفته هم يجي
يوم ويدخل عليه وأحجيلة شگد أحبة؟
دائما أعاتبه بگلبي ليش راح وعافني وعاف آبنة
ليش ما فكر بينا لو بس. اعرف وينه ووين مكانه
لو بس يبطل گلبي يجفل كلما تندگ الباب عباله
هو اجة وينك يا لچمة گلبي وين رحت وعفتني
دخل أبني باوعتلهم بقهر كل واحد من أب شكل
شنو ذنبهم يعيشون بلا إباء كسرو گلبي
ما حسيت غير احضنهم واوعد نفسي للموت مراح.
اعوفهم مهما صار وراح يصير
عاهدت نفسي احارب الدنيا علمودهم العالم
وحجيهم واقرب الناس ألي لخاطرهم.
الايام تركض من أيامنا وما نحس بيها أباوع تميم كُبر وما مسجل وما عنده هويه هم يأگل ويشرب وياي، صحيت من صفنتي بصوت ذهب؟
ذهب شبيچ صافنه
كضيتي العُمر صفنات
كلهن يخطرن البال ويوجعن گُلبي
وزاد قهري فراق أبويا تذكرته شلونه هسه
ومنو يداري أحس روحي أنانيه ساعه العفته
تفكرين بالكل وناسيه نفسچ.
وهما ولا واحد من إلى تفكرين بيهم مر وسأل عنج
وإذا عن أبوج حقج الأب نعمه بس شنو بيدج عليَّ
أريد أروح أشوفه طول هالاشهر المرت بالي يمه
وغصه بصدري أكوم أروح اشوفه عينج الجهال
فدوه رحتلج...
روحي حبيبه
وسلمي عليَّ
الله يسلمج
دخلت الغرفه غيرت ملابسي وطلعت بدون ما يحسون بيه عفتهم بالحديقه يلعبون أمشي أطراف أصابعي لأن متأگده بس يشوفوني يصرخون
روحهم بيه ما أحجي خطوه من دونهم...
اخذت تكسي وطلعت ما اعرف شُككر مر وقت.
وصلت البيت دگيت مرتين وطلعت سوسن مدلعه
ومكياج طوخ شگلها مو راحه. عبرتها ودخلت
سوسن هيي وين وين
أشوفج داخله علينا هجوم عسكري شسالفه!
ما رديت عليها مشيت للغرفه صار بوجهي مازن
بطرك ملابس داخليه وبيده بطل الخُمر لعب نفسي
انتقلت عيوني الأستقبال صحون الفواكه والكرزات ومقبلات مسوي البيت ملهى حضرتك!
مازن شجابج مو وليتي للغرب ليش رجعتي.
عند الغرب! الغرب إلى تحجي عنهم أشرف منك أقل عندهم غيره ومخافه الله، مو مثل حضرتك باوك حالك أنتَ راضي بحياتك بواقعك وإبنك شنو ذنبه يفتر بين الرذيله مالتك أنتَ وزجتك مو طفل
ما يخصج لا بيه ولا ب زوجتي ولا ب طفلي
خليج بنفسج وخلي بني التميم يفيدونج
ما ادخل نقاش حاد وياك
أبوي وين؟
شال رأسه أخذ ملابسه وراح ويه عمي ناظم
إذا بنته عافته وما سألت عليَّ فگرتي بنفسج وبس
تدري شنو مقهوره وكَلبي يوجعني.
شنو بلا أطربينا! هذا البيت ذكرياتنا
كان ما يخلوا من ذكر الله، وصلاتنا وقيامنا الليل
وسوالف ابوي وجديتي الدافيه والحنينه
وذكريات أمي الباقيه بجدارن البيت...
وتالي صفه إلك ولقذارتك فعلاً أنت ولد عاق
دمرتنا وشتت عائله كامله ولعلمك أنت هم تتدمر
أمشي طلعي من بيتي
وإذا وصلتي لهنا رجلج أكسرها
أني ما عندي أخوات ولا اب!
طلعي برى!
دفعني برى البيت وطلعت مقهوره حيل
أرتاحي يمه هذا أبنج المدلل.
شسوه بينا فرقنا ودمرنا، حمدت ربي ابوي يم عمي
رجعت خايبه ومكسوره فوق كسرتي كعدت وحجيت لذهب الصار وأنصدمت ورجعت گالت
ذهب هسه عرفت سميه ليش نسيبها أجه أخذها هي وبنتها يمه يسگنون الظاهر يخاف عليها من أخوج العار هذا وين اخذ عُمره ليش هيج سوه.
الطاف المهم أبوي بمكان أمان بس خل أتصل واتأكد أتصلت على عمي جاوبني هلا عمي شلونك أبوي شلونه
ناظم هلا الطاف، زين الحمدلله، لا يضل بالج عليَّ وهو يمي يسمع
صوتج.
الف الحمدالله رحت البيت
وشفت الوضع عمي مازن طايح حظ
طايح حظ من زمان
حجالي أبوج كلشي واني اخذته وطلعته مناك
وأنتِ بعد لا توصلين لعنده خيولي أعتبري مات
ماشي عمي
سلم أبوي هواي
وبلغه ألطاف تحبك هواي بس أرتب اوضاعي
أجيبه يمي ما تعوفك بنيتك...
بارك الله بيج
الله يشد حيلج ويقويج...
امين يارب
إنتهى الاتصال وأطمئن قُلبي...
ذهب هسه أرتاح كَلبج أبوج
بعد ما إلج حجه تقهرين بروحج
الطاف يمه لازم نشتغل ونعيش
أطفالج يردون.
تدرين أنترست روحي فرح وتفائلت اهم شيء ابوي
والحياة ما توگف أحد هسه بلش، وقت الجد...
ذهب الله يقوينا
أمشيي زينه
فحطت وراج
رحت عليها لگيتها نايمه حضنتها ما أروح والله
تأخرت عليج بس نزعي هالخوف من داخلي
تشهك تشهك ضميتها لصدري لموت وياج...
خايفه عليها بنتج مريضه
جان اخذيتها وياج ما صدگنا صارت زينه خطيه
أذا اخذها لازم اخذ تميم ويشلون حالي
هسه تهدأ بس شوفيلي أكو من علاجها بالثلاجه.
أنطيها علمود ترتاح، جابتلي و نطيتها ونامت
وره ساعه جبتها وجهه أزرك ومنتهيه الاخير نفضتها وشاغت روحي عليها ولج ذهب لحگي
ذهب بنتج تموت
لأ هيج تكولين فدوه ما ناقصه
هدأت وحضنتني ضميتها لصدري ونمت وياها
ديري بالچ عليها لا تعوفينها
وتميم أني أنومها يمي إذا يقبل
ألطاف راحت وبقيت لامتها بحضني وتشهك بالگوه نامت صارت بيه خوفه عليها. مر هالاسبوك حالتها
زينه وأشوي أرتاحيت
جهزنا أني وذهب والجهال وطلعنا لسوك.
واشترينا مگائن مستعمله هل كم قطعه ذهب باقيه وطورت شغلي وكتبت قطعه والشغل نعمه الحمدالله ونسهر أني وذهب ونخيط
وبالي أفتح مشروع ثاني أدرس طلاب وانتظر تعيننات تنفتح واقدم بلگي أسمي يطلع وأرتاح...
بس كسرت أيديه ورچليه بنيتي زينه بليل تتعب وتخنتك روحها تذوب أموت الف موته يلا ترد الروح بيها كمت أخاف أكعد يوم والگاها غايبه روحها أيدي ما تأخذ الشغل واباوع ألها تلعب
ذهب نأخذها لدكتور مره ثانيه.
شو ما يفهم يكولي كلشي ما بيها
شلون وهي چاي تذوب كدامي.
هي جاي تأخذ علاجها
اي انطيها بس ما يفيد العصر أخذها دكتور ثاني
عسا ما أخر الدنيا المهم تصير زينه...
للعصر كنت كاعده وحدي أباوع الساعه علمود أجهز واخذهاا ما سمعت غير صرخه ذهب بهتت حيلي ركضت للغرفه كانت ترفس وجهه أزرك انفض بيها وهي غابت روحها صرخت بقهر
زينه مامااااا بنيتي مثل المخبله شلتها بحضني
وذهب ركضت أدور سياره اجت وقفلت الباب وراها.
تميم يبچي عليها...
طلعنا گبل للمستشفى فاتحه عيونها وتباوع إليه ونفسها ضعيف حضنتها
ما ناقصه قهر فدوه لعمرج لا تروحين وتعوفيني
اتوسل بيج زينه خليج وياي يمه بنيتي الله ياخذج ألطاف الله يأخذج
الف ويلاه يلا وصلنا أخذوها مني كعدت مثل المجادي هما يطلبون فلوس واني أطلب بنيتي
كعدت ذهب يمي...
ذهب ماكو حره تحملت قهر بگدج
الحمدالله ككل حال
ديري بالچ تميم أخذي أشتري اله من برا خطيه
أنقهر أخته.
ماشي وأنتِ هم ديري بالچ فدوه لعمرج
بسج عاد تقهرين بروحج ما بيها شيء هسه تطلع مثل ورده...
هزيت رأسي
مر وقت كثير وطلع الدكتور
الدكتور أنتِ إمها
أي دكتور
بنتي بيها شيء؟
بنتج عدها مرض بالقلب وتحتاج مراقبه
- يمهہ سوده بوجهي
كولي شنو تحتاج انطيها روحي شنو مطلوب مني وتصير زينه...
حالياً خليها نايمه بالمستشفى وإن شاء الله ما بيها إلا العافيه
راح وروحي ذابت
باوعت إلها مخلين أوگسجين خشمها فاقده الوعي.
وأجهزه صدرها وجهاز القلب گبالي فدوه لدگات گلبج صار بيج مرض قلب من قهرج علينا أني وأبوج
من ضيم وقهر أبوج دمرنا وراح راحت روحه...
لليل الكل راحوا والمستشفى فرغت بقوا بس الخفر
وذهب تفتر وياي وتميم نايم رجليه يولي الجوا بارد أخذي وروحي للبيت خطيه خاف يتمرض والصبح جيبي وتعالي...
ذهب وإذا كام يبچي وراج
خاف يگب عليَّ بالليل وين أودي
لا ما يكول سگتي بالتلفون وحلويات والعاب
خاف يتمرض أنوب وين أودي خطيه.
ماشي جيبي طلعي المفتاح من الجنطه مالتج خليته.
نطيته المفتاح وشالته هو نايم وراحت عيوني وراهم بقيت وحدي بالصاله كاعده لافه جاگيت گابوي جسمي لو يخلوني أدخل يمها بس ممنوع
عشت أيام محد عاشهاأبقى وحدي والبرد يذبح ورايحه وجايه صيدليات أدور علاجها ماكو
وذهب تخابرني تميم يبچي عليج احير وين ألتفت.
أفتر من صيدليه لصيدليه ماكو علاجها كعدت رصيف عجزت ونزلت دموعي أباوع الناس تمشي وبيهم عوائل الوصفه تهفي بيدي وأيدي رأسي
راح تموت بنتج ألطاف أنهضي ودوري علاجاتها...
أستغفر الله ونهضت بتعب ورجليه يون عليَّ صار أسبوك ما نايمه ولا متمدده فراش حتى أكل ما مأكله مثل البشر لفه...
وصلت شارع الأطباء وبديت أسال من لناس لناس وما قصروا خطيه دلوني صيدليه تبيع منه بس غالي كلت غالي ولا موجود تمشيت إلها أسابق الناس بس أريد اوصل وصلتها ونطيت الوصفه لگيته بس غالي بهذاك الحساب الفلوس بجنطتي كلهن
أشتريت بيهن قيمته ورجعت للمستشفى كانت المستشفى خاص لان هاليومين نقلوها لان العام ما بي مؤهلات من دخلت أوقفوني عفواً ليش
ما تدخلين رجاءً الا تدفعين المبلغ لحد الان ما دافعه.
خل انطي علاجات بنتي وتصير زينه عود أنطيكم عيوني شهل التعامل شنو رحمه ما ضلت
أنطينه العلاج وروحي وفري المبلغ وتعالي
أخذوا العلاج وانطردت حاولت وياهم ما قبلوا
تالي أخذت سياره ورجعت للبيت أجاني بكل حُب حضني بقوه وشميته ولك أشتاقيت إلك يروحي...
ذهب هاا ولج بشري شلونها شو ما جبيتها وياج
مو أساس يطلعوها اليوم
اخذوا العلاج وطردوني
يردون حسابهم المستشفى أهلي ذهب
عندج فلوس باقي منهن...
اي باقي شتسوين حقهم هذا.
دتعالي أرتاحي أكلي لگمه راح توگعين
لا شأگل أكل وجع
ما أگدر أعوفها وحدها أني يمج بس روحي يمها
سوده بوجهي اي والله
اوكفي لعد أجيبلج المبلغ
راحت تميم حاضني
تميم لا توحين ماما
أروح أجيب أختك واجي وعد
بوسته واجت ذهب أخذت الفلوس ورجعت خليته يبجي وراي تحملي ألطاف صبري بعد صبري
مر وقت وحل الليل سلمتهم المبلغ ودخلت الغرفه يمها لزمت كف أيدها لاحظتها تبتسم وجهه مليان فرح زينه بنيتي فدوه وجهج الضحوك...
تباوع للباب وتضحك وجهه ردت بي الروح
أستغربت ليش تباوعين الباب عفتها طلعت ماكو أحد رجعت كعدت يمها وأجه الدكتور شرح حالتها
ولاحظ تحسن
الدكتور العلاج اليوم اخذته من أول ساعه لاحظنا تحسن صحيح غالي بس أشتغل لهذا راح نسجل إلها خروج باجر الصبح وتستمر هالعلاج في حال سأءت حالتها مره ثانيه وقتها تحتاج عمليه...
ألطاف ماشي دكتور
أهم شيء عندي صحتها مو مهم العلاج أذا غالي
عدها العافيه.
طلع وبقيت يمها وراها خابرت ذهب تميم كالت نايم وحجيت إلها فرح زينه وضحگتها ونظرتها ناحيه الباب ردت وصدمتني!
ذهب خاف أبوها أجه شافها يولي
لا يمعوده عاد شگد حنين ما اعتقد
بس خاف تشوف ملاك
هي ملاك طبعاً تشوف ملاك شلونها هسه زينه
زينه مرتاحه كَلبي أطمئن عليها هسه گبالي ومبتسمه فدوه لوجهه
عيوني
وهذا تميم گلب الدنيا يضرب بيه نام وحده جربايه
زعل بعد شيفگ زعله
ابو هذاك الرجال
الله يرجعه بالسلامه.
يلا ديري بالچ وقفلي البيبان زين فدوه...
لا يضل بالج ومنو بحالي عجوز مسكربه
ليش ولج تخبلين غير لو تقبلين ازوجج لابوي
ھَہھَہھ
شعندج سوالف يلا روحي رصيدج خلص ولج
الله وياج
أنتهى الاتصال ورجعت يمها نمت خليت رأسي وغفيت ميته نعس ما حسيت غير للصبح كعدت
لكيتها كاعده تضحك التفت ماكو أحد نيالج تشوفين ملاك حلو مثلج، أجوا أنطوها علاجها
بلشوا اجراءات الخروج ومن طلعت نطوني نص المبلغ عفواً ليش رجعتوا.
مو بنتج طلعت اخذوا بس الايام تواجدت بيهم
هاا
َ أي أختي
أي زين
أخذتهن منا واخذت تكسي وطلعت للبيت
وصلت ميته تعب نومتها السرير وتمددت بصفها ومسحت شعراتها شافت أخوها وضحگت وشهگت بااسمه
زينه تميم
ذهب فدوه رحتلگم أي يمه اخوج تميم ابو لمصايب بس يتزعل رأسي ويتعارك وياي موتني
الطاف ھَہھَہھ
وكح باوعي شلون مخنزر عليَّ لان عفته زعلان عود
أني أكوم اتسبح واصلي واقرأ قران أشوي
صدك أكولج هما اجه احد منهم
لا محد وصل
ماشي.
دخلت سبحت وصليت وكعدت أقرا واجه تميم نام رجليه هاا ولك رضيت يمه فدوه للزعلان حضنته
وصدقت وگمنا تغدينا ذهب مسويه الغده يرد الروح
أطعم بيهم وأباوع إلهم فرحانين بيه وخاصه تميم
ومرت إشهر حالتنا زينه وشغلي زينه وعلاج زينه خلص رحت أشتريت إلها ومستمره وك الموعد أنطيها ولاحظت هالفتره گطعوا المصرف 15 غلست عن الموضوع بحاجه الله وهما ما قصروا...
اجت ذهب بيدها تلفون المتصل زهور!
جاوبتها: - هلا.
زهور هَِلا عيوني شلونج بنتج شلون صارت
سمعت مريضه.
الحمدلله هسه أحسن العلاجات
الف الحمدالله واعذرينا هالاشهر مرت ما دزينا مصرف تميم بس التهينا ب أمي مريضه أخذت كل وقتنا وحيلنا من القهر حسين
لا يمعوده ما بيها غير العافيه ما تستاهل والله
هسه شلونها قبل لا ترد سمعت عباس يمها كاال
عباس شنو تعتذرين والله خوش ندز فلوس تعالج بيهن بنتها المريضه
َ أنقطع الخط
انصدمت بي عبالهم اعالج بيهن زينه
ذهب خيولي.
لآ تهہتمين لگلآمهہ
ولا عبالك العلويه أمه وزهور الورده أخته ما يشبهم
لا بس البشر شگد أناني
امشي نگمل شغلنا هي تفرج محد يموت من الجوع
ذهب لا تنقهرين ولا تنغثين بكلامه
هما هيج يذبون ما ما يعرفون قيمته
ألطاف تمنيت ما أوصل لهل المرحله من حياتي
بس وصلت حتى المُرحله تهون إن شاء الله...
بديت أشد حيلي وأسهر ليالي واخيط ويأذن الفجر واني ما شايفه فراشي ولا أعرف النوم شلون اخيط.
وذهب وياي وهي تجيب زبائن وحتى كامت تتعامل
ويه أهل المحلات تأخذ أقمشه منهم نخيطها وهما يبعونها ع النسوان ونتقاسم الارباح هي تكفلت
بهالشيء اني شابه بعدتني عن التواصل وياهم لأن
عيون الناس ما ترحم وبديت أكون حذره وأخلي حد
وحاجز بين المقابل واحسب حساب لكلشي وأجمع فلس فلس وما اقصر بحق أطفالي وذهب كذلك
وبديت اهتم بكل تفاصيل حياتنا رغم الحزن الساكن روحي ومغيم عليها باقيه عايشه الأمل!
نشتغل بفرح أني وياها وجهال يلعبون وتميم يعارك
يقهر بذهب هو وياها مو اصلاح ولك بس عاد
تميم هي تحجي عليَّ
ذهب عمي هو زلمه من كاعه قابل گوه
وين ابوك يشوف وليده كُبر وصار رجال البيت
فدوه لعُمره
الله يرجعه بالسلامه...
نحجي وزينه تباوع إلنا أستغربت
ذهب زينه تفهم الوضع كلش زين
ذهب أي اني هم ملاحظه هالشيء
بس لا تخلين افگارج وتخربين شغلنا
ما بيها شيء مو زينه حبيبتي انتِ تعالي يمي.
نشتغل اني وياج ونسباق تميم وامه تعالي...
ألطاف يارب ما بيها شيء
الحمدلله شغلنا زين وأرباح زينه
وذهب هي تتگفل مسواك البيت
ونتساعد كتف كتف
ذهب تعالي اخذي المسواك تملخت ايدي
ولك تميم تعال يبوووه شگد مغرور
ألطاف عوفج منه اني أساعدج
زعلان يريد يطلع يلعب ويه الجهال واني مانعته
خل يطلع خطيه عود أني أگعد يم الباب
بس كون يغزر بي مو لك تميم
ھَہھَہھ
زعل ما تشوفينه مخنزر علينا
يلا وافقت گوم ألبس جاگيت واطلع ويه اختك.
بيبي ذهب تطلع وياكم مو تروح بعيد ازعل منك
تميم ياااااي تعيش مامااا
فدوه.
طلعوا وذهب وياهم لبستهم ملابسهم وجواريبهم
صحت غنج گلبي ديري بالچ عليهم ولا تخلين زينه
تركض مو زين كلبها تتخربط
لا توصين أدري بيها
يلا سويلنا عشه زين جوعانه
تدللين يروحي أنتِ
طلعوا كعدت أجهز العشه لاحظت الحمدالله هالفتره
للمرت حيل مرتاحين وأمورنا ماشيه تمام سهله الطاف جبيتها هضم بهضم هانت وعيونج...
للمغرب يلا دخلوا باوعت لزينه تلهث شبيها خوما
ركضت من لعبت شگلها ما يعجب تلمست وجهه
ذهب ما يفيد وياها أصيح ولا بسمعون الكلام
خليهم بالبيت أنطيهم تلفونج لو تشغلين تلفزيون
تمام بعد ماگو طلعه تعالي أنطيج علاج
أخذتها نطيتها علاجها ونزعتها ملابسها شيء خفيف
حسيتها ما أرتاحت عيوني تراقبها...
والله حسدت نفسيى اني كلت هالفتره ارتاحيت
صبت نفسيى عين.
تعشينا وهي ما أكلت قليل أباوع إلها وما مرتاحه!
ذهب شبيچ تفاولين البنت ما بيها شيء
هسه تنام وترتاح وهي مو أخذت علاجها بعد شكو
أي إن شاء الله ما بيها شيء
اخذتهم غسلوا وشگلهم نعسوا نومتهم السرير
تميم نام المكان إلى جان أبوه ينام بي بسته وغطيته
وزينه فاتحه عيونها ماما بيج شيء هزت رأسها ونامت قريت رؤوسهم طفيت الاضويه وطلعت
رحت توضيت وصليت وقريت قرأن وصدقت
لكيت ذهب فارشه الاقمشه وتفصل كعدنا نفصل ونخيط ما حسينا بالوقت ألا تميم أجه يفرك بعيونه.
تميم ماما زينه ترفس برجليها
ألطاف شمرت المقص من ايدي وبهت حيلي
وصلت لعندها نفس حالتها وگعت بالكاع وانفض بيها ذهب لحگيلي بنتي راح تموت.
ذهب أستعجلي أروح أكعد ابو حسن
لبست صايه ذهب فوق تراك وذبيت الشال ولفيتها بالبطانيه وتميم لازم ثوبي اجت وقفلنا البيت وجابت الجنطه وتلفون وتركض طلعنا للمستشفى...
أضرب خدها روحها ذايبه بالموت يلا وصلنا
أخذوها منِ بقينا كاعدين تميم نام رجليه
طلع الدكتور شگله ما يبشر...
الدكتور بنتج حالتها تعبانه
يعني شنو ما فهمت!
أدعليها ماما
قُلبها تعبان حتى بنج ما تتحمل علمود ندخلها عمليه
شنو تحجي أنتَ
لا مستحيل مستحيلللل بنتي ما بيها شيء
بنتي ما تمووووت فاهمين بنتي ما تمووووت
انهارت أعصابي وراح الدكتور يهز برأسه
ذهب أهدئي أهدئي يمعوده
شَ أهدئ ما سمعتي كلامه
يعني قصده تموووت
زينه تعذبت مستحيل اخليها تدفع ثمن اغلاط ابوها
خل هو يدفع الثمن غالي مو بنتي هي شلعيها
واني شنو ذنبي اتلوع وراها.
بنتي تعيش فاهمين تعيششششش...
مر أسبوك حاطه أيدي خدي وأباوع عليها تذبل
كدامي مثل الورده تربطت أيديه عقلي وگفت ورجعت ضعفت وأني بالگوه نهضت
أخذت الحيل كله.
ذهب راحت للبيت تميم أستبرد وصخن اخذتله علاجاته واني كاعده وحدي واباوع الناس كلمن حاير بهمه كعدت بصفي عدها مريض صار أيام نايمه يمه مره متوسطه العُمر...
شبيچ يمه صار ألج أيام هالحال
- بنتي مريضه خاله
شنو مرضها
بالقُلب وما تتحمل بنج
حجيت إلها السالفه كلها.
يمه بنيتي أخذي بنتج
روحي ل أربيل نفس حاله بنتي بس بنتي كبيره بالعمر وصارت زينه ع ايده
أنطيني العنوان فدوه
هسه أخابر بنتي دزلي عنوان الدكتور
أنتظرج
بقيت صافنه وأنتظرها جابتلي العنوان
مصوره الكارت مالته أخذته ورحت كالدكتور
دگيت باب غرفته وحجيت وياه
الدكتور روحي ماما چربي حظج
ما أمنعج إلى عليَّ سويته وبلغتج بحاله بنتج
مشكور ما قصرت
رحت سويت إلها خروج وشلتها ظهري وتشگرت
من المره أشكرج خاله وادعيلي.
الشگُر لله.
معافيها بااذن الله
أمين يارب
طلعت للبيت وأستقبلتني ذهب وأستغربت
ذهب ليش طلعتوا هي مو تعبانه
ما أعوفها تموت كدامي
أرجعها الحياه لو أخر نفس بيها
نومتها السرير وطلعت جنطه جمعت التقارير مالتها والادويه كلهن وكم قطعه ملابس والفلوس جمعتهم
ذهب وين تأخذينها
أربيل أخذت عنوان من مره وياي جانت
الدكتور عاد خوش
لو هيج
نجرب حظنا
بس المهم ما أستسلم ولا اعوفها تتعذب
جهزي نفسج الفجر نطلع الكراج.
وتميم الطاف وتميم.
دخوليه أربيل ما يدخلون أذا مو إقامه
ولازم هويه! شلون دبرينها كوليلي؟
تدبر ربج يدبرها
هو طفل بلگي ما يگولون عليَّ
يلا روحي تجهزي أني راح أنام مطول نايمين
صار ايام ما نايمه خاف اوگع وهما بحاجتي.
نامي يمه نوم العافيه
الله يشد حيلج،
ألطاف حضنتهم ونمت ما حسيت غير أذان الفجر
نهضت بتعب تسبحت وصليت وقريت قرأن
كمت تجهزنا وغيرت ملابسهم وهما نائمين
وطلعنا وقفلنا البيت ورانا وتوگلنا للگراج اخذنا.
سياره خصوصي وطلعنا أربيل...
مر وقت كثير وهما بحضني وذهب بالصدر
وصلنا الدخوليه خليت أيدي كَلبي وباوعت
لتميم يارب يقبلون وقفوا سيارتنا جهه وتقرب
علينا
هوياتكم
طلعتهن ذهب وتباوع اليه وتميم كعد يفرك بعيونه خله رأسه كتفي وسائق يباوع إلنا لان بلغنا بلكي يحجي وياه ويخلي يعبر، ضل صافن بهويات ورجع باوع لتميم
والطفل وين هويته
سائق بالطريق يلا تذكروا ناسين هويته
ف كلنا طفل ما تحاسبونه.
لا ممنوع اخي الگريم ممنوع الدخول ألا هويته
كاكا تعال
يحجون بالگردي وطردونا ويحجون السائق
لان نزل يتوسل بيهم وما يقبلون يبوه شلون
ذهب كتلج وما سمعتي منِ
ألطاف وهسه شلون هو روحه بيه
ذهب ساعديني فدوه
ذهب راح انزل هذا الاصلع
بلگي يحن گلبه علينا
ألطاف أي فدوه نزلت
وتتوسل بي قفل ويشمر بيده عليها
عصرت ايدي قوي وبچيت اجوا
سائق ننتظر خل يخف الازدحام
هما ما يخلون أحد بسبب قوانين فارضيها عليهم.
بلگي منا لظهر يعبرونا كالوا طبگوا جهه بصف المطعم الاستراحه...
الطاف شلون واني بنتي حالتها ساءت
شغل السياره ومشه بقينا ننتظر
سجلت رقم الدكتور وحجيت وياه
شرحتله حاله بنتي والدخوليه
الدكتور والله ما يقبلون هما نظامهم قاسي
بس تعال باجر الصبح جيب هويه مالك ويدخلون
دكتور تگدر تحجي وياه
اي نطينياه
لحظآت وآتصل عليك
شلت بنتي ونزلنا تمشينا عليهم وصلت لعنده رحمه لاهلك خليني اعبر سويها صدقه راس جهالك.
أعتبرني اختك يا خويي هاك أحجي ويه الدكتور
هالصدقه هاي ما اريدها
اختي هذا شغلنا
رجعي انتظري لهناك
كاكا فهم الحرمه
حاولنا ما يفيد واحد منهم يباوع اليه ومقهور
صاح اليه من بعيد عبرتهم ورحت عليَّ
جيب تقارير بنتج وتعالي
اخذت تقارير وتميم يبجي وراي دخلنا الضابط
ويباوع بالتقارير
أول مره تجي لهنا أربيل،
اي والله بنتي حالتها تعبانه
ماشي أدخل أنت وياه بس الطفل ألا هويه ماله
لان هاي أجراءت ماشيه علينا ونطبقها.
ما بيها مجال
ممنوع. روحي كملي اجراءات الاقامه
الطاف شلون يربي رحت بلغت ذهب
راح ادخل وحدي وانتِ اخذي ورجعي
بلغي زهور تاخذه علمود ما ينقهر عليَّ
روحي گراج ومناك طلعي لبغداد
ذهب ماشي عيني أنتِ
لتخافين صيري سباعيه وعالجي بنتج
وتميم بعيوني لا تشيلين هم...
ألطاف وحضنتها ودعتها وصعدت السياره وعفتهم وراي وتميم صار وصلتين وراي دخلت وكملت اجراءات الاقامه اخذوا إلنا صور نتظرنا اشوي وأستلمنا الاقامه ودخلنا أربيل خابرت الدكتور
الدكتور أني موجود ب مستشفى مركز القلب
تكدر تجيني لهناك
َ وين صاير بلا زحمه عليك العنوان كامل
ولحد يا ساعه تبقى موجود
طريق كركروك بس توصل أهناك وتسأل
وموجود حد 12
حجيت ويه السائق گال لا ما نلحك
رجعت جاوبته ما نلحك دكتور.
تعال للعياده مالتي، مقابل مركز لقمان حكيم
الطاف ماشي دكتور
إنتهى الأتصال. باوعت إلها صافنه والسياره تمشي
بينا واباوع الشوراع ترتاحين ألطاف بس تنقذين
بنتج كلهن سهلات...