رواية الرمق الأخير للكاتبة شمس العراقية الفصل الثاني
إني من طرف نسيبكم دزني أخذ الحرمه والجهال
وشلون يصير مو مفروض هو يچي
والله اني سايق من المنطقه گالي روح جيب الأهل
إحنا ما اندز بناتها ويه رجال غريب أعتذر منك روح بلغه هذا الكلام...
ماشي
رجعت وعفته والله خوش داز رجال غريب يأخذها مره حمره صفره طاح حظك وحظ غيرتك ادردم صارت بوجهي طيبه نعسانه عيونها على الباب
طيبه خير ولج منو على الباب.
رچلج الشفيه داز واحد ياخذج أنتي والجهال وتردين مني اتزوج إني شنو أشوف كدامي
عمي لأ تزوجين بس خلصينا من لسانج، أي وشنو كلتي اله خوما طردتي
أي طردته شتردين أخذه بالاحضان
عزه بعينج هسه قادر يعزني والله انوب تلفوني انكسر هذا خبل ولج
ليش عيني خوما ادزج ويه رجال غريب وأنتي ساكنه آخر الدنيا منطقه مكطوعه صار شئ.
جان فهمتي هسه شلون وأنتي كسرتي تلفون أدري بيج علمود ما أحجي ويه مازن علمود زواجج هسه شلون راح تلاص عليه وأنتي شوكت تجيبلي تلفون وخط أريد أولي راحت روحي أي والله
شبيج يمعوده استهدي بالرحمكن بس لأ تعوين هسه أوصي ذهبه تجيبلج والعصر مازن يوصلج عمي عود الكروه سياره إني ادفعها بس لأ تبقين تفترين عبالك السلطان داز عليج خل يطير
أنتي هيج تكولين بس شيخلصني منه ومن لسانه.
خيولي شايف روحه، أبقي أهنا أروح اشوف ذهبه واجيج، لبست صايتي وطلعت عليها لكيتها تعلف ومعارك هي وجهال أخوها خيرج من الصبح
ذهبه خلصوا الجبنه خيه ما شبعت ولأ ترست بطينتي مو جهال حشه
ههه عوفينا هسه عود إني اترس بطنج، أريد منج تروحين لسوك خط وتلفون جديد
خير
شعجب ما سألتي المن!؟
لأن اعرفج أنتي شنو ما حاجه أسأل
رحتلج صدقه، يلا بنيتي انتظرج لبسي عباتج وطيري لسوك وهاي جيبي بيهن غده وترسي بطنج الغنوچه.
يمه اغديلج نذر، ساعه إني يمج
أي حبابه يلا إني ارجع مع السلامه، طلعت من يمها تقربت سياره يم بيتنا نزل منها نسيبنا يا عيني عيونه تجدح وتذب سم شگله عصبي احم
قادر الله يساعدج بويا
ويساعدك اتفضل أبو فآطمه
زاد فضلج بس ممكن أعرف ليش تدخلين بحياتي
ادخل بحياتك بشنو أدخلت بلا
باعي نفسج
كلامه ما مفهوم جاوبته لحظه خل أبويا يحجي وياك إذا علمود أختي ما نقبل اندزها ويه الغريب وأنت اعرف وافهم وتعرف الأصول.
لسانج هذا شسويله
عفته لأن ما ارتاحيت لكلامه وخاصه تقريباً صار سنه ما متشاوفين آخر مره بعرس ابن عمه هو ما يدخل بيتنا بس يأخذ أختي ويروح دخلت البيت صارت بوچهي أختي خزرتني وصدمتني وهي تكول!
طيبه لخاطر الله ليش تحجين وياه
ليش عشتوا!؟
شنو كلچ بعد، يعني شنُو حجيتوا
بس علمود السائق مزعوچ حضرته، بعدين تعالي إذا هو أهنا ليش ما اجه بنفسه ياخذج عود ليش ايدز سائق.
إحتمال عنده شغل أووف أمشي نسينا هسه يتخبل تحركي من كدامي أروح اشوفه
راحت تمشي سريع عزه هاي شبيها والله ما انثول وانخبص من وره رجال لو حياتي عليه
رحت على أبوي وفهمته السالفه ضاچ هتف!؟
حاتم هذا ما يصير ادامي
حشه الادامي منه وهو إحترام ما عنده يأخذها من الباب لأ سلام ولا كلام
حآتم أروح اتفاهم وياه وأشوف تاليهاا!؟
راح جديتي ترتب بالفراش وتباوع الهم كل اشوي
الحجيه عطفه صوج من أختج خلتنا يرگبنا.
انطتنا عين وكل إحترام ما عنده
خيولي شايف نفسه، رحت جهزت الريوك جان شباك المطبخ مفتوح دخلوا هو وأبوي طيبه وراهم عيونه انتقلت عليه رأسا سديت برده...
دخلت طيبه مزعوجه جرت الكرسي بالانزعاج وكعدت تضرب باايدها
خير شبيه رجلج الشفيه!؟
كله من وراچ!؟
إني شكو!؟ شعليه بيكم والله خووش
لما تكسرين التلفون حظرتج هو ما يجيني
من الصبح ثاير وعيونه بگصته
وشصار عليه حضره السلطان
وينه التلفون ما اجت ذهبه
راحت لسوك.
منو يكول يوافق أخذه!؟
ليش عيني
أصلا ً فرح صحيح بالبدايه عصب لأن هواي متصل
ومغلق بس بعدين كال عاشت ايدهم وتلفون ماكو بعد. شلون اقنعه هذا
خيولي شلون لعد نتواصل وياج إني ما أتصل عليه واحجي وياج لو يموت
شمدريني، أكوم أخذله چاي وماي جهزي الغده بلكي يبقى علمود الحگ على ذهبه
لأ تخافين إذا ما لحگتي انطيج فلوسه عود اشتري
أي مو شايفتني أربع وعشرين ساعة بالسوك هي بس الدلاله بالتواسيل وطلعان الروح إلا إدارة توافق.
لعد اشوفج ذابحه على زواجي وأنتي شايفه المر إذا هيج الزواج ليش تردين تزوجيني يوميه تخابرين مازن زوجها وزوجها من تجي قسمه تجين تركضين
لمصلحتچ!؟
أنتي مو أعرف مني لمصلحتي!؟
هاي حياتي وإني أقرر يمتى ارتبط أو افكر اتزوج
ليش ناويه تعيشين قصه حب هاي إذا ما عايشه
شو ما تعرفين تحجين
ليش كلهم إلى متزوجين على قصه حب!؟
أي لعد عمياوي مثلي ومثل حظي مزفت أمشي تهيجن مواجع وشكد تلغين...
راحت على رجلها المكروه، هسه إني على شنو حارگه أعصابي منو يستاهل عشتوا، رفعت شعري تنفست براحه يمه رويحتي تگدرت ريلاكس لطوف
الحجيه عطفه ش اخبله أنتي تحجين ويه روحج
مو سوالفها أدق
عوفيهاا انوب ترجع عليچ
هاي ما عدها صاحب رفيچ
ولأ عليه بعد، أكول چده بس دجاجه بالمجمده ما تكفي هما بس جهال يردون دجاجه دزيلنا على وحده انوب
لأ يمه خوما دجاج علمود يفضحنا
هو من زمان ما مأكل بيتنا يچي على طاير ويروح.
ومنو لازمه يستنكف حظرته، أروح اخابر مازن يجيب لحم...
أي يمه استعچلي
كلت لمازن ورجعت الباب دگ اكيد ذهبتي الحلوه اجت، لبست شالي وطلعت يم الباب...
لك هلأ بغنوچتي
ذهبه هاچ مبايلج خل أكل اللفه مالتي بردت
أم كرش بالبيت اگليها باع العنبه تتطافر شعندج هل الكثر مخليه
طيبه ولج طيبه
بطينتي تفرفحح عليها
ادارين بطينتج ولج
شعندي غيرها احبل أجيب
شو ابو خليل ما باله يجي يخطبني!؟
هههه شجابه على بالج هسه أكيد ما عنده صحه أبو خليل، يمعوده هو يچيج
أي والله خنت حيلي وإني يرادلي حيل
طاح حظج وحظ سوالفج
لأ يعني يرادلي حيل يدبر العيشه خوما أبقى اركض واعلف بي لأ عايزه كافي عليه جهال المرحوم
هم صحيح، يلا ولج سوالفج الخايسه ما ينشبع منها أروح يمنا خطار
خاست بطنج كون، يلا ولي بالچذب عزيميني على الغده مالت عليج وعلى جهرتج.
أم بطن غنچ ولگ غنج چاي تأكل فلافل تأكل رأسي يلا ولج بدلي وتعالي ساعديني تعرفين اختي ما تمد أيدها على شغله
دقائق إني يمك وليدي اصغيرون
أنتظرك أمي أنت هههه أمشي خفت سوالفج
ضحكت ودخلت البيت خليته بالكاونتر باوعت
جديتي هزت رأسها، احم خيرج جده اشوفج
ما مرتضيه!؟
الحجيه عطفه ليش اشتريتي إلها هل المهجوم
أخاف أنوب رچلها يبقى يحجي عليج
تجيج سالفه ومازن يبقى يدوي.
لأ محد عليه هي تفهم رجلها إني شكو يرجعون عليه والله خووش، بقيت بالمطبخ سويت لبن وطبخت الدجاجه واجه مازن أخذت منه رأسا غسلت وخليته على النار وأختي ولأ شفتها تلحكين تشبعين منه تعالي ساعديني...
انفتح الباب دخلت ذهبتي أباوع لعبايه مالتها شلون تعدل بيها شعراتها صفر طالعات من شالها ليش ما تمشي وتعثر شافتني من الشباك أباوع إلها غمتني
خفت عينك ما توكع بكاع وليدي...
خفت وليدچ لأ حبلتي ولا شفتي، تعالي على شنو احسدك غنچ شو عطوبك حاركتهن الشمس صايرت تبن وجهك مجلح وملح
اوفاا إني هيج ولج إني ذهبه الچ وافچ لما حليو ما يسموني ذهب
لأ شعرك أصفر أمي أنت
هههه احبنج دادا انطيني من ايدج خل اركب اني روحي نظفي الخضره
أي عاشت ايدج بس مو تأكل لحمات بزوني
لأ عادي فدوه لبطيني عاد آنتوا عازمين شيخ العشيرة، صدك أختج البومه وين
طيبه بومه بعينج هياتني شتردين مني!؟
ذهبه لأ حبيبه أنتي حبيبه گلبي طيبوبه الحلوه
مالتنا
طبيه أي فهمنا بلا لواگه كملي شغلج
الطاف ما عجبني تصرفها باوعت ذهب دنگت تشتغل، طيبه تفتر على الچداري وإني أباوع إلها اجت كعدت، شمعنى هل الكلام أحد كلج ذهب تشتغل عندج
لعد شنو شغلها، هي من يومها تفرر بالبيوت وتطبخ لهاي وهذيج
سديت حلگها بيدي بس حسيت ذهبه سمعتها جاوبتها أمشي روحي يم رجلج مو بحاجتج خلصنا
والله أشوف ذهب أختج مو إني هيج تنفعلين علمودها.
يولي ما يوكف بعينج كلشي هاي ذهبه بالحلوه والمره واكفه ويانا هاي صديقه أمي، آمنا الثانيه منها تغارين يا حسافة عليج
والله مسويتلج ما مسويتلي شئ شو تلفون وصيتها ما جابته وبعدين إني شكلت اكلتيني بگشوري
الطاف ذهب رادت تحجي إني أشرت إلها تسكت خفت تكول إلها اشتريت تلفون وطيبه دفعت الگرسي وراحت رحت على ذهبه حقج عليه لأ تزعلين منها هي هيج من يومها...
ذهب لأ وليدي ختولي ولأ بالج ولا ازعل نايمه على گلبج، بس تعالي شو ما كلتي إلها على تلفون جبته إلها هو والخط عبالك ما تدري
لأ بعده ما شافته ولأ تحجين ولا تجيبن طاري ختولي ما تستاهل ضچت منها لأن غثتج.
يمه اغديلج فدوه، وتلفون المن انطيني ارجعه حرمات
لأ التلفون والخط اخذيهن أنتي خابري بيهن أبو خليل هههه
مشكوره فريختي يمه شلون لطوفه حلوه وحبوبه.
انتظري أريد أخذه بالغرفه خاف تشوفه بالكاونتر أنتي چايبه جنطتج وياج
لأ والله حبوبه طرگ عباتي
ماشي هذا رجلها المغضوب بغرفه أبوي مقابل غرفتي أستحي منه خلي بسطل التمن ما تشوفه أخذته وضمته وهي دخلت تفتر عبالك مشرفه
اردفت بضجر
طيبه يعني والله واكفه رجلي أول مره يتغدى يمنا
وانوب مكعدينه بغرفه أبوي وجديتي تكولي
شكو بيها شنو والله عيب
الطاف شصار عاد، خوما غريب هو، لأ تصعبين الأمر...
لأ ما أصعب الأمر!؟ بس حضرتج من ماخذه غرفه الضيوف طول بعرض ما تكولين على نفسج وإلي يجينا يفتر البيت كله يلا يوصلون غرفه أبوي ترى مصختيهاا
يلا عاد الخطار ما يكطعون رجلهم من عدنا هما عمامي بس بالاعياد نشوفهم وخوالي بس بالاسم من ماتت أمي ما شفناهم. أنتي مصختيهاا وياي وإني ساكته ومتحمله كااافي عاد.
لأ والله طلع صوتچ ست الطاف فد مره تعالي اخذيلچ راچدي مني وفضيهااا.
أخلاقي ما تسمح لي اختي الكبيره بس أنتِ ما خليتي بيهاا أخت، علئ صوتنا اجه مازن صيح علينا وراه جديتي...
مازن خير شبيچن صوتجن طالع فضحتنا الله ياخذجن والله أسمع صوتها اكص رأسها يلا كلمن بشغلهااا
طيبه والله شوف المسعده أختك لسانها متر عليه لأن حجيت على غرفه الضيوف ماخذتها كلها ترى ما يصير عيب ومحد يرضاها هسه زوجي يروح يسولف لأهله يا سواد وجهي منه.
الطاف تحرك تحرك ب مازن متت بدمي أحس تشحوطت جديتي تسكت بيها وإني بس أباوع لأن ما أكدر احجي بوجوده خاف يعيط بيه انوب، طيبه زادت النار حطب...
الحجيه عطفه أمشي لخاطر الله، رجلج خوما غريب ما تكعدين بدون ما تسوين مشاكل خيتج هاي اليوم تروحين خلي وجه طيب ما تريدين تجين مره ثانيه!؟
بيت ابوي وأخوي اجي غصب عن إلى يرضى وما يرضى فاهمين.
مازن طيبه فضينا عاد أمشي يم رجلج وأنتِ الطاف بعدين نحجي هسه صبن الغده أنتي وذهب...
ألطاف اردفت بقهر: - حاضر، راح مزعوج كعدت على الكرسي أخذ نفس حركت دمي ولأ بيها ريحه أمي كلما أكول تقربت منها واحسن علاقتها بيه تزيد ما تنقص شسويلهاا...
ذهب يمه يمه العرامه عزه هاي ولا تعقل عبالك عدوتها شسالفه ولأ چنها أختج شكد مكروه.
هتفت: - عوفيها من يومها تكرهني، أمشي نصب الاكل، صبينا الأكل والخضروات كله جهز اجه مازن يأخذ وهي ولا بالها تگوم أسمع رجلها يكول إلها
قادر كومي ساعدي أختج شعندج كاعده يمي...
طيبه خليني ختولي غصب عليها هي تجهز الغده
اردفت بقهر سمعي ولج راح تموتني لو ضرتها هم مو هيج تتعامل وياها
ذهب مريضه مرض غيره من تردين عليها انوب تزيد عوفيها تعالي نتغدا متت جوع اختج حركت كل السعرات الحراريه إلى بجسمي...
اتغدي أنتِ ألف عافيه إني أروح أجهز الچاي بين ما يخلصون أكل، رحت اسوي الچاي وتذكرت أمي شكثر جانت حنينه واذكر دوم طيبه تهضمها جانت حتى علئ أمي مو زينه من يومها تكرهني وتغار مني
بعز صفنتي وافكاري فززني صوت مازن وأبوي!؟
مازن الطاف تعالي تغدي ويانا
حاتم بنيتي لطوفه تعالي بابا
هتفت بقهر: - ما أريد اتغدوا آنتوا ألف عافيات إني وذهب نتغدا بالمطبخ
حاتم إذا ما تجين أزعل منج.
طيبه شدعوه تزعل إلى يأكل بضرسه ينفع نفسه على شنو الملحه...
ألطاف عدلت شالي دخلت الصاله كلهم باوعلي إلا هي حتى رجلها عيونه عليه هي كرصته كعدت بصف أبوي لكمه گوه تنبلع ما مأگله كدامه واستحي صرت بين مازن وأبوي مقابلهم...
خلصوا إني أول وحده شلت مواعين دخلت المطبخ هي أخذت جهالها راحت تغسل ألهم وقسم راحوا الغرفه الصاله فرغت رحت لميت المواعين والسفره حسيت احد وراي فزيت قادر!؟
قادر اي قادر أحب أعتذر نيابه عن طيبه أدري طوختهاا وياج وسمعت صوتها لا تزعلين أختج الكبيرة هاي وتصير بين الاخوات...
هتفت منو كالك زعلانه أختي ما أزعل منهااا شلت الصينيه دخلت المطبخ صارت عيون طيبه عليه تريد تأكلني ونفس الوقت انتقلت عيونها للصاله اتقربت لازمتني من أيدي بالاستغراب شبيج!؟
طيبه شنو حجيتوا أنتِ وياهُ!؟
ألطاف إني وياهُ!؟ اجه يعتذر عن تصرفج وكلامج إليه رجلج يسترق السمع إني شكووو!؟
اردفت بغضب صارم ونظره حقد: - مااااشي!
ألطاف أخذت جهالها تزكح عليهم حسيت رجلها گوه لازم نفسه عليها خفت تصير مشكله اليوم شيطانها ناگز لأ حول ولا قوه الا بالله، بالمطبخ أسمع يهمس إلها بصوت خافت...
قادر حسابج قبط اليوم كمتي تشمرين من كل صوب إذا ما ربطتج بخرابه الحيوآنآت فلا إني قادر!؟
طيبه خلينا نروح جهال ما عدهم ملابس نظيفة
قادر وأنتِ شنو شغلج ما جان تغسلين لو من اجه قادر ما ضلت ملابس نظيفه...
طيبه إني رايحه اجهزهم من رخصتك
الطاف انصدمت ياربي ما يضربها گلبي وجعني عليها هو طلع من باب المطبخ بره بسيارته حتى ولأ شرب چاي سلم على أهلي وطلع...
الحجيه عطفه شكد عيب من الرجال أختج طوختها اليوم يا خوفي يگب عليها من يرجعون هذا ثور من يهيج الله يستر منه.
الطاف ما صبرت ذبيت من أيدي رحت إلها لكيتها تبجي أول مره اشوفها تبجي هيج شافتني مسحت دموعها سوت روحها عادي بس باوعت صوره أمي جانت معلگه بالحايط...
اردفت بقهر طبيه خيتي إني أعتذر منج فدوه لعينج لأ تروحين زعلانه كل ما تجينا ترجعين وأنتِ ما تحجين وياي ما جاوبت التهت تلم الملابس رجعت لزمتها من ايدها طيبه لخاطر أمي لخاطر عيونها إني أختج واعتذر منج ليش أنتي هل الكثر قاسيه منين تعلمتي القساوه تقربت صوبي عيونها تذب چمر وشفتها تقدمت لاامام ترجف دموعها أخذت مطرحهن
طيبه لو تزوجتي تتعلمين القساوه علئ اوصولها.
الطاف جرت جنطتها بغضب وطلعت شالها على شعرها نازل مازن حضنها يبوس بيها انطاها مصرف ما اخذتهن تالي خلاهن گوه بالجنطه إني شلت 5 ألف خليتهن بيد بنتهآ آنطيهن لأمج ماشي حبيبي أبتسمت، أبوي باوع إليه وهو يكول
حاتم طيبه بابا امج جانت حيل حنينه وعلمتجن على المحنه وأبدا ما زرعت تفرقه بينكم ليش أنتِ قاسيه هم تمشين وما تحجين ويه خيتج...
طيبه اسلم عليك يأبه يلا ماما تعاالوا امشوا كدامي...
الطاف ما اهتمت لكلامه طلعت أبوي هز رأسه فر أيده انقهر منها، راحوا الله وياهم طلعت أباوع عليهم الچام جان مفتوح باعوا عليه هي سدت الچام تالي دخلت وره مازن...
دخلت المطبخ لكيت ذهبه مخلصه المواعين خطيه حتى الصاله كامت تنظف بيها سوده عليه تعبتي اليوم حقج عليه كافي إني أكمل الباقي
ذهبه تعبج راحه حبوبه روحي نامي وارتاحي لأ تقهرين رويحتج منو يستاهل خيتج هي الغلطانه وهي تندم تشوف عينج...
الطاف الله يهديها، أبوي وجديتي ناموا مازن شغل تلفزيون يشوف لعبه باوعلي عرفت عنده موضوع لأن هو كالي بعدين نحجي بگلبي والله هسه مو وكتك كافي عليه قهر طيبه وحركه الدم صارت من وراها...
مازن يومين هي تتصل عليج نفس كل مره كلنا نعرفها خبالوا بس اليوم خبالها اصدار جديد سوت إعلان خنفشاري بي ينعل بلسيها شكد تنگ هههه.
ابتسمت لأ عادي أعرفها من رخصتك رحت نظفت غرفتي ولكيت ملابس جهالها ضميتهن طلعت لكيت ذهبه رايحه سوده عليه تعبت اليوم هواي من دونها ما أعرف شسوي،
بقيت يومين نائمه وهي ولا أتصلت بالي يمها مازن كال أتصل محد يرد تالي خلوهم على راحتهم بس گلبي يكولي ضربها وااذاها لأن شكله من راح ما يبشر وهي طبعها غريب تغار وتخلق مشاكل من جوه الكاع.
فتحت غرفه الخياط وفتحت شبابيك اهويها مازن جان طالع لسوك يجيب شغلات يروح ل سليمانيه يتوكل لشغله الله وياه...
دخلت جديتي باوعت إلها اتفضلي جده
الحجيه عطفه يمه أكو حرمه وياها بناتها بالحوش مدري يردن يحفن مدري يخيطن بيدهن جيس مليان قماشاات شوفيهن اجاج رزق بنيتي...
أي چده طالعه اشوفهن. دخلتهم وقدمت ضيافه وأخذت آلقماش والفصال أن شآء الله أسبوع ويطلعن لان نمنم يتأخر والله وأنتي الفصال تردي فخم.
الحرمه أي والله أريده مال مناسبه كالولي خوش خياطه وتحفين هم مو صح
لأ والله خاله بس اسوي حواجب بس جارتي تشتغل وياي بصف بيتنا ادزج عليها حفي وجهج
أي فدوه لطولج حبابه استعجلينا عدنا خطار إني والبنات سويلنا حواجب انوب نروح لجارتج
تدللوا بطن عيني، جبت خيط بديت احف والبنات أخذوا شغلات وصبغ ومكياجات وجواريب انطوا فلوس نقدي لبست صايتي طلعت وياهن وصلتهم لبيت ذهب طلعت لابسه تگ وتگ وشعرها منثور وين نعالچ.
ذهب خيه نعالي طار راح للكونكرس.
بتعجب شسوي اهناك صدك ما يستحي شلون يروح ويخليج حافيه
شبيج أنتي تأثرتي ههه بنآت أخوي ينعل شيطانهن بهمس هااا ولك وليدي صاير تجيب زبائن أمورك توب گلوب
شاورتني احم أي أم عادل وبناتها حفافه أريدهن يمدحن منج ومن شغلج إني كملت الحواجب
ذهبه أي خيه بعيوني عيني وماي عيني اتفضلوا لما أدور نعالي شو طول الغيبه عليه...
الطاف ماتوا ضحك على سوالفها دنكت باستني بقوه ولج شبيج لازكتي.
هيج أحبك وليدي من حراره گلبي وحبي ألك ابوسك
شو ما مرتاحه لهاي البوسه الله يستر
شعندي غيرج احبل أجيب
يا خوفي تحبليني ضحكنا وهي تبوس بيه
طاح حظج ما أزعل منج أنت وليدي صغيروني
وأنت غنچ گلبي شحدك تزعل، يلا حبوبه إني اروح اكمل فصالات من رخصتجن عود قدمي ضيافه
همست منين يا حظي آلبنآت يخلون شئ كله سگط بهل البطن
همست ولج البنآت لو أنتي ههه يلا من الحايط إني ادزلج يلا باي غنچ گلبي.
رجعت البيت كملت هل أگدر عليه وبليل هم اجن بنات هنا وامهن قماش وخياط واشتروا مني هم بس جنتهم حفت وجها ذهبه جانت يمي. راحن كمت احسب الفلوس طلعت منهن مصرف لأخوي ذهبه تباوعلي احمم غنچ شتريد خير
ذهب أنت كريم واحنا ما نرد الكرم
أي بعد اقهريني لأن تعرفيني مشاعري معاقه ما أتأثر بسهوله
أدري گلبج بس يحن لحنين وتعرفين ناسچ من أول حرف يطلعونه من حلگهم الوصخ...
كلهم فد مره.
إلي يكرهج أكره إلى يحبج مو بس أحبه حتى احضنه وابوسه هم
ما تنامين وياه
هاي بعدين نتفاهم عليها بعد ما ينتهي الشوط الأول
خررب ليش أكو شوط ثاني لازم
لعد شعبالچ
أي هاچ هاچ لزمي صار بيها أشواط صايره مو راحه حبوبتي
أي عاشت ايدج افيش يا ريحه هلي، لأ والله ريحتهم أطيب من ريحه هلي أصلاً هلي ولا بيهم ريحه طيبه...
الفلوس وسخ دنيا ذهبه...
منو كال وصخ دنيا سمت الله وجهه، عندك فلوس تعيش معزز بس يشهد بالله منفوس.
لعد جان امج الله يرحمها ماا سمتچ ذهبه
نفسها دنيه الله يضمد روحها الجنه جانت تموت على فلس فگر تعصر بالفلس تعصر
متت ضحك على سوالفها ولج امج ميته ترحمي إلها لأ تصير عينج فارغه الشغل الحمدلله ماشي
لما وليدي إني ما أشوف فلس احمري
فدوه لوليدك انوب وليدي لبسيني برمودا فد مره
ابوسك على سوالفك الحلوه يلا ولج تأخر الوقت سميه أم عطوب هسه الگاها واكفه يم الباب
ليش شعدها
مو شمت ريحتهن بزون مشيطن هاي.
روحي انوب رجعتي على سميه الفقيره، ضحكنا وراحت كمت لميت الهوسه خليت فلوس ب محفظه مازن وحظرت ملابسه طفيت الاضويه رحت غرفتي طلعت كتاب اقرأ واجت بالي أختي أوف يا خيتي الله يحنن گلبج عليه ويهديج...