رواية الرمق الأخير للكاتبة شمس العراقية الفصل الثالث
البارحة
اشتاگيت احط متني على متن أمي
ردت اگلج
ضال بروحي مكان لكلشي منچ
مرور أشهر
ألطاف جنت مرحله ثانيه إليه تربيه انگليزي صحيح اواجه صعوبه بدايه السنه بس تمر الأيام اتعودد...
گعدت و أباوع بمرايتي مكسوره بالنص بالي اسويها يوميه تطلعلي شغله شگل
الحجيه عطفه رايحه الله وياج انتبهي لنفسج يمه
لأ يضل بالچ عليه، خلصت أن شآء الله اخلص واگابلچ لأ تعين لاشئ.
الحمدلله، قسمج دراسي خوش قسم أن شآء الله تحلصين التعين. يلا خلصي تعالي ننتظرچ إني وابوج نتريگ سوه اليوم الشغل گله برأس عطفه
يا سوده عليه اليوم عطفه وحيده
إسم الله، يلا تعالي عاد كو شال بس تصفطين بي
أجيت، خلصت رحت صبحت عليهم أكلت لفه على السريع شلت جنطتي وتوكلنا على الله
حاتم ليش مستعجله يا بنتي
بعد وراي وليدي ما صبحت عليه غير تكرعني ذهبتي، خليتهم يضحگون.
بعدني بالباب اجتي تركض هم تگ وتگ ضحگت عليها وين نعالچ هم مختفي
ذهب مو گتلچ طار ما خليت ما دورت عليه مدري وين شامري بنات التنگ
ليش التنگ هم يخلفون هيچ بنات والله حبابات
لأ بس أهلهم مزنجرين، ولك شلون تروح ما تصبح عليه إني وجهي الملوح والسموح عابتلك
منو گال أروح قبل لأ أشوف غنچ مدلل گلبي إنت
فدوه حبوبه روحي هاچ لفه اسندي بيها طولج الغزالي
باع الدلع باع إليوم غزالي عنده مصلحه حمدنا.
تجي الظهر ونحجي يلا اتوگلي لدوامج وهذا أيمن لأ تنطينه وجه ابقي لابسته مثل العام ااراح ما بيها شئ لبسي السنه هم...
أوك أوك تدللين يلا مع السلامه أخذت لفه منها وطلعت أخذت تگسي وتوگلت جنت سانده نفسي بنفسي ما يوم خفت بس أكره الدوام أحب شغلي اقوي گلبي على ما تخلص السنه واتخرج...
وصلت سلمت على البنات وبدأ الكلام شسويتوا بالعطله بيهن متزوجات بيهن مخطوبات وسوالف حلوه ما تنمل إني بس أسمع الهن ألتفت لگيت عيونه تراقبني بكل هيام أبتسم رفع أيده معناها سلام بقيت على كعدتي اجت بصفي صديقتي ورده يعني مو مقربه إني ما عندي أحد قريب گلبي بس ذهب...
ورده أكول بعدچ ما مرتبطه
ليش ارتبط!؟
الحب حلو
لأهله،
ما ناويه تحبين ولا تباعين منا منا
لأ أبداً، تخلص دراستي وبس ولحمدلله.
أنتِ مطبقه إلى يكولون الجامعه لدراسه وبسس
حسب مو شرط أكو علاقات نظيفه وناحجه حسب نيه الشخص المقابل واكو هدفها تدرس وبس وإني ما راسمه هذا الشئ بالي، فقط أكون من نفسي واطور شغلي واخدم أبوي وما اقصر بحقه...
وأنتِ خوما تبقين هيچ، بنت حلوه ألف واحد يتمناچ وأولهم أيمن إلى من يومه يريدچ.
ما لازمته خل يشوف غيري، إني ما لكيت شخص يكون محط ثقتي اولاً ومحط أفكاري ثانياً لأن نفسي وگلبي عزيز عليه ما انطي لياهو الچان...
افكارج حلوه وسوالفچ ما ينشبع منها لطوف وعلئ إسمها، يلا بدأت المحاضره أمشي لأ نترزل وأول يوم...
ألطاف دخلنا المحاضره ومر الوقت لحد نهايه الدوام جنت كاعده بالحديقة أكتب بالورقه عدد القطعه إلى لازم اخلصهن بهذا الاسبوع،
فززني صوته!؟
باوعلي بهيام وترقب ب عيوني هتف!؟
أيمن شلونچ.
الطاف الحمدلله، وانتَ؟
بخير، شنو تكتبين
يخص شغلي
الله يرزقچ، أكول ألطاف من الأخير أبدي بالكلام
أي تعرفني ما أحب مراوغه بالگلام
اعرف، واعرف كلشي يخصچ يعني بعدج ما ناويه تفتحين باب گلبج
أي بعدني، أيمن الحب مو كلمه تنگال الحب معنى وشعور إني لو أحبك عيوني تجاوبك قبل لساني بس صدگني ما مفگره أحب ولأ أعيش علاقات الحب لأ أنت ولا غيرك.
أكو حب بعد الزواچ!؟
وإني ما مفكره أتزوج
تبقين عانس
اتوقع شئ خاص بيه.
أعتذر، بس إني حاچيت اخوج كالي يصير خير
بهذول وصدمه: - صدك تحجي وبعدين شلون تروحله وإني أصلا يربي أنت اشسويت يا أخي هي خوما گوه ماكو شئ إجباري لأ حب ولأ زواج
أعتذر بس أعصابچ إني هم ما اخذج إجباري أهم شئ أنتِ موافقه
وإني ما موافقه. من رخصتك لازم أروح للبيت
عفته ورجعت ويه البنات بالخط وحاچيت السايق يمرلي باقي الأيام واتفقت وياه...
وصلت البيت بدلت باوعت الغرفه گومه قماش وهوسه يراد إلها تنظيف ويراد روحه لسوك اچيب شغلات اغلبهن خلصن، تغديت ويه أهلي وسوالفهم الحلوه،
حاتم شلون دوام بابا
الطاف زين الحمدلله بابا أسألك مازن هم حجه وياك موضوع الزواچ
لأ بنيتي اخر مره من چانت أختچ يمنا علمود هذا من طرف رچلها إبن عم أبوه مدري منو!؟
ماشي بابا
الحجيه عطفه ليش أحد غثچ بهذا الموضوع أختچ أتصلت عليچ مو!؟
لأ چده ما أتصلت بس هيچ سألت...
حاتم ما طول إحنا عايشين ماكو أحد يچبرچ على الزواج إذا مو برضاتچ خليچ بشغلچ وابوچ بظهرچ
بسته من رأسه فدوه لروح أبوي وعيون أبوي وگلب أبوي وطول أبوي عسا ما انحرم من حنيتك وفيگ عليه يا خيمتي وسندي. حضني وجديتي تباوع النا عيونها تلمع تريد تبچي تقربت حضنتها يلا تأخرت على شغلي ما أحب مشاعر الحب إني واتأثر واكعد ابجي
حاتم بيچ القوه والحنينه مثل أمج الله يرحمها.
الطاف الله يرحمها، عفتهم لبست صايتي على ذهب لكيتهم فارشين بالحوش والبنات معارك بينهم والغده تمن أحمر وسلطه افيش أگلتي المفضله چريت المندر وكعدت وياهم
سميه ولج حبيبه حقج علينا كومي اهناك اجيبلج جديد وافرشلج فراش بناتي مخابيل
إني مو غريبه خليني أكل وياكم أحب الخبال إني.
ضحكنا اجت ذهب بيدها دولگه لبن كامت ادفر بالبنات ولج ذهب عوفيهم هما بنات خل يوصخون على راحتهم خوما غريبه إني والله إلا أكل وياهم شو بعدي منا...
ذهب ما يصير ولج نص التمن بالكاع أمشي بالبيت اصبلج من الجدر سوده عليه فريختي جوعانه
لأ تغديت بس أحب هاي الاگله يلا جيبي لبن أخذته منها كعدنا نأكل ونضحك وسوالف ذهب ونعالها تكرمون لاكيته بسطح الچيران.
ذهب أي شگد فشله چابه إبن جيرانه والقهر يگولي خاله هذا نعالچ عبالك شادين بي خيط أحمر
سميه يا خيه نعالج مشهور ومعروف أكثر مني نعال المرحومه لحد الان عايش
ذهب تولي هذا مالت أمي عزيز عليه خوما مثل امج
الطاف بدأت سوالف الضراير احم ذهبتي لسانج حبابه صبيلي لبن وتعالي ساعديني بالشغل وإني عندي دراسه علمود نلحگ بينهن مستعجلات خطيه.
سميه فدوه لطوفه أكول إذا ما تصير زحمه خل اچي اساعدج أحسن ما كاعده والله اختنك ويه هالبنات
ذهب وين تعوفيهم شعيط ومعيط يأكلون البيت والله هنا مثل الارضه
الطاف إذا ما عندج شئ تعالي أي والله اتونس بيچن والبنات ذهب خفي عليهم كل طفل وكح وين يفرغ طاقته لو بالبيت لو بيچن عاد هنا بكيفهن هههه
وراها غسلت جانت عندي خرده انطيت لجهال راحوا يشترون وسميه خطيه رافعه أيدها تندعي إليه.
سميه الله يرزقج إبن حلال يتربع بگلبچ
بعيطه: - يمه شهل الدعوه وإني وين اولي اديح إذا ما إلى مكان بگلب وليدي
الطاف أنت متربع بگلبي غنج يلا امشي تأخرنا لبسي نعالج ولازگي بصمغ خاف يشرد المگرود
لأ ما يشرد يلا امشي عندي وياج سالوفه صغيرونه اهناك بالبيت نشتغل ونحجي
تمام، رجعنا البيت طلعت القماش وفصلته وبديت اخيط وهي نظفت الغرفه ورتبت الشغلات وعلگت القطع المخيطه كلها، ذهب شنو موضوعچ كولي اسمعج.
ذهب ما أدري شلون احاجيچ
من يمتى بينا هاي إنتي دفعين باب گلبي قبل باب بيتي، كولي أسمعچ ولو تقربياً فهمتچ
والله فشلانه منچ هاي سميه راتب الأرامل تأكل بي أدري بيها أم بطن بليل ادز على حلوويات تكعد هي وبناتها بالغرفه الصبح الكاهن وجهوهن مورده
ألف عافيات ذهب هنأ هم روح خليهن يأگلن لأ تضغطين عليهن وتصيرين اقوى من امج جانت خانگه سميه حسب سوالف أمي عنها.
بس يا خيه الايچارات غاليه إني منين اچيب اخذهن منج يلا يسدهن والله بنات مصرفهن هواي
بعدهن جهال لعد لو يكبرون مصرف يزداد وإني وياج بگلشي اطلبي بدون مراوغه شكد تحتاجين
انطيني خمسين كافي عود ما أخذ شهريتي كطعيها
أزعل عليچ. لحظه وارجعلج رحت چبت إلها 1 خليتهن بيدها گلمه وحده ما أريد آنتوا اهلي شعندي غير ذهب وبناتها
ذهب حمل اخوي يكسر الظهر.
ربچ ما يكطع، بس اتخرج أطور شغلي أكثر إحتمال أفتح صالون وخل سميه تشتغل ويانا حتى البنات اخليهن يتعلمون، رأسا حضنتي بقوه كامت تبجي ولج ذهبتي أزعل منچ هذن أخواتي وأنتي أمي وكلشي وكلاشي غنج كافي تبچي
الله يوفقج فدوه لعيونك الحلوه وليدي صاير حلو
تمسح بوجهي وتبوس احم ولج ما أحب البوس إني
بس إني أحبه
لأ أنتِ مو راحه حبوبتي، صفنت بوچهي ومسحت على بطنها هاا شبيچ!؟
أكلچ فريختي جوعانه!
أم بطن منو اكل حگاگه قبل اشوي خليتي الچدر يصفر، هسه اچيبلج عصير وعندي بسگت چبته من رجعنا من الجامعه تردين...
أي والله مشتهيه حلو صار فتره اتحمص على حلو سميه تجيب بقلاوه ودهينه ولأ تضوگني تنطيني بس اشوي...
كافي خوما شبع يا حبيبتي أنتِ حلوه ما تحتاجين حلويات...
إذا مو شبع ما اگل ولا أمد أيدي، أي هسه عوفي شغلج روحي جيبلي البسگت والعصير.
أم بطن ههه لحظه واجيچ، رحت جبت فواكه وعصير وترست الصينيه إلها كل ما تچي يمي ادللها دلالي هاي، اتفضلي ست ذهب
إني ليش أحب وليدي أحد يلموني على حبك ويردون يزوجك إني وين انطي وجهي
أوي يمه فدوه أي شبعي ورانا شغل. للمغرب كملنا قسم خوش شغل رحت وسويت عشه ويه چديتي و ذهب تساعدنا وتموت ضحك عليها سوالف تنگرط
ذهب صدك طيبه بعد ما بينت هم تتصل عليكم!؟
الحجيه عطفه أبوها يحجي وياها ايكول زينه عدهم شغل مدري يسون سياچ للبساتين مالتهم
الطاف هي اصلاً ما تحب تچي لما مازن يلح عليها بالسنه حسنه تچي جياتها ينعدن على الأصابع
ذهب خاف رچلها ما يرضئ لأن عدهم شغل بساتين
لأ ما أعتقد، عوفينا شعلينا إلى يحبنا يسأل وإلي ما يحبنا الله ومحمد وعلى وياه، أثناء كلأمي عنها دخل علينا ابوي بيده التلفون...
حاتم تعالي بابا سلمي على أختچ!؟
الطاف كمت أخذته منه جاوبتها!؟ هلأ طيبه.
طيبه هلأ بيچ، زين ذكرتي عندچ أخت لما أبوي يجيبلچ التلفون ما نسمع صوتچ
شسويلچ أنتِ هم ما تسألين
ليش منو المفروض يسأل عن الثاني إني لو انتِ
هسه شتردين!؟ تريدين نتعارك مو صح!؟
تدرين بروحج شگد شايفه نفسچ ومگروه!
سديت لخط بوچهه رجعت التلفون على الثلاجه وكفت باب المطبخ أخذ نفس خنگتني خنگ بكلامها...
لليل إني ضايچه وذهب تعشت وراحت وإني دخلت غرفتي اقرأ بس بدون واهس أباوع ل صوره امي.
واتذكر كلام طيبه وقساوتها عليه بلكي يحن گلبها وتعرف نفسها مذنبه وتتصل حيل استحوشت ومشتاگه ل كلشي قديم ريحه أمي وخبزها وطبخها وسوالفنا الدافئه مليانه حنيه وكعدات أبوي جانت كلها ضحك هسه وجهه طافي مو مثل قبل...
بعز صفنتي وافكاري فززني صوت رنه التلفون قصيره (ترميشه)!؟ باوعت المتصل قادر عفته رجع أتصل مره ثانيه هالمره طالت كلت بلگت أختي چاوبت، هلأ طيبه مو!؟
قادر هلأ بيچ الطاف شلونچ عيني!
ألطاف هلأ قادر الحمدلله، آنتوا شلونكم الجهال شلونهم
كلنا بخير، طبيه بعدج زعلانه من عدنا
لأ علئ شنو أزعل تبقى أختي الكبيره وتمون
أعرف والله گلبج طيب ومليانه حنينه
إذا طيبه يمك انطيها التلفون
لأ مو يمي أختچ من العصر تنام مثل الدجاجة
لعد مع السلامه سلملي عليها باي
وين يمعوده لأ تفهميني غلط ألطاف!؟
باي قادر عندي دوام الصبح، سديت الخط هذا شبي أبداً مو صاحي شگد لزگه إني صوچي چاوبته لأن أعرف طيبه عمرها ما تتصل وتسأل عني؟
نمت ومر هذا الليل ياما أطوله بس اتگلب ولا نمت والتعب بجسمي فضيع برگبتي تشنچت فد مره
وبعد مصارعه ويه الفراش يلا غفيت الفچر صوت گحه أبوي كعدت صليت جماعه وياهم ودخلت غرفه الخياط هي الراحه بالنسبة إليه رغم التعب...
بلشت شغل وراها سويت الريوك بدلت واكلت كم لكمه عفتهم نائمين طلعت حتى ذهب ما مريت عليها مخنوگه خنگ مشيت لرأس الشارع سمعت صوت انداريت ذهب
ذهب وين تروحين بدون ما اشوفج تعالي يمي لأ اهفج لنعالي
تقربت صوبها، كولي ذهبه أريد أروح تأخرت
منو أنتِ!؟
ذهب مو وكتچ أريد اروحح
ما عرفتج وجهج طافي و يلطم خير شكو؟
ممكن بعدين نحجي مالي خلگ والله
مشيت وصاحت ورأي مثل الحزينه
بس كوليلي غنچ گلبي حبوبتي.
ما جاوبتها مشيت واجه أبو الخط بس حد صباح الخير وسكتت دخلت الجامعه انعزلت وحدي اول مره احتاج أختي وأريد قربها ما أريد بعدها!؟
إذكرت كلام قادر عنها من كإلي اختچ مثل الدچاچه من المغرب تنام، هفف غير تكضي عليها كل شغلگم أكيد تنام تعبانه يا ترى بعدها تضم بگلبها. أفكاري تتطحن برأسي لنهايه الدوام وإني ما متوازنه...
الحلو باليوم لنهايه الدوام ما شفت أيمن ولأ تقرب صوبي سوه عليه فضل كبير كلش مالي خلگ أحد.
رجعت البيت لكيت مازن موجود ولمحت طول أختي معقوله أچتي دخلت من باب المطبخ صاروا بوجهي جهالها بوستهم دخلت كاعدين بالصاله سلمت ردت السلام بس من وره خشمها...
الحجيه عطفه يمه الطاف روحي غيري ملابس واگلي لكمه وجهچ مصفر خليت الچ سهمچ على الطباخ...
ماشي رحت الغرفه جانت تغير ملابس بنتها هي عدها بنات إثنين ولد يرضع بعدها مشيت ردت أسد الباب علمود أغير ملابسي صاحت وفززتني.
طيبه خل أخلص بنتي تبديل وانگبررر!؟
الطاف إسم الله عليج، طيبه إني اختچ ليش هيج أنتي وياي ما يحن گلبج ضارتچ بشئ إني
طيبه فضينا من سوالفچ والنعي مالتچ واگره المشاعر مليانه چذب وحيل ودغش
إني!
لأ أبوي!؟ أنتِ أعرف بنفسچ
طيبه كافي عاد بطلي سوالفج وتصرفاتچ وكلامچ الغامض وياي يا أختي مرات أحسچ مو اختي!
كلش مالي خلگ لسوالفچ!؟
الطاف عافتني بين حانه ومانه أباوع بنتها صفنت بوجهه دمعت عيني عليمن تطلعن مثل امچن ما عدها حنه عليه عود إني أختها صغيرونه...
العصر جانوا گاعدين فتحوا مواضيع لحد ما هي كالت!
طيبه عود صدك معزومين على عرس حمايه
حاتم بيها الخير بس ما أعتقد نروح أختج عدها دوام وإني ما أحب طلعات أعراس هوسه شلي بيها...
طيبه كيفكم!؟ مازن أنت تچي مو؟
مازن أي اچي عزموني عيب لازم أروحح
حاتم إذا تروح أخذ أختك وياك اشوي تغير جوه.
طيبه لأ ما تروووح شكوو رايحه
الطاف الكل أستغربوا رده فعلها وإني مصدومه بيها يوم عن يوم يخيب كلشي ناحيتها حتى الخوه مالها طعم بقت بس بألاسم
حاتم ليش بابا، طيبه بنتي شبيچ خفي على أختج ما يصير بابا
طيبه لأ بابا ما قصدي شئ بس يعني دوامها ليش تروح هو مازن يأدي واجب ويرجع وهم عيب...
حاتم لأ خل تروح ويه اخوها كلام ثاني ما أريد.
ألطاف إني ما حجيت ولأ أريد احجي لأن تصرفاتهاا وياي تخليني اتخذ وضع الصمت علمود أعرف علتها وياي...
مازن يلا تروح وياي عود
ألطاف بس هزيت رأسي كلها هذا وإني راضيه بس المهم أعرف أختي شبيهاً هي طبعها من زمان هيج بس هسه زادت أكثر قبل چانت تغار مني لأن أبوي يعزني أخوات ومناگره إني وياها بس هسه لأ أبد هاي مو أختي إلى أعرفهاا...
لليل تنوم أبنها وإني نايمه يمهم بغرفتنا اريد أحجي بس صدقاً خايفه منها رطبت شفتي وابلع ريگ تمللت من مكاني أحم طيبوب عادي نحجي أخت لأختها حبابه...
طيبه بشنو نحجي!؟ نامي وراچ دوام الصبح
مو مهم، المهم أنتي خيتي شييچ وياي ليش متغيره مليانه قساوه وأنسانه حاده ومنعزله بيچ شئ قادر يأذيچ...
قادر متغير مو مثل الأول كلمتي ثگيله حيل
ليش الحقير وأنت الورده كلمتچ ثگيله عليه.
ما ضلت ورده إني غصن يبس من زمان وباقي بتوالي روح، نامي ما الچ ب هاي السوالف
فتحي گلبچ خل أسمعج إني اختج يولي،
رجعت زگحت بيه
كتلچ نامي لأ تلحين بالسالفه!؟
علي راحتج نمت بس عيوني عليها صافنه وكل اشوي تباوع صوره أمي شفتها ترجف عيونها حمر تحاول تكون قويه وما تضعف چرت نفس وحسره تصحي الميتين انوب خلتني اقلقق أكثر، زين اجه عرس حماها بوگته علمود أشوف أجواء البيت إلى عايشه بي أختي وشلون عيالها وياها وشنو هذا الشئ يخليها تتغير وما تود قربي!؟
للفچر كعدت صليت قريت كم صفحه من سوره البقره وإذكار الصباح دنگت بوستها ومسحت على رأسها إني سيف الچ ونار أصير لليأذيچ نزلت دموعي أبنها فتح عيونه بحضن أمه ضحكلي بسته فدوه لعيونك الحلوه حبيبي انت بناتها الغطا بعيد عنهن فطم نامت بحضني وفرح يم أمها جهالها
هما (فاطمه وفرح وفضل)...
توكلت الجامعه وسوالف البنات الهن خلگ هاي تكول أختي يمنا وهاي تكول أمي وأبوي متعارگين وإني كاتمه بگلبي، يصير خير يا طيبه!؟
بدأ الدوام بين محاضرات وسوالف البنات وتريگنا وراها رحت كعدت بالحديقة أجت على بالي ذهب صار يومين ما مسولفين وولأضحكنا لو أفتح گلبي إلها أرتاح بس ما ازيد حمل فوگ حملها خليها تفرچ
رجعت البيت لكيتها منظفه وغاسله والغده جاهز متغدين هما صبيت كعدت أكل بالمطبخ اجتني فطوم هاا حبيبتي!؟
فاطمه خاله أمي تكول من تخلص ادز على ذهب تحف وجهاا وحواجبها لأن باجر نروح ما تلحگ.
الطاف بعيوني ابتسمت وراحت بعدني ملابسي حتى ما كملت أگلي رحت على ذهب أجتني لافه رأسها خيرچ ولچ شبيچ
ذهب تعارگنا إني وسميه وبناتها ضربني لأن ما عندي أحد انضرب ترضيها
ألطاف لأ والله ما ارضاها ليش إني وين رحت إني كل أهلچ وحقج عليه ما سألت عنچ هاليومين
لأ حبوبي علواه كلها الناس مثل گليبچ عوفج منهن خيولن متعوده على خبالهن إني هم ما قصرت بيهن كسرت رچل سميه نايمه بفراشها.
أدري بيك بزون شرس أنت بس مو هيج ذهبتي كم مره منبه عليج اخذيها مقام اختج شنو استفاديتي خليتها بفراشها وبناتها أكيد مقهورات عليها ترى يحقدن عليج ذهب صيري رحومه
والله إني طيبه واحبهن بس من وره ايجار تعاركنا
خيه عوفج من عدنا أنتي شلونج خير محتاجه شي
أي تعالي حفي وجه طيبه سوي إلها حواجبها هم ما تعلمتي
أي تعلمت بنات جيرانه صكطت حواجبهن وبعدين اتعلمت.
أي عود سويها بطيبه علمود اطينچ لبسي ولحگيني بساع لما أغير ملابسي
صار حبوبي دقائق إني يمكم...
رجعت غيرت ملابسي باوعت الهن تمشط شعر بنتها قراصتهن مكسرات رحت چبت من الغرفه عطورات قلم حمره وكحل شامبو قراصات ترست العلاگه حتى ملابس داخليه خليتهن بچيس انطيتهن لفطم حيل فرحت بس اختي ما حجت بس ساكته بس صدمتني من كالت
طيبه إذا أچت قسمه توافقين لو بعدج رافضه الزواچ.!؟
شچاب هذا الموضوع على بالچ هسه.
هيج سألت أريد أفرح بيچ
متأگده
أي متأگده
سكتت ما جاوبتها اجت ذهب بلشت حف بيها انييي حظرت ملابسي وشغلاتي وأخذت كتبي جان يوم ثلاثاء وباجر أربعاء الحنه. انيي سويت بس حواجبي فطم تباوعلي نظره هيام ولج شبيج
فاطمه ما بيه شئ خاله
الطاف خلص إليوم بين سالفه وسالفه ذهب بقت يمي ضايچه لأن راح اروح عبالك أمها كافي شبيج دخنتتي الجمعه أرجع ما أطول عليچ...
أي حبوبه إني اختنگ وحدي
سوده عليه غنچ گلبي حضنتها حيل أحبها...
فطوم تقربت نامت يمي تلفوني يم رأسي رن مره وحده رأسا طيبه فزت انتقلت عيونها عليه اجت رساله قادر كاتب، بلا زحمه عليج انطيني طيبه
رجلج يريد يحجي وياج أخذته مني وطلعت من الغرفه بالي أسأل فطم بس محتاره. فطم حبيبتي امج وابوج شلون علاقتهم
فاطمه زينين
هم يتعارگون
أي أمي تتعارك ويه أبوي لأن يطلع ويه اصدقائه
بس علمود هاي ماشي نامي لأ تكولين لاأمج إني سألتج
أي.
ذهب أختج هي طوخها هواي الله يدري هذا حتى رچلها خانگته بحياته شوفي بناتها شكثر يخافن منهااا
الطاف ما أدري الله يهديهاا نامي، أخذت فطومه بحضني ونمت وهي تأخرت يلا اجت خلت تلفون يم رأسي وبقت صاحيه عيونها على صوره أمي...
للصبح جهزنا كلشي بوست جديتي وأبوي حيل راح اشتاق الكم
حاتم إحنا موجودين روحي تونسي وتعالي لايضل بالچ...
الطاف عيني أنت، طلعت وياهم لكيت سياره قادر يم الباب شنو هو يأخذنا يمتى اجه مازن طلع كاشخ شنو أنت ما تروح ويانا،!
مازن لأ شعندي من يوم أروح باجر الصبح اچي عزموني جماعتي وهم أشتري ملابس أنتِ روحي وياهم
ألطاف طلعت طيبه وبناتها ركضن على ابوهن إني بقيت واكفه عبالي مازن يروح ضچت
طيبه يلا تحركي ورانا طريق تبقين واكفه
الطاف أجيت صعدت هي بالصدر احم السلام عليكم أبو فاطمه شلونك
قادر بخير الله يسلمج.
ألطاف بصيغه أمر كالت: -
طيبه ديري بالج على البنات فرح نوميها نعسانه
الطاف ماشي، مشينا طول الطريق ساكتين وإني بالي مشوش معقوله أختي تشگ برچلها وتغار من عندي سؤال خطر بالي بس نفس الوقت رچلها خوش انسان ما شفت شي مو زين منه، نوصل ويصير خير.