رواية الرمق الأخير للكاتبة شمس العراقية الفصل الثالث والأربعون
وصلنا ساعه 3 نزلنا ونقرأ عناوين باوعت شفت أسمه والسائق وياي خطيه ما قصر
آلسآئق أمانه خيتي شنو تحتاجين بس كولي
الناس لناس واني باقي أنتظرگم تخلصون
مشكور خويي ما تقصر
دخلت العياده سألت عنا شافني وأبتسم دكتور
قمه الاخلاق
الدكتور تعبت مو اشرب ماي وأرتاح
اخذت الماي من ايده شربنا وگعدنا وبديت أحجيله
كلشي واخذ التقارير منِ ونومنها وبدا يفحص بيها
واجه گتب ورقه وأرسال...
كمل الفحوصات وتعال.
خل يستعجل بيها لان بنتك تعبان
بس يصير زينه لتخاف بابا
الله يبشرك بالخير
أخذت الورقه وعبرت الشارع دخلت المركز جانوا بنات يشتغلون اخذوا الورقه الخاص وصل فلوس
الطفله لازم صبغه دم نسوي إلها
روح سوي تحليل وتعالي نكمل باقي الفحوصات
تمام تعاملهن قمه الاخلاق
رحت سويت وبقيت أنتظر طلعت الصبغه وصاحتني نزلت طابق الارضى واخذوها منِ ما شفتها بعد بقيت أنتظرها تقريباً ساعه هي يمهم. أشوفهم أنخبصوا.
ويفترون ويحجون گردي كلشي ما افهم
افر بااذاني جلبت بوحده فدوه بنتي وينها شبيها
نيزانم عربي
ما فهمت عليها أجه الدكتور دخل الغرفه عليها
وطلع يتصل وأنخبص واني غابت روحي ودخت
حيل كل جسمي يرجف يارب يارب قويني
يارب شد حيلي يارب طالبتها منك...
طلع الدكتور ورحت عليَّ اريد بنتي منك دكتورنا
مو مهم الفلوس حتى لو جناح خاص راضيه عسا ما مليار المهم تعيش سوا إلى تكدرون عليَّ
الدكتور هذا واجبنا المهني والشفاء العاجل بابا.
إن شاء الله ما اقصر وياك ارتاح لا تعب نفسك
بنتك يصير زين ويرجع لحضنك وعد انطي الك
ما تقصر ربي يحفظك ويوفقك
أنفتح الباب وطلعوها السديه والاجهزه قلبها
ما لابسه كولشي تباوع اليه بمنتهى البراءه وابتسمت بوجهي ما بجيت وما ضعفت بالعكس قويت وشديت حيلي شلت جنطتي ومشيت وراهم
دخلوها المصعد واني الدرج دخلوها سياره
صعدت وياها أسمعهم يحجون، والدكتور قمه الاخلاق ما عافني ساندني ربي يوفقه بمهنته.
هواي اهتم بحاله زينه هواي، سمعته گال الهم
مستشفى أمراض القلب بسرعه
طلعنا مر وقت وهي تباوع اليه
وحده صافنه بوجه الثانيه
أثنينا أبتسمنا لبعض...
وصلنا المستشفى كصوا وصل دخوليه أنطيتهم الملبغ أسعاره زينه جانت دخلوها الطابق الثاني للغرفه ومنعوا أدخل وياها بقيت بوحدي كاعده
وگمت رحت الدكتور
الدكتور لازم عمليه الصبح تتدخل الصاله
اي اهم شيء
َ روح گمل أجراءات الباقي بنتي
ألطاف رحت أكمل الاجراءات لان الصبح عمليتها.
بوحدج ألطاف بوحدج خليج قويه خليج قويه...
بقيت افتر من ممر لممر من طابق لطابق لحد ما تعبت وكملت اجراءات بس اسلمهم المبلغ باوعت جنطه
عادي باجر الصبح يجهز المبلغ
عادي راحتك
المستشفى أهلي
رجعت كعدت الكرسي اخذ نفس
رن تلفوني باوعت المتصل ذهب. الو
ذهب ها عيني أنتِ شصار
اخذوها منِ دخلوها الجناح الخاص اني طلبت عنايه گامله والصبح عمليتها
عود طمنيني فدوه فلوسج خوما خلصت
ماشي
بعد فلوس العمليه 4 مليون.
يمااا ولج منين نجيب هالمبلغ
روحي العلويه كولي إلها ألطاف دزتني عليج
بنتها بين الحياه والموت والمبلغ دين إذا مو دين
لا تأخذينا...
تمام باجر الصبح اجيبهن وأجيج
تمام
وتميم شلونه
زين اخذه لاهله واشوف العلويه ويصير خير
ماشي أنتظرج
إنتهى الأتصال بقيت كاعده لا نوم ولأ أكل ولا شرب
ريگي يابس مو بس أني نسوان گبالي كاعدات أمنت وأستبشرت خير...
حل الصباح وعيوني تناظر باب المستشفى يمتى يجي الدكتور مر وقت أجه وطمني.
الدكتور لا تخاف إن شاء الله سهل
الله يوفقك
دخل الصاله وراها جابوها السديه دنگت بستها من عيونها أحبج زينتي تروحين وترجعين اليه بسلامه
يروحي بسته من أصابع أيديها وهي أبتسمت
كأنما طمني أخذوها وتفارگت أيدينا عيوننا تناظر بعض تطلعين بسلامه رويحه أمج.
مر وقت كثير وأني اقرأ قران بالتلفون ما رفعت رأسي ألا طلعوا وطلع الدكتور ينزع جفوفه وتقرب وأبتسم بوجهي بشرنا الله يبشرك
بنتك مثل الورد نجحت عمليه
بالشفاء العاجل.
ممنونه منك ربي يبارك بتعبك
ما أعرف اوصف فرحتي ولا اعرف احجيلكم عن تعاملهم وأخلاقهم والرحمه بقلوبهم أطيب ناس
بقيت أنتظرها تطلع أفتر واجت ذهب شافتني ركضت وحضنتها نجحت رجعت اليه بنيتي رجعت تعيش.
ذهب عاشت لان عدها ام مثلج
أنتِ انسانه قويه ومثاليه وينضرب بيج المثل
هاج الفلوس روحي سلميهن إلهم
شنو كلتي إلها
ما أخذت منها ولا طلبت منها
رحت سميه وجمعت اليه من نسايبها كل واحد.
مليونين دين وهي منها دزتلج 5 ما ترديهن وتسلم عليج...
عسا ما أنحرم منج يالسَند
رحنا سلمنا المبلغ وصعدنا طابق الثاني
ممنوع ندخل عليها لان تحت مراقبه...
مرور أسبوكين ويومين واليوم سجلنا خروج تحسنت حالتها وصارت أحسن ونطوها علاجات
الدكتور شهرين وتعال نعيد الفحوصات أطمئنانصحته أكثر واهم شيء تأخذ العلاج الموعد
والشفاء العاجل
مشكور دكتور.
طلعنا من أربيل وتوگلنا لبغداد وفرحانه حيل رجعت بنتي بحضني الحمدلله ربي الحمدالله...
مرور حُقبه من الزمن
كنت راجعه من المدرسه لان طلع أسمي محاضره
وداومي بالمنطقه إلى سنكت بيها ودرست بيها لهذا
طلبت نقل المنطقه ساكنه بيها لان أواجه صعوبه والطريق والجهال وقنعت المدير عرف أبوي صديق قديم وشرحتله حالتي خطيه وافق وسوالي أمر نقل وأرتاحيت...
نوعاً كدرت أتخطى صعوبه بحياتي وفگيت الدين عمليه زينه وصرت ما اهتم لشيء بس غصه بصدري لو اعرفه عايش ويرجع بالسلامه لابنهُ وعد أني ما أدخل حياته
ذهب لك هلأ بالمدرسه الحلوه مالتنا
تعالوا اجت أمكم
تميم مامااا حبيبتي
الطاف رويحتي شفت زينه اجتني عمري أنتِ فتحت جنطتي طلعت إلها
حلويات مالتها المفضلة اخذيها فرحت بيهن وتميم ركض وراها كعدوا يأگلون دخلت غيرت ملابسي
ذهب أصب إلج لو متغديه.
ما جوعانه المدرسات جابوا گدر دولمه أكلت وياهن
أي أنتِ شلونج خوما خيطتي وهلگتي نفسج
اي خيطت الجراجف لان جارتنا ام حسن تريد تروح لبيت بنتها بالعامريه وتأخذهن هديه إلها خلصتهن واستلمت فلوسهن
يَرُوحي أنتِ
ليش ما أنتظرتي وأخاف صحتج عندج مفاصل
شلون بيج أنتِ مو كتلچ أني أرجع واخيطهن بليل
عُمري إلى يخاف عليَّ
قلبي ما ينطيني تجين تعبانه وأشوفج بليل تسهرين.
تحضرين دورس وأسئله وتصليح اوراق وانوب تخيطين حتى صايره عظام باعي جسمج علچه لحم
ما بي
أنتظر وحده وياي بالدوام توصي مسمن كالت أجييلج وياي شو بعد ما كالت
ولج أخاف عليج من هالمسمنات أگلي خبز وتمن وموز وحليب حلويات تسمنين بس شسويلج ما تأگلين
شسوي ما أشتهي والله
وهالدوخه ما تفارقني نهائياً أربع وعشرين ساعه رأسي مصدع
كتلج خل نروح الدكتوره ما الله هداج
ملتهيه بطلابها وناسيه روحها منو يفيدج
ما عندي مجال والله.
إن شاء الله الجمعه أحجز ونروح وعد هالمره ما اغلس
نشوف اني علمودج ولج
منو يفيدج عگب الصحه
وشعندي غيرج أنتِ روحي
فدوه ل غنج گُلبي
راح أنام ساعه عود كعديني باجر عندي أمتحان
أحضر إلهم أسئله...
ماشي نوم العافيه
وجهالج يردون يطلعون برة ويه الجهال المنطقة
من الصبح لحد الان يتوسلون بيه
خل يطلعون بس راح يرحون بعيد وأبو حسن مقيم يم الباب وصي عليهم من اكعد ادخلهم البيت...
راحت بعدت الغطا وفتحت شعري ونمت بتراك مالتي.
وغفيت ونمت مرتاحه كَلبي مرتاح خلص ألطاف
عيشي لنفسج واطفالج والحياة ما توقف أحَد
ما اعرف شُككر مر وقت كعدت رأسي مصدع والشمس غايبه والجامع يقرأ اليوم أثنين نهضت
واريد أوكع الأرض من شده الصداع لفيت شعري گبايه ولبست روب فوق تراك دخلت المطبخ
شنو عاجنه گليجه ريحه ترد الروح
ذهب اي عجنت گيلوين الجوا بارد وطيبه العصريات روحي شوفي جهالج وتعالي نسويها علمود تروحين تجهزين أسئله طلابج...
الطاف تمام.
لبست شحاطتي ولفيت الروب وذابه شال خفيف شعري فتحت أشوي من الباب باوعت الجهال يلعبون لاحظت زينه وتميم ماكو صخام بوجهج
ألطاف رجعت ذهب ولج ما ادري وين راحوا
طالعه أشوفهم تعالي وياي
ذهب طين برؤوسنا روحي ولج
لما اجيب جادر الصلاة واجيج
هذا تميم ابو كراعين ما يگعد
الطاف ركضت الجهال وأسأل يربي وينهم
حبيبتي شفتيهم تميم وياه بنت هاي شعرها خفيف وناعم لونه اصفر بياض وجهه ابيض حواجبها بيض اوصف شگولهم بدأت تحجيلي.
عمه أجه وأحد اخذهم راحوا إهناك
منو ولج
أشرت أبو ألاسواق
حيل ما ضل بيهَ مشيت أدور عليهم شفت ظهورهم منطيها عليَّ وصلتهم ولكم شجابكم لهنا تميم أني شنو گلتلك عمه مو گالتلك ما تروح بعيد عن البيت
تميم ماما هو اشترى إلنا حلويات
منو ولك وشلون تأخذ حلويات من الغريب
تميم ليش ما تسمع الكلام ماما
ماما هو خوش زلمه شوفي أشترى النا نفاخ وجبس وگيك وحتى زينه هم
منو هذا تميم شلون شگله.
يشبه ابوك تشوفه بالصوره لو غيره سمين لو ضعيف
ما أعرف اي يشبه
لا ما يشبه هذا طويل ما عنده شعر بوجه
لا عنده
زينه هذا عنده شعر بوجه لو لا
تميم ركز وياي منو هذا!
انت شايفه قبل
نفس الصوره تشوفها بيبي ألك
ما اعرف ماما نسيت
َ خرب بحظي
أمشي ومره ثانيه إذا مشيت ويه رجال غريب أشلع أذانك گرصته من أذنه يلا امشي كدامي لو مخطوفين وين انطي وجهي يلا تحركوااا.
يمشون كدامي تلفت حواليه ماكو أحد منو معقوله حسين بس تميم يشوف صورته معقوله مازن يأنبه
ضميره ويطلب السماح واني ما أسامحه يتقرب لجهالي يربي منو!
دخلت البيت وأستقبلتهم ذهب دك رزايل اي احجي عليهم صايرين ما يسمعون الكلام والقهر رجال مدري منو مشتري إلهم أسئلي وسمعي شنو يجاوبج
ذهب وانتِ كعدتي تحققين وياهم
واني متت الف موته لأن تأخرتوا
والله عندج سوالف
جيبهم وأهنا اني وياج نحقق ويه هالفصاعين هذول
راح اتخبل.
حجيت إلها وكعدت باب المطبخ صافنه عليهم شلون يأگلون حلوياتهم...
شميتي ملابسهم بيهم عطر قصدي بايسهم
شسوي بالعطر وإذا بايسهمأساس راح أعرفه منو من العطر
ميه الف نوعيه عطر...
َ معقوله حسين
ما أعرف
خاف فيصل
كَلبت عيوني عليها
لا تذكرين إسمهُ لا ما أعتقد هَو صار سنين
شمعنى هاليوم يجي بالخفيه يشوف جهالي لأ مو هو
لعد منو
أمشي نسأل هالفصعون ولك تميم تعال يمي
شتردين ما أجي
تعال لا أجيك أشلع أذانك
أهووو أجيت شتردين.
ألطاف تميم احجي ب أدب ويه بيبي
ذهب لا يحجي ب ادب هذا أدبسزز مثل ابوه
الخلف الخلفوه
أي ولك هذا الرجال مشتري الگم علف هم باسگم
تميم علف شنو
أشترئ إلنا حلويات حلويااات
ذهب لا تصيح ولك
هاا بوسكم
أي بوسنا أثنينا
ذهب بوس أختك زينه بالاول لو انت
لأ بوس زينه اخذها راح أشترى إلها
وبعدين بوسني وأشترى اليه
اي تذكرت كالي شنو أسمك
ألطاف فزيت واني كنت صافنه تقربت عليَّ
أي وانتَ شنو كلتله تميم أحجيلييي شنو كلت
ذهب كيفج وياه.
ترى بسرعه ينسى ونضل نعلف بي وما يذكر
بالهداوه، اي حبيبي شنو حجيت وياه
تميم كلتله أسمي!
تميم (علوش) حسين التميمي
الطاف وانتَ ليش تكول إسمك وأسم ابوك والعشيره ليش ماما هذا غريب
تميم ماما بيبي علمتني أكول هيج
أني ابن حسين التميمي الأدبسزز
الطاف ھَہھَہھ
منو علمك تگول أدبسزز
تميم عمه زهور
ألطاف تمام عمري روح ألعب ويه اختك
ومره ثانيه لا تمشي ويه رجال غريب
ماشي ماما بس كولي لهاي ما تحجي عليَّ.
منو هاي ولك هاي بيبي ذهب
تميم ازعل عليك ترى هاي بيبي
ماشي ماما
ألطاف راح يلعب
شتكولين أنتِ
أشوفچ صافنه؟
ذهب ما أعرف والله
هما أثنيهم عدهم أباء
ما تعرفين منو هذا
وحسين ما تعرفين عايش لو ميت
وفيصل ندري بي عايش بس مختفي
الطاف ّ ما يهمني أي واحد منهم
بس إلى يهمني أني أقرب إلهم منهم
هما عافوهم بصغُر
وأني ربيت وتعبت وأني صرت الأم والأب
فدوه لعمرج
ربي يحفظهم إلج ويفرحج بيهم...
ألطاف أثناء كلامنا أندك الباب.
أثنينا فزيناا منو؟
ذهب خرب صارت بينا خوفه
كعدي خل أشوف منو غطي شعراتج
ألطاف تمام
راحت فتحت الباب وبقت واگفه أستغربت منو!
باوعت اليه وهزت رأسها معناها تعالي!
مشيت لعندها وأنصدمت بوجود شخص صار سنين ما شايفته ولا أريد أشوفه مشيت صاح وراي
مازن خيتي أوگفي خل نحجي
ألطاف ما عندك اخت
أني أهلي ماتوا من زمان
باقي بس أبوي وقبل شهر رحت شفته بيت عمي وأجيت بس هو باقيلي من ريحه أهلي
وأنتَ منتزعتگ من كُلبي من زمان...
مازن لا هيج تكولين الطاف أنتِ كُلبج طيب
ما تحقدين
هاي قبل مو هسه
وشمعنى كُل هالسنوات مرت ما تذكرت عندك أخت إلا اليوم
حوبتج كسرتني ما خلت حالي حال
أخذت فلوسي وأبني وأنهزمت وما أعرف بيها
وين شردت گلبت الدنيا عليها أنشگت الكاع وبلعتها
تذكر شلون حرمتني من زينه ولوعتها عليَّ
وحرگت گُلبي. ربك طلعها بعز ضناك وأبن روحك
روح كلتها قبل ما أسامحك للموت
عفتوني وشمرتوني الغرب ورگضت وحدي.
وبنتي تمرضت ومن سيطره لسيطره اتوسل بالجندي
يدخلني اربيل تعرف ليش
ليش
لأ ما يدخل أبني وياي ويسولي أقامه الا
هويه لأبني وأبني ما عنده هويه لأن بسببك
بسبب عقلك المتحجر جبرت حسين يطلگ وهو
مشتريني وراضي بكلشي وهذا هو كدامك لحد الان ما عنده هويه...
واكملك رجعت إبني ويه ذهب وهو طاك من الصريخ وصوته يرن بنص روحي المتعوبه ودخلت أربيل وحدي بس أني وبنتي ما اعرف منين ادخل منين أطلع خلف الله الدكتور وگف وياي في أربيل ودخلت وسويت عمليه
لبنتي وعمليتها خطره واني وحدي عانيت وتعذبت
وعآلجت بنتي تعرفففف ليش بنتي تمرض مرض
قلب تعرررف ليش
اي اعرف
بسبب ظلمكم وظلم أبوها إلها شمرها
وخله نار بروحها ونبذت من المُجمتع أيضاً
وكلامك وزوجتك تگول إلها منغوليه.
طبعها تگتم لما قُلبها تعب وانسدت شراين
بس أني أمها الطاف ما عفتها وما نطيتها للموت
بهاي أيدي نهضت بااخر قوه باقيه عندي بااخر رمق
بروحي دينت مبلغ عمليتها ونجحت ورجعت
سهرت الليالي ودرست طلاب وجمعت فلوس وفگيت الدين ونجحت ورجعتها للحياة وصارت احسن
عن أي وحده منهن تريد أسامحك عن ظلمك لو عذابي لو معاناتي لو دموعي لو عن تعبي لو عن غربتي عشت بيت فارغ بس الله الحامي الخوف.
يأكل بيه حاطتهم وعيوني تناظرهم واحد واحد
كل ساعه أكول هسه يطفر حرامي بس الله وحده
حماني وسندي ومدني بالقوه...
هاي الطاف إلى حجيتوا عليها ونبذوتها وكرهتوها
وجرحتوها بكلامكم وقسيتوا عليها فوق قساوه الدنيا هاي أني أم زينه وام تميم...
مازن أنتِ إلى أفتخر بيها كدام الدنيا كلها
أني ظلمتج وما عرفت أني عندي أخت تعادل الف رجال
أخت مناضله وسباعيه تعبت وربت وعاشت وقوت
الله يسعدج ويفرح گلبج ب أطفالج، مع السلامه.
ألطاف طلع بالگوه يمشي صعد سيارته دخلت المطبخ طلعت العجين ومواد الگليجه بديت أسوي
وذهب صافنه عليَّ
ذهب بردتي گلبي
حجيتي وطلعتي قهر گلبج متخزن من سنين
بس اخ ذكرتيني ب أصلع إلى بالسيطره مال دخوليه اربيل اوف شلون بي گتله ازوعه حليب أمه
ھَہھَہھ
هذا شغلهم وحقهم لأن ما عنده هويه
أوف قهرني هاجت جروحي ولحد ألان ما عنده هويه
هسه نسوي گليجه وتنسينها
ولگم لا تلعبون بالطين ولك تميم إذا وصلت سياره.
أبوك أشوي أذانك بصل فاهم
تميم اي فهمت
الطاف تذكرت يراد إلها غسل من زمان ما منظفتها
ذهب خل يجي الماي عود غلسيها ونظفي دواخلها
غطيها زين هذا أبنج يشخطها وبعدين هما أهله ليش
ما اخذوها يمهم صار سنين
ألطاف مو كلت إلهم العلويه ما قبلت گالت سيارته
تبقى بالگراج ما تطلع...
يلا خل نگمل وراي تحضير أسئله إذا لحگت.
بلشنا نسوي بيها كملنا خليت عليها الشوي
وسبحت الجهال خليتهم التلفزيون.
كعدت يمهم وبديت احضر أسئله ماده الانگليزي...
لليل الكل ناموا وأني كاعده افصل كم قطعه قماش باقي من تجهيز عروسه كلابيات تريد شغل ايد گلت بس أفصلهم بعدين أگعد أشتغلهم...
رن التلفون باوعت المتصل زهور أستغربت الوقت
جاوبتها هلا زهور
زهور شلونج عبالي نمتي بس كلت تخيط ما تنام
اي والله جاي افصل قماش
ليش صاير شيء
ألطاف أمي تريد تسجل البيت بااسمج
وطلبت مني أبلغلج تجهزين تروحين وياها
لطابوا...
بااستغراب! وليش خاله هيج تسوي
قصدي ليش تسجله بااسمي
كافي أدزون مصرف تميم 15
لا حبيبتي هذا حقه حق أبنه
والبيت ليش تسجله ما اعرف
سوالف العلويه سأليها هي تجاوبج
هي يمج
اي يمي هاج أحجي وياها
ألو خاله شلونج
عواطف هلا أمي أنتِ شلونج جهالج شلونهم
زينين يبوسون أيدج
ربي يحفظهم إلج
يمه الطاف جهزي نفسج
نروح الطابوا أسجل البيت
خاله ليش تسجلين البيت والله فضلگم مغطيني
يمه أنتِ أم حفيدتي ومو حرمات بيج إذا سجلته.
بااسمج وهم اعتبري حقوقج من أبني مقدم مدري مؤچل كيفج...
خاله كلامج ما مفهوم
ترى دخت وليش خطيتي هالخطوه هسه
ليش مو قبل سنين
هسه أجه وقتها
جهزي نفسج ونسجله بااسمج وشايفه خيره
خاله بس
ولا كلام ترى أزعل منج
خلص حجيت وانتهى الموضوع
راحتج
أهم شيء العلويه ما تزعل من عدنا
ما ازعل منج أنتِ بنتي
يلا يمه سلمي ذهوبه وبوسلي جهالج
الله وياج خاله
إنتهى الاتصال وذهب واگفه يردون يسجلون البيت
بااسمي
ذهب بيهم شيء مو طبيعي.
ألطاف ما أدري روحي كملي نومتج يحل الصباح
ويصير خير عمري أنتِ هزت رأسها وراحت
بقيت صافنه والافكار ترن برأسي...
مر أسبوك ورايحه چايه ويه العلويه علمود تسجيل البيت واليوم نخلص الاجراءات أني وياها وتميم
وقعت وتم كلشي وتسجل البيت بااسمي
عواطف شايفه كل الخير
الطاف الخير يصيبج
خاله وجهج مورد مو مثل قبل تعرفين شيء عن حسين نزلت رأسها وتهربت من كلامي ونظراتي
عواطف يلا يمه نرجع تأخرنا.
ألطاف رجعنا أريد أسئلها مره ثانيه
بس أستحيت منها احطها بموقف صعب أنو تحلف
وأني متأگده يعرفون شيء عنه...
من وصلنا هو لازك بيها ما يقبل، ينزل يريد يروح
وياها عاد عباس كال
عباس خل يجي أسبوك ونجيبه عود هما يشوف
الجهال خطيه تعال حبيبي تعال بالصدر يم عمك
الطاف ماشي
راحوا وعيوني وراهم دخلت البيت وذهب فرحانه
لأن تسجل البيت بااسمي
ذهب همزين يمعوده علمود محد يصير عنتر برأسج
ما فرحانه أهله يعرفون بي وين
أني هم هيج أكول.
بس خليهم أول تالي نعرف
يا خبر اليوم بفلوس باجر بلاش
لا بفلوس ولا بلاش
حسين هو مانعهم يبلغوني
ليش عود لا مو لهل الدرجة
لان زعلان منِ ومغثوث
لا ما أعتقد يعني السنوات المرت ما محت هالزعل
ما أعرف ذهب ما أعرف
أدخل اصلح أوراق الطلاب من رخصتج...
بعدني ما مغيره ملابسي رن تلفون رقم غريب!
ما جاوبت ألا ذهب سمعت وأجت
ذهب جاوبي طر رؤوسنا وأنتِ مخليه موسيقى عاليه وحزينه
موسيقى زياد سيف كُولش أحبها.
لاحظت إتصال أكثر من مره جاوبت وأجاني الصوت
يرعد!
أنتَ شنو مره ما عندج احساس
لو فواكها تسجل البيت بااسمج صدك ما تستحين
منو أنت خاله
خلخاله تخل عيونج الاثنين
أني عمه حسين شوفي يل بنت الملاهي الرقاصه
أذا ما تطلعين من البيت وتعوفين تميم بيدي أطلعج
البيت بيتي شهل الغوه
لا والله لغوه
البيت بيت حسين اخذه بلفوسه وتعبه وراتبه
مو بيتج أم الوسخ البايره
وحسين يكون أبو أبني
وأني أم أبنه يعني تعبه حلالي اني وابني.
وبعدين خالتوا أحترمي گبرج والفاظلج
تعلميني شلون أحجي
الوسخه اهلج شمروج علينا ما سألوا عنج
وأنتِ لزگتي بيهم. ما تزوجين شعندج باقيه
وعبالج باقيه تربين تميم لا حبيبتي حتى هاي ما توكع بيدج
شقصدج
قصدي واضح يالفهيمه
تميم نأخذه منج أنت ما عندج معيل
وما عندج مصرف تعشينه
أحنا المال والجاه كله عدنا والمحكمة تنطي إلنا
واصلاً أبني محامي من الصبح نجره من حضنج
شتخربطيبن مو هي لعب جهال.
كلمن لايده الطفل صغير وأبني ويبقى بحضني
شنو يبقى يمجسمعه أمه الزفت الماضي القذر
يجي يم أهلهُ اقل أهله وعمامه بيت شيوخ.
قطعت الخط
ليش ما رديتها ليش سگتيها هالحقيره
لان ما ردت أتجاوز ويوصل كلام مو زين عني وتخرب سمعتي هاي شگلها مدفوعه ما ناويات خير حبايبه، ومتأكده حسين عايش!
اي عايش
تسجيل البيت مو من كيف العلويه
وهجوم هالمصگوعه عليج مو هيج من دون سبب
وأكيد وصل الهم خبر البيت صار بااسمج
عوذه ناس تزرع خير وناس تزرع شر
شهل البشريه...
ألطاف الكلام مو يمهن الكلام يمه هو
إذا عايش لازم نعرف ويصير خير.
كلهن سهلات بس الصعب إذا أخذوا من حضني
خيولون كيفهم هي
المحكمه ما تنطي
الحضانه الج
طلعي هالافگار من رأسج...
ألطاف يصير خير يصير خير!
ومر أسبوك وتميم ما بين عليَّ وين
أشتاقيت باوعت الساعه ليش ما جابوا صار أسبوك يمهم وهو لوتي ولا يكول امي شلون افارقها
ذهب شبيچ تفترين وتباعين الساعه
كعدي ترى ثولتيني
تميم طگ گُلبي عليَّ تأخر يمهم
أي أني أمه شدعوه أسبوك!
هما يجيبوا يبقون أهلهُ وين يروح قابل.
أكولج هو هم يشوف صوره ابوهُ خطيه علمود
يعرفه وهاي إذا ما يطلع شايفه بالحقيقة
الله يعلم
بس هو كل مره يجي يكولي ماما بيبي شوفتني صوره بابا وحلو
أنتِ ما عندج صوره اله ما دورتي بغراضه وبملابسه
لا ما عندي ولا صوره وأستحي اطلب منهن
وحساباته الانستغرام والفيس بوك ما بيهن ولا صوره
الانستا خاص
والفيس مكتوب الحساب الشخصي مقفل
هو تلفونه يم منو موجود
يم أخته.
ذهب أحس هالفتره يعرفون شيء عنه واصلهم خبر عنا العلويه ذابه الاسود وزهور وجهه يضحك
يعني قصدج يعرفون مكانه وين
اي لعد إحنا شنو حجينا شبيچ انتِ
كلشي بيه ليش ما يكولون ليش ضامين عني
َ ما أدري شگول ألج
بس ليش ضامين قابل شتسوين
عقولهم ما ادري والله
ما اريد كلشي غير أسمع عايش وبخير
بقيت عايشه أمل أنت عايش معقوله أنت مانعهم
وتفضل البعد عنِ وينك وربي ما أريد شيء غير تكون بخير...
ذهب روحي كملي شغلج.
خلصي تصليح أوراق والله كريم
ألطاف تمام
مندمجه أصلح اوراق الامتحانات بكل تركيز
اسمع صوت برة ذهب طلعت تشوف منو دخل تميم فرحان وليدي الحلو حضنته ولك ما تگول امي شلون هنت عليك
تميم شفت بابا بالسجن
بااستغراب بالسجن
تعال أحجيلي كلشي وين اخذوك وين شفته
كعد يحجيلي ويضحك
تميم اي عموو عباس اخذنا اني وبيبي وعمه زهور وشفنا بابا نفس الصوره بس عنده شعر بوجهه هواي
وصاير سمين.
دمعت عيوني يعني عايش وأني ما عندي عُلم.
والله كنت حاسه والله
خليتوني عايشه وك امل ليش هيج سويتوا بيه
تميم بيبي حضنته كامت تبچي وياه وهو وخذني وشالني ويفتر بيه ويبوس ويگول زلمتي أنت
وبعد شكلك أحجيلي
ما أدري نسيت ماما
خل انام ارتاح من اكعد اسولف ألج
تميم تعال أحجيلي
اي كتلج نسيت والله مامي
باوعت لذهب حسين عايش
كنت متوقعه عايش وضامين عليج
بس ليش هيج تصرفوا وضموا عليج هو بالسجن
ما أعرف
شتكولين أتصل زهور واعاتبها...
لا ختولي جان أستحت
ليش ضمت عليج.
لا خل أتصل وافهم منها
أتصلت وردت، بدون مقدمات حسين ليش بالسجن
زهور شلون عرفتي
ألطاف ترى تميم مو صغير عمرهُ 7 سنوات
اوف
حسين مسجون ظلم بظلم وقضيته متوقفه
رفعوا قضيته جاي يشتغلون عليها وأحتمال
يطلع بكفاله ما ادري بسوالف الحكومه
اخوي عباس وابوي عسكري متعاقد قديم عنده معارف
راح يطلعونه بس المهم طلع عايش
الحمدلله ربي
بس ليش ما كلتوا
ليش ضميتوا عليَّ
أني ما عليَّ
طلعيني منهم
والله احبج وتعرفين غلاتج عندي
غير أكو سبب.
اي طبعاً أكو سبب
شنو!
- ألطاف أحجيها ألج من الاخير
لا تتأملين شيء من حسين
حسين من يزعل من شخص خلص بعد
اني أحجيلج عن معرفتي بااخوي وبس
واني ما طالبه شيء منه
يرجع الكم بالسلامه وتفرحون بي
بس للشيء الوحيده طالبته منه
هويه لاابني لان مستقبله يروح منه
لا تخافين سمع وتخبل والله
وگالي أطلع وأني اطلعله هويه واسجله مدرسه ويصير خير
ماشي الحمدلله سلامته مره ثانيه
الله يسلمج عيوني
واعذرينا حقج علينا
لا عادي مع السلامه...
إنتهى الأتصال
سمعتي كلامها؟
ذهب سمعت ما أعرف شحجي!
ألطاف. كلشي واضح
حسين يطلع من السجن
ما يرجع ل الطاف...
ذهب وإذا ما رجع
مهم بالنسبة الج يعني ألا تكملين حياتج بوجود رجال يسندج شو جبتي العمر محطات وحدج
أني أگولج لا تتأملين منه كلشي يطلع بسلامه
نفرح اي شاب وطلع لاهله وابنه إما أنت خلاص
تمام
خل أتصل أبوي ابلغه لان ينتظر منِ خبر
كمت أتصلت وبلغته وضاج
حاتم هذا هو بابا
لا تنقهرين والرجال وأهلهُ ما قصروا.
كثر الله خيرهم
لا بابا ما مقهوره
بس حبيت أبلغك أنت طلبت منِ
أي الحمدلله سلامته طلع عايش
گان عندي أمل يرجعج ذمته وترتاحين بنيتي
لا بابا اخر همي
الله يسعده بحياته
أخذ راحتك ودير بالك نفسك لخاطر بنيتك.
حاتم الله وياج بنيتي الحلوه
الطاف إنتهى الأتصال
ومرت إشهہر أروح واجي لدوام وملتهيه بداومي
وبليل أخيط واطرز واسوي نمنم واهسِ حلو...
وجهالي يلعبون يمي أندك الباب ودخلت العلويه
عواطف شلونكم أمي إنتوا.
الطاف هلأ بيج خاله بخير دام أنتِ بخير
جايبه وياها أشگال الدنيا كعدت سوالف
فرحانه الله يديم فرحتج خاله
فدوه لعيونج يمه
يلا يمه هذا المصرف وتميم وليدي گوم تروح وياي
أخذت المصرف منها
بس أستغربت قبل ايام كان يمهم
بس تميم جاوبها
تميم لا بيبي ما اروح اريد العب طوبه اليوم
راحتك وليدي أنت
وصلتها للباب ودعتها
ورجعت ذهب تباوع اليه! شبيچ؟
ذهہب معقوله حسين طالع من السجن
شفتي شلون فرحانه وهي جانت طافيه.
عود ليش يضمون عليج ليش مو حرام
راحتهم
صدكي ما يهمني بعد
يريدني يجيني برجليه
تعبت واني أركض بوحدي
واقهر بروحي ما عادت الروح نفس أول بس عاد
هي روح وحده وعُمر واحد...
اي والله صح لسانج
الطاف الطاف ما عادت نفس أول
رجعت يمهم جمعت الملابس كمت غسلتها
ونشرتها أجه تميم شايل تلفون ويصيح شكو ولك
تميم بيبي ذهب تگول أختج طيوب تتصل
أخذته منه ورفضتها بطرانه دور سوالف
بالسنه حسنه تسأل...
الليل تعشينا ونومتهم كعدنا نخيط قليل كم قطعه قماش شغلنا زين وراتبي الحمدالله
تمددت بفراشي وذهب تأكل جوز وتميم يحجي عليها
تميم بس تگرط أريد انام ماما گولي لبيبي
ھَہھَہھ
ذهب لا تكرطين يريد ينام زلمتنا
ذهب نام عيني نام
بعد ما أگرط
الطاف ھَہھَہھ
فتحت تلفون باوعت حساباته لحد الان مقفله
أجتني رساله الانستا طيبه فتحتها رابط
صارت صورته كدامي! أتصلت عليها
ليش أدزين رابط حسابه شسوي بي
اجي اموتج حيوانه بطلي سوالفج طيبه.
امانه امانه بس احجي وياه
تموتين ما أحجي وياه
شبيچ خبله انتِ
أمانه فدوه والله ضلت بكَلبي أريد أعرف ليش باعج هيج من دون سبب
راح يجيج بلوك يهف بطعم لاستيك
قصدج نعال
فديت التفهم اني
زمال هاي اليه اني ألج صايره وگحه
تغيرنا حبيبه قُلبي
شنو ما تطلع شمس يمكم استغفر الله
لو عايشين وره القَمر
الطاااف
شكوو حبيبتي
ساعه سوده دزيتلج رابط حسابه
بس عبالي اعرف السبب خلاه يبيعج
راح يجيج البلوك يهفي وطايرررر
لااا امانه لا حبابه.
أسأل عنج وعن عصافيرج
أنتِ خيتي يولي
لعد أستقري واعرفي حدودج بالكلام وياي
اوك اوك
تمام
يعني ما تسألين ولج ستورياته ومنشوراته
كلها حزينه وأني أستغربت
بالجنهم ما يهمني
يلا أريد أنام تصبحين خير، قطعت الخط
ذهب شگد ثوله طيبه
شهل الفضول شيء راح وصار ماضي سلمتي بيد الله
هاي طيبه قابل جديده علينا
بلا دخلي حسابه خل نشوف صدك
ذهب أنوب أنتِ
شبيجين!
دخلي خل نشوفه الحزن يأكل روحه النذل.
دخلت الرابط مالت الانستا وانفتح صوره الغلاف صورته ومنشورات كلها حزن وعتاب
وصوره ذاگر كبران وشايل جنطته باب المدرسه
گاتب تكَبر بروحي كل يوم، حقير وبنتك
رأسا طلعت وشمرت تلفون
ذهب خيولي هو وطيبه الرعنه
ألطاف بس تحجي وياي أنوب أحضرها الحقيره
نامي نامي حرگت أعصابي، لفيت راسي
جريت تميم بحضني وزينه بصفه ونمنا...
مرور فتره
صباحاً صحيت كان يوم جمعه كلهم ماكو
بس اني بفراشي تلفون الشاحن يتصل مديت.
أيدي بعجز باوعت المتصل زهور! شعدها هيج وقت
جاوبتها ً هلأ زهور صباح الخير
زهور صباح النور
أكول ألطاف!
ألطاف كولي عيني
بقيت أنتظر ردها ساكته حسيتها متردده
زهور شبيچ شو ساكته
ألوو؟
زهور وياج
بس مدري شكول
شسمه هذا!
َ شنو شسمه!
عود جهزي تميم عباس راح يجي يأخذه
أبوه يريد يشوفه
ليش حسين طلع من السجن
اي والله قبل فتره
الحمدلله سلامته
دقائق ويجهز تعالوا أخذوا عادي
ألطاف
ها عيني
ما ضجتي لأن ضمينا عليج هو طالع.
لا حبيبتي ليش أضوج
شيء خاص بيكم
المهم طلع بسلامه
فدوه لگلبج الطيب
تمام عباس بالطريق راح يوصل
ماشي عيني مع السلامه...
أنتهى الاتصال ورحت أدور عليَّ لگيته يلعب تعال ماما بيت جدوا يجون ياخذونكم أمشي نغير ملابسك.
تميم ياايي تعيش ماما
فرحان وليدي
تعال سبعِ
غيرتله ملابسه وعطرته ولبسته حذاءه وذهب تباوع اليه.
ذهب طالع وضامين عليج
ألطاف مو مهم
يلا ماما أمشي ودير بالك نفسك مو تسوي وكاحه صير عاقل ولا تعب بيت جدو.
ذهب حبوبه وصلي يم الباب عمه يجي يأخذه
وإذا طلع أبوه
اي عادي بعد احسن يفرح بشوفة أبوه
يلا طلعي خاف أجه عمه اني أروح أغسل
الملابس بالغساله قبل لا تطفئ الوطني
الطاف بيج شيء
ألطاف لا والله
شبيه قابل
أندك الباب أجوا أخذي وصلي يم الباب
ماشي عيني أنتِ
إن شاء الله ما بيج شيء
وداعتج عيونج الغاليه عندي ما بيه كلشي
تعال ابوسك ماما ما أوصيك صير عاقل وحَباب إوك ماما
أوك ماما حبيبتي
فدوه لطولك.
طلعت ذهب لازمه أيده وهو فرحان وصلته ورجعت دخلت الحمام أكمل غسل ملابس
سمعتها بالصاله صاحت
ذهب ولا عبالك هو صاير شضخمه
واللحيه عاليه والصدر شعرضه
قبل كان عصفور مهلس...
ھَہھَہھ
عصفور مهلس أنوب حلوه هاي
أني اروح أنشر ملابس وانتِ كملي خياط
علمود من تگعد زينه تاخذينها لممرضه تضربها ابره اليوم موعد ألابره مالتها خطيه انفلونزا دمرتها.
ماشي
بس ليش أنت ما تروحين بالعاده أنتِ تاخذينها
شعجب اليوم أدزيني.
عندي خياط ونمنم أنتِ ما تعرفينه
والنسوان ينتظرن عيب
هاا
ألطاف ً أي شبيچ
يلا أستعجلي ورانا شغل
لبست واخذت زينه تضربها أبره بقيت وحدي
جهزت الغده ونظفت البيت وصفنت بيني وبين روحي أي يا حسين حتى أنت حتى انت
لدرجه تطلع واني ما ادري والله يعلم من يمتى انت طالع. بس مهم ألطاف مو مهم عادي...
مر أسبوعين عيوني تناظر الباب انتظره ليش ما جابه ترة ما يصيرررر
ذهب أبوه طلع من السجن يريد يشوفه.
ويجوز يطلعله هويه شبيچ تأگلين بروحج
ألطاف ما أعرف بس إلى أعرفه أبني أريده
أندك الباب اكيد جابه طلعي أخذي منه
دخلت الصاله يم زينه جمعت العاب دخل هو يركض
بيده أيباد واكياس ملابس والعاب وبيده هويته
بطاقه وطنيه باوعت الاسم تميم حسين
بوستها الف الحمدلله ولج ذهب سجله والله
ذهب الف مبروك الله يدوم فرحتج
شفتي شلون طلعله هويه لابنه
اي الحمدلله
هاا ولك تعال سولف وين طلعت وشسويت.
رحت مدينه العاب وللمول والمطعم واشتريت أيباد وملابس ويوميه بليل ياخذني مراجيح بابا حلو يخبل بابا اني احبه
وهو هم يحبك
واني ما تحبني ما أشتاقيت اليه
رد وصدمني بردهُ...
ماما أريد أبقى يم بابا
أهناك يمه احلى منا
ألطاف باوعت لذهب وكلت يأخذوناا والله
ذهب تميم حبيبي روح ألعب يم اختك
تعالي شبيچ أنتِ كدام الطفل
أنتِ سمعتي شنو يگول
اكيد يگولج أريد ابقى يم بابا
أنتِ شفتي شلون فرحان ويوصف الج فرحته.
وين طالع وباعي الملابس والعاب طبعاً جاهل هو
ضربت رأسي
ما اعرف خايفه يأخذه من حضني
تذكرين كلام عمته من اتصلت
شنو كالت!
كالت نأخذه منج يا خوفي
مو هي كيفهم
أدري حسين شجاه شنو موقفه
وليش ما اتصل شصار عليَّ.
ما اعرف كلشي انلاص برأسي
ليش ما تحاولين تحجين وياه
وتفهمين منه افضل ما يضل كلام عمته يأكل برأسج
واحتمال وصل اله كلام عنج وقروا برأسه
يعني فروا دماغه ما تشوفينه ما أجه ولا وأتصل.
ما اعرف شغله تحير بس الحل الوحيد أتصلي عليَّ وافهمي منه هذن كلهن يحجن من كيفهن...
لازم أتصل زهور واطلب منها ادزلي رقمه
بقيت محتاره وأباوع رقم زهور ولا أتصلت.
ل ثاني يوم إتصلت زهور ردت أگول إلها رقمهُ
أستحيت،
زهور ولو زحمه عليج بس جهزيلنا تميم
عباس يمر يأخذه خوالي يمنا دزوا عليَّ
ألطاف لأ رحمه لحظات أجهزه
بس هم اخلي ملابس وياه قصدي يبات
اي والله يبات
أبوه طلب يبقى يمه
ماشي عيوني.
أنتهى الاتصال رحت جهزته ومر وقت واندك الباب
ذهب فدوه وصلي أهله اجوا ياخذونه
ذهب ماشي تعال
راحت اشوي ورجعت
هہو مو عمه
هاا
آلظآهہر يمهہم خطار يلا خل يروح يتونس يم اهله
وانتِ زينه تعالي نتونس وياج تمام ضحگت وطلعت
العاب وگعدنا نلعب سوا...
لليل ذهب راحت تسبح
وأني كاعده أخيط وصافنه رن تلفوني أكثر من مره رقم غريب تجاهلت أكيد عمته
وصلتني رساله فتحتها
كاتب: - جاوبي أني حسين
يمه الطاف كَلبي راح يوگف.
مو حسين خلقوم عسل مصفى
مذوب كَلبي وغراضه...