رواية الرمق الأخير للكاتبة شمس العراقية الفصل الثامن
الطاف
خل نمشي بالبيت نحجي!؟
مازن خطوه ما نمشي فاهمه قبل ما افهم منج
شنو تفهم رجعني لابوي وخلص رد بصيااااح
شنو هي كيفجججج زوواااااج هذا تريدين تفضحينا شجاج شنو صخمتي ويه الررررجال ويخابرني يكولي اخذ اختك وعلمها أصووول الكلام سديته منه واجيتچ ركض لان ادري بيج لسان وكل احترام ما عندج.
اظن احنا بالشارع امشي بالبيت وافهمك السالفه ولو تذبحوني ما اصيرله مرررره بعد فاااهم هذا اختيارك كمتووا تموتون لأن اشتغل وادرررس
ذهب لخاطر الله اخذيها من كدامي للسياره لا اذبحها كدام خلگ. الله تحرررركي أخذج الله فضحتينا ام لسان إم رأس اليابس
الطاف عفته وذهب لازمتني گوه اتماسك بالقوه احس صفرت طاقة أيديه يرجفون لازمت ايد ذهب بقوه
ذهب أبوج يفهم أكثر منه احجي إله كلشي أكيد يفهمج وما عليج منهم حقراء.
الطاف أن شاء الله اجه شغل السياره بخبال والطريق كله غلط عليه إلى يسمعه يكول هو عيشني واني من ماتت امي بالمتوسطه جنت وصرت خياطه وصلت روحي وكملت دراستي أگتم بگلبي واكول تهون...
ووصلنا البيت نزل قبلي فتح الباب چرنييي من ايدي بقوه يسحل بيه مثل حيوووانه عنده وذهب تتوسل بي
ذهب على بختك ولك هاي خيتك وهذاك غررريب أسمع منها بالاول
مازن شسمع منها لخاطر الله شسمممممع رجال ما يريدها بعد شتكوووول علينا الناس.
الطاف ركع الباب بوجهه اخذني لغرفه أبوي سحل شمرني يم رجليه واني احس ايديه تملخت
مازن استلم هاي ترتبيك هاي نتيجة الدلال الزايد من يووووم مااااتت امي وهي كله على مزاجها تروح دورات كيفها تروح يم ناس تتعلم خياطه كيفها تفتح مشغل كيفها تحف وتصخم بنات مكياجات كيفها واني ساكت! بس من اتطول لسانها ويه رجال غريب ويكولي أخذ اختك وعلمها ألاصول لااااا مو كيفهااااا فاهمينننن مو كيفهااااا.
حاتم أنت سمعت القصه كامله قبل لا تحكم
مازن يا حكمممم هذا شبيك يابه الرجال بعد ما يريدها حتى سيارات الزفه راحوا ما يريدهاا فضحتينا ولج
حاتم صووووتك ما يعلئ الطم خل أسمع اختك ولو متأكد اختك ما يطلع منها الغلط احجي بنيتي الحلوه
الطاف باوعت بنظره انتصار ل مازن وحجيت كلشي لابوي اخذني لحضنه ومازن ضرب ايده بالحايط تخبل طلع بالصاله يصيح جديتي تهدي بي رجع جاوبني أبوي بكلامه الحلو.
حاتم إلى ما يريد الستر هذا ما مستور
الطاف علمتني يابوي الستر واني بفوحه الورد
بهذاك اليوم رغم الكسر قويت بكلام أبوي وكفته وياي ما ضعفت ولا نقهرت عفته دخلت غرفتي وتسبحت ومازن كاعد يضرب رجله بالكاع لحد الليل هو على نفس گعدته
مازن هم فكرتي بالناس يل الفهيميه الواعيه الدارسه
الطاف كلام الناس عمره ما وگل خبز لا يقدم ولا يأخر أكثر من ما يهجم بيوت آخر همِ كلامهم
مازن لا يبوي أنتِ شنو يهمج.
الطاف رجعت لغرفتي بقيت كاعده تمنيت ذهب يمي وانام بحضنها اندگ الباب دخلت جديتي نومتني بحضنها
الحجيه أبداً لا تقهرين نفسج هو الخسرران النذل عبالنا خوش رجال طلع خرطي
أختيار مازن چده وثولي أني من وافقت عليه مثل العميه عبالك جنت امشي بأجرراءت الزواج بلا وعي
عوفج من الافكار ختولي
الراح راح ومرحبا بالچاي
فدوه ل كلامج يطيب الروح وجروحهاغفيت بأحضانها صوتها وهي تقرأ على رأسي...
الظهر يلا صحيت رأسي مصدع عيوني منتفخه لاحظت البارحة عيوني أبد ما رمشت ولا ذبت دمعه اتماسكِ الطاف الدنيا تحتاج قوه الضعف أول الطريق مو من صالحچ
لكيت مازن صافن باوعلي بحقد ودار نفسه ناحيه أبوي، جديتي ابتسمت اشرتلي اتغدا وياهم كعدت أكل عيونه عليه گوه تنبلع اللكمه گام يغسل أبوي جديتي تساعده رجع كالي
مازن فرحانه بروحج انتصرتي ومشيتي كلمتج عليه كسر عينج يالچكمه.
الطاف ما عاش ولا صار يكسرني هاي بدال ما توكف وياي لأن ما غلطت تصير ضدي
زواج مو لعب جهال وسوالف مزعطه مجتمعنا مجمتع شرقي الف النا وونه يخلون بيها هسه تلگين سيرتج على كل لسان شسويتي أنتِ
تموتوني ما ارجعله
هذا الكلام مو أنتِ تقررينه ولا كيفج الموضوع
لعد كيف منو! مازن اني اختك معقولة توكف ضدي
لأن غلطتي وغلطج جبير.
الطاف عافني وراح عفت الأكل رحت شفت التلفون اتصلت عليه ما يتحصل منطيني حظر النذل وين ورطت روحي مازن وفيصل اثنينهم نفس العقليه
يمر الوقت علئ گلبي مثل الچبل مازن بعد ما بين حل الليل هو ماكو بس لا راح إله عزه يرخصني كدامه إذا سواها شغل عقل يخوي شغل عقلك.
رأسي صدع من الأفكار واني افتر وأبوي دايخ وياي يكولي تهون بس يدري بيها صعبه ويخاف يفلت الموقف من ايده لأن مازن هالفتره فارض نفسه وصاير كلامه ماله اعتبار مع الأسف والله...
اجتني ذهب تهونها عليه بس ادري بيها راح تلاص عليه خايفه يغدر بيه اخوية
ذهب لا ما يسويها عمره الاظفر ما يطلع من اللحم اخيج هذا احتمال مقهور عوفي هسه يهدأ ويعرف روحه غلط بحقج ونخلص من هذاك الحقير يتسمى رجلج من يومه گلبي ما ارتاحله.
الطاف أتمنى أتمنى يحجون بينهم أني بالي مو يم أحد بالي لا اخوي يكسرني وتصير الكسره كسرتين وينتصر عليه بحقارته ونذالته
راحت ذهب بس بالها يمي بقيت بغرفتي وقفلت الباب عليه لثاني يوم بدلت ملابسي اروح للجامعه أحسن ما ابقى اختنك اهنا التهي بدراستي توني ردت اطلع صار بوجهي مازن
مازن خطوه تخطين أكسرها لرجلج فاهمه رجعي انكبري بغرفتج.
الطاف ما جاوبته فعلاً رجعت بقيت كاعده واتصفن بالحياطين عيوني صارت بصورة امي باوعت عيونها صغار طيبه تشبه امي تذكرتها نغزني گلبي كتمت وكلت تهوووون ماكو حال يبقى على حاله
مرور أسبوع
الطاف مر هالاسبوع ومازن يدخل يسمعني كلمه ويطلع يسسممني بكلمه وعلى هل المنوال حاله صمت بالبيت والموضوع ما انفتح لان مازن نار صاير وابوي ساكت خايفه يضعف موقفه واصفى بلا سند.
كملت الغده غسلت الحوش رجعت أحضر مواعين علمود من يجي مازن اصب الغده انفتح الباب دخل عمي حازم استغربت ايباه من شوكت ما شايفته گبل الاستقبال ولا أدخل ولا اسلم عليه انوب يبقى يحجي ويعلق يأكل رأسي ابقى بالمطبخ أحسن شي
الجحيه تعالي يمه اجه عمج سلمي عليه
الطاف لا جده خليني
الحجيه كيفج يمه
الطاف أخذت الچاي وراحت صار الكلام بينهم رحت اتسمع لان كتلني الفضول.
حازم خيي سمعت حالتك الصحيه تعبانه من وره سالفه الطاف تهون أبو مازن لا تشيل هم اهم شي عدنا صحتك
حاتم سالفه تكسر الظهر الغلط مو بنتي لأن أعرفها ما تغلط الغلط منه والقهرني مازن واكف وياه
مازن يابه الرجال اشلون يكدر يتحمل مره تمشي كلمتها عليه أني ما اراضها ترى حقه واختي هم ما تنجرع.
حازم أني ما يهمني غير عافيتك يا خوي تعال ويانا للعرب تغير جوا اهناك وترتاح تبقالك أيام وهم لما تنحل السالفه شوكت ما يضوچ خلگ أجيبك
الطاف ايبااااه شكد حنين انهجم بيتك مدري ليش ما مرتاحة لسوالفك يبعد عمامي وجذباتهم
مازن أي يابه روح ارتاح كم يوم واني هم اروح وياك شتكول وهذا الموضوع لا تشيل همه محلول أن شاء الله
حاتم لان خلوني بنتي بحاجتي ما اعوفها خل تفض سالفتها ويه هل الحقير هذا عود الله كريم.
الطاف كعدوا يقنعون بي وهو ما يقبل تالي عفتهم ورجعت المطبخ يا خوفي يرجعوني اله بس خوما بالغصب مازن بتخبل رسمي اذا رجعني إله عزه أموت روحي غير...
مر وقت وتأخروا باوعت من الشباك لأن سمعت صوت عمي يحجي ويه أبوي يكوله هلا بيك اخليك على رأسي عرفت قنعه رجعت ركض للصاله لكيته بغرفته يبدل ملابسه اختنكت حتى النفس ضاگ عليه باوعتله بحزن وجاوبته شنو يابه تروح.
حاتم أي بنيتي عمج لح عليه وما كدرت اكوله لا ما أطول عليج يروح أبوج اشوف عمامج وجهالهم واجي
الطاف غصه بصدري نفس غصه امي من ماتت حسيت ماخذين روحي مو ماخذين أبوي بوست ايده فدوه لا تروح وتخليني.
ابقى يمنا بابا مازن خاف يرجعني إله لا تروح هسه فدوه دخل مازن بصيااااح
مازن شنو تحجين أنتِ عيب عليج امشي اطلعي خل يبدل ملابسه تأخر صايره حنينه امشي.
الطاف طلعني من يمه جديتي واكفه ويه عمي تسأل عن عيالهم بقيت بالمطبخ ماخذين روحي ناوين على نيه گشره
طلع أبوي عيونه بحزن عليه أخذ روحي وياه حتى جديتي ضاجت وما ارتاحت لهاي الروحه وذهب ما شفتها إلى سمعته من جديتي وحده من البنات متخربطه ماخذتها مستشفى ردت اروح بس رجليه ما تعين...
لليل تقريباً بالتسعه اجه مازن وعمي وياه جنت كاعده أني وجديتي بالصااله على التلفزيون صاح بيه عمي
حازم كومي جهزي نفسج يلاا.
جاوبته بالاستغراب: - ليش
مازن لرجلج وكلمه وحده ما أريد وسالفه الطلاگ تنسيها فاهممممه
حازم ما عدنا مره تتطلگ وانتِ غلطانه بحقه امشي بويا ورانا طريق واريد ارجع العرب
الطاف توني ردت احجي مازن سد حلگي اخذني الغرفة طلع ملابسي ويشمر عليه
مازن ولا نفس جهزي نفسج فضحتينا شنو من عين عينج.
الطاف فضحتك ليش شسويت أني بس كولي شسويت لأن ردت الستر. ولك خويا البنت محد يعزها ويرفع شأنها غير اهلها اخوها حزام ظهرها مو سجينه خاصرتها لا تظلمني وترجعني اله أنت تذلني مو تصونِ والله تذلني
مازن ما إلى خلگ قال وقلت وليش وليش بلا لغوه دقائق بالسيارة
الطاف عصرت الثوب قوي اتفقتوا عليه على مرأه مكسورة جناح ما إلى سند اخذتوا أبوي مني علمود تنفذون إلى براسگم بحجه كلام الناس ما يرحم.
طلعت بصايتي ودعت جديتي عيونها تصب دم عليه هم ما بيدها شئ صوتها مبحوح من كثر ما حاجيه وباچيه مشيت وراهم وطلعنا لبيته الصمت سيد المكان...
وصلنا البيت طلع هو لابس دشداشة كاشخ استقبلهم واني بقيت بالسيارة وهما واكفين وياه اجه مازن
مازن يلا نزلي خيتي
الطاف خيتك أنت اخ الأخ ما يشمر اخته هالشمره.
مازن الراح راح وانسي والناس خوش ناس ولد ذهب لا تطولين لسانج عليه ما نريد فضايح صيري عاقله الطاااف مو تنهزمين وتصخمين وجهوناااا
الطاف أني ما ترتبيت اسوي شئ مو زين لتخاف أبوي علمني الصح من الخطأ مثل ما علمك يا اخوية يا حزززام ظهري، ما جاوبني بس نزل رأسه وفتح الباب إليه نزلت ورمقني بنظره انتصار شكثر كرهت نفسي وحقدت عليه أريد اشرب من دمه ما ارتاح.
حازم يلا ابني ما اوصيك على الغاليه بعد والله يسعدكم أن شاء الله آخر المشاكل وتصير عادي مو هيج يبعد عمج
الطاف درت نفسي ما جاوبته
فيصل بعيني كل الهلا بيكم على رأسي والله
الطاف اكلهم وشربهم بجذبه ولسانه عاد ترخصوا ومشوا طلعت سيارتهم عيون مازن عليه صحيح رخصني وجابني بيده بس يبقى من ريحه هلي اختنكت ردت اركض وراه قفل باب الحوش واجه واني واكفه عتبةً الحديقة يم الطابوگات يفر بسبحته مشه كدامي رجع اندار عليه.
فيصل امشي وراي تبقين واكفه
الطاف هسه ارتاحيت بنظرك أنت انتصرت
فيصل مو اهنا نصخم ونحجي امشي بالغرفه بيچ خير وعليَّ صوتج غضب الله على صوتج
الطاف مشيت وراه الاضويه البيت خافته الغرفه چانت فوك شكد أكره غرفه فوك صعدت وراه سمعت صوت طفل هو رأساً باوعلي ما اهتميت احتمال أبن أخته الارمله فتح الباب دخلت وغمضت عيوني وهو كعد حسيته عصبي لأن يفرك بالسبحه بقوه ويعصر بيها.
فيصل رأسج اليابس وعنادج وين وصلنا خرب علينا أجمل ليالي العمر
الطاف أنت السبب كبرت الموقف
ما صارت تمشي كلمتها عليه ردت اطلگ بس احبج واعرف اهلج خوش ناس وقبلت ترجعين
لا والله رد بصيااااح
الله أخذج شوفي وسمعي زين الطاااف طبعج الحاد وكلامج الجاف تبطلينه اني مو جاهل كدامج اتطلعين قواج عليه ابتلي بيج خليني مطول خلگ عليج لأن احبج...
واني ما احبك إلى سويته بيه يخليني طول العمر اكرهك فاااهم اكرهك.
بالجهنم لعد انكبري وحدج اني طالع خل عنادج يفيدج سويتلج قيمه وقبلت ترجعين طلعتي مو ادمي حيوووان
الطاف طلع وركع الباب وراه بس شاطرين ركع البيبان باوعت الغرفة فارغة طرگ الجرجف لا ورده ولا زينه ولا عبالك غرفه عريس فاهيه!
فتحت الكنتور بس سلاباته تذكرت ملابسي ضلن بالبيت بقيت بصايتي باوعت الساعة 1. 3
وين انام خوماا على الجربايه أموت ما اخلي يتقربلي أني اعلمه أبو رأس أبو كرش.
الغرفة فارغة ما بيها فراش بقيت كاعده تالي متت نعس تمددت عالجربايه وغفيت، نص الليل تقريباً حسيت أحد يغطيني عرفته هو اشوي خف الصوت رفعت رأسي ما موجود زين وله باوعت الساعه 3: عزه وين جان هذا بهالليل تالي رجعت كملت نومتي
صباحاً: -
كعدت على صوت التلفون كمت نعسانه فتحت الجنطه اغمض وافتح المتصل ذهبتي سوده عليه ولا سألت عليهن جاوبتها هلأ بهلي كلهم.
ذهب رايحه بنيتي واني ما عندي خبر اخذوج غصب إله إلى ما يتسمى الحقير
الطاف تمنيتج موجوده تخلصيني منهم ما بيدي شئ رجعت والغرفه توحش ولچ كلشي بيها يخنگ مدري شلون نمت بيها
الله يساعدج عيني انتي وهذاك وين مولي نامت عليه طابوگه أبو رأس المصلبخ
ما شفته ذهب شايله هم شلون اتأقلم ويه الوضع وياه هو كسرني بليله عرسي حتى ما فرحت مثل البنات عبالك فصليه انوب القهر البيت فارغ مدري نايمات.
لتخافين أنتِ قوية بس خوفج منهن هسه كل وحده طلع لسانها عليج وتصير مفتي براسج والمره والمره يسون الرجال ماكو منه عوذه خوفتهن
سمعت صوت خطواته يصعد الدرجيلا ذهب لازم اروح اجه ما بيه حيل يعيط خبل هذا يجي بالي اسطره براچدي انومه أسبوع
اسطري ولج واني وياجيلا خيه روحي لا تنسطرين ديري بالچ على نفسج حبوبتي
تمام حبيبتي أنتِ دخل هو شاف تلفون بيدي كعد عالجربايه تمدد.
فيصل عود نزلي سويلنا لكمه نأكلها البيت ما بي احد!؟
الطاف ليش وين رايحات!؟
بيت خالاتي عازمتهن عزمتني بس أني رفضت وجهونا مو وجه عزيمه فشلتينا خفت وجهج واني ما إلى خلگ سوالف واسئله ليش وليش
أني شعليه كله منك ما جاوبني صدك عبالك ضعفان
من قهرج
طبعاً توقعت تكولهاا
ً أي والله سلكتيني سلگ من القهر
تستاهل والله أني ولا قهرت روحي عليمن منو يستاهل اقهر روحي علموده.
شكد عرمه ايباااه شلون بيج گتله معدله بس گلبي ما ينطيني يحبج ينعل شريانه
نهض خفت يتقرب إليه بس همزين راح ناحيه الباب رجع باوع لملابسي
ذكريني العصر اروح اجيب ملابسج خوماا تبقين بالصايه عبالك عجوز انوب الوجه يلطم يالله
لعد شتريد
سلامتج بس فگي لسانج هل المكروه عني احنا بخير.
الطاف نزل بقيت كاعده رتبت الفراش أخذت نفس ماكو خلاص لازم اتأقلم ويه الوضع وياه عدلت شالي نزلت وراه غسلت وجهي توضيت وصليت لكيت سمجه متبله بس اشوي جامده انتظرتها تموع هو اجه طلع شوايه خلها بالتنور استيل بالحوش احم أنت تشويها
فيصل أي بس جهزي المقبلات لا تسوين سلطه ما أحبها وطلعي الخبز من المجمده
الطاف ماشي جهزت كلشي وراها جاب السمجه طعمها رهيب جنت جوعانه صدك أگلت هو أگل اشوي شنو مسوي ريجيم
فيصل أي.
الطاف المن عشتوا
لنفسي الطاف طريقه كلامج بيها نتر غيرها رجاءاً
ما جاوبته راح يغسل كملت سويت الجاي أخذ الكوب صعد الغرفة اني نظفت المطبخ وسخ حيل مطبخنا يلج من النظافة هذا هوسه حتى مواعينه ما استنظفت أبداً واكلت السمجه لأن هو سواها وبالتنور
نظفت الفوك الفوك يرادله تنظيف مالي خلگ غسلت وصعدت لكيته نايم بقيت كاعده وحدي الغرفه تخنگ
فيصل تمددي بصفي لتخافين ما اتقربلج.
الطاف ما جاوبتهنمت بصفه بس على الحافه هو تقرب لازگ ظهره بظهري بقينا ساكتين
فيصل علمود ترجع المحنه
الطاف هم ما جاوبتهما حسيت روحي الا غافيه
للمغرب كعدت على دگه الباب بقوه كمت هو جان ما موجود أي أي اجيت فتحت الباب عمتي!
مديحه هلأ بالعروسه ما بالج تنزلين نشوف طولج تبقين دافنه نفسج باالغرفه
الطاف هلأ عمه اخذتني النومه ما أدري هسه انزل وياج ولا يهمج
مديحه أي نزلي علمود تتعلمين على أجواء البيت.
الطاف بگلبي هي اجواءكم كلها تخنگ بس شسوي أتحملنزلت وياها لكيت حياة تسوي عشه وكفت ساعدتها واغسل مواعين على ايدها دخل هو بيده مسواك رحت أخذت من ايده وابتسم بوجهي
فيصل شحلات طولج بالبيت
الطاف ما جاوبته سلم على أمه وسأل على العشه وعلى أخته الثانيه مدري وين موليه
مديحه أيام وتجي عود أنت ارتاح
الطاف عفتهم يحجون واني وحياه صبينا العشه عدها بنت ما شاء الله بنتج حلوه جاوبتني بس بغصه
حياة أي على أبوها.
الطاف الله يخليها الچ رحت غسلت وكعدنا نأكل عيون أمه علينا وحياة تهز براسها لامها عرفت سالفتهن يردنا ياخذني يا سالفه تلعب النفس كملت قبلهم رحت اغسل المواعين نظفت المطبخ تنظيف عميق علمود أطول بلكي ينام عاد حياة اجت
حياة إلى متى تبقين تتهربين ترى ما يصعب عليهم شئ بالرضا بالاجبار ياخذون حقهم لا تحاولين أول تالي ياخذج وانتِ مريته بعد.
الطاف ما جاوبتهاا خطيه اجت ساعدتني عرفت بيه منظفه تنظيف كامل رفعت ايدها وتندعي
حياة الله يسعدج
الطاف خلصت عفتها تسوي حليب لبنتها رغم كبيرة ما شاء الله شكلها ثاني ابتدائي هيج شئ هو من شافني صعد قبلي عاد اني مشيت وراه لكيت الجنط مالتيشوكت جبتهن ما شفتهن من اجيت
فيصل جانن بالسياره هسه صعدتهن
الطاف أخذت ملابس ومنشفه باوعتله الحمام وين
فيصل جوا عدنا فوك بس ما مسوي الماي مالته.
الطاف ماشينزلت صارن گبالي تجاهلتهن دخلت الحمام لان الريحه اكلتني مالت السمچ انوب نظفت المطبخ تنظيف عميق كشخت روحي واني ما متعلمه هيج دخلت وقفلت الباب وراي.
طلعت ما لكيت أحد همزين ركض صعدت فوك جان متمدد من شافني ابتسم بقه مركز على رقبتي لأن لافه المنشفه حوال شعري توني ردت افتح الجنطه ادور مشط امشط شعري هو عاف تلفونه نهض من الجربايه خفت گلبي دكاته تسارعت تقرب قفل الباب وقربني اله ويمسح على ظهري بخفه جاوبته لا تتقرب حباب
فيصل أنتِ حلالِ ما أكدر اصبر بعد أريد اكسر الحاجز بينا وابعد الزعل ونبدي حياتنا رخي نفسج والباقي عليه...
الطاف غمضت عيوني تمنيت اختفي بهذيج اللحظه حتى ما حسيت بأي شعور فقط شعور الوجع كتمت الألم ب داخلي رغم جان حنين وياي وهادئ أخذ روحي بهل الليله ابتعد مني واني لافه نفسي اشوي وبعد لحاف وحضني ما عافني همس بصوت شبه مسموع وطبع قبله
فيصل مبروك صرتي مريتي.
الطاف ماكو أي شعور بداخلي فقط حسيت بالذل غمضت عيوني أبعد كلشي جنت أفضل الهروب من الافكار لنص الليل أني ما نايمه بس هو غافي بنص رقبتي كل ما يتحرك يطبع قبله ويزيد تمسگه بالحضن حاولت أفلت نفسي منه دارني عليه وهمس
فيصل اريدج.
الطاف ما بادرت ولا أي شعور وهو مستمتع واصلا عادي عنده أني ما متقبلته بس المهم يشاركني روحه ويضمني لصدره بقوه احس عظامي تملخت بين ايديه لان ايديه خشنات ما حل الصبح إلا طلعت روحي متت نعس بس ما يخليني انام
فيصل نامي اذا نعسانه
الطاف ما جاوبته مستحيه منه حتى ولا باوعت بوجهه انطيته ظهري ونمت
صباحاً: -.
كعدت لكيته سابح وينشف بشعره كمت لملمت الهوسة وغيرت الجراجف ورتبت ملابسي فرغتهن من الجنط شفت ملابس الجامعه كلت أسأله خاف ما يقبل أكمل دراستي...
اردفت: - فيصل
فيصل هااا عيني
الطاف علمود دراستي خوما ما تخليني أكملها!؟
رفع رأسه بقه صافن بشكلي ويتمعن بيه رجعت گلتله هااا!؟
فيصل.