رواية الرمق الأخير للكاتبة شمس العراقية الفصل الثامن والثلاثون
أتزوج
كولي غيرها يمعوده
أموت وما أتزوج بعد
كافي عليَّ الشفته من زواجي إلاول
روحي لامي وأفهمي منها
أني ما إلى شغل
نفضت نفسي بقهر عدلت شالي
تميم يبچي وزينه لزمت ثوبي يربي
خلص خليهم يمي
عفتهم يبچون وراي
دورت عليها ماكو وين وليتي
صار بوجهي مازن
مازن شعندج تفترين دوريه عندج
مثل العسكري
صدك إلى سمعته
شنو سمعتي
أتزوج
أي صدك وغصب عنج توافقين
مو غصب
مستحيل أتزوج لو تگطعوني وصل.
غير كلام ما عندي فهم عمامك زين زواج ما أتزوج خلص فگوا عني خلوني أربي جهالي
مشيت عتني من أيدي حسيتها أنخلعت
توافقين ورجلج فوق رأسج
جهالج كلمن يرجع لاهله
ما مستعدين نربي جهال الغرب
والله خوش فاتحين روضه إحنا
إنتوا السبب بكل الصار
لا والله
سألي حضرتج شنو صخمتي ويه التميمي
التميمي يشرفك تاج رأسك ورأس عمامك
هذا لان شريف ما تردونه ولا تردون نسبه
أنضربت كف أذني صوفرت
خلي يفيدج
بس تحلمين ترجعين اله.
لو مو يتوسط لو يجيب الوزير بنفسه ما أوافق
حسبي الله ونعم الوكيل بيك
أشوف بيك يوم أنتَ وفيصل النذل
رجعت لغرفتي إنتظره يروح علمود أروح بيت عمي خلف أحجي ويه أبوي بلكي أله كلمه
رابحه ليش ما توافقين وتخلصين من ظلمهم
من بعد أبو تميم ما يحلالي زلمه
ما ينطوج اله لو تنطبق السما الأرض
واهله رافضين النسب مالتنا مو بس إحنا
الناس صارت تمشي بالمگلوب إلنا الله
رابحه روحي جيبلي عباء رأس.
رابحه وين تروحين هي الگعده بيت عمي خلف
وأمي دزتني عليج لان النسوان يردن يجن لهنا
يشوفنج
لأ إله ألا الله
روحي جيبلي عباء بسرعه رحمه ل أهلج
بقيت إنتظره باوعت البيت فارغ شسوين ألطاف
أشرد أني وجهالي انوب أتصخم جابتها لبستها وطلعت وصلت البيت بعد مسافه سيارات هواي
دخلت من باب الصغير المطبخ صارت بوجهي منار
منار شتسوين جيتي ولج
شطلعج من البيت
أبوي وينه فدوه
بالغرفه هسه أنطيته علاجاته
ليش شنو تردين منه.
عفتها دخلت البيت گبالي غرفه مفتوحه
نايم ع السرير عيونه بالسقف قفلت الباب وراي والتفت حس بوجودي غمضت عيوني گعدت يم رجليه يابه ساعدني ما أريد أتزوج فدوه أحجي
حاتم تزوجي وأخلصي من ظلم أخوج
ماأريد بابا
خلوني اربي جهالي لا تحرموني منهم
والله ما شابعه منهم وإلمن أخليهم
زينه إبوها شمرها وأختفى وأنتوا ما تعترفون بيها وعمامي يگرهونها ويحجون عليها إلمن أعوفها نثيه شنو ذنبها...
إلج الله.
وأنت شنو موقفك وين هيبتك ولسانك
راحن من زمان راحن وياجن
كسرتن ظهري وگلبي ما حافظت أمانه أمجن
كانت تكولي خايفه بناتي من بعدي لأن عمامهن ظلام وأنت موقفك ضعيف وياهم وهسه تحقق كلامها...
َ يعني ماكو أمل
هز رأسه وبرطم
دنگت بسته من عيونه
تبقى الغالي حتى لو ما وقفت وياي تبقى والدي
بس أدعيلي أرتاح...
طلعت من يمه رجعت البيت صارت رابحه بيدها تلفون باوعت المتصل زهور دخلت الغرفه أريد أتصل وسمعت صوت النسوان الظاهر إجن.
دخلت نوريه وسالمه يباعون اليه
نوريه شو ما جهزتي أجاج عريس
ما أتزوج
مو هي كيفج
يلا تحركي يردن يشوفنج
ما أتجهز ومن مكاني ما أتحرك
سالمه صدك مو وجه نعمه زين اجاج احد ودك
بابج وأنتِ مصخمه ملطمه
نوريه جهزيها وتعالي كاعدات ينتظرن عيب
ألطاف أريد وحده تگرب صوبي بالله الم عليكم خلق الله كلها فگوا عني وفهمي النسوان ما أتزوج...
نوريه يصير خير يا ألطاف
يرحون وإلنا كلام ثاني وياج
عمامج هو يعرفون شغلهم...
ألطاف بقيت بوحدي وما شفت أحد منهم
رابحه أجت عرفت دزوا عليَّ شلون ورطه
رابحه يردونج عمامي دزوني عليج
ألطاف ديري بالچ عليهم
طلعت كلهم كاعدين ومازن يدخن عيونه عليَّ
حازم تعالي كعدي نفهم منج ليش رافضه
الله ياخذج بس
ألطاف إنتوا عندكم بنات
وتخافون عليهم مو صح
حازم صح
طيب ما تخافون حوبتي دمر بناتكم
ضحكوا ككلامي ومازن يهز بيده
خلف شو تحجين بكل ثقه
ولج أنتِ شخليتي بناتنا
خليتي رؤوسنا بالطين
وإلج عين ولسان ترفضين.
أصلاً إحنا ليش جاين نحجي وياج
حازم هم صدك رد الخبر ل الزلمه خل يچي يگعبها ويأخذها ما نريد كلشي، وبلغ هذا التميمي
يجي يأخذ إبنه وأنت مازن أذا عندك تواصل ويه فيصل خل يجي يأخذ بنته...
ألطاف مستحيل أتزوج
وهذا الشيء بالحلم يصيرررر
صرخت حررررام عليكم ما كافي فيصل ما خله حالي حال باعنيييي لناس واغتصبوني ودخلوني ملاهي وفوق هذا كله مصدگينه.
گام مازن صم حلگي لأن صوتي عالي عضيته.
ورجعت احجي وفوق هذا كله تحجون التميمي الستر عليَّ ونقذني أني مظلووووومه
حازم سكتهاااا لو اخلي طلقه برأسك ورأسك الله يسود وجوهكم ويأخذكم
ألطاف حسبي الله ونعم الوكيل بيگم
والله نيته شريفه وياي والله هو نقذني والله فيصل بااااااعنيييي باعنييييي يا ناس فهموني
أخذوني سحل للغرفه والكل يباوعون اليه واني اصرررخ أريدهم يصحون تخبلت بهذاك اليوم
إنهاريت وطلعت كل الكلام مخزززن بصدري.
مازن تسكتين لو بهالحظه أخذهم وبالحلم
تشوفين واحد منهم باعيهم زين تشوفينه شلون يباوعلج ويبجي أحرمج منه ومن شوفته...
ألطاف كمت اضرب صدره بقوه واحجي بقهر باب الغرفه وهو يدفع بيه يريد يدخلني الغرفه
يااا ظالم حقيررر نذل وعاااار ولك انت متفق ويه فيصل وبعت اختك انت بعتني باعوا هذا شريك البيعه افهومنييي اني اغتصبونييي ولعبوا فلك رقصوووني بالملاهيي غصب باعني لناس وشرد.
حازم جيب السلاح افرغه برأسهآ ونغسل هذا العار لمت علينا العرب بصوتها العرمه
خلففففف جيب السلاح بسرررررعه
ألطاف الدم يجري من خشمي وحلكي من كثر الضرب الشفته من مازن وعمي حازم سحلوني للغرفه وجهالي يباعون اليه ويصرخون وتميم طگ
خلف خابروا أبوه يجي يأخذه
الطاف دفعتهم بااخر قوه بجسمي شمرت نفسي عليهم لميتهم بحضني وتميم يعت بثوبي ويصرخ.
صررخت ما أنطيهم ألكم وما أتزوج خلووهم بحضني، دنك عمي حازم رفعني من الكاع وخله السلاح برأسي كدام أطفالي وهما لازگين بيه ويصرخون...
حازم توافقين وغصب عنج نطمم العار إلى جبتي إلنا ننطيج ونأخذ أخته لاخوج
ولج عار اخوج محد ينطي مره
كلمه ثانيه منج ما أريد هذا الزواج تم
وباجر يجي يعقد عليج فاااااهمه
جهالي عمي فدوه أرحم حالي
ما يربي جهال الغرب
يرجعون لاهلهم
فدوه عمي
عمه العماج ولج بنات عمامج اثنين اليوم زلمهن.
طلگوهن من وره سالفتج والج عين ترفضين
ياصخام الوجه تاليتنا تجينا سمعه بنت ملاهي ومنهزمه ويه عشيقها يا صخام الوجه.
ألطاف طلعوا وقفلوا الباب عليَّ
بقيت صافنه عليهم حضنتهم وناموا من كثر ما صرخوا وتعبوا نمت بصفهم وصوتي أختفي حسيت طعم دم بحلكي كمت أكح دم صدري أنجرح من صرااخي عليهم...
مر يومين بس رابحه تجيب أكل أطعم بيهم وتغسل إلهم واني بس صافنه أباوع الحياطين.
دخل مازن رمقني بنظره بدون كلام عتني من الكاع واخذني سحل وجهال يبجون وراي
مازن رابحه سگتيهمممم
ألطاف وگفني يم باب المضيف عاتني من شعري
والشيخ يحجي وأني مثل الذبيحه بيده
الشيخ سمعيني صوتج بنتي موافقه
مازن كولي نعم
ألطاف شيخنا أني مظلومه ومجبوره هالزواج
صم حلگي مازن وشمرنا بالكاع وسمعت الشيخ
الشيخ شنو هذا الكلام تجبرون البنت ما تخافون من الله، هذا الزواج ما يتم
حازم شيخنا صار سؤء تفاهم ينحل أن شاء الله.
الطاف عفتهم وركضت رجعت الغرفه وقفلتها نفسي تميم يبجي كمت نومته وطلعت حلويات لزينه كعدت تأكل وتباوع إليه، شسوه بيه أبوج شسوه...
مر أسبوك
الاوضاع هادئه نوريه راحت تجهزلي هي ومرت عمي خلف فرحانات يخلصن منِ ومن عاري
عقد سَيد كل ما يجون أسوي الهم عيطه ومشگله
ويخلون ويرحون وعمي كال عوفها قبل لا يأخذها
يعقد عليها غمضت عيوني تمنيت أرجع الزمن وأسمع كلامه وما رجعت إلهم بس بنتي كسرت ظهري...
رن التلفون رقم غريب ما جاوبته رن أكثر من مره خليته صامت ما عندي طاقه أحجي حرف واحد
رجعت زهور إتصلت جاوبتها هاا زهور
زهور تزوجتي ولج
ألطاف لا بعدني ما عقدت بس مصرين يزوجوني
زهور غصبوج مو
أي والله بس مستحيل أتزوج
زهور أنتِ فاهمتني مو
زهور موتوني والله صوتي راح محد يسمعني
والله جاي أموت تندمت حيل لان رجعت
أهدئي أهدئي يمعوده
الله كريم شتسوين قسمتج هيج
لا تبجين فدوه الطاف لا تبجين
زهور روحي صارت مثل الرماد.
مشكله محد فاهمني عبالهم بيدي
والله ظلام ما إلى كلمه وياهم
لحد الان أنازع وياهم وما أريد أتزوج
حسبي الله ونعم الوكيل
ألطاف حسين يريد يحجي وياج
خابرني كالي دزيلي رقمها دزيته اله
أتصل عليج مو
وما جاوبتي
هذا هو إلى إتصل
أي هو جاوبي
ترى خبصني كل أشوي يتصل هو بالدوام
زهور ما إلى وجه أحجي وياه
خاف يحجي عليَّ فدوه فهمي أنتِ
شحجي وياه خيه هو متخبل وگاعد من سمع تزوجتي. وحتى وصل خبر انت عاقده سَيد.
لا كذب لحد الان ما عاقده
َ ما أعرف والله
هو خابرني يصيح ثولني ليش ما تجاوب
وهسه أحجييي وياج وهو يتصل زوجي
روحي جاوبي فدوه
خايفه منه ولج ما أكدر
لازم تحجين وياه وتسمعينه تحملي
تحملتي كلشي ما تتحملين هل كم كلمه منه
والله يساعدج ويكون بعونج شبيدنا عليكم...
ألطاف أنتهى الاتصال رجع أتصل بس أباوع الرقم وأيدي ترجف يربي ساعدنييي شحجي وياه
دزلي رساله كاتب (جاوبيني حيوووان)
أتصل وجاوبته: - أخذت نفس أجاني صوته.
حسين أنتِ الى متىىى تبقييين بهالشخصيه
ليشششس ما رفضتيي ليش راضخه إلهم
ألطاف ما جاوبته
تبقين ساكته مو
تبقين هيج كلمه تمشيج وكلمه ترجعج
تبقين رعنه وثوله
أنت سمحتي لناس تستغلج وأدمرج
أنتِ دمرتي نفسج بيدج ما خليتي شخصيه لنفسج
كنتي بالملاهي عذرتج كلت مجبوره وناس ما يخافون الله وكلشي عدهم مباح وجبروج وأستسلمي للامر الواقع وكلت ميخالف خطييه
ليششش هسه شبيچ مو يم اهلجججج
أهلججج جنتي تزامطين بيهم كدامييي.
اهلي واهلي هسه شجاج هم مجبوره
ما تحجين حضرتج لسانج انبلعععع.
كلام سهل بس الفعل مو سهل
ليش مو سهل
شنووو الصعببب بس كوليلي
الصعب إحنا نصعبه أنتِ مصعبه كلشي
والله يجبرون بيه ولا تصدق اني لحد الان ما عاقده
أنتَ ما تدري بالصار وياي
كذابه أنتِ فلفتي الزواج
كمتي تموتين إذا ما تزوجين
طلگج حسين ما تصبرين لازم تجددين
أحجي شگد ما تريد
أي أحجي وغصب عنج تسمعيني وللاخير
واياج تقطعين الخط أقطع رأسج المتبن
تمون.
ولج أحجييي عليج من قهررري من ضيمي من نار گلبي حبيتج تعرفين شنو يعني حبيتج يعني أدمتنج يعني أتنفسج اعشقج أشهگج يالثوله أشهگج...
من يوم طلگتج ما صافي ألي بال وجاي أتوسط.
يم شيخ عشيرتنا يردج إلى وأقنع باابوي يمشي وياي هذا كله لان أحب وحده مثلج كل قدر لنفسها ما مخليه سمحتي لناس تأذيج وتحطمج ودمرج وتجبرج ليششش مو عندج لسان الله ليش خله عقل وقلب جان خله واحد بس لأن يعرف ما يدبر اموره أذا ما يشغل عقله وانتِ عقلج متبن منطيته أسقاله ومتقاعد حضرته...
أنساني حسين
سهله مو
لا والله بس شسوي
شسويتي لگلبي وهيج حبج وانعمى بيج
أختنگت حيل كمت أبجي
أي أبجي انييي ناقص قهر.
الله لا يوفقج بزواجج الله لا يوفقج
أمين
إن شاء الله أموت واريح الناس منِ
ياريت ميته ولا متزوجه ياريت
وأن شاء الله زواجج يخرب وزوجج الشايب يصير بي گنگري ومرض بيج وما تكومين منه
أمين
شلون بيه وأنتِ مالتي
ما يحلالي زلمه من بعدك ابو تميم
انجبي زين لو لا
انجبي رعنه
أي
وجعي التوجعج
عبالج أخذ تميم وتتونسين أنتِ وياه
اخلي يمج وغصب عنج وين ما تروحين تأخذينه
فاهممممه كولييي أي
حسين أسفه كل قهر سببته إلك.
حسين ما عرفتي قيمته وفرطتي بي وبحبه
أنسيني وأنسي بيوم مريت بحياتج
الله لا يوفقج بحياتج وزواجج كولي أمين
أمين
طاح حظ الوگت جمعني بيج
ألطاف. حسين والله ما اتزوج حسين لا تروح
حسين حسين
أنقطع الخط وگع التلفون من أيدي
وبجيت ألا عجزت دزيتله رساله ياريت أدفع عمري گله وأشتري لحظه من لحظات العشتها وياك روح ربي يسعدك، دزلي راحت روحج كون
دزيتله أمين يكولي خطا الارسال حظرني
مرور أسبوك.
طول هالاسبوك المر بقيت هادئه أحس مربطه أيديه يمتى تنهضين ألطاف وتنفضين غبار السنين
أباوع لجهالي شسوين ألطاف وين تودين جهالج ومنو إلهم
ومنو يلفيهم كافي بنتج حالتها سأءت من ورى إلى تشوفه وبعدج عنها كل يوميه...
دخلت ذهب دنگت حضنتني وتواسيني وتبوس بجهال جايبه إلهم حلويات أنطتهم وفرحوا...
ذهب ولچ شتسوين
لا تكولين تزوجتي وعقدتي سيد
ٍ
لا بعد ما عقدت
بس يركضون وراي
اوووف يعني يردون يزوجج غصب
أي
صخام الصخمج.
وشايب عنده ثلاث نسوان وأنتِ الرابعه
يريد ولد ما يصيرله من نسوانه هذا إلى فهمته
من نوريه الحقيره.
أنتِ كولي شسوي
من شدة ظلمهم وحقدهم عقلي قفل
أني أنبذت من الكل...
لا هيج تكولين
وأني وين رحت كلها تتخلى عنج
أني ما أتخلى عنج باقيه وياج لاخر نفس بيه
وهذا الزواج ما يتم
شمدريج ما يتم
متأكده
الي عرفته الزلمه شيخ ربعه
وما يعرف بالماضي مالتج
يعني ما أدري شلون أكولهاا إلچ
لأ كولي شنو مترددهمشاعري ما ضلتلي مشاعر.
كلشي داخلي مات.
أحس روحي باقيه شعره
يساعدج
والي شفتي مو قليل
أحجي ذهب
تتوقعين رجال اله سمعته
وهيبته بين ربعه يأخذج
مو القصد أجرحج يروكي
بس أريد أوضح إلچ...
لا عمري أنتِ
قابل ما أعرفج
وبعد أحس أذا ما يأخذني ويخرب الزواج
أي حبيبه لهذا إلى إطلبه منج
تأجلين العقد شگد ما تكدرين زاگطي عليهم عيطي
سوي مشاكل اتعارگي طلعي أعذار مريضه مدري أيش
المهم يتأجل كم أسبوك
حتى لو يوم؟..
خلص هذا هہو
نأجل والله كريم.
أدعيلي يخرب والله ما ألي طاقه
أفكر واتحرك منا لهناك...
يروكي أنتِ
تعآلي أجعصج بحضني
مشتاقه ل أيامنا وسوالفنا
وين راحت أخذتها السنين
ودمرها فيصل النذل
أوفف
لأ تذكرين أسمه
أنهار وأعصابي تفلت من يجيبون طاري
وهو السبب بكلشي بيه
لحد الان عذابه اليه مستمر...
أخ لو بس أعرف ليش هيج سواه!
وطبه مرض
لا تعرفين ولا نعرف أخباره
موت اليأخذه ويخلصنا منا.
كولي أمين
أمين يارب
هاا تردين تروحين خليج فدوه.
ياريت بس سميه وبناتها ما يگدرن من دوني
وهديه جايتها خطابه وملتهين بيها
عمري ربي يسعدها إن شاء الله
سلمي عليهن كلهن وبوسيلي هديه
يوصل حبوبه
ودعتها وطلعت بقيت يحيرتي
دخلت نوريه ذبت الغراض كدامي وتفتح بالاكياس وتطلع بيهن
نوريه هذا جهازج ولو ما تستاهلين
بس الزلمه خوش زلمه وطلب نجهزهج
دز فلوس بيد حرمته.
ألطاف ما جاوبتها عفتها تلم بيهن
عبالك هي المعرسه وبناتها يشوفن وياها
رچيت رأسي الشباك وأباوع السما.
ربي أنتَ أعلم بحالي فدوه رحتلك فضها عليَّ...
لليل الكل نائمين بس أني عيوني ما يزورها النوم
مستوحشه كلشي أباوع إلهم نائمين مثل للملائكه وزينه حاضنه أخوها غطيتهم باوعت الساعه 2 ونص، كمت توضيت وفرشت سجادتي وبديت أصلي ودموع تصب ونار شبت بصدري رفعت أيديه ودعيت بقلب محروك وسلمتهم بيد الله هو يأخذ حقي منهم...
أنتهيت وصفطت سجادتي وكعدت أقرأ قرأن لحد ما النعاس غلبني. صدق الله العظيم.
الصبح كعدت مرتاحه نفسيتي جهالي يلعبون ويضحگون سويت ريوك وتريگنا أني وياهم بالغرفه طلعت إلهم حلويات گعدوا يأكلون
واني بس أباوع إلهم روحي هدئت وسگنت...
أسمع ضجه وهوسه صوت برى ما أهتميت لحد ما دخلت رابحه وجهه مخطوف وهي تكول؟
رابحه أخوج مازن مسوي حادث داعم واحد
ألطاف ما بادرت أي رده فعل
شبيچ لطوفه أكولچ أخوج مسوي حادث والبيت كلهم أنخبصوا وعمامي راحوا إله...
ما يهمني لا هو ولا غيره.
أني ما عندي أخ ولأ أخت ولا أهل
َ ما أدري شرد عليچ
عود جيت أگولج كلت أخوها خطيه
ما رديت عليها خلت وراحت
وللعصر عمامي يحجون دك رزايل وغلط
وحتى أبوي وتربيتنا حجوا زرف گلبي من گال
خلف من يوم توفت بي زمن
البنات ومازن خربوا وطلعوا من الطريق...
حازم الصوچ ل أخوك مخلي كلشي بيد مازن
وأستلم هاي النتيجة أنشمر بالسجن ويردون فصل
أني ناقص احل مصيبه أدخل مصيبه...
ألطاف تجاهلت الوضع وأعتكفت بغرفتي لأ أطلع ولا أشارك قله اطلع...
مر أسبوك والوضع هادئ ومازن بالسجن إلى عرفته الزلمه إلى داعمه متكسر واليوم فضوا سالفته فصلوا ورجعوا من الفصل عمي عصبي
كنت إنشر ملابس أجت نوريه تهف بعائتها
نوريه تحركي تجهزي النسوان جايات يشوفنج
بدون كلام
مشيت للغرفه بس لبست شالي وكعدت
أنفتح الباب بقوه دخل عمي
حازم كومي يردن يشوفنج
يلااا شعندج ما تحجين
ما أشوف احد
وزواج ما اتزوج.
غير هالكلام ما عندي
ترى صفرت طاقه رحموني
حازم عابت هالوجه
هالاسبوك أخوج يطلع ونزوجكم أثنينكم ونفتك
من عاركم بلكي ينستر عليج وما تطلع العيبه...
ألطاف اكتفيت بالصمت بس داخلي برگان
بدون كلام فرشت سجادتي وگلت أمري لله
هو يحلها سلمتكم بيد الله يل اذيتوني حتى هلي...
سجادتي وتميم لازم ثوبي وزينه نايمه رچليه همست راح أكون قويه لخاطركم وأتعداهن واتخطاهن وأواصل السير رغم التعب رغم كلشي إلى حدث لخاطركم يا يمه أني المتعوبه حيللللللل...
لليل الكل نايم ولا أحد سأل عنا أكلت شربت...
دخلت المطبخ جهزت طماطا وبيض وخبزه وكعدت أطعم بيهم هادئين عبالك يعرفون بيه تعبانه واحد يباوع لثاني ويبتسم
كأنما تگوله لا تسوي صوت أمي جروحها نايمه.
خلصوا غسلت إلهم وبديت أغسل مواعين وهما يباعون اليه والله أطفالي حاسين بيه يمه فدوه رحتلگم يا راحتي بعد التعب...
دخلت الغرفه تمددت بفراشي نومتهم بصفي وتميم خله رأسه برقبتي وأيديه بصدري العاده ما يبطلها لحد الان، زينه حضنت أخوها ونمنا...
صحيت الصبح صوت عمي خلف يردد
خلف ولك حازم ولك حااااازم تعال أسمع المصيبه.
الجديده ولك العار طمنااا طم گتلك عوفها لا تزوجهااا الناس ما ترحممم هاك أستلم النتيجه.
الزلمه ما يريدها هون يا سواد الوجه بين العرب...
هم وأنزاح عن صدري
فدوه ل أسمك يالله
هانت ألطاف هانت
راح الكثير بقه القليل
أتحرر من قيود الظلم إن شاء الله
يالله يالله أستبشرت خير وشهگت فرحانه
ضميتهم لصدري، وانفتح الباب ودخل عمي
بدون مقدمات چرني من شعررري قوي جهالي يصرخون بس داخلي مبتسمه...
حازم ولچ كولي شسويلچ
لا ذبحتج وأرتاحيت ولا زوجتج وأرتاحيت
العالم أگلت وجهوهنا ولچ صخمتي وجوهنااا.
الناس تحجي وتگول بنتهم جانت بالملاهي وترقص
وتطلع أنتِ بنت ليل ولحد ألان عايشه شسويلچ...
ألطاف نفضت أيدي قوي وباوعت بوجهه تعرف شُككر چار عليَّ ظلم والي أطلبه منك كلشي لا تسوي بس أعتقني لوجه الله...
حازم ولج ردت أستر عليج يالثوله واطم عارج
كلت الناس ما ترحمها وتبقى خدامه لنسوانين
الطاف ما جاوبته بس أنخبصوا ونوريه تهدي بيهم واني بس واقفه وجهالي
لازمين ثوبي دخلوا عليَّ وجوهم سماد.
حازم لمي ملابسج وجهالج وأنگلعي من بيتنا والعرب كلها
متبري من أخونا وخلفته خزيتونا
وفضحتونا ما خليتوا إلنا وجه.
ألطاف عفتهم ورحت جمعت ملابسي كلها بگونيه مالت طحين ولبست شالي وثوب البيت لا عبايه لا شيء شلت تميم وزينه وراي وطلعت من بيت عمامي وعفتهم منزلين رؤوسهم بالكاع ونسوانهم تهدي بيهم...
أمشي أمشي بوحدي أني وجهالي وصلت الشارع العام اوقف سيارات ماكو سيارات چريت التلفون وأتصلت ذهب إجاني صوتها.
ذهب ولچ وينج
رجعتلج تعالي أخذيني من عرب عمامي
طردوني من بيتهم تعبت أريد اعيش بوحدي اني وجهالي كافي ظلم...
أخذي سياره وتعالي لبيت
ويصير خير؟
جايتج
أنتهى الاتصال وگفت سياره رجال كبير بالعمر نزل اخذ من أيدي وصعدوا وطلعنا باوعت أخر نظره
شُككر عانيت وتعذبت إهنااا...
طول الطريق روحي ساكنه ومنتظرتني رحله جديده وكانت أخر رحلاتي واختمها ويه أطفالي
وأسند نفسي بنفسي وأربي جهالي بوحدي وما أعتمدأحد...
تناسي ألطاف تناسي لخاطر أطفالج أنهضي من جديد وانفضي الغبار عنج وكلامهم وتقوي من الضعف البداخلج الحياة مره وحده واصليها رغم التعب وبعد كل ظلام نور...
الحياة ما تخلى من المشقات والتعب ماكو شيء سهل ويجي بسهوله إذا ما نتعب ونعاني وكل شيء حدث بحياتنا نتعلم منه ونقوى بي رغم أخر رمقُ؟