رواية الرمق الأخير للكاتبة شمس العراقية الفصل التاسع والثلاثون
ألطاف بمحطات العُمر لكيتك تضيع منِ ليش!
بعز صفناتي وقهري يخطر البال
وتحققت دعوتك يالغايب عن العين وساكن بالروح
بعد تعب ومسافه نطيته اچرتهُ ونزلت برأس الفرع تميم يصرخ جوعان وزينه أجتها الحاله تنحست وتضرب بنفسها مو وقتهم رحلتكم فدوه خل نوصل.
أجر بملابسنا وزينه وراي صحت بيها لزمي طارف ثوبي مو تعوفيني راح نوصل...
أتعثر بيهم لحد ما وصلنا البيت صارت عيوني بيتنا واخر لحظه عمري إهنا ومواقفه الحلوه وشلون خلاني وره ظهره ويدافعلي مثل الام ياخذون طفلها
عبرته ودگيت باب بيت ذهب فتحتلي وشمرت نفسي بحضنها وصحت بيها سنديني فدوه لطولج وشهگت
ذهب ولچ كومي الظاهر نسيتي نفسج
أنتِ قويه والضعف مو إلج يلا حبوبه...
ألطاف دخلنا البيت كعدت الأرض أريد ماي أريد ابلل ريگي يابس، جابتلي وأشرب بسرعه وأيديه تترجف ودموع تنزل بالماي وشربتها...
ذهب حسبي الله ونعم الوكيل بيك يا فيصل
ألطاف جيبلي إلنا خبزه أني وجهالي جوعانين فدوه
ذهب بعيوني لحظات
ألطاف أباوع ل تميم يعلس بخبزه لان سميه جانت تخبز وزينه كذلك بوستهم ومسحت رؤوسهم...
أجت ذهب خلت ألاكل كدامنا جوعانين حيل أطعم بيهم وناسيه نفسي وحيلي مهدود بالگوه بلعت الگمه.
همست ذهب گوه واگفه حيلي إنهد سالفتي طشت بكل العرب وعمامي ما إلهم وجه بعد
يستاهلون بس صدگوا أنتِ منهزمه ويه حسين.
بس ما صدگوا فيصل باعچ وشفتي الضيم بملاهي
هسه أنگشفت الحقيقه وضح إلهم كلشي اوووف
خرب بالحظ عود نوريه فرحانه وكالوا يستر عليج وخوش رجال طلع أحقر خلق الله فضحج فضاحه وسيرتج كل لسان وهسه شتسوين،؟
شسوي يعني كوليلي شسوي.
خل يحجون خلي يعلجون بلحمي خل يكولون بنت ملاهي خل يكولون رقاصه خل بكل كعده يذكرون بنت فلان خلي
اني رخصت وبعت نفسي بسبب غبائي وثقتي بي باعني وما رفله جفن وما رحمني تريدين الناس ترحممم الناس أنتزعت من قلوبها الرحمه من زمان...
وتبقين هيج
لأ
بس منتظره أشوفهم شلون ينذلون
طاحت رؤوسهم بالطين من أيديهم حيل وابو زايد
ومازن نام بالسجن من يوم دعم واحد ما أدري وين صارت سالفته.
عساه حوبتي تكسر ظهورهم كسر حرموني من نوم العافيه يحرمهم الله من ريحه الجنه
تحطمتي أنتِ يمتى تنهضين
باعي لنفسج وجهالج وبنتج مو طبيعيه تعبانه محد سأل عنها تبقين صافنه أنهضي من مكانج، أدري حملج كبير بس شسوين شنو ذنبهم
ذنبهم أني أمهم وما الهم أباء
وتالي
أگعدي بيتي وأكمل حياتي وياهم
وإذا أهلج رجعوا
ما أضن هو أبوي حالته تعبانه وبس مازن بالسجن
وإذا يطلع ما أعتقد يرجع بس المشكله المفتاح وين
موجود خلاه يمنا.
يعني تسگنين وحدج أنتِ وجهالج ما تخافين
وليش أخاف قابل أموت
الحياة تكمل مو شرط وجود رجال
وسندي وليدي يكبر ويكون هو العوض...
ٍك يحفظه إلچ ويفرحج بيهم
يلا تعالي تسبحي أنتِ وياهم وأرتاحي
وبعدين نروح نظف البيت لأن خايس من الوسخ
تمام
بس ذهب
شنو كولي
زينه ما تعجبني مرات تأذي روحها وتگعد تصرخ
ومرات تبجي بصوت ما مسموع.
نأخذها لشيخ يرقيها ويشوفها
أضن تأذت نفسيتها بسبب بعدج عنها
وتشتت عائلتها وأبوها وهي روح مو چماد.
گلبي يوجعني عليها
أني قصرت بحقها
تهون ادري صعبه عليج
بس شنو بيدنا غير نصبر ونتحمل
لما يفرچها رب العباد...
ألطاف دخلتهم الحمام أول شيء تميم تنظف وطلع فرحان ويصفك روحه مرحه مثل أبوه...
إما زينه روحها غامضه مثل أبوها يا سبحان الله ولا واحد من أطفالي طالعين عليَّ. باوعت لعيونها وهمست زينه ماما تردين شيء أشتري إلچ شيء
بس هزت رأسها يمتى تطلعين من الجو إلى أنتِ بي؟
نومتهم ورحنا إني وذهب نظفنا وغسلنا البيت هلگت أباوع أله صار يلچ من النظافه أجت هديه تركض
خير؟
هديه عمه لحگي بنتج زينه
تأذي بنفسها تضرب نفسها بالحايط ما أدري شجاها
ذبيت من أيدي وركضت لعندها چريتها وهي دفع بيه ومستمره تضرب رأسها بالحايط مال البيت والدم
نازل كصتها لميتها بحضني ليش هيج تسوين ماما ليش تأذين روحج شجاج ناقصه أني...
صرخت بحضني صرخه قويه حسيتها متشبعه قهر.
وگاتمه وفاقت طاقتها رفعت رأسي لسما بنص الحوش ودعيت ربي لا يشوفك الراحه يا فيصل
ذهب يولي خاف بنتج مريضه التوحد
ألطاف ما اعرف ذهب عقلي وگف
ما كانت تأذي روحها باعي الدم عفيه جيبي ديتول
أعقمه إلها
سميه خيه البنت شبعت قهر يوميه تنجمع بيج
ويبعدونها عنج صارت بيها خوفة كل ما تصحى
تخاف رحتي بعد ما ترجعين. هي من كعدت تباوع إلنا وتباوع بالغرف وصرخت فجاءه ما نطتنا مجال
نفهمها أنتِ ما رحتي موجوده
يا يمه شسوا بيج أبوج.
دمرج ودمر أمج هذن كلهن يأگلن بگلبي
متمسگه بيه كل قوتها وتبجي. ما أعوفج والله
وألوم نفسي ليش رجعت منو رجعني غيرج
لو تدرين شُككر بچيت وأحسب الساعات وأتوسل بيهم يجمعوني بيج أنتِ روحي انتِ النفس
باوعيني بنيتي باوعيني زينه ماما ما أعوفج
يمج اني تشهگ تشهگ عبرتها بصدرها...
ذهب لا حول الله
نأخذها لدكتور يشوف حالتها
لا تعوفينها وحدها نهائياً خاف أطگ البنت وتنگز وتموت شتحصلين بعد غير تموتين وراها.
أسم الله عمرها.
لميتها بحضني ورجعنا للبيت
خطيه هنا رتبن ملابسنا والبيت وعطرنا
وذهب تسوي أكل وتميم يفتر عنده دوريه بالبيت يفحص ويلمس الغراض ويشمر صحت بي ليش ولك
تميم امم
خزرني وأعطاني ظهره يعني بكيفي
مر أسبوك وأني وياهم وذهب هم يمنا نوع ما أرتاحيت وزينه هدئت حالتها من أبتعد عنها تصرخ حتى لو اروح الحمام تبچي لازم ما أبتعد عنها ولا لحظه...
ذهب هل الحجي ما تخطين خطوه إذا مو هي وياج
أمشي نأخذها العصر ونشوف حالتها.
ألطاف وهو هيج
عندج فلوس لان ما عندي
ولدكتور يحتاج فلوس هواي
لا تشيلين هم تنحل
أثناء كلامنا دخل مازن وياه أبوي؟
ذهب هذول شجابهم!
وداعتج أنطردوا!
ألطاف بقيت هادئه مروا من كدامي
وهو ساند أبوي لان ما بي يمشي حيله
رجع دخل الجنط مالتهم
وهو منزل رأسه أتقرب ل عندي وهمس
مازن سوي إله لكمه أگل علمود يأخذ علاجهُ؟
ألطاف ما جاوبته دخل الغرفه يرتب ملابسه بالگنتور مالته بصف گنتوري وتميم يصيحح عليَّ.
يعني شعندك بغرفتنا بس سمعته گاله
مازن عمي أسگت شسالفه لسان لو رشاش
شنو دردم انتَ ولك أسگت
ألطاف رحت أخذته ويدفر بيه وخازر مازن ما يرضى لان دخل الغرفه ضحكت ذهب وگالت
ذهب فدوه هذا الرجال الگفو
باعي المشيه والشخصيه فدوه لشعر ألاشقر
أي أشقر لحيه أبوه جانت لونه أشقر
طاري أبوه ما سامعه شيء عنهم
مبين أختفوا ما إلهم صوت؟
من هذيج السالفه بعد ما أتصلوا ولا سألوا
كانت زهور تسأل عنا ما تقطع بينا.
ماكو والصراحه والله أستحي أسال أني
شنو تستحين سالفه أنفضت همزين
وأنت أم إبنهم شنو تستحين قابل بكيفچ
وهم أساليها ليش ما سجلوا تميم ما طلعلوه جنسيه
خطيه الطفل كبر خوما يبقى هيج العُمر كله...
ما أعرف والله أخابرها اليوم وأسأل؟،
أروح أحضر ألاكل إلهم خاف يگب بينا
خيولي
عايزه والله
كافي عاد مصخوهاا ماضي وراح وهو ظلم بظلم
يمتى يشغلون عقولهم التبن
أطفالچ كبروا يبقون يعنون ويونون بهالسالفهہ...
أوفف خليها سكته.
رحت أخذت ألاگل إلهم أبوي كاعد يسبح بسبحته
ومازن كاعد مقابلهُ يگلب بتلفونه خليت الأكل ومشيت صاح وراي أبوي
حاتم جيبي جهالچ تعالي أگلي ويانا
ألطاف لا أگلوا إنتوا بالعافيه
عفتهم كعدنا نأكل بالمطبخ أني وذهب وجهال
أباوع ل زينه أكولچ اليوم موعد الدكتور؟
ذهب جهزي نفسچ نأخذها خطيه
ألطاف خلصت الفلوس مو؟
يدبرها ألله
أنتِ صوجچ أبوها دز حصتها وحصتج من الورث
ليش رفضتي تأخذين
مال حرام
خيولي هو وفلوسه.
كافي عليَّ القهر والمصايب كلهن من وراى
سگتي وسدي سالفته رحمه ل أهلچ
َ ماشي ذهابتج موجودات نبيعهن
وعالجي بيهن بنتج شنو محتاره
هاا هيج تشوفين
بس أني من نطيتهن الچ
كلتلج ما أريدهن لحد الان محتفظه بيهن
حقج هذا
وهسه أجه وگتهن ترضين ما ترضين نبيعهن ونعالج
بيهن هالطفله كلام ثاني ما عندي...
ألطاف مشت وخلتني
رحت شلت المواعين غسلتهن ونظفت المطبخ ودخلت غيرت إلهم ملابسهم وبدلت ودخل مازن
مازن خير؟
وين رايحين؟
ألطاف أخذ بنتي لدكتور؟
ليش شبيها
وليش كصتها هيج
مريضه وتأذي روحها
ماشي لأ تتأخرون
طلع وشال سترته وتلفونه وأبوي تمدد بفراشه
شلت جنطتي وقفلت البيت وأني وياهم دخلنا بيت ذهب أجت لابسه عائبتها وجنطتها وادور شحاطتها. ليش وينها كضيتي العمر نعالج ضايع
ذهب البنات يسحلن بيها
يلا حبوبه أمشينا نطيني هالفصعون
الطاف نتر بيده ولازم شالي ما يقبل ما تشوفينه شلون يباوع إلچ بحقد
شبيچ صفنتي؟ألووو ذهب
ذهب ما أدري شگول إلج.
بس خليها بالچ أذا بنتج طلعت مريضه
وسوا إلج إرسال لغير محافظه مثلاً؟
أيي
ما فهمت
أحجي بدون لف ودوران!
تميم ما تأخذينه وياج
ليش
َ شنو ليش نسيتي ما عنده جنسيه
أكيد دخوليه يسألون ويطلبون الهويه
شبيج أنتِ...
ليش تفاولين
إن شاء الله ما بيها شيء
وين أولي أذا طلعت مريضه وهذا روحه بروحي
أمشي نأخذها والله كريم...
طلعنا وتميم لزم الچام يباوع الشوارع والناس ومبتسم وزينه لازمه أيدي ونايمه كتفي
وتباوع ل أخوها.
وصلنا السوك وأمشي وراها أني وياهم وهي تباوع للمحلات وتسأل هاا ولج خل نبيع ونمشي تأخرنا
ذهب شبيچ غير نصهم ما مفتحين محلاتهم
ونلگه واحد ثقه خوما حي الله وقفاص
ألطاف بس أستعجلي فدوه
بعد تعب دخلنا المحل وقيمتهن 5 مليون
ذهب هاا نتوگل ونبيع
بيعي قسم منهن وأنتِ مغمضه
بس المهم أعالج زينه
اخذهن وبلش يحسب فلوس وانطانه المبلغ وطلعنا وهي وقفت هاا شو وگفتي...
دتعالي أخذيلج شيء لبسي
وجهالج خطيه مخلگنين شنو ذنبهم.
ذهب والله بس أعالج زينه أجي أشتري إلهم
اصلاً عندي نقوصات كثيره وإذا طلعنا من وقت
نمر لسوك وعد ومحتاجه شامبوا شعري كله يوگع
ماشي راحتج
أمشينا حبوبه تعالي زينه يمه
ألطاف لزمت أيدها وطلعنا للعياده حجزت وبقينا ننتظر ويمر الوقت صاحت إسمها زينه فيصل باوعت إلها ليش سجلتي ب إسمه!
ذهب لعد شَ أسجل خيه غير أسم أبوها
خفت رأسه وخفت أسمه أمشي ندخل
ألطاف دخلنا شرحت حالتها إله
بقه صافن بوجهي وتقرب عليها ويحاجيها بحب.
وهي تباوع اليه عبالك تگولي أنتِ شرحي حالتي
الدكتور هم تحجي لو قليله الكلام!
الطاف لا قليله الكلام
وهي صارت عدها صدمه من أبوها راح
وين راح
أنفقد
ونفس الوقت أني هم أبتعدت عنها
هاا الله يرجعه بالسلامه
أضن بنتج مريضه ومصدومه نفس الوقت
فرط المشاعر وشعور الفقدان والخوف
والعزله هذن كلهن بيها
وهي من مشاهدين التلفاز وبرامج الاطفال بكثره
ذهب أي والله دكتور من راحوا إلها بقت يمي.
وما تسگت الجيران كالولي شغلي إلها طيور الجنه
وقناة گراميش تتعلق بيهن وتسگت، تعلمت وصارت
ما تفارق هالتفلزيون وانوب دارت هالتلفونات واليويتوب كامت تباوع اله.
مشگله
إذن بابا بنتج تحتاج رعايه خاصه ومراقبه
وأحتواء لان بنتج معوزه حنان وشعور الفقدان بداخلها حاولي تتقربين إلها تنطيها من حبچ اكثر
وحاولي لا تتقربين أخوها الله يحفظه الج
اي أخوها
أي لان تغار وما تعرف تحجيلج وتوضح إلج.
ونفس الوقت مريضه داون تواجه صعوبه يعني
طفله بهيج عمر منهشه مشاعر ليش
ليش مدمره بنتج بابا مو خطيييه.
أختنكت حيل
جاوبته حقك
ما يفيد الوم
المهم بابا راح انطيج مهدئات نسبه قليله
وتعطيها في حال إنهيار العصبي وحالتها تسؤء
علاجها بيدج، طلعوها أماكن حسسوها بالاهتمام
لا تغلقون الاجواء عليها داخل البيت مو فقط لعب
داخل البيت ومشاهده التلفاز او تلفون وخلص
لا الطفل يحتاج أهتمام اكثر ويشوف أطفال مثله.
علمود لا يشعر أنو هو وحيد بهذا العالم خاصه إذا ماكو أطفال بعمره وياه نفس البيت.
وحاولوا لا تحاسبونها بهيج عُمر ولا تقسون عليها
وإذا لعبت وگسرت عاملوها أنو هي كائن بريئ
لا تعامولها بوحشيه وضرب بهذا الشيء راح تعاند.
وتصير عدها رغبه كلشي ممنوع مرغوب حتى لو قسيتوا وياها إما إذا أجيتوا بكلمه حلوه وفهمتيها أنو هالحاجه غاليه عليج وممنوع تتقربين إلها أو تأذين او تشرحين ألها مشاعرج وتحاولين تبجين إذا نكسرت هالحاجه راح تفهم أنو هالشيء غلط
طيب دكتور هي مرات تگعد تبجي من دون سبب
وتعزل نفسها كل ما أقترب ناحيتها تسؤء حالتها.
في هالحاله أحتويها رغم عنها خليها تحس هي مميزه وتراعون مشاعرها...
وممنوع الضرب نهائياً وإذا أنضربت من أحد
بنتج تسؤء حالتها لا اني ولا غيري نگدر نعالجها...
كوني إلها أم وأب وأهل وصديق وسند وأمان
ماشي دكتور
الشگر لله بابا
وأن شاء الله الشفاء العاجل
كتبت اليه وصفه واخذت العلاج وطلعنا وهي
صافنه بوجهي. سمعتي الكلام
ذهب سمعت خيه سمعت
تتعالج سهله مثل ما كال بيدج علاجها
عمري هي إن شاء الله ما اقصر
ذهب إمشي نمر لسوك
بعد وگت تأخذين حاجتج وفرحيها هالبنت خطييه
ألطاف عيوني إلها.
وصلنا السوك محل الملابس خليتها هي تختار
يربي شُككر فرحت وتجي تشوفني لبسه ولون
وتميم يفتر ما عاجبه شيء أبو محل ضحك عليَّ
ويمشي وراه...
ذهب خاف يحسدونه كلها تباوع اله
فدوه شخصيه من كاعه يمه رحتلك فدوه باعي
الطاف فدوه لعمره أبتسمت أجه وگف بصفي يأشرابو المحل وابو المحل خربان ضحك عليَّ
شلته وأشترينه ملابس لزينه وفرحانه بروحها وملابسها وانوب اجينا ل تميم أشتراه قاط وتراكات.
ولبس جمال فدوه رحتلگم، وراها العاب اخذوا
ما منعتهم حتى حلويات خليهم ذوقهم
وأحلى شيء تميم شال جگليت رجعه وعفس وجهه
عبالك يگولي مو خوش جگليت هذا...
وراها اني أخذت ملابس وشغلات احتاجهن شُككر
صار ما داخله السوك ومشتريه الحاصل صرفنا هواي وذهب هم أشتريت إلها واخذت مسواك وعشه جاهز ويانا ذهب شايله أكياس هواي واجرت عربانه وارتاحينا وأذن مغرب وتأخر الوقت عزا ولج
ذهب خلصنا أبقي أنتِ وعنافيصج.
هسه أجيب سياره وأجيج...
الطاف راحت لحظات جابت السياره وطلعنا للبيت
من وصلنا مازن بعده ما جاي گبل بملابسنا فرشنا السفره وگعدنا نأكل وصحت لأبوي ويانا أجه خطيه
تميم گعد بحضنه يبوسس بيهم وبشلنا نأكل
مر وقت اني غسلت إلهم وناموا وذهب لملمت الاكل والسفره واجت تساعدني نرتب ملابسهم والعابهم
وجبت قماش أغلف فراشهم شگل أرنب وميگي ماوس يحسوون بفرح. ما عندي شيء بعد غيرهم
مر أسبوك الثاني حياتنا طبيعيه أني وأطفالي.
وابوي ومازن قليل أشوفه بس بليل مرات يبات مرات مدري وين يبقى ما إلى دخل بي ولا عليَّ
أني منو سأل عني علمود أسال وأشيل هم احد...
دخلت الغرفه تمددت بفراشي وجهال يلعبون يمي بالعابهم فرحانين أبتسمت ربي يحفظكم اليه...
صار التلفون گبالي الشاحن نهضت جريته وطلعت رقم زهور بس متردده أريد اتصل وارجع اهون.
وأخيراً إتصلت لكن مع الاسف خلصت المده وما
جاوبت إتصلت مره ثانيه ونفس الحاله
عفتها وما لحيت.
للعصر كنت أغسل الحوش زينه يمي تباوع اليه مبتسمه فدوه لوجهج أنفتح الباب دخلت طيبه هي وبناتها وتصيح عليهن
طيبه يلا دخلن عاد
ألطاف وراها قادر باوع اليه ورجع باوع لزينه
قادر شلونج ألطاف جهالج شلونهم
الحمدلله بخير
دخلوا الاستقبال وابوي أستقبلهم
ودخل مازن محمل مسواك ولحم ودجاج صاح طيبه
مازن ولج طيوب تعالي سويلنا الغده جبتلج كلشي
طيبه تسلم ما تقصر
هسه اغير ملابسي وأجي.
ألطاف عبرتهم ودخلت غرفتي كعدت أمشط شعر زينه لان مخربط وتميم نايم گبالي دخلت هي
طيبه شلونج ألطاف
زينه
مرتاحه
شنو تشوفين
شعجب ما تردين ل حسين؟
أرد!
ليش أهلج خلوا مكان لرده
يخرمشون وجوه ما خلوا وجه طيب
ترى السمعه مو هينه
شتردين منهم يسون
هذا كلامج مصدگتهم
ومكذبتني مو هيج؟
لا ولج
بس شنسوي بعد الصار صار ومرت عليَّ سنين
من يوم زوجوج عبالهم يستروج أنوب انفضحوا بالزايد وراها عمامي تبرؤا من عدنا ومن ابوي.
و المطلوب شنو.
شتردين؟
شبيچ أنتِ
ولحد ألان تزاگطعين طبعج شگد وسخ
ما أطيقج لا أنتِ ولا أخوج
عشتوا شنسوي إلچ
حيرتينا أحمدي ربج لحد الان عايشه وك رأس أطفالج، غير اهل ذبحوج من زمان مو أحجي حقد لان ادري بيج أنظلمتي بس جاي أحجيلج واقعنا وعادتنا وتقاليدنا لهذا كافي زعل ورفعه خشم...
ما جاوبتها
بگلبي بعدج نفس الأنانيه
طبع البشر مثل الكفن لا يتعدل ولا يتبدل
صدك! أكولج بنتج شبيها
أحسها مو طبيعيه عبالك خبله
عوفيها بحالها
مريضه.
أخذيتها لدكتور شاف حالتها
أي
أي خوش ما بيها غير العافيه
وابنج سويتله ختان
لأ
ليش ولج شمنتظره!
الطفل راح يگمل سنتين ونص
خطيه سويله
أهلهُ يسون إله
وينهم أهلهُ
من يوم سمعوا بيج راح تزوجين أنقطعت أخبارهم
َ حقهم ما ألومهم
بعدين توصل ألج اخباري أول بالاول؟
اي غير سألت مازن وكالي
أي هسه ما علينا سويله خطيه
خل نسويله مطول إني إهنا
الله كريم.
طلعت وياها جهزنا الأكل هما بالاستقبال وأني بغرفتي وجهالي يمي زينه فرحت بنات طيبه رغم أكبر منها بس لان بنات. مو مثل الولد ما يفهمها.
للعصر كانوا كاعدين بالحديقه كلهم وقادر هم موجود لحد الان ما راح. بقيت بغرفتي ما طلعت
دخلت المطبخ أسوي بيضه إلهم رادوا إندك الباب!
طلع مازن وقف باوعت ما بين عليَّ منو أشوي واجه
مازن جهزي الطفل أهلهُ يردونه
ألطاف يبات لو يرجعونه
مازن لا كال يبقى أسبوك!
يلا جهزي عاد بس تسألين!
ألطاف عفته وشلت تميم لبسته ملابسه حلوه وگشخته وخليت ملابسه بجنطه صغيره مرتبه
واخر شيء رشيت عطر يلا تعال ابوسك
وروح الله وياك، اخذه مازن وهو فرح
يحب الطلعه من البيت، زينه ضلت تباوع
اجتني لازگت بثوبي حزنت نزلت لمستواها
ليش تضوجين
زينه ماماتي رويحتي تميم راح ل أهلهُ
وانتِ أني أهلج أبقي يمي حبيبتي انتِ أني أحَبچ
يومين ويرجع وتلعبون سوا ونطلع للملاعيب سوا
تمام حبيبتي هزت رأسها وحضنتني وفرحت...
لليل طيبه تنوم بناتها زينه هم نامت بس أني أشتاقيت لوليدي گلبي مثل النار عليَّ شلون أفارگه
باوعت بالتلفون وطلعت رقم زهور واتصلت...
رن رن رن ماكو رد يربي جاوبي عاد
طيبه وليش ما تجاوب
شمعنى رفعت خشمها عليج مو كانت زينه وياج هي والعلويه شغيرهن
كلمن وظروفهُ
الله يريح بالج وگلبج
صدك ما حجيتلج!
شنو!
عود فيصل عنده حساب فيسبوك
هذاك اليوم قادر چاي يگلب وشافه بالصدفه كدامه
ما يهمني
ما عندج سالفه نامي نامي.
ليش ما تحجين وياه وتفهمين منه ليش هيج
سوه هاج شوفي حسابه وناشر صورته هم
خلت تلفون بوجهي أسمه وصورته دفعت
بعدي من يمي الله ياخذه إن شاء الله أحجي وياه
الي ما خله قيمه لوجودي بحياته ما أخلي قيمه بالسؤال عنه أنسان فاشل...
شمدريني كلت ليش يضل سؤال بالج
سألي وشوفي رده فعله ما توقعتج هيج
لاخر نفس بيه ما أحجي وياه
بهاي الدنيا مالنا كلام أهناك نتحاسب
كيفج خيتي
تصبحين خير.
بقيت صافنه أباوع بالسقف ويخطر البال بكل وقت وينك حسين ليش ما عدت تسأل هنت عليك
كمت أخذت تلفون أختي دخلت حسابها كتبت أسمه حسين بالانكليزي هواي طلعوا ما كدرت أعرف حسابه
تالي رجعته يم رأسها وغلبني النوم بعد التفكير...
مرور أسبوك أستغربت ليش ما جابوا تميم
شلون صبر من دون ِ وينك وليدي گلبي مثل النار عليَّ أباوع الباب كُلش أشوي أكول هسه يجي
فززتني طيبه بصوتها.
طيبه شعندج
ألطاف شعندي قابل.
أنتظر وليدي صار أسبوك مفروض اليوم يجيبوا
يم أهلهُ مو يم الغرب
مو زين قبلوا يخلونا أسبوك بهل الوگت محد يحمل طفل تلگي كلمن ملتهي.
أروح أتصل زهور بلكي تجاوب
دخلت الغرفه فصلت التلفون من الشاحن طلعت رقمها وأتصلت چاوبي يا زهور چاوبي فدوووه
أجاني صوتها بس تعبان حيل ولا عبالك زهور
زهور هلأ ألطاف
ألطاف شلونج زهور؟
صآير شيء
شبيج ليش مختنگهہ!
تمنيت يحضر حفله الختان مالت تميم
تمنيت يفرح بوليدهُ مثل كُل الأباء
وتمنيت يرتاح ويه زوجته وأطفاله ويستقر،
وتمنيت وتمنيت! أوففف يا خُويه،!
أزدادت خنگتها وعبرتها كامت تبچي!
چاوبتها والخوف سكن روحي: - حسين وين!
زهور صاير وضامين عليَّ أحچي؟
ولچ ألطاف
حسين مفقود؟