رواية الرمق الأخير للكاتبة شمس العراقية الفصل الثامن عشر
أبوي وأگف عاد جديتي أخذت البنات لبيت سميه ولازمت أيده وجابته للسياره وتحجي عليه
الحجيه وين چاي بوسط النسوان هي ولاده
حاتم مو بنيتي أريد أكون وياها
ألطاف حبيبي بابا فدوه لعمرك بعد جديتي وهو كعد مكانها بصفي حتى السايق يباوع اله واجت ذهب وطلعنا لازم. أيدي بسرعه عيونه تدمع وأيده ترجف مليان حنيه يبعد روحي...
بعد مرور الطريق وصلنا وأني كاتمه الوجع ونفس الوقت خايفه لان بشهر الثامن بعدها ركضت ذهب عليهن وتصيحح عليهن ثولتهن وك
ذهہب ولجن وينجن عدنآ ولآده فلك طرجن مايعات وحده منجن تجي بسرعه هيي مو وياج أشوفج غلستي عليه
ممرضه بعيوني خاله بس أعصابج علينا
ذهب أي فدوه حبوبه أستعجلينا
ألطاف أخذني للغرفه الولاده وذهہب ما عافتني دخلت وياي
الممرضه خاله تكدرين تطلعين علمود نعرف شغلنا ما حاجه وجودج بعد.
ذهب شنو تفضلتي ما سمعت ولج
لازم تنطلعين
أهنا اندگيت مثل البسمار لو تسوني وصل وصل ما أطلع وأعوف وليدي هذا أبن روحي اعوفها الجن
ممرضه ماشي أبقي بس أذا اجت الدكتوره
انتي تفاهمي وياها
ذهب ما عليج كملي شغلج انتِ لاتنبصين عليه
ألطاف ضحكنا سوالفها وممرضه ضربتني أبره ذهب مدري شنو تحجي وياها وأني الوجع موتني لحد ما أجت الدكتوره فحصتني
الدكتوره ماي الرأس كله نازل عندج وجع ماما
اي.
أنتظري وتتحملين لأن عندج ولاده وطبيعي بس مشكله مخلصه ماي وهذا الشي مو زين هسه اجي
راحت واجت وياها دكتوره ويحجون وياي كلام حلو وضربني أبر ويفترون رأسي
الدكتوره أتحملي بنيتي أريد سباعيه هسه يصير عندج وجع نريد تساعدينا بنتج نازله وان شاء الله تسهل عليج وعلينا.
هزيت رأسي مدري شيسون مر وقت وصار الوجع لحد الان أذكر ما تعبتني بنيتي حتى الدكتوره تفاچئت وباستني أشوي تعب ونزلت وصرخت وذهب وراهن عيونها الطفله مدري ليش تغيرت ملامحها من شافتها دنگت باستني
ذهب صرتي أم فدوه رحتلج
الدكتوره ما شاء الله شلون ولاده حلوه مثل وجهج نور بنتج لدنيا أخذنها للخدج لما نخلص الحلوه...
ألطاف ذهب راحت وراهن وهنا يضحكون عليها والدكتوره كالت
الدكتوره هاي أمج يخليهہآ.
أي أمي أبتسمت وحيل فرحت وأسمع صوتهہآ تمنيت أشوفها نفس آللحظهہ بس ماخلوها يمي تحتاج خدج
أكو وجع بس هواي مثل ما جنت أسمع لبسني والدكتوره نزعت ستره مالتها لبستها أليه ولحد ألان محتفظه بالستره! واذكر موقفها الحلو وشلون وگفت وياي وتعتني بيه
مر وقت طلعوني بالغرفه واجوا أهلي وأبوي عيونه كلهن دموع
حاتم يردون بنيتهم وأني أريد بنيتي.
بعد روحي دعواتك اليه سهلت كلشي دنگ باسني واچت ذهب وجديتي بس وجوهن ما عجبتني خفت بنتي ماتت لأن بشهر الثامن
هاا شبيچن بنتي وينها
ذهب ما بيها ألا العافيه دخلوها الخدج لا يضل بالج
ما أرتاحيت أباوع ألهن أگو شيء أثناء صفنتي دخلت الدكتوره وأبتسمت
الدكتوره أول شيء الحمدك سلآمتج آنتِ وآلبنوتهہ وثآني شيء عندي موضوع حلو آلج
أحجي دكتوره بس أمانه بنيتي بيها شيء.
الدكتوره ما بيها ألا العافيه دخلوها الخدج بس ألطاف أكو شيء بيها وهذا أختبار وعد الج من
كولي رآضي بأآمر ولآ أعترآض ع أمره
بنتج مريضه آلداون
أي وشبيها بعد
ما بيها كلشي وتتمع بصحه جيده عكس إلى ينولدون بشهر الثامن فقط مريضه الداون فهمتيني شنو مريضه الداون ماما
اي دكتوره فهمتج والحمدك المهم بخير وراضيه بيها، دنگت باستني وحضنتني.
هيج أريدج قويه وخلي بنتج بعيونج ولا تخلين المجمتع ينقص من قيمتها وشگلها گوني گد اللقب گوني أم مثاليه تمام بنيتي
هزيت رأسي وأبوي ما عافني ولا أهلي ضاجوا بالعكس فرحانين ويسولفون وياي وأني أريد أشوفها وأكحل عيوني بشوفتها ضافت لمسه لحياتي.
ذهب ثلج من بياضها حتى حواجب وشعر ما عدها ما عدها عليمن هيج شگره وحلوه
الحجيه جديتها يرحمهہ جانت شگره وبيضه ثلج طالعه زمن يا حاتم
حاتم يحفظها وينور حياتها.
ألطاف بقيت متوجعه بس مو هواي أنطوني علاجات وذهب تفتر عليهن خاف أكو نقص تعيط بيهن وهنا حبنها وحبن سوالفها...
مر وقت ذهب وجديتي راحن الطفله بس أبوي كاعد يمي بالغرفه وأنفتح الباب عمتي وهو وراها شگلهم ما يبشر بالخير رأساً كالت
مديحه فرحانه بروحج ولادتي بنت لأ والقهر منغوليه!
ألطاف أي فرحانه وهواي هم لا أعتراض ع أمره
مديحه عشتوا شنو فرحانه ناقصين مرضى أحنا فيصل روح شوفهم خاف مبدليها.
ألطاف حرام عليكم شهل الكلام وبعدين المستشفى والگادر مالها ما قصروا ما أسمح لأي أحد يحجي عليهم وهاي قسمتي وراضيه بيها
تقرب عليه وهمس
فيصل أول ما أنولدت شفتيها بعينج
ألطاف لأ بس لمحتها من بعيد لان حالتها تحتاج خدج أخذوها السريع
فيصل أروح أشوفها وأرجعلج
ألطاف راح
بگلبي أول شخص تلقيت رفض بنتي أنت وأبوها
أجتي ذهب وجديتي وهو ياهن يفرك بلحيته ويباوعلي تقرب يم رأسي وهمس
فيصل الحمدالله على سلامتج شلونج هسه.
متفاجئه بيك تدري
لأن رحت شفتها
أي وشنو حصلت شفتها مريضه الداون تأكدت!
سلامتج أنسي الموضوع
ألطاف ضلوا يمي لليل هو موجود وذهب راحت. الدكتوره تطلب خروج منها لان ما حاجه أبقى ودخلت عيون فيصل عليه
ذهب نكّدر نطلعج حالتج زينه بس الطفله راح تبقى بالخدج
ألطاف ماشي أنتِ أبقي يمها...
نهض فيصل وتقدم ناحيتي
فيصل وين تحبين أخذج لبيت أهلج لو لبيتنا
جاوبته ذهب
ذهب طبعاً لبيت أهلها وياريت تخففون زيارتكم.
ما رد عليها سندني وأني مستغربه تصرفاته
بقه ساندني وجديتي وأبوي وياي ذهب بقت يم الطفله وامه وياها يا خوفي يتعارگن.
طلعنا للبيت كان بنفسي أشوفها يلا تطلع من الخدج بصحه وعافيه وتنور حضني...
من وصلت هو نزل الجنط مال ملابسي ويمشي ويانا ما عافني لحد ما دخلني الغرفه وخله الغطاء عليَّ بقيت أباوعله
فيصل شبيچ
أنت أنسان مليان غموض
كلشي ما بيه يلا ارتاحي.
ترى لأ عبالك ب هاي معاملتك الزينه تحاول ترجعني ما أرجع وبعدني قراري
لأ ترجعين أبقي راحتج
أي زين وفهم أمك وأخواتك ما يتنمرون بنتي وأني مقتنعه بيها وما يهمني أذا أنت راضي بيها أو لأ
مااشي، أني رآيح للبيت محتاجه شيء أجيبلج وياي
لأ...
ماشي
تقرب طبع قبله رأسي وباوع بعيوني وهمس
شنو بالج تسميهہاا!
أشوفهہاا واسميهہ فيصل خليك بعيد
راحتج
طلع ودخلت جديتي وراه وتهز بيدها.
الحجيه شعنده أجه ترى متحمله وجوده بالبيت گلبي القذر أحس وسخ البيت برچليه
وأني ضغطت نفسي وتحملت وجوده لأن أبوها يمتى يچي اليوم ويخلصني منه ويروح وما نشوف خلقته بعد
لعل مرض بنتج سبب تبقى يمج وما يفكر يأخذها
أمه تخبلت رسمي أتعاركت ويه الدكتوره
ألا أشوي...
و تكول إلها منين چبتوها ولزگتوها إلنا عبالها بيدهن هنأ، شلون عقل عدها
ما يهمني أحد بس بنتي ترجع بحضني بعافيتها.
بقت يمي وما قصرت رغم كبيره بالعمر تجيب وتغطي وتدفي بيه ولبستني جواريب اثنين
كافي چده حاره راح اطگ
الحجيه لازم يمه انتِ نفسهہ ومو زين عليج البرد ينزل بعظامج بعدين ويأثر عليج بكبرتج
ماشي راحت وأجه مازن باوعلي وأبتسم
مازن صرتي أم عنفوصه البيت
أي وأحلى أم. شفتها مو شلونها
أي شفتها تخبل مثل أمي ملاك أبيض وثلج
حبيبي يخوي تدري حيل متشوقه أشوفها.
يحفظها ألج تصير زينه ونجيبها لحضنج أرتاحي ولا يضل بالج ذهب يمها وأني هم أروح إلها...
مآشي عيوني
صدك طيبه راح يطلعوها وتبقى العلاجات أحتمال باجر يخرجونها
ألحمدك طلع من يمي ألي عرفته راح يجيب البنات من يم سميه أشوي ودخلن عليه فرحانات بيه ويسألون بنتي وجديتي تفهم بيهن...
للصبح والشمس دخلت غرفتي وبوجهي من شباگنا وجديتي ما قصرت أكل بأنواعه واهم ألشي المعلاك وتطعم بيه...
للظهر أنفتح الباب طيبه شكلها متغير وضعفانه حيل بقت تباوع أليه همست بصوت متعوب
طيبه الحمدك سلآمتج أنتِ وآلبنوتهہ
أشكرج ما كالت شيء أخذت بناتها بحضنها وأبنها وجديتي دخلت تجمع ملابسهم وأني بس أباوع الها شلون فرحانه بجهالها...
طيبه چده خليهن بالباب قادر يأخذهن منج
الحجيه وليش ما يدخل البيت ما شفته
طيبه بالسياره ينتظرنا.
ألطاف عرفت قادر ما دخل البيت علمودها مشت وأخذت جهالها بدون كلام حتى ما دنگت عليه بس طول الوقت لازمه رأسها الظاهر صداع قوي عدها وتعاني منه قدرت وضعها والتمست إلها العذر...
ومرور أيام صرت أحسن ورده ما قصرت وياي تجيب اليه المحاضرات وأكعد أدرسهن وأستاذاه وياي ما قصروا وكلهم باركوا اليه وأتصلوا عليه.
أندك الباب چنت طالعه من الحمام وأمشط شعري وطلعت جديتي تشوف منو أشوي وأجت ورده فرحانه وياها ذهب بيدها بنتي يأ أحلى فرحه بعمري كله تقرب وأخذتها منها صغيرونه حيل وناعمه وبياضها ساطع أخذتها وأشم بعطرها أنت قطعه سكر يا سكريِ أضمج بروحي يا ميمتي...
ورده تتربى بعزج لبسي شيء وتعالي للاأستقبال
وجيبها وياج أستاذاه كلهم أجوا يباركون الج ويشوفون الطفله...
متفاجئه وزادت فرحتي لبست شالي وبنتي بحضني وهنا وياي لكيت أبوي ومازن وياهم والمكان كله نفاخ وگيك وشموع شافوني ويصفگون وجديتي هلهلت ما تصورن فرحتي حضنت أبوي واخوي وسلمت عليهم واحد واحد أخذوها مني وبوسها وخلوه الفضل بقماطها
الاستاذ الف الف مبروك تتربى بعزج وتفرحين بيها بنت مثل القمر وأكيد تطلع أنسانه قويه حديد مثل أمها مثابره.
أستاذه الف مبروك أمي أنتِ كلنا فرحنا الج وكلنا وياج وبنتج بعيونه وأي شيء تحتاجينه بالخدمه وفخورين لأن عدنا طالبه مجتهده ومثابره ومواصله مشوراها لدراستها وانجبت طفله مثل القمر ربي يبارك بعمرها ويوفقج حبيبتي انتي...
الطاف يعجز لساني عن وصف الفرحه دخلتوها لروحي جداً أشكركم واشكر وجودكم وياي شرفتوني، حيل حيل فرحت بيهم وفرحتهم بنتي ولاقت حب عظيم من محبين أمها...
بصف أبوي واخوي مازن أخذها منِ ويبوس بيها وأني قطعت الگيگه وأني وذهب وزعنها ألهم ولحد ألان ما مصدگه جيتهم لبيتي بحلم لو بعلم ورده أسم وعلى أسمها ما قصرت فدوه لعينها...
مر وقت وراحوا وأخوي راح يوصل الهم للباب جاوبتهن يمتى حضرتوا كل هذه وأني وين جنت شو ما شفتكم
ورده أني جبت الگيك والنفاخ والترتيب أخوج أخذهن مني ورتبه والاستاذاه هما سمعوا بيج وقرورا يجون وهذا هو.
وذهب تكلمت ويه الدكتوره وطلبت منها خروج الطفله بهذا اليوم
وافقت وتسلم عليج ودزتلج فضل وياها
ذهب هي وحده متربعه بگلبي صاروا أثنين
ألطاف يروح روحي غنوجه گلبي حضنتها وبقينا نأكل كيك وخليت بنتي بحضن جدها فرحان بيها وكلنا فرحانين، رن تلفون ورده وكالت
ورده البنات أجوا عليج ألاء ورنا والباقياات.
الف هہلآ كل خطوهہ مليون هہلآ، وانترس بيتنا بنات سميه وصديقاتي وفرحه بصدري ما تنوصف وحبهم الكبير ل بنتي والهدايا إلى جابوها ألها والفلوس إلى نثروها عليها وصديقاتي ما قصروا حتى البيت نظفوا ومواعين غسلوها وأني أفتر يمهن وبنتي بحضني ذهب كل أشوي تحضني وتبوسني...
ورده يلا حب أحنا نروح ما ضل وقت علينا بس كولي لأخوج نريد سياره توصلنا للاقسام عفيه
ألطاف بعيوني، رحت وكلت أله.
مازن لحظات تدللين أنتِ وياهن ورجعي يم بنتج مو زين عليج
ماشي يخوي، رجعت وهنا تحضرن
ألاء بنتج محجوزه لابني أكبر منها كم شهر واثنينهم عاشوا مغامرات وتعب الدراسه
يعمري فدوه لروحج الطيبه الله يحفظه الج.
أجه مازن وطلعت وياهنن وهو قرر يوصلهن وراحوا ويآهہم...
دخلت وبنتي بحضن أبوي فرحآن بيهہآآ
حآتم ربي يحفظها الج يروح أبوج
يخليك اليه ولا يحرمني من حنيتك عليه...
أخذتها منه ودخلت الغرفه وذهب يمي تعلمني شلون أرضعها من صدري رغم ترضع حليب قواطي بس لازم ترضع من صدري خطيه فقيره حيل وهادئه صوتها ناعم من تبجي تربعت بنص گلبي
ذهب فرحانه بنيتي
حيل واليوم ما أنساه شلون فرحوني وخاصه أستاذاه وصديقاتي وانتِ وأبوي ومازن بنتي لقت الترحيب الكبير لدنيا وحياتها ألاوليه...
يعمري فدوه اروحلجن الغاليات
ربي يحفظج إلنا.
لليل جنت أريد أنام بعد ما نامت بنتي وذهب يمي أتصل تلفوني هو خليته صامت رجع دزلي
فيصل كلها موجوده وأني لأ! ليش يعني
أنت طلعت من حياتي
لأ تنسين أني أبوها
لأ ما أنسى ولأ أليه الحق أحرمك منها يمتى ما تريد تعال شوفها، بس أني ما أعود لحياتك
القرار ألاخير!
نعم ما رد بعد أخاف من يصمت أحس بالخوف من تصرفاته خاف يسوي شيء، اشوي أجتني رساله من قادر.
قادر مبارك عليج تتربى بعزج واي شيء تحتاجينه بالخدمه وتهون لأ يضل بالج
ما جاوبته قفلت التلفون ونمت
الحلو في كل صباح صوت بنتي وفرحه يومِ
نهضت من فراشي أخذتها ورضعتها ودخلت جديتي عليه بگوب حليب وتمر وياه، أهواي تنطيني حلو وخاصه التمر
الحجيه علمود يصير عندج حليب يفيد بنيتج.
وعلمود يرجع جسمج مثل أول صايره عظام
فدوه للي يفكر بيه وشايل همي، صدك مازن وين ما شفته.
جهز نفسه وطلع ل سليمانيه أبو شغل دز عليه وك يصير برأسه خير من يشتغل
يوفقه. باوعت ذهب نايمه سوده عليه تعبانه من السهر وياي ما قصرت
الحجيه وين أكو منها من دونها نضيع كلنا
أي وك
وبعدها تسبحت وحسيت روحي نشطه كعدت أقرا بواهس وذهب أستلمت بنتي باوعتلي
ذهب شنو تسميها عبالك نسيتي
لا ما ناسيه وصار أسمها زينه
عاشت ألاسامي يلا حبوبه أني أروح لبيتي ديري بالج بنتج هي هسه نايمه.
أخذي راحتك عيوني ما قصرتي، راحت وكملت دراستي باوعت التلفون ما أتصل أحسن
راساً وصل مسج منه كاتب، كل يوم أشتاق
ما جاوبته وأهله بعد ولا سألوا أحسن ولا يهموني لأ هو ولاا أهله الدنيا ما توگف أحد
ومرت ألايام وتحسنت حالتي وبديت أروح الجامعه رغم بعدني ما طالعه ألاربعين وجديتي تحجي عليَّ بس ما يصير يكول صاحبك أذا حلو لأ تأگله كله ومحد قصر وياي لأزم أرجع اوأصل دراستي ومستقبلي...
ومرور أشهر واليوم أول أمتحان اليه و كلش متحمسه وسهرانه الليل علموده أجيب درجه زينه
وطول هالفتره هو ما مل من أتصالات بس ما أجه لأن أبوي أتصل عليه وطلب ما يچي لأن محد يستقبله طرده بألاحترام بس هو كله أحترام ما عنده...
كنت أروح وحدي بالخط وأرجع رجال كبير بالعمر طبعاً مازن هو جابه مو فيصل ينقطع عمره نزلت بخطواتي سريعه وصار بوجهي نزل من سيارته
فيصل شبيچ عبالك أحد يركض وراچ.
مشيت سريع وجاوبته روح فيصل صار كدامي وهو مستغرب تصرفاتي، شبيك عوفني
بس ألموت يخلصج منِ!
ما أعوفج لو الدنيا كلها توگف ضدي فاهمه
يباسه الرأس هاي ما تفيدك صدك أنت الخسران
أني الخسران بس ما أخسرج. أول وتالي أردج اليه وهسه أمشي لبيت أهلج...
مشيت هو واگف دخلت البيت صارت جديتي بوجهي عرفته متعرضلي عافتني وطلعت تشوف
الحجيه هذا شلون وياه ويامن ورطونا نفسنااا.
ألطاف يحجي ب تهديد أريد أطلع منا مستحيل أرجعله أريد أحد يوگف وياي يوگفه عند حده
وين تروحين عمامج ما راضين عليج من مره أنهزمتي من بيته وخوالج ما أدري
أروح ل خوالي أكيد ما راح يقصرون وياي أذا مو هيج ما أكدر أتخلص منه وهو مستغل ضعفنا وغياب مازن عن البيت
خلصي أمتحاناات ويصير خير
ماشي. دخلت غرفتي وأحاجي بنتي هذا أبوج شلون وياه نصب سيطره گبال بيتنا وين أنطي وجهي وأخلص منك.
لليل حتى ما تعشيت بقيت بغرفتي كعدت أقرا واقرأ ألى غوشت عيوني من النعس والتعب أن شاءك أجيب درجه عااليه
بنتي تبجي أجت جديتي سوت ألها ممه عفتها ترضعها وأني طلعت أشوف الشارع بعده موجود، فتحت الباب كيف سيارته برأس الشارع بس ضوء الجگاير يبين عليه قفلت الباب وشافتني جديتي
الحجيه بعده موجود سليمه العمر أنگصف عمره
ألطاف بعده موجود وهسه شلون خاف يسويلي شيء اذا رحت الجامعه خاف يخطفني.
ما يكدر مو ب كيفه أني أوصلج وأرجع وهسه أمشي نامي بنتج تبجي تريد حضنج تعالي أمي انتِ
رجعت يم بنتي والتلفون يم رأسي بالگوة غفيت
للصبح صحيت قبلهم وعندي امتحان بدون أكل طلعت وجديتي أجت وياي بيدها لفه أخذتها منها بس بدون شهيه فقط أطيب نفسي بيها.
مشينا سيارته موجوده بس فارغه وصلت لرأس الشارع وأنتظر أبو الخط جديتي وياي
الحجيه زين رايح أحتمال راح يتسمم
ألطاف روحي أنتِ بعد هسَه يچي السائق لأ تخافين.
الحجيه ديري بالچ نفسچ أني أباوع عليج من الباب لحد ما تروحين
ماشي راحت بقيت أنتظر وهي واگفه يم الباب فزيت صوته ولفه بيده وگوب الچاي نزلت رأسي وما أهتميت لوجوده.
فيصل شبيچ خايفه
ما جاوبته
لأ تقلقين أوادم كبار وياچ
و أحد كلچ أني وحش بس أنتظر يلين رأسج لاان تعبت من ألانتظار...
ما حجيت ولاا حرف أجه السائق وطلعت ل الجامعه
دخلت ألامتحان واگتب بس بالي يروح بعيد أفكاري ما مستقرره يمتى أرتاح ويصفى بالي
مرور ألايام.
أخر يوم اليهَ بالجامعه ودعت صديقاتي وهيَّ السنه خير وباقي النتائج وأن شاء الله من ألاوائل هالسنه تختلف عن إلى قبلها. أما فيصل أختفى ويا خوفي منه يخلف الهدوء عاصفه أباوع الشارع فارغ
أتمشيت ودخلت البيت فرحانه يارب ما أشوفه بعد أباوع بنيتي بحضن أبوي وجديتي تحجي عليه لأن ناعمه وتخاف عليه
الحجيه يا رجال بعدها لحمه وأخاف عليها خليها بفراشها نايمه.
حاتم خل تشوف الشمس بس نوم شحلوها من فتحت عيونها تعالي ألطاف شوفي بنتج تعاي بابا
تقربت عليهم وأباوع لابوي وحنيته أنطاها اليه أخذتها ودخلت رضعتها وغفت فدوه نومتها بفراشها أنتظر مازن يچي ويجيبلي سرير منومتها بسله خوص كبيره جديتي جانت قبل تنومنها بيها...
أندك الباب والدگه قويه فزيت وگلبي تسارعَت نبضاته ودخلت جديتي خايفه. خير منو
الحجيه فيصل كسر الباب هذا شكله ما ناوي. خير أبوج قفل الباب ودخل غرفته.
أي زين يسوي بقيت أفتر طلعت بالمطبخ بس أسمع صوت يصيح يربي فضحنا
فصيل طلعوااا أذا أكو زلمه يطلع أريد مرتي وبنتي ألطاااااف ألطااااف أكسر الباب وأهجم البيت روؤسكم طلعواااا عاد تحملت بما فيه الكفايه
ألطاف الباب تكسر محد طلعله لان ما بي أمان عادي يأخذني سحل وغصب عني وبس أبوي رجال كبير ما يكدرله أباوع التلفون ما يطفئ يتصل واني أرفض أخر شيء دز رساله.
فيصل بالحسنى ما ترجعين ألا أتصرف ب شيء ما يعجبج ولا يعجب أهلج أمتحانات وخلصت أمشي وياي لأ أحرررك بيت أهلج رأسج،!
قفلت التلفون وبقينا نباوع أني وجديتي وخف الصوت راح وارتاحينا خله الخوف بروحي ما إلى سند أخوي بالضيم وأبوي ما يكدر يواجهه.
لليل أحنا قافلين البيبان نفسنا ما نفتح لأي أحد رن تلفوني وفزيت المتصل ذهب جاوبتها هاا ولج.
ذهب سوده عليه لا تخافين شنو الدنيا سايبه كلمن أله أروح المركز وأقدم شكوى ضده ماكو شيء أجباري
لأ أدخلين الشرطه بالموضوع أخاف يسوي ألنا سالفهہ أحنا ب غنى عنها وهذا خبل
شلون لعد لأزم أكو واحد أخوه خيته ويوكفه عند حده ما يصير تبقين هيج وزارع الخوف بيكم
ما أعرف هسه أتصل ب مازن أشوفه يمتى يجي وأرد ألج خبر أذا يحتاج تقدمين شكوى لأن الصراحه بديت أخاف يعبر من الحايط ما أعرف أفكار أگلت رأسي...
ماشي أتصلي أخوج وأني أنتظرج ولا تخافين
تمام، رجعت أتصلت عليه ما يرد وتأخر الوقت وأنتظر حتى ما تعشينا أباوع الباب كل أشوي أكول هسه يطفر علينا...
وأتصل مازن جاوبته هاا وينك يمعود
مازن ليش شكو أهلي بيهم شيء
ألطاف عوف شغلك وتعال باجر فدوه هذا فيصل متخبل كسر الباب يصيحح علينا محد يطلعله
يريدج ترجعين يا سالفهہ فيصل ما تخلص وهسه شلون وين راح
راح وراحت روحه.
أني ما أكدر أجي عندي گومه شغل وأذا أنزل يطردني أبو الشغل تفاهمي وياه بلكي يلين
أنت بعدك وياي خويي أني مأ أريد أرجع
وياج خيتي بس شوفةً عيونج شغلي شلون
ماشي أخذ راحتك، أنتهى ألاتصال وباوعت لابوي، بابا مازن موقفه ضعيف يعني تااالي أهج
حاتم كريم بنيتي الدنيا بعدها بخير ما ياخذج غصب شنو بكيفه
عفتهم دخلت يم بنتي أي كيفه لعد كيفي أهل مو سند منو سندي ويخلصني منه أجه بالي قادر وأتصلت عليه أكثر من مره أخر شيء رد.
قادر ألطاف فد ساعه أتصل عليج ممكن!
ألطاف ليش خوما صاير شيء
أحنا ب المستشفى أختج أنهارت حالتها صار ألها يومين
ما بيها غير العافيه أخذ راحتك
يا حظچ ألطاف كلها صارت عدها ظروف شلون وياك فيصل ما ناويك خير...
رن تلفوني وفززيت المتصل هو أباوع بنتي تصرخ ما تسكت شلتها بحضني ودخلت جديتي أخذتها منِ تعرف بيه منهاره وما أكدر إلها، أما هو مستمر بالاتصالات حررك الدنيا، جاوبته شتريد منِ.
فيصل أريدج ولو أني لو أنتِ واحد منا
ألطاف ما فهمت قصدك!
فيصل هسه أفهمج أصبري عليه!