رواية الرمق الأخير للكاتبة شمس العراقية الفصل الأربعون
زهور 217، بهذا اليوم أنفقد حسين
الطاف يا صدمه عمري تلاشى الكلام صارت الروح
هباء منثوراً من بعده
طفيت أكثر من أني طافيه
يعني صار لهُ أشهہر مفقود وأني ما عندي علم
وأني ما أدري روحي مفقوده وين أنفقدت يعافيتي
أحاجي روحي مثل المخلبه وأدك والطم وجهي بخبال وينه وينه حتى هووو راح وينه ولك حسين
من رحت إلمن عفت وليدك إلمن عفتني تعالي فدوه
لمتني بحضنها طيبه تحاول تهدئني وأني فقدت.
أرفس مثل الطير المذبوح ولج صار لهُ أشهر مفقود
وأنييي ما أدري وأكل وأشرب وهو ماله أثررر
كوليلي عايش كولي حسين ما يعوفج كولي حسين يرجع طيبه والله تعبت بس هو الشيء حلو بحياتي...
طيبه أهدئي أهدئي
إن شاء الله عايش ويرجع إلج ويرجع ل أهلهُ وأبنهُ
خلي أيمانج قوي لا تجزعين نهائياً باوعيني الطاف
ألطاف ماتت صفيت جسد بلا روح
روحي تلاشت خلص أنتهيت صفرت
ما أتحمل غيابه ما اتحمل أعيش وهو ماكو،
من عفتني بروحي دخانك رگد.
وثگل وكُلشي وكُلشي مااگدر بعد
صحيت لكيت روحي بالمستشفى وقادر وطيبه يمي بالگوه أفتح عيوني وأشوفهم ريگي يابس وگلبي نار متولعه بي، همست جهالي وينهم
قادر جهالج بخير
بالأول أنتبهي بنفسج
تفكرين بكل وناسيه روحج
إلمن يمعوده هالقهر والحزن والتعب
هاي تاليها صحتج وضغطج ما ينتظم
طيبه ألطاف خيتي الغاليه
خليج قويه فدوه رحتلج
الدنيا تأذينا بس تعلمنا
والدنيا إذا قست الشخص أدمرهُ
مع ذلك إنهضي وكملي حياتج.
وحسين إذا مات الله يرحمه
وإذا عايش الله يرجعه بالسلامه...
ألطاف لا فدوه لأ تكولين مات
حسين ما يعوفيني رغم كل أغلاطي هو باقي وياي
أني محد عرفني وعرف قيمتي غيرهُ هو بس أهلج
قادر هو محد دمرج غير أهلج
حسبي الله ونعم الوكيل...
طيبه خليج يمها لما أروح أجيب علاجاتها...
طيبه ماشي
بس لأ تتأخر لان البنات وحدهن بالبيت
ألطاف بقيت هادئه بس النار بروحي مشتعله
طيبه أتصلي زهور فدوه لعمرج خل نفهم منها
طيبه ماشي تدللين.
ذهب بالطريق خل أخابرها تجيبلي تلفونج ونتصل
ألطاف أتصلت وبقينا ننتظر
مر الوقت ودخلت ذهب وياها زينه عيونها مورمه من البچي عليَّ تقربت عليَّ وحضنتها وشميتها وين اروح
وأخليج فدوه لريحتج خلص كافي تبجين أني يمج
ذهب زهور إتصلت عليج
كتلها تخربطت أخذوها للمستشفى
وتريد تحجي وياچ، هاج التلفون
ألطاف أخذته واتصلت أجاني صوتها تبجي
زهور أم تميم
أختنگت حيل
هاا زهور
َ أدعي لهُ يطلع عايش
إنتِ مظلومه ودعوة المظلوم مستجابه.
والله لا ليلنا ليل ولا نهارنا نهار...
وسوينا الختام سگتاوي بس المهم نفذه طلبهُ
هو كال لأمي قبل لا يروح عود من أرجع نسويله ونحتفل بي ويصير زلمه معدل، بس ما اله قسمه
نزلت دموعي بقهر
همست إن شاء الله عايش ويرجع بالسلامه
هو شلون أنفقد ما لكيتوا أثر وين راح أحجيلي فدوه.
أوففف ألطاف شحجيلچ
هہو كان ما باله هالطلعه أصدقاؤه لحوا عليَّ وطلبوا منه يحضر عرس صديق إلهم
(بگلار سليمانيه).
واحد من أصدقائهم بديالى مروا اخذوا وطلعوا
ألا العريس يا عيني أتصل عباس لان تلفوناتهم
مغلقه هما ثلاثه وياه هو الرابع...
عاد عباس بدون مقدمات شغل سيارته وطلع لديالى
للفجر بلغنا بس تلفونه لاگينه تحت مقعد الظاهر هو شامره جوا لأن بي صور عائليه التلفون الوحيد باقي
ومحفظته بيها صوره تميم اوففففف ياااا خويي
عمت عيوني عليك.
عيوني كمت ما أشوف بيهم
من كثره الدموع والغواش سيطر عليهن
أنقطع الخط ودخت وفقدت عن الوعي...
مرور أسبوك
المغذي بدأ يخلص عيوني تميم يلعب بشعر أختهُ
وهي نعست وعيونها غلبهن النوم چرتها ذهب نومتها رجليها وصاحت بي
ذهب كافي تلعب بشعراتها
صار بيك واهس عوفها أمي أنتَ
خطيه واوا لا حبيبي أختك هاي
ألطاف طيبه راحت مو
ذهب أي راحت
قادر كال يومين وأجيبها لأن عدهم شغل واهلهُ دزوا عليهم وبعدين أني موجوده ما أقصر وياج ولچ...
كفوا منج
أريدج سالمه، هو منو باقي اليه غيرج أنتِ
الحمدلله كل حال.
لو بس يستقر ضغطج وسگر مالتج ما ينتظم
لا تخافين ما يخوف مو مرض سكر بس من الهبطه
هيج صار بيج ومشگل عندج فقر دم حاد وضعف بالقلب، الله يساعدج وتكومين بالسلامة
لهل عنافيص منو إلهم غيرج...
أكوم إلهم إن شاء الله
لليل ذهب تفتر وحدها وهما يم رأسي زينه تمسح وجهي وتميم يچر بالمغذي ليش ولك أگعد ماما
دخلت ذهب وياها الدكتوره...
الدكتوره راح نسچل إلچ خروج
بس تبقين تحت مراقبه وانتهي لنفسج وصحتج ماما.
محد يفيدج لا رجال ولا أطفال نفسج ثم نفسج
كتبلج مجموعه علاجات اخذيه الموعد
وما بيج غير العافيه حبيبتي...
ّالطاف أشكرج
سندتني ذهب ولبستني ملابسي ولمت الهوسه وجهال يحجون عليها تعارگت هي وتميم هو وكح
بسلامته، طلعنا للبيت وقفتا باب المستشفى ننتظر
سياره ما حسينا إلا سياره قادر وگفت كدامنا
قادر ليش ما بلغتوني
بالله عليكم هاي سالفه
شصار الناس لناس
صعدوا يابه وانتوا فصاعين تعالوا يمي بالصدر.
ذهب الله يكثر من أمثالك أبو فاطمه ما تقصر
ألطاف صعدنا وهي ساندتني لأن الدوخة مسيطره عليَّ والمغذي بعده مشگله رفعته فوك وتوقف أجه قادر سواه ورن تلفونه جاوب بس قريب علينا أسمعها تحجي وياه لأن فتح سماعه
طيبه لا تعوفها وصلهم البيت وجيب إلها كباب مشواي واشتري لجهالها خطيه وهاا إذا ما تقبل منك شيء البسها ختولي لان ألا بالعين الحمره يلا يفيد وياها باقيه طناكير قبل أم خشم
قادر ھَہھَہھ
وداعتج تسمعج.
خل تسمع خايفه منها أني
أختها الكبيره أكسر رأسها
وهاا باجر الصبح تعال أخذنا
طگ گلبي عليك
ودير بالك نفسك حبوبي
تمام تمام
طلباتج أوامر أم فاطمه كلهن ليبك...
ذهب صايران حبابين
ولو هو من زمان ورده أبو فاطمه بس أختج الله يهديها يلا كل تأخيره بيها خيره بلكي صحت زمانها وعرفت قيمه الاخت...
الطاف ما أريد شيء من دنياي بعد غير شوفة
ذهب الله يرجعه بالسلامه
ألطاف أمين.
لا أحد يعرف حجم الحُزن الذي بداخلك، لا أحد يشعُر بِك غير الله.
إذا عايش خل تهب عليَّ أنفاسك وترد اليه روحي
ومر ألايام ماكو جديد عنا كل ما أسأل زهور أرد خايبه الضنون وباقي عندي أمل يرجع وأكحل عيوني بشوفته خايبات لو يطلع عايش أني أروح اعقد عليَّ خايبات يحبيات ما تدرن بروحي شگد تحبه بكد ما جاست الوجع هو طيبهن بلمسه أيده
هو من لمس روحي خف وجع جروحي...
أباوع إلهم وناسيه روحي وين.
جسمي نحل وعيوني السواد غيم عليهن وهالات مأخذه ماسحه ومتوسعه حوالي عيوني حتى جلد بشرتي متيبس بسبب فقر الدم الحاد وضعف القلب
ساعه ساعه أدوخ والأرض تفتر بيه توازن يقل والروح تذوب هيج مثل الزبده، دخلت عليَّ ذهب
ذهب شلون بيج كافي تقهرين بروحج
خلصتي عمرج قهر بقهر وختمها أبو تميم عليج
راح تموتين من قهره بسج عاد...
ياريت ميته بالاول عمري
ياريت متت بهذاك اليوم
يا يوم ولج
َ يوم مرسوم بخيالي مر السنين وما نسيته.
من اعز واغلى الاحباب لو اعرف هالكثر أعاني وأتعب بحياتي كان أني موتت نفسي ولا نقذتها
ما أعرف عن شنو تحجين أحسه سر ضامته بگلبج
بس يمه الحياه أقدار وكلمن قدروهُ وأنتِ أنسانه
مؤمنه بقضاء لأ هيج تعذبين نفسج لعد ليش تصلين وليلج ما تنامين كله تقيمي وقراءتج ل القرأن
وانتِ معذبه روحج بالصفنات والقهر والكتم الشايلته بسج يمه...
ذهب كل أنسان تمر عليَّ أيام صعبه بحياته
بس مع ذلك ما تخلوا من الفرح والضحك ولهوا.
والايام الحلوه...
ليش أني بس حزن الفرح متبري منِ لو شنو؟
أستغفر
شهہل الكلام وبعدين هذا إلى يصير وياج
كلهُ سؤء تدابير وعدم أنتباه وتغافل عن الوضع
واكيد أمتحان من ربج قوه صبرج وتحملج
صابره ومتحمله ليش أكو حره صبرت مثلي
لو بس أعرف بي عايش والله ما أريد شيء بعد
كافي لطوفه بنيتي
تعالي أگلي لگمه مو أني غنچ گلبج لخاطري
علمود تأخذين علاجاتج رويحتي أنتِ وهم أبوج خطيه عيونه عليج ادامي جبير خطي.
ماشي تقربت مسحت دموعي وباستني من عيوني
نهضت من مكاني أتخطئ مثل الطفل رجليه أحسهن ميتات سندتني دخلتني الغرفه يم أبوي وجابتلي گبده مشويه وخضروات وعصير زينب گعدت تسويلي لفات وتنطيني وسوت لفه لابوي
حاتم ما أريد خل تأكل هي ويرد حيلها
حيلي من حيلها
ألطاف دمعت عيونه وأختنگ بهالاثناء دخل مازن
مازن هاا اليوم مشاوي الامور تمام
ذهب هذن حاسدها يا ظالم
هاي بدال ما أنتَ تجيب إلها
مازن منين أجيب إلها.
هو شغلي يا دوب أسد مصرف الجگاير وعلاجات أبوي وهي شجاها هيج ذبلت عليمن عودالتميمي الشيعي
ذهب لا إله ألا الله
شنو من عقل عندك شگد طائفي لعد
شنو يفرق عنك نفس الدم وعراق واحد
يفرق هواي يفرق
وأنتِ بطلي تحنين وتونين أشوي أستحي الحيا والثگل مريود أنتِ بين أهلج، بنات اخر وگت
ألطاف ما جاوبته
الي يقهرني دور أبوي بالبيت نهائياً ما اله كلمه.
وين الهيبه وين الصياح وين الجان ينهي ويأمر وين وجود أمي جان مازن ما يفتح حلگه بحضورهم
هيج الگبر يذل البشر ويصغر من قيمته ليش بابا
دخلوا عليَّ وجوهم تضحك لميتهم بحضني كعدوا
يأگلون وتميم ما يريد خبز يريد لحمه وحده أبوس واشم بعطره وأباوع شگله وعيونه والعب بشعراته
احلى شيء خلاه اليه أبوك أنت...
صارت عيون زينه عليَّ رميت تميم بالارض ولميتها
بحضني وبوستها فدوه لعمرج لا هيج تباعين أنتِ روحي بوسط صدري...
همست بگلبي أثنينهم كل واحد من أب شگل
زينه أبوها جرحني وأذاني
وتميم لمس جروحي وطيبها
أوف عليچ يا روحي شگد متعوبه
كمت غسلتهم وناموا بفراشهم واحد بصف الثاني وذهب شفتها تغسل المواعين عسا ما أنحرم منج
ذهب أهم شيء عندي توگفين حيلچ
وترجعين مثل الأول والباقي ملحوگ عليَّ،
ألطاف إن شاء الله
رحت توضيئت وصليت وعندي ملابس إلهم غسلتها.
ونظفت البيت وراها كعدت عندي وقت فراغ فتحت القرأن وبديت أقرأ الهموم تنزاح عن صدري وأرتاح،
ل الليل فارشه سجادتي وأصلي أنفتح الباب مازن وقف ينتظرني أخلص بقه صافن بوجهي أنتهيت
وباوعت اله هاا محتاج شيء؟
مازن أي
باجر تروحين أنتِ وذهب تخطبولي؟
نخطب إلك!
ومنو هاي؟
تعرفها أنتَ،
أي أعرفها
لو مو اعرفها كان ما خطبتها
وحده مطلقه تروحون تشوفوها
وتتفقون كلشي؟
مطلقه!
وليش ما تأخذ عزابيه
باوع اليه وضحك!
عزابيه.
ومنو يرضى يزوجني بنته السمعه الزفت إلى جبتيها إلنا حضرتج ياهو أطلب بنته يكولي عمي روح روح بنتي أزوجه لچلب ما أنطيها إلكم شفتي شلون الناس ما تنسى سالفتج للموت مُجتمع ما ينساها لأن يحبون القال والقلت وخاصه شغله بيها شرف واعراض لعد الشيطان شنو شغله هذا رزقه ُ،
بس مازن أني مظلومه ألى متى تبقى هيج
مصدق أنو أني أنهزمت وياه
سدي الموضوع رحمه ل أهلچ
هسه تروحين لو لأ
علمود إذا ما تروحين أدبر حالي.
ولو منو يخطب اليه عمامي يثردون بدمنا،
خلص الصبح يصير خير أبلغ ذهب ونخطب إلك
تبقى أخوي لو قُلب ألطاف حُقد كان ما أحاجيك وأسمعك...
بالأسم ضل عندي أخت
چر حسره وراح هو ينام ب الاستقبال
رجعت القران مكان مخصص اله وبعدت الغطا ونمت بصفهم وبوستهم ودعيت ربي يحفظهم اليه
ل الصبح كعدت لگيته ناثر الملابس يطلع لبسه.
حلوه أخذهن وراح ل الاستقبال، نهضت واخذت أطفالي للمطبخ جهزت الريوك وخليته بالصاله أجو أبوي ومازن وبديت أصب جاي وهو يأكلون وتميم كعد بحضن مازن وهو يطعمهُ وأبوي يباوع اليه لأن بقيت صافنه عليهم مازن حس وگعد تميم بالارض وشال سترته وطلع من البيت
حاتم مع الوقت ينسى ويتعود
صبي الچاي بنيتي.
ألطاف اليوم نروح نخطب اله
طلب منِ نروح نشوفها وحده مطلقه
تگلم وياك تعرفها أنتَ...
حاتم لا ما اعرفها
كالي عود بابا راح أتزوج.
روحن شوفنها بيها الخير الله يقدمهُ
ألطاف ماشي عيني
شلت المواعين وغسلتهن دزيت رساله إلها
تعالي عندي موضوع وياج مازن يريد يتزوج
دزتلي هسه وگته اليوم حنه هديه وين جان
ما جاوبتها خطيه فرحانه حنه بنت أخوها...
ما حسيت غير فتحت عليَّ الباب ولابسه عبائتها
ذهب يلا جيبي عنافصيج وتعالي بسرعه
ألطاف خل أحجيلج بالاول
ذهب لا تحجين اعرف اجاني أخوج الشفيه.
وگالي يلا بدلي ألهم والج وأنتظرج والسياره هسه يجيبها تأخذنا لبيت العروس المگروده تأخذ أخوج
ألطاف ماشي
بدلنا وطلعنا وهو أجه جايب سياره وتوگل ألنا لبيت العروس كولة ذهب صدك مگروده...
بعد وقت من الزمن وصلنا بيتها مرتين دگينا وطلعت هي شعرها أحمر ومكياجها طوخ ولبسها ضيگ ذكرتني بلبس الراقصاات، سلمنا وگعدنا
أهلا وسهلاً بيكم زارتنا البركة
أني أخت سوسن
ذهب يا هلا بيج خيه
الطاف جابت الضيافه أستغربت كبر بطنها.
بس غسلت كلت إيجوز سمينه أشوي أنگرصت من ذهب شبيچ كرصتج تأخذ روح
شبيه أخوج الشفيه محمل المره باعي بطنها
مسوي وياها المنگر أعوذ بالله
سكتي هسه يجن
نروح البيت ونتفاهم
وإذا صدك حامل خل يستعجل بزواجه ويستر عليها
بنات الناس مو لعبه عنده وإذا مطلقه.
أشوي وأجت وطگ بعلجها وكعدنا
سوسن حبيبتي أنتِ أخته هذول أطفالج مو
ألطاف أي أطفالي
سوسن هاا الله يحفظهم إلچ،
ألطاف ويحفظج ربي،.
وبعدها سوالف كثيره أتفقنا المهر وطلعوا متفقين
ومحضرين كلشي أني وذهب بقينا وحده تباوع بوجه الثانيه لعد شكو دزنه. المهم سلمنا وطلعنا
من دخلنا للبيت ذهب شمرت عبائتها وشربت ماي ودگت الكلاص قوي خيرج شبيچ؟
ذهب أني من ما أرتاح البشر خلاص ما أرتاحله
ألطاف والله ما أعرف هي قسمه
ذهب يلا أخوج يستاهل هاي كافيه عليَّ وهو أختارها إحنا ما إلنا شغل،
بس كولي خاف تطلع حيه وتبقى تلدغ بيج
وتنثر بسم مالتها أطفالج وعليج،.
شحدها تگرب صوبي
عفيه عليج،
يلا حبوبي أني أروح تأخرت
عود تعالي الحنه ب 2 ونص مو ما تچين
بالخير عليها وتستاهل كل الخير
وأعذورني ما أگدر أجي اتمنى تفهموني
سلمي عليها وك سميه.
تمنيت تجين وتغيرين من مزاجج أشوي
بس بعد راحتج حبوبتي،
ألطاف راحت وباوعت إلهم جوعانين ولگم تعالوا
دخلنا المطبخ وبديت أجهز الغده بس أني وياهم وأبوي تغدينا مازن ما أجه، للعصر صوت الاغاني ربي يدوم فرحكم تستاهلين كل الخير...
ومرت هالايام وهديه تزوجت الله يسعدها واحنا جهزنا كلشي وفرغت الغرفه مالتي كعدت بغرفه أبوي ورتبت ملابسنا وتزوج محد راح بعرسه طلع لفندق والثاني جابها
وهو ما يباوع بوجهي تجاهلت وجوده وعايشه ل أطفالي وبس الاخ يسند اخته مو يكون ويه الدنيا ضدها.
كل أشغال الدنيا ما تأخذك من أفكاري والله
أصلي أذكرك أگل وأشرب وانام أذكرك أصفن
وأباوع ل أبنك وأذكرك.
الذكريات والسوالف وحبك وغزلك ياهن يگدرن.
ينسيني أنت أنزرعت بروحُي بس ربي يشيل حُبك
ترجع بالسلامه يالغالي، مسحت دموعي ودعيت
ربي يرجع إلنا ويطلع عايش مجرد فكرة هو ميت
روحي تغيب والنفس يضيق عليَّ الله يساعد أهلك
ويساعد قُلبي ويجمعني بيك وتلمنا أني وأبنك...
أباوع ل الرقم ومتردده أسأل لأن كل مره أتصل
محد يجاوبني وتميم صايرين ولا يهتمون بي ولا يدزون عليَّ أخر مره من سويله ختان عذرتهم
مصيبتهم كبيره يعينهم الله، أتصلت وجاوبت!
زهور هَلأ ألطاف.
شلونج، وتميم شلونه حُبيب عمتهً مشتاقتلهُ والله
ألطاف زينين بخير الحمدلله
أسأل عليكم، خاله شلونها؟
شلونها، ما إلها لون
بالتواسيل يلا تأگل وتشرب ودوم ضغطها نازل
هي مأمنه بقضاء الله وقدروهُ بس قُلب والده
والله ساعه ساعه أكول راح اطگ شلون هيً
الله يساعدكم
يرجع بسلامه وتفرحون بي
أمانه أي شيء تسمعون عنه بشروني
أنتظر إتصال منج زهور فدوه رحتلج
راح وهو حيل زعلان ومغثوث منج
بس مع ذلك ما كسر بيج كدام أحد.
وحتى من أبوي وعباس كاموا يحجون
كال إلهم مغلوب إمرها
لو بيدها كان ما ضلت بهل المُجمتمع
هو دوم فاهمني وعاذرني فدوه لعيونهُ
الله يرجعه سالم غانم
أمين
يلا حبيبتي أترخص منج بوسيلي تميم فدوه
ألطاف تدللين
إنتهى الأتصال بعدني أناظر الشاشه دخلت هي وتخصرت! خير شبيچ داخله الغرفه بدون استئذان، شهل الفضول
سوسن عفيه عليج
أنتِ كلتيها فضول
أريد أعرف أذا طليقج طلع عايش ترجعين اله
شنو يخصج بحياتي
شنو يخصني.
أنتِ أخت زوجي لو ادري سمعتج زفت ما أوافق الصراحه بالبدايه شخصيتج قويه الج كلمتج بالبيت
بس تالي طلعتي بوخه وتفاحه معفنة وريحتج طالعه
ما أستحملت قساوه كلامها ضربتها كف ألا وكعت مرميه الأرض شو هاي ما صدگت گبل هجمت عليَّ
عبالك تريد گوه تعارك بشر لو وحوش ياهو يالي ما يقصر دفعتها بعدني عني وفگي شرج ما إلى خلگ مشاكل لخاطر الله
سوسن اليوم اربيج والله بنت الملاهي الراقصه
هجمت وتعارگنا ما عبالي توصل لهيج...
لليل تخربطت وصياح مازن وشغل السياره أثاري الخاتون حامل وسقطت ورجعوا الوقت متأخر
أنفتح الباب وچرني من فراشي من حضن جهالي سحلني بالصاله واني اعت بشعري لان نصه راح
بيده صحت بي عوفني حرام عليكم...
حاتم الله لا ينطي لعدوك تنكسر ايدك اي والله
ليش ولك بنص لليالي تسحلها من شعرها وهي نايمه
مازن خل تحجيلك الخاتون
متعارگه ويه زوجتي وهي حامل والطفل تسقط
مو حرام عليج يا ظالمه النفس طفل شنو ذنبه.
ألطاف والله أسأل زوجتك هي أجت تهجمت عليَّ
وتريد تعارگ گوه أني ما ردت أتعارك وياها
مازن الله يأخذج ياريت بهذاك اليوم ناحرج وخلصان منج ومن شرج.
لا زوجتج ارتاحيت ولا بقيتِ بالبيت أرتاحيت
أنتِ بووووومه أنتِ بووووومه...
ألطاف من كالها أخذ روحي وأنتزعها من صدري
تذكرتهُ كان يگولي بومه وجهج يطلم...
رجعت لفراشي وتميم يبجي لميته بحضني وغطيتهم
وحسبي الله ونعم الوكيل بيك أنت وزوجتك...
مرت أيام هي نايمه وهو يخدم بيها كدام أبوي تجاهلت وجودهم بس مهتمه بجهالي شايله هم
لمستقبل شلون اعيشهم لازم أتعب واوفر فلوس
فتحت الثلاجه فارغه صافنه شسوي إلهم غده
أثناء صفنتي دخل هو محمل علاگيك فواكه وحلويات دخل زوجته وتميم يباوع إلهم راح وراه ضربت رأسي چريت صايتي وخليتهم يم أبوي وطلعت ذهب لگيتها تغسل البيت شلونج غنج گلبي
ذهب هلأ حبوبتي
خيرج ولج
أريد فلوس عندج
جهالي ماتوا جوع خطيه.
أي ولج من بعنا الذهب موجودات يمي نطيتج قسم وضلن قسم
لحظه أجيبهن إلچ...
أجت جابت شده صغيره بس هذن
أي إحنا بعنا من ذهبج كم قطعه بس كد فلوس دكتور زينه تردين نبيع الباقي
لا هسه أنتظري أريد أشتري مگائن أرجع أخيط
الشغله توگل خبز وجهالي يردون خطيه
عفيه بنيتي سباعيه وأني وياج وسميه هم صارت خياطه شاطره تنساعد بينا
ماشي عيني أنتِ
أني هسه أروح لابو ألاسواق أجيب مسواك
ديري بالچ نفسج
شيصير أكثر من الصار.
الضربه التوجع تقوي
واني صرت ما اخاف وما اهتم
طلعت من يمها تمشيت للاسواق واخذت مسواك للبيت وفواكه وحلويات إلهم وعصائر وطين اصطناعي صار كدامي أخذته إلهم ورجعت
أثناء دخلتي البيت سمعت صوت تميم باب المطبخ
وشفتها ضربته كف فرت رأسه وگع الاكياس من أيدي ورگضت أخذته بحضني باوعت إلها تنگسر
أيدج أن شاء الله ودخل مازن
مازن لمي جهالج شعندج طالعه وحدج ما تكولين
رجال بالبيت شنو من مره أنتِ.
الطاف ما جاوبته بس نار تسعر بگلبي باوعت خده أحمر ويشهگ أخذ حقك مربع والله، يمشون وراي
طلعت الهم حلوياتهم والطين الاصطناعي خليتهم يم أبوي بالغرفه فرحوا بس تميم لحد الان يشهگ يأكل وعبرته بصدره غمضت عيوني بقهر، شفت مازن طلع وهي طلعت وراه تعدل بشعرها وتمايل بجسدها
سوسن عفيه شلون متسوگه عاشت أيدج
جريته منها تسمموا من فلوسكم
هذن لجهالي ما إلى شغل بيكم
اوي عشتوا
وبعدين من ألج فلوس دادي
منو الحبايب لو شنو؟
مشت وصحت بيها أوكفي
وياي
أي وياج
تعالي أكولج شو أنتِ تتحجين بالحياطين
ساعه تشمرين كلام ساعه تضربين تميم شنو
مشتهيه ضرب معدل عبالج هالطفل سقطتي هيج
وگع لحاله وتردين ذبين خطيته برأسي.
شقصدج ولج
والله قصدي واضح
إذا اخوي أثول أني مو ثوله ما تعبر الطافوا حبيبتي عبريهن غيري، أنتِ متعمده ما تجيبن والطفل ويقيد حضرتج...
أي طبعاً مو انتِ خبيره بهل السوالف
ما عليج عتب وشنو خايفه منج مثلاً!
أخوج من اخذني راضي بيه كما كنت
روحي سألي!
لا ما أسال لأن ما إلى شغل
بس مشتهيه أضرب دتعالي أخذ حق شهگات تميم
منو الخبيره بهاي السوالف مره ثانيه من تحجين احجي معدل أذا اخوي ما يعرف يضبج ويعلمج الاصول شلون تحجين ويه اخته دتعالي اني أعلمج...
تعاركنا هي تچر من شعري وأني تگفخ بالشحاطه وين اليوجعك وتميم ركض جابلي الماسحه هو وزينه عفيه وليدي اخذته منها گطعته وربي إذا أنوب گربتي صوبي لو صوب واحد من جهالي إذبحج واشرب من دمج فاهمه كلشي ولا هما
غضب الله يومج متوحشه مو مره
أني الج ل مازن بس يجي الا أخلي يكسرج
أنتِ وجهالج صبر يا الطافواا
دتروحييي أعلى ما بخيلج ركبي
گره عينج أنتِ ورجلج أمداج أي والله.
ولكم فحيت من التعب مو عبالك تأخرت بهل القوه هاي الگتله جانت لنوريه وربعها يلا الفات مات والجاي اقوي مو وليداتي ضحگوا لان شايله ماسحه ومتخصره لميتهم بحضني فدوه لعمرگم ياويلاه إلى يمد أيده بعد عليكم،
رحت صبيت الغده وكعدنا أني وجهالي وأبوي بالغرفه واجت ذهب باوعت للغرفه وضحگت
ذهب صايره شرسه حبوبتي
بردتي گلبي بيها مو
أي وداعتج طگت روحي منها
وأنوب ضربت تميم عقل ما ضل برأسي.
حاتم عفيه بنيتي هيج أريدج قويه ما يهزج ريح
ذهب اي والله
بعد اخوج خاف يسوي سالفه
يلا أني موجوده وعليهم يل الربع مو ولك تميم
ألطاف ضحكنا وتربعت وتأكل ويانا
دخل مازن باوع إلنا ودخل غرفته وبلش الصياح
طلع عيونه بكصته وتقرب ناحيتنا.
مازن أنتِ شلون بيج أنتِ وجهالج
ليش هيج گاتلتها تاالي وياج
بس عمي يحتاج الج تربيه من جديد
ذهب وين وين أكسرك وأطلعك من البيت محمل أنت وهالعار مرتك
ولك أشوي أستحي وكول هاي اختي.
أنت والغريبه اختك امداك
مازن ذهب أنتِ ما الج شغل طلعي منها يرحم أهلج خليني أحل مشاگلي أني وياها
لا ألي شغل
واريد اشوف زلمه أبن أمه وأبوه يمد أيده عليها
خاف عبالك هي تسگت اني ما أسگت وحق إلى أسمه الله أسويك وصلتين
لهذا راويني عرض كتافك...
مازن ماشي ذهب يصير خير
وانت يابه عاجبك الوضع راح يهججن حرمتي
ألطاف ما رد عليَّ
خله ومشه ورجعت ذهب گملت أگلها وهو ماكو طلع من البيت.
لليل يلا طلعت من غرفتها تباوع إلنا بحقد والشر يتطافر من عيونها ما ناويه خير أبداً...
سوسن أني إلج أنتِ وبنتج السگط المنغوليه
ألطاف لا ما أتحمل لو أني لو أنتِ
ضربتها كف ألا وگعت بالكاع
شو هاي كامت تصرخ بعلوا صوتها
واني متفاچئه عرامتها
سوسن يبوووه لحكواا يا ناس تريد تذبحني ولك مازن تعال يبوووه
صحت بيها وكرص شجاج دخلت ذهب
ذهب شبيها أنگرصت صوتها بالفرع كله
مدري شجاها تعالي نسگتها بطريقتنا.
تقربت ذهب صمت حلگلها وضربتها گف
ذهب كافي عاد فگي عنها أدري شمسويه إلج
حرام عليج أنتِ ورجلج ما تخافون الله
سوسن خل تحجيلج الخاتون
بس صبر ما اسمي سوسن أذا خليتج بهذا البيت
ذهب شقصدها هاي تهدد مو
ألطاف ختولي وحده مريضه
تعالي نحجي المگائن ونشتريهن
ونشتري أدوات وشغلات كامله أريد أفتح المشغل خياطه من جديد
ذهب خوش خطوه هاي بس شلون ويه اخوج وزوجته ما ينجرعون والله
الله يساعدج عليهم
الطاف ختولي هي وياه.
بالنسبه اليه بعد ما اهتم الهم
ذهہب وأني وياج لأخر العُِمر
وياج لأخر نَفس بيهَ...
ألطاف أنتِ حبيبتي وسندي
ذهہب يرجع أبو تميم بالسلامه ويأخذ مكاني
ألطاف الله يرجعه بالسلامه
بس بعد ما أضن ننجمع أني وياه
مرت إشهہر حياتنا طبيعيه بس خاليه من الروح
كلشي طافي عندي أختنك خنگ ما غايب عن البال
ولا ثانيه وعيوني تناظر الشوراع والتلفون واتصال
من أهلهُ ويطمنون گُلبي وأرتاح ما أريد غير سلامته.
كعدت أغير ملابسهم وسوسن تچر بطنها عبالك عدها ولاده لان بشهرها تجاهلت الوضع كملتهم تبديل وانفتح الباب دخلت اختها لبسن وطلعت من البيت
وأبويا باوع اليه
يربي يضل وحدهُ خطيه، دخلت ذهب
ذهب هاا جهزتي
خابرتي زهور خاف العلويه مو بيت إبنها
أي جاهزين
لا وين تروح لعد يلا امشينا
بوسة أبوي من راسه يابه ساعه زمان وأجيك
بس أشوفها خطيه تعبانه إبنها وهي صاحبه فضل عليَّ ما أطول عليك...
حاتم راحتج بويا
روحي الله وياج.
ألطاف هز رأسه
وطلعنا من البيت شايله همَ شلون نتلاگه أني وياها
وحده تبچي إبنها وحده تبچي أبن گُلبها،
وصلنا بيت عباس ذهب لزمت زينه
ذهب روحي أنتِ وأبنج خليها يمي ننتظرج إحنا
الطاف باوعت إلها دموعها نزلت وبرطمت
لا ما أعوفها خطيه تعالي ماما.
وصلت الباب دگيته باوعت للبيت وتذكرت كل لحظات من كنا نجي سوا أني وياه ونتعلل اوفف
تميم يضرب بالباب بقوه كيفك ماما...
أنفتح الباب وطلع إلنا.