رواية الرمق الأخير للكاتبة شمس العراقية الفصل الأول
بغداد / 8: صباحاً
ألطاف
يعني شلون وياهن راس الشهر اجه واستلمن رواتب دزن فلوس الخياطه لو بس تعرفن تخيطن
حاتم شبيج يا بنتي حاركه دمج من الصبح
بابا والله علن گلبي يخيطون ويكولون رأس الشهر هذا اجه وحتى الرواتب خلصت.
بابا قدري وضع الناس، من يمتى ادورين وره الفلوس إلى أعرفه بنتي الطاف عينها مليانه.
بابا والله مو على الفلوس بس أريد اتسوك شغلات الخياطه وعندي كومه قطع وقماش لازم اخلصهن...
خلص بنتي أخذي من جديتج وكملي نقوصاتج مره الثانيه إذا ما يدفعن لأ تخيطن بالدين. بس الحالتها الماديه موشي.
ماشي بابا هو هم هيج أكتب قطعه اخليها بالغرفه الخياطه لأن ما ينفع وياهن إلا هل الطريقه
لململت الملابس رتبتهن بالتعاليك نظفت غرفه الخياطه جديتي تجهز الغده. دك الباب اكيد ذهبه اجتي
الحجيه عطفه الطاف فتحي الباب بنيتي
أي جده، اجيت اجيت انطي مجال كسرتي الباب
ذهبه صباح الخير يا عسل شلونج حبوبه.
هلا ذهبه اتفضلي عيوني
ولج جوعانه بطني تزقزق تريكتوا لو بعد
من زمان، بس تدللين فوتي للمطبخ بين ما اخلص شغلي واجيج
ذهبه أي فدوه لطولج الحلو
كملت تنظيف وانطيت علاج أبوي رحت طلعت جبن وزيتون وروبه وصمون هذا ريوكج ست ذهبه
ذهبه عاشت ايدج حبيبتي، إليوم لكيتلج خوش زبونه تبين طاگه ركبتها تخرخش من الذهب
الحجيه عطفه صايره ادورين زبائن مليانين ذهب ولج.
ذهبه لعد شلون حجيه إلى بالفرع كلهن بالدين ويطلعن الروح وكلشي ما محلصين
الطاف تدللي بس يجن الفلوس انروح لسوك واشتريلج ملابس واني محتاجه ملابس الجامعة وشغلات للبيت
ذهبه يمه فدوه لعمرها لطوف الحنونه، أي نروح ليش لا تدللين
الطاف جهزي نفسج نروح لسوك أجيب شغلاتي. جده أريد فلوس لما يجيني فلوسي
الحجيه عطفه بالنظد موجودات يم لحاف لونه أحمر...
أي جده خوش مكان هذا ضحكن، رحت أخذت فلوس لبست بدي وتنوره عدلت ربطتي وطلعنا نتمشى لما تجينا سياره انروح لسوك...
ذهبه أخوج هل المره تأخر عليكم
ألطاف أي والله غير شغله هيج صاحب المعمل عنده شغل هواي ما مخلي ينزل، يلا نتوكل يالله
وصلنا السوك وگبل سوك الأقمشة أخذت اشرطه وتطعيم وكم قطعه عجبني اخيطهن وابيعهن ألوانهن خريفيه دگه ناعمه...
ذهبه شوفي جيرانه حسنيه تفتر بالسوك إني إلها العصر اخذهن منها.
عوفيها من تلحين عليها ما تنطي ولأ تخيط يمنا وإذا راحت تأخذ كل بنات المنطقة وياها، عاد حسنيه واعرفها
كل عطب جواه شيطان رجيم، أمشي الرزق على الله أنتي وين أكو منج ومن طيبه گلبج...
أمشي ما وضل وكت راح يأذن الظهر وأحنا بالسوك بعد وراي مسواك للبيت...
أخذنا كلشي ورجعنا محملين ذهبه گوه امشي سوده عليه أخذتها إلها كيلوا بقلاوه بالطريق فضحتنا كل اشوي تاكل ولج كافي راح يصير بيج سكر اوصلي للبيت واكلي واسويلج عصير...
ولج خليني اكل بس أوصل جهال أخوي يتشالكونها مني عبالك وحوش مو جهال كطيعه
شلونها سمية وياج
مكرهتني بعيشه الله مو زين من عندي معيشتها الله ياخذها كرطت أخوي وكعت برأسي ابتليت
لأ هيج تكولين لخاطر اخوج الله يرحمه وربج ما ينساج وينسى فضلج عليهم.
طبعاً ذهبه صديقه أمي الله يرحمها وجارتي وصديقتي وأمي وكلشي بحياتي ما اكدر استغني عنها نصفي الثاني شغلي طلعاتي ومقابلة أي شيء هي وياي، قريبه عليه أكثر من أختي من بطن أمي بالسنه حسنه نشوفها قليل تجينا من توفت أمي كطعت رجلها حتى ولأ عدها حنيه، أما أخوي يشتغل بمعمل ب سليمانيه ينزل بالشهر يومين مرات شهرين عايش حياته بالشمال، أهلي هما أبوي وجديتي كرست حياتي ألهم...
وصلت البيت لكيت اخوي موجود واكفلي متخصر نزلت الغراض من أيدي وذهبه انخبصت
ذهبه إني أروح البيت بعد ما تشوفيني لما يروح اخوج يلا دادا أسلم عليج
الله وياج، سديت الباب وهو على وكفته أبتسمت الحمدلله على السلامه هلأ بيك خويه
مازن وين جنتي شنو ماكو رجال بالبيت مستغله الوضع ودياحه أنتي شنو من بنت
علي كيفك واحترم الفاظك جنت بالسوك اشتري احتياجات الخياطه وبعلم أبوي.
أي بعلم أبوي بس مو بعلمي شوفي اكولج الطاف تبقين هيج بكيفج رجليج اكسرها مو أشتغل بالضيم وأنتي ولا بالج يوميه بالسوك
لأ إله إلا الله وينننن رايحه قابل، بابا فدوه ما تجي تفضها عبرت من يمه لازمني من أيدي قوي وعصرها
ترى صابر ومطول خلگ لخاطر أبوي شايفه نفسج وكله علئ راحتچ.
مشكور خويا على صبرك وهسه عوف أيدي عفته لكيت أبوي يصلي دنگت بسته ربي يحفظك إليه ولا انحرم من وجودك أثناء صلاته دمعت عيونه عليه دخلت غرفتي ولا اهتميت ولا انقهرت مو جديده عليه نفس كل مره مطلع روحي
الحجيه عطفه يمه الطاف بنيتي تعالي تغدي وما عليج منا أبو رأس مجعمر أكوم اكسر ظهره بالچفير إذا يحجي وياج بعد
لأ جده ولأ يهمج عادي اخوي ويمون كلتها وابتسمت وأبوي أبتسم بوجهي وكعدنا نتغدا بس هو يخزر ما عاجبه...
خلصت غسلت المواعين دخلت غرفه الخياطه رتبت كلشي والغراض وكعدت افصل واخيط لحد العصر اجن نسوان جايبات قماشاات خوش شغل أخذت قياساتهن وجابن فلوس وياهن للمغرب يلا فرغت غرفه الخياط دخلت الحمام سبحت وتعطرت رتبت نفسي دخل اخوي باوعلي بقرف
مازن المن تكشخين شو زواج ما تزوجين وشكلج عنزتي بس لو أعرف المن باقيه
اكشخ لروحي أنت شكووو
جايتج قسمه ما توافقين لو هم تكومين تنفرين مثل كل مره وترفضينه.
أي ارفضه وسالفه الزواج آخر همي بابا أفهم لأ تبقى تلح ما أتزوج قابل نايمه على گلبك شو عايشه بظل أبوي وجديتي وتعبي، لخاطر الله خليك بروحك وفگ عني...
كيفچ بس إذا صرتييي عجوز إني ما اشيلج ھَہھَہھَہھَہ.
لأ تشيلني عود ذبني دار العجزه شكد تضحك مشيت وعفته أبوي هز رأسه ما راضي على تصرفاته وياي، أبوي فقير هواي ويموت عليه ولأ يوم غثني بكلمه ولا رفضلي طلب وأختي وأخوي يغارون مني لأن هل الكثر يعزني، حتى جديتي كذلك تعزني هواي ربي يحفظكم إليه...
الليل كمت انطيت علاج أبوي وفركت ظهره وجبت ماي وملح خليت رجليه وافرك بيهن وهو يتبسم إليه
حاتم فدوه لبنتي الحنونه ام گلب الطيب الله يسعدج.
فدوه ألك بابا رضاك عني كافي عليه ويسعدني، جديتي تصلي صلاه الليل رحت صليت وياها وأبوي نام من وكت غطيته رجعت الغرفتي طلعت كتابي وكعدت اقرا كم صفحه وراها جبت نمنم كعدت ارتبه على الثوب لنص الليل خلصت هواي رجعتهن ونمت ورأي شغل الصبح...
صحيت الصبح والشمس داخله الغرفه ضوءاها تارس الغرفه حب وحنان وريحه الچاي وصلت لعندي لفيت شعري طلعت سندي نفسي على الحائط أباوع ألهم يسولفون وسوالفهم دافيه أم وابنها حلاتهم، هتفت صباح العافيه عليكم
حاتم هلأ بنيتي صباح النور تعالي الريوك بالأوله ما يحلى الا بوجودج
فدوه لعمرك، غسلت وجهي لاحظت غرفه مازن فارغه اطمئنيت يعني رايح توني مشيت عثرت بي وطخ وجهي بصدره شبيك فززتني
مازن غير أنتي ثوله انتبهي مره ثانيه.
ما أعرف عبالي رحت لشغلك
لأ هل المره مطول نايم على گلبج
براحتك، عفته لأن اعرفه يريد يسوي مشكله وعرگه كل ما يجي نتعارك إني وياه مو أصحاب هو عقده وإني أعصاب ما أتحمل أحد يدوزلي على طرف إذا ما أرده...
كعدت وياهم هو يباوع تلفزيون مرات أحسه مو أخوي ما عنده حنينه دوم يزگح ويحجي عليه وأني أحبه وأريد إله الخير بس شسويله يعني...
سمعت أصوات استغربت شنو هل الصوت معقوله ذهبه چابت الزبائن من الصبح!؟
مازن اجت الغاليه يابه بنتك أجتنا إليوم!
حاتم هلأ بيها كومي يابه استقبلي اختج وجهالها
الطاف اي بابا كمت وراه دخلت حضنها بحب عكسي إني ويبوس بيها وجهالها رحت عليها هلأ طيبه شلونج عيني
طيبه الحمدلله وأنتي شلونج
الحمدلله، بوست جهالها ودخلت البيت ومازن طلع يسلم على زوجها كالعاده يوصلها ويرجع بدون ما يدخل البيت...
اجتمعنا مدري ليش أختي چايه مو برضاتها عيون أخوي عليها الله يستر شبيهم هذول ً!
التهيت ويه جديتي أجهز الغده ومازن راح لسوك نسوان اجن دزيت على ذهبه تأخذ قياسات وتتفاهم وياهن بغرفه الخياط. كعدت أنظف خضروات اجت چرت الكرسي عليها...
طيبه هذا شغلج حتى من أكو خطار موجود
ليش أنتي خطار، أختي مو غريبه
لأ يعني
شغل شسوي يعني
تبقين هيج مو عبالك كبرتي
ما نايمه على گلبج كبرت صغرت لنفسي
والقطار يفوتج يا چكمه تبقين بدون رجال بس شغل
والحياة ما تكمل الا رجال
أي طبعاً
امداج لعد.
الطاف حبيبتي جايتج خوش قسمه وافقي ترى الزين مو كل مره يتحصل چم دوب تبقين ترفضين.
مازن دز عليج مو؟
لأن ولد من طرفي گرايب رجلي إبن عم أبوه خوش ولد وآله شغله وبيته وحده شتردين بعد
طيبه رجاءاً موضوع الزواج سدي يا أختي ما مفكره اتزوج شغلي أحبه وتعودت عليه أشتغل وأشوف البنات ومتونسه شتردين مني
بس يا جگمه هذا كله ما دايم الچ مصيرج لبيتج ورجلج تبقين هيج ياهو يجي ترفضينه.
الحجيه عطفه صوتجن فضحتنا وأنتي طيبه كل ما تجين جايبه رجال لاختج فهمتج ما مفكره بالزواج ليش تلحين
يا جده لمصلحتها إني منو دايم إلها
قصدج إحنا ما دائمين إلها يا حيف التربيه
الطاف جديتي ضاجت وراحت لغرفتها، هيح أحسن ست طيبه هسه ارتاحيتي
طيبه هالمره ما أروح إذا ما أخذ موافقة منج وهذا المشغل وغرفه خياطه تنسد ونريد غرفه نزوج مازن بيها
أنتي ضيمج شغلي وشلون عايشه ومتونسه مو.
عابتلج صايره مكروه بحال شغلج إني بس علمودج ومازن يريد يستقر شوفه عينج هو ينام بالصاله وأنتي ماخذه الإستقبال كله الج
عادي أفرغ غرفتي أنام يم جديتي وأبوي واحول غراضي هو خل يتزوج بغرفتي شكو يعني هيج صرت ثگيله عليكم
أنتي ما تفهمين ابدا، يجي مازن ونحجي بهذا الموضوع وأريد أفرغ إستقبال يجون الناس عيب وين اكعدهم بالحديقة لو بالمطبخ.
يا سالفه ما تفض ولا تخلص يعني ما تفهمين أطلع أصيح واكول يا عالم يا ناس ما أريد اتزوج
الكلام ما منه خلاص وياج أمشي لحبايبج وذهبه خل تشتري شغلاتج لأن ما شاءالله تعلمت منج كلشي الوحيده جيبها مليان منچ
الطاف نفضت نفسها بالانزعاج كرهتني شئ إسمه زواج من كثر ما تلح...
اجه وقت الغده خليت بحافظه صغيره أكل رحت الغرفه لكيت ذهبه ترتب القماش ذهبتي هاج هاي اشتهيتها الج.
ذهبه مشكوره دادا احم أختج البومه صوتها يلعع أبد ما ارتاح بوجودها
ما عليج منها تحجي تحجي وتمل وتروح لبيتها نفس كل مره قابل جديده عليج
لأ والله مو جديده أصلا گلبي ورم منها سبحانه أبد ما تشبهج
عوفيها. كعدت أباوع قماش هواي جايبات واكلب فصالات مختارتهن دخلت هي راحت على القماش الجاهز اخيطه وابيعه
طيبه أريد من هذا القماش إليه وبنتي وهذا هم.
تدللين. راحت على اكسسورات ومكياجات شغلات بنات اجيبها نشتغل بيها تمشي هم تكلب أخذت جيس جبير عاد جاوبتها، طيبه عيني كلشي بفلوسه
ماكو فلس هو راح يتعزل بدال ما غيري يستفيد إني هم أختج اولى من الغريب
ماكو غريب بينا لأ تشمرين كلام والخياطة ما راح تتعزل تردين الإستقبال تزوجين مازن انطيه الج واحول كل غراضي بغرفتي لأ تلحين بالساالفه زايد ولأ تجبريني أدخل أبوي...
روحي أنتي وغراضج كلهن اكسباير أروح أشوف جديتي خاف زعلت مني وأنتي جهزي الغده مازن هسه يچي هم يلا وكت غده...
ذهبه أوف أختج تعل الگلب شلون بيها گشفه وعضه وسحله وتكصيبه معدله اوزعها ثواب على روح أخوي الله يرحمه
الطاف ههه سكتي لا تجيج يلا حبيبه نتشاوف بعدين ولأ ما عليج من كلامها تخرط بكيفها وتمل
ذهبه أصلا ما اعترف بيها تروح الج سبع فدوات.
الطاف بوستها طلعت اوصلها الباب ودخل مازن أخذت مسواك من أيده يباوع الاستقبال أووف
مازن طيبه وين
الطاف يم جديتي
مازن شبيج تحجين من وره خشمج
مو أنت اخوي
أي اخوج
الأخت ما الها غير أخوها وإني سانده نفسي بيك ما انتظر رجال يسندني
كبرتي الطاف وعقلج كبر
طيبه تضحك عليك بكم كلمه علمود تلغي سالفه الزواج
الطاف دراستي وشغلي حابتهم وإني ما مكلفه على أحد ليش تجبروني عليه، وعمره الزواج ما انذكر زوجوا بناتكم بالاجبار.
مازن خلص ما يكون إلا خاطرج طيب على راحتج ولو ولد خوش ولد وهاي ثاني مره يطلبج من أيدي بس شسويلج أنتي ما مقتنعه
بومه طيرت الخير من كدامها خليها خوي خلي هذا الشغل وحفافه لنسواين تفيدها والقسمه الزينه تروح منها طاح حظج
مازن طيبه خلص لا تلحين بهذا الموضوع البنت ما تريد تزوج مو غصب، يلا جوعان إني أكو غده لاخوج...
الطاف ابتسمتله عيون أختك ألك مو بس غده ردها إليه دخلت المطبخ الدنيا مو واسعتني وطيبه تغم بيه وإني فرحانه ما أعرف ليش ما بالي زواج حابه حياة العزوبيه وخاصه شغلي والمعهد مالتي والبنات وذهبه وسوالفها كُلش ما بالي الزواج!
وقت الغده أبوي لاحظ تغير وجه مازن عليه وابتسم بوجهي وطيبه ضاجت لأن تعرفه بحبني أكثر وحده عاد هو كال إلها.
حاتم طيبه بنتي خلي گلبج جبير وحنين وديري بالچ على خيتج هاي الصغيرونه امكم من ماتت هواي وصت بيها كالت لأ تهضمونها...
طيبه الله يرحمها
ألطاف كلمتي أثرت ب مازن هواي (أنت سندي) مدري حسيته حس بالذنب بسبب قساوته وياي الله يهدي ويحنن گلبه ويشيل سالفه الزواج من رأسه يخليني عايشه حياتي وما اتقيد برچال...
لملمت وغسلت ونظفت رحت سبحت ولبست وسرحت شعري وطيبه وجهالها معارك صوتهم تارس البيت أبوي يصيح عليها وهي ولأ بالها عيونها بتلفونها وتضحك...
حاتم ولج طيبه جهالج أريد أنام ساعه ترى لعبوا طوبه بينا سكتيهم يا بنتي.
الطاف ما جاوبته ولأ اهتمت لكلامه واكفه باب غرفتي بيدي مشط وصافنه عليها شلون تبسم و تقرأ رسائل تلفونها جان صرصور بوكته. أوف طيبه.
طيبه أبوي يحجي وياج شو اشوفج منطيته إذن طرشه، ما ردت عفتها رحت طلعتهم من غرفه أبوي وجديتي اوادم كبار، امشوا العبوا بالحديقة جدو نايم.
رجعت عليها طيبه مو وياج إني
طيبه أي شبيج
الطاف صحت بيها طيببببه عوفي الصخام تلفونج إني مو وياج عقلج وين؟
طبيه شبيج أنتي. شعليج بيهم بيت جدهم خل يلعبون لو ما تقبلين حضرتج
مو هيج القصد بس أبوي نايم كلج سكتيهم وأنتِ ولأ بالج عينج بهذا المهجوم هيج تحبين رجلج
شقصدج ولج.
شقصدي يعني! تعرفين قصدي
رجعنا لكلامج مثل السم، اكوم أشوف جهالي أحسن شئ
طيبه إني لمصلحتج ماكو شئ إسمه صداقه بين الرجال والمره
وليش ماكو وين عايشه عقلج تنك أكو شئ إسمه تحضر
تحضر! تحجين ويه رجال غررريب وتفتحين گلبج إله بحجه صداقه
أي وشبيها
عود أنتي أختي الكبيرة الفاهمه الله يسلمج
صوتج نصي لأ تفضحينا جريمه احجيلج سالفه عوذه منج.
يا أختي لمصلحتج ماكو وحده تخاف عليج بكثري انتبهي لرجلج وجهالج عوفي ولد بحاله.
ماشي مثل ما تريدين أروح أشوف الجهال...
الطاف راحت أخذت تلفونها جانت رسائل كلها ضيم وتفتح گلبها وعن عيالها وهو يواسيها عفت تلفونها الله يهديج الغريب تفتحين گلبج إله وإني أختج ولأ مره كلتي عيالي لو رچلي مو زينين عليه
العصر هي كاعده بالحديقة وحدها تباوع بناتها لاحظت تلفونها مو بيدها، صافنه عفت القماش رحت يمها طبيه بيج شئ افتحي گلبج اسمعج.
طيبه والله مثل مازن حيل طيب وحباب دائماً ينصحني ويوصيني برچلي وجهالي لأ عبالج أكو شئ بينا
ماشي وإني كلتلج خاف يصير شئ بينكم مطول بعدكم بدايه لأن الولد يتعلق بيج وأنتي كذلك هذاك الفتره نصحتج وما فاد والله اتعبين روحج
يعني بعد ما احجي وياه.
أي حبيبتي عوفي كسري خطج وإني أشتري الج خط جديد وتلفون جديد وانكول جهال وكعوا بالحمامات وفضت السالفه ولد صحيح صديق العائله ويعرفكم بس يبقى رجال وما يجوز تحجين وياه إذا أنتِ تحجين وياه گ صديق هو ما مرور الوقت يحبج ويتعلق بيج يأذي نفسه ويأذيكم ويخسر صاحبه اصحي ولا تحجين وياه إذا مقهوره احجي ويه روحج ولا تحجين ويه أي شخص مو كلها مثلنا وأنتِ روحج برچلج و كلنا عدنا ظروف قدرِ ظروفهُ وصيري أحسن منه تمام خيتي.
عمرها ما حاضنتني رمت نفسها بحضني وتشهك وقتها عرفت طيبه وقوتها وجبروتها داخلها انسانه ضعيفه مهشمه وضايعه
طيبه حيل محتاجه أمي عافتني بوگت أمس الحاجة إلها وأنتي ملتهيه بشغلج ما حبيت اقهرج
اوفاا منج إني كل وقت اسمعج اختي حبيبتي، انطيني تلفونج أخذته كسرت الخط وتلفون شفتها ابتسمت من شافت خوفي وحبي إلها لو اعرف بيج هيج أنتي تحبين قربي ما ابتعد عنج بس أنتي قاسيه عليه
تزوجين وتعرفين الحياة علئ اوصولها.
لعد ليش تردين أتزوج إذا أنتي ما مرتاحه شلون إني أرتاح
مو كلهم سوه خيتي أكو ينحط تاج علئ الرأس لدرجه عينج ما ترمش بس إله واكو تكرهين اليوم صرتييي بي وصرتي مرته، أي عوفينا عود لأ تنسين تلفون وخط لأن رجلي يگلب الدنيا أخذ رقمه من تلفون مازن وافمهمه جهال وكعوا
أي تدللين حبيبتي باجر الصبح ادز ذهبه تجيبلج
نحجي ودخل مازن أبتسم ويبوس بالجهال
مازن هااا شلونجن صايرات حبايب إليوم!
ألطاف عين بارده علينا سمي بالرحمن لأن طيبه ساعاتها مو وأحد فجأه تنكلب علينا ويهج خبالها
مازن هههه هم صدك فلا تلامين هاي جبت فلافل سويلنا عشه اشتهيته وجبت وياي
الطاف من عيني أخذت منه دخلت المطبخ عفتهم كاعدين هو يغم بيها وهو وجهه يلطم ساعه تضحك ساعه تبجي شخصيتها غربيه بس علاقتها أخوي مازن قويه عكسي إني
دخلت جديتي باوعت الجهال موسخين البيت والحوش هوسه والحديقة صايره فلم هندي هاي جده صافنه.
الحجيه عطفه صافنه على هل الهجمان وبرود طيبه هاي منو يلم الهوسه أبوج صيح عليها إلا عجز شكد تعل الگلب هل البنت
إني هسه أرتب كلشي ولا يهمج
فدوه لطولج أروح أصلي راح يأذن وأنتي هم عوفي العشه من ايدج الصلاه أفضل أبوج ينتظرنا نصلي جماعه...
جده صيحي مازن وطيبه يصلون جماعه ويانا
عوفيهم مازن عمره ما يخلي كصته على كاع ياما حجيت ما يفيد واختج فرض تصلي وفرض تغلس عنه. قابل هما اصغار. تعالي أبوج ينتظر.
فعلاً رحت توضيت لكيت أبوي محضر المصلاة وفارشهن شافني أبتسم بدينا نصلي والراحة النفسية سكنت أرواحنا خاصه من أبوي يقرأ الآيات بصوته الحلو، ربي يتقبل منا ومنكم صالح الاعمال...
لليل عفتهم كاعدين دخلت غرفتي كعدت افصل واخيط واسوي نمنم لحد ما نعست قفلت فد مره رتبتهن ولميت الهوسه أحب كلشي مرتب طلعت لكيت الكل نايم. رحت صليت صلاه الوتر فرشت ونمت...
الصبح دگ الباب جان مازن طالع من وگت منو هذا من الصبح فتحت الباب لابسه حجاب صلاه رجال ما اعرفه اتفضل خويا المن رايد
هذا بيت أبو مازن
أي خويه ليش خير!؟