رواية ولد الباشا للكاتبة فاطمة الأحمد الفصل العاشر
هِلال
صار المسا و عَزّآم راح للمطار يجيب أبويا وعمي اشتر والشباب إيمار والاخوه الاثنين، لحد 7. جنت انزل ويا أريم حتى نتعشى المساعده فتحت الباب وگفت نظرت لأريم هزت راسها بمعنى اي هو عفتها وركضت للباب اول ما دخل حظنته وهو رفعني مثل ما جان يسوي بطفولتي
الباشا: هِلالي روحم أنتي
هِلال: عُمررم انت بابا حبيبي مشتاقلك كووومه كووومااات.
ابتعدت وهو يمسد على شعري ويتأمل ملامح وجهي مثلما تَعود بعد وفاة ماما، بست إيده وبهل اثناء دخل عمو اشتر فتحلي إيده حتى احظنه مثل كل مره من يسافرون ويرجعون
الأشتر: شني هِلالة بدر التِم ما تحظن عمها.؟
هِلال: جااانم اشتررم شلوون ما احظننك
حظنته وابتعدت اعاين وراه ما شفت احد غير عَزّآم شمر السويج للحارس ودخل
عَزّآم: ها يابه ادخلو ليش بالباب
هِلال: عَزّآم إيمار وين؟ مو راجع وياكم وينه؟
الكل ساكت وابويا حسيته انزعج اجيت اسأله عبرني ودخل للصاله سألت عَزّآم مره ثانيه.
هِلال: عَزّآم اخونا وين؟ رجع ويا بابا؟ وينه؟، عمو اشتر احجي، ليش ساكتين.؟
عَزّآم: وَتان وإيمار راحو للشُقه
هِلال: دقيقه شلون يعني؟ چآ وهذا القصر ما يكفي يروح للشُقه عزام صاير شي؟ وتان ليش وياه؟
الأشتر: آنا خليته يبقى چا شني خوما اخوج يبقى بوحده تعرفين الوضع شلون.
هِلال: اصلا ليش حتى يگعد بالشُقه. عزام صاير شي بسفرة يونان احجو لا تخبلوني.
اجت أريم تلزمني وترجعني وياها
أريم: تمام هلال بعدين يفهمونا تعاي وياي
هِلال: عوفيني أريم خل افهم اخويا ليش ما رجع.
نترت ايدها ورحت ورا عمي اشتر
هِلال: عمو عمو أنت احجيلي انت ما تضم عليه مثلهم
وگف اندارلي لزم وجهي اعرفه يحبني مثل بنت اله وأكثر اكيد راح يجاوبني.
الأشتر: هِلاله بس يهدى الوضع نرجعه لحد ذاك الوقت راح يبقى بالشُقه وَتان ويا لا تخافين عليه
عافوني ودخلو للصاله رحت وراهم عمامي الاثنين گاعدين وابويا وياهم هدآم وعزام كذالك گاعدين دخلت عليهم لمن عمي الأشتر حجى.
الأشتر: من يكمل الشغل المتروك بسبب السفره يرجع
رفعو راسهم ينظرولي، اردفت وصوتي محتقن
هِلال: بابا شنو حجيت ويا إيمار حتى هيج رفض يرجع وياك للبيت؟
عَزّآم: هِلال اطلعي برا دا نحجي بأمور الشغل.
هِلال: بالنسبه إلى اخويا اهم من شغلكم اهم من صفقاتكم بس اريد جواب على سؤالي يابه إيمار ليش ما رجع وياك.
عزام راد يگوملي هدآم لزم ايده كل هذا وابويا ساكت وملامحه بارده، انداريت لعمي الأدهم من اردف
الأدهم: بنتي هِلال خلافات عاديه تصير بين الإبن والاب چم يوم ويرجع وين يروح تاليته يرجع هدآم موجود شوگت ما تردين ياخذج تشوفيه.
ابويا نضرله مو راضي عن كلامه بس ما حجى شي مسحت دمعه نزلت من عيوني بدون انتباه مني، اردفت
هِلال: يابه اتمنى ما تكون كررت نفس إلى صار من سنه. عوفه يحقق أحلامه لا تجبره على شي ما يريده لاا تجبره يمشي بطريقكم
كملت كلامي وطلعت ركض على غرفتي الله أعلم ابويا شنو مسمعه من كلام اكيد جرحه بكلامه مثل ما سوا قبل سنه. دخلت الغرفه اخذت موبايلي ودگيت على وَتان ما يجاوب.
و إيمار جديد بالبصره اول مره من 21 سنه يرجع للبصره حتى رقم عراقي حالياً ما عنده
ضليت محتاره واجرب اتواصل ويا وَتان.
رُقيه
لحظات وعبرت سيارة مضلله من آخر موديل كسر عليه وگف مخالف للطريق گدامي، نزل الجامه بلعت ريگ شديت على الكاميرا وبعدها تصور، نفس الشخص اللي چآن بالمكتبه ولابس كمامه
طلع إيده من الجامه لابس كفوف سوده موجه السلاح عليه، اردف بصوته الخشن تبسمرت بمكاني
- صدفه بنفس المكان مرتين.
اردفت وبألف يا على يطلع صوتي
رُقيه: ش شنو ليش لاحگني
السلاح موجه عليهَ و صييّح بوجهي فزيت بصرخه
- آنااا لووو انتي لاحگتني!
رُقيه: يماا تمام تمام بس السلاح السلاح عفيه وخره، والله ما لاحگك أنت انت لاحگني
تراجعت چم خطوه حتى اهرب من المكان رجع صييّح عليه والسلاح بإيده
- لا تتحركين خل انزلج لااا تتحركين
رُقيه: ت تمااام
نزل وبقى الباب مفتوح عبر باب السيارة بخطوات بطيئه رفع السلاح بوجهي واني أتراجع لورا، سؤاله چان غريب
- وين شايفچ من قبل شكلج مو غريب عليه!
مسحت جبيني من العرگ والتوتر هزيت راسي، اردفت
رُقيه: لا لا مت متوهم آني آني.
شبيه إلا شويه واحجيله قصة حياتي، طكيت اصبعي بوجه اردفت عود گلت هذا هم مثل الحرس العدنه راح يخاف وصار العكس
رُقيه: باااوع لك باااوع سلاحك هذا ما يخوف چلبي و...
بحركه سريعه جر إيدي لواها ورا ظهري همس بأذني.
- اگص اصبعچ ولسانج السوقي هذا واخليهن گلاده بنحرچ ادبسز عليمن تگولين لك؟
رُقيه: عليييك ااقصد موو عليك مو عليك إيدي ااإيدي راحت يا هممج خل نتناقش بالقضيه شبييك خل نتناقش
حسيته يشم بشعري اردف بأذني.
- حتى عطرچ مو غريب عليه مگابلچ من قبل بس وين ما اتذكر.
رُقيه: ت تخلبت شتريد انت انت ليش هيج تحجي ما اعرف احد آني ما اعرف احد
- گلتي خل نتناقش؟ اووه اسلوب مُحاماة أسلوبي النقاش بس النقاش على طريقتي سواء بگاع المحكمة او بگاعي.
دفع بظهري صرت گدامه وجه عليه السلاح
- اعد للثلاثه تحجين منو انتي وليش بهذا الفرع يصير خير، أما إذا تلفين مثل الحيه التريد تلدغ ادوس راسچ، تفهمين تفهمييين؟
رُقيه: تماام فهمت شبيك تصييح محد عنده صووت غيرررك شبييك
مد ايده مثل إلى يريد يخنگ شخص تراجعت خطوه، اردف ويشد على كلماته
- ماال اخنگج وارتكب بيج جريمه شگددد مغثه بس جااوبي على گد السؤااال
رُقيه: عقوبه القتل المُتعمد إعدام
بدون تردد لزگ السلاح بگصتي بيناتنا شبر اردف وعيونه تروح يُمنى و يُسرى
- المن تشرحين القانون واحنا دستور ثابت يلا غردي شعندج بهذا الفرع.؟
رُقيه: ق قضيه.
- احجي بدون توقف، اجدي الكلام منچ؟
رُقيه: أكو مجدي مال كلام؟ بعلي معلومه جديده من العالم الخارجي
لزم وجهي ضرب ضهري بالسياره يحجي
وبس عيونه مبينات ورا الكمامه
- من اي عالم انتي متسوودنه ولسااانج أطول منج
رُقيه: فاااهيه آني فاااهيه والله على نياتي احجي بس وخر خنگتني شمدريني بالدنيا بس وخرر.
- لا خاتونه لا جاي تلفين مثل الحيه، تتمسكني حتى تتمكني، كملي يلا قضيه شني؟
ما عاف وجهي ضل قريب هزيت راسي وبديت اصفط كلام
رُقيه: الصدگ آني مُحاميه و عندي عندي قضيه قضية فساد بمشاريع البناء إلى إلى بهذا مكان بهذا الفرع اقصد بهذا الحي كُله
بالمنطقه كُلها
- بالعرااق كُله كملي كملي
رُقيه: اكمل ليش لاء، صاحب مشروع هذني اليلات فاسد و جاي ادور على معلومات عنه.
موكلي موكلي مقشمرينه واخذو منه فلوس لأن اشترى بيت منهم
- چؤ چؤ حرامات اشترى بيت بس اخذو منه فلوس هاي ليش؟، المفروض ينطونه فلوس فوگ البيت!
رُقيه: هااا؟ لااا يدفع يدفع
- يدفع عربانه؟
رُقيه: هااا.؟
ابتعد مني وآني اخذت نفس نظرتله يرجع شعره لورا يكور ايده ويشد عليه رجع خله السلاح بگصتي وشد عليه حسيته يريد يدخله براسي
- احجي بدون چذب بدون تأليف بدوون تصفيط كلام من دماغج الفارغ هذااا.
رُقيه: چآ شلون يصفط حجي اذا فارغ
- دخيييلك يا عباااس دخيلك لج شنييي من لسااان بحلگج؟ حييه اانكونده لو كوبرا لو شنيي!
دگ براس المسدس مرتين على خدي
رُقيه: ت تمام من اتوتر اجفص باوع لك، لك شنو؟ اقصد استاذ، معلم، لا زعيم شني يسمون چبير العصابچيه؟
- هسا اذا اانيم المخزن براسج امي تگلي ليش؟
رُقيه: ليش؟
رفع ايده راد يضربني صيحت احجي من التوتر.
رُقيه: دخيلك يا على خلصني من هذا الوضع بس هل مره بغلاة فاطمه عندك بغلاااتها
فتحت تك عين شفت متخوصر ينظرلي
- بنيه متسوودنه شهل ميانه وانوب ويا الإمام على عليه السلام، شبيج؟
رُقيه: ترااا كُله منك گلتلك من اتوتر أگوم اجفص ياااأما اقتلني وفض السالفه ياااأماا كلمن يروح بطريقه
تقرب سد حلگي وينظرلي بطريقه غريبه اردف
- كفيلج جدنا السابع احساسي ما يخيّب شايفج من قبل وسامع نفس الميانه ويا ألأمه بس وين ما اتذكر.
ابتعد قفل أقسام السلاح ورجعه بضهره اردف
- شلون تجين للبقعه المُحرمه؟ حي - - - تابع لأوسخ تاجر غير قانوني وصاحب مافيا
رُقيه: گتلك مُحاميه ولازم اجمع معلومات ودلائل علمود قضيتي. وآني ماكو شي يمنعني
- آنا منعتج آنا
تقرب رفع ايده بوجهي اردف
- شغلتين شفعولج، الأول إحساسي والثاني لسان الأنكونده البحلگج هذااا
راد يأشر على شفتي نترت ايده، ابتعد يبتسم بطريقه تسليكيه بس الصار.
هِلال
ضليت احاول اتصل على وَتان ما يجاوب دخلت سيرا مثل عادتها
سيرا: اااكلج
هِلال: اسمع يمين عظيم اسمع مو طرشه نصي صوتج
سيرا: اوي آيم سوري جنت ناسيه تعاي العشا جاهز والكل ملتمين.
هِلال: ما اريد مو جوعانه سيرا انطيني موبايلج
سيرا: ليش مو جوعانه ترا عمى سجى ماكو وآني نفسيتي بغيابها ينفتح على الأكل + شتريدين من موبايلي؟
هِلال: صدگ وينها عمى سجى حتى ما اجت سلمت على بابا!؟، انطيني اتصل على وَتان.
اخذت الموبايل منها وهي رمت بجسمها عالچربايه تعاين بالسقف وتحجي
سيرا: العصر طلعت من البيت گالت تروح زياره بعد ما ندري ولا يهمنا ندري، اوي بعد أيام وتبدأ مسابقة الرسم متحمسه كُلش
دگيت على وَتان من رقم سيرا فورا جاوب
وَتان: مااا اانطي فلس احمرر اذا ما تعتذرين على المسبه
هِلال: ول حفييد همممج يعنيي متقصدددد مااا تجاوووبني
وَتان: شني منو متصل بيه سيرا رقم سيرا طرگاعه ليش عندج هِلال هِلال أعصابج.
هِلال: عزااا بعيينك وَتان عزاا بعيينك اصبرلي تمام اصبرلي.
وَتان: كفيييلج جدنا السابع جدنا السابع اخوج گال لا تجاوب احد بيهم
فزت سيرا تصييح بسماعة الموبايل
سيرا: ااانت رجعلييي الخمسيين دولار وبعدها احلف، ول كون جدنااا يجننك يااا نصاااب يااا محتااال يااا جذاااب
ابتعدت منها
هِلال: سيراا بعدين حلو مشاكلكم الماديه
وَتان وين إيمار احجي!
وَتان: بغرفته يرتب اللوحات
گعدت عالچربايه احتقن صوتي شهگت احتاريت شحجي.
وَتان: هلاله وحق جدنا السابع اخوج حالف نتخارب اذا عرف جاوبتكم خلو بحاله، عبن كلام عمي بعده يرن باذانه.
هِلال: كلام؟ كلام شنو وَتان احجي بغلاة امك احجي ابويا شنو گاله؟
سمعت صوته يناديه صارت ضجه وقفل الخط
سيرا: شني هلال صاير شي؟ وَتان راح يرجعلي الخمسين دولار؟
انطيتها الموبايل ورحت طلعت محفظتي جبتلها الخمسين دولار خليته بإيدها
هِلال: عمو اشتور صدگ من گال درهميه للنخاع.
سيرا: محلاها الفلوس الزينه محلاها الفلوس الزينه، افتخر چآ غير بنت الأدهم باشا ول خااالي.
طلعت من الغرفه وهي تتمايل مرجعه فلوسها. شلت موبايلي والمحفظة بالجنطه وطلعت نزلت عبرت الصاله وبعدها غُرفة الطعام كلهم يتعشون، عبرتهم وطلعت بالباب
طلبت من حارس الباب
هِلال: عماد جيب سويج سيارتي.
--: آنسه هلال الباشا انطى أوامر ما نخليج تطلعين!
ما تطلع بوحدها
انداريت شفته هدآم واگف ورايا
هدَآم: سويچ سيارتي.
--: تفضل استاذ
هدَآم: امشي هلال
هِلال: عماد انطيني سويچ سيارتي!
هدَآم: تعاندين الباشا؟
هِلال: حتى انت تعانده.
أشر على عماد يروح واندارلي بألف يا على متمالك اعصابه
هدَآم: سمعيني بويا، آنا گدهاا من اعارض ابوچ! لأن ثنيناتنا هدفنا حمايتج بس بطرُق مختلفه.
هِلال: طريقتك كُلها سلاح وبوكسات
ابتسم مسح على لحيته اردف
هدَآم: على اساس ماكو سلاح بدشبول سيارتج ول بنت الباشا.
هِلال: غيرر انتو السبب اانتو ماا بقيتو بينا ذرة انوثه علمتونا على حمل السلاااح واسحب أقسام وتااكد من المخززن
هدَآم: تصحيح، تتأكدين من المخزن بعدها تسحبين أقسام
دفعت بصدره وهو يضحك
هِلال: ايي ايي هيج جنت اقصدد على شنو تضحك! ااذا بيك خير وصلني واذا لاا هسا هسا اطلب تكسي يمين عظيم اطلب تكسي!
هدَآم: امشي گدامي يلا
هِلال: لا تتأمر عليه خوش
هدَآم: امشي خلصيني
هِلال: لا تدفع بضهري يمين عظيم ااابطل.
هدَآم: شني تبطلين بويا امشي وحق الزهراء بقدرة القادر ساكتلچ
صعدت السيارت شديت الحزام وهو صعد ينظرلي اردفت.
هِلال: يمين عظيم اذا ما تعدل اسلوبك وياي ابطل ما اتزوجك.
سحب سلاحه خلاه بگصتي اردف
هدَآم: رصاتين وحده الج والثانيه الي
مديت ايدي تحت الكشن اعرف هذا مكان سري للسلاح الإحطياتي طلعته سحبت أقسام وتثبته بگصته. اردفت وأشرله بحواجبي
هِلال: ساحبه أقسام سابقتك بخطوه.
هدَآم: من وين تعرررفين مكااانه؟
هِلال: ريلاكس چآ غير احنا معادين نص العراق خاف عبالك ثوله وما اعرف كُل تجهيزاتكم انت وعزّآم؟
نزل سلاحه وشغل السيارة آنا كذالك نزلت السلاح قفلت الأقسام ورجعته تحت الكشن
هدَآم: لا حول ولا قوة الا بالله
النوب عمي الغالي يجند بنته وتصير بگد عشر زلم براسي.
طلع من القصر للشُقه واعصابه بخشمه وآنا كُل شويه ارش بانزين وازيد ناره
هِلال: چآ شلون غير احمي نفسي من اعدائكم ولد الهمج
ينظرلي ويخوزر بيه طول الطريق.
رُقيه
تقرب رفع ايده بوجهي اردف
- شغلتين شفعولج، الأول إحساسي والثاني لسان الأنكونده البحلگج هذااا
راد يأشر على شفتي نترت ايده، ابتعد يبتسم بطريقه تسليكيه بس الصار إطلاق نار مثل المطر علينا ركضلي حظن خصري ونزلني ورا السياره
رُقيه: دخييلك ياا على بغلاة فاااطمه دخييلك
لييش تمطرر رصاااص شكوو منو هذوله
ما جاوبني فتح باب السياره رفع الكشن وطلع سلاح ثاني جهزهن وگام يصوب عليهم وآني بس اصرخ.
رُقيه: دخييلك يااا على دخييييلك تووبه راح اسمع كلام سُعاااده بس مشيني هل مره دخيييلك
زحفت على إيدي طلعت راسي من ورا السياره شفتهم الحرس مالتنا صييّح عليه انهد حيلي من صوته
- ول حيواااانه يااا ثوله اررجعي وراااي يااا غبيه
وگفو الطرفين يغيرون المخزن گمت اركض للحرس وألوحلهم
رُقيه: خاااطفني خاااطفني والله مااا هررربت خاااطفني
رجعو واحد يصوب على الثاني ركضت تراجعت للسيارة وآني اصييّح.
رُقيه: واااحد اااراا من الثاااني مااابيكم حظظظ واااحد اااراا من الثااني
- موو جنت خاااطفج ليييش ترجعين لييش يا ثووله بنت الثوله وحق جدنا السابع ابتليت بيج ااصعدي للسياااره ااصعدي لا افرغ الباقي برااسج
صعد للسياره وعبر لكرسي السايق ومستمر يصوب عليهم من الجامه وآني صعدت بدون انتضار بعدني ما سديت الباب انطلق بكُل سُرعته يسبني سبي ويضرب الستيرن والسلاح بإيده.
- ثووله بنت الثوووله ااانتي ثوله بنت الثوله شنيي خاااطفج ول شني خاااطفج وين أوديج هسااا وين
رُقيه: لجهنننم صووجي والله صووجي رجعت للسياره جاان أفضل اروح وياهم
عين على الطريق وعين يراقب ورانا نظرلي ويخوزر بيه اردف
- تعرفين منو هذوله إلى رحتي تستنجديين بيهمم تعرفييين منو؟
رُقيه: اااي أقصد لاااا مااا اعرف بس احتاريت منو احسن من منو.
- آنااا الأحسن ااآنا ما تشوفين صابر عليج وما مفرغ المخزن برااسج.
رُقيه: ااافتهمت والله ليييش تصيييّح متبااهي بصووتك لو شنوو
يضربني على راسي ويحجي
- بسس اسكتيي بس اسكتيي
رديتله وصرت اضربه بكُل قوتي على إيده المثبتها عالستيرن
رُقيه: للك عليمن تمدد اايدك عليييمن
- عليييمن تگولين لك علييمن وحق جدنا السابع اوگفلج صفحه وانزل ما اخلي بيج عضم صاااحي.
واحد يضرب بالثاني لحدما انحدرت السياره من ايده، سوينا حادث وضرب السياره بعامود الكهرباء، ما ادري شگد مر وقت وآني غايبه عن الوعي رفعت راسي السياره تطلّع دخان ومتفلشه الدم نازل على وجهي، انداريتله شفت راسه على الستيرن غرگان بدمه، بديت أبچي من منظره
رُقيه: يا ربي شنو سويت يااربي
مديت ايدي وخرت خصلات شعره شفت الجرح عميق وبيها گزازه فزيت اصرخ وابچي...
رُقيه: يماا ماات ماات قتلته بسببي ماات.
دگ تلفونه طلعته من جيبه مكتوب على سَند خليت اصبعي على نحره أكو نبض بعده عايش ابتسمت بنص بچيتي، جاوبت عليه
رُقيه: ص صاحب الموبايل مسوي حا حادث.
أريم
اجيت ادخل لغرفة على سَند صادفته بالباب الموبايل على اذنه والإيد الثانيه آيباد عليها خريطة موقع
أريم: على سَند صاير شي، علي
ركضت انزل وراه وهو يحجي
علي سَند: اسعااف على موقع - - - بسرعه
أريم: على سَند منو مسوي حادث على احجي
وگف يحجي اتصال ثاني عَزّآم طلع من الصاله
عَزّآم: شبيك على سَند!
علي سَند: وگاع مسوي حادث
سمعنه صوت شهگتهه ورانا وگع الكلاص من ايدها
أريم: عمةةة.
ركضنالهه عمي الأشتر طلع يركضلها يلزم وجهه ويطمئن عليها
الأشتر: آمل آمل عاينيلي يا عيوني شصار ليش تشهگين
ادارللنا عَزّآم اخذ الآيباد وطلع على سَند يفتر ويتصل يكمل المكالمه ويرجع يتصل بشخص ثاني وآني بس ابچي
الأشتر: وااحد بيكم يحجي شني صاااار شني گلتولها
أريم: عم عمو وگاع مسوي حادث.
أصفر لونه وعمتي تبچي وتشهگ.
الأشتر: أريم أريم عينج عليها ديري بالج عليها بأمانتج.
باس راسها وطلع ويا على سَند اجو الكُل إلا حبوبه هُدهُده تنام من وگت الأحسن ما نحجيلها لحدما يرجعون طلع عمي الباشا و يصييّح على هدَآم حتى يروحون ورا عمو اشتر تفاجئنا من كلام الحارس
--: السيد طلع من البيت من ربع ساعة
الباشا: طلع لوين رااح؟ سيرا هِلال وين!
سيرا: عمو هِلال حجت مكالمه ويا وَتان وبعدها آنا طلعت من غُرفتها ما ادري بيها طالعه.
--: حظرتة الباشا آنسه هِلال طلبت سويج سيارتها بس ما انطيتها بسبب أوامرك بعدها اجا السيد هدآم اخذ سيارته وطلعو سوا.
ضرب المزهريه بالگاع كسرها والگزاز بكُل مكان اردف يصييّح على الحارس
الباشا: شلوون ما تجي تگُلي شلوون
الأدهم: اهدى باشا تعرف هِلال مستحيل تبقى گاعده اذا ما تاخذ اجوبه على كُل تساؤلاتها
الباشا: بس موو إلا تطلع ويااا هداام موو إلا تطلع ويااه.
الأدهم: باشا بعدين نحجي بهذا الموضوع هسا خل نطلع ورا الأشتر لا يضل وحده.
ندى: اخويا ترا ادهم كلامه صح الخلافات خلوها على جنب الأهم هسا وگاع
اندارينا لعمة آمل تحجي وتبچي
آمل: االف مره اگُله لااا تخليه يطلع وراااهم لااا تجبره يسوي شُغل غير مهنته بسس لاااا شغله والثانيه تعاال وگاع خلص عليه شغله والثانيه وگاع ابني روح ورا فلان وخلص عليه، الصار بأبني بسببه هوو.
سيرا تحظنها وتحجي الدموع ما فارگ وجوهنا وكُلنا حواليها
سيرا: عمة آموله فدوى اروحلج لا تبجين مااما تعاي حاجيها ماما يَقين ليش تبجون وتخوفوها وگاع مابي شي هسا تلگونه يگمز بجدنا السابع وحق الزهراء
يَقين: آمل حبيبتي اهدي لا يصير بيج شي
اهدي
نزلت عزّهَ تركض ما فاهمه شي
عزّهَ: ماما، عمه شني صاير شبيكم وين الشباب وينهم؟، عمه آمل شبيج حبيبتي ليش تبجين، احجو شنوو صااار
سيرا: عزّهَ وگاع مسوي حادث.
عافت ايد عمه آمل وگامت تفتر بالصاله رجعت تسأل
عزّهَ: وين راح عَزّآم؟، وينهم محد ضل بالبيت؟
أريم: اخذ الآيباد وطلع ورا الموقع، وهدآم برا البيت ويا هلال
عزّهَ: الموقع ويين ااريم احجي
أريم: الزبير حي - - -
عزّهَ: ااالله يلعنهم ااالله يلعنهم
گالت هيج أخذت موبايلها وطلعت للباب وآنا وراها
أريم: عزّهَ وين تطلعين وين ممنوع بهذا الوقت مو أمان عزّهَ ارجعي لا تروحين.
اخذت السويج من الحارس بعدما رزلته رزاله معدله وطلعت رجعت ركض للبيت اتصلت ب عَزّآم
أريم: الو على سَند عزّهَ طلعت وراك جايه للموقع.
هِلال
مر وقت واحنا ساكتين إلى أن اردفت
هِلال: من نرجع ثنيناتنا ناكل رزاله
جاوب بدون لا ينظرلي
هدَآم: فداج
هِلال: هدَآم.
هدَآم: انفاسه لل هدَآم
ينظرلي بنظرات كُلها حُب، تنهدت وحجيت
هِلال: لوما ارتكبت ذيج الجريمه ودخلت للسجن التُركي بعمر ال 16 چآن هسا اختلف الوضع. وابويا ما مختلف وياك!
اختفت ابتسامته وينظرلي بتوتر اردف نفس الكلمات المُعتاده.
هدَآم: هِلال اذا ما قتلته بذاك اليوم چآن راح يقتلني وبعدها يدخل للبيت يقتلج ويقتل اخوانج هم.
مسحت دمعه نزلت من عيني اردفت وآنا مخليه راسي عالجامه.
هِلال: بس بعد اسبوع من الجريمه دخلو حرگو البيت واخذو أمي مني اخذوها هدآم دمرو عائلتي اخذو امي مني اخذو روحي و روح الأيهم هدآم.
ما ينسمع مني بس الشهگات كمل الطريق مد ايده يمسح دموعي بإبهامه ويحجي
هدَآم: اشش كافي تبچين اضمچ برمش عيني واحتويچ آنا وياچ. هِلالي.
سحبت كلينس مسحت دموعي، اردفت
هِلال: احم تمام لا ياخذك الواهس مرات ما اسيطر على شوگي لماما وهيج أبچي
فتحت الجامه حتى أشم هوا وتروح الخنگه مني، وگف السياره گدام العِماره السكنيه نزلت وهو دگ تلفونه اشرلي اصعد عفته وصعدت دخلت للمصعد متوتره واخيرا راح اقابله بعد أشهر من آخر زيارة إلى على تُركيا.
هِلال: شگد بطئ شوگت اوصل.
وصلت للشُقه سميت بسم الله ودگيت الجرس ابتعدت من أمام العين السحريه خاف إيمار يجي يفتح الباب تأخرو وما فتحو دگيت مره ثانيه هل مره فتح الباب وهو يصييّح
إيمار: شهل إزعااااج منو جاي!
طلعت من ورا الحايط وگفت گدامه
هِلال: آنا إيمار.
راد يسد الباب بس وگفته وحظنته بكل قوتي اردد نفس كلمات امنا
هِلال: عُمررم جاانم إيماري ترگع الباب بوجهي؟، ترگع الباب بوجه أُختك؟
رفع ايده خلاها على ظهري يحظني بقوه وَتان واگف بعيد ويبتسم ابتعد إيمار يتلامس وجهي الشبه لِأمي باس راسي اردف
إيمار: آسف چانت لحظة غضب روحم انتي آسف والله
رجع باس اسوارة أمي إلى بإيدي ومتندم بسرعه يتندم على اي شي يحسه غلط، ابتسمت بوجه اردفت
هِلال: تمام جانم تمام
عبرته ودخلت للبيت وفورا للمطبخ جبت سچينه ورجعت للصاله وَتان تراجع ورا التخم يدور وآنا وراه.
وَتان: هلوله بغلاة ذاك الشايب ابوج بغلاة جدنا السابع عوفي السچينه
هِلال: جدك شايب يول جدددك شاايب عليمن تگول شايب على اابوياا؟
وَتان: ول خااالي حتى ااابويا شاايب ابن الشاايب حفييد الشااايب بس عوفي السچينه خل نحجي برواء برواء يا ئلبي
هِلال: عشرين اتصاال ومااا تجاااوب عشرين اتصاال بس من اتصلت من رقم الديااانه فورا جاااوبت هااا
عبر عالتخم للجها الثانيه.
وَتان: ول إيمار شوف اختك شوف تسودنت راح تذبحني كفيلك جدي السابع
اجا إيمار لزمني وهذا عبر
إيمار: تمام هلال خل يولي آني اجبرته ما يجاوب
هِلال: ااعرف اجبرته بس ما اعديها سلامات
وَتان: هلوله بغلاة الشايب أ اقصد بغلاة الباشا عايني على روحج من تعصبين فد وحده كيوت مو مال نخاف منج.
هِلال: چآ لو زلمه وما تخاف چآن واگف گدامي ول شلايتي ابو الَملاهي إلا احجي لعمه آمل عليك واذا ما شوفتها البوست الجديد مالتك بصف ذيج المصلخه مااا اتسمى هِلال ياااا همممج إيمار عوفني اربي هذاا عوفني
جرني وياه للغرفه ويحجي
إيمار: عوفيه يمعوده عوفيه وتعاي وياي.
اشرتله بالسچينه.
هِلال: راجعلك يمين عظيم افرمك فرم اصبرلي اصبرلي.
دخلت على غُرفته وسد الباب ورانا، معلگ كُل اللوحات وبالزاويه مخلي مُعدات الرسم وفرچ ألوان ويا رسمه جديده بعدها بس بقلم رصاص تقربت اتلامس ملامحها بست أصابع أيدي إلى لامست وجهها وإيمار جاب الگيتار
انداريتله اختفت ابتسامتي من شفته
هِلال: أوتارها إيمار بابا رجع سوا هيج.؟
خلاهه عالارض راح للجراره طلع بكرة الأوتار وتربع لبست الشفقه بالمگلوب ومدنگ يصلحها ما جاوبني گعدت بصفه وخليت أيدي على كتفه
هِلال: إيمار.
هم ما جاوب رجعت ناديته مثل ما أُمي چانت تناديه
هِلال: إيماري.
ميل راسه شويه واردف بهدوء
إيمار: هاا هِلال
هِلال: عيوني انت اوف جانم
حظنت اكتافه شويه وابتعد يكمل تصليحها
هِلال: جيب اساعدك
إيمار: لا خاف تنجرحين هِلاله لا تلزميها
ما رديت عليه ساعدته غصب كمل وبقى اخر وتر جرح اربع أصابع سوا ضل يعاين للجروح وهيه تنزف
هِلال: شووف شسويت شووف
جبتله كلينس خليته عالجروح وجبت بلاستر
إيمار: ما يحتاج هِلال ما يحتاج.
هِلال: أنچب ولا تحجي گتلك وين الكفوف تگول ما يحتاج وهسا انجرحت هم تگول ما يحتاج.
ضل ساكت ينظرلي شديت الجروح بالبلاستر
وسحب ايده يكمل البقى
إيمار: جرح يلچم جرح والعافيه من الله.
ضليت هيج اتأمله وعيوني مليانه دموعه كملها وابتسم اردف
إيمار: اعزف وانتي تغنين.؟
لزمت وجهه هزيت راسي اي
هِلال: اي اي نغني نفس الأغنيه.
بلش يمرر اصابعه المجروحه على أوتارها ويعزف نفس النغمه. وآنا أغني الأُغنيه التُركيه Annem. وراه.
هِلال: أمي يا أمي
Annem. Annem
لا تحزني
Sen üzülme
فكلماتك محفورة في قلبي
Szlerin hep. Yüreimde
أمي يا أمي
Annem. Annem
تعالي، لا تحزني
Gel üzülme
فهذا القلب لا زال عند قدميكِ
Bu gnül hâlâ Dizlerinde
أمي يا أمي
Annem. Annem
لا تحزني...
Sen üzülme...
من شفت دمعه نزلت من عيونه بعد ما گدرت اكمل خلى الگيتار على جنب وحظنا بعض أبچي واحس نار بصدري إيمار بس يشهگ ويمسد على شعري اردف وألف كسره بصوته
إيمار: على الأقل أنتو لحگتو تحاجوها تركضون وراها آنا ما عندي غير صوره ومقطع فيديو قديم يجمعني بيها ما ما اتذكر اذا جنت احاجيها او او جنت.
سكت ما گدر يكمل
هِلال: صح ما جنت تمشي عبن جنت كُلش زغيّر اربع سنوات تأخرت حتى تمشي بس.
Annem چانت تدللك وتغنيلك جااانم روحم عُمررم إيماري. جانت حيل تحبك حيل
زدت بالبچي وهو بعد أكثر بس بصمت جنت احس بدموعه من توگع على متوني ويمسح عيونه بس ما يتلاحگهن ينزل عشره بدالهن.
إيمار: هِلال تمام لا تبچين آسف
ابتعدت وجهي صاير احمر من البچي
هِلال: إيمار ارجع ويايه للبيت
گام شال الگيتار رجعه لمكانه وشال الأغراض يلهي روحه و آنا وراه
إيمار: بيتي بالمكان إلى موجوده بيها أمنا.
هِلال: ناخذ كُل لوحاتها وعلگهن بغرفتك غادي عفيه إيمار ارجع ويايه
اندارلي وشلون بسرعه ينفعل
إيمار: مااا ارجع لذاااك البيت كله دم كُله ثأر كُله انبنى بعدما راااحت امنا ضحية أعدائهم
شوگت تفهمين.
هِلال: بس افهمني ما اگدر بدونك ريحة امي بيك انت شلون نعيش هيج بعاد هو انت من جنت بتُركيا وكل شهر اشوفك ما نشبع من شوفة بعض هسا هنا بالعراق تريدنا بعاد حباب إيمار ارجع.
إيمار: ما ارجع لذاك القصر الملعون ماا ارجع.
انتي انتي شلون عايشه ويا هيج ناس چذابه؟ 18 سنه 18 سنه وبعد أشهر يُمر على وفاتها 19 سنه وهي متوفيه بس وين گبرهاا مااا ندري اابوج كُلما اسئله يضل سااكت
هِلال: إيمار بس اهدى اهدى آنا بنفسي بعدني ما استوعب انه امي ماتت وتركتني بعدني افز من النوم على أثر لمساتها أشم عطرها بالغرفه بكل صُباح يمين عظيم احسها عايشه عايشه ويايه بس ما اشوفها إيمار عفيه لا تسوي هيج ابويا ماله ذنب صار الصار والمجرم مجهول.
حظنت خصره وضل ساكت، انفتح الباب دخل هدَآم يعاين علينا شويه و اردف متوتر وعصبي
هدَآم: هِلال خل نرجع بسررعه
ابتعدت
هِلال: شكو شصار
إيمار: صاير شي؟
دخل وَتان يلبس جاكيته اردف.
وَتان: وگاع مسوي حادث وبعدهم محد لاحگه
هِلال: ش شلوون وگاع مسوي حادث؟
لزم أيدي وسحبني وراه
هدَآم: امشي هلال امشي بلا كثرة اسئله
إيمار جان منزعج من أسلوب هدآم بس صبر وما تدخل. بالباب وگفنا.
هدَآم: وَتان شبر ما تطلع برا البنايه أوامر الباشا هذا وانت إيمار باجر سيارتك توصلك عليها كُلشي من ناحية الأمن واذا ترفض العواقب مراح تنال اعجابك لا تكبر السالفه أكثر ترا من صدگ ملينا.
وَتان: على الااااقل اتصلو بيه طمنوني وااالله ياا الله حتى ااخوياا ما اگدر افزعله شهللل عيشه هااي.
عفناهم وفورا رجعنا للبيت.
رُقيه
عفت الموبايل، حاولت ارجعه عالكشن كُلش ثگيل الكمامة كُلها دم من راسه شويه وفتح عيونه نظرلي وبألف يا على الكلمه تطلع من لسانه
وگاع: ام امشي من منا را راح يلحگوني ويقت يقتلوج وياي اامشيي زلم جسار جا جايين
رُقيه: مااا اعوفك بسببي الحادث صار دخيلك يا على شسوي
عدل راسه على الستيرن مد ايده لزم أيدي
وگاع: م مو أول مره انصاب ولا اخر مره امشي مناا امشي ل لا تصيرين عرمه.
رخت ايده عيونه بلش يغمضهن وغاب عن الوعي مره ثانيه، ضليت ابجي واهز بكتفه حتى يگعد مره ثانيه
رُقيه: گومم لااا تموت گوم لك گوم يااا االله
موبايلي بلش يدگ وجان بجيب الجينز من ورا طلعته شفتهه وَدق بسرعه جاوبت قبل لا احجي وَدق حجت صوتها جان غريب
وَدق: رُقيه و وينج ساعه.
سكتت ما جاوبتها عرفت مُهدده وهذا إشارة أنه تذكر اسم شيء من احرف اسمه حتى انتبه.
رُقيه: و ودق أكو رجال لحگني للمكتبه خطفني سوينا حادث اعتقد مات ودق راجعه للبيت شسوي، راح اتخبل قتلت واحد. الو؟
قفلووو الخط حيواااناات مهددينها بس مو عليه.
انداريت اله بعده مثل ما هو فاقد الوعي سمعت صوت الإسعاف جاي من بعيد. نظرتله اخر مره قبل لا انزل
رُقيه: آسفه على كُلشي بس انت اجيت بطريقي، ان شاء الله تگوم بالسلامة.
سحبت ايدي من تحت ايده ونزلت من السياره اركض ركض والوقت عبر 9بالليل اتصلت على الحارس جاوب.
رُقيه: يمعوود وييينكم ويين خطفنييي وما سويتو شي ياا حيواااناات هسا شلون ارجع؟
--: آنسه انطيني العنوان خل اجي اخذج اذا كلامج صح وما هربتي.
دخلت على فرع باوعت ورايه ابتعدت من مكان الحادث للشارع الثالث يعني مستحيل زلم الجسار يعبرون من ذاك الشارع، اردفت.
رُقيه: دماااغ فاارغ وين أكو شخص يهرب ويتصل بسجانه يا حيوانات انتو وبعلي لو جسار يعين كلاب حراسه أفضل من هيج زلم.
--: اعتذر منج آنسه انطيني الموقع.
رُقيه: شارع - - - - بسرعه بوحدي جاي اركض بالشوارع.
قفلت الخط وأمري لله ما ادري اذا صدگوني او لا المهم وَدق ما يكون صاير وياها شي. طلعت الكاميرا كعدت أشاهد التسجيل مُدته ثلاث دقايق وصاحب الكمامه طالع بالتسجيل لحدما ينزل من السياره وگفت التسجيل طلعت كرت الذاكرة نزلت جنطة الظهر صايره
كُلها تراب ودم فتحته اخذت وحده من الأوراق المزوره شگيت شويه للكرت غلفته وخبيتها بجواريبي بالشوز.
رُقيه: دفعت بيك كومه فلوس وراح انجبر اضحي بيك.
شلت الكاميرا وشمرتها كسرتها تكسر رجعت لميتها وشمرت القطع بإحدى الحاويات من الموجوده بالفرع، رجعت لمكاني ورا حايط بيت من البيوت گعدت انتظرهم يجون.
ال عزّهَ
صعدت سيارتي وطلعت ورا طول الطريق اتصل عليه.
عزّهَ: جااوبني شبيك جاوب.
رجعت اتصلت عليه ما يجاوب اتصلت بمدير الأمني مالتنه.
عزّهَ: الو كريم بسرعه بسرعه دزلي موقع إشارة موبايل السيد عَزّآم بسررعه.
قفلت الخط وفتحت النيت انتظرته يرسلي الموقع اعرفه ما يروح ورا سيارة وگاع راح لغير مكان راح يخلص عليهم، شويه وصلني الموقع على الواتساب فتحته. من عصبيه احجي واضرب الستيرن والشارع ازدحام.
عزّهَ: عررفت والله عرفت مُستحيل تتغيرر عَزّآم مُستحييل
اتصلت بعلي سَند تأخر حتى جاوب
عزّهَ: وينك، تمام وصلتو؟، شلونه وگاع؟
الحمد لله، على سَند فورا على نفس المستشفى، لا طلعت ورا چااا شسوي يروح يبلينا بيهم أكثر انوب يخلص عليهم وحگ العباس. لا تحجي شي لأبونا لاا تحجي.
عاينت إشارة موقعه عبر الشارع العام وسلك طريق تُرابي، كملت كلامي ويا على سَند.
عزّهَ: على سَند على ااسمعني آنا مو بوحدي الله وعلى وياي بغلاة ماما يَقين لا تحجي شي خليني اكمل طريقي عَزّآم محد يوگفه غيري افهمني، تمام عيوني انت سلام.
نهيت الاتصال وكملت ورا الموقع، فجأة وگف، جانت فرصه حتى اللحگه وصلت تقريبآ
ورجع يتحرك الإشارة. مديت ايدي للچكمچه.
طلعت السلاح عاينت عليه.
عزّهَ: تجبرني امشي بنفس طريقك تجبرني
اكرهك بگد. استغفر الله هسااا وگت تتصلين؛
الو أريم شتريدين؟
- عَزّآم اتصل على ابويا گال شلون تخلون عزّهَ تجي ورايا
عزّهَ: ااالله يلعنه تماااام!
- حتى عَزّآم ما سلم من لعناتج غير هو خايف عليج، عزّهَ ارجعي دخيلج الأوضاع كُلش متوتره وابويا ما يعرف يرجع للبيت لو يرجعج لو يبقى بالمستشفى.
عزّهَ: لو عَزّآم منچب وساكت ما جان ابويا هيج يحتار بس وحگ العباس ما ارجع اضل وراه فد واحد همج وبس لُغته القتل والسلاح.
قفلت الخط غيرت للقيادة الذاتيه لحدما اتأكد من مخزن السلاح تأكدت منهه ورجعته سحبت أقسام للجهوزيه ممكن بأيي لحظه يطلعولي بمأنه هاي منطقتهم. عفته عالكشن ورجعت للقيادة العاديه تقريبآ وصلت قريب عليه كأنه خفف السرعه او واگف حتى اوصله.
عزّهَ: يبدو واگفلي بالدرب عَزّآم بيك.
وصلت للمكان بقى بينا أمتار قليله ما وگفت إلا لمن ضربت سيارته الواگفه بنص الطريق. دعست بريك اخذت السلاح ونزلت رحتله فتحت باب السيارة ما لگيته.
عزّهَ: لك ااالله.
يلعني!
سمعت صوته وراي اول ما انداريتله لزمني من خصري قربني وخلى السلاح براسي ما ترددت سويت مثله وخليت السلاح براسه.
اردف وانفاسه قريبه عليه
عَزّآم: الله يلعني.؟ وتخلين سلاحج براس عَزّآم!؟
عزّهَ: لِ كُل فِعلٍ رَدُ فِعل بنات الأدهم الباشا مو هينات.
هِلال
وصلنا للبيت نزل فتح الباب وسحبني وياه ما وگف دقيقه لحدما دخلت للصاله عفت ايده وركضت للعمه آمل.
هِلال: امي انتي اهدي اهدي حبيبتي
علي على سَند اتصل گال نقلناه قبل لا يجون والله ما لحگو اهدي اهدي.
هزت راسها وبس تدعي بهمس اجت أريم
أريم: ماكو اخبار عن عزّهَ؟
هدَآم: اخبار شني؟ عزّهَ وين موليه احجي.
هِلال: عمه ندى عزّهَ وين؟
ما جاوبت بس تمسح بعُيونها وعمه يقين محتاره منو تسكت.
أريم: عزّهَ طلعت ورا عَزّآم، ومناك عزام شايفها تلحگه اتصل بأبويا وانلاصت أكثر
هدَآم: لااا ياا ااالله شلون ليل اغبر هذاا
طلع تلفونه ويتصل بيهم اجت سيرا تحجي
سيرا: كُله من عَزّآم وحق الزهراء اذا اختي صار عليها شي ابن عمة سجيوا ما يسلم من لساني وحق الزهراء.
أريم: أنچبي هو انتي بس حلچ يحجي.
هدَآم: الو عَزّآم اختي وصلت؟، اااي عااشت ايدها حرامات ما جنت بالسيارة، ارجعو للبيت، چااا ديربالك عليها، تمام سلام.
أريم: ها احجي
الكل منتظر يطمننا عنهم. ابتسم اردف
هدَآم: المتسودنه حفيده هُدهُد بعد واسلوبها العراك ضاربه سيارته بكل قوتها بس عزام چان نازل منه وبعد واحد ساحب سلاحه بوجه الثاني.
سيرا: اوي على اساس انت وهلال تسحبون ورد بوجوه بعض شفتكم قبل لا تمشون مسوين مثلهم.
واحد يعاين للثاني اردفت
هِلال: اخوج هددني وتعرفون قانون نيوتن لِ كُل فِعلٍ رَدُ فِعل.
هز ايده ما عاجبه الكلام.
هدَآم: مُجنده مو حيالله بنيه والله يا الله.
هِلال: خواتك هم وياي مُجندات مو بوحدي.
سيرا: تمااام لا تتكاااونون
صيحنا عليها
--: صوووتج سيراا
أريم: هدآم ليش ما تروح للمستشفى
يَقين: لا بنتي خل يبقى شني نبقى لوحدنا
سيرا: چا هلال المُجنده وأريم سوبر گيرل؟
هدَآم: سيرا الزمي لسانج احسنلج
أريم: عوفها يمعود
هِلال: على الاقل اتصل بعلي سَند خل نطمئن
خوزر بيه ما عاجبه الكلام گلب عيونه راح گعد طلع جگاره يدخن وينظرلي.
غلست على نظراته عود سويت روحي ما اعرف بي يغار من قلقي على ابن عمي.
رُقيه
اجا السايق اول ما نزل وچآن اشوف ناجي الجاي ورايا لزمني يسحلني للسياره
رُقيه: حيوااان منو اانت حتى تلزمني وهيج تسحلني
ناجي: اخلص عليج قبل لا نوصل هيج الأوامر أمشي يلا امشيي
صعدت وهو يدفع بضهري رگع الباب صعد يقود بكُل سُرعته.
رُقيه: لك ااالله ياخذك الله ياخذك
ناجي: ياخذني بحظنج مرتي المستقبليه
رُقيه: مقتنع بروحك انت؟ مقتنع ااكوو بنيه ترضى بيك واانت چلب ابن چلب ونگس.
وااحد مُتحااارش بالرايحه والجااايه.
نظرلي وما مد إيده مثل كُل مره اردف
ناجي: إلى ع اساس خطفج مات خلصتينا منه.؟ لو لازم اكمل وراج؟
رُقيه: هااي شبيك القتللل اسلوبك ياا فاجر ما قتلته هو مد ايده واني تضاربت وياه سوينا حادث والشاب اتصاوب براسه أصابه خطيره.
هز راسه يتوعدلي على المسبات. سكتت بعد ما حجيت ما اريد أصعب الوضع ويكوم يهددني ب وَدق، وصلنا للگراج نزل اندار فتحلي الباب ولزم ذراعي يدفع بضهري حتى امشي للبيت بسرعه.
رُقيه: شويه صير ادامي ولا تدفع بيه اعرف امشي
ناجي: امشي يا حقيره امشي گوه ساكتلج
الحُراس فتحو الباب على وسعه خطيت اول خطوه للبيت نائل طلع من الصاله وهو يسحل ب وَدق شمرها تحت رجليه وهي تبچي انداريت للجهه الثانيه جسار طلع وبإيده جگاره اردف.
أهلًا برجعتج يل خاينه بنت الخاينه.