رواية ولد الباشا للكاتبة فاطمة الأحمد الفصل الستون

رواية ولد الباشا للكاتبة فاطمة الأحمد الفصل الستون

ال بتراء
ما خلاني ألحگهم لزمني من زندي وگفني واني بطني واصل لحلگي دفعني بقوة للأرض
جسار: خل اتمووووت هاي النطفة النگسسسة مثل ااابوها.
لو ما عمة سجى لازمتني چآن وگعت على بطني!
عاطت بوجه وهو اعصابه نار!
سجى: على كييييفك وياهاا هسه يصير شي للطفلة شبيييك!
جسار: خل اتمووووت هوااايا سكتتتت عليهاا
هااي الطفلة لازم تموووت ما لازم تظل هاي النطفة النگسسسة مثل ااابوها.
من گال هيچي الخوف أحتل گلبي.

گعدت بمكاني أبچي وجسار يخوزرني، اردف.
جسار: هاي البنيه الدزها هاشم حته تنقلله اخبارنا
بشني چنتي تحچين وياها؟
ضل كلامه بأذني وهو يگول (ما لازم تظل هاي النطفة النگسسة مثل ابوها) دفر الطبلة الزجاجية كسرها خلاهه تتفلش، صرخ مره ثانيه يكرر كلامه
جسار: جااااااوبي بشني حچييييتي وياها طووول هاي الفتررررة؟
فزيت وعيوني معمية من الدموع اهز راسي بالرفض واحچي
بتراء: ما ماا حاچيتها بشي چانت تجي ترتب الغرفة وتطلع.

جسار: لا تچذبين.
بتراء: ماا اچذب.
كنبص گدامي واني لميت روحي بحظن عمة سجى اللي حاوطتني تريد تمنع جسار لكن ما گدرتله، خوزرها ونظرلي، لزم وجهي بإيده البيها ذاك الخاتم يمرده مرد، گال
جسار: اللي يجيب المسواگ للمطبخ والبستاني والسباك والمُصلح.
بلعت ريگ، عيوني نظراتهن ترجف، زدت بالبچي وهو يگول ويكرر بتحذير واضح.

جسار: اللي يجيب المسواگ للمطبخ والبستاني والسباك والمصلح. ااااااحچي لااا اااخلص عليچ وعالببطنچ، اااااحچييييي
سديت جفني وفتحته ابچي بحالة إنهيار واحچي عسى ولعل يصدگ
بتراء: هوو هوو بسبب الجاسوسة عرف. عرف آني ما اجهضت الحمل و وظل يجي للبيت يهددني يريدني اولد وياخذ بنته...
جسار: وظل يجي للبيت يهددچ!
شهگت وبلعت ريگ، اردفت...
بتراء: بابا شبيك تشك بيّه معقولة اغدر بييك وآني لجئتلك!

عاف وجهي بعصبيه، گام وگف ثبت العكاز أمامي
عيونه تخوزرني بحقد. وعمة سجى رجعت لمتني بحظنها تمسح وجهي رفعت راسي أله لمن گال بالحرف الواحد
جسار: هاي الطفلة ما لازم تعيش.
بتراء: ش شنوو مااا لازم تعييش عمةةة سااامعه شيحچييي.
سجى: جساار شووية خااف الله! شني تقتلها تخلص عليهااااا هي بشهر السابع تريد تموتها وتموت اامها؟
جسار: چااا شني تجيب نطفة من نسل نگسسس مثل ولد بيت الباشا؟

أبچي واتوسل بعمة سجى تحاچيه، من ورا كلامه وياي حته نسيت شصار عالبنية!
بتراء: عمةة دخيييلچ فهممييه مسستحييل اسسمحله يقتل بنننتي.
حظنتني وهي تبچي وياي. حچت
سجى: جساار ابووس إيدك خاف الله بيها الطفلة شني ذنبها تموووت.
جسار: ذنبها. من نسل الباشا.

انهاريت أبچي وما ادري جسار بشنو يفكر وشلون راح يقتل بنتي! أبچي واتوسل بي لكن ما سمعني دار ظهره يريد يطلع لكن وگف بالباب، اني عيوني عليه ومترقبة شراح يحچي إذا اندار. لكن ما أندار فوراً طلع ورگع الباب بقوة نظرت لعمة سجى
بتراء: عمممة دخيييلچ دخيييلچ احچي ويااااه.
حظنتني وتبچي على بچيتي هي محتارة أكثر مني، جسار صاير طاغي أكثر من قبل بحيث ما يهمه اموت اعيش.

مر يومين واحنه على نفس الموال يجي للغرفة يسألني چم سؤال ويريد يعرف على سَند وين عايش بروسيا.
حته بعد ما يثق بيّه مثل الأول. إلى ثالث يوم چنت قافلة الباب واصلي المغرب. اندگ الباب مرة وچنت بالركعة الأخيرة. رجع دگ الباب بقوة أكثر وگال
تفتحييييه لو ااااكسره على رااااسچ.

كملت صلاتي، سلمت وگمت لملمت السجاده ونزعت جادر الصلاة شمرتهن تحت الچرباية. إذا شافهن يتخبل أكثر وكلشي يسوي، گلبي يدگ ألف خايفه ينفذ تهديده ويأذيني. رحت للباب واهمس بأسماء الله الحُسنى ومتوتره
فريت المفتاح مرتين فتحت الباب ودخل بعدما دفعها بقوة ولزم إيدي
بتراء: على كيييييييفك عووووف إيدي.
جسار: اااوگفي عدددل خل احچي وياچ.

وگفني گدامه ويخوزرني، خليت ايدي على بطني وابلع بريگي انتظره يحچي. رجع ايده ورا ظهره صار يفتر حواليّه شوية و وگف نظرلي گال
جسار: تريدين تولدين بالسلامه؟
هزيت راسي ب اي عدة مرات ورجع كمل اسلوبه ويحچي
جسار: الثَمن ك التالي، أول خطوة تحولين شركة الباشا على أسمي!

وگف نظرلي منتظر رد فعلي، بلعت ريگ هو بعده ما يدري قبل فترة على سَند جاب الأوراق المطلوبة وآني وقعت على نقل ملكية الشركة لأسم عمو الباشا. لكن قويت ملامحي، حچيت
بتراء: اعتبره صار لكن شرط من نرجع للعراق.
جسار: ليش ما هسه..
بتراء: ضمانات على سلامتي وسلامة بنتي
خوزرني و گال.

جسار: تمام. ثاني خطوة من تولدين الطفلة ما تكبر عندج. ما مستعد أعلن عن حفيده من نسل نگس مثل ولد بيت الباشا، آنا أخذها، اخليها بميتم وكل فترة تگدرين تزوريها.
حدقة عيوني انوسعت بالدهشه من كلامه!
اشد ايدي بقهر واكابر دموعي تنزل. لكن روحي الجاي تحترگ من القهر ما گدرتلها. حچيت وكل كلمة احچيها يعلى نبرة صوتي.
بتراء: تريد بنتي تتربى بالميتم مثل ما وسن كُبرت!
جسار: مو گلتي ما يهمني هنن مو خواتي؟

تقدمت خطوتين واحچي روحي تريد تطلع من القهر بس أكابر ما أبچي گدامه
بتراء: ترريد تشمررر بنتي بدااار الأيتاااام وآني اشم الهوا؟ تريييييد تكرر التااااريخ وتمرررضها مثل ما سووويت بووووسن، هدددني
لزم وجهي بين ايده واني عيوني بعيونه. اردف
جسار: تريدينها عايشه لو ميته قبل لا تفتح عيونها عالدنيا؟
وجهي الصار مثل الجمر بين ايده احس فكي راح ينكسر من قبضته. عيوني تنظرله وحچيت اصك على سنوني
بتراء: ه هدددني.

جسار: عندچ إختيار واحد ماكو غيره. وهذا لمصلحة الجميع.
بتراء: هددددني.
عافني وبقى يخوزرني بلعت ريگ نزلت دموعي برضاي
ورفعت نظراتي أله. حچيت
بتراء: لجئتلك. وعفت الماضي وراي، گلت مالي غير هذا الأبو! شلون تهددني بقُطعة من روحي!
نظراته ابد ما رخت بقى بملامح الطاغي الما يخاف الله!
بقى ساكت يخوزرني يستمع للحچي واني احچي بقهر حقيقي وبكلام مُرتب من عقلي!
بتراء: يابه شلون تگدر تكون هيج ضالم وياي؟

شكم سنه بعد تعذبني؟ بالطفولة حرمتني من امي رغم بنفس البيت بس ما اشوفها. وبمراهقتي اخذتها مني للأبد.
أبويا ما جاوبني. ف كملت و حچيت
بتراء: ذبَّلت روحي خليتني مسجونه بين أربع حيطان ياهو العُرف قصتي يعيرني بيها.
من صدگ ما ضل عندي حيل من القهر والبچي تراجعت خطوات وگعدت على طرف الچرباية مغطيه وجهي بثنين إيديّه وابچي لأن من صدگ مَجاي اتخطى كلامهم وشلون يگلولي (نسيتي ماضيچ چنتي مسجونه بين أربع حيطان).

رفعت راسي اباوعله وامسح عيوني. حچيت
بتراء: تعبت من ضلمك وجبروتك. بنتي مالها ذنب
ليش تسوي هيچ بيّه وبيها. اموت اذا فارگتها
تقدم بإتجاهي واني عيوني مدماية من البچي كنبص گدامي
كأن تغير 180 درجه. رفع إيديه ثنينهن حظن وجهي وتقرب باس جبيني جرني لحظنه. وانهاريت أبچي بنحيب
أبچي وهو يمسد على شعري، اردف
جسار: كل كلمة سمعتيها منهم راح يدفعون ثمنها غالي.

بتراء: ااانت السبب اانت ما صرتلي اااب اانت حرمتني من حنانك غرررگتني بسوااد أيامك. چنت تگلي سوء إختيار. وأثبت هذا الكلام بضلمك عليّه لهل درجة تكرهني!
حظني أكثر وأكثر ويحكم ذراعه يريد يدخلني لصدره
يشم بشعري ويگول
جسار: مجرد كلام حچيته. الله يشهد أحبچ بنيتي أحبچ بگد محبتي لأخوچ. واحتمال أكثر بس الدينا ما چانت عادلة وياي.
بتراء: وآني شنو ذنبي تحرمني من بنتي!
جسار: ما احرمچ منها والله ما احرمچ منها.

حته ما أخذها منچ. بس كافي تبچين
حظنته أكثر واعبر عن امتناني بهل اثناء انفتح الباب بهدوء دخلت عمة سجى للغرفة شافتنا. اني بحظنه و إيد جسار على راسي. حركت عيوني بمعنى شايفه؟ وابتسمت بهدوء. هنا انتبهت جسار گال تعاي بوية!
بقت عمة سجى مترددة لكن جسار أصر وگال تعاي!
اجت عمة بصفه هو مكنبص سحبها وحظنا ثنينا. عيني عليها وهي عيونها مليانه بالدموع. كأنها ضايعه والف تفكير براسها. شويه وابتعدنا عن بعض.

گعدو ثنينهم بصفي واني بنصهم جسار لزم إيدي وگال
جسار: احل سالفة اخبار الطفلة. وما اخلي احد من شركائي يدرون!
بتراء: ويدرون هُمه شعليهم!
جسار: هذا موضوع مالچ عِلاقة بي. بعدما يخلص الشهرين وتولدين بالسلامة. نرجع للعراق، عزّهَ دفعت الديون اللي عليّه.
سجى: والقضايا؟
جسار: كلها محلولة والموضوع شبه مَنسي.
مسحت جفني واحاول استدرجه بالكلام. حچيت
بتراء: اريدك تخلص عليه.
جسار: ياهو!؟

بتراء: على سَند. انت مو تريد تندل مكانه؟
جسار: اي صحيح
بتراء: اي ألگى مكانه بأسرع وقت ممكن وخلص عليه هو يريد ياخذ بنتي مني. خلص عليه ما يهمني المهم ما ياخذ بنتي.
وحظنت خصره اذني منتظره تسمع جوابه وفعلا حاوطني گال.
جسار: الشباب دورو عليّه واذا المعلومات صحيحة
الليله يداهمون شقته وينقفل ملفه.
سجى: شني يعني!
جسار: يعني على گولتهم سلملي عليها ويموت.
بتراء: تسوي فضل.
ابتعدت عنه وگلت ادخل للحمام اغسل وجهي.

عفتهم ودخلت سديت الباب وراي. فتحت الماي ورحت اطلع الموبايل من مكانه. جبته وگلبي يدگ الف دگة
احس گلبي راح يوگف من الخوف، حالي تخربط بحيث ألم صار ببطني.
والطفلة من غير شي تضرب بيّه. إيد على بطني وايد اكتب الرساله (اطلع من الشُقة جسار إحتمال اندل مكانك).
لحظات واتصل هم زين مخليته صامت. لغيت الاتصال
وهو جاوب بالرسالة (ما موجود بموسكو لا تخافين گلبي).

فزيت من دگ على الباب وگال تأخرتي. اطلعي احنه راح تنزل نتعشى. حچيت وما ادري شلون حچيت المهم اصرفه
بتراء: ايءء اطلع. اطلعوا آني دا اسبح قررت اسبح هسه اكمل واللحگكم.
گال تمام وراح صواتهم يمكن طلعوا. رجعت اكمل كتابة الرساله -(مع ذالك اطلع من البيت اللي گاعد بي، احلفك بالغالية أمك اطلع، ترا آني هنا شجعته على قتلك گتله خلص عليه). و ارسلته.
جاوبني بإيموجي الملامح البارده وكتب(خوش رحم الله امچ).

حرت شكتب اكيد عصب او انقهر فماكو غير تبرير كتبتله -(باوع سَنودي. أول شي ووالديك بالرحمه، ثاني شي خانني التعبير من ردت اسحب لسانه. خانني التعبير والله، بعدين هياتني احاچيك وبلغتك تشرد بروحك شتريد بعد) وارسلته.
رجع جاوب بنفس الإيموجي وكتب -(دَ يخونني التعبير ما عندي حچاية ارد بيها عليچ)-
دزيتله ايموجي الگُمر وهو يكتب. وصل رسالته -(أحبچ وحگ العباس ابو فاضل واحبچ أكثر اذا يخونچ التعبير)-.

بقيت واگفه احچي وياه لحدما اندگ باب الحمام، المساعده الجديده گال ينتظروني عالعشى، هل مره قفلت الموبايل ورجعته للمكان اللي ضاممته بي. وحچيت
بتراء: بس اكمل سبح واطلح.
گالت تمام وهي يمكن راحت. اجيت وگفت يم المغسلة
الماي طول هل وقت چآن مفتوح. شوية بللت شعري ورقبتي. العصر چنت سابحه ما بيّه بحالتي هاي ارجع اسبح. قفلت الماي ورحت لقسم تبديل الملابس بدلت الفستان ولبست واحد ثاني.

لمملت شعري وطلعت من الغرفة كلها. نزلت على مهلي
وآني اتجاهل النظر للزواية اللي تحمل بيها ذكرياتي
كملت طريقي لغرفة الطعام. دخلت گعدت وياهم اتعشى
واتصرف طبيعي خل اشوف تاليها.
هِلال
بعدما أن مَر سبع أشهر على الأحداث اللي صارت
ابرزهن وفاة حبوبة البنات. وسالفة بتراء الحچاها ألنا
عمو اشتر. واظل افكر بالموضوع مَجاي استوعب بتراء شلون گادرة تكون بهل قوة والتَحمُّل!

شلون تحملت كلامي القاسي وياها. شلون تحملت ضلم ابوها شلون صابرة وتكمل وياه شلون مرجعها لنفس المكان اللي سجنها سنين شلون گادرة تتحمل كل هذا بوحدهه!
طول هاي الفترة اللي هُمه مسافرين چانت عزّهَ ترتب الأمور وتوصل الأخبار لجسار انه كلشي تمام. ومنا چانت تحچي لعمو اشتر شسوت وهو يگللها استمري
رغم عزام چآن رافض وگال أكثر من مره آنا احلها
بس عمو قافل إلا عزهَ. عود حته جسار ما يشك.

أما البقية أمي صارت أحسن وبلشت تتذكر هوايا تفاصيل مهمه خاصة بيوم الحادث والحريق. أكثر من مره سولفتلي عن مره جانت بالغرفة اللي بصفها. تگول زينب حلوة وعيونها خضر. گمت شوفتها صورة بتراء
گالت تشبه هاي. او يمكن هاي هيّ. وتگول يوم ولد اختچ هي چانت وياي ما عافتني
محد متأكد من كلامها. وإذا گلنا انتي تتوهمين تگوم تبچي.

وتگول آني ما اتوهم اني ما مخبلة. ابوية وعمو اشتر مستمرين بالموضوع ماكو اي معلومات. حته راح لهاشم ذاك اليوم ابويه گله اذا يعرف شي عن الموضوع وهاشم گال بالحرف الواحد مرتك خيالها واسع وإذا ما مصدگ روح بنفسك تعنى لجسار خل يحچيلك صارت مشكله بينهم لوما عمو اشتر چآن ابويه مخلص عليه
أما اخواني. إيمار كلما يگعد ويا امي يطلب منها تسولفله
عن البنيه. وامي تفرح تگول هو الوحيد اللي مصدگني.

اما أبيل ف محتار شيسوي. يروح للشركة لو لإزمير لو يدور ورا سالفة البنيه. سبع شهور مرن علينا مثل الجحيم
والله يستر من الجاي.
اخذت موبايلي وطلعت من غرفتي الوقت عصرية
نزلت تحت، الشباب كلهم بالصالة، حته عزوزه جاية اليوم، دخلت وشفتهم گاعدين وأبيل يفتح بصندوگ خشبي صغير.
هِلال: هاي شكو بيها؟
سيرا: ما ندري اجا فاضل انطاني ياها گال مرِيّه انطتني وگالت أمانه لأبيل.
هِلال: خاف بيها شي شلون تفتحوها بنص البيت!

وَتان: يعني شبيها عبوة ناسفة مثلاً
عزّهَ: همج وحگ العباس ابو فاضل همج. ترا كلشي وارد!
أريم: خاف بيها راس شخص.
أبيل عاين بيها وهي تهمس شكووو. أنوب ودق و رُقيه
گاعادت وساكتات. أبيل فتحها وطلع بطاقة وگال
أبيل: فارغة ما بيها غير هاي البطاقة.
أريم: احس شايفته من قبل جيب خل اشوف.
اخذت البطاقة تمعنت بي وحچت
أريم: هذا بطاقة ابو الأسكوت! ابو ربطة هذاك صاحبك.
أبيل: دِ جيبي منين تعرفين هذا بطاقته.

أريم: انطاني مثلها.
أبيل: شنيي؟
هَدآم: شد گرون
أبيل: يااخي انطيني گرووونك. اختك تريد اتسودن عليها. منينلچ بطاقته؟، وييين تروحين جااوبي
سوتله حركة اصبر شوية وطلعت بقى على اعصابه المحترگة واحنه كلنا ساكتين إلا هدآم شمر المخدة على أبيل وگال انچب محد غيرك مگرن. اخويه سكت ومنتظر أريم ترجع لا الصدمه من صدك صابر عود أريم تأخرت
راد يلحگها اجت هي وشايله بإيدها نفس البطاقه
أريم: نفسها.

اجت گعدت بصفه شگد صلفة ما تخاف من خزراته واستخدم نفس كلماته ضده
أريم: خليك ريلاكس. قبل تسع أشهر مدري عشره المهم
بيوم اللي لگيتو ماما آيدا هو وصلني يمكم وانت چنت طالب منه صح؟
أبيل: وبعد؟
أريم: اي وبعد هو انطاني البطاقه گال انطيها ألك.
وَتان: چا ليش هسه يلا حچيتي يمكن أكو شي ضروري.

أريم: هسه تذكرته اصلا بعدما تزوجنا شمرت البطاقة بالكنتور ما انطيته اهميه. گال اذا راد يتواصل وياي هايه أرقامي الجديده بالخارج.
خوزرها وعيونه يريد ياكلها اكل من العصبية بس يحچي بهدوء
أبيل: بيرفكت.
اخذ البطايق وطلع من الصالة أريم فتحت الصندوگ مره ثانيه تمعنت بالنظر. كأنها تقرأ شي شالته بقت تگلب بي
وَتان: ادري بيها كنز مخفي؟

أريم: بله اسكت الصندوگ ما خالي. بيها شي أصلا أبيل ما قاري الكتابة المكتوبه هنا. شوفو. سنو وايت. بياض الثلج.
وَدق: ما افتهمت
رُقيه: بياض الثلج؟
أريم: عروسه تلبس ابيض، سنو وايت يعني بياض الثلج ابو الأسكوت على شني يلمح.
عاف الجگاره بطرف شفته وگام اخذ الصندوگ من إيد أريم. ورجع گعد بصفي فتحها واني اقرأ وياه مكتوب بخط رفيع واللون البُني بألف يا على ينشاف ويا لون الصندوگ. فعلا مكتوب بالإنگليزي بياض الثلج.

هَدآم: هذا الما ادري شسمه گايل شي؟
أريم: مره لمح بكلام غريب. گال العراق عروسة لابسة اسود والمدينة اللي هو جاي منها عروسة لابسة ابيض.
بس شعليها ببياض الثلج؟
رُقيه: يمكن يقصد وحده من البنات.
كلنا نظرنالها وخاصة هدآم
رُقيه: ابو گاع حچالي.
أريم: تمام مو مشكله. بس آني قبل شايفه صورة بنتين شگرات على خلفية موبايله. ما بيهن بنية شعرها اسود مثل بياض الثلج.
رُقيه: مجرد إحتمال مو يعني إلا يقصد بنيه شعرها اسود!

هِلال: ترا هذا مو مال نصدگه احسه طگه ونص
وَتان: هسه يطلع تمسلت من عنده. يمعودين هو شراح يستفاد اذا ينطي معلومة عن البنات.؟
أريم: لا احسه حباب. صح غامض بس حباب يخاف الله. يعني شوية يخاف الله، اعتقد يخاف الله
وَتان: هسه استقري على رأي!
دخل أبيل وعيونه على أريم
أبيل: تعاي خل احچي وياچ.
هِلال: أبيل أكو شي؟
أبيل: لا. مجرد راد ينطي رقمه الجديد هو هيج اسلوبه تافه مثله. أريم گومي.

أريم: أبيل هذا كاتب كلام بالصندوگ بياض الثلج ومن هل كلام.
أبيل: قريته ما تفوتني الفايته. امشي برا
أريم: تمام شبيك معصب.
أخذها وطلعوا برا الصالة.
هَدآم: اخوچ ما ينجرع.
هِلال: والله اخويه هم عنده نفس الرأي اتجاهك
هَدآم: هلال!
عزّهَ: هدآم انت وأبيل شويه حاولو استلطفون بعض
هَدآم: الصبر يا الله. آنا اروحن عند شغل.
گام طلع من الصاله وهنا وَتن اندار علينا وحچا
وَتان: أللهم صلِ على مُحمدد وعلى آله مُحمدد.

عزوزة رعيدة تدافع عن أبيل حاروگه لأول مره في التاريخ.
عزّهَ: همج.
وَتان: چنچ هُدهُده من تگول همج. وحق جدنا السااابع.
صدگ امهاتنا شوكت يرجعن؟
هِلال: من يخلصن الزيارة ترا النجف بعيده.
عزّهَ: ليش ما رحتي ويا امچ؟
هِلال: ابويه وإيمار وياها ماكو داعي اقلق عليها.
وَتان: دِ گولي ما اخذوچ گالو ضلي بالبيت
شمرت المخده عليه واجت بوجه ودق
وَدق: يبووو اني شكوو
هِلال: موو عليييچ شمرتها على وَتن الفتان.

رُقيه: آني ساكته ومتحمله بس خل يرجع ابو گاع
وَتان: ورقرق خاتون هم رادت تزور بس ابو گاعها رفض گال ضلي بالبيت.
سيرا: وإيمار حسابه عندي.
وَتان: ول خااالي عازف الگيتار أصابعه صارت خشنه ودگ راشديات يضرب، بلة شكم مره طيح حظج وگتلچ؟
سيرا: وَدقدق گومي من يمه.
وَدق: ليش.
رُقيه: دَ تگلچ گومي يعني گومي
وَتان: عوفن مرتي لا تعبن براسها. لچ تمشيييين بكلامهنن؟
هي گامت واحنه كل وحده بينا شمرت مخده عليه.

عزّهَ: هم همممج وهم ابو لسااان مترر
هِلال: فتااان بس اريد اعرف منينلك هاي المعلومات الدقيقة.
رُقيه: تشمتت بيّه أفااا.
سيرا: شحدده إيمار يگتلنييي. ول ااانت شعباالك
شمرنا عليه شكو مخده مال التخم بالصالة وهو بمكانه يصدهن
وَتان: خواااتي العزيزاات الخاتونات تاجات راسي كافي خل نگعد عاقلين لحدما يرجعن امهاتنااا.
عزوزه گعدت هي وبطنها وتخوزره
عزّهَ: همج.
هِلال: فتان.
سيرا: ابن الداهي اشتور عزيز گلبي بس غثيث.

وَتان: مرت أخويا شمسميتني؟ خل أقيم
رُقيه: ابو حاجب مطبور.
انفجرنا بالضحك كلتنا وودق هم گعدت بصفنا هو يخوزر ب وَدق وهي تگله
وَدق: اهم شي الاخلاق راضية بيك انت وحاجبك المطبور.
وَتان: وددد.
وَدق: هاااا
وَتان: يَعِزُّ عليّ أگُلچ وجعا. شايفه شگد أحبچ
شمرت اخر مخده وگالت
بقينا نسولف واحد يصنف عالثاني وبعدين رجعو أبيل وأريم ملامح وجههم غريبه، بالرغم من سؤالي هُمه گالو ماكو شي.

هِلال: تمام ماكو شي ماكو شي براحتكم.
ما لحيت وياهم وعفت الموضوع.
وَسن
بعد وفاة الحبوبه سُعاد مرت عليّه أيام أصعب من السابقات
وآني اشوف هاشم أمام عيوني بعدما حبوبتي ماتت بسببه
ثالث يوم العزاء هاشم رجع مثل ما هو. رجع يرتب أوراقه. حته ما فرق عنده كلام رُقيه وودق اللي حلفن بعد
ما يجن لذاك البيت. و هوايا تفاصيل ما تنحچي. صارت!
تنهدت ورجعت لأرض الواقع. خلطت الدوا ويا العصير.

بهل اثناء سمعت صوت خطوات. نظرت بطرف عين شفته جاسر دخل للمطبخ اجا بإتجاهي. آني ما انطيت رد فعل بقيت أدير بالي عالگهوة واخلط الدوا بالعصير
تقرب مرر إيده حاوط خصري، شم رقبتي حييل وباسني منها. بعدها همس بأذني. أحبچ.
بقيت ساكته عيني عالگهوة إلى أن فارت وابتعدت من بين إيده. حچيت
وَسن: اعرف ماكو داعي تكرر نفس الحچي الف مره.
طفيت الگهوة وجبت كوب، هو چآن نظراته تراقبني. لزم إيدي موگفني.

جاسر: أكرر وأعيدها حته يطمئن گلبچ.
وَسن: وآني يطمئن گلبي بصوت بنتي. مو بكلمات مالها داعي.
جاسر: شبيچ وياي؟
وَسن: لا شيء فقط مليت.
جاسر: مني؟
سحبت إيدي ودرت وجهي صبيت الگهوة بالكوب
وَسن: ملولة اني بسرعه أمل من كلشي. تشرب گهوة؟
جاسر: بعدچ شايله بگلبچ؟
وَسن: بيا گلب اشيل وآني ما ضل عندي.؟
جاسر: بس فهميني شبيچ؟ اووگفي احاچيچ.

چنت لازمه الرَّكوَة مال الگهوة بإيد والإيد الثاني جاسر لزمني منها وسحبني عليه. وجهه بوجه صرنا عيونه بعيوني اردف بهدوء
جاسر: وين راحت نجمتي؟
وَسن: غطاها الغيوم اختفت ما تنشاف بعد.
جاسر: بس گُليلي ليش ما تصدگين أحبچ و ما اگدر بلياچ؟
وَسن: جاسر هد إيدي...
جاسر: عاينيلي وسن عاينيلي وجاوبي.
وَسن: داا أگُلك هد إيدي
جاسر: هاشم مهددچ؟ بس حاچيني لا تتهربين وَسسن!

بقيت احاول احرر إيدي منه وهو ما يقبل يريد يقربني منه
إلى أن حرگت إيده وإيدي بالگهوة بس هم ما عاف إيدي رغم طشيت الگهوة الحارة على ايده أكثر شي
جاسر: تسووودنتي شبييبچ احترررگتي!
اخذني وياه فتح الماي البارد غسل ايدي وهو إيده صارت مكان الحرگ أحمر. بقيت ساكته وآني انجر ويَاه طلع الماي المثلج من البراد وغسل إيدي.
جاسر: شنوو من گلب شااايلة شلون تحرگين إيدچ؟

وَسن: گلبي خلصان ما ظل عندي. بعدين حرگتك وياي فلا تسوي روحك قوي ما متألم
حظن وجهي بإيده الثانيه وگال
جاسر: مستقوي بيچ لا تكسرين ظهري وتحرگين گلبي عليچ.
ما جاوبته و سحبت إيدي من إيده، درت ظهري خليت
كوب الگهوة ويا العصير بالصينية. شلتهن وهذا رجع حظني من ورا
جاسر: لا تسوين هيچ ترا مهدود حيلي على فراگچ
لا امي تگعد وتحظني ولا أنتي تحتويني. حته بنتي ما اگدر أشوفها.

بلعت ريگ ما اريد أضعف من كلامه حررت نفسي من بين إيديه ومشيت عفته بالمطبخ. وطلعت للحديقه ألف تفكير براسي، إذا من چم كلمه هيچ انقهر لعد والجاي شلون؟ زين شلون راح اگدر اسوي هيچ بي!
وصلت للحديقه مكان ما نائل وناجي گاعدين واحد يشرب والثاني يدخن نرگيله. عفت الصينيه عالكرسي واجيت شلت بطالة المشروب وأخذت اللي بإيده شمرتهن غاد وتكسرن
ناجي: بببببنت الچلببببب شسووويتي.

طنشته وأخذت النرگيله من إيد نائل هم شمرته فوگ البقيه
بس نائل ما اعترض مثله. طلع علكة النعناع طبگ ثنين ومضغهن. شمر الباكيت على اخوه
نَائل: ريحة حلگك موتتنا.
ناجي: اانچبب حيوااان.
وَسن: حيوانات ثنينكم.
جبت الصينيه خليتها عالميز وانطيت كل واحد
وَسن: تزقنب الگهوة وصحصح شويه خل نحچي. وأنت اشرب العصير وركز بالحچي
نَائل: مخليتلي دوا ما اشربه.
وَسن: ما مخلييية زقنبوت اشربه وفضني.

أخذها من إيدي وقربها من خشمه ونظرلي فورا كسرت عيني ودرت وجهي
نَائل: عاينيلي.
وَسن: ناجي خلص الگهوة وصحصح خل نحچي قبل لا جاسر يجي.
نَائل: شگره عاينيلي!
وَسن: اشرربه! لا اتخبل عليييك ترا روحي طااالعة
حسيت عليه يتوعدلي وما يگدر يرفض لأن أصلا بينا إتفاق انه يسمع كلامي وينفذ شما اطلب منه وبالمقابل. اسولفله عن أمور هو ناسيها بسبب الأدوية. شربها دفعة وحدة وشمر الگلاص فوگ رُكام بطالة المشروب والنرگيلة.

نَائل: هاي تسممنا يلا احچي.
ناجي: اگوم اغسل واجي
وَسن: طاح حظك روح مناا.
وگفته ما متوازنه ويمشي دايخ رجع جوا واني بقيت مگابلة نائل واحد صافن عالثاني. تقرب لزم إيدي مسح بأبهامه على الإحمرار. اردف.
نَائل: احترگ روحه الحرگ روحچ بذيچ الحچاية.
وَسن: سد الموضوع آني اصلا ما يعنيلي.
نَائل: چا شبيچ مقهوره عليه إذا نفذتي كلام هاشم؟
وَسن: ما مقهوره. هسه احچيلي ترا باقي شهرين وجسار يرجع!

نَائل: كلشي مرتب واكو تنسيق جميل بيني وبين ابن عدنان.
وَسن: واو حُبي تنسيق بينك وبين ابن عدنان؟
نَائل: وحق الفوگي مصالح جمعتنا. او آنا اعرف شلون اطيح حظه اخليه يركض مصلخ.
رجع ناجي وگعد ويانه اخذ باكيت علكة النعناع فتح وحده ومضغها. انوب لازم راسه مصدع الأفندي
ناجي: شمسويه بالمگرود الجوا؟
وَسن: ليش شبي؟
ناجي: گاعد بالصاله مخلص تكة الجگاير وصافن صفنة ابو صابر. ياابويه احس راسي نصين.

نَائل: يستاهل وحق الفوگي.
ناجي: لطشت بهل حلفان اليوم.
وَسن: انچبوو خلوني اعرف افكر. ناجي شصار وياك؟
ناجي: كلشي جاهز.
نَائل: احس قلبي اللعين متلهف على شوفة ام تفله.
ناجي: وأم التضوي ضوي وين وديتها؟
نَائل: لا تجيب طاريها على لسانك النگس بذاك الزقنبوت
ناجي: اليسمعك يگول ما يشرب إلا ماي زَمزَم. ول دنچب
خوزتهم ثنينهم
وَسن: تكاونوا. طييحو حظ بعض يلا.
اشو ثنينهم انگلبوا عليّه. حچوا.

انتي جاي تزرعين الفتنة بين الأخوان.
وَسن: لا انتواا تريدون اتخببل عليكم.
نَائل: اگعدي خل نحچي. أم تفلة راح تبرد گلبها بيّه آنا متأكدد.
ناجي: هم زين رُقيه خارج هاي المهزلة الراح تصير.
وَسن: صاير آدمي وتخاف عليها.

بقينا گاعدين نسولف إلى أن طلع جاسر من باب البيت يريد يجي للحديقه. گمت آني وگلتلهم انه يبقى سر بينا. مريت بصفه، هو وگف ينظرلي. دخلت جوا اخذت موبايلي وطلعت. لگيته بعده بمكانه كأن منتظرني، سلمت عالشباب وگلتلهم تصبحون على خير. رجعت للبيت
فتحت الباب بالمفتاح الإحطياتي ودخلت البيت مُعتم بليا وجود حبوبة سُعاد. مشيت لغرفتها، فتحته دخلت وسديت الباب شمرت المفتاح والموبايل عالميز، تمددت بفراشها.

اشم بمخدتها واشهگ احس نار بصدري، البچيه ببلعومي بس ما اگدر أبچي ما اگدر أضعف بهل وقت.
الاسوء إصرار هاشم وتهديده بعدما اخذ بنتي
حته AXR ما يدري وين موديها هاشم. بقيت شي نص ساعة على هل حال. بعدين طلعت گلت اصعد لغرفتي انام
لكن صوته استوقفني يم الدرج
هاشم: شصار بخصوص الگتلچ عليه؟
غمضت عيوني بقلة صبر وفتحتهن، انداريتله
وَسن: شراح تستفاد اذا سويت هيج بجاسر؟
هاشم: ما ضروري تعرفين استفادتي.

وَسن: سوي شما تسوي. بس لا تأذي امه او تبعده عنهه!
هاشم: هو دا اسوي كل هذا حته يظل بعيد عنهه!
خطيت خطوات سريعه واحچي بعصبيه
وَسن: شترررريد ااانت شترررريد منه.
قابلني بملامحه البارده. اردف
هاشم: أريده يبتعد عن بيتي وأفراد عائلتي. خاصة AXR ما أريده يشوف جاسر شخصياً.
وَسن: ليش؟ ليييش بس مره وحده جاااوبني ليش؟
ادري AXR لهل درجة مخوووفك؟ لهل درجة خايف منه؟
هاشم: حاله حال نائل شيخوفني وهو يشتغل بين إيدي؟

بقيت ساكتة وهو يحچي بتحذير
هاشم: شهرين. شهرين ونرجع للخارج نبدي بداية مُرضية ترضيني. وإذا صار شي خارج رضاتي لا جاسر يظل عايش ولا بنتچ تظل بنتچ افتهمتي!؟ ما تظل بنتچ!
بلعت ريگ لمن أكد على كلمة ما تظل بنتچ يعني يضحي بيها ما عنده ظمير يسويها، حچيت بعزم وثبات ما انهاريت مثل ما هو داخلي منهار.
وَسن: تمام. كلشي تريده يصير.
اخذ نفس من الجگاره. و أشر عليّه، گال
هاشم: هيچ تمام هسه تگدرين تصعدين وتنامي.

درت ظهري ومشيت اصعد الدرج وكل ثانية احس الكره يكبر بگلبي صرت ما اشفق عليه ولا يرفلي جفن اذا اقتله
بس هذا مو الحل. الموت بالنسبه أله يُعتبر راحة.
دخلت لغرفتي وسديت الباب بهدوء انداريت شفت نائل موجود بالغرفه. فرد ذراعه يرحب بيّه بحظنه ما گدرت اكبت دموعي والقهر اللي بگلبي رحتله بخطوات سريعه
ارتميت بحظنه وابچي بنحيب أبچي وهو يمسد على شعري ويگلي
نَائل: على كيفچ ويا روحچ شگره أنتي أقوى من هيچ.

وَسن: ياا قوية دمرني يريد يحرمني من كلشي من كلشيي
هسه لو أكو حل ثاني ما چآن ترددت اساعدچ
يريدني ادمر جاسر يريد جاسر يكرهنا يريد يطلع جاسر من حياتي. نائل شسوي ما اگدر ماا اگدر احبه وما اگدر بليااه.
الأفضل يروح يبتعد عنچ جاسر اذا بقى قريب منچ هاشم يضحي بي غصب عنه. يدمره هذا في حال ما قتله.
شنوو بكيييفه آني احچي ويَ جاسر اگله كلشي خطة
أفهمه انه هاشم مهددني. نائل ساعدني ساعدني واحچيله كلشي.

حسيت ايده اتشد على شعري بعدها ابعدني عن حظنه نظراته تغيرت وميل راسه دفعني بعيد، وحچا بنتر
خليچ بعيده.
ن نائل شبيك.
خليييچ بعيييده عن نااائل و نفذي كلااام هاشم اااحسنلللچ
كتفه ضرب كتفي. عُبرني وطلع من الغرفه رگع الباب بقوة، بقيت بحالة ذهول بين لحظة والثانيه ما بقى نائل بوحده صار وياه ذاك المسمي نفسه لوسيفر!
گعدت بمكاني أبچي لا حول ولا قوة. مرت الايام بسرعه.

إلى يوم اللي أبيل خابرني ومبين الشباب نفذو البراسهم
وأكيد همه عرفوا. وگال بالحرف الواحد
تجين للعنوان الراح ارسله ألچ المسافة من بيتج للموقع 15 اذا صارت 16، الجماعة يلحگون ربعهم. اول ما ألزمهم
قفلت الخط وطلعت ركض من الغرفة كلشي اتوقع من هذا المُختل حاروگه. صعدت سيارتي وانطلقت للعنوان. الچان بيت المزرعة مالتهم من وصلت ونزلت من السياره ركضت جوا وگفت بالحديقة من شفتهم هُمه بالباب.

اربعتهم واگفين بصف بعض طلعو سلاحهم يتفقدون المخزن. سحبو أقسام في حالة إستعداد
أبيل أبن الباشا. گال
اروح اجيب الوحش واجيكم
راح دقايق وطلع من باب الگراج
بسيارة - (Mercedes-Benz G-Class)‏
مشغل قصيدة وَ معلي الصوت على اخر شي ويردد وراها
› المحدثة الكبيرة زينبُ بنتُ أمير المؤمنين
› المدللة والأميرة هيبة العباس وقلب الحسين
› كبيرة الضعينه والإنصات والحصنُ الرَصين.

حچآ وياه ابن الأدهم هَدآم ابد أسلوبه ما يتغير
نصي الصوت و الزهره أنت صرت خاش بالأبريگ
أخوك المؤمن هم چآن خاش بالأبريگ. إذا ناسي اذكره خل يصلي الخمسطاعش ركعة العليه.
الوحيد اللي ما يسولف ويشاهد بصمت إيمار أبن الباشا. هل مره حچآ
ل جهنم انتوا وذاك الخاش بالأبريگ.
تصعدون لو اروحن بسيارتي؟
أبيل نصى الصوت ونزل. اجا بإتجاهي ومنا عيوني.

انتبهت ل خروج عزام من باب البيت وهو يخلي المسدس بظهره. حولت نظراتي ل أبيل وَ هو يحچي
أبيل: عاينيلي بنت العدو.
وَسن: قبل لا تحچي. ترا كلشي خطة من هاشم آني مالي إيد
أبيل: اعرف ياا ستي أنتي ألچ إيدين.
أنوب يخورزني. گلبت عيوني جاوبته
وَسن: هو صحيح أيدي بالسالفة بس هياتني وياكم ادليكم.
أبيل: ما جبتچ حته تدليني.
وهذا البارود اجا بإتجاهنا يرعد رعد ويحچي
عزام: انعل ابوچ اذا مرتي وابني صار عليهم شي!

وَسن: ترااا آااني ما گلت روحو اخطفوا الحوامل حته هاشم يصدگ بيكم. شبيك حُبي ترا عزوزة عزيزة وغالية على گلبي يشهد ااالله.
هَدآم: عزوزة لو تسمعچ تگليله حُبي تششگچ شگتين وتشگ حلگچ.
إيمار: مرتيي واختي بين إيدين ولد نصار وعدنان وااانتو تحاسبووون هاي الشسمهااا؟
وَسن: وسن اسمي وسن حُبي.
اجا عزام لزمني من زندي وجرني للسيارة فتح الباب وصعدني غصب
عزام: چفينااا شررر لسااانچ.
وَسن: شبيييك بلا اسلوببب ماا اسمحلك.

ابيل صعد بمكان السايق وعزام گدام، چنت اني بالمقعد الخلفي، اما هدآم وإيمار. عزام گللهم ألحگونا بسيارة ثانيه. عود اني گاعده بالخلف.
صح ما چآن وقت هذا التفكير وهذا الحچي بس عزام غيرته ما سمحتله الشباب يصعدون وياي. كأن فعلآ اعتبرني بنت عمه ومن هل سوالف مال الزلم الحوگ الغيورين على اعراضهم وااااا المهم. أبيل رجع علّى صوت القصيده وعادي يتكرر عشر مرات ما يمل منها.
عزام نظرلي من الجامه اردف.

شراح يثبتون بهل تصرف الرخيص مثل ابوچ؟
وَسن: صراحةً ما ادري هاشم فر عقلنا بهذا الطلب!
أبيل: عاينيلي بنت العدو.
وَسن: شبيك حُبي لطشت بنت العدو بنت العدو؟
أبيل: يا ستي آنا هيچ ابتلي بالواحد بلوة.
وَسن: بس بلوة كيوت حُبي
عزام: وأنتي لطشتي بالحُبي. احچيلي المُفيد ولد نصار شجابهم على ابن عدنان اخو ياسين؟
أبيل: وعلى الضرغام إذا لگيت ابن ياسين وياهم
احرگه حرگ.

وَسن: ما تلگاه. أبن ياسين ما ينفذ كلام أبوه، بعدين هذا گرايبكم عيب تخليني افهمك اطباعهم
أبيل: ديلا كملي بلاية حچي زايد.
عزام نظرله ونظرلي
عزام: شوية احچي بأسلوب عدل وياها. شما چآن أبوها هي إمراة.
وَسن: تخرخر اسلوب عدل ياهو الصعدني غصبب؟
عزام: هذا بحث آخر. كملي شچنتي تحچين
بيني وبين نفسي أگول شحلات الزلمة تربات الزلمة المعدل الحوگ و بعدها استغفرت الله. گلت احم ورجعت اكمل كلامي.

وَسن: بالفتره الماضية نائل حچالي هوايا معلومات مهمه
ف ابن عدنان هو إيده اليمين ل ياسين يمشي على كلامه لو يگله خلي طلقة براسك وموت. يموت.
أبيل: قشمر ابن قشمر. كملي
وَسن: ياسين تعاون ويا هاشم يگله اريد اخذ حق ذيچ الإهانة بيوم خطوبتكم من بنات الأدهم. لذلك هاشم استغل الفرصه وحاب يختبر ناجي ونائل. ف ياسين وهاشم قررو بمساعدة ولد نصار وابن عدنان أنه يخطفون
بنات الأدهم ثلاثتهن.

أبيل: لا انتوا عائلة قتلكم يُعتبر حلال وجهاد في سبيل الله. عائلة مجرمييين يشهد الله!
عزام: أبيل، انتي كملي حچيچ
وَسن: الشباب گالو بس بنات الأدهم ومن ذكرو اسم عزهَ اني رفضت. وگالو تمام ما نخطفها
أبيل: نصبوو عليچ. هذا إذا انتي مَجاي تنصبين علينا بهل حچي. وتچذبين.
عزام: عيينك عالطريق ولا تقاطعها.

وَسن: ما ادري شلون خطفوا عزهَ بس الاعرفه چانوا مخططين شلون يخطفون سيرا لمن راحت للمكتبة. وأريم لمن راحت تلتقي بصديقتها بالكورنيش.
أبيل: الله الله يا على يا ضرغام واختي شلون؟
وَسن: ما ادري والله اكيد ملاحگينها بشي مكان. المهم اسلك الشارع الثاني.
أبيل: ماااكو داعي. اااندل
وَسن: تمام ريلاكس حُبي.
أبيل: بس ااانچبي لخاطر ذاك المگبورر!
وَسن: بس لا جدكم السابع؟
أبيل: خويه تسكت بنت عمك لا انعل أبوها؟

عزام: بغلاة بنيتچ سدي حلگچ.
وَسن: تمام.
سكتت بعد ما استفزيتهم، انتبهت للشاشة أبيل يسلك نفس الطريق ويمشي على إشارة ال GPS شلون؟
أريم
كلشي صار بسرعه ما ادري شلون اجا شخص من الخلف
سد خشمي وحلگي بمنديل خلاني افقد الوعي. يمكن مر وقت طويل أو - بعد ساعه. فتحت عيوني لكن ظلام دآمس واسمع خواتي يگولن
ولچ گعدت. ارييمو
هذا صوت سيرا حركت راسي احاول اوخر هذا اللي مغطيين راسي بي واسمع هلال تگلي.

هِلال: لچ نزلييي راسچ خل يوگع هذا مثل الچيس اسود وقماش المهم نزلي راسچ.
سويت مثل ما يگولن وتخلصت منها رفعت راسي اجر نفس. نظرت بالمكان اشبه بمستودع من المستودعات القديمه مالتنا. عزّهَ على أيدي اليسار ويا هلال وسيرا
علي اليمين. مگعدينا على كراسي وشادين ايدينا بشرايط
ويا حبال! ومُحاطين بأربع مُلثمين
أريم: دخيلك يا على يا ضرغاااام احنه وييين؟
عزّهَ: احنه بوحده من المخازن القديمه.

أريم: سوووده بوووجه جسار ولچ انتي شلوون اجيييتي
عزّهَ: شنيي شلون اجييت لچ لاا تخليني اتسووودن علييچ
أريم: ريلاكس گوزالم. سيرو ليش ساكته
انفجرت تصرخت بوجهي
سيرا: نائل نعال خطفني. ولكممم نااائل نعااال خطفنييي وهو يضحككك إلاااا اعرررس علييه اااطيييح حظظظه.
درت وجهي لهلال
أريم: ولچ هلال شتسويين
هِلال: احاول اوصل لساعتي اشغل ال GPS.

عزّهَ: الذكاااء ادري عندچ عين ثالثة ورااچ. ولكم احس صار عندي ألم الولادة وبينه عزااام وييينه
أريم: ترا ما اطفي ال GPS بساعتي مشغلتها 24 ساعه. هسه أبيل يلحگنيييي
هِلال: لا صدگ؟
أريم: لا چذذب. طبعا صددگ شحدي اطفيها غير هدآم يطيح حظي
عزّهَ: ريحتي گلبيي يعني هسه يجون. يمه بطني موتني
احسها ألم الولاده.
جاوبتها وحجيت ويا سيرا بنفس الوقت. وهي تحاول تفك الحبل
أريم: ترا بعدچ بنص السابع وحق جدنا السابع هههااي.

ولچ حاولي تفتحين الحبل شگد فاااهيه
سيرا: يااا جعموص ياا نگس يااا ناااجي
هِلال: çok güzel أحنه بياا حاال
وهاي گاعده تصرخ حتى تلمهم علينا
سيرا: طرگاعه ترگعچ عليج ام البنين اكرمينا
بسكوتچ أم آل چوك گوزال
أريم: بنات تعلمت حركه من عزام
وحق الكفل زينب هيج نزلو ايدچن
وعبروهن من تحت رجولچن
عزّهَ: مقتنعه بروحج أنتي؟ ولج ثوله
احنه مگعدينه على كرسي وشادين إيدينا.

هِلال: çok güzel نهيتي اخر ذرة أمل بينا
أريم: آني بنت الباشا والكفل زينب
لهدم المكان على رااس ناااجي جعموص
دخل بيده بطل يشرب منه
تقرب من سيرا شال خصله نازله على وجهها
أردف بطريقه مستفزه
ناجي: منو گال عليه جعموص؟ منوو بييچن؟
سيرا: طرگاعه ترگعك آااني هيج گلت
هِلال: والله جذااابه هاي آني گلت شتسوي!
أريم: ثووولات لا تبااالغن
واانت يا نااجي جعموص آني هييج گلت
شتسوي؟
اجا بإتجاهي وصرخت عليه.

أريم: وللك بننت الباشااا آني شحدك
تطخني شحدددك
ما سمعنا غير قصيدة ولد الباشا المفضلة
ترج المكان ررج وصوته واصل من بعيد
حچيت واستفزه
أريم: ولد الباشا جاينك ولل خااالي
خاااتوناات ولد الباشا اااحنه شحددك.
عزّهَ: اااذا رجااال اثبت بمكانك.
رددت ويا القصيده بحمااس
وابتسامة النصر على وجهي بحيث ما يدري شيتصرف
- أقبلت والجيش قد مات وقوفاً
- وانشقت الارضَ لها لها صفوفاً
- فعلى استعداد للعباس لم يكونوا
- كيف زينباً؟

أشر للملثمين وصاح
ناجي: شباااب اطلعو خلصو عليهم.
هِلال: çok güzel، ليش ماا تطلع اانت
لو تحتمي ورانا ههههه خاااتوناات
ناااجي جعموص خااااف.
صار صوت إطلاق نار قوي، بس صوت
القصيده بعدها تنسمع مستحيل يطفيها
يحس بالقوه لمن يسمع القصايد بهيج أوضاع
دفرو الباب اربعتهم دخلو علينا، ناجي وگف
ورانا يهدد يصفينا وحده وحده
ابتسم وهو كلما يتقدم خطوة يردد بصوته ورا القصيده
-: لهاي السالفه الچم ما محسب.

-: كضه العباس لا هالنوب زينب؟
-: البطون الهاشميه خل تراويكم
-: اليوم شخلف!؟
أريم: الجنننتل ولد الباشااا.
ناجي: ااانچبيييي. لاحد يگررب اصفيهن وحده وحده.
أبيل: دنچب...
صوب على إيده البيها مُسدس وإيمار اجا عليه سحبه مخلي المسدس براسه. أما البقيه كلمن اجا يفتح إيدينا عزام راح ل عَزه. وهدام لهلال. وأبيل اجاني گطع الشريط وفتح الحبال حظن وجهي بين إيديه
أبيل: خوما بيچ شي؟
أريم: اسودن شحلاتي.
حظنته وسيرا صاحت.

سيرا: إيمااار واااني. يااهو يفتح إيييدي
إيمار: دقيقه مريتي الطرگاعة، انيم باروده براسك الفارغ؟
سيرا: ول لاااا عوفه عووفه انطيييح حظظه وين ذاااك التك الثاني وينه نااائل نعاال. ول ابن الگمرررية عوفه وتعال افتح إييدي تعااال.
راح أبيل لزم ناجي وإيمار اجا فتح إيدها، اطمئن عليها وحظنها. وبهل اثناء دخل وَتن يدفع بنائل وصاح
وَتان: وحق جدناااا السابع عيب عليكم ولكم راحت عليّه العركة راااحت؟

سيرا: ول ما راحت عليك اااجيت والله جااابك دجيييبه خل نطيح حظهم
انوب لحظات ودخل وگاع يدفع بظهر ابن عدنان
وگاع: وچان نلحگ درب ولد العمام. ولكم شلون ما تگلولي؟
عزام: معرسييين خوما معرسين؟
أبيل: هسه نعرس عليهم هسه.
نَائل: لااا تسووون شييي غبيييي
ناجي: انننعل ااابوكم ولد الباشااا.
عيب اخوان گرايب احنه. متأكد الأشتر باشا ما يرضى بهل تصرف.
عزام: انچب لا اترس حلگك بارود.

رتبو ثلاث كراسي واحد بظهر الثاني مثل المثلث
گعدوهم وشدو إيديهم زين. وگفنا وعزة گعدت على واحد من الكراسي الزايده
عزّهَ: اريد گلبي يبرد بيهم طييحو حظهم خاصة ناجي الجربوع.
أريم: مو چآن عندچ ألم الولاده؟
عزام: شنيي؟
عزّهَ: هاا لااا راح.
عزام: حبيبي صايرة فاهيه.
عزّهَ: هرمونات الحمل مو عزّهَ التصير فاهية.
نَائل: اسمعوني.
سيرا: ولكم هذاا بعده يحچييي
نَائل: گلبي يگمزلچ وآنا نص إنسان روحي من وجهي احسنلچ.

إيمار: النص الثاني حيوااااااان
نزل دگ ضرب بي وناجي منا يصرخ يگول عوفو
شويه وعافه لكن هذا صلف يضحك ويضوگ الدم النازل من طرف شفته
نَائل: اتسودن عليكم اخليكم ما تندلون البيت. نصيحه خلوني بحالي
أبيل: لا وين خل نسويلكم أجواء وحفلة شِواء.
فتح قبق الجيلكان مال نفط أسود وحدد داير مدايرهم على شكل دائرة وناجي عيونه وسعن
ناجي: تمامم. عوفو نائل بحاله عووفه بحاله ما لازم يشوف النار، نَائل ناائل تصرررف.

نَائل: شتصررف يعني شتصررف ليش هو يجي بكيييفي لو بكييفه، أبيل انت تسودنت رسمي صدگ چذب ترا حالة خاصة
هِلال: يا حالة خاصة.
أريم: مگرن؟
عزّهَ: طلعوا نائل.
أبيل: بربچ مو وگت هرموناتچ.
عزام: خل يولي يطلع عوفو.
ما سمع منهم واضرم النار بالنفط صارو مُحاطين داير مدايرهم بالنار، نائل وضعه و رد فعله تغير بهل اثناء سمعنا صوت سيارات الشرطة. دخلت وسن مثل المتسودنه تركض بإتجاه الشباب وتصيح.

وَسن: نااائل ولكم طلعووووو نااااائل طلعووووو نااااائل
لزمها عزام وهي تنازع بين ايده گدرت تحرر إيدها
ومنا نائل كل ملامحه صارت حزينه عيونه محمرة ويريد يحچي بس مايگدر وسن محتاره شلون توصله. عزام نزع جاكيته وطفا جانب من النار وهي أول ما وصلت ل نائل
حظنت وجهه بين إيده ثنينهم يهزون راسهم وهي تهمس بشي كلام. بعدها بسرعه فتحت إيده وساعدته حته يمشي بعيد عن النار تحت انظارنا المندهشه.

سيرا: هسه هذا التك نعال شبييي؟
عزّهَ: حالة خاصة بعدين أسولفلچ شبي.
ناجي: ناائل حاچيني خويه. خوما بيك شي؟
بقى واگف ورا ظهر وسن عيونه عالنار ووسن مثله خايفه من النار. ثنينهم عيونهم مليانه دموع عجزت افسر المشهد
بهل اثناء دخلو أفراد الشرطة الضابط تفقد المكان والمنظر. بس ما گال شي عزام راحله والبقيه
طفو النار. اجو العساكر كلبچو ابن عدنان أما ناجي ف بسبب إصابته اخذوه هيچ وبقى يصييح على وسن و يوصيها.

ناجي: لا تعوفين اخويه. وسسسن اول مره اطلب منچ لا تعوفيه بوحده.
اخذوهم للسيارة. انوب اجا واحد ثاني شايل كلبچات راح
يريد يعتقل نائل وسن رجعته ورا ظهرها
وَسن: ما سوا شي. لا تعتقله
سيرا: خطفنييي هل تك نعاال خطفنييي شيسوي أكثر من هييج؟
اصلا نائل بنفسه طلع من ورا ظهرها ومد إيديه ثنينهن
سلم حاله. گال بصوت متغير ويتجنب النظر للنار
نَائل: خطفتها. أي خطفتها
اعتقله واخذوه ويا البقيه. أما احنه فرجعنا للبيت.

بعد ساعات طويلة من سالفة الخطف الصار. بعدها بيومين گالو وسن دفعت كفالة نائل اما ناجي فراح ينسجن
اقل شي ست اشهر. وهذاك ابن عدنان طلع منها بكفالة الطاح حظه هو ناجي.
مرت الأيام بسرعة وتقريباً بعد اسبوع
چنت بالغرفة گاعده ودخل أبيل ملامحه وترتني يمكن صاحبه عرف شي بخصوص سالفة أخته.
أريم: ليش ساكت أكو شي جديد؟
أبيل: AXR ديگول إذا تجي تستقر بالخارج نگدر نتساعد.
شلون ما افتهمت!
يعني اسافر اعيش وياه بنفس البيت.

شني تسافر والله ما اعوفك اجي وياك
ونخلي المايعلم يعلم احنه رايحين ندور على اختي!
وليش إلا تستقر بالخارج خل افهم!
ماكو حل ثاني ما ترهم هو ببلد وآنا ببلد
لزمت إيده وتقربت
أريم: ما اعوفك تروح وحدك افتهمت.
أبيل: بس راشدي ما ادري اخذتي.
تقربت بست خده وحظنته، متشبثة برقبته
أريم: ومن الحب ما ضرب مابيها شي.
أبيل: چا ومن الحب ما حرگ ما بيها شي.
ابتعدت وهو محاوطني بحظنه، نظرتله اخوزر بي.

أريم: تحرگني احرگك تحبني أحبك.
أبيل: لا يا ستي آنا أحبچ واحرگچ اذا تحرگين اعصابي
أريم: چا نكتب قصتنا.
أبيل: همم گالت نكتب قصتنا ديلا انچبي ما اريد نتعارك
وخلينا بموضوعنا.
ابتعدت عنه واحچي بِ تَوعد
أريم: إذا ما كتبت قصتنا ما اكون أريم بنت الادهم باشا.
أبيل: لا ياااستي اانت تردين احرگچ واحرگ التطبيق البرتقالي مالتچ. شهل دماغ الشايلته؟
أريم: اي والله دماغ سززز فكر بييك فكر ياخذ موافقتك
أبيل: أريم.

أريم: صوچي ما اسوي شي من دون علمك صووچي اخذ رأيك
دخلت للحمام ورگعت الباب قفلته، بقيت واگفه انتظره يجي يراضيني چا شلون غير كيدي عظيم. تقريبا عددت للخمسه وصوته صار قريب من الباب يحچي
يعني چنتي تطلبين موافقتي؟
أريم: ولي بعد ما يهمني توافق او ما توافق
وين أولي. اطلعي خل نحچي.
أريم: ما احچي وياك روح هج خارج العراق روح سافر وحدك روح ديييح ويا صاحبك. انت لو تحبني چآن تاخذني وياك.

وين اخذچ وياي ترا ما رايح سفرة سفوري لا تخليني اتسودن عليچ.
أريم: لا تخليني احرگچ ولا تخليني اتسودن عليچ. اصلا صوچي اريد اسندك واكون وياك بكل حالاتك اريد نكون إيد بإيد ونلگى اختك بسس انت تريد ترووح وحددك.
يعني تريدين تكونيين وياي تسنديني لو علمود الأكشن والإثارة؟
أريم: صووچي والله صووچي اريد أسند شخص رافض قُربي. صووچنا آني وگلبي نحبك.
شو بله افتحي الفقل خل اطب
فريت عقله وأخيرا.
أريم: ولي ما احچي وياك.

چا ويامن تحچين صار ساعة
أريم: ويا الحايط انت لو بشر تحس چآن ما ترفضلي شي
ولا تكسر گلبي عبن گلت نكتب قصتنا الجميله.
جميلة تسلم عليناا يا جميله كلها طاح طيح
أريم: اي جوي وأجوائي مليانة أكشن والناس تحب هيج
الناس تحب تقرأ مصايبنا؟
أريم: آني شبيّه ارد عليك ولي منا.
أريمي لسانچ طولان شتخليله؟
أريم: اخليله زيت اكليل الجبل. وشويه من زيت أبيل العربيد.
اطلعي اطلعي أنتي سوالف الرُقي مجاي تمشي وياااچ.

أريم: وينك ووين الرُقي.
لاا تخليني اتسودن علييچ.
أريم: وتهددني مثلا؟ زيد الطين بله زييد گمتتت تهددني
بااقي تگول اااطلگچ تراا
گوزالم.
سكتت ما جاوبت وهو مستمر يحاچيني وبصوت مليان رُقي
هياتم أنتي كلش زين تدرين واگف على اعصابي
أريم: ليش شبيها رجلييك.
مكسورات آشقم مكسورات هلگد اوگف يم بابچ صُبح ومِسية. هسه شتردين إنتي؟
أريم: نسافر سوية حته لو تگعدني بالبتاوين راضيه وياك المهم سويه.

لا انتي الضاهر ما شايله فكرة نعيش قصة حب حي الشعب بعدچ ما شايلته من راسچ.
أريم: گتلك قريت اسم المنطقه عاااالمحلل
بويه تمام نسافر سويه وين ما تردين. وبعد؟
أريم: ونكتب قصتنا الجميلة وانت العليك توگف وياي حته اقنعهم
واقنع 42 مليون يقروها؟
أريم: هذا مو شغلك.
طففح الكيل وياچ أفتحي الباب
أريم: طفح الكيل؟
لا تخليني اتسودن ترا محد صابر على مرته بگدي.
فتحت القفل وابتعدت عن الباب دخل يخوزرني.

أبيل: شبيچ گُليلي شبييچ؟
أريم: لا تصييح.
رخى ملامح وجهه وتقدم خطوات واني أتراجع خطوات
تالي لزم إيدي سحبني عليه باسني واردف
شتريدين مني؟
أريم: نكتب قصتنا الجميلة قبل أي شي.
اعاارس على جميلة اليووم اعاارس عليها.
أريم: گول صار...
الله كريم.
أريم: گوول صاااار
صار ولكن بشروطي.
أريم: ديلا الله كريم. ثاني شي
بعد أكو شي؟ خل اتوقع. تنشرينه عالشرقية نيوز مثلآ؟

أريم: هم الله كريم. ثاني شي نسافر سوا اذا رحت تدور على أختك.
ما اريد تتعرضين لأيي خطر.
أريم: الله موجود وأنت وياي. گول صار
رجع باسني وگال
صار بويه. بعد؟
أريم: ها هيّ شوكت نسافر؟
لمن هو يخابرني! ترا بعدني ما حاچي لأبوية
أريم: شوكت يعني؟
ما ادري. احنه حالياً فقط حچينا وگال عنده معلومات
أريم: زين هو شايفها؟
يگول ما شايفها
أريم: والبنات إلى بذيج الصورة على شاشة موبايله؟
گال خواته.

أريم: خواته من ياهو. احسه يچذب؟
ما ادري أريم ما ادري. دام هو گال أگدر اساعدك يعني يگدر واذا چآن يلعب بذيله ويطلع عرجه الخبيث انعل ابو الخلفه وها هيّ.
ابتعد وعافني طلع من الحمام. وآني لحگته چآن واگف
يكتب رسالة. گعدت بمكاني شلت الآيباد ورجعت اكمل قراية.

سيرا
بعد فترة من سالفة الخطف، والأجواء المتوترة بالبيت
الكل باله يم على سَند و بتراء! واكثر وحده بالها مشغول
هي ماما يَقين صارت قليل تگعد ويانه وتقضي يومها
بالغرفة. او تروح للحديقه تگعد ويا فاضل شوية وتطب جوا! وبعد ما تطلع
لذلك قررت أخذها ونطلع للسوگ بلكت تتحسن
دخلت للغرفة أبدل وإيمار ما چآن موجود اليوم من الصبح طلع ويا اشتور. من كملت نزلت تحت لگيتهن جاهزات ثنينهن.

سيرا: احلا طلعة ويا احلا ماماتي. دقيقه نوثق
طلعت موبايلي من الجُنطه صورت سنابة وارسلتها للگروب والضايفتهم. اجت ماما آيدا گالت اجي وياكم
واحنه وحده نظرت للثانية هم زين هلال سمعتها واجت من الصالة
هِلال: ماماا نسييتي احنه شقررنا البارحه؟
آيدا: شقررنا؟
هِلال: نروح نزرع الشتلات بالحديقة!
آيدا: هااا والله نسيت.
سيرا: شنوو يعني ما تجيين؟
هِلال: لاااع امي تظل وياي هي گالت نزرع الشتلات بالحديقة.

آيدا: غير مره نطلع غير مره.
يَقين: أگول لو تروحن بلياي مالي خلگ اطلع افتر.
سيرا: شنهوااا لا والله إلا تجيين يلا امشي.
لزمت ايدها وإيد أمي. أما بخصوص ليش ما ردنا ماما آيدا تجي ويانه عبن عمو أيهم رافض هي تطلع من البيت
خاصة إذا هو مو وياها ما يقبل تطلع. رحنا للگراج فاضل چآن منتظرنا. صبح علينا وگال لماما يقين شلونچ خالة.

بآخر چم شهر صار بينا شبه صداقه واخوة صار يحچي بدون رسميات. صعدنا بالسياره وهو أخذنا للمول. بقينا نفتر ونشتري هوايا أغراض للبيبي مال عزوزه ومال بتورة
ماما يقين ما خلت شي ما اشترته وكلهن ثنين ثنين واحد
لأبن عزوزة واحد لبنت بتورة. خلصنا من المول گلنا نفتر بالأسواق الشعبيه ونغير جو اشترينا چم غرض.

وأمي وماما يقين، راحن يشوفن محل أما اني بقيت ويا فاضل امشي بالسوگ وهو يمشي مسافه بعيد عني انوب وراي مثل الحارس الشخصي
انداريتله حچيت
سيرا: شني حارس شخصي دمشي بصفي والله العالم تعاين بينا.
ما جاوبني بس صار يمشي بصفي لكن بينا متر او اكثر
نظرتله وگلت
سيرا: شخبارك؟
فاضل: الحمد لله.
سيرا: والخاله شلونها؟
نظرلي مبتسم بطريقه غريبه
فاضل: اليوم آخر يوم و اروحلها.
سيرا: يعني بهل سرعة خلصن السبع شهور؟

فاضل: بالنسبه عندي صارن سبع سنوات فوگ العشرين
سيرا: ما فهمت عليك.
فاضل: انسي. تشترين شي بعد؟
سيرا: لا كافي اشترينا المول والسوگ كله
ابتسم وراح لمحل المرطبات بدون لا أطلب منه
جابلي عصير كوكتيل مثل إلى احبه وانطاني
سيرا: شكرا. وانت؟
فاضل: بالعافيه، آنا صايم.
سيرا: ههه صيام شوكت احنه بآواخر شهر 9.
فاضل: عاجبني أصوم.
سيرا: اها أوك. صيام مقبول ان شاء الله.

مشينا شويه وگال خل نروح للسيارة نعوف الأغراض بيها ونرجع ناخذ ماماتچ. من گال ماماتچ حسيته متقصد يذكر كلمات آني احچيها. ما گلت لا مشيت وياه وهو شال الاغراض عني. عُبرنا السايد الأول سوية وصلنا للرصيف حته نعبر للسايد الثاني. وگف گال اخذيهن من إيدي
اخذت الأغراض اللي اشتريناهن من إيده و هو ابتسم. گال
فاضل: استودعتچ الله.
سيرا: وين تروح.
فاضل: اروح لأمي.
گال هيچ ودار ظهره مشى للسايد الثاني وهو فارد ذراعه.

كأن شخص بالجانب الآخر ينتظره يريد يحظنه! شخص ما نشوفه احنه! هي لحظات وأصوات هورن السيارات صارت تدوي بالشارع. الأغراض والعلاليك وگعن من إيدي، كنبصت بمكاني لا حول ولا قوة، انهاريت بالبُكاء من بشاعة الحادث.
سيارة اتيكو چبيرة دعمته بحيث صار عباره عن جثة هامدة بنص الشارع والناس ألتمت عليه استقويت وگمت أبچي واروحله واندهله بأسمه حيل ما ظل بيّه
سيرا: فااضل، فااضل.

اسرعت خطواتي وصلت يمه وگعت من طولي أمامه أبچي وهو عيونه مليانه دم ودموع وبعده عايش بي نفس
نظرتله هو يريد يحچي گال
أم ي غا د تنتظر ني.
سيرا: ف فاضل فاضل دگووو عالإسعاااف فااضل
انسمع صوت ماما يقين وهي تنادينا. طبت من بين الناس چانت هي وامي ومن شافتني يم فاضل والدم مغرگه دگت على صدرها تصيح يمه فاضل!
يمممه فاااضل يمه فاااضل ااابني
عيوني ما اشوفن بيها من البچي وهي كنبصت تلم فاضل بحظنها وتگول.

سوده عليه يمه فاضل گوم مو ردت تشوف اختك گوم حاچيني يمه يمه ولييدي يمه شگووول لأمك فاااضل بياا وجه اگابل ااامك ييمه فاااضل گووم ااامااانة زينب گوووم ااابني.
خال ة أختي. اخت
من فاضل نطق الشهادة انهاريت ويا صرخة ماما يقين
التبچي وتصيح بكل صوتها
يييمه راااح ولييدي راااح من عندددي راااح ااامااانة زينب راااح يمه فاااضل ياااا يمه يايمه يااا فاااضل.
وصل الإسعاف والدورية اخذو سايق سيارة الأتيكو.

و اجو المسعفين گوه سحبو الميت من حظن ماما يقين
وهي تريد تروح وياهم وتلطم وراه
راااح الغااالي يااايمه فاضل يمه فاااضل بيا وجه أگااابل ااامك يمه فاااضل. شحچييي شگووول لأختتتتك شسوووولف شحچييي يمه فاااضل يمه ولييدي راح من عندي ييمه.

عفت امي تحظنها وتصبر بيها ورجعت للرصيف شلت جنطتي وأخذت الموبايل أبچي وادگ عليهم يلحگونا شهل مصييبة الوگعت على راسنا. فاضل اخو بتراء! ومحد يدري لوو بس احنه الماندري. شويه وجاوبني إيمار
حچيت وآني أبچي
سيرا: فاااضل. فاااضل إيمار فاضل استشهد ماااات.
ما استوعب كلامي ويگول
بس اهدي خل واحچي شبيكم خل افهم فاضل شبي.

حچيت مختصر الحادث واگلت راح نلحگه للمستشفى الاخذوه عليه. قفلت الخط ورجعت يم امي جبناها ويانه للسيارة واستوعبت السويچ چآن بجيب فاضل أبچي ورحت عالرصيف وگفت تكسي
صعدنا و بوجهنا للمستشفى.
من وصلنا چانو ماخذينه على ثلاجة الموتى. اجوا طلبو نجهز شهادة الوفاة وطلبوا معلوماته حته يسلموه. واحنه محد بينا يعرفه فقط ماما يقين! واحتمال ماما يقين مربيته كل هاي السنوات اكيد تعرف شي.

اجيت كنبصت يمها وهي گاعده عالارض يم باب القسم
البيها ثلاجة الموتى.
سيرا: ماما. يمه بس حاچيني الممرضين يريدون معلوماته الشخصيه علمود شهادة الوفاة. انتي اذا تعرفين معلوماته احچيلي.
بچت أكثر وامي محتاره شلون تصبر وتهدي بيها. هزت راسها وهي تگول
يَقين: يوووم عمرره چآن يوم لمن زينب امنتني عليييه
گالت ربي ااابني ما أريده يطلع مثل ابوه مااا اريد جسار يدرى هذا الابن عااايش ييمه فاضل يمه ولييدي راح مني.

وصلو ابويه وعمو اشتر وإيمار. عمو اشتر اول شي كنبص لمني بحظنه واني منهارة أبچي
سيرا: فاااضل رااح عموو گااال اروح لأمي.
سلمني لِ إيد إيمار وهو راح للقسم. إيمار شد على حظني واني أبچي بنحيب كلما اشوف حالة ماما يقين. چا بتراء اذا عرفت شراح تسوي بروحها. لو عزام اذا عرف عنده اخو وهذا الأخو مات!
سيرا: گاال صايم. إستشهد وهو صاايم إيمار فاضل ماات
مكانه الجنة شهيد هو. اهدي شويه على كيفچ ويا روحچ.

اجو الممريضين ويا عمو اشتر گالو ما يسلمون الجثمان إلا بعدما يكتمل الإجراءات. وابويه گام ينطيهم كامل التفاصيل كأن چآن مربي فاضل مثل ابنه عبن من كلامه مبين يعرف أصغر تفصيل عنه. بهل اثناء انسمع صوته ورانه صوت مليان قهر وخيبة، كسر، ضيم
عزام: أخويه؟
إيمار راحله يعزيه نظرتله و اول مره اشوف الدموع بعيون عزام. دمعه ورا دمعة تنزل هو يدگ على صدره يحچي بوجه ابويا.

عزام: شلووون تضممممون عليييّه شلووون تحرمووووني من آخوووية ولكممم اااخووويه گداااامي چااااان اااخووويه گداااامي وما تگلييييي يااا عزااام هذاا اخوووووك؟
عمو اشتر راد يحتويه لكن ما سمح احد يتقربله
وگال
عزام: شلووون گدرت شلووون شفتوووونا سوااا وما گلت هذااا اخوووك، جااااوب يا عم جااااوب
ابويه بقى ساكت ومنا أبيل وهدام والبقيه وصلوا.

ما عافو عزام بحاله وسندو يصبرونه. وهو مكنبص يبچي على اخوه. بعد ساعه من الإنتظار سلمو الجثمان
وجابوه بالسدية عزام من شافه مغطين وجه
عارك الكل وبس يگول خل اشوفن اخويه
من كشف عن ملامحه والجروح مالية وجه انهار على أخوه. ولد عمامي ويا أخوية هدآم احتووه وهو بس يگول اخوية يموت يلا ادري عنه اخويه يروح من عندي يلا ادري عنه.

بعدما طلعنا من المستشفى ردينا للبيت واحنه الشباب والبنات كلنا مصدومين لكن الكبار ابهاتنا وأمهاتنا كلهم
يعرفون فاضل اخو عزام و بتراء بس زينب المرحومة
من ولدته چآن جسار خارج العراق وگالت مات اثناء الولاده.

والحقيقه هي انطته لماما يقين تربيه وأمنت ما يطلع مثل جسار ويكون ولد صالح، ومن سألت امي گالت تسجل بالحكومة على أسم رجال غريب بس بقى ويا ماما يقين ربته وكبرته. وحته محد يعرف الحقيقه خلته يكون امام عيونها. بس حارس بالبيت.
مرت ايام العزاء بصعوبه والناس مستغربين أنه ليش مسوين عزاء بالبيت لشخص چآن حارس وسايق عدنه.
خلال هاي الفترة المرت عزام بطل يحچي ويا أبويه وقليل.

اشوفه يحاچي عمامي. ومحد يلومه عبن حقه خسر اخوه
وانحرم منه رغم چآن سنين گدام عيونه.
مر الشهر الثاني وقرب موعد ولادة عزّهَ ومن صار
موعد ولادتها. ولدت أبنها بخير وسلامة. چآن هذا فرحة عزام بعد شهر من وفاة اخوه. وثنينهم قررو يسمونه فاضل على أسم المرحوم.

ال بتراء
خلص الشهرين بلمح البصر. بين خلافات تصير وتنحل
بين خطط جسار حته يلگى على سَند. بس بكل مره يفشل
لأن اكون موصلتله الأخبار قبل لا جسار يوصل مكانه
لكن بآخر چم اسبوع قبل موعد ولادتي حسيت صاير شي
وياه. صوته بالمكالمات متغير، كأن مهموم واذا سألته يگول ماكو شي، حته من سألته اذا حاچي ويا اخويه عزام شلونه شخباره. گال هو زين
ما خلاني أشك بشي وبقى يطمئن گلبي انه كلشي تمام.

و أنه بيوم ولادتي. راح ياخذ بنتنا ويرجعها للعراق قبل كلشي. صح الموضوع يقهر وصعب. لكن ما عندي حل ثاني. وباقي الأمور تترتب. من عندي
دخلت للمستشفى قبل موعد ولادتي بيومين
خلال هاي اليومين چآنت عمة سجى وياي ما عافتني
اما جسار ف چآن عايف زلمته ويانه يوگفنون بباب الغرفة
يجي المسا يزورني نص ساعة ويروح إلى يوم موعد ولادتي.

چنت مُحاطة بالممرضات والممرضين وياهم واحد لابس كمامة. عرفته على سَند لمن غافلهم ولزم إيدي حاچاني بالنظرات يگول وياچ آنا. ابتعد عني لمن جسار دخل للممر واجاني تدنى باس راسي وگال اطلعيلي بالسلامة
بعدها اخذوني لصالة الولادة. من ولدت بنتي روح رادت تطلع من الألم. لكن من سمعت صوت بُكائها انرسمت ابتسامه بثغرتي من بين دموعي احمد الله واشكره
بقيت بصالة الولاده ساعة كاملة ومحد طلعلهم حته الطفله.

بقت يمي وعلى صدري لحدما على سَند دخل ويا الممرضات وتقرب باس جبيني. نظرتله وعيوني مليانه دموع حچيت
بتراء: أمانة امانه لحدما ارجع. خل عزوزه تدير بالها على بنتي
طبگ جبينه على جبيني وياحچيني يحاول يخليني أهدى وما اخاف. بعدها گال مكمل الإجراءات والبنبه تسجلت على أسمه ويگدر يسفرها وياه بمأنه عنده شهادة الميلاد موثوقة من المستشفى. ومن سألته عن اسمها گال وهو يبوس إيدي
علي سَند: زينب أسمها.

من فرحتي بالأسم بچيت أكثر وهو يبوس بيّه وببنتنا
بهل اثناء دخلت الدكتوره. وحچت بالروسية گالت ابوچ يسأل عن وضعچ واحنه گلناله غير مستقره بسبب موت الطفله. وگالت ضروري ابوها ياخذها ويطلع من مخرج الطوارئ قبل لا ينكشف.

گام على سَند وقبل لا ياخذ زينب قربتها لصدري حته رضاعه ما اگدر ارضعها! وهذا اللي موتني بالقهر. ابوس بيها واشمها لحدما أخذها مني وهو يوعدني كلشي يكون بخير وقربنا نخلص. و انه الفترة الجاية راح تكون فتره وتعدي. ويلتم شملنا
علي سَند. طلع من الباب الثاني للصالة وهو ماخذ زينب وياه. ومنا اجت الممرضه خلتلي مغذي والدكتوره هم متعاونة ويانه. گالت أكو طفله متوفيه اثناء الولاده الموضوع محلول.

من گالو ينقلوني للغرفة گالت لازم امثل النوم بسبب تأثير المهدئ. خلص گلبي من السالفة خرجوني من صالة الولادة واسمع عمة سجى تلگتني ويا جسار اللي يسأل عن حالتي والدكتوره گالتله بعدما ولّدت، الطفلة ماتت بسبب نقص الأكسجين
هنا جسار سكت ما سمعتله صوت. دخلوني للغرفة
وبقيت وحدي يمكن نص ساعة واسمع صوت جسار يگول
اريد اتأكد بنفسي شلون الطفلة تموت شلوت ماتت شهل استخفاف بالموضوع. ويصرخ على كادر المستشفى.

شويه دخلت عمة سجى سدت الباب واني عيوني مليانه دموع تقربت باست راسي بحنية وگعدت بصفي لازمه إيدي وتحچي
سجى: على سَند دزلي رسالة وگال هسه دخل للمطار
راح يسافر أول ما يصير موعد الرحلة.
بتراء: جسار. جسار خاف يلح عالدكتورة ويعرف كلشي خطة
سجى: لا تخافين الأشتر وراها مستحيل تفُك حلگها.
بس انتي هسه من يطب جسار شويه صرخي عليه
بتراء: وشحچي مثلاً شگول.
سجى: شمدريني انتي گدها.

وفعلا جسار طب للغرفه واني من غير شي گلبي مليان قهر وبچي كبيت العفش كله انوب ألم الولاده موتني
راد يتقرب مني يواسيني نترت إيده
بتراء: اااارررتااح ااارتااح بنتييي راااحت راااحت.
سجى: بنيتي على كيفچ ابوچ شني ذنبه هذا مُقدر من الله
بتراء: ظلللليت تگول اموووتهاا اااموتهااا الله أعلم يمكن أللللك إيييد يسمه بنتي راحت
وبگلبي اقصد راحت للبصره. عيوني عليه وهو ساكت.

يشوف رد فعلي انوب عمة سجى سوتله مجال گعد مگابلني. واني أبچي درت وجهي أبچي
جسار: كلشي صار مُقدر من الله آنا مالي إيد. بتراء بابا عاينيلي الطفلة ما چآن ألها نصيب تعيش وماتت.
بتراء: انت چنت كاره وجودها چنت تتمنى تموت.
جسار: لا مو صحيح مو كلشي احچيه اقصده.
بتراء: عوفوني بوحدي واطلعوا بره. عوفووووني واطلعووووا.
گامو ثنينهم طلعوا من الغرفة بقيت وحدي احس گلبي انمرد وخلص من هل حالة. بعدها بقيت يومين بالمستشفى.

خلالها عمة سجى چانت تدير بالها عليّه وتتواصل ويا على سَند اللي وصل للعراق وبنتي صارت بأمانة عزوزه
وعمة سجى گالت هي دا ترضع أبنها وبنتچ سويه.
شعور غريب راودني شعور مُطمئن وشعور الفرحه لأن
متأكده بنتي بأيدي أمينه وما تجوع.

وبيوم خروجي من المستشفى جسار گال طاقم المستشفى اخذو الطفله للمگبرة و دفنوها. وحته ما يشك بينا گلت اخذني على گبرها لمن اخذني للمگبرة مشيت وياه وصلنا للگبر أشر عليها والصدمه كاتبين اسم زينب الجسار عليهآ!
جسار: سجلتها على اسمي وسميتها على أسم امچ.
بلعت ريگ احس البچيه ببلعومي من رهبة الموقف
اسم بنتي مكتوب عالگبر. والصدمه جسار مسجلها على اسمه ومسميها زينب گعدت گابلت الگبر ومن صدگ أبچي من بشاعة الموقف.

كنبص بصفي حاوطني وسحبني لحظنه يواسيني
ويگول الله يعوضچ بالمستقبل، كلمة ما حچيت. بعدما زرت الگبر طلعنا وتوجهنا للبيت
مرت الايام بصعوبه عليّه خلال الأربعين يوم وجسار كلما يلح نسافر ونرجع احنه نأجل واتحجج بحالتي الصحيه والنفسيه. إلى هذا اليوم!
اليوم المَوعود. قفلت سحّاب جنطة السفر ونزلتها من الچرباية، دخلت وحده من المساعِدات
اخذت الجنطة نزلته واني طلعت وراها لكن وگفت بالباب.

درت وجهي على جهة اليمين اباوع للدرج اللي ياخذنا للطابق الثالث المتروك. بلعت ريگ و خطيت خطواتي
لزمت محجر الدرج واصعد پايا پايا وكل الذكريات الدموية
تُمر امام عيوني مثل شريط حياتي
خالة آيدا الچانت تردد كلماتها وتگول. إيماري عُمرم روحم، صرخات صفاء وهي تنازع وما تخاف من نائل
وصلت للممر وگفت اباوع بيها التراب ماليها وبيوت العناكب بكل زاوية! استغرب ليش محد ينضفها ليش طابق محظور من يوم يومه!

خطيت خطواتي امشي ومن الجانبين أبواب غُرف مثل المستشفيات او المصحات العقليه غرفه بصف غرفه!
تقربت من إحدى الأبواب فتحتها وگلبي يدگ الف دگة دفعت الباب بهدوء وچان اشوف غرفة وسخة بالتُراب وشبكات العناكب. وما بيها غير سدية طبيه وحده.
عفتها وانداريت للي مقابيلها فتحتها وهم ادفع الباب بهدوء
هاي چانت غرفة مليانة كراتين عليها أحرف انگليزيه.

وخرت من باب الغرفه مشيت بإتجاه الغرفة اللي سمعت منها صوت مرت الباشا. بالمره الماضية
وگفت امام الباب وفتحتها بهدوء وزعت نظراتي بأرجاء
الغرفة گلبي صار يدگ بسرعه ابلع بريگي وعيوني انملت بالدموع. واني اشوف تفاصيل الغرفه.
چرباية بالزاوية وباب الحمام بزاويه.
و الحيطان كلها كلمات! كلمات چانت مخطوطة بشي حد، و باللغة التركية.

دموعي تنزل واني عيوني عالحيطان اللي كلها مخطوط عليها كلمات وعبارات باللغة التُركيه وبعض الكلمات مثل اسماء ايهم، نازلي، بينار مكتوبه بالعربي.
طلعت موبايلي وفتحت على كاميرا غوغل وجهتها على الكتابات و ترجملي كلشي مكتوب ومخطوط بخط إيدها
كأنها كاتبه هذا الكلام حته ما تفقد ذاكرتها وما تنساهم!
(امي أنا لوحدي)(احترق كل شي حتى ذكراك يا أبي)
(كُنت سأخبرك أن عائلتُنا سوف تُصبح 6 أفراد).

(بينار، هي امي)(نازلي هي صديقتي)(أيهم حبيبي وسندي)
(أبيل ابني الكبير، هلال اخته الأصغر، إيمار روحم)
(وَ)...
بعد حرف الجر ال و كاتبه تاريخ 31 /12 / 2005
كأن تاريخ ميلاد! وجهت الكاميرا على السطر المخطوط وترجملي السطر(ولادة ابنتي الثانيه. نازلي نازا أنا أحبكِ كثيرا)
كتمت صوت شهگاتي بإيدي وآني اشوفها شگد متعذبه
بحيث گامت تكتب رسالات ألهم على حيطان الغرفة.

تقدمت أكثر بإتجاه الچرباية لاحظت سطر مخطوط على خشبة تاج الچرباية مكتوب بالعربي تقربت منها تلامست الكلمات وابچي م قريتها نار وشبت بضلوعي
(بأي ذنبٍ سُبينا) زينب العلي.
وگعت من طولي منهارة على خط إيد امي المرحومه
أبچي وافرك برقبتي احس اختنگت. وابچي ابچي ولو بهل لحظة انزل اقتله محد يلومني. أبچي وفزيت على صوت عمة سجى وهي داخله للغرفه برعب تريد تگومني.

سجى: ولچ سووده عليه بس گوومي وياي جسار دينااديچ خاف يصعددلچ
بتراء: عمممة ولچ عممة خلص گلبييي خلص گلبيي
سدت بحلگي تبچي وتگول گومي خل ننزل اجت عيني على شي تحت الچرباية گمت مديت إيدي طلعته وچانت
لعابة مصنوعة يدوياً من القماش الصوف. گمت وگفت على رجليّه واشهگ يمكن ماما مسويته او يمكن
خالة آيدا مسويتها
سجى: اطلعي وياي بتراء اطلعي هسه جسار يصعدد.

فتحت موبايلي واني عيوني معميه من البچي اخذت چم صورة الكتابات والغرفه. واني الرجفة تسري بكل جسمي، خاصة من صوته رج القصر رج وهو يگول انزلن عااااد
جرتني وياها خارج الغرفه وسدت البيبان لازمه زندي وننزل الدرج وبإيدي الثانيه لازمه اللعابة وصلنا للطابق البيها غرفتي وفوراً دخلت.
بتراء: روحي وگفيه گليله چانت تسبح او اي شي اني هسه انزل
سجى: ماا انزل وحدي هسه يصعدلچ. مستحيل يصدگ.

عفتها ورحت للكنتور طلعت وحده من الجنط اليدويه
خيلت بيها اللعابة وخليت فوگاها چم كتاب وقفلتها شلت الجنطة وأخذت النظارات الشمسية بعدها نزلنا وچان جسار بالباب ينتظر من شافني عاط بيّه
جسار: ويييينچ صار ساااعة؟
بلعت الغصه وهو لاحظ ملامحي
جسار: شبيچ على شني باچيه؟
لبست النظارات الشمسية وحچيت
بتراء: خل نمشي من غير شي متأخرين.

عفتهم وطلعت چانت السيارة بالباب صعدت وهمه وراي ثنينهم صعدو. وبوجهنا للمطار چآن باقي للرحلة عشر دقايق خلال العشر دقايق كلشي ترتب والجوازات انختمت
سلمنا الجنط والأمن طلبني للتفتيش گال عوفي الجنطه تمر تحت الأشعة.
عين عليهم وعين على جسار خاف يفتحون الجنط ويطلعون اللعابة وهنا جسار يعرف صاعده للطابق المتروك.

لكن الله ستر الموضف رجعلي الجنطة وگال ما بيها اي شبهات. وگال هذا إجراءات أمن المطار بسبب بلاغ واصلنا. بهل اثناء مُذيعة المطار أعلنت عن النداء الأخير
وگالت نتوجه للبوابة الرابعه.
صعدنا الطيارة وهل مره چآن حاجز الدرجة الأولى
أكثر من خمس ساعات مرت لحدما وصلنا للعراق ولمطار بصرة الدولي. اول ما نزلت من الطيارة اخذت نفس عميق وزفرته. جسار نظرلي مبتسم والجگاره بين أصابع إيده اخذ نفس منها وگال.

جسار: هوا الوطن خاصة البصرة غير
بتراء: اي يختلف مثل النهايات الغير متوقعة.
تقرب حاوطني واحنه ثلاثتنا نمشي من المدرج لبوابه دخول المطار
جسار: فعلآ محد چآن متوقع نهايتنا هيچ
الأب وبنته يحظون بفرصة ثانية ويبدون من الصفر
مسحت على مكان گلبه وحچيت
بتراء: بابا حبيبي. الله يطول بعُمرك تعيش وتشوفني شلون أللعب الغالي عالغالي وتكون النهاية ترضيني.

باس شعري ويگول فخور بيچ. ما يدري نهايته على إيدي. آني الدعيت الله يطول بعمرك حته تعيش حياتك
مكسور ومخذول! من أخذنا الجُنط واندارينا نتوجه إلى بوابة الخروج من المطار وگفنا واحنه نشوف عزّهَ
شايله باقة ورد ابيض مبتسمه واجت بإتجاهنا، حچت ترحب بينا وبجسار بشكل خاص.
عزّهَ: أهلا وسهلاً برجعتك عمي الغالي.
انطته الورد وهو المشهد ماخذ عقله يبتسم فرحان!

عزوزه نظرتلي بعدما حظنت عمة سجى وتگللها يا هلا بيكم. عافتها واجتني وگفت امامي
عزّهَ: حابة ابدي بداية جديدة بتراء خل نصير حبايب؟
نظرت لجسار اللي أشر بعيونه ماكو مشكله. وبنفس الوقت گلبي من جوا فرحااان بس ما خليت جسار يشك بيّه
تصرفت بشوية غرور. نزلت النظارات من عيوني ابتسمت بتسليك وهي تريد تحظني آني ابتعدت ومديت إيدي للمصافحة.

بتراء: هيج انسب خل لا نچذب على بعض اني لا احب ابوچ ولا اجرع اخوچ. واحتمال استلطفچ لأن نعيش تحت سقف واحد.
جسار من تعابير وجهه حب كلامي وانبهر بيّه. عزوزه صافحتني وهي تخوزرني. بلعت ريگ لأن الله اليستر من رد فعلها اذا بقت وياي إلا تطيح حظي هل رعيدة.
مشينا وياها وهي جاية بسيارتها
صعدنا و واحد من الموظفين بباب المطار
خلى الجُنط بالسيارة. وياهن الجنطة اللي بيها ذيچ اللعابة
صعدت عزّه تسوق السياره.

وطول الطريق تسولف لجسار عن الأحداث الصارت و هو سألها عن (حفيده) بين قوسين حفيده.
ابتسمتلي من الجامة ونظرت لجسار وگالت
عزّهَ: بعدما انتوا سافرتو رحت اني وعزام سوينا الفحوصات والسونار الشهر الثالث. وتوقع شطلع؟
جسار: خير يا الله شطلع أنتي مو گلتي ولد واجا عالدينا؟
عزّهَ: عمي المُفاجأة الكُبرى خليناها النهائي.
جسار: ههاهها نهائي كأس العالم؟ احچي شنهي المفاجأة؟

ابتسمت ونظراتها صارت حدة بس بسرعه ترجع بريئه ابتسمتله وگالت
عزّهَ: چنت حامل بتوأم بنيه وولد
گلبي فز بدأ يدگ بسرعه يعني بعد خمسين يوم راح اشوف بنتي وأخيرا. يعني اگدر اشوف بنتي وبنفس البيت اظل وياها! جسار بقى ساكت شويه كأن ما مستوعب
عزّهَ: شني ما فرحت بيها؟
جسار: لا شلون ما افرح بيها. چا غير بنت ابني.
بقت تسولف وياه وتبين انه الأمور بيناتهم حلوة ومتفاهمين.

وصلنا للبيت ونزلت گلبي يدگ الف دگه اجت البنيه اللي تشتغل بالبيت تدخل الجُنط وگلتلها تنتبه على جنطي
مشيت وياهم جوا. كلما اخطي خطوة
دخلنا والبيت هدوء ما ينسمع إلا صوت خطوات شخص ينزل من الطابق الثاني. كلما اقترب مصدر الصوت كلما گلبي يدگ اسرع.

خاصة لمن شفناه الشخص عزام نزل وهو شايل بنتي وابنه، شايلهن ثنينهم ويجي بإتجاهنا عيوني صارت مليانة بالدموع وابلع بريگي عمة سجى راحتله وهي بالرغم متردده لكن عزام تلگاها بإبتسامه باهتة وهي تحظن بي. باس راسها
عزام: شلونچ يمه.
عمة سجى بچت وهي تبوس كتفه وتگول اروحلك فدوى يا يمه. أما جسار ف چآن يشاهد بصمت. عزّهَ راحتلهم شالت بنتي واجت عبالي تروح لجسار لكن اجت بإتجاهي وهي تحركها وتگول.

عزّهَ: شوفي ياهي الأجت شوفي شوفي. عمة بتوره اجت. هاچ شيلي بنتي.
خلتها بحظني بدون سابق إنذار هيچ خلتها بحظني بدون خوف من وجود جسار ويانه وآني شايلتها بحظني الرجفة صارت تسري بكل جسدي والبچيه ببلعومي لكن مستقوية عيوني ما اشوف بيهن من الدموع وبنفس الوقت ما انزلهن. هزيتها وهي بحظني گوة طلع صوتي بهمس
بتراء: يا روحي انتي.

فجأة جسار أخذها من حظني بثنين إيديه يتمعن بملامحها وينظرلي. أكثر من مره يباوع بينا تالي عزهَ تلاحگت الوضع و گالت
عزّهَ: آني أگول بنتي تشبه عمتها وعزام يگول لا تشبهچ
عمي انت شتگول؟
نظرلي ورجع نظر لبنتي وگال مبتسم
جسار: لا لا تشبه عمتها خاصة رسمة العيون ولونهن.
نفس العيون.
نظرت لأخويه عزام حيل متغير ووجهه باهت.

نظرات عيونه صايرة طافيه كأن الحزن ماليها! عجزت افهم شبي! خاصة لمن بقى ساكت وما رحب بجسار ولا عبره!
عمة سجى اخذت بنتي من ايد جسار، تبوس بيها وتصلي على محمد وآل محمد. انوب جسار گال شسميتو التوأم
عزّهَ: فاضل وعزيزة
جسار: عزيزة!
عزّهَ: شني ما حلوة؟ عزيزة وتصير عزيزتي وعزتي
جسار: انتي وزوجج لحيتوا بالعزة والعزيز.

عزام: غير انت خلفت عزام. وادهم خلف عزّهَ واحنه سميناها عزيزة. اذا ما عاجبك لا تگول. ترا ما يهمنا رأيك.
جسار: لا حلوة تلوگلها العزيزة.
عزام عافنا وصعد مره ثانيه هو وابنه. وعمة سجى اخذت بنتي وياها هم صعدت. بقيت آني ويا جسار وعزه
جسار: هذا ياهو الميت بي وهيچ وجهه معزي؟
جاوبته بملامح بارده
عزّهَ: مات اخوه.
بتراء: ش شنو؟
جسار: احچي بوضوح!
عزّهَ: ههه اتشاقه انت سألت وآني جاوبت منطقياً.

لكن بالحقيقه هو ضايج من شوفتك ما فرحان بيك وبجيتك.
جسار: صراحة لو وقاحة هاي؟
عزّهَ: منطق.
جسار: چا گولي مغسول عقله!
گال هيج وراح دخل على غرفة نومه. ورگع الباب بقوة
بهل اثناء عزه لزمت أيدي واني لحگتها صعدنا بسرعه
امشي وياها اخذتني على غرفتهم دخلت وهي سدت الباب ورانا عزام چآن گاعد على طرف الچرباية يلعب ابنه وبنتي. وعمة سجى گاعده بصفه.
رفع راسه شافني داخلة للغرفة عافهم وگام.

آني هم رحتله بخطوات سريعه ارتميت بحظنه اشهگ وابچي بگلب محروگ
بتراء: حييل اشتاقيتلكم انت انت اكثر شي.
باس شعري ويمسح على ظهري اردف
عزام: چا وزينب؟
بتراء: وزينب همم أكثر من الكثير بس انت بشكل خاص
ابتعد يمسح دموعي ويگلي لا تبچين.
بتراء: عزام احچيلي شبيك ليش هيچ عيونك طافيه ما بيهن فرحة احچيلي.
عزام: بيهن فرحة شوفتچ چا شلون واگف أگبالچ!
رجع حظني ويگلي اهم شي رجعتيلي بالسلامة.

بعدها ابتعدت ورحت شلت بنتي شبعتها بوسات واشمها
وابوس ايديها الناعمات
بتراء: دخيلچ انتي يا زينب يا روحي يا زينب.
بقينا گاعدين وياهم نلعبهم وكلما اشوف عزام شلون يلعبهم
گلبي ينغزني احس صاير شي أكو شي بس ليش ما يحچولي. مشت الايام بسرعه وجسار طاير عقلة من الفرحه. عباله القضايا كلها تقفلت ضده والديون اندفعت!

إلى اليوم المُنتظر اجت عمة سجى گالت جسار يريدچ بمكتبه واحنه ثنينا نعرف شيريد. نزلت جوا دگيت باب مكتبه دخلت چآن گاعد يدخن ويفر بالكرسي وگفت امام المكتب هو اندارلي وزفر الدخان اردف
جسار: الخطوة الأخيرة.
عرفت يقصد انه انقل ملكية شركات الباشا على اسمه
ثبتت إيديّه ثينيهن عالمكتب عيوني بعيونه، حچيت
بتراء: شوكت تريد اخطي هاي الخطوة الأخيرة؟
جسار: شتگولين؟

بتراء: آني جاهزة بكل وقت اذا حاب بعد ساعة أقلب الرُقعة على رأس مُلّاكها و اخلط الحابل بالنابل.
أشر بالجگاره اردف
جسار: أنخليها على باچر.
بتراء: لا تُأجل عمل اليوم إلى الغد.
رجع كرر بإصرار
جسار: أنخليها على باچر.
بتراء: اوكي يصير مثل ما أنت تريد.
جسار: و يصير مثل ما آنا اريدن.
اشرلي على الباب بمعنى تگدرين تطلعين، طلعت من مكتبه صعدت فوگ گلت أمر على غرفة عزوزه دگيت الباب ودخلت چانت بوحدهه وترضع بنتي.

فوراً عيوني صارت مليانة بالدموع سديت الباب
ورحت گعدت بصفها امسح عيوني واشوف بنتي شلون
ترضع من صدرها. ضلت تگلي لا تنقهرين ومن هل حچي، بس الموضوع مو بيدي والله
آخر شي خلتها بحظني وتعلمني ارضعها لكن تبچي وما تهدى ولا ترضع. رجعتها لعزة وغطيت وجهي بثنين إيديّه أبچي لحدما حسيت گلبي أرتاح. انوب هي بقت تهدي بيّه وتنيم أبنها مثل ما نيمت بنتي.

من نامو أبنها وبنتي. گعدت وياي. حچيتلها الحچي الدار بيني وبين جسار وهي گالت تتكفل بالباقي باچر ينتهي كلشي والشرطة تداهم البيت وجسار يتم اعتقاله
عزّهَ: لكن قبلها آني وعزام باچر من الصبح نروح للمستشفى واحتمال نتأخر علمود تلقيح فاضل وزينب يعني السالفه تتأجل لو للظهر لو للعصر حته نكون كلنا موجودين بالبيت لمن يعتقلونه.
بتراء: أصلا استغربت جسار ليش لح إلا باچر؟
آني گلت بلكت البارحه بس هو گال باچر.

عزّهَ: ماعندي اي فكرة عن الموضوع!
اندگ الباب واني گمت خاف هذا جسار لكن چانت عمة سجى دخلت للغرفة مبتسمه اجت تروح للجهال عزوزه گالت نامو. وهي لزمت إيدها تتشكرها
سجى: بفضلچ عزام صار يحچي وياي ويگلي يمه.
عزّهَ: آني گتلچ بس تسافرين وترجعين تلگين عزام
متغير. ترا عمة عزام حيل يحبچ وآني ما سويت شي
هو چآن مقهور من الصار بالماضي وهسه انحل كلشي
وراح نبدي بداية جديدة.
سجى: ما اعرف شحچي شگول حيل خجلانه من نفسي.

حظنتها وهي تگول ماكو شي تخجلين منه الماضي صار من الماضي واحنه هسه بالحاظر، عمة سجى نظرتلي واجت حظنتني هم تبچي وتگول ابريلي الذمه
بتراء: مبرية الذمة منا ليوم الدين. ما انسى وگفتچ وشگد ليالي سهرتي وياي. هذني كلهن كفيلات حته انسى الماضي وابدي بدايه جديده. كافي تبچين عمة.
حظنتها وفعلا احس گلبي ابد ما شايل ناحيتها خاصة بعدما هي تغيرت وصارت حبابه وحنونة مثل حنان الأم. ابتعدت تمسح عيونها وحچت.

سجى: چآ انزلن عالعشا.
بتراء: شنو طابخه؟
سجى: برياني
بتراء: الاكلة المُفضللة عندي الله تذكرني بخالة يقين
متلهفه على ملگاها.
نزلنا جوا جسار چآن منتظرنا اجتمعنا عالعشا حته عزام رجع وگعد يتعشى ويانه. بعدها گعدنه بالصالة نشرب چاي وندردش خاصة اسلوب جسار كأن فرحان بهل أجواء العائلية اللي ديعيشها بفضلنا.

لحد وقت النوم كلمن راح على غرفته. اني هم قبل لا ادخل انام رحت شلت بنتي ابوس بيها واضمها لگلبي بعدين، رجعت لغرفتي حته أنام. دگ موبايلي چآن على سَند
وتذكرت اني بعدني ما ارسلتله ذيچ الصور ولا گتله عن اللعابة الصوفيه اللي جبتها من ذيچ الغرفه. مع ذالك أجلت الموضوع لغير وقت و.
مثل كل يوم قبل النوم حچينا للفجر واسولفله شراح يصير باچر وبعدها ماادري شوگت غفيت ونمت.

لكن من گعدت چانت الدنيا ظهر تقريبا ساعة بال 11 ونص وللي أرعبني صوت صراخ قوي وهي تگول!

ما اسمحلك والله ماااا اسمحللللك.
گمت من الفراش مرتعبة وهي مستمره تصارخ
ركضت فتحت باب الغرفة اتجمدت بمكاني لمن شفت
جسار لازم عمة سجى من شعرها وطلعوا من غرفة عزة
يجر بيها يريد يروح للدرج وينزل!
جسار: ويييييينهمم وييينهم؟
بتراء: عمةةة!
وگف گدام الدرج، اندارلي وعمة سجى شعرها بإيد جسار اللي هز راسه ب تَوعُد وحچا الحقيقه اللي ما ردنا يعرفها إلا وهو مُعتقل ومذلول!

جسار: وحده بتَّاااااارة و الثانيه غداااااارة غداااارة تعاونت ويا الباشااااا ضدي.
عمة سجى حچت وهي تحارب بين ايده تريد تتحرر منه. گالت
سجى: واحد فاجر مثلك يستاهل يا كافر
يا طاااغي ولك شلون گدرررت تغتصببب زوجات اخوااانك شلون گدرررت تسبي وتأسر بنتك ومرتك
شلووووون گدرت تخرب بيوت. بشرررك
جسار: مثل ما گدرت عليييهم
اااگدر عليچ وعلى اكبر راس وراااااچ.
اخطي خطواتي واصرخ بكلمة
بتراء: عوفهاااا عوووفهااااا.

ضحك ضحكته الحقيرة عيونه أحسهن مليانات دموع اشرلي ما اتقرب! كرر كلامه
جسار: وَحده بَتَّاااارة. و الثانيه غداااارة.
خلى عمة سجى توگف گدامه، وجه بوجه، عمة سجى تبچي وجسار عيونه مليانة دموع سحب راسها باس جبينها بقهر!
اول مره اشوفه هيچ خاصة عيونه تدمع وهو يگول
جسار: شسويتي بيّه سجى.
شسويتي بالجسار شلون تغدرين حبيب گلبچ شلون تغدرين جساااارچ شلون تغدرررين سجى!
خلت عيونها بعيونه وهي تحچي.

سجى: حبيب گلبي ميت صار 11 شهر وخمس ايام
مات من يوم العرفت نفسه دنت على زوجات اخوانه.
انصدمت من ردود فعله! جسار شبي؟
ليش هيچ وياها؟ شهل تناقض؟ معقولة سجى الگدرت على طُغيانه! وگدرت تكسره أكثر من الكل!
وهو يحضنها بقوة
حسيت راح يكسر ضلوعه ويضمها بصدره
المشهد مرد گلبي رغم كلشي سواه بيّه انقهرت عليه
خاصه وهو رافع راسه للسما يغمض عيونه ويگول
جسار: لا لااا سجى لاااا ما ميييت.

انا بگلبچ وانتِ بگلبي ما ميت بگلببببچ آنااا.
وهي تضرب بظهره تريد يوخر عنها وتگول بصراخ وبچي
سجى: ميت اااانت ميت بعد ما
تعيش بگلبي ااانت ميت وانتهييييت.
ابعدها عنه حظن وجهه بين إيديه يحچي بضياع وتناقض!
جسار: شلون. شلووون تغدرين بيّه شلووون تغدرين بيّه هيچ غدرة. آنا ميت؟ آناا مييت؟ چاا انتي شمبقييچ؟
أبچي واتقدم بخطوات راجفة، احچي واحس گلبي واگع بين رجليّه.
بتراء: عوفها. عوف ه ا.

نظرلي بخزرة عيونه المحمرة وعاط بيّه گال
خلييييچ بمكااااانچ.
رجع جر راسها باس جبينها مره مرتين ثلاث وطبگ جبينه على جبينها. الطاغي العرفناه صار يرجف بين إيدين سجى. كله يرجف من القهر، يحچي ودموعه تنزل!
جسار: شسويتي بيّه سجاااي سجاوي روحي انتي
شلون هيچ سويتي بيّه؟ ها؟ شما اكون بلاية إنسانية وفاجر، بس انتي شلون تغدريني هيچ غدرة؟
وهي تريد تتحرر منه لكن بلا فايده حچت وهي تصرخ بوجه.

سجى: اي اغدرك وچنت كل فتره اروح للباشا احچيله الأول والتالي اااحچيله كل كلمة اسحبه من لسااانك وااانت تستاهل اااكثر من هييچ تستااهل
جسار: چنتي تگولين اموت وراك. ولچ وينهااا الگالت اموت وراك. گتلتيني بگلببببچ وصرت ميت؟
سجى: اي. اي گتلتك وصرت ميت.
جسار: چاااا موتي ورااااي موتي شمبقيييچ.
گال هيچ ودفعها بكل قوته ركضتلها لكن ما لحگتها
اتعثرت ووگعت بمكاني امام الدرج اصرخ
بتراء: عممممة سسسسجى.

وهي توگع من الدرج لحدما وصلت للگاع
صارت غارگه يدمها. أما جسار كأن عيونه انعمن اجا عليّه لزمني من شعري گومني ويصرخ بوجهي عيونه ما وگفن بچي
جسار: ولچ بترااااء باااابا سمييييتچ بتراااء بس تصيرين بَتَّااااااااارتي. ليييش؟
انهاريت أبچي بوجه واحچي بصراخ
بتراء: كُل عقللللللك ااااانسى الجحيييم العيشتني بيييي.

كُل عقللللللك انسى موووتة اااميي كُل عقلك ااااانسى موت صفاااء كُل عقللللللك انسى الحيطاااان الگعددد وگااابلتها احچيييلها ضُلممممك وطُغياااانك عليّه كُل عقللللك؟
جسار: ولچ بااابا شلون تخدعيييني مووو صدددگتچ گلت ها هيّه ألتمت عااائلتك يا جسار تااالي تصيرين بَتَّااااااااارتي. ليش بابا؟ لييييش لييييش.

رگع راسي بمحجر الدرج خلاني شبه دايخه والدم نازل من جبيني. الساعة أعلنت 12 الظهر بالبيت ساعة چبيرة موجوده بالصالة ضلت تدگ بهذا التوقيت وهو. جرني جر وياه دخلني للغرفة مالتي شال موبايلي خلاهه بإيدي
جسار: دزييييلهم رساااااالة بسررررعة دزييييلهم رساااالة
إذا شفت عنصررر واحد من الشرطة داخلين للبيت محد يسلم اصفيهم واحد واحد اولهم بنتچ ااافتهمتي.
أبچي واهز راسي اي انعميت الدم والدموع دخلو بعيني.

بألف يا على فتحت الموبايل دخلت على الرسايل اريد اكتب ما اعرف شكتب. أخذها من إيدي كتب للأشتر
(جسار راح على بغداد مناك يسافر ألحگوه للمطار)
ارسلها وصارت صحين! شمر الموبايل عالچرباية
ولزمني من متوني ثبتني أمامه يمسح وجهي من الدم ويحچي بطريقة خوفتني أكثر
جسار: بَتَّاارة بابا. شايفه وضعچ؟ ماا لحگتي تقلبين الرُقعة على مُلّاكها. مُلّاكهااا آنا وما تگدرلي ولچ بابا.
بتراء: گ گتلت گتلت عمه سجى سجى.

جسار: وانتي تلحگيهااا قابل عزيزة أكثر منهاااا؟
ضربني براشدي وگعني يم رجله ويدفر يدفر بلاية رحمه
ويصرخ
جسار: وااااحد وااااحد اصفييييكم محد يضل عاااايش
الجبرني اااااگتل روحي اااگتل سجاي مااا يضل عااايش وراهاااا.
كنبص خلا إيده بشعري ويجرني جر وراه يريد يطلعني يشمرني من فوگ الدرج مثل ما شمر عمة سجى!
لكن الصدمه والخوف سار بكل جسمه لمن طلعني من باب الغرفه وتلگانا عمو اشتر.

جسار تصنم بمكانه وعمو اشتر إلى بس وصل لجسار ضربه بوكس وكمل يضربه. بهل اثناء على سَند صعد ركضلي ولمني بحظنه واني منتهية أبچي
من بعده صعدو عناصر من الشرطة لكن ما تدخلو وآني عيوني على عمو اشتر شلون يضربه بلاية رحمه يضربه ويفوخ گلبه بي ويحچي
عباااالك الاشتررر تفوته الفاييييتة؟
ول خااالي امشي وعابرك ااامشي وعابرك بالدهاء.
دفره چم دفره وگام يتنفس سريع وأشر لعناصر الشرطة.

الأشتر: يلا يلا شبابنا الطيبه اعوفلكم الباقي.
بتراء: گتل عممة سسجى گتلهااا
جاوبني وهو يأشر بإيده
الأشتر: يمعووووده ما ماتت ماا ماتت
اسعفناها قبل شويه. وهسه يوصلون للمستشفى
أجا عليَّه كنبص سحبني گوه من حظن على سَند اللي چآن رافض. لكن خوزره وعافني. حظني عمو أشتر وهو يمسد على شعري ويگول الف الحمد لله لحگتچ بويه.
واني ويا كلماته وحنانه اشهگ وابچي أكثر.

بعدها على سَند شالني لحظنه ونزلني للطابق الأول چآن مليان عناصر الشرطة ويفتشون البيت عبرنا بنصهم وطلعنا اما عمو اشتر بقا ورانا يصافح الضابط ويحچي وياه.
صعدني بالسياره وشخطها لنفس المستشفى لمن وصلنا هم شالني ويمشي للطوارئ. والدموع ما وگفت بعيني أبچي وادعي الله يسترها وما تموت. بقى وياي بالطوارئ والدكتوره تخيط جرح جبيني.

شويه و اجن أريم و هلال. أمنهن عليّه وگال يصعد يشوف عمة سجى، أما لزمت إيد هلالة أبچي واسأل
بتراء: شصار على بنتي وابن عزة وينهم شصار عليهم هي وين هسه؟
تقربت حاوطتني وتمسح عيونها من الدموع وحچت
هِلال: بعدما رجعو من المستشفى اجو على بيتنا عافو فاضل وزينب يم عمة ندى وعمة أمل ينتبهون عليهم. عبن گالو يرجعون للبيت ضروري.
أريم: ومن اجو چآن عمو أشتر وعلى سَند واصلين قبلهم.

بتراء: شصار عليها وينها؟ عزام. عزام وحده بيچن تروحله لا تعوفن أخوية بوحده. او اخذني أله.
هِلال: اگعدي. على سَند امنچ يمنا وگال لا تصعدن.
الدكتوره والممرضات سوولي اللازم وبعدها يمكن انطوني منوم لان نمت فترة طويلة ومن حسيت راح اگعد.
شميت ريحة امي نفس ريحتها قريبة عليّه. فتحت عيوني بتعب وگلت يمه. تقربت باست خدودي من الجهتين ودموعها توگع على وجهي
يَقين: ها يمه بنيتي حبيبة گلبي.

استوعب هاي خالتي مو امي بچيت وهي تحظن وجهي وتگول اروحلج فدوى سامحيني.
بتراء: ماما يقين شبيچ ليش هيچ تحاچيني.
بقت ساكتة ودخل على سَند گعد على الجهه الثانيه
بتراء: عمة سجى. عمة سجى شصار عليها؟
علي سَند: طلعوها من العمليات ووضعها مستقر
بتراء: احلفك بالغالية امك. ما بيها شي؟
لزم إيدي يشد عليها ويطمئن گلبي
علي سَند: وحگ الغالية يَقيني هاي المگابلتچ وحگها.

وضعها مستقر. صار عدهه نزيف داخلي بس الأطباء تلاحگوها وعدهه كسور بجسدها لكن مع الايام تتعافى وتگوم.
بتراء: الحمد لله. وعزام شلونه؟
بهل اثناء دخل عزام گال يا روحه. گام على سَند وانطاه مكانه اخذ إيدي من إيده ولزمها قربها من شفته وباس أناملي انتبهت هدومه عليهن دم يمكن لمن وصل ولگى امه
بهل منظر حاول يتلاحگها. نظرت لعيونه الصايرة مثل الدم
بتراء: عزام.
عيونه
بچيت واشرتله بمعنى يحظني گام من مكانه حظني وهو.

يگول مستحيل اعفي عنه الأذاچ ووصل امي للموت هذا مجرم يستحق الإع دام.
بقيت يوم بالمستشفى ورجعت للبيت. أما عمة سجى فباقية
بالمستشفى. چنت گاعده بالصالة مخلية راسي على كتف حبوبه ناهد شوية ودخلت خالة آيدا من شافتني بقت واگفه بالباب، هلال گامت تروحلها وهي گالت
آيدا: زينب.
هِلال: ماما حبيبتي هاي مو زينب هاي بنتها بنتها اللي حچيتلچ عليها.
آيدا: بنت زينب؟
هِلال: اي بنتها تعاي يعمري.

حاوطت امها وجابتها بصفي انداريت ألها لزمت إيدها
وتذكرت العبارات اللي انكتبت بهل إيدين.
حظنتها وهي تگول شبيچ تبچين ما گدرت احچي واگول الشفته بذيج الغرفة لأن الوقت ابد مو وقته. بعدما گعدت وياهم شويه. طلعت ويا عمة أمل على غرفتها اما
عن فاضل وزينب ف چانت منيمتهم بغرفة عمة ندى.
گالت اگعدي وگعدت حسيت عدهه شي تريد تحچيه
خاصة لمن دخلت خالة يقين وسدت الباب
بتراء: قلقتوني شكو؟

گامت عمه امل راحت للكنتور وخالة يقين گعدت بصفي
لزمت إيدها وهي عيونها مليانة دموع. صحتلها بكلمة يمه
بتراء: يمه شبيچ.؟
ما جاوبتني واجت عمة امل يمنا. وشايله ألبوم صور
گعدت وخلته گدامي.
بتراء: ما. ما افهم شسوي بهل ألبوم؟
فتحته على أول صفحة وانطتني.
امل: شوفيهن. صفحة صفحة
حولت انظاري للألبوم اشوف صورة بنتين صورة ابيض واسود گوه مبين ملامحهن. ميين عليهن بأول عمرهن حچت وهي تأشر.

يَقين: هنا چان عمرنا 12 سنه. آني وامچ الله يرحمها
گلبت الصفحه لصورة ثانية وهم أشرت تگول هنا اول مره طلعنا من البيت ويا حاتم ورحنا عالمدينة بقت تحچيلي تفاصيل كل صورة لحدما وصلنا صورتي واني طفلة
وعلي سَند بصفي.
يَقين: هنا قبل لا امچ تاخذچ وتسافر ويا جسار.
وتحتهن صورة طفل بالگماط سحبتها وطلعتها اتمعن بيها
بتراء: صورة منو؟
يَقين: كملي وتعرفين.

اباوع بعمة امل ساكته واني كملت اگلب بين الصور وكل صورة ألها حچاية.
يَقين: بهل صورة امچ چانت حامل واجتني. بقت عندي أشهر اداريها وچنتي انتي طفلة زغيرة.
بتراء: . ش شنو چانت حامل؟ حامل بمنو؟
خالة شجاي تحچين اني وحيدة امي شجاي تحچين؟
يَقين: بس خل افهمچ
أمل: بنتي اسمعي منها.

يَقين: امچ حملت وما گالت الجسار هي حامل عبن بذيج الأيام جسار چآن خارج العراق ما يجي الا مره وحده بالسنة، وقدر الله انه امچ تحمل قبل لا يسافر وهي تضم الموضوع عبن خافت الحمل يكون ولد اذا چآن ولد جسار چآن راح ياخذه
بتراء: چآن يريد ولد؟
يقين: چآن يريد ويتمنى انه انتي لو چنتي ولد وحلف عليها اذا حملت وجابت بنية گالت اقتلها وهي من خوفها بقت أشهر ببيتي لحدما ولّدت وجابت اخوج.

عقلي وگف عيوني ما اشوف بيهن من الدموع فقط ساكتة وموسعة عيوني.
يقين: خافت اذا جسار درى جابت ولد ياخذ أبنها
ويصير نسخة من جسار لهذا السبب انطتني الأمانة. گالت
ربيلي أبني. ولمن رجع جسار للعراق ما ندري شلون عرف امچ چانت حامل بولد. وهي گالت مات الطفل
تسودن عليها وگال تدفعين ثمن اهمالچ هذا وبعدها اخذچ انتي وامچ من العراق.
صعب عليّه استوعب كل هذا الكلام والصدمات.

وآني بس أبچي سكتة والألبوم بحظني، خالة گلبت الصفحات طلعت مجموعة صور لطفل ملامحه بريئة طفل ملامحه شبه مو غريب عليّه
يَقين: هذا اخوچ.
نزلت عيوني اريد اشوف ملامحه بس الدموع عاميتني
مسحت عيوني و گلت
بتراء: يعني عندي اخو ثاني. وينه، شسمه؟
وين صورته هسه؟ خالة ليش ساكتة جاوبيني اخويه وينه؟
بقت ساكتة واني عيوني متانيتها واذني يريد يسمعها تحچي.

رجعت نظرتي للألبوم وشفايفي يرجفن من البچي گلبت الصفحات اشوف صوره بكل مراحل عمره وبكل صفحة
يتوضحلي ملامحه إلى أن گلبت اخر صفحة. شهگت شهگة من عُمق روحي.
وآني اشوف صورة فاضل. نفسه فاضل اللي يشتغل ببيتهم اللي بالنجف صرت اتنفس سريع واشهگ ويا البچيه عيوني ما اشوف بيها
بتراء: ف فاضل. فاضل هذا فاضل.

اخذت الألبوم وگمت اطلع اشوفه لأن قبل أشهر على سَند حچالي وگال فاضل وياهم بالبيت. فتحت باب الغرفة وصوتهن وراي ينادوني واني احس معمي على عيوني اريد اوصل للحديقه واشوفه اكيد هو برا واگف
أبچي وما ادري شجاي اسوي بس كلشي اعرفه
وادركته أنه فاضل أخويه. وخالة تبچي وتصيح عليّه
يييمه بس اووگفي خل احچيلچ يمه بتراء تعاي.

فتحت باب البيت، الألبوم بإيدي وأمشي للحديقه وانادي عليه بگلب محروگ ومتلهف رغم من دقايق عرفت هل حقيقه إلى أنه گلبي يريده يريد يحظن أمانة أمي.
بتراء: فاضل، فااضل فاضل وييينك فااااضل
مثل المخبلة ادور حوالين البيت وبين زلم الحراسه الموجودين وانادي فاضل وينك. إلى أن واحد بيهم گال
اخونا فاضل انتقل الى رحمة الله قبل ثلاث شهور.
بتراء: فااضل وينك، شجاي تحچي شجاي تحچي؟
صار وياه حادث ومات.

بتراء: وللللك شجاااي تحچيييي.
ما صدگت بي وانادي فاضل. انداريت وراي شفت سيارة على سَند طبت للبيت رحت بإتجاهه هو نزل واني أبچي واروحله افتح الألبوم وااشرلك
بتراء: على على سَند ااخويه هذاا هذا اخويه فاضل وينه فاضل وييينه فاضل ليش ما موجود وينه وينه فاضل ووووينه اخويه وييينه أمانة امي وينه؟
وصلني وسحبني لحظنه واني اريد يوخر عني ويحچي.

بتراء: بسسس احچيييلي فاضل وييينه چنت چنتتت تعرف هذا اخويه؟ چنتتت تعرررف؟
علي سَند: ييشهدد ااالله ما چنت اعرف إلا لمن صار الحادث وتوفى
بتراء: ش شنوو توفى شنو توفى شوووكت شفته شوكت شنووو توفى
اجو كلهم وگفو بالحديقة وخالة يقين تبچي وتحچي
يَقين: يمه بتراء بنيتي بس خل افهمچ هو. فاضل چآن يعرف عنده اخت بس ما يعرف هاي انتي، و آني ما حچيتلچ عبن لو فتحنا هذا الموضوع جسار چآن برا السجن ويمكن يأذيكم.

بتراء: عليي سَندددد وخررر عني فااااضل وينه
علي سَند: بسس اهدي لا تأذيين نفسچ.
بتراء: ولكم فااضل وييينه وييينه.
علي سَند: ماااات فاضل مااات اسووودنتي دنگلچ ااخوچ مااات
من هيچ عاط بيّه وگال اخوچ مات، الألبوم وگع من إيدي وصرت اضرب على وجهي واصرخ
بتراء: لااا تگُلي اااخوووچ مااات لا تگُلي لا تگُلييي اخووووچ ماااات.

حاول يلزم إيدي يمنعني وآني روحي تريد تطلع من يگلي مات. الدنيا صارت تفتر بيّه لحدما وگعت من طولي وحسيت عليه لمن رفعني لحظنه ينادي اسمي.
بعدها ما اعرف شصار او من شوكت اني بالفراش وبغرفة على سَند. عيوني ما اگدر افتحهن من الألم بقيت اباوع للسقف وابچي سكتة أبچي واشهگ ومنا على سَند تقرب خلى راسه بصف راسي يبچي وياي ويگلي
ما چآن مجرد سايق ولا چان مجرد إيدي اليمين. چآن اخويه الزغير. چآن وياي بكل خطوة.

صوتي وصوت بچيتي ارتفع واتحرك لكن قيدني بين إيده
حاظني بقوة وآني اصارخ وابچي واصيح ب يا يمه ويا فاضل وينكم عني.
لحد المسا على سَند گام طلع وآني ضليت بالفراش حاظنه نفسي وابچي كلما اتذكر بداية جيتي لبيت النجف وشلون
چآن فاضل يحچي وياي وشلون يتعامل. المرد گلبي أنه ما عندي اي ذكريات وياه.
سمعت صوت الباب انفتح، غمضت عيوني امثل النوم
وإذا بيها اسمع صوتها قريبه عليّه خلت إيدها على شعري
تمسد عليه وباست بين عيوني.

يَقين: ما بقالي من ريحة اختي، غيرچ.
كأنها تعرفني ما نايمه سحبت إيدي هم تريد تبوسه
بس ما خليتها، فتحت عيوني المدمعه وحچيت
بتراء: شلون گدرتي تحرمينا من بعض.
يَقين: جسار چآن راح يأذيچ انتي واخوچ.
بتراء: عزام اللي لحد اخر لحظة چآن ضده. ما اذاه
تريديه يأذي فاضل؟ ما چآن يأذي ولده لا تتحججين بجسار جسار يحب ولده ما يأذيهم.
حاولت تبرر خوفها بس مو صحيح هذا الكلام
آني عشت ويا جسار فترة طويلة وما شفته بيوم يأذي عزام.

عزام. اللي كل الوقت چآن ضد ابوه بالعلن يروح ويا ولد الباشا. هو ما أذى عزام ف شلون اذا چآن فاضل.
جسار مشكلته وياي. مشكلته آني بنته وبنيه!
درت ظهري ألها وبعد ما رديت عليها، طلعت هي ودخلت بنوبة بكاء. وبعد هذا اليوم مرت باقي الأيام ما اطلع من الغرفه ولا احاچي احد بيهم.

وَسن
بعدما الخطوة الأخيرة تنفذت ضد جسار وتم إعتقاله بهوايا قضايا ابرزهن نصب واحتيال + القتل العمد والخطف
إجا دور تنفيذ خطة هاشم ضدي اني! والأصعب آني انفذ هل خطة ضد جاسر وضد حياتي!
چنت ماخذه الأوراق المطلوبة من نائل وكلشي مرتب
الأوراق عليهن توقيعات جاسر وبصماته باقي فقط الشرطة تجي للبيت تعتقله.
وقبل يوم الإعتقال چنا سويه بالرغم من إستغرابه انه شبيّه.

بين ليلة وضحاها تغيرت وياه. بقينا الليل كله سهرانين
وآني احس الدموع متحجرة بعيوني. ثاني يوم گعدت من النوم بغرفة بيته. ما لگيته بصفي. گمت للحمام سبحت
وطلعت اخذت موبايلي خابرت نائل
وَسن: روح قدم البلاغ وسلم الأدلة ضده. خلال نص ساعة لازم يجون الشرطة.
صار.
قفلت الخط. واجيت بدلت. بقيت گاعده بالغرفة ربع ساعة بعدين نزلت تحت واحس روحي جاي تنسحب مني شلون اكسره هيچ كسرة. جاسر چآن بالمطبخ يجهز الريوگ.

رحتله وحظنت ظهره حچيت الأجا على لساني
وَسن: أنتظرك.
جاوبني بسرعه
جاسر: وين؟
وَسن: في مكانٍ ما يوماً ما.
اندارلي ومقربني منه باسني بهدوء وگال بدون اي إستغراب
جاسر: لا تملين من إنتظاري.
نظرت لعيونه احس يعرف كلشي احسه كاشفني
وَسن: جاسر.
عيونه صارن مثل الدم أحمر ومليانة دموع بس ما ينزلهن، اردف بصوت محتقن
جاسر: گتلچ مستقوي بيچ لا تكسرين ظهري وتحرگين گلبي عليچ.
وَسن: جاسر.

حظني بقوة وهو يگول روحه لجاسر نجمة جاسر وگلبه
بعدها گال.
عبالچ ما اعرف شجاي يصير من وراي؟
ما گدرت. ماا گدرت اوگف بوجه هددني!
اعرف. وچنت أعرف كلشي جاي يصير بس ردتچ تجين تحچيلي بنفسچ! معقولة تكسريني هيچ كسرة؟
چنتي راح تغدرين بيّه وما تحچيلي؟
ابتعدت عنه وهو يمسح دموعي
وَسن: شنو أنت ما خايف من السجن؟
جاسر: و آنا يا يوم چنت حُر؟
حچيت وآني اعدل ياخة قميصه والدموع تنزل من عيوني.

وَسن: باوع حُبي هو فد أشهر وتطلع. اطلعك بكفالة ما اعوفك بالسجن.
جاسر: اقل شي انحكم خمس سنوات عن يا ثلاث اشهر تحچين!
وَسن: اي إذا چنت حباب يطلعوك بثلاث أشهر ويا الكفالة
جاسر: وابوچ المگرن؟
وَسن: ما يهمه شگد تنسجن المهم انه انت تكرهني وتعوفني هو هذا هدفه.
جاسر: ما چآن كرهتچ حته لو غدرتي بيّه.
وَسن: ديلا لا تچذب حُبي.
جاسر: ما اچذب.
باسني بهيام. وهو يگلي كلشي اتحمل لخاطرچ ولخاطر بنتنا ما تتأذى.

وَسن: بس نسافر آني وهاشم هو وعدني يرجعلي إيمي وگال شرط ادير شركاته ويا AXR ونائل.
جاسر: والمگرود ناجي ياهو يخرجه من السجن؟
وَسن: من يخلص الست أشهر يلحگنا للخارج وهاشم مقرر يخليه المستشار القانوني مالته يعني يكون مسؤول عن كلشي قانوني يخصه. وهذا لصالحنا
تقربت طبگت جبيني على جبينه
وَسن: وانت بيوم من الايام راح تلحگني ونرجع سوا بس شلون وتحت اي ضروف ما ادري.

جاسر: ابوچ مستحيل يخليني اتقرب صوبچ و لا صوب بنتي. إذا هو حارمني من أمي ف شلون انتي وبنتي؟
وَسن: ما اتخلى عنك آني احلها ادبرها اسوي المستحيل حته نرجع واذا ما رجعتك لنص بيته وراسك مرفوع ما اكون نجمة جونيور.
حظنته بقوة وهو ما يمل من تكرار كلماته ويگلي روح جونيور وحيله. شويه وسمعنا صوت دورية الشرطه
ابتعدت عنه واني گلبي رافض بُعده. لزم إيدي باسهن ومسح دموعي تقرب باس خدي وهمس بأذني.

أنظر إلى تِلك النجوم مهما تُغطيها الغيوم سَتظلُ تَلمع حُرتاً حُباً تَحوم.
حظنته مره ثانيه وهل مره چانت الأخيرة خاصة الشرطة داهمو البيت دخلو للمطبخ وسحبوا مني الشرطي حط الكلبچات بإيده والضابط چآن نفسه صگر اللي اعتقل جسار. مد إيده انطاني ورقتين اردف
أمر استقدام لازم تجين للمركز و الثاني امر تفتيش لهذا البيت.
جاسر: هي شكوو تاخذونها؟
أخذو للسيارة...
جاسر: احاچيك شماالك هي شعليها تنطيها امر استقداام.

اخذو جاسر واني اخذت الورقه من إيده
وَسن: تمام بالرغم انتو جايين على خلفية بلاغ آني قدمته.
إجراء قانوني غصبا ما عليچ تجين لا تمننين علينا بشي.
اشو سحب كرسي وگعد أشر لعناصر الشرطة گللهم بلشو تفتيش. العناصر بلشو تفتيش البيت وهذا نظرلي
عدكم چاي لو تتريگون بماي؟
وَسن: عفوا تريد چاي؟
نتعبچ شوية.
نظراته وترني بس ما بينت. طفيت تحت قوري الچاي وجبته صبيتله بالكوب.
ما عدكم استكاين؟
وَسن: لا.

بقى يخوط الچاي ويحچي احسه ديحقق او يحسب لساني
عجل فلوسكم وين تروح اشترولكم استكاين مو كُل خطاركم مثل ناجي ونائل.
وَسن: صحيح والله ما حاسبه حساب جيتك.
اسوي سُبرايزات يسبرز الناس اللي اتعامل وياهم.
ابتسمت بتسليك وگعدت گباله اهز رجل واتغاضة خزراته
صاح على واحد وگال
يوول رقييب حِدرر للطابق الأرضي اريدكم ما تخلون غرض ما تفتشونه.
وَسن: البيت فارغ ما بي شي.

مثل بيت جسار الطلع بي أكثر من - - كيلو كرستال. وفلوس بالدولار كلهن غسل.
سكتت ما جاوبته خل يفتش البيت ما بي شي. خلص الچاي ونظرلي. اردف
حازم منو؟
وَسن: نفسه هاشم. ليش توك تدري؟
چؤ انتي توچ راح تدرين، حازم اخو ابوچ. من مرت أبوه. اخو ابوچ من مرت ابوه شويه خبصة بس رتبيها بعقلچ.
وَسن: ههه فلم هندي واطلع آني مو بنته وشايلني من باب الجامع وتستمر هل مهزلة.
ضربت ايدي عالميز هو خوزرني.

ولله محد عيشني أجواء الأفلام الهنديه غيركم انتي وابوچ وعمامچ المهرلين. ابوچ لوما هاي الحقيقه چآن راح اعتقله بهوايا تُهم جنائية. بس حرمات ما تطابق بصماتهم.
وَسن: شنو بصمات شنو عمي وحازم! ترا حازم نفسه ابويه بس اسمه الثاني بالجنسية العراقيه اسمه حازم!
حازم عمچ، عمچ بس انتوا ما تدرون عنه
محد يدري عنه غير جسار وهاشم وشچان اسم اخوانه البقيه. جاسر وناصر؟ لو جاسر ونصار؟

وَسن: واذا هو عمي لييش محد يدري عنه وليش هاشم شايل اسمه عالجنسيه؟
چآن مستغله لصالحه!
وَسن: إذا هو مستغله شلون حازم عليه تهم جنائيه يعني هل تُهم تصير على هاشم.

افتحي عقلچ وافتهمي. من سنة كاملة ادور ورا المدعو حازم الجابر وچنت شاك بأبوچ. لكن اوبا طلع العينتين مستغل اخوه المنبوذ. ولحد ذاك الشهر لگيناه، ضليت اراقبه ومن قررنا نداهم البيت لگينا عمچ حازم ميت ببيته وماكو اي دليل جنائي. وبعد ما أخذنا بصماته طلع هو المَطلوب وهاشم ما تطابق بصماته على الأدلة.
وَسن: تريد تگول هاشم قتله ومسسح الأدلة؟

گتلچ ميت ما مقتول. بتقرير الطب العدلي اتضح أنه ميت بسكتة قلبية بسبب خوف او صدمه، برأيچ منو ممكن يخوفه او يصدمه؟
وَسن: ما ادري!
أجا الشرطي گال كملنا وما لگينا شي انوب هو گام
گمت اني هم
علي كل حال، تجين للمركز هسه او باچر المهم أكو أمور چثيرة نحقق بيها وياچ.
وَسن: لعد وساعه تحقق وياي شنو هذا؟
وين حققت وياچ. چنت اضيع وقتي بالسوالف وياچ خاصة الأمور التدور ببالي.

اشر للشرطي يطلعون وآني واگفه بحالة صدمه من اسلوبه المُستفز. ومن صدمة هل حقيقة. بهل اثناء دخل نائل عُبر بصف الضابط واحد نظر للثاني خاصة الضابط نظراته كلهن شك وينظر لنائل اردف قبل لا يطلع
الله ويانا.
نائل يشد ايده وگوه متمالك نفسه ما حچآ ولا تخربط
طلعوا الدورية وأفراد الشرطة من البيت. نائل رگع الباب وصاح
شني من بشررررر هذاااااااا.
وَسن: عوووفه يمعوود عوفه وتعال احچيلي. حازم شلون ميت؟

شمدررريني يطبه سبعين طوب هم زين خلصنا منه بقى اخوه.
وَسن: نائل!
لچ شترررريدين من نَاااائل؟
وَسن: شبيييك ما تتحاچى. تعااال وين ترووح
اندارلي ميل راسه يحچي بإستهزاء
للشط ناكل سمچ مسگوف تجين ويانه؟
وَسن: زفررررر. روح ولي
طلع مره ثانيه ورگع الباب
وَسن: لا يا ربي اني راااح اتخبل ااتخبل منهم.
اخذت موبايلي وورقة الإستقدام، طلعت اروح للمركز
من وصلت دخلت للتحقيق حققوا ويايه بهوايا أمور مالية.

تخص الشركة. بمأنه چنت أشتغل بيها.
من خلصوا التحقيق طلعت بوجهي لبيت هاشم
دخلت البيت مشيت للمكتب بس شفته گاعد بالصالة أمامه رُقعة الشطرنج ويحرك احجارها شلون ما يريد
انداريت ورحتله، دخلت وگفت أمامه
وَسن: شلوون تچذب عليه وتگول حازم اسمك الثاني عالجنسيية العراقيه؟
عاف حجر الوزير بمكان بيدق معادي
رفع راسه مبتسم ببرود. اردف
هاشم: ياهو الحچالچ خل انعل يومه.

وَسن: ااانت كلش زين تعرف ياهو الحچالي وتعرف كلش زيين ياهو الراااح لحااازم. و!
هاشم: الله يرحمه چآن خوش اخو بس منبوذ محد يعرفه.
وَسن: آني حذرتك. حذذرتك گتلك لا تخلي نائل يسوي شي!
هاشم: نائل ما سوا شي.
نزل عيونه للرُقعه ووكع بيدق ثاني خلى بمكانه حجر الوزير.
هاشم: سويتي الگتلچ عليه؟
عرفته يغير الموضوع ومستحيل يجاوب.

وَسن: سويت ومبروك خربت حياتي اكثر ما هي خربانه. جاسر صار يستحقرني. لمن شاف الشرطة ألقت القبض عليه.
هاشم: چا شبيها الكاميرات بالبيت ليش ما اشتغلت عندي؟
وَسن: خصوصية رجال ومرته بيومهم الأخير سوا
انت شكو؟
گلبت رُقعة الشطرنج فوگ تحت طشرت كل الأحجار
وطلعت على غرفتي. بعدها بأيام وقبل محاكمة جسار بأسبوع صار وقت محاكمة جاسر. چنت حاظرة بالمحكمه ويا هاشم. والقاضي طلب مني اصعد لمنصة الشهود.

حلفت ما احچي غير الحقيقه! وانجبرت أگول العكس
هل تشهدين ضد المتهم مع الادلة الموجهة ضده؟
بلعت ريگ جاسر واگف مثل الجبل الما يهزه ريح
غير مُبالي بهل حُكم بمأنه ديظمن سلامة بنتنا. نظرت للقاضي وحچيت
وَسن: اشهد ضده هو سرق نسبة 10 بالمية من اسهم الشركة اجبرني أوقع على نقل الأسهم. وسرق مستحقات عُمال البناء.
بعدما ادليت بشهادتي گال ارجعي لمكانج وبعدها گمنا لمن گال.

حكمت المحكمة حظروياً وبناءاً على الادلة الموجهه ضد المُتهم جاسر - - - . حكمت المحكمة عليه بدفع كافة مُستحقات العُمال مع السجن لمدة لا تَقِل عن خمس سنوات مع الأشغال الشاقة. رُفعت الجلسة.
من گال خمس سنوات حسيت الدنيا تفتر بيّه بس استقويت
وبقيت ثابته اما جاسر فما انطا اي رد فعل. اغلب الحظور طلعوا وأولهم هاشم بعدما سمع الحكم!
اجا الأمن يريدون ياخذونه واني وگفت بطريقهم لزمت إيده.

وَسن: اطلعك والله اطلعك ما اعوف القضيه اروح لمحكمة الإستئناف القضيه ما تقفل بهذا الحكم.
باس راسي وگال
جاسر: ديري بالچ على بنتنا و لا تملين من إنتظاري ترا راجع وحق لهفتي لشوفة عيون امي.
بچيت ما گدرت اكتم دموعي وهو يروح وياهم راح جاسر واني طلعت من قاعة المحكمه هاشم چآن بالباب عبرته وما حجيت وياه فورا طلعت والشغله الوحيده اللي مُصرة عليه انه مستحيل اعوفه ينسجن بهذا الحُكم. فورا خابرت على AXR. وحچيت.

وَسن: اريدك تحول المبلغ الراح اطلبه منك تحوله على حساب نائل فورا.
گال اوكي. واني كتبتله المبلغ بالدولار. جاوبني وگال للمسا ينزل بحساب نائل. بقيت للمسا انتظر لحدما نزل بحساب نائل اللي ساعدني وراح دفع المُستحقات. وهنا هاشم بالبيت عاركني لأن عرف اني دافعة الديون من حساب نائل
هاشم: ااانتي شلووون تصرفييين كووومة فلوس وتدفعييين هذا الدييين؟

وَسن: ااادفع موو بكيييفك وبعد راح أقدم طلب إستئناااف الحكم واذا ما نزلت الحُكم اقل شي سنه! بس اصبرلي
هاشم: لا انتي ناويه يموت موتة حازم.
وَسن: لا تسوي هيج وخل يكونلك خط رجعة تاليتك تندم بس بوقت محد يظل وياك كلها تعوفك حته الناس الشاد ظهرك بيهم.
هاشم: إذا استئنفتي الحكم بالمقابل توقعين أوراق طلاقج منه. وانتي تعرفين انا شما اريد هو اليصير
بلعت ريگ من كلامه.

هاشم: اختاري. هو بالحالتين ما اخليكم ترجعون سوا.
وَسن: أوقع. تمام أوقع واعوفه بس بالمقابل يتم استئناف الحكم.
هز راسه اخذ نفس من الجگاره
هاشم: هيج تمام. اذا حابة من هسه قدمي طلب إستئناف
عافني وراح لمكتبه، گعدت بمكاني احس متعطشة اشرب من دمه هلگد كارته وكارهه عجزي أمامه. ثاني يوم قدمت طلب إستئناف الحكم بس بأسم نائل وكل الأوراق قدمها نائل خاصة الأوراق اللي تخص التحويلات ودفع المُستحقات.

بعد فترة تم قبول طلب الإستئناف وقبل يوم الجلسه
وقعت على جميع عقود زواجي على جميع الجنسيات. والمحكمة عقدت الجسلة ثانيه هل مره هاشم ما حظر فقط آني ونائل
القاضي سألي عن سبب تراجعي. وحجيت
وَسن: سيدي القاضي بعدما ابن عم المتهم. دفع جميع مُستحقات العمال ورجعلي ملكية الاسهم اللي مثل ما معروف 10. قررت اجي واكون ضم الشاهد على دفع المُستحقات المالية. ويتم تخفيف الحُكم عليه.
هو زوجج السابق؟

نظرت لجاسر اللي مستغرب من هل كلام
وَسن: نعم سيدي القاضي هو زوجي السابق اني وقعت على أوراق الطلاق جميعها بمأنه زواجي مُسجل قانونياً على جميع الجنسيات الغير عراقيه اللي املكا.
جاسر: وسسسن طلاااق شني تسودنتييي؟
هدوووء هدوء.
جاسر ما گدر يحجي بعدما القاضي حذره. وكمل الجلسة
مع الإستماع إلى عمال البناء اللي شهدو أنه اخذو فلوسهم.

وما عدهم مشكله وياه. ولمن حانت لحظة النُطق بالحكم جاسر بقى يخوزرني ما راضي عن تصرفي واعرفه مستحيل يوقع على ورقة طلاقنا
حكمت محكمة الإستئناف بعد النظر في المُستجدات حول قضية النصب والاحتيال. وبعد إثبات دفع المُستحقات المالية كافةً. مع استعادة الأسهم لأصحابها. حكمت المحكمه بتخفيف الحُكم إلى ستة أشهر مع الأشغال الشاقة. وهذا الحُكم يشمل العفو العام حال إقراره خلال السنة الحالية أو السنة القادمه.

من فرحة الحكم عجزت اتصرف حتى القاضي استغرب مني والفرحني أكثر الحكم يشمل قرار العفو العام يعني لو باجر يتم إقرار العفو العام. جاسر يطلع من السجن.
طلعنا من قاعة المحكمه وجاسر يصرخ وهو بين إيد عناصر الأمن
جاسر: ااابوچ لو يخلي طلقة براااسي هم ما اااطلگچ
نَائل: شگد بطران ما زين من خمس سنوات حكم
جبناك لست شهور.
وَسن: تمام لا تطلگ نائص تگول اطلگچ والله بطران
جاسر: شني تذلييني ذل شنيي.
نصووو اصوااتكم.

نَائل: چا شبيك ما تحچي بصوت ناصي.
راح نائل والعسكر حچآ شي بس ما سمعناه واني لحگت جاسر ودعته رغم ماله خلگ روحه فد معصب من سالفة الطلاق وانه اني ليش وقعت أوراق الطلاق.
اخذو جاسر للسجن وهل مره بحكم ستة أشهر.
بعدها بيومين صار يوم محاكمة جسار. وهاشم طلب من AXR يجي يكون وياه بيوم الجلسة وهذا اللي ما فهمته!
ال بتراء
وصلت حالة من الإكتئاب حته بنتي ما اسأل عنها
حته وضع عمة سجى ما چنت اسأل بس على سَند.

گال هي صار عدهه شلل عام ما تگدر لا تحرك إيد ولا رجل حته حچي ما تحچي. و أنه بعدها بالمستشفى بسبب الكسور.
بعد فتره على سَند جاب اغراضي اللي ببيت جسار وجاب موبايلي والجنطة بس ما فتحها ولا اني فتحتها خليتها بالكنتور وأخذت موبايلي فتحته ورجعت اشوف صور ذيچ الغرفه واقرب على العبارة اللي كتبتها امي. وادخل بنوبة بُكاء.

بقيت بهل حالة من الإكتئاب حوالي 25 يوم لحدما أجا على سَند بيوم من الايام چآن صباح وآني بعدني بالفراش مسويه روحي نايمه گعد بصفي تقرب باس بين عيوني
علي سَند: گومي بدلي اليوم محاكمة جسار.
فتحت عيوني نظرتله
بتراء: واني ليش اروح؟
علي سَند: ضروري تشهدين ضده.
بتراء: اشهد ضد!
علي سَند: أي!
بتراء: تمام.
وخرت للحاف وگمت للحمام الف تفكير براسي
دخلت سبحت ومن كملت بدلت لبست اسود بأسود، طلعت.

وگفت امام المرايا اجا على سَند أصر يشسور شعري ويمشطه. عفته براحته ومن كمل شيسوار شعري مشطها وكل شويه يبوسني من رقبتي.
بعدها شد شعري مثل ذيل الحصان وگال ها هي جاهزة
شبك إيده بإيدي وگال خل نمشي.
بتراء: اوگف اخذ جنطة وياي
عفته ورحت للكنتور جبت جنطة مناسبه وما رجعت لزمت ايده رغم مدها. عفته وطلعت من غرفتنا نزلت تحت بوجهي على غرفة عمة امل دگيت الباب ودخلت.

چانت شايلة بنتي وفاضل عالچرباية عايفته. استغربت من وجودي وابتسمت
أمل: يا هلا بنيتي فوتي فوتي
رحتلها وعلى سند دخل وراي. اخذت بنتي منها
ابوسها واشمها بعد 25 يوم، نظرتلها وحچيت
بتراء: اريد الألبوم ذاك.
أمل: بس هو مو عندي يقين أخذته.
بتراء: تمام اروحلها.
علي سَند: بتراء شتريدين بالألبوم! خل نطلع للمحكمة.

خليت زينب بصف فاضل وطلعت من غرفتها، اروح لغرفة خالة يقين وعلى سَند لاحگني. چآن باب الغرفة مفتوح وهي شافتني. گامت تتلگاني وآني حچيت
بتراء: انطيني الألبوم.
بهت ملامحها وگالت شلچ بالألبوم واني رجعت كررت
بتراء: خالة انطيني الألبوم.
علي سَند: بتراء!
بتراء: ورانه محكمة شوية استعجلي.
راحت تجيبه من الكنتور واجت خلته بإيدي اخذتها وخليتها بالجُنطة. وطلعت بدون كلام. واني امشي حته اطلع تلگتني وَدق فرحانة بشوفتي.

وَدق: بتوره گلبي شلون صرتي.
گلتلها بخير وعبرتها طلعت من البيت سيارة على سَند چانت جاهزة صعدت وانتظره يلحگني. من إجا صعد
وهو معصب بس ما يبين بكلامه
علي سَند: شني براسچ؟
نظرتله بعيون ذبلانة اجت ببالي ذيچ العبارة اللي كتبها نائل سايكو
بتراء: براسي مدينه ما تهدئ.
بعد درت وجهي ما حاچيته ولا هو حاچاني لحدما وصلنا للمحكمة وگال جاهزه
بتراء: بعزّ إنكساري اوگف ما أميل.
نزلت من السيارة قبله وهو بعدي راد يلزم إيدي.

بس ما لزمته ودخلت امشي لبناية المحكمة من دخلنا چانو الكل موجودين. الأوتاد الثلاثة. ويا أبنائهم حته وسن وهلال چانن موجودات
أما الطرف الثاني هاشم فَ چآن واگف ويا نائل
بهل اثناء مر بصفي شاب اشگراني اندارلي صرنا وجه بوجه عيونه لونهن خُضر، عنده وشم أسفل جفنه. اول مره اشوفه بس عيونه الحاده ما غريبة عليَّه!
راح وگف بصف نائل وهاشم. عدل شعره النازل على جبينه ولاحظت على كل اصبع من أصابع.

ال (بُنصر، وسطى، سبابة) موشوم رقم 6 بحجم واضح بحيث صاير666، اذا طبگ أصابعه
اجاني على سَند وگال اگعدي. رحت گعدت واجن وَسن وهلال گعدن بصفي لحدما صار وقت المحاكمة
دخلنا للقاعة القاضي چآن منتظرنا. بعدنا بدقايق دخلو الأمن وجايبين جسار.

اللي عيونه عليّه، اخذوه لمكان وقوفه والقاضي بعدما گال بسم الله الرحمن الرحيم لبدء الجلسة! كلنا اندارينا لصوت طبة كرسي ورانا چانو نائل وهذاك گاعدين والثاني يهدي بنائل اسمعه يگول مو وگت تخضعله! والقاضي گال هدوء
بدأت الجلسة بتقديم الأدلة الجنائية اللي ضد جسار وابن الأشتر وگاع يسرد واقعة يوم إلقاء القبض على جسار وقدم تسجيل كاميرات المراقبة بالبيت
شغلوها عالشاشة الكبيرة وكل كلامه واضع بالحرف الواحد.

و هوايا تفاصيل بالتسجيل تُثبت عليه هوايا تُهم بعدما نظر للأدلة اجا الضابط اللي داهم البيت وألقى القبض عليه. اجا وقدم الادلة الاخيره. وقدم تقرير
سيدي القاضي في هذا التقرير الطبي يُظهر لنا أنه في يوم المداهمة كان مُتعاطياً.
گام جهة المُدعي عليه ناس يمكن شُركائه او أصدقائه
جاي يدافعون عن جسار!
سيدي القاضي موكلي كان تحت تأثير الممنوعات لم يكن يُدرك ما يفعل. لذلك هو شبه بريئ من تُهمة الشروع بالقتل.

وگاع اعترض وگال
من الطبيعي جدا أن لا يكون مُدرك لفعلته الشنيعه
وهو تحت تأثير الممنوعات. تاجر مُتعاطي من الطبيعي جدا. اتريد ان تُبرر أفعاله بِ ألا وعي؟ وهو يحاول قتل زوجته وابنته؟ وخلال التسجيلات اثبتنا انه أراد قتلها؟
سكت محامي جهة المدعي عليه ووگاع رجع كمل كلامه
سيدي القاضي كلنا نعلم أن الغير مُدرك لأفعاله لا يتحدث. فقط يُنفذ ما يُريده
اعتراض مقبول.

بقوا يحاولون تغير مسار الحُكم لكن بكل مره وگاع يعترض والمحكمة تقبل اعتراضه. إلى صار دور الشهود طبعا همه ما چآن عدهم اي شهود
القاضي قرأ اسم الشخص إلى گاعد بصف نائل
قرأ اسمه وواضح اجنبي بعدها ذكر اسم آلجابر.
يعني هو يقرب لبيت جابر آلمياح بس ابن اي واحد منهم!؟ الكل اندارله وهو يگوم اجا يمشي لمنصة الشهود. جابو القرآن الكريم
خلا إيده المليانة وشوم ورموز شيطانية على القُرآن اردف بلغة الفُصحى!

أقسم بهذا الكتاب الكريم أن اقول الحقيقه ولا شيء سوا الحقيقة.
شهد على عدة تُهم موجهه ضد جسار خاصة سالفة
المستشفى اللي احترگ بي وسن ونائل. بعدما خلص
اجا دور وسن هم شهدت واستغربت نائل ليش جاي للمحكمة إذا اسمه ما موجود ضمن الشهود!
أما اسمي ف چآن اخر أسم وگال تفضلي. رحت وجابو القرآن حلفت عليه وسألني.

هل تشهدين و تُثبتين ان المتهم قام بأسرك لسنوات مع امك السيدة زينب العلي. والسيدة آيدا الباشا . مع التعذيب الجسدي والنفسي؟
نظرت لجسار وللبقيه عمام على سَند وابوه والكل موجود
ونظرت لهلال اللي عيونها مليانة دموع منتظره العدالة تتحقق. رجعت نظرت لجسار والقاضي طلب بالشهادة
بالوقت اللي براسي ضجة مدينة ما تهدئ بين لحظة ولحظة مرت عليه ابتسامة فاضل. غمضت عيوني وفتحتهن.

بتراء: اشهد. مو بس اشهد عندي أدلة من مكان الأسر
عبارات كُتبت بخط اليد اطلب من المحكمه تنطيني حق طرح الادلة اللي عندي. صور اخذتهن من مكان سبيهن.
وافق واني رجعت المقعدي اخذت موبايلي انطيته للمسؤول
وهو عرض الصور ويا كل صورة هلال تشوفها تبجي أكثر
بتراء: المكتوب كالتالي. (امي أنا لوحدي)
(احترق كل شي حتى ذكراك يا أبي)
(كُنت سأخبرك أن عائلتُنا سوف تُصبح 6 أفراد).

(بينار، هي امي)(نازلي هي صديقتي)(أيهم حبيبي وسندي) (أبيل ابني الكبير، هلال اخته الأصغر، إيمار روحم)
(وَ)...
حول للصورة الثانيه
بتراء: 31 /12 / 2005. تاريخ ميلاد!
وجهت كاميرة غوغل على السطر المخطوط وترجملي السطر وكانت كالتالي (ولادة ابنتي الثانيه. نازلي نازا أنا أحبكِ كثيرا).
صارت ضجة بالقاعة هلال موتت روحها بالبچي وأبيل.

گام من مكانه راحلها يريد يهدي بيها القاضي گال الكل يرجع لمكانه. وعمو الباشا بس اشتر المصبره.
بتراء: كل هذا ولم نختم القصه. دعونا نختمها بآخر صوة وعبارة مكتوبة بخط إيد امي زينب العلي
خط عربي الجميع يمكنه قِراءتها. (بأي ذنبٍ سُبينا؟ )
نظرت لجسار اللي نزل راسه للگاع
بتراء: الموت لهذا الطاغي والمجرم تُعتبر راحة
اتمنى ان لا يُحكم عليه بالإع دام.
هِلال: بتراااء!

هدووء، سيدة بتراء لا تتدخلين في قرارت المحكمه وارجعي إلى مكانكِ
انطوني الموبايل ورجعت لمكاني صار لحظة النُطق بالحُكم گمنا كلنا والقاضي اردف.
بناءاً على الأدلة والشهود حكمت المحكمة حظورياً على المُتهم بكل هاذه الجرائم
هلال إيدها على گلبها ومنتظره القاضي يحچي الحُكم
وآني اباوع لجسار. اردف القاضي
حكمت المحكمة، بالسجن المؤبد مدى الحياة مع الأشغال الشاقة، رُفعت الجلسة.

أصدر الحكم وأعلن رفع الجلسه هنا هلال عاطت ورافضه هذا الحكم عمو اشتر لزمها وهي تبچي وتگول
هِلال: هذاا يستااااهل يموووت يستاااهل الإعدااام
بتراء: يستاهل يتعذذب ما يستااااهل يموت ويرتاااح
أمن قاعة المحكمه طلعونا برا وهي معصبه وما وگفت بچي
هِلال: يستاهل يمووت يمووت الحااارمني من امي سنييين يستااهل يمووتت.

بتراء: ما تشوفين وضعييي صفيت بلايه اهل لا امي وياي ولا اخوي على الأقل ااانتي عندچ اااهل الله يحفظهمم، هذاا الموت يُعتبر راااحة أله
گعدت عالكراسي الموجوده وابچي بنحيب
كنبصت گدامي لزمت ايدي
هِلال: بتراءء.
بتراء: هذا اكبر عقاب اله. اني اعرفه شگد راح يتعذب اذا ضل عايش ومحد وياه يظل يظل يفكر شلون غدرناه وشلون خسر كلشي.
هِلال: ت تمام تمام بس لا تگولين مالچ اهل احنه اهلچ.

حظنتني وثنينا نبچي بعدها گامت هي واجا عمو اشتر
باس راسي حظني وگال
الأشتر: اصيرلج سلف بس لا تگولين مالچ اهل
چآ آنا ومرتي؟ ما تعتبرينا اهلچ؟
گتله بلى وعمو ايهم هم گعد بصفي إلا عمو ادهم بقى واگف بمكانه يباوعلي. بهل اثناء الكل دار وجه لباب القاعة لمن طلعو جسار وهو مكسور ومذلول.
شافهم كلهم حواليّه. اردف.
جسار: ها هي تاليته الراد يلم شمل عائلته؟

الباشا: ياا عائلة التحچي بيهاا دمرت عائلتي سنين حرمتني من الراحة عن يا عائلة تحچيي؟
جسار: ااانت اانت لوعااايف سجى من بداااية
سااالفة الزواج مااا چنا اليوم بهل مكااان ما چناا
الباشا: إذا ااانت عادي عندك تعقد على بنيه وتعووفها لخاطر چم فلس. آنا ما اعوفن عرضي ماا اعوفنها تصير علچه بحلوگ اليسوا والمايسواا. ياا عدديم الشررف
جسار: اايهم لا عبالك اعوووفك وحق الغااالية امي اضل ورااكم. زلمتي برا وتشووف.

الأشتر: ول خااالي حچاهااا بلسااانه الجاييف تضل وراناا
جسار دار وجهه لهاشم وابنه أشر عليهم
جسار: يلا يلا اذا زلم تگدرولهم. ااذا زلم تلزمون على هاشم لزمة وترجعون بنتكم، ااذا زلم ترررجعون بنتكم
هاشم: انتوا ليش واگفين اخذو لو هذا عادي عدكم المجرم
ماخذ راحته بالحچي.
الأدهم: هاشم بعدنا ما صفينا الحسابات.
هاشم: ترا انت بايع ومخلص. ما عندك حسابات
گمت والأمن يسحبون جسار اللي يندار براسه ويصرخ على هاشم يگله.

مو اااحنه من نفس البطنننن ياا خوويه.
هاشم: هابيل وقابيل هم چانو من نفس البطن.
ما انسالك هل غدرة يا خويه والله مااا انسااالك ياااها
طلعت الألبوم من الجنطة وعلى سند لزم إيدي گال وين
بتراء: اطفي نار گلبي واشعل بگلبه نار ما تنطفي بطوفان الدمع.
اجا وياي لحگنا عناصر الشرطة لباب المحكمة على سَند حاچاهم وگال بس دقيقه تحاچيه. وگفوه وجسار اندارلي
فتحت الألبوم على صورة فاضل وهو بالگماط أبچي واحچيله.

بتراء: هذا منوو؟ هذا ابنك اللي امي ولدته وگالت عليه ميت حته ما تأخذه وتحرمها منه حته ما يصير نسخه منك
جسار: ش شجاي تحچين.
وگلبت على صورة طفولته
بتراء: شايف. شوف ابنك هذا ابنك اللي امي دفعت ثمن
موته الكاذب في سبيل تنقذه من شرك.
انوب طلعت صورة شبابه.

بتراء: هذا فاضل، متذذذكررره لمن چآن ويا على سَند و تصاوب على إيد زلمتك. هذاا ااابنك المااا صااار مثللللك هذاا فاااضل العباس مو فاااضل الجسار. اااخويه تسجججل على اااسم ناس ميييتين وعاااش يتيييم فقط لأن ااابوه ضالم ماا يخاااف ااالله.
عيونه صارت مدماية بالدموع اردف
جسار: وينه هسسسه وينه.
اجاه الجواب من خلفه عزام وهو داخل من البوابة الخارجية للمحكمة
بالنجف انولد وبالنجف اندفن.

بتراء: مات. اااخويه ماااات وهو متااااني شووفتي متاني اااخته، وحق لا اله الا الله ما ابريلك الذذذمة مااا ابريييلك الذمةة
جسار: لا تسويين هييچ بيّه شنوو مات لا تحرگين گلبيي عليه.
مسحت عيوني حته اشوف گدامي وحجيت
بتراء: وين مكان گبر امي.
جسار: بتراء! گُليلي اخوج شلون مات منو قتتتتله
بتراء: وين گبر امي!
جسار: بمگبرة وادي السلام بجهة الشرق مكتوب اسمها الكامل زينب - - - العلي
بتراء: تگدرون تاخذونه.

جسار: بتراء! فاضل شلون مات. بتراااء ما اعفي عن چتال ابني فاااضل شلون مااات.
بتراء: اخذوو اااخذو لييش واگفين.
الشرطة اخذو جسار وهو بس يصرخ يگول ما اعفي عن واحد بيكم الگاتل ابني انتقم مني وگتل ابني. نوبة يگول بتراء بابا لا تحرگين گلبي
اجا عزام حظني شويه وطلعوا البقية كلمن صعد سيارته وراح. هلال هم اطمئنت عليّه وراحت ويا هدآم.

اما هاشم وابنه مرو بصفنا راحو لسيارتهم وابنه فتح باب السيارة هاشم صعد وابنه يسوق. راحو همه
واجو وسن ونائل اللي ما وگف فورا طلع. وسن انطتني الجنطه وموبايلي. اخذتها من إيدها. وهي حظنتني
وَسن: خلصنا. وأخيرا.
بتراء: بعدما خلص گلبي.
بقى ايدنا بإيد بعض وهي تباوعلي. اني حچيت
بتراء: كل شخص عنده أسبابه، وما ألومچ اذا تكرهيني
وَسن: منو گال اكرهچ! ترا ما اكرهچ والله!
حظنتني وهي تحاچيني بطريقتها.

وَسن: احنه فراشاتچ الثلاث حُبي.
بتراء: رووحي انتوا.
ابتعدنا ومبتسمات بعد فترة طويلة من البچي عزام وعلى سَند ثنينهم يباوعولنا بعدها نائل جاب سيارته وظل يدگ هورن. وسن راحت ترجع وياه. واحنه بقينا
علي سَند: ترجعين وياي لو ويا عزام؟
بتراء: اروح ويا عزام اريد أزور عمة سجى.
علي سَند: تمام وآنا عندي شغلة اخلصها واجي اخذچ من المستشفى.
اتفقنا هيج واني رحت ويا عزام زرت امه بالمستشفى.

من دخلت لغرفتها چآن رجلها وايدها مجپسة. و رقبتها كذالك مخليلها ذاك الشي اللي يثبت الرقبة. گعدت بصفها
وهي بس تحرك عيونها. لزمت إيدها وبسته
بتراء: شلونچ حبيبتي؟
حاولت تحچي بس ما تگدر فقط غمضت وفتحت
عزام هم گعد من الجهه الثانيه يسولف وياها ويگول
چم اسبوع لخ ونطلعچ وهي بس تغمض عيونها وتفتحه
مر شويه وقت. اشو اندگ الباب ودخل عمو أيهم
من الباب ابتسم وگال
الباشا: شلون صارت ام عزام؟
عزام: تفضل يابه.

گام وعمو ايهم گعد بمكان عزام اللي تصرفاته اسلوبه
ويانه احنه نفس اسلوب عمو أيهم. اللي رغم كلشي صار
جاي يزور عمة سجى ويسولف وياها مثل الأخ واخته
اما عمة سجى عيونها صارت مليانة بالدموع وهي تسمع عمو الباشا يسولف وياها.

بعد هذا اليوم الصعب علينا، بلشت الأوضاع تستقر بالبيت بالرغم من انه موضوع بنتهم نازلي انعرف ومن رجعت للبيت بعد جلسة المحكمة. أبيل حاچاني گال شلون تفجرين هذا الخبر والظاهر هو عمامه ديخططون لموضوع استرجاعها
خاصة لمن الصور اللي بموبالي صارت متداولة بين أفراد العائلة. إيمار عرف بالموضوع وما گعد إلا يريد يروح على هاشم يگول هاشم غصبا ما عليه لازم يحچي.

لكن عمو اشتر گدر يصبره ويگله آنا اتصرف وبعد الشغلة باقيه بإيد الله وتصرف عمو اشتر الكل متأمل شراح يتصرف!
بعد مرور اسابيع صار موعد خروج عمه سجى
وعمو الباشا قرر يرجعون ويانه بنفس القصر نعيش كُلنا
ولمن وصلو للبيت جابوها بالكرسي المتحرك ودخلوها للصالة ووضفولها ممرضه تداريها
وبعدها اجا عمو الباشا جايب الخاله آيدا ومگعدها گدام.

سجى واللي عرفته من سيرا انه عمو من البارحه حاچي كلشي لخالة آيدا وهي هسه تعرف ايهم ما متزوج غير مره وحده وهي الخاله آيدا. أما زواجه من عمة سجى خلال السنين الماضية چآن فقط گدام الناس والحقيقه انه عقد قرانهم چآن باطل لان جانت حامل من زوجها جسار
تقربت خالة آيدا لزمت إيد عمة سجى وگالت بكل حنية
آيدا: الف الحمد لله على سلامتچ خية.

هنا العمة صارت دموعها تنزل بس عاجزة تحچي او تحرك إيدها. التمن البنات عليها وخاصة سيرا طرگاعه
تمسح دموع عمة سجى وتحجي
سيرا: سجيييواا الورررد ضد الحرارة والبررد. شبيچ تبچيين غيير صرت احبنچ.
هِلال: اههه
أريم: ههها تقصد صارت تحبنچ أكثر
سيرا: هو هييچ. شو وخررري خل احظن أم عزومات
عزام: سيرا.
سيرا: شبيك عزمزم عزوم.
عزام: خويا اگوملچ؟
دخل وَتن وودق شايلين أطفالنا زينب وفاضل وتن هم صاح
وَتان: راحت علينا العركة؟

سيرا: ااابو الوتن اشتهيت شي يوم تنسى هل حچيي
وَتان: تتوحمين؟
إيمار غص بالماي اليشربه وسيرا وسعت عيونها اما عمو اشتور تگول بعمرهم هلگد روحه حلوة وابد ما يتقيد. أشر على ولده يهددهم
الأشتر: وحق جدناا الساابع اطيح حظكم اذا ادهم الدرهم يصير جد قبلي!
الباشا: وتطيح حظي وياه؟ ترا بنته چنتي!
الأشتر: يا جماعة والله ما ااقبل ادهم الدرهم يصيرر جدد قبلي ولكم جهااالي وين خلفتكم ويين ذريتكمم الصالحة وييين؟!

ناهد: ول حفيييد الهمج شوووكت تكبررر مو شيييبت رااسي.
نظر للولد ثنينهم. أما عمو ايهم وادهم يضحكون
الأشتر: من نروح نزور گبر جدنا وگاع واحاسبكم
هِلال: يمه اشتوري احسك تهددنا تُحفر گبره مره ثانيه وتشمرنا بي.
راحتله سيرا گعدت بصفه
سيرا: لحد يضوج اشتوري الورد.
الأشتر: د وخري منا لا اطگچ براشدي ناويه تخلين ادهم الدرهم يصير جد قبلي.
سيرا: وتننن
هِلال: الفتااان
عزّهَ: ااابو لسااان شهل إشااعة
وَتان: ديلا هو شصار.

إيمار: لا كلشي ما صار بس تعال خل نحچي برا.
وَتان: تريد تطگني والله ما اجي
سيرا: تموت على العركات چا شبيك هسه.
وَتان: يمعوده هذا ما ضل ناعم صار زلمة خشن.
إيمار: لااا من صدگ اگوملك اصبرلي
وتن گام طلع وهو يگول الزلم الخشنه تربات الأشتر
وإيمار يصيح عليه يگله تتذكر شگد چنت دايح بتركيا
وودق فزت من سمعت هيج وطلعت وراهم
وَدق: ول هاااااا چنننننت دااااايح.
هَدآم: يشهد الحسين كبت بيناتهم.

سيرا: ولكم للللحدددد يطگ ااابو الووووتن هذا ذريه اشتوووري ماااا اقبل.
هِلال: يماااا قاااسم بس لا إيمااار سمععععچ.
أريم: ابيل گوم دير لتر بانزين عليييهم ذوله همج
الأدهم: بويا نصو صواتكم ترا كله صوچ ذرية الأشتر.
وگاع: والله گاعد وساكت شذنبي
الأشتر: لييش ما صووچ ولد الحاروگه واحد طگه ونص والثاني ما يتحمل شقاا.
الباشا: صوچ بنت الدرهم وين أكو مره تعوف ظهر زوجها وتدافع عن ولد عمها.

عزّهَ: چاا غير الدم يفزع للدم.
علي سَند: سيرا تحسها تمشي وتگول افزع بينا لو صار زماط.
ناهد: ولكممم بسس.
أريم: ول أبيل أللحگ حبوبه راح تنجلط.
ابيل: أخطبوط آنا.؟ شلحگ مَتگُليلي شلحگ؟
راد يگوم يطلع عمو وگفه
الباشا: ارجع لمكانك.
وصاح على البقيه بصوت واحد كلهم رجعو للصالة
گعدو بمكانهم گال خل أنا وعمامكم نحاچيكم.
الباشا: چنت أگولن سنة 2022 من أصعب السنوات المرت علينا. و تعديناها. لكن من دخلنا سنة 2023.

مرت علينا مصايب أكبر من سابقاتها والحمد لله وهم تعديناها وصبرنا على خسارة الناس اللي عافونا وراحو لمكان أحسن من الدنيا. وانا برأيي لهنا وخل نقفل السنة الحالية بشي يفرحكم ويفرح الكل.
الأدهم: قررنا أنه تختارون المدينه اللي حابين تروحولها
واحنه نحجزلكم.
هِلال: دقيقه لشني؟
الأشتر: نريح راسنا منكم ونسفركم لشهر العسل.
هِلال: تريح راسكمم
رُقيه: شهر عسل؟
أريم: هاواي. هاواي اختاريت بقيتوا انتوا.
كلنا نظرنالها.

أريم: شكوو. أبيل اااحچي
أبيل: يابه احنه اختارينا هاواي. شوف البقيه شيختارون
وَتان: شنيي هاااي أبيل صار يسمع كلام مرته.
وَدق: احم مالديف.
وَتان: مالديف حلوة احنه هم اختارينا
إيمار: هااا وتن تسمع كلام مرتك؟
سيرا: اختار هاواي مستحيل افارگ اووختي.
إيمار: ما حبيت.
وَتان: ديلا لا تخاف ما اردها ألك.
إيمار: دنچب ما خايف من ردك. يابة احنه هم هاواي
وَتان: وحقق جدنا الساابع يسمممع كلام مرته.
إيمار: تاالي وياك.

الأشتر: استكو ادبسزية، رُقيه وانتي؟
رُقيه: خلينا سوية اني وودق المالديف حلوة.
وَدق: يااا حبيت.
الباشا: بتراء انتي وهلال؟
بتراء: ما ادري والله. نعتمد على ذوق هلال
هِلال: نَرويج. حابة اشوفه.
أريم: يممه دخييلچ نَرويج الأبهر!
أبيل: هاي بصفنا بعدين اخذچ. هذيج بعيده.
علي سَند: خويا الله يكون بعونك.
هَدآم: أكو شي ما اعرفه؟
هِلال: لاا مااكو شيي
أريم: لااا أكو شي حابه احچيي
عزّهَ: أريم يا ووييلچ.

أريم: ووالله احچيي چآ غير ريلي بظهري.
ابيل: موو هسه.
أريم: لاا هسه. بابا وعمامي الغالين وجميع أفراد الأسرة الكريمة آني حابه اكتب قصتنا.
علي سَند: دخيلج يا مولاتي يا زهراء.
أبيل: يا على يا ضرغام.
الباشا: اسكتوا خل اريما تحچي. شگلتي؟
أريم: نكتب قصتنا على تطبيق اسمه...
أبيل: البرتقالي.
أريم: وااتباد اسمه واتباد.
عزّهَ: ونخلي الما يدري يدري.
الأشتر: ونفرش بسطة هذا ابن لالنجي وهذاك ابن ياسين.

وحق جدنا السابع ناويه تخزيناا.
هَدآم: خو نطلع بلقاء عالشرقية.
وَتان: ماا نكتب شني نكتب ودق كافي تلحين
أريم: ها اها حته ودق تريد وأبيل يريد.
أبيل: شريد؟!
أريم: نسيت!
أبيل: لاا ما نسييت بس والله زحمه.
الباشا: اگف خل نفتهم شكو بهل تطبيق البرتقالي.
أريم: عمو اسمه واتباد.
الباشا: ديلا شتفرق احچيلي خل اشوفن يستحق هل ألحاح.
صارت أريم تحچيلنا كلشي بالتفصيل وبأسلوب مقنع.

بحيث حبيت الفكرة وهمست لعلي سَند گتله نكتب نكتب وهو يگول اعقلي. ضلينا نتناقش بالموضوع لحدما الزلم الكبار اغلبهم وافقوا لكن بشرط همه الكبار اسمائهم الحقيقيه ما تنذكر واي معلومه تخصهم ما تنحچي.
أنوب كل معلومة واسامي الشركات ومناطق السكن لازم تكون متغيرة ما تكون نفس ما هي. أما أبيل ف گال
أبيل: يابا ارضو تكتب قصتنا وخل يرتاح راسي صبح ومسيه تلح. وانا اوعدك ما اخلي كلمه تنشر اذا ما اقراها.

أريم: شنهوااا وتقرأ كلشي لااا لا ما نقبل احنه ندقق بالبارت ونگلك.
رجعنا نحچي بهل خصوص انوب رقيه جانت بصفي
گالت احاچي وسن حته القصة تكون واضحه تفاصيلها.
ضل الموضوع متداول بين أفراد العائلة ليومين كلما نجتمع بالصالة يسولفون بيها
منا عزام يعترض على چم موضوع ومنا هدآم يگول
هَدآم: ما كفاكم بالواقع يصيحولي ابن الدرهم انوب بالمواقع!
الأشتر: هسه شبيك ابن الدرهم.

الأدهم: شدعي عليك اشتر 45 سنة هذا اللقب لاحگني وهسه لاحگ ولدي. من چآن عمري عشر سنوات وانت تحچيها.
الأشتر: اااي غير درهم وحق جدنا السابع درهم
آخر شي أبيل گال
أبيل: آنا اتحمل المسؤولية بس خلو مرتي تكتب قصتنا الجميلة لا اعارس على جملية خاب وعلى الضرغام تكفرني هلگد تلح.
وتن مر من يم الصالة وصاح
وَتان: وحق جدنااا السابع يسمع كلام مرررته.
أبيل: يابه من رخصتكم هذا مايتعدل يريدله لتر بانزين.

آخر شي اتفقوا نكتب القصه خاصة بعدما تواصلنا ويا الكاتبة ووثقنا بيها ف نگدر نأمنلها.

أريم
بعد فترة طويلة عن غياب السرور والأفراح ببيتنا
رجعت أيامنا هادية وجميله ايام ماكو احلا منها خاصة بعدما خليت الكل يقتنع نكتب قصتنا. واليوم بعد اسبوع
صار موعد سفرتنا احنه الكل الثنائيات
رُقيه & وگاع + وتن & وَدق. على مالديف
هِلال & هَدآم + على سَند & بتوره. على النرويج
اما احنه آني وأبيل ويا إيمار وسيرا. على هاواي
اما عزّهَ وعزام من البدايه چانو رافضين يروحون.

الكل چآن متحظر للسفر والجنط صارت بالسيارات
لكن الشباب كلهم مخبوصين من الصبح واحد يروح واحد يرجع للبيت. دخل أبيل للغرفة يدور على شي بالخزنة
أريم: شوكت موعد الطيارة؟
أبيل: تعاي دوري وياي ملف مكتوب عليها تقرير المحاسبة. تاريخه بالشهر الماضي.
أريم: تمام بس شكو شصاير؟
أبيل: بعد ساعة الدورية تجي وتجيب المفتشين للميناء، و يمكن هاي سالفه ما خالية.

دورت وياه ولگيته انطيته الملف وهو اخذ المُسدس تفقد المخزن واخذ مخزن ثاني وخلاهه بظهره
بس احس گلبي ما مرتاح
أريم: زين اجي وياك؟
أبيل: شتسوين وياي كلهم زلم. ترا ما رايح لعرس
أريم: چا رايح لحرب؟ ليش ماخذ المسدس وياها مخزن احتياط؟
أبيل: للإحطيات يا ستي شگد تسألين.
أريم: امشي لا نتأخر.
لزم إيدي رجعني
أبيل: بطلي عنادچ، واگعدي ساعة وارجع ويا اخوتي.
أريم: وين رايح!
أبيل: گتلچ للميناء...

طلع من الغرفه واني رحت للخزنه اخذت السلاح الثاني ولحگته. وگفت خليت أيدي ورا ظهري اخفي المسدس
أريم: أبيل. ااابيل وين ترووح ااجي وياك واذا ما تاخذني ألحگك حته لو بتكسي وتنجاااز اذا صار عليّه شي.
وگف بمكانه واندارلي يخوزر اجا بإتجاهي معصب طلع مسدسه خلاهه براسي.
أبيل: گتلچ ما رااايح لعررس.
خوزرني بعصبية أكثر لمن خليت المسدس براسه مثل ما هو مسوي وحچيت
أريم: گتلك وين تروح اجي وياك حته لو ما عرس.

نعرس على الرايحلهم
أبيل: صلفةةة تخلين المسدس برااسي؟
أريم: تاااخذني وياااك لو لا؟
أبيل: وعلى الضرغام مال ادير لتر بانزين عليچ.
أريم: دير وآنا ادير. تحرگني احرگك، تحبني أحبك.
نزل مسدسه واني كذلك نزلت المسدس اللي بإيدي وهو شالهن ثنينهن بظهره.
أبيل: امشي گدامي قبل لا اغير رأيي
اريم: بس ألبس بلوزة مناسبة واجيبن موبايلي واجي.
أبيل: ديلا بسرعه
أريم: مو تغدرني وتروح ترا وعلى الضرغام أللحگك!

أبيل: ما أولي بس استعجلي.
دخلت الغرفة بدلت التيشيرت ببلوزة هاينك
شلت موبايلي خليتها بجيب الجينز وطلعت
وگفت بنص الممر لمن ما شفته باقي
أريم: عزاا بعييينك أبيل هم عااافني وراااح.
صوته اجاني من وراي انداريتله چآن ينزل من درج اللي يودي للطابق الثالث.
أبيل: عزاا العزااني وامداني وامدا حظي ما عايفچ.
صعدت للسطح. كملتي؟
قلدته وگلت
أريم: عزا العزاني وامدااني وامداا حظي.

اجاني لزم ايدي ومشينا سويا نزلنا وگلنا للبقية هسه نرجع
صعدنا بالسياره وطول الطريق موبايله ما هدئ. لحدما وصلنا قريب عالميناء وگف السيارة وسمعنا واحد من بعيد ما منتبه گال والثاني يجاوبه
شباب چآا وين ولد الباشا؟
كلهم بالميناء ملتمين وعلى شغلهم يمشي
سِيده، شفت شلون لعبو جوله و رجو شارع
بيت الجسار ررج
مشينا بإتجاهمم من وصلنا للميناء اخويا انصدم بيّه ويگول لأبيل شجابها! انوب أبيل گال عوفها هاي تدور أكشن.

أبيل راحلهم كلهم مجتمعين ويگولون وينه ابو وگعه شوگت يجي؟
بهل اثناء اخويا هدآم من بعيد تقدم بإتجاهه يحجي بصوت عالي، بإبتسامة
- وگااع، اابو وگعه، تعاال ويانه
ولد الباشا يصيحوك
- چآاا آنا ابن البطه السوده چآاا غير
أبن الباااشا مثلهم جااييكم ول خااالي
- والعباس طرگاعه وولد البااااشا
اجتمعوا بالساحه الچبيرة اني وأبيل
انظمينا الهم، وگاع والشباب شالو سلاحهم
سحبو أقسام، ورمو بالسما.

يهوسون بأغانيهم المعتاده والكل يرددون وراهم
كأن أكو مناسبة لهل فرحه!
› عمامك تخلس العايل بلعيون
› عمامك تخلس العايل بلعيون
› يدهنون بتفگهم وين يردون
› يدهنون بتفگهم وين يردون
عزام صاح من بين كل
-- يلااا وولد الباااشا يلااا
› رجو الشارع رج والشاف طار وفز
› تاريخهم چانو گبل سواااق دبابه
رفع سلاحه يهوس مكمل الاغنيه
› يمه الحگ عمامك عدهم طلابه.

› يمه الحگ عمامك عدهم طلابه
هدآم هم صار يغني وياهم
› ولد عمامك ترا جوله لعبو
› عادو زلم يابو زلم والكل بعدهم شردو
› يمه، رجوو، رجو، رجو الشارع رج
والشاف طار وفز
› الحگ عمامك عدهم طلابه
› يمه الحگ عمامك عدهم طلابه
بين هوسة الأهاجيز صار إطلاق نار
الكل دنگ إلا أل عَزّآم وال هدَآم
ركبوا مخزن جديد، سحبو أقسام هدآم صاح
- يول أاابيل الحگ ذوله زلمة الجسار غثيناهم.

وهسه طبو بعركه حاااميه
أبيل جرني من إيدي وياه دخلنا نركض بجهة الحاويات الموجودة
أبيل: هسه ابتلي برووحي لو بييچ لوو بييهم؟
أريم: مشكلتتتتك ااانت موو گلت ماا رااايح لعرررس چاا شني هااااااي على شني هوووستوااا وعمامك تخلس العايل ولكمم شميووووين؟
أبيل: ما سويت شي بس استحوذت على شركات جسار هو وكل شُركاءه.
أريم: چاا بعدك ماا مسوي شيي، يمممه وينهم الدورية؟
أبيل: شمدريني ابقي هنا لا تلحگيني.

دار ظهره يريد يمشي گمت وراه
أبيل: گتتتلچ ااابقي هناا
أريم: مااا ابقى هناا انطيني واااحد.
أبيل: اااريم؟
أريم: عزااا بعييينك وبنيييتك خووش.
اخذت المسدس من ظهره بنفسي لكن جرها من إيدي
أبيل: گوزالم ايديج مال آيلاينر مو مااال مسدس.
لا تخليني اتسودن عليچ
أريم: دِ جيييبه. من چنت اتدرب عليها، انت چنت گاعد ورا مكتبك تشخبط عالملفات.
أبيل: لسااانچ طولاان وعلى الضرغااام.
بهل اثناء اجا هدآم ي.

هَدآم: ممكن تأججججل عراااككم الزوجي وتجي تلحگني
أبيل: اانت ظل ويا اختك خل اللحگ!
اشو عافني ويا هدآم وراح
أريم: ول ااابيل.
هَدآم: دِ رجعي لمكانچ لا اخبزچ بهل حاوية.
أريم: يمعوود ااابيل طلع وحددده.
هَدآم: ترا ماكو رمي وگف بس دا نلاحگ الرمو بالأول.
أريم: چاا اروح ويااه ما اعوفه، هدام. هداام أيدي شبييك
هَدآم: المصايب لازگة لزگ بأبيل وهاي تريد تروحله
يجرني للسيارة مالته والمكان صار كله أفراد من الشرطه.

وگفنا بصف السيارة اجا شرطي وهدام سلم المسدس وخلاه بإيده. گال
هَدآم: ترا مُرخص. ما تصادروه
أريم: بسس فهمني أبيل وين راح.
و عزام من بعيد أشر علينا وصاح
تاخذهااا عالبييت يلا
هَدآم: صار خويه، الباقي عليكم.
صعدني وهو صعد شخط السيارة وانطلق طول الطريق
يعاركني اذا گتله أبيل وين راح. انوب خمسين مره خابرته ما يجاوب إلى آخر مره جاوبني
أريم: ااانت شلووون ترووح هييچ.

گوزالم من ارجع نتعارك هسه صيري حبابة وانتظريني بالبيت.
أريم: ترااا اااكره برودددك.
اعرفچ تموتين عالحرگ.
أريم: واااكرررهك أنت.
و چوك سييروم.
أريم: و چوك صوووچي.
صوچي مسايرچ وما داير لتر بانزين عليچ.
اشو قفل بوجهي
أريم: عزااا بعييينك أبيل عزا قفلت بوجهيي.
هَدآم: دخيلچ يا مولاتي يا زهراء.
أريم: وانت شبييك ما تتحاچى گُلي أبيل وييين راح.
هَدآم: يلحگهم واذا طخت براسه يحرگهم
هااا شتسووييين؟

شسوي يعني. سكتت وخل اشوف تاليها، انوب هدآم حذرني ما احچي شي للموجودين بالبيت. وصلني للبيت واني كل ملابسي تراب نزلت من السياره ودخلت للبيت
وكلهم يسألون شبيچ
أريم: وگعت يم الباب وتوسخت صاعدة ابدل.
عفتهم بسرعه وصعدت لغرفتي سديت الباب وادگ على أبيل ما يجاوب ادگ وصار يطلع مقفل. عفت الموبايل وبدلت. بعدها اجيت مره ثانيه احاول اتواصل ويا البقية محد يجاوب حته على سَند رفض الإتصال!

للمسا بقيت بالغرفه حته غدا ما تغديت من انفتح الباب
گمت بسرعه شفته أبيل طب للغرفه وسد الباب بسرعه
رحتله بسرعه بدون اي كلام حظنته من القلق والخوف عليه
أريم: لييش تسووي هييچ بيّه.
أبيل: بس على كيفچ ظهري موتني وعلي
أريم: ش شنيي
نزعته القمصلة ورفعت القميص شهگت من من شفت جرح طوله اقصر من شبر بنص ظهره جرح مبين جرح سچينه. بلعت ريگ واعاينله
أبيل: بس اقفلي الباب وتعاي خليلي معقم.

أريم: شنيي معقم هذا ينرادله خياااط!
أبيل: أي خيطيه.
أريم: لاا تخليني اتسودن علييك
حاوطني بإيد قربني منه
أبيل: هاي بس آنا احچيها.
أريم: مو وگتت تطالب بحقوق مُفرداتك وأمشي نروح للمستشفى.
عافني وراح گعد عالچرباية
أبيل: خدش بسيط تجيبين المعقم تعقمه وتخليله لزگة بلاستر لا تضخمين الأمور ترا ورانة سفرة
أريم: سفرة اايش يمعود شوف وضعك!

اشو ما جاوبني وگام وحده جاب عُلبة الاسعافات الأولية وگعد. عود مو متعاجز. رحتله وأخذت المعقم من إيده
أريم: اندر يلا.
اندار وهم ما حاچاني بقى ساكت وحته من اخليله المعقم
احسه متألم بس يقاوم وما يشتكي. نضفت الجرح وخليت عليه شاش وقطن بعدها ثبتتهن بلزگة البلاستر. تقربت بست ظهره وحاظنته بهدوء
أريم: اكره الصمت العقابي التعاملني بي.
أبيل: انتي تلحين.
أريم: غير خايفه عليك.

أبيل: وآنا ما بيّه شي خدش بسيط وبعد اسبوع يختفي.
أريم: حاله حال البقيه. انت شايف ظهرك شلون خريطة؟
سكت وما حچآ اشو گلبي يگلي انقهر او تحسس من كلامي
عبن گام وراح للكنتور رحت وراه وگفت
أريم: ترا ما اقصد شي.
اندارلي وهو يلبس قميصه
أبيل: و آنا ما گلت شي.
عبرني وتغير نبرة صوته للحماس وگال
ترا موعد الطيارة بعد ساعة. استعجلي هاواي تنتظرنا.

رحتله حظنته وبعدها هو نزل تحت واني لملمت الغرفة ولحگته. تعشينا ويا العائلة بعدها بوجهنا عالمطار. عزة وعزام اجو يودعونا. و بالمطار بتراء خلصت خدود بنتها بالبوس وتگول عزوزة بنتي أمانة عندچ
وعزوزه تگول بعيوني هِي اول رحلة چانت رحلة مالديف. ولد الأشتر وخاتوناتهم سافرو وثاني رحلة چانت النرويج. هلال وبتراء ويا اخواني سافرو.
بقينا احنه الأربعة هم صعدنا الطيارة
آني وأبيل وگفنا بالباب والمضيفة تگول يلا!

نظرت لأبيل اللي شبك ايده بإيدي ابتسم ودخلنا للطيارة
گعدنا بمقاعدنا واني فاتحه موبايلي اكتب هاي اللحظات
بكل تفاصيلها اكتبها بالمفكرة حته من نرجع اتواصل ويا الكاتبة واكتب قصتنا بحلوها و بمُرها
أبيل: طفي الموبايل الطيارة راح تقلع.
أريم: تمام بس هذا السطر باقي.
اجت مُضيفة الطيران وگفت يمنا
مدام لو سمحتي ممنوع تشغلين الاجهزة الالكترونية اثناء إقلاع الطائرة.
أريم: تمام ترا اعرف. بس اكتب هذا السطر وافقل.

مدام رجاءاً فورا!
أريم: افتهمنا هاي طفيتها.
والحزام لو سمحتي.
أبيل شدلي حزام الأمان والمُضيفة راحت
لزم إيدي استعددنا للسفر، اما سيرا وإيمار بالمقعد اللي أمامنا، سيرا تسولف وإيمار يهزلها راس.
اقلعت الطيارة وصرنا بالجو وگدرت اخذ راحتي مره ثانيه رجعت اكتب احداث هذا اليوم مثل ما كتبت احداث باقي الايام اللي مرت. وأكثر شي متحمسه لمن ارجع من هل سفرة راح اكتب قصتنا.
بعد ساعات طويلة من السفر وصلنا وجهتنا هاواي.

واخذنا تكسي من المطار للفندق من بعدها بلشت ايام شهر عسلنا وكل يوم يكون احلى من اليوم اللي قبله. كل يوم
نروح مكان جديد بهل مدينة.
آخر يوم من شهر عسلنا چانت بالنسبة ألي اليوم المُنتظر
خاصة لمن اجو ولد الباشا اخذونا آني وسيرا وشدو عيوننا
بوصله سوده ومن وصلنا للمكان چآن عبارة عن غابات من الطرفين والشارع بينهم.
وچانو جايبين دراجات هارلي. أبيل مد إيده أليّه گال
أريمي. You and i!

سيرا وإيمار متانينا وثنينهم مبتسمين، لزمت إيده وهو سحبني لحظنه رفعني من الگاع ويهمس أحبچ
بعدها نزلني و. سيرا وإيمار صعدو واحنه هم صعدنا
حظنت ظهره وهو گال جاهزه؟
أريم: ول اااي
اول ما انطلق زاد السُرعة ومشغل اغنية you and I.
انوب إيمار وسيرا يريدون يعبرونا وأبيل يزيد سُرعه
تالي خلاهم يعبرون وهو خفف سُرعه. فردت ذراعي
رافعه راسي للسما اللي فوگنا الاجواء مغيمة وتجنن
احس فراااشااات بصدري جاي تطلع.

غنيت بصوت طالع من كُل گلبي. Yoou and i. ء
رجعت تشبثت بظهرها ومخليه راسي على كتفه، شعور عجزت اوصفه.
بعد هذا اليوم اللي مستحيل انساه من جمالها وكمية المشاعر
قررنا نرجع للعراق. وكملنا اجراءات العودة وصعدنا
الطيارة، هم استغليت الفرصه ولزمت الموبايل اكتب احداث اخر يوم بشهر العسل. لكن مره اخرى اجت المضيفة تگول لازم تطفي الموبايل وأبيل سبقني
أبيل: تكمل هذا السطر وتقفل.

أبيل خلا راسه قريب عليّه ويقرا شجاي اكتب انوب گال
أبيل: وليش تگولين شعور عجزت اوصفه
دكتبي فراشات وهوااايش ومطاية تترافس ببطنچ
أريم: اوووي انت شعليييك وخر راسك خل اعرف اكتب.
مدام رجااءاً او طاقم الطائرة ينجبر يسحب الموبايل منچ.
أبيل: لا تخليني ادير لتر بانزين على الطاقم.
أريم: تماام تمام انت خليك ريلاكس آني كملت وهاي قفلتها.
قفلت موبايلي وبعد ما فتحته لحدما وصلنا لنص مطار البصرة.
هِلال.

بعدما كلنا رجعنا من شهر العسل
مر يومين وباليوم الثالث چنت نايمه لوقت متأخر
بس گعدت على لمسة إيد على إيدي!
فتحت عيوني شفت امي مكنبصة يم الچرباية ولازمة إيدي اللي بيها اسوارتها. تبوس الأسوار وتگول بالتركي اشتاقيتلك بابا.
گمت من فراشي وگومتها گعدتها عالچرباية وحظنتها
هِلال: يا عمري انتي تريدينها؟ اخليها بإيدچ؟
ما رفضت وگالت إي اريدها بهل اثناء اندگ الباب ودخل بابا يگول وينچ ادور عليچ.

هِلال: بابا ماما تريد اسوارتها.
اجا بإتجاهنا وگعد بصفها لزم إيدها وطلب مني الاسوار
وآني نزعتها من إيدي وانطيته. ابويه لبسها الاسوار
وهي فرحانة بي وتقربه من گلبها. بعدها ابويه اخدها وطلعوا.
مرت الايام وبيوم عمو اشتر گال إلا يروح يزور گبر جدنا وگاع. وشرط كلنا نروح وياه. وحبوبة ناهد تگوم وتگعد تگول شوگت تكبر ول حفيد الهمج.
الأشتر: من اصيرن جد أكبر.

الباشا: وعلى الضرغام ما تكبر لو شما يصير تظل اشتر الهمج النعرفه. شلك بگبر وگاع دعوفه بگبره كافي تگمزه دعوفه.
الأدهم: اخونا جاب عمره يتحلف ياخذنا لگبر وگاع
سيرا: وگاع بگبره ديگول آنا ساااكت ومتحمل
وَدق: لو يگول آنا بتحول خلااااس
وَتان: ولكممم جددي شلوون تحچوون علييّه، گوم يابه آنا الذرية الصالحة آنا اجي وياك وحق جدنا السابع اجي وياك.
سيرا: فنننك تروح وحدددك
إيمار: قصدچ ياخذ مرته ويااه!

سيرا: لاااع ياخذني ويااه
إيمار: سيراا!
وَتان: شگووو الفانيييله.
الباشا: ولكم قشامر صواتكم واصله لراس الشارع.
سكتو كلهم وابويا گال گومو بدلو خل نزور المبتلي وگاع.
ف قررنا احنه الشباب نروح عزة وعزام هم اجو وعفنه الأطفال يم عمة ندى وحبوبة وماما اللي بقن بالبيت ويا عمة سجى. البقيه احنه كلنا رحنا. للنجف ومن وصلنا.

علي سَند و بتراء وعمة يقين راحو يزورون أمها واخوها وعزام ويا عزهَ هم راحو يزورون فاضل. أما رُقيه وودق راحن ويا ابو وگعه يزورن امهن.
بقينه احنه ننتظرهم بره فد ربع ساعة ورجعوا
اما وتن فراح بسيارته وبعد عشر دقايق رجع يمنا
نزل من سيارته نزع نظاراته اجا وشايل بإيده ورقه
وَتان: جبتلكم خريطة وادي السلام الخريطه تفتح بكلمة أبيل لازم يحچيها. قول خريطة؟
أبيل: قول حريقه؟
هَدآم: دِ تعاال لا انيمك بصف جدكم السابع.

أبيل: قشمر وگت تحشيشاتك.
إيمار: دِ جيبب خل نلگى گبر المگبور.
اخذوه من ايد وتن واجا عمو اشتر الجان واگف بعيد ما سمع شگالو. خلوا الخريطة بنيد السيارة وعمو اشتر يگللهم ويدليهم على مكانه
هَدآم: يلا حبايبنا خل نرفع ايدينا وندعي دعاء السفر حته نوصلله
علي سَند: يمعود ينرادلنا هيلكوبر يسويلنا إنزال جوي على گبره
أبيل: هذا گبره بآخر الدنيا مو بآخر المگبره
وَتان: واذا ما نلگاه يعني هج لمن درى جايين نزوره.

إيمار: الميت شلون يهج.
اشتور لملم الخريطة وضاج
الأشتر: لحددد يجي آنا اروحن ويا آمالي، امشي بويه
لزم إيد عمة امل عافونا ومشوا للمگبره
هِلال: Cok güzel هيييج تردووون اشتور ضاااج
اشتووور اوگف اني اجي وياك
سيرا: اشتووري الورررد ما اعوفنك.
وَتان: ذُريييتك الصالح الفالح آنا انتظرني ياابه. امشي ام لفه خل نلحگهم.
واحد ورا الثاني كلنا لحگنا اشتور ساعة ونص نمشي حته
وصلنا للگبر وگفنا گدامه وعزام گال.

عزام: ياهو اليگول هذا گبره خاف هذاك.؟ عبن اقدم
الباشا: لا هذا هو
كنبص مسح على حجر شاهد القبر حجر كلش قديم شوفنا تاريخ منقوش عليه
الأشتر: سنة 1988 اجينا زيارة ونقشت التاريخ.
يلا اقرو الفاتحه على روح جدنا السابع.
قرينا الفاتحه وخلصنا. بعدها احنه الشباب والبنات واحد
عاين بالثاني
هِلال: اي وبعد؟
أريم: هسه قرينا الفاتحه واكيد روحه ارتاحت خل نرجع بلشت تغييم.

وگاع: ولكم هذا جد جد جد جد جدي وجد جهالي خل اشبع شوفة ترابه
هَدآم: دِ كافي تجدجد. هو راسه مرتاح منكم.
وتن كنبص مسح على تراب گبره
وَتان: ول جدي قريت عليك الفاتحه ان شاء الله تُرقد بسلام.
أريم غصت بالماي وبألف يا على ما تضحك وتسوي روحها حزينه.
وگاع: ول جدي چنت أگول اذا الله رزقني ابن ااسم.
أبيل: لتررر بانزين وحق جدك السابع لتر بانزين احرگك اذا تكول اسميه وگاع.

هَدآم: چنت بواحد واصيرن بثنين والكابوس يلحگي بنتي المستقبليه. يمعود آنا هم احرگك اذا تسميه على أسم وگاع.
وگاع: ولكم ماا اقبل على جدي.
علي سَند: اهوو هم صاااح جددي.
عزام: وحگ العباس تخلونا نطگها بضحكة عليكم والمكان اله احترامه.
گعدنا كلنا حوالين الگبر واحد يذب حچاية والثاني يكمل
عليه انوب ولد عمو اشتر كل شويه صاحو جدي هيچ وجدي هيچ.

آخر شي گمنا وگلنا نرجع ابويه گال خل نقرة فاتحه ثانيه وگفنا كلنا گدام گبر وگاع الله يرحمه قرينه الفاتحة.
وعم الهدوء بينا إلى أن عمو اشتر گال
الأشتر: كلشي مرينا بي چآن اختبار من الله لصبرنا على المصايب العشناها.
أبيل: وبعدنا امام اختبار أكبر. اختي باقيه بإيد المايخافون الله.
إيمار: يابه آنا ما اعوف السالفه تمضي اول ما نرجع للبصرة اروح لبيت هاشم قبل لا يسافر لازم ينطينا مكان اختي.

الأدهم: هاشم ما يحچي مستحيل يگول وين هي.
أبيل: آنا ما ردت هسه احچيلكم لكن ضروري جدا تعرفون انه AXR. گال يگدر يساعدني حته ألگى اختي.
هَدآم: هوايا واثق بهذا ال!
أبيل: انت تعرف شي وآنا اعرف اكثر من شي.
الأشتر: على كُل حال. خل نرجع للبيت نحچي بالموضوع.
قفلنا الموضوع وگلنا نرجع للبيت.

وفعلا كملنا الزياره ورجعنا للبيت بعدها بأسبوع و بتاريخ 12/31 /2023. امي چانت من الصبح مخلصتها بچي على اختي وتگول اليوم يوم ميلادها. وإيمار ما مفارگها وكلما يريد يطلع من البيت يروح لهاشم ابويا يگله أرجع
بعد الظهر چنا كلنا بالصالة مجتمعين وأبيل حچالنا سالفة هذا إلى مُختصر اسمه AXR حچالنا انه هو ابد ما راضي عن أفعال هاشم. وانه راح يحاول بكل جهده يساعدنا حته نلگى اختي.

هَدآم: آنا ما اصدگ هذا يريد يساعدك خاف يضحك عليك بالصاحب وصاحب. تالي يغدرك!
ما لحگ أبيل يجاوبه. دگ موبايله، أبيل گال هو بنفسه!
گام يجاوبه برا بعد عشر دقايق أبيل رجع للصالة واني إيدي على گلبي
هِلال: ها خويه بشر!
مسح على وجه وعاين بينا گام اجا گعد بصف امي
لزم إيدها باسها وگال
أبيل: گال عرفت مكان اختك واذا امصدگني وتثق بيّه ما اغدرك. الليله تسافر وياي للخارج.
إيمار: شگتله؟
أبيل: ما ترددت وگلت أجي.

تناقشنا بالموضوع وأبيل گال
أبيل: السالفة يمكن تطول سنة كاملة اذا AXR راد يلعب الغالي عالغالي. لهذا السبب مقرر انه آنا وأريم نسافر ونستقر بنفس المدينه.
محد گال لا الكل وافق خاصة لمن عمو اشتر گال انتوا سافرو والباقي عليّه. بعد هذا الكلام ابويه عاين بأمي الگاعده مگابيله. اردف
الباشا: السنة الجاية راح نصير ست أفراد
ناهد: هاا ول چا و آنا امممك؟
الباشا: بويه نصير سبعه.

الأشتر: وحق جدنا السابع ما ارضاها چا آنا وجهالي وجهال جهالي؟
الباشا: يا على يا ضرغام بويه شگد نصير كلنا سويه؟
هَدآم: ابو وگعه ااحسب
وگاع: شلي بالحساب. عزام أنت تعرف بالمحاسبة احسب خويا
عزام: يابه ان شاء الله نصير 28. كلنا سوية.
وَتان: اللهم صل على محمددد وعلى آله محمد.
كلنا صلينا على محمد وآل محمد ووتن گال
وَتان: وحق جدنا السابع كسبت براسكم اجر 27 صلاة على محمد وآل محمد.

رجعتلنا الاجواء الحلوة والأمل تجدد بأرواحنا وبعد الله الاعلم السنة الجاية سنة 2024 شلون راح تكون!
اجت سيرا طرگاعه وهي شايلة موبايلها. وگفت بباب الصالة وگالت
سيرا: نووثق هااي اللمة الحلوة قبل ختام السنة الحالية
يلا ابتسموو.
ابتسمنا وهي طگت الصورة وصورتين بدون ملل انوب
اجت تصور ستريكات ويا اشتور وتگول
سيرا: اشتووور الورررد تدري شوكت ابطل من حبك؟
الأشتر: بله شوكت؟
سيرا: من ينشف شط العرب.

حظنها وهو يگول طرگاعة الأشتر انوب أشر علينا
آني ورقيه وبتراء وأريم وودق هم رحناله وحده حاظنه الثانيه واشتور بنصنا احنه البنات كلنا حچينا وگلنا
نحببك حييل نحبك يل ماكو بحنانك.
الأشتر: وينه الگال الأشتر ما انرزق ببنيه
خل يشوف العوض شلون چآن بيچن.