رواية ولد الباشا للكاتبة فاطمة الأحمد الفصل السادس
/2022- بحر إيجه - الحدود اليونانيه التُركيه
الباشا: وگاع اسرع ابني لازم المسا نوصل
وگاع: صار عمي ما ضل شي
الباشا: ابن عمك وين وصل؟
وگاع: اتواصلت وياه ناقلة البترول عبرت مضيق البوسفور متجه إلى روسيا.
الباشا: تمام خل يكون حذر
وگاع: ما ينخاف عليه هذا ابن الأدهم الباشا
عفته وطلعت من غرفة القيادة، اتصلت على
الأشتر ضل يدگ، وگفت اراقب أمواج البحر
شويه وجاوب يصيّح
الأشتر: ول زمااايل طفو DJ
الباشا: شوكت تكبر؟
الأشتر: دقيقه اطلع من غرفة ولد الهمج
هذوله
لحظات ورجع يحجي
الأشتر: ول خالي العمر رقم
آنا وأنت والأدهم هسا صرنا شوگر دادي على گولة المثقفين.
الباشا: اشتر احجي بالمفيد شصار وياك؟
الأشتر: وصلت على مدينة اثينا آنا والشباب
من الصبح دورت وراهم ماكو أثر ومعلومات اخر مقطع كله چذب راد يستفزك لا أكثر
الباشا: اشتر بس انت التعرف الحقيقه
تضل وراهم شلون ما چآن تجيب معلومات
عن المكان اذا مو بيونان بتُركيا.
الأشتر: يا خوفي تالي متالي يطلع بالعراق
واحنا الصار 18 سنه ماخلينا مكان ندور بكل دول العالم.
الباشا: وغلاة ولدي ما اعفي عنهم
يسوي هيج حتى اسلمه مصفى إزمير
وشركة البصره، أما شركة إزمير يُعرف مستحيل يحصله عبن شراكه ويا بيت الحجي
الأشتر: آنا هسا اطلع ادور بالأحياء القديمه وَتان وإيمار بالبيت اذا اجيتو همه موجودين واذا ما جانو موجودين المفتاح الإحطياتي موجود بمكانه.
الباشا: اشتر خربت تربية أبني وابنك.
اذا ما لگيتهم بالبيت اكسر الگيتار على راسك
الأشتر: هاي أكو كلمه تعلمتهه من إيمار
شيكول اي هاي هيه ريلاكس Pro
مثل كُل مره قفل الخط بوجهي
الأشتر: نتحاسب يم گبر وگاع
ول إييمار اليوم ماكو حفلة دك ورگص
مفهووم ممنوع تطلعون من البيت ابوك جاي
وانت الثااني أبن حفيد الهمج شلون بليت روحي بيك لو راضي بواحد مو جاان أحسن.
ال عزهَ
الوقت عابر ما بعد الظهر
طلعت من الشركه لبيت المزرعه، وگفت السيارة
شلت جنطي وأخذت السويچ، نزلت قفلته
مشيت للبيت عبرت من يم الحارس
عزهَ: الله ينطيك العافيه عمو صالح
- الله يعافيج بنتيي
عزهَ: وصلو لو بعدهم؟
- وصلو من ساعه وبلشو فوتي بنيتي
عزهَ: تمام عمو.
ابتسمت بوجه ومشيت للبيت فتحت الباب
بالمفتاح الإحطياتي لأن محد موجود غيرنا
احنه الأربعه وأكيد ما يعوفهن ويجي
يفتحلي غير ينتقص منه.
مشيت للغرفه وصوت الكعب يضرب بگاع
الارضيه أكثر صوته يوتره ويكره.
مريت بالصالة الچبيره الموجودة بنص البيت
مشيت بالممر يودي للقسم المنعزل
عفت الجنطه والسويج عالميز بره وفتحت الباب كالعاده محد يسمع أصوات الرمي
بسبب الكاتم. وگفت شفت بس ظهره لازم ايد
أريم يصيح عليها شگد اعصابه بخشمه.
عَزام: ول اللزمي عددل عددل موو هييج
أريم: والله لازمته عددل شبيك ريلاكس
هِلال: Cok güzel. هسا انت تعلمنا
لو جاي ترزلنا.
ابتلينا بولد الباشا، مشيت وصوت الكعب العالي يضرب بالگاع اندارلي بطرف عين يعاين على خطواتي عبرته وأخذت السلاح من إيد أريم بدون ما انظر للهدف صوبت ثلاث طلقات ورا بعض خليت السلاح بإيدها مره ثانيه
عزهَ: تعلمي أغاتي تعلمي لعبت روحي من هاي التدريبات المالها داعي
اجيت امشي للقنفات الموجودة بغرفة التدريب
لزم إيدي وگفني، اردف
عَزام: وحده من الرصاصات ما اجت
بالهدف.
نظرتله بنظرات تعادي نظراته الحاده والهايم.
بنفس الوقت بعيوني. رحت وگفت گدامه انطيته ظهري وهو لزم السلاح خلاه بإيدي، رفع إيدي ويا السلاح قرب وجه من رقبتي نظرتله بطرف عين
عزهَ: شمنتظر ما تعلم وتفضنا؟
أريم: ريلاكس عزوزه أعصابج
هِلال: أريم دخيل الله عوفيهم تعاي ناخذ استراحة
صاح بيهن صوته صوفر بأذني
عَزام: كل وحده بيجن الهه رصاصه
بگصتهه اذا تمشي خطوه ااارجعن كملللن
رجع انتباهه إلى لزم أيدي وخلى أصبعه
ويا اصبع أيدي على الزناد، اردف.
عَزام: چم مره گتلج من تجين
لا تجين وانتي لابسه برجلج هذا الزفت.
مو اكره صوته وتدرين.
عزهَ: عناد بيك اللبسه برجلي
واخلي صوته يسطر راسك
ينضرلي واعصابه محترقه اطلق أكثر
من رصاصه وكلهن بالهدف ما طلعن ملم عن الخط
أريم: ول يااابه اابن الباشا دخيل عمي الأشتر اريد اتعلم مثلك
ابتعدت ارجع شعري لورا مشيت خطوه عبرتهم وشمرت السلاح ورايه أريم لگفته.
عزهَ: الاسبوع الجاي عدنه اجتماع لقسم التسويق، عمي الأيهم گال لازم جنابك تحظر بمأنه انت المسؤل عن الماليه ok
أريم: قدمت على توضيف ليش ما تقبلوو؟
إلا عمي اشتر يفزعلي؟
مشت وهي ترد عليهَ
عزهَ: عندج دوام جامعي يُفضل
تركزين على محاظراتج + ما انصحج بالأشتر
عبن هو بتُركيا أغاتي
طلعت و رگعت الباب بقوه، انداريت لعزآم
أريم: تريد نصيحه نصوحي؟
لا تفكر تتزوجهاا ول خالي آني أُختها وماجاي اجرع شخصيتها چآ أنت شلووون.
هِلال: والله آني عاجبني قوتهه واذا الله سهل
اصير نسخه منها بس مشكله كلبي حنيّن
ما يًّقَهّر الوادم أبد.
أريم: عَزام هلاله دگت بسمار
غير المخزن قفلها ورجع سحب أقسام
ينظر للسلاح ويحجي
عَزام: هِلاله گلبچ حنيّين؟
چآ شلون صار سبع سنوات شاعله ابو ابو هدآم؟
گمت اردفت
أريم: عَزاام هذاا ابويه ترااا ليش تغلط عليه
وجه السلاح عليه اردف
عَزام: اگعدي أريما اگعدي بويا
هِلال: هسا شبيك تهدد خواتك بالسلاح.
أريم: اااشتر Help اابن اخووك يهددني
كالعاده يبتسم على هاي الكلمه، رجع اردف ببرود
عَزام: لا اشتر يفزعلج ولا ولد اشتر يفزعولج كلهم دُياح ب أثينا - اليونان
هِلال: ول عَزآاام تگول عليهم دُياح
تراا أبوونااا وياااهم. ياا همج
عَزام: منو همج هِلال؟
گالها وتقدم خطوه بسرعه ابتعدت شمرت النظاره مالت التدريب وركضت للباب احجي
هِلال: sorry بس ييمن عظييم ااگول لبابا عَزام سبكم سبي كلكم وگاال عليكم دُياح
ب أثينا.
عَزام: ويين توليين ماا خلصناا
طلعت هِلال وآنا حاولت اهدئ الوضع حتى يسمحلي امشي للبيت
أريم: عَزّآم عزوم عَزمام دخيل عمي الباشا
اعتقنا ياخي عليش نتدرب بنات عصابچيه
لو شني.؟
عَزام: هو كلامج صح عليش تتدربين
المفروض اگلجن مكانچن المطبخ هذا اللايگ
عليچن.
أريم: No way إلا المطبخ اذا تريد اتعلم حتى شلون اشيل AK، بس لا تگول مكانج المطبخ
عَزام: چآ أنچبي وتعااي، يلاا عندي الف
شغله غيييرچن.
تقدمت حتى اكمل التدريب وآنا الممنونه اخذت السلاح من ايده ولبست النظاره بعيني
ادرفت.
أريم: am ready brother
مرمقني بنظره يكره اللغة الإنجليزية
رجع يعلمني أساسيات التركيز على الهدف
و التصويب بدقه.
أبيل
طلعت من المكتب عاينت بالساعه
متأخر وَ بس الله اليستر، أتصلت على المسؤل عن السفرات والمواعيد.
أبيل: بأول طيارة تحجزلي ماادري مشكلتك
يااا على ياا ضرغام مشكلتك مشكللتك متأخر واريد اوصل اليونان قبل ابويا مفهوووم قبل اابوياا، اوو احجزلي طياره خاصه ماا ادري
حللها.
قفلت الخط وأخذت الجاكيت بالباب من السكرتيرة
أبيل: شكرآ هياتم.
اتصل يَاسر يمان
أبيل: اي يَاسر احجي.
يَاسر: وينك أبيل تعال على غرفة المراقبه.
فتحت باب السياره شمرت الجنطه، مستعجل صعدت، اردفت
أبيل: يَاسر توني طالع من الشركه
لو تجيبلي نائل مچتف هم ما اصعد عشر
طوابق مره ثانيه
يَاسر: أبيل ولد يوسف هما الراح ياخَذوك مچتف اذا ما تجي تشوف ال GPS شلون فاضحهم.
لبست النظاره عاينت ارتب شعري والسبيكر
مفتوح.
أبيل: خل يجون داللعن ابو ابوهم
يلا يَاسر عينك على الشغل يومين وارجع
ويا الباشا.
قفلت الخط وانطلقت للمطار ضليت اقود السياره نص ساعة وبسرعه چبيره.
عبرت اول تقاطع يودي لطريق المطار
وصار إطلاق نار انحدرت السياره شوي ورجعت للطريق عاينت ورا
أبيل: لااااا ياااا على يااا ضرغام
الاااا الييوم الاااا اليووم دخيلك يا علي
شغلت القياده الذاتية نزلت الكشن لورا
سحبت الجنطه طلعت الكفوف والسلاح
ركبت الكاتم وگعدت مره ثانيه صارو بصفي
عبرتهم واصوب عليهم بشكل عشوائي
أبيل: اااشترر يعااادي وااابيل ينجاز
اادهم يعااادي وتعال اأبييل ينجاااز
دگ يَاسر.
يَاسر: لااا توگفف اأبييل لاا توگف وكمل للمطار
صارو بصف السياره موّجه السلاح عليه
وكل شويه يطخون السياره
أبيل: بله انچب لا الف وارجع عليك بلتر
رااس البلى ابويا وابوووك، ول يااا هممج
سياااره تسوووى حياتك وحياة يوسف شلوون تشخطهاا اوووگف صصفح خل
ااانزلك
يَاسر: ااابيل دخييل الله شنو تنزللهم ولك
المطااار والطياااره.
أبيل: بالحالتين ما ااانفذ على الاقل
اسوووي شي يستااهل العقاب
سلملي عليها
شمرت الموبايل عالكشن.
انداريت للجامه نزلتها واردف زلم النعال
يوسف
- تنزل او تموت؟
أبيل: تموووت اااو تموووت؟
علي وجوههم علامة استفهام
ضربت سيارتهم انگلبت بيهم مرتين
وگفت سيارتي نزلت طبگت الباب تقدمت خطوات بعدها نزلت الهم افتريت داير مداير السياره، صييّحت عليهم
أبيل: يااا قوم الفُجاارر عايشين ميتين؟
من باب الإنسانية اجيت اسأل، وعلى الضرغام الطياره منتظره وآنا
جاي اسأل ولد الالنجي اذا عايشين.
قصرت بحقكم المفروض تحترگون بالنفط اليوميه نستخرجه على خشومكم.
دگ تلفوني رجعت للسيارة
شفته عمي الأشتر
أبيل: ول هااا هااا عمي الغالي
جاااييك وعلى الضررغااام اصبر ساعتين
الأشتر: أبيلل شجااي تسووي يَاسر اتصل بيه لا تصير همج وامشي على التعليمات
طلعت القلم ونزلت يم الحادث
كتبت عالسياره مالتهم A. A. B وكملت احجي
أبيل: ول عمي الغااالي
آنا عاجبني الاكشن عااجبني اللعب بالنار.
أنتو خليكم ريلاكس، يلا اخرتني وعلى الضررغام
رفعت راسي للسما طيارة درون مدنيه
بالاجواء تحلق تقربت هبطت على سيارتي
انداريت للحادث احاجي الميتين او احتمال عايشين
أبيل: ول احللفكم بعلي الضرغام
اذا هاذا الدرون من جماعتكم اجيب
لتر واكملها عليكم.
جان عليها كاميرا رفعت سلاحي صوبته تفلش تقدمت للسيارت وخرت الباقي من اثرها وصعدت نزعت الكفوف دگ يَاسر
أبيل: اادري ما تعتقني اليوم شبيك لازگ يااخي الطياره راح تروح مني.
يَاسر: أابييل الدرون چان النا.
أبيل: دخيلك يا على اللحگنا تحجي صدك؟
وللك ااابني اانت المسؤؤل وعلى الضرغام
ااانت المسؤول حقه ينقطع من رااتبك ااانا فلس احمر ما ادفع.
يَاسر: ماعليه تتفاهم ويا الباشا
ليش حتى تصوّب علييها؟
كملت طريقي للمطار ويَاسر مستمر يحجي
يَاسر: سيارتك بيها نضام GPS
ف كون حذر وضل مشغل الشاشه، لا تنسى
عدنه عداوه ويا بيت اليوسف.
أبيل: هوو منوو بلاني بيهم غير عداوة عمامي وابوك هُما يعادون وأبيل ينجاز ب ولد أعدائهم، يلا سلام وصلت للمطار.
قفلت الخط ونزلت رتبت الأغراض طلعت اجازة السلاح حتى بالتفتيش ما يسويلي مشكله دخلت قدمت الجواز والبطاقة
وبقسم التفتيش سئلني. المسؤول
- وين جنت قبل لا تجي للمطار؟
أبيل: بالسياره وين يعني
- جاكيتك من ورا كله طين.
انداريت شفته فعلاً هيج
أبيل: وعلى الضررغااام كلامك صح.
جنت بعركه حاميه ولد اليوسف رادو يكسرون
عليه.
- ما فهمت عليك.
أبيل: مو ضروري تفهم كلشي اقصد
مشيني خالي شبيك
- السلاح.
أبيل: مُرَخص.
- جيبه ابني مطار اثينا ما تستقبل لا مُرخص وغيره.
أبيل: صدك چذب ول خااالي
چا شني يعني إلا ادفع فلوس واشتري غيره
علمود يومين؟
- ليش مجبور ابني امشي الطيارة ما توگف على جنابك
أبيل: خل تجرب توگف على جنابي
حتى اوگف على ابوها.
- احجي تُركي خل افهمك ابني.
سكتت لبست نظارتي وشلت الجنطه.
عبرت بوابة التوجه إلى الطائره.
هِلال
عفت أريم تنجاز، وصعدت السيارة
حتى ارجع للبيت ضليت اقود بهدوء
إلى أن لمحت سياره تتبعني من اول تقاطع
عبرته من لحظات
هِلال: çok güzel
يعني نخلّص حياتنا واحنا ناااس
تلحگنا، دخيييلك يااا علي
ضربت الستيرن مرتين وفتحت الچكمچه
شلت السلاح بإيدي اشوفه، دگ تلفوني
عفته ورديت على الاتصال
هِلال: اادري شفتهم وهسا افض سالفتهم
لااا انت خليك ريلاكس ماعليك ول مااعليك.
شجااابك شلون شوگت لحگت؟، دخييلك يااا علي
انجبرت اغير للقياده الذاتيه
نزلت الجامه
هِلال: دخيلك يا على منو جان متوقع
اصيرللهم بگد عشره زلم واللزم سلاح ادافع عن نفسي بي، دخيييلك يااا علي
شصار لو عايشه وياااا أبييل يااا الله
احجي واصييح الوضع صاير ماينحمل
ضل يلحگني السيارة إلى أن بلش يصوب
تخبلت
هِلال: دخيييلك ياااا على شلوون ما تفززع لأبيييل اافزعلييي يمااا هسااا شلوون هاي اذا ما اجت بالهدددف صخااام الصخمني.
ااانا لو مكمله تدريببب جان مو هذاا وضعي
صوب عالسياره نزل الجامه الورا
هِلال: çok güzel
هسااا السياااره شعليهاا فررغها براسي ولا بسيااارتي.
دگ تلفوني چآن عزآم
هِلال: ول خويااا اافزعلي اافزعلي
والكفل زينب يوم وااحد بعدما اغييب عن التدريب عزآآم ياا عيوون ااختتك ااانت ول صددك احناا ولد العصااچيهه؟ دخيييلك ياا على وللل ااحجي شبييك
صوبو طلقه ثانيه عبرت وضربت بالجامه الأماميه.
هِلال: çok güzel
حظظظ موووفق اان شاء الله الوراهاا براسي
واااخلص من ولد الهممج ول أبيل چااا مو
احنا توؤم لييش مااا عااايش مُعااانااتي
دااايح بإزمير واثييينااا يااا شلااايتي
نزلت الكشن مثل ما علمنا عزآم بهيج مواقف
اول خطوه نغير للقيادة الذاتيه بعدها ننزل الكشن، اخذت نفس اجهز السلاح مثل ما علمني عَزام.
هِلال: اتأكد من المخزن واشد الكاتم بعدها اسحب اقسام اتأكد من المخزن واشد الكاتم بعدها اسحب اقساااام
صييحت لمن السياره انضربت
هِلال: هسااا اگوووم لوو اانطمرر
هاااي شنيي هاااي يااا على ياا ضرغاام
دگ تلفوني چآن نفسه هدآم جاوبت
هِلال: باوع اانا ااسحب كلااامي
تعااال اللحگني اللحگني ااو مااا نتزووج مااا نتزووج ييمين عظييم. إذا ما تلحگني
قفلها بوجهي لحظات وشلت راسي.
شفت سيارة عزآم ورا سيارة الانذال يصوب عليهم والطرفين مركبين كاتم الصوت شلوون عصابچيهه
هِلال: لاااا أبيل وياااي ولا انت ياابه
اااما إيمااار الصااايع مااال ااكسر گييتااره
علي راااسه.
شويه اخذت نفس اردفت احاول اهدء روحي
هِلال: ريلاكس ريلاكس اخذي نفس
اخذي نفس وانداااري عليهم يمن فدوى ينداار عليه الأرض آناا.
كملت كلامي وبلشت اصوب عشوائي عليهم
نزلت جامة السايق ورجعت تمددت عالكشن
اخذ نفس.
هِلال: صح ما اجت بالهدف بس احسن من الاشيء
رفعت راسي شفت سيارتين وراهم
وسيارة وحده تلحگني عرفتهم اخويا
والثاني ال هدآم
زاد الحماس عندي وصرت اغني
اغنيه سمعتها من آل وگاع مره يغنيها
هِلال: It s nice
ااجتي برااسي ياا ستاااار اخليهم حطب بالناار اليووم الدم فززع للدمم والموگدها خل يندااار
حاولت اصوب على التايرات ما تجي بالهدف
رجعت اخذت نفس اردفت و كل فيوزاتي طاگه ماعرف شجاي احجي.
هِِلال: يمااا الله يرحمج مااا بقى بيه ذرة أنووثه شاايله سلاااح وبگد عشرر زللم إلا تحبييين وااحد عرااقي إلا تتزوجين عرااقي
لحظات والچانو لاحگيني عُبرو مُسرعين
تذكرت السياره بيها كاميرات شغلت الشاشه
شفت سيارة هدآم من اليسار وسيارة عَزام من اليمين، گمت عدلت شعري ورفعت الكشن رجعت للقيادة العاديه
لبست نظارتي وباوعت بهدآم المنّزل الجامه
بصفي يقود طلع ايده البيها جگاره أشر.
اوگف بصفحه، گلبت عيوني وگفت بصفحه عزام ضل بالسيارة هو وأريم وياه ورانا يدخن ويشاهد بصمت، ثنينا نزلنا وهَدآم تقدم سحب أيدي يحظن بيه گدام اخويا
هَدآم: داللعن ابو العداوه شلون
ابتليتي ويانه بوياا، خوما بيچ شي؟
هِلال: هددآم استحي شوويا من ااخوياا
ديباوع، بعدين منو سمحلك تحظننني همج
ابتعد يكمل الجگارته، اردف
هدَآم: چا مو الدم فزع للدم؟
غير اطمئن عليج هِلالي.
نظرتله معقوله ويا نضام المراقبه العدنه.
مخلي كاميرات مخفيه او جهاز تسجيل مخفي؟ رفعت اصبعي بوجه حجيت
هِلال: باااوع هدآم لااا تگوول سياارتي مراقبه ال GPS فهمنا ضروري بسس
تسجيل ومدري كاميرات مراقبة مااا اارضااها
هَدَآم: شنو رايج أگول لعمي بنتك گالت
إلا تحبين عراااقي إلا تتزوجين عراااقي؟
تقدمت ادفع بصدره وهو ميت ضحك
هِلال: اانت جررب بس جررب
تحجي، ييميين عظييم افرغ المخزن براسك
يييمين عظييم زواااج مااا نتززوج
اختفت ابتسامته لزم أيدي يوگفني اردف.
هَدآم: من غير شي ابوج رافض
لا تزيديها عليه.
هِلال: عبن رايدني لأبو وگعه بس يمين عظيم
ثنيناتكم مرفوضين إلا اتزوج واحد غريب عناد بيكم كُلكم
صييح عليه يحجي
هَدآم: اانچبي لااا تحجين
مووو بكييفج داااللعن ااابو ابوو اليفكر ياخذچ مني.
هِلال: تعادي عمااامك تسودنت اانت؟
هَدآم: والله بكاامل قواي العقليه
بسس بكلاامج هذاا دا تسودنيني لااا تخليني ارجع للإجرام، هِلال.
هِلال: أبو طبع ماا يغيير طببعه
هَدآم: هذا طبعي.
آنا وأنتي يجي يوم ونتزوج
عناد بأبوچ وعناد بعمچ الهمج اشتر. و
اندارينا لصوت عَزام واگف قريب علينا، أريم هم نزلت تجي بإتجاهنا
عَزام: وعناد بالأدهم عالواهس
هَدآم: عمك رااضي ما راكب خيل الشيطان
مثل ابوك وهذاك الهمج.
أريم: گااايز ملاحظين دا تغلطون
علي عممي الأشتر ترااا ما اارضااها كلشي إلا الأشتر.
رحت لزمت ايدها ونمشي للسيارة
هِلال: دخيل على امشي
دقيقه ما ابقى هنا
صاح بينا عَزام تبسمرنا بمكاننا كلامه.
ما ينعاد و ياويله المايّنفذ.
عَزام: اوگفننن ويين تولن
هِلال: نرجع للبيت بسيارتي.
عَزام: أرريم ويااا هداام يلا امشي
وانتي هِلال تجين ويايه
هِلال: چآ وسيارتي؟
عَزآم سياارتي
لزم أيدي يجرني وياه صعدني ورگع الباب بقوه، صعد يشغل السياره
هِلال: عَزام سيارتي ما تعوفها ترجعهاا
عَزآم: نرجعها والله شبييج
هسا لازم نرجع هُدهُده صرعتني
شديت الحزام رجعت ظهري عالكشن، اردفت
هِلال: والله محد جبركم تشترولها موبايل.
انوب اخر موديل
ابتسم بخفه ابتسامته حلوه بس خافيها
ورا ملامح وجه الخشنه العصبيه والبارده
نضرلي مبتسم يحجي
عَزام: چآ شلون غير ندللها
هِلال: اي اي ندللها واليوم من ارجع
افتحلها حساب عالتيك توك شتگول؟
عَزام: أگول ممكن تنچبين
هذا الناقص ناهد يصير عدهه تيك توك.
هِلال: شگد نفسيه مو مال شقه
درت وجهي للجامه اباوع للطريق
حسيت مد ايده عين عالطريق وعين عليه گرص
خدي يحاجيني بنفس حنية ابويا ماخذ من طبعه.
عَزام: هِلاله كلشي إلا زعلج
الْمُؤْنِسَاتُ الْغَالِيَاتُ شعندي غيرج؟
ما انكر يعرف شلون يراضي بس رديت عليه
بطرف عين.
هِلال: عندك أريم وسِيرا وَ عَزه هم وياهن
عَزام: هذني بنات عمي مو خواتي
شبيج تثوليها، أنتي اختي من ابويا
اعتبري روحج حيل عَزّآم من بعد ابويا
تمام هِلاله.؟
ابتسمت بوجه تقربت حظنت ذراعه
خليت راسي على كتفه جان يقود السياره هيج طول الطريق وصلنا للبيت نزلت وهو نزل مد ايده لزمته وحظن اكتافي يشاقيني.
علي الصار قبل نص ساعة وشلون جان يسمع
كل كلامي
عَزام: انتي بس افزعي بأسمي
عزآم يفداچ بروحه.
هِلال: تراا صدك بعدين تشيلون الكاميرات المخفيه والله ما ارضاها ما بقيتو خصوصيه النا.
فتح باب القصر دخلنا نتمشى بطريق الحديقة اللي يودي للبيت ونسولف
عَزام: أوامر ابونا هيج
مستحيل اخالفه مثل ما گال دا ادربچن
النضام الأمني لازم هيج واقوى. مو سهل
الموضوع حياتكم بخطر.
دگ الجرس لحظات والمساعدة فتحته.
دخلنا وبنص البيت وگفنا لمن صوتها هز القصر هز وهي تصييح.
سجى: نززززل ااايدك عَزااام
نظرنا لبعض نسوان عمامي اجن
أمل: شبيج خيه ليش هيج تصيحين؟
ندى: سجى الله يهديج لا تخلين عمه ناهد
تگعد على صوتج.
سجى: اانتن لااا تحجن، عَزااام گلت ايدك نزززلها
بلعت غصه من اول يوم اجيت لهذا القصر
هيه تحاول تفرق بيني وبين اخويا حاولت
ابتعد عَزام ما قبل يبعد ايده عن اكتافي.
عَزام: يماا تعبت من كلامج يوميا نفس الحجي نفس الحجي كاافي ما تتعبين؟
اردفت واني صوتي محتقن گوه لازمه دموعي
هِلال: عَزام شيل ايدك عمه ما تقبل
عَزام: تقبببل مااا تقبببل هذاا الموجود، هِلال أُختي أُختي لييش ما تتقبلين الحقيقه؟
سجى: ماااكو شيي يجممعك بييهااا
تُحرررم علييك
عَزام: شجاااي تحجييين شجااي تحجييين؟
أختتي من اابوويا هذذا الشي كاافي حتى
اافدييها برووحي.
سجى: طالما مو من نفس الأم تُحرررم علييك ااابني اافهم مايصير هيج تحظنهااا.
اندارينا لصوت حبوبتي الله يطول بعمرها
بعدها شامخه رغم الشيب البين بملامحها
ناهد: منو جاي تحجي بالحلال والحرام.
سجى: عممه رجاااءً هذاا موضوع
بيني وبين اابني
الكل على وجه علامه استفهام عمه سجى
شلون هيج تحاجي خالتهه وعمتهه بنفس الوقت. اجت وگفت بينا نظرتلنا ابتسمت واندارت تحجي.
ناهد: هِلال وَ عَزام أخوه هلال أُخته وعَزآم اخوها هاذ الشي مراح يتغير اما عن سالفة الحرام والحلال الأحسن ما تحجين عبن.
عَزام: عبن؟
ناهد: عبن كُل احنه نعرف عَزام روحه بهِلال
يحبها يعتبرها شرعاً أُخته ما فد يوم فكر او
گال هاي مو اختي. هاي تُحرم عليه. ليش؟
عببنن يااا سجى خااتون ابنج يريد يحافظ على أخته يحاافظ على هِلاله.
سجى: تُحررم علييه تُحررم هيه موو اخته بالرضاعة ما لازم هيج يحظنها لو غيير شي.
عَزام: شتريدين انتي؟
سجى: تخلي مساافه بينك وبين بنننت التُركيه.
رجفن شفايفي إعلان عن انهيار اخر ذرة صبر عندي نزلن دموعي ابجي بهدوء وخرت ايد عَزام ومشيت جم خطوه
عَزام: بسس ااسكتيي كاافي تحجين كاافي
هيه هاااي مشكلتج صاار سنيين هِلال هِلااال ارجعي هناا يلاا
ما سمعت منه كملت امشي للدرج حتى اصعد غرفتي وگفني لازم إيدي بس انداريت حظني
يحجي ويصييح روحه مفرفحه من العصبيه.
عَزام: ااختي هااي ااختي محدد يشووه الرابط البينا يكفيي العشته هااي أختي ترضين او ما ترضين مستتحييل اغير الرابط
اليجمعنااا تفهمين لوو لاااا.
آني ابجي وهو يمسد على شعري صاير كتله من النار نزلت عَزه من فوگ مبتسمه
هي كذالك فرحانه بالرابط الأخوي إلى بيني وبين عَزام مرت بصفني مسدت على شعري
راحت وگفت بوجه عمه سجى. تحجي بهدوء مستفز.
عزهَ: خاله سجى يعني دخيلج يوميه نفس الفلم؟ ليش ما تعتقيهم لشوگت يعني 57 سنه البعمرج لازمات السبحه يسبحن مو بس يشرحن الحلال والحرام.
سجى: اادبي بنااتج يااا ندى
اادبييهن
ندى: عززه شبيج بنيتي شهل اسلوب؟
عزهَ: يُما مع احترامي للكل وابوس راسج
بس خاله سجى طوختهه كُلش يعني شمعنى يوميا نفس السيناريو؟ اريد افهم وليش كلمه والثانيه تذكر المرحومه؟
سجى: عببن الحييه مااتت وعاافت بننتها.
من بعدهه تخرب بين ولد الباشا ماا تشوفين
تالي ما تالي الاخوه يعادون بععض بسببها
عَزام عافني و تقدم خطوات كلها غضب وقهر
راد يحجي بوجه امه بس عزهَ اندارت توگفه
خلت ايدها على صدره ترجعه ورا
عزهَ: لااا عَزام أمك تبقى أمك احجي بهدوء وياها احجي بهدوء مو بالعصبيه. تمام احجي بهدوء او ابقى بوجهك ما اخليك.
وجه محمر من العصبيه صدره يصعد وينزل ويا النفس نظر لإيدها ونظرللها اردف.
عَزام: فهميها خلل تعتق أُختي خلل تفك يااخه عننها كاافي كلمه والثااانيه تحجي.
وتذكرر المرحومه كاافي ملييت من اسلوبهاا
ناهد: تعاي هِلاله تعاي شمعة بيت الباشا
الرايد يطفيج يحرگه العَزام قبل لا يتندالج
حظنتهه وامسح بعيوني هدآم وأريم وصلو
بالباب وگفو مستغربين شصاير.
تقدم هَدآم بإتجاهي يتسأل
هَدآم: هُدهُده شصاير؟ هلال شبيها
، شبيج هلال؟ ااحجن شكوو
عَزام ابتعد يمسح بوجه ويفتر بالصاله
وعَزه اندارت تجاوب اخوها.
عزهَ: هدآم نفس السيناريو. مالت خاله سجى
سجى: اااخلاقج صايره تحت التحت
انغريتي بعدما الباشا سللمج الشركه.
اردف اول كلمتين بهدوء وبعدها تقدم مثل عزام يريد يهد عليها ويحجي بوجهه
هَدآم: خاله ياا خاله
شوووكت تبطليين تخربين بيت الباشا شووكت تعتقينا كل احنه؟
أريم: راح اللزم لساني وما احجيها
تقدمت عبرتهم وراحت حظنت هِلال ويا حبوبتي.
أريم: ولد وبنات الباشات احنا شحدها تخرب بينا، مثل ما تگولج عزوز دائما. اللزمي السبحه وسبحي بالله بلكت الله يهديج
خاله حبيبتي.
عَزه اندارت لأريم تبتسم بخفه
سجى: ندى مع الأسف ما عرفتي تربين بناتج
وحده أدب سزز والثانيه رافعه خشمها وكل حجيها قلة أدب.
ندى: بناتي متربيات مُحترمات
يحجن كلمة الحق ما يخافن ولا يترددن.
أمل: خيه سجى بالله عليج والله استحي اگعد انصحج وآنا أصغر منج بسنين، عوفينا يوم يُمر علينا بدون عراك وصياح!
سجى: ياا حساافه والله حساافه
السنين الجنت اعتبرچن خوات
وچنت نااسيه الحيه ماا تصير خيه.
بعدما جانت تسمع كلام خاله سجى، سيرا دخلت للبيت مثل المتسودنه تصييح بس هدآم لزمهه من خصرها يوگفها وهاي انگلبت تريد تعارك كل عقلها
سيرا: خااله اام عزاام عليمن تگولين حيه
علييمن هداام عوفني جااي تغلط على اامنا.
جاااي تغللط على ندااوي تروحين فدوى لتراب رجليين ندااوي وااأمل ااانتي الماصرتي خييه اانتي هداام تعووفني لووو اعض اايدك
ول هدآم عوووفني اانتي الماصرتي خييه
عَزام متخوصر يشاهد ويهز راس ما راضي بس هم ما اعترض، هدام يحاول يثبتها اخر شي سد حلگها حتى بعد لا تسب وتغلط
ناهد: ول هدآم شهل متسودنه شهل همج
هاي عليمن طاالعه لساان لو گصاصه
عضت ايد هدآم وهدام كفخها ومثبتها بحظنه كملت تحجي.
سيرا: ول هُدهُده هااي ااانا الهمج لو چنتج اام عزاام تگول على مررت عموو اشتورر حييه وتكوول على اامي حييه چااا هيه شنيي
معع اااحترااامي لعمرها بس ما بقت اي اااحتراام لنفسهاا ول هداام تعووفني لوو لاا؟
ابتسم هدآم يبوس خدها ويحجي
هَدآم: لااا مااا اعووفج استري علينا
لسانج طولان طرگاااعه
عَزام: ول هداام طلع اختك فضحتنا
طلعها لا ابتلي بيها
سيرا: هدآم عزاام يهدد يبتلي بياا
هَدآم: ويكسر راسج همين مسموحله.
أنچبي وتعاي وياي
جرها وراه للطابق الثاني
مرت بصف هلال لمست وجهها تردف
سيرا: عمتت عيين البچه عيووونج مررت اخوويا ول خااالي
عزهَ: هَدآم دخيل ربك صعدها خزتنا
ندى: سجى ليش هيج دا تسوين؟
نظرت للكل بنظرت حقد ومشت لغرفتهه
أمل: هساا هااي النظره شني معناها
كفيلكم جدنا السابع ما حاقده عليها ورغم
كلامها بعدني احترمها واحبها.
ندى: الله يهديها، أبني عزام اعتذر نيابة
عن سيرا انت تعرفها ام طگه ونص تتسودن.
اذا احد جاب طارينا بسوء
عَزام: اعرفها خاله بعد هيه المدللة والأميرة
الزغيره مستحيل انزعج من لسانها
أريم: عَزام چاا آنا شنيي
عَزام: الوسطانيه عيُناي
ابتعدت من حظن حبوبتي تقدمت بتجاه
احجي
هِلال: وآنا؟
حظن راسي ليم گلبه اردف
عَزام: هِلالي وشمعة بيت الباشا
لا كلمة مُدللة تكفي ولا كلمة اميره توصفج
أريم غارت من الموقف صارت تنادي
أريم: ول هدآم تعاال احظن بأختك مثل اخو العالم والناااس ياااا حظي.
الكل ضحك على خفة دمها وشخصيتها
المرحه. عَزّه واگفه تباوعلنا وإبتسامه
حلوه مرسومه على وجهها.
البتراء
تَعِيشُ فِي سرآيا العَتيم
ثراءٌ فاحش بدماءٌ منثورةٍ وثأرٌ قَديم
ارواحٌ مَكسورةٌ مَغدورةٌ مَأْسُورةٌ
غَريّبةٌ الأهل والديار، هدوء ما بعدهُ
إلا إعصارٌ.؟ لا بل دَمار، إنتقامٌ مُستباح
لِ نَجلةُ الفُجَّار لطالما يعتَبرونها سوءَ إختيار، رفضٌ وشرار حُكمٌ لِ بَتارٍ ينهار.
غَدرٌ وإنحدار مسارٌ بين ثَنايا الإنتقام
أم الحُب سَيُغير هذا المَسار.؟
گعدت على صوت قفل الباب ينفتح
رفعت جسمي من عالچربايه وانداريت للباب
جانت المساعده، الحارس چآن واگف بالباب
دخلت وبإيدها فُستان سهره اردفت
- آنسه بتراء
السيد أمر تلبسين هذا وتنزلين للحفله.
نظرت للفستان اسود طويل بيها قَصه فاضحه وبالطول مابي قطعه مستوره گمت أخذته من ايدها وشگكتهه احجي بعصبيه
بتراء: روحي كوولي للسييد ماالج.
خللل يشتري شوويه شررف وغيره بالفلوس العننده عدييم الشرف يطللع بنننته هييج گداام المعازيم تفوو على اااصغررركم لحد ااكبرر رااس بيكم يااا فُجااار
لملمت الفستان منزله راسهه تحجي
- آنسه بتراء السيد جايب أكثر من قطعه
مجبوره تلبسين هيج.
لزمت ذراعها ادفع بيها واطردها من الغرفه
بتراء: داللعن جَساار العااار ااطلعي برااا
الحارس راد يتدخل بس رگعت الباب بوجههم.
گعدت ورا الباب لازمه راسي ارجف ررجف من العصبيه اليشوفني يگول من الضعف ترجف آني بالعكس من العصبيه وقوة التحمل ارجف، باوعت على روحي لابسه بجامة نوم حرير احسن شي اغيره واللبس تراك عادي
گمت حتى امشي للحمام انكسر الباب
عليه وگعت تحته والباب فوگ ظهري
متت من الألم لمن عبر برجله عالباب صرت اصرخ بدون بچي ما ضال دمع بعيوني
نزل خطواته گدام راسي لابس بسطال
اسود شبه عسكري رفع الباب بإيد وحده
وكنبص گدامي اردف.
عزيزتي البتراء تالي ويا عنادچ؟