رواية ولد الباشا للكاتبة فاطمة الأحمد الفصل السادس عشر
هِلال
الوقت ظُهريه ودخلنا للمطار احنه الثلاثه وجنت امشي بيناتهم نظراتي اوزعهن عليهم ثنيناتهم، ما ادري حرص او غيره عليه بس لزم أيدي واردف
الباشا: هلالِ منا بابا
سار بيَّه لقسم تقديم الپاسپورت، اليزا، وآنا احس روحي طفله مثل قبل سنوات من جنت اسافر وياه على إزمير يلزم أيدي بكل مره نطلع بيها سوا، وهذا الثاني يگلب عيونه وما راضي عن الجاي يصير
--: الپاسپورت واليزا لو سمحتي.
اجيت أمد إيدي أخذها هو سلمهه للموضف اردف
هَدآم: هاك تفضل
الموضف نظرله مو راضي عن اسلوبه التأمري هز راسه بقلة حيله ختم عليها ورجعها هل مره ابويا أخذها وانطاني ياها
الباشا: امشي بابا
كل هذا وبعده لازم أيدي ونفتر بأقسام المطار وهَدام ورانه بس ينافخ ما عاجبه الوضع وديغار من ابويا عليه المشكله مجبور يسكت هذا ابويا. سلمنا الجُنط للتفتيش بعدها يتم أخذه للطائره، و رحنا لآخر قسم.
---: رحلتكم على إزمير بعد ربع ساعة.
هَدآم: تمام اتشكرچ
مشيت ويا ابويا او إن صح التعبير ابوي جرني وياه على قسم الإنتظار گعدنا ومخلي أيدي بين ايديه اجا هَدآم ومن بعيد عيونه علينا نفخ للمره ألف واجا گعد بصفي صرت بيناتهم اوزع نظرات عليهم وارجع اعاين گدامي
هِلال: Cok güzel، عزا بعينك أبيل يمين عظيم انلاصت.
الباشا: شگلتي بويا
هَدآم: بويا هِلال رايده شي؟
اوزع نظرات عليهم وارجع اعاين گدامي هزيت راسي لا لا ابويا باس ظهر أيدي واردف
الباشا: هِلالِ
هِلال: ها يابه
الباشا: ماكو شي حبيت اسمع صوتج
هَدآم: هِلال
انداريتله
هِلال: ها هَدآم
هَدآم: ماكو شي حبيت اسمع صوتج.
نظرت گدامي واحجي براسي، شلون ورطه واحد ينافس الثاني خليت أيدي الثانيه على طرف الكرسي بدون انتباه لحظات وحسيت بلمساته بعدها لزم أيدي بدون لا ينتبه ابويا اأشرله بعيوني ما يفيد، گاعده بين أكثر شخصين أقرباء وأعداء بنفس الوقت. إيد ابويا لازمها وإيد هَدآم لازمها وآنا بالنُص صفنه تجيبني وصفنه توديني.
هِلال: بسسس
گمت وسحبت ايدي منهم ثنيناتهم، وگفت گدامهم وهُمه گاعدين ابويا عيونه على هَدآم.
الباشا: چنت لازم ايد بنتي؟
هِلال: صدگ شبيكم بابا حبيبي، هَدآم.
هَدآم: اي كملي هَدآم شني
الباشا: ابقى ضمن حدودك لا بهل لحظه ارجعك عالبيت.
هَدآم: آسف ما يتكرر، احجي بويا هِلال شعندج گمتي
سكتت والله احتاريت شنو احجي اذا گلت بابا ليش تغار من هَدآم عيب عليَّ وما استحي واذا گتله هَدآم ليش تغار من ابويا، ابويا يفكر جاي ابرر تصرفاته ل هدآم
هِلال: گلت اروح لل WC أنتو انتو احجو و سولفو تفاهموا OK سلام.
عفتهم ومشيت سمعتهم من حجو
هَدآم: عمي أكو شي؟
الباشا: دير وجهك واسكت
خلص گلبي من تصرفاتهم رحت للحمامات
ظليت اجي واروح يم الباب اضيع وقت حتى ما ارجع اگعد يمهم ربع ساعة كاملة خلصته يم الحمامات
لمن سمعت النداء الاخير رجعتلهم
--: الساده المُسافرين على متن الرحله رقم 11 إلى مطار إزمير الدولي، يُرجى التوجه إلى البوابه رقم 6 لركوب الطائره. الساده المُسافرين النداء الأخير.
طائرتكم على وشك الإقلاع.
رُقيه
عفته ونزلت رگعت الباب بكُل قوه مشيت بين الناس
ماشاءالله هوايا بالآف زايرين اليوم، توضيت وبديت اقرأ أدعية الزيارة وادعي الله يفك اسرنا منهم ويرجع خواتي بخير وسلامه صليت ركعتين سلمت وگمت امشي للضريح واحد يدفع بالثاني من گدما ازدحام
رُقيه: خيتي بلازحمه مجال خل اعبر مستعجله
كلنا مستعجلين لا تسبقي احد وامشي بمكانج
سكتت احتراما للمكان المشكله زلم أكثر من النسوان.
ما ادري شلون اعبر بدون لا يطخني واحد
رُقيه: دخيلك يا على بغلاة فاطمه، إذا طخني واحد لازم ارجع اتوضى وما اگدر أرجع لنقطه البدايه بغلاة فاطمه جاي تفهمني؟
صرت مُحاطه بين ايدين تمنع الزلم تطخني وصاحبها واگف ورايه، اردف
كملي طريقج أم الميانات
انداريتله چآن نفسه ابو كمامه ونفس الملامح إلى شفته بليلة الحادث نفس الملامح بالمركز.
رُقيه: شنو سالفتك شلون جاي تندل مكاني؟
أشر بعيونه امشي گدام واردف.
وگاع: قدر الله وما شاء فعل.
كملت طريقي بين الزوار للضريح وارد عليه
رُقيه: لا لا مره مرتين ثلاث شنو هذا صارت بلا ملح
رشي ملح شكو بيها.
اخذت نفس عميق زفرته، اردفت
رُقيه: جينتل مان؟
شنهوا
رُقيه: جنتيل مان ما تعرفه؟
شمعرفني بگرايبچ؟
رُقيه: استاذ وگع.
وگاع وليس وگع
رُقيه: ديلا على اساس أكو فرق
وصلت للضريح وعفته بصفنته، كملت المراسم، رفعت إيدي أدعي.
رُقيه: يا على دخيلك محتاره شسوي الاسمه ابويا راح يدخلني بعالم العداوه ويخليني بوجه المدفع، يدخلني بين أعدائه، ما اريد اكون سبب بإيذاء أحد
بغلاة فاطمه عندك بگد حُبك لفاطمة اسندني آني رافضه هاي الخطوه بس مجبوره مجبوره ادخل لساحة العداوة إلى بينه وبين بيت الأشتر باشا.
اذا ما سويت إلى أمره يحرمني من أختي وأنت بعد تدري بغلاة فاطمه عندك سهل الطريق و كفيني شره ماأريد اعادي أبن الأشتر.
گاتل ابوج حتى تعاديني؟
فتحت عيوني، صوته وراي، بلعت ريگ وانداريتله.
ال بتراء
خليت العبايه على راسي وصرت اعبر الناس واهرب منه اهرب هذا الحل الوحيد، كلما اندار اشوفه بعيد عني بأمتار حسيته صار قريب عليّ ركضت بسرعه
لمحت ناس گدامي شايلين اعلام وواحد شاد شماخ اخظر، شايل صورة الإمام الحُسين ورافعها، بدون تردد رحتله اخذت الصوره من ايده ورفعتهه يم وجهي، صرت گدامه، اردفت
بتراء: دخييله عندك بستر خوااتك لا تخليه يشوفني.
من گدما ازدحام وقريبه منه جنت اسمع أنفاسه المتسارعه طلب من الشباب إلى گدامه الأعلام اخذهن ثنينهن وبلش يلوح بيهن ويردد قصيدة بصوته
- › علمنه بدينه. ومن بدينه نُعرف منينײ
› يموسم. عشگنآ بي حصدنه. خير الحسينײ
› هااا خوتي هااا. زرعنه بكل شبر رآيه حصدنه
› أجيال مشآيه قليله كلمة هوآيه قليله هوآايه.
صارت هوسه وشخص حجا وياه، رفع صوته حتى يسمعه وسط هذا العدد الهائل من المشايه
كااابتن عليي سَنددد لااازم تطللع من بيين المشاااييه الجماااعه موجودين يدورون عليييك والحسين يقتلوووك.
انداريتله وهو چآن يباوع على إلى حجا بعدها انتبهلي
چآن لابس كمامه ومثبت عيونه على ملامحي، يحجي ويا إلى بصفه
علي سَند: اااتصل ب وگاااع خل يلحگني للكربلاء بسرررعه.
راح هذاك وهو طلع كمامه ثانيه من جيبه جنت بعدني شايله الصوره بإيدي، تقرب يلبسني الكمامه بمررها تحت الحجاب ايده تلامست خدي تقشعر كل جسمي، رجعها ورا اذني وكمل الجهه الثانيه كذلك، اردف
علي سَند: كثرن صلاوات التوبه عليَّه، امشي بسررعه ااانتي بأمانتي
اخذ الصوره و انطاهه لواحد من المشاي، لزم إيدي بقوة، يعبر بين المشايه وآني وراه احجي، ما فاهمه شي.
بتراء: شجااااي يصيررر چنت بوحده صرت بثنييين يعني ااانت هم يلحگوك ناااااس
باوعت وراي جاسر واصل لمكان وقوفنا قبل دقايق و يدور بين المشايه اردف و هو مره يخليني گدامه و مر يجرني وراه
علي سَند: اذا آنا ما انلحگ منو ينلحگ وحگ العبااااس ملييت، هو مخزن واحد و افض سالفتهم بس ااخ من عمامي.
بتراء: دخيييلك يااا على سَند اااطلع من ورررطه ااادخل بالثااانيه.
آني بيا حال وهذا تفكيره يم أسمه رغم صعوبة وخطوره الموقف والركض بين المشاي
علي سَند: وحگ العبااااس بس ارجع للبيت ابوس راس يَقيني على هييج تسميه سمتني.
بتراء: استنجددد بأسم على السَند، ااانت شكووو دخيييلك يا على سَند شهللل ورررطه.
علي سَند: وول هااا هااا شويه و نوصل للسياره، مااا گلتيي شني اااسمج بوياا.
وگف ياخذ نفس واندارلي منتظر جاوب واحد يباوع بعيون الثاني، اردفت.
بتراء: اسمي براء.
علي سَند: علّي صووتج ماا سمعتچ گلتي بتراء؟
بلعت ريگ ونظرت ورايه جاسر بعده يدور بين المشاي ويتقدم، اردفت بصوت عالي
بتراء: اااسمي براااء براااء.
علي سَند: عمت عين گلبي عبالي بتراء ااامشي گدامي ااامشي.
رجع لزم إيدي وصل يم رتل سيارات سوده مضلله
طلع سويج من جيبه وجهه على وحده ورحنالهه
علي سَند: عُذراً والله راح نكمل زيارة الأربعينيه
بالسياره الوضع حرج.
بتراء: يمعوود ااامشي و آني الممنووونه.
فتح الباب و صعدت سد الباب وراد يندار حتى يصعد وگف يباوع على جاسر إلى وصل للشارع و وياه اربع زلم ثانين، اردف وهو يصعد
علي سَند: وحگ العبااااس طووخهااا
رگع الباب بقوه وتقرب شد الحزام إلى وعيوننا تنظر لبعض
علي سَند: ما اعرف شلون اصارحج بس انتي تورطتي ويا رجال مُلاحق من عشرين نوع مختلف من
الزماايل العِدائيه.
بتراء: دخيلك يا على سَند گول غيرها ناقصني مخاابيل بحياااتي.
علي سَند: وحگ العباس كلما ااسمع اسمي احس مستعددد افدييج بروحي، جااهزه؟
شغل السياره وبدل الگير
بتراء: وگفت عقلي مجاي استوعبببك بس، امشي انطلق، Go.
طلع من الرصيف للشارع و انطلق على سرعة 160
يسابق السيارات إلى گدامه ويحجي
علي سَند: دخيل اااسمي انوب تحجي انگلش
بس تأخرتي لحدما اجيتي، گلبي محجوز والله
بتراء: لااااا ااانت إلى طوووخهااا شني جااي تحجيي
اااحجيي عدددل وياااي.
ما رد شغل قصيدة و رفع مستوى الصوت طلع المسدس من الچكمچه يتفقده
بتراء: ااانت انت كااابتن شنو وهذااا المسدس شنو والي لاحگينك منو آني ويااامن تورطت؟ ردتك عون بس لا تصيرلي فرعون دخيلك يااا على سَند.
مشغل القيادة الذاتية ويبدل المخزن.
علي سَند: كابتن ناقلة بترول مراح تفهمين شني بس شخص حباب، متدين، صلاواتي كلهن بوقتهن فرض وسُنه.
اكمل كلامه وفتح الجامه طلع ايده صوب على سيارة جاي تلحگنه من اول الطريق. بنچر التيرات ورفع الجامه يكمل الطريق بالقيادة العاديه
علي سَند: شبيج ليش صافنه بوجهي ادري حلو واشبه الأتراك.
بتراء: اانت شنو صنفك والله مصدومه بيك
علي سَند: خليج ريلاكس.
صار هدوء وفجأة اسمع صوت طلقه على السيارة
باوعت ورانه سيارة جاسر تلحگنا، هو هم اندار من شافه تغير ملامحه للعصبيه ورجع غيّر للقيادة الذاتية والصار.
رُقيه
گاتل ابوج حتى تعاديني؟
فتحت عيوني من صوته وراي، بلعت ريگ وانداريتله
رُقيه: سمعتني غلط.
وگاع: سمعتچ صح گلتي ما اريد اعادي أبن الأشتر
رُقيه: اي جنت اقصد أكثر من مره اقابلك صارت بلا ملح ما اريد اعاديك.
محامي مثلج وسهل جدآ اكتشف الچذب من الحقيقه. و
راد يكمل كلامه اجو زلم للضريح واحد بيهم حچا
--: خوياا وگاع اللحگ ابن عمك للكربلاء صارت الدگه وزلمة الجسار لاحگينه.
فاتحه عيوني على وسعهن هذوله علگت بينهم، هما يحجون وناجي چآن يعبر الزايرين يريد يوصل يمي عبرت وگاع بدون لا ينتبه عفته وطلعت من المكان فورا مشيت، ناجي چآن وراي يحجي ويصييح
ناجي: ساااعه ااادور عليييج ويين مووليه.
صار قريب ولزم ذراعي يجرني وياه يبدو ما شاف ابن الأشتر بسبب الازدحام
ناجي: ال ابن الأشتر موجود هناا وهذاك الثاااني شررد من إيدينااا.
صعدني و رگع الباب اندار يصعد وهو يحجي عالموبايل.
ناجي: هاا وينك شتسوووي، بالمواااكب، شتسوووي
شلللك شغللل بهللل خرررط شللك شغللل تعاال للكربلاء عمي شگللك؟ شگللك موو گااال تخلص على على سَند شلووون تخااالفه وتبلييينا
عرفته يحجي ويا نَائل، سكت يستمع اله وبعدها رجع يصيح عليه.
ناجي: نَائل نَااااائل اانت مستوووعب شعليك بس تعااال وفض سالفته بعد هيج الأوااامر، تمام تماااام
قفل الخط وصعد يسوق بأقصى سُرعته
رُقيه: منووو تقتلووون.
شعلييييج ااانتي لا تتدخلين بشغللنا
رُقيه: ااالله لا يوفقكممم. ويين تاخذني ياا نذذل
للبيت للبيييت وين يعني.
وَدق
تجاهلت نظرات نَائل إلى واگف بعيد ويلحگني وين ما امشي ضليت أكثر من ربع ساعة انتظرها والوقت صار 11 الظهر، نزلت من السياره وهي تعدل الشال لابسه اسود بأسود والاناقه تقرا مليار. اجتني واشرتلها على ساعتي.
وَدق: ساعه ساعه انتظرج
سيرا: امشي لج امشي من غير شي اعصابي بخشمي من هذاك نيمار
وَدق: منوو نيمار؟
سيرا: إيمار أقصد إيمار.
لزمنا ايدين بعض نمشي بين المواكب وابو المواكب يقدمولنا كلشي، سيرا جانت منبهره رغم هي من البصره بس اول مره تنزل للمواكب
سيرا: دا احس روحي جنت عايشه بعالم مُنعزل كُل هايه السنين اول مره احب هيج أجواء شعبيه، المواكب، والناس الطيبه هنا، ول مآي بييست آي لو يوو
وَدق: آي لو يوو توو.
اختفت ابتسامتي لمن نَائل طلع من بين الناس سيرا ما چانت منتبه بس آني شفته غيرت طريقي وأخذتها بغير اتجاه.
وَدق: سيرا تعاي نروح غادي.
نمشي ونسولف اشرتلها على معلم تُراثي قديم وثنينا ملتهين نباوعله فجأة اتصادمت بشخص
وَدق: عمى العمااااك ما تشوف.
دار وجهه و آني نظرتله شفته هو والثاني ابن عمه.
سيرا: اابو الوتن شجااابك چااا والدووولمه؟
رد عليّه بعدها جاوبها
وَتان: أولا انتي العمى العماج عاييني گدامج، ثانياً الدولمه طفيت تحتها واجينا.
سيرا: اجيتو؟ ويامن.
يدور حوالينا.
وَتان: إيمار وين راح اجيت ويا إيمار يريد يستكشف البصره.
سيرا: لا بله يريد يستكشف البصره روح تلاحگه واذا ضاع دور عليه بقسم المفقودات.
لهيت روحي عود ما اريد انفجر بوجههم واطگها بضحكه عاليه، نظرلي بعدها جاوبها
وَتان: سيرا شبيج وياه.
سيرا: والله هو شبي وياي فد طايش ابو شفقه
أمشي وَدق.
لزمت ايد سيرا وعفناه يدور بين زوار المواكب. طول الوقت متوتره بس لا نَائل يطلع بوجهي.
بعد تفرفر هوايا، اجتني مكالمه من رُقيه، اردفت
وَدق: سيرا اجاوبها واجيج هنا هوسه اروح غادي
سيرا: چآ آنا هم اشوف ذاك المحل
عفتها وابتعدت شويه من الهوسه
حتى احجي وياها.
وَدق: الو رُقيه. بالمواكب ويا سيرا رجعتي لو بعدج؟
شنو؟ جايه للبيت بهل سرعه. رُقيه ناجي شبي يصييح علييج داااللعن ااابوه. لهل گ...
لزمني من ذراعي دارني عليه اردف وهو يصييح
نَائل: اااحجي شنووو گلللتييي.
وَدق: شيييل ااايدك شيييل، رُقيه هذا الچلب الثاااني
ااالوو. ااالوو، قفلت الخطط.
نَائل: هسا تلگين الچلب الأول مخلص على اختج الحقيرره.
گالها يجرني وراه و يحجي
نَائل: شلووون تووگفييين ويااا ابن الاااشتررر شلووون.
وَدق: نَاااائل عووف إيدي نَاااائل.
نَائل: ااخللص عليييج والله ااخللص عليييج صاااييعه بنننت الصااايعه بعدد اليووم ممنوع تطلللعيييين من البيت غيرر على جااامعتج الخايسه
وَدق: ااالخاايسه مثل وجهك.
وصلنا لفرع شعبي وكله درابين سحبني لوحده من الدربونات لزم وجهي يمرد بي، اردف ورجف گلبي من كلامه
نَائل: ماذا لو كُنتِ أنتِ ضحيتي القادمه؟
هِلال
بعد النداء الأخير رحتلهم جانو بالبوابة عدلت ورتبت شعري ابتسمتلهم ثنيناتهم اجيت يمهم هدآم مد إيده
هَدآم: بويا هلال هذا الپاسپورت
أخذته تحت أنظار بابا إلى طبعا مو راضي على اي تعامل يصير بينا، طلعنا من البوابه للطياره ابويا وهدآم صعدو أول وآنا وراهم هُمه راحو على مقاعدهم وبقيت آنا نادتني المُضيفه تحجي
-- مس هِلال أيهم الباشا؟
هِلال: اي عمري آنا هِلال.
-- ماا اصدددك كُلش معجبه بيج ممكن صوره قبل لا يقلع الطياره؟
هِلال: اكيد جانم نتصور ليش لا.
جانت راح تتصور وياي اجت مُضيفه ثانيه حجت
مياده الباشا گال بدون تصوير. تصرف غير مقبول
خطيه خرب واهسها تعذرت منها ورحت ويا البنيه الثانيه تدليني على مقعدي. اشرتلي على المقعد
مس هِلال هذا مقعدچ
نظرتلها بعدها عيوني اتجهت لإيدها الموجّه على المقعد إلى بين بابا وهَدآم، الاثنين واحد ينظر للثاني عبالهم لشخص غيري.
هِلال: ماكو مقعد خالي منا منا
مس هذا هو گدامج
ابويا راد يفتح الحزام، يغير مقعده ويگعد بصف هدآم، المذيعه اعلنت عن الإستعداد للرحله
مس اگعدي بمكانج الطيارة راح تأقلع.
هِلال: لا مو هذوو. تمام راح اگعد ثانكيو.
گعدت بمكاني وشديت الحزام بيناتهم واحرك راسي ويا الشخص إلى يحجي. اردف ابويا وحتى ما نظر ل هدآم
الباشا: المفروض تكون برحلة ابوك مو ويانه.
جاوبه وهو يفتح المجله.
هَدآم: لا عمي غير ابوي وصاني ارافقك بهل رحله.
الباشا: هو أبوك راس البلى.
نظرت ل هَدآم بعدها نظرت لأبويا ودرت وجهي لگدام احجي وياهم ثنيناتهم بإبتسامه متوتره
هِلال: رحلة مُمتعه ألنا ثلاثتنا.
سيرا
رجعت لمكان ما افترقنا ما لگيتها
سيرا: وَودق. عزا وين رحتي.
اتصلت عليها يدك تلفونها وما ترد. ضليت بمكاني محتاره وين ادور عليها انداريت وطلع بوجهي
سيرا: بسسم الله بيك جني إلا لازم بوجهي تطلع؟
إيمار: امشي وياي امج تتصل على وَتان وتگُله خل ترجع.
سيرا: وليش امشي وياك امشي لوحدي اوي دي وخر
اروح ادرو على وَدق.
دفعته خفيف وعبرت جان وراي ويحجي على التلفون
إيمار: هياتها مشيتها گدامي هسا جايين.
وگفت، انداريتله.
سيرا: گلت مشيتها گدامي لو آنا سمعت غلط هاا؟
قفل الخط وتقدم
لا السيدات أولا لهذا السبب مشيتچ گدامي.
سيرا: عفيه الخوف يعدل الشوف.
نزع الشفقه وعدلها أكثر من مره بين عليه عصب
إيمار: امشي السايق ينتظرچ.
سيرا: لا جاي ادور على البيست اختفت.
شگد غامض الكلام إلى يعجبه يرد ويجاوب عليه والكلام إلى ما يعجبه يسكت وما ينطيه أهميه
اجا وَتان.
وَتان: سيرا وينج بسرعه السايق ينتطرج.
سكت ودور بعيونه على المكان اردف.
أم لفه وين؟
إيمار: هاي منو؟
سيرا: ابو الوتن ما اسمحلك.
وَتان: مو وگتج وينها الاسمهه وَدق مو جانت وياچ؟
سيرا: امبلى وياي اجتهه اتصال راحت تحجي واختفت بعدهه. وَتان صاير شي؟
طلع تلفونه واتصل على شخص، حجى
وَتان: الو ها خويا لگيتها؟ منو شلون يعني فجأة اختفت من الضريح. هنا الثانيه اختفت بعدما اجاها اتصال. ما ادري والله بس ياخوفي يكون نفس السبب. راح ادور عليها واشوف. سلام.
إيمار: عن منو تحجي انت؟
وَتان: أنت مُسالم معليك بهل سوالف سيرا للبيت بسرعه هنا مو أمان إيمار ترجع للشُقه بدوون اعتراض.
مسح على وجه طگ رقبته، عدل الشفقه تكول مهوس بيها بعدها اردف.
إيمار: لِ جهنم مو إيمار اليمشي بكلامكم.
طلع السويچ، فره بأصبعه ومشى من المكان بعدما لصمنا وصدمنا أما أبو الوتن عنده سالفه ضليت وراه وين ما يروح.
سيرا: وووتن صااير شي؟ شتريدوون من وَدق وتان جااوبني.
وگف واندارلي.
وَتان: السؤال، هي واختها شيريدن منا..
سيرا: وتان شتقصد يعني؟ بس لااا شااك بيها.
كلشي ممكن الأختين وراهن سالفه احساسي ما يخيّب.
سيرا: لا بربك تحجي صُدددگ صديقتي مختفيه واحتمال مخطوفه وانت جاااي تتهمها انه من الأعداء، نو بليز!
رجعت دگيت عليها يرن وما تجاوب
وَتان: أُختهه جانت بالضريح وگاع شاك بيها
وتعرفيه اذا شك بشي يضل وراه لحدما ياخذ أجوبة على أسئلته.
سيرا: بربك ابو الوتن لا تفوّل.
ضليت ادور عليها ماكو الأرض انشگت وبلعتهه.
وَدق
وصلنا لفرع شعبي وكله درابين سحبني لوحده من الدربونات لزم وجهي يمرد بي، اردف ورجف گلبي من كلامه
نَائل: ماذا لو كُنتِ أنتِ ضحيتي القادمه؟
عيوني تلمع بالدموع شفايفي يرجفن بس مو ضعيفه
اگدرله، ضربته كلّه تعلمتها من سيرا ابتعد يلزم خشمه الطگ منه الدم
وَدق: ماااذا لوو تنچببب.
نَائل: حيوااااانه.
استغليت لحظة انشغاله بأنفه تراجعت لورا وبعدها طلعت من الدربونه اركض ركض للشارع باوعت شفته لاحگني، إذا رجعت يم سيرا مراح يتندالي لأن
مستحيل يفضح روحه ويخلي أعدائهم يتعرفون علينا.
كل هذا الوقت والموبايل يدگ بجيب الجنطه إلى لابستها بخصري فوگ التنوره عدلت الشال على راسي وطلعت الموبايل جاوبتها.
وَدق: ألوو سيراا.
ولج ويين رحتييي.
وَدق: ل لبيت خالتي قريبه من مكان المواكب وهسا ا راجعه.
شبيج جاي تركضين وينج وَدق ترا آني راجعه للبيت بالطريق.
وَدق: لج عمت عين فلان عليج عود جاي جاي اركض حتى اوصل يمج وانتي عفتيني امداااج وين انطي وجهي.
وَدق شبيج عمري ليش هيج تحجين جان لازم ارجع امي اتصلت وبعدين تأخر الوقت ساعه 1: 30 ارجعي ليبتكم.
وصلت لمكان المواكب الازدحام بعده كثر وما قل
وَدق: ت تمام راجعه للبيت هسا خل اقفل الخط و.
--- وَدددق
انداريتله على بعد أمتار عني كملت ركض بين زوار المواكب.
ودق منو ناداج! احجيلي ديصير شي؟
وَدق: يااا شكرااا. ولج هذاا زوج خالتي جاب ساعتي وراي جنت ناسيته ببيتهم. فدوه الك شكرا.
اعض شفتي بندم بعد كل جذبه واستغفر الله، الحمد لله صدگتني.
تمام عمري انتبهي لنفسج. چاو
وَدق: چاو چاو.
قفلت الخط، باوعت ورأي مبتعده نَائل ما مبين من الازدحام كملت طريقي ودخلت لوحده من السوبر ماركتات الشعبيه، خل يمر شوية وقت حتى يمشي من المنطقه افتريت بأقسام السوبر ماركت اللهي روحي.
وفجأة سحبني من إيدي لإحدى الزوايا ضل ينظر ويتفقد اذا أكو كاميرات من تأكد ماكو نظرلي وعيونه
حاده مو مثل اول مره شفته، متعصب وصاير غير شخص قربني منه ويشد ايده على كتافي
وَتان: من شنو تركضين؟
عيونه تريد تطلع هلگد مركز بيّه
وَدق: من من حرامي راد يبوگني
رفع ايده قربهه من خدي توترت
وَدق: ش شتسوي وخر.
ما رد رفع أصبعه يم دماغي دگ عليها مرتين واردف
وَتان: شغلي هذا إلى براسچ واسمعيني زين.
اذا عرفت بيج كِده ولا كِده و طلع ظني بمحله فلا اعتقج اذا تسببتي بأذيه لواحد من بنات وولد الباشا وخاصة سيرا إلى تعتبرج البيست مالتهه.
بلعت ريگ شگد ما شُجاعه إلى أنه كلامه وترني معقوله تعرف عليَّه. دفعته من صدره ابتعد يعدل الجاكيت
وَدق: باوع لك ما افهم شنو قصدك بس انت خلي شغله براسك. ااذا تتجاوز حدك مره ثانيه وهيج تلزمني لو هيج تقترب اكسر ايديك واحملك ياهه.
ما تردد يتحداني كرر نفس الاسلوب.
منينلچ هل صلافه والعرامه؟
وَدق: شييل ايدك أو اضربك كلّه اخلي دمك طشار.
موو تاايهلج بنتل.
-- هاي شتسووون لييش تهددها.
اندارينا للصوت ابو السوبر ماركت واگف گدامنا
وهذا غير الوضعيه حاوط كتافي ويقربني عليه. اردف.
وَتان: عركة متزوجين بأول شهرنا.
وَدق: وااات ذا هيل.
وَتان: شبييج مرتي؟
-- يعني متزوجين؟
وَتان: چا شعبالك عمي اذا مو مرتي شلون هيج اللزمهه امشي بويا بالبيت اتفاهم وياج.
لزم ايدي بكُل صلافه تمتم السالفه عبر الرجال وطلعني وراه من السوبر ماركت ضل يمشي وآني احاول اسحب أيدي منه
وَدق: مااا اااسمحلك مااا شهللل همجيييه شهللل صلااافه.
عاف إيدي چنا يم الشارع العام اردف
وَتان: چااا شني متوقعه اتصرف لگفنا بهيج وضع شني ياخذ فكره وسخه عني وعنج؟ آنا موو نذذل لهل درجة.
وَدق: هوو منوو لحگنيي للمحل غيرر اانت منوو لزمني بطرييقه موو حلو غيرر ااانت.
چا شني اعوفج تسرحين وتمرحين بكيفج وانتي صرتي داخل دائرة شكوكي؟
وَدق: لا موو طبيعي وانسااان فاررغ ما عندك شي تسويه تگوم تدور ورايه شتريد لوين راح توصل؟
ما جاوب هز راسه يتوعدلي ويتراجع يريد يمشي آني هم رديتله نفس الشي هزيتله راسي وكلمن مشى بطريقه. وگفت تكسي بآخر الشارع صعدت
وَدق: خويا على - - -.
گال نعم ومشى ابو التكسي. طول الطريق سارحه بخيالي ما ادري شنو اسوي بعد الصار من جهه نائل لاحگني ومن جها هذا وگعت بين نيران العداوه إلى بينهم وبس الله اليستر من الايام الجايه.
هِلال
مر أكثر من ساعه وربع على إقلاع الطائرة من الملل ما ادري بشنو اللتهي ونعسانه من الفجر گاعده عاينت بابا يقرا الجريده وهدام يشتغل على ملف الميناء. ركزت عليه آنا شاطره بالرياضيات والمحاسبه رغم مجالي هندسه وتصاميم
هِلال: الناتج غلط.
نظرلي وبابا هم انتبه بس ما حجا
هَدآم: شني يعني ما اعرف احسب.
هِلال: ول لااا شگد سريع بالكبابه.
هَدآم: شنهواا كبابه شني شهل مُفردات من اي قاموس جبتي؟
هِلال: من قاموسي، الكبابه هي، كب، تكب كبيت، والجمع كبابه، إيزي، Evet؟
هَدآم: هلال متأكده انتي سيدة أعمال؟
الباشا: عندك شك ب بنتي؟
هَدآم: لا طبعاً بس هي دخلت بشغل مو شغلها.
هِلال: Cok güzel سويت بلبله عبن گتلك الناتج غلط وهو غلط عاين هنا.
قربت راسي للابتوب شوفته المعادلات وأرقام الشُحنات إلى مستلمينها.
هِلال: العائدات فقط من الشحن الدولي البحري مرتفع بنسبة 10 وهذا منا تقسم الأرباح على عشره بالميه لِكُل فرد والفرد هُمه، دقيقه احسبهم. دي + ماثيو من لندن يآمور من إزمير و ياسر يمان كذالك+باسم من بيروت. يطلعلك الناتج - - - مليون ناهيك عن نسبة 2 للأعمال الخيريه بشهر مُحرم الحرام.
رفعت انظاري اله يعاين عليَّه بإبتسامه
هِلال: ها شبيك.
هَدآم: ماكو شي بس هيج شكرا.
ثنينا اندارينا لبابا لمن طبگ الجريده، اردف.
الباشا: اذا محاسبه ما عرفت تحسب بشنو فالح؟
هِلال: بابا هو بس رقم واحد چان الفارق.
الباشا: كلامي موجّه اله مو الچ.
هَدآم: تمام هِلال عوفج من السالفه.
ابويا يخوزر بي، هذا ولا چنه رجع يشتغل على الملف
سحبت راسي اوزع نظرات بيناتهم شيخلصه هل رحله واحد بانزين والثاني جداحه واعتذر لهيج وصف الك أبي الغالي.
أريم
ضبضبت الأشياء إلى احتاجها بهل يومين و رتبت فستان حفلة العرض بالجنطه ورحت جبت الكعب طلعته من عُلبته وخليته ويا.
أريم: شني باقي؟ اي تذكرت.
جبت الپاسپورت واليزا، دخلت عزّهَ
عزّهَ: ادري احنه عدنه شُغل انتي عليش جايه منو عازمچ؟
أريم: عَزّآمچ عازمني بآخر اللحظات.
غمزتلها وطبگت الجنطه
شباب بآخر اللحظات شباب مجااي استوعب شبااب.
دخلت وهي تذب الصايه والشال
سيرا: ررجلي على رجللچن رجلي على ررجلچنن.
ماكو روحه ماكو طبه ماكو طلعه بدووني.
عزّهَ: ادري أنتي الثانيه شني ترا ما رايحين سفرره
أريم: وحق الزهراء عزام حاجزلي يزة سياحه يلا سي يو ماي سيسترز.
نزلت الجنطه شلت موبايلي والپاسپورت عبرتهن
بتفاخر والاثنين صافنات.
سيرا: أعلن الحرب عليج اذا تروحين بدوني. أريم لِسنّ تو مي آنا أُختچ شلون ما صبغتيلي يم عزوم؟
أريييم لِسسنننّ توو ميي
عزّهَ: لااا هذوله مو مال اهدء عليهم هذوله مال ارعد رعد عليهم، وخري من وجهي.
نزلت تحت ماما چانت بإنتظارنا عَزّآم كذلك جاهز
عَزّآم: أريم وين اختج خل تنزل.
أريم: جايه ورايه بعدهه بحالة صدمه من جيتي وياكم.
ندى: صدك شعندج اختج عدهم شُغل انتي شكو؟
أريم: عزام شايف حماتك المستقبليه عزّهَ كوپي بيست منها.
عزااااام
واحد يعاين بالثاني هدهده طلعت من الصاله عمه آمل اجت من غرفتهه وعمه سجى كذالك
ندى: هذا صوت عزّهَ!؟
عزاااام لييش حاااجزلها للسفره وسيااحه ويااانه.
نزلت وهي ترعد رعد انوب شيسكتها اذا رعدت، سيرا بس ترش بانزين وتشجعها
سيرا: اااحووي ما يجون الا بالعين الحمرا ارعدي يبعد ابوي ارعدي عليهم اررعدي
ناهد: ول هيو بنت الدرهم شهل صوت ول رعييده
عزّهَ: هدهده شايفه هذا حفيدچ شايفتّه رايح حاجز للخاتونه أريم ويانه برحلة سياحيه.
آمل: اي شكو بيها خل تروح.
أريم: ويلوموني بحبج يلوموني، تعلمن الحنيه من أميله.
سجى: هو ابني لو بكيف هلال خاتون لو بكيف بنات ندى خاتون.
سيرا: وأنتي خارج نطاق القوس بمسافة مليون سنه ضوئية، ااخ شبيج
أريم: أنچبي ولزمي لسانچ
مثل عادته يوزع نضرات وخزرات علينا وحده وحده
بعدها يحجي كلامه
عَزّآم: شكو بيها اجت گالت هدآم ما قبل ياخذني
انت اخوي الثالث اكيد تاخذني وياكم.
سجى: هو هذا إلى فالح بي اخ لفلانه وعلاّنه.
نظراته تخلي الواحد يشك بحاله مسوي شي من يمي توترت من هيج نظر لأمه
عَزّآم: چا بشني أفلح؟
عزّهَ: أريم عايني من غير شي هناك مو أمان يعني بأيي لحظه يطلعولج لو ولد جسار لو ولد يوسف
استري على روحج بلا هل استهتار احنه عدنه شغل شني تجين سياحه وإلا على إزمير الفُگُر؟
سجى: هل مره حجيتي شي بي خير. إزمير الفُگُر.
عزّهَ: من ناحية الأعداء عمه من ناحية الأعداء الموجودين غادي وين راح بالج؟
سيرا: احجي لو اخليها على غير مره.
أريم: الزمي لساانج
طلع تلفونه شاف رساله وصلته وبعدها اردف.
عَزّآم: عمي وصل للمطار امشن.
نادا الحارس اجا اخذ الجُنط للسيارة.
عَزّآم: بويا عزّهَ لا يضل بالج احنه موجودين والشباب كذالك فنهم يندگون بيها
أريم: ول خالي بنت الباشا آنا بوحدي بگد عشره زلم.
عزّهَ: اول وتالي ما اخليج تتفرفرين بوحدج لازم حارس وياج، امشي يلا.
ندى: بأمانة موسى بن جعفر، انتبهي لنفسج أريم وانتي عزهَ تمام بنياتي.
سيرا: روحن روحن الله كريم آنا اللچن.
ودعناهم ومشينا للمطار الساعه چانت 3: 30 العصر والطياره موعدها بال 4 بعد أقل من نص ساعة وصلنا ودخلنا للمطار بابا چآن ينتظرنا كملنا الإجراءات وصعدنا كلمن بمقعده صح مو اول مره اسافر.
مسافره عدة مرات من قبل بس على إزمير هاي اول سفره، واخيرا راح اشوف الإمبراطورية إلى بنوها الأوتاد الثلاثه هناك المصافي النفطية، الموانئ إلى من عدهه تنطلق رحلات الكابتن على سَند، أكثر سفره اتحمسلها. درت وجهي عليهآ گاعده بصفي
أريم: احس هاي السفره ضامتلي سُبراايزااات.
لابسه نظارات طبيه وتقرا كتابها المُفضل، اردفت ترد عليّه
عزّهَ: ما انصح بالحماس المُفرط عبن يتحول للإحباط بمُجرد حدوث شيء غير مُرتقب.
أريم: هااءهوو فيلسوفه لا تفولين.
شديت الحزام وبلشت الطائرة بإقلاع.
هِلال
وصلت رحلتنا على مطار إزمير الدولي بالباب أبيل تلگانا أول ما شفته واگف ينتظرنا عفت الجنظه رحتله حظنته.
هِلال: أبييل ول شكُثرر مشتاقه، ولك عزاا يعيينك.
باس شعري يمسد عليه، اردف.
أبيل: ريحة أمي شلونج غلاي.
هِلال: زينه زينه تؤمي اللطيف اشو دا احس بالغرابه شعجب ما گتلي نعال بعينج؟
أبيل: شهل غباء گوه تجيبين الاهاين لنفسج.
ابتعد ركزت بملامح وجهه مبين تعبان وما نايم
هِلال: أبيل صاير شي؟
لا ماكو شي خل اسلم على ابونا.
راحله يتحاظنون كأن سنه ما ملتقين وهما من ايام جانو سوا، صافح هَدآم كذالك
أبيل: هلا بالهدام شلونك خويا.
هَدآم: الحمد لله.
الباشا: امشو.
أبيل و هدآم يتفاهمون بالنظرات، اردفت بعدما هدآم فهمه الوضع
أبيل: هاا يعني هييج محلوله.
ابويا ينظرله ويسأل
الباشا: ويامن تحجي امشي لا نتأخر.
هِلال: دا يحجي وياي امشي حاروگه امشي.
تشبثت بذراعه ومشيت وياه اندار يحجي.
أبيل: هِلال نعال بعينج الجنط بقن على هَدآم.
ابويا هم اجا ويانه هَدآم اخر شخص
الباشا: خل يجيبه شعنده.
طلعنا من المطار بسيارة أبيل مناك فورا للبيت أخذنا ساعتين استراحه وطلعت للموقع إلى راح يتم الحفل بي. وصلت وچان ابن شريكنا واصل يأشرف على تجهيز الديكورات نيابة عني. من شافني جايه ويا هدآم بإتجاهم، عافهم اجا صافحني.
يَاسر: هِلال شلونج مشتاق، شلونك هَدم.
ياسر يعرف عراقي على گده واغلب الكلمات يگصرها بس هَدآم تقصد يحذف الألف من اسمه
هَدآم: انت شلونك يَسر.
ابتسم يوزع نضرات بينا
يَاسر: ههه بخير بخير.
رحت يم العُمال اشوف شُغلهم واحجي وياهم بالتركي
هِلال: هاي مو هنا مكانهه، يااسر تعاال هذوله لخبطو القطع هذا مكانه هناك مو هناا.
يَاسر: بس شفته هيج انسب.
هَدآم: مكانه هناك مو هنا غيرها مثل ما گالت هلال.
هِلال: والإضاءة خفيفه على الستيج شني هاي منو المسؤل؟
يَاسر: نزيدهم. بس أعصابك شبيك.
هَدآم مخلي ايده بجيبه وبس ينافخ من العصبيه ما عاجبه الوضع. اردف
هَدآم: بنيه مو ولد.
اشرتله بعيوني عود خل يستوعب الرجال يعرف عراقي على گده
هِلال: يَاسر هسا ارجع.
عفته ومشيت على جها و هَدآم ورايه، وگفت.
هِلال: شني سالفتك شبيك ويا الرجال، تُعرفه يعرف عراقي او عربي على گده شني تصححله عوفه بحاله. خطيه.
هَدآم: يطبه طوب يروح دورات تعليم اللغة. إبليس خطيه وهذا لاء، هذا يتوددلج ويذب ميانه.
هِلال: Cok güzel والله مو طبيعي.
هَدآم: چوك گوزال اعرف هو مو طبيعي.
هِلال: اقصدك ما اقصد يَاسر يمان.
هِلال. come here.
هِلال: سمعت يحجي انگلش بطلاقه.
عفته ورحت ورا صوت يَاسر نكمل الترتيبات بعد شويه رجع هدآم يمنا واردف
هَدآم: رايح للمصفى النفطي والمُغرب ارجع ويا أبيل هم هو غادي.
هِلال: تمام انتبه على نفسك.
هز راسه ومشى ابويا چآن بالمكتب ويا عمو يَمان
رجعت اكمل وياهم التجهيزات بعد ساعه طيارة عزّهَ و عَزّآم يوصل.
ال بتراء
صار هدوء وفجأة اسمع صوت طلقه على السيارة
باوعت ورانه سيارة جاسر تلحگنا، هو هم اندار من شافه تغير ملامحه للعصبيه ورجع غيّر للقيادة الذاتية والصار. جاسر رجع صوب استغربت السياره مضلله اكيد ما شافني بس ليش لاحگ سيارته
بتراء: انت انت تعرفه؟
ركب شي على المُسدس سحب أقسام نظرلي، اردف
علي سَند: أنتي تُعرفيه؟
سكتت واجهني بنفس السؤال وطلع ايده من الجامه صوبه بطلقات عشوائية بس ماكو صوت عرفته مركب كاتم رجع دخل ايده ورفع الجامه يبدل المخزن.
بتراء: هو صوب على الجامه ليييش ما انكسرت؟
گولي حرامات ليش ما انكسرت، عبن ضد الرصاص.
گالها وهل مره طلع نص جسمه وما وگف إلا لمن بنچر التاير الأمامي رجع لمقعده فرحان بسوايته.
علي سَند: دِ خل اشوف شلون تلحگني ابن القُندره.
نظرلي وكأنه متندم لأن سب گدامي، وآني صافنه عليه ما جاي استوعب شي.
علي سَند: اوك اعتذر عن المسبه ما حلوه گدام لييدي اسب واشتم.
بتراء: ول لااا بالعكس هو فعلا ابن خمسطاعش قُندره سبه سبي يستاهل.
تغيرت ملامحه، أدركت لساني زل.
علي سَند: انتي منو؟ وين سامع صوتج وين سامع نفس الاسلوب بالكلام؟
استغربت مثله احس اعرفه وانتبهت على كلامه بهل لحظه راجعت اسلوبه من بداية اليوم لحد هسا.
بتراء: غُرباء و اول مره نلتقي شنو وين شايفني اني باب البيت ما اندله.
سكت بعدما حجى دگ تلفونه، جاوب.
علي سَند: ابو وگعه، بطريق النجف - كربلاء.
لا ما سوالنا شي ما اجت بگصته حرامات.
گالها ونظرلي آني هم كسرت عيني عنه ودرت وجهي للجامه، اكمل كلامه
علي سَند: منا لباجر المسا نبقَى وارجع على النجف
لا ماكو خطر ما دام ال. انسى ما دام جاسر عجز يلحگني الباقين مُجرد زلاطه وحگ العباس، سلام نلتقي بالعتبه الحُسينيه.
اقفل الخط اردف
علي سَند: اي يا براء، منو چآن لاحگچ؟
ضليت ساكته لثواني شنو اجاوبه مستحيل يصدگني.
بتراء: ناس مو زينين.
اكيد لو زينين ما يلحگون بنيه بس شني صنفهم؟
بتراء: من نسل الفُجار.
نضرلي موسع عيونه كأنه حجيت عن ناس يعرفهم.
بتراء: نسل الفُجار هما إلى ما يخافون الله وعادي عدههم الحرام والفواحش. هذوله جانو منهم.
مُتحرشين؟
نظرتله ونزعت الكمامه شفت نظراته تتوزع على ملامح وجهي اردفت.
بتراء: اي مُتحرشين اجيت أزور الإمام بأربعينيته وصار إلى صار.
علي سَند: اهلج وين؟
بتراء: يتيمه ما عندي أهل متوفين.
نزل الكمامه من وجهه وعيوني على ملامحه اول مره اشوفه من بدايه اليوم لحد هسا، اردف
علي سَند: الله يرحمهم.
بتراء: ويرحم موتاك أجمع.
بعدهه كمل الطريق بهدوء لحدما وصلنا للكربلاء
جان الوقت عابر المُغربيه وگف گدام فندق ونزل فتح الباب.
راح نبقى بهذا الفندق والصبح نكمل الزيارة.
نزلت برجلي اليمين سميت بسم الله وبس ادعي بگلبي على يا سَند، انطى السويج للمسؤل عن الكراج اخذ السياره ومشيت بصفه
علي سَند: بويا امشي گدامي موش بصفي ما يجوز.
نظرتله عبالي يتأمر بس من گال ما يجوز تقبلت الموضوع صرت گدامه وهو وراي دخلنا وحجز غرفتين بصف بعض رحنالهم وگف بالباب سلمني المفتاح، اردف
علي سَند: اذا تحتاجيتي شي اتصلي بخدمة الغرف
موجود الهاتف الأرضي.
بتراء: هاتف ارضي؟ شلون شكله.
نظرلي ومستغرب من كلامي، فعلا ما اعرف شنو هاتف او هاتف ارضي. بس اعرف اقرا واكتب ومدرسيني اللغه الانگليزيه.
علي سَند: شلون ما تعرفين شنو هاتف ارضي وشلون شكله؟
بتراء: باوع هو اعرف شكله اقصد اقصد يختلف شكله من واحد للثاني تعال گلي ياهو هذا.
علي سَند: انطيني المفتاح يا حظي انطيني.
أخذها من أيدي واشرلي ابتعد فتح الباب دخل وآني وراه راح يم تاج الچربايه على الميزه الصغيره رفعها يشوفني.
علي سَند: هذا اسمه هاتف ارضي.
تقربت وعلامه الاستغراب مبينه على وجهي
بتراء: Nice، شلون تشتغل؟
علي سَند: شلون تحجين انگلش؟
بتراء: بلساني.
علي سَند: واو على الجواب الما ادري من يا سوك جبتي!
بتراء: ليش انت تشتري اجوبتك من سوگ مُعين، من وين؟
تقدم خطوه انغث من كلامي وآني على گد نيتي وعدم معرفتي بالعالم الخارجي اجاوب.
علي سَند: غباء استغباء؟
بتراء: استغباء طبعا!
عبرته ورحت للهاتف الغريب وآني كلشي ما افهم منه بس سويت روحي افهم اشرتله على دگمه وگلت.
بتراء: بس ادوس هاي الدكمه يحولني على خدمه الغرف.
ضحك وهو يحجي
علي سَند: اي صح هي هاي الدگمه تحولج على خدمة الغرف بس مو تدوسيها بويا. گولي اكبس عليها اضغط. مو تدوسيها برجلج. وحگ العباس احسج من العالم الموازي.
بتراء: ماكو شي يضحك هي نفس المقصد عندي المهم. شكرا على كل حال ما انسالك المساعده ويجي يوم اردلك الدين.
شد الشماخ يعدله اردف.
علي سَند: رديلي الدين بدُعاء اللگه فراشتي.
بتراء: فراشه؟
أنثى بِ قوام فراشه مأسوره في سرآيا العتيم.
گالها وتراجع للباب بعدها دار ظهره وطلع عافني بصفنتي هاذا ليش وصف وضعي بهذا الكلام.
أريم
وصلنا لمطار إزمير، بعدها بالباب سيارة الشركه جانت تنتظرنا السايق نزل وفتح الباب ابويا صعد بعدها عزام ومن بعده عزّهَ بقيت آنا اخر وحده صعدت و مشى السايق. بعد نص ساعة وگف يم فندق فخم وحوالينه مساحات خظراء كلها حدايق. نزلنا اخذو الجنط ودخلوا بابا وعزام، واگفه عزّه كملت اتصالها واجت يمي
أريم: هذا هو الفندق السياحي؟
عزّهَ: فندق ايش سياحة ايش هذا شركة يمان حجي .
عبرتني ودخلت وآنا وراها عبالي فندق.
أريم: او ماي گد للحظه جنت راح اگول الاتراك ما يخلون نجوم على واجهة الفندق مالاتهم، طلعت كل هل فخامه شركه. بس عزاا وين ابدل؟ عزّهَ اوگفي يمعوده.
لحگتها للشركه دخلنا وانبهرت بتصاميمها الفخمه الديكورات من أروع ما يكون كملت طريقي وراها لحدما فتح المصعد على طابق كُله غرف.
أريم: فندق بنص الشركة گتلج لوما گتلج.
ما جاوبت شگد تستفزني برودها. فتحت الباب ودخلت على غرفه قريت اسمها عليه
أريم: الموضفين عدهم غرف خاصه واو.
عزّهَ: انچبي أريم. هذا طابق مُخصص للمناسبات
وهاي غرفتي موو غرفة موووضف.
أريم: تمام رعيده تمام افتهمت.
عزّهَ: بلشي جهزي حالج يلا.
يبو لقب آل رعيده من عند هدهده طالع فيت فيت عليها. كلمن فتح جنطته إلى ما ادري شلون بهل سرعه وصل قبلنا. طلعت الفستان ورحت بدلت كملت وطلعت
أريم: وش رااايج.
نظرتلي وحجت.
عزّهَ: تسودنين بس استعجلي كملي مكياجج والشعر.
تسلك للأخظر واليابس بس ديلا عادي متعودين عليها. كملت مكياج السهره وآنا عيوني مسحوبه
الايلاينر طلع يشك ستين شكه. خليت روج من الغلوس اللماعي لون أحمر غامق عاينت على روحي طالعه اخبل انغرررررمت بنفسي. تحمست للشعر بلشت اشسوره وابرمه بطريقه حلوه، كملت ولبست الكعب وگفت اعاين من فوگ لتحت. الفستان أسود وكل تفاصيله دانتيل ناعم الاكمام الطويله كذالك.
بيها كرستال ابيض ناعم.
أريم: اوييلي شگد ااخبل فدييت جماالي فدوووه لوجههج أريمااا، احوي دقيقه اصور ستريك واغث سيرا.
اخذت موبايلي من الجنطه عزّهَ بس تهز راسها ما عاجبها كلامي. صورت ستريك ودزيتها. عزّهَ هم كملت، ضليت صافنه على جمالها بحيث رجعت اعاين على روحي واقارن كل عقلي. فستانها هم اسود ساده وتفاصيلها فخمه والگصة الصدر تجنن على شكل رقم سبعه.
أريم: تخبلين والله!
ابتسمت بهدوء، اردفت.
عزّهَ: حبيبتي انتي هم تخبلين
حظنتها و نزلنا للحفل إلى صاير بالحديقة مالت الشركه.
هِلال
عزّه وأريم اجو متأخرين فورا صعدو الطابق المخصص للمناسبات. تجهزوو ونزلن، آنا رجعت للبيت تجهزت واجيت ويا أبيل جنت واگفه وياه أمام نفس الطاوله، والزلم عمي وابويا ويا عمو يَمان امام نفس الطاوله اما هَدآم جان واگف يحجي ويا ياسر وثلاثة آخرين، درت وجهي على أبيل شفته سارح
هِلال: بشنو تفكر؟
ما أبعد عيونه عن البنيه وحجه.
أبيل: بهذيج الحلوه.
موسعه عيوني من صلافته.
هِلال: عزاا بعيينك أبيل دخل ابوها يسمعك تعرف هاااي منووو؟
نظرلي ابتسم، اردف
أبيل: ليدي تشك ست سبعين شگه.
عدل ساعته والگرافه راد يمشي، همستله
هِلال: ول عزاا العزااك وين رااايح
ما جاوب عافني بصدمتي وراح بإتجاهه تقدم بخطوات كلها ثقه ورزانه قبل لا تنزل من الدرج للحفله مد إيده اردف.
أبيل: ايدج آنستي الجميله.
ما يجيب راس البنيه إلا التصرف الراقي من الشاب.
خلت إيدها بإيده مع ابتسامه خجوله، رفعت طرف الفسات ونزلت الدرج بمساعدته تقدمو بإتجاهنا تحت انضار الحظور وهو بعده لازم ايدها بطريقه راقيه وفخمه وصلت بين المعازيم عافته وخطت خطواتها باتجاه أبوها إلى جان مبتسم من تصرف أبيل بس أبيل مصدوم هي ليش راحتله، اردفت
أريم: بابا حبيبي الف مبروك استلامك للشركه الجديده توني دريت من عزّهَ.
رجع وگف بصفي ما مستوعب واحد ينظر للثاني اردف.
أبيل: هِلال آنا شسويت؟