رواية ولد الباشا للكاتبة فاطمة الأحمد الفصل السابع
أبيل
بعد ساعه وصلت طيارتي لمطار أثينا الدولي
كملت الإجراءات اخذت الجنطه وطلعت دگ تلفوني چآن عمي.
الأشتر: وينك؟ ول انت تريد تبليني ويا ابوك؟ وينك تعاال بسرعه للبيت
أبيل: ريلاكس أعصابك عمي الغالي
شگد الساعه اي ثمانيه ونص المسا بعده ينرادله نص ساعة يلا يوصل.
الأشتر: ول أبيل آنا مو بالبيت واتصل على
اخوك مايجاوب اذا ابوكم وصل وماشافكم
بالبيت. ينيمني بصف جدكم السابع.
وگفت تكسي اخذ الجنطه دخلها للسيارة.
و آنا صعدت، انطيته العنوان باللغه اليونانيه
أبيل: حي بلاكا
اي چآ ليش ما تتصل بأبنك ول عمي
هسا تلگاهم سوا لو بالبيت لو.
الأشتر: لوو؟
أبيل: باوع عمي الغالي ما اريد اخذ غيبتهم
باجر شلون اوگف گدام الله، بس اوصل نحلها
الأشتر: ما چذبت أمكم يومن گالت لا تخرب تربية ولدي...
قبل لا اجاوبه قفل الخط بوجهي نظرت للموبايل، اردفت
أبيل: يااا على يااا ضرغام
هسا شگلت حتى تسدها بوجهي!
- قُلت لي حي البلاكا.؟
أبيل: لا منطقة مناوي باشا
خويا امشي لا يطخ براسي.
امشي على حي بلاكا ماا عندي وقت.
وگاع
وصلنا للميناء وگفت اليخت اتصل أبيل
عاينت عمي يريد ينزل رديت عليه.
وگاع: وصلت لو بعدك؟
أبيل: ول ابن عمي الغالي هذا ابو التكسي
طلع جديد بالمدينة وما يعرف العنوان إلا شويه وانزله اسوق بمكاانه وعلى الضرغام
أبويا وين؟
نظرتله بعده واگف يحجي مكالمه
وگاع: يحجي مكالمه، أبيل شعجب طاافي
داللعن ابو التكسي احرگه واگعد سوق بمكانه ترا والكفل زينب بعدما اغطي عليك.
أبيل: اخي على اليمين ااطبگ.
ول أبو وگعه المحروسه مو يمي اخذوها بالمطار.
وگاع: جداحه عندك ولتر بانزين.
فكر بيها.
أبيل: أبو وگعه لا تحرظني على العنف
باجر شلون اوگف گدام الله.؟ ألوو
نزلت النظاره من عيوني سكتت
الباشا: ويامن تحجي؟
وگاع: دا اتصل اتصل بأخويا مايرد
الباشا: تمام انزل تأخرنا الساعه راح تصير 9 المسا
عافني وطلع ينزل من اليخت شفت أبيل قفل الخط اخذت اغراضي ولحگته. نزلنا مشيت وراه للسيارة فتحتله الباب نظرلي كأنه شاك.
عدنه شي آنا والشباب.
الباشا: وگاع اصعد وامشي بسرعه مو مرتاحلكم
سديت الباب وانداريت اصعد رفعت راسي للسما قبل لا اصعد اردفت طگت روحي من سوالفهم التعبانه
وگاع: يا ربي واحد اخويا والثاني ابن اعمي أما الثالث أبيل الموازي
الباشا: ابني تصعد لو انزل اسوق مكانك؟
لبست نظارتي وصعدت شديت الحزام
انداريتله، اردفت
وگاع: ول عمي الغالي شلون اخليك تسوق
چآ وآنا شني.
الباشا: أنت ابن الهمج انزع الزفت من عيونك بهل الليل شلون تسوق يا غبي.
نظرتله ونزلتهن من عيوني طبگتهن اردفت
احاول اضيع وقت.
وگاع: عمي الغالي تُعرف شتعلمت منك؟
الباشا: وگاع اعرف دا تلعب بذيلك وياي
امشي اابن القنددره امشي الله اعلم ولد الهمج وين دايحين هساا
رجعت لمكاني شغلت السياره اردفت
وگاع: والله اجيت اگلك تعلمت الصبر منك.
بس تراجعت، عوفك منهم ول عمي بالبيت هما ما يكسرون كلمة ابويا.
جنت انظرله من الجامه، ورث جگارته وما جاوب يريد يتأكد من كلشي قبل لا يحجي يدخن وينظر للشارع استغليت الفرصه راسلت وَتان ما جاوب راسلت إيمار شاف الرساله. رد بإيموجي الگالب عيونه
الباشا: عينك وين.؟
وگاع: گالبها والله اقصد عمي مشغل القيادة الذاتية.
الباشا: جيب موبايلك.
وگاع: تمام راح ارجع اسوق عادي
الباشا: ولد الهمج اشتر، وراكم سالفه انطيني الموبايل لا أحرگ ابوك
جنت اسجل ريكورد لمن حجه هيج دزيته.
للأربعه بگروب واحد وحذفته من محادثتي
انطيته الموبايل. ضل يگلب بي، إلى أن اردف بهدوئه المربك
الباشا: وگاع.
البتراء
لزمت ذراعها ادفع بيها واطردها من الغرفه
بتراء: داللعن جَساار العااار ااطلعي برااا
الحارس راد يتدخل بس رگعت الباب بوجههم
گعدت ورا الباب لازمه راسي ارجف ررجف من العصبيه اليشوفني يگول من الضعف ترجف آني بالعكس من العصبيه وقوة التحمل ارجف، باوعت على روحي لابسه بجامة نوم حرير احسن شي اغيره واللبس تراك عادي
گمت حتى امشي للحمام انكسر الباب
عليه وگعت تحته والباب فوگ ظهري.
متت من الألم لمن عبر برجله عالباب صرت اصرخ بدون بچي ما ضال دمع بعيوني
نزل خطواته گدام راسي لابس بسطال
اسود شبه عسكري رفع الباب بإيد وحده
وكنبص گدامي اردف
عزيزتي البتراء تالي ويا عنادچ؟
لف شعري على ايده ورفع وجهي بوجه
اردف وهو يشد على الكلمات.
ناجي: يعني لشووگت تضليين تعاندين بترااء لشووگت يعني يووميه عمي يدزني عليييج يوميه دگ دفررات يلا تفهمين؟
مخليه عيوني بعيونه وهذا الشي عصبه بزياده اردفت وآني احاول اوخر ايده من شعري
بتراء: لو تموتون ما اخضعلكم لو تموتون
أهنا أهنا ادفنوني أسهل عليكم لأن آني البتاره ما اعفي عنك وعن ااخوك القتل امي
بكل دمم بااارد ياا فُجااار
ضربني راشدي انجرح طرف شفتي
تقرب مسح الدم بإبهامه ويبتسم بطرف شفه
تربع گدامي تصرفاته ما متوقعه، اردف.
ناجي: باوعي بنت عمي احنا حاليا
بروسيا مو بالبصر هنا البنات يروحن حفلات.
وسهرات، المفروض تشكرين هذا شسمه ربج اي ربج تشكرين ربج على نعمة هيج ابن عم
عقليته منفتحه. وتخيلي جبنالج فستان يخبل متأكد يطلع يشگ شك عليج يلا گومي البسي
كل عقله لزم ذراعي يگومني نترت ايده
تفلت بوجه احجي واصيح بصوت عالي
بتراء: ماا كفااك تكفرر بااالله گمت تتمادى
زيااده عن اللزوم يااا حقيرر اامشي اطلع براا
مسح وجه وهمج عليه لف شعري ورگع
راسي بالمرايه وگعت والدم ينزل من جبيني.
جنت فرحانه گلت راح افقد الوعي ويعوفوني
بس. ما صار هيج الله انطاني قوه وتحمل
ثبتت اديا عالأرض شويه صرت دايخه من الضربه ثواني وتوازنت رفعت عيوني انظرله
من بين الخصلات النازله على عيوني نادا الخدم.
ناجي: تعالن بنات تعالن رتبن البتراء
اهم شي تلبسوها القناع عبن الحفله حفلة
أقنعه.
گالها وضحك بصوت عالي.
راح گعد عالچربايه يدخن وينظر للسلاح مالته، اجن الخادمات ساعدوني حتى أگوم.
دخلت للحمام ودخلت البنيه العراقيه الوحيد
من بينهن، وگفت گدام المغسله اباوع على نفسي
- آنسه اساعدج.؟
اردفت بدون لا اندارللها.
بتراء: بس جيبي مُعقم داللعن ابوهم
انجرح جبيني والگزازه بيها
طلعت الإسعافات الأولية بديت اطلع الگزاز
من جبيني وآني گلبي ميت ما احس بالوجع
كملت وخليت بلاستر شفاف غسلت وجهي وطلعت شفته يشرب. ويفتش بكنتوري.
ناجي: هاي شني كل تراكاتج اسود يا مرت اخونا؟ شويه ألوان يمعوده احمر احمر يخبل على جسمج جربي.
رحت سحبته ورگعت باب الكنتور، حجيت
بتراء: اوول شي تاااكل نعل آني بأحلامك
ماا اصير مرت ااخوك ثاني شي منن تتزقنب هذاا السُم لا تلطخ غرفتي بيهاا
تقدم خطوات ويحجي ويا كل كلمه يميل راسه
ناجي: اول شي اذا مو لأخويا صيري مرتي
آنا. رجال طول وعرض هيبه و شخصيه اخبل.
ثاني شي الزقنبوت هذا ياما شربناچ منه، لحد هسا ما تعودتي عليه.؟
سكتت تذكرت كل مره شلون جانو يجبروني
اشربه. دخلو الخدم جايبين الفساتين اسود كلها معلگه. تقدم يشرب ويدور بينهن طلع فستان
ناجي: شني رايج بهذا.؟
اوو نسيت مالچ رأي، لا ندور غيره.
اختار فستان طويل وبيها قصه بالطول لحد فوگ الركب والدلعه فاضحه اندارلي يباوع بطولي اردف
ناجي: هذا nice
شمرها بوجهي وحجه ويا الخدم
ناجي: يلا يَ حلوه ساعديها. مستعجلين.
بتراء: ناجي اطلع برا
ناجي: اللبسي خل انزلج وياي
مال اعوفج ما اعوفج يلا بيبي تلبسيها لو آني اتصرف؟
عبرت الميز لزمت البطل كسرته بالحافه
هديت عليه لزمته من ياخة القميص واحجي بصراخ
بتراء: حيوان مااتفهم تطلع براا لوو اخلص عليك يااا حقيرر
لوا ذراعي و اخذ البطل المكسور وصار يمرر
الگزازه على متوني يخدش الجلد وينزل لحد المعصم كررها واردف
ناجي: شنو ناقصني حتى ابوج يزوجج
ل جاسر مو إليهَ؟
بتراء: هوو الأسسمه ابويا بنفسه ناقص
نااقص غييره ياا حيوانات اانتُ مثل الوحوش فُجاار لا حلال يمنعكم ولا غيره عدكم
دفعني وگعت عالچربايه انداريتله
بتراء: باوع يا حقير بعمري ماتوسلت بيكم
ترحموني ولا راح اتوسل هسا حتى ما احظر الحفله لا. بالعكس هسا آني الراح احظر وبكامل إرادتي
ناجي: يعني خليتي عقلج براسج؟
گمت عدلت شعري شلت الفستان
بتراء: خليتكم براسي ومن هل لحظه
بلش انتقامي.
عفتهم ودخلت الحمام قفلت الباب وگفت گدام المرايه كل هذا الإحتراق بداخلي وبعده وجهي
مورد ما مبين عليه الإنكسار الإجبار الإحتقار
تعبت اريد أبچي اريد اصرخ اريد يطلع صوت
الطفله الماتت بداخلي اريد احرر روحها الماتت
يومن شافت امها تنقتل گدام عيونها.
بقيت دقايق هيج انظر لنفسي ملامح بارده
مابيها ذرة حزن عيون مابيهن دمع والعكس
بداخلي. استغفرت الله وبديت ابدل لبست الفستان باوعت على روحي الوشم الموجود.
بنص ظهري وبالطول باين، الفراشات واضحات ثلاثتهن. حاولت ارفع الفستان ماينفع
بتراء: الله لا يغفرلك جسار الله يحرگك بجهنم
شلون ما حرگت گلبي على فراگهن.
فتحت شعري ورجعته ورا حتى يغطي الوشم
ما خليت مكياج لأن وجهي صافي مايحتاج بس رسمت حواجبي والروج احمر بارز.
طلعت من الحمام وگف يصوفر ويحرك راسه فوگ وتحت منبهر بنظرات وسخه ينظرلي.
ناجي: هاااي شنييي هاااي
ول يروحولج سبع فدوات الروسيات اخ شلون حظ شايل هل جااسر اخ.
عبرته ورحت للكنتور طلعت كعب عالي
اللبسه وگفت جاهزه حتى انزل، مد ايده للخادمه خلت القناع بإيده، ينظرلي والجگاره
بطرف شفته اردف.
ناجي: ولو انتي بألف وجه بس الحفله ما تكمل بدون القناع لازم تنسيق اغاتي.
راد هو يشدها على وجهي بس نترت ايده وأخذت القناع جان لونه ذهبي وعلى شكل أجنحة وگفت گدام المرايه للمره الألف
ادوس على مبادئ وامشي بهذا الطريق غمضت عيوني رددت بهمس قبل لا أشده.
بتراء: على يا سَند على يا سنَد.
شديت القناع فتحت عيوني نظرت لنفسي ولطولي كلشي يلفت النظر، اجا لزمني يجرني وياه
ناجي: اامشي وياي وصلت حدهاا
بتراء: لا تصير حمار ترا اعرف امشي
حررت ذراعي من إيده وطلعت مشيت بالممر
الموجود بين الغرف. وصلت للدرج شفت فوكت ال100 شخص موجود بالحفله كل ثنين او ثلاثه واگفين يم طاوله ويشربون او يحجون والكل لابس اسود والاقنعه ذهبيه
إلا الجسار بدون قناع. دفع بظهري
ناجي: انزلي يلا.
نظرتله بإحتقار، درت وجهي رجعت غمضت عيوني اردد الجمله المعتاده عندي بهيج مواقف.
بتراء: على يا سَند على يا سَند
خطيت اول خطوه نحو المجهول نزلت الدرج
الأغاني توقفت بس صدى صوت الكعب ينسمع. نادا بأسمي واحد من منظمين الحفله
- سيداتي ساده الحظور رحبو ويانه
بالوريثه والأبنه الكبيره لِمالك شركة AGR Group للصناعة والتجارة بتراء الجَسار
الكل بلشو يصفگون ويتهامسون بين بعضهم.
مشيت بخطوات كلها ثقه وغرور وگفت بصف جَسار ابتسمتله مستغرب ليش واگفه بصفه
اردفت بإذنه
بتراء: بتراءُ الجَسارِ والبادئ أظلم
رفعت راسي رجعت انظاري للحفله الاغاني
اشتغلت مره ثانيه والخدم يوزعون مقبلات
ومشروبات على المعازيم. مر بصفي
اخذت كلاص انداريت للجسار رفعته بوجه
بتراء: ابي الغالي يومن اشربه بعزاك
شربته دفعه وحده وشمرت الكلاص بنص القاعه. الكل اللتفت.
بتراء: اوپس، بدون قصد كملو حفلتكم.
عبرت على الگزازه انكسر تحت الكعب سألت عن الحمام دلوني عليه. مشيت جان حمام الزلم والنسوان بصف بعض. دخلت ماكو احد بسرعه فتحت الماي دخلت اصبعي
بحلگي استفرغت المشروب كله كررت هل حركه لحدما تأكدت ما ضل قطره بمعدتي
انفتح الباب رفعت راسي بالمرايا شفته شخص طويل لابس رسمي وشاد قناع مثل الموجودين بالحفله سد الباب، وگف مباشرةً
وراها ينظرلي فوگ وتحت اردف
- بتراءُ الجسار ليش تشربينه وبعدين
تتقيئين غصب.؟
غسلت حلگي اخذت كلينس رتبت الروج
وبعدني اراقبه بالمرايا بدون لا احجي او التفتله انداريت وآني انشف أيدي بالكلينس
بتراء: حمام الذكور بصف هذا الحمام
توكل اطلع لا آني اطلع بروحك ترا واصله حدها.
- أعصابج بتوره أعصابج خلينا نتعاون؟
تقدمت خطوات اردفت
بتراء: مارايد روحك؟ دا اگللك اااطلع برا
لا ااطلع بروحك يا غبيي
لزم إيدي وسحبني عليه اندار ولزگني بالباب
وجه بوجهي ثنينا مقنعين اردف.
- الله لا يسامحج بنيه فحله من وراج جاي ارتكب ذنوب ولازم اصلي فد ثمان ركعات توبه لله.
بتراء: اييدك اكسررها واحملك ياها
ويامن ورطت روحك.؟
اردف أسمي بحروف متقطعه هو كذالك يميل راسه ويا كل كلمه
- ب ت راء الجَسار ول خالي شلون اسم!
بتراء: هو بسس اسمي راعبكم چا لو ابدي
اصفي حساباتي شتسون؟ نااجي الحيوان
اترك ايدي
- ارجع وأگول بنيه فحله شلون ما ادري
بس فحله شهل قوه العندج سنين وماگدرو يكسروج؟ ومنو هذا نعال حيوان.
بتراء: تلعب ويايه عالحبلين الثالث
اشدك بيها واجرك جر. تبتعد مثل الأوادم
ولو حيوان ما تفهم بس ارفق بيك.
لزم فكي يعصره بإيده اجت عيني بعينه لونهن رمادي وسعن عيوني هذا لا ناجي ولا نائل ولا جاسر، منو هذا المقنع، اردف وانفاسه تلفح وجهي.
- عايني بعيوني واحفظيهن
زلمة الدواوين لا يجرني خصر ميَّال ولا عيون
غَزال
تغيرت نبرته يحجي بإبتسامه.
- بغلاة أمي رجال صايم مصلي تجين سِيده على عيني وراسي ما تجين سِيده. اتعّذر لأمي
عبن راح انسى تربيتها لدقيقه، وَ اللهُ غفورٌ يغفرُ الذنوب لِمن تاب...
بتراء: دااللعن الزلمه اليحاول يجبرني
يااا عوف إيدي. من وين تعرفني.؟
- لا تتفاجئي
اعرف قصتج من الألف إلى الياء بس وجههج باقي ما شايفه والله. انزعي القناع خل تكمل الذنوب.
بتراء: شاارب والله دباع وضعك شلون تحجي هذا انت المايجرك خصر ميال وعيون غَزال.
شلون تعرف قصتي وَ الشاهد بس الله واربع حيطان؟
- عايني يل فحله مو ضروري تعرفين
جواب هيج سؤال. هسا خل نعقد صفقة انتي انطيني معلومات وآني احررج منهم؟
وگاع
جنت اسجل ريكورد لمن حجه هيج دزيته
للأربعه بگروب واحد وحذفته من محادثتي
انطيته الموبايل. ضل يگلب بي، إلى أن اردف بهدوئه المربك
الباشا: وگاع.
نظرتله من الجامه اردفت
وگاع: وياك عمي الغالي.
الباشا: إيمار رد على البصمه المحذوفه.
وگاع: هاا؟ رد؟ ايي جنت ساحگ بالحجي
وحذفته عمي شگايل إيمار؟
الباشا: الدايح شوگت يرد مثل البشر
راد عليك بإيموجي اليوغا.
وگاع: ههه اي اي قصده هو ريلاكس وگاعد بالبيت بدون سوالف مكسره.
الباشا: هاك الموبايل وما اريد اشوفها بإيدك اثناء القيادة. مفهوم؟
أخذته منه شمرته عالدشبول، اردفت
وگاع: كفيلك جدي السابع أنت قدوتي في الحياة. Love عمي الغالي
الباشا: دير وجهك وگاع دير وجهك
وگاع: قياده ذاتيه عمي.
الباشا: داللعن ابو القيادة الذاتيه دير وجهك
ول ابن الهمج شلون ابتليت بيكم.
أبيل
فتحت الريكورد سمعته وبسرعه تصرفت
بعدما اجبرته يطبگ صفحه
أبيل: يلا يبعد اخوك انزل...
نزل مجبور راد يصعد ورا صيحت عليه
أبيل: ما كفاك ورمت گلبي انوب تصعد ورا
سايق للخلفووك؟ اابني تعال اصعد گدام لا امشي واعوفك هنا و على الضرغام.
- تمام.
صعدنا وشديت حزام ابتسمتله اردفت
أبيل: احب الناس التسمع الكلام وتمشي سِيده.
بدلت الگير دعست بانزين والسرعه 150.
ابو التكسي تخبل يشيل روحه ويرگعها بگاع خايف على التكسي أكثر من روحه.
أبيل: خليك ريلاكس خليك ريلاكس
اشتريلك جي كلاس اذا تسكت وتريح راسي من صوتك
اردف الكلمه بالعربي
- مجنون انت مجنون
أبيل: أعقل مني ما تلگى من بين ولد الباشا.
بس خل افزع لأخويا الصايع واعوضك
انت بس سجلل رقمي الدولي أغاتي سجل
81264587
نظرتله صدگ دا يسجل الرقم، اردفت
أبيل: احم اهاا خل اگلك شغله ترا.
كلنا نمشي بكلام الباشا حتى عمامي ف ادعي ليل ونهار ابويا يوقعلي الشييك حتى اشتريلك جي كلاس. هذا اذا لحگت إيمار قبل لا يديح مره ثانيه وانضرب بوري بسببه.
- مجنون انت مجنون
أبيل: ما حافظ غيرها؟
بربع ساعة وصلت للمنطقة البيها بيتنا
دعست بريك قوي وگفت بعيد عن البيت سيارة ابويا توه واصل وگاع لمحني أشر أعبر من بيت الجيران وادخل من الباب الخلفي.
أبيل: دخيلك ياا على اللحگناا
نزلت شلت الجنطه فتحت ساعتي مديت ايدي.
أبيل: rolex عيار 18 ما تجيبلك جي كلاس بس مشيني خالي وهاك سلسال فضه كذالك ورقمي وياااك وعلى الضرغام بس ادعيلنا.
عفته بصدمته وركضت لحديقة الجيران
عبرت السياج ومناك انداريت على بيتنا
ما لحگت اروح للباب الخلفي ابويا حافظنا
اجا بإتجاه الحديقه عمي الاشتر فتحلي الشباك اخذ الجنطه وقفلها وآنا لزمت المرشه فتحتها وبديت ارش الحديقه وعيوني على خطواته.
الباشا: شتسوي هنا.؟
أبيل: ارش الحديقه يابه.
الباشا: بنص الليل. وظلمه ما مشغل الاضويه؟
أبيل: أعود روحي على ضلام الگبر يابه.
ابتسم ضربني خفيف على رقبتي من ورا وسحبني عليه يحظني.
الباشا: ول ابن الباشا كلشي بيك حاروگه حتى لسانك
أبيل: المايطلع على والديه لعنة الله عليه. مو لو مو مو؟
الباشا: انچب وامشي گدامي من وين تطلعون هيج مُفردات. امشي گدامي.
اخذت نفس ورحت قفلت الماي مشيت وياه للبيت وگاع بالباب واگف وآنا ورا ابويا واحد يأشر للثاني. بالحواجب، اندار عليه
الباشا: ليش ما يفتحون الباب.؟
وگاع: ها اجا ديفتح قافلين الباب على روحهم
فتح الباب واحد ينظر للثاني، اردف
الباشا: وگاع وأبيل فوتو گدامي.
الأشتر: لا ول خااالي انت فوت وهما بعدك يا بعد اخوك.
دخل للبيت وهو ينظرللنا بنظرات الله يسترنا
وگف بنص الصاله خلى إيده ورا ظهره ناده
عليهم.
الباشا: إيمار. وَتان.
ثلاثتنا وراه محتارين شنو نجاوبه
الأشتر: طلعو للمطعم يتعشون وَ يرجعون
باوع على عمي الأشتر بطرف عين اردف
يحاجيني.
الباشا: روح على غرفته تأكد اذا الگيتار
موجود لو لا.
الأشتر: أخذهه وياهم...
الباشا: للمطعم.
أبيل: يابه بعده مو واعي.
وگاع: 21 سنه بگد جدي.
أبيل: لا تزيد الطين بله.
الأشتر: ول خااالي أعصابك ابني وياه لا تخاف عليه ما يصيرله شي.
وگاع: إيمار خرب تربية وتان.
أبيل: 23 سنه بگد البعير ليش هو الما خرب تربية اخويا.
تقدم ابويا يحجي بعصبيه ويا عمي
الباشا: وصيتك عليهم لو لا.؟
الأشتر: وصيتني بس طلعو من ايدي شسوي.
الباشا: ول اشتر شوگت تكبر؟ شوكت تستوعب انت مو بعمر ال25
وگاع: الأحسن نرجعهم للبيت احتمال بأيي وقت يتم استهدافهم.
أبيل: دخيلك يا على يااا ضرغام
اتروح ترجعهم شنوو خوما مزعطين خل يتعلمون يدافعون عن نفسهم.
الأشتر: كلام أبيل صح
ما رد، راح للدُرج فتحها واخذ سلاحه.
وشال اسلحه النا شمرها بوجهنا لگفناها
الباشا: امشوا ماكو وقت وخل اشوف من نرجع للبصره شلون يديحون غادي.
الأشتر: خويا بس اسمعني.
طلع للباب بدون جواب طلعت كفوفي من جيب القمصله لبسته بإستعجال اردفت
أبيل: دخيلك يا على اللحگنا امشي ابو وگعه
الأشتر: كفيلك جدنا السابع اربيهم اليوم
أبيل: استر علينا مكفينا ابنك لا تصيرون اثنين.
دفع بكتفي يحجي
وگاع: ول شهل ميانه ترا عمك مو ياسر التحاجي.
الباشا: اصعدو يا اصعدو خل اشوف تاليها وياكم.
وگاع: آنا اسوگ السيارة.
عبرته وصعدت
أبيل: آنا اسوگ و اطيرك طياره اصعد لا تأخرنا.
اتبعت الموقع بنص المدينة يبعد ربع ساعة
اختصرتها بعشر دقايق وصلت وگفت السياره
عمي وابويا نزلو بطولهم وبهيبتهم گدام أكبر نادي ليلي موجود بأثينا اليونانيه.
الباشا: مُصر يجبرني اتصرف وياه تصرف
ما يرضينا ثنينا.
أبيل: يابه بس طول بالك
وگاع: ندخل لو نبقى هنا.؟
تقدم ابويا يمشي وعمي بصفه آنا باليمين، وگاع باليسار الحارس اخذ الأسلحه منهم وسئلني.
- سلاحك.
أبيل: عفته بالسياره.
فتش خصري وما لگى شي سمحلنا بالدخول
مكان شبه مضلم وبس الاضويه الملونه والحماسيه تضوي القاعه.
صوت ال DJ صدعنا معلي الصوت لآخر نقطه ثنينهم واگفين بفانيلة التعلاگه لابسين الشفقه بالمگلوب.
لبس السماعات بأذنه بلش الريمكس رفع إيده وبصوت عالي يصييح رغم محد فاهم لغة الاغنيه بس الكل متفاعل وياهم، وتان چآن بس يردد وراه
إيمار: بالدنيا عايش گوه
وَتان: بوياااا
إيمار: والقهر شيب راسي
وَتان: بوياااا
إيمار: ما بية احرك ايدي
وَتان: بوياااا
إيمار: ثگلت علية انفاسي
وَتان: بوياااا
إيمار: منين انا اتلگاها
وَتان: بوياااا
إيمار: من ربعي لو من ناسي
وَتان: بوياااا
إيمار: احساسي ورقة بيضة
وَتان: بوياااا.
إيمار: شخبطوا فوووك احساااسي
صوت ال Dj صدع راسنا وهذوله مستمرين وراها
إيمار: وآنا الچنت مثل الجبل الدنيا افرها بيمنااي بس هسة من ضيمي متت بوياااي اصيحن بوياااي.
بسبب الصوت العالي انجبرت اصيّيح بإذن عمي الباشا حتى يسمعني
وگاع: ول عمي الغاااالي ابنك ديصييح
علييك بوياااي اصييحن بوياااي
أبيل: على اساس اخوك يصيح على امك
ماهو هم يصيح على ابوك شمعنى تزيد النار حطبب
ابوي چآن ساكت اعرفه مستحيل يكسر إيمار
گدام خلق الله كلهم منتظر يخلص الاغنيه حتى يستلمه. بس نظرللنه بمعنى انچبو درنا وجهنا. النادري مليان عالم ترگص وتردد بتفاعل ويا الريمكس.
إيمار: شصبر بعد مالي خُلگ
اي عيشتيش العيشة هااي
وتن بس يلحن وهذا يغني
إيمار: لَمن طحت گدامهم ياا بوويه
فرحو و دگ دمامهم يا بووياا
عافو الچان حزامهم يا بوويااا
طاحت عليه اسهامهم ياا بويااا
الريمكس استمر يرج المكان إلى أن صار الصار، دخلو ثلاث إلى اربع زلم من بين الموجودين صعدو عالستيج ورگعو راس إيمار ب بطل مشروب نزل على ركبه لازم راسه وَتان
انلزم وبدو يضربونه. العالم بلشت تصرخ.
واحنه دا نحاول نوصل الهم صاح بيه
الباشا: أبيلل اللحگ اخواانك بسرعه.
وَدق
الوقت عابر ال10: 30 حبوبتي نامت وبقيت وحدي گاعده طلعت من غرفتها، قبل لا اصعد على غرفتنا
بقيت واگفه بنص الصاله اباوع بتفاصيل
بيت چبير لا بل. قصر فخم من أحدث الديكورات بس هيكل بارد. رابط براد
غموض وأسرار موجوده بين ثناياها
الرفاهيه والخدم، املاك وسيارات
بس رغم ذالك حياتنا تدمرت انحرمنا من امنا
الأخوات كلمن بمدينة او كلمن ببلدك طشرنا
دمر حياتنا وبعده مستمر، جريت نفس زفرته.
وصعدت على غرفتهه، دگيت الباب دخلت شفتها لابسه النظارات الطبية وتراجع
إحدى قضايها.
وَدق: المحاميه رقرق عدها مجال النا.
اندارت إلى بإبتسامه تحجي
رُقيه: چاا شلون ماعندي وقت فوتي
وَدق: أُختي سندي في الحياااة
مشيت خطوات سريعه حظنتها وهي گاعده عالكرسي.
رُقيه: هاي شبيج يمعوده اختنگت ابتعدي خل احاجيچ
ابتعدت سحبت كرسي وگعدت
رُقيه: شلونها حبوبه؟
خليت أيدي على خدي اصفن عالملفات واحجي
وَدق: انطيتها علاجاتها ونامت.
رُقيه: ضغطها شگد؟
وَدق: نزل لل15 الحمدالله، رُقرق.
جاوبتني وهيه تطبگ الأوراق
رُقيه: عيونها احجي
وَدق: اذا حبوبه صارللها شي لا سمح الله لا سمح الله، احنه شيصير بينا.؟
ضلت ثواني تنظر بفراغ بلعت ريگ نظرتلي وحجت
رُقيه: ما ادري. بس مستحيل اخلي جسار
يأذيج
بدون كلام حظنتها وضلت تمسد على شعري
وَدق: رُقرقتي أنتي وسُعاد كُل ماعندي
لا تيتموني اموت بعدكم.
ضربتني خفيف على راسي وتبوس بيه
رُقيه: أنچبي يا ثوله شهل كلام.
ابتعدت امسح عيوني اردفت
وَدق: جسار بعدما يرجع من سفرة روسيا
وعدنا يجمعنا بأختنا الچبيره.
رُقيه: وانتي صدگتي؟
يچذب علينا والعباس يچذب مثل ما عمتي الحيه چذبت وما رجعت اختچ من تُركيا
وَدق: يعع خل تولي هيج اخت متبريه منها
انوب شفت صورها بالأنستگرام صايره مثل زعيمة العصابات هيج منزله صوره لابسه اسود چنها غُرابه ومكياجها مال حفلات هالوين.
زلخت خدودها ما مصدگه
رُقيه: عزااا وَدق عزااا تتشااقيين.؟
وَدق: لااا والكفل مولاتي ما أجذب كفيلج العباس، دقيقه اطلعلچ البوست
جبت موبايلي دخلت للأنستگرام
دخلت لحسابها طبعا بحساب وهمي
وَدق: باوعي الرعب الحقيقي باوعي
گامت اخذت الموبايل و تزلخ خدودها
رُقيه: عزااا هااي شبيهااا صايره عصابچيه.؟
وَدق: ليش قبل چانت بياعة ورد. غير تربت ويا الحيه مع احترامي للحيه بس عمتنا صايره احيى
ضحكت وتدفع بيه
رُقيه: عزاا شلوون احيى منين طلعتي هيج مُفرده.؟
أشرت على عقلي.
وَدق: من هُنا ينبعُ الفِهمُ والذكاء
سكتنا شويه و اردفت
رُقيه: احس العوض بأختنا الچبيره
هاي الغُرابه متسممه بسُم الجسار اما اختنا
هذيج مأسوره مثلنا.
وَدق: ما استوعب جسار ليش هيج يسوي؟
ليش حارمنا من بعض ليش حتى صوره للبتراء ما عدنه.؟ معقوله وراها سر؟
شالت الملفات ورتبتهم، اردفت
رُقيه: وراها سر اوما وراها راح استمر بالبحث عنها، يمكن هيه ما تدور علينا بس احنه راح ندور مراح نستسلم.
راحت للكنتور تطلع تراك النوم، واني وراها
وَدق: قبل لا يسافر ويا جسار. آني سمعت ناجي يحجي عالتلفون.
اندارتلي مركزه بكلامي
وَدق: گال انطوها العلاج خلوها تحت تأثيره
وگال بالحرف الواحد لا تخلو بتراء تشوفها
رُقيه: شلون؟ من شوگت هذا الكلام.؟
وَدق: قبل اسبوع لمن وصلني للجامعه
رُقيه: وليش ما حجيتي وَدق لييش ما حجيتي.
راحت للموبايل تدور بي شغل تسجيل صوتي ل نائل يحجي نفس الكلام.
-- انطوها العلاج لازم ما يروح تأثيره، إذا بتراء شافتهه كلشي يخرب
وَدق: مو هذا التسجيل اللي سجلناها
بيوم الحفل.؟
رُقيه: بلى نفسه سمعتي؟ نفس التحذيرات
أكو سر أكو نقطة قوة للجسار، هاي الإمبراطورية ما تكونت من لا شيء أكو شي
وَدق: بس ليش الكل خايف من البتراء.؟
أنه تعرف وبعدين منو هاي إلى لازم ما يروح منها تأثير العلاج وعلاج شنو دختتت.
گعدت تنسخ التسجيل على أكثر من فلاشه
وگامت ساعدتهه وخرنا الكنتور فتحت الخزنه.
السريه حتى جسار ما يدري عنهه احنه سويناها بمساعدة حبوبتي. قفلت الخزنه
ورجعنا كلشي مثل ما چآن
وَدق: هسا شني.؟
نظرتلي محتاره.
رُقيه: اول شي ندور معلومات عن القصور
اللي يمتلكها جسار بالبصره. وبعدها
وَدق: نبحث عن المقصوده بالتسجيل؟
رُقيه: yes هيه راح تكون الحجر
الي يسقط الملك بلعبة الشطرنج. اليلعبها بينا.
وَدق: نحجي لسُعاده؟
حجت بنتر بسرعه تتعصب.
رُقيه: وَدق تخببلتي تريدين تموتييها
مراح نحجي شي.
وَدق: طيب سؤال بتراء وين؟ بالعراق لو بتركيا لوو ويين راح اتخبل
رُقيه: بعدما تأكدنا بتراء خطر على جسار
فهي مستحيل تكون بعيده عن عيونه، جسار
برحلة عمل بروسيا. واكيد ماخذها وياه
وَدق: ومن يرجع للعراق يرجعها؟
رُقيه: اكيد يرجعها بس مستحيل يخلي جنس البشر يلمحها.
گعدت عالچربايه لازمه راسي محتاره
وَدق: رُقيه راح اتخبل من هاي الدوامه
شوگت نحل اللغز شوگت ناخذ حق امنا ونرجع اختنا من بين إيد شخص ضالم وبَتّار.؟
گعدت بصفي جرت راسي تحظني وتحجي
رُقيه: والعباس ما اعفي عنهم كُلهم راح يتعاقبون، الجسار، نائل، ناجي، جاسر، كُلهم.
أبيل
ابويا وعمي طلعو من القاعه آنا وال وگاع
استلمناهم كنبصت طلعت السلاح جنت مخليه بالبسطال ومنزل البنطلون عليه وگفت اركب كاتم نزلت الشفقه على عيوني ومشيت بين الناس التركض تحاول تطلع
وگاع: تمشي على بييض لوو شنوو ول اخووك غررگ بدمه اللحگه
أبيل: اخووك اسوء خل يتأدبون عاجبني الوضع والله.
هز راسه وكمل يضربهم ويعارك وَتان
استوعب واجته لحظة ادراك، شال الDJ رگع راس واحد جان واگف ورا وگاع يريد يخنگه.
وَتان: دخيييل جدي السااابع
اي عيشتيش العيشة هااي ااحناا ثُنائي مسالم لييش تلطخوون أيدينا بدمهمم
اندارله وگاع مستغرب منه
وگاع: ولك وَتااان حااولت تقتل علموودي؟
وَتان: چااا شني ول خااالي غير اخوويا اعوفه يخنگ بييك.؟
وگاع: ول تعاال احظننك
إيمار: ول خلص دمي چااا اخوويا شبيي مچلوب ما يفزعلي؟
رفعنا راسنا لمن أبيل هد على اخر واحد جان ساحب أقسام موجه السلاح براس إيمار
ضربه بالسلاح على رقبته فقد الوعي. سحبه.
بعيد واجا وگف گدام إيمار يحجي وياه ويأشر بالسلاح
أبيل: الصايع الدايح الشلايتي محد غيرك مچلوب امشي گداامي امشيي ابوو الملاهي
نظرله لازم راسه عدل الشفقه وگام
إيمار: رحم الله والديني خوش اخو عندي
هذا بدال ما تصير مثل ابو وگعه
أبيل: صيرلي مثل وَتان واصيرلك مثل وگاع
امشي گداامي لا اهنا ارشك بلتر بانزين وافضها.
وَتان: ول خااالي ينظرب بيه الَمثل
خيااي زمله ومو حجي خيااي يمبچي البچي
إيمار: وَتان وين الگيتار.؟
دور بعيونه لگاها راح جابهه
وَتان: هاك اللزم شلونه جرح راسك؟
إيمار: خفيفه عبن جنت لابس شفقه
ثلاثتنا موسعين عيونا لمن أبيل اطلق النار على واحد من الزلم صوبه برجله.
أبيل: سامحني يا ربي راد يگوم ويزامط
إيمار: شسوييت أبيل شسوييت
وگاع: عاين راسك يا غبي همه هذوله الرادو يقتلونك.
وَتان: گايز الأحسن نطلع الشرطه اليونانيه
اجت.
خليت السلاح بظهري لزمت راس إيمار اشوف الجرح.
أبيل: حييل هاي شصاير بيك بس يلا ان شاء الله تعقل بيها. امشي يا بعد اخوك امشي
إيمار: تنگط حنيه، وَتان انطيني الگيتار.
أخذها من ايده لبسها بظهره وركض ويانه
أبيل: ول يا شلايتيه من وين نطلع؟
أنتو خبره بهيج أماكن قذره.
وَتان: اليسمعك يگول دربك درب جامع
يوميا مرتكب جريمة.
أبيل: أنچب أدبسز غير عمامك عادو زلم وأبيل مبتلي بيهم.
إيمار: خليكم ريلاكس تعالو ورايا.
وگاع: ما امشي ورا الطايشين
وَتان: خياي تحسست.
إيمار وأبيل عافونا ومشو للمخرج السري
انجبر يجي ورانا، وخرنا الكراتين بس الباب مقفول بقفل حديد، أبيل سحب إيمار وراه وتقدم سحب أقسام صوب عالقفل كسرهه
أبيل: تعلم من اخوك يا ابو الملاهي
فتح الباب وعبرنا واحد ورا الثاني
إيمار: أبو الملاهي ولا قاتل حاروگه.
خزرته ودفعته حتى يمشي طلعنا من الباب الخلفي نركض ركض لآخر الشارع عمي منتظرنا هناك وصلنا نزل أبويا فتح ردن القميص ورفعهه نزل ساعته وخلاهه بإيد عمي.
الأشتر: خويا أعصابك نتفاهم بعدين اصعدو هسا
مد إيده ل وگاع اردف بإصرار
الباشا: وگاع انطيني السچينه.
الأشتر: خويا الباشا أعصابك كفيلك جدنا السابع ما يتكرر.
الباشا: وگاااع انطيني السچينه.
ما تدخلت إيمار شد إيده على حزام الگيتار وعروق جسمه بلشت تظهر من العصبيه بس يگدر يحجي كلمه. وگاع طلع السچينه الحربيه من جيبه مد إيده بتردد
وگاع: تفضل عمي.
أخذها وتقدم وگف گدام إيمار، اردف
الباشا: جيب الگيتار جيييب الگيتار.
أبيل: يابه اسحب كلامي ترا بعده مزعط عوفه هل مره
إيمار: لا تسوي روحك اخو وابو الفزعات.
أبيل: يابه ارجع اسحب كلامي هذا مو مال عيني وأغاتي.
الباشا: جيب الگيتار.
غمض عيونه بغضب ويشد إيده رفع الحزام ونزل الگيتار من ورا ظهره مد إيده لأبويا ينطيه إجباري.
وَتان: عمي ليش هيج تسوي يابه احجيلك كلمه وياه.
الأشتر: انچب لا ابتلي بيك يا همج
خلى الگيتار عالسياره مرر السچينه على اوتارها وبلش يگطهن وحده وحده ويحجي.
الباشا: هذاا حتى تتعلم المسؤوليه
وهذا حتى تفهم وتستوعب أنت مو ابن حيالله رجال عاادي انت ابن الباشا وابن الباشا يصير رجااال ومسؤول موو داايح بالملاهي
يغني ويعززف عالگيتاار ياا غبيي
إيمار: ترييدني ااصيرر مثل عزآم وأبيل وغييرهم ماا اصيرلك ماا اللزم سلاح
تحلم بيوم اللزم سلاح تحللم
اندارله ابوي بعدما قطع كل الأوتار عيونه تجدح نار عمي يلزمه وهو يحجي
الباشا: عشررين سنه اربي بيك تااالي تطلع داايح وشلاااايتي.
البتراء
تغيرت نبرته يحجي بإبتسامه
- بغلاة أمي رجال صايم مصلي تجين سِيده على عيني وراسي ما تجين سِيده. اتعّذر لأمي
عبن راح انسى تربيتها لدقيقه، وَ اللهُ غفورٌ يغفرُ الذنوب لِمن تاب...
بتراء: دااللعن الزلمه اليحاول يجبرني
يااا عوف إيدي. من وين تعرفني.؟
- لا تتفاجئي
اعرف قصتج من الألف إلى الياء بس وجههج باقي ما شايفه والله. انزعي القناع خل تكمل الذنوب.
بتراء: شاارب والله دباع وضعك شلون تحجي هذا انت المايجرك خصر ميال وعيون غَزال
شلون تعرف قصتي وَ الشاهد بس الله واربع حيطان؟
- عايني يل فحله مو ضروري تعرفين
جواب هيج سؤال. هسا خل نعقد صفقة انتي انطيني معلومات وآني احررج منهم؟
بتراء: معلومات ايش وانت منوو؟
- اها بعدج ما تدرين عن قذارة جسار
و وين وصلت بيه المواصيل في سبيل يّخسر چم فلس من عمي.
بتراء: عمك منو وجسار شنو لك نعله عليكم كلكم.
ضربته كلّه على وجه ابتعد لازم خشمه يتقدم وآني أتراجع ضرب ضهري بالمغسلة قرب وجه ومد إيده سحب أكثر من كلينس وتراجع خطوات يمسح الدم من خشمه وينظرلي بطريقه غريبه
- خو هسا اگدر اهنا اجنزج بس ما نمد إيدنا على الجنس اللطيف.
أشرت عالمرايه اردفت
بتراء: هايه المرايه باوع بوضعك وشوف
الجنس اللطيف شمسويه بيك.
- بنيه فحله.
هسا نجي للصدگ وين مكانها.؟
بتراء: مكان منو شجاي تحجي.؟
شمر الكلينس وتقدم بخطوات بطيئه ورث جگاره اخذ منها نفس وزفر الدخان بوجهي
اردف بطريقه غريبه.
- الروح الچانت المأسوره وياج صار 18 سنه.