رواية ولد الباشا للكاتبة فاطمة الأحمد الفصل السابع عشر
أريم
بعدما صرنا جاهزات نزلنا للحفل إلى صاير بالحديقة مالت الشركة كملنا طريقنا بهدوء لحظات واندگ تلفونها.
عزّهَ: أريم اتصال مهم كملي مشي لليمن بعدها البوابه على ايدج اليسار. اي الو
عافتني وابتعدت تحجي ويا المُتصل
أريم: شني گالت؟ كملي مشي لليمين بعدها البوابه على أيدي اليسار. تمام
رفعت الفستان بطريقه نازكه وخطيت خطواتي.
مثل ما وجهتني عزّه، وصلت للبوابه وگفت وعفت الفستان، الحظور هوايا وآنا ما اعرف احد هنا غير أفراد عائلتي.
أريم: اخذي نفس عميق وانزلي ابوج غادي
اخذت نفس عميق وشلت الفستان حتى انزل الدرج، ايد انمدتلي نظرتله شاب وسيم وكشخه اردف واستغربت يحجي عراقي مثلنا وهو مبين تركي. من ملامحه
أبيل: إيدج آنستي الجميله.
تصرفه چآن تصرف راقي جدا ابتسمت لا إرادياً.
خليت إيدي بإيده. اردفت بالتركي رغم ما شاطره بلغتهم بس اعرف چم كلمه
أريم: تَشكُرلير.
ردلي الإبتسامة ونزلت وياه للحفل اسلوب راقي مثل اسلوب الأُمراء بقصص ديزني. وصلت لنُص الحفل ابتسمتله وعفت إيده رحت يم بابا إلى چآن طول الوقت عيونه علينا ومبتسم.
أريم: بابا حبيبي الف مبروك استلامك للشركه الجديده توني اليوم دريت من عزّهَ.
حظن اكتافي، اردف
الأدهم: حبيبتي انتي، طالعه أميره بهل فستان.
أريم: عاين دادي تعرفني مُعاقه مشاعرينا بدوون غزل رجاءً هسا شلون اجاوب.
ابتسم على ابتسامتي واردف بهمس
الأدهم: الحاروگه طلع خوش راقي ويعرف يتعامل ويا البنات.
أريم: منو عن منو تحجي ما فهمت؟
أبيل.
أريم: شذكرك بهذا المُختل عقلياً؟
انداريت للحفل وعيون هذاك الشاب عليه، استغربت واگف بصف هِلال معقوله شُركاء انتبهت لكلام ابويا.
أريم بابا عيب تگولين عليه مُختل، شني شذكرني غير هذاك هو گدامي.
أشر بعيونه لأحدهم وآنا درت وجهي ويا نظرات عيونه الصدمه أشر على نفس الشاب.
أريم: نوو مستحيل.
نزلت عزّهَ للحفل وعزام راح استقبلها.
وهذا نسيبي الأول
أريم: هو الأول والأخير ماكو غيره
يوجد أبيل هو الثاني
أريم: بابا كافي صدمات ما معقوله نفسه الراقي إلى نزلت وياه للحفل
صدمات شني، اهلا وسهلا بيك شريك.
عافني وراح يسلم على واحد اجت عزّه نظرتلي فوگ وتحت
عزّهَ: صاير شي؟
أريم: لا ابد ما صار شي.
عزّهَ: هدوء ما قبل العاصفه؟
اخذت گلاص ماي من الگارسون شربته
أريم: لا يوجد عاصفه الجو صافٍ.
هِلال
جانت تسولف ويا عمي وهو عيونه عليها يحجي مصدوم.
أبيل: هِلال آنا شسويت؟
هِلال: سويت تصرف كُلش راقي ويا بنت عمك.
أبيل: بس لا هاي هي المُطلقه الإلكترونيه؟
هِلال: شنهوا؟
أبيل: انسي.
خلى إيده بجيبه وضل يسرق نظرات إلى أن يَاسر
راح لنفس الطاوله أريم چانت واگفه بوحدهه، ضلو يسولفون دقايق وأبيل يراقب بصمت، طلع إيده عدل ساعته نظرلي واردف
أبيل: امشي وياي.
ما فاهمه حركته بس رحت وياه تصافح ويا يَاسر إلى جان مستغرب من أبيل، شد ايده وسحبه يمه للجهة الثانيه رحت بمكانه يمها، أريم إلى تنظر للكل عدا أبيل.
يَاسر: أبيل ليش ما گتلي عندك بنت عم هيج güzel.
رد عليه بإبتسامه تسليكيه
أبيل: اههه شنو گوزال انت شگد قشمر
يَاسر: أريم Kamur Nedir
اختفت ابتسامتها ما فاهمه كلامه، شلون ورطه أريم ما تعرف تركي تداركت الوضع بسرعه
هِلال: آنا أگُلك شني يعني قشمر، هو يعني يعني.
انت شكد گوزال انت شگد حلو.
منو حلو؟
عضيت لساني من سمعت صوته ورانه اريد بصدمتها وأبيل ينظررلها فوگ وتحت ياسر ما شال عيونه عليها. اداريتله
هِلال: çok güzel. هسا جنت راح اناديك
اجا وگف بصفي وابعد ياسر بأصبعين
هَدآم: وخر ابني لازگ بيها شهل استهتار
أبيل: بيرفكت اكتملت، هلال رايح أتفقد تجهيزات العرض بعد نص ساعة.
حمحم وعبر بصف أريم اكتافهم لامست بعضها
أريم: احم عزّهَ وين اروح ادور عليها.
هي هم رادت تمشي وهذا گمز من يمه
يَاسر: أريم Ben Seni ona gtüreceim.
آني اخذج يمها.
هَدآم: ياسر Bu benim kz kardeim
هذه أُختي
هِلال: أريم شبيج؟
شربت اخر كميه من الماي الموجود بگلاصها
أريم: ثانكيو يَاسر اعرف أدبر حالي.
عافتنا ومشت
يَاسر: اختك Cok güzel ربي يحفظها.
هَدآم: ويحفظك بثلاجة الموتى اختفي من وجهي قشمر
ابتسم وهو اصلا اغلب الكلمات ما يفهمها بس جاوبه
يَاسر: انت هم قشمر.
خلى ايده بجيبه ومشى من يمنا نظرتله اعصابه صايره بخشمه، جگاره ورا جگاره يدخن
هِلال: ترا يَاسر يفهم عراقي على گده.
هَدآم: وليش تبرريله تدافعيله؟
هِلال تعاي بابا
انداريت ابوي واگف ورانه عفته ورحت وياه
نتمشى بالحديقة بعيد عن موقع الحفل لزم أيدي البيها اسوارة ماما باس الأسوار، اردف
الباشا: لازم تنتبهين على نفسج بهل يومين إلى انتي هنا.
هِلال: ليش بابا صاير شي؟
الباشا: ولد يوسف اربعتهم دزو رسالة تهديد لأخوج أبيل بعدما رجع الكميه إلى هربوها. مهددينه بالقتل هو وكل شخص يصعد وياه.
هِلال: افهم من كلامك ما اصعد بسيارته. بابا!
الباشا: هلال افهميني
هِلال: بابا انت خايف على حياتي وما خايف على حياة أبيل؟ اعتذر عن هذا الكلام بس م ما تشوف هذا الشي أنانيه منك؟
الباشا: هِلال أبيل رجال واثق يطلع منها سالم
سحبت ايدي من بين ايده، احجي بإنفعال.
هِلال: بابا ماكو فرق بيني وبينه احنه روح وحده بجسدين روح وحده م مستحيل اتخلى عن اخويا واذا قصدك ما أكدر احمي نفسي؟ آنا تعلمت كل فنون القتال وتعلمت من عزام شلون استخدم المسدس ماكو ماكو داعي تخاف.
لزم متوني يشرحلي
الباشا: واثق بيج شُجاعه وتگدرين تدافعين عن نفسج بس هِلال مستحيل اخاطر هيج مخاطره واعرض حياتج للخطر ويا اخوج.
گوه لازمه البچيه ببلعومي من اسلوبه ويا أخواني.
هِلال: باباا انت ليش هيج قاسي عليهم ليش هيج تعاملهم ليش ما تخاف عليهم مثل خوفك عليَّه، انت انت شفت وجه أبيل بالمطار؟ لاحظت صوته التعبان؟ فوك ظيم الشغل والشركات مخليه بوجه المدفع باليوم اربع خمس مرات يتم ملاحقته ومحاولة قتله مع ذالك ما يشتكي ما يشكتي ويگول حاظر بابا صار حاظر عمي صار.
درت وجهي عنه احاول اخذ نفس ما اگدر مخنوگه ومن زمان ما باچيه. لزم ذراعي دارني عليه حظن وجهي بين ايده يمرر ابهامه تحت عيوني في حال نزلت دمعه يمسحها.
الباشا: هِلال لا تحجين هيج أحبكم واخاف عليكم بس أنتي غير عنهم أنتي هِلالي من بدر التِم مستحيل افرط بيج. حتى إذا تشوفين هذا الشي أنانيه.
نزلن دموعي شفايفي يرجفن.
هِلال: أمي الله يرحمها لو عايشه مستحيل ترضى بهذا التصرف وبهذا إلى انت جاي تسويه بأخواني وأولهم بإيمار انت انت صرت تحاربه تحارب أحلامه تريد تدخله للعالم إلى احنه بي ليش؟
ضل ساكت ما جاوبني كملت
هِلال: تدري اليوم الصبح أمي زارتني بالحلم شگالت؟
نظرلي بمعنى احجي.
هِلال: گالت إذا ما رجعت للبيت إيمار أمانه خليه يعزف و أبيل ابعد ابني عن نارك ابعد ابني عن نارك حتتى أمي جاي تحس مثلي امي تحس بكلشي تسويه ويا اخواني بكلشي.
احمر عيونه عاف وجهي وخله ايده ورا ظهره مثل عادته.
الباشا: ارجعي للحفل لا تضلين بوحدج بأيي مكان جان.
گالها، دار ظهر ه ومشى من يمي بقيت واگفه بمكاني سديت حلگي احاول اكتم صوتي طگ گلبي بعد لازم أبچي حتى ارتاح كنبصت سندت أيدي على الأرض والعشب رطب أبچي وازداد بالبچي كلما اتذكر صوتها بالحلم وكلامها.
حسيت بإيد على ظهري عطره وصلني اول ما رفعت راسي شفته هو تقرب لمني بحظنه ويمسد على راسي، يهمس بكلمات حنونه يهديني بيها.
هَدآم: بويا هِلالي آنا وياچ ما اگلج لا تبچين، أبچي بويا أبچي ولا تكتمين أكثر، وياچ آنا اضمچ برموش عيني بويا.
بچيت بچي مال سنه بهل دقايق حجيت وگوه يطلع صوتي
هِلال: ابويا أناني انااني هذوله أمانه أمي ش شلون هيج يتعامل وياهم شلون.
مو أناني بس يريدهم يصيرون أقوياء دون نقاط ضعف ابوچ يحبكم وتعاي اسئليني آنا لأن اعرفه مثل معرفة ابويا بأخوه اعرف شگد متعذب بغياب امچ وما يرتاح إلا من يرجعها.
رفعت راسي من حظنه نظرتله ما فهمت كلامه.
هِلال: يرجع منو هَدآم؟ أمي متوفيه!
بلع ريگ وتقرب مسح دموعي بإبهامه نظراته تتوزع على ملامح وجهي، اردف
صح نسيت الله يرحمها، اقصد ما يرتاح الا لو هي جانت عايشه.
هِلال: أكو شي ما اعرفه؟ هدآم أكو شي ما اعرفه؟
احجي احجيلي أكو شي يخص ماما أكو شي يخص مقتل ماما؟ لأن بابا كل مره اسئله ما يجاوب.
گمت انضف فستاني من أوراق الشجر وهو متوتر.
هِلال: أكو سر مُخبى عني وعن اخواني او احتمال بس آنا الما اعرف هذا السر اليوم اريد اجوبه على اسئلتي.
ردت امشي لزم أيدي رجعني گدامه
هَدآم: هِ هِلال تعاي وين تروحين ماكو اي سر بالموضوع مجرد خانني التعبير ابوج ويا المستثمرين لا تروحين وتكبرين الموضوع.
هِلال: حتى انت حتى انت احس تچذب عليَّه
ما تحجيلي الحقيقه انت ويا ابويا وعمامي تضمون سر عني افهم يوم بعد يوم صررت افهمم.
مسح وجه بنفاذ صبر ما يريد يرفع صوته عليَّه
ماكو شي مااكو ليش مُصره تخلقين مشكله ليش؟ امج امج الله يرحمها ماتت بذاك الحادث وبعد انسد الموضوع وانتهى.
هِلال: هم گال حادث حاادث اييش جاان اانتقاام اانتقاام مدري من ابوياا مدري منننك وااانا الرررحت بيهااا وتيتمتتت بسبب عداااوتكم شيييرجعلي اامي فلوسكم مصااافيكم شركاااتكم شنيي وينها امي ما ادري أبيل تندل گبر امي؟ ماا يدري إيمار فلا يتذكرر نام وگعد عمره 21 سنه متيتم مااا عنده ااام ولااااا يندل گبرر اامه عنن ااي حاادث تحجيي عن أي حاادث عن أي حاادث.
رجع يحظني بقوه وآنا اريد ابتعد.
هِلال: وخرر لااا تسووي هييج مستحيل انسى شي مستحيييل مستحيل اسااامح إلى تسبب بمقتلها.
اشش هِلال لا تحجين هيج ارتكبت جريمه ودخلت للسجن لأجل انتي تعيشين لأجل انتي تعيشين.
هِلال: ااكبر ذنوووبك أنه خليتني عااايشه 26 سنه بهل جحييم 26 سسنه عااايشه بسببك اانت همم اااناني مثل اابويااا اانت همم انااني بس تفكر بنفسك.
اشش هِلال دموعج يچون گلبي بس كافي البيَّه مكفيني لا تصيرين أنتي والدنيا عليَّه.
انفاسي متسارعه واعصابي تعبانه ما حسيت لمن أبيل اجا وخله ايده على راسي بعدها سحبني من بين ايدين هدآم لحظنه يبوس بشعري ويحجي
أبيل: هدآم عوفنا بوحدنا روح هسا نجي وراك.
هز راسه ومشى للحفله انتظر حتى يبتعد بعدها اردف.
أبيل: هلاله ليش هيج تسوين يا روحي؟
هِلال: ابوي أناني ديحملك فوگ طاقتك ومن جها يحارب وصية امنا يحارب احلام إيمار.
ابعدني عنه عدل شعري مثل ابويا بعدها مسح دموعي، اردف.
أول شي ممنوع هيج تحجين بقلة احترام عن ابونا مفهوم؟
هِلال: مفهوم اصلا بعدين واحد يعتذر من الثاني احنا Friends، ثاني شي؟
ثاني شي ابونا حريص علينا مو أناني وإيمار غبي واحلامه اغبى شني يعزف على گيتار لو هسا اعرف يغير قسم الفنون الجميلة للإدارة والاعمال إلا اسلمه شركة إزمير و اخليه المالك الرسمي. للأسهم.
هِلال: Aman Aman. دخل ابويا يسلمك ياها بالأول بعدين انت سوي خير وخيرات بيها. كلك على بعضك مدير تنفيذي عزا بعينك.
ابتعد ينظرلي بدون ملامح طلع جگاره ورثها بنفس جداحة ابويه المعروفه.
أبيل: امشي گدامي باانده شوفي جهرتج من البجي شصاير بيج هذا خلقة مُصممه هذا؟
حتى موبايلي مو وياي عفته عالطاوله
هِلال: اول شي آنا متأكده ما صايره بانده عبن.
ما مخليه كُحله، ثاني شي المسكارا ماركه ما تسيح ثالث شي انطيني موبايلك خل امسح الباقي
گلب عيونه وطلع الموبايل فتح الكاميرا وشغل الفلاش الأمامي عاينت بوجهي البلشر نصه رايح سحبت المنديل إلى بجاكيته
هِلال: ثبت الموبايل خل امسح الباقي اصلا اخبل بدون مكياج
نعاله هاي مندييل وتنسيق ويا الگرافه شتسويين لاا توسخييها بهل صخااام
هِلال: دثبت لك دثبت أُختك واكبر منك بدقيقتين.
مسحت خدودي ونشفت رموشي بعد البچيه شفت الروج مابي شي بقيته كملت وأخذت صوره عالواهس.
هِلال: شحلاتي اخبل حتى صورة ببلاش طگيتلك.
بقيت زاويه من المنديل نضيف طبگتها بطريقه حلوه ورجعتها بالجيب خليت ايدي على گلبه
هِلال: هوَه الأخو حجاب الأخت هوَه الذخر هوَه السَند.
أبيل: هي الأخت عدهه طبع كلش حلو وحنينه.
حظني بحنيه ولا چنه ذاك العصبي هاي طريقتي بأحتوائه وهاي قصيدتنا المفضله كلما صار خلاف بينا. نردد كلماتها لبعض، روح وحده بجسدين.
أبيل: هِلال العرض راح يبلش لازم نرجع للحفل.
ابتعدت ارتب شعري
هِلال: تمام بس شعري شلونه؟
اشگر من يوم يومه ما متغير.
هِلال: ولك ok ok. اقصد كيف تراها هل هي جميله؟
جميله جدا جدا جدا امشي گدامي امشي.
مشيت كدامه وهو يدفع بظهري حتى استعجل.
هِلال: أبيل عيب عليك والله، احترمني أكبر منك بدقيقتين
وعلي الضرغام چذابه دقيقه و58 ثانيه.
هِلال: لاااا حبوبه بينار گاالت دقيقتين
تتودد الج لا اكثر
هِلال: أبيل هاي حبوبتنا ما اسمحلك تحجي عليها.
ما اعتبرها هيج امشي بلا كثرة كلام تأخرنا.
ال بتراء
شد الشماخ يعدله اردف.
علي سَند: رديلي الدين بدُعاء اللگه فراشتي.
بتراء: فراشه؟
أنثى بِ قوام فراشه مأسوره في سرآيا العتيم.
گالها وتراجع للباب بعدها دار ظهره وطلع عافني بصفنتي هاذا ليش وصف وضعي بهذا الكلام.
رحت للباب حتى اقفله جان نص مفتوح فزيت لمن طلع بوجهي
بتراء: بسم الله شبيك ليش رجعت؟
دخل راسه للغرفه أشر على الميزه
علي سَند: موبايلي
بتراء: هذا الك؟ ما شفته بإيدك.
دفع الباب بخفه ودخل راح ياخذه
تحقيقات لو شني.
أخذها خلاهه بالجيب الخلفي اندار وزع نضرات على الغرفه مشى للباب
انتبهي ولا تفتحين الباب لأيي مخلوق، الصبح اجيج ونطلع نكمل الزياره.
بتراء: على سَند.
اندارلي منتظر احجي
بتراء: شكرا على كلشي
علي سَند: ماكو داعي للشكر أنتي أمانه عندي.
راح على غرفته ضل كلامه يتكرر براسي شنو يقصد أمانه عندي قفلت الباب وفتحت الشال مختنگه لأن ما متعلمه عليها باوعن الوقت بالتسعه فتحت الشباك اخذت نفس عميق بعد كل هاي السنين تحررت من قيودهم من سراياهم من اللغازهم.
تذكرت الصار الصبح وصوت المره إلى جانت تنادي بأسم إيمار. سامعه بهل اسم من مكان ثاني اسمه مر عليه، نزعت العبايه وگعدت
عالچربايه لازمه راسي من الوجع احس راح ينفجر.
واصواتهم تتكرر صوت الضرب الجلد ضحكة نَائل
صوت صفاء طلقات مُتتاليه دم مطشر بالگاع
فزيت وگمت اصيح بكل قوتي
بتراء: لااااااا
فتحت عيوني، انفاسي مُتسارعه الصور توضحت أكثر بذاكرتي يوم مقتل صفاء صار شي تسبب بمقتلها، اجي واروح بالغرفه اريد اتذكر شنو جان
احس شراين راسي تنبض من گدما اضغط على نفسي وعلى ذاكرتي اريد اتذكر ما أكدر بسبب السُم إلى اخذته مرتين بسببهم
بتراء: إيمار إيمار منو هاي البنيه؟
رجعت گعدت بمكاني احاول استرجع يوم مقتل صفاء، تذكرت تفاصيل بسيطه ضرب وتعذيب تهديد بالسلاح تهديد جاسر المقرف. و
روح مأسوره وياج من 18 سنه
بتراء: روح مأسوره وياج من 18 المقنع.
گمت على حيلي موسعه عيوني سديت حلگي مصدومة من إلى تذكرته تفاصيل للحمامات اتقيئت المشروب وطلع ورايه
بتراء: دخيلك يا على سَند تذكرته تذكرته المقنع
و روح مأسوره 18 سنه معقوله سيده چبيره او هي طفله وكبرت وياي؟
ما مصدگه مره ابتسم لأن دا ارجع ذاكرتي ومره انقهر من الذكريات إلى الترجعلي.
بتراء: يوم مقتل صفاء بيومها طلعت من الغرفه تذكرت طلعت و وصعدت طابق ثالث كله كله غرف و و ممر طويل ممر طويل.
اجت فكره ببالي اكتب كلشي بورقه او دفتره ملاحظات دورت بالدُروج ولگيت دفتر ملاحظات
زغير بكد كف الإيد والقلم هم وياه فتحته لگيت بي حسابات قديمه احتمال لشخص ساكن الغرفه قبلي. شگكت الورقات المكتوب عليها وگعدت.
اول شي كتبت اسمي الكامل بتراء الجسار
بعدها بديت اكتب شكو شي مريت بيها من الألف إلى الياء.
من بداية الصار وياي من 2015. لحد يوم أمس اي تفصيل اتذكره من إجرامهم اكتبه بالدفتر نص ساعة اكتب والدموع ما فارگت عيني وصلت ليوم لقائي بالمقنع وكتبت مواصفاته دونت كلشي خاف ذاكرتي تخوني وبيوم انسى.
بتراء: چآن مغوار صح ما وثقت بي بس وعدني اذا طلبت المساعده منه يضمني بعيونه منهم وعدني اذا گتله معلومات عن المأسورة يحررني منهم بس الصار ما صدگته وبعدها صعدت لغرفتي ثواني وجاسر بلش يضرب الباب ويهددني، استنجدت بأسم على السَند وما حسيت إلا وهذا المقنع صاعد من البرنده حلف يحررني منه بس اذا خليت أيدي بإيده. ما صدگته لأن اختي يمهم مستحيل اضحي بيهن في سبيل حُريتي. عافني وگال بعد اذا رحت ما نلتقي مره ثانيه بتراء خلي ايدج بإيدي خل نتساعد واحررج منهم. رفضت مساعدته والصار طلع وترك أثر منه.
طلعت الگلاده من تحت التيشيرت
بتراء: على السَند
شديت أيدي عليها استقوي بهل أسم كملت باقي الصار وياي لحد اليوم الصبح.
بتراء: ناديت بأسمك يا على ورجعت سندتني
ساعدني شاب والمعجزه هم أسمه على سَند.
الصار جان اشبه بحلم تحررت منهم ومن ظُلمهم
بعدما جنت مأسوره بسراياهم 18 سنه انتهى الكابوس وشمس الحُريه باچر تُشرق.
وهسا گاعده بفندق - - - الجمعه(تاريخ 16 على 17 أيلول/ 2022)ليلة أربعين الإمام الحسين عليه السلام.
كملت كتابه ولگيت هوايا صفحات بيضه بس مو لوقت طويل امليها بلي راح يصير وياي باجر.
طبگت الدفتر الزغير ورحت خليته تحت المخدة إلى راح انام على شويه واندك الباب ترددت افتحه ضل يدك يدك إلى أن اندگ التلفون فزيت من صوته رحتله وگفت گدامه ما اعرف هذا شلون اجاوب عليه احيانا القرائه والكتابه ما تكفي نحتاج خبره وآني انسانه عاشت حياتها بين أربع حيطان. شلته وخليته على اذني اجيت اكبس الازرار اجاني صوته وگلبي يدگ دمام استغربت من وضعي. وهو يناديني سحك وعدل
اقصد براء افتحي الباب هذا خدمة الغرف.
راح يدخل العشا اسف جنت ناسي و ان تصل مُتأخراً خيرا من ان لا تصل. تسمعيني؟
بتراء: وياك لا لا مو وياك اقصد اسمعك اي اسمع صوتك. شكرا على كل شيء.
ما عرفت شلون ينسد بس عفته على الميز ورحت فتحت الباب دخل الموضف عاف الأكل وطلع
رحت قفلت الباب مره ثانيه. واجيت سحبت الأكل عالچربايه تربعت وبديت أكل بشهيه ميته من الجوع وما ادري اذا من يومين ماكله او لأ.
ضليت اكل واحجي ويا روحي.
بتراء: لازم اللگه المُقنع بأسرع وقت ممكن
اذا لگيته وسلمته المعلومات إحتمال يوصلني لخواتي هو أملي الوحيد، و
لفت انتباهي التلفون الأرضي ما مرجعته لمكانه
وبين الخط بعده مفتوح، توترت بس لا سمعني
عفت الأكل وگمت لزمتها وإيدي ترجف صار يومين قربتها على اذني الصدمه سمعت صوت سحب أقسام أكثر صوت يدوي باذاني يوميا
رجع الصوت تكرر كأنه جاي يتأكد منه بسرعه رجعته لمكانه ورجعت رفعته شفت المكالمه مقطوعه.
بتراء: آني ويامن تورطت هذا احتمال يطلع اسوء من جاسر والتؤم.
من صدمه حتى نفس للأكل ما ضل عندي. فوراً تمددت احاول انام.
أريم
العرض الإفتتاحي جان من افخم ما يكون صح حاليا ما افهم بشغلهم بس بالمستقبل أنظم الهم
صعدت عزّهَ للستيج سلمت على الحظور باللغة التركيه والإنگليزيه بعدها هِلال هم صعدت وسلمت كذالك اجا دور الشباب عزام وهَدآم هم صعدو وكلمن بصف شريكه واگفين انغرمت مظهرهم اخذت صوره الهم ودزيتها ستريك للعائله الكريمه كلها وخاصه لسيرا خل تصرف نظر وتشبع قهر.
أريم: اصرفي نظر واشبعي قهررر اووي مو فارغتلج باي باي.
دزيت الريكورد وقفلت موبايلي اجا وگف بصفي مد إيده للمصافحه
أبيل: هلو آنا أبيل ابن عمچ الأيهم باشا.
تصافحنا وحجيت.
أريم: أما آنا معروفه ما يحتاج اگُلك أسمي
أبيل: اي معروفه مطلقة إلكترونية.
نظرتله من فوگ لتحت ودرت وجهي للعرض والصار هذاك اللزگه اجا من بعيد يلوحله.
يَاسر: ول هااا ياا قشمرر
همست من بين اسناني على وجهي ابتسامه تسليكيه
أريم: يبدو انت معروف بهذ اللقب
جاوبني بنفس الطريقه.
أبيل: لا مو هذا منغولي معليج بخلقته المرتبه خطيه عقله مو تمام من يسمع بكلمه عراقيه يلطش بيها وعلى الضرغام.
صدگته لان مبين ياسر ما فاهم معنى الكلمه بس يكررها، اجا وگف بصفي خلى ايده على كتفي مرمقته بنظره بسرعه سحب إيده وهذا الثاني سحبني من إيدي على ايده اليسار
أبيل: بلا زحمه تعاي هنا اريد اوگف يم صاحبي.
صار بيناتنا وحجى ويا صاحبه باللغه التركيه
%99. 9ما افهم عليهم
أبيل: لا انت صدك قشمر و ادبسزز.
ولك ابني هايه البنيه بنت عمي عرضي وشرفي شلون هيج تخلي إيدك على كتافها؟
يَاسر: شسويت بس خليت ايدي على كتفها.
قرب وجهه وحجى حسيت توتر الوضع بينهم
أبيل: يَاسرر لا تخليني ادير عليك لتر بانزين.
ابتعد خطوه يضحك ويحجي فصحى
يَاسر: ماا خطبك يا صاح ريلاكس هبيبي.
راد يجاوبه ما لحگ نادو بأسمه نظرلي وهمس شي
بأذن صاحبه، عافه وخطى خطواته بكل ثقه راح سلم على مجموعة ناس واگفين بعدما انتهى عرض المنتج اردفت المذيعه.
--: سيدات والساده الحظور رحبو معنا بالمدير التنفيذي لشركة إزمير التسويقية المسيو أبيل أيهم الباشا
ابتعدت من المنبر تصفقله بجانب الحظور، بلش يلقي كلمته.
أبيل: السيدات والساده شكرا على قبول الدعوى وحظور حفل إفتتاح هذا العرض الأول من نوعه في تركيا وفي مجال التجارة والتسويق، شكرا للسيد الوالد لثقته بي وتسليمي لمنصبي الجديد ك مدير تنفيذي للشركه. شكرا للشريك الدائم لنا يمان الحجي و المدير التنفيذي لشركة يمان الحجي يَاسر يمان
انتظر الحظور يوگف تصفيق وچان ينظرلي بعدها اكمل كلامه.
أبيل: من بعد حظوركم الجميل يوجد حُظور مميز.
لأشخاص مميزين في حياتي، الأول هو الأخ الأكبر والسَند عَزّآم أما الثانيه هي تؤم روحي أُختي هِلال.
عزّه وهلال وعزام جانو واگفين بصف واحد، تقدم أبيل بإتجاهمم، عزّهَ انطته مجال وأبيل راح حظن اخوه واخته سوا الثلاثه سوا جانت لحظه كلش حلوه بينهم عزام حظنه بوحد وطبطب على كتافه
عَزّآم: شدا بيك الظهر ابن أبويا فخور بيك وبإنجازاتك خلال سنتين الماضيين.
أبيل: آنا الفخور انت أخويا والسَند.
نظرت لعمي الباشا يحجي ويا أصدقائه والفخر بأبناءه مبينه من عيونه. نزلو من الستيج و تم استكمال عرض باقي المنتجات الجديدة في الشركه ومن ضمنها ماركات معروفه للمجوهرات التركيه. يتم التسويق لها من خلال شركتنا.
ال عزّهَ
بلش المرحله الثانيه من العروض التسويقيه
جنت واگفه ويا أريم وهلال
هِلال: عزوز اروح اشوف هَدآم شيريد دا يأشرلي اروح يمه هسا ارجع.
راحت هلال و أريم مشغوله تصور وتدز لسيرا. شفته من بعيد جاي بإتجاهي متأنق بالأسود وگف گدامي أشر بعيونه لأريم وهي فهمت عليه. ابتعدت واجا بصفي.
عزّهَ.
عزّهَ: ها عَزّآم.
ابتسم نادرا ما يبتسم، تلامس طرف خشمه بعدها حمحم وحجى.
تسطرين سطر وحگ العباس.
عزّهَ: چوك گوزال متطور المسيو متطور.
تمام بعدين نحجي من نرجع.
عزّهَ: وين من نرجع ما ارجع وياك ارجع بسيارتي آنا وأريم
مو بكيفج ماكو سيارتج وما سيارتج الوضع ما يسمح أريم ترجع ويا أبيل وهلال ابويا.
عزّهَ: چا أبويا وهدآم؟
هَدآم وابوج هم بسيارته
عزّهَ: و احنا آنا و أنت، انت وآنا، نرجع هيج سويا
شني المناسبه؟
لو يهمچ چآن عرفتي. بله شلون تخلقين مشكله من لا شيء.
عزّهَ: عَزّآم ترا انت الجاي تنكد مو آنا بعدين ابويا ما يقبل متأكده من هل شي.
ووالله؟ هو غير ابوچ ساطره الحمزه متغير بس عاجبني تغيره من البارحه موصيني عليج يگلبي بكل طلعه وطبه تطلع وياك مو ويا غيرك.
عزّهَ: اول شي لا تغلط على بابا، ثاني شي ابوي موصيك عليَّه؟
الغشيم وصاني عليج شمدريه انتي روحي.
عزّهَ: آنا روحك؟
لو يهمج چآن عرفتي من زمان أنتي روحي.
عزّهَ: نكدددد نكدددد ليش تغير صيغة الكلام
أعصابج رعيده.
مد إيده بهدوء لزم إيدي شبك اصابيعه بين ايديا
وسار بيه للطاوله إلى مجتمعين حواليها هلال وهدام وأريم، حتى أبيل وياهم اول ما شاف إيدنا صييّح
أبيل: هااااا مررت اخويااا هاا رعيده اليوم صارت رغييده شگد بيرفكت سواا وعلى الضرغام بيرفكت.
ااشرله بعيوني حتى يسكت ما يفيد ملتهي حاولت اسحب أيدي هذا هم ما يفيد يشد ايده أكثر انظمينا الهم
عزّهَ: هذاك هو الستيج والمايك موجود روح صييّح خل إزمير تگعد على صوتك.
أبيل: مررت اخوي مو توني گلت عليج رغيده مش رعيده ليش مُصره تخليني اغير رأيي؟
أريم: عبالي متوحد طلع يعرف يسولف
أبيل: شگلتي بنت عمي النادر؟
هِلال: اههه أريم اللزمي لسانج.
عَزّآم: هَدآم ساكت طول الحفله صاير شي؟
لا ماكو شي خويا. مكالمه مهمه اخلصها وارجع.
عافنا وابتعد يحجي، اشتغلت الأغاني والضيوف كل ثنائي سوا يرگصون تناغو، اجا يَاسر يمان مد إيده ل أريم
يَاسر: اسمحيلي برگصه يا Güzel.
قبل لا تحجي أريم تقدم أبيل ضرب سطره على ايده
أبيل: بنت عمي ما ترگص عبن مُحرم واذا رگصت ترگص ويا ولد عمها.
يَاسر: أريم ترگصين ويايه لو ويا أبيل؟
أريم: ثنينكم ×، عزّهَ راجعه للغرفة انتظرج من تخلص الحفله نرجع للبيت سوا.
مشت چم خطوه وأبيل صاح وراها
أبيل: استقري ليدي ديانا استقري ترجعين ويايه مع الأسف الشديد.
عزّهَ: لا حول ولا قوة الا بالله العلي العظيم، عزام كض اخوك
عَزّآم: شبيك اخويا؟
هِلال: أخويا شبيك صدك؟
أبيل: انتو شبيكم تمشون بكلام رعيده؟ دخيلك يا على يا ضرغام.
عافنا ومشى
يَاسر: فعلا اخوكم شبي اليوم متغير وياي احس حاقد عليّه؟
هِلال: عبن أنت ما تستحي
يَاسر: من ماذا استحي ليش متصلخ؟
هِلال: عزاا بعيينك أبيل وين رحت تعااال شوف لسااان صااحبك الادبسزز.
عافتنا وراحت ورا اخوها.
يَاسر: ماذا قُلت شبيكم؟
طبطب على كتفه عدلله الجاكيت عرفته گوه متمالك اعصابه عليه.
عَزّآم: عاين يا ابن يمان عاين يا بعد اخوك، انت ما لازم تحجي كلشي تسمعه يعني لا تلزك الكلمات العراقيه إلى تعلمتها وتسويهن جُمله گول ليش؟
ليش، Neden؟
عَزّآم: عبن كل كلمه الها ألف معنى وكل كلمه هي جُمله من الكلمات هسا شلون اشرحله قواعد اللغة العراقيه؟
والله انت قشمر يلا اشرحلي كُلي اذان صاغيه.
عزام اتغيرت ملامح وجه لزم ياخته بهدوء ويضرب بخفه على خده.
عَزّآم: تعرف شني يعني قشمرر تعرف شني يعني؟
اكيد اعرفها، يعني انت شگد Güzel يعني انت حلو!
عَزّآم: لا يا ألله هذا يا مطي ترجملك معناها؟
عزّهَ: هاي هيه اختك المطيه ترجمتله.
انداريت على يميني هلال ماكو اختفت جانت واصله للبوابه.
عَزّآم: هِلااال.
ومنا ياسر انسحب بقينا بوحدنا.
عزّهَ: ثنيناتهم اختفوا شردو.
تدرين شني بديت احقد على ياسر فد واحد غبي وزايع المستحه.
جانت تجيني الظحكه بس اكتمها خلصت الحفله.
وكلمن صعد سيارته طلعت وياه والطريق كله نسولف ومرات نختلف على نُقطه ومرات ننجمع على نُقطه.
أريم
الطريق كله هدوء والكاميرات تصور حوالين السياره والشاشه گدامه، دخل بفرع راقي جدا كله يلات وگف السياره اردف وعيونه على الجامه
أبيل: يابه آنا راح انام ويا ياسر بشقته.
الباشا: السبب؟
هيج أنسب، أنزلن بنات.
اخذت جنطتي والموبايل نزلت وهلال كذالك عمي بقى يحجي وياه شويه ونزل بعدها انطلق بأقصى سُرعته دخلت الليلا جان كلش حلو واثاثه راقي اثاث تُركي، شويه وعزه وعزام وصلو اما بابا وهدام چانو واصلين قبلنا كلمن راح على غُرفته
لحدما صار الصبح لبست گاجول وطلعت من غرفتي تلاگتني عزه
عزّهَ: وين من صباح الله خير؟
لبست نظارتي
أريم: استكشف إزمير.
هِلال اجت وطبگت وياي
هِلال: نستكشف إزمير آنا خوش اندل الأماكن.
أريم: ياا هيج مرت الأخ ياا بلى.
عزّهَ: لا عيني لا أغاتي عندج اجتماع بعد ساعه.
هِلال: من وين طلعتيلي بيها اووف تراا بعد الضهر عندي طلعه من هسا انبهج بدون أعمال إضافيه.
أريم: انتو احجو وآنا اخذ إذن بابا واخو خيته اليعارض كلمته.
رجعت شعري لورا ونزلت گلبت عيوني اول ما شفته واگف يحجي ويا بابا.
أريم: دادي راح اطلع استكشف إزمير وشاده ضهري بيك لا تكسرني يم الحيايه العملية.
أبيل: دادي؟ والحيايه العمليه تقصدين هلال وعزه؟ آنكل شايف ومغلس!
سلمه الملف اردف
الأدهم: أبيل تاخذها وياك انت مو رايح للمينا خليها تستكشف غادي.
أبيل: عمي آنا مو الدليل السياحي مالتهه.
أريم: دادي ما اريد وياه هذا مُختل عقلياً.
أبيل: لا هاي جديده مختتل عقلياً؟
الباشا: أخذها وياك وانتي أريم كلمه ثانيه فورا للمطار ومناك على البصره.
گام ابويا حظن كتف عمي وراحو للمكتبه موجود بابها أمام الصاله. انداريتله لابس ملابس غير رسميه مشيت وهو وراي.
أريم: ااريدك تفرفرني فرر اريد أزور أماكن اول مره ازورها اريد أعيش أجواء اكشنيه. أوك؟
أبيل: لا على يا ضرغام.
فتح السياره وصعد بقيت واگفه نزل نظارته
أبيل: فضيني واصعدي تأخرت على شغلي.
أريم: وين الرُقي وين الأداب هي بس جانت ليله وحده؟ تعال افتحلي الباب وصير راقي مثل البارحه.
نزل فتحلي الباب ودفع بظهري
أبيل: فضيني شهل بلوه
ما جاوبته صعدت گدام شديت الحزام وهو صعد
شغل الشاشه والكاميرات الخارجية بالسياره نفس نضامنا الأمني بالبصره هنا هم مُطبق. شغل السيارة بدل الگير اردف.
أبيل: ادعي ولد اللالنجي ما يلحگونا اوك انتي المسؤله عن حياتج آنا بريء من هذا الذنب.
أريم: شني شتقصد؟ هيو جاوب جاوب احاجيك اانوب بس لا تطلع تستخدم الصمت العقابي. ااالوو شبييك ااطررش أبيل جاوب حباب؟
ضل ساكت والطريق هدوء إلى أن.
ال بتراء
صار الصبح گمت للحمام غسلت وطلعت بسرعه تحجبت عدل وخليت الكُتيب بجيب الجينز والقلم كذالك وياه دخلت الگلاده تحت التيشيرت وخليت العبايه على راسي لفيت روحي بيها وطلعت بالباب چآن واگف ينتظرني ابتسم وصبح عليّه بعدها نزلنا الطوابق وصلنا برا مشينا كم مرت تذكر. وانطاني كمامه
علي سَند: هاج اللبسيها هيج افضل.
بتراء: لعد انت هم البس كمامه هيج افضل
ابتسم واردف.
تمام بويا نلبس ليش ما نلبس ذكرتيني ب يَقيني
مشينا بين الزوار أكثر من نص ساعة وگفنا شويه وهو نزع الكمامه ياخذ نفس، فجأه اللتفت حواليه بعدها لزم إيدي يركض ويجرني وراه يعبر الزوار مستعجل اردف يصييح حتى اسمع صوته
ياا نموت سوا ياا نعيش سوا إياج تعوفين إيدي.