رواية ولد الباشا للكاتبة فاطمة الأحمد الفصل الرابع
آيدا
صارت هوسا شكبرها أصوات
السيارات عاليه تدگ هورن، عفت
الفستان عالچربايه ركضت للشباك
اباوع تحت المنطقة مقبطه كلها سيارات
حديثه فوك الثلاثين سياره وأكثر
الباشا نزل من اول سياره رفع راسه
شال نظارته باوعلي بسرعه ابتعدت
من يم الشباك. ابتسمت
آيدا: Annem سوااها صددك وووالله
اجت امي تشوف واني افتر بالغرفه
مو مصدگه المنظر تحت رجعت نظرت
من الشباك. نزولو اللزم كلهم لابسين الزي
العربي النسوان مو هوايا بس اللزم.
فوگ خمسين ستين زلمه دخلو للبيت
اردفت امي
بينار: مو گتلج آيدا راح يجي
ابتسمت ما ادري شبيه ليش هيج
فجأة كل مشاعري تغيرت وفرحت لمن
ما خذلني و جاب المشيه
آيدا: Annem هذا صدگ جاب نص العراق
علي إزمير
شالت الفستان اجت تاخذني ابدل
بينار: اآيدا دخيل الله تجهزي
بسررعه لازم انزل تحت. احظرللهم الضيافه
اخذت الفستان من ايدها، اردفت
آيدا: Annem انزلي تحت آني
راح اتجهز ولا يهمج.
عافتني تنزل تساعد زوجة اخويا أرغد.
رحت باوعت بالفستان طويل بأكمام
قماش الدانتيل - Dantel kuma ويا شال
دانتيل كذالك. بدلت و طلعت من الحمام
وگفت اباوع عليها من فوگ لتحت ما مصدگه
آيدا: شلووون دخلتي للبيت؟
وولج نااازلي شلوون دخلتيي للبييت
ركضتلهه احظنها اضحك والدنيا ما
واسعتني من الفرحه ابتعدت اباوعلها
مره ثانيه بعدني ما اصدگ واگفه گدامي
نآزلي: شبيج ييمن عظيييم تخبللتي
آيدا: دقيقه شلون دخلوج؟
اهلي واهلج أعداء اقصد اللزلم بيناتهم!
نآزلي: فعلا اللزلم بيناتهم بس Sürpriz
اجيت ويا ابويا وعمامي من طرف العريس
آيدا: لحظه استوعب.
Emdii bir an
نآزلي: آيدا نِضال أوغلو
خطبهاا أبن بلاد الرافدين، الباشا الأيهم
آيدا: بعدني بحالة صدمه
نآزلي: ااهوو شبيج eek؟
الباشا العراقي جمع حتى عشائر الإزمير
وجابهم مشيه علمودج، العصر واحد من
الاخوه حجى ويا ابويا وابويا وافق
يجي وياهم.
جنت مخليه أيدي على حلگي ماجاي ا
استوعب الجاي يصير وليش هيج.
ديسوي هو بس من اسبوع يعرفني!
اخذتني تگعدني گدام المرايه
نآزلي: شگد تصفنين خل نبلش بشعرج
هذا المجعد جم مره كتلج اصبغي اشگر؟
آيدا: لا عاجبني لونه ما احب التزوير
نآزلي: بسمار لو شنوو؟
آيدا: اهوو هساا ساعديني بشي
مُفيد جيبي من ذاك الدُرج مخليه مكياجات.
الباشا
بعدما وصلنا إزمير وصيت الأشتر
يحاجي شكو عشائر معروفه بإزمير
يقنعهم وجان موضوع سهل بالنسبه اله
راح الضهر رجع العصر جامع نص عشائرهم
صعدنا السيارات جنا نازلين بالفندق بمدينة
مانيسا تبعد 40 دقيقه عن إزمير.
آني واخوتي ويا أمي بسيارة وحده
طول الطريق الأشتر ما سكت صدعنا.
الأشتر: يُماااي تدرين ابنج الباشا
شني مسميهاااا
عايّنت عليه صفح، اردفت
الباشا: وعلى الضرغاام إلا بلتر بانزين
انت بس افتح حلجك.
الأدهم: جا احجي ااشترر احجي هل مره
لا تلزم لسانك ول خويااا
الباشا: عيينك عالطريق لا تُگلب بيناااا
الأشتر: Sakinlemek Sinirlerin ve
amcam اهدا أعصابك ول خالي
ناهد: ول اشتر انوب تحچي بلسانك الاعوج
ااحچي عراقي ول حفيدد الهمج
گاعده بصفي بالكشن الورا
الأشتر: هُدهُده هذا اللساان الاعوج
يمشي ويتباهه بترتبيج كفيلج جدي الهمج
وهذا دهوم شاهد كلما دخلنا بسالفه دااجه
صيحت ول ناااهد تربيتتچ واگفه بين عيوني.
الباشا: يُما گضي وليدج
لا وعلى الضررغااام اندارله گضيه 25 سنه
دوخنا وكله من دلالج
الأشتر: وهذاااا اخونااا خووش ااخو
يستاااهل الهووسه هذاا اخونااا خوش اخو
ويستاااهل الهووسه دهووم شنو يستاهل
الباشااا؟
الأدهم: يستااااهل الهووسه
الباشا: لااا يااا على ياا ضرغام الحگنا
ناهد: اييهم عووفهمم يُماا
چاا شني غير اخوت الباشا يهوسولك
الأشتر: تمر تمر ياابويا تمر تمر
يااا بويااا تمر تمر.
اندارلي يهز راسه بتوعد، يلحن الكلمات مثلي
الباشا: لتر لترر يااا خووياا
لتر لتر يااا خويااا
الأشتر: نتحاسب يم گبر وگااع.
الأدهم: اشتر اللزم لسانك كافي
الباشا: ياا على يااا ضرغام
بألف يا على كملنا الطريق
فوگ ال25 سياره تمشي ورا سيارتي
وصلنا لبيتهم ومناك وصلو عشائر الإزمير
نزلت من السياره رفعت راسي فوگ اشوفها
تعاين عالمشيه مبتسمه شافتني بسرعه
ابتعدت عن الشباك.
الأشتر: Ak Ak واااي من الAk.
لبس نظارته ودخل للديوان ما جاوبني
الأشتر: همم حظي چا لو هسا
المعوشره وياي ما چان هذا حالي وحداني
مر بصفي طبطب على كتفي يردف
الأدهم: الف مره گتلك اللزم لسانك
يلا يُما تعاي خل ندخل
مرت امي بصفي كذالك
ناهد: بس ارجع للبصره
اخليك تعتقها وتطلكها، حفيد الهمج
لسان بطولك وعقل ماكو تگول على مرتك معوشره؟
الأشتر: يُماااي راح تدخل بالحدوشر وبعده
بيتج اضلم ما نور بذريتي.
عافتني ودخلت عاينت محد بقى غيري.
آني هم شلت السلاح جان عالدشبول وخليته
بظهري، دخلت للبيت بباب الديوان رغده
جان واگفلي سلمت عليه لازم اغثه چآ انغث
بوحدي!؟ حاجيته بالعراقي بعدها سلمت
بالتركي
الأشتر: سلامُ مؤمنً ابو الغيرةٍ عليكَ
يا مفول من الغيره يا أُخو مرت أخويا
Selam ve merhamet üzerinize olsun
أرغد: تمام وعليكم السلام بس فوت
Tamam، Selamun aleyküm sana da. çeri gel.
الأشتر: أدبناك من اول اسبوع معرفة.
چا لو نصير گراايب ول خااالي
أرغد: احجي تركي حتى نفهم!
الأشتر: جنت أگول ول خااالي
Teekkürler
عبرته وچان يهز راسه مو متقبل الوضع
الكل متواجد عشايرنا ونص عشاير إزمير
وعمام المسعده كذالك، اردف واحد من كبار
قبائل الأوغوز.
- نِضال آغا من اسبوع صارت أحداث
ما متوقعه ابن اخوك المفروض تنطيه بنتك
داهمو بيته، حاليآ بالسجن، واليوم
اجينا بدعوه من أكبر قبائل بلاد الرافدين
نخطب بنتك لأبنهم على سنه الله ورسوله.
-: حتى إذا الأول ما صار قسمه بينهم
آني رايدها لأبني الثاني
همست بإذن الأدهم
الأشتر: أگوم ادبرله سالفه دااجه
ونخلص من الأخ الثاني؟
الأدهم: اللزم لسانك ودير وجهك
سكتت درت وجهي استمعلهم
نِضال: والله يا حجي كمال
هذا اخويا رايدها لأبنه الثاني والأقربون أولى
اردف شيخ عشيرتنا بالعراقي وهمه جايبين
مترجم عود گلتك اترجملهم بس ما وثقو بينا
-: ما تمشي علينا سالفة الأقربون أولى
جيناكم من البصره لإزميركم، وما نرجع.
اذا ما ناخذها مريّه لولدنا
انداريتله اهمس
الأشتر: هييّج حماااسي
أگوم ابوس راسه كفيلك جدنا السابع
الأدهم: بس فهمني شمگعدك بصفي
شلون الله بلاني بيك. دير وجهك الخايس
الأشتر: نتحاسب يم گبر وگاع.
رجع حجى عمها للمسعده
- قبل أيام ولدكم يهددون گلنا يمكن
بعدهم بسن الشباب والتسرع، بس تجي
انت هسا تحجي وتهدد مثلهم ما مقبوله
الباشا: مستوعب الفكره شگد دمنا حار؟
الأشتر: دمنا حار حاروگه كفيلكم آل وگاع.
الأدهم: اللزم لسانك لا تطب بين الشيوخ
الأشتر: بس حبيت أبصم على حجاية اخونا
نظرلي بطريقه ما منها چاره غلست عليه
ادارينا للمجلس الصاير إلا شويه وتصير
دكه عشائريه
نِضال: حجي كمال بس آني مو موافق!
الحجي رد على ابوها بالتركي
واحنا ثلاثتنا واحد يعاين للثاني بتفاخر
- آغا نِضال لا تعاديهم ترا مو گدهم
استهدي بالله وانطيهم البنيه على سنة الله
ورسوله
الأشتر: ااالف الصلاااة والسلااام
علي رسوول ااالله مُحممددد.
الكل رفع راسه على وجوههم علامه استفهام
ويصلون على النبي
الأدهم: كسبت اجر 70 صلاة على الرسول
الأشتر: طگني بعين يلا احسدني يلا
اردف شيخ عشيرتنا
-: بعد الصلاة على رسول الله
متأكدين راح تنطوها ها خويا حجي كمال؟
ترا اجيناكم واليوم نتمم الثلاثه بنفس الوقت
نِضال: شلون الثلاثه؟
الباشا: المشيه، الخطوبه والقعد
نِضال: وشلون نلحگ؟
الباشا: شني شلون تلحك كلشي جاهز اذا تريد حتى مهرهه اليوم انطي؟ وباجر تسوولها حفلة الحنا حسب عاداتكم.
عمها گام طلع برا هو وابنه العار الثاني
دامير: ابن عمي بريئ من التُهمه وأول
ما ندفع الكفاله يتزوج أختي، ما ننطيها الكم
الباشا: لك ابني اگعد صفحه شلك بين الزلم
نِضال: دامير انت لا تحجي.
أشرت على مكانه، اردفت
الأشتر: تفضل اغاتي استريح.
الأدهم: تُعرفه ما يفهم عراقي!
نعله على ابليسك انت وجدك السابع.
الأشتر: سبني سبي بس لا تجيب
طاري جدنا السابع ما اسمحلك.
آيدا
نآزلي كملت المكياج والشعر
دخلت أمي تبتسم وجهه يبشر بالخير
بينار: آيدا كملتي لو بعدج ترا ام الباشا
گالت المشيه، والخطوبه سوا وبعدها العقد
آيدا: شنو كلها بنفس الوقت ادري شبيهم مستعجلين
نآزلي: كملنا خاله ما بقى شي، عوفج من آيدا مجرد كلام عاجبها الوضع وتگول قسمه ونصيب
جانت تدور على شغله بين المجوهرات
آيدا: Annem وين اسوارتي؟
بينار: بين أغراضج وين راحت
نآزلي: بس لا ذيج اللي من خرز بحري؟
نظرتلها ورجعت ادور
نآزلي: Tamam راح ادور وياج
بينار: شوكت اخر مره جانت بإيدج
آيدا: Annem تُعرفيني ما انزعها من ايدي
وين راحت
نآزلي: يمكن ضاعت بالمستشفى.
نظرتلها تذكرت الصار اكيد انگطع وراح
گعدت عالچربايه اجت امي ونآزلي كنبصت
گدامي تردف
نآزلي: شبيج آيدو هو أسوار خرز
گومي خل نطلع عيب العالم منتظره
بينار: آيدا باقي من الخرز نفسه اسويلج
واحد ثاني انتي بس گومي. تأخرنا
آيدا: Annem اريدها هيَّ ما اريد غيرها.
گمت أبچي مو مجرد أسوار خرز هاي
هديه من ابويا المرحوم سواها بإيده ولبسني
ياها من جان عمري سنه وكلما جنت أكبر
امي جانت تزيد عليهن جم خرزايا. حتى تصير بمقاس معصم أيدي.
نآزلي: آيدا مثلما خاله گالت اتسويلج واحد
ثاني دخيل الله گومي شسويتي بوجهج
اجت امي تحظني تعرفني شگد احبهه
للأسوار شويه وابتعد امسح بدموعي
آيدا: بس يروحون الجماعه تجين وياي
لبيت المزرعة نروح ندور غادي يمكن وگعت
هناك.
نآزلي: انتي بسس گوومي ولج.
هسا العريس يشرد ييمين عظييم.
گامت للمرايه تمسح الكُحل الساح من عيونهه
تردف بثقه
آيدا: ما جاب مشيه من البصره لحد إزمير
حتى يمشي بليايه.
نآزلي: خاله
شايفه الثقة آمّااان آمّااان
بينار: نآزلي رتبي وجهها وجيبيها وراي
لا تتأخرين راح ارجع اگعد وياهن
آيدا: Annem روحي جايه وراج والله
عفتهن ورجعت لِ مُضيف النسوان
أم الباشا جانت تسولف عن سنوات
سكنها بأضنه ويا زوجها، طلعت تعرف
تحجي تركي مثل ولدها انداريت الها
لمن گالت.
ناهد: أم العزيزه خل نحجي الحقيقه
والصدگ ترا آنه ابني متزوج وعنده ولد.
خوات نِضال مصدومات وآني ساكته
ما انطيت اي رد فعل منتظره تكمل.
ناهد: الباشا چان جاي بشغل مثل كُل فتره
يجي يخلص شغله ويرجع تعبر الأيام
إلا هل مره ما عُبرت سمع بيكم وانعجب
ببنتكم العزيزه چآ وآنه وليدي زلمه رايدها بالحلال، من حظنج لحظني كفيلج العباس
مثل بنتي و أعز دام الباشا رايدها.
- يعني ابنج متزوج!
بينار بيج عقل انتي؟
-: ابن اخويا اعزب نزوجها اله افضل
بينار خلي عقلج براسج.
ناهد: وين الزلمه اليوگف بوجه وليدي
والعباس ياخذها على خشم عمامها
مو بس ابن عمها
- قبل شويه جنتي تقنعين بينار بأبنج
اختي.
ناهد: لا عيني مو إقناع الشغله منتهيه
العزيزه بنتكم للباشا بس جنت اسولف
بالحقيقه احنا حچينا طگ بطگ
ما عدنه خاف ما خاف والشرع حلل اربعه
چا لو گتلج مريته الأولى بنت أُختي
شتسوين! ول خيتي
- تجيبين ضره على بنت اختج.!
قبل لا اجاوبهه دخلن آيدا ونآزلي
گمت جبتها عرفتها على النسوان الجايات
رحت لأم الباشا
بينار: آيدا أم الباشا بنيتي بوسي ايدها
باست ايدها رفعت راسها بهدوء
ناهد: الف الصلاة والسلام على رسول الله
مُحمد، آيه من الجمال يمه عين الحاره بارده
بينار: اگعدي آيدا
ناهد: خل تگعد يمي مرت الغالي
اخو خيته الما ينطيج لأبني
سكتت تذكرت كلام نِضال وعن لسان
ولد الباشا شلون هددو هذاك اليوم
عائله كلها تحجي بنفس الأسلوب.
ناهد: چآ وهاي الگمريه هم بنتج؟
- ليش ضل عندج ابن تزوجيه مره ثانيه؟
ناهد: چآ شلون ما عندي چآ غير
أم الأشتر اذا بنتها أخذها للأشتر
بينار: نآزلي روحي ساعدي نِهال
طلعت برا المُضيف انداريتلهه
بينار: أم الباشا، البنيه مو بنتي
هايه بنت الحجي.
اخت نِضال كلمه والثانيه تُدخل للحديث
- لو بنتها چانت هم باعته.
اندارت أم الباشا مخليه ايد على ايد
ناهد: غير تأمن على بناتهه
يم الزلم الحوك، شبيج خيه؟
آيدا ضلت ساكته إلى أن اردفت ام الباشا
ناهد: ها يل عزيزه شني ساكته
بينار: هيه هيج ما تحجي هوايا
ناهد: خيرُ الكلام ما قل و دل
رفعت راسي باوعتلها ولد طالعين عليها
بالأسلوب والحجي، لزمت أيدي
تردف وجنت مركزه بكل كلمه
ناهد: بنيتي خل احجيلچ حچايه
أعتبريها من أمچ الثانيه
هزيت راسي اي صارت تحجيلي عن ولدها
الثلاثه وصعوبة شغلهم إلى أن وصلت ل نقطة.
ناهد: و الباشا متزوج وعنده ولد.
نظرتلها ونزلت عيوني اباوع بفراغ لثواني.
عمتي ومرت عمي حجن
-: آيدا شلون ترضين بهيج زواج
- آيدو شغلي عقلج ابن عمج نديم
راضي بيج ووافق يتزوجج
نظرتلها وعيوني الدموع بيهن متحجره
هيج گامت تحجي عليه گدام النساوين كلها
بدون اي ذنب مني أمي گامتلها
بينار: كاافي عااد عُبررت حددها
گاااعده ببيتي تحجين على بنتي
-: غير بنتج هربت ويا هذا الإسمه باشا؟
گامت ام الباشا بوجه عمتي طبگت ويا امي
بصف واحد تحجي وشلون حجي
ناهد: ول هيوو ماا ظل مستحى بدمج؟
گُمتي تحجين على بنت اخوج تخربين بسمعهتا يااا عدييمه السمعه
بينار: الواحد گام يستحي بيكم تفشلون
اندارت تحجي ويا مرت عمي ابو نديم
ناهد: وأنتِ الثاني.
موش احنا الينحجى گداامنا عن سمعة مريَّه
لو بنيه طااهرة وعفيفه ونسكتله لا وحق الكفل مولاتي زينب
ندوس راسهه ونعُبر عليها عبور.
الأشتر
ضلو كبار الشيوخ يحجون والمترجم يترجملهم، خلصن بنات العُربان تا يعشگله تُركيا
الأدهم: شگلت؟
الأشتر: خلصن بنات العُربان تا يعشگله تُركيا؟
الباشا: أشتر.
قربت راسي منطي اذني حتى
يحجي
الباشا: اذا منا لخمس دقايق ما تگوم تجيب
الشيخ تا نعقد تسلملي عليها خوش.؟
نظرتله واجيت احجي سمعت صوت امي
الأشتر: سمعتو صوتهه؟
الأدهم: ام الشعر التمري؟
الأشتر: لاااا چللبتو بيهاا اامنا صوتها
انسمع كفيلك جدي السابع.
- ندوس راسههه ونعُبر عليها عبورر.
الباشا: يااا على يااا ضرغام اللحگنا
الأشتر: أگوم اشوفهن؟
الباشا: اثگل شويه نسوان بينهن
يتفاهمن
الأدهم: گوم طب بين النسوان تا آميله
تلمك لّم وتشمرك شمر بشط العرب
الأشتر: يعني ماأگوم احسن؟
الباشا: اشتر گوم سوي الگتلك عليه
لا اخلي آميله تنثر رمادك نثرر بشط عرب وعلى الضرغام.
الأشتر: دهيم يعني أگوم احسن؟
الباشا: دهيم انت وياه عالواهس
الأدهم: گوم احسن
الأشتر: نتحاسب يم گبر وگاع.
عفتهم وطلعت صعدت بالسياره متوجه لأقرب
مسجد اجيبلهم شيخ يعقد ويفض السالفه.
ندى
البيت هادئ والساعه عبرت التسعه عدنه
ضل بالي يم الأدهم واخوانه ماكو اي وسيلة تواصل مجبورين نصبر لحدما يرجعون
آمل بغرفتهه و أطفالي ثنينهم نايمين
دگيت غرفة سجى ودخلت وگفت اعاين ما موجوده ولا ابنها بمهده
ندى: وينج يمعوده، وينها هايه
اجيت اطلع لمحت ورقه عالچربايه تحت لعبه
ابنها اخذته اقراها.
- عمري نداوي او آميله ترا رايحه لبيت امي واحتمال ما ارجع الليله مو تجن ورايه ترا ما بيه شي ادير بالي على حبوبتي تمام؟ -
طبكت الرساله اردفت
ندى: هسا وگت تروحين جان العصر اطلعي
مو بنص الليل والله ما جاي افهم عليها.
سديت باب غرفتها ورجعت ارتب ملابس
أدهم اول ما يرجع من إزمير راح يطلع
للكربلاء.
آيدا
ام الباشا كملت كلامها وگعدت
هذني صافنات وخانسات دقايق عم الصمت
وعمتي رجعت تحجي وياي
-: آيدا انتي اكيد مو راضيه تتزوجين على ضره؟ آيدا أمه گامت حجت علينا گدام الكل
وانتي ما دافعتي عن عماتج.
وصلت حدها بعدما اسكتلهن گمت عدلت الشال على شعري، اردفت
آيدا: انتي گمتي حجيتي عني وعن شرفي
وما دافعتي عن بنت اخوج! گامت هيه تدافعلي. تدافع عن شرفي من لسان عماتي
- صايره ما تستحين تحاجيني هيج؟
آيدا: هاي بيئتي شسوي.؟
كبرت بين المايستحون وليطعنون بشرف
بناتهم.
ناهد: چآ هيج لازم تكون مريّت الباشا
-: اافهمم من كلاممج راضيه بهذا الزواج؟
آيدا: رجال گد كلمته وجايب مشيه
من البصره لحد إزمير عيب ارده
-: آيدا شبيج شجاي تسوين؟
آيدا: جاي استحي حتى ترضين.
رجعت گعدت بمكاني يم أم الباشا
ناهد: عين الحاره بارده مريّت الغالي
ف يا أم العزيزه الباشا بعد الزواج راح يستقر بإزمير عبن شغله هنا خليج مطمئنه ما يبعدهه عنج.
بينار: االله يحفظه ويطول بعمرهم
ونعم من ولد الباشا.
ضليت گاعده وياهن وعماتي بعد سكتن ما حجن كلمه زايده.
الأشتر
رجعت بعد نص ساعة جايب الشيخ وياي
قبل لا اوصل لباب بيتهم نزل شخص من
سياره سحب أقسام السلاح ودخل للبيت
الأشتر: لااااا ياااا علي
اردفت بالتركي ويا الشيخ
الأشتر: اانزل بسررعه انزل شيخنا
Cabuk aa in، aa inin eyhimiz
نزل من السياره ودخلته للبيت وياي خليته يبقى بالحوش طلعت سلاحي من الحزام
ومشيت للديوان.
الباشا
الكل أتفق الزواج يتم والعقد بعد دقايق
انفتح باب الديوان حسبالي اشتر لمن دخل
شايل سلاحه بوجهي، ما ترددت أشهر سلاحي بوجه والكل مصدوم مني شلون گاعد بالديوان والسلاح وياي، من الجهه الثانيه تقدم دامير كذالك سحب سلاحه يردف
دامير: ولد الباشا قصتكم بلشت بإزمير
يوسف: و راح تنتهي بإزمير
اشتر دخل للديوان من ورا ثبت السلاح
علي رأس يوسف عاين عليه اردفنا سويا.
قصتنا بلشت بإزمير وما تنتهي الإ في البصره.
الأشتر: وتحديداااا بصف گبر وگااااع نندفن
وول خااالي، دهييم گووم تحررك يبعد ااخوك دوررك
الكل مستغرب والكل واگف شباب وشيّاب
الأدهم لف إيد دامير من ورا ما يدري
من وين طلعله، اردف يشد على الكلمات بأذنه
الأدهم: زلم الدواوين احنا موش ياهو الچان
يرفع سلاحه بوجهنا وهاي ايدك الليله
سلملي عليها.
الباشا: ولك دهيم احنه مسوينهه من قبل.
موگفين عشاير على تك رجل و خليناك تاخذ الأصيله اليوم نعيييد الصار من سنه وبنص إزمير اخذ بدرُ التِم من عينهم بهل ليله.
الأشتر: ااخ لو آمالي المعوشره هم هيج ماخذها، حرامات انطوني بنتهم بكل رحابة
صدرر
اردف شيخ عشيرة الآغا ويا شيخ عشيرتنا
- مااا يصير هيج خل ولد الباشا يعوفون
ولدنا ونگعد نتفاهم الزواج يصير بدون
اعتراض
الأشتر: لا اغاتي تفضل استريح احنا
ناس رايدين أكشن وحمااس.
-: ولدنا ما غلطو زلم الدواوين ما ينرفع بوجهم سلاح واذا انرفع يقرا السلام على
روحه.
شيخنا كمل كلامه وگعد، بمعنى تصرفو
الباشا: ول اشتر جبت الشيخ مو؟
الأشتر: ول صدگ الشييخ.
الأدهم: وينه؟
دخل شاب وسيم بأيده سبحه يفرها
والشيخ يمشي وراه
يمان: السلام عليكم جبتلكم الشيخ يلا
Selam sana، sana eyh i getirdim، hadi
الأدهم: مصاحب بدوون اذني؟
الأشتر: لاااا كفيييلك جدي السابع ما اعرفه
ول خااالي ااانت منوو؟
يمان: ابن الحجي كمال شيخنا اگعد يم ابويا
الباشا: الزلم الزلم
الأشتر: دهيم جيب هذاك العار يم هذا العار
نربطهم سواا
دامير: ليييش ساااكتيين يااا جُبنااااء
ااذا بديوااانكم ما عدكم كلمه وييين للعدد
نِضال: ااانت واابن عمممك خزيتونا
الأدهم: هذا بشنو نربطهم
الأشتر: ول خااالي واحد بيكم يروح للنسوان يجيب چفيه نربط هذوله العارات بيها
- ما فهمتك؟
الباشا: يااا على ياااا ضرغام الحگناا
تقدم الاسمه يمان بعدما طلع شويه ورجع.
يمان: هذا الحبل يكفي الحمارين سوا
طبطب على كتفه اردفت بإبتسامه
الأشتر: ول خااالي شكرآ
Teekkür ederim amca.
الأدهم: لا تذب ميانه
الأشتر: لا تغار أغاتي
خليناهم ظهر بظهر ربطنا ايديهم سوا
تقدم الباشا كنبص گدامهم اردف
الباشا: قصتكم بلشت بإزمير وراح تنتهي بإزمير.
ادرف الشيخ حجي كمال
- ونعم منكم زلم ولد زلم، نِضال يمكن
تعتبري عدوك بمجال الشغل والحياة
بس هنا بديوانك لو انتو جنتو الحقانين
چَنت راح اوگف بصفكم.
يوسف: چذاااب اانت جذااب
تقدم يمان لف السبحه على الاربع أصابع
كور ايده وضربه بوكس اردف
يمان: الأحسن ما تفتح حلكك بكلمه
عديم الشرف
جاب كرسي وگعد گدامهم اردف
يمان: يلا اخوت الباشا اخذو راحتكم آني
عيني عليهم
الأشتر: ول خالي حبيتك تصير رفيجي؟
نظرلي اردف
الأدهم: اشتر مو وگتك
الأشتر: لا تغار أغاتي اتشاقه
اردف الباشا
الباشا: يلا عمي نِضال لازم نروح نعقد
آنه وبنتك يلا.
نِضال: تمام تعقدون راح نجيب البنيه.
الباشا: وييين تجيبهاا؟
الأشتر: هذوله الهمج الأصلين موش آنه
الباشا: تجيبها بين الزلم واسمحلك؟
نِضال: وانت تدخل بين نساوينا عادي؟
الأشتر: تراا يعقد على بنتك موش على أمك وخواتك.
الأدهم: هم زين تحجيها بالعراقي
الباشا: شيخنا امشي گدامي اشتر
انت لو أدهم تشهدون
رفع ايده يردف متحمس
الأشتر: ول خااالي آنه اشهد
انت بس استعجل فوت
الأدهم: المعوشره خل تجي تشوف ابو النسوان
دامير: يابه وووالله ماا اسكتلهم على هاي
الإهانات.
يوسف: لو باقي يوم واحد بعمري
راح اقتلكم انت وآيدا رااح ااخلص عليكم
دفره يمان يردف
يمان: عديم الشرف من يوم يومك
انت هربت من السجن بس راح ترجعله للأبد
اول ما يخلص العقد.
الباشا و الأشتر طلعو من الديوان ويا نِضال
والشيخ حتى يعقدون بقيت ويا يمان
سحبت كرسي و گعدت بصفه نراقبهم مگعدينهم بنص الديوان صارو فرجه لشعائر
العراق والإزمير.
آيدا
بعدما سمعنا أصوات الزلم تعالت بالديوان ما جان بإيدنا غير نصبر نشوف شراح يصير
بعد ربع ساعة دخل ابويا سلم واردف
نِضال: الباشا والشيخ راح يدخلون حتى
يعقد.
بينار: اي تمام
لزمتني الرجف مرتبكه وگلبي يدگ دمام
نآزلي بصفي ترتب الشال وبس نحجي بهمس
نآزلي: شبيج ترجفين ترا عقد قران مو حبل مشنقه
آيدا: الله يحطج بهيج يوم حتى تحسين بالجاي احسه، راح اموت من گلبي يدك
سرريع
نآزلي: الباشا جايب راسج وتگولين قسمه ونصيب.
آيدا: نآاازه دخيلج اسكتي
نآزلي: ولج دخل والله آآمّان آمّااان هذاك الحلو هم دخل وياه
آيدا: منو قصدج بهذاك الحلو ولج
نآزلي: اعتقد اخوه الاصغر مدري شسمه
شتر اشتر المهم ديري وجهج صار قريب علينا
اجا گعد والشيخ بالنص اخو گعد بصفه وآني بصف آيدا اللي مخليه ايدها بحظنها
وتفرك بي من التوتر نظرت لهذا الجاي ويا الباشا ما يرفع عينه وكل شويه يبتسم ويحجي كلمه بلهجتهم لو يهمس بأذن الباشا.
الأشتر: بدرُ التِم النچره شبيها ترجف؟
الباشا: عيونك اشلعهن لا تعاين عليها
الأشتر: زين عمك المحترم ليش واگف فوگ راسي خل يگعد صفح
الباشا: دير وجهك الخايس شگد تحجي
حقه الأدهم ما يجرعك
درت وجهي والشيخ بلش بمراسم العقد
كمل وسأل عن الشاهدين
الأشتر: آنه الشاهد الأول وانتو دبرو الثاني
او الثانيه
بينار: بنت الحجي راح تشهد
الأشتر: احس راح نطلع بزواجيين ولا تسالني مني هيّه
الباشا: وبالبصره آميله تزفك ل گبر وگاع.
دار وجه لمن الشيخ اردف
- وانتم شاهدين على هذا القِران؟
نآزلي: نعم أشهد
الأشتر: نعم أشهد كفيلكم آل وگاع
- ابني اشهد مثل العالم والناس
الباشا: تريد تخزيني بجدك الخايس؟
الأشتر: نتحاسب يم گبر وگاع
نعم أشهد على هذا القِران المُبارك
- تمت على بركة الله، الف مبروك الكم
الأشتر: منك الماال ومنهااا الجهااال
ول خااالي استعجلوا بالزفه.
الباشا: رحم الله والديك ابقى على العراقي
ولا تحجيها بالتركي.
ناهد: أم العزيزه جيبي الخواتم خل نتمم الخطبه
بينار: من عيوني أم الباشا
همست نآزلي بأذني
نآزلي: آيدو يمين عظيم بس لو تشوفين الگاعد بصف زووجج تطلبين الطلاق وتتزوجينه هو، إبتسامته çoook güzel
آيدا: لا تخليني اندم
Beni piman etme
نآزلي: لا والله الباشا احلى من كل النواحي
Paa her ynüyle daha güzel
آيدا: sadece أنچبي
اردفت آيدا الكلمه الثانيه بالعراقي
فورا الباشا نظرللها مع إبتسامه جانبيه.
الأشتر: منطيها دروس باللهجه لو شنو؟
الباشا: هاا شگلت ما سمعتك
الأشتر: çok güzel
دخلت ام العروسه بإيدها صينيه مرتبه ومزينه بيها المحابس الجابهن الباشا
بينار: گوم أبني حتى تلبسون الخواتم
الأشتر: راحت عليك يا دهيم
شلون مناظر تخبل
گام الباشا وگفو بصف بعض
بينار: آيدا لبسي الخاتم
نآزلي: شمنتظره بعد عقد وعقدتي ماكو فرار
رجعت تردف نفس الجمله وبهمس
آيدا: نآزلي أنچبي
رفعت انظارلي اله ماد ايده وايدي ترجف.
لبسته الخاتم وامي انطته الخاتم مالتي
بينار: ابني الخاتم ولبسها
اجيت أمد ايدي هو مد ايده لزم معصمي
بعدها نزل ايده لزم أصابع أيدي تلامس
مكان الخاتم ولبسني ياها.
امي شالت المگص تردف
بينار: بسم الله، الف الف مبروك
گصت الشريط الأحمر اجيت اسحب أيدي
لزمها
ناهد: ألف الصلاااة والسلام على رسول الله
مُحمدد.
كملت هي وباقي النسوان بلشن يهلهلن
همستله
آيدا: اترك ايدي.
Elimi brak
نظرلي اردف بإبتسامه
الباشا: انچبي.
آيدا: Ne.
الباشا: چا لو ما تعرفين معناها ليش تحجيها؟
آيدا: أكثر من مره گلتلي هاي الكلمه
وعبالي معناها اسكت
الباشا: اي أنچبي
آيدا: Ne
ابتعد يبتسم بدون جواب، مشى من المُضيف راجع ويا ابويا للديوان.
الباشا
كملنا وطلعنا
راجعين للديوان اول ما دخلت
رحتلهم اردفت
الباشا: يوسف عديم الشرف
خليتك تصير عبره لغيرك وبعد اطوخها وياك
اكثرر
گمت اردفت مأشر عليه
الباشا: هذاا العديم الشرف
مو بس سكيرچي هذاا حاول يقتل بنت عمه
كذالك يعني ينحكم ماكو مفر واضل وراه
لحدما ياخذ عقابه.
دامير: اذا هو هيج مسويه آني بريء
ما مسوي شي عوفني.
الأدهم: اشو ما مرتاحلك
الباشا: چآ ولسان الچلب الشايله بحلجك؟
يمان: الشرطه بالطريق اگعدو واتفاهمو بمواضيع الزاوج، اني اتكفل بهل عارات
الباشا: اشتر ابقى ويا ابن الحجي
رتبو الأمور سويا
الأدهم: شو گمت اضوج من هذا الأسمه يمان
الباشا: شبيك بس لا گمت تغار وانت بعمرك
ال27 سنه وعندك كومه جهال.
الأدهم: صح ما ينجرع و لسانه متبري منه
بس اخونا الزغير چا شني يروح يحاجي غيري بنفس الأسلوب ما اقبلها ول خالي
كعدنا نتفاهم بأمور الزواج الأشتر وابن الحجي طلعو دامير ويوسف للحوش.
الوقت صار بعد العشا جماعتنا رجعو على مدينة مانيسا للفندق ضلينا احنا الثلاثه ويا أمي عدهم، دخلو المكافحه التركيه سألو عن
السجين الهارب يمان أشر يردف
يمان: هناك مربوط اخذو
الأشتر: ولك دهيم شوكت نرجع لبيت الباشا
تأخر الوقت وكلشي تم على أكمل وجه
الأدهم: الباشا چآن يحجي ويا امي بالصاله وينه بعده ما رجع؟
الأشتر: دهيم بس لا رايد يشوف المسعده؟
الأدهم: استر علينا بتوقعاتكم.
آيدا
افتر بالغرفه متوتره وكل شويه ارفع أيدي
اباوع بالخاتم
نآزلي ذبت بظهرها عالچربايه تلعب بشعرها وتردف
نآزلي: انقهرت والله هذاك الحلو طلع متزوج
آيدا: وانتي من وين عرفتي
نآزلي: أمج بالمطبخ گالت امه سألت
عني ولو جنت بنتها جانت خطبتني للأخ الثاني وجان تصير زفتين من نفس العائله
ضلت تمسح برگُبتهه تردف
آيدا: شلون يعني شراح يسوي؟
گامت ترتب شعرها وگفت بوجهي تأشر بأيدها گدام وجهي
نآزلي: ياااكلج الأخ مستعجل.
آيدا: نآاازه بلا حجي تااافه
دخلت امي تردف
بينار: يلا آيدا الباشا ينتظرج
آيدا: وين ينتظرني؟
بينار: المُضيف مال النسوان وين يعني
امشي ترا الجماعه راح يمشون
آيدا: Annem خل يمشي هو بعد يومين الزواج عليش يشوفني هساا
نآزلي شبيييج خااايفه ولج بس يشوفج
وتشوفينه
بينار: آيدا بدون اعتراض يلا امشي
وانتي نآزه اخوج بالباب ينتظرج بنيتي
روحي وياه
شلت الشال خليته على خير راسي
نآزلي: آيدو اهدي بدون توتر وروحي شوفيه.
آيدا: اهوو تمام تمام اشوفه، Teekkürler
لأن جنتي ويايه بأهم يوم بحياتي.
نآزلي: الفضل راجع للباشا
عافتني وطلعت برا الغرفه
عدلت الشال على شعري، طلعت ورا أمي دخلتني للصاله، سدت الباب باوعت وراي وانداريت اله چآن منطيني ظهره يدخن التفتلي مصغر عيونه تقرب بخطوات
ثابته عيوني تراقب تحركاته اردف
يوخر خصلة من شعري على عيوني
الباشا: أيا بدرُ التِم ماذا فعلتِ بالأيهم؟
تلامس الشال نزلها ولزم خصلات شعري
يشمهن، اردف.
الباشا: قَيَّدني الحُبُّ وَ خَلاّها، وَلَجَّ سُقمٌ وَعافاها، كِدتُ أَقولُ البَدرُ شِبهٌ لَها، أجعَلُها كالبَدرِ حاشاها.
توترت من نظراته ابتعدت شويه
اردف بطريقه غريبه ينظرلي
الباشا: شنو هذا الأثر؟
أشر على نحري
آيدا: ها م ماادري
عاف الجگاره بالنفاضه تقدم وخر شعري
جنت مغمضه عيوني لا يسوي شي اردف
الباشا: منو مد ايده عليج؟
فتحت عيوني نظرتله.
الباشا: منو مد يده عليج، نضال، أرغد لو العار دامير؟ اخر مره اسألج بهدوء
آيدا: دامير
لزم أيدي رفع ردن الفستان اخذ الإيد الثانيه
هم شاف آثار الحزام عليه عدلهن تقرب
باس راسي وابتعد يتراجع ليورا ينظرلي
فتح الباب حتى يطلع اردف قبلها
الباشا: تنكسر الإيد المدها عليچ تنحرگ
وعلي الضرغام.
كمل كلامه وطلع گعدت محتاره وخايفه
من المجهول.
الأشتر
ضلينا ننتظر الباشا يطلع حتى نشمي
آمي جانت بالسياره و الأدهم واگف بصفي
طلعت بنت الحجي من باب البيت.
الأشتر: ماذا لو
الأدهم: لو تلزم لسانك انت متزوج
الأشتر: ول خالي بنت الحجي والحجي يروحون فدوى لتراب رجلين آماالي المعوشره
حظن كتفي يطبطب عليهن
الأدهم: أيقونة الحُبِ و الوَفاء ول خااالي
طلع الباشا مستعجل ردف
الباشا: اصعدو يلا لازم نمشي
فتح الباب صعد يردف
الأدهم: استر يا ساتر.
الأشتر: وهاي صعدنه دهيم انت سوق ما عليك بينا نسولف، احجي شكو ليش مستعجل؟
ناهد: بس لا طلعتلك شغله؟
الباشا: لا يما ماكو شي أدهم امشي بسرعه
شبيك.
الأشتر: بس لاااا سالفة بيها بانزين وفهمك كفايه؟
ناهد: بانزين ايش ولك حفيد الهمج
الباشا: اشتر اكل نعل وانچب.
سجى
البيت بعيد ضليت امشي على رجليه نص ساعة لحدما وصلت باب بيته دگيت الباب
والولد جان يبچي، فتح الباب
- من شوكت منتظرج؟
مو گلت ما تتأخريين
سجى: البيت بعيد و آنه جيتك مشي
فليش هيج تحجي
لزم أيدي يسحبني للداخل سد الباب واندارلي
- الباشا وين؟
سجى: بشغل برا العراق
- جيبي الولد خل اشيله مشتاقله
أخذه من ايدي يلعبه ويضحك وياه نظرلي اردف
- الباشا وين گلتي؟
سجى: برا العراق ما ادري وين بالضبط.
عاف الولد عالقنفه تقدم بخطوات بطيئه
- سجااى تچذبين عليه؟
سجى: ما ما اجذب كفيلك العباس ما اجذب
لزم متوني يردف
- سجى تعرفيني اكره الچذب فليش تچذبين؟
معقوله ما تدرين زوجج وين وشنو سبب شغله برا العراق؟
سجى: لعب ابنك واشبع منه اريد ارجع لبيتي
- چا وحق الچذبه ما تدفعيها.؟
سجى: ما چذبت هذا الاعرفه
تقدم خطوات وآنه أتراجع خطوات
- چذبي على خلق الله كلهم إلا على
ابو آل عَزام ما تُعبر.
الباشا
وصلنا للشقه فتحت الباب دخلت امي رحت على غرفتي بدلت بسرعه
ناهد: ول أيهم تجيب مريتك هنا ما اسمحلك
من باچر تدور على بيت أكبر مفهوم
الأشتر: يُماااي ملاحظ دلالج الزايد
للباشا شبيج چآ وآنه مو ابنچ؟
دخل الأدهم شايل جنطة الفلوس
الأشتر: وهذا ادهم الدرهم جايب فليساته وجاي
خله الجنطه عالميز فتحها يعدهن
ناهد: درهم شگد بالجنطه
الأدهم: اادهم يما ادهم، حفيد الهمج مأثر عليج
ضحك ضحكه عاليه بلا مستحى.
الأشتر: ييُمااااي صاارت تستخدم
مُفردااتي
ناهد: ول حفييد الهمج بالغلط والله
طلع الباشا مبدل والكفوف لازمهن بإيده
آني و الأدهم واحد ينظر للثاني بس احنا
النعرف معنى طريقه لبسه هذا
ناهد: شني هاي الملابس چنك غُراب ابني روح بدل مو زين تلبس اسود بهيج يوم مسعد
اجا باس راسها يردف وينظرلي
الباشا: يما بس اخلص شغلي اشمرهن واحرگهن مو بس ابدل، ما اتأخر
مر بصفي همسلي
الباشا: تعال وياي بدون حجي زايد.
الأدهم: ما ادري اي واحد منهم بس سلملي عليها.
ناهد: شبيكم تتبسمون على شنو تحجون
تسلم على منو، ول حفيد الهمج
گمت اروح ابدل والحگه الأدهم ضل يقنع بأمي انه ماكو شي مجرد نروح بشغله ونرجع بسرعه
بدلت وطلعت لگيته بالباب
الباشا: اصعد بسرعه
الأشتر: منو المطلوب؟
الباشا: دامير اوغلو
الأشتر: لااا آنه غاثني رغده چا ليش مو هو
ما جاوبني كمل طريقه للبار اليروحله هذاك الخايس، ضلينا ننتظره الساعه عبرت ال12.
الأشتر: هسا هذا شوكت لحك يجي هنا جنا ببيتهم قبل ساعات النگس ما صدك فتحت ايده
الباشا: شد لثامك هذاك هو طلع
الأشتر: أمري لله يلا
عبر سيارتنا، نزلنا وراه كل خطواته عوجه
المطي سكران لبست الچيس الأسود براسه
والأشتر لزم ايدينه دخلنا للسيارة ومشينا
ربع ساعة وصلنا للمستودع نزلته اسحله
وراي شمرته بنص المستودع الأشتر وخر الچيس ضليت افتر داير مدايره، احجي
الباشا: حذرتكم وااحد وااحد اليطخها
احرگه واكسر ايده.
اردف بلسان ثگيل
دامير: منووو ااانت ليش مقننع شيل
البر البييريه
الأشتر: باشا من وين نبلش
مد ايده
الباشا: جيب الحزام
الأشتر: چا اصبر خل انزعها
الباشا: يااا على ياا ضرغام
الأشتر: هاك تفضل
أخذها من ايدي لفهه على ايده وبلش
يجلده
الباشا: كلللشي بحقكك قليل كلللشي
گلتلكمم لااا تمدوون ايدكمم ااكسررها
الأشتر: عفيه اضربه على رجله
حييل توجعع
كمل جلد وهذاك يون ونّ من اللألم
كنبص گدامه طلع الجداحه من جيبه.
الباشا: وعلى الضرغام لوما جنت اخوها
جان هسا راشك بلتر بانزين ومخلص الدنيا من عار مثلك
صار يحرگ كف ايده واصابعه بالجداحه
راح للثانيه كذالك وهذا يشيل روحه ويرگعها بالگاع، مل منه وگال دفره چم دفره واندارلي
الباشا: تروح تذبه ببيت صديقه الصايع
وتدز شخص ينطي خبر لأبو هو باقي يم صاحبه لحد ما تخلص الزفه
الأشتر: ول خااالي تدلل انت بس فضنا تزوجها وخل ارجع لبيتي يمعودد.
في اليوم التالي.
آيدا
كلشي دا يصير بسرعه الصبح اهل الباشا
دزو النيشان والذهب وياها مهري وهسا
گاعده لابسه فستان احمر بحفلة الحنا مالتي
نآزلي تقربت غطت وجهي بالطرحه الدانتيل
الأحمر وبلش مراسم الحفله موال تركي بهيج مناسبات على لسان الأم لحد ما تبجي العروس بعدها تنشال الطرحه ويبلش الاغاني والرگص.
نآزلي: للج آيدوو وااخيرا بليلة حنننتج داا اررگص ما اااصددگ.
تضحك وتتمايل گدامي اجت لزمتني أگوم وياها ثنينا نرگص والبنات يصفگن أيدي عليها الحنا گعدت اشوف الاجواء كلها فرح
وركص اغاني وسعاده سعاده بعمري ما جنت
اتخيل راح اكون فرحانه بهيج يوم والعريس هو النذل ابن عمي. بس كلشي تغير لمن الله جمعني بالباشا
تصفگ وتحجي بصوت عالي بسبب الاغاني
نآزلي: وللج ااآيدوو گومي ارگصي هذاا يوومج گوومي رگصي على خشووم كااارهيينج گوومي
فعلاً گمت ارگص واغني عناد على كل حاقد.
عماتي واگفات صفح يباوعولي بعين العدو
الساعه عبرت 11 المعازيم كلهن گرايب بلشو يقلون بقينا اني ونِهال، نآزلي رجعت من المطبخ وبإيدها صحن بقلاوة تاكل منه وتحجي
نآزلي: بقلاااوة الغاااليه بقلاااوة آآيدوو
يييمن عظييم جنت حالفه لوو تتزوجين يوسف جيفه إلا اتفل بوجهج بس حظظظ
نِهال: وللج نااآززه انطييني شويه
اشو آني هم فرحتلها ييمين عظيم
گعدت بصف نِهال مرت أرغد ياكلن ويحجن
نِهال: أرغد لو يسمعنا يفرغ المخزن براسنا.
نآزلي: خل يولي زوجج لا تخليني استلمه
نِهال: آيدا شبيج ساكته
هي هيج گالت وآيدا انفجرت تبچي
آيدا: هسااا ااني شلوون ااعووفجن
آني ونِهال نظرنا لبعض اردفنا
نِهال: تبچين علمودي؟
نآزلي: تبچين على فراگي؟
آيدا: لااا ااابچي على حظيي ببيچن حمااارااات
نآزلي: لااا تبچين وللج نِهاااال تعاي سكتيها
اجت خاله بينار حظنت آيدا تبوسهه وتسكت بيها
بينار: كاافي بنيتي على شنو تبچين على هذني التافهات خل يولن.
آيدا: Annem حتى عليج ابجي شلون اعيش ببيت انتي ما موجوده بي
گامت خاله بينار هم تبچي
نِهال: هسا صدك اكوم أبچي
راحت تحظن آيدا بقيت اني اباوعلهن
نآزلي: دقيقة أگوم احظنجن وانقلولي العدوى
تغيرت الاجواء للضحك على كلمتي
بقيت وياها لحد 12 ويمان اجا وراي يرجعني
باليوم الثاني يوم الزفه من الصبح رحتلها
دگيت باب غرفتها ودخلت
نآزلي: ووولج بعدددج نااايمه
آيدا: شبيييج اااطلعيي برااا خل اشبع نووم
شلت اللحاف فتحت الشبابيك.
نآزلي: على گولة الباشا أنچبي
آيدا: ولج خاف مسبه مو حلوه هذاك اليوم
گال اذا ما تعرفين معناها ليش تحجين
نآزلي: شما چآن ااانچبي وكومي للحمام
اسبحي فستانج ووصل
عافتني وراحت تسبح نص ساعة وطلعت
آيدا: امي گالت زفه بسيطه فلا تزيدين
هوايا خلي شي بسيط
نآزلي: أنچبي خل اعرف أشتغل
انداريت اله
آيدا: شبيييج لزگتي بيهااا انووب راح اسمعهاا منه طوول العمر ياا على يااا ضرغام
نآزلي: يا على يا ضرغام؟
آيدا: هااي هم سمعته منه.
نآزلي: بشىررفج علميني بعد كلمات عراقيه
آيدا: نااازه اشتغلي كاافي تحجين يااا الله
نآزلي: جنتي راح تگولين يااا علي
انداريت ضربتها ببطنها
آيدا: شلون راح اخلص من ثكل دمج.
الباشا
خلصنا من الحلاق بالباب اشتر
طلع سلاحه يضرب طلقات ويهوس
الأشتر: وچاان نللعبب جووله
ابعرررسك نللعبب جوله
الأدهم: دخيييلك ياا على شلوون يدبچ تگول بشوارع البصره مووش بإزمير
الباشا: عوفه يمعود عاجبني الوضع والله
وگف بنص الشارع مكتضه بالناس اردف بصوت عالي
الأشتر: ولج إزمييير اليوووم نزف بنييتج
للباشا ااخونا على عنااااد كل حاااقد
الأدهم: چآن لازم تگولها بالتركي هاي المره.
الأشتر: اااگولها وغلات الغالي اخونا
zmir bugün kznzn düünü، onu her kindar inatçnn üzerine kardeimiz Paa ya gtürüyorsunuz
الناس كلها صارت تبارك للباشا وتسلم عليه
الأدهم: ول هذا شلوون لملم علينا إزمير وأهلها.
اجا الأشتر وگف يمنا اردف الباشا
الباشا: ول اخوت الباشا
گالها وحظنا اني والاشتر سوا.
آيدا
المعازيم كلهم وصلو وابويا أصر الزفه تصير
ببيتنا اهل الباشا والمشيه الجابها للعقد
ما جانو راجعين جانو بمدينة مانيسا نازلين
بفندق واليوم للعرس كلهم اجونا اخويا دامير
مختفي عايف البيت وما راجع صار يومين
المفروض يساندني ك اخ. فزيت من صفنتي
علي صوت نآزلي
نآزلي: آآيداا اي كعب راح تلبسين
اريد اكتب اسمي اول وحده
آيدا: شبيج صوتج، هذاك الواحد
أشرت عليه وراحت تكتبه
نآزلي: غيرت رأيي انتي اكتبي اسمي.
بس باوعي دوسي على رجله بقوه
اخذت القلم من ايدها والكعب اكتب اسمها
آيدا: استحي ادوس رجله هذوله عاداتهم
تختلف عن عاداتنا عيب والله
نآزلي: ما منج فايده اصلا مبين كلمته
راح تمشي عليج مو كلمتج
دخلت امي
بينار: اللهم صل وسلم على نبينا محمد
الله يحرسج من العين
ابتسمت بوجهه وهيه تقدمت تشدلي
الشريط الأحمر
بينار: بنيتي كلش فرحانه الج
كتلج العوض يجي ولو بعد حين.
بست ايدها مرتين حظنتها نآزلي جانت
هايمه باللحظه.
نآزلي: تخبلون ربي يحفظكم
آيدا: ناازه تعاي تعاي
اجت بسرعه تحظني بقوه شويه وابتعدت
لمن سمعنا أصوات الطبول والزفه وصلت
بينار: يلا آيدا الزفه وصلت خليج جاهزة شويه اجي انزلج
هزيت راسي وهي طلعت نآزلي قفلت الباب وراها واجتي ركض تاخذني للشباك
نآزلي: تعاي خل نشوف الزفه
آيدا: هسا يشوفني وتخرب الهيبه والثكل
نآزلي: ااستغفروو الله توبه توبه
ما اريد احجي بالقلم العريض امشي
وخرت البرده شويه تباوع تحت.
اخوانه يصفكون ويدبجوله وهو يصفك وياهم
ابتسامته تسحر الناظرين اول مره اتمعنت بي لهل درجة، جان لاسب قاط رسمي اسود
نآزلي: هاا ها الهيبه والثكل
آيدا: يمين عظيم شااافني اارتااحيتي
ابتعدت من الشباك
شويا واجت امي تنزلني ونآزلي بصفي لازمه الفستان
النسوان من المشيه بلشن يهلهلن
والأجواء حلوه تخبل اول مره هيج عرس
يصير بإزمير الكل جان منبهر حرفياً
خلصت الزفه وخلصت المراسيم والموادع.
اخوت الباشا بصف بعض واگفين ورا الباشا
گدام الباب الخارجي للبيت المنطقه ازدحام
المعازيم كلهم بلشو يطلعون امي اخذتي سلمتني لأيده ومشاني للسيارة
الأشتر: ول باااشا ماا اوصييك اول
بنيه اااني أخذها لأبني وحق جدنا السابع
كمل كلامه وجان يباوع ورانا اختفت ابتسامته والباشا قبل لا يندار لورا
الأشتر ركضله حظن اخوه وانطى ظهره للرصاصه لحظات قشعرت كل جسمي الصوب.
مجهول واختفى بين المعازيم الباشا حاظن اخوه ونزل كنبص ما مستوعب الصار
الأدهم انهد حيله ما يعرف يلزم امه الوكعت
من الصار لو يتلاحگ اخو الغرگ بدمه.
اردف وبكل منادة يرجف رجف على اخوه
الباشا: أشتر أ أشتر أشتر
الأشتر: ما أوصيك اول هِلال من بدرُ التِم تكون للوگاع. تكون لل وگاع.