رواية ولد الباشا للكاتبة فاطمة الأحمد الفصل الرابع والعشرون
أريم
رساله ورا رساله وآني اقراهن وما استوعب الكلام إلى مكتوب
—: هو الكاتب في حياتنا و نحنُ نُمثل ما يكتُب.
خليت ايدي على حلگي الكلام اله معنى كبير مو مجرد كلمات منو هذا الشخص وشنو علاقته ويا أبيل، وصلت الرساله الرابعه وچانت
—: نَحنُ أعداء في نُقطه وَ أصدقاء في عِدة نُقاط.
اعدت قرأة هاي الرساله أكثر من مره، عقلي وگف حرفياً.
أريم: منو هذا؟
اخر رسالة اجته وچانت.
—: صدق او لا تُصدق الشيطان الأخرس هو منكم وليس مِنا، كُن حذِراً، A X R
قريت الأحرف وحده ورا الثانيه وعيوني بطلن يرمشن من سمعت خطوته، رفعت راسي شفته واگف بالباب وبإيده ماعونين من الطبخه.
من التوتر وهو شاف موبايله بإيدي ما عرفت شلون ابرر موقفي وهو ساكت ليش ما يحجي
ولا صرخ يبدو منتظر تبرير فعلآ.
أريم: چنت اخذ موبايلي وسمعت صوت الإشعارات
أبيل: موبايلي اربعه وعشرين ساعه صامت!
المشكله انه بعدني شايله الموبايل بإيدي، فوراً عفتهه بمكانهه وأخذت موبايلي.
أريم: لا اقصد الشاشه ضوت من ورا الإشعارات.
واجيت اشوف خاف شي مُهم.
شعليچ بي مره ثانيه لا تمدين ايدچ على خصوصيات غيرچ.
عاف الأطباق على الميز واخذ الموبايل اول ما شاف الرسايل اللي وصلته نظرلي.
اذا ما قاريه تعاي اقريها بلكت تشبعين فضولچ.
خلى الموبايل بوجهي صدمني من تصرفه شلون ما ضم السالفه معقوله مو مهمة الموضوع عنده.
أريم: تمام آسفه وخر الموبايل راح يدخل بوجهي.
لا اقري اقري خل ترتاح الدوده البيچ.
قفلها وشمرها على القنفه بنفاذ صبر
اخذ وحده من الأطباق وراح لحُجرة القياده انطاها للكابتن وآني بمكاني واگفه هذا غلط بالكلام وياي!
رجع، اخذ الموبايل واني حچيت.
أريم: شنيي هلل كلاااام احتررم شويييه وخلي يكون عندك شوية رُقيّ!
چانت نظراتي عليه وعلى الموبايل چانت يحذف الرسايل وحده ورا الثانيه ويرد عليَّه.
أبيل: عفت الرُقيّ الچ واذا فعلا ما بيچ دوده فضوليه ما چآن خليتي خشمچ بموبايلي وقريتي الرسايل!
أريم: مع ذالك مااا اسمحلللك تغلط وياااي.
حذف كل الرسايل وخلى الموبايل بجيبه بعدها مد راسه خلى وجه بوجهي، اردف.
خليچ ريلاكس لا يطگلچ عرج
عيونه نضرات كلهن غامضه رفع أصبعه بوجهي واردف.
الخشم ضمن خارطة الوجه فلأفضل تفهمين نُقطه مهمه، لا يطلع خشمج ضمن خارطة وجهج، گوزالم.
ابتعد وحمحم بعدها أشر للطبق بطريقه تفاخُريه.
أبيل: بالعافية المعكرونه بالبشاميل
عافني بصدمتي ودخل ودخل للمطبخ، يعني هسا اذا اشمر روحي بالبحر احد يگُلي ليش!
گعدت عالساكت أكُل، طبعاً فضولي اتجاه الأكله وشكلها اللي يشهي خلاني اشمر غروري على جهه، أكُل واحس اول مره اكل هيج معكرونه شهيه
أنوب لمن كملها وخلى گلاص العصير گدامي
طلعت الشوكه من حلگي ورفعت عيوني نظرتله
أريم: Teekkürler.
ما جاوب راح گعد گدامي خلى مخده مال القنفه بحظنه وينظرلي، وآني اسوي روحي متجاهله نظراته.
كملت أكلي وموبايله دگ طلعها ولمن شاف المُتصل نظرلي.
أريم: خير شكو منو المُتصل؟
أبيل: من الشغل كملي اكلچ لازم نرجع تأخر الوقت.
گام وطلع يحچي برا اليخت، بلش المحققه اللي براسي تجيب وتودي تخيُلات، كلشي صار بسرعه خلصت صحني وشربت العصير وگمت وراه.
أريم: طبعا ربي إنك تعلم انه التجسس مهنه عالميه وغير حرام، المهم المهم سااامحني يا الله.
رجعت شعري ورا اذني وتقربت منه چآن واگف يحجي بعصبيه.
ولك اانت شنيي فائدتك شنيي شلون تعوفه يطلع بوحده؟
ويا منو يحچي ما ادري بس واضح شي مهم من رد فعله.
راجع باچر الصبح چآ شسوي، الشغل يَاسر يديره هذا الأسبوع.
فزيت لمن دگ موبايلي ركضت جوا جاوبته وأبيل اندار ما ادري شافني او لا.
أريم: هاا ألوو ألوو، هدآم.
مطر الرزايل عليَّه وبس يصيّح
اااحناا بياا حااال وانتو طااالعين رحلةةةة
أريم: أبيل أصر عليَّه آني ما ردت اروح.
وينه هذااا المتسوودن وينه هذاا القشمر
أريم: يحچي اتصال، هسا شبيك خليك ريلاكس.
لچ اااريم اللي بيّه مكفيني ارجعو للبيت ارجعو لا اجي آنه واشوف شغلي وياكم
سحب الموبايل مني وحچى.
أبيل: راجعين انت اتصرف بخصوص أصلان الوغد.
طبعاً اخويا ما جاوبه وكالعاده قفل بوجه.
أريم: ياا قفل الخط بوجهك.
أبيل: چآن گُليله ترجيتچ تمرغلت بالگاع حتى تجين ويايه.
گال هيج وخلى الموبايل بإيدي وراح يحجي ويا الكابتن وآني وراه.
أريم: اي اي ترجيتني چآ والمقلب مال القفل الاكتروني هذا هم يُعتبر تمرغل.
حچى ويا الكابتن وطلع اخذ الشفقه لبسها وخلى السويج بجيبه.
أريم: شني حچيت ويا الكابتن؟
أبيل: گتله يرجعنا للميناء بأسرع وقت.
گعدت بجهه وهو بجهه ننتظر الوقت يخلص ونوصل للميناء، مر شي ربع ساعة او آكثر.
وصلنا للميناء وأبيل طلع اول واحد ومد ايده
أبيل: ايدچ.
اجت ببالي اول لقاء النا هيچ چانت، خليت ايدي بإيده وطلعت، نمشي بالكورنيش وأبيل يلتفت حواليه.
أريم: ها ليش هيج تراقب حواليك؟
امشي بلا صوت.
رغم المكان بي ناس تتمشى بس هو مبين يعرف شي، وگف واندارلي صار قريب طلّع المسدس
من ظهره بيناتنا.
أريم: مُختتللل هسا اااذا طلعت رصاصه بالغلللط؟
لا تخافين ما يصيبچ شي.
خلى راس المسدس على نفسه وتفقد المخزن.
كمل ورجعها لظهره، اردف.
خل نطلع بسرعه المكان مو آمن.
نمشي بخطوات سريعه واحجي وهو مره يجاوب وعشره لا.
أريم: ليش شكو أبيل؟
ويامن چنت تحچي
منو من أعدائك لاحگك
هيوو احچي وياك جاوب
أبيل: كضي الدوده الفضوليه عندج، هنا مو آمن
أريم: شبيها المكان حديقه عامه والدينا حلوه
واحلى سنين.
خوزر بيّ طنشته صرت امشي گدامه واغني الاغنيه بصوت ناصي.
أريم: بنعيشها يا ناس واحنا عاشئين.
دفع بظهري حتى امشي اسرع شگد اضوج من تصرفاته الغريبه وياي.
أريم: ننسى اللي فاتنا ونعيش حياتنا
صار بصفي اردف الكلمات ونضرلي.
ع الحب متواعدين؟
عيوني على الناس اللي متواجده ويا احبابهه واغلبهم عوائل ثلاثيه.
أريم: كل الأحبة اتنين اتنين.
متجمعين في الهوا دايبين
علي ايه تكشر وليه تفكر.
وگف ولزم إيدي بقوه ونظر لحدقه عيوني، اردف
دا العُمر كُله يومين!
ما لحگت اجاوبه جرني وياه نركض
أريم: من شنييي نررركض.
ليش ما تجاااوب ليششش
أبيل دِ جاااوب جاااوب.
انداريت شخص من بعيد يلحگنا بس بدون ما يشهر المسدس، وصلنا لموقف السيارات فورا فتح البواب.
أبيل: اصعدي بسرعه وشدي الحزام.
صح مُستفز وما يجاوب على اسئلتي بس سويت مثل ما گلي، صعد وشغل السياره بإستعجال وأنطلق بأقصى سُرعته.
أريم: طير بينااا طيرررر شبيييك ول خااالي شبيييك.
أبيل: بس أُسكتييي.
أريم: لاااا ماااا اسكتتتت يمااا.
سياره ضربت بسيارتنا ونزلت راسي بين رجليّه.
وأبيل چآن يحجي اتصال.
ولك قشمررر ااابن قشمررر ليش ما گتلي يلمااز مرااااقبني.
أريم: ااانوووب منو هذاااا خرررمااااز
أريم أريم أُسكتييي، حلهااا هذاا ابن القننندررره أصلان بجهة واخووووه يلماز بجهة
ضل يحجي ويسوگ بأقصى سرعه عنده
السياره صارت بعيده شوي وآني من الصدمه اناظر گدام واحجي.
أريم: آنه همااره شلون اجيت لتُركيا؟
أبيل: جابوچ بطيارة نقل بمأنه أنتي هماره.
أريم: لاااا تغلط لاا تغلط اااضررربك وحگ العبااااس اضرربك.
هو جنت اضربه على كتفه واحجي وهو يضحك على رد فعلي، عين على الطريق وعين على الشاشه يراقب حوالين السياره وهي بشارع مُنعزل.
أبيل: هاي المره هم عدت على خير.
أريم: تعدي تعدي بس ترجع للبصره ترتاح ومحد يلاحگك.
نظرلي وكأنه عنده رأيي ثاني وما ادري ليش هو اعدائه هنا، قابل يسافرون وراه.
وصلنا للبيت فورا فتح الباب بالريموت ودخل السياره للگراج نزلنا سوا، نمشي للبيت ومن وصلنا گدام الباب قبل لا يفتح بالمفتاح الباب
انفتح.
اهلا وسهلا تفضلو يا قشامر تفضلو
واحد يناظر للثاني وأبيل بوده يدير عليه لتر بانزين مثل ما متعود يحجي، دفعه ودخل.
أبيل: ولك ابني شجابك أنت؟
انرسمت على وجهي ابتسامه تسليكيه ودخلت وهذا يدير راسه ميه وثمانين درجه مثل البومه.
يَاسر: نور البيت فيكي يا أريم القشمره.
اجيت اضربه بوكس بس تذكرت هذا منغولي مثل ما گال أبيل ويلطش بالكلمة حتى إذا ما يعرف معناها.
أريم: ههها بيك أكثر يا چوك قشمر چوك.
هدآم طلع من الصاله وطبگ وياه بس مبين ماله خلگ روحه مو انوب احنه
هَدآم: والله اتفق ويا يَاسر نوّرو القشامر.
فورا رحت للمطبخ اخذت گلاص ماي وطلعت اشُربه وعيوني عليهم، اردف ياسر
يَاسر: بدون تفرقه ترا احنه كلنا قشامر.
غصيت والماي مدري من حلگي طلع، مدري من خشمي طلع، يَاسر على وجهه علامة استفهام وهدآم شمر المزهرية عليه بس اجت بالحايط
أبيل ما تردد يسحب المسدس بوجه ويحجون ثنينهم طگت فيوزاتهم على هذا الخطيه.
أبيل: لاا وعلى الضرغام كااافي صارت بلا ملح
هدآم: ول ااابن القشمرر تسوي روحك غشيم؟
وآني بمكاني منهاره اضحك عليهم واريد احجي ما اگدر اتذكر الموقف وارجع اضحك ركضت يمهم اضحك واحاول انزل ايد أبيل وهذا ياسر بلع لسانه من رد فعلهم الصادم
أريم: يمهههه عووفووو خطييه مرريض أبيل عوفه مو گلت منغولي مريض شبييك يمهههه هدآمم أعصابك اهداا.
أبيل: لاااا منغولي ولا بطيخ هذااا قشمررر ابن قشمررر يتقصددد يتقصددد اكيد باحث بگوگل عن المعنى بس يغشششم روحه علمود ااانتي تستلطفيييي.
يَاسر: Neeeeee ماذااا.
هدآم: لااا نيييي ولا بييييي كلامه صححح
يَاسر: يمين عظيم ok ok لا لا مش صح
يعني ما بي شي بس أبيل طلع هيج مرض بي انوب هذا فقير ومسالم الله وايده ما يعارك
وگفت بوجه أبيل وياسر ورايّ.
أريم: تمام تمام ياسر ليس مريضاً صح!
يَاسر: والله ويمين عظيم صح Evet.
أبيل: لااا يا على يا ضرغام دخيلك!
هداام الزم اختك گامت تدافعله.
أريم: هااي شبييكم شمسويي خطيه لطش بكلمه ما يعرف معناها شصااار نزل المسدس ول مُختتتل.
أبيل: لا دخيلچ مولاتي زليخه أمرتني!
سحب أيدي ورجعني ورا ظهره.
أبيل: خل اشوف مره ثانيه تدافعيله.
يَاسر: ول خالي ول عمي بسحب كلامي احنه أخوى مش هيك؟
هَدآم: طگت مرارتي منك احس كرهتك.
أبيل نزل المسدس ورجعه لظهره وهدام راح جاب بعض الملفات ورجع گدامه وكأن ما صار شي
هَدآم: هذني من الميناء الأرقام الجديده ورحلة على سَند بعد باچر من ميناء البصره لأوروبا.
اخذهن من ايده وشگد حباب او بدون احساس ما ادري اشو تناسى اللي صار قبل لحظات كأنهم متعودين على هيج مُشاجرات.
يَاسر: هسا هذا كامل طيب والشركات؟
أبيل: حركلي حالك هي اسبوع وارجع.
يَاسر: انت ما تحكي بليز لو انك آدمي چآن تگلي هاي الكلمه كده وكده بس انت گلت عني مريض منغولي!
أبيل: لا تصير قشمر
تحاظنو وآني صافنه عليهم شنو طبيعة صداقتهم شگد غريبين.
يَاسر: شوف بكرة ابحث عن معنى كلمة قشمر.
أريم: ثم ماذا.
هَدآم: ثم على غرفتج باجر وراج سفر.
ياسر ضل ينظرلي وأبيل ضايج من نضراته أخذه وياه للحديقة بحُجة يحجون وما ادري بعد
اما هدآم ف صعد گدامي واستغربت اني هم صعدت ومن وصلت للطابق الثاني شفته دخل
لغرفة هلال بس ما سد الباب نزعت الشوز
وعفتها على جهة.
وخطيت خطواتي بإتجاه الغُرفه تقربت اناظر من الفتحه إلى ضلت من الباب الغير مسدود.
دار بالغرفه وفتح الكنتور لگى ذاك شال تُركي چانت تلبسه برقبتها، قربها من وجهه اخذ نفس منها بعدها طبگ باب الكنتور وگعد عالارض مرجع ضهره للچربايه
اعرف يحبها بس تصرفه غريب معقوله متزاعلين، طلع صوره من محفظته صوره قديمه
ل هِلال بعُمر المراهقه، باس الصوره وضمها ويا الشال.
انفطر گلبي عليه لمن بلش يحجي بصوت مقهور.
ما ردت اشوه احلى يوم النا بهايه الطريقه بس ماكو شي بإيدي هذا هو الحل الوحيد.
يشم الشال ويبوس الصوره لو يحضنهن سوا
، رجع شال محفظته وطلع جگاره شكلها غريب اول مره اشوفه ورثها، وبلش يدخن وهو مشغل اغنيه دائما الاحظ يسمعها من يتزاعلون هو هِلال.
إن رُوحي تُنَاجيها
وَعيني تَسيرُ إثر خُطاها
لم يشفني سوى أملي
أنني يوما أراها.
ضل يدخن ويفرك بصدره كأنه مخنوگ
ما گدرت اتحمل حالته دخلت للغرفه وهو من شافني طفى الجگاره، قبل لا يحجي كنبصت حظنته.
أريم: هاا خويا شبيك عمت عين هلال ليش مزاعلتك هاا
استغربت ما عصب عليَّه ولا اعترض بالعكس شد على حظني كأنه چآن محتاج هذا الشي
وساكت ما يحچي شي ولا يجاوبني.
أريم: بس خل نرجع وحگ العباس اخذ حقك منها خل اشوف شلون تزاعلك مره ثانيه، هدوومي احچي شبيك سولفلي اختك آنه.
باس شعري وابتعد بعدها گام ويحجي بدون لا يخلي عيونه بعيوني.
هَدآم: أريما روحي نامي باچر الصبح موعد الطياره.
أريم: هدآم عاينلي شبيك ليش هيج تسوي بروحك ما معقوله بسبب خلاف مثل خلافات السابقه هيج تتصرف.
روحي لغرفتج قبل لا اتسودن عليج.
داس أكثر على الجگاره المطفيه وكأنه يريد يمحيها او يخفيها والشال ويا الصوره بإيده
لزمت ذراعه وحجيت ويا ريتني ما حجيت.
أريم: خويا بس عاينلي بيك شي؟
لا تسأليني عن شي لااا تسأليني عن شييي
اطلعي اطلعي برا الغرفه.
جرني من ذراعي وطلعني برا الغرفه وسد الباب.
ضليت ادگ الباب واحچي.
أريم: ليش هيج تحجي ترا ردت اكوون وياك هدام افتح الباب خل نحجي شبيك خويا.
أريم ااذا بقيتي دقيقه لخ اطلع اخبزچ ولييي لغرفتچ ولييي.
من قهري على أسلوبه وياي غميته من ورا الباب
أريم: اسفه على قلة الأدب بس هاك غمه عود ردت تشاركني احزانك بس انت طلعت جلف.
عفته ودخلت غرفتي بعدما ادري هو ضل لو طلع من غرفة هِلال.
سيرا
گمنا كُلنا اللتمينا عليها وبس بابا الواگف بعيد يبتسم بهدوء.
عزّهَ: أعصابچ هدهدهَ
وتان يدلك رجليها ويحجي بتسليك.
وَتان: مولاتي زُليخة هدئي من روعكِ الكونتاكت ما يبشر بالخير من يصير عندج.
وگاع: وحق جدنا السابع نحترمچ وابويا يروحلچ فدوى.
عشنا وشفنا عشنا وشفنا.
احنا الشباب بلعنا العافيه من سمعنا صوته بالباب اندرينا اله وإبتسامه عريضه على وجهنا.
وگاع گام وهو يحك ت.
طرف اذنه وعمي اشتر دخل وعاف الجنطه بالباب.
الأشتر: عشنا وشفنا صلافة ولدنا والله
ناهد: اجا حفيد الهمج اجا من الدياحه شعنددك بروسيا شعندك.
باس راسها وگعد بصفها خلى رجل على رجل
واردف الكلام چآن صدمه للكل.
الأشتر: تزوجت روسيه من خمس سنوات، عندي بيت وعائله غادي.
وَتان: دبرلي روسيه بداعة الأبوه اللي عندك
سيرا: والبييييسست
عمو اشتر الابتسامة على وجه ويعاين علينا وعمة أمل ساكته أو تحاول تستوعب.
الأشتر: وتن انچب إياك تفكر بإستغلالي وازيدكم من الشعر بيت، جبت أبني وياي.
أمل: وحق جدنا السابع اذا صح افرغ سلاح وگاع براسك.
هدهده گامت وتنظرله
ناهد: ول درهم كض اخوك لا اذبحه هممج تحجيي صددك متزوج على ااامل تحجي صددك؟
الأشتر: شبيج يُمه الشرع حلل أربعه
جييسوو فوت حبيبي فووت فنه اليطخك بحچايه.
گامت عمه أمل وتحجي.
أمل: ول اشتررر گول وحق الزهرراااء متزوج؟
ول احچييي لا االلعن جد جدنا السابع هاا.
الأدهم: شبيكم يمعودين ما اللحد هو تزوج وعنده ولد، بالرفاه والبنين أخويا
رده صدمنا ومبين كلامه صح وفعلا تزوج
الأشتر: آمين ربي يرزقني بنين ورفاه. فوت جييسوو Come here.
كلنا على أعصابنا وخاصة عمه امل بودها تشرب من دم عمو اشتر.
لمن دخل جيسو چان صدمه للكل وهو يمشي على مهله، الكُل ابيضت عيونهم من غرابة تيشيرته وشكله الغريب، وگع الجگاره من حلگه وطگها بضحكه
وَتان: سُلحفاااااة و لابس نظاراااات.
خلفة ابوياااا تطوررررت
أمل: شنييي هاااي شنييي
الأشتر: المستر جيسو ول خالي رحبو بي هذا ابنا الثالث آمالي.
الأدهم: هههاا مشتري سُلحفاة ومسمي جيسو!
شال جيسو اللي بحجم كفة الإيد ومسد على القوقعه مالته، اردف
الأشتر: وخبر صادم جيسو چآن متزوج مرت اخوه وأخوه رجع اتزوج مرته بعدما جيسو طلگها بسبب أوامر اخوه، وهسا جيسو ضل وحيد وجهاله وجهال اخوه بالشراكه اربع جهال ثنين ذكر وثنين أنثى ضلو وراه من رجعته للعراق.
بابا اختفت ابتسامته وينظر لجيسو والكل على وجه علامة استفهام ومحد فهم كلامه غير ابوي
ناهد: شوكت تكبر شوكت تكبر ول همجج يا على دخيلك انطيني الصبر على هيج خلفة.
جايب رفش للبيت يربي هوو اانت تحتاج اربيييك حفييد الهمجج.
غمته وطلعت تروح عند إيمار، وگاع باس راس ابوه وهو يريد يطلع اردف.
وگاع: طال عمرك، وحق جدنا السابع عيوني دمعو من ورا قصة جيسو الحزينه.
عافنا وطلع اجا الثاني يعاين لجيسو ويحجي.
وَتان: احس جيسو راح يتأقلم ويا جو العراق اذا زوجناه من سُلحفة عراقيه ها ول خالي شتگولون؟
الأشتر: انچب خل يبقى شوگر دادي مثل اخوه
اللي بالخارج.
عزّهَ: توك گلت اخو جيسو متزوج مرته الأولى
شلون شوگر دادي!؟
عمي اندارللها يبتسم بوجها ويحجي
الأشتر: خلف ذكرين من مرته وبعدها خنگها، وهسا شوگر دادي للنُخاع.
من گال هيج دار وجه ابتسم لبابا ولكن بابا ردله ببرود وكلام ابرد وغير مُبالي، زفر دخان الجگاير، اردف.
الأدهم: فكر بكلام وتن، تزوجه ويخلف بعدها تستثمر بي ونستورده هههاا.
ندى: اهم شي تستفاد براسه.
الأدهم: چآ شلون نداي.
الأشتر: لا تبنيتله چم أفراد هُمه يتزوجون ويخلفون.
اشر للباب دخلو الشباب إلى چآنو مسافرين وياه وبإيدهم حوض زجاجي بيها عدة سلاحف أصغر حجماً من جيسو
خلوها گدامه على الميزه وهو نزل جيسو بينهم.
الأشتر: اقدملكم عائلة جيسو.
هاي بنته الأولى نسميها Btor وهذا اخوها A و هاي اختهم نسميها Wow.
الكل عيونه على الحوض وبابا أشر على سلاحف ثلاث نوعهن مُختلف بالزاويه.
الأدهم: وهذوله ليش مو وياهم، نوعهم مخُتلف؟
رفع أنظاره لبابا مع ابتسامه اردف.
الأشتر: هذوله من نَسل الفُجار الأساس نوع مميز، هذوله ذكرين وهاي اختهم من جيسو.
دخل عمي أيهم وعزام، بابا وزع نظرات بينهم
وعمي تقدم شال وحده من السلاحف وشوفها لبابا اردف.
الباشا: شني رأيك نسمي هذا أَلْس؟
دخلت ختيارة الجن بدون يا هلا ومرحبا، شالت السُلحفه الثانيه وسوت تحديد الكل تقصدنا جميعآ.
سجى: وشنو رأيكم اذا گلت هاي نسميها رُقعة بمأنه الكل راح يتدمر بمجرد ما تنعرف؟
أمل: شني جاي يصير!
ندى: شني هل كلمات المُبطنه؟
ناهد: عين صلفه تطبين بسوالف مالج دخل بيها!
سيرا: عمه سجى يبدو تعرف شي لذالك انضمت الهم!
بسرعه عافت السُلحفه واندارت لعمي تعتذر وتحاول تغير الموضوع.
سجى: آنه اعتذر بسبب اللي صار من العصر.
ما جان قصدي شي.
عمي ما نظرلها بس أشر على أمي واردف.
الباشا: اعتذري من ندى مو مني.
اجت اعتذرت منها وما بس هزت راسها
حتى من حظنت امي ماما ما بادرت.
سجى: واحنا خوات ويصير هيج خلافات بينا.
الباشا: تگدرين ترجعي على غُرفتچ سجى
مبين ضاجت فورا طلعت والبقيه گعدو يسولفون بس بابا مو على بعضه وخاصة عمي اشتر وعمو أيهم يحجون بيناتهم بدون مشاركه بابا اما عزام فمشغول يراسل وعزه كذالك.
عمو اشتر عاين ل وتان واردف.
الأشتر: روح اخذ العائله الكريمه على بيتهم هسا تلگى الشباب جهزوها.
الأدهم: بيت شني وين جهزوها والله انت مو طبيعي شجاي تسوي خويا.
الأشتر: نسويلهم قصر ونصممه والموقع بالصاله المفتوحه.
سيرا: يقصد قصر مُصغر صح؟
الأشتر: اي قصر مُصغر يشبه اللي بروسيا.
وَتان: اههه احسك جايب عائلة الجسار لنُص بيتنا بس على هيئة سلاحف النينجا.
عمي هزله راسه بتسليك وبابا يضحك بوجه، گام وتان شال الحوض وهو يغني بإستهزاء.
وَتان: إنهم سلاحف النينجا إنهم سلاحف النينجا. بطل بصدفة
شلت سُلحفه چآنت بره الحوض رحت وراه نغني ونضحك على شكلهم وسجى طلعت من المطبخ شافتنا. شوفتها السُلحفه واقهرها
وَتان: سيرا هذا ذو القناع الأزرق هو ليوناردو يُحارب بالسيفِ كل من يعترضه.
سيرا: وهذاا رفاايل جاد لا يحب المُزاح.
ومايكل ااانجلوو
راحت على غُرفتها ورگعت الباب بقوه.
الشباب جانو مسويلهم مكان تحت الدرج وجان قصر زجاجي من طابقين.
سيرا: وتن اشتور مو طبيعي عاين شلون مصمملهم قصر انوب عاين عدهم حديقه بصفحه چآ وين الماي؟
نقلناهن وحده وحده ونحجي.
وَتان: ترا سُلحفه برمائيه مو سمچه.
سيرا: اهاا آل جسار الورد ضد الحرارة والبرد.
وتان خلى جيسو بمكانه واسمه مكتوب على لوحه زغيّره، كفخه على راسه
وَتان: آل نعال مو جسار عوفيهم ينطمرون.
خليت اصبعي على رأس واحد من الذكور وعضني.
سيرا: حيواان عضني هذا نجسده على شكل نَائل نعال شتگول. وهذاك ناجي جعموص عبن
مبين حقير مثله شوف شلون يتحرك.
وَتان: لا حول ولا قوة الا بالله.
فر بإيده وراح للصاله، انتظرته يدخل ومن دخل ركضت بإتجاه غُرفة سجى، صرت امشي على مهلي وگفت ورا الباب واجاني صوتها.
جايب وياه سلاحف من روسيا ومسمي كل فرد بيهم على أسم واحد من آل جابر.
يعني مثل ما توقعت عمو اشتر عنده غايه من هذا الشي رجعت تحجي بس صوتها ناصي گوه اسمع.
أتوقع الاخوه صارت بينهم خلاف وقريبا ينتهي خوية الأوتاد الثلاثه.
شجاي تحجي يعني تريد تخرب أخوة عمامي ويا ابويا!
كلامك صح من گلت اشتر مثل الجوكر محد يتوقع أفعاله وخاصة هذا اللي صار شني يقصد بالسلاحف!
عم الصمت وبعدها حجت.
شنييي شلوون لا لا مستحيل يتعاون وياهم اي شمدريني اذا انت ما تعرف تحركات نَسلك چآ منو يعرف! دقيقه خاف احد يتسمع عليَّه.
طرت من المكان فورا صعدت ومن فوگ صرت اراقب باب غرفتها طلعت تأكدت ماكو احد ورجعت دخلت. خطيت خطواتي وألف تفكير براسي وبس احجي بضياع وتفكير يجيبني وتفكير يوديني
سيرا: إنهم سلاحف النينجا، شني سرهم راح اعرف بالأيام الجايه.
هِلال
مر أكثر عدة ساعات وهو نايم من تأثير الدوا، الكل راح على غُرفتهم ينامون وآني دخلت للمطبخ اشرب ماي وارجع يم إيمار، وصلني رساله طلعته من جيب التراك شفته هدآم وچانت كلمات من أغنيه يحب يسمعها
وانت أراك تأسُرني مني إليك تسرِقني
تعمدت اقراها بس ما اجاوب عفته هيج.
ما لحگت اقفل الشاشه طلع يكتُب ودز رساله.
هضيمَة زلم بالشُوگ تنهَان.
قريت الرساله وعفته هيچ ما رديت عليه.
طلعت من المطبخ ورجعت للصالة الباب چآن مفتوح منو جاي يم اخويا، تقربت چآن عمي أدهم ساحب كرسي وگاعد گدامه، مكور قبضته
وكأنه محتار شلون يبدي الكلام رغم إيمار نايم اصلا.
تگوم بالسلامة بفضل الله ثم بفضلك بنتي رجعت بخير، أوعدك الصار ما يتكرر.
ضل متردد بس تشجع وگام باس راسه بوسه طويله ومسد على شعره، اردف.
غالي ابن غالي.
گام يريد يطلع وآني تراجعت للزاويه حتى ما يشوفني طلع وسد الباب وراح على غرفته.
دخلت للصاله وسديت الباب بهدوء، كنبصت وخليت راسي بصف راسه وايدي بصف ايده اللي بيها خرزه من خرزات اسوارة ماما.
تذكرت لمن صار بعمر ال10 سنوات وفهم الصار شگد لح انه ياخذ الاسور مني بس آني رفضت وبابا وحل الموضوع بأنه ينطيه بس خرزه وحده.
إيمار ما اعترض بل چآن ممنون المهم شي من امي يرافقه. تقربت بست ايده، اردفت.
هِلال: أمي بالها يمك وصوتها ما يروح من مسامعي تناديك وتريد تگوم بسرعه إيمار صير قوي لا تضعف ي عُمرم.
ضليت هيج مگابلته لحد الصبح لمن گعدني على صوته وهو يناديني بهدوء.
هلال گومي ليش نايمه هنا هلال.
فتحت عيوني وبسرعه گمت أتحمد على سلامته
وحظنته من الفرحه وهذا عاط ولم علينا البيت كُله.
إيمار: شبيييج على كييفچ، يمه شگو بطني؟
رفع الفانيله التعلاگه وشاف الجرح ملفوف.
هِلال: ول لاا لا بس خيطو الجرح شني يشگون بطنك.
دخلت هدهده فرحت بي وباسته وتحظنه
وهذا ما فاهم شي ولا يعرف هاي حبوبته.
إيمار: هه مرحبآ منو هاي.
ناهد: حبوبتك ااابن ال حقك حقك عشرين سنه دايح بتُركيا.
إيمار: حبوبتي؟ اها تقصد Büyükanne
عزيزتي ناهد مدري هدهد خل افهمج الكلمه هي تُقال عايش بتُركيا
وليس دايح بتُركيا دايح شني هلال؟
هِلال: يعني رايح سياحه سياحه.
ناهد: والله يا دنيا زعاطيط اليوم يعلموني أعلى الحچي ول ناوشني العكازه.
دخلت سيرا وشايله صينية ريوگ إيمار ما شال عيونه عليها وهي اجت خلته عالميز نظرتله.
سيرا: الحمد لله على السلامه
فقط هز راسه اللتمو البقيه عليه وسحبت سيرا وياي لبرا
سيرا: ها ها شبيج جريتيني جر صاير شي؟
هِلال: اي تعاي احجيلي الصار!
سيرا: عزاا تأخرت على كُليتي واليوم عدنه محاضرة أساسيات الرسم.
اجت تمشي لزمت ايدهه.
هِلال: دقيقه بس احجيلي اذا شخص ثاني غير الجسار اله ايد بخطفكم!
سيرا: ترا آنه مو محققه فدراليه يلا سلام.
عافتني وركض شالت كُتبها وطلعت.
آني هم صعدت غُرفتي بدلت وطلعت ويا عزّهَ واخويا عزام للشركه.
من وصلنا عمامي ثنينهم ويا بابا چانو بغُرفة الاجتماع يحجون بخصوص الشركة اللي استلم إدارتها عمي أدهم. شال القلم وضل يرسم دائرة وعيونه عليه وجه كلامه ل عمي أدهم.
الأشتر: العصفوره ئالتلي شركة اخوك مُفلسه.
وگف القلم بنُص الدائره ورفع عيونه لعمي.
الباشا: من البدايه ما مرتاح لهاي السالفه
عزام: الشركه عليها قضايه عديدة وهذا اللي أدى إلى افلاسها!
الأدهم: شلون مفلسه بس اللي اعرفه الشركه ناجحه وما عليها قضايا! من وين عرفت؟
انطاه الأوراق واردف.
عزام: مُحامية الشركه اللي وضفناها قبل أيام
كشفت هذا الشي وبحثت بسجل الشركه.
عمي اشتر صاير غامض ومن يحجي حجيه يكون ألغاز، رجع يرسم الدائره ويحجي.
الأشتر: رُقيه. رُقيه الجابر طلّعت خيسات هاي الشركه والبارحه دزتهن بإيميل يعني المفروض المفروض خلي نگول.
الباشا: حتى الشركه مالتك ترجع لسوق الشحن الدولي لازم تربح كُل القضايا إلى انرفعت ضده
الأشتر: من قضية عدم صرف مُستحقات الموضفين إلى قضية...
رجع وگف القلم بنُص الدائره واردف.
الأشتر: إلى قضية تزوير ارقام العائدات الماليه
كأن عمي ادهم منتظر كلام ثاني، رده كان فقط يهز راسه بالقبول على كلامه.
الأدهم: إذاً خلونا نحلها ندفع تكاليف القضايا
ومستحقات الموضفين من عائد شركتنا وبعدها من ترجع شركة الشحن للسوق نگدر نحول الأموال المصروفه على إعادة تأهيله. لحساب الشركه.
الأشتر: هاي أبيل لاطش بكلمه شني هي! اي بيرفكت.
عاف القلم وكور قبضته يعاين لعمي ويحجي
الأشتر: تريد نأهل شركتك المُفلسه على حساب هاي الشركه؟ والله يااا الله
ضرب ايده على الطاوله وبابا لزم ايده حتى يهدئ.
الأدهم: اشتر احنه مو بالتسعينات فأعرف شلون تحجي.
الأشتر: ياخي عساني بذاك الوقت
حتى اعرف شلون اخذ راحتي واحچي مربع!
الباشا: عفيه شدوها كل واحد ابنه بطوله
وبعدكم على خلاف.
گام عزام وزع نظرات علينا كلنا واردف
عزام: يابه اذا خلص اجتماعكم المهم آنه عندي شغله اهم منه لازم يخلص.
الأدهم: شوفة عينك ابن اخويا شوفة عينك
الأشتر: هدوم الدرهم بعدين اتفاهم وياك وحق جدنا السابع جاي عبالي نلعب ملاكمه شتگول؟
ابتسم بوجه وطلع جگاره من باكيت عمي ادهم وصار يدخن أما عزام طلع من الاجتماع وابويا رجع ضهره يناضر بأخوته ثنينهم واني ويا عزّهَ
وحده تحاچي الثانيه بالعيون، عمي اشتر طبگ كُرسيه ويا ابويا وعمي أدهم بوحده گدامهم
هِلال: اي بابا نسيت اگُلك المسا عندي عشاء عمل ويا المهندس اللبناني فأكيد راضي مو؟
الباشا: بدون أي شك ومتأكد أديب راح يوقع على الصفقه، بس اخذي وياج عاصم لا تطلعين بدون حارس.
عمي أدهم نضراته تأكد ماكو شي عاجبه بس ساكت ومتحمل الوضع خاصة بعدما عمو اشتر
ما خلاله مجال.
طلعنا كلمن على مكتبه نكمل باقي شغلنا.
رُقيه
اخذت الملف اللي البارحه بحث عنه ومريت من أمام المرايه لآخر مره تأكد من اناقتي وطلعت من الغرفه لگيتها بوجهي.
رُقيه: خير شعندج يم باب غُرفتي؟
نظرتلي فوگ وتحت والجگاره بين اصابعها.
اللي مليانه خواتم.
وَسن: وين طالعه؟
رُقيه: دوامي مو مثلج عايشه على فلوس غيرج.
عبرتها وهي تنبح وراي.
هذا اللي حارگ دمچ يا بيئه.
نزلت تحت شفت سُعاد تطلع من غرفتها، رحت بستها وحظنتها.
رُقيه: ادعيلي سُعادي ادعيلي.
سُعاد: بأمانه موسى بن جعفر روحي بنتي
الله ومحمد وآل بيته وياج.
بست راسها ومشيت للباب الحارس أشر ورايه واجاني صوته
رُقيه!
انداريتله بقلة صبر
رُقيه: راح اتأخر!
راح لمكتبه بمعنى تعاي وراي شمرت الملف والجُنطه على التخم ودخلت لمكتبه وگفت مچتفه.
رُقيه: احجي!
جسار: عاشت ايدج على الشغل مال الملف
تستاهلين التقدير بنتي صايره محاميه شاطره
رُقيه: شي مُقابل شي، خلص حچيك ارد امشي تأخرت!
نضرلي فوگ وتحت ويعرف عندي حساسية تعمد يورث جگاره ويزفر الدخان بوجهي.
جسار: الحلوه صايره تغرد نوتات خارج نطاقها!
گحيت من الدخنه وابتعدت للباب وهذا منا دخل ولزگني ورا الباب.
رُقيه: هذاا يااا حيوااااان عمى العمااااك.
نظرلي وسحب ايدي
ناجي: تعاي هنا آسف ما تقصدت.
رُقيه: اااييدك عوود يعتذررر المووو محتررم.
ناجي: الضاهر انتي تريدين تنهانين ما متعوده على الاحترام.
جسار: حبيت حبيت الكم مستقبل مشرق بعد الزواج.
يدخن والغرفه صارت كلها دُخان بلشت احك رقبتي وخشمي يحكني.
رُقيه: احجي شعندك خل اطلع تأخرت.
ناجي ينظرلي فوگ وتحت ومبين براسه كلام
جسار اشرله وهو مد ايده اردف.
ناجي: موبايلچ جيبي.
رُقيه: شتريد منه!
جسار: انطي بدون مجادله يا حظرة المحاميه!
سحبها مني وفتح الكر وطلع كر جديد من جيبه چانت عليها مجسمات ورد بدلها وانطاني.
ناجي: تگدرين تمشين.
تفحصت الكر كله طبيعي ما يثير الشك
رُقيه: انطي مُبرر شني يعني هذا التصرف!
جسار: الأفضل ما تسألين كلنا نعرف أنتي عندج موبايل ثاني وغفرتلچ هذا الغلط بس خلي شغله ببالچ رُقيه!
تراجعت للباب هذوله شگد انذال، اهز راسي واحجي
رُقيه: فهمت فهمتت خليتوا جهاز تعقب الموقع موو!
ناجي: عفيه ذكائج يزداد وهل مره إذا حاولتي تتذاكين تعرفين العواقب.
فتحت الباب وطلعت اخذت الملف والجنطه
فورا طلعت من القصر الحارس ضل يگول لا تروحين بالتكسي طنشته وطلعت للتقاطع
اندگ تلفوني جان من المكتب.
رُقيه: بالمصعد ربع ساعة واوصل للمكتب، اي شسوي شركتكم طويله اقصد ناطحة سحاب لحدما اصعد فوگ باي باي ماكو شبكه ما اسمع شي
قفلت بوجه، وگفت تكسي وفورا للشركه.
بعد عشرين دقيقة وصلت ونزلت ركض الوقت 12: 30 تأخرت نُص ساعه على الدوام، دخلت بناية الشركه اوزع نظرات الكل يهمس بين بعضهم.
عبرت السكرتيرة اخذت من عدهه چم كلينس ورحت للمصعد دخلو موضفين آخرين وياي وسابحين بالعطر ومنا حساسيتي متهيجه بسبب الدخان.
شبيج.
بليز ازا مريضه ليه جايه؟
بعدي عنيي بعدي بس لا تكوني معك كويد 19 اوه يا امنا العذراء
رُقيه: اااانلصمووو آني بياااا حااال يا كووييد يااا صخااام هااتسووو.
انفتح المصعد وطلعت امشي للمكتب واحك رقبتي ووجهي من دخلت لگيت الاستاذ أنس يرش معطر جو بالقسم
رُقيه: لااا راح اشمر روحي من الطااابق الاخير هااتسووو، كسررر بإيييدك لااااا ترررش هااتسووو
الكل بلش يضحك على وضعي ويحجون
اجت مس هااتسووو هههه.
اطلعوا عليها شوو بتضحك
بليز اعطسي كمان مره هاتسو هههههه
أنس: اسكتووو وكلمن على مكانه.
من عاط بيهم الكل انلصم وكأنه مصدومين او ما متعودين، اجا يمي واني برا القسم بسبب ريحة المعطر اللي راح يزيد من الحساسيه.
أنس: حقچ عليَّه آسف رُقيه مس رُقيه تعاي ادليچ للحمامات.
لزم ذراعي وابتعدت عنه
رُقيه: لو سمحت الميانه الزفره مالت ويا باقي الموضفين لا تذبها وياي ولا تطخني مره.
تغير ملامحه للإعجاب بكلامي واشرلي.
أنس: روعه، تفضلي منا الحمام اغسلي وارجعي على مكتبچ.
عبرته بخزره بس رجعت عليه انطيته الملف.
رُقيه: ملف الاجتماع بخصوص شركة الشحن
كملته وصار جاهز للنقاش.
عفته يقرأها ورحت للحمامات دخلت موضفتين
ما ارتاحلهن ووحده ستايلها تنورات گصيره
چنت اغسل وجهي وهي حجت.
بيومين طبقتي المُدير ومُدير القسم.
--: شو متباهي بحالك.
نشفت وجهي ورقبتي بعدها شمرت الكلينس ونظرتلهن.
رُقيه: اعجبكم بس ما تعجبوني هه.
فتحت الباب وطلعت عفتهن بصدمتهن مشيت بإتجاه الاستاذ أنس ومنا الاستاذ وگاع طلع من مكتبه شافني تلاشت الإبتسامة وصرت طبيعي امشي وگفت تشكرته وهذاك مشغول يحجي ويا السكرتيرة مالته.
رُقيه: استاذ أنس اتشركك.
أنس: العفو حالات انسانيه وآسف ما جنت اعرف عندچ حساسيه حاده هيج.
رُقيه: لا معليك هو من وين تعرف.
أنس اعزمها على كوب گهوه بالكفتيريا.
انداريت چآن مچتف ويباوع علينا بعدها عاط.
علي مكتبببچ وراچ اجتمااع.
رحت للمكتب مالتي اندمجت بشغلي مر ربع ساعة وكل موضفين القسم صارو فوگ راسي
رُقيه: خير ان شاء الله صاير شي؟
بالدور واحد ورا الثاني اجو يعتذرون مني
آسفه مس
متل ما بيقولو بعتزر منك!
sorry مس هاتسو، ئصدي مس رُقيه.
جُمانه: رُقيه اعتذر نيابة عن الكل بس هذوله هيج يحبون المزح صح گايز؟
صح صح.
رُقيه: جُمانه انتي لا تعتذرين مالج دخل بس هذوله تيم المهرجين ضحكو وخلص سامحتكم
دئيئه انتي لئبتيني بالجوكر؟
رُقيه: بحب المزح متلك يا مس جوكر هههه.
الكل ضحك عليها ورديت الدين لصاحبه خل اشوف شلون يتمادون مره ثانيه، بهل اثناء الكل تطشر بالقسم لمن سمعو الصفگه. طنشته وخليت راسي بشغلي
وناااااسه الجوكر وهارلي كوين كملو سوالف
جُمانه بيبي روحي اطلبي حب شمس يلا.
جُمانه: مسيو اعتذر ما نقصد.
وگاع: وين الاستاذ أنس عنكم ويين.
دخل مستعجل ويناديني.
أنس: رقرق تعاي ضروري.
رُقيه: حاظر استاذ.
انس!
ناداه وآني گمت اخذت موبايلي وانتظرتهم
أنس: اسمعك برو أكو شي؟
وگاع: شني رايك نجيب شاشة عرض نعلگه هناك بالواجهة ونشغل افلام هوليوود للموضفين.
انس: وليش فقط افلام هوليوود ننوع ونجيب افلام بوليوود حتى ما يملون صح گايز؟
الكل ساكت
وگاع: لوما العقد چآن من سنه مطلعك من القسم بالچلاليق، ابن اللذين امشي گدامي.
أنس: رُقيه امشي گدامي عدنه اجتماع.
راح انجلط منهم وبقدرة القادر لازمه لساني عليهم طلعت واجت جُمانه ويانه للإجتماع.
طلبو منا نخلي الموبايلات صامت وندخل سويت هيج وخليتها بجيب الجاكيت.
طول الاجتماع وهُمه يتناقشون كيفية حل القضايا التي على شركة الشحن ولي كلها تزوير من جسار حتى يثقون بيّه واصير أكثر موضفه موثوقه بيها.
وگاع: اول خطوه هو أنه لازم نبحث عن أصحاب اللي مقدمين هاي الشكاوي.
انس: سهله نجيب أسمائهم الثلاثيه وغوغل يطلع ساسهم.
فكره جميله.
وگاع: واذا ما طلع؟ انطينا حل ثاني مسيو أنس؟
انس: آني ومس رُقيه نطلع نبحث عنهم.
رجع ضهره للكرسي يلعب بالقلم وعيونه علينا كُلنا واردف.
وگاع: تمام متفقين انت و الآنسه رُقيه تجيبولي كل شخص اله قضيه بشركة الشحن هاي.
ما ادري ليش ضجت بس المهم ما ادري ماكو شي يجي ببالي.
وگاع: ليش رُقيه خاتون بالچ وين ما يجي ببالچ؟
جُمانه حمحمت بمعنى سمعنا افكارج.
رُقيه: اي صح دا أگول لو أكو شي حل أسهل جان اجا ببالي.
ضرب على ايده بهدوء واردف
أنس: متأكد راح نشتغل خوش شغل سوا.
خزرته وهو فهم وسحب ايده
أنس: احم صح اعتذر آنسه.
وگاع: انتهى الاجتماع.
گالها ببرود وعيونه علينا آني وانس.
طلعو الكل وانس بالباب لملمت الملفات
عافوها عليّه واني منا أيدي بيها كلينس وامسح خشمي بسبب الحساسيه.
أنس: يلا رق أقصد آنسه رُقيه.
توترت من نضرات ابو گاع وهو عيونه على أيدي ووجهي. اجيت اخذ الملفات اللي گدامه وگعت وحده كنبصت أخذته ورفعت راسي اجت عيني بعينه. صاح بكل صوته
جُماااانه
جمانه اجت مثل الطلقه
جُمانه: نعم استاذ.
ساعديها ما تشوفين وضعها مررره ثاانييه كلمن يشييلل ملفه مفهوووم.
انس: اهدى برو اهدى.
اخذ بعض الملفات مني وجمانه اخذت البعض
گام هو وطلع من الغرفه.
رجعت على متكبي بقسم الإجراءات القانونية.
للساعه سته ضلينا تشتغل على ملفات عديده
تخص شغلهم من الناحيه القانونيه. كملت دوامي وطلعت من الشركه وگفت بالشارع.
انتظر تكسي بس ماكو الوقت مُغربيه والسيارات قليله.
اسمحيلي اوصلچ.
انداريت چآن أنس
رُقيه: لا استاذ هسا يجي التكسي.
أنس: عيب على رجولتي اعوفج بوحدج امشي اوصلچ وآني الممنون.
رُقيه: هه ليش ممنون والله انت غريب.
انس: هههه امشي گدامي رُقيه.
احسن حل ارجع بأسرع وقت لأن الوقت تأخر.
صعدت السياره والطريق هدوء بعدما انطيته العنوان وهو طلعها على خرائط.
انس: چم اخت عندج.
نظرتله سؤاله چآن مباشر بدون مقدمات.
رُقيه: بس اخت وحده ليش هل سؤال.
انس: الله يحفظها، فضول قاتل. اسف اذا ازعجتج
رُقيه: لا عادي ماكو إزعاج.
انس: طيب انتو عائله من چم نفر؟
حسيته يريد يتعرف عليّه واني اصلا كل اللي احجي مو معلومات حقيقيه. لذالك ما ترددت
رُقيه: أمي اللي هي حبوبتي وربتني وابويا واختي.
واحد وثنين وآني اربع نفرات احنه.
انس: حلوين ربي يديمكم.
رُقيه: وأنت؟
انس: آني شنو
رُقيه: انت وعائلتك چم نفر اذا ما تشوفها تدخل
انس: لا مو تدخل احنا عائله من خمس نفرات
اختين وآني الأخ الوحيد وامي ويا ابوي.
رُقيه: ربي يحفظكم اهلك بالزُبير؟
انس: لا بوادي السلام.
نظرلي ذيج النظره اللي مليانه قهر وحزن.
عجزت احجي وهو بلش يحجي.
انس: قبل خمس أشهر مثل هيج وگت مُغربيه چنت راجع للبيت بعد الدوام ومن وصلت فتحت باب البيت شفت اربعتهم.
ما كمل واني بنفسي فهمت
رُقيه: ربي يرحهم.
انس: موتانا وموتى المسلمين أجمع، هذا فرعكم؟
وگف براس الفرع واجاني لحظه ادراك اذا الاخوه التؤم شافو يخلصون عليه.
رُقيه: ل لاا مو هذا بس نفس المنطقه اتشكرك ومره ثانيه الله يرحمهم ويصبر گلبك.
نزلت بسرعه وهو يحجي
انس: ماكو داعي للشكر بس تعاي خل اوصلج لحد باب البيت.
رُقيه: لا استاذ اتمنى تتفمهني عيب يشوفوني ويا شخص غريب اتمنى تمشي بسرعه من المنطقه.
هز راسه وبسرعه طلع من الفرع انتظرته يبعد بعدها نزلت لبيتنا.
سيرا
صار المسا وأريم من الضهر رجعت للبصره
ومن اجو تعرفنا على أبيل شخص حباب او مبين عليه هيج و هدهده من فرحتها بيهم گامت تبچي. وأبيل من عرف بحالة إيمار ضل يم اخوه
ويحظنه ويحجي ويسولفون
أما هدآم ف اول ما دخل اجا سئلني عن هلال
ومن گتله عدهه عشاء عمل بالفندق الفلاني تخبل فورا طلع من البيت.
عمو أيهم گال خل يصعد لغرفته اللي جهزوها اله وفعلا صعدو بالمصعد وهسا واگفه گدام غرفته.
عاينت الساعه 8: 30 والكل تحت بالصاله
شلت مُعدات الرسم ودفتر الدروس اللي اخذناها بإيد وحده، دگيت الباب ودخلت.
سيرا: اسفه على الإزعاج شباب.
أبيل: لا ماكو إزعاج اخذو راحتكم بس لا تطولين حتى يرتاح مو زين عليه.
خرب شعره بشقا وطلع من الغرفه وسد الباب.
اما هذا فگام على مهله يريد يگعد عفت الأغراض عالچربايه ورحت اساعده.
سيرا: انتبه على كيفك.
خليت المخده ورا ضهره وهو ينظرلي واني اسوي روحي ما منتبهه.
إيمار: سيرا.
رفعت انظاري اله واردفت.
سيرا: ها؟
انسي. جيبي الدفتر خل اقرأ شنو اخذتو.
ضليت صافنه عليه وهو اردف.
شكو؟
سيرا: شكرآ.
ليش.
سيرا: هيج انسى.
جبت الدفتر وجهزت الأوراق والألوان ويا الفُرچ للرسم.
سيرا: علمونا أساسيات الرسم.
كلهن اعرفهن.
سيرا: شني تعرفهن أنت طالب سنه أولى
بس ارسم من عمر ال10 السنوات.
سيرا: رسام بالفطره؟
ما جاوب لزم القلم الرسم الأولي وبلش يرسم على إحدى الورقات شويه شويه بلشت الصوره تتوضح بعدما اضافلها الضلال.
سيرا: بنيه!
اي شبيها!
سيرا: ما بيها شي
لزمت فرچة الألوان المائية وخليت لون تبني.
سيرا: اكيد البنيه تُركيه هاك شگّر شعرها.
اي والله ترُكيه شلون عرفتي
سحبت الرسمه وخليت الفرچه على شعرها
اجيت اللون سحب الفُرچه من إيدي ويحجي بنتر
منوو سمحللچ تمدين إيدچ عليهاا
سيرا: شبيك هي رسمه وخل نلونها دقيقه.
اخذته منه وسحبت الرسمه لبعيد لونت نص شعرها باللون التبني وهذا يريد يوصلني بس من ورا إصابته ما يگدر.
غبيييه لااا تلطخيين الرسمه جيبيي
سيرا: الونها اشگر شبيك
جهنننم يلفچ منووو گالج اااشگرر
وگفت وهو ضغط على حاله وسحب الرسمه مني
سيرا: چا يا لون؟
ما يحجي اضرب عن الكلام أخذ كلينس مرطب وإزال كُل اللون التبني بعدها انتظرها تنشف
سيرا: أكو اضراب عن الطعام بس هاي مال تضرب عن الكلام جديده آنه شسويت؟
ما جاوب وبشل يلون الرسمه وخاصة الشعر بالون التمري والعيون لون ازرق فاتح.
سيرا: إيمار اجيت اشرحلك الدرس ما اجيت اصفن عليك وانت جاي تلون هاي التافهه.
وگف عن التلوين وعيونه على الرسمه وشمر الفُرچه ونزل رجليه وهو يشتكي من ألم خصره اجا لزمني من ذراعي وگمت وياه ما فاهمه شي
بس عاط بوجهي.
هاااي اللي تگوووولين عليها تااافهه تكوون أمي تكووون روحي.
جرني وياه للباب، فتحها وشمرني برا ورگع الباب بقوه وضل يضرب عليه ويحجي بگلب محروگ
جهنننم يلفچ اامي هاااي امي شلووون هيج تگولين عنهااا شلوون لچ ااالله ياااخذني واخلص من هل عذاااب الجاي اااعيشه بسبب بُعدهاا
صرت أبچي مصدومه من كلامه ومن الطريقه اللي يحچي بيها تقربت من الباب واحجي بصوت مقهور على حالته.
سيرا: إيمار اسمعني والقرآن ما تقصدت إيمار حقك بس خل نحجي واعتذر منك إيمار.
صوته صار قريب حجى بهدوء بعدها بلش يصرخ كأنه حالته مو بإرادته.
كُلكم تدوسون على گلبي وتگولون نعتذر شيفيد اعتذاراتكم محددد بييييكم يحببب صدددگييي كُلكمممم شماااته
يضرب ويكسر الغرفه وانوب قافل الباب صرت اضرب الباب حتى يفتحها ما يفتح رحت ناديت أبيل بصوت عالي بلكت يلحگ اخوه.
هلال
بعدما انتهى الموعد ووقعنا عقد الشغل
صعدت لغرفتي بالفندق إلى صار بيها العشاء
جنت متأنقه بفتسان سهره أسود، طلعت من المصعد ومشيت بالممر الموضف ابتسم ورديتله بتواضع.
طلعت بطاقة غرفتي وفتحت الباب واول ما خطيت خطوه اتفلش المزهرية گدام رجليّه
جنت واگفه بكل غرور بدون رد فعل
بس أتابع صياحه وجنونه وتكسير
الأغراض من حولي.
گلتلچ مرره ثااانيه لا تطلعين لاااا تطلعين.