رواية ولد الباشا للكاتبة فاطمة الأحمد الفصل الرابع عشر
ال عزّهَ
دگ تلفونه شاف المُتصل ملامحه تغيرته، هز راسه ب اي وطلع يحجي برا. انطيت السلاح لأريم
عزّهَ: أريم هاج اللزميها هسا ارجع.
أريم: جيبي احسها احسن من مسدسي!
نزعت الكفوف الرياضيه مالت التدريب وطلعت وراه ما لگيته بالصاله رحت للحديقة سمعت كلامه لمن، اردف
خلي واحد من الشباب يرجعها يابه آنا عندي شغل. چآ شعليه من البارحه مختفية وما كلفت حالها تنطيني خبر! بالمزرعة آخر يوم تدريب، يابه لا تجبرني!
ضل يحجي وياه، اردف
تمام اروح وراها، بعد اذا تكرر مستحيل أروح ارجعها. سلام
اندارلي مستغرب
عَزّآم: ليش طلعتي وراية؟
عزّهَ: تبقى أمك لازم تكون بار بيها
اسألها سؤال تجاوب بسؤال ثاني، رجعي كملي حتى امشي
عزّهَ: مو مال الواحد ينصحك، لا تنسى اجتماع الباجر قبل السفرة على إزمير
عَزّآم: ما ناسي الاجتماع و شكرا على التذكير.
عفته ودخلت جوا نكمل ونخلص هذا اليوم إلى چآن مُتعب للجميع. بعدما كملنا التدريب النهائي صارا بال 6 ضل عيونه على الساعه اخذ سويچه، اردف
عَزّآم: لازم امشي تأخرت، أريم ان شاء الله تعلمتي!؟
أريم: اسودن شحلاتي عاين
وجهت المسدس على الهدف وتصوب بكُل ثقه
عَزّآم: هو هذا المطلوب عاشت ايدي
لملمت أغراضها وحجت
هِلال: صدك عمه سجى وينها عَزّآم بعدها بكربلاء؟
لا جانت بالبصره وبعد شويه اروح ارجعهه.
هزت راسها بإبتسامه خفيفه طلعنا للگراج كلمن صعد سيارته وتوحهنا للبيت.
رُقيه
بعدما وصلنا للفندق دخلت للقاعه وآني اباوع بالوجوه صح ما اتعرف على ملامحها بس متأكده
گلبي راح يحس لمن التقي بأختي ناجي ضل قريب عليه وحاظن خصري أبعد ايده ما يفيد.
رُقيه: ناجي شييل ايدك لا اخزيك گدامهم وعلي!
جان ينظر للمعازيم بعدها نزل ايده من خصري شبك اصابعه بين اصابيعي وجرني وراه
رُقيه: ناااجي وين تاخذني ااحترم نفسك ويين تاخذني!
ما جاوب طلعني من القاعه وبالباب مر بصفنا رجال
وحواليه اربع حُراس.
رُقيه: هذا منو ناجي هذا منو دخل للقاعه
ناجي: شُركاء ابوچ شعليج بيهم! امشي وياي.
يجر بيه جرر للمصعد فتحها ودفعني حتى ادخل رجع قفلها واختار ثالث طابق
رُقيه: نااجي ااحترم نفسك شلون هيج تتصرف ليش جايبني لهناا!
مُحترمها لا يضل بالج، شغل خاص احنه ما علينا
رفعت اصبعي بتهديد
رُقيه: اي تصرف رخيص برخصة رجولتك الناقصه
كلشي توقع مني.
تسطرين سطر شگد عنيفه والله دانصدم بيج.
انفتح المصعد احنا طلعنا ودخلوا ناس ثانين، ضل يمشي بالممر إلى أن وصل للغُرفه 69 طلع كرت وفتح الباب
ناجي: فوتي!
رُقيه: وعلى اخلص عليك اذا تتمادى
ناجي: بس فوتي مو آني گاتل روحي عليج
دخلت للغرفة وهو اندار يسد الباب سحبت المسدس من ظهره ووجهته عليه.
رُقيه: ما واثقه بيك وهذا يبقى بإيدي لحدما نطلع خل اشوف شتسوي
حاول يقترب ومن أوجه عليه يتراجع ويحجي
ناجي: شني كبينه اليوم صايرات حقيرات انتي واختج جيبي المسدس!
رُقيه: طالعه عليك الدم واحد دم الحُقراء بعروگي
نزع الجاكيت وشمرها فتح الگرافه واول ثلاث زرار بالقميص تراجعت خطوه وهو يفتح ردن القميص ورفعها بينت الوشوم إلى على ذراعه وشوم غريبه ورقم 69. والوشم إلى بصدره چآنت نجمه داخل دائره تقرب بخطوات ثابتة وآني أتراجع
جيبي المُسدس واگعدي ساكته.
رُقيه: ااانتَ ابقى بعيييد عني وضل ساااكت
لا بيبي شني شافتني طلي واسلمج نحري؟
رُقيه: وينك و وين الطلي انت چلب أبن چلب.
لا تخليني اندمج!
تراجعت لورا انظربت بالچربايه تعثرت واجيت اوگع لزم أيدي جرني لحظنه وسحب المسدس مني، اردف
ناجي: دا احاول اتجنب الحقاره وياج بس ما يفيد!
رُقيه: ا اخذت المسدس چآ وخر
خلهَ المسدس بظهره وبالإيد الثانيه يشد على خصري، اردف
بس فهميني شغله وگاع الأشتر ليش هيج چآن ينظرلج؟
رُقيه: ناجي وخر ايدك وخر ولا تتمادى.
نظراته ما ارتحيتله. يعرفج شي؟
رُقيه: شجااي تحجي ماا اعرفه الله شاهد اول مره اشوفه حتى شكله ما اعرفه ما شايفته، وخرر وشيل ايدك عني
قربني عليه أكثر و...
ال بتراء.
درت وجهي شفت ناجي بعدما لمحني اباوع عليهم أخذها برا القاعه وبعدها، كُل الانضار اتجهت على الباب لمن البواب اردف.
---: السيد وصل
جسار: خلو يتفضل.
انفتح الباب ودخلو حُراس ثنين گدامه وثنين وراه وهو بالنُص رجال بالخمسينات عمره بكامل اناقته يمشي وخطواته ثابته بكل ثقه عدل ساعته وبعدها اجا يمنا وگف گدامه ما سلم إلا لمن جسار مد إيد يصافحه اردف
جسار: اهلاً بالوتد الثاني.
حرك راسه بطريقه وبمعنى متفاجئ بأسلوب جسار بكُل ثقه راح گعد على كُرسي الجسار تحت أنظار المعازيم إلى مصدومين، ما جنت فاهمه شي شجاي يصير ومنو هذا إلى عنده جُرة هيج يتصرف
طلع جگاره وراثه الحارس وانطاه، اخذ نفس منه واردف باللغة الإنگليزيه
الأدهم: أنا المالك الجديد لشركة الشحن الدوليه.
الكل على وجه علامة استفهام ويتهامسون بين بعض
، الرجال گام
الأدهم: متى نوقع العقد يا صديقي؟
الجسار: بعد الإعلان عن شيء آخر مُهم
الأدهم: عظيم، إذا أعلن عنها أنا انتظر.
همست لجاسر إلى مبين من نظراته للرجال حاقد عليه ويريد يشرب من دمه
بتراء: شهل مهزله؟
جاسر: اسئلي ابوچ إلى جاي يوزع أملاك عمي وابويا على اعدائنا.
بتراء: كُلكم ا ما تهموني
خزرني وحظن خصري.
بتراء: شيل ايدك.
خليج قريبه الناس تباوع.
بتراء: عليك وعليهم ابتعد!
اندراينا للجسار لمن راح على الستيج وكلاص المشروب بإيده، اردف باللغة الانگليزيه.
جسار: الأبنة التي عُرفت بالموروثه معنا اليوم
سكت لأن الكل صفق بحرارة بعدها اكمل
جسار: هي ليست لوحدها.
الكل مستغرب من كلامه، ابتسم على تساؤلاتهم اردف.
جسار: هي وأختها الثانيه سَيورثوني.
بتراء: ج جاسر اختي هنا؟ اختي رُقيه هنا؟ واخيرا راح اللتقي بيها؟
جاسر: خلي يكمل كلامه وتفهمين.
التوتر احتلني درت وجهي عليه، اردف للحظور.
جسار: قد تستغربون من كونها الوريثه مع أبنتي لكن هي تستحق هذهِ المكانه الساده الكرام رحبو معي بالابنه الوسطانيه و الذراع الأيمن لوالدها. الآنسه.
أبيل
وگفت السيارة ورا الساحه إلى مخصصه للتخزين.
أبيل: يلا يا على يا ضرغام اليوم نولعها.
فتحت الجنطه طلعت الكفوف لبستهن بإيدي
أبيل: لاحگ للكُل الشركات واعدائي واعداء عمامي المفروض يلقبوني. الأخطبوط حاروگه.
شلت المسدس بدلت المخزن وأخذت مخازن إضافيه بالجيب اخذت الچداحه ونزلت
أبيل: دخيلك يا على الضرغام شهل هدوء الممل!
دگ تلفوني چآن يَاسر
أبيل: احجي.
علي اساس جنت راح اسكت اذا ما تنطيني الأذن.
أبيل: على كتشاب فضني وينك؟
بالطريق والشباب جايين ورايه ما نتأخر أنت شسويت؟
أبيل: آيم ريدي بس ماكو شي ملل محد معترض طريقي!
تريد اكشن؟ شمنتظر أبيل صدك تحجي
تريدهم يلزموك يمين عظيم يخلصون عليك!
أبيل: دخل يجربون يلزموني حتى اللزم أبوهم
سلام احس حتى ما احتاجك بهل مهمه عبن شويه احسك ناعم و.
هجم عليّه واحد من ورا يحاول يخنگني بالحبل الموبايل وگع من ايدي وانقطع الاتصال اللتفيت عليه ضربته كلّه.
أبيل: شني يعني الليله ليلة القدر وامنيتي بشوية اكشن تحققت؟
بالطبع لا
Tabii ki deil أبيل ايهم الباشا.
درت ظهري لگيتهم خمسه وابن يوسف مترأسهم
وجه المسدس عليّه، عود سويت روحي متفاجئ
أبيل: اوهااا هذا أنتَ أصلان يوسف اوغلو؟
أصلان: إيت. اخذو
أبيل: لاا ياا على يااا ضرغام
هجموا عليّه الأربعه كل واحد يضرب بجها وآنا وحدي اواجههم تراجعت لورا وگفو، اخذت نفس
أبيل: دقيقه دقيقه اخذ نفس وكملو او لا تعالو نتفق على شغله.
أصلان: أبيل يا أبيل أنت مو بوضع يسمحلك تعقد اتفاقيات، شمنتظررين اخذو للمستودع
هجو عليّه هل مره كسرت رقبة واحد بيهم ضلو ثلاثه
أبيل: وعلى الضرغام ذرة رحمه ما تلگوهه عندي يُفضل تخلوني اجر نفس وبعدها نرجع نكمل!
يمين عظيم واحد مجنون
أبيل: هذا آنا وهاي سُمعتي بالمنطقه وعلى الضرغام.
أصلان: لا توگفو اضربو وجيبو ورايه
ما وگفو ولا آنا وگفت واحد يگتل بالثاني بدون استخدام السلاح.
أبيل: خذلك بريك خذلك بريك خل احجي شغله
وگف أصلان واندارلي
أصلان: خلو يحجي خل اسمع
أبيل: من گدمااا رفقت بيكم عاركتكم بدون المسدس، رجولتي ما تسمحلي اغدر بيكم لا وعلى الضرغام جان هسا مگعدكم بالكبر تسولفون ويا الملائكه الثلاث.
ما حسيت إلا واحد بيهم التف ورا ضهري ضربني على رقبتي دخت وانداريتله
أبيل: اابن النعااال شني چنت اااحجييي شلون تغدرني تعااال بوجهيي.
لزموني ثنين وآنا شبه دايخ اخذوني للمستودع الموجود بالساحه گعدوني عالكرسي
أصلان: اجيت تاخذ الكمية إلى استخرجناها بتعب؟
أبيل: ول شني استخرجتوهاا بگتووها بگتووها وعلى الضرغام مقهور عليكم عود ليش مااجيت گتلي؟ وعلى إلا چآن ادزلك رتل تريلات نفط! شفقه طبعاً
أصلان: اعلمك الشفقه شلون تكون.
أبيل: عاين ابن لالنجي مدري يوسفي المهم بس يخف وجع راسي اگوملكم و شتگولون؟
مجنون.
أبيل: وعلى الضرغام حتى طگه ونص ما عندي متسودن على اخر حبه. يلا صيصو افتح أيدي وصير رجال
أصلان: أبيل شنو تريد اموتك؟
أبيل: من اكتئب اجيلك عود حتى ما اشيل خطية روحي
ضربني بوكس على خشمي والي ورايه لازمين ذراعي، طگيت رقبتي
أبيل: باجر عندي عرض افتتاحي إلا وجهي اليجيب العافيه لا تأذيه.
أصلان: شنو من بشر أنت شنووو صنننفك؟
ضحكت بوجه
أبيل: عراااقي اصلي آناا ودمي كُلش حااار.
ميلت راسي وياهم نعاين للباب إلى انكسر ودخل وياه فوگ العشر زلم مسلحين طوقو المكان كمل الأغنيه انوب غيّر الكلمات.
يَاسر: واااحبلي مزه عرااقيه واحبلي مزه عرااقيه
أبيل: مااا تووولي بناتنا ما يروحن للغرييب
يَاسر: ريلاكس برو امزح، شباب استلموهم
اجو الزلم لزمو إلى جانو ورايه أصلان متصنم بمكانه ما مستوعب يَاسر يمان تقدم وهو يسحب أقسام
يَاسر: أصلان مرات استحي بيك والله شنو من تركي انت شهل قذاره؟
أصلان: آني المفروض أسألك بعت اصلك ولهجتك متغيره للعراقي بس لأن صارو شراكه ويا أبوك؟
گمت ومسحت مكان الضربة اخذت مسدسي من ضهر واحد من زلمته المحتجزين. سحبت أقسام
أبيل: هاي المحروسه مالتي لا تبوگ البوگ حرام باجر شلون تگابل الله؟
هز راسه عفته ووجهت المسدس على أصلان
أبيل: اي أصلانو وين چنا بشنو جنت احجي؟
يَاسر: بالمزه العراقيه.
أبيل: مصريه ادبسز.
أصلان: يَاسر لا تكبر حجم العداوه!
أبيل: لا تقتل المتعه يا مسلم شبااب الكل على شُغله
راحو السايقين على الشاحنات فوگ الخمس تريلات مخرجين. اخذوها وانطلقو للمصفى. اردف يَاسر
شغلكم وتصرفاتكم غير مقبوله جاي تضرون مصالحنا ما اريد اعاديكم، لا تجي بطريقي حتى ما اوگفلك عالدرب!
أبيل: جُنيد روح جيبلي الجليكان من السياره
أصلان: أبيل!
يا نعم؟
أصلان: مااا اسمحللك تحرررگ المستودع!
بالعراقي نگول تكبر وتنساها.
الشباب لزمو وانا بديت ارش المخزن رش بالنفط واحجي حتى احرگ دمه فد مره
أبيل: شبااب الجليكان ما يكفي فرغو شويه من الكميه إلى باگوها خل ندللهم بالنفط مالتنا
دخلو وجابو جليكانين كملنا رش انداريتله
أبيل: عادة اقتل صاحب المشكله واحرگه بس هل مره اخليك تشاهد وتحترگ بدمك عبن مُحرم وآنا رجال اخاف من ربي باجر عُگبه شلون اگابله!
سحب المسدس راد يهدد يَاسر لوا ذراعه.
يَاسر: يعني إلا نتخاارب يااخي ال تتووب وانت ما تتوب
ول يَاسر من وين تعلمتها؟
يَاسر: سمعتك مره. تحجيها لزلمة الجسار
أبيل: عيب ابني شني هذا الكلام احنه بمحرم احترم نفسك عيب عليك والله.
أصلان: مجااانين
أبيل: اي والله مجانينه مجاانينه
يَاسر: اغنيه؟
أبيل: لا قصيدة. وينه الجداحه وينها الحاروگه چانت بجيبي!
اجا واحد من الشباب انطاني
-: كان برا جبتو معي
أبيل: تؤبريني والله، يلا آريو ريدي؟
أصلان: ااابيل اندمك وما اعوفك بحالك يوميه بطريقك!
وين الجديد برو؟
يَاسر: شباب الكل يطلع برا والقِرده هذوله اربطوهم ببعض واشمروهم برا
رجالنا سحبو چلاب أصلان بقينا احنه الثلاثه
، يَاسر لزم أصلان يسحله برا، شعلت النار بالمكان
بقيت بنص المستودع عيوني على النار إلى بدت تلتهم المواد الممنوعة. تراجعت وطلعت طبگت الباب الحديدي عليها انداريتلهم
أبيل: واااحد بيكم جايب القلم؟
عندي مثله تفضل باشا.
أبيل: جيبه أبني جييبه خل أوقعله بدال الشمع الأحمر.
وقعت بخط چبير واصلان يگمز بمكانه شمرت القلم للشاب ومشيت يمهم انزع الكفوف واحجي
أبيل: ول خااالي شتريد بعد حتى توقيع وقعتلك
، يَاسر اسحبو الأسلحة منهم وين الچلاب إلى ضربوني؟
هنااك
أشر على نهاية الساحه بالزاويه رحتلهم الأربعه مربوطين بحبل واحد
أبيل: منو بيكم ضربني من ورا؟
Ben deilim، مو آني
-: Ben de، ولا أنا
أبيل: معقوله جدي السابع؟
O kim من هو؟
أبيل: هذااا هوو حيواااان لشووگت اعلم بيكم عيبب تغدر بالزلم صير رجال وتعال بوجهي مباشرةً..
هز راسه من بعدما ضربته بوكس.
أبيل: تمام؟ تماااام؟
Tamam Tamam. والله
عفتهم ومشيت شويه بس رجعت عليهم دفرتهم چم دفره
أبيل: هيج تمام. sefil gece لكم جميعا.
أريم
چنا گاعدين بالصاله شباب وبنات واحد يصنف على الثاني وحبوبه كل شويه تهدد بالعكازه اردف هدآم
للصراحه انصدمت من جُرئته
هَدآم: هدهده هسا مو انتي چبيرة بيت الباشا صح؟
وگاع: لا شك في ذلك أكمل.
سيرا: اوي اسلوب المحامين، اكمل براذر
أريم: اريد الزبده
ندى: بنتي موجود بالثلاجة
جاوبت عزّهَ وهي ملتهيه بالموبايل حتى ما رفعت راسهه
عزّهَ: يُما مفرده معناها اختصر الكلام.
ندى: هاا دِ ولن جيل اخر وگت، احجي ابني شعندك؟
آمل: بء البحصه من تمك!
سيرا: اووي فُدييت مرت اشتورر واسلوووبها المشااابه على مررر السنين ما تغييرررت
ناهد: اسكتتن لا أهد عليچن بهل عكازه، احجي شعندك؟
هَدآم: اريد اخطب هلال منج وتخلين عمي ينجبر يوافق
الكل گعد عدل وعلى وجوهنا علامة استفهام وحده ورا الثانيه انطت رد فعلها
سيرا: وااط ذاا هيييل
هِلال: Cok güzel ناقص تخلي المسدس براس ابويا وتهدده.
أريم: ويت ويت عمي شعنده رافض ليش؟
عزّهَ: اسئلو العار البصفي
وگاع: هساا آنا شعليييه شعليييه وحق جدنا السابع ما اريدها مثل اختي شعليييه بيهم؟
سيرا: لاااا السالفه كُبرت ينرادله ستريك بسرررعه موبايلي وين خل أوثق
سحبت الموبايل منها وتصييّح استغربت شلون انفعلت
عزّهَ: وآنا ااستغررب الناس من وين تدري بمشاااكلنا طلعت توثق كلشي بالستريك.
آمل: ابني شهل الكلام؟
ندى: ترا ابنج يعتبرها مثل اخته شني تجبروهم؟
سيرا: والعباس الچناين هم يتكاونن على النادره هِلال، تكاونو عليه اخبل شبيني؟
آمل: چا تعاي يصيري چنتي واخذج ل وَتان
سيرا: وااااط نووو وي نوو وي اتزوج شرشبيل ولا اتزوج وَتان النصاب ابو التركيات اابو البارات
گرصتها لأن فلت لسانها وعمه آمل منصدمه
أريم: سيراا خزيتينا كافي عاد كضي لسانج
آمل: شهل الكلام صدك تحجين وين؟
وگاع: چذابه يُما تريد تشوه سُمعته، خاف عبالج اخويا گاتل روحه عليج؟ ما ناخذج اله لو چآن مهرج فلس مزنجر.
هَدآم: أبو وگعه دا تحجي عن اختي!
وگاع: خواتك ثلاثتهن مثل اختي.
هِلال: چذاب ما عندك اخت
وگاع: انتي اختي
آمل: هل مره صدك على گولتهه يااا حظي چا منو بقت موو اختتتك المن ازووجك امدا شكلك
سيرا: آنا لگيتله خوش معدله ونادره اخت البيست مالتي هي هم محاميه وحق الزهراء طنجره ولئت غطاها
فتح عيوه على وسعهن گام.
وگاع: وحق جدنا هسا تذكرت شغله
اخذ تلفونه وطلع من الصاله، اردف هدآم
هَدآم: تدرون شنو؟
الكل: شنو
هَدآم: مع احترامي للسيدات المسنات الگاعدات أنتو مو مال واحد يناقشكم انتو مال يجي يوم وادخل للبيت گاض ايدها وعاقد عليها على خشم اليرضى قبل المايرضى.
آمل: آنا مُسنننه؟
هِلال: تؤبريني والله دا يحجي عن هدهده وعمه ندى
قفلت موبايلها وقبل لا تگوم همست
عزّهَ: هِلال جفصتي.
هِلال: گولي غيرها عزا بعينك أبيل.
ندى: هِلال تحجين على حماااتج تحجين عليّه؟
ناهد: كلشي إلا تگولين عليه مُسنه. وعلى بهذا العكاز اادبج
هِلال: يييمن عظيم هذاا السبببب
أشرت على هدآم إلى يدخن وعيونه بالموبايل
رفع انظاره اللها
هَدآم:؟
اخذت موبايلها وما تدري شلون تُعبر من گدام هدهد معلوم تضربها بالعكازه
ناهد: اطلعي ليش واگفه بمكانچ؟
هِلال: ها هسا اطلع دقيقه زيادة ما ابقى عدنه شُغل آنا وعزوز.
نظرت لهدام وراحت تعبر من جهته هذا خله رجل فوگ رجل على الميزه ويدخن
هِلال: شيل رجليك اريد أعبر
ناهد: اعبري منا شعندج هنا؟
سيرا: هِلال اعبري منا منا، راح اصور ستريك توثيقي للحظة خروجج، واكتب عليها من الصاله إلى المجهول
هَدآم: اعبري مناك بويا.
همستله وتاشر بعيونها
هِلال: راح تضربني وحق الزهراء!
نزل الجگاره ينظرللها بنظرات كُلها حب گام أشر گدام
هَدآم: امشي گدامي خل اشوف شلون تضربچ.
هِلال: اوك بس لا تگلي گدامي عبن اكره التأمر
زفر الدخان بنفاذ صبر على ردودها فعلا مشت وهو انطا ظهره لهدهده إلى حبت تصرفه بس أصرت ما تعديها الهم عبرت هلال للباب هدهده ضربته على رجله هلال فزت وهدام ابتعد اندارللهه
هَدآم: شبيج هدهد صدك چذب تضربيني؟
ناهد: چآ غير انت الفدائي لازم تتحمل!
طلعت برا الصاله وهَدام رجع لمكانه.
ندى: عفيه بالزللم الحوك
آمل: ندى ما ابريلج الذمه اذا ما تنطيني بنيه لواحد من ولدي.
ندى: بناتي گدامج اقنعيهن واخذيهن چنه الج
أريم: ثنيناتهم مثل اخواني
هَدآم: الطريقه 666 للرفض القاطع
سيرا: آمولتي مثل ما لگيت عروسه للوجع وگاع
بهل اثناء لگيت عروسه ثانيه للوتان خل نخلص منهم ثنيناتهم.
أريم: هسا تطلع وحده من خوات بيستاتج
سيرا: هل مره البيست شخصياً! اجيبها زوجه للوَتان وهم صديقتي تعيش ويايه بنفس البيت يُماااي وناااسه
ندى: وجعاااي صوتج
أريم: تجيبين جيري على بيت توم؟
سيرا: يعني بيستي فاره؟
هَدآم: انلاصت
اجيت اجاوب صارت هوسه وعزام يصرخ
ااالف مره گتلج االف مره گتلج لاا تطلعين بالتكااسي شلون طلعتي بدون ااامن شلون؟
گمنا كلنا طلعنا من الصاله عمه سجى بالباب وعزام يجي ويروح گدامها
سجى: اختنگت من هذا التشدد شني وين ما نروح لازم حرس واجهزه تعقب؟
عَزّآم: ااعداء عدننه ااعداء تفهمين عليّه شجاي احجي؟
ناهد: وين چنتي سجى؟
عَزّآم: هدهد.
ناهد: سئلتها هي، جااوبي
سجى: زياره.
ناهد: ما جنتي لا بالنجف! ولا بكربلاء.
هَدآم: چانت بمقام الإمام أحمد بن علي
ندى: صددك؟
عَزّآم: چا شني، چانت غادي، اخر مره ارجعج بيها
اذا طلعتي بدون إذن ابويا.
گالها وصدم الكُل بعدها صعد للطابق الثالث بالمصعد الموجود، عزّهَ شافته وسمعت الكلام، وبدون تردد صعدت وراه عالدرج.
ناهد: زيارة مقبولة سجى الباشا.
هدهد هم عافتنا وراحت على غُرفتها
سيرا: ماذا جرى؟
اسكتي مو وگت كلامج!
ال بتراء.
التوتر احتلني درت وجهي عليه، اردف للحظور
جسار: قد تستغربون من كونها الوريثه مع أبنتي لكن هي تستحق هذهِ المكانه الساده الكرام رحبو معي بالابنه الوسطانيه و الذراع الأيمن لوالدها. الآنسه وَسن الجسار.
جحضت عيوني من الصدمه، الكُل حول انظاره للبوابة إلى الحُراس فتحوها على وسعها خطت اول خطواتها بالكعب العالي الأسود لمن دخلت ونَائل يمشي وراها، اطلالتها إلى تخطف الأنفاس والفستان بتفاصيل مثيره دخلت وإبتسامة النصر على وجهها تمعنت بملامحهه أول مره اشوفها بعد واحد وعشرين سنه.
بتراء: وَسن معقووله؟
اخذت مشروب من الگارسون وراحت للستيج بصف جسار رفعت الگلاص، اردفت
وَسن: مساء الخير أعزائي Eve ho geldiniz.
گالت اهلا بيكم بينا، جسار اردف مره ثانيه
جسار: عادة ما يأتي الأول قبل الثاني لكن كان من المُهم ان اعرفكم عليها أولاً. الوريثة الأولى معروفه للأغلبية الموجودين هُنا
الأدهم: لا أعرفها أين هي؟
جسار: إنها الابنه الأكبر والوريثة الآنسه بتراء الجسار
أشر عليّه والرجال نظرلي من فوگ لتحت اومئ براسه اردف
الأدهم: بتراء الجسار، Nice
جسار: بتراء بابا تعاي بصفي.
جاسر رخى ايده من خصري نظرلي واشر بعيونه بمعنى روحي اخذت نفس عميق وتقدمت بخطوات واثقه ما ينسمع بالقاعة إلا صوت خطواتي. صعدت الپايتين وگفت گدام وَسن حظنتها من كُل گلبي الإبتسامة الخفيه تريد تضهر على وجهي
بتراء: يَعمري واخيرا التقيت بيچ
لكن الرد.
وَسن: sorry وخري وخري لا تحظنيني بليز
گالتها بهمس وغرور
بتراء: أُختي أختي، خوات احنه
نظرتلي فوگ وتحت همست بأذني وبطريقه تستحقرني.
وَسن: ما عندي أُخت ما تعنيلي شي مجرد وحده تريد تنافسني على الورثه.
بتراء: ش شجاي تحجين مو صح!
ابتعدت وشربت مشروبها دفعة وحده والحقد اتجاهي يفيض من عيونها وگفت على ايده اليسار
وهو حظنا ثنيناتنا اردف للحظور
جسار: وَسن والبتراء لهُن نسبة 30 بالميه في كُل ممتلكاتي الأراضي والقصور. ونسبة 60 بالمية لهُن حصة في شركة الصناعية.
نَائل عيونه على جسار ما شاله ويشرب گلاص ورا الثاني جابو الأوراق وجهزو الطاوله للتوقيع.
جسار: نوقع عقد تقسيم الورثه بعدها يتم توقيع العقد بيني وبين الوتد الثاني.
نظرت للرجال چآن هو المقصود، مد ايده انطاني القلم.
جسار: عزيزتي وقعي.
بتراء: متأكد تريد تسلمني املاكك؟
جسار: وقعي.
وَسن اخذت القلم من ايدي، اردفت
وَسن: ما حبيت شلون تسلم نص املاكك لهيج وحده؟
جسار: هذا حقچن من بعدي وقعن العالم منتظره.
ثلاثنتا گدام بعض واگفين حول نفس الطاوله وَسن وقعت وطگطگت بالقلم يم ايدي وعافته. شلت القلم أشد أيدي عليها احاول استوعب ليش هيج يتصرف وهو بالأصل آسرني ما يخليني اطلع برا الغرفه. تشتت أفكاري لمن الرجال اردف
الأدهم: البتراء متردده توقعين؟
وقعت بسرعه ورفعت راسي اجاوبه بكل عزم
بتراء: ما متردده الطبع ذيبه والحواليه واويه مو مال ثقه.
وَسن: اوووه شييت طلع لسانچ حد!
خزرتها، عفت القلم على العقد ونزلت تحت تصفيق الحظور إلى بس صفق إلى لمن وقعت استغربت. مشيت بإتجاه جاسر وگفت بصفه
طلع ايده من جيبه اردف
جاسر: اول مره اشجعچ على طولة لسانچ
بتراء: كُلكم نفس مكانه عندي لحد يسوي روح صديق!
جاسر: بعيدا عن كل شي مبروك املاك ابوج تحت تصرفج
بتراء: بين أربع حيطان؟
جاسر: اووه نسيت والله ههه
بتراء: وين الحمام؟
جاسر: وگتج هسا؟
رُقيه
قربني عليه أكثر، يحجي ويشد على الكلمات من العصبيه
ناجي: ااذا عرفت بيكم متقابلين قبل وبينكم موده احرگج بأرضچ ااخلص عليج واخلص عليه هو تفهميييين!
رُقيه: مااا تخووفي ومااا ااعرفه ااانتَ إلى افهمم
ناجي: مراح تفهمين إلا هييج.
لزم وجهي ويحاولي يبوسني ويتمادى، اضرب بي وابعد وجهي ما يفيد يريد يقيد حركتي، گدرت اضربه دفره بكل قوتي وركضت للباب الكرت جان بي فورا فتحته وطلعت اركض ركض بالممر واتعثر بالكعب المصعد جان مغلق رحت للدرج، شفته طلع من الغرفه وراي نزعت الكعب
شلته بإيدي وبلشت انزل كُل پايتين سوا وادعي بصوت عالي مهدود حيلي من الجان راح يصير بيّه
رُقيه: نادي عليا مظهر العجائب.
تجده عوناا لك في النوائب. نادي عليا مظهر العجائب تجده عوناا لك في النوائب
نزلت طابق كامل وهو يركض ورايه بدون لا يصرخ استغربت احتمال خايف الناس يكشفونه تعثرت بالفستان ووكعت وهو بعده ينزل الدرج من فوگ
من الخوف والتوتر بديت ابجي واردد
رُقيه: نادي عليا مظهر العجائب
تجده عوناا لك في النوائب
گمت مره ثانيه اكمل نزول للطابق الأول.
ال بتراء
سكتت وصبرت لمن الرجال گام اردف
الأدهم: طبعاً راح نحجي تفاصيل الصفقه.
تم بيع نسبة 25 بالميه من اسهُمي في شركة AAB
وتحويل حصتي إلى اسم مالكه الجديد الجسار. وبالمُقابل.
جسار: وبالمقابل تم تحويل ملكية شركة الشحن الدوليه إلى اسمه وتحت تصرفه في موانئ البصره
جاسر: شنو إلى خلى ابوج ينطيه شركه بأكملها مقابل نسبة 25 بالميه فقط من أسهم الأدهم؟
بتراء: تجي تسألني آني؟ مو انت ذيل ابويا روح افهم منه، وين الحمام اريد استخدمه!
مسح وجه بنفاذ صبر أشر گدام اردف
جاسر: امشي اخذج.
بتراء: شنو يعني تجي وياي، دليني عليه آني اروح وحدي!
جاسر: ريلي؟ امشي گدامي ماكو شي اسمه وحدج.
سكتت بس خل اخلص منه وادخل للحمام مشيت گدامه وجنا بالطابق الأول
جاسر: مناك على اليمين.
اشرلي ورا الدرج كملت طريقي باوعت ما لگيت جاسر ورايه وين اختفى انداريت اكمل طريقي وشفت بنيه دا تنزل من الطابق الثاني ركض ومبين لاحگينها تمعنت بملامحهه نفس البنيه إلى اجت ويا ناجي نزلت اول ما شافتني شمرت روحهه بحظني تصنمت بمكاني گلبي يدگ دمام والبنيه تبجي وتتوسل
رُقيه: اختي اترجاج ساعديني حبابه لا تخليه يرجعني للغُرفه حبابه يريد يعتدي عليه اترجااج احميني منه.
نزلن دموعي لا إرادياً شلت أيدي مسدت على شعرها ناجي الجان لاحگها من شافني وگف بمكانه وعيونه جاحضه
بتراء: اشش اهدي حبيبتي اهدي يا عمري لا تخافين آني يمج ما اخليه يأذيج.
ابتعدت تمسح دموعها عيوننا تنظر لبعضها ابتسمت، سألتها وناجي بعده بمكانه حتى ما نزل پايه زياده
بتراء: ش شنو اسمج ليش احس اعرفج؟
سكتت وعيونها على ناجي باوعلتي وحجت
رُقيه: رونق اسمي.
بتراء: رونق هذاك ليش راد يعتدي عليج وليش اجيتي وياه؟
سكتت ما جاوبت
بتراء: رونق هذاك منو حتى اساعدچ!
رُقيه: صديق بس ما چنت متوقعه هيج يتمادى
سحبتها ورا ضهري، ناجي عدل ياخة القميص ونزل
رُقيه: أختي شنو اسمج دخيلج لا تخليه ياخذني لذيج الغرفه.
تذكرت كلام جاسر من نبهني ما أذكر اسمي الحقيقي خارج القاعه واي شخص يسئلني لازم اگله
اسمي الوهمي او رُقيه و ودق يتأذون
بتراء: اسمي براء
اجا وگف گدامنا أشر بعيونه وحجه
ناجي: يلا امشي.
شدت على ذراعي رافضه تروح.
بتراء: شهل حقاره إلى ااانت بيها؟
ناجي: لا تدخلين افضل. رونق گدامي يلا.
بتراء: البنيه وثثثقت بييك ياا حيوااان وثقتتت بيييك شلون تحااول تعتدي عليها!
فزينا ثنينا لصوت كسر الگزاز انداريت ويا البنيه نَائل لازم بطل مكسور ومبين سكران اجا بإتجاهنا ويصرخ
نَائل: فعلااا حيوااان شلون هيييج تخليييهنن يلتقننن شلووون
رُقيه: ش شجاي تحجي؟
بتراء: شنوو تقصدد
اجا لزم البنيه جرها و خلى الگزازه بنحرها يهدد.
نَائل: كلللشي راااح بح راحح تعببب ابويااا وااابووك راااح للاااب
ناجي: نَااائل عوفها لا تأذيهاااا عوفهاااا
جنت بعدني لازمه ايدها وهي تشد على أيدي نَائل يحاول يجرها واني ما اعوفها
بتراء: نَ نَائل آل بنيه ر رونق لا تاذيها
نَائل: رونق؟ هههه رونق منووو منووو ااسممهاا رر.
قبل لا يحجي جاسر سوا شي بنحره فورا غاب عن الوعي وگع من طوله، سحبت البنيه لحظني مره ثانيه وثنينا نبچي حسيت حاظنه شي من روحي ما دام الحظن لثواني ورجعوا فرقونا ناجي سحبها بس لزمت ايدها ما عفتها ومنا جاسر لزم ذراعي يجرني حتى يفرقنا صرت ابجي حسيت دا يفرقوني عن روحي مو مجرد بنيه استنجدت بيّه
بتراء: عوف عوفني لا تبعدها لااا تأذيهاااا ناجي ل لا رونق. لا تعوفين أيدي لا تعوفين أيدي.
تحاول تبعد ناجي وتصرخ بدموع
رُقيه: ااالله ياخذك لا تسوي هيج بيه برااء لا تعوفييني بإيده براء براء ساعديني براء ماااخذين ااختي مني برااء.
وسعن عيوني ما استوعبت كلامهه احتمال حالتهه مُشابهه لحالتي التمو الناس الموجودين من ورا أصواتنا العاليه
بتراء: ر رونق لا تعوفين ايدي وعلى السَند اساعدج احررج منهم بس لا تعوفين ايدي وعلى السَند ما اخليج محرومه من اختج اااجمعج بيها وعلى السَند.
الي أنهى وفرق ادينا هي وَسن لمن كسرت كلاص المشروب على ايدينا ثنينا من الألم سحبنا ايدنا والدم ينزل منه نبچي ثنينا وهذوله ما ضهرت على وجهمم ذرة رحمه البنيه انربط لسانها لمن شافت وَسن تأتئت بكلمات ما مفهومه
رُقيه: و وَ س ن أ خ ت
قبل لا تصرخ ناجي سد حلگها وطلعها وياه لبرا الفندق جاسر قيد حركتي والدم ينزل من ظهر أيدي وَسن أشرت للحُراس اجو اخذو نَائل، هي وگفت گدامي والچوى گلبي تصرفها المنحطه وياي.
وَسن: تفيي عليج وعليها حقيرااات جاااسر أخذها للبيت دقيقه لااا تبقيهااا هناا الموروثه الموروثه وحده تداافع لبنااات الليل إلى يتونس بيهن ولد عمها حسااافه انطاااج نص اااملاكه يل رخيصه
من كميه الصدمات والقهر الدموع ما وگفت مستمره، احجي واصرخ
بتراء: اختيي ااانتي اختي غسلوو عقلج ليش هييج تحجينن سنين وآني اريد متانيه التقيج تااالي هيج تطلعين لييش لييش.
وَسن: اوهووو تااالي وياج ولج بابا احنه مو خواات لا انتي من ابويا ولا من امي مو خواات
ابجي واحاول افهمها
بتراء: وسن متذكره متذكره بعُمر الست سنوات وعلى السَند مره مره اجيت ويا ماما على مدينه تركيه امهاتنا گالن انتن خوات وانتي حظنتيني وگلتي اخوات احنا وعلى السَند ما ناسيه
وَسسسن وَسن لا تكسرين ظهري خوات احنه مو إلا بالدم خوات ااحناا روح بروح مو إلا بالددم.
حظني جاسر من وره ويهمس يم اذني.
جاسر: اشش بتراء قويه انتي لا تبجين
اخذت نفس رفعت راسي وهي بعدها واگفه گدامي بكُل برود تنظرلي
بتراء: اذا ما تعتبريني اختج ر رُقيه رقيه و اختنا وَدق وَدق اختنا الزغيره لخاطرهن وسن
وَسن: ما اعرفهن ولا شايفتهن ولا يشرفني اشوفهن
بنات الخاينه.
بتراء: اامج امجج شلون هيج تحجين عنهااا
وَسن: هي خاينه وين الغلط هاذا هو حقيقتها
جاسر رجعها للبيت خزتنا.
ابعدني عنه ولزم ذراعي يجرني وراه.
جاسر: ااامشي لا اطلع حرگة گلبي بيييج
فتح السياره وشمرني بيها اندار صعد وانطلق بكُل سرعته آني ابجي وهو يضرب الستيرن بعصبيه ويصرخ
جاسر: راااح كلشي راااح وووحده مثل وَسسن تاخذ ااتعااب ابويا، علييمن تبچييين احمدي رببج هل گ فعلا موو اااختج
بتراء: حيواانات اانتوو ما عدكم مشااعر تعرفوون شنو يعني تكبرر على شممعة ااملل تعرفوون شنوو يعنييي سنين اتخيل يوم لقااائي بخواتي وتاالي من التقيت بيهااا هيج گابلتني.
جاسر: وتعرررفين شنو يعنييي سنييين اصير ذييل للشخص إلى قتل ااابوياا سنييين وآني ذييل شنو يگول اگله حاااظر، الاسمه جسااار هو چتااال اخوه چتااال ااخو لخاطر چم فلللسس
بتراء: لا تچذذب مستحيل اصدك بييك مستحيل
جاسر: بتراء يتمني وقتتتل ااامي قتلللها بعدماااا اعتدى علييهااا بتراااء شنو ما تصدگين
الدموع تحجرت بعيوني من الصدمه
بتراء: ش شنو تحجي ق قتل اخوه قتل ابوك؟
اع تدى على امك؟
دعس بريك قوي وگف سند راسه على الستيرن ويضرب بي ويبجي بشهگه
ج جاسر تحجي صدك جاي تبجي ي يعني كلامك صح؟
هز راسه اي وبلش يسرد قصته جانت صدمة عمري، فعلا كُل انسان عنده قصته وعنده أسبابه
جاسر: سنة 1995 جنت خمس سنوات المفروض
طفل ما افهم شي او ذاكرتي مو قويه حتى اتذكر بس اعرف ومتذكر كل تفاصيل ذيج الليله، آني الابن الوحيد للأخ الأكبر من بين الإخوان الثلاثه
جاسر، جسار، نَصار
بتراء: على أسم ابوك؟
نعم، 1995 بوحده من اليالي فبراير بعدما جسار
ونَصار اتفقوا على قتل ابويا بكُل دم بارد حتى يبقالهم حصته من الفلوس إلى جانو يحصلوها من شغل التهريب. رجع بذيج الليله واجا على غرفتنا جنت انام ويا أمي بغرفتها جانت ليله اكتمال البدر
دخل للغرفه حسيت عليه عبالي ابويا رجع، بس من انعكس الضو على وجهه شفته جسار بقيت بفراشي
طفل خمس سنوات جنت خايف يسويلي شي
اخذ نفس رفع عيونه لفوگ ويعصره بعدها انزل راسه يكمل.
جان مصدر رُعب رغم نَائل وناجي ما جانو يخافون منه لأن يحبهم مو مثلي. تقرب من امي الجانت نايمه بعيد عني ضل يتلامس جسدها بطريقه مقرفه إلى أن فزت. تحاربه وهو يحاول يقيدها خليت راسي تحت اللحاف اخاف يحس عليه ويسوي بيه شي طفل جنت والطفل بريئ يخاف بسهوله جنت اسمع صوت ونحيب امي
وجنت اسمع صوته، يعتدي عليها ويحجي.
بكل دم بارد.
-: قتلته قتلته وراح بعد ماكو جاسر الكبير ضل بس جاسر الصغير وهذا يصير أيدي اليمين اخلي يصيرلي چلب وفي ويشتغل تحت أمري.
ضل يسمعها كلمات تسمم طلعت راسي من تحت اللحاف والدموع ماليه وجهي شفته بعيوني شلون اعتدى عليها وبعدها خنگها بالمخده خنگها
و.
ضرب راسه بالستيرن مرتين ويحجي بشهگه
رجعها لفراشها و رجع لبسها مثل ما چآن
بعدما هو طلع، آني گمت ركضتلها احظنها واحاول اگعدها ماكو ما تگعد امي نامت نامت وللأبد.
نشف حلگي وآني اسمع قصته معقوله كُل إلى جان يسوي وياي ويهددني بالإعتداء جان أثر من ندبات الماضي
بتراء: جاسر اذا انت عشت كُل هذا شلون تقبل غيرك يعيش هيج شلون سنين وآني مسجونه وكل مسيّهَ چنت تجي للغرفه تهددني!
رفع راسه نظرلي وعيونه دم، اردف
جاسر: جنت ماخذ فكره أنه ااذا صرت مثله راح اسيطر عليج واتملكج كُلج، بس أنتي بشجاعتج وقوتج وگفتيني عند حدي
اندريتله بكامل جسمي
بتراء: جاسر ساعدني حتى اساعدك.
شنو تقصدين بتراء؟
بتراء: حُصتي بالشركه والأراضي كُلها اسجلها بأسمك اذا ساعدتني حتى انتقم لأمي والاگي خواتي.
جاسر: آني انتقم وانتي تنتقمي ونائل ينتقم
بهيج حاله لازم تشگ ابوج ستين شگه.
واحد ينظر للثاني اول مره نضحك وانوب على نفس الشي.
جاسر: دايما الضحكه.
الدايم بس الله
سكت ما جاوب لأن انسان يمارس كُل المحرمات
ما عنده جواب. شغل السياره وكمل الطريق
اردف
احلفج بغلاة خواتج وسترهن الحجيته الج لا يطلع من حلگج.
بتراء: اطمئن حجيت للإنسانه إلى ضامه ضُلمكم كُل هاي السنين اكيد راح اضم هذا السر كذلك، شنو راح يصير هسا.
جاسر: ما يصير شي ارجعج شلون ما جبتج
بتراء: شويه صير آدمي! وفهمني شمعنى ما تريدون اعرف مواقع القصور إلى ننتقل منها كُل فتره؟
كُلشي بوقته تعرفينه.
بتراء: جاسر فكر بيها خل نتساعد وعلى السَند مستعده اكتبلك كُل ورثتي بأسمك! على الأقل علمود باجر ضروري!
باجر شكو؟
بتراء: مشاية الإمام حُسين وبعد باجر اربعينيته.
وكل عقلج تمشيله من البصره للكربلاء؟
بتراء: كل عقلك تحجي هييج؟
نروح بالسياره.
بتراء: مُلللحد اوك بس تحترم ديني غصباً عليك
مسلم مو ملحد
بتراء: إسلامك كلمه مكتوبه بظهر جنسيتك لا أكثر
شتريدين يبقى براسنا دين بنص قوم الفُجار؟
بتراء: اليسمعك يكول من آل البيت شكد متدين
باوع لك قصتك وسمعتها بس خل تولي ما تغير من نظرتي اتجاهك صير ذكي وخلي نتساعد.
عود افكر.
يَقين
واحد يعاين بالثاني توترت ادهم تأخر واخوانه من المُغرب بالبيت اردف على سَند
علي سَند: عمي باجر رايح مشاية للأمام الحُسين
بحفلة إزمير ما اگدر اتواجد.
الباشا: معذور أبني، اختي يَقين اتصلي بالأدهم عبن ما يجاوب على اتصالي.
الأشتر: شني چآن شغله ببغداد؟
يَقين: وعلى ما ادري گال شغل خاص.
الباشا: شغل خاص!
الأشتر: ماكو شي اسمه شغل خاص بينا كلشي مُعلن أدهم شجاي يشتغل من ورانا؟
يَقين: على سَند وين طالع؟
علي سَند: يُما اتصل بالشباب باجر نروح سوا للمشاي.
هزيتله راسي وراح يتصل عليهم برا بقيت انتظره وياهم ومن التوتر ما اعرف اسولف كلمتين.
رُقيه
بعدما طلعني من الفندق صعدني بالسياره وما بقى دقيقه فورا للبيت طول الطريق هو يحجي كلمه واني احجي عشره
ناجي: تصرفج ما يعدي على خير
رُقيه: ااابن د ااانت تصرفك ما يعدي على خير. تحاااول ت عليّه
بسببج
رُقيه: شنووو بسببي اانتَ شنو بسببي
البنيه البنيه منو جانت وشلون تعرفك
بنات واحد من شُركاء جسار
هدئ صوتي حجيت ويا نفسي بصوت مسموع
رُقيه: حسيت اعرفها گلبي فز من حظنتني
لا فز ولا گمز، انزلي.
وگف السياره بالباب شمر الجنطه بحظني
أكو رقم متصل عليج بس الرا جان مقفول!
منو هذا؟
رُقيه: شلوون تفتش جُنطتي؟
فتحتها وفتشت، امشي للبيت وبعدين اعرف طريقتي.
نزلت من السياره ورگعت الباب بقوه دخلت للبيت گعدت ويا حبوبه واختي حجيتلهم كُل إلى صار عفتهم ودق نامت بغرفة حبوبه وآني صعدت على غُرفتي بدلت واجيت أنام تذكرت الرقم إلى المتصل
باوعن قبل أربع ساعات يعني بال 9: 30 دخلت لمحادثة الواتساب جان نشط فورا راسل باوعت الساعه 12
السلام عليكم اتصلت ما جاوبتي.
احتاريت شجاوبه رجع راسل
متوتره وخايفه تجفصين؟
رُقيه: هذا شبي حافظني.
راسلته وكتبتله.
--: وعليكم السلام. بلا زحمه دزلي معلومات حسابك خل أحول الفلوس.
جاوب.
دزيها كاش على مكتبي العنوان (- - - -)
--: انت گتلي ارسلج المعلومات برساله!
بعدين دقيقه آني اخذت رقمك مو انت اخذت رقمي رقمي شلون وصلك شلون جبت رقمي؟
رقمج ورقمج دبرته وخلص باجر دزي الفلوس للمكتب. تصبحين على خير
رُقيه: تصبح على كابوس شنو هل تعجرف!
ما جاوبته قفلت موبايلي ونمت.
أبيل
دخلت على غرفتي اخذت الموبايل دكيت على رقم إيمار ما جاوب، رجعت دگيت مره ثانيه هل مره جاوب
متصل خير يا طير؟
أبيل: احجي عدل ادبسز شخبارك يَبعد اخوك؟
شلون هسا ويا المزاجي! بخير آني بخير بنص بصراكم بأول يوم رحبو بيه بالمراكز
أبيل: مراكز تسوق؟
إيت مراكز تسوق من نوع مميز
أبيل: أيام وراجع للبصره ونزورهن سويه
أبيل صاير شي ليش صوتك هيج؟
أبيل: ول لا ماكو شي بس مشتاگلك.
هسا تگلي بيك ريحة امي ونفس السيناريو إلى تبرر بيها جرايمك.
مسحت وجهي شما احجيله ما يصدگني
أبيل: تمام انت الصح وانا الغلط دير بالك على نفسك أخويا
قفلت الموبايل قبل لا يجاوبني رحت للكنتور طلعت الصوره الوحيده إلى تجمعني ويا امي
خسرت كُل ذكرياتي وياها بذاك الحريق.
أبيل: الله يُرحمج وعلى مشتاگلج بگد رحمة الله
نمت والصوره بحظني مثل كُل ليلة.
يَقين
انسمع صوت الباب الوقت عابر 1: 00
رحتله والاخوه الاثنين بقو گاعدين دخل للبيت واستغرب مني.
الأدهم: يَقيني بعدج گاعده؟
بلعت ريگ لمن طلع من الصاله فر التسبيحه فرتين بطريقه مثيره للتوتر واردف
منتظرين ينور الوتد الثاني.