رواية ولد الباشا للكاتبة فاطمة الأحمد الفصل الخامس عشر
ال عزّهَ
مر أكثر من ثلاث ساعات وهو گاعد بنفس المكان عالسطح يدخن باكيت ورا باكيت، آنا بمكاني هم گعدت اراقبه خوفي من أنه يتكرر الماضي ما عفته بوحده، طول هاي الساعات إلى مرت ما شلت عيوني عنه رغم ميته من النَعس اخذتني النعسه وما ادري شلون غفيت بمكاني دقايق، شميت عطره قريب عليّه مثلت النوم كشفني وعرف بيه اراقبه بعدما يفيد انكر ضليت على وضعي استمع ل كلماته.
عَزّآم: حسبالج أكررها؟ ذاك الجبان مات من زمان
عزّهَ مات.
سكت وصار يوخر خصلات من شعري اكمل كلامه
خفتي اسويها واحاول انتحر؟ مثل ما صار من 20 سنه؟ ابشرج ميت من ذاك اليوم مايحتاج اموت مره ثانيه.
تنهد وضل ساكت لدقايق رجع يتلامس خدي اكمل
اطهر شي لامسته أيدي، هذا الگلب من اول يومه بأسمج ما رايد غيرج ليش تكابرين.
قرب وجه خلى گصته بگصتي واحس الرجفه لزمتني
اردف
هذاك السر هو السبب بكلشي جاي يصير ويانه.
من 20 سنه وذاك يكبر ويانه وهو سببج الأول حتى تترددين ناحيتي. والله
عيوننا تشابكت اول ما فتحتهن بلع ريگ، هزيت راسي بالرفض على كلامه وهو يهز راسه ويحچي
بلى بلى هذاك السر دمرني وحارمني منچ
حارمني من روحي
عزّهَ: لا مو صح مو هذا السبب لا تحجي هيج
ابتعد وگام، گمت وياه ضل يفتر بمكانه ويدخن شمر الجگاره يحجي بعصبيه حسيت شراين نحره راح تنفجر من اعصابه.
عَزّآم: صحح صح ماكو سببب ثاني مااكو سبب مُقننع اااكثر منه.
عزّهَ: عزام هذا الكلام مو صح و
شني عبالج غبي وما افهم؟ لج بويا أنتي خااايفه خااايفه تتزوجيني خاافيه تتزوجين ااابن حراام.
حاولت اهدي وكلما اللزم ايده يوخر
عزّهَ: لا تحجي هيج جاي تضلمني بتفكيرك آنا م افكر بيك بهل طريقه.
لزم وجهي بين إيديه
بويا صارحيني تمام صارحيني ليش حتى تنظريلي بنظرة شفقه حقج تخافين تتزوجي ابن حرام حقج تخافين تخلفين من واحد ابن حرام.
عزّهَ: اااسكت عاااد اااسكت شهل كلاااام موو صح موو صح مااا فكررت هييج مااا فكرت
لزمت وجه احاول أفهمه
عزّهَ: دفنت السر بداخلي من 20 سنه بذيج الليله لمن سمعت امك تحجيلك ما ضميت عنك اجيت حجيتلك بس انت هم هيج سويت عاركت وبعدها اجيت تنتحر حتى تخلص من شي يسموه عار عزام أنت مالك ذنب.
لا تحاولين تهديني حتى انسى خطيئة سجى.
بسببها ضميت أكبر سر عن الرجال إلى سجلني بأسمه.
وكبرني كُل هاي السنين على انه ابنه من لحمه ودمه. أُعتبر خاين حالي حال سجى
عزّهَ: مو صح مو خاين أانت مو خاين أنت بريء من
ذنوبهم، عَزّآم عاين عليّه خلي عينك بعيني عَزّآم
رفع انظاره ووجه بين ايديا ابتسمت
عزّهَ: انت تضل شامخ مثل ما أنت وأحبك مثل ما انت عزامي
بدون تردد حظني بكل قوته بحيث شالني عن الأرض ويمشي بيه فوگ السطح ويهمس بأذني
احبّچ مِنّ غُمِج گلبيّ. عزّتي ضلي هيج وياي
بويا.
ذاب الجليد الچان بينا كُل هاي الفتره
وضلينا هيج دقايق ونزلني يرتب شعري، اردف
جنت حاجي ويا أبوي موضوعنا بعد العرض التقديمي راح اخطبج رسمي. وتصيرين ملكي على سُنة الله ورسوله
عزّهَ: هم گال ملكي شني تعرفني اكره التحكُم والتملك.
ام الچطل لا تبالغين.
عزّهَ: چطل بعينك عَزّآم چطل بعينك
لا تغلطين ما اريد نتخارب
عزّهَ: بس وخر شني هيج حاظني وحگ العباس حرام وعيب عليك ما تستحي؟
ترا ما سوينا شي شگد تضخمين الأمور.
ابتعدت من بين ايديه اعدل شعري
عزّهَ: انت مو مال انطيك وجه ارجع ذاك الماينجرع وآنا الممنونه
عفته ونزلت تحت وهذا يصييح ورايه
عدنه اجتماااع وسفرة لا تتأخرين بااجر.
يَقين
انسمع صوت الباب الوقت عابر 1: 00
رحتله والاخوه الاثنين بقو گاعدين دخل للبيت واستغرب مني.
الأدهم: يَقيني بعدج گاعده؟
بلعت ريگ لمن طلع من الصاله فر التسبيحه فرتين بطريقه مثيره للتوتر واردف
منتظرين ينور الوتد الثاني
دار وجه لأخوه اردف
الأدهم: باشا.
الباشا: اي الباشا!
الأشتر طلع من وراه اردف
الأشتر: والأشتر، الاوتاد الثلاثه من شوكت صار كلمن عدنه شُغل خاص، ها خويا احجي؟
نزع جاكيته بكل هدوء مُعتاد، مشى للصالة
الأدهم: يَقين على سَند وين؟
يَقين: نايم الفجر يطلع ويا الشباب مشاية الإمام الحسين عليه السلام.
هز راسه اي ودخل گدام اخوانه للصاله
الأشتر: مرت اخونا عوفينا بوحد
الأدهم: ماكو داعي يَقين اگعدي
الباشا: شني هذا الشغل إلى عندك ببغداد؟
الأدهم: استلمت إدارة شركة الشحن الدوليه.
الباشا: من منو استلمت الإدارة؟
الأدهم: صديق ما تعرفو.
الأشتر: ما نعرفه؟ ومن غير ما تستشيرنا شني تفسير هذا التصرف؟
الباشا: مستلم إدارة شركة للشحن الدولي وانت بشركة البصره رئيس مجلس الإدارة المالية، أدهم لوين تريد توصل؟
الأشتر: افاا ابن أمي بس اريد افهم شلون تشتغل من ورانا شلون ضميرك تقبل.
يجاوبهم بهدوء وبدون أي خوف.
الأدهم: اريد اضمن مصدر دخل آخر هذا عالم رجال الأعمال الصفقات يومية تجي وتروح.
الأشتر: دخيل الله الدرهم واصل مرحلة خطيره.
الباشا: امشي اشتر اشوف تاليها ويا اخونا ان شاء الله
ما تندم.
الأدهم: لا خويا ما اندم
طلعو الآخين من البيت والوقت قريب الفجر أدهم جان عيونه على الباب.
يَقين: أدهم بحياتك ما سويت شي بدون علمهم او شتغلت شغله بدون لا ايتشيرهم شني الصار هيا؟
الأدهم: ما صار شي لا يضل بالج روحي نامي
بعدما سألته أكثر عبن مستحيل ينطي السبب الحقيقي. الايام وحدهه هي إلى راح تكشفلنا.
ضليت گاعده للصبح جهزت جنطة على سَند.
نزل من غرفته لابس اسود بأسود اخذ الشماخ من ايدي وشدها
علي سَند: يُما ادعيلي
يَقين: دعواي وياك بس غير افهم رايح للمشاي مو للحرب
سكت ما جاوبني اخذ الكمامه لبسها كذالك
يَقين: اختفت الكورونا مع ذالك انتبه ولا تخالط الناس ابقو سويا
علي سَند: رايح ويا الأخوة ولد الأشتر لا خوف علينا
باس راسي شال الجنطه مالت الظهر رجع حظني
علي سَند: احبج يُوم انتبهي على نفسج بغيابي
دگ تلفونه جاوب واحد.
لا تخاف ما يصير شي اي شايل بالجنطه اكيد ما أشهر ها بنص المشاي. اتوكل على الله ولا تخاف
عليّه.
قفل الخط وطلع من البيت بسيارته للنقطه إلى راح يلتقون بيها.
أريم
گعدت الصبح البيت هدوء واليوم عطله بمناسبة
الأربعينيه إلى هي باچر. دخلت للمطبخ اشرب ماي
شفت عمه آمل وسيرا إلى گاعده على الكاونتر تاكل تفاح وتهز راسهه على كلامهه
آمل: سيرو سيرا اميرتنا الحلوه ومسك الختام
سيرا: غوحي آمولي كملي يا بعد أمي شني طلبج؟
أريم: شو وخر خل اخذ گلاص قرده ما لگيتي مكان عالأرض گعدتي عالكاونتر؟
سيرا: يمن رحت فدوه لأخت القرده الزغيره
غصيت بالماي على كلامها عينك عينك تقصدني.
أريم: سييرراااا
گمزت واحتمت ورا ظهر عمه آمل
سيرا: ريلاكس سيستر ريلاكس ترا حتى أناييس اخوها بزون والثاني سمچه مو مقصدي الإ تكوني قرده مثلي
آمل: سيرا رايدج بطلب او اسلمج للقرده اختج
أريم: عمةة حتى ااانتي؟
سيرا: الج عيني بس اتدللي
آمل: من البارحه لفيت جدر دولمه تاخذينها وتروحين. للشقه العايش بيها وَتان.
سيرا: نو آنّتيي شني خوما دلري عندج شني هاي گولي غيرها.
أريم: عفيه العاقله النادره بلكت وتان ينطيج الخمسين دولار؟
سيرا: تنازلت عن الفلوس ما ريده وانوب ما اخذله هذا الجدر خل يرجع للبيت وياكل شني كاعد ويا هذاك الزعلان؟
أريم: وين هُدهُده خل تسمعج تحجين عن حفيدها المُفضل
آمل: هاي هي الجدريه ضيفي عليها كلاصين ماي
ودبس رمان قبل لا تطبخيها على نار متوسطه بس ها بنيتي اللبسي عدل عبن مُحرم. وبعدها اطلعي.
عافتنا وخلت سيرا تحت الأمر الواقع ضلت متصنمه والتفاح بإيدها أخذته منها غسلته واكلت شويه منه ورجعته بإيدها.
أريم: اووخوش ابقي هيج ماخذج صفنة ابو صابر هي بس مرت عمو اشتور تگدرلج احووي. يلا سي يو سيستر لا تحركي الدوله للشباب خوش.؟
سيرا: لللج اااريم شني هااااااي هنااا اطبببخه لو ببيت اااحفااد الهمج؟
ببيت اااحفااد الهمج مو هنااا مو هناا امشي توكلي.
عفتها وصعدت غرفتي حتى أبدل ملابسي.
وَتان
تگوم او ارشك ررش بالماي؟
فتح عيونه شويه رفع راسه نظرلي ورجع دخل وجه بالمخده
إيمار: شهل مصخره ساعه 8 مو 10 واليوم عطله ولي اطلع برا خل اعرف انام
وَتان: من وراك ابوي منعني اطلع مشاي ويا اخويا صايرلك حارس وحق جدنا السابع إيمار اگعد ما اعوفك تنام.
روح ولي جيبلي ريوگ تركي حتى اگعد
وَتان: رايد توست ومربه وزيتون؟ صحصح ااابني انت بالعراق بالعراق تحديدا البصره تتريگ گيمر عرب وخبز تنوروتنچب.
ok هذا كثير اتمزح؟
وَتان: Evet لا هذا كثير ولا إنني امزح
ضل صافن بوجهي
إيمار: اموت من الجوع ولا اكل هل مالأدري شسمهن تنور وگيمر عرب ولي من وجهي ولي برا.
شمرت الماي عليه
وَتان: رايح اجيبهن اليّه انت ضل هيج متعفن بفراشك البيت بأمانتك خاشوگه تنباگ منه اطلع سعرها من عيونك.
لجهنننم لجهنننم بس اطلع.
لبست الجاكيت ودخلت لغرفته بدفره
وَتان: اليوم ازدحام واحتمال اتأخر إيمار عينك على الباب اذا اندگ.
رفع راسه.
يمين عظيم أهد عليك اذا ما تطلع
وَتان: امداك وامداا اخوك أبيل
هو شدخله ابني توكل لا اطردك طرد يمين عظيم!
وَتان: سلام رايح والباب اعوفه مفتوح
لا عليك السلام بس اطلع خربت ابو ابو النومه.
ال بتراء
گعدت من النوم آني بفراش مو نفس فراش البارحه اباوع بالغرفه والله متغيره متأكده البارحه جنت بغرفه غير عن هاي اثاثها يختلف رحت للكنتور فتحته حتى الملابس يختلفن مو مثلهن اكيد جايبني على غير قصر.
بتراء: شنو افهم من هذا التصرف لييش يغيرون القصور لييش يوميه بقصر راح اتخبببل ياا االله
گعدت لازمه راسي إلى راح ينفجر من الألم.
ما ادري شنو الصار هاي يومين اگعد ناسيه هوايا احداث صارت وياي، انسمع صوت قفل الباب دخلت وبإيدها اكياس ورقيه
مس هذا من سيد جاسر.
بتراء: تمام عوفيها هنا. وتعاي عندي سؤال
نعم مس امرج شنو السؤال
باوعت بوجهه صح مو مال ثقه مثل المرحومه صفاء
بس ما عندي خيار ثاني
بتراء: البارحه جنت بحفله مو؟
نعم مس جنتي بحفلة بس ما اعرف لشنو
بتراء: من دخلت للبيت جنت صاحيه متأكده من هل نُقطه بس بعدها صار شي؟ آني وين رحت شنو طلبت؟
مس ما افهم عليج
بتراء: لا تستغبيين البارحه طلبت شي؟ اكلت شي؟
اي جبتلج عصير برتقال طبيعي
بتراء: ساعه بشگد؟
بال 1: 30 وأكثر.
بتراء: آني طلبتها منج؟
لا السيد نَائل والسيد ناجي أمروني اجيبلج العصير.
بتراء: لج ااااللله ياااخدذذهم وياااخذججج كلللبه
مس والله مالي دخل امروني اجهز العصير جهزته
واخذها مني خلى بيها حبايه گال علاجج لازم تاخذي بالعصير.
لزمتها من ذراعها اجرها للباب.
بتراء: وسُم موو علاااج هذاا مو علاااج، يااا حاارس افتح الباب اافتح الباب يا وطلع هاااي الچلبه والذيله من غرفتي، كلكم نفس الشي كلكم ذيوله.
دخل الحارس سحبها وقفل الباب عليّه مره ثانيه بقيت افتر واجي بالغرفه بديت اتناسه احداث مهمه مجاي اتذكر تفاصيل البارحه شنو إلى صار كلشي مشوش ماكو صوره واضحه بس صوتهه يتكرر
لا تعوفين أيدي لا تعوفين أيدي
گعدت لازمه راسي راح اتخبل من الجاي يصير.
لا هو عايفني اموت ولا هو عايفني اعيش بسلام
حتى ناسيه عن شنو جنت ابحث قبل فتره ليش احس
يخافون مني معقوله اعرف سرهم؟
ما جنت منتبهة لمن دخل للغرفه وگف گدامي
جاسر: ليش بعدج ما لابسه؟
رفعت انضاري اله بودي اشرب من دمهم گمتله لزمته من ياخة القميص
بتراء: تستغبيييني مااا مو ثووله آني مووو ثوله انت وولد عمامك الخاييسين تريدون تخلبوني تخبلوني؟
جاسر: نزلي ايدج احسن ما اكسره الج
ضربته بكل قوتي على صدره.
بتراء: منووو تهددد يااا كلب ااابن كلببب منووو تهددد مااا تهز مني شعره
لزم وجهي يمرد بي ويشد على الكلمات
جاسر: حقيره بنت حقيره المن جنت افضفض البارحه لسانج القذر اگصه واعلگه بنحررج يل تااافهه
بتراء: شيييل ااايدك شييللل ولا تچذببب آني اسمممك مااا اجرررعه مو ااانوب سوااالفك الخااايسه شييل اايددك يااا حيوااان.
رخى ملامح وجه وسع عيونه ابتعد يمسح وجه ويفتر
لزمت وجهي الصار احمر من قوة ايده. اجا يستفسر مني.
جاسر: البارحه شنو حجيتلج لمن لمن چنا بالسياره؟
بتراء: تحاول تبين روحك بريء؟ هسا تطلع ويا الگ د عمامك متعاونين حتى تخلوني اتناسه الأحداث إلى تصير بيومي ال البارحه شربتوني من هذاااك السُممم تريدون تخبلوووني ترييدون انسى جراايممكم لا وحق على السَند كلشي كلشي محفور هنا هنا بگلبي وبدماغي محفور بعيوني الما تفتح إلا على كابوس من كوابيسكمم.
تقرب يلزم اكتافي نترت ايده وابتعدت خطوات.
جاسر: بشنو احلفلج مو وياهم هذوله التؤم مخابيل
بريء من عمايلهم بتراء انتي تعرفين قصتي فلا تغدرين بي! وتسوين روحج متناسيه مو معقوله الدوا هيج بسرعه انطا مفعوله عليج!
بتراء: شجاي تحجي شجااي تمسلللت قصتتتك حتى إذا حاجيها مجااي اااتذكرر بسببكم مجااي ااتذكر البنيه منو ليش تگلي لا تعوفين أيدي صوت هزييل بعده يرن بذاني إيمار منووو ليش هييج ااانتو كُفااار فُجاااااار ما تخاافون الله؟
لا.
بتراء: لك الله ياااخذكمم لجهنم لجهنم چم بنيه يتمتوهاا؟ چم خوااات فرقتوهن چم ااام حاارمينها من أطفالها حتى الوحوووش ما سوت سوايتكم الله ياخذكم واحد واحد.
جاسر: انسى هذا الكلام وتجهزي بعدني عند وعدي.
بتراء: وعلى السَند لدفعكم الثَمن غالي لخليكم واحد واحد يتمنى الموت وما يحصله.
عفته اخذت الملابس للحمام بسرعه بدلت سبحان الله ناسيه اغلب الأحداث إلا هذا الحدث السنوي.
اربعينية الإمام الحسين عليه السلام جان جايب
جينز عريض لونه اسود والتيشيرت بردن طويل كذالك اسود وفوگاهن عبايه نجفيه بعدني اتذكر من امي جانت تلبسه. شديت شعري زين ولفيت الشال عدل طلعت والعباية على إيدي
بتراء: امشي يلا
باوعلي من فوك لتحت نزل الجگاره من شفته أشر عليّه، اردف
جاسر: عمت عين العداوه حلوه بكُل احوالج دباع الحشمه واللسان مترين.
بتراء: اكُل نعل وانچب
گام وطفى الجگاره طلع نفس الوصله من جيبه.
جاسر: يلا بيبي انداري.
بتراء: اللزم لسانك لا تتحاقر ويااي
اجا ورا ضهري شد عيوني بكُل قوة وهمس
جاسر: ااذا عرفت بيج تسوين روحج متناسيه الكلام إلى حجيته الج واذا غدرتي بيّه هل مره آني الراح اخلص على خواتج ثنينهن اوك.
حاولت اشيل الربطه على عيوني ما اگدر شادها بقوه، توني اتذكرت خواتي تذكرت عن منو ادور
بتراء: ت تذكرت خواتي رُقيه و و
وَدق وَدق
بتراء: وَسن هم
جاسر: يبدو فعلا ناسيه الصار البارحه وَسن مو اختج.
والبارحه تحاقرت وياج اذكرج؟ اذا صدك ناسيه
مشيت خطوات واحاول اتلامس حولي
جاسر: وسن هي الوريثه الثانيه وياج الصار صدمني وتصرف جسار ما اعديها على خير امشي خل نطلع.
تذكرت بعض الأحداث الصارت تذكرت كلامهه فعلا طلعت ما تعتبرني اختها، احاول اركز على صوته من اي جها
بتراء: وَسن ليش هيج حجت ليش بصف جسار
وينك تسمعني شيل الربطه او آني اشيلها انت ازماال
اجيت اشيل الربطه لزم ايديه ثنينهن.
جاسر: ماخذ إذن ابوج حتى تروحين للكربلاء
أمشي تأخرنا
بتراء: احنه وين هسا ويين
جاسر: بالبصره وين يعني منا لحد النجف بالسياره نروح ومناك أكو مواكب ننضم الهم وتكملين مشي أكثر من هيج ما مسموحلج.
هزيت راسي وصوته ينسمع من گدامي مشاني للباب
جاسر: افتح الباب راح نطلع.
طلعني البارحه جان درج قريب من الغرفه بس اليوم جاي نمشي وكأنه ممر طويل وكلها غُرف هيج حسيت
بتراء: ليش غيرتو القصر ليش ما رجعتني على هذاك القصرر.
جاسر: ااشش صوتج لا يعلى خوش كملي وانتي ساكته.
اكيد ما قصده احترمه لأن آخر همه عنده سبب ثاني ضليت ساكته وفاتحه اذاني عشره على عشره
عُمرم جانم روحم إيمار إيمار
وگفت التفت حواليه سمعت صوت سمعت نفس الصوت الهزيل التعبان صرت اردد وراها
بتراء: عُمرم جانم روحم إيمار إيمار
ج جاسر صوتهااا جاسر داااسمع صووتها.
نترت ايده وابحث عن مصدر الصوت ومثل المتخبله رغم عيوني مشدوده اتلامس الأبواب مثل ما توقعت كُلها غُرف.
بتراء: تسمعيني تسمعيني جااوبني وينج تسمعييني انتي منو ايمااار ايمااار
جاسر: كلللبه تعااااي
حاول يسحبني من مكان وقوفي واحاربه رجعت كررت اسم إيمار
بتراء: إيمااار اااساااعدج والله إيمااار مااا اعوفج تتعذبين مثلي. إيماا...
سد حلگي ويسحبني من خصري بس سمعت صوت
خطوات متسارعه بعدها ضربات مُتتاليه على الباب والاسم بصوتهه يتكرر
إيمااار إيمااار إيمااار
بتراء: جا جاااسر منو إلى بالغرررفه مننوو آسررريين غيريي منووو.
صوتها صار أعلى وصوت بُكائها ينسمع كلما اتنطق
ذاك الأسم
عُمررم إيمااار إيمااار
ما اگدر انطق كلمه وهذا مستمر يسحبني
وصلني للدرج ما انتظر انزل شالني ونزلني وآني بس اضرب بظهره اول ما كمل الدرج نزلني
بتراء: يااا حيوانات يااا كُفاااار ال البنيه مدري مررره لييش تبچي لييش مسجووونه لييش تنااادي إيمااار يااا ااانذالل ياا وحووش
سمعت صوت الخادمه الجابت العبايه ورانا وحسيته تقرب وبلش يلبسني.
جاسر: يُفضل ما تعرفين شي يُفضل تحذفين كُلشي من ذاكرتج يلا راح نطلع للسيارة أحمدي ربج التؤم ما شافو الصار.
لزم ذراعي يمشيني عرفت واصلين برا البيت من حرارة الشمس، دفع بظهري يصعدني ومستعجل.
كُل إلى حسيته لحظات والسياره انطلقت بكُل سُرعتها.
رُقيه
اخذت العبايه وقفلت باب غرفتي رحت دگيت باب غُرفتها
رُقيه: لللج وووود بسرررعه
فتحت الباب تفرك بعيونها وبعدها بتراك النوم.
وَدق: مااا بيه اجي للنجف وحق الزهراء مابيه
رُقيه: ااامدااج بعدج نااايمه چا ليش تأخرييني؟
تثاوبت بعدها گمزت
وَدق: لا ولج جنت منتظره رساله وعزاااا العزااك نَااائل ولج هياتهه الرسااله وصلت مواعده سيرا ما اگدر اجي وياج.
رُقيه: وَدق انجبي البارحه شگتلج؟ اقطعي علاقتج بهل بنيه ما نريد مشاكل تجينا وين مواعدتها؟
گولي عزمتيها!
وَدق: رقرق سيرا طرگاعه بيستي من سنين وانتي تعرفين فليش هسا شنو التغير بعدين ما عزمتها راح أخذها للمواكب الحسينيه هنا بالبصره.
رُقيه: صُددددك!
وَدق: شكو شبيها
رُقيه: تاخذين سيرا بنت الأدهم باشا للمواكب؟
وهي شلون قبلت؟
وَدق: رقرق انتي فاهمه غلط ترا احنه نفس الطبقه المخملية بس احنه اسم ابوها خراا ومسجلين على أسم جدنا الأخره لذالك الناس عبالهم احنه فُقره واحنا بالعكس احتمال أغنى من بيت الباشا.
رُقيه: دخت بس كلامج صح ابونا اسمه خرا
اهم شي نَائل ما يشوفج ويا بنات بيت الباشا.
شوكت تطلعين؟
وَدق: هسا ساعه 9: 30 بال 10: 30 نطلع عبن راحت تودي جدر دولمه لأبو حاجب مگطع.
رُقيه: هذاك إلى بالمركز شفته وتن وتان مدري شسمه.
وَدق: وتوني ابو حاجب مگطع
رُقيه: وودد. وتونج؟
وَدق: ييع مجرد سمعت الشباب يصيحونه هييج شني شبيج دادهَ روحي هسا الجعموص يصعدلج.
رُقيه: وهذا اللقب من سيرا طرگاعه شلون راح تبلينا ااانتي
وَدق: هو فعلا جعموص عاش لسان بيستي الطرگاعه
عفتها ونزلت جان ينتظرني وتقدم يصييح
ناجي: بسررعه ما فارغلج
رُقيه: مو انت السايق مالتنا؟ انچب وانتظرني
ناجي: هو ابوج گ شترجى من بنته
رُقيه: خل يسمعك يشكك ستين شگه.
عفته رحت على غُرفة سُعاد جانت گاعده عرفت بيها سمعت عركتنا
رُقيه: سُعادي اجيت ابوس راسج لأن بفضلج راح أزور الإمام على عليه السلام بهذا اليوم
تقربت بست راسها وهي اردفت
سُعاد: شبي ناجي وياج؟
رُقيه: شبي مثل عادته يفشر عليّه عباله اسكتله محترگ دمه لأن اجبرتيه يوديني.
سُعاد: شني اجبرته آني ما ردته هو ياخذج بس ابوج ما قبل بهل زياره إلا ناجي ياخذج بإيده
فتح الباب واعصابه نار
ناجي: فضينيي بسررعه اطلعي.
سُعاد: لا تعلي صوتك عليها ياا ادبسزز
ناجي: رحم الله جدي الخايس سُعاد
گامتله وضربته بالعكاز على رجله وهذا متصنم بمكانه يحجي وياي
ناجي: گومي لا وحق ذرة الإيمان إلى باقيه عندي اجنززج اهنا لا سُعاد تفزعلج ولا ابن سُعاد ينظرلج.
والله وضربته راشدي فر وجه فرر
سُعاد: ااخو خييته اليندگ ببناتي ااابن القندددره
عدل فكه وعض على شفته بوده يشرب من دمنا بس ما بيده حيله.
ناجي: حقييررره بننت االحقيررره اااطلعي برااا وفضيني
رُقيه: هسا يطگلك عرج سُعاد لا تنسين علاجج تمام
عبرته وطلعت
سُعاد: رقرق اي شي يسوي احجيلي تا اللعن ابو ابو بگبره
رُقيه: تدللين سُعادي
ناجي: امشي بنتت ال هو منو خلاه بگبره غيره
لازمني من ذراعي ويجرني وياه ما جان منتبه على روحه سحك بالكلام شنو يقصد بهل حجي، معقوله
الي افكر فيه يطلع صح؟
ناجي: شدي ال راح اسوگ بسرعه.
رُقيه: شعليك بي لا تسوي روحك آدمي وخايف عليّه
يطببج طوووب
انطلق بأقصى سُرعه عنده على النجف الاشرف.
سيرا
وصلت للبنايه نزلت والسايق انتظرني بالباب مشيت وآنا اعدل الصايه والشال على راسي كل شويه ينزل عبن شعري گصير وما عرفت شلون الف الحجاب
سيرا: اذا ما أخذت منك خمسطاااعش ألف كروة الدلري ما اطلع سيرا بنت الأدهم باشا
دخلت للمصعد واختاريت طابقهم بين ما اوصل رجعت لبست الصايه وعدلت الشال انفتح الباب شلت جدر الدولمه والساعه عبرت 9: 30
عايينت واقرا ارقام الشُقق.
سيرا: الشُقه 5 وهذا 6، هذا هو رقم عمي وعمه رقم 7، احووي والباب مفتوح ندفر باليمين ونُدخل
دفرت الباب دفره خفيفه وشايله الجدريه بثنين إيديا
دخلت اصييح بكُل قوتي حتى يطلع
سيرا: ياااا ااااهل الكهف وييينك وتوووون جبتللك دووولمه دووولمه
ماكو جواب رحت للمطبخ خليته على الكاونتر نزعت الصايه والحجاب ميلت راسي عايينت للغرفه إلى گدام المطبخ
سيرا: تنام مو تنام وآنا من الصبح افتر بجدر الدولمه؟
جبت دولكة ماي ترستها ورحت للغرفه دكيتها عود من يطلع اشمر الماي عليه بس ما گام والغرفه الثانيه
اكيد لهذاك الزعلان خل يولي مو موضوعي.
لزمت يدة الباب وفتحتها بهدوء دخلت لگيته بدون تيشيرت نايم ومخلي وجه بالمخده بدون سابق إنذار شمرت الماي عليه هو گمز وفز من النوم كله ماي وآنا وعيوني موسعتهن
إيمار: حيواااااان ااااابن حيواااااان ياااحفييد حيواااان
گتلك عوفني ااانام
بلعت العافيه لمن اندار وشافني متصمنه بمكاني.
إيمار: انتي انتي شتسووييييين هنااااااا
يدور على تيشيرته حتى يلبسه شفته عالارض لزمته بأصبعين وشمرتهه عليه أخذها يلبسه ويخوزر بيّ اجا وگف گدامي والدولكه بعدها بإيدي رجعتها ورا ضهري تراجعت ولزمني من ذراعي
إيمار: شهللل همجيييه شهللل تصرررف شهللل قلة الأدب شلون تدخلين غرررفتي واانوب تشمررريين ماااي عليّه شلووون
بلعت ريگ شبيه انربط لساني سيراا طركاعه وينج هيلپ، لزم إيدي طلعها من ورا ضهري ويرفعها بوجهي.
إيمار: تصرف ماا ااطفاال عقللج وين؟ اهلج ما علموج الأدب والأخلاق والمبادئ شلون تدخلين غرفة شاب مااا تستحين؟
هذا وجهه قريب عليّه توترت بس نطقت
سيرا: لِسننّ تو تو مي عبالي عبالي غرفة ابو الوتن شمدريني انت گاعد بغرفته القديمه
تقرب أكثر وعيونه تروح يُمنى و يُسرى
إيمار: Come on، I m listening to you.
سيرا: ااهاا انت تستمع إليّ، لكن مش انگلش مُعرب نايس حبيت بس شويه. موِ أ ليتل. خل اعرف ابرر مثل العالم والناس.
إيمار: Why move a little؟ احجي هيج طلعي مواهبج الشفناها بالمركز
هزيت راسي اي اي اي دفعته بعيد
سيرا: لِسنّ لِسننّ خاااف عبااالك توترررني
ول آنا بنننت الادهم بنت الادهم بااشاا ول خااالي
هي دولكة مااي واعتبرها شور صُباااحي لا تبااالللغ
هو يخطي خطوه وآنا كذالك بحيث الأ شويه يطخ خشومنا سوا صييح بوجهي
إيمار: هسااا اشوووفج شني يعنييي تگعديين الواحد من سااابع نومه بدولكة مااي بننت ال
لزم أيدي ويجرني وراه للمطبخ.
سيرا: ول هييييو شرااح تسووي ول هيوووو لا تتسودن ول شسسممك لا تسوي شي غبببي
خلى الدولكه تحت المغسل ومنتظر ينترس وبإيد الثانيه لازم ذراعي
إيمار: اعلمج المُبالغه شلون هيّ خل تنترس
والله انترست وفرغها على راسي شهگت
سيرا: إلهيييي ينتقم منننننك سااااعه اشسوررر شعرري يااا تااااافه
رجع خلاهه تحت المغسل يترسها مره ثانيه
إيمار: هاي عقوبة الوقحااات المثللج شعرررج هوو شبببر شلوون اخذ ساعه منج؟
قبل لا اجاوب شمر الدولكه الثانيه عليّه وترك إيدي هل مره دخل الماي بحلگي وصرت اگح
سيرا: عزززااااا العزااك عمى العمااااك تعااال ويين تووولي خااف عبااالك اسكتلللك
راد يطلع من المطبخ لزمت ذراعه انداري، ضربته كلّه ولزم خشمه
سيرا: بنت الادهم بااشاا ول خااالي خااف عبااالك اسكتللك لا وعمة الساده اخذ حقي بإيدي
إيمار: ضرربتيني كلّه! حيوااانه ااازمااله
نعاااله.
سيرا: همججج وجحححش وعبااالك نااادر وهو ااانت قناااادر.
واحد لازم شعر الثاني ونتضارب إلى أن سمعنا صوت تصفيق واگف بباب المطبخ ويحجي
وَتان: براااو بيرفييكتوو، يلا سيراا كملي كملي، تشگ الفانيله تشگ الفانيله اااشگك واششگ ااابوك، إيمار اضربها راشدي، اضرربها هااي اااكبر تس من بين بنات عمنا
رخينا ايدنا من شعر بعض ننظر لبعض حالتنا حاله نظرنا ل وَتان ثنينا حجينا
سيرا: ول تتتتحجييي على عمييي.
إيمار: تشششگ منووو تشگ منووو ااابن القندره
سيرا: واانت همم ااانجب لااا تحجي على عمييي الثاااني
راح للكاونتر شگد ما عنده احساس
وَتان: عاشت ايدج آمااالي وحق جدنا السابع إلا انزل للبيت تا ابوس ايدها.
سيرا: بوس أيدي آنا الدلري مالتهه وجيب 30 دولار كروة
إيمار: نعله على يوم إلى انولدت بهيج عائله واقارب مثلكم نعله على يوم رجعتي للبصره نعله عليكم كُلكم.
عافنا وطلع من المطبخ
سيرا: لاااااا تتزقنبه بعده مااا مطبوخ.
وَتان: هيدي فززتيني صوتج، اطبخي شمنتظره وها جايب گيمر جهزيلنا ريوگ واسويهن 35 دولار
سيرا: شنييي شااايفني بنغلاديشييه عننندك
وَتان: حااشااج حااشااج عايني شمسوين بالمطبخ كله ماي
رتبت شعري كله ماي ومتبلله من راسي لرجليه
سيرا: روح جيبلي خاولي خل انشف شعري الزعلان الطايح حظه شسوا بيّه
وَتان: امدااج خوش
غمني وطلع شفته دخل للغرفه الثانيه
خليت الجدر عالطباخ، ادور على دبس الرمان ما الگاه.
سيرا: ااابو الوووتن ويين الشسممه
شنو الشسمه؟
انداريتله نفسه
سيرا: لا تخلي خشمك محد ناداك
نظرلي بطرف عين وراح للبراد يشرب ماي فتحت الكاونتر الفوگ جان موجود بي
سيرا: هياااتك
عاين داير مدايره
إيمار: متسودنه تحجين ويا روحج؟
سيرا: ول لااا الدبس هيااته فوگ
إيمار: يمين عظيم عقل ماكو عقل مااكو
سيرا: عفته فور يو
راد يطلع
سيرا: قبل لا تطلع تعال هيلپ مي خل استفاد منك بشغله
إيمار: اطلبي بأدب
سيرا: هيلپ مي.
خابصتني تعرف كلمتين انگليزي انوب تحجيها مُعرب
سيرا: It s okay if you don t want to help me. لا بأس إن كنت لا تريد مساعدتي.
خل يولي شني ناقصني آنا انزله شلون ما چآن
إيمار: ناقصج طول وناقصج عقل شويه عقل
فزيت منه چان ورايا مباشرةً يبدو سمعني من حجيت ويا روحي مد ايده نزلها وخلاهه عالكاونتر همس يم اذني.
إيمار: أول بنيه تتمادى وتتواقح ويايه بدون خوف
I loved that.
ال بتراء
بعد نص ساعة قرب ايده ورا راسي فتح الربطه بإيد وحده فتحت عيوني وانعميت من الضوء رجعت سديت عيوني وفتحتها شويه شويه اباوع بالطريق كُله مواكب
بتراء: هل گد قريبه الكربلاء؟
جاسر: لا هذا طريق الرميله الشماليه
بتراء: لعد وگف خل ننزل مادام وصلنا المواكب منا تبلش نكمل مشي
نظرلي طبعا بإستهزاء.
جاسر: كل عقللج؟ امشي مناا للناصريه ومناك على النجف كل هذا وبعدنا ما واصلين الكربلاء يمر خمس ايام صاحيه انتي المفروض قبل اسبوع تگولين عندج دينيه شبيج؟
بتراء: تااكله خووش تااكله الله يعمي عيونك على هذا الكفر الجاي تكفره ولو فاجر ما يهمك.
سكت ما جاوبني مر أكثر من ساعتين وگف عند موكب والناس تقدملنا
علي راسنا يا هلا بمشاية الإمام الحُسين من وين انتو من اي منطقه؟
جاسر: من البصره
أهل البصره ول خالي.
بتراء: خويا شنو اسم هذا المكان.؟
سحب ذراعي
جاسر: لا تسألين هوايا
الناصريه خيتي الغاليه
جاسر: تمام روح مشكورين الله يتقبل منكم
رفع الجامه وكمل طريق ضليت اكل من الاكل إلى اخذته منهم اخر مره اكلت من هذني الكلات قبل 15 سنه من جان عمري 11 سنه.
بتراء: أول ما نوصل للنجف راح ادعي عليكم بضريح الإمام على عليه السلام ادعي عليك ما تشم ريحة الجنه ادعي على جسار و نَائل اللي قتل امي بكل وحشيه، قتل صفاء بنفس الوحشيه، انتو أقذر كُفار على الأرض اااقذر من اليهود والنصارى.
منو گال اوگف بالنجف حتى تزورين الاسمه علي؟ صدك چذب ناس جاهله. اكمل الطريق للكربلاء شتسوين سوي غادي على اساس إلآهج يستجاب
هو لو إلآهج عادل ما جان صاير الصار بيّه من 28 سنه.
بتراء: واحد كافر ضل هيج اكفر هو الله لو رايد يشوفك يوم الحساب جان هداك.
مجرد التفكير بكلام قشعر جسمي، الله سبحانه وتعالى اذا احب عبداً يثبته على الصلاوات ويهديه للحق وللطريق الصح. واذا غضب على عبداً يَمُدّهُم في طُغيانهم يَعمهون. طبعا ضل ساكت ما جاوب ما عنده جواب اصلا. درت وجهي للطريق وبعد ما ادري اي شي عن المناطق إلى جاي نعبرها.
ال عزّهَ
اخذت الملفات شلت موبايلي لگيت رساله منه
وينج بويا إلا تخزيني گدامهم
قفلت الموبايل وطلعت
عزّهَ: ادري شني خزيتك هو الملف ما جان مكتمل
صبررر صبرر.
مشت وياي للإجتماج المسؤله عن الأمور التسويقيه
مس عزّهَ الطلب على اخر مُنتج ازداد بنسبة 15
بأقل من شهر
عزّه: نايس حولي الأرقام للمحاسب و المبالغ الماليه كُلها المسيو عزام يستلمهن.
مس بعد يومين مُقابلات توضيفيه
دخلت للمصعد وهي وياي
عزّهَ: اي قسم بالضبط؟
قسم الإعلانات وقسم الماليه. بالإضافة قدمنا على طلب لتعين محامين ومستشار قانوني للشركه
عزّهَ: مُحامين شني عدنه محامي وهو السيد وگاع ماكو داعي اللغي الطلب التوضيفي.
مس ما اگدر السيد الأدهم امر بهذا الشي أمر بتعين محامي او محاميه ثانيه بجانب السيد وگاع بالإضافة إلى مستشار قانوني للشركه.
صدمني تصرفه للصراحه
عزّهَ: السيد أيهم الباشا عنده علم؟
ما ادري مس عزّهَ بس هذا أمر إداري من رئيس مجلس الإدارة ولازم يتم.
طلعنا من المصعد فورا لغرفة الاجتماع.
عزّهَ: تمام سوي إلى امرج عليه هسا خلي تركيزج على الاجتماع ما اريد اي غلطه تمام.
ما ادري ابويا بشنو يفكر بس اكيد مستحيل يضر الشركه دخلت لگيت الكل جاهز والاجتماع مبلش
نظرلي واشر اجي بصفه بلش يشرح المخطط
للأسهم الماليه
عَزّآم: المبيعات ارتفعت بنسبة قياسيه 15 في أقل من شهر، الأرباح ازادادت.
---: أنا كمستثمر في هذه الشركه استفدت
وقريبا اضاعف الأرقام في الإستثمار.
الشركه تحتاج إلى أفرع جديده متى تعلنون عنها؟
عَزّآم: ليس الآن، مس عزّهَ ملف العائدات الماليه
مد ايده انطيته الملف دقق بيها واردف للجميع
جيد هذا الشهر العائدات كثيره ونسبة 5 تذهب للجمعيات الخيريه.
--: كيف يعني انها أموالنا جميعآ ربما لستُ راضيا كيف يحصل ذالك.
عزّهَ: مسيو كين يبدو أنك نسيت البند السابع من الاتفاقية الموقعه بينك وبين الشركة اذكرك بها؟
عَزّآم: - اذا الأرباح والعائدات الماليه ارتفعت بنسبة 10 في كُل شهر يتم تحويل نسبة 5 للجمعيات الخيريه.
عزّهَ: ولحُسن الحظ ارتفعت بنسبة 15 بالمئة وفي اقل من شهر.
---: لا اعترض على هذا البند
-: وانا أيضا لا أحد بنا يعترض ماذا بك مسيو كين؟
عَزّآم: اعترض ام لم يعترض النسبه سوف تتحول إلى حساباتهم ونسبة 1. 5 يذهب إلى جمعية كربلاء الحسين (ع) لرعاية الايتام في البصرة.
الأعضاء بغرفة الاجتماع كلهم صفقو على هذا الكلام
المستثمر انجبر يوافق ويصفق وياهم. أنهينا الاجتماع بربع ساعة عاينت الساعه 10: 15 طلعو الأعضاء كلهم بقيت وياه بوحدي أشرت للمساعده تطلع
عزّهَ: ميس تگدرين تطلعين.
طلعت وسدت الباب وراها.
عزّهَ: ما حبيت اقاطع كلامك ووقفتك الرأي گدامهم بس ما تشوف نسبة 5 هوايا؟
طلع جگاره ورثها
عَزّآم: لا ما اشوفها هوايا.
عزّهَ: عَزّآم احنه من غير شي عدنه ميزانيه مُخصصه بكُل الشركات اللي تابعه النا سواء بإزمير او البصره
شركه إزمير مخصصه نسبة 2. 5 من العائدات للأعمال الخيريه كل شهر اما هذا الشهر بالبصره تم تخصيص 5 وهاي نسبه عاليه تساوي - - - مليون دينار متخيل؟ يعني بس بنص المبلغ نكدر.
تقدم بإتجاهي يكمل الكلام
عَزّآم: يعني نگدر بنص المبلغ نفتح عدة دار الايتام دار المُسنين سواء بالبصره او بغير محافظة عراقيه.
الأعمال الخيرية نبتة نزرعها وتثمر يوم الحساب
يتوزن بالميزان عند الواحد الأحد.
عزّهَ: اذهلتني براو والله كلامك صح چآ آنا هم وياك.
اتبتسم بهدوء هز راسه وطلع.
سيرا
فزيت منه چان ورايا مباشرةً يبدو سمعني من حجيت ويا روحي مد ايده نزلها وخلاهه عالكاونتر همس يم اذني.
إيمار: أول بنيه تتمادى وتتواقح ويايه بدون خوف
I loved that.
ابتعد وتراجع للباب لبس الشفقه براسه اردف
إيمار: لا تحرگين الطبخه. اابو الوتن آني طالع استكشف بصراكم.
خبطت الدبس ويا گلاصين ماي خليتهم على الدولمه
وشغلت الطباخ على نار متوسطة وطلعت وراه جان بالباب يلبس حذائه الرياضي.
سيرا: اابو الووتن عفتللك الجدر عالنار وبعد مالي دخل بيها تأخرت على البيستتت من ورااكم
داا ادورلج على خاوولي ما الگاااها
سيرا: ولي ااانت والخااولي و ربعك على الواهس
اخذت الصايه لبستها شلون ما چآن وخليت الشال على راسي والموبايل بجيب الجينز يدگ طلعته جانت ودق جاوبتها وآنا امشي للباب
سيرا: ول اجييت والله هياتني بالتقاطع، انتي بالتقاطع؟، لااا حاشاي من الچذب اقصد جايه للتقاطع، سي يو.
قفلت الخط رجعته بجيبي وعدلت زرار الصايه
اجيت اعبر گام مكمل وراد يعبر قبلي لزمت تيشيرته بأصبعين ووخرته
سيرا: اووي دي وخررر السيدات اولاً
عبرته وطلع ورايه يحجي بصوت عالي
إيمار: تگوول السيدات اولا ويينج ووين الأنووثه
انتي محسوبه على جعفر وجماعته.
ما جاوبته نشوف تاليها دخلت للمصعد ودخل ورايه وگف بصفي واحد ينتظر الثاني حتى نقفل المصعد وننزل
سيرا: شمنتظر اقفل الباب ورانا خل ننزل.
إيمار: أشتغل عندج لو ايدج مكسوره اقفلي الباب يلا
سيرا: تتأمر لو شنييي
إيمار: مو تگولين السيدات اولاً هاج تفضلي ابرزي مكانتج يلا.
سيرا: لااا تستهزززء نيييمااار
إيمار: إيمار مو نيمار بس لا تطلعي تباوعين للطوبه هم؟
سيرا: و كرستيانو عممك اذا مااا عاجبك
سكت وعدل الشفقه قفل باب المصعد واختار النزول
هو ساكت وآنا ساكته إلى أن، اردف وهو يعدد على اصابعه.
إيمار: طولج شبر، نچره، ام فزعه، كلاوچيه، دراميه، حشاشه، تحجين انگلش مُعرب، تتابعين الطوبه، رياليه للنخاع، مسترجله خوش تصارعين، خمسه منا وخمسه منا. عشر صفات بيوم واحد اكتشفتهن بيچ الله اليستر من الايام الجايه
سيرا: كلاوچيه ودراميه هاي من جيبك والشجاعة لا تفكرها مرجله، مصارعه شني عدل كلامك لا اعدلك بكلّه
هو بگد الصرصره استقري
سيرا: ول عليييمن تگول صرصرهةةةةةةة
خليج ريلاكس خليج ريلاكس.
ردت اجاوبه انفتح المصعد عبرت قبله وهو وراي
سيرا: نعااال على صللة الدممم إلى تجمعني بييك
علواا نعااالات مو بس نعاال ما يشرفني ااصلا
هو راح يصعد سيارته وآنا صعدت السياره
سيرا: امشي للتقاطع بسرعه، اامشي استعجل.
رُقيه
الوقت صار الضهر وصلنا للنجف وتحديدا العتبه العلويه وگف السياره اردف
ناجي: شگد تطولين؟
رُقيه: اذا ازدحام اتأخر ليش؟
إياج تلعبين بذيلج وياي اختج بين ايدينا!
رُقيه: اياك تتمادى بالحجي وياي واعرف حدك اانت گدام الناس فد حارس وسايق لا أكثر اوك؟
عفته ونزلت رگعت الباب بكُل قوه مشيت بين الناس.
ماشاءالله هوايا بالآف زايرين اليوم، توضيت وبديت اقرأ أدعية الزيارة وادعي الله يفك اسرنا منهم ويرجع خواتي بخير وسلامه صليت ركعتين سلمت وگمت امشي للضريح واحد يدفع بالثاني من گدما ازدحام
رُقيه: خيتي بلازحمه مجال خل اعبر مستعجله
كلنا مستعجلين لا تسبقي احد وامشي بمكانج
سكتت احتراما للمكان المشكله زلم أكثر من النسوان
ما ادري شلون اعبر بدون لا يطخني واحد.
رُقيه: دخيلك يا على بغلاة فاطمه، طخني واحد لازم ارجع اتوضى وما اگدر أرجع لنقطه البدايه بغلاة فاطمه جاي تفهمني؟
صرت مُحاطه بين ايدين تمنع الزلم تطخني وصاحبها واگف ورايه، اردف
كملي طريقج أم الميانات.
بتراء
عرفت وصلنا النجف من قرائتي للوحات على الشارع، تفاجأت لمن وگف يم موكب مشاي للكربلاء
جاسر: منا نمشي لإمامج. انزلي يلا
ما جاوبته نزلت وعدلت العبايه على راسي
بتراء: والسياره؟
جاسر: معليج بيها الشباب موجودين هنا ياخذوها للكربلا گدامنا، امشي يلا
مشيت وياه ودخلنا بين المشايه ازدحام والاف المئات يمشون كلهم رافعين اعلام عليها اسم الإمام الحُسين والبعض شايلين صورته. ويرددون بصوت واحد وعالي.
السَّلامُ عَلَيْكَ يَا مَوْلايَ وَ ابْنَ مَوْلايَ لَعَنَ اللَّهُ قَاتِلِيكَ وَ لَعَنَ اللَّهُ ظَالِمِيكَ
جاسر ورايا وآني صرت اردد مثلهم والبچيه ببلعومي
بتراء: السَّلامُ عَلَيْكَ يَا مَوْلايَ وَ ابْنَ مَوْلايَ لَعَنَ اللَّهُ قَاتِلِيكَ وَ لَعَنَ اللَّهُ ظَالِمِيكَ.
باوعت وراي جاسر صار بعيد عني بأمتار من الإزدحام ويريد يوصللي مسحت على وجهي من التوتر ما ادري من وين اجتني هاي الشجاعه اسرعت خطواتي بدون لا يحس بيه دا اهرب عبرت هوايا مشايه زلم ونسوان
شباب وشُياب مختلف الأعمار انداريت جاسر ديلحگني وحس عليّه
بتراء: دخيلك يا على سَند دخيلك.
خليت العبايه على راسي وصرت اعبر الناس واهرب منه اهرب هذا الحل الوحيد، كلما اندار اشوفه بعيد عني بأمتار حسيته صار قريب عليّ ركضت بسرعه
لمحت ناس گدامي شايلين اعلام وواحد شاد شماخ اخظر وشايل صورة الإمام الحُسين ورافعها، بدون تردد رحتله اخذت الصوره من ايده ورفعتهه يم وجهي، اردفت
بتراء: دخييله عندك بستر خوااتك لا تخليه يشوفني.