رواية ولد الباشا للكاتبة فاطمة الأحمد الفصل الحادي والثلاثون
سيرا
الحفله ببدايتها والأجواء مشتعله بالرگص
بين الثُنائيات وعدد قليل واگفين يشاهدون مثلنا آنه و مثل وَتن الواگف بصفي.
سيرا: اتحداك تُعرف ياهو منهن عزوزه وعزام.
وَتان: ، الكُل لابس قناع ف طبيعي ما اتعرف عليهم، والأسوء نفس الأقنعه ماكو إختلاف!
منظم الحفله هيچي طُلب.
المنظم چآن ياخذ تعليمات من ابويا، آنه شفته بعيوني.
هسا ما تُگلي شنهي القضيه شكو بيها؟
يبووو
تعاي وين تولين ابقي خل نرگص مثلهم.
نظرتلهم ونظرت على يمينا إيمار واگف، اكيد سمع حديثنا. ، رجعت شديت القناع شربت العصير، وأمام انظاره خليت إيدي بإيد وَتان.
ننظم ألهُم ليش لأ.
رحنا بين الموجودين يرگصون وأمام عيونه
والعمه أمل شافتنا وضلت طايرة من الفرح، واحنه نرگص.
ابو الوَتن شايف آمل خاتون ما مصدگه.
هسا تگول چنتي المستقبليه وضمنت الموضوع.
اهوو يمعود امك لو بقت معوشره بيك چآن احسن
اتشاقه وياچ، صايره أدب سز فد مره.
لزم إيدي وفرني مرتين ورجعنا نرگص
حمحم يحرك حواجبه واردف.
احم يغار يغار.
وتن شبيك عليمن؟
إيمار يغار مني بس يكابر وما يعترف، لا تعاينيله
وينه ما اشوفه وينه؟
مو گلت لا تعاينيله يا ثوله، هسا چآن هنا وين راح.
ركزت بالمعازيم إيمار واگف يم بنيه من بنات شُركاء بابا. اردفت من بين اسناني وامثل الضحك والإستهزاء، أنوب يحچي بأذنها
اهه اهه وَتننن هذا شجاي يسووي.
يدردش عادي ويا بنت صديق ابوج.
وعادي الموضوع يدردش بأذنها؟، لزم إيدهاا
وَتن!
الطامه الكبرى لزم إيدهاا وجابها لنُص الستيج
نظرلي و بعدها بلشو ك ثُنائي يرگصون شويه والاغنيه تغيرت و قوانين الرگص تغيرت
كل ثُنائي يبدل مع اللي بصفهم. وتن يحچي يسولف وآنه عيوني عليهم.
سيرا وينچ.
هنا وياك. وتن اشو ما بدلت بينا؟
كُلهم شباب غُرباء شمنتظره اسلمچ ألهُم؟
تحچي صدك أنت، ول خالي مو وگت الغيره العراقيه، شمنتظر خل ننهي الرگصه.
هذا اللي منتظره، بس لا تشگو الفانيله منا العالم
ما فهمت عليه لزم إيدي ودارني مرتين، انتبهت إيمار هم بصفنا واحد نظر للثاني وبدلو بينا.
اول ما صرت بإيده خلى إيد على خصري وقريني
منه، نظر لعيوني وهو الوحيد اللي ما شد القناع
إيمار: سيرا خاتون منتظره ترگص ويا الغُرباء!
شو شوو وخر ما ارگص وياك.
ما جاوبني، قربني منه وفعليا هو اللي يجيبني و يوديني آني ما ابادر بشي ولا ارگص
ليش ما تبادرين؟
بشني ابادر شو لا تتمادى منا العالم انوب ما لابس قناع، هسا يحچون علينا.
مثبت عيونه عليّه، استمر يحچي وياي وآني اتجنب النظر لعيونه.
الجبان يتلثم من حچي الناس، سيرا.
ابعدني عني وافتريت مرتين، عَيوننا تنظر لبعض
و شعور غريب احتلني. رجعني لحظنه ومثبته إيديه على صدره، كُل اللي اجا ببالي اصحح الخطأ اللي بدر مني، ثنينا نعاين لبعض، اردفتف.
سيرا: الله شاهد ما چنت اتقصد الحچي ذاك، لا فد يوم شايفه صورة امك المرحومه ولا فد يوم حچولي، عنك و أنه أنت ترسملها لوحات من الطفوله. وحق الله ويمين عظيم
مصدگچ لا تحلفين.
يعني هايه متصافين؟ وما شايل بگلبك؟
ما شايلچ من ارضچ مو انوب اشيل تُرهاتچ بگلبي.
إيمااارر لا تخليني أتراجع عن كلامي، اضربك كلّه اكسر خشمك تراا
اكسر راسچ وانتف شعرچ الشبر. استقري.
ضل يبتسم بحقاره، ما استحملت دست على رجله، غمض عيونه و همس بألم، بس ما عافني كمل يرگص ويرگصني وياه، اردف وعيونه على الحظور بعدها نظرلي
مو خوش سالفه.
سالفة ايش ما افهم.
انسي.
شنسى احچي شني تقصد إيمار!
جديات انسي الموضوع خلاص.
لا أنت الضاهر ببالك شغله وجاي تفكر بيها احچي لا اطيح حظك وعلي!
ألزمي لسانچ تطيحين حظ منو ها؟
اطيح حظ حظك اذا هيجي تحاجيني. آنه مو من ذنني التُركيااات ال
دخيلك ياا على صدگ چذب.
ابتعدت عنه ولاحظت الستيج قل الناس بيها والاغنيه تغيرت لأغنيه تُركيا، بنيه و ولد يرگصون لوحدهم ومنا علگت بيني وبين إيمار.
إيمار انت فد واحد ملعبچي وتفكيرك وسخ!
چآن شگيت حلگچ على هذا الكلام
بس تربية ابويه واگفه بعيني.
تشُگ حلگ منوو تشُگ حلگ منوو.
دخل بينا ابعدنا عن بعض إلا شويه وتصير بالنعل
وَتان: ول هااااو هاااااو دقيييقه عيب منا العالم ومنا الحفله مستمره، طبو للمطبخ شگو الفانيله.
اشگ ابوك لا تحچي انت.
شلوون تهيين اشتووور.
اشدخلچ بالسالفه هو عمج مو ابوج.
هذاا السبب عميييي عميييي ول اااشترر خط ااحمرر.
سيرا روحي يم اختج، انت الثاني تعال وياي حسابك عندي.
ما تولي ل جهنم انت وحساباتك.
نتر إيده وطلع من الحديقه راجع للقصر
سيرا: شفت شفتت ااابن إزمييرر الدااايح ابو الملاااهيي يسترجل عليييّه.
وَتان: هو انتي مسترجله مثله فليش مسويه روحچ أنثى رقيقه.
سيرا: تااالي وياك تريدني ابتلي بيييكم.
وَتان: أعصابج طرگاعه، شوفي هذوله شلون رگص يرگصون.
درت وجهي للستيج الكل واگف يشاهد الثُنائي اللي يرگصون، شويه و هدآم راح يم هلال بالعلن ضل يحچون يبدو هلال رافضه ترگص وياه.
اردف وتن وهو يكتم الضحكه
وَتان: اخوچ يتهورر.
سيرا: وشنو الجديد يعني، اخويه گدها.
وَتان: هلال ما ترگص وياه واتراهن.
سيرا: ترگص وهي الممنونه هذا هدآم مو وگعه
وَتان: اشو دگيتي بسمارچ بأخويه سيرو!
سيرا: تتراهن لو لا؟
وَتان: اتراهن.
سيرا: اذا ربحت تحقق ثلاث طلبات.
وَتان: شايفتني المارد الأزرق؟ گولي غيرها.
سيرا: المارد الشروجي الدمه حار كلمته ما اتصير ثنين.
وَتان: احم تمام وافقت بس اذا طلبات مو معقوله مستحيل أوافق.
سيرا: تدفع غرامه في حالها.
وَتان: واذا خسرتي العكس انتي تنفذين ثلاث طلبات.
سيرا: ول خااالي وافقت خليك مثلي گد كلمتك.
تصافحنا ك توثيق للرهان وبهل اثناء هدآم لزم إيدها ثنينهم يمشون بإتجاه الستيج. وتن وجه انگلب.
سيرا: ها هاا ءءء شُبيّك لُبييك وتان بين إيديك
، احم احم اتس شوو تاااايم بيبي
فر بإيده ما عاجبه الوضع والخساره درنا وجهنا نشاهدهم وهُمه يرگصون حرفياً اجمل اربع اشخاص جاي يرگصون هُمه هدآم وهلال & الثُنائي المُثير. محد متعرف عليهم على حد علمي.
رُقيه
ضويت شاشة الساعه الذكيه باوع بيها الساعه صارت، 8: 30 اشو فعلا تأخرنا حتى وصلنا النجف.
جاسر وگف السيارة امام الطريق اللي يؤدي إلى داخل المقبره، وَدق مستغربه وما فاهمه شي.
وَدق: واحد يفهمني شعدنه بهذا الطريق بهيج وقت!
نظرللها من الجامه وضل ساكت فتح حزام الأمان
وتقرب من يمي فتح الچكمچه طلع منها المُسدس و لايت اثنين. انطاني وحده و اردف.
جاسر: تنتهبين وانتي تمشين.
هزيت راسي اي ودرت وجهي للكشن الخلفي حتى احچي ل وَدق شفتها صافنه على إحدى الافتات على جانب الطريق مكتوب عليها مسافة مقبرة وادي السلام
وَدق: وادي السلام. جبتوني على وادي السلااام
جاسر: اجينا ندفنچ ونخلص من شر لسانچ.
وَدق: ولك ااانت.
رُقيه: يتشاااقه شبيچ، جاسر انچب!
جاسر: رحم الله والديچ.
وَدق: شعدنه هنااا فهموني!
ضلت نظراتها مُتشتته اعرف نچره وشُجاعه گدام نائل وغيره، بس بسالفة الضلام ومكان مجهول هي شويه تخاف شويه مو هوايا، لزمت إيدها احاول اهدئها.
رُقيه: مثل ما تعرفين سنوات طويله كُلما چنت اسأل جسار عن قبر امي يگول بإزمير مو بالعراق
وَدق: وهسا چذب عليچ وگال بالنجف؟
جاسر رجعنا للبصره مستحيل اطلع من السياره.
وينه نائل ويشوفچ.
رُقيه: جاسر! وَدق جسار ما انطاني مكانها.
هاشم دافنها هنا بالنجف وآني طلبت منه ينطيني مكانها وگال جاسر يوديچن.
تلتفت وتناظر بالمكان
وَدق: بس هذا. وادي السلام مو حيالله مقبره.
شگد دراما كوين؟ تريدين تزورين امچ او لا؟
رُقيه: نريد إي نريد
أنزلن يلا.
نزلت وعدلت العبايه، جاسر بمكانه وآني
بمكاني واحد ينظر للثاني وثنينا نظرنا ل وَدق
انزلي شمنتظره...
رُقيه: وَد معقوله تخافين!
لفت العبايه لف على نفسها وحچت.
وَدق: شنو من بشر انتوا تعرفون عن القصص والناس اللي تحچي عن وادي السلام؟ وخاصة بالليل ذولاك يطلعون ويتجسدون على شكل الميتين بالمقبره، لا تحاولين لو اموت ما اطلع.
هو اذا تموتين احفرلچ گبر وادفنچ فرد مره.
انزلي مالي خلگچ
رُقيه: جاسر شبييك تخوفها اكثرر، وَدق انزلي احنا وياچ ماكو شي من هذا الحچي.
دِخل مره ثانيه اشوفچ واگفه بوجه ولد نَصار.
صايرتلي عصفور مبلل وتخاف تنزل.
وَدق: جااسرر بليز لا تخليني اااهيينك.
ألزمي اختچ لا اتصرف غير تصرف.
فتحت الباب وجريتها جر واحاول افهمها.
رُقيه: امنا هايه شلون ما تنزلين وتزوريها.
وَدق: رُقيه رُقيه الصبح نزورها مو إلا بنص الليل رُقيه بس صدگيني المقبره بيها ذولاك الأشخاص
صدگيني بالنهايه هُمه مو بشر واگدرلهم هذوله
من العالم السُفلي رُقيه عفيه انتي زوري وافتحي كام وياي.
رُقيه: اسكتي هسا يسمعچ بعدين يا ثوله عايفه تلفوني بالبيت.
وَدق: رُقيه حبابه وإاااذا دخلو بجسمييي.
رُقيه: لچ عزااا هسا يسمعچ خزيتينااا يا جباانه.
رُقيه افتحي الايت وامشن، شويه استعجلن
فتحت ضوء الايت وهو يمشي گدام واحنه وراه
وهاي تحچي بهمس وعصبيه.
وَدق: گلتي عنننييي جباانه ولچ نسيييتي الظهر ضربت نائل نعال وتفلت عليييه.
رُقيه: لعد ليش خايفه من المقبره.
وَدق: مو مو مو، ماا خاايفه هسا تشوفين
سحبت الايت من إيدي ولفت نفسها لف بالعباية
وحرفيا تحجبت بيها بس عيونها مبينات ومشت بخطوات همجيه عُبرت جاسر وهي تحچي.
وَدق: حسبالهم اخاااف يلا لحگوني هاا ااهاا ضلو ورايه ضلووو.
si، ما خايفه يطلعلج واحد.
من جاسر جاوبها نعم بالإسبانية.
عبرت البوابه ودخلت بالمقبره گالت السلام عليكم وكملت تحچي وتجر بالكلمات بصوت ناصي وتبرد گلبها.
وَدق: اكييد si ااكييد ومااا خااايفه، ارجم اابو ابوو أبليييس بس خل يطلع بوجهييي
يگلك إبليس اخذله صفنه على لسانچ
وَدق: ااااي شعبااالك ول خااالي، خومااا مثلكمممم ابناااء الجُبناااء مو أبناء جابر.
وحظرتچ من فطر الحايط مو بنت هاشم جابر المياحي.
رُقيه: عود هذا أنت الصامت ليش تجاوبها.
استفزها لا أكثر خل تولي
وگفت بمكانها عبالي سمعت كلامنا لكن.
وَدق: اشش ال الصوت.
صوت شني امشي على اليمين يلا.
وَدق: ص صووت خرخشه هيجي شخص يمشي بحذر هيجي صوت.
جاسر كمل مشي وما رد عليها وآني اجيت لزمتها
ومشينا سويه ورا جاسر.
وَدق: شوف ما خايفه بس احنه مو لوحدنا.
si لدينا رِفقة جيده.
قهقه بنبرة مُخيفه وكمل الطريق بين القبور.
مر فترة ربع ساعة واحنا نمشي بحذر بين القبور
وتقريبا صرنا بعُمق المقبره عيوني على جاسر اللي يدير راسه ويتفقد حوالين المكان شويه وكمل مشي.
نزلت عيوني على إيده يحرك أصابع إيده بطُرق غريبه ومثل الإشارات هل هو متوتر او شيء آخر، . ضليت محتاره الأكثر حيره وَدق لاحظت وگالت بهمس
وَدق: جاااسر منهم.
رُقيه: كافي تمسلت.
وَدق: ش شوفي حركات أصبع إيده اليسار. هي هييجي رموز شيطانيه وحق العباااس.
رُقيه: اصلا هوا فد واحد فاجر، بس مو معناه
عابدهم، احتمال متوتر ما اخفي عليچ صح المقبره تخوف بس اهم شي نزور أمي.
وَدق: متوتر؟ متوتر من الرِفقه الجيدة اللي حچى عنهم؟
رُقيه: بسس صوتچ هسا يسمعچ.
وَدق: اي انتي ضلي هيجي خايفه من المواجهة ضلي.
رُقيه: وَدق من غير شي نفسيتي تعبانه وإيدي بعدها ترجف من الصار البارحه، رجاءً لا تبالغين.
وَدق: تمام ح سكت خل يولي ما يخوفني حتى لو طلع متلبسه لوسيفر.
نظرتلها منين تجيب هيجي معلومات عن عالمهم
فوراً جاوبتني بدون لا اسألها
وَدق: فضول مره وحده بحثت عنهم والله.
خوزرت بيها وهي حست على روحها همست sorry وفزينا من صوت جاسر اللي وگف اندار
وجه الضوء علينا.
كافي تحچن وامشن وراي.
رُقيه: تمام شگد و نوصل؟
گلت لا تحچن بدون صوت بدون أي نفس.
بهل اثناء الجو تغير هو شهر 10 وأواخر الخريف
الهوا صار أقوى وفعلا صرت اسمع صوت ركض بالمكان.
شويه ونوصل بس لا يطلع حسچن.
حاوطت وَدق اللي تأشر على جاسر منهم منهم
بلعت ريگ وآني احس شفت ضل أسود من ورا القبور بس ما حچيت ل وَدق هسا تخزينا.
وگف جاسر بين القبور يلتفت حواليه
تصرفاته غريبه مسح على وجه وتقربنا منه اردفت بهمس.
رُقيه: ليش وگفت كمل.
اول ما ألتفت بلعت ريگ عيونه حاده وعصبيه
والبؤبؤ لونهن چانو اصفر صارو أسود. خلى أصبعه على شفته وهمس
اششش ما مسؤل عن أيي شييي يصير وياكم امشن بلا حچي زايد.
وَدق اجت تحچي سديت حلگها وهزيت راسي أي بهل اثناء جاسر همس.
جاسر: لا تصير سخيف.
بلعنا ريگ وحده تنظر للثانيه هاشم ويامن دزنا.
وهذا منو اللي جاسر همس يحچي وياه.
مد إيده گدام وخطى خطوات والإيد الثانيه يأشر نلحگه رحنا وراه، وگفنا لمن وگف وامامه قبر.
وجهت الضوء عليه وإيدي ترجف من التعب والخوف.
سحبت ودق وراي والضوء على القبر ضويت الأسم (رويدا عمران) وبجانبها صورتها على الحجر.
منحوت. من شفت صورتها اختل توازني، وَدق ما تتذكر ملامح ماما بس آني اتذكر.
وَدق: بسم الله الرحمن رُقيه شبيچ، هء هاي أم امناا؟
هزيت راسي إي وانهاريت أبچي حظنت الگبر
وابچي بنحيب وَدق كنبصت وهي تبچي وتريد تتقرب تلامس صورة امنا.
وَدق: ه هاي أم امي؟
هزيت راسي بحركات مُتتاليه اي اي وسحبتها وياي ثنينا حاظنين الگبر ونبچي.
رفعت راسي شفت جاسر يحچي إتصال فيديو بهل ضلام الدآمس وتأكدت هي وسن من گال.
جاسر: بغير مره بيبي بغير مره، اليوم خواتچ
رجعت خليت راسي على گبرها وتلاشت مني الكلمات والحچي الچان بگلبي نسيته لمن شفت گبرها گدامي، وَدق ناسيه روحها وگامت تسولف
عن طفولتها.
وَدق: من عفتينا چنت چنت هلگدي خمس سنوات، جسار اخذهن اخذهن وما خلانه نشوف ولا فيديو منهن ما خلاني اشوفچ ماما، .
ايدها تلامس تراب الگبر وتحچي بگلب محروگ.
وَدق: أول أول مره احچي هيج عليها بس هاي حقيقتهاا، سُعاد حبوبه سُعاد ما گدرت تحافظ على الأمانه خضعت لتهديدات جسار وكل مره چانت تگول اليوم لا باجر انطيچن أمانة امچن.
رُقيه: الف فيديو منچ ما يصبرنا على فراگچ يُمه.
مسحت عيوني وحسيت گلبي گام يدگ بسرعه إحتمال اتخربط رفعت راسي ادور على جاسر ماكو.
رُقيه: جاسر، ، جاسر وين راح، وَدق گومي كافي
جاسر وينه؟، جاسر.
ناديته بصوت گوه يطلع بسبب البچي لكن ماكو رد وحدنا بهذا المكان وحتى لايت إلى چآن بإيد جاسر متروك على إحدى القبور بصفنا.
وَدق رفعت راسها وتمسح دموعها أدركت الوضع
ونظرتلي بقلق
وَدق: جاسر وين راح!
رُقيه: ما ادري خايفه اعلي صوتي. جاسرر وينك
وَدق: گتلچ منهمم منهم.
رُقيه: استغفرالله شنو منهم غير هو عايش ويانه وسنين هو گدام عيوني. جاسرر وينك
درت وجهي ل وَدق التحچي وإيدها على تراب الگبر.
وَدق: ما يجااوب ما يجاوب ولج احلف بتراب گبر امنا جاسر عنده سرر.
رُقيه: هو جاسر ياخذ أوامر من هاشم = عدهم سر؟
اقرو الفاتحه على گبر امچن، خل نرجع...
بلعنا ريگ جاسر واگف ورا فد گبر قريب علينا
ومشغل فلاش الموبايل.
مو وگت هل حچي خل نرجع.
آني وودق وحده تباوع للثانيه هذا ليش باوع على يساره واردف، فززنا صوته لمن عاط بينا.
اااقرررن الفاااتحه خل نطلللععع عاااد.
هزينا راسنا اي عدلنا العبايه ورفعنا إيدنا
ثنينا نطقنا.
--: بسم الله الرحمن الرحيم. الفات
اااقري بگلبببج ما مجبوورررر اسمع اسسمه.
رُقيه: جاسر شبييك احترم أسم الله الجلالة وسورة من القرآن الكريم شبيييك صاااحي؟
وَدق: ملبوس هذا و تراب گبر امي ملبووس
وجه ما يگصه سيف ويفركه بغضب يريد يتقدم خطوه لكن يتراجع ويحچي بتنبيه.
جاسر: ما ارييد حچي زاايد ما ارييد
هاشم واگف بعيني او ترا انهي إقامتكم بهل دنيا الخربانه انهيي!
وَدق: خربانه بوجود كُفاار و فُجار ااامثاالللك.
رُقيه: وَدق لا تريدين بوجه خل يولي كافر ماا يخاف الله.
صووتچ لا يطلع من تلفضين اسمه!
يلا اقرن الشسمه فاتحه خاتمه شما هو استعجلن وخل نمشي ابوچ صرعني صرررعني.
خل يولي درنا وجهنا للگبر سمينا بسم الله
بصوت مسموع وقرينا الفاتحه كذالك والغريب
جاسر ما طلع حسه.
صدقنا الله العليُ العظيم ودرنا وجهنا عود نشوف جاسر وچان ينشف الدم بجسمنا جاسر جاي من بعيد مسافة خمس أمتار و الايت بإيده.
وَدق: و والچان هنا؟
رُقيه: اشش رددي (أعوذ بكلمات الله التامات من شر ما خلق)
وگف گدام الگبر شمر اللايت بحظني، رفع إيده سمى بسم الله وقرأ الفاتحه، كمل وصدق الله العلي العظيم ومسح على وجه، هو مستغرب أكثر منا.
جاسر: ليش هيچي تعانين عليّه؟ ، قريتي الفاتحه؟ بويه وَدق قريتي الفاتحه؟
رُقيه: اذا انت أ نت، والچان يصرخ علينا منو.
وَدق: شبيج علّي صوتچ خل يسممع قبل شويه
تعيّيط علينا لأن سمينا بسم الله بصوت مسموع.
وهسا فجأة صرت مسلم تقرا الفاتحه عالميت؟
ردنا نشوف الصدمه على وجه ماكو!، ألتفت حواليه وهمس. تاالي
گمت وگفت گدامه تمعنت بملامحه نفسه
جاسر نفس العيون نفس الملامح
رُقيه: وين چنت قبل شويه وليش چنت عايفنا؟
حك طرف حاجبه مع إبتسامه تسليكيه إلا ما ندر نشوفها.
أي احم چنت...
رفع أصبح الخُنصر وفهمت قصده
گامت وَدق وطبت بالسالفة.
وَدق: وگلت طالما ألتهي بذيج السالفة
خل ادز واحد من اللي يلبسووك عليهن. عود يحرسنا؟
هو قشمر من حاله طلع. وما يحرسكم هذا يدور إثارة شخص عايش على إرعاب الآخرين بيبي.
رُقيه: ي يعني يعني چآن چآن.
وَدق: چآن اللي هذا هيجي عنده گرون؟
ضل ساكت وصافن بوجهنا ومرات نظراته ورانا
رُقيه: جاوب علينا و و على شنو تباوع ورانا.
وَدق: بااوع لك عابد شيطان عابد الله كلك على بعضك ما تخوفني ادوس راسكم أنت وهذا اليدور إثاره.
رُقيه خل نمشي وَدق گامت تمسلت.
بهل اثناء الايتات ثنينهن بلشن يطفن ويشتغلن.
وسمعنا صوت من ورانا حرفياً ضل اسود چبير
ثنينا صرخنا بصوت عالي وركضنا ل ورا ظهر جاسر
وحده متشبثه بإيده اليمين والثانيه باليسار.
وَدق: ولك جاااسر هذاا هووو لوسييفررر ولك بغلاة بووومه عندك لا تخليه يتلبسنييي ولچ رقييه اقرري آية الكرسي ما حافظه آني الله لا إله إلا هو الحي القيوم الحي القيوم
دقيقه مني هاي البومه؟
رُقيه: تُقصد وسننن.
وهسا كُل هذا الشگار والطول والكريزما والآناقه تگولين عليها بووومه؟
وَدق: خرررب انه خرررب اانه هذاا مسحوول
آني اطلع واليريد يطلع خل يركض ركضض.
عافت إيده وراحت يم الگبر بحذر، باست صورة ماما وأخذت قبظة من تراب گبرها والإيد الثانيه لزمت لايت والعبايه على راسها تركض ركض بين القبور
هايه صدك راحت
رُقيه: لييش منتظر تاااخذ اذننك لو اااذن لوسيفر
ابن ابوچ آني شعليه بييي.
رُقيه: شنووو شجاااي تحجي شجاي تمسلت.
اخذت اللايت الثاني، كنبصت بست صورة ماما و فوراً گمت اركض وراها وجاسر وراي يحچي
تمسلت مثل ما گلتي انسي حچيي ما اعرف شگمت احچي وكله من اختچ، وَددق
رُقيه: هايه شبييك عفتني ورااك غبييي
ركضت اسرع منه والايت شويه يشتغل وشويه يطفي يمكن خلصت بطاريته ودق اختفت عن الأنظار
رُقيه: وَدق وَدق، ولك جاسر اختي وين راحت جاااسر اختي شصار عليها ودددق.
وياچ شمدريني وَدق وين راحت.
اسمع همسات جاسر بس ما افهم اي لُغه يحچي بيها
رُقيه: فهمني شجاي تحچي جاسر اختي وين!
بجهنم الحمره شمدريني.
رُقيه: شهللل برووود تراا اختتي اختي والمقبرره مو آمان.
اي عود صدگتي خرافات وَدق وهسا واحد من الأموات ساحبها للگبر.
رُقيه: ااالله يلعنننك حقيرررر.
وصلنا لآخر خمس أمتار ونطلع من المقبره.
تبسمرت بمكاني لمن سمعت صوت صراخ مُفجع ورانا وضليت اردد الآيات القرآنية وشفايفي يتحركن بلفضها.
رُقيه: أعوذ بكلمات الله التامات من شر ما خلق
أعوذ بكلمات الله التامات من شر ما خلق.
لزم إيدي بقوه وما خلاني اندار
جاسر: امشي لازم نطلع.
ركضنا نطلع من المقبره وهو متوتر أكثر مني ويحچي ويا روحه.
لا تسودني احچي مكانها. ويين ولت ويين
ركضت للسيارة فتحت الباب على أمل ألگاها لكن.
رُقيه: ماااكو حتى بالسياره مااكو.
اجا وگف امامي ومصفر من الخوف.
جاسر: شجاااوب اابوچ هسااا.
رُقيه: دوررر عليهاااا لا تصفنننن بوجهي.
ما لحگ يحچي فجأة نظر لليسار.
عبالي متسودن طلع بيك نفع.
رُقيه: لا راااح اااتخبلل ولك ويااامن تحچيييي اااختي وييين.
متمدده.
رُقيه: ش شلون؟
فجأة سمعنا صراخها نظرت تحت رجلي إيدها
تحت بسطال جاسر.
متمدده تحت السيارة رادت تلزم رجلي وتخوفني.
وَدق: ااازمااال إيييديييي يااا كااافرر يااا فاااجر يااا لوسييفر إيييديييي.
رُقيه: اسم الله الزززهره اطلعي اااطلعيي واانت شيييل بسطااالك ااالله يلللعنننك إيدهااا.
شگد دراما كوين انتي واختچ ترا ما ضاغط على إيدها.
وَدق طلعت من تحت السياره والعبايه نازل من راسها شعرها وكل العبايه تراب، وگفت أمامنا تنفض التراب وتحچي.
وَدق: لوسيفر گالك مكاني لأن انت مو ذكي لهاي الدرجة.
رُقيه: قفدتي عقللج رررسمي.
جاسر: تسودنت وگامت تهلوس منو لوسيفر ما اعرفه.
فزينا من صوت طبه.
وَدق: هو هذا گال چذاب.
رُقيه: اسكتوو ترا حيلي انتهى صارت أشياء تخوف بالمقبره.
وَدق: تريدين الصراحه لمن جاسر رزلنا وگال اقرن الفاتحه بصوت ناصي وبعدها رجع وكف قرأ الفاتحه ولا كأن صار شي، راح خوفي حسيت
الوضع صار كيوت واحد لوسيفر والثاني انجلي.
جاسر: تفضل عمي هاشم، صرت كيوت على لسان بناتك
شمر الايت بكل قوته على جانب الطريق وصعد بالسياره. جريتها من ذراعها فتحت الباب صعدت ورگعت الباب بقوه.
رُقيه: على الأقل لخاطر امنا اسكتي
وَدق لا تسمعيني صوتچ منا لحد البصره.
وَدق: ههع جاسر المتحول گال اووهااا آيم لوسييفررر اششش اااقري بگلبببج ما مجبوورررر اسمع اسسمه. عود يخوفني الغشيم ولك ختمت المقالات اللي تحچي عن عالمهم واعرف أسماء واحد واحد منهم.
استهزئي واستخفي.
رُقيه: لااا تخبلللتي رسمييي شلوون هييجي تقرييين عنهممم
صعدت گدام وشديت الحزام نظرت ل وَدق سكتت وضلت تنضف شعرها من التراب.
أنطلق جاسر يسوق بأقصى سُرعته.
والسكوت عم علينا، إلى أن اردفت ودق وهي تفتح عُقده من طرف العبايه وتشوّفني.
وَدق: رُقيه باوعي شجبت من گبر امي.
نظرتلها وجاسر بالمرايا ينظرللها.
وَدق: تراب من گبرها.
جاسر: وشني فائدته؟
رُقيه: آني أعرف، جبتيه وراح تنطيه لخبير يصمملچ گلادة خرز منها. مو!
وَدق: اي صح وراح تبقى وياي بكل ثانيه.
جاسر: انتن الخرز التُرابي وهي الخرز البحري.
شله مُتكامله، اهل الخرزيات.
وَدق: افهم من حچييك تستهزززءءءء.
بفكررة احتفاظي بشي من ااامي؟
رُقيه: منو هي؟ عن منو تحچي؟
نظرللنا واردف.
الواحد ما يگدر ياكل خراا وياچن فورا تكبن بوجهي، بويا ما استهزئت تمام؟ بس لا تسمعوني صوتچن خل نعدي الليل على خير.
وَدق: شهيق زفير شهيق زفير احس راح اقتلك و اللعن ساعتك وتراب گبر امي.
جاسر: لوسييفر وير ار يو؟
رُقيه: اسكتوو بدوون حچي تافه، احس تعبانه
إيد يسوگ و إيد انطاني بطل ماي من يمه
توني لاحظته أخذته وشربت منه رجع مدلي إيده.
جاسر: اخذي علاجج.
رُقيه: علاج شنو ما أخذ شي من إيدك.
علاجج و ابوچ وصاني خاف تتعبين بالطريق جبته وياي
خلاهه بإيدي وفتح محادثاته ويا هاشم
قبل نص ساعة قريت اللحگت اقراه
وينك ابني.
بالمگبره عمي.
شلونهن البنات رُقيه خوما تخربطت؟
لا ما بيهن شي ديقرن الفاتحه وبعد شويه نطلع
جاسر دير بالك اذا صار عليهن شي ما تلوم الا نفسك. إذا رُقيه تعبت خل تاخذ العلاج.
چآن رده أوك نظرتله. واخذت الحبايه شربت ماي وراها. مر دقيقتين.
رُقيه: احم شوگت نوصل للبص هاي ليش دايخه؟
وَدق: رُقيه شبيج، جاسر شنطيتهااا؟
حبوب مهدئه!
رُقيه: حوووبتي ماا ماا تتعدااك
حوبتچن دايسه على أبناء جابر ذهاباً وإياباً.
ودق تحجي وتسبهم سبي واحد واحد، بلش صوتهم يتلاشى عن مسامعي ودخلت بنوم.
هِلال
جنت واگفه أشاهد عزهَ وعزام يرگصون
ومندمجه ويا جمالهم وگف گدامي هذا.
دقيقه من وقتچ الثمين.
هِلال: حرامات اضيعها عليك روح لغير بنيه.
يعني؟
هِلال: ما ارگص وياك.
تسوين خير ما ترگصين ليش هو بكيفچ؟
هِلال: هدآم روح من وجهي النسوان تعاين علينا.
تقرب همسلي
يلا مريتي المُستبده لا اخلي الحاظر يعلم الغايب عن زواجنا المُبارك.
هِلال: Cok güzel...
مد إيده وبسبب الخُطه اللي رسمناها مجبوره.
أوافق على طلبه، خليت إيدي بإيده
ومشيت للستيج وگفنا وخلى إيده على خصري قربني منه همس.
نصيحه مجانيه لا تخلينا ندخل بدرابين
الثأر ترانا ولد عمام والدم يشهد.
هِلال: افف حچيك هذا ذكرني أبو وگعه كلما يتصاوب افزعله. ولد عمام والدم يفزع للدم.
خدرت مزاجه وصار وجه ما يگصه سيف
يغار منه إلى أبعد درجه، بحيث خلاني افتر ثلاث مرات و رجعني عليه وهو بنفسه ما فاهم شجاي يسوي بخطوات الرگصه.
هِلال: هسا يطگلك عرج شدعوه.
غير احنه ولد عمام والدم يشهد والدم يفزع.
مع ذلك المره الجايه لو يموت ما اسمح يفول دم منچ.
هِلال: إذا بيك خير اتبرعله بالمره الجايه من يتصاوب.
تُعرفين كُلش زين زمرة دمي نادره. وما تتطابق ويا حفيد الهمج
هِلال: Cok güzel من هُنا لازم تفهم انه ماكو شي مُتطابق بينا حتى زمرة دمنا مختلفه.
نظرت حوالينا الاغنيه تغيرت ومحد بقى غيرنا
، بهل اثناء دخلو ثنائي يرگصون وكأن مو اول مره
يرگصون هايه الرگصه.
هِلال: احس اعرف البنيه.
براء وعلى سَند.
هِلال: دقيقه على سَند بروسيا شني رجعه؟
الحب رجعه...
هِلال: حب إيش مجرد ساعدها.
ختمنا الرگصه وما عاف إيدي، اردف
آنه حجزت طياره خاصه بأسمه، هذا اخويا واعرفه رجال گد كلمته ما عنده سوالف مكسره يدخل من الباب وياخذها بالحلال.
هِلال: چآن تعلم شوية رجوله منه مو تعقد عليَّه تحت التهديد.
أصفر وجه من الكلام اللي حچيته، سحبت إيدي من بين إيده بهدوء، عفته هيجي صافن.
ورحت وگفت بصف عزّهَ وأريم اللي رايحه بغير عالم مو ويانه بس صافنه.
عزّهَ: شجاي يصير منو هذوله الثنائي؟
هِلال: سُبرايز. بعد شويه تُعرفين.
ال بتراء
ابعدني عنه وضليت اكمل الرگصه، و افتر حواليه
إلى أن لزم إيدي جرني ورفعني من خصري عيونه بعيوني واردف
رايدچ بأسمي وعلى ذمتي.
اختل توازني بس شد إيده ولزمني بثبات
منتظر جوابي.
بتراء: ش شنو اشو بله نزلني نزلني.
نزلني بهدوء ومحد باقي يرگص بس آني وهو. خاله يَقين عيونها علينا وباقي النسوان كذالك.
ثنينا نباوع بعيون بعض، معقوله هايه مكيده.
شتت أفكاري لمن طلع عُلبة سوده ومرتبه من جيبه، تراجع خطوه وحده حك طرف شفته متردد بس سواها وركع گدامي فتح العُلبه.
والخاتم ألماس يلمع اخذتلي صفنه على منظره بشكل عام وهو يطلب إيدي.
علي سَند: تقبلين تكوني مرتي على سُنة الله ورسوله؟
براااووو براااذرر براااووو.
هاي چانت سيرا والبقيه يصفگوله وكلمن بمكانه
يحچي
وَتان: وحق جدنا السابع حرركه غيررر متوقعه
أريم: الحب افعاال الحب افعاال.
أبيل: بيرفكت بيرفكت مع الكابتن على سَند تعلم شلون تودي روحك للتهلكه والتأثير سلباً على عقول البعض.
عزّهَ شبكت ايدها بإيد عزام واردفت.
عزّهَ: الزلم افعال. وليس اقوال
عزام: أبن ابويه عاينلي وتعلم الأفعال.
عزّهَ: احم حبيبي والله.
أبيل: الوضع ينرادله لتر بانزين.
علي سَند: بله اسكتوو خل نعرف شنحچي
أريم: اردف ما في قلبك وعلى وياااك علي.
رجعنا نركز على بعض وهو مبين يأما متوتر وخجلان يأما بألف يا على داس على غروره وراكعلي.
علي سَند: شبيچ صافنه گولي شي.
بتراء: ما اقبل.
علي سَند: نعم شلون؟
بتراء: ما اقبل. شنو تشوفها عادي بقيت چم اسبوع ببيتكم وفجأه تطلبني للزواج؟
هِلال: اهم شي اجاج من الباب لا تصيرين أنانيه.
راد يگوم لكن استغفرالله الله ورجع طلب إيدي للزواج لكن گوه صابر وما ينفجر من العصبيه.
يحجي بين سنونه وابتسامه على وجهه.
علي سَند: براءء حيدرر تقبليين الزوااج منيي وتنوريين حياتي؟
كلها تصفگ وتهتف وافقي وافقي
وآني الف تفكير براسي اذا خطيت هاي الخطوه
هل راح تكون خطوات نحو الجحيم أم خطوات نَحو بر الأمان.
براء لا تكسرين گلب رايديج بالحلال عبن العواقب وخيمه.
چانو الأوتاد الثلاثه والمُتحدث چآن اشتر
الباشا: كُل احنه اهلچ واعتبريني ابوچ ويخطبچ مني.
الغصه ببلعومي على كلامه لو عرف بنت عدوه اللي آسر مرته شراح يسوي بيّه.
فتحت ربطة القناع ونزلته من وجهي
علي سَند كذالك نزع القناع بإيد والإيد الثانيه بعده مقدم الخاتم.
الأدهم: بنتي لا تشلعين گلبه عاد احنه تاريخنا معروف ناخذ النحبها على خشم اليرضى قبل المايرضى.
نظر للخاله يَقين بنظرات كُلها حب
بداخلي اردد دخيلك يا على اسندني بهل خطوه
ومن برا شويه شويه مديت ايدي الترجف رجف من التوتر والخجل ومشاعر ما اعرف افسرها.
بتراء: أء أقبل.
ابتسم وكور قبضته نظر لأخوه هدآم وگال بحماس يسس.
لزم إيدي مرر أصبع الإبهام على مكان الخاتم
بعدها لبسني الخاتم وأجت على مقاس اصبعي
گام على حيله واتنهد بالراحه.
علي سَند: يابه نريد الشيخ يعقدلنا هسا.
گامت بعدما چانت فرحانه وتشاهد بصمت.
ناهد: وشهل تَهمّج شبيك شجاك
صدگ والله الماشايف وشاف.
الباشا: دقيقه يُمه شكو بيها؟
الأشتر: ترا ما بيها شي الافندي متحمس والماشايف وشاف بعد
علي سَند: كحلتها لو عميتها.؟
الأشتر: رسمتلك اينيريل.
اردف ادهم وهذ هو يبتسم بهدوء حذر لكن ابد ما ارتاحت اله
الأدهم: نعقدلكم ليش لا والعرس ويا عزام.
عزام: اشتهيت شي مره تخلونا ناخذ راحتنا.
هدآم: خويا من شوگت شهيتك مفتوحه؟
عزام: من لحظة عقدي على اختك.
هدآم: ترا ما يصير هيچيي!
هِلال: اههه اههه بتحط نفسك في مواقف بايخه.
سيرا: ااووو لالالا
عبرتهم وهي ترزل بيهم اجت يمي.
ناهد: اسكتتتن خل أرتب الأمور انتوا بس حلج يحچي. تعاي بنتي، أمل، يَقين، ندى، تعالن اخذنها خل تبدل الأسود.
عُبرت بصف على سَند اللي ما شال عيونه عني
وهمس.
بداية جديدة.
رحت وياهن وسمعت ادهم يحچي ورايه ويگول
الأدهم: اشتاقيت ل حاتم والله ههها.
الأشتر: شذكرك بهذا، بربك استر علينا اهل مرتك النادره متسودنين ما نائصنا سُبراايزات.
مر الوقت بُسرعه والبنات جهزوني
حتى الميك اب غيروها، لبست فستان اوف وايت
مرصع باللؤلؤة والكرستال، تفاصيلها فخمه وراقيه
ردان چانن دانتيل وكله كريستالات ناعمه.
خليت الشال على راسي وطلعت وياهن للصاله گعدت بمكان عزّهَ وخلو القرآن بحظني، شجاي يصير معقوله بهل سُرعه قررت مَصيري!
وليش جانب مني فرحانه بالجاي يصير
ليش بصدري فراشات بس عاجزه اعبر عن مشاعري. كررت قرائة سورة الفتح ثلاث مرات
اردف الشيخ.
ابنتي إذ قبلتي قولي نعم و انت وكيلي.
تسارعت نبضات قلبي وما اعرف سبيل النُطق من التوتر بألف يا على طلع صوتي.
بتراء: نعم وانت وكيلي
الشيخ اخذ الجواب مره ثانيه وبعدها بارك بالعقد
اعتلت صوت لهلاهل والفرحه صارت فرحتين.
عقد قران عزام و عزّهَ وهسا عقد قراننا آني وعلى سند
شراح يصير، منا جاسر اذا عرف ومنا أدهم اذا استغل هذا الزواج بين هذا وهذاك بس اريد استرجاع فراشاتي اريد خواتي ما رايده شي.
اجت خاله يَقين حظنتني وتمسد على شعري.
يَقين: صح ما صارت فتره طويله ويانه.
لكن دخلتي گلبي و اشوف بنتي بيچ.
ماعندي كلمات اجاوبها حظنتها واجن بقية النسوان يباركن ويصلن على النبي. وآخر وحده چانت ام عزام، اخذت النظره الكامله عني.
حظنتني وهمست بأذني
سجى: ألف مبروك الخطوبه وعقد القران، هذا الطريق ما منه رجعه.
بتراء: أء اي خاله بعد استقرار بالحياة الشخصيه.
سجى: هلاك وليس استقرار، بعدما تشرق شمس الغد ماكو شي يبقى على حاله.
اجت سيرا بالشقا والسوالف مالتها ابعدت سجى عني وحظنتني
سيرا: الف مبروووك مرت اخوويه تتذكريين البارحه المسا؟ من كلت تم الحجز؟
بتراء: هه اي اتذكر.
سيرا: اي چنت اعرف سندي راح يتقدملچ.
كلها گالت شلوون تعرفين لوحدچ.
سيرا: آنه الأخت الDistinctive ف It s easy.
بتراء: طيب و ء فكرة حفلة الأقنعه هم على سَند رتبها؟
سيرا: لا اشتور رتب الأمر. دقيقه هاي وَدق تتصل خل اجاوبها.
گلبي گام يدگ بسرعه وفرحانه راح اشوفها، فتحت الكام وما انطت مجال وَدق تحچي
سيرا: ولچچ موو عزمتتتج ليش ما ااجييتي
وَدق: الصراحه هو.
سيرا: عوفج من هذا الحچي شوفي سُبرااايز إضافيييي. تتا تتاااا على سَند وبراااء هم تم عقد القِراان بينهم.
خلت شاشة الموبايل بوجهي آني عيوني تلمع بالدموع والبنيه چانت متمدده على بطنها وگامت گعدت، ابتسمت بوجهي لوحت بإيدها هاي واردفت.
سيرا: ألف ألف مبروك، البارحه للصُبح سيرا چانت تحچيلي عن خُطتهم هي واخوها.
بس اهز راسي اي الغصه ببلعومي لو احچي
حرف أگوم أبچي. چانت عالخط وگامت طلعت من الغرفه.
بتراء: و وين تروحين؟
من خلفها مبين الممر و بنيه طلعت من إحدى الغُرف نادت.
وَدق شوگت رجعتن؟
ما جاوبتها ودخلت للغرفة الثانيه
وَدق: اي براء وياچ، اجيت اطمئن على رُقيه حرارتها مرتفعة شويه.
سيرا بصفي واگفه والبقيه گاعدين عالتخم يسولفون مع بعضهم. بهل اثناء سيرا اخذت التلفون مني.
سيرا: جيبي خل احاچيها، لچ رقرق شبييهاا
سودده بوجه أبناء جابر الجربوووع.
وَدق: اههه اي سوده بوجهم شلع قلع، مرتفعه حرارتها مو گلت.
بتراء: بس ديري الكاميرا خل اشوفها.
الكل مستغرب هو آني ما منتبه شجاي احچي.
اجت خاله امل اخذتني وگعدتني بصفها.
ومنا خاله ندى اخذت خاله يقين برا الصاله حسيت عدهن موضوع شويه و رجعن بإيدهن مجموعة من عُلبة
خلوها عالميز واردفن للضيوف من النسوان الموجودات.
يَقين: كُلشي چآن مترتب ما صارت بلحظة إدراك.
وهذا ذهب عروسة أبني، ندى بلا امراً عليچ.
گامت وهي الإبتسامة ما تفارك ثغرتها ثنينهن يفتحن العُلب و يشوفن الذهب الموجودات
يَقين: والمهر آنه ردته غالي عبن مثل بنتي
وهي تستاهل اكثر واكثر.
يَقين لو بنتچ چانت عايشه چآن تسوين هيجي لمرت ابنچ؟
سيرا: عمه نعيمه اريد ألگى سبب مُقنع لهذا السؤال ماكو!
يَقين: بنتي ما ميته بنتي مفقوده.
هو منو ما فاقد عزيزه هايه گرايبنا من ايام سبايكر ابنهم مفقود.
عمي المفقودين كلهم ميتين.
خاله گعدت بصفي تفرك بإيدها وتحاول تتمالك نفسها، حجيه ناهد گامت ودگت العكاز بالگاع.
ناهد: اااسكتي انطينااانج مجاال گلتي تتمادين.
خيتي بس.
ناهد: لاا بس لااا غيررره گاعده ببيتنا وتحچين
براحتچ، چا شنييي اسكتللچ.
خيتي ناهد احنه نعتذر ما نقصد الإساءة
نعيمه گومي اعتذري شمنتظره.
گامت وهي تنظرلي نظرة استصغار ونظرت ل ناهد.
اعتذرلچ عن كلامي ويا چنتچ يَقين.
ناهد: اعتذارچ مرفوض اذا يَقين تسامح آنه اسامح.
اجت المره وگفت گدام خاله يَقين واعتذرت
وجواب خاله يقين چآن.
رفعت راسها نظرت ألها واردفت بتجذير.
يَقين: سكوتي مو علامة الرضا سكوتي چآن علامة القرف على حچيچ، خلي شغله ببالچ أفراد عائلتي خط أحمر، سامحتچ، منا وجاي بس سلام الله بينا.
آني من يمي بلعت ريگ خاله يَقين إذا حبت واهتمت تحب وتهتم بكل قوتها واذا قست وشالت بگلبها مستحيل ترجع مثل الأول ويا الشخص.
بين هذني السوالف ضل بالي يم رُقيه اللي مرضانه، باوعت بساعة الحايط الوقت 9: 30 الضيوف بلشو كلمن يرجع على بيتهم.
بقينا لوحدنا وخاله ندى تحچي ويا أمل.
ندى: ترا صح ماكو داعي عزام يشوف عزهَ هي بعد باجر عرسهم فشمعنى.
أمل: هدهده گالت لا على سَند ولا عزام يشوفون عروساتهم لحد يوم الزفه.
يَقين: قصدها لوحدهم مو بشكل عام.
ندى: اي هيجي.
أريم رجعت من برا الصاله وبإيدها الموبايل
وشخص عالخط.
أريم: عزّهَ تعاي.
طلعت عزه وياها واجت هلال اخذتني هي وسيرا
صعدنا الطابق الثاني دخلنا على غرفة عزهَ.
بتراء: ليش اجتمعنا هنا؟
نزعت اغلب مجوهراتها، تحچي. وتأشر على غرفة تبديل الملابس.
هِلال: يبدلن وراهن تبريد گلب.
بتراء: ما فهمت شنو تبريد گلب؟
انداريت لصوتهن عزّهَ طلعت وهي لابسه جينز اسود وبلوزه هاينك رمادي ورافعه شعرها ذيل حصان.
أما أريم فهي هم لابسه جينز سمائي وتيشيرت تعلاگه ابيض، ولبست فوگاها جاكيت أسود اجت
گعدت عالچربايه تلبس حذائها الرياضي واني ما فاهمه شي.
بتراء: وين تروحن شجاي يصير؟
عزّهَ: تبريد گلب.
بتراء: كُل ظني انتي انتي مسالمه.
عزّهَ: و إن بعض الظن إثم.
دگ موبايل أريم جاوبت وهي ترتب شعرها
أريم: احم ها وصلت؟ تمام دقيقة ونطلع للباب.
قفلت الخط وطلعت مسدس من ظهرها توني لاحظته ومنا عزّه راحت للكنتور جابت المسدس.
ثنينهن تأكدن من المخزن وسحبن أقسام.
رجعن المسدس بظهرهن ودخلت سيرا.
سيرا: واگف ينتظرركم بالباب بسرعه قبل لا
عمامي يحسون.
عزّهَ: سيرا مثل ما اتفقنا ترتبين الوضع من ورانا
وبراء تساعدج.
بتراء: غير افهم وين تروحن؟
هِلال: آنه احچيلچ بعدين، يلا توكلن على الله.
الاختين وحده شخصيتها أقوى من الثانيه
مثل التوأم، لكن الفرق بينهم وحده تحجي والثانيه ساكته.
أريم
نزلنا للطابق الأول بحذر عمامي بالديوان والنسوان بالصاله
طلعنا من البيت مشينا بخطوات اشبه بالركض لبوابة الرئيسيه وگفنا عاصم.
خاتونات وين تروحن؟
دخل إيمار توني اشوفه اشو چآن برا البيت من بعد الحفله، نظر فوگ وتحت
إيمار: بنات عمي الدرهم وين طالعات بنص الليل؟
يجن وياي معليك بيهن.
عزّهَ: رحم الله والديك.
أريم: احم خل نطلع.
إيمار اردف (ل جهنم) و راح يتمشى بالحديقه.
طلعت عزهَ وصعدت ورا، آني هم طلعت وبالباب وبخت عاصم.
أريم: مره ثانيه لا تفكر توگفني.
عفته منزل راسه ورحت فتحت الباب الخلفي
حتى اگعد بصف عزّه، وگفلي متخوصر أشر بإيده
علي المقعد الأمامي.
أبيل: ماني شوفير الماما يا عين امچ
اصعدي گدام.
أريم: أعصابك افتهمنا.
گعدت گدام وشديت الحزام خل نعديها على خير
عزّهَ: أبيل استعجل شويه هسا تلگى عزام مخلص الأمور.
بيرفكت بيرفكت بس خل افعل وضعية باتمان و نطير شتگولين.
مبين ماله خلگ بسبب الصار، تذكرت الصار اثناء ما چنا نرگص، وصل مرحله يتغزل بأناقتي لكن بهل اثناء اتصل ياسر على تلفوني والگارسون قاطعنا وگال
مسيو ياسر يمان يتصل بيچ.
علي وجه علامة استفهام وترك إيدي سحب التلفون من الگارسون قراء الأسم (ياسر يمان)
شمدريني اسمه واسم ابوه عبالي اسمه الكامل ياسر يمان بدون اسم ابوه.
أريم: انطيني خل يولي بعدين اتصل عليه.
وبعدين تتصلي عليه؟
زدت الطين بله بهذا الكلام عيونه بگصته.
من الغضب رد على الإتصال وياسر اردف
هلووو yi akamlar يا هياتم.
أبيل: ولك اانت شلووون تتصل عليهااا.
لحظه بمنو متصل ليش انت ترد على تلفونها
ولوو ياا حااارووگه الف مبروك عرس اخوك عقبالنا برو.
أبيل: اانچب واااحذف رقم أريم بهل لحظظة.
أريم: أبيل جيب موبايلي خل يكون عندك شوية ذوق.
أبيل: بيرفكت يكوون عندي شوية ذووق؟
خلى التلفون بگلاص العصير.
أبيل: بصحتچ انتي والقشمر ياسر، بس خل اعرف متصل بيچ إلا ادير لتر بانزين عليكم.
عافني وراح ابتعد، طلعت التلفون من گلاص العصير وشفت الاتصال بعده مستمر
اخذت كلينس من الطاوله مسحتها، اردفت.
أريم: هم زين جهازي آيفون ما يخرب.
كملت حچي ويا ياسر وفهمته السالفه شلون ما اجت ببالي.
رجعت للوقت الحالي نظرتله حاقد عليّه وعود ماخذ موقف مني. وصلنا للمستودع اللي يخصنا. نزلنا ثلاثتنا الشباب مالتنا بالباب
فتحو باب المستودع على وسعها
ثلاثتنا واحد بصف ثاني وأبيل بالنُص
عزام بإنتظارنا گاعد عالقنفه والمسدس گدامه. لكن مطلع المخزن، أما وَگاع ف طلع من إحدى الغُرف وهو يسحل مُعاذ كملنا مشي بإتجاههم
ومن الحماس گمت اغني.
أريم: جيناااك الليله يمعدل الميله يل حچيك چيله الغثك يااا ويله.
وَگاع: هههاا وناااااسه والعادااانا عبره نسويله
أريم: اما نغلط اما نغلط بالگصه نحُطهاا مااا نغلط
عزّهَ عبرت مُعاذ وصوت الكعب العالي يدوي بالمستودع عزام اردف.
لا حول ولا قوة الا بالله العلي العظيم السالفه مطوله.
راحت گعدت بصفه خلت رجل على رجل.
وعزام يخلي الطلقات بالمخزن وحده وحده.
وگاع ربط مُعاذ عالكرسي من أصل ثلاثه و أجا أبيل اللي لبس كفوف الجلد وصاح.
أبيل: على سَندددد جييبه.
انداريت للباب دخل على سَند ودفع بظهر رجال مربوطه إيده.
علي سَند: انعجبك بالفزعه، النطگه نوجعه.
فوووت اااابن القندررره.
جره جر للكرسي الثاني ربطوهم بشرايط ما تنفتح إلا تنقطع بكتر بلايس.
هل مره عزام صاح بكُل صوته.
هَدآاام جيييب ااابن الحرااام جيييبه
استغربنا المفروض بس احنه والمطلوب مُعاذ لوحده لكن دخل هدآم يسحل سحل بواحد نفس طوله وشگار اخويه هدآم. شمره بصف الثانين وَگاع ربطه عالكرسي وهدام اردف.
هدآم: جماعة الخير نيابةً عن هِلالي حاب ألقي كلمتين، Cook Güzeeel.
عزّهَ: مُعاذ العار نُعرفه البقيه منو؟
جر راسها باسها بوسه طويله على خدها واردف
عزام: الأخوى أصلان و يلماز.
هدآم: اليستحو ماتو! بعد باچر زفتكم
كض روحك شوووويه.
عزام: الله يرحمك چنت تنگط مستحى.
وَگاع: احم مرته وحلاله معلينا بيهم.
أبيل: ولد لالنجي لحگوني للبصره وتالي وياكم؟
أريم: ومن الحب ما قتل.
نظرلي فوگ وتحت وهو شبه غايب عن الوعي.
يلماز: حلو كثييررر.
أصلان: أبيل بدون خبال عوف يلماز بحاله
أريم: اتراك برو ماكس يحچون عراقي.
أبيل: هارلي كوين انچبي.
أصلان: ههه اعجبچ دقيقه هايه المزه بنت المعلم ادهم؟ ولك هدآم ليش ما گتلي عندك هيج اخت مززه.
هد عليه يضربه بدون رحمه ويحچي.
أااااللعننن يوومك اااصلان اااالللعن يوومك.
وگاع سحبه وهذا يضحك رغم الدم نازل بطوله.
أصلان: خسرااااان هههه خسرااان.
گام عزام فتح دگم القميص الأسود وبقى فقط بالفانيله السوده طگ أصابع إيده وفجأه هد يضرب مُعاذ على بطنه بكل قوته ويحچي.
عزام: مو كُل الگرايب ماااال احتراااام ااانت مال تنهااان متزوووج وعندك طفل شلووون هيجي تفكررر بيهااا يااا حقيرررر
جنزه تجنز بدون لا يشوه وجه. گامت عزّهَ اللي أشهر اقوالها، (احنه ضد العُنف و يا عزام لا تضرب، لا تأجرم)
وگفت گدامه رفعت وجه بالكعب اللي برجلها ونضرللها.
عزّهَ: احنه ضد العُنف إلا في الضرورة القصوى.
كملت عليه دفره ورا دفره وتحچي.
عزّهَ: طيييح الله حظظظك يا حيوااان
مررتك بشني مقصرره شوووگت تفهمممم
مااكو شي يجمعنا لا سااابقاا ولا لاحقاا مرررفووض من يوم يومك مرررفووض.
مُعاذ: ااابن الحرااام اااخذج منييي ااانتي ملكي ملكيييي.
عزّهَ: تراااب رجلين عزام يسواك يااا عااار.
ابتعدت عنه اخذت كلينس تمسح الدم على الكعب واني صافنه منو استلم.
أريم: گايز چا وآنه منو اضرب؟
رفع راسه سكران ويحچي
يلماز: شوو كيف احكيهااا Ben، Ben انا اضربيني تؤبري ئلبي يااا هيييك النسواااان يااا بلا.
هذا من مكانه گمز يحجي ويفرد ذراعه برد فعل
أبيل: تؤبري ئلبيييي اضربيي ااضربييييي.
أريم: إي مو تدللل.
خطيت خطوات متسارعه ردف اضرب اللي گوه يحچي عربي، أبيل جرني رجعني وراه
أبيل: وعلى الضررغااام اااحرگچ اذا صار بينكم احتكاك.
وگاع: سينماناااا وحق جدنا السابع سينماااناا.
استمروو هههههههههههههههههههههههههههه
هدآم: أريم تراجعي هذوله أقذر ناس بإزمير.
وگفت بصف عزهَ وهدام نشاهد أبيل شلون يرش
نفط أسود حوالين الثلاث نفرات على شكل دائري.
علي سَند ضربهم كل واحد چلاق وطلع من الدائره، أبيل طلع الجداحه مالته
أبيل: نتسلى شويه.
أريم: اااتسس شوو تااايم.
نظرلي وبعده ماخذ موقف مني
كنبص أشعل النار حولهم و هُمه بنُص الدائرة
واحد يصرخ والثاني يسب إلا يلماز يضحك مثل المتسودن.
مُعاذ: مرررتييي وااابني لااا تقتلوووني لخاااطر الدممم اليجمعنااا.
عزام: تفي على هذا الخاطر.
أبيل: ابو الصووص ااابن لالنجي شلونها البصره؟
أصلان: أبيل ابيييل مخبللل متسووودن مجنووون
ولك لا تكبر نااار العداوه.
أبيل: على سَند اشو النار طافيه يم صوصي دير لتر بانزين.
علي سَند: دير بنفسك اجاني اتصال مهم.
أبيل: نصي صوتك منا الشماته يا خويه.
كام رش بانزين و احنه السته گعدنه عالكرسي.
أمامهم نتدفى والشباب يورثون جگاراتهم من نفس النار. اصلا النار ما تلوحهم بس الجُبناء روح ئلبهم المبالغه. صراخهم ما هدء إلا لمن على سَند رجع من برا وبإيده طفايتين حريق شمر وحده على وگاع واردف
علي سَند: خبرين مو حلوات، الأول بيت يوسف
عرفو عن اختفاء ولدهم، والثاني عرفو احنه ورا اختفائهم.
أريم: ولعهاااا شني الحل؟
ثنينهم طفو النار بطفايات الحريق والثلاث اسود وجههم ويگحون.
مُعاذ: اااساافر وجهي ما تشوفو معااذ مااات خويا اعتبروني متتت ميت اني ميت. بس تعتقوني
يلماز: اصلااااان زوجني من هي العراااقيه
أصلان: شيييخلصكمم من إيييدييي ولك هدااام اااني ألك اااصبررلي ااانت وااابوووك. ياا
الخمسه يفترون حوالين الثلاثي وعزام اردف.
عزام: هايه بس جرة أذن. ما ردنا نقتلكم عبن شني؟
عزّهَ: ضد العُنف إلا في الحالات الضروريه.
أبيل: صيصو نصيحه من اخوك الچبير طگطگ نعالاتك وارجع للمزبله الأجيت منها.
الثلاثه مرعوبين وأكثر شي معاذ اما يلماز مو بوعيه واصلان دمه يحترگ، ابتعدنا نرجع للسياره اللي برا المستودع، عزام و على سَند گدام واحنه وراهم نمشي
عزام: على سَند دير بالك وانتوا ترجعوهم
علي سَند: و مُعاذ الگواد شنسوي بي؟
عزام: سهل جدآ، فهمو شني لازم يحجي لعائلته وتتركوه.
عزّهَ: اهم شي ما يجيب اسمائنا ما نريد عداوة إضافيه.
علي سَند: هاي هي بقت يمي لا يضل بالكم.
وصلنا لباب المستودع وعلى رجع يمهم آني وگفت.
عزّهَ: امشي ليش وگفتي.
أريم: وحق الزهراء ما اطلع اذا ما اخلي بصمتي عليهم.
ركضت للمكان شفت أبيل مشغول منطي ضهره
ويحجي اتصال هديت على مُعاذ دفرته مرتين
أريم: عووود احترررمتتتك يل مااا تسوااا نعاالي
اجيت للثاني يلماز اجيت اضربه راشدي أبيل سحبني من خصري واني ارافس برجلي اريد اوصل الهم.
أريم: ولل عوووفني اضررربه رااشدي وااحد واااحد.
أبيل: ريلاكس گوزالم ريلاكس خل يولي آني اربيلچ هذا الچلب.
أريم: لاااء اررريد بنفسي اااضررربه هو واااخوووه.
رفعني من الأرض وهو محاوط خصري راسه يم رقبتي يشم بيّه وبنفس الوقت يسير للباب مال المستودع.
أبيل: أريم طوختيها اليوم شسوي بيچ؟
أريم: اانت بس نزززلنييي ولا تحچييي.
كممل بموووقفك التااافه.
أبيل: بيرفكت وتعرفين شمسويه بس تتغابين.
من شافه هيج شايلني من خصري.
صاح بكل قوته وشمر اللي بإيده.
هدآم: ااااشدلي گروووون لووو شااايفني مگررن آنه ولك ننننزل ااااختي ااابن الل.
بكل حقاره شم شعري بدون لا هدآم والبقيه ينتبهون وهمس.
أبيل: أريم نصيحه لا تخليني أشد گرون مثل اخوچ.
عافني يم الباب وهدام دفعه من صدره يعاركه.
هدآم: مااا تستحييي ولك ماا تستحييي
أبيل: اختك متسودنه رادت تهد عليهم تضربهم.
هدآم: وخللل تضرربهم حلال عليك وحرام عليهااا.
أبيل: بيرفكتتتت والله عاادي عندك اااختك إيدهااا تلامس رجااال غريييب.
هدآم: شاااايفني مگرررنن، شنيي وضععععك شننييي هييجي لازمها من خصرررهااا.
أبيل: ريلاكس برو، يلا وگاع استعجل.
اجت جرتني وياها وهي تصرخ.
عزّهَ: يااا ويييلك اشوفك تحوووم حوليهااا
كالعادة عزام حچى كلمتين بأذن هدآم و مبين هدء طلعنا والتفتت ورانا أبيل وهدام يتصالحون
واحد صافح الثاني وتحاضنو.
أريم: شگد تبالغون.
عزّهَ: اصعدي بدون كثرة كلام.
صعدت وعزام اجا رجعنا للبيت.
من وصلنا الكل كان نايم سبحت بدلت وطلعت البنات مجتمعات بغرفة هلال
، قبل لا ادخل الغرفه سمعت صوت باب غرفه من تحت رحت يم الدرج شفته عمو أيهم طلع وبإيده مخده وچرچف دخل للمكتب مالته.
أريم: مره مرتين اشو يوميه ينام بالمكتب ليش!
عُدت ادراجي دخلت گعدت يم البنات
صح موضوع عمي ما يروح من بالي لكن تناسيته وگعدت سولفت الصار بالمستودع بكامل التفاصيل.
وَدق
مر اليوم عادي وفتره الدوام قضيتها ويا سيرا اللي
ضلت تسولف عن الأحداث اللي صارت وياهم
خاصةً خطوبة براء وعلى سَند.
اما خبال ولد الباشا
ويا أبناء عدوهم بحث آخر يعني من سولفتلي
خلت شعر راسي يوگف هذوله كوميديا سوداء
رُقيه صحتها صارت احسن بس تعطس بسبب ريحة الجگاير بالبيت هاشم يدخن وجاسر هم يدخن والاسوء حتى وسن شايفتها أكثر من مره تدخن.
نزلت من غرفتي للعشا واليوم كذالك حبوبه سُعاد ما رجعت.
الموبايل بإيدي واتصفح الانستغرام اثناء نزولي من الدرج، وگفت على بوست ناشرها جديد من الحفل اللي چآن عدهم.
الصوره جانت جانب من جسمه والقناع بإيده مغطي الجزء الباقي كاتب تحته بالخط العريض باللون الأحمر.
(تتساقطُ الأقنعه واحدة تِلو الأُخرى)
وَدق: رساله مُبطنه!؟
خليت لايك على البوست وكملت نزول الدرج
وگفت بمكاني لمن دخل جسار من الباب
والعُكاز بإيده للحظه تذكرت الفتره الماضيه.
نظرت على جهة غرفة الطعام رُقيه گاعده بوحدهه ومنا جسار دخل. ، اسرعت خطواتي إتجاه واحچي
وَدق: شجااابك ااانت شجااابك.
جسار: وَدق بنتي عيب ترفعين صوتچ.
وَدق: اوههه وليش تگلي بنتيييي بعدمااا صررخت عليك؟ اضربني بالعكاز مثل كل مره عليت صوتي عليك اضربني بأداة التعذيييب هذاا.
ما چنت منتبهة وسن وهاشم سمعوني
وَسن اجت وگفت بوجه وتحچي بصوت مقهور بس ما تبچي.
وَسن: انت انت شنووو من قذذذر ااانت.
چنننت تضربهاااا بهذاا العكااز؟
شلون هيجي تجرأت وسحبت العكاز من تحت إيده ورادت تضربه لوما هاشم عاط بيها.
هاشم: اااتبرى منننچ إذاا تمدين إيدچ على عمچ!
وَسن: دااد بليييز! هذااا ماا يستحق الأحترااام.
عفتهم ودخلت غرفة الطعام استغربت رُقيه ليش ما طلعت ورا أصواتنا.
وَدق: الله يلعنننهم كلهم نفس الشي رُقيه سمعتييي.
شفتها صافنه على أكلها ودموعها تنزل، بسبب الإنهيار العصبي صارت حساسه وتبچي على اتفه الأسباب. حظنتها واحچي وياها.
وَدق: رُقيه فدوى لا تسوين هيجي بروحچ
ما متعوده عليچ تكوني ضعيفه.
مسحت دموعها تمثل القوه.
رُقيه: تمام ما بيّه شي.
دخلت وكنبصت يم رُقيه
وَسن: رُقيه حبيبتي اهدي أللعن ساعته بهذلته.
وَدق جيبي علاجها، اكلتي شي؟ أكلي علمود دواچ.
گامت رُقيه بدون النظر لوجها وهي هم گامت.
مخيبوة الظن رحت وراها بالباب دخل هاشم
نظر بالوجوه
هاشم: خلاف بسيط اگعدي كملي عشاچ عندج
علاجات.
سدت خشمها وعُبرت بصفه بدون جواب وگفني من ذراعي.
هاشم: بويه وَدق اختچ شبيها؟
نظرت لإيده ونزلتها بنفسي.
وَدق: وبصفتك منو تسألني؟
وانتي مره ثانيه لا تسوين روحچ خوش اختك
ما لايگلچ ابد.
عفتهم وطلعت للطابق الثاني ما لگيتها بغرفتها
بس تلفونها موجود قبل لا اطلع اندگ تقربت قريت الأسم. أبو گاع جاوبته.
وَدق: ألو.
ألو رُقيه؟
وَدق: لا اختها آني. ، أستاذ تريد شي ليش متصل بيها؟
رايد سلامتكم اختج ليش ما داومت لليوم الثاني؟
وَدق: استاذ اختي مريضه ما تگدر.
و.
سحبت التلفون من إيدي وحچت.
رُقيه: باچر اداوم معليك بكلامها.
باچر الشركه تقفل بالشفت المسائي.
رُقيه: ليش شعدكم؟
عرس ولد عمامي.
رُقيه: اها الف مبروك والله يتمم لك على خير
آنه شعليه يتمملي على خير انتي مصخنه؟
لزمت راسها وكعدت عالتخم
رُقيه: اعراض انفلونزا. اعتذر.
انطي الموبايل للبصفچ.
انطتني الموبايل وخلت راسها على المخده وضايعه ضياع ماله نهايه. انتبهت الاستاذ يحچي متأكده مهتم بيها.
اسمچ وَدق مو؟
وَدق: اي استاذ.
تمام وَدق بدون هل رسميه ناديني بأسمي.
وَدق: تمام ابو گاع.
نعمم؟
وَدق: اختي هيجي مسجله اسمك
تمام تمام بعدين اتفاهم وياها، اسمعيني زين.
وَدق: وياك استاذ.
نظرت ل رُقيه اخذت علاجاتها ونامت فوراً.
أنتي وعائلتج معزومين على حفلة العرس
وَدق: آني وعائلتي؟
أكو مُسمى ثاني؟
وَدق: ها لا بس على فكره ابويه مسافر واخويا برا المدينة ماكو غيرنا آني ورقيه.
وحبوبتج بكربلاء؟
بلعت ريگ وعدلت گعدتي هذا شلون عرف.
وَدق: اي صح ما ادري اذا ترجع.
ترجع ان شاء الله اريدكم حاظرين ترا معزومين رسمي وإذا اختج رفضت گليلها موضفين الشفت المسائي كلهم معزومين.
وَدق: بس ما كتلي بيا قاعه؟
بقاعة فندق (- - - - - -) ساعه 5 المسا.
وَدق: تمام شكرآ على الدعوة.
تشرفونا، اختج شصار عليها؟
وَدق: نامت، اي اقصد من عرفت بالدعوه راحت تطلب فستان للحفله.
وَدق فاتحه سبيكر؟
وَدق: لاااء، ايي اي والله ههه مع السلامه استاذ سي يو سي يو.
ودق: عزااااا خرررب انه خرررب اانه هذا دااهي إجباااري خلاني اجفص. هاك استلم نامت بسبب الأدوية.
ما اخفيكم كُلش تحمست بحيث گعدت ادور على المواقع اللي موجوده بالبصره و اختار فساتين للحفله.
ال بتراء
كلشي غير متوقع من الصبح البيت ما هدئ يعني شمعنى يريدون العرس باچر.
انوب من الصبح بالمول آني وعزّه ويا الخاتونات أمل، يَقين، ندى، نشتري جهاز عرسنا.
وكلما انظر ل يَقين احس امي واگفه گدامي
للمسا كملنا كلشي وعلى سند ما شايفته من البارحه. گالو المنظم رتب كلشي الحفله راح تكون بأكبر فندق موجود بالبصره بمأنه ناس معروفين.
متمدده بفراشي من التعب لبست تراك ونمت ساعتين وهسا صافنه بالغرفة اللي كلها جنط جهاز عرسي وملابسي، كالو بعد شويه نروح نختار الفستان دورت على تلفوني لگيته تحت المخده.
الساعه 8 المسا
جاسر صرعني بالإتصالات يا خوفي اكتشف الحقيقه. رديت عليه وبگلبي ادعي ما يعرف
بتراء: الو جاسر.
واصله حدها وياچ، اذا عرفت بيچ تلعبين بذيلچ أنهي فترة إقامتچ بالدنيا.
بتراء: شجاي تحجي ما فهمت عليك.
ليييش ماكو صوت جاي تتركين الموبايل بالغرفه.؟
بتراء: اي اترك الموبايل بالغرفه شتستفاد اذا تتسمع على سوالفنا.
بتراء لا تلعبين بذيلچ وياي.
بتراء: المهم عندي سؤال اختي رُقيه شبيها مريضه.؟
وحظرتج من وين عرفتي رُقيه مريضه؟
بتراء: جاسر احچي شبيها!
مجرد حراره، الأهم شوكت ترجعين للنجف
وراچ شغل مُتراكم.
بتراء: ما م عندي اي فكره شوكت نرجع.
استغلي فتره غياب على سَند عن بيته بالنجف
يبدو محد يعرف بالعرس ولا الباشا أعلن عنها
بتراء: وينه هو؟
بروسيا.
بهل اثناء انگد الباب گمت فتحته الصدمه على سَند گدامي وسعن عيوني هسا اذا حچى كلمه
ينتهي كلشي.
بتراء: صحح رندد كلامج صح.
اشرتله بمعنى اشش لا تحچي دخل للغرفة.
ونظراته غريبه سد الباب برجله وآني أتراجع
بتراء: رند بعدين نحچي.
منو يمچ ليش ماله صوت؟
بتراء: الو ماكو شبكه رند الو؟
قفلت الخط وعلى سَند منتظر.
راد يحچي سبقته. لأن متأكده جاسر يسمعنا
بتراء: اغسل وجهي واجي ههه.
ركضت للحمام وين اضم الموبايل وين حتى إذا احجي ويا نفسي جاسر يسمع، سحبت الدُرج
خليتها بين الخاوليات وطبگت الدُرج، فتحت الماي غسلت وجهي، طلعت چآن واگف عند باب الحمام.
سديت الباب بهدوء والإبتسامة اللي مليانه توتر
ما تفارگ ثغرتي.
بتراء: جا جاهزه خل نطلع...
خطى خطوات بطيئة بإتجاهي وعيونه تتفحصني فوگ وتحت
علي سَند: تطلعين بالتراك؟
باوعت بروحي فعلآ من التعب اول ما رجعت من السوگ لبست تراك النوم. عدلت الياخه ودگمت الدگم.
بتراء: هاا اي نسيت اقصد انت اطلع خل اتجهز.
صار أقرب وقرب إيده تلامس خصلات شعري
ولف خصله على أصبعه وشمها.
بتراء: بلا بلا أمراً عليك ممكن اوخر.
علي سَند: اي وخري ما وگفتچ.
لازگني بالباب ويگول ما وگفتچ
حاولت ابتعد خلى إيده حاجز.
بتراء: إيدي والضرب لا لا تسوي هيج.
عيونه بعيوني واردف يقلد توتري.
ما ما مسوي شي.
بتراء: گمتت تستهزززء.
البنيه الفحله حلوه وهي متوتره.
قرب إيده تلامس رقبتي وآني تلاشت الكلمات مني. حتى گمت ما اعرف اجر نفس
بتراء: على سَند شتسوي و وخر لا تتمادى.
حلالي وين التمادي بالموضوع؟
طبع بوسه على رقبتي وحاوط خصري.
ويشد إيده گلبي صار بي خفقان واحساس غريب
صرت بين إيده لا حول ولا قوة الا.
خلى گصته على گصته لثواني بعدها باسني بطرف شفتي و...