رواية ولد الباشا للكاتبة فاطمة الأحمد الفصل الثلاثون
رُقيه
گعدت الصبح وَدق چانت نايمه بصفي عالچربايه رفعت إيدي الكانيولا بعدها موجوده، ودق حست عليّه هي هم گعدت. خلت إيدها على جبيني تتحسس حرارتي
وَدق: ألف الحمد لله حرارتچ نزلت.
درت عيوني بالغرفه فراغ كبير بگلبي واحس مخنوگه، گمت وتربعت بمكاني، رتبت شعري المفرود والنفس ثگيل عليَّه. اردفت
رُقيه: حبوبه رجعت لو بعدها.
نظرتلي بعيون تعبانه ومحمره وحچت
وَدق: الفجر چانت توها طالعه من الفندق و.
رُقيه: يعني ما ترجع.
نزلت رجليّه وگمت على حيلي، صح اختل توازني
لكن خطيت خطواتي للحمام ودق اجت ورايا وتحاول تبرر عدم رجوع سُعاد.
وَدق: رُقيه حبوبه سعاد چانت توها طالعه من الفندق تروح تصلي بالضريح ترجع شلون ما ترجع
سديت باب الحمام وهي عاطت
وَدق: عود ليش سديتي الباب، رُقيه.
فتحت الماي بالمغسلة وگعدت ورا الباب، لميت رجليّه لحظني وجسمي كله يهتز من القهر، شريط الذكريات وحياتي المريره كُلها تُمر أمام عيوني.
ثلاث بنات بعُمر 5 6 7 سنوات
بُكاء ودق وهي تنادي امنا، ايدين وسن اللي فارقت إيدي، امنا اللي ضلت تبچي و ما تباوع علينا من حبوبه اخذتنا وياها حتى نرجع للعراق.
او اسوء كوابيسي قبل لا نفترق عن امي بسبب خلاف تافه جسار جرح إيدها گدامي، صوتها وصوت بُكائها وهي تترجى جسار يبعدني عن هيج مناظر. ضل صوتها يتكرر ويتكرر.
جسااار طفله طفله طفله لا تسوي هيجي حراام عليك حراام رُقييه ماما رُقيه لا تباوعين.
جساار خويه البنيه شنو ذنبهاا.
رُقيه: ماااامااا.
إيدي على اذني وگلبي يدگ بسرعه، شفايفي يرجفن وابچي بهستريا، منا ودق تدگ الباب وتصرخ من صوت صُراخها عرفت هي هم تبچي على بچيتي.
وَدق: ررقييه رُقيه لا تسوين هيچي هسا تتخربطين رُقيه حبابه لا تسوين هيچي، شااااهين كاااضم واااحد بيييكم يجي يكسر الباب رُقيه ررقييه اافتحي الباب افتحييي.
رفعت راسي من حظني اناظر لإيدي الملفوفه بشاش، أبچي وافتح الشاش، تشتت انظاري وگلبي ما هدئ لحظه، رفعت راسي للمكان اباوع يُمنى ويُسرا.
مره ثانيه ناظرت أمامي جفلت ايدي توقفت، عيوني تحجرت وما ترمش، بس لساني يعوذ بالله من الشيطان الرجيم.
أمي هي أمي واگفه امامي بالأبيض بس مابيها شي ملابسها نضيفه وشايله ابرا بيها سائل لونها مائل للأصفر، واگفه امامي وتمسح على ايدها مكان اخذ ابراة الوريد.
نطقت أحرُف أسمها وحده وحده وصوتي مكتوم
ما احس تطلع.
رُقيه: م ا م ا.
خطت خطوه وحده وبس حچت.
ابوچ يحبكم. بس
نظرت للأبرا ورجعت مسحت على مكان الأبرا، انهاريت أبچي وگمت على حيلي حتى اركض احظنا اختفى خيالها ادور بعيوني وبالمكان، اناديها بصراخ. حسيت اعصابي انهارت من گمت وما لگيتها واگفه. فورا وگعت من طولي.
رُقيه: ماااامااااا وييينج مااامااا.
أبچي واضرب على وجهي ما حسيت إلا والباب مكسور دخل ناجي كنبص لمني بحظنه ويمسد على شعري، مرعوب ما فاهم شي.
ناجي: اهدي أهدي رُقيه اهدي عيوني اهدي وَدق ليييشش واااگفه تبچييين ااتصلي بالدكتورررره.
وَدق: ا أي أي
ضل يمسد على شعري ويبوس بي وللأول
مره بحياتي اسمعه يگول ويذكر اسم الله الجلاله
بسم الله عليچ گلبي بسم لله عليچ.
ما ضل عندي حيل وعيوني ثگلن، صوتي ما يطلع، بس أبچي بصمت وجهي كله مبلل بالدموع، ابعدني من حظنه ولزم وجهي بين إيديه مسح دموعي وآني عيوني گوه تشوفه.
شالني من الگاع لحظنه وطلعني من الحمام
يمشي للچربايه ويحچي بينه وبين نفسه.
بس وااحد يفهمني حازم ليش باقي بالبيت جسار وينه، وأنتي ليش فجأة مرضتي.
خلاني بفراشي وخلى المخاد ورا ظهري ودق راحت وما رجعت بعد، اخذ ربطة شعري من الميز اللي بصف الچربايه، تقرب لملم شعري شلون ما چآن وگعد بصفي مسح رموشي اللي مبلله بالدموع وما يلحگ ترجع دموعي تنزل.
شاف ايدي گام بسرعه جاب عُلبة الإسعافات الأولية، گعد وسحب إيدي بلش يبدل الشاش وآني صافنه بوضعي ومن اشوفه يداريني ألف سؤال يجي ببالي ليش يسوي هيجي!
چآن يخلي المرهم ويحجي بدون لا ينظرلي.
ناجي: شني الصار البارحه ليش ابوچ گاعد بالقصر الثاني، وهذا الأسمه حازم گاعد بالبيت؟
رفع راسه منتظر الجواب وآني صافنه بفراغ.
ناجي: رُقيه.؟
رُقيه: وياك.
نظرلي بنظرات غريبه واردف
ناجي: محد وياي كُلها ضدي.
ما انطيت اهميه للكلام كُل بالي چآن يم أمي.
مسحت دموعي واردفت.
رُقيه: ناجي شفت أمي جوا.
شد الشاش ورفع راسه نظرلي.
ناجي: مكبسله لو شني گمتي تهلوسين.
رُقيه: داااا أگُلللك شفتتت اامي اامي شنو مكبسله شنووو.
استغرب من انفعالي وصوتي العالي حتى آني حسيت ما اسيطر على اعصابي.
گام وعاط بيّه.
ناجي: متسووودنه؟ امج شعدها بالحمام رُقيه مبين عليچ تعبانه نفسياً، وَددددق
دخلت وَدق بوحدها محد وياها، هنا ناجي تخبل أكثر
ناجي: آني شگلت؟ آاااني شگلت ووودق وين الدكتوره وييين.
وَدق: لا تعلي صوتك من تحچي وياي.
اجت بإتجاهي وهذا وگفها ولزمها من رقبتها لزگها بالحايط، منا احاول اصرخ على ناجي يعوفها ومنا ناجي يصرخ عليها ويطلع نار گلبه بوَدق اللي تگول كُتله من البرود أمامه ولا تشتكي من شي.
ناجي: ااانتي لا تعلييين صوووتچ لااا اهنااا اخلص منچ وَددد، احتقررچن وحده وحده بنااات جسار احتقرچن لو اشرب من دمچن ودم ابوچن هم ما يبرد نااار گلبي.
رُقيه: نااا جي عوووفهااا وَد، وَد.
ابتسمت بوجه ناجي رغم رقبتها بإيده وحچت.
وَدق: تذكير صغير كُلش
أنت تستاهل كُلشي جاي تُمر بي، انت تستاهل، هذا عِقاب ربنا لشخص فاجر مثلك.
وجه ينطي ألوان من الغضب ودق چانت مستعده تختنگ ولا تتوسل بناجي، والثاني تخبل عليها
ناجي: موت بنااات جسار على إيدي مووتچ على إيدي.
گمت على حيلي شلون ما چآن وصلت يمهم لزمت إيده اللي شاد على رقبتها.
رُقيه: عووفهااا نااااجي عووفهااا.
من لزمت إيده رخى قبظته ونظرلي بطرف عين.
فلتها، ودق ابتعدت تگح وتجر نفس، لزمت ذراعه.
درته لجهتي واعاركه.
رُقيه: ااانت شلوون هيجي تهدد اختي شلوون
لزم إيدي وما تعارك او صرخ بوجهي مشاني للچربايه، يحچي
انتي مريضه لا تگومين.
أنت المرريض مو صااااحي
أفقد عليچ.
لزمني من اكتافي حتى يگعدني عالچربايه، بس اندارينا لصوت وَدق اللي طبت بالعركه.
وَدق: ول هيووو ااعررف شلون تحاچي اااختي.
اسكتي لا اشگ حلگچ.
لا تغلط على اااختي يا حيوااان.
اخذله صفنه بيناتنا ودق اجت بصفي ودفعته من صدره.
وَدق: فعلآ حيوان وما تفهم وخر لا تلزمها.
ااضرربچ وغلاااة نَائل ااضرربچ.
إذا زلمه تمد إيدك عليّه. بعدك ما شايف وجهي الثاني.
ول براذر وجهها الثاااني بدون فلترز بدون ميك اب.
دخل نَائل وهو لابس نظاره شمسيه نزلها ونظرلي
نَائل: سلامات مرت اخوي.
وَدق: الله لا يسلمك نائل نعال بحلگك.
ناجي عبر بصف ودق ودفعها من ظهرها بحقاره
وَدق: جعموووص ااالله ياااخذك.
عافنا وطلع من الغرفه، اما الثاني ف چآن متخوصر يباوع علينا اني گعدت على فراشي حتى ما انطيت لوجوده أهميه.
لكن يبدو هذا باله يم وَدق، تقدم بخطوات غروريه ويحچي وياها.
نَائل: تشبهين الخط الساخن فورا تردين وتحشرين خشمچ.
وَدق: اطلع من الغرفه بكرامتك.
ما اطلع خل اشوف التمرجل العندچ.
اطلع ولا تقترب. رقييه احچي ويا هذااا
اوه مرت اخوي احچيي
رُقيه: نائل لا تأكل نعل واطلع ما اريد اشوف چهرتك.
وَدق: سمعت ما تريد تشوف چهرتك اااطلع لااا اهيينك والله اااهينك.
صار بيناتهم متر واحد وگف وحرك شفايفه بمعنى عنده كلام رفع إيده المتصاوبه چآن مبين الشاش عبن لابس تيشيرت نص ردن بهل أجواء الشتوية. والله راد يلامس وجه ودق هاي القويه لوت إيده. وهذا قيدها بحركه سريعه
إيييدك اااكسرها.
الله لا يخلي بنآدم بمثل حيرتي.
خرا بحيرتك، حيوااان عووفني شلوون هييج تقييدنييي.
رُقيه: شگددد حقيرررر عوفهااا.
وُدق: زماااال شييل إيدك
اي شمسوي تصيرين ملكي عاجلا أم آجلاً.
المووت اشرفلي امووت وما اصيرلك يا حقير يااا
نذذل
افقد على الصلفات ما تعجبني المياو الكيوت
تعجبني أمثالچ وامثال ام تفله ثنينچن لبوات وقياساتي.
خليت إيدي على حلگي بصدمه
ودق حررت نفسها من إيده واجت ضربته راشدي فر وجه فر ما اكتفت گامت تفلت بعينه لوما لابس النظاره.
وَدق: هذني قياساتك، اذا مقصره اغسلك بتفله وانشرك عالحبل همين.
مخبل متسودن موو طبيعي ضحك بوجهها
وراد يلمس خشمها بأصبع السبابه لكن ودق ابتعدت خطوه. مسح النظاره ورجعها مثل ما چآن لابسها بعينه، اردف
نَائل: هسا إذا شگيتج بالنص ناجي يگُلي ليش؟
وَدق: اااسمع لللك ااشگك واشك ناجي واشگ ااابوك و محد يُگلي ليييش.
نائل اطلع.
ثنينا نظرنا للباب، نائل طگ رقبته واندار للصوت.
اطلع من الغرفه.
تريد نتعارك ابن عمي؟
اطلع بلا حچي زايد شتسوي يم البنات؟
اي احم ردت ألعب شناوه ويا.
وَدق: شهل تمسلت شتقصددد يا حقييير
رُقيه: داااللعن ااابو ااابوك يااا
هيدي هيدي جابر شابع ماي ورد عوفيه بگبره ويا الصلعه ذيچ.
ناائل اطلع من الغرررفه.
وَدق: خل يبقى خل يبقى يريد اهييينه بالنعااال.
شلحت الشبشب من رجلها وفعلا رادت تضربه
لكن طلع من الغرفه وهو يتقشمر.
اخ لوما اللي ببالي چااان فركت الشسمه هذا اللي بإيدچ على حلگچ.
شمرت الشبشب واجت بالباب لأن بسرعه طلع ورگع الباب بقوه، آني چنت گاعده بفراشي و وَدق واگفه يم الچربايه، نظرتله وهو اندارلي يحچي.
جاسر: عمي هاشم موصي اذا وحده منچن حچت الصار للتوأم ناجي ونائل ما يلوم إلا نفسه.
وَدق: گمت ارجف شوف شوف
لچ بابا تالي وياچ انتي ليش هيج صلفه؟
طبيعي جدا لأن احنه معاشرين حيوانات.
رُقيه: ودق كافي اسكتي. جاسر وينه هاشم؟
غلس عليها، جاوبني
جاسر: موجود بالبيت تحت.
وَدق: موجوود؟ وكل هذا الصراخ والعياط
يعرف رُقيه انهارت بالحمام بس ما كلف نفسه يصعد يشوف شبيها؟
سكت وآني تذكرت بالحمام كلام امي.
حاولت أگوم جاسر منعني
عوفچ من كلامها ولا تگومين ابوچ ما گدر يصعدلج بسبب ناجي ونائل چانو بالبيت.
رُقيه: لشنو جاي تخططون؟ ليش ما تريدون ناجي ونائل يعرفون الحقيقه؟
رُقيه لا تگومين!
اروح احچي وياه بشغله ضروريه.
طنشت تحذيراته وگمت إيدي ترجف، اعصابي تعبانه لأبعد الحدود، فتحت بلاستر الكانيولا وسحبتها من الوريد شمرتها عالميز، سحبت كلينس خليته على أثر الابرا وطلعت.
ودق ورايه و جاسر هم اجا ورايه يحچي.
جاسر: بس على الأقل خل يطلعون من البيت.
وَدق: رُقيه انتبهي شبيچ على مهلچ
دا احچي وياچ رُقيه.
عوفها.
نظرتله چانت وسن طالعه من غرفتها فعلآ جاسر عافني وراحلها تقرب منها وضلو يسولفون.
نزلت للطابق الأول هاشم طلع من غُرفة المكتب بإيده جگارته، لزمتني ودق قبل لا اروحله.
وَدق: اجي وياچ ما اعوفچ بوحدچ.
رُقيه: ماكو شي والله بس اسئله شوية اسئله
لا يضل بالچ آني بخير.
وَدق: يا خير رُقيه وروحچ تحترگ مثل روحي كلما
نسترجع ليلة البارحة.
رُقيه: ابقي هنا ولا تجين ورايه و شغله ثانيه، ما أريدچ تردين بوجه أحد، أمي ما ربتنا على قلة الأدب.
طلع نائل من المطبخ ياكل موز نظر ل وَدق.
تريدين موزه؟
وَدق: تريد چلاق وتفله؟
رُقيه: وَد شگلت!
هاشم: نائل اخذ بنت عمك للحديقة تفاهموا.
كملها وشمر الگشره عالارض بطريقه غروريه تقدم وهو يحچي.
وانت ياهو حتى تجي تتأمر علينا؟
كلك على بعضك فد واحد جابك عمي المو محترم بشده ام الخمسه وعشرين، عود تمثل دور أبو البنات عند الدوله
هاشم: لذلك لازم تصدگ المسرحيه وتولي برا.
اووه ههه بس لا صدگت روحك؟
لچ دوده تالي ويا ابوچ الگواد يوميه يجيبلنا ناس ما تسوا فلس يسلطهم علينا.
وَدق: عليمن تگول دوده؟..
بيبي هذا دلع اسمچ.
ماااا تاكل خرا؟
لا شكرا خاف ما يكفيچ.
نذل ماكو بنذالتك.
معلم آني.
اذا زلمه توگف بمكانك خل اجيك.
واگفلچ وگفة شهم وغلاة ناجي.
وَدق مثل المخبله ركضتله تريد تهد عليه
لكن الصار اتزحلگت على گشرة الموز اللي شمرها قبل شويه. لحگها ولزمها من خصرها ما خلاها توگع
گتلچ واگفلچ وگفة شهم.
الاثنين صافنين على بعضهم واحنا واگفين نباوعلهم، هاشم اجا بإتجاهي تقرب وگف بصفي، اردف.
هاشم: خلي أختچ بعيده عن نائل.
نظرتله وهو رفع حاجبه بمعنى بكيفچ بعد اخذ نفس من الجگاره بس ابتعد عني وزفرها.
رجع للمكتب وآني انداريت لهذوله.
ودق دفعته وداست على حذائه.
وَدق: اكسر إيدك إذا مره ثانيه هيچ تلزمني.
ضحك بوجهه ومد إيده لخصرها بتهديد
رحتلهم وسحبت ودق ل ورا ظهري.
رُقيه: خلي مسافه بينك وبين اختي، نائل!
ليش مرت اخوي؟
نائل بقُدرة القادر ساكته على حقارتك.
ليش مرت اخوي؟
اجيت اهد عليه دخل ناجي بينا.
هييي هييي تمااام لا تسويله شي هذا متسودن وزماال، امسحيها بوجهي هذا ازمال
اخوك آني...
ضربه على حلگه وصرخ يدفعه من ظهره برا البيت.
اادب سز اطلع براا شلون مشلوع گلبي منك شلوون الله بلاني بيييك ولك اطلع اطللع براا.
هيدي براذر هيدي طالع شبيك ترجف.
دمشييي لا.
واگفات بصف بعض وحده تباوع للثانيه مصدومات من المسبه اللي وجهها ل نائل وهذا ولا كأن الحچي وياه، طلعو وناجي بألف يا على مطلع اخوه.
رُقيه: واحد أقذر من الثاني، آني مو گلت لا تردين عليهم؟
وَدق: هو طلع لسانه شبر ونص واني گلت افرك نعالي بي.
رُقيه: ودق على غرفتچ.
وَدق: لا تدافعين عن نائل نعال.
رُقيه: اطلعي على غرفتتچ بعدين احچي
وياچ خرجتي عن السيطرة.
مشت للدرج وهي تدردم.
هسا صرت خارجة عن السيطرة.
استغفرت الله ودرت وجهي لباب المكتب
ضاگ النفس بيّه، هل راح يسمح ينطيني مكانها او لا.
دخلت للمكتب چآن گاعد على كرسي جسار ويكتب شي بكيبورد اللابتوب، اول ما شافني توقف وگام أجاني راد يحاوط كتفي.
هاشم: تعاي بنتي.
رُقيه: ل لا تطخني.
تمام اگعدي هنا.
ما شفت تعابير استغراب على وجه، سحبت كرسي وگعدت، هو كذالك رجع لمكانه ورجع ظهره عالكُرسي و لزم خواتمه بدأ يلبسهن بأصبعه
چانت اربع خواتم ثنين لليُمنى وثنين لليُسرا
رُقيه: كلشي حچيته البارحه ما يرجع سنين عُمري الضاعن، بس رايده شغله وحده منك.
لبس اخر خاتم چآن عباره عن ثلاث مثلثات وفوگهن حجر أسود. ورفع انظاره اتجاهي خلاني ابلع ريگي لمن اردف.
هاشم: رايده مكان گبر امچ.
فر الخاتم اللي حچيت عنه وشال بطاقة من بين الكروت ضل يوديها ويجيبها بين أصابع إيده بطاقه مكتوب عليها ثلاث حروف اجنبيه وكلمة -Company.
رُقيه: شلون عرفت طلبي؟
هاشم: وشلون ما اعرف.
توقف عن فر البطاقه ونظرلي، اسلوبه تسبب التوتر لا إيرادياً، عاف البطاقه گدامه ومرر أصابعه على الكيبورد، كتب شي و قفل اللابتوب. حظن كف إيده الثانيه واني مركزه على خواتمه.
من اردف خلاني ارفع انظاري بصدمه حرفياً مستحيل يكون صدفه او على نيه.
هاشم: بالنسبة للأبرا، امچ چانت تاخذ علاج كيماوي بدون رضاها.
رُقيه: انت، انت شلون تعرف شلون ابرا و امي.
گمت من مكاني وآني متأكده الموضوع خارج عن الطبيعه مستحيل يعرف بالصدفه.
هاشم: توقعت تسألين عن هذا الموضوع لا أكثر
اما بخصوص مكان گبر أمچ. جاسر ياخذچ.
رُقيه: م ما اصدگ مستحيل توقع.
هاشم: تريدين تزورين أمچ او لا؟
هزيت راسي أي ونظر ورايه حتى صوت الباب ما سمعته يندگ لكن كال أُدخل، دخل جاسر نظرلي وهز راسه اي
هاشم: تاخذ البنات للنجف يزورن أمهن.
صار عمي.
هاشم: ومن ترجع عندي حچايتين وياك.
حسيته عندهم سر بس جاسر شتت تفكيري لمن گال.
امشي الوقت متأخر للمغُرب ما نوصل.
رُقيه: أكو شي ثاني تخفوه علينا ليش ما تحچون؟
هاشم: لا تنسين ممنوع منع تام ولد نَصار المرحوم يعرفون شي عن الحچيناه تمام بنيتي.
تجاهل الجواب على سؤالي وركز على كلامه.
طلعت من المكتب فورا للطابق الثاني بالممر صادفت وسن وگفنا ثنينا وهي بكامل اناقتها
مستحيل تكون ذيچ الچانت البارحه تبچي ولازمه راسها.
كملت طريقي للغرفه لكن وگفني صوتها وراي.
وَسن: رُقيه فكري بالموضوع داد رجع وراح يرجع حقچن انتي و اختنا ودق.
نظرت الها من الكعب العالي إلى الشعر الأشگر
ملامحها وستايلها تدل على قوة شخصيتها وغرورها.
رُقيه: حقنا نريده من الله اما انتي والداد مالچ
لملمو ثرواتكم رجعتكم لا تقدم ولا تأخر.
وشغلة خليها ببالچ ودق اختي مو اختنا. حالچ حال الغريب ما عدنه اخت اسمها وسن.
عفتها بلحظة الصمت اللي احتلها ودخلت على غرفة ودق طبگت الباب وتدنيت أبچي مو آني الأعامل بالمثل لكن تعبت أداري مشاعر الناس ومحد يداريني.
رُقيه: مهما يَكُن الحقيقه مستحيل انسى كلامچ يوم رجعتي وكسرتي خاطرنا واحنه السنين بحسرة حظنه منچ. أختي
سمعت صوت باب الحمام استقمت ومسحت عيوني، طلعت وهي تنشف وجهها بالكلينس
وَدق: ها رقرق شنو حچيتو راح يطلعنا منا؟
رُقيه: الضاهر متحمسه تروحين وياه؟
وَدق: ما متحمسه وبعدني ما متقبله الحقيقه
بس هاشم راح ياخذ حقنا من جسار.
رُقيه: وانتي صدگتي رواية هاشم أنه جسار چآن الأخ الغدار؟
وَدق: ليش عندچ شك، جسار مو غدار؟
عمي جاسر شلون مات؟ عمي نَصار هم انقتل بس شلون؟ كُل عقلچ تتوقعين هاشم يتهم اخوه بمقتل اخوه الأصغر؟
رُقيه: ما اتوقع شي اريد يوم يُمر بدون وجع الگلب. تجهزي وجيبي عبي من عبايات حبوبه.
وَدق: خير وين نطلع.؟
رُقيه: من نوصل تعرفين.
طلعت من غرفتها قبل لا تسألني أكثر رجعت على غرفتي دورت لگيت تلفوني فتحت الشاشه ودخلت للإشعارات لگيت عشرين مكالمه من الاستاذ وگاع وعشر مكالمات من الاستاذ أنس.
رُقيه: نشوف تالي هذا الدوام المُزيّف
دگيت على رقم الأستاذ. ما لحگ يدگ مرتين
جاوبني وهو يحچي ويا جُمانه
جُمانه هذني توديهن للقضاء خلصانين منهن
الو رُقيه انتي بخير؟
احتلني الصمت، واصله مرحلة اذا تسألني أنتي بخير أگوم أبچي گلبي خلصان من كلشي بس اخفيتها وراء ابتسامة هادئه و جواب محدود.
ليش ساكته مو دا احچي وياچ. شلونج من الصبح اتصل بيچ ما تجاوبين.
رُقيه: بخير شكرا على سؤالك، سبب إتصالك شنو؟
مشتاقلچ ومشتاق لصوتچ. قااابل شني السبب ملف 52 وينه وانتي ليش ما مداومه اليوم من منو ماخذه إجازه؟
اخذتلي صفنه على أول كلمتين بس بعدها أدركت هذا مّكآر، دورت بين الملفات شفته موجود يمي.
رُقيه: هياته يمي شسوي بي؟
هسا آنه أگُلچ شتسوين بيها، لزميها وغُمي نفسچ بيها بلكت تنحل المشكله، ويرجعلچ عقلچ.
رُقيه: آني اغُمك بيها خل توصل المعلومات لدماغك.
شگلتي عيدي عيدي.؟
رُقيه: الو استاذ الو صوتك ما ما اسمعه افف شبكه ماكو چنننتتت أگوول راح ادزها هاهسا الو. خشختمغغش شبكه ماكو.
ضليت اسوي أصوات بالملفات اللي يمي وهذا يصيح
اااطلع بروحچ رُقيه عليمن تلعبين ألوو االوو
اام الميااانات ااحچيي ألوو
قفلت الخط بوجهه، جفصت جفصه بس ان شاء الله ما يشد وياي، لملمت الملف واتصلت على ناجي.
رُقيه: ألو ناجي أكو ملف لازم يوصل للشركه شلون؟ تمام هسا ادزها ويا كاضم، باقيه بالبيت مو مريضه ما اطلع، خلصت حچي فاضي؟ لعد ولي
هذا هم قفلت بوجهه لمن بلش يحچي حچي ماصخ، فد واحد متحرش.
عفت تلفوني تحت المخدة وهو صامت
ناجي مراقبه فما اگدر أخذه وياي للنجف.
بدلت لبست كاجول ونزلت، الملف بإيدي، دخلت على غرفة حبوبه لگيت وسن موجوده بيها.
رُقيه: شتسوين هنا؟
وَسن: ختيلان منچ.
گلبت عيونها وعبرت بصفي حتى مشيتها كله غرور
طلعت من الغرفه بعدما جاوبتني بإستهزاء
رُقيه: خل تولي مو وگت اتأخر بسببها.
فتحت الكنتور اخذت وحده من عبي سُعاد
خليتها على إيدي وطلعت من الغرفه
رُقيه: كاضم وينك تعال.
اجا وگف امامي ومنا ودق اجت وراحت على غرفة حبوبه.
رُقيه: شوف كاضم تاخذ هذا الملف للمعلم
قصدچ المعلم ناجي يا آنسه؟
رُقيه: اي هو، منتظرك بالمنطقة - - - خوش
امرچ آنسه.
أخذها وطلع من البيت، ودق هم طلعت ومخليه عبايه على ايدها.
وَدق: ها نطلع؟
طلع جاسر من المكتب اردف
اي نطلع.
وَدق: انت شكو!
رُقيه: جاسر خل نمشي، ودق كافي!
لزمت ذراعها ومشينا ورا جاسر اللي اصلا ما يجاوب شگد غامض وغريب.
طلعنا بالباب ودق صعدت وبقيت واگفه نظرت للقصرين اللي بصف بعض، وحده جسار واگف يناظرلي من الشباك والثانيه هاشم يناظرلي
الصدمه الاثنين رفعو ايدهم واشرو على الساعه
مسألة وقت فقط
رُقيه: مسألة وقت.
جاسر: رُقيه تأخرنا!
گلت اي ودرت وجهي الهم رفعت إيدي مثلهم.
رُقيه: مسألة وقت فقط.
لبست العبايه النجفيه على راسي وصعدت گدام
جاسر نظرلي واردف.
مسألة وقت فقط بس ثقي بينا.
رُقيه: تأخرنا امشي.
نظرت للساعه چانت 4 العصر وهو منا اربع ساعات طريق للثمانيه ما نوصل.
بالسته ونص نكون بقلب النجف.
نظرتله مستحيل يكون سامع أفكاري متأكده ما فكرت بصوت عالي شلون عرف او قرأ أفكاري.
ودق: ممكن تسوي فضل وتحچي شنسوي بالنجف؟
ممكن تسوين فضل ما تسألين عن شي ترا مالي خلگچ.
رادت تجاوب درت وجهي نظرتلها وهي گالت سكتت لخاطرچ، يارب نوصل بالسلامة
الله اعلم شنو منتظرنا بعد هايه الزياره.
ال بتراء
عزام گال اي وعزه كذالك لكن اللي وگف عقد قِرانهم صوت رجال هز الديوان هز والنسوان تحچي بين بعضها.
هذاااا العقدددد مستحييل ييييتم.
عزّهَ شفايفها بلشت ترجف من الغضب والقرآن بإيدها أيضا ترجف. معقوله المعادله تتغير؟
أريم: اهدي عزوزه شبيچ
هذااا العقددددد مستحييل يييتم.
سمعنا صوت أبيل وهو يصرخ على الرجال.
عمي انت ياهو و هيچي تحچي اسكت لا اشگ حلگك وااديرر عليك لتر بانزين، شلوووون هيييجي تدخل للديوااان.
ندى: بنات انتبهن عليها رايحه أرحب بالضيفه الجايه بالباب.
هِلال: تمام عمري روحي احنه يمها.
نضرت ل عزّهَ مبين ضايجه ونظراتها متشتته كأنها تفكر بشي. اعتلى صوت الزلم وچان نسمع نفس الكلام من شخصين واحد بالديوان والثاني مره دخلت من باب الصاله.
هذا العقدد مستحييل يتتم بدون حظورناا
ول چآ غير تنتظرونا؟
عزّهَ نظرت للمره ومبين ضاجت مالها خلگ.
چآن وياها امرأة أخرى متأنقه وبحظنها طفل.
هِلال: الأم وابنها روح گلبهم الدراما.
بتراء: ما فهمت هسا هذا اللي صوته هز الديوان
منو؟ وهاي المره منو؟
سيرا: مع الأسف خالتي وابنها.
بتراء: و المره الثانيه؟
أريم: اي هاي مرت ابنها.
عزّهَ: منو عازمهم!
هِلال: گولن شلون عرفو!
سيرا: اكيد نقالة العلوم وختيارة الجن اللي ببالي.
بتراء: ما فهمت شكو بيها هي المره مبينه حبابه.
سيرا: اهوو قصه طويله.
درت وجهي النسوان كلها ترحب بيهن ابد مو مبين ناس ما محبوبه، اجت المره باركت ل عزّهَ وهي بس اكتفت بإبتسامه.
لاحظنا الزلم صوتهم مسموع، وأبيل يحچي.
شمدريني ابن خالة البنات ولك ابني إلا شويه ونختم عليك بالشمع الأحمر.
چآن ضروري هيجي تسجيل دخول
شويه إثارة شوية اكشن.
مع ذالك برو إذا مو گد الاكشن لا تأكشنها.
صار هدوء وتن يحچي.
أبيل يتشاقه.
نعرف يتشاقه قابل يقصد شي؟
يوك والله، اهلا وسهلا بيك بعقد قِران أخونا.
يبدو يرحبون بيهم اما عزام ف كان صامت مثل عزّهَ. طگ گلبي من الفضول.
بتراء: طيب عادي اسأل سؤال؟
هِلال: عادي حبيبتي.
بتراء: هذا اللي وگف عقد القِران شسمه.؟
سيرا: ول خالي تعاي بصفي آنه أگُلچ منو هوَ
عبن استاذي بالجامعة، يا ستي هذا اسمه مُعاذ
أستاذ جامعي يدرس بكُلية الفنون الجميله
طلبها أكثر من مره بس محد وافق عليه عبن عزام وعزّهَ من اول يوم ولادتهم مكتوبين لبعض.
أريم: تمام اسكتي مرته اجت تبارك.
بتراء: اسمها تبارك؟
همستلي وهي تحچي.
سيرا: ول لاا اسمها عبير قصدها اجت تبارك ل عزّهَ.
حسيت روحي ثوله بس بينت العكس.
بتراء: اههه احب اتشاقه وياچ اعرف شني يعني تبارك.
مرحبآ.
سيرا: مراحب عبير.
أريم: أهلا نورتي.
هِلال: نورتي عبيرو.
عبير: نورچ هلاله.
كنبصت حظنت عزّه وحچت شي بآذنها بعدها
ابتعدت تباركلها.
عبير: ألف أالف مبروك مس عزّهَ شايفه الخير ان شاء الله، وتكون نهاية وبداية جديده لكل الأطراف.
عزّهَ: تسلمين. ان شاء الله
حسيت المره فرحانه وبنفس الوقت ما تحب عزّه ونظرات عزّه للمره كلها علامات استفهام.
الكل سكت لمن الشيخ رجع ذكر مراسم عقد القِران.
ناهد: اسكتن شويه خل الشيخ يعقد قِرااانهم
سنين وآنه منتظره هذا اليوم المبارك.
الكل لزم الصمت، والشيخ يقرأ اردف التالي.
و عزّهَ من التوتر خربت صبغ اضافرها.
وإذا قبِلتي قولي نعم وأنت وكيلي.
غمضت عيونها وبللت شفايفها، اردفت بهدوء.
عزّهَ: نعم وأنت وكيلي.
عيدي بنتي وإذا قبِلتي قولي نعم وأنت وكيلي.
عزّهَ: نعم وأنت وكيلي.
اخذ جواب العريس كذالك وما نسمع إلا صوت وَتان وسيرا كلمن بمكانه صاحو.
اااالف الصلااااة والسلام على رسول الله محمددد.
سيرا: وهااااي الرااادها وهااااي التمنااااها.
گامت من مكانها وهدهده اول وحده تباركلها وهي باست ايدها وباست راس حبوبتها، بعدها.
اجن زوجات أدهم حظنت الأثنين بنفس الوقت يقين و ندى.
يَقين: حبيبتي يا بنيتي الف مبروك.
عزّهَ: يبارك بيچ، روح گلبي بس لا تبچين.
ندى: چبيرة خواتها ورفعة راسي، ألف مبروك
بنيتي، ولچ يقين عزّهَ راح تعوفني وتروح.
سجى: شگد تبالغين لخاطر ربچ هي بنفس البيت.
سيرا: الله يبارك بيچ مرت عمي ماكو داعي تتعنين وتباركين.
أريم: الزمي لسانچ سيرا.
سيرا: خل تولي ما لاحظتي كأنها گاعده بعزاء ولا تگول عقد قران ابنها گاعده بالزاوية ايد على إيد وتحچي حچي مال ناس راسها مربع.
عزّهَ: اسكتي! عيب.
چانن يحچن همس والمره تخوزر بينا
اجن المساعدات وزعن الحلويات والضيافه
الأجواء چانت ولا أروع. شلت طرف الفستان چآنت شويه طويلة ورحت للمطبخ كل هذا الوقت والتلفون عايفته بالغُرفه ما اگدر اشيله وياي مثل ما گال أدهم.
اخذت گلاص وشربت الماي الباب يطل على الصاله چنت أشاهد هلاهل النسوان وسيرا اللي ترگص ويا باقي البنات اللي من گرايبهم.
جديد عليج هيج أجواء؟
شهل ورطه هذا شجابها، درت وجهي شفته وَتن.
عبالي الأخ الأكبر لأن أصواتهم متشابهه جدا.
بتراء: لا ذاك اليوم چآن عرس صديقتي.
راد يحچي أجا إيمار اللي لابس أسود بأسود ومن غير جاكيت، فاتح أول ثلاث دُگم، اشو هذا الشاب نظراته مو راحه نظرلي من فوگ لتحت.
خلاني اعدل وگفتي شنو شبيّه بس لا فاضحه كُلش.
إيمار: هذا،؟
بتراء: شنو؟ شبيّه؟ ليش هيج تباوع نزل عينك!
وَتان: لا تفهمين غلط ما يقصد شي.
إيمار: لا يروح بالچ بعيد لاحظت الفستان
مال أختي هلال.
نزلت انضاري للفستان فخم وناحت خصري ومن جوا كلوش، فعلا چآنت من عند هلال.
بتراء: اي احم شكو بيها هي انطتني.
لا ما بيها شي ما بيها شي، امشي وتن اريدك بشغله.
لزم ذراعه واخذه وياه.
بتراء: بعد شنو اشوف من عجائب وغرائب.
طلعت من المطبخ تذكرت البارحه اشتر شرحلي مكان شي مربيه بالقصر بس ناسيه اغلب الكلام.
مشيت مسافه جيده ورحت على الجهه اللي گال عليها اشتر، بعدها بكم خطوه وگفت بمكاني.
امامي مباشرة مجسم چبير او قصرين بينهم حايط رفيع. وكله من الزجاج، البيت مثل البيوت الحقيقيه مأثثه ولاحظت شبه كبير بينهم وبين
قصر جسار اللي بروسيا
البيت الأول بيها مجموعة سلاحف والبيت
الثاني فارغ تماما، .
هلا خالي تريدين تتعرفين على أفراد عائلة.
جيسو؟
نزل طرف الفستان من إيدي لسه كلما اخطي خطوه يطلعلي واحد منهم، بيت رُعب مو ناس طبيعيه.
لا والمشكله أصواتهم متشابهه هذا يشبه صوت وتان وأخوه الأكبر، درت وجهي شفته الوتد الثالث الأشتر
طلع إيده من جيب البنطلون نظر للساعه.
الأشتر: الساعه 06: 6 والتاريخ أيضا 6 / 10 واليوم هو اليوم السادس بالأسبوع، شهل صُدف
ال ال لوسيفريه...
نظراته وعيونه الحاده يختلفن عن ذاك الشخص اللي دمه خفيف ويتشاقه ويا أبناء اخوانه.
بتراء: م ما فهمت عليك منو وشنو لوسيفر؟
خطى خطوه وحده بإتجاهي وقبل لا يُعبر من يمي بإتجاه المجسم البيهن ذني السلاحف، وگف بصف كتفي راسه قريب مني اردف.
أبناء آل جابر المياحي، .
بتراء: م ما اعرفهم، عمو
اوخ صرت عمو؟
عبرني و هو يقهقه بهدوء، وگف امام القصور اللي مخلي بيهن السلاحف، ناداني اجي بصفه.
تعاي عمو خل اعرفچ على حيواناتي الأليفة.
سويت روحي غشيمه ورحت بصفه نظرلي مع ابتسامه مُطمئنه، و حوّل انظاره أشر على سُلحفاة
جيسو الكل عباله كبير آل مياحي.
وهو بالواقع مجرد عبد مأمور من الأساس.
كنبص يم ميزه بجانب مكان السلاحف، طلّع الحوض زُجاجي كبير لا بأس به مُقسمه لجُزئين
اليابسه والماء. وبالنُص حيوان شكله غريب
طوله شبر
شاله بإيد وحده وبهدوء من الحوض والحيوان سنونه هوايا وحلگه چبير رغم طوله شبر.
اقدملچ تماسيحو الأساس
ما فهمت عليك تماسيحو شنو؟
بعيداً عن الاستهزاء أسمه، صغير التمساح.
بتراء: صغير التمساح وهذوله سلاحف هذا شلون يعيش مع هذوله؟ مو نفس الصنف.
ما جاوب طلع السلحفاة اللي مسميها، جيسو
وخلاه بقصر زجاجي لوحده گدام البرنده.
عدد البقيه. حسب اسمائهم اللي على شكل أحرف، ثلاث منهم چانو بنفس الحجم. اردف بطريقه تسبب الإرباك
إحتمال مُرعب ماذا لو، لوسيفر & AXR &...
بتراء: &.؟
& اخويا انت وشيباتك خزيتنا يم الضيوف
ساعه ادور عليك وتالي ألگاك ويا براء؟
خلى التمساح بالقصر الكبير اللي بيها باقي السلاحف، تمساح بنفسه صعد الدرج المصمم داخل المُجسم وراح بغرفه وطلع عالبرنده وضل يباوع ل جيسو.
شايف دهيم شايف اخوك داهي الذكاء.
جامع أعداء واصدقاء بيت الباشا بحوض واحد.
شايف جيسو وهذا منو شلون تجيب تمساح بنُصهم ما تخاف ياكل البقيه؟
خويا نارهم تاكل حطبهم البقاء للأقوى.
أدهم ضل متوتر ونظراته متشتته بيني وبين اشتر. اردف وهو مبين يريد ينهي الموضوع.
حفلة الخطوبه راح تبلش لازم الكل يطلع للحديقه.
بتراء: آني رايحه يم البنات
شلت فستاني وخطيت خطوات سريعه بس خل ابتعد عنهم واحد اسوء من الثاني وحچيهم كُله
ألغاز، .
دخلت للصاله محد ماكو غير ام عزام.
اجيت اطلع نادتني.
سجى: تعاي وين رايحه.
بتراء: للحديقه هناك مسوين ترتيبات الخطوبه، ما تجين؟
گامت وهي من راسها لرجليها كله ذهب
اجت گدامي ضلت تتمعن بالنظر
بتراء: أكو شي خاله؟
سجى: وين شايفتچ؟
نعم؟
وين شايفتچ!
خاله متوهمه اصلا ما شايفه بشر بحياتي.
شجاي تمسلتين چا شني تشوفين؟
ههههع تشوف حيوانات، قبل شويه شافت عائلة سلاحف النينجا.
انتي انلصمي.
لزمت ذراعي وتريد تتأكد
متأكده شايفتچ مره، بس وين. وين.
سحبتني سيرا من ايد سجى وطلعت وراها وهي تحچي وسجى هم تحجي
ختيارة الجن عوفچ منها جاي تهلوس.
فدد اادب سززز إلا اخلييهم يگصوون لسااانچ.
گدامچ آنه، اخو خيته اليطخني. اشگهه ستين شگه.
ما فهمت الخلاف اللي بينهم على شنو بس يبدو علگت بينهم، طلعت وياها وگفنا بالحديقة اللي مزينة بطريقه تجنن وفخامة، الألوان چانت ذهبي وأسود. المعازيم كلهم لابسين أسود شباب شُيّاب
بنات نسوان، شلع قلع.
سيرا: بعدنا بسم الله، السُبرايز بالطريق.
بتراء: هه ما فهمت.
سيرا: امشي نروح يمهم صار وگت لبس الخواتم.
ال عَزه
نظرات حقيره حاقده ينظر بها إليّ
وفي جهة المقابلة نظرات تتحدث عن حُب الطفولة والهفة، تضحيه، إسناد، تفاني، و الثقه.
عُبر بصف مُعاذ ويبتسم اول مره هيجي اشوفه
وهذا من ورا يغلي غلي بحيث الگلاص وگع من إيده والگراسين ركضو ينظفون المكان.
مُعاذ: اعتذر ما چنت منتبه.
عبرت بصفه واشرت بإيديها تگول
سيرا: كالما كالما أستاذ مُعاذ.
وگف أمامي طلع إيده من جيبه وشبك أصابع إيده بين اصابيعي. واردف يم اذني ومعاذ يشاهد
عزام: بعدما حچيتي وياي البارحه بموضوع مُعاذ وازعاجه ألچ بالفتره الماضيه، كبرتي بعيني وكُل ذرة بيّه يحبچ لحد الموت.
تذكرت اخر الليل لمن طلبته ينزل للحديقه وحچيت وياه وهو شاف كُل الطلبات بحسابات مُختلفه، ولا چنت راده على واحد منهم.
اول مره اخلي راسي على كتفه والناس حوالينا صوت الاغاني عاليه، مُعاذ من شافني هيچي.
عاف الحفله وطلع. اردفت وثنينا عيونا على المعازيم واحبابنا اللي مجتمعين.
عزّهَ: أدري بيك تحبني مَا داعي الكلام.
صوته هادئ وراخي، انرسمت ابتسامه هادئه وبصدري فراشات على كلماته معقوله عزام الأعرفه هيچي يحچي.
و إِني اُحبكِ حُبًا، أَقلّ قَليله كَجمِيعِ حُب العَالمين.
الكلمات ما تسعفني ولا گادره اكتم الإبتسامة
انتبهنا على صوت هدآم وهو بصفنا يگح.
احم احم ااحم.
يا نعم؟
منا العالم خويا.
وزع نظراته بيني وبين المعازيم مسح على لحيته الخفيفه واردف.
عاقد على اختك وحلالي.
بلشنا بسوالف اختك هيچي واختك هيچي.
جيد تقبل الوضع ابن حماي.
وتغيرت المُسميات من ابن عمي إلى ابن حماي
شو احس هذا الزواج يغربنا.
يغربنا لو ينورسنا؟ هههه
طبت بيناتنا وطلعت فرقت ايدينا عن بعض
سيرا: اوختيي و صهريي صار وقت تلبيس الخواتم
كُمااان لتس گووو.
هَدآم: قبلها وين هلال؟
عزام نظرله وهدام يجاوبه بالحواجب بمعنى شكو شكو. راح هدآم يدور على هلال واحنه رحنا ويا سيرا يم الطاوله اللي مجهزه بكلشي.
شويه واجت هلال من الجهة الثانية من الحديقه
وصلت يمنا وتحچي بحماس.
هِلال: ها نبلش؟
هدآم: وين چنتي.
شعليك وليش؟
ويامن چنتي!
تجاهلت ترد واردف وهي تشيل صينية الخواتم
هِلال: سمعونااا هلاهلل.
الشباب والشابات اجتمعوا.
الأغاني صوتها عالي والنسوان تهلهل.
هدآم اجا عالخط اخذ خاتمي من إيدها وما خلته تنطيه لعزام. هو انطاه
هِلال: شهل تصرف منا العالم.
عزام: تمام ما صار شي. نصي صوتچ.
خلت خاتم عزام بإيدي وگالت لبسو بعض
لبسنا الخواتم وثنينهم لزمو المقص.
هدآم: آنه اگص الشريط.
هِلال: ما حزرت آنه اگص الشريط.
هدآم: لا تعاندين ما اسمحلچ.
هِلال: Coook güzeeeel
الخطوبه خطوبة اخويه وآنه اگص الشريط.
هَدآم: العروسه اختي وآنه اگص الشريط.
ألتمو الكل علينا شباب وبنات والكبار گاعدين على الطاولات الموجودة.
وَتان: مليش دعوه بس حابب اجرب هذا الشعور گص الشريط.
إيمار: خرا بهذا الشعور.
أنس: وهكذا تبين لنا العرق العراقي.
أريم: عندي اقتراح. مُحايد
أبيل: مطلقه الكترونيه منينلج اقتراحات.
الكل حول انظاره ل أبيل.
أبيل: خليكم ريلاكس هاي نُكتة أكتوبر.
سيرا: شگد تحچوون لا هذا ولا هذاك تعااي براء تعاي انتي گصي الشريط.
جابتها گدامنا وهي متوتره عيونها تنظر ل عزام
بتراء: لا ما اريد هايه مناسبة عائليه تخصكُم.
اخذ المگص من هدآم و مد إيده.
عزام: انتي گصي الشريط.
عين على إيد عزام وعين علينا مبين متردده، تقربت هلال وهي فد انسانه روحها حلوه حظنت اكتاف براء و تحچي بإبتسامه
هِلال: طالما براء موجوده ماكو فرق
استغربت من نظرات براء اللي تلمع بالدموع
حظنت هلال بدون تردُد والمصورين يصورنهم.
سيرا كذالك صورت چم سناب وگالت ترسلهن للصديقات المقربات.
ابتعدت وهي تمسح طرف عيونها.
بتراء: اء ما اعرف شدخل بعيني هسا يخربلي الكُحله.
اعرف تحسست من الموقف بس ليش؟
وشني قُصتها؟ حاولت اغير المود، اردفت بحماس اول مره هيجي اتصرف.
عزّهَ: يلا يلا براء منتظرينچ.
مُعاذ: انيرجي كاذب
درنا وجهنا چآن ورانه من ملامح وجه مبين مو بوعيه، عزام أشر بعيونه ل وگاع إلى ابد ما اختلط ويانه بس يشاهد من بعيد، وگاع هز راسه اي.
وراحله شويه حچو وبعدها حاوطه ومشى برا البيت.
براء إيد لزمت الشريط وإيد بيها المقص.
نظرتلنا وعلى وجهها ابتسامه صادقه. حسيتها
فرغت هوايا حچي بگلبها.
بتراء: مرن 24 ساعه من عرفتكم، بس حسيت روحي بنُص عائلتي بين خواتي واخواني، .
نظرت ل عزام لثواني بعدها دنگت وعيونها على إيدها تحچي كأنها خايفه نشوف عيونها التلمع بالدموع.
بتراء: ما عندي اخوان بس كلما اشوفك احس واگفه گدام واحد من اخواني.
بعض الروابط ما تحتاج صِلة الدم، يكفي الطرفين يحترمون بعض وتكون مشاعر الاخوه صادقه بينهم. يلا خيتي منتظرينچ ترا
هزت راسها بقبول والإبتسامة ما تفارگ ثغرتها
بتراء: اتمنالكم كُل الخير وان شاء الله زواج الدهر
گصت الشريط والمعازيم تصفگ احنه كملنا باقي المراسم وهي ابتعدت تمشي بإتجاه العُزلة.
أريم
اسعد ايام حياة اختي هذا اليوم وبعد ايام أهم يوم هو يوم عُرسها، كلشي مُقرر يكون بسرعه وبدون تأخير. وهذا بطلب من عمو أيهم وبابا مستحيل يعترض، .
وحالياً كملو مراسم الخطوبه من تقطيع الگاتو إلى لبس الساعات وكلشي، چنت طالبه ماي من الگارسون و جابه مديت ايدي أريد اخذ بطل الماي وبنفس الوقت هذا مد إيده.
أريم: آنه طلبته.
أبيل: آنه اشربه.
أريم: بكيفك خوما بكيفك.
أبيل: خليچ ريلاكس گوزالم.
صفنت على كلمة گوزالم نسيت شني معناها خل اتذكر بهل اثناء، أخذ البُطل وفتحها
أريم: جييبه آنه طلبته و آنه اشرب منه.
فوراً شربت منه وهو صافن خلصت نُصه وانطيته.
البُطل.
أريم: تگدر تشرب و تروي عطشك من بعدي عبن السيدات أولا يا ما عندك رُقيّ
نظرلي فوگ وتحت اخذ النظره الكامله عني
ونظر حوالينا احنه بعيدين عن المعازيم خلى وجه بوجهي اردف.
أبيل: أنهَجم گلبي على هيچي لييدي.
شرب من البُطل وعيونه عليّه اجت سيرا وگفت بينا وصافنه.
سيرا: احم گايز.
أريم: ماكو شي ها شكو.
سيرا: ماكو شي شبييچ أوختي شبييچ أبيل تفضل.
انطاها قناع وانطتني واحد هم
أريم: لا تگولين حفلة اقنعه؟ هاي منو مخطط هيجي؟
أبيل: ما البسه ولا أشارك.
أريم: مستحيل اتقنّع.
أبيل: شوضع الميك اب.
أريم: شاااايفني بدون ميك اب اااسووودن فلييش هييچي تحچيييي.
أبيل: خليچ ريلاكس گوزالم.
أريم: هاااي شني معناهاااا.
سيرا: ول هييييو ترااا محد اخذ رااأيكم هذا تعليمات عمو اشتور غصباً ما على الكل يشاركون.
أبيل: هاك استلم رجله بالگبر ويسويلي حفلات
مال اقنعه ومدري ايش.
منو رجله بالگبر؟
گلب عيونه وشد القناع حتى قبل لا يلتفت.
كمل واندارله.
أبيل: يلا بينا خل نشوف تاليها.
عمو اشتر ما چآن شاد القناع عبن ما يشارك الحفله بس للشباب والشابات.
أبيل: ناصب علينا وما شاد القناع.
الأشتر: رجلي بالگبر ما بيّه.
عافه بصدمته وراح للديوان الزلم كلهم گاعدين هناك. سيرا شدت قناعها وگالت ألحگوني
وهذا صافن بالوضع. والله رحت بصفه نظرتله
أريم: هذا شلون ينشد؟
قناع ما تعرفين تشدين.
ساعدني بدون مذله.
انداري
انداريت وهو وگف ورايه طلب القناع انطيته، تلامس خصلات شعري لثواني بعدها سمعته يهمس استغفرالله.
وخر جُزء من شعري وشد القناع بعدها رجع شعري ل ورا ابتعدت عنه من حسيت ديقرب راسه.
احم اعتذر امشي وراي.
ما امشي وراك.
چا امشي گدامي.
تتأمر عليّه؟
امشي بصفي لو سمحتي.
اعرف امشي لوحدي.
عفته ومشيت بدونه سمعته يجي وراي
صار يمشي بصفي ويعدل الجاكيت
أنهَجم گلبي وَ عساها ابَيتكُم، شهل شخصيه الشايلته.
مُختل وحق الزهراء.
وصلنا بين المعازيم والحفله مبلشه وكُل ثُنائي
يرقصون مع بعض. مد إيده اردف.
اسمحيلي آنستي الجميله.
ذكرني بأول لقاء النا، شخص غريب الأطوار قبل دقايق يتعارك وياي رافض يشارك بالحفله المقنعه.
تمام مسيو مُختل.
ابتسم بهدوء وجرني ارتطمت بحظنه الكل مُقنع محد يعرف الثاني. بلشنا نرقص على أنغام أغاني
اجنبيه وبهل اثناء شفت شخص من برا دخل بين المعازيم جان مقنع مثلنا.
ما لحگت احچي بدلني ويا الثُنائي اللي بصفنا
شگد ضجت منه وثنينا عيونا على بعض
مر دقايق الرقص مستمره وكل شويه الثُنائيات يبدلون، أبيل رجعني وقرب وجهه.
ما تقصدت تروحين مني
تلاشت الكلمات من بالي شجاااوب يا الله.
ال بتراء
سيرا وزعت اقنعه على الكل وآني ضليت واگفه
متردده اتقنع بسبب اخر مره، بعدها حسمت القرار شديت القناع ودخلت بين الثُنائيات حبيت أشارك بالرگص
ضليت ادور بالوجوه عن على سَند ذاك المُقنع الوَقار. ، ما ممكن يرجع بهل سُرعه
فقدت الأمل ألگى نصفي الثاني من بينهم واشارك بالرگص، اجا شاب طلب نرگص بس رفضت والثاني والثالث رفضتهم ومستحيل ارگص ويا شخص غيره.
مليت من الوقوف بنُص الثُنائيات اللي جاي ترگص قررت اروح اوگف بجهة خطيت خطوتين
وشخص لزم إيدي جرني عليه ضربت صدره
بتراء: يااا نذذل شلووون هييج تتمادى ماا اسمحلك.
رفع القناع وابتسم بعدها غمزلي.
علي سَندچ.
ش شلون اجيت شلون رجعت
مو مهم براء. المهم هايه اللحظه.
دارني عليه، واشتغلت نفس الأغنيه اللي رگصنا عليها، بحفلة روسيا، بلشنا نرگص والكل حوالينا
وگفو بجهة يشاهدونا.
علي سَند كُلها تباوعلنا ليش؟
عبن لايگين لبعض.
خاب ولي گمت تمسلت.
دارني حواليه ورجعني لحظنه اردف.
تشوفين الصراحه تمسلت؟
العِشَره الطَويله ترِيد رِجّال
مو واحد رِجَف لو شَاف خُصر مَيّال.
مستمرين نرگص ونحچي قربني منه بحيث وگفت
علي حذائه.
نخاف الله لا تغرينا خُصر مَيّال ولا عيون الغزال.
احنه اذا نريد ناخذ بالحلال.
ما افهم عليك، تشتريد من الآخر!
بعدني عنه وضليت اكمل الرگصه، و افتر حواليه
إلى أن لزم إيدي جرني ورفعني من خصري عيونه بعيوني واردف.
رايدچ بأسمي وعلى ذمتي.
اختل توازني بس شد إيده ولزمني بثبات
منتظر جوابي.