رواية ولد الباشا للكاتبة فاطمة الأحمد الفصل الثاني والخمسون
أريم
رحت بإتجاه غرفة خاله آيدا استغربت من الباب الچان مفتوح. تقدمت بخطوات سريعه اتبسمرت بمكاني
گدام الباب لمن شفت الغرفه ما بيها احد غير وحده لابسه عبايه نجفية على راسها منطيّه ظهرها للباب والمخده بإيدها. وخالة آيدا نايمه!
أريم: هاي شتسويييييين.
ركضت بسرعه لزمت إيدها لويتها ليورا ظهرها وعاطت
بنننننت الچلب ايييدي
وسعت عيوني من حچت، عرفتها من صوتها جريتها بعيد.
وگع المخده من إيدها ورجعت هديت عليها لزگتها بالحايط لازمتها من رقبتها
أريم: الحية سجى الجسار مرت جيسوا. لچ لچ تربية نَدى واگفة بعيني. او اغسلچ غسلة تليق بيچ. ناااوية تقتليييين الخالة!
سجى: ااالله ياااخذذذچ ااايدچ ولچ حيواااانه احترمي عمري ولچ امووت ايدچ. خل احچييي
أريم: شحترررم منچ. حرامات عزام من هل بطن الجايف يل. استغفرالله بسس وخري.
دفعتها للباب ودخل عمو أيهم لزمها بإيد وحده ما خلاها توگع. نظرلي بخزره وآني تقدمت احچي بسرعه
أريم: عموو شفتها رادت تقتل الخاله چانت بإيدها المخده.
سجى: چذااابه والله ما ردت اقتلها ردت اخلي المخده ورا راسها. ااايهم!
الباشا: أكسر ايدچ سجى اكسر ايدچ لو رايده تطخيها.
أريم: اااريد افهم هاي شتسوي هناا؟
الباشا: أريم نصي صوتچ واطلعي.
أريم: بس فهمني هاي ليش هناا. عموو!
عافها واجا لزمني من زندي بهدوء بدون لا يأذيني مشاني للباب طلعني بره وسدها بوجهي.
أريم: هااي شتسوووي.
سمعتها تتحلف ما استغلت نومة الخاله بسبب الأدوية وانه هي ما رادت تقتله. عمي ضل ساكت إلى أن فزيت من ضرف على الباب وگال بصوت اربكني.
امشي للطابق الثاني يم هلال. لا اكفر بأبوچ.
مو بس مشيت. خطواتي اشبه بالركض عمو أيهم مو مال نعاند وياه. دخلت للمصعد على الطابق الثاني ومن فتح رحت يم غرفة إيمار شفت عمو اشتر گاعد على الكراسي المحطوطة برا مشغول يراسل. كنبصت گدامه اتنفس سريع واحچي
أريم: تلاحگ اشتور. شفتها داخله لغرفه خالة آيدا وتريد تخنگهاااا. انوب عمو أيهم شمرني برا وگال اصعدي يم هلال.
قفل موباليه نظرلي وحچا
الأشتر: اي. وشجابچ گدامي؟
أريم: غير فزعت بيك. عمو ايهم صدگهاا وهسه وياها بالغرفه. لحظة هاي شلون الها عين تجي للمستشفى وتگابل عمو؟ اشتووور الحگ الوضع مو مال برودك
الأشتر: سجى جايه تتعاون ويانه.
أريم: على گولة هذاك. نكتة ما تضحك.
الأشتر: گومي من وجهي لا اطگچ براشدي بنت الدرهم.
أريم: اشتور طگني براشدي خل اگعد يمكن بعدني بغرفتي واكوبس.
اجاه اتصال راح وگف بعيد يجاوب واني عيوني عليه اريد استوعب الكلام. سجى ليش تتعاون ويانا لا ما اصدگ
رحت يم عمو اشتر وچان بعده يحچي اتصال ما انتظرت فورا گلت
أريم: اشتور الحيه ما تصير خيه ان شاء الله ما صدگت بيها؟
الأشتر: ابقى بالمركز شعندك جاي، أريم!
أريم: ما تصير خيه وعلى الضرغام!
الأشتر: وگاع غيرت رأيي تعال رجع أريم النجف يم ابوها الدرهم.
أريم: تمااام رايحه يم هلال ماكو داعي يجي.
عفته ورحت على غرفة هلال ما لگيتها طلعت اشترتله وينها؟ اشرلي على غرفة إيمار. وهو دخل للمصعد
بقيت اعاين بي، من انسد الباب ركضت للدرج انزل ركض. ركض انقطع نفَسي بدون لا اخذ استراحه
وصلت لآخر پايا ما لحگت انزل رجلي خطوة ثانيه
عمو اشتر وگف گدامي
الأشتر: شگلنالچ؟
أريم: گلتو اصعدي يم هلال.
الأشتر: چا شعندچ لاحگتني؟
أريم: تمام ما يتكرر.
ردت ارجع اصعد بالدرج لزم إيدي وگال دِمشي شلون فضول شايلة. اخذني للمصعد اختار الطابق الثاني وانتظر لحدما انقفل المصعد. انجبرت اصعد مره ثانيه هل مره رحت على غرفة إيمار. دخلت وسلمت عليهم چانت هلال
توكله العشا بالإجبار
أريم: شلون صار إيمارو؟
إيمار: عايش، لا تخربين اسمي
أريم: بويه تدلل.
حاولت اكون نورمال من رده ما يحب احد يخرب اسمه. الإ الخاله آيدا چانت تنادي بياء التَملُك، عاينت بي من تنفسه رجع طبيعي وگدر يحچي سأل عن امه گلناله تتلقى العلاج. ما بعد الإدمان على ذيچ الإبر.
هِلال: يلا إيماري بس هاي الخاشوگه...
إيمار: ما اريد كافي. أريم اذا وَتن برا خل يجي.
أريم: لا مو برا. تريد شي آني موجوده انزل اجيبلك؟
عاين بالسقف وبقى ساكت
هِلال: إيمار لا تبقى ساكت و تقهر روحك.
بقى يناظر للسقف. اردف.
إيمار: هلال آنا أمي ما عرفتني!
عاينت بهلال اللي عيونها مورمه وتدمع تقربت خلت راسهه بصف راسه حاوطته
هِلال: مو بس انت حتى ما عرفتني ولا عرفت أبيل. وما گالتلنا ياهو الأكبر من الثاني!
أريم: هاي شبيكم! خالة آيدا بدت تستجيب للعلاج صار ثلاث ايام شويه تفائلو. كافي بچي وقهر
دخل اخويه هدآم شافهم وحك طرف حاجبه
شافني اعاين بي. گال شكو؟
أريم: إيمار مقهور عبن الخاله ما عرفته. خطيه غير مرضوها.
راح للجهه الثانيه وگف يم راسهم يعني الدنيا بصوب وغيرة اخويا بوصب وگتك هسه. مسد على شعر هلال واشرلي بعيونه. تعاي رحت يمهم
أريم: حبيبتي هلالة هيچي يتعب أكثر خليه يرتاح.
سحبتها وهدام تدخل خلى إيده على إيد إيمار المشكل بيها
الدم.
هَدآم: تريد تشوفها؟
واحد عاين بالثاني ما تردد گال فورا.
هَدآم: چا شد حيلك گوم خل اخذك يمها.
هِلال: هدآم وين تاخذه ما تشوف أجهزة القلب على صدره اگعد ناوي تروّحه!
هَدآم: اي غاثني فد غثييث رايد اطيح حظه. امشي لك لا تتدلع
إيمار: يا دلع گلبي ديموت وهذا يگول تتدلع ساعدني.
رفع إيده حتى هدآم يلزمها هلال لزمته
هِلال: ما اسمحلك تطلع. إيمار وضعك بعده خطر هاي ذبحة مو إغماء مثل كل مره!
إيمار: الذبحة لو چانت ذبحة چآن متت وارتاحيت. هدآم ساعدني وشيل هذني اللزگ شيلهن
هِلال: إيمااار وگلبك؟
إيمار: يم أمي.
أريم: فدوى ربي يحفظكم لبعض عوفيه هلال عوفيه يروحلها احس راح يتحسن أكثر اذا شافها. اصلا هي نايمه
إيمار: چآ اروحلها هيچي ما تردني.
بألف يا على گعد وهدام يشيل الاجهزه من صدره.
وهلال تگلي. شوفي شوفي شيسوي. بقا بس بُطل الدم
بمكانه ومشكل بالكانيولا. لبسه التيشيرت واني جبت الكرسي المتحرك. يم السدية
أريم: تگدر تنزل على رجليك؟
إيمار: اي اگدر هدآم ايدك.
هدآم ما لزم إيده تقرب شاله وگعده عالكرسي. هلال مخليه إيدها على حلگها مصدومه مثلي.
أريم: واذا گلت اخويه آيرون مان يگولون ابالغ!
إيمار: 70 كيلو مو طُن لا تبالغين!
كلش حبيت تصرف هدآم من باس راس إيمار وگال
هَدآم: چآ غير اخويه.
إيمار: تمام.
هَدآم: مو مال عيني وأغاتي. أريم جيبي الچرچف
انطيته الچرچف وابتسم عليهم. إيمار ما يعرف يجامل.
حچيه طگ بطگ. وهذا يتنرفز من اسلوبه خلينا الچرچف على رجليه. وهدام بإيد يدفع الكرسي وإيد شايل بُطل الدم
طلع من الغرفة ولزمت إيد هلال ما خليتها تطلع
هِلال: خل اروح وياهم. شكو؟
أريم: قبل شويه شفت سجى تحت بغرفة امچ.
هِلال: بغرفة امي! أريم هسه تحچين هسسه!
أريم: ويين وين ارجعي خل اكمل. عمو اشتر گال سجى تتعاون ويانه!
هِلال: شلون صدگهاا اكيد جسار دزها وكلشي خطة
طلعت من الغرفه. هدام وإيمار چانو نازلين قبلنا.
دخلنا للمصعد وننتظر ينزل. أول ما فتح هلال ركضت بإتجاه غرفة امها. من وصلنا للممر چانت سجى گاعده ومالهه خلگ!
هِلال: خراااابة بيوت شجاااابچ.
عمو اشتر تلگاها ما خلاها تهد عليها وسجى گامت حچت مثل كل مره!
سجى: ألزمي لسااانچ بنت التُركييية
صوتها چآن عالي و عمو ايهم طلع من الغرفه
هد عليها لزمها من رقبتها فوگ العبايه لزگها بالحايط وعمو اشتر يتوسل يعوفها.
الباشا: خلص صبري منچ 19 سنةةة وانتي تاااكليين نفس تراب رجليها يسواچ. دِخل اسمعچ مره ثانيه تحچين وتجيبين طاريها على لسانچ
هِلال: وحگ العباس ابو فااضل لوما غلاة عزااام چآن
عرفت شحچي وياچ!
أريم: عمو مو گلتلك الحيية ما تصير خية.
الأشتر: أريم وگت ترشين بانزين؟، خويا هد المريّه عيب ما يصير.
عافها وطلع منديل من جيبه مسح إيده بطريقه يگللها مشمئز منچ المشكله عين صلفة هل سجى ما تتأثر
رحت حچيت بوجها.
أريم: ذاك اليوم صليت ركعتين شُكر لله عبن ما طلعتي مرته. چآن ساتر عليچ تحت مُسمى الزوجة! وهذا هم ما تستحقيه!
سمعت صوت خطوات جاي بإتجاهنا عمو اشتر نظرله ورجع خوزر بيّه نزلت ايدي الچنت رافعتها بوجه سجى
التفتت ل عزام اللي وگف بصف عمو اشتر.
مَچان لازم يسمع الكلام مني بس صار الصار حسيته انقهر بس ابد ما حچآ وياي حتى من ناديته. اخويا عزام ما جاوبني.
الباشا: أريم. هلال. طبن للغرفه.
عفناهم ودخلنا للغرفة شفت هدآم مقرب الكرسي من السرير. ومعلگ بُطل الدم ويا بُطل المغذي مال خالة آيدا
أما إيمار فساكت ويتأمل وجهها حس على وجود هلال همس وگال. تعاي شوفي أمي نايمه. لاحظت إيمار من يسولف عن امه يتغير نبرته للبراءة 180 درجه چنه بعده بعمر 4 السنوات.
هَدآم: نايمه بسبب الأدوية ما تگعد بسهوله.
إيمار: يعني اطخ إيدها ما تفز؟
هَدآم: لا ما تفز
قرب ايده البيها كانيولاة الدم حسيته يرجف لأول مرة.
تلامس اصابعها بهدوء. من اطمئن لزم إيدها الدينا ما سايعته من الفرحه يبوس بطن وظهر إيدها ويگول. كلمة أمي بالتركية.
هِلال گعدت مقابيله وهي هم تبوس إيد امها. إيمار رفع راسه. عاين بيها. سألها.
إيمار: وين الخيط الچان بإيدي!
أريم: البيها خرزة؟، يم عمو اشتور گال من يسأل انطيه.
إيمار: حبابه روحي جيبي.
گتله تمام رايحه. عفتهم وطلعت چانو يحچون وسجى ام الصوت العالي تگول برفض!
سجى: ما احلف على القرآن ولا أحلف براسك شني احلف دا أگول اساعدكم عبن عرفت حقيقة جسار عرفته شمسوي ويا مرت اخوه.
عزام: چآ ما اصدگ لو آية تنزل بيچ. اذا ما حلفتي عالقُرآن
سجى: هذا أنت ابني وهيچي تحچيي! انت احچي وياه مو يگول تربات الباشا دِخل يسمعني ويصدگني!
الباشا: عزام حچيه صحيح ما نصدگ لو آية تنزل بيچ. واذا حلفتي على القرآن هذا بحث آخر.
سجى: أيهم!
تقدم يحچي بنتر.
الباشا: خلصنا 30 سنه زواج مُزيف واحنه مثل الأخوة وكلمة اخويه تسبق اسمي! لا تنسين كلمة اخويه تسبق اسمي!
عزام شافني وما بين اي اهتمام اذا سمعت لو ما سمعت
عمو اشتر نظرلي وحچا
الأشتر: أريم، تعاي.
الباشا: صار شي؟
أريم: لا، عمو اشتور اريد الخيط الچان بإيد إيمار و بيها خرزة.
الأشتر: خرز بحري ول خااالي.
غمز لعمو ايهم وسجى تدخن من العصبيه والمغثه. طلع الخيط والخرزة بيها ويا ساعة إيمار انطاني ياهن ورجعت للغرفه خليته بإيد إيمار والساعه انطيتها ل هلال تشيله. حاول يشد الخيط بدون طلب مساعده. وما فاد ما گدر يشده.
هدآم كنبص گدامه وگال جيبها. شدله الخيط وگام.
اعاين بإيمار خلى راسه تحت إيد أمه، يحچي وياها يسولف
بأول يوم مدرسه ولد سألني عليچ. گال وينها أمك؟
وما نحس إلا الباب انفتح ودخل عمو أشتر مبتسم ويحچي.
بروحه الحلوة مثل العادة غير المود 180 درجه
الأشتر: ول خااالي ناسيني وما تگول عمي چآن وياي؟
طبعآ أول يوم مدرسه اخذتك آنا ومن الولد سألك آنا جاوبته چآ شلون. ابد لا تخلي الناس تحتار بيك جاوبهم وخليهم يحتارون بالجواب.
أريم: ههه هاي حلوة. اي كمل شجاوبت الولد.
إيمار رفع راسه لمن عمو حاوطه وكنبص بصف الكرسي
الأشتر: گلتله ابن اخويه. امه بدر التِم. انت امك شني؟
هِلال: Cok güzel افتح أكاديمية فنون الرد.
هَدآم: هذا لو چآن عرجه عراقي چانت صارت دگة عشائرية على هل حچايه.
إيمار: الولد بقى صافن ما عرف شيجاوب.
أريم: آني بزات نفسي صافنه افكر بيها. الله يعيين اليبتلي ويا اشتور.
دخل عمو ايهم مبتسم ويحچي ويا عمو اشتر
الباشا: أمل مبتلية بي.
الأشتر: آمالي ام جهالي.
هَدآم: وين ابو وگعه خل يسمع.
وأخيرا وجه صارت مُبتسم وگال.
إيمار: من تگول ام جهالي وَتن يريد الگاع تنشگ وتبلعه.
الأشتر: چا غيرر جهالي. اخ لو الله رازقني بخمسه بنات
الباشا: بس خمسه!
الأشتر: منافسة مع الأدهم مراح تفهم هاي بيني وبينه.
أريم: الله تلطف بينا لو عندك خمسه بنات مَچان تحبنا.
عم الصمت بينا حتى عمو اشتر اختفت ابتسامته أدركت هاي ثاني جفصه بضرف نص ساعة. دخل عزام اجا بصفي وشال الكبوس من شعري شگد انغث. انوب كفخني وگال.
عزام: چنچ بتراء من تجفص. على الأقل هي تنطي تبرير وتگول خانني التعبير. أنتي تشمرين الحچايه وتنچبين.
الأشتر: دِرجع الكبوس شلون ما چآن حچيها لا تغثها
عزام: أنوب يدافعلها. گومي اعتذري منه!
من صدگ انقهرت على قهره رحتله وعيوني مدمعه گام هوَ وحظني
أريم: ما اقصد تنقهر. انت كُلش زين تعرفني شگد احبك
وحتى اغار عليك اذا حسيت تحب سيرا أكثر مني. يعني لو اخليك بصف ابويا بعلي الضرغام احبك اكثر منه.
عبن انت الحنون عليّه.
الأشتر: أريما الغالية شلون احب سيرا أكثر منچ احبچن بنفس القدر.
أريم: وانت تسندني لو تگوم الدنيا وتگعد ما تعوفني ولا ترضى احد يزعلني. أما ابويا ناسيه اخر مره حظني ومسح على راسي يمكن من ست أشهر؟
هَدآم: تأثرت بيها گايم أبچي بزاوية. مَكّارة!
الأشتر: انچب.
مسح على شعري وحچا
الأشتر: العوض بيچ. وبيها، تعاي هلال.
أنوب حظن هلال واخويا تعابيره تخربط. غمزتله ومجبور يسكت شحده يوگف بوجه عمو اشتر. حچيت
أريم: هدآمو موبايلي عالميز غادي. صورنا خل ندزها ستريك. خل سيرا تشووف وتغار
الأشتر: إااالا سيرا شيخلصني منها هسه ترد ترجع للبصره ما صدگت رجعتها للنجف.
حسيت إيمار مركز بكل كلمة اشتر حچاها عن سيرا
هَدآم: آنا لو ميت ما تبچيلي هلگد.
إيمار: عليمن بچت وين چنتو عنها؟
هَدآم: طالع عندي شغلة.
عزام: اي اطلع. مُر عالمركز مو تنسى.
اخذ قمصلته وطلع. اريد افهم على اخويا شلون طبع شايل يغار وينغث وبنفس الوقت يحب ولد عمه. عمو ايهم گعد بمكان هلال إيد هو وإيد إيمار ثنينهم قريبين منها
وعمو يسولف عن اسباب نسيانها. وإيمار بس يستمع
اخذت موبايلي دخلت السناب وعلى شات سيرا
شفتها مصوره ستريكات. صورة الحديقة مصورتها من شباك غرفتها وبالصورة ثلاث سيارات اخر موديل نازل منه زلم مبين عليهم رجال أعمال قريت المكتوب تحت الصوره.
سيرا: ضيوف ابونا. ديسوي شي. شوفي الصورة لعمو اشتور.
أريم: عمو تعال شوف هذا.
چآن يسولف ويا عزام وهلال عافهم واجا شوفته الصوره
أريم: منو هذوله؟
تمعن بالصوره وگال
الأشتر: أبو المخلوط هذا خل يولي. من اتفرغ اشتغل عليه.
أريم: أبو المخلوط؟ دقيقه منو هذا؟
رجع گعد يم عزام وهلال. ابو المخلوط منو!
ليش الكلمة مألوفة عليّه! فتحت باقي الستريكات كلهن لو مصورة المخده لو الحديقه من الشباك. هاي من تكون مكتئبة تصور عشوائي اهم شي الستريك ما يروح، دزت رساله وينچ؟
رحت يم عزام گتله شايل الAirPods وياك گال اي انطاني ورحت يم عمو أيهم. خليتهن بأذني اتصلت مكالمة فيديو بالگروب مالتنا احنه الثلاثي. سيرا انظمت وتگول عدلي الكاميرا خل اشوفچ ما حچيت درت على الكاميرا الاماميه صورت إيمار وعمو.
بقت ساكته ثواني وفزت من فراشها تربعت ترتب شكلها ثوله ادري منو شايفچ غيري. حچت
سيرا: ناديه خل يعاينلچ بس لا تخليه يعرف آني عالخط
أريم: إيمار، إيمار
عاينلي وصوت سيرا بأذني وصراخها بفرحه. تگمز وتگول متحسن متحسن...
إيمار: احچي
أريم: اههه راح من بالي السؤال.
سيرا: يمه ما اصدگ كون ينحرگ بتيزااب الراد يقتلك
ارجعي خليه يعاين بالكاميرا
أريم: اههه انچبي
إيمار:؟ شكو
نزلت إيدي وابتسمت.
أريم: بگاية يم بأذني تسوي ن ن گلتلها انچبي
سيرا: بگايه بعينچ رفعي ايديچ خل اشوفه.
إيمار: يابه ننقلها على غرفة ثانيه أريم تگول حست أكو بگ
سيرا: لچ ااااريم رفعي ااايدچ خل اشوفه گاعد يسولف
أبو گيتااار عمت عين جسار عليك
أريم: اههه اثگلي شويه.
إيمار نظرلي وآني ضربت اذني وحدة من AirPodsوگعت من الراشدي.
أريم: راحت. ام الن ن راحت بگايه وصلختها راشدي.
عزام شوكت گام شوكت شال الهيتفون من الگاع خلاهه بأذنه والثانيه يمي والثوووله تصرخ
سيرا: ارررريم انتفچ تنتف خل اشوفه. ابو گيتااار متحسسنن الحمدلله دموعي ما راحن عل خالي بلاش
عاينت بعزام اللي حمحم وخلى الهيتفون بإيدي حچآ همس
عزام: دموعها مُسكن ألم.
أريم: ءءحم ثوله هاي مَعليك بيها.
إيمار: عزام انت احچي ويا ابويا ما يقبل يگول ماكو بگ
عزام: اي كلامه صحيح هي بگايه وحده وأريم صلختها براشدي. صحيح؟
أريم: اييي حتى شفتها طالعه من الغرفة
عزام: ايدها على خدها وطالعه صحيح؟
أريم: وعلى الضرغام! ايء احم رايحه برا.
يمه شلون اتفشل بسببها. سديت الباب وراي ورفعت الموبايل بوجهي.
أريم: مو صوچچ صوچي فتحت كام.
سيرا: بگايه وصلختيها براشدي!
أريم: شويه اثكلي سيررو اثگلي مصدومه بيچ
سيرا: البتاوين شني وضعها.
أريم: سيراااا اموتچ. اصلا صوووچي اسوولفلچ وانوب بالدلائل ولييي.
سيرا: هم زين چنتوا شاردين او أبيل چآن عاش احداث رواية حي الشعب
أريم: هااي شبيييچ لا تحچيييين مثله!
سيرا: آني ثكيله وماكو بثگلي بس انتي تربعتي بنص الطريق وتگليله You and iءءءء؟
أريم: ماا چنت بوعييي
سيرا: ولا تستقر جمرة فرع البصرة.
انفتح باب غرفتها وسمعت صوت أبويا فورا الشاشة صارت سوده. بس اسمع أصواتهم.
سيرا: رايد شي؟
الأدهم: ليش ما نازله يم الخُطار؟
سيرا: شسوي يمهم؟
الأدهم: تسلمين عليهم مثلا؟
سيرا: اسلم على ناس ما اعرفهم؟
الأدهم: كُلش زين تعرفيهم بس ما بينا صلة الرحم. سابقا ما چآن بينا.
سيرا: ما انزل. شتسوووي
فورا طفيت المكالمة ما ردته يعرف آني احچي ويا سيرا
بس شني الصار سيرا ليش رفعت صوتها! او على كل حال ما ينخاف عليها تگدر على جبروته.
رجعت ال AirPods لمكانه ودخلت للغرفه عود ارجعه ل عزام. شلون اعاين بي بعدما سيرا خلتني بهل موقف.
سيرا
دخل الغرفة بدون سابق إنذار بسرعه خليت الموبايل تحت المخدة اللي بحظني وحچيت
سيرا: رايد شي؟
الأدهم: ليش ما نازله يم الخُطار؟
سيرا: شسوي يمهم؟
الأدهم: تسلمين عليهم مثلا؟
سيرا: اسلم على ناس ما اعرفهم؟
الأدهم: كُلش زين تعرفيهم بس ما بينا صلة الرحم سابقا ما چآن بينا.
سيرا: ما انزل. شتسوووي
شال المخده وگلب الموبايل ثنينا ما چنا متوقعين. عزّهَ عمت عين الشيطان ومنظمة للمكالمة. وأريم ماكو، طالعه.
عزّهَ: سيرا طلعي الموبايل ليش خايفه خل يشوفچ تحچين وياي قابل تخرب الدنيا بحچايته؟
رفع الموبايل بوجه ثنينهم ساكتين مَحد حچآ ويا الثاني
شمر الموبايل بحظني خله ايده بجيوبه، اردف
الأدهم: خمس دقايق. تبدلين وتنزلين.
ابتسم ابتسامة بارده عاين بحالة الغرفه المخاد عالأرض
طلع وهو يگول. فوضَويه. انتظرته يسد الباب بعدها عاينت ب عزّهَ وحچيت
سيرا: سمعتي!
عزّهَ: سوي مثل ما گلچ. خل نشوف شني قصته على شني ناوي!
سيرا: مصيبة. مصيبة جديدا وتشوفين. صدگ انقذتيني بآخر الدقايق چنت احچي ويا أريم. شعجب عميتي عين الشيطان وانظميتي مالچ بالعادة على گولتچ السناب ماهو ستايلچ؟
عزّهَ: ديلا عندي شغلة بعدين نحچي.
قفلت الخط واني هم گُمت بدلت شي سِمپل مشطت شعري رتبته وطلعت من الغرفه. نسيت موبالي رجعت رديت أخذته ونزلت للصالة سمعت وحده من النسوان تگول.
لو اخويه ياسين فكر بطريقه احسن چآن هسه احنه مستقرين بالبصرة موش ببغداد.
يَقين: اخوچ ما خلى طريقة تعتب عليه حتى يزيد نار العداوة بحيث راد يخطف بنتنا!
چنت ضده وعارضته گتله شوية استحي بالنهايه الدم ما يصير ماي!
يَقين: وبكل مره چآن يستهدفنا چآن يثبت أن الدم يصير ماي اذا تضاعف الحقد والكره الغير مُبرر.
ماكو شي ماله مُبرر اخويه صار مگطوع من شجره بسبب غلطة وحده. وهسه ولد اخويه يدفعون الثَمن غالي.
قبل لا ادخل شغلت تسجيل الصوت خليت الموبايل بجيب التنوره ودخلت.
عاينت بالوجوه خمس نسوان من بيت عمام ابويا جايات ويا مره مبينه شابه بعمر عزام او أكبر يعني تطلع 35 او اكثر، گاعده ومتأنقه تگول سيدة أعمال مثل عزوزه من اسلوبها واناقتها. هاي يمكن الچانت تحچي
نَدى: سيرا سلمي شبيچ واگفه.
مو چنت اخذ النظره الكاملة عن الوضع هسه انتبهت كلهن منتظرات اسلم ما عدى هاي الأنيقه كل شويه تعاين بساعتها وتحرك خاتم بإيدها ديزاينه كله كرستال اسود وعلى شكل حية. اي حيه. گعتد بصفها عاينت بباقي النسوان
سيرا: هلو بيكم.
وعليكم الهلو. ولچ نديوا ما معلمة بنتچ شلون تسلم؟
نَدى: شلون ما معلمتها. سيرا.
يَقين: سيرا ما تعتبركم ضيوف ما تحب الرسميات.
وسعت عيونها بمعنى ااحچي.
سيرا: والله مالكم ضيوف الضيف ما يعيب على أهل البيت وتربيتهم. شلونچ ام روان. شلونچ عمة صُبحية
هلو خالة افتهام ام فهيمه صح؟
اي صح بنتي اسمها فهيمه.
سيرا: فهيمة لو تفهم چآن ما عافت دراستها وتزوجت.
خلفت وجابت همين. شكو بيها؟!
سيرا: انوب خلّفت وجابت؟ الف مبروك صرتي حبوبه بتسع أشهر. هاي اختصرت تصفيات كأس العالم مال ثلاث سنوات ونص. بتسع أشهر دوري مجموعات وتصفيات ونهائي.
هذا اسمه استقرار!
سيرا: الإستقرار الوحيد هو استقرار السيدة مادياً تكون مُستقرة مادياً وعدهه وضيفتها.
ام خاتم الحيه ضحكت بطرف شفه وهمستلي
بردتي گلبي بيهن.
الظاهر ما بينهن محبة جاوبتها بصوت عالي خل الكل يسمع شهل جلسة مال نفاق مو صُلح وبراءة الذمه
سيرا: لازم بينچ وبينها عداوة حتى تگولين بردتي گلبي بيها؟
افتهام: حچت عليّه!
سيرا: اي تگول بردتي گلبي بيها. اصلا چنت احچي عادي ما اقصد اي إهانة بكلامي. خالة افتهام.
امي وماما يَقين يعضن شفه عود اسكتي
ام خاتم الحيه حچت وصدمتني بأسلوبها
صحيح گلت بردت گلبي. لحد هاي اللحظة ما اصدگ عدهة نية الصُلح اتجاهي!
افتهام: سمعيني رباب تصدگين ما تصدگين يطبچ عرج
ما ندور على رضاچ
رباب: ولا ادور صُلح وياچ عندي أمور اهم انشغل بيها
يَقين: خيتي رباب ممكن نغير الموضوع؟
سيرا: اگول طلع اسمچ رباب واني بگلبي سميتچ ام خاتم حيه.
رباب: إذا حبيتيها اخذيها. احس لايگ لطبعچ.
فلك طرچ مو سهلة بس آني اگدرلچ. ابتسمت بوجها
سيرا: لا ثاانكيو بالنهايه هي بأصبع صاحبتها. ام الحيه.
رباب: تصدگين لو گتلچ مربيه حياية ببيتي؟
سيرا: ولا ادور تصديگچ عندي أمور اهم انشغل بيها.
افضل طريقة للردع هو بالمَثل. گمت من يمها، ردت اطلع للحديقة. لكن وگفت من أصوات الألعاب النارية صارت عالية من الشارع القريب على بيتنا. طلعت موبايلي طفيت التسجيل وشفت الساعه 12: 00 انداريت ألهن وخاصة هاي اخت ياسين رباب.
سيرا: Happy New Year. ان شاء الله سنة 2023 تكون سنة انقراض للعقارب الأقارب امثالچن وامثال رجولتچن. طبعاً ماماتي يقين وندى حاشاچن.
بست راس امي وايدها رغم ضاجت مني، رحت كذلك بست راس وايد ماما يقين. همست
سيرا: خلي ماما تعذرني ما گلت شي غلط.
يَقين: خبطيها وشربتي صافيها ولي على غرفتچ.
سيرا: احم. هسه گود ناايت اول مره استقبل السنة الجديدة بهيچ وجوه.
طلعت وما اسمع الا النسوان وگعن بين بعضهن وحده تحچي على الثانيه وبس رباب مالها صوت. رحت للحديقه عاينت السما كلها ألعاب نارية. وفاضل رافع راسه للسما عود عبالي يعاين من رحت بصفه چآن مغمض
سيرا: هاا تتمنى أمنية؟
فتح عيونه كأن يفكر بشي بسرعه نظرلي وابتعد خطوتين
سيرا: شبيك يمعود مجرد سؤال.
فاضل: ويهمچ تعرفين الجواب؟
سيرا: ولا ادور جواب عندي أمور اهم انشغل بيها
فاضل: چا خليچ بحالچ وآنا بحالي.
سيرا: اهوو ولك هاي كلمة لزگت بلساني بسبب ام الحيه
هاي الأسمها رباب.
فاضل: اخت ياسين. روحي للبيت
سيرا: واگفه اشم هوا شعليك.
فاضل: دا أگلچ طبي جوا الزلم راح يطلعون
عاينت بنفس الاتجاه شفت شاب طويل ومرتب
لابس بدله سوده وقميص أسود طلع من باب الديوان
اجا بإتجاه فاضل شافني، عاين بيا فوگ تحت ودار وجه ما مهتم. حچا ويا فاضل
انيطي السويچ مال سيارتي
انطاه السويچ وگال.
فاضل: البقيه يطلعون؟ اسأل علمود اجيب السيارات يم الباب. لا أكثر
لا شيگوّمهم آنا لعبت نفسي منهم وگُمت طلعت. تخيل رايد اتزوج بنته تخيييل!
عاينلي وعاين بفاضل
آنا شبيّه احچيلكم ولو من وجهي.
دار وجه ومشى بإتجاه الگراج صحت وراه
سيرا: اااحچي بإحترااام واگف ببيتي ولسانك بطووول النعل.
ما جاوبني ولا دار وجه راح يجيب سيارته بنفسه
سيرا: ولك فاضل هذا ياااهو؟
فاضل: واحد من ولد ياسين. ابن عم ابوچ.
سيرا: وااات، وااات هذا هذا چآن يسولف عنيييي ويگول تخيل اتزوج بنته. دقيقه عقلي صار إيرور. دقيقه هم ابن ياسين اللي سنين يلحگون أريم يريدونها وهم ابن عم ابويا هذوله من بيت الباشا. دقيقه ابويا شجاي يلوص
جاب سيارته وفاضل فتحله الباب الرئيسي. اني شلت الطابوگه من الحديقة وركضت ورا السياره الجاي تطلع من البيت شمرت الطابوگه كسرت جام السيارة من الخلف واحچي.
سيرا: ولد النعااااال ياااسين شلووون تجووون على بييييييتنا اااصلا الصوچ من اابويا المفشلناااا. ء
سد حلگي بإيده ما خلاني اكمل كلامي گال الزلم راح يطلعون وسحبني جوا لغرفته ضربته بكوع إيدي والتفتتله
سيرا: ولك فاااضل هذا العاااار شلون داااخل للبيت اابويا شلون يستقبل ناس رادو يقتلون بنته؟
فاضل: بسس نصي صوتچ فضحتيينا
سيرا: ولك فاااضل ابويا دييهجم بيته بإيده، ولك فاااضل.
سد حلگي يعايلني بنظرات غريبه. وگال بصوت مترجي
فاضل: لا تطلعين صوت هسه لو واحد منهم سامعچ يسويلچ مشكلة. احچي بصوت ناصي تمام!
حركت راسي اي ابعد ايده واني حچيت بصوت ناصي
سيرا: ولك فاااضل يريد يزوجني من اابن ياااسين.
أتراجع خلى بينا مترين ويعاينلي.
فاضل: شبيچ الف مره تگولين ولك فاضل طيح الله حظ فاضل شبيچ؟
سيرا: ولك فاضل! أنت الشبيك؟
ولك فاضل!
سيرا: مو آني هذا واحد بره يندلهك. واااحد بره يندلهك ولك فاضل شلوون اطلع؟
فاضل: تمددي. تمددي تحت الچربايه.
سيرا: شنييي
جرني من إيدي نزلني غصب تحت الچربايه عاينلي وگال بهدوء
فاضل: لا تطلعين بروح الغالية ماماتچ
سيرا: تمام لا تتوسل.
فاضل: دخيلك يا أبا الفضل.
عافني وگام بهل اثناء انفتح باب غرفته وكتمت النفس
واحد من الحُراس جاي وراه يگول بيت ياسين راح يمشون وينك انت. گال اجيت اخذ موبايلي.
طلع من الغرفه وبس اسمع صوت السيارات تطلع من البيت ما حسيت بنفسي شلون غفيت تحت الچربايه فزيت من لمسة إيد بارده فتحت عيوني وضرب خفيف على خدي
فاضل: ول هيو شني ماخذه منوم شلون ابتليت. گومي
سيرا: طيح الله حظك. صار ساعه تأخرت!
طلعت من تحت الچربايه اتثاوب وجاوبني
فاضل: چذابه هنن ربع ساعة!
سيرا: ما نايمه البارحه عبن هيچ. راحو العارات؟
فاضل: راحو الله لا يردهم.
ثنينا متربعين بصف الچربايه وتذكرت التسجيل. حچيت بإبتسامه
سيرا: سجلت مُنازلة بين النسوان بچم كلمات مني خليت وحده تكفخ الثانيه راح ادزلك التسجيل بعدين اشبع ضحك عليهن. شبيك صافن.
فاضل: گومي طلعي برا.
سيرا: اي والله هسه لو ابويا يصعد على غرفتي يهوسلي
انباري جنوبي ويگول وين راحت.
فاضل: كافي تحچين واطلعي.
گمت نفضت هدومي من التراب حچيت واني امشي للباب
سيرا: دروح أصلا صوچي انطيتك وجه.
سبقني للباب ما خلاني اطلع.
سيرا: اسرع ندم بالعالم.
فاضل: اشوف خاف احد بالحديقة ما اريد نتسبب بمشاكل لبعضنا. واخسر شغلي. آنسه سيرا.
عاين برا و رجع گال ماكو احد طلعت من غرفته ورجعت للبيت اول ما دخلت الجني ماجد طلع بوجهي
سيرا: أعوذ بكلمات الله التامات من شر ما خلق. چنك طنطل.
ماجد: هذا من ذوقچ.
طلع من البيت وسد الباب وراه
سيرا: العمى يرد بوجهيي.
صعدت لغرفتي شفت ابويا يطلع منها عاينلي بشك!
الأدهم: وين چنتي؟
سيرا: بالحديقة الخلفيه غفيت عالمرجوحة.
الأدهم: شعجب انطيتي تبرير لو چذب ما چنتي نايمه عالمرجوحة!
سيرا: انطيت تبرير حتى لا تألف من راسك وتگطع برزق الناس بمأنه غرفة فاضل بالجهه الخلفيه. الولد ما شفته أصلا. وفي حال شفته اكيد ماكو شي غلط هو السايق مالتنا، آني احترمه وهو يحترمني، ف مرات يدور حديث بسيط بينا.
الأدهم: نشوف. زين بنيتي العاقلة حالفة تخزيني گدام الگرايب؟ هاي سوايا سويتيها بصالة النسوان؟
سيرا: هنن يري اوور. اوور لا تفكر بالموضوع. وهسه خل ادخل غرفتي. احس مشتاقه لأشتور رايحه اسولف وياه. واگلله Happy New Year
الأدهم: مشتاقه اله لو رايحه تنقلين الاخبار؟
سيرا: ولا اهتم بأخباركم الخايسه عندي أمور اهم انشغل بيها.
دخلت على غرفتي والخوف احتلني تذكرت داير مَداير البيت كاميرات. دخلت على التلگرام والمحادثه اللي بيها دزيت التسجيل الفاضل ماكو! اكيد حاذف المحادثه من الطرفين. شبي هذا! رجعت مره ثانيه راسلت وكتبت
سيرا: ولك فاااضل نسيت البيت مو بيها كاميرات من كل الجهات؟ أبويا يشك بيك. اذا راجع كاميرات المراقبة يشوفك شلون دخلتني للغرفه وتصير بالنعل
رد بسرعه وگال.
هذيچ الكاميرات ما تصور عبن محترگة وآنا بعدني مغلس عليهن محد يدري بيهن عطلانات بعد آخر مشكله صارت!
سيرا: گول والله؟
والله. تصبحين على خير.
ما لحگت اجاوب التطبيق طلعني من المحادثه ومن دورت ما لگيتها. رجع حذف المحادثه من الطرفين.
سيرا: شبيي هذااا. دِرووح.
عفت الموبايل وبقيت أفكر بسالفة ابويه احچي لو ما احچي. شمرت روحي عالچربايه سارحة بأفكاري
و.
تذكر إيمار شلون مگابل امه. وصار احسن لحدما نعست واستسلمت للنوم.
ال بتراء
ثاني يوم من عطلة راس السنة
خلصتها بالبيت وبغرفتي أشتغل واريد افهم طبيعة الشغل بشركتهم. لزمت راسي اليريد ينفجر من الألم حيل تعبانه من الصبح اراجع الأوراق.
اندگ الباب وگلت تفضل. دخل أصلان للغرفة شايل كوبين گهوه مد إيده نظرتله
بتراء: ما اتسمم گهوة اطلع من غُرفتي.
أصلان: چاي مو گهوة. شبيچ؟
خلاهه گدامي باوعت بي شگد ذاب ميانة!
بتراء: گتلك اطلع!
أصلان: بينا شغل.
بتراء: ماكو داعي افتهمت الشغل وباچر الاجتماع مربوح لصالح جسار.
أصلان: صدگ شني احساسچ؟
بتراء: شايله الحساسات ما عندي احساس ولي اطلع.
أصلان: چوك!
باوع بالكوب واخذها
أصلان: أخذها لأخوي. على فكرة ندلعه مازي مو يلو!
بتراء: انعل أبوكم نسل الجحوشة اااطلع.
همس وهو يتراجع للباب
أصلان: هرمونات الحمل متفهم وضعچ.
شمرت الملف واجت بالباب لأن طلع بسرعة. شگد غثيث لخاطر الله! گمت لملمت الأوراق رجعتهن لمكانهن رحت وگفت گدام المرايا باوعت بروحي رتبت شعري. عدلت ردن البلوزة.
بتراء: طالعة تخبلين. امشي وعلى السَند بظهرچ يلا.
طلعت من غُرفتي قفلتها وشلت المفتاح نزلت على غرفة جسار دگيت الباب سجى طلعتلي
سجى: خير؟
بتراء: عبالي ما ترجعين وعندچ كرامه المهم. اندهيلي دادي لازم نحچي.
ما لحگت تسبني وتغلط جسار طلع من الغرفة وهي راحت. سد الباب واردف.
جسار: صاير شي؟
بتراء: باچر اجتماع مهم ردت انطيك خبر.
جسار: أصلان گلي.
بتراء: اي. تمام لعد ارجع نام.
درت وجهي وهمست طيح الله حظك يا أصلان بس لازم يوگفني مشيت خطوتين وفعلا وگفني!
جسار: الدكتور المزيف الدزيناه للمستشفى انلزم إذا ما تدرين! شلون صار عدهم خبر بالخطة؟
اجتني لحظة إدراك انطيت خبر لعمو أشتر وگتله ما يحچي.
لعلي سَند او يگول عرف المعلومه مني.
جسار: لاعبة بذيلچ؟
انداريتله بإبتسامه
بتراء: عندي خبر الخطة فشلت. وعلى فكره الكتور المزيف دخل للعناية وانطاه الإبرة. لو لاعبة بذيلي على گولتك شلون چآن گدر يطُب؟
جسار: هم صحيح.
دار وجه يريد يدخل حچيت خليته يندار مره ثانيه
بتراء: مر يومين على رأس السنة والتهيت بالشغل
جسار: اي وبعد.؟
تقدمت بإتجاهه واحچي.
بتراء: السنين الماضية چنت اسمع صوت الألعاب النارية من غرفتي وما فاهمه قُصتها. وهاي السنة افتهمت
من سمعت صوت الألعاب النارية وشفتها عالتلفزيون افتهمت الناس جاي يحتفلون بتغير رقم.
بقى ساكت شوية. وبعدها گال
جسار: بتغير رقم؟
بتراء: ليش مو صحيح؟ الواقع تغير؟ الماضي رجع لو تغير؟ الميت رجع؟ المأسورات تحررن؟
جسار: چنت متمني كلامچ يحرك مشاعري.
بتراء: غير طاغي. شيحرك مشاعرك.
جسار: اجيتي تسمعيني هذا الحچي؟
دمعن عيوني وشفايفي يرجفن بعجز درت وجهي ومشيت بإتجاه الصاله. لازم يلحگني ما معقولة نحچي وانفذ البراسي گدام غرفته والحيه سجى تتسمع ورا الباب
دخلت للصالة وگعدت أبچي. نظرت للباب بطرف عيني
شفت ظله. حچيت عود ويا نفسي.
بتراء: غبيةةة انتي شمتوقعه منه يحنظنچ اذا حسيتي روحچ وحيده؟ يگلچ بابا سامحيني وخل نبدي بداية جديدة؟ مثل الثولة دگيتي بابه غير هو المعيشچ ماضي اسوء من الجحيم. غير هو حرمني من امي. وحرمني منه حرمني من حنان الأب.
جسار: بتراء...
سويت روحي متفاجئة وگمت درت وجهي امسح دموعي اسوي روحي ما ريده يشوفني حزينه انداريتله
بتراء: گتلي تريد تنام! على كُلن تصبح على خير.
مريت بصفه وبگلبي ادعي تنجح الفكرة. ثواني ولزم زندي رجعني گدامه اول مره اشوف ملامحه راخيه وخالية من الشر. لزم إيدي ومرر إبهامه على الشامه اللي بظهري إيدي
جسار: الدنيا ما چانت عادلة وياي.
من صدگ حچيت بگلب محروگ وعيون تذرف دموع
بتراء: آني خطيئة وكارهني لدرجة سنين بقيت بين أربع حيطان أجهل العالم الخارجي؟ آني خطيئه شي جاوبني؟
رد فعله ديصدمني حظن وجهي بين كفوف إيديه كل جسمي قشعر من إيده اردف وهو ينكر!
جسار: أنتي مو خطيئة.
بتراء: إذا ما چنت خطيئة ليش سجنتني آني وامي كلمن بغرفة وكل فتره تجي تگلي سوء اختيار؟
جسار: لا تفسرين كلامي على كيفچ. ظهورچ للعلن چآن يضر بشغلي.
بتراء: و امي خلتك تخسر چم مليون حتى دفعت الثَمن حياتها؟ هي هم چانت تضر بشغلك؟
سكت ما جاوب ابتعدت خطوة سحبت ايدي من بين إيده
بتراء: متمنية اكرهك. متمنييية اكررهك بس ما اگدر.
بِبساطة ما بقالي غيرك. لا اخ حقيقي ولا خوات. امي وماتت بيت اهل امي ورادو يقتلوني. ما بقالي غيرك.
مسح على لحيته الأشهب ومحتار او مصدوم مني
حچيت وآني ااشر عليه عيوني تريد سبب حتى من صدگ تدمع
بتراء: الفراشة الچانت بالقفص وحُلمها تتحرر منك رجعتلك وهي جنحانها الرقيقه مبتورة.
جسار: إذا تتذكرين بعمر 17 گتلچ محد يتقبلچ غيري.
بتراء: ما. ما اتذكر من ورا السُم الچنت أخذه.
هوايا تفاصيل صغيرة ما اتذكرها! يا ريت لو انسى التفاصيل الچبيره ياريت لو ما خاسرة امي. بسببك، ياريت لو عندي عائلة مثل الناس الطبيعيه. ام وأب يحبني ويحن. بس ماكو. نصيبي اكون من نَسل فاجر. ما بگلبهم رحمة.
گعدت عالتُخم غطيت وجهي بثنين إيديّه. أبچي وابچي
من صدگ أبچي بقهر ليا مرحلة وصلت! جسار لازم كسرته تكون بگلبه لازم ينخذل ينكسر كسر ماله جبر.
كل جسمي قشعر من لمستة إيده الدافيه ابعد إيديّه من وجهي فتحت عيوني المليانة دموع شفته مكنبص گدامي
جسار: كافي تبچين، اعرف تماماً ما خوش أب بس بعد حچيچ هذا اريد ابدي وياچ بداية جديدة بداية أب وبنته.
بتراء: يا بداية وانت سجاني؟ وسبب بموت امي؟
بألف يا على مستحملة لمستة ايده مسح دموعي ويحچي بنبره غريبه
جسار: الماضي ما يتغير بس عدنه فرصة نغير الحاظر.
بتراء: والناس اللي شمروني بالشارع بعدما عرفو بيّه بنتك!
جسار: ما اعفي عنهم. ندفعهم الثَمن غالي. ومن بعدها نبدي بداية أبدية جديدة.
بتراء: وإذا ما تغيرت ولا صرت تحبني مثل عزام؟
جسار: منو گال ما أحبچ. أحبچ هوايا أحبچ بس گتلچ الدينا ما چانت عادلة وياي وما گدرت اصير الأب المثالي ألچ. ولأخوچ.
بتراء: اصلا ما اعتبره أخويه امه سجى هو شيطلع.
ابتسم ودنگ راسه ما يريد اشوفه مبتسم او يضحك.
بدون أي مقدمات تقرب لمني بحظنه كل شعرة بجسمي ارتعشت شعور الرفض الخوف الكره والحقد. صوت امي ضحكاتها صرخاتها. صفاء وتوسلاتها كلهن بلحظات صارن يتكررن بأذني
احس أطرافي بردت وگلبي ميييت بكل شمة من شعري بكل لحظة يگول بنتي شعور الحقد والكره يزداد شم شعري ويشد على حظني كأن سنين متلهف على هيچ فُرصة
جسار: حبيبة گلبي بترائي. شلون گدرت احرم روحي منچ؟ ليش ما حظنتچ من السنين الفاتت؟ شلون چنت بلاية گلب وياچ؟
يحظني بكل قوة ويمسح على شعري ويگول
جسار: اسف والله آسف عبن حتى من اتولدتي ما شلتچ ولا حظنتچ.
بألف يا على رفعت إيدي الترجف لظهره بادرته بالحظن
أبچي واحچي
بتراء: بس هسه حظنتني حظنتني اول مره احس عندي ابو مثل ما هلال عدهه أبو حظنتني بحنيه مثل ما الأب يحظن بنته.
جسار: اوعدچ اتغير واصير اب مثالي ألچ اصير الأب اليحبچ أكثر من أي شي ثاني. طبعآ بعدما نخلي بيت الباشا يدفعون الثَمن.
ضحك ذيچ الضحكة المكروهة الحقيرة! غمضت عيوني احاول اتمالك نفسي وحچيت
بتراء: اي. اي راح نخليهم يدفعون الثَمن إيد بإيد نخليهم يدفعون الثَمن.
ابتعدت من حظنه وهو گام گعد بصفي حاوطني يحچي بفرحة ولهفة
جسار: معقوله الجاي يصير حقيقة؟
بتراء: حقيقة وفرصة حتى نعوض بعض.
باسني يم اذني واحس امي تصرخ بصوتها وصفاء تتوسل.
ابتعدت لا إراديا احس جسمي ينتفض. من قُربه استغرب من تصرفي لكن تداركت الوضع ورجعت خليت راسي على كتفه احچي وانظر بفراغ
بتراء: باچر بعدما اخلص من الاجتماع حُصة 5 بالمية إضافية تنظاف للأسهم بس ابد ما متفائلة جاي اتعب عالفاضي ما احس اني اشتغل لنفسي كله يروحلك. وانت
بعدك ما واثق بيّه.
جسار: شهل حچي اعرف تماما انتي مالچ غيري وما ممكن تغدريني فأكيد واثق بيچ.
بتراء: لو واثق بيّه چآن سجلت أسهم الشركة بأسمي مثل ما سجلت حصتك بأسم عزام!
بقى ساكت. معقوله ما يجازف هل مجازفه لأجل يرضيني؟
بتراء: إذاً، أخذت الجواب منك، هسه كلمن على غرفته تصبح على خير.
عفته وگمت مشيت للباب. ثواني ووگفني. انرسمت ابتسامة على وجهي من گال
جسار: باچر الصبح توقعين على إستلام كامل الأسهم بالشركة. المهم ما تزعلين وتتأكدين أحبچ مثل ما احب اخوچ. وما افرق بينكم.
انداريتله وخطيت خطواتي بإتجاهه حظنته
بتراء: راح اكون عند حسن ظنك. راح ادمر بيت الباشا باقي الأسهم أخذها من عيونهم خاوه.
جسار: متعلمة على حچايتهم.
بتراء: الفتره الخايسه العشتهاا بينهم شسوي المهم يلا تصبح على خير. دادي
بست خدمه وعفته بصدمته من تصرفي. اول ما طلعت من الصاله سجى اجت بوجهي وهمست
سجى: براو.
بتراء: انتبهي للطبخة اذا احترگت احرگچ وياها.
غمزتلها ورحت للطابق الثاني امشي بالممر وامسح دمعة.
رادت تنزل من طرف عيني
بتراء: بلش العد التنازلي. والبقاء للأقوى.
فتحت قفل الباب ودخلت على غرفتي. رجعت قفلتها من جوا. گلبي ما يأمن بيهم. فورا دخلت للحمام بدون لا انزع ملابسي فتحت الماي وگفت تحت الدُش. افرك وجهي، شعري، زنودي، افرك جسمي واحچي بشفايف ترجف من الحقد والكره.
بتراء: ااالله ياخذك ياا نگس االله ياخذ روحك يا چلب واااحد حقييررر بس الله الگاادر يغفرلك. ويسامح بسس ااالله الگادر يغفرلك ويسااامح. مستحيل أسامحك
فركت ايدي ومكان اللي عندي شامة مثل إيد امي افركها بقهر وابچي
بتراء: مستحيل اسامحك مستحيييل اتقبببلك ااالله ياااخذك
نگسس. لو تركع ركوع وتتوسل. ما اسامحك.
مسحت عيوني التحرگني الدموع والماي اخطلتن. فتحت علبة الشامبو واغسل شعري افركه واريد اگطع كل خصلة باسها. شمرت عُلبة الشامبو گعدت تحت الدُش أبچي واحچي بگلب محروگ
بتراء: دمررتني ااالله يدمركك ااالله يحرگ گلبببك مثل ما حرگت گلبي وروحي على ااامي ااالله ياااخذك.
احس گلبي خلص ما ضل عندي دموع والعبرة خانگتني.
گمت على حيلي سبحت بشكل مضبوط من كملت لبست روب الحمام وطلعت گعدت عالچرباية. شوية وبدأ عندي وجع فضيع احس ظهري مكسور. ما اعرف هذا شنو يمكن من اعراض الحمل. بس اذا بقيت هيچ باچر ما اگدر اداوم.
لبست التراك وتمددت اريد الألم يخف بلكت اتحسن للصبح. بقيت اتگلب بفراشي لحد ساعه ثلاثه من بعدها نمت وما حسيت بروحي. گعدت الصبح على صوت المنبه كلي نشاط والألم زال. يمكن نوبات ما ادري لازم ابحث عنه.
رحت بدلت بسرعه تجهزت وطلعت. الغثيث هم طلع من غرفته
أصلان: غونايدن
بتراء: قصدك Ktülük sabah بشوفة هل خلقة.
عفته ونزلت لغرفة الطعام الكل ملتم على الريوگ رحت بإتجاه جسار تدنيت بسته بخده
بتراء: صباح الخير دادي.
جسار: صباح النور حبيبة گلبي.
عزام يخوزرني وبلقيس گلبت عيونها. عزّهَ تباوع بأخويه. اما سجى فدخلت مبتسمه خلت ايدها على ظهري قبل لا تسحب الكرسي وتگعد بصفي.
سجى: شهل صباح الحلو هذا. بنتي بتوره تتريگ ويانه.
عزّهَ: بنتچ بتورة؟ كلمة بنتچ بين قوسين. نزلت الرحمة على گلبچ؟
بلقيس: يحدث تطورات خطيرة.
بتراء: شدعوه احترگ دمچن. مرت ابويا وتقبلتها. وهي تتقبلني اكيد. انتي شكو. احچي وياچ ام الزوز. انتي شكو؟
بلقيس: اعرفي شلون تحچين. ترا آني مو جسار واصدگ
بتراء: أگُلچ ام البرستيجه اذا هلگد غاثتچ، مطار بصرة الدولي يَظُم اسطول كامل من الطائرات اصعدي بوحده وطيري من وجهي.
شمرت الچطل من إيدها تريد تشرب من دمي عود حتى لو احنه كلنا ضد جسار هذا ما يعني اسكتلها وما أبرد گلبي بيها
بلقيس: اخويا كبر راااسچ عليناا يَبنت زيييينب.
بتراء: افف على كيفچ ويا احبالچ الصوتية. اگعدي ونصي صوتچ اريد جو هادئ اتريگ بي. مع دادي. Right.
جسار: صحيح. بلقيس نصي صوتچ او تدرين شني تگدرين تتفضلين على غرفتچ.
گامت وطلعت. شويه ورجعت
بلقيس: اصلاااان شمگعدك وياااهم؟
أصلان: گيمر عرب. روحي وبس اكمل الحگچ.
باوعتله هذا صدگ ديتريگ وضارب الوضع بعُرض الحايط. بلقيس سبته وسبت ابوه يلا طلعت وافتكينا منها.
عزّهَ: عائلة چيس حب.
أصلان: اضربيهم بعُرض الحايط واتريگي.
عزام: دير وجهك لا انعل ابوك.
أصلان: يتدلل ابن الخال.
خلى إيده على إيدي وحچا
جسار: العنده مشلكة ويا بتراء خل يضرب راسك بوحده من زوايا البيت.
أصلان: بريئ من سوالف أمي. ما عندي مشكله ويا بتورة.
سجى: وآني كذلك البارحه جسار سولفلي وگال تصالح ويا بنته وانتهى الحقد والكره. ف آني ما اترددت ناحيتها راح اكون مثل امها.
نظرتلها. هاي كبت زيادة وصدگت بروحها
سجى: اصير بمثابة الأم واحبها. صح بتورة؟
بتراء: أصح من الصحيح ماما سجى.
عزام مرجع ظهره للكرسي يوزع نظراته علينا
دخل واحد من حُراسه المُقربين انطاه ملف وقلم اتأكدت هذا
أوراق نقل الأسهم. خلاهن گدامي باوع بعزام وحچا.
جسار: حتى تتأكد آنا خوش ابو ما يفرق بين ابنه وبنته
قررت انقل اسهُمي بشركة الباشا على أسم بتراء.
أصلان غص باللوگمة چآن متحداني هذاك اليوم، نظرلي وآني ابتسمت ابتسامة النصر بهدوء
أصلان: گول غيرها.
جسار: اگول غيرها لا تستعجل. وأيضا مع الأسهم سجلت هذا البيت والبيت اللي بمنطقة - - بأسمها.
أصلان: اسحب كلامي ياريتك ما گايل غيرها يا خال
عزام هادئ إلى أبعد حد وبس يوزع نظرات علينا كأن مستهزئ.
بتراء: ساعة 8: 30 تأخرت لازم اطلع.
اصلا منتظرة هاي اللحظة. فتح القلم وانطاني تحت انظار سجى اللي ابد ما حبت السالفه بس تبين روحها حبابه
جسار: وقعي.
اخذت القلم منه. فتحت الملف. كل ورقة اوقعها أقرأها
لحدما خلصت. طبگت الملف وخليته على جنب.
باوعت بعزام وبجسار
بتراء: إذاً. البيت بيتي.
جسار: واحنه الخُطار المهم ترضين.
بتراء: لايو داد. راضيه عليك اطمئن.
عزّهَ: مهزلة.
بتراء: ناويه تنطردين وتنامي بالمشتمل؟
عزام خوزرني خزره مال. يا گاع انشگي وبلعيني، شبيك يمعود تمثيل. عاف الچطل وگام. باوع بينا وحچا ويا جسار
عزام: هذا البيت مَراح يبقى شامخ اهدّه على راسك.
جسار: بس اريد افهم شوگت تفهم مثل اختك. مالك غيري آنا ابوك ولازم نتصالح.
اخذ جاكيت من على الكرسي ولبسها، عزّهَ هم گامت
ثنينهم طلعو من البيت بقينا احنه. الأربعه أصلان كمل ريوگ ونظرلي.
أصلان: خلص الفلم. لازم نمشي.
سجى: جسار ابن اختك شبي!
أصلان: خالة ام عزام ابن اخته عنده اسم. أصلان.
ديلا عود نهارچ سعيد وانتي مگابلة امي.
سجى: امك چنها بومه ما تتصاحب ولا تتحاچة.
طلع وما جاوبها
جسار: عوفيه هذا طبعه. حاولي تلطفي الجو ويا بلقيس بالنهايه هاي اختي الوگفت بظهري وساندتني بأصعب ايام.
سجى: دا احاول بس ما تتحاچة رافعة خشمها علينا
ادري شنهي.
بتراء: على كُلنّ لازم اروح للشركة الاجتماع على الساعة 9: 30. وها راح يكون بالبث المباشر حتى تستمتع بخسارتهم.
جسار: عفيه صايرة تتبعين نَهجي.
بتراء: غير بنتك وطالعة من ظهرك.
فورا گمت كلمة ثانيه ما حچيت مشيت برا البيت والملف بإيدي وصلت يم السيارة اشو سجيوا الحيه لاحگتني. رحتلها ما اريد السايق يسمع حديثنا. وگفت گدامها وهي حچت بلطافة
سجى: دا نشتغل خوش شغل على جسار راح ناخذ حقنا منه.
ابتسمت بإستهزاء خليت وجهي بوجهها وحچيت
بتراء: اگُلچ نفذ مخزون السُم يا حية؟
سجى: احچي بطريقه حلوة مو جاي نتعاون ضد نفس الهدف!
بتراء: شُكرا على مَجهودچ والله، سمعيني لچ لا تعيشين دور الحبابة اللطيفه على إنسانه مثلي اغتسلت بسُمچ هلگدما رشيتيها. صدگت بروحها دِطيري.
عفتها وصعدت للسيارة فورا على الشركه من وصلت أصلان چآن واصل بس منتظرني برا، دخلنا سوا للإجتماع الكل چآن منتظرنا حتى على سَند. أصلان راح رتب الموبايل وفتح مكالمة فيديو ويا جسار
سلمت على أعضاء مجلس الإدارة باوعت بيهم قبل لا اگعد
بتراء: وين مدير قسم المُحاسبة.
علي سَند: مُجاز.
بتراء: ريلي؟ مُجاز شنو خل يحظر.
علي سَند: گتلچ مُجاز. اجازة مرضيه.
بتراء: يطبه مرض خل يتواجد بالإجتماع. لاني يبدو لازم تتصرف سايق مال السفينة ما عنده اي خبرة.
رفعلي تك حاجب وگال
علي سَند: سايق مال سفينة!
بتراء: تتصرف لو لاني يتصرف؟
علي سَند: خل يگعد.
باوع بشاشة الموبايل شاف جسار يدخن ومستمتع.
طلع من غرفة الاجتماعات خمس دقايق ورجع بإيده لابتوب بث مباشر ويا مُدير المحاسبين. خلى اللابتوب گدامي
علي سَند: خوش؟
بتراء: ماشي الحال.
حسيته يريد يگطعني بسنونه هلگد انغث. ديلا قابل متقصده. شبي ما يفرق بين الحقيقة والتمثيل ما معقولة طلعت موهوبة لهل درجة.
علي سَند: مو وگت تصفنين بوجهي خل نبدي الإجتماع.
بلش الاجتماع وانبهرت بخبرة على سَند. فوگ ما هو سايق سفينة أنوب رجل أعمال بيرفكت. رجع كرر السؤال.
علي سَند: عشرين إعلان تسويقي ناجح.
بتراء: بيرفكت.
أصلان بصفي وهمس
أصلان: كضي الفراشات ديطلعن من عيونچ.
ادري شني حابة بهل غثيث.
بتراء: امك غثيثه احچي عدل ودير وجهك ابن البرستيجة
أصلان: تمام لا تگليلي ابن البرستيجة انغث
بتراء: ولا ينچب ابن البرستيجة
درت وجهي لعلي سَند شفته يخوزر بينا.
بتراء: كمل...
علي سَند: العرض القادم عرض تسويقي مهم ميزانيته مُكلفة لكن نسبة نجاح المبيعات 90بالمية.
بتراء: بيرفكت.
علي سَند: لطشتي!
گلبت عيوني ودرت وجهي لللابتوب احچي ويا مُدير قسم المحاسبة.
بتراء: ممكن تنطيني بيانات التكلفة لكل إعلان سويتوه بالشهر الماضي؟
موجود بالملف الثاني.
دخلت للملف باوعت بطرف عين لأصلان.
بتراء: تريد تنصب علينا انت؟
مَدام شنصب.
بتراء: مس. وليس مَدام.
مس بتراء شنصب عليچ الجدول بيها اخر الأرقام التكاليف والأرباح.
بتراء: عبالك ثولة ما افهم؟
علي سَند: على شني ناويه! مُدير قسم المحاسبة صارله سنين بالشركه ما فد يوم نصب!
بتراء: نايمين ورجليكم بالشمس.
درت شاشة اللابتوب الهم وحچيت
بتراء: السادة أعضاء مجلس الإدارة اقدملكم. المُحتال والنصاب والسارق مُدير قسم المحاسبة. السيد عادل - - - يومين ادور وراه واكتشفت هوا متلاعب بالأرقام. وياخذ نصف الأرباح.
اتهام باطل استاذ على سَند لا تصدگها.
أصلان: اگلك حبيبي باب غرفة الفندق يندگ روح افتح خوش سُبرايز متانيك.
علي سَند دار الابتوب لجهته اثناء ما عادل يتحلف ماكو نصب واحتيال. الشرطة داهمو غرفته.
بتراء: عود مريض وماخذ إجازه وبالوقت نفسه نازل بغرفة فندق خمس نجوم. وبعد ربع ساعة طيارتك چانت على دُبي، بح حياة الرفاهية بدُبي نگللها بيباي أهلا بالتبهدل وراك محاكم ومن سجن لسجن.
طبگت الابتوب بإيدي. نظرت لأعضاء مجلس الإدارة.
بتراء: واحد واحد ادور وراكم. آني لا عزوزه ولا هلال الغشيمة. آني بتراء الجسار هذني السوالف ما تمشي عليَّه
ولا شايله گلب رچيچ مثل المدير مالتكم. عادل گال مريض وانطاه إجازه ولك غير قشمرك وبايگ الشركة؟
باوعتله وهذا يريد يگطعني بسنوني من الغضب ما زين كشفت هذا النصب والاحتيال فوگاها يعصب!
علي سَند: أنتهى الاجتماع اطلعوا خل احچي وياها على انفراد.
بتراء: قبل لا تطلعون خل نحچي بوضوح. رسمياً استلمت قسم المحاسبة. و أصلان راح يكون مدير قسم المحاسبة. الجديد، اطمئنوا فلوسكم واستحقاقاتكم المالية ما تنباگ بعد اليوم.
گاموا يصفگون حتى جسار بالمكالمة المباشرة صفگلي وحچا
جسار: بنية أبوها عفية عليچ.
علي سَند وصل اخر ذرة من الصبر. دمارات جسمه بينت من الغضب. خاصة من المستثمرين حچوا.
من مدة طويلة يسرقوننا ويقولون الأرباح قليلة. ممتن لكشف هذه الحقيقة. سنعمل بجد معكِ
لا أعلم كيف اشكرك سنيوريتا.
گام وراد يبوس ايدي تقليد عدهم على سَند صفگلهم شبه يطردهم.
علي سَند: انتهى الاجتماع. انتهى. ممكن تتركونا على انفراد؟
أصلان: اگول يا خال اجاني اتصال مهم من المركز بخصوص هذا العار عادل. لازم أنهي المكالمه وياك
اصلا جسار بنفسه قطع الاتصال والأعضاء كلهم طلعوا بقينا احنه واصلان.
علي سَند: شمنتظر؟ ما تروح تولي برا.
أصلان: منتظر السنيوريتا.
بتراء: لاني اطلع برا.
علي سَند طرده طرد من غرفة الاجتماعات سد الباب وسمعت طگة القفل. اندارلي بخزره واردف
علي سَند: منينلچ معلومات عن عادل؟
بتراء: غير بنت جسار.
علي سَند: لا انتي ناوية اتسودن عليچ. ناويه ما؟
تقرب خلى ايده من الجهتين عالكرسي وجه بوجهي اردف
علي سَند: مَجاي اتعرف عليچ.
بتراء: احنه عبرنا مرحلة التعارف وتزوجنا.
رخت ملامح وجه عجبه الجواب بس سوا روحه ما متأثر ويبيع براسي كبرياء رجل.
علي سَند: متغيرة كُلش اسلوبچ لبسچ طريقة كلامچ ما ظل بيچ براءة.
بتراء: غير حتى اتكيف مع بيئتي؟
علي سَند: بتراء!
بتراء: ها على سَندي.
علي سَند: ها بعينچ.
باسني وابتعد سحب كرسي وگعد يباوعلي
علي سَند: اشگ هذا الاسمه لاني إذا شفته يمچ.
بتراء: خل يولي ما احبه. أصلا مو ستايلي
علي سَند: لچ انتي شايفتني مگرن؟
بتراء: يااا تخيلت شكلك وأنت مگرن عزاا إذا طلع ابنا مگرن اشمره على ماما يقين تربيه.
طگ طگ بإيده عالطاولة وگام يبوو شيخلصني منه.
وَدق
بعد يوم طويل وممل بالجامعه
رجعت للبيت الصاير ما ينطاااق بسبب تواجد هذا المخنث
نزلت للعشا. سحبت كرسي گعدت وهذا المخنث صار مقابيلي. باوعت بي فوگ تحت بنضرات بومباستكية حچيت
وَدق: وحدة من تراچيك واگعه.
رُقيه بصفي همست وآني جاوبتها بنفس الطريقه
رُقيه: اشش
وَدق: ما تشوووفيه اييع. يروح فدوى للمطبور حاجبه
يلماز:؟
وَدق: گلت وحده من تراچيك واگعه.
يلماز: تراچي شو؟
وَدق: حلق. حلئ. بأدانك هيك شكلو شوف ادني صرت بحكي سوري يخرب بيتك
شوفته ترچيتي وهاشم يبتسم ويتعشى ما تدخل بينا
يلماز: اها فهمت عليكي لا هو هيك وحده.
وَدق: قصدك تگول تك واحد. يَربي راح اخنگه
رُقيه: يمعوده فترة ويولي. اجرعيه
وَدق: حباية العافيه ما تجرعه. أگول موزو شني تحصيلك الدراسي؟
يلماز: بدك نخطب بنت خالي؟
وَدق: اانچب آني مخطوبة وراح اتزوج رجال ابن رجال
واحد خيخه مثلك مستحيل يكون إختيار بنيه عاقلة مثلي.
هاشم: احم.
وَدق: لا احم. ولا احم احم. ما مجبورين نتحمل خلفة بلقيس مقيس على گولة الملبوس جني. رايحه اتعشى ويا سُعاده بغرفتها.
يلماز: دودو. اذا حبيتي الترچ. تراچ
رُقيه: التراچي...
يلماز: إذا حبيتي التراچي اخذيها مافي داعي للدلع الفاضي.
رُقيه: فضيع انت فضيع. استمتع ويا ابن اختك رايحه اتعشى ويا حبوبة سعاد.
يلماز: ااشيل صحني واجي.
هلگد صوته عالي وَدق سمعته من الغرفه وصاحت.
وَدق: يشيييلك الحمزه ويرگعك بالگاع لا تلحگناااا
يلماز: على فكره حبيتها اتس چوك فاني.
رُقيه: ههها ههها تافه. يحچي انگلش تركش اربك خلط
هاشم: يلماز اگعد وعوفهن. وانتي شبيچ هو ضيف فترة وتعدي
رُقيه: خل يسافر شكو جايبه للبيت؟ إذا جسار درى بي يصير گيم اور.
هاشم: ما يطلع من البيت للحديقه شلون يدرى بي، المهم
يلماز: مشكلتي ما بعرف كل الكلمات العراقيه.
رُقيه: الف رحمة على والدين ذاك الداهي.
هاشم: جابر وسُعاد؟
رُقيه: اشتر وأمل.
اخذت العشا لغرفة حبوبه سُعاد وگعدنه نتعشى وياها اصلا هي ما تگعد على نفس الطاولة ويا هاشم.
وَدق: ولچ فد غثيييث مخنننث من جوا ليجوا
رُقيه: امه بلقيس وابوه لالنجي شيطلع هو.
سُعاد: لالنجي!
وَدق: أبيل حاروگه مطلعلهم لقب. بيت يوسف مسميهم ولد لالنجي. واصلان صار لقبه نعلان يم على سَند. وبعد منو
رُقيه: بلقيس لقبها ام البرستيجه. وسجى حيه.
وَدق: وهذا البرا لقبته موزو القرد اللي ويا دورا تعرفيها التگول قولو خريطة.
رُقيه: اي اي اعرفها. خرب شلون لقب
وَدق: بس احچي ويا بتوره اگللها تلقبه موزو مثلي.
سعاد: بسچن خل تولي هي وولدها
وَدق: هاا بس لا تدافعين عن بنتچ؟
رُقيه: وَدق!
وَدق: ما اقصد شي.
تذكرت لازم احچي مكالمة وگمت
رُقيه: لازم اخابر ابو گاع باچر جلسة المحكمة.
وَدق: صدگ خل ندورله على لقب جديد.
رُقيه: أبو گاع ماشي حاله ما نغيره.
وَدق: اي اي عييني عود حتى صيحيله بنزاكة. ااابو گاااعي.
شگد تافهه اذا ذبت ميانة، عفتهن وطلعت لگيت هاشم گدام الباب! ادري على شنو تتسمع. تجاهلته وصعدت للطابق الثاني على غرفتي شلت موبايلي شفت خمس مكالمات من أبو گاع ورن للمره السادسة جاوبته
رُقيه: چنت تحت والموبايل بالغرفه.
شلونچ گلبي.
عبالي يضوج بس اشو ريلاكس
رُقيه: احسن من الصبح كلش استفاد من البندول. تدري شنو چنت افكر واگول.؟
گولي حبيبي.
رُقيه: ليش بعد جلسه المحكمه ما اراجع دكتورة مُختصة إحتمال عندي شقيقة وهذا هو سبب وجع الراس.
إحتمال، الله كريم
رُقيه: بيك شي صوتك ليش تعبان؟
عبن من صدگ تعبان. ومحتاجچ وياي.
رُقيه: وياك آني ما اعوفك وحتى راح اكون مساعدتك باچر بالمحكمة شتريد بعد.
اريدچ انتي اريدچ وياي. ما تفارگيني.
رُقيه: يا فراگ التحچي عنه. أبو گاع شبيك؟
كتم الصوت ثواني ورجع يحچي.
آسف.
رُقيه: على شنو آسف. من شوگت تعلمت تگول كلمة آسف والله جاي انصدم بيك.
تغير نبرة صوته صار أكثر بهجة!
أنتي بطرانه. ما زين تعلمت؟
رُقيه: ااي عفيه الغرور وياي ما يوكل خُبز.
يجي ببالي حچي واستغفر الله.
رُقيه: خل اقفلها بوجهك ويصير دبل استغفرالله.
تمام. تمام بس لا تقفلين. خل اسولف على حظي المصخم، على سَند شابع من مرته بحُجة الاجتماعات وآنا أربع أيام ما شايفچ. شوفة شريفه عفيفه.
رُقيه: أبو گاااع بالقرآن احظررك.
شبييچ شصار شگلت شكفرت.
رُقيه: اابد ابد ما تقصد شي.
اءحم انتي إنسانه تفكيرچ وسخ!
رُقيه: ابلع حظر 24 ساعه.
قفلت الخط وحظرته من جميع المواقع. الأسلوب الوحيد اللي يردعه. شويه واجت وَدق للغرفة وگفت بالباب ومدت إيدها
وَدق: أبو گاااعچ حلفني بأبو حاجب مطبور انطيچ الموبايل.
رُقيه: ولي مناا
سديت الباب بوجها وهي تحچي وياه. تگول شگايل علمود تبلع حظر24 ساعه. صوتها اختفى اكيد نزلت تحت
رُقيه: يگول عليَّه تفكيري وسخ؟
تمددت بفراشي وما يجيني نوم ولا يمكن أتراجع واشيل الحظر إلا بعد 24 ساعه. دخلت للصور اباوع بصورنا واتأمل ابتسامته. لحدما نمت. ثاني يوم تجهزت لجلسة المحكمة ووصلت على الموعد
وأخيرا اليوم المُنتظر. خاصة بعدما استشرت الزميلة رهف بچم نُقطة مهمه، باوعت بي چآن يحچي ويا المُدعي العام. بعدما إيمار انطى أفادته گدروه يطلعوه من القضية براءة المُتورط الوحيد هو أبيل
والكل موجود ينتظرون وصوله من السجن للمحكمة.
هلال وهدام وصلو. وَتان وعمو ايهم هم اجوا. بقى عمو اشتر! رحت يم هلال
رُقيه: ليش عمو اشتر ما جاي؟
هِلال: گال روحو انتوا واني لاحگكم وما ادري بعد.
گلتلها تمام ودرت وجهي شفته داخل للممر الننتظر بي
رُقيه: هذا هو اجا.
وَ اجو وياه! أريم وعلى سَند، هدآم عيونه صارن بگصته
هَدآم: لا حول ولا قوة الا بالله!
هِلال: رجاءً...
وَتان: والله خطية شبيك وياها.
هَدآم: مگررن؟
وگاع: دَ تتگرن كلما توگف بوجه قصتهم.
هَدآم: محترم المكان او چنت انطيتك الجواب.
وگاع: اعرف ما تحترمني شخصياً.
هِلال: أصواتكم شباب.
هَدآم: تعاي بصفي.
مو طبيعي أخذها على ايده اليمين ويگول الا اتسودن من وراچ. اجت أريم ويا اخوها على سَند
علي سَند: من هسه اذا تفتح حلگك أگول لعمي أيهم يدبرلك سالفه وتروح منا.
هَدآم: على سَند!
الباشا: أكو شي أصواتكم عاليا!
علي سَند: ها شجاوب؟
هَدآم: انچب حسابك بعدين، ماكو شي عمي دنحچي بالقضيه.
أريم: هدآم حباب لا تعصب ما اسوي شي اگعد ساكته والله.
هَدآم: منك الصبر يا الله.
علي سَند عافها بصفي وراح يحچي مكالمة انتظرنا خمس دقايق إضافية. ودخلوا العساكر ثنين وأبيل بينهم ايديه مكلبچه. اريم شدت إيدها على زندي وتباوعله وهو عينه اجت عليها اول وحده
رُقيه: لا تخافين ان شاء الله يطلع براءة.
اخذوه لقاعة المحكمة ودخلنا احنه كلمن اخذ مكانه.
شويه ودخل القاضي. أعلن عن بدأ الجلسة. وگاع بلش طرح تفاصيل القضية واني وياه ك مُساعدة
وصل نُقطة طرح تحقيقات الشرطه. صگر چآن موجود قدم تقرير مُفصل عن التحقيق. ويا تقرير جهاز كشف الكذب وطلع أبيل حاچي الحقيقه! القاضي انطى استراحة
ربع ساعة ويتم استئناف الجلسة.
بقينا حايرين لأن بعدما ندخل الإستئناف الجلسة القاضي راح يطلب تقرير الطب العدلي والجنائي. وكلشي عند المحقق الجنائي أبهر.
رُقيه: زين انت اتصل عليه وينه ما جاي للجلسة!
وگاع: ما يجاوب الافندي.
أريم: خاف جسار اشتراه.
صگر نظرلهه بخزره ودار وجه يحچي مكالمة
وَتان: وگت تحچين!
أريم: چا وينه؟ كل التقارير عنده شمعنى!
رُقيه: بس نصي صوتچ هدآم عيونه عليچ
هِلال: على سَند حاول بلكت يجاوب عليك!
علي سَند: يدگ وما يجاوب.
صگر: خمس دقايق وتلگاه هيين. گال ازدحام.
وگاع: ها يعني جاوبك؟
صگر: شحده مَيجاوب.
صار وقت الجلسه ودخلنا لقاعة المحكمة ثلاث دقايق مرن والقاضي ساكت يباوع بينا صارن أربع دقايق والقاضي اردف
ألن تُقدم تقرير الطب العدلي والأدلة الجنائيه؟
واحد يباوع بالثاني گال خمس دقايق لعد وينه! اردف وگاع
يريد يطلب وقت من المحكمة
سيدي القاضي اطلب من المحكمة بعض الوقت.
إذاً. التقرير ليس موجودا!
لم أقل انه ليس موجودا. قُلت بعض الوقت كما تعلم المسافه بعيده من بغداد إلى البصرة.
أبهر: خاصة أن البغداد مُزدحمة. چنه شوارع الصين عين الله تحرسنا.
كلنا باوعنا للباب من دخل المحقق الجنائي وهو يعدل ساعته ويمشي بهيبة، شخص ثاني وراه بس شايل الملفات
وگف أمام المحكمة سلم واعتذر عن دخوله المفاجئ بدون طلب الإذن
أبهر: احترمت وقت المحكمة ولم ارد إضاعة الوقت بطلب إذن للدخول.
فلك اي والله هذا شكم مهنة محترف أسلوب المحاماة
والقاضي قبل بكلامه وبلش الجلسه. قدم الأدلة الكاملة.
بقى القاضي يدقق بيها. المحقق طلب اذن بالكلام والقاضي سمحله. بالإضافة وگاع كذلك
أبهر: اثناء التحقيق الجنائي والتأكد من موقع الحادث
تم تأكيد أن المنزل كان يأوي سيدتين لمدة 12 يومآ
السيدة بُشرى التي تجلس هُناك ك شاهده. والسيدة آيدا
وگاع: السيدة المَاكثة في منزلها بعد فتره طويلة من الإختفاء!
الفترة الطويلة كانت 12 إلى 13 يوما. حتى يوم المُداهمة؟
واحد باوع بالثاني. ماكو دليل على قضية الإختفاء لسنوات!
وگاع: نعم سيدي القاضي.
أبهر: أما في التقرير الأول الخاص بالطب العدلي اتضح لنا أن المقتول. تعرض لرصاصة بالكتف. والتقرير الثاني يضهر ان الشخص كان مُتعاطياً كميات كبيرة من الممنوعات مما أدى إلى نوبة قلبية مُميتة.
وگاع: والتقرير الثالث أمامك يُظهر سبب الوفاة ليس رصاصة في الكتف السبب الحقيقي نوبة قلبية مُميتة
أبهر: بسبب تعاطي الممنوعات بكمية كبيرة قبل مداهمة المنزل فجر يوم الحادث.
وگاع: كُل الأدلة الجنائية والتقارير الطبيه تُثبت أن القضيه ليست قضية قتل. فَ لقد مات بسبب تأثير الممنوعات.
هذوله الإثنين استلموا القضيه وطرح الأدله
طول بعرض والقاضي يستمع ألهم.
اين السيدة بشرى. لِ تتفضل إلى منصة الشهود.
گامت الأسمها بشرى وراحت على منصة الشهود
جابوا القرآن حلفت عليه. بعدها حچت بالفصحى!
بشرى: أنا سيدة اهوازية اعيش في ذلك الشارع مُنذ سِنين حالتي الماديه صعبه ولدي أطفال يتامى. لم استطع رفض ذلك العرض الذي كان سيُغير مصيري. طلبوا مني أن أذهب إلى المنزل - - و أرعى سيدة مريضه.
من طلب؟
بشرى: لا اعرفهم كانوا مجهولين ومُقنعين بقناع الجمجمة. لكن نفذت ما طُلبَ مني. كنت اترك أطفالي في منزل جارتي واذهب لأرعى السيدة 20 ساعه باليوم.
القاضي كتب شي وطلب منها تكمل.
بشرى: كانوا يطلبون مني أن اعطيها إبرة كل 10 ساعات
انطيته تقرير عن نوع الابرة و هو قدمها للمحكمة.
وگاع: ابرة غير ممنوعة لكن تُستخدم للمصابين بالاكتئاب مما يُسبب تلف بالذاكرة ونسيان حال الإدمان عليه.
بشرى: سيدي القاضي انني بريئة فلم اكم اعلم أنها امرأة
مخطوفه ويريدون التخلص منها، فعلتُ ما طُلبَ مني.
القاضي طلب منها ترجع لمكانها وهي بس تتوسل وتگول بريئة. باوعت ورانا هلال وأريم گاعدات وحده لازمة إيد الثانيه ويدعن بهمس. أبيل واگف وايده مكلبچة ملامحه بارده ما بيها ذرة خوف او توتر. واگف بثقة.
القاضي طلب يجيبوه للمنصة للنُطق بالحُكم.
باوع بعمو ايهم والبقية بعدها مشى ويا العساكر
وگف بكل ثقة منتظر حُكم القاضي، وگاع رجع لمكانه بصفي خليت إيدي على إيده وهمست
رُقيه: واثقة بيك يطلع براءة.
القاضي طرق مرتين وگال هدوء. بعدها اردف
بناءً على الأدلة المطروحة والشهود. تَم الحُكم على المُتهم. بجريمة قتل.
باوعت بأبيل شد ايده على بعضهن، همست
رُقيه: شديصير!
وگاع: لا تسبقي الأحداث.
رُقيه: وترني كلمة جريمة قتل.
درنا وجهنا للقاضي من اردف
تَم الحُكم عليه. ب البراءة من جيمع التُهم الموجّهة إليه.
طرق مرتين وگال أُقفلت القضيه، گمنا كُلنا ما صبرت رحت يم هلال وأريم حظنتهن
رُقيه: برااءة.
أريم: الف الحمد والشكر لله. گلتلكم برييء برييء
يحرگ حررگ خفيف بس ما يقتل والله ما يقتل يصوب خدش بسيط بس مااا يقتل.
هدآم عيونه بگصته وأبيل عيونه تلمع بفرحة من حچيها
القاضي طرق مرتين وبصوت عالي.
هدووء
گعدناها وگامت تحچي
أريم: تمام اسكت بس خل اوگف ما اشوفه انتوا كلكم واگفين. شويه منا خل اشوفه.
رُقيه: يمعوده صوتچ اخوچ عينه عليچ.
هِلال: يبوو رحتي بيها رحتي.
القاضي طلب نفضي القاعه. اخذو بشرى بعدما القاضي أجل محاكمتها للغد. آني وهلال لازمات أريم ونريد تطلع ويانه
رُقيه: خل نطلع يمعوده
أريم: أبيل ليش واگف ليش ما يشيلون هذني اللي بإيده ويطلع؟
رُقيه: الكلبچات. غير أكو إجراءات ما بعد الحكم منا للمسا يطلع
بألف يا على طلعنا من القاعة والبقية هم طلعوا هدآم اجا بإتجاه اخته وعلى سَند سبقه وگف بينهم
علي سَند: بغلاة هلالة.
هَدآم: چنتي سامعة صوتچ بالقاعة؟
هِلال: ديلا ما صار شي عفيه لا تخرب فرحتنا.
هَدآم: اخرب فرحتكم گلتي؟
أريم بقت ساكته وهدام رجع حچا
هَدآم: عيب عليچ شوية استحي!
خطية أريم انهضمت وبهل اثناء العساكر جابو أبيل مرو بصفنا أبيل گللهم لحظه. وگف باوع بهدآم وحچا
أبيل: خليك ريلاكس. اخو مرتي المستقبليه
أريم ذاابت بس تمثل القوة گدامه انوب باوع بيها ابتسم وگال
أبيل: أريمي. You and i. قريبآ.
هَدآم: لاااااا أنت زااايع المستحى. ااامشي من وجهي اااخذووو.
أنوب غمز ل أريم وضحك بوجه هَدآم. مشى ويا العساكر وأريم تعضعض بكتافي وتريد تصررخ من الفرحة. وتهمس بأذني
أريم: مطااية هواايش تراافس ببطني عزااا بعيينك اابيل.
رُقيه: يابو فاااضل ولچ هدآم يخوزر بيييچ
راد يحچي وياها على سَند خلى ايده على گلب اخوه كأن يعرف نُقطة ضعفه.
علي سَند: بغلاة عزيزة گلبك بغلاة هلالة. امسح حچاية أبيل بوجه اخوك و لا تصير عارض بطريقهم.
هلال دفعته بهدوء وحچت.
هِلال: Coook güzel نائص تعارض قصة حبهم والله ازوجهم على عنادك. ناخذ اختك مره لأخويه وها هاا
هَدآم: الصبر منك يا الله الصبر...
عافنا وطلع. احنه هم طلعنا ننتظر البقية بالحديقة
أريم الدينا كلها ما سايعتها من الفرحه. أنوب تسرح وتغني. يعاملني بطيبة واحساس
هِلال: شيرين البصرة اخويه جاب راسچ
أريم: اخوچ ماكرعارف نُقطة ضعفي من بين العالم والناس.
رُقيه: دِگوليها فرد نوب. الراية البيضة برفعها.
عيونها تحركن يمين يسار وگفت رتبت شعرها وحچت بغرور
أريم: لا ما واصلة لهل مرحلة.
فرت بإيدها وضحكت
هِلال: يمين عظييييم واصله وعابرة جميع المراحل يمعوده اخويه ساحلچ بالرُقيّ.
أريم: ديلا أُسُكتي.
رُقيه: هاا هاا.
شبعنا تحشيش عليها. اختفت ابتسامتي من حسيت بوغزة قوية على جهة اليسار من راسي. هلال قلقت عليّه وحچت
هِلال: رُقرق. رُقيه بيچ شي؟
فتحت عيوني احس خف تأثير الوغزة
رُقيه: اي. اي بخير ما بيّه شي.
أجو الشباب وعمو أيهم ويا عمو اشتر رايحين للمركز
يكملون باقي الإجراءات هلال راحت الوگاع قبل لا يوصل يمنا حچو شويه ونظرلي بقلق.
أريم: المسا يرجع للبيت و اخلي خالة آيدا تتلگاه بالباب. راح ساوي هيچي بس اوصل. اقنعها وهي حبابه ترضى. رُقيه بيچ شي؟
رُقيه: لا عمري ما بيّه شي.
اجا وگف يمنا باوعلي بقلق لزم إيدي
وگاع: هلال گالت تعبانه، بيچ شي اخذچ لدكتور مستشفى احچي.
گتله ما بيّه شي وبألف يا على اقتنع چآن يگول نروح للمستشفى!
رُقيه: مستشفى ايش يمعود ما بيّه شي. بعدين شوف الساعه 12 الظهر. لازم ارجع حبوبه بوحدها وَدق بالكُلية
هلال اجت بصفي مبين حزينة على موضوع ذاك اليوم من عاطت بوجه وَدق. وودق حچتلي
هِلال: مَجاي ألگى وقت مناسب احچي وياها. مَچان لازم احچي وياها هيچي.
رُقيه: هي حچتلي وگالت ما زعلانة منها ومتفهمه وضعچ.
هِلال: چنت مقهوره والدنيا مسوده بعيوني.
رُقيه: هاي شبيچ تبچين.
حظنتها وحده تواسي الثاني. هدآم اسم أجا من بعيد
يأشر بمعنى راح نمشي أريم راحت وهلال هم ابتعدت تمسح دموعها وتحچي بإبتسامة
هِلال: تجهزي منا للخميس زفتكم.
رُقيه: منااااا للخميس!
وگاع: منا للخميس.
هِلال: إذا تريدين نخليها للثلاثاء!
رُقيه: شنوو لااا شبيكم انتوا ليش مستعجلين!
منا للخميس شلحگ، منا للخميس!
هِلال: إذا ترتب الوضع باچر تأجر الفساتين والباقي كلشي جاهز حفلة بسيطة بين بعضنا ما نعزم أحد.
اكيد بسبب الخلافات الصارت بين عمامها. گلتلهم تمام
وبگلبي متوتره منا للخميس!
هلال راحت ويا هدآم وأريم واني رجعت للبيت بسيارة ابو گاع وگف السيارة ونزلت. حچا هو يهدد
وگاع: إذا ما شلتي الحظر تشوفين وجهي الثاني.
رُقيه: تزين لحيتك مثلاً؟
وگاع: يجي ببالي حچي واستغفر الله!
رُقيه: تحلم اشيل الحظر منا للمسا يمر 24 ساعه.
رگعت الباب وصاح وراي
وگاع: مو باااب الكنتورر هذا باب الكاديلاك.
نظرتله ابتسمت نزل الجامه حتى احچي گتله
رُقيه: كاديلاك سيريلاك اصلا ما حلوة وما تزفني بيها
وگاع: چاا شتريدين؟ GMC لو جكسارة؟ لو مَرسيدس لو روز رايز. هذني كلهن كاديلاك عمهن.
رُقيه: جي كلاس عمهن.
عفته يخوزر و روحه بخشمه. طبيت للبيت فتحت الباب بالمفتاح الإحطياتي ودخلت للصالة صوت الصراخ والعياط يجي مناك.
حماااااااار ااااامشي لااا لا لا تمشي ارجع اارجع ااابن المجنونه ااامشي مااات
ركضت للصالة إيدي على گلبي
رُقيه: منووو مااات.
اباوع محد ماكو بالغرفه غيره شفته متمدد عالتُخم يلعب ببجي بالآيباد ويفز من ينگتل
يلماز: حمار نضامي. حماار نضاااامي.
رُقيه: طيييح الله حظك.
نظرلي وما اهتم رجع يلعب. انغثيت منه شمرت المخده عليه وطلعت سمعته يگول انطوني اااسعافات تصاوبت
رُقيه: يَربي شلون ابتلينا.
أريم
صار المسا وكلنا رجعنا للقصر مَحد بقى ببيت المزرعة
حتى إيمار وامه خرجناهم من المستشفى. و حبوبه هُدهُده
كلش فرحت برجعة خالة آيدا بعد كل هاي السنين
خو عمة أمل ما تعوفها كل شوية تگوم تجهزلها أكله
وصايرات روح بروح عاينت بيها ما شالت عيونها على صورتنا الجماعيه المعلگة بالصالة عاينتلي ورجعت تتمعن بالصوره
آيدا: أنتي بنت أدهم درهم؟ هذاك اللي واگف بصف ايهم؟
آني وحبوبة وحده نظرت للثانية معقولة تذكرت شوية من ماضيها. هلال سمعتنا بالباب ودخلت گعدت بصف امها وحبوبه حچت.
نَاهد: اي هو نفسه الدرهم.
آيدا: دخل للغرفة يغني لعيونك. لعيونك انت يا حلو!
واحد عاين بالثاني أبويا بطفولتي چنت اسمعه يغني كلمات هاي الأغنيه لماما يَقين! بس ليش خالة آيدا تگول دخل للغرفه ابويا شجابه للبصرة بالوقت الحالي!
هِلال: ماما شوگت دخل لغرفتچ!
عاينت بيها مستغربة من كلمة ماما بس ما اعترضت.
آيدا: من يوسف أجا يقتلني اتذكر ما ناسية.
نَاهد: انسي الماضي بنيتي
أريم: منو يوسف؟
هلال حچتلي بهمس انه يوسف هو نفسه الالنجي ابن عمها وهو زوج بلقيس اخت جسار وهاشم.
أريم: شبكة عنكبوت مو علاقات و روابط.
اجت عمة امل گالت إيمار بغرفته ينادي هلال
وگامت هلال تروحله. عمة أمل گعدت وآني گمت من مكاني كنبصت گدام الخالة لزمت إيدها.
أريم: خالة حبيبتي خليني احچيلچ قصة قصيرة وأنتي قرري اذا الولد يستاهل ترحبين بي او لا.
آيدا: أرحب بمنو ما فهمت عليچ.
أريم: خالة خل احچيلچ وانتي تفهمين.
هزت راسها اي حبوبه وامل منتظرات احچي اني گلتلهن عن الفكره.
أريم: كان يا مكان في قديم الزمان عائلة حلوة من اب. وأم. وثلاث أطفال. بنية وولدين.
سكتت اشوف رد فعلها ما اريدها تضغط على ذاكرتها. گالت كملي
أريم: بنية وولد چانو توأم والولد الثاني زغيّر اخوته.
بيوم من الايام الأم اختفت من حياة أطفالها وزوجها.
آيدا: تركتهم؟
أريم: لا ما تركتهم ابعدوها عن بيتها. والأطفال الثلاثة كبرو سنة بعد سنة بعد سنة بدون امهم. الابن الزغيّر چآن متعلق بأمه. و يرسمها بشكل يومي. والابن الثاني عاش وحيد سنين وحيد بمدينة بعيدا عن توأم روحه. اخته
انتبهت هلال وإيمار واگفين بالباب عيون هلال مدمعه
اجوا گعدو بالصالة إيمار عيونه على امه وهي تهز ايدي
آيدا: كملي ليش بعيد عن توأم روحه؟
أريم: بسبب الضروف والشغل.
آيدا: والابن الزغيّر شلون عاش بدون امه ما اشتاقلها؟
إيمار عيونه محمره وبس يفرك ايديه ببعضهن هلال بصفه تهمسله بكلمات تصبره
أريم: اشتاقلها اكيد وضل يلوم ابوه عن غيابها
آيدا: ابوه كان لازم يدور على امهم ليش ما رجعها بسرعه قبل ما الأطفال الثلاثه يكبرون بدونها؟
هنا هلال دنگت تبچي سكتة وإيمار الصار يواسيها
خاله آيدا نظرتلهم بضياع وحچت كأنها تذكرت تفصيل!
آيدا: . يمكن نازا هم تبچي على فراگي امل اشتر وينه خل يلگى بنتي.
آمل: هو هسه طالع يدور عليها.
أريم: خالة. خالة اهدي خل اكمل. عمو اشتر راح يدور عليها اهدي خل أكمل. هلال حبابة كافي
مسحت عيونها وگالت تمام. خلت راسها على كتف إيمار
وآني كملت كلامي
أريم: هسه نعوف البنيه و الولد الزغيّر. ونحچي
عن الولد الثاني اللي عاش بعيد عن اخته هذا الولد يكبر ويصير شاب. بيوم من الايام يرجع للبصرة.
آيدا: اي اتذكر مدينة أيهم.
أريم: اي. ويكتشف انه امه عايشه هنا. بس بمكان محد يعرفه. يضل يدور عليها يدور يدور لحدما يلگاها.
آيدا: وألتقو؟
أريم: اي بس امه ما عرفته. و انقهر حيل انقهر
وبعد شويه الشاب هذا راح يجي
آيدا: ليش يجي؟
أريم: عبن هذا بيته وراح يكون مقهور حيل امه ما موجوده حتى تستقبله.
آيدا: احنه موجودين احنه نستقبله.
ما ادري ما گدرت اتحكم بفرحتي حظنتها
أريم: يعني راح تستقبلينه مثل ابنچ؟
آيدا: مثل ابني؟
أريم: اءي حتى يفرح وما يحس روحه ماله ام.
آيدا: ما ادري. يصير؟
نَاهد: اي بنيتي يصير ليش ما يصير
ابتسمت وحچت ويا عمة أمل
آيدا: اي. تمام اعامله مثل ما اعامل نازا بس خل أشتر يلگالي بنتي.
إيمار: و آنا يُمه؟
جاوبته بدون لا تعاينله ومُصرة عمة أمل توعدها
آيدا: وانت هم اعاملك مثل نازا. أمل وين اشتر تأخر راح يلگالي بنتي؟
اندگ جرس الباب. واحد عاين بالثاني خالة آيدا رادت تگوم وتحچي.
آيدا: اكيد اشتر امل اشتر راجع وجايب بنتي
أمل: هذا الشخص اللي منتظر امه تستقبله.
آيدا: الولد الوحيد؟
أريم: اي خالة گومي وياي.
لزمت ايدها وگامت عدلت الشال الحرير على شعرها
ملامحها الحلوة مثل ما هي مثل ما سنين يوصفوها
حاوطتها وطلعنا من الصاله البقيه لحگونا. المساعده رادت تفتح الباب گلتلها اوگفي. اخذتها گدام الباب
أريم: هسه افتح الباب. لا تنسين تعامليه مثل الأم.
آيدا: اعامله مثل ما اعامل نازلي. و اشتر يجيب بنتي؟
أريم: اي يَگلبي، هسه خل نركز على اللي واگف برا
دگو الجرس مره ثانيه گلتلها ارجعي ليورا. گلبي يدگ دمام من صعوبه الموقف. يَارب ما تتخربط. لزمت يدة الباب وفتحتها بهدوء. وگاع طلع بوجهي! فات للبيت عفت الباب وانداريتله
وگاع: ساعه ادگ الباب وينچن نايمات؟
أريم: وگاع احنه شگلنالك وينه أبيل!
آيدا: أبيل منو...
نزع جاكتيه وانطاها للمساعده تاخذه لغرفته، اردف.
وگاع: أبيل حاروگه خالة ليش ما جايه تستقبلينه؟!
عزا بعينك شجاي يسوي ناوي يجلطها، گرصت زنده واحچي بهمس
أريم: نااوي تموت المره شبييك. وينه هذا وينه؟
ما لحگ يجاوبني. سمعت صوته جاي من برا وهو يحچي وياهم يگول.
أبو وگعه طب جوا وما انتظرني!
وهَدام يجاوبه
لا تستعجل شدعوة!
آنا متلهف على أُمي أنتَ شكو؟