رواية ولد الباشا للكاتبة فاطمة الأحمد الفصل التاسع والثلاثون
ال عزّهَ
رجعت للبيت ومر ساعة كاملة انتظره وما رجعوا چانت الساعه بال 9: 30 دزلي رساله.
تعاي للعنوان هذا، بدون ال GPS چفينا شر اخوچ.
عزّهَ: هسا اخوي صار شر بعينك!
قفلت الموبايل وگمت بدلت، نزلت تحت امي چانت بغرفة هُدهُده طلعت وشافتني.
ندى: وين رايحه بنص الليل؟
وگفت وانداريت جاوبتها بكل صراحة.
عزّهَ: رايحه أشوف عزام شصاير وياه.
ندى: رجع للمصايب زوجج ما ناوي يترك أعدائه ينامون وعوفونا؟
عزّهَ: لا ماما حبيبتي زوجي ساهر الليل ويسهر أعدائه وياه ما يگدر بدون مصايب.
عفتها ومشيت للباب رجعت وگفتني.
ندى: ابوچ اليوم اجا للشركه؟ لو ما جاي عبن ما جاوبني من اتصلت عليه.
غمضت عيوني بغضب وجاوبت بدون لا اندار.
عزّهَ: ما اجا للشركة، يمكن طلعله صفقة جديده
بيها ربح أكبر.
ندى: شبيچ تحجين من خشمچ ابوچ...
فورا طلعت بعد سؤال آخر واحچي الأول والتالي.
رحت للسيارة عماد الشوفير سردلي تعاليم عمي الباشا وأنه ما لازم اطلع.
عزّهَ: افتهمت عماد افتهمت روح جيب تلفوني بالصاله نسيته، خل احچي ويا عمي واطمئنه انه ما اطلع.
هز راسه بالقبول ودخل للبيت آني هنا صعدت وفورا انطيت امر يفتحون الباب طلعت من البيت والمنطقه كلها وصلت للشارع العام دزيت رسالة ل هدآم اللي اكيد هسا رايح للمستشفى.
عزّهَ: ماكو داعي تلحگني رايحه اشوف عزام عود هذا فاير دمه منك تمام لا تلحگني.
شگد سريع بالرد فورا راسل.
راجع للبيت وهلال وياي اول ما اوصل اروح اگعد بزاوية الغرفه وارجف من الخوف.
لا حول ولا قوة الا بالله العلي العظيم
عزّهَ: شكرا على تَفهمك اخي الكريم.
قفلت الموبايل وشمرته عالكشن اريدلي يوم يمضى بدون مصايب ماكو! انوب العالم تحسدنا
علي حياتنا الجاي نعيشها كله مكائد وخطط ومطاردات.
ضليت طول الطريق افكر بالموضوع كلها تدري
ما عدى أمي ندى حتى هدهده وامل يدرون!
بس ماما ما تدري ولا عدنه نية نحچيلها عبن
هي حساسه اتجاه بابا وتحبه فبسهوله ابوي يضحك عليها ما عنده اي مشكلة يستغل حُبها!
أما ماما يقين الكل يتجنب الحديث وياها بهذا الموضوع عبن هي إمراة ذكيه وفطنه تلگفها
وممكن بسهولة تكتشف أنه احنه كاشفين أدهم.
واحتمال كبير هي تعرف بكلشي او ما تعرف!
الأفضل جان نتجنبها، خل نشوف تاليها.
وصلت للعنوان نزلت امام باب البيت اناظر بيها
تصميم يشبه تصاميم قصور جسار.
عزّهَ: هو بيت واحد ما عرف يحافظ عليها انوب صار عنده بيوت! هذا هم قصر من قصوره.
انفتح الباب الحديقه مليانه زلم الحراسه.
مشيت بنصهم وصلت وفتحولي الباب دخلت وانسد وراي.
عزّهَ: انذال.
درت وجهي لليسار شفتهم الثلاثه گاعدين رابعهم
الشيخ والمحامي صديق عزام واگف بجهة! شجاي يصير جسار شجاي يسوي مشيت بخطوات سريعه واحچي.
عزّهَ: شهل مهززززله عزاااام! الشيخ شيسوي هنا!
رجع ظهره للكرسي واردف بكل هدوء كأن هو صاحب القرار والفكره!
عزام: ابي الغالي يعقد على أمي وينلم شملنا.
تعاي حبيبي لازم نشهد سويه.
نظرت لأمه اللي مدنگه وجسار اللي يبتسم!
عزّهَ: ما تخااافون الله؟
ااانتي ااانتي شلووون هيچي تقبلييين، ااعرف اعرف انت انت لا تحچي، هي صح شرعيا مو على
ذمممة عمي أيهم لكننن هذا مااا يعني هيچي تسوي ولك عزااام شلون ترضاها!
ابوه يبتسم وهو هادئ إلى أبعد حد.
عزام: ما راضي عن شي ماكو شي عاجبني رايد اتفل عليهم وامشي بس هذوله امي وابويا شنسوي نكبر وننسى تعاي گعدي.
عزّهَ: گدرولك؟
عاين بأبوه ابتسم
عزام: هو مو رب حتى يگدرلي، يلا تعاي ما اريد
نتأخر بهاي اللحظه الخايسه.
عزّهَ: وافقت تغدر أبوك وتكسر ظهره!
جسار: شبيچ بنتي آني ابوه! عزام مرتك غبيه ما تفهم؟
عزام: مرتي تاخذك للشط وترجعك عطشان.
احچي على گدك.
من أسلوبه مبين هذا الجاي يصير كله من ظمن شروط ابوه! رجعت الموبايل لجيب الجاكيت
وتقدمت خل نشوف تاليها عزام يفضل الموت
ولا يغدر الشخص الرباه وصارله أبوه!
سحبت الكرسي وگعدت بصفه أمه كذلك مدنگه
بألف يا على لازمه روحي ما اريد احچي عليها وهي أمه، احتراما ل عَزام فقط لا أكثر.
نزل إيده تحت الطاولة لزم إيدي وشد عليها مرتين وعيونه تحچي الف حچايه.
اكدلي أنه كلشي راح يصير راح يكون نحو الطريق الصحيح. ، بلش الشيخ يعقدلهم واتمم كلشي
بالقبول من الطرفين أعلن عن إتمام عقد قرانهم
بعدما شهدنا عليها، والمحامي قدم العقد.
وقعوا هنا.
سجى وقعت وبقى جسار قرأ اول ورقة تأكد منها
جسار: ما نريد ضربات مرتده ههاههاهها.
عزام طلع المسدس من ظهره وسحب أقسام خلاه گدامه گلبي يدگ بسرعه! معقوله يسوي شي
وقع العقد والمحامي قلب الصفحه.
النسخه الثانيه لو سمحت.
وقع عليها كذلك وبسرعه أخذها المحامي
تم كلشي الأمور القانونية الأُخرى آني اتكفل بيها، ليلة سعيده.
عافنا وعزام لوحله بالمسدس.
عزام: الله وياك ليلة سعيدة وعزام سعيد وجسار سعيد وسجيوا سعيده صح أمي العروسه؟
رفعت راسها وهي مبين خجلانه من ابنها
بثواني قليله تغير 180 درجه رفع إيده للسقف
وأطلق ثلاث رصاصات ويحچي بصراخ.
عزام: ااااالف ااااالف مبرووووك خرااااب بييييتچ الجديد حتى قببببل لا ينبنيي اااساسه ااالف مبرووك صرتي إمراة فاااقده احترام ابنها الوحيد
وعااااايشه ذليلة حُبهااا للرجااال اللي فرررط بيها وبأبنهاااا.
انهارت بالبُكاء وجسار بكل حقاره حاوطها يهديها.
جسار: لا تبچين! سجى لا تبچين ولا تصدگين بكلامه كلشي صار بالماضي يبقى بالماضي هسا احنه بالحاظر، وهذا ابنچ وزوجج وياچ عائلة شحلاتنا ناقصنا بس بتراء.
عزام: ههه ناقصنا بتراء ولك لوووووو اعرف اااختي وينها قسما بالله العظيم ما اراويك منها شعررره خمسه وعشرين سنةةةة حااابس البنيييه خوفااا من هاااشم وتريييد ترجعهااا هساا وتقشمرررها بأجواء العااائلة الخايسه مالتك!؟
عيوني على سجى اللي مسحت دموعها نظرت لجسار و عزام، حچت.
سجى: بنت زينب اذا ترجع تنساني.
عزام: الله محمد وعلى وياچ، اختي ترجع.
وتشوفين شلون ارجعها بس خل زوجج الگ ينطيني صوره ألها، خلال 24 تلگيها گدامچ وعناااد بييچ اااحبهااا واحترمها واخليها على راسي عبن هي ااختي وشايلين نفس الدم موو عزااام اليفرط بخواااته.
جسار: ماكو صورة الها اتصدگ لو ما تصدگ؟
25 سنة حتى رسمه ما مرسومه ألها انت اذا گدها تلگاها بنفسك.
من العصبيه صار يدگ على الطاولة دخلت على الخط لازم اعرف مصيرها!
عزّهَ: شوگت ترجع مرت عمي!
الكل نظرلي خاصة سجى اللي صرخت.
سجى: جساااار التركيه بعدهااا عااايشه شلوون.
لا لا مستحييييل اخليها ترجع للباشا مستحيييل
هي ترجع لعائلتها؟ وآني اخسر كلشي؟
خلص گلبي منها گمت وضربت إيدي على الطاوله اول مره اصرخ عليها.
عزّهَ: ااااااسكتي كاااافي عاااد يااا ضااالمه
دمرتي عااائلتيييين بسبب سُمچ هذااا شتريدين
شترريديين انتي؟ عائلة وحبچ هياته جساار گدامچ اشبعي وخل يشبعچ اااعتقي عمي وعائلته دمرتييينا دمرتي نفسج ودمرتي عائلة عمي شتريدين هااا؟
سجى: بنت ال تعلي صووتهاااا على ااامك
وتحچي بدوون احترااااام. ، ضل ضل خليها تقلل من احترام امك يا جبان.
عزام: عزوزه اگعدي حبيبي اول مره اشوفچ هيچي تصرخين بهيده ويا احبالچ الصوتيه صدمتيني والله، اشربي ماي.
عزّهَ: اسفه ألك مو الها، جيب.
اخذت الماي منه شربته ورجعت ظهري للكرسي
اعرفه تمام المعرفة يعرفني شنو آني ويعرف امه شنو امه ضلت مصدومه عبن عزام لا يرفع صوته ولا يگلي اعتذر يعرفني احترمه وراح اعتذر منه!
إذا شفت نفسي غلطانه.
سجى: وعادي عندك ما تعتذر من امك؟
عزام: جداً جداً
سجى: عزاااام!
تقرب يحچي گدامها ويدگ بإيده على الطاولة ويا
كُل كلمة.
عزام: سمعيني، قسم بالله العلّيُ العظيم قسم بالله إذا إذا دريت بيچ متدخله بموضوع بتراء و آيدا انسى انچ أمي وخلاص اتبرأ منچ! وجهي تحلمين تشوفينه مفهوووووم.
لزم إيدي وگمت وراه نمشي للباب
جسار نادا من ورانا.
جسار: الشرط الثاني شوگت تنفذه؟
عزام: بكيفي من اشوف الوقت المناسب.
فتحولنا الباب وطلعنا من المنطقه وثنينا ساكتين
حتى آني ما ردت احچي خليه على راحته.
بس الشغله اللي شاغله بالي الآيباد وحقيقة أبويا
ومقابلتي ويا جاسر شراح يكون رد فعله!
سيرا
بعدما إيمار شرد من غرفة المستشفى وَتن رجعنا للبيت وماكو اخبار عنه حتى ستوريات ما ينشر!، إيمار عنده عادة مهما كان وضعه يصور
مكانه وينشرها ستوري!
خلصت ساعات العصر افتر بالبيت واحس اكو شي غريب ديصير ويانه!، ختيارة الجن صايره تختفي فجأة من البيت عزّهَ كذالك ماكو أمي وعمة أمل
مخلصات اليوم مع بعضهن بالمختصر كافيات خيرهن وشرهن ما يتدخلن بشي.
رجعت دخلت لبروفايله مال الانستغرام على أمل.
ينشر شي، گعدت عالدرج، فجأة اجاني إشعار أضاف صورة إلى قصته.
دخلت للستوري چآن ناشر صورة إيده ومبين بالكورنيش كاتب عليها. أنا بخير.
سيرا: أنا بخير؟ معقوله يقصدني؟ لالا ما يقصدني، زين هذا شني بمعصم إيده ليش ما ينزعه؟
تمعنت بالنظر بصف الخيط البيها خرزة اسوراة امه ربطة سوده ربطة شعر! عيوني تروح يُمنى و يُسرى فاتحه حلگي بصدمه.
سيرا: اءء هاي مالتي! عزاا هاي مالتي.
گمزت اوگف بعدم تصديق للحظة اجت ببالي خاف مال بنيه ثانيه!
سيرا: الربطة النادرة شني بس آني عندي منها؟
أموله مرت اشتور الورد طلعت من الصاله الموبايل بإيدها وتبتسملي ويا رفعة الحواجب ذات المعنى
أمل: نشرر ستوري هاا ءء.
عزاا هاي شلون تعرف! رحتلها واحنه فد ميانه مثل الصديقات ولا چنها أكبر مني 25 سنه.
لزمت إيدها وجريتها على صفحه.
سيرا: تعااي تعاااي مريّت الورد هاي ليش اقصد شلون اهووو احچي اسمعچ.
عاينت بيه فوگ تحت وحچت.
آمل: تخيلي لو ما چنت بحياة عمچ وبحياتچ؟
سيرا: حياتنا چانت تصير اسوء من كارثة هيروشيما، و اللهُ على ما أقول شهيد.
عدلت الشال النازك على شعرها وابتسمت بثقة ممزوجة بغرور، اردفت.
أمل: راسلته گتله إيماري نزل ستوري گلبي ضل يمك وهو سمع الكلام.
سيرا: اءء هاا اي تمام. ثاانكيو تعاااي حظنننن
بدون مبالغه احبها بگد حبي لأمي ول ماما يَقين!
هي تفهمني وتفهم كل فرد بهل عائلة، ابتعدت وهي حچت.
أمل: يهمچ؟
سيرا: منو؟
أمل: احم سيرا!
سيرا: لا تفهميني غلط احنه دم يفزع للدم ولد عمام وهيچي ونخاف على بعض ماكو شي ثاني.
أمل: سيرا.
تجاهلت النظر لعيونها وجاوبت
سيرا: هاا هاا.
تقربت مسدت على شعري بهدوء وحچت.
أمل: بفتره قصيره إيمار صار قريب مني ويحچي وياي ولاحظت الربطه اللي بإيده گتله ألمن گال.
سيرا: اي كملي شگال؟
أمل: گال گومي اقري باچر عندچ اختبار.
يعني الله ما يقبلها هيچي حطمت معنوياتي.
سيرا: عدوووة المشااعر والمعنويات تزاااعلنااا.
عفتها و رحت اصعد لغرفتي وهي تضحك وراي.
أمل: ول خااالي نتشاقه گال للطرگاعه مالته.
وگفت بنص الدرج انداريت الها.
سيرا: أحلفييي؟
أمل: وحق جدنا السابع هيچي گال مع ابتسامه مترين.
سيرا: شگد تبالغين انشگ حلگه! شني ابتسامة مترين!
ندى: هذا يا طايح حظ انشگ حلگه؟
عزا العزااك امي طلعت من الصاله أمل اندارت ألها.
أمل: هذا گرايبي انشگ حلگه من الإبتسامة العريضه خطيه أول مره يعيش قصة صدگيه الماشايف الحب وشاف زحمة.
ندى: سيرا على شني صافنه.
سيرا: عالحب ءءهااا درس عندي اختبار باچر تصبحن على خير.
ندى: خل أريم تدرسچ خوش.
سيرا: آني اللأنطي دروس ما أخذ درس من احد ههه.
عفتهن وصعدت ذ ما ادري أموله شني تصرفت من بعدي، دخلت على غرفة أريم اللي متمدده على بطنها، اللابتوب گدامها والهيتفون بأذنها.
سديت الباب وتقدمت بهدوء ردت افززها بس هي بغير عالم تقربت شفتها داخله على حساب أبيل الخاص بالبزنس.
وتشوف بوستاته القديمه وتگلّب بالصور اللي كلهن بس ظهره مبين ما ناشر وجه.
عين عليها وعين على اللابتوب هاي حتى على وجودي ما حاسه تقربت خليت اذني يم الهيتفون جاي تسمع اغنية مشاعر.
وگفت على آخر بوست بتاريخ /10/8 /2022/ قبل يوم الحفلة، الصورة چانت ل أبيل اوگف أمام مصافي البصره بالبدله الرسمية وبس ظهره مبين كاتب عليها(لا تدع أحداً يعرف خطوتك القادمة).
تمددت بصفها خليت ايدي تحت راسي و اعاين اختي المسحوله رايحه لغير عالم.
سيرا: اللي بيفكر يفارق بس لو لا المشاعر!
تراا نانا نااا
فزت وخلت إيدها على گلبها بسرعه قفلت اللابتوب
أريم: يا على يا ضرغام، من شوگت انتي هنا؟
سيرا: من وگت ما چنتي بغير عالم انوب مشغله اغنية مشاعر بويا تفي على هيجي مشاعر حابتلي مغناطيس المصايب، بس جنتل للصراحه.
أريم: أبچي اضحك شدوس على كلامچ هذا، وخري عوفيني وحدي.
حاوطتها عناد بيها.
سيرا: اضحكيي الدنيا خربانه خربانه، بعدين ما ابتعد أووختي افتحي اللابتوب خل نشوف الجنتل حاروگه شني راد على البنات.
أريم: ما يرد على التعليقات.
سيرا: مغرور؟
أريم: لا ما ادري مره كتبتله تعليق وجاوبني.
سيرا: لمن غثچ ورحتي شلتي اللايك وحذفتي التعليق ولغيتي المتابعة مثل المطلقه الاكترونيه؟
أريم: للچچ گووومي من يمي ااانتي من وين تعرررفين هذا الحچييي؟
نزلت من الچربايه اضحك على رد فعلها.
سيرا: هو حچااالي گااال اختچ سوت كذا وكذا مثل المطلقه الاكترونيه.
أريم: عزااا بعييينك ااابيل.
سيرا: متتت أنوب سمَّعني تسجيل صوتچ لمن.
چنتو بإزمير وقفل باب السيارة من برا وقشمرچ، اختناااااق رسمي من تكولين (انا حربايه تغير لونها)عزااا شتحسيين
ركضت وراي تشمر المخاد عليَّه.
أريم: عزااا بعييينك ااابيل إلا اااطيح حظظظه
وحق لا اله الا الله محمد رسول الله اسوي مثل ما سوا بييييّه.
متت ضحك عليها دخلت على غرفتي وسديت الباب من صار هدوء فتحت الباب طلعت راسي.
شفتها تشيل مخداتها من الممر انتبهتلي ورجعت شمرتهن ناحيتي بهل أثناء سمعنا صوت هلال تصعد الدرج وهي تحچي ويا هدآم بصوت عصبي وتحاول ما تعلي صوتها.
مستحييييل تدري شني مستحييييل متسوووودن.
ترا أحبچ ما يصير؟!
هدآم لا تخليني ارتكب بيك جريمه!
موافق.
ااستقرر محااااسن.
سديت حلگي احاول اكتم الضحكه ما فاهمه عليهم بس أريم من بعيد اشرتلي ادخل الغرفه ونتراسل، سويت مثل ما هي گالت ودخلت شلت تلفوني شفتها راسلت على السناب.
صرنا نسولف ريكوردات
أريم: اخونا يريد يتهور.
سيرا: وات هابن ماذا يحدث؟
أريم: بيني وبينچ هااا!
سيرا: بئي البحصه خلصييييني
أريم: زوج و زوجة.
سيرا: منو؟
دزت ايموجي الگالب عيونه
سيرا: دقيقه اتربع اخويه وهلال متزوجييييييييييييين متى متى متى.
أريم: هوووو هووو وين نااايمه بس هاا لازم ابويه ما يحس انه احنه ندري و عمامي يدرون فاهمه علمود ذيچ الخطه اللي عمو گال عليها. والبارحه سولفتلچ.
سيرا: صرت استحي بأبونا، احچي وخلصيني.
گعدت تحچيلي كلشي صار بالحرف الواحد
بحيث خلتني اصفن وما استوعب معقوله ابويا
مادچي لهل درجة! بس للصراحه فرحت هيچي
هو كتب حُب حياته على اسمه.
وَسن
مسح دموعي وإيده ترجف رجف حسيت يشد لزمته لوجهي بحيث تألمت.
وَسن: ن نَااائل وجهي.
اعرفه مو بإيده هو مو بوحده! فورا ابتعد حافظ جهة الباب دخل وضل يصرخ.
اقفل الباب ااااقفل الباااب ناااجي.
جاسر جرني بعيد وسُعاد تبچي بجهة ما بيدها شي
تقرب ناجي اليرجف إيده على اخوه و توأم روحه
تقرب من الباب وعيونه مايشوف بيها من الدموع
قفل الباب اللي الوحيد چآن من الحديد الصلب.
قفله بإحكام وتقرب من الحاجز الزجاجي يضرب راسه بي ويبچي بصمت على حالة اخوه.
نائل فتح عيونه الصايره مثل الدم وهز راسه يريد
ترجعله الرؤيه ثواني ورفع راسه يناظر بينا واحد واحد خلف الحاجز الزجاجي.
سُعاد: الله لا يسامحكم هاشم وجسار شسويتو بوليدي شسوييتو بأمانة اخوكم شسووويتو بي.
هم زين ما يگدر يسمع أصواتنا خلف الحاجز الزجاجي لو چآن سامع اسم الله چآن يرجع اسوء من ساعات، تقربت حظنت سُعاد وحده تحظن الثانيه وعينا على نائل.
اللي تسودن يريد بس يتعذب يشوف الدم
شگگ قميصه وطلع قطعة گزازه من جيب البنطلون ما ادري شوگت ضمها يمه عفت سعاد وركضت اضرب على الحاجز واتوسل بي.
وَسن: لاااااا لاالاااااا تأذيييي روحك نَااااائل نااائل لا تأذيييي روحححك نااااجي احچيي ويااااه جاااسر وينك تعااال تعااال اخويه اخويه راح يروح منيي.
جاسر چآن طالع بره الدكتوره راح توصل بعد
شويه واحنه هنا نشوف شلون يجرح روحه يجرح
صدره وكتافه ويهز راسه يضحك لا إرادياً.
ناجي انتهى حرفيا أنتهى وگع وانطاه ظهره ما يتحمل يشوفه دنگ راسه لحظنه يبچي مثل الطفل على اخوه وآني هنا راح اتسودن نائل الدم ينزل بطوله احچي والدموع تنزل من عيوني بدون توقف
وَسن: ن نَااااائل لا تأذي روحك نَااااائل ااسمعنيي بس رركز وياااي نااائل فدوى لا تأذيي روحك، وانظر إلى تلك النجوم. مه مهما تُغطيهاا الغيوم. ستظل. ستظل تلمع حُرةً حُباً تحوم.
ماكو شي يخليه يرجع طبيعي حتى اغنيتنا.
اللي ضلينا سنين نرددها سويه ما تحسسه بشي نائل فقد روحه خلص يا اما يموت بتعذيب نفسه يا اما لوسيفر يقتله.
رجعت اضرب على الزجاج اريد بس ينتبهلي
وَسن: ن نَااائل نَائل ثلاث نجووم ثلاث نجوم انت انت و آني وناجي.
فجأة وگف عيونه تنظر بفراغ معقوله فهم كلامي، رفع راسه بدون تعابير اردف بكل برائة عكس نَائل سايكو النعرفه.
نَائل: ثلاث نجوم انتي وناجي واخذو أمي لا تعوفوها وياي.
حتى بحالته هذهِ يفكر بأمه المتوفيه ناجي گام وگف وياي يحچي ويا اخوه من جهة الباب هنا يگدر يوصل صوته.
ناجي: أنت تاخذ امنا وتروح بعيد بعيد مستحيل اخليهم يعاقبوك على جرايم ما مرتكبها.
هجم يضرب الحاجز الزجاجي بإيده اللي كله دم ويصرخ.
نَائل: لاااااا تچذبببب اااني ااانساان سيييء صفاااء وين زييينب وييين ماااتتتن چننننت سابح بدمهن مااااتن بسببي.
وَسن: نَااااائل لا لا تحچي هيچي بريء اانت بريء جاااسر جاااسر وينك تعال فهمه بريء والله والله بريء.
ابتعد للزاويه بس لا سمعني، صار هادئ فجأة
گعد وفانيلته التعلاگه صارت أحمر من الدم كتفه وصدره معصم إيده كلهن جروح لزم راسه ويناظر گدامه المشكله حتى سكوته يخوف بس لا يسوي شي عدائي ويا نفسه.
رفع راسه نظر لجهة الشباك الموجود بالجانب اللي هو گاعد بي شباك عالي مجرد مربع للضوء مفتوح ركزت وياه السما مبينا رفع إيده صار يعدد اسمائنا.
نَائل: أمي يُسرا، وسن ال الشگره و هذاك نَاجي
ال الجنتل. ابقو بعيد سافرو لا ترجعون للبصره ابقو بعيدين عن نائل.
وَسن: لا لا نبقى يمك ما نعوفك انت مو بوحدك احنه وياك راح تصير أحسن راح تصير احسن هي هاي سعاد ويانه ما عافتك ما عافتك.
اجوبته كلها من باله لأن ما يسمعني.
نَائل: وَدق وَدق شصار بيها لا تعوفوها بوحدها تخاف اعرف هي اكيد تخاف من العمته افتحو الباب لا تسجنوها هي مو وحش مثلي لا تعاملوها هيچي.
وَسن: ولللك عوووفك من وَدق عوووفك من اي شخص ثاني فكررر بنفسسسك احنه وياك سعاد وياك وآني هنا ما اعوفك مثلما چنت بالماضي وياي بنفس المكان آني وياك نطلع سوا سوا.
تقربت سُعاد تحچي وياه عدهه آمل گلبه يحس بالإيمان بعدما احتله الظلام.
سُعاد: نائل أبني أبني اسمعني الله موجود بس لا تسد اذانك من تسمع اسمه الله موجود يهديك بس لا تستسلم للشيطان البداخلك انت مؤمن أنت مو فاجر مثل عمامك.
هجم يضرب الحاجز ويصرخ.
نَائل: لااااا تذكرررين اااسمه لااا تذكرييين اااسمه مو مؤمن كااافر فاااجر ماااكو ااااسوء مني مو مؤمن كااافر فاااجر، وينه AXR ويييينه خل يييجي هوو االوحيييد اليفهمني.
سُعاد: اااي هووو شيطااان مثللك مثللك ااالله لا يسامحك هاااشم ااالله لا يغفرلك ااالله لا يشوفك الجنننة دمرررتهم.
كلما تذكر اسم الله حالته يتدهور أكثر خلص گلبي منها لزمتها من زندها وجريتها.
وَسن: لاااا تخلييييني ااااتسوووودن عليييچ ااانتي
تزيييديين الوضع سوووء خلييچ بعيدااا
سُعاد: لچ شتوووقع مننچ بببنت هاااشم مثله
هااا مثله بس لا ااانتي هم!
اخذتها برا الغرفه بالممر وگفت احچي وياها.
وَسن: ااطمئئني اااني مااا مقدمني لااا تخافييين مااا اسبح بدمچ بس بس نااائل حالته خاصه هو مو بإرادته الأول جساار مررضه سوااه مريض نفسي وساايكو والثاني هاااشم هيجي هيجي
سلم أمانه يُسرا ونَصار لذولاك الجماعة لخاااطر شنيي لخاااطر فلوس نفوذ اااملاك.
ما جاوبتني راحت على جهة تبچي واني اشوفها
استغفرت الله بگلبي وتقدمت كنبصت گدامها.
وَسن: سُعاد لا تبچين...
ما تنظرلي ولا تجاوب، لزمت ايدها وبسته.
وَسن: تمام سُعاد I m sorry. سُعاد دا احچي وياچ واعتذر!
سُعاد: ارجعي يم نَائل واقري عليه معوذات.
حكيت طرف شفتي شني يعني معوذات؟ هسا لو اسألها تتسودن عليه وتلعن شيب هاشم.
سُعاد: ليش صاافنه لووو ما تعرفيين شني معوذات. ااقري آية الكرسي بلكت يطلع هذا منه
او نجيب شيخ يقرأ عليه.
عفتها وگمت احچي منفعله، هاي تريد تموته
وَسن: شنييي no no مو گتلچ حالته خاااصة هذا مو جن هذا شيطان ليش ما تستوعبين تريدين يمووت؟
سُعاد: ااابوچ العااار النگسس ال بس خل يرجع إذا ما لعنت شيبه ال دمرررركم وااانتوا مثل احجار الشطرنج بإيييده.
عفتها بمكانها، شجاوبها يعني!
رجعت للغرفه Back...
الساعه عبرت 11. بالليل واللي بيني وبينه حايط زجاجي فقط اشوفه شلون يعذب روحه ويكتب اسمائهم! (صفاء و زينب) بالدم.
ناجي گاعد بجهة ولازم راسه حاير شني يتصرف وآني عيوني على نائل، حسيته صار هادئ، لاحظت كتافه و معصم إيده كلهن وشومات غريبه ومخيفه شي أرقام شيطانيه و شي عبارات بالأنگليزي.
مسحت وجهي رحت يم الباب احاول يطلع صوتي، ناديته بهدوء
وَسن: نَائل.
رفع راسه وايده كله دم مسح دمعه نزلت من عيونه و رجع دنگ يباوع للأسماء، جاوب.
شتريدين من نَائل.
بلعت ريگ احاول ما أضعف وابچي اردفت
وَسن: اريد. حظن أخوي ما يصير؟
خل جوجو يحظنچ ابتعدي عني.
وَسن: نئول جوجو زوجي وليس أخي باوعلي من احاچيك.
آني مو أخوچ آني ابن عمچ.
ارتاح گلبي متأكده شويه شويه يرجع لوضعه اذا كملت سوالف وياه.
وَسن: حُبي أنت الجوكر مالتي ابن عمي واخويه وال the first friend الصديق الأول
ولي من وجهي
وَسن: راح افتح الباب.
گتلچ ولي من وجهي ما لا تجين.
وَسن: ايمي مشتاقه لنئول گالت وينه خالو.
چذابه ايمي ما تحچي بعدهه بگد نعلي.
فتحت الباب ودخلت هو تراجع للزاويه يخاف يأذيني لا إرادياً
وَسن: گلت عن بنتي بگد النعل!؟
انعل ابوها ومحد يگلي ليش.
باوعت وراي شفته جاسر وناجي واگفين يم الحاجز يشاهدون بصمت وجاسر بوده يجنزه من الغيره كلش يتنرفز من أسلوب نائل ولسانه المتبري منه.
رجعتلي الإبتسامة من هيچي حچآ
يعني هذا نائل المتسودن النعرفه
كنبصت گدامه وحچيت.
وَسن: أنعل ابوها ومحد يگلك ليش تمام؟
جاسر: نَاجي خليني اطب!
ناجي: يرحم أبوك مو وگتك ترا هذا هيجي من يوم يومه.
غميته وانداريت ل نائل تقربت وايدي ترجف رجف وهو بنفسه متردد ينظرلي يخاف يأذيني
لزمت وجه الوحيد سليم ما مأذيه، عيونه اللي لونهن Hazel مميزه.
وَسن: باوعلي خل اشوف عيون أخويه الهوت!
نظرلي بنظرات مُتردده لكن لمن هو بنفسه اطمئن ما يأذنيني لمني بحظنه ويهمس.
خوفتچ هوايا؟ بچيتي بسببي؟ وين نَاجي خل يجي، سعاد وينها؟
دخل ناجي بسرعه كنبص حظنا سويا.
والثاني گمز من عنده.
جاسر: وووولد النعاااال مررررتي بنصكمممم اااستحووو شووويه تعاااي هناا ولچچ وسسسننن
نَائل: دروووح مااا عندك مره يمنا البومه الشگره ما ننطيها.
ناجي: خلاص لا خوف عليك رجع رجع اخويا النعرفه.
وَسن: يبوو اختنننگت ناجي وخر شبيك نئوول ناااجي خنگنيي ايييدك شثُگلهنن.
آني خط أحمر بالنسبة اله فورا دفع ناجي ويحچي
نَائل: شببببيك ألعمى، اذا زلمة تحظن رُقيه تضل رجيف گدامها امداااك ما عرفتك.
ما حسيت إلا جاسر جرني جر من حظنه ورجعني ورا ظهره.
جاسر: ماااذاا يحددث شهل مهزززله تراا مررتييي شلون تحظنهااا ناااقص تبوس بيهااا
نَائل: وابوسها من الخدين انت شبيك تگمز؟ اگعد اگعد
جاسر: تفوووو تندمت من انقهرت علييك.
نَائل: ااااهٍ على قلبي اللعين ذكرتني ببنت الدرهم الحب والحرب مالتي.
ناجي: اكل نعل بس لا مورطنا!
نَائل: أنا وقلبي اللعين لا ندري يا اما هي أو
دوده أم لسان، ف الحظها گاعد نَائل يحبها.
وَسن: بشرفك لا تحچي هيچي وينك ووين الحب انت بلاير. اختي خط أحمر، اموتك بإيدي إذا تتلاعب بيها مفهوم.
نَائل: اختچ كتله من المغثه اكرها مرات ومرات
اشوفها كيوت لخاطر النمش.
جاسر: خرابشرفي اذا ابقى بالعراق أول ما تخلصت مهزلة جسار نسافر بأول طياره.
امشي وياي الدكتوره وصلت.
نَائل: نفسها ذيچ المُزه؟
واحد يباوع بالثاني هذا رجع طبيعي زياده عن اللزوم گام ونزع الفانيله ومسح الدم من على جسمه. اعرف شيء غير معقول للعقل البشري يصدگه لكن جروحه اختفن!
الدم موجود بس جروح ماكو. انتبهت على وشم موجود بصدره بجهة گلبه. ، وسعن عيوني تركت ايد جاسر وتقدمت.
وَسن: شهللل خباااال متسودن متسوووودن شلون توشم هيچي وشششم!
سكت ما جاوبني وناجي ساكت يعني يدري اخوه واشم هذا الوشم القانوني وموقع.
وَسن: نااائل احاااچييك جاااوب وقعت على الوثيييقه ومن شوووگت؟
نَائل: بسبع ارواح ما يصيرلي شي.
جاسر: وسن عوفيه ترا هو متأكد محد يگدرله غير
ربه ف اطمئني، انت الثاني امشي لازم تبلش الجلسه.
ضليت انظرله و اخوزر بي فد واحد طايش وما رايد روحه بفلس وصلت وياه يوشم هذا الوشم!
لزمت ذراعه وجريته وراي، ضل ساكت
بس يگلب عيونه يعرف شمسوي!
طلعنا من الغرفه سعاد گامت والدكتوره واگفه يمها، اول ما شافت نائل واگف عادي ويانه ركضتله تحظنه وتريد تتأكد من سلامته.
نَائل: ما بيه شي شوفي العار ما يموت.
سعاد: ااانچب يل ما تاااخف رببك.
نَائل: هم گالت اسمه!
سعاد شسوي يعني شسوي؟ ابنج الگ شمرني يم رجلين ذولاك وگال هذا المقابل
كافي تذليني ترا ما حاب لوسيفر.
باوع على يساره وفرك اذنه يحچي بغرابة
يعني شني هذوله يتواصلون لفضياً؟!
نَائل: fk مرات ما احبك افتهمت مراات تلوص السالفه وما احبك. ليش حتى تخوف البنات بالمقبره هااا؟
سُعاد: ينرادله رُقيه والله ينرادله رُقيه اخوك تسودن نااااجي!
نَاجي: اتسودن من تگولون ينرادله رُقيه!
سُعاد: واانت الثاني هم ينرادلك رررُقيييه.
جاسر: كلنا كلنا ينرادلنا رُقيه الرب يعينها.
ناجي: شگددد نذذذل
وَسن: wtf گاااايز الأخ انمرد، رُقيه شرعييه شبييك.
سُعاد: لحظه لحظه هذااا السااااقط وين راح باااله؟
وَسن: يم أختي الكيوت الهوت.
سُعاد: تحلللم ازوجك رُقيه تحلللم.
دفع جاسر وعبر يحچي ويطلع من المكان.
ناجي: اااحنه ما عدنه احلام اااحنه عدنه اااهداااف.
نَائل: ماااي براذر أهدافك كلهن تسلل.
وگف واندارله نائل كلش مستفز فورا ركض بإتجاه نائل وهذا يركض بالممر ويضحك على ناجي ولا چن قبل ساعات موتنا من الخوف والبچي.
ناجي: ولك اااخويا ردتك ويايه عليهم صرت وياهم عليه، تفووو حرامات شگددد بچييت علييك.
نَائل: قلبي اللعين لاااا تسودنه بهل تفله خاف يروحلها مشاااي بليلة الظلمه.
ناجي: وللك ااانزل لاااا تصعددد للطابق الثاااني
ااانزل المُزززه تنتظرررك يااا ازمااال وانت بالك يم ذيچ الخاتونه الطرگاعه.
نَائل: وااانت بااالك يم رُقيه شرعيه امداااك عود حسبالي جنتل وتعقد عليها على خشم هاشم وأم هااشم.
سُعاد: گلبييي خلص گلبييي خلص ولك ااانزل
خل نمشيييي داااللعن هااااشم الگود.
الدكتوره شبعت ضحك ويانه اني وجاسر نائل نزل من الدرج وناجي ضربه چلاق.
ناجي: امشي گدامي شلون ابتلينا بيك.
جابه وطلعنا من المكان جاسر قفل الأبواب وشال المفتاح صعدنا بالسيارة وهو گاعد بالكشن الخلفي بين الدكتوره وسُعاد، أنوب بدون قميص او تيشيرت وآني گدام اراقب تصرفاته وكاتمه الضحكه.
رفع ذراعاته ثنينهن ورجعهن ورا ظهر الدكتوره وسُعاد، يبتسم وهو محاوطهن.
نَائل: المُزه المصريه والمُزه العراقيه.
مشاعري ما مفهومه اتجاهه من جهة فرحت لأن
هدأت وضعه ومن جهة لازم ألگى حل لشوگت
يعيش ويا كائن خارق للطبيعة بسبب أفراد ما يخافون الله وضحوا بي!
وصلنا للمنطقة البيها قصور جسار ناجي اخذ سُعاد للقصر الأول، اما آني ونائل ويا جاسر والدكتوره رحنا للقصر العايش بيها نَائل دخلنا
للصالة الدكتوره بلشت تتجهز للجلسة.
نائل راح سبح وبدل، نزل وكل شعره ماي
تمدد عالتُخم وآني رحت يمه لزمت إيده.
بلشت الدكتوره تسأله عن أيامه الماضيه شلون خلصها وهو يجاوب ويفضفض عادي.
البارحه حصل ايه؟
غمض عيونه يسترجع ذاكرته رغم هو يتعاطى ادويه تسبب تلف بالذاكرة حتى ينسى ماضيه إلى أنه بعض الأحيان يتذكر! بلش يحچي بعصبيه مكتومه.
نَائل: شني صار يعني ابن الأشتر صاير فد
وصل وَدق للبيت تسودنت من شفتها نازله من سيارته! بس كله صوچ ناجي ال الجبااان خايف من هاشم، بعد شيسوي بينا أكثر؟
الدكتوره تكتب ملاحظاتها وگالت كمل لا توگف
نَائل: بس تدرين شني ودق تافهه تافهه إلى أبعد حد ام النمش، لسان يلعلع بوجهي و على حظ أبن الأشتر تنلصم تاكل هرا ما تحچي.
مفهمتش ايه كلمة هرا؟
آني و جاسر نباوع ببعض ثنينا حچينا.
هرا نفسها لكن بطريقه مال مثقفين متربين بالخارج.
احم أيوا معليش كمل.
چنت يم راسه نظرلي ويحچي
نَائل: أگلچ شگره المُزه اخذتنا على گد عقلنا؟
وَسن: ناخذها للشط ونرجعها عطشانه
ما تگدر حُبي.
جاسر: حبيبي بعير بعمر 25 متمدد گدامچ شني لازمه إيده ترا مو مزعط. عوفيه وتعاي هنا
نَائل: راقبنا واحترگ بهدوء.
حچيت بطريقه غنوجه هذا راح يعلگها
وَسن: ههه نَائل حُبي بدون أقوالك.
جاسر: لا حول ولا قوة الا.
نَائل: جييب طاريه عود إلا اخليك تركض مصلخ؟
فار دمه من نائل، لدرجة گام وشمر المخده مال التُخم على نائل وعافنا طلع برا البيت.
نَائل: شني هذا الهرا ما لگيتي شخص ثاني تحبيه؟
وَسن: نَجمي الحُر لا تحچي عليه، دير وجهك وكمل يلا. سولف بعد اختي شلون ساحلتك.؟
نَائل: نعله على اختچ بشني تسحلني اكرهها.
گعد يعني ما يريد يكمل الدكتوره حظرت الإبرا
تقربت لزمت معصم إيده وضربت الابرا بالوريد
كل يومين ابرا لمدة خمس أشهر.
نَائل: هييچي اخررف انسى أسمي.
وَسن: صح انتي دكتوره، لكن آني عندي تجربه سابقة ويا هذني الأبر تأثيرها قوي! ويسبب إدمان واحتمال يدخل بمرحلة اضطراب ما بعد الإقلاع عن العلاج!
طيب شهرين وهنعمل تحاليل للذاكرة.
نائل تمدد بسبب تأثير الدوا اللي يهدء الأعصاب
ويخلي العقل ما يفكر بشي يحس كأن ذاكرته فارغه خلال ساعات التأثير.
طلعت ويا الدكتوره للباب وجاسر دخل وياي الجگاره بإيده تقربت حظنته وهو بادرني بالحظن ما حسسني بإنزعاجه من نائل.
وَسن: نَجمي الحُر أُحبك.
باس شعري وما جاوب! يعني تعاي راضيني ماخذ موقف شني سويت آني؟ ابتعدت واحچي.
وَسن: تمام رايحه اشوف نئولي شصار عليه خاف نام عالتُخم عود ناخذه على غرفته خطيه.
لزم إيدي وجرني عليه شد إيده على خصري اخذ اخر نفس من الجگاره وشمرها اردف وعيونه على شفايفي.
جاسر: انعل ابو أبو نئولچ انيمه نومه ما يگعد منها
سنة! خلص گلبي من سوالفكم مال ااخي واختي انعل شييييب ابوووچ والله انعل شييب شييبه.
وَسن: انت تريد شفه!
محترگ دمه عود يكابر ما يبين، عرفت شلون اسكته وشلون أراضيه.
اء احمم احمم نااائل ناايم گاااعد اجييتك.
شيت! هذا ناجي ابتعدنا وشفناه دخل يتجاهلنا
وجاسر يسبه ويحچي.
جاسر: ورمتو گلبي مرارتي راح تطگ منك ومن اخوووك، شووگت ااخلص مااا تگلي شوووگت انعل أبو أبو جسار وجابر والميااحي
وَسن: لعنت نسل نسل جدنا السابع.
جاسر: هااك تفضل أنوب اسمع سوالف ولد الأشتر.
ناجي: شسوييي شسوي بعدين انتوا ليش ما تستحون ادري حلال بعض بس يعني البيت مليان غُرف فوتولها علوا تخلفون اخت كيوت ل ايمي.
وَسن: no no بنيه وحده تكفي. اعتقد نائل نايم روح شوفه وآني رايحه على قصر جسار بالي يم سُعاد.
جاسر: جاي وياچ، انت الثاني انتبه لهذا المتسودن فد عار انقهرت عليه وتندمت.
ناجي: نَائل اقتراحاته معقوله ليش ما اخطف رُقيه و اهج منكم؟!
جاسر: لييييش ماا تنچببب سد البااااب.
رُقيه
وَدق انطتني كلاص الماي وحباية بندول اخذتها
واحس من كثر التفكير وجع راسي رجعلي رجعت اكمل الإنتظار خل اشوف شوكت سُعاد خانم ترجع
الساعه 1: 30 الصبح وماكو!
وَدق: جسار وينه؟ وليش ماخذ حُراس البيت وياه.
رُقيه: ان شاء الله بجهنم الحمره خل يولي وين يروح خل يروح شنسوي! تااالي وياها شوگت ترجع.
وَدق: سُعاد تظم شي علينا.
رُقيه: كُلهم لابسين اقنعة مابيهم واحد صريح.
انسمع صوت مفتاح الباب وانفتح الباب دخلت.
سُعاد وعبايتها كله تراب. ، بقيت بمكاني ما رحتلها
رُقيه: خلص گلبي وبعد ما اركضلچ! احچيلي وين چنتي وين اخذوچ نسل الفجار اللي چنتي تكرهين
طاري اسمهم!
وَدق: دموعچ على نائل نعال شنو تفسيره.؟
رُقيه: تبچين على الإنسان الچان يخلي سلاح براسنا لو يهددچ بينا لو يهددنا بيچ!؟
ودق: الإنسان اللي انگلب للوحش ويسب ويغلط على الله ويكفر، بسبب هذا الوحش جاسر قفل الباب عليَّه! وچنتي تبچين عليه!؟
رُقيه: سُعاد منتظره جواب على اسئلتي.
دخلت وسن من وراها وجاسر بعدهن دخل.
وَسن: آني احچيلچ وبكيفچ بعد.
وَدق: الله الله البومه الشگره تحچيلنا واحنه نسوي روحنا مصدگين.
سُعاد: وَدددق! حچيتن هوايا وچنت ساكته
علي الأقل اسمعن الحقيقه.
گمت واحس بعدم اتزان لكن وگفت
رُقيه: حقيقة شنو هل مره لعبت روحي من حقائقكم! شجاي يصير فهموني جسار وينه وهاشم وين راح! اانتوا وين چنتوا نااائل شبييي؟
اختل توازني بحيث حسيت شريان براسي ينبض
ودق سندتني وسن ركضت يمي وسعاد كذالك
سُعاد: رُقييه شبييچ.
وَسن: شبيها شبيهااا ودق احچيي.
گعدت لازمه راسي ومدنگه من الوجع، اردفت
رُقيه: ما بيّه شي بس فهموني ااحچووا
وسن كنبصت گدامي لزمت ايدي ولاحظت مكان ابراة الكانيولا.
وَسن: مكان ابراة الكانيولا شبيچ رُقيه
لا تخوفيني عليچ.
رُقيه: ما بيّه شي مجرد ضغطي ارتفع وشكلت مغذي، وخري لا تسوين روحچ خوش اخت، احچوا شجاي يصير!
وَسن: تمام لا تحچننن آني منا لباچر اعرف بنفسي، هسا خل نحچي بالمهم.
جاسر راح گعد وهي لزمت ذراعي أصرت تسندني
رغم وجع راسي موتني إلى أنه ما انطيته أهميه
هسا الحبايه تنطي مفعولها ويخف.
ما ادري شبيها تصرفاتها متغيره، گعدت بيني وبين وَدق وبلشت تسرد الصار وياها.
وَسن: بيوم اللي فرقونا عن بعض سُعاد اخذتچن ورجعت للعراق بقيت آني ويا جسار وعمتنا بلقيس اخذتني وياها بأمر جسار اخذتني خارج البلد للمكان اللي گالو عليه ميتم وتالي طلع مستشفى الأمراض النفسية، چآن عبارة عن سجن
Flash back...
چانت تجرني جر من إيدي والإيد الثانيه لازمه لعبتي الصوف، طفله عمرها سبع سنوات چنت داخله بحالة صدمه
بعدما بيوم اللي رادو يعقدولنا صار إطلاق النار.
ما چنت ادري وين اخطي خطواتي بس چنت امشي وياها ولا اعرف شلون وصلت للمستشفى الموجود بالبصره لأن اتذكر كلش زين مستحيل انسى تفصيل واحد من الماضي.
بيومها انطتني گلاص عصير بالمطار وگالت اشربي
وكل حچيها صراخ وسب، شمدريني بيها منوم شربتها ووعگت بحظنها ما گعدت ألا وآني بمكان غريب.
باوعت بالغرفة عبالي راح ألگاچن
لكن ماكو بس آني وحدي، الغرفه چانت مقفله.
والشباك عالي أطول مني ومصبوغ باللون الأسود ما اشوف ضو الشمس، ولا نجوم الليل. چانت تدخل بنيه تنطيني الأكل وتطلع.
والفراش ماكو چنت انام على الأرض حتى لعبتي ما جنت اسويها مخده لأن عزيزه على گلبي بيها ريحة امي وذكرياتي، ما اطولها عليكم
بعد عدة سنوات من العذاب والذل لا اشوف الشمس ولا اشوف الليل، غرفة اربع حيطان بيها حمام بجهة. صرت مريضه نفسيا.
نَائل چآن وياي بنفس المكان وعانه من نفس العذاب چآن عُمره 18 سنه وآني 22، ممرات المستشفى چآنت شاهده علينا كلها عبارات كتبناها آني ونَائل أسماء ورسومات غريبه ما يفهمها غيرنا، وبيوم اخذو نائل وما رجعوه إلا وهو الدم نازل بطوله
چنت الوحيده اللي من بين الموجودين اركض احتويه رغم ما چنت ادري احنه گرايب او ما شابه چانت كافيه عندي انه اعرفه بريء ما يستحق هذا العذاب.
هنا اجا دور جاسر اللي چآن يوگف يوميه عند الشباك، يغني ذيچ الأغنيه وفقط يغني المقطع اللي يبث التَفائُل. چنت ارفع إيدي للشباك واخلي اذني لزگ بالحايط حتى اسمع صوته
انظر إلى تِلك النجوم مهما يُغطيها الغيوم
ستظل تلمع حُرتاً حُباً تَحوم.
كأنه يُدرك تماما جاي يتعامل مع بنيه شابه بقلب طفله ما فهمت شي من حياتها كل يوم چنت اخلي اذني على الحايط وإيدي على الجامه السوده.
استمع لصوته الهادى لا شايفته ولا اعرفه لهذا الشخص الغريب اللي خلاني أنام واگعد على أمل يجي يوم واطلع حُره
مرت ذيچ السنه بسرعه إلى يوم الحريق الكبير
صرت اسمع صوت صرخات المرضى وركضهم
بالممر والغرفه صارت مليانه دخان.
ركضت عند الباب خليت راسي على الأرض اباوع من تحت الباب، شفت شاب طويل لابس تيشيرت أسود ونص ردن ولابس براسه قناع الإطفائين بإيده حديده طويله يجرها وراه ويغني بكل أعصاب بارده رغم النيران منتشره بأرجاء المستشفى.
و انظر إلى تلك النجوم مهما تُغطيها الغيوم
ستظل تَلمع حُرتاً حُبًا تَحوم.
لا إرادياً صرت ابچي واضحك من الفرحه
شفته وصل عند باب غرفتي گمت وابتعدت.
ما طول حتى كسر القفل الحديدي دفع الباب برجله ودخل، چنت واگفه بالزاويه شعري الأشگر كله منتاثر على وجهي. ولعبتي بحظني
بومتي الشگره من سوء حظچ عمنا الگ حرگ المكان ما چنت رايد هيچي لقاء خطير على حياتچ.
مسحت دموعي وخشمي بردن التيشيرت وخرت شعري من وجهي، اردفت.
وَسن: آني آني مو بومه.
صار يتقدم بهدوء وشال القناع ملامحه مثل ما تخيلت شعر بُني نازل على جبينه ملامح حاده بإبتسامه جذابة وگف أمامي تلامس خصلات شعري وابعدهن من گدام عيوني.
سنة اغنيلچ وما تحچين كلمه ولا تنطين اشاره
ما چذب ذاك الطيب الگال بنية شگره وبريئه.
جرني لحظنه وآني مثل الصنم ما افهم شي حتى حالتي النفسيه تعبانه من الصدمات فقط گتله.
وَسن: يعني أنت نَجمي الحُر؟
باسني بشعري ويجر نفس.
طلع عندي اسم جديد لقب جديد.
دخلت بنوبة بكاء وضحك لا إرادي وبس اهز راسي. اي اي مسح دموعي وبلشنا نگح من الدخان المتزايد بسرعه لبسني القناع وبقى هو تلثم بالشماخ اللي حول رقبته وطلعني من الغرفه
لكن وگفت اتذكرت!
وَسن: ن نئول نَائل اخويه نائل وياي نائل وينه نااائل.
امشي ما عندج اخ اسمه نائل.
وَسن: ل لالا نائل اخويه وياي هو بريء.
دخل شخص ثاني بنص النار صاحله من بعيد
بأسم جاسر هنا عرفت اسمه.
جاااااسر بسررعه قبل لا يشوفوك.
ناجي طلعت سايكو لو بعده؟
طلعته بس ااامشي جيبهااا الطياره تنتظررركم
چآن ناجي ومطلع اخوه فورا جاسر شالني لحظنه ويركض بيّه بالممر اليلتهمه النيران لكن الكتابات ما تنمحى محفوره حفر، غرفة نائل جانت مكتوبه عليه سايكو، عبرنا بصفه وما چنت ادري هنا البدايه.
فورا اخذني للمطار وعرفت الطياره خاصه وبيها رجال ما اعرفه اول ما شافني داخله وجاسر لازم إيدي، گام يمشي بخطوات سريعه بإتجاهي وينادي وَسن بنتي.
چآن أبونا هاشم اول مره حسيت فعلا عندي اب احتظني، وكلشي تراكم فوگ عقلي واستوعابي
بالطيارة جان أكو فريق طبي خاص اعتنو بيّه لحدما وصلنا للمدينة اللي چانت عبارة عن بياض كله ثلوج.
من 2020 إلى 2021 جنت تحت رعاية خاصة
تدريس كامل متكامل، بما فيهم علاج نفسي وتأهيل، بعدها تزوجنا آني وجاسر أبويا چآن راضي بسهولة وعلاقته قويه بجاسر.
Back...
باوعت بيهن ثنينهن يمسحن دموعهن وسعاد حاظنتهن، جاسر عيونه تلمع بالدموع ابتسمتله، اردفت
وَسن: و خبر اخير قبل 7. أشهر صارت عندي طفلة كيوت هوت مثلي ومثل ابوه و سميناها
ايمي...
گامت اجت يمي حظنتني تبچي وتحچي.
رُقيه: سميتوها على أسم المغنيه ايمي هتاري
وَدق: وآني شنو نسيتوني.
وَسن: تعااي يا روحي انتي ام النمش.
ثلاثتنا حاظنات بعض ونبچي ابتعدت رُقيه
حچت وما علقت على كلامها!
رُقيه: بقت بس بتراء ننجمع بيها.
وَدق: شو بله اريد اشوف بنت اختي يعني اني خالة؟ عزا صرت خاله؟
ابتسم ودار موبايله مخلي صورتها قفل الشاشة
جاسر: تشبهني لو ما تشبهني ها.
گامت اخذت الموبايل منه وتشوف صورتها
وَدق: لاااا تشبه أختي الشگره شوفي شوفي رُقيه
نفس الخشم.
رُقيه: جيبي اشوفها، يمه فدوى لألله عين الحاره بارده هاي تشبهني وجهها مدور.
وَدق: لاااا والله ما تشبهج شوفي وجهها
نسخة الشگره.
جاسر: لا تشبهني حتى عيونها نفس عيوني.
گمت سحبت الموبايل منهم.
وَسن: لا حُبي أنت عيونك چنهن زيتونه ام الجزر
جاسر: عيوني چنهن زيتونه ام الجزر؟
رُقيه: احم تقصد لونهن زيتونيه.
وَدق: الشگره توصف وصف دقيق الله يشهد.
جاسر: انچبي ام النمش
وَسن: ريلاكس حُبي ترا جاي تحچي ويا اختي و حظرتك دا تحچي عن علامة من علامات الجمال.
گعد يباوع بينا ثلاثتنا.
جاسر: من وين ألغي تثبيت خواتچ الضاهر أخذنّچ مني.
سُعاد: زوجج شبي گام يمسلت.
وَسن: آني اعرف شبي.
ثنينهن يتأملن المنظر، وَدق اردفت.
وَدق: چنت اكرهكم وصرت أحبكم.
جاسر: بويا ليش تكرهيني گاتل ابوچ خوما گاتله.
سُعاد: اوززع ثوااب اذا تخلصني منه والله.
وَسن: سُعاد بليز. معلينا بي احنه الأهم سويه
وكلشي تبين والحقيقه ظهرت.
وَدق: بس سالفة نائل نعال مستحيل استلطفهم هو وأخوه.
رُقيه: ولا آني. ، مستحيل ننسى حقارتهم
جاسر: فدوى للعاقلات آني وياچن هم ما استلطفهم فد ادبسزيه ما يستحون.
وَسن: ترا من زمان هُمه يمثلون على جسار ويساعدونا.
وَدق: خل يولي، كل هذا الضرب والتهديد حتى لو چآن تمثيل او بدون إدراك منه آني مستحيل اسامحه.
رُقيه: ولا آني انوب ناجي جعموص بودي اشرب من دمه.
جاسر: كلهن متأثرات بولد وبنات بيت الباشا.
وَسن: تمام تمام كلمن بمكانه خليكم هيجي مو مهم تتقبلون بعض، المهم هسا احنه سويه.
بست سعاد ولزمت ايدين خواتي مشينا نصعد الطابق الثاني. انداريتله.
وَسن: جاسر نئول خط أحمر غصبا ما عليك تستلطفه
جاسر: راايح اكمل عليه!
عفناه محترگ بغيرته ودخلنا لغرفة رُقيه
خلصنا الباقي من الليل نسولف وما ندري شوگت نمنا.
هِلال
گعدت من النوم ومغمضه بس احرك عيوني يمين يسار دا اشم ريحة عطره أو احلم!
طبع بوسه خفيفه على شفتي وفزيت فاتحه عيوني واحاول اسحب روحي بعيد، بس چآن مثبت إيده على اللحاف ويعاينلي
هدآم: صباح الخير.
هِلال: هذاا صصبااح الشرر ياا خيرر شتسوي بغرفتييي
قرب وجهه همس.
نصي صوتچ لا اتصرف.
تمام تمام هاي احچي همس يلا وخر
لا ما اوخر البارحه شگلت؟
گلت أنك موافق اجنزك تريد هسا لو من نفض سوالف ابوك؟
احم هسا.
چآ خليني اطلع إيدي واضربك.
مگرن آنه مگرن شاد گرون.
چا وخر لا اضربك
سمحلي اسحب إيدي عدلت دلعة التراك وسحبت الغطا يم صدري دار وجهه وانطاني خده حتى اضربه.
اضربي يلا بردي گلبچ بيّه المهم نرجع حبايب مثل قبل.
قويت گلبي وما تأثرت رفعت ايدي يم خده
للحظة رجعتلي الذكريات وشلون هددني ويا ابوه
كورت إيدي بغضب وما ادري شلون اجتني القوة
ضربت بوكس من قوتها فز وگام لازم فكه.
طااااح حظ الأنوثة، ااندرتيكر مووو مررره.
هاي جرة اذن مره ثانيه لا تدخل على غرفتي وتسوي سوالف مال ادبسزيه.
ولچ بنتي ياا جرة اذن احس فكي انكسر.
معقوله صدگ اذيته، گمت من الفراش عدلت قميص النوم ومشيت ناحيته لزمت خده شفته.
داخل كل رجل خشن أنثى رقيقه، تكبر وتنساها
بحركه سريعه لزم ايدي وقيدها ورا ظهري والإيد الثانيه مررها حاوط خصري قربني منه، اردف.
كلشي ينعشگ منچ حتى اذيتچ اعشگها چي من إيدچ.
لا تسوي هيچي وابتعد!
انطيني فرصه ثانيه.
آني فرصة العُمر مو فرصه ثانيه.
أحبچ هلالي وما اعوفچ لحد آخر نفس.
گتلك ابتعد بدون هل حركات اابتعد.
دفعته من صدره بقوة بحيث طلع صوته بألم
وإيده على گلبه، ضل مغمض بألم
هِلال: هدآم شبيك، وگت تمثل!؟
ما جاوبني رفعت إيدي شفت دم عليها هو چآن قميصه أسود ما يبين گلبي رجف من الخوف عليه
تقربت منه احاول اشيل إيده واحچي.
هدآم هدآم شبيك متصاوب شوگت شيل ايدك خل اشوف هدام شيل اايدك.
ابعدت إيده وفتحت زرار القميص مثل المتخبله
اول ما وخرت القميص من مكان إصابته بقيت فاتحه عيوني المليانه دموع تكابر تنزل، واشم أسمي ب ياء التملك هلالي وجرح تحت أسمي ينزل دم منه.
ماكو داعي تخافين أصابه بدون قصد.
متسودن متسووودن شلون تأذي رووحك هييچي.
روحي وبكيفي.
لااا مو بكييفك يااا غبييي.
أكو فرصه ثانيه لو اتوكل؟
ابتعد يزرر قميصه وآني انظر بفراغ بلعت ريگ
اردفت.
توكل الله ومحمد وعلى وياك.
راح للجهة الثانيه من الچربايه اخذ ساعته
ساعته شتسوي بغرفتي وليش على فراشي.
لاا لا چنننت نااايم بصفي؟ اااحچيي اااحچيي.
يعني ناسية؟
لزمت راسي كلشي ما اتذكر غير بطل الماي اللي شربته بالسياره. ، هديت عليه لزمته من ياخته
شرررف سززز شلون تخليلي منووووم شلووون
انت ااانت شسويييت.
حاوط خصري ونزل ايدي من ياخته باسها
يحچي ويشرح شسوا.
دخلت للغرفه من الشباك اعرفچ خبيثه تقفلين الباب، شفتج واگعه يم الچربايه غرگانه بالنوم
شلتج هيچي واخذتچ للچربايه.
انوب فعلا شالني واخذني للچربايه تحت نظراتي المصدومة بس اريده يحچي يكمل.
ضليت اخذ مراد من وجهچ ساعه بعدها مليت حولت للمرحله الثانيه تقربت دفنت راسي بشعرچ هيچي اخذتلي نفس يكفيني أسبوع بعدين هم مليت اجيت للمرحلة الأهم.
دارني على جهته وهو بصفي متمدد وجهي بوجهه وإيده تحت راسي.
چنتي هيچي قريبه مني نيمتچ على إيدي وكل ثانيه ابوس بيچ هيچي.
طبع بوسه خفيفه على شفتي غمضت عيوني
وهو خلى جبينه على جبيني يحچي بصوت راخي.
ما سويت شي ثاني الله شاهد.
هدآم هاي چم مره هيچي تشربني منوم!
يمكن عشر مرات اذا مو حداعش.
شنيييييي.
فزيت من حظنه اضرب كتافه واشد شعره.
شرررررف سززز شرررف سززززز شلوون هيچييي تسوي.
ترا مريتي شبيچ قابل مسوين شي حرام.
ماااا اااحبببك اااكررررهك.
روحي بروحچ مُدمن بيچ.
وخررر خنگتنييي وخررر غدااار
المفروض تشكريني الليله الماضيه نمتي بحظني والملائكه ما لعنتچ للصبح مثل كل يوم.
هدااام گوم اطلع
گمت جريته من إيده للباب فتحت القفل وشفت امه بوجهي فورا ختل ورا الباب.
ندى: صباح الخير هلاله، هاي ليش قافله الباب.
هِلال: صلاح الورد، اقصد صبااح الورد عمة ندى
بالغلط مقفول
تناظر للغرفه ومبين حست على شي غريب
ندى: هدآم وينه من الصبح ماكو بغرفته حتى فراشه مثل ما هو ما رجع وياچ؟
هِلال: اههه اههه وينه وين وليت، اء احم بلى رجعني للبيت و ما ادري يمكن رجع طلع لا ندري اي
اضربه بإيد وحده وهو يلزمها يبوسها بهدوء
والإيد الثانيه مثبتة الباب اردفت عمة ندى.
ندى: حتى على تلفونه ما يجاوب.
اندك تلفونه چآن بجيبه
ندى: هذا مو صوت تلفونه!
جريت التلفون من إيده وخليته على اذني.
هِلال: لاااا هذا تلفوني الجديد مثل تلفونه ونفس النغمة الو صباح الخير أبيلو شلونك حبيبي شو أخبارك أقامه سعيده بالمستشفى شلونها الاجواء، تمام تمام بعدين نحچي، لا ما يجي انچب واگعد باي.
أنوب يتأمر يريد هدام يخرجه، خطيه عمة ندى بقت مصدومه، من كلامي اصلا آني بنفسي ما ادري شحچيت.
هِلال: عمة ندى اههه ما ادري هدآم وينه.
راح أسد الباب واروح اسبح عندي شغل بالشركه.
من بعد اذنچ طبعاً.
ندى: لا هذا هو حبيبتي هلاله، انزلي تريّگي تمام؟
تقرب بست إيدها احبها لأن كبرت على إيدها وحنانها ما فرقتني عن بناتها، .
هِلال: حبيبتي عاشت ايدچ دقايق وانزل وراچ.
ندى: بنيتي الحلوه بسرعه يلا سدي الباب وروحي اسبحي.
ابتسمت الها وسديت الباب أول ما نظرتله قربني وسفطني ويا الحايط. باس ايدي، اردف
هنيالي عليچ خوش.
اطلع برا اطلع برا لا ارتكب بيك جريمه
واگف اتغزل بيچ حبيبي.
لملم مُغازلاتك بعلاگه زرگه مثل وجهك واطلع من وين ما اجيت.
حبيبي الشگار ما وگف بعينچ تگولين عني ازرگ؟
بعدين ما اطلع من الشباك هسا عماد والبستاني واگفين بالحديقة.
ابتعدت عنه وطلعت راسي من الباب الممر فاضي ماكو احد.
امشي برا الممر فاضي.
باسني يم اذني وطلع من الغرفه. رگعت الباب
شدعي علييك شدعييي.
فجأة دفع الباب ودخل مره ثانيه حظني من ورا
كلشي ما يفيد وياي حابچ للنخاع مُدمن بيچ
بس لا مسويتلي سحر ام عباس؟
هدآاام اطلععع
اتشاقه والله، الموبايل هلالي
اخذ الموبايل من إيدي وطلع سد الباب وراه
خلاني انسطر يعني هسا هذا شحچي وياه شتصرف وياه!
ال عزّهَ
فتحت عيوني بهدوء شفته مبدل وگاعد عالتُخم
يناظر گدامه فركت عيوني بنعاس وگعدت بفراشي.
عزّهَ: صباحو.
ماكو جواب، انتبهت الآيباد گدامه! ولابس سماعات ايربوت ما يسمعني گمت مشيت بإتجاهه. كنبصت گدامه، رفع راسه نظرلي
عيونه تريد تطلع من الخزره والعصبيه.
دار الشاشه ناحيتي آني وجاسر بفيديو وهو مقيدني يحچي بأذني، زاوية التصوير بعيده
بس كلشي واضح والفيديو واصل للآبياد نفسه اللي جاسر انطاني ياها.
عزّهَ: عوفك من هذا شوف باقي الفيديوهات.
نزل السماعه من اذنه اردف بكل هدوء حذر.
عزام: شفتهن كلهن وسمعت كل التسجيلات.
و اصلا چنت اعرف بقذارة ابوچ. بس ما ردت يخسر احترام بنته. بس!
عزّهَ: بس جاسر گدامك شفته شمسوي بعدما رفعت المسدس بوجهه وهددته.
ليش ما خلصتي عليه...
ثنينا نعرف هو محترگ دمه من الغيره وفعلا الفيديو وقرب جاسر غير قابل للنقاش، بس مال اقتل بدم بارد هاي واگفه
عاينلي حبيبي آني مو مثلك اقتل بدم بارد.
بعدين الرفق بالحيوان واجب شبيك.
تمام خليچ بعيدا عني، خل أستوعب حقارته
داز الفيديو وكاتب برسالة (مشاهده ممتعه).
نعال ما يسوا خل يولي.
اي يولي.
تقربت لزمت إيده اللي يدگ بيها على الميزه.
تمام اهدى، ما صار شي.
ما صار شي؟ هااي لو آني و الشگره جان عادي ما صار شي؟
هاي البومه بنت عمك صح؟ لا والله اني لو شفتك هيچي وبهل وضع وياها، برصاصه وحده
افجر دماغها الفارغ.
يعني هسا افجر دماغچ؟
لا لا فجر دماغه هو.
حاولت اكتم رد فعلي على شكله
هذا حتى إذا احترگ بنار الغيره مستحيل يبين يبقى بقمة هدوئه. ، تقربت بسته وحظنته احچي بضياع من الوضع.
ليش ما نگدر نعيش حياتنا بهدوء بدون مصايب
كلما اشوف سيرا اتذكر أختي الأصغر منها هسا شلون صارت كبرت ومنو تشبه تشبهني لو تشبه سيرا؟ هل راح اشوفها او بسبب ابويه خسرتها نهائياً؟
حظني بقوة ويحچي بنبرة حنونه.
اختچ اكيد راح تكون نُسخه من شخصيتچ بنية قويه، ذكيه مثل سيرا، ومرحة مثل أريم.
مستحيل اسامح ابويه شلون تخلى عنها
شلون فرط بيها، متأكده ماما يقين لو عرفت بهذا الكلام دقيقه ما تبقى وياه. ، سنين وهي تبچي على بنتها.
ابتعدت عنه وهو يمسح دموعي اردف.
صايره تبچين ما متعود عليچ تكوني ضعيفه!
صارن هوايا على گلبي وبچيت، تمام آني زينه.
عفته وگمت للحمام طبگت الباب وگفت احاول اتمالك نفسي و ما أبچي بعد بس مو بإيدي الاخذوها مني هي اختي وجزء من روحي.
انفتح الباب وعزام دخل كأن حافظني بصم بدون كلام جرني لحظنه و دخلت بحالة بكاء. وهو بس يحتويني.
ال بتراء
گعدت بفراشي احرك رقبتي المتشنجه
علي سَند ما موجود يمكن طالع
رتبت شعري وگعدت اتذكر او احاول اتذكر
البارحه بالليل شصار من رجعنا.
بتراء: دا احس ذاكرتي فارغه شلون ناسيه الصار من ساعات!
ضليت اضغط على نفسي إلى أن بلشت تذكرت بعض من الصار، على سَند طلع من الغرفه وآني لحگته وبقيت واگفه عند الدرج، شفته نزل للطابق الأول فتح باب البيت وطلع للحديقه.
بتراء: نزلت وراه لو ما نزلت؟
لحد هنا وما اتذكر اذا نزلت!
انتبهت لگلاص عصير فارغ بجهتي الأنام بيها
يعني بعدما على سَند طلع برا نزلت للمطبخ
اخذت عصير وصعدت؟
راسي راد ينفجر من التفكير حتى ناسيه اغلب كلام على سَند عن ابوه، گمت سبحت وبدلت.
طلعت من الغرفه بالباب وگفت اباوع بغرفتي الأوليه الچنت بيها. ما ادري شنو اللي دفعني ادخل عليها تقدمت للغرفه لزمت يدة الباب وفتحتها.
ضليت بالباب واگفه، البردات يتحركن كأن شخص مر من يمهن، باوعت بساعتي چانت 10: 30 الصبح
دخلت بسم الله وعيوني فاتحتهن عشره على عشره، اوزع نظراتي بالغرفة انتبهت ورقه محطوطة على الچربايه تقربت أخذته وفزيت لمن الباب انسد وراي، وگع شي تحت رجلي باوعت شفته مفتاح
شلته وضليت اتمنع بيها هاي وين شايفته؟
فتحت الورقه والمكتوب كان.
شلونچ؟
كاتب شلونچ ونازل للخط الثاني مكمل كلامه منو هذا إلى يهمه يعرف شلوني؟ كملت قرائته
حقچ ما تتذكرين. البارحه انطاج ابرا!
روحي للمراية شوفي رقبتچ أسفل اذنچ وتعاي كملي القرايه.
تلامست مكان التشنج وركضت للمراية
وخرت إيدي شفت مكان الأبراة صايره بنفسجي
گلبي رجف مستحيل على سَند يسويها. او ليش مستحيل اكيد مسويها!
رجعت اقرأ المكتوب.
للأمانه مو على سَند، أدهم انطاج ابرا بعدما طلعتي من الغرفه وانتي لاحگه زوجج المحترم
باوعي بالمفتاح شايفته؟ أدهم طلع من الغرفه اللي تنفتح بهذا المفتاح. طلع منها وصار وراچ غرز الإبرة برقبتچ وسحبچ للفراش. والگلاص هو عافها يمچ
عيوني بين المفتاح و الرساله.
شوفي خل نتبادل المصالح. أنتي صوري فيديو للغرفه اللي مقفوله ودزيه لهذا الرقم مال واتساب
- - - - - - - - وبالمقابل احچيلچ سر خطير على سَند ضامه عليچ.
خلصت الرسالة وما كاتب اسمه!
والمفتاح بإيدي اريد اتذكر عن أي وعد يحچي صاحب الرساله! وهذا مفتاح اي غرفه!
رحت للباب احاول افتحه ما يفتح بعد عدة مرات
انفتح وطلعت برا راجعة لغرفتي، شلت تلفوني وسجلت الرقم عالواتساب طلعلي صورة الحساب
شاشه سوداء وبالنص مكتوب ok؟ مع علامة استفهام.
بدون تردد أتصلت عليه ثواني وجاوبني.
شلونچ؟
بتراء: أنت منو.
الهالك والمُهلِك رُبما؟
غمضت عيوني بنفاذ صبر سديت الباب.
ورجعت احچي بهدوء حذر
بتراء: لا تمسلت واحچي بالمهم أنت منوو؟
مليت من ذاكرة الذُباب العندچ!
بلش الدوا ياخذ مفعوله وياچ وقريبا ينسيچ حتى اسمچ!
بتراء: جاسر؟ انت جاسر؟
يمكن سيء بنظرچ لكن ولا فد يوم فكرت اذيچ
أدهم يريد ينسيچ كلشي مريتي بي. قبل لا هاشم يوصل ألچ.
بتراء: منو هاشم ما اعرفه!
دخيلك يا رب، تمام هاشم يكون أبو.
(وَسن رُقيه & وَدق) هذني التسميهن فراشات ومدري ايش المهم وهو نفسه اللي واشم ذاك الوشم على ظهرچ.
تلامست ظهري وتذكرت! كلام على سَند هم هيچ حچالي.
بتراء: شلون اصدگ بيك انه تعرف سر خطير عنه؟
أحلف بروح بنتي!
بتراء: متزوج؟
متزوج اختچ اي احم شعليچ، شگد صايره تحچين، المفتاح وياچ والغرفه بنفس الممر البيها غرفتكم.
انفتح الباب ودخل حظني خلى راسه بشعري ياخذ نفس ضليت متصنمه بمكاني والموبايل على اذني جاسر كذلك ضل صامت.
علي سَند: أحبچ.
جاسر صوفر بطريقه مستفزه وقفل الخط
فورا نزلت ايدي قفلت شاشه الموبايل وانداريتله
حظنته وهو حاظني لحگت احذف المكالمه والرقم من السجل، خليت راسي على كتفه حچيت.
بتراء: وين چنت ما لگيتك بصفي.
صديق أتصل بيّه ورحت قابلته.
عنده اسم؟
أنور أسمه.
ابتعد وآني ادور بعيوني على الورقه المفتاح بجيبي بس الورقه وين راحت هسا يشوفها!
انتبهت الورقه تحت رجله وهو گدامي يرتب خصلات شعري شلون ما يريد نزل إيده يم رقبتي
واختفت ابتسامته
هذا الأثر!؟
أثر ترچيه البارحه چنت نايمه وهي بأذني.
وگعت الموبايل ونزلت اجيبه بسرعه شلت الورقه
ما خليته يشوفها فورا دخلت للحمام تحت انظاره الما مستوعب لحگني بس چنت قافله الباب.
ليش قافله الباب تعاي اشوف شلون ترچيه هيچي تترك أثر بتراء افتحي الباب.
شگگت الرساله و خليتها تحت الماي لحدما تلاشت واختفت، غسلت وجهي وطلعت لگيته بالباب ما خلاني اعبر لزمني بهدوء شاف الأثر.
أثر ابرا!
وآني اگول أثر ترچيه! شلون اجت الابرا على رقبتي ممكن تفهمني؟
لا تسودنيني آنه الجاي اسأل.
سوالفك وسوالف ابوك اكيد البارحه انطيتوني ابرا.
عبرته وضل مصدوم ما مستوعب. وگف گدامي لزم وجهي.
البارحه اجاني اتصال ونزلت للحديقه احچي
ومن رجعت شفتچ نايمه!
وآني لحگتك لحد الدرج بس ما نزلت وراك!
وبعد ما اتذكر شصار گعدت الصبح لگيت هذا الأثر برقبتي يا تُرى ابوك لو انت؟
تقرب باس الأثر ويهمس بأذني.
الروح أمانة الله وانتي روحي، مستحيل ااذيچ
شلون تفكرين ممكن ااذيچ؟
آني ما سلمت من شر ابويه فسهل جدا انت هم تأذيني و ما استبعد تخليني مريضه ومدمنه هذني الأبر.
اااش اسكتي لا اطيح حظ حظچ.
ضل يبوس بيّه ويحظني وآني بگلبي متردده اتجاه الخطوة الجايه، ابتعد واردف.
هذا أدهم وراح يندم عبن اذاچ يريدچ تنسين كلشي وسوا هيچي بطلب من جسار.
جسار يدري آني عدكم وانه متزوجين آني وانت؟
كلشي يدري بس يمثل لأسباب مجهوله
او احتمال عنده هدف من هذا السكوت!
ما اريد أنسى شي. اريد اعاقبه على جرايمه واخليه يتندم.
حظني يمسد على شعري.
فترة ونخلص منه قريبآ ينتهي جسار وينتهي
كلشي أله علاقة بجسار.
ما حچيت عن المفتاح خل اشوف جاسر عن يا سر يحچي!، ابتعدت عنه وحچيت
اخذني للمول اريد اشتري چم شغله.
تدللين بس شني هذني الشغلات؟
شعليك هسا توديني لو اخلي فاضل ياخذني؟
تمام نروح للمول اشتري هذني الشغلات ونرجع
ما ناكل برا عبن الأكل مو صحي.
تمام نشتري هذني الشغلات ونرجع ما ناكل برا اكلهم مو صحي.
بدلي بسرعه.
ابتسمت بوجهه ورحت بدلت بسرعه وضميت المفتاح بثيابي بغرفة التبديل.
دخل نطلع هسا والله كريم، طلعنا من البيت.
وعرفت منه أنه ماما يقين و أدهم رايحين زيارة لضريح الإمام على عليه السلام.
بتراء: شي يوم نروح سوا زيارة الإمام على عليه السلام؟
نروح اكيد، بس قبلها عندي سُبرايز ألچ هو السبرايز يكون بعد باچر تمام.
وليش تحچييلي هسا اضل أكل بروحي منا لبعد باچر. ، شنو السُبرايز؟
نظرلي بطريقه تسليكيه
حبيبي هو سُبرايز يعني ما ينحچي.
گلبت عيوني بعد ما ضل عندي واهس اعرفه.
وصلنا للمول الساعه چانت 11: 30 الظهر اشتريت اللي اجيت علمودهن وعلى سند أصر يشتري
فستان مناسبات عجبته خاصة لونه اسود يعشق هذا الون رحت لبسته وما قبل اطلع هو دخل لغرفة تبديل الملابس. باوع بيّه فوگ تحت
تقرب حاوط خصري ويرفع دلعة الفستان
يشئ شء.
تمام تمام الزم روحك الزم روحك المكان ما يناسب.
طلعت من بين ايديه لكن رجع تقرب باس كتفي وطلع ينتظرني برا.
هو انسحل انتي شبيچ لا تصيرين خفيفه اثگلي.
بدلت الفستان ولبست ملابسي طلعت لگيته ينتظرني اجت الموضفه انطيتها الفستان راحت تجهزه، لزم إيدي ومشيت وياه يم الكاشير دفع الحساب وراد يلزم إيدي هل مره آني لزمت إيده ابتسمت.
امشي وياي.
وين! لا لا شگلنا بالبيت.
أمرتني ردت تمشي كلمتك عليّه انت ما طلبت.
بتوره لا تفرين السالفه عليّه گلتي نشتري الشغلات ونرجع.
دخلنا للمطعم طلبت المنيو
اي من وين ابدي راح اطلبلك على ذوقي
لاا ما اريد ما أكل برا.
تمام مشاهدة ممتعه.
طلبت همبرغر وفنگر ويا دجاج كنتاكي
صرت أكل وهو يشاهدني مخلي ايده على خده.
تريد فنگر طيبه.
بالعافيه حبيبي عشاي بالبيت.
وگفت اللوگمه ببلعومي اكيد ما يقصدني.
اههه هاي اذا ما سويت بيك الدگه الناقصه ونمت بدون عشا فوگاها.
بتوره لا تخليني اتسودن عليچ كملي اكلچ خل نرجع ونشوف.
سكتت ما جاوبته صرت اكل على مهلي ساعه كامله حتى خلصت. وهو مرجع ظهره للكرسي خلص باكيت الجگاير يدخن ويباوعلي.
تمام خلصت نگدر نمشي.
دفع الحساب وطلعنا نسيت كلشي وركزت
علي كلامه الطريق كله افكر هذا شني يقصد من گال نرجع ونشوف، دخيلك يا على السَند دخيلك
وصلنا للبيت شفت الصاله مليانة نسوان لا إراديا ابتسمت. رفعتله حواجبي
بتراء: عدنه خُطار، شوف مرتك شلون راح تگوم بواجبهن.
ركضت للطابق الثاني خليت الأغراض بالكنتور
حتى انزل تحت اسلم عليهن والتهي وياهن دخل
للغرفه وقفل الباب، رفع أكمام القميص.
باوع خل انزل عيب هسا يحچون على مرتك ما يصير لازم أگوم بواجبهن
انتي گومي بواجبچ وياي بعدين ويا خُطارچ.
فتح القميص ويتقدم وآني أتراجع.
بشنو مقصره وياك، اااوهااا تريد اكل جوعان
ليش ما اكلت وياي بالمطعم؟، تمام لا تضوج روحك رايحه اطبخلك زلاطه.
تطبخيلي زلاطه زلاطه يا ضالمه؟
شبيهااا الزلااااطه خيار وطماطه وبتيته.
شجر وشلغم وباميه.
ليش الزلاطه شلون تنطبخ هذني مو مكوناتها؟
جرني من إيدي قربني منه.
من شوكت الزلاطه تنطبخ لخاطر النجف!
تمام شمدريني خانني التعبير اجهزه واجيك.
منو تقشمرين طلعه ماكو.
هاي شني هااااااي ماما يَقيييين.
رُقيه
باوعت بالساعه 9: 14 الصبح.
ضليت انتظر بالكورنيش گال راح يجي! بال9: 15
رُقيه: ثواني وتصير 9: 15 وينه!
ما حسيت إلا گعد بصفي، باوعت بي لابس جاكيت كاجوال أسود وشفقه سوده والتيشيرت عليها رسمة جمجمه. مد إيده نطاني نستله.
صگر: تفضلي.
نظراته توتر الصراحه ومبين مُصر بدون لا يكرر
أخذتها وطلع وحده ثانيه من جيب الجاكيت
ياكل منها و يناظر للشط، اردف.
الحمدلله على سلامتچ. شبيچ؟
الله يسلمك مجرد ضغطي صعد، شلون دريت؟
لا يَهُم، مُجرد ضغط؟، لا تدحگين وراچ.
ما فهمت عليك منو ورانه!
بدون إنفعال بدون إنفعال
توترت بس ما بينت وهذا گاعد ياكل بكل دم بارد
بس فهمني ليش طلبت تشوفني.
گومي.
نعم؟
منا لحد تقاطع - - - لا توگفين.
تعرف شنو صوچي اجيت.
شلت جنطتي وهذا نظرلي بإستغراب.
مو بحال هرموناتچ سوي الگلته عليچ!
مشيت واني احچي بعقلي، نور شلون متحملة هيج واحد مُستفز!، عبر بصفي يمشي بإتجاه سيارته.
اكحزي بس لسان يحچي.
واات اكحزي شنوو. هذوله لهجتهم لهجة أهل الفضاء، عفته ومشيت للتقاطع وهو اختفى بسيارته ضليت واگفه بمكاني إلى أن سمعت صوت أنس وراي!
چم واحد مواعده؟
انداريت شفته واگف أمامي وعيونه احمر مثل الدم يا اما مو بوعيه او مو بوعيه ماكو تفسير ثاني
رُقيه: عفوا احچي بإحترام!
أنس: واو واو احترام؟
مشيت خطوتين وصار بظهري حسيت المسدس على خصري همس بصوت ينگط كره وحقاره.
أنس: امشي للسياره بدون صووت!
رُقيه: شتسوي شتسوي مخبببل.
التقاطع شبه خالي محد منتبه جرني للسياره وصعد قفل الباب ومستمر يسوگ ويهددني بالمسدس.
أنس: ماااا ردت نوصل لهل مواااصيل ماا ردت!
رُقيه: انت اانت موو صاااحي شبييك اانتببه.
اي مهرل موو صاااحي بنننت القاااتل.
مره ويااا نااجي ومره ويا وگاااع وهسه هذا المااا ادري منوو وآني؟
رُقيه: ااانت شنوو شنووو يماا اانتبه ال مسدس وخررره.
حك جبينه بالسلاح ونظرلي عيونه مليانه بالدموع.
ابوچ قتل عائلتي كلها ما مااا بقالي شخص واحد منهم كلهم قتلهم.
صرت أبچي وياه واحچي رغم احس راسي راح ينفجر من الألم
موو ابويه والله مو ابويه عووفني اااني مالي ذنب والله.
بنننته بنننته شلون مالچ ذنننب
موو ااابويه مااالي ذننب.
صرخت بكل صوتي لمن صوب على الجامه اللي وراي وحچى.
شفتج حبابه ومحترمه گلت شنو ذنبها ابوها كواد هي شنو ذنبها وقررت اعفيچ من انتقامي حتى صرت احب أشوفج واحجي وياج لكن بنفس الوقت صرت أشوفج ترجعين ويا نااااجي يوميه بعد الدوام واخر مره ويا وگاع الأشتر ولچ مااا خليتي واااحد ما طلعتي وياااااه وهذاا هذا منو چان؟
ايدي على اذني ومدنگه أبچي من الخوف ومن وجع راسي رفعت راسي فتحت الجنطه چنت شايله شريط بندول عين عليه وعين على ايدي الترجف طلعت حبايه بس اريد أخذها بلكت يخف الألم لكن لاحظني وسحبها مني بصراخ.
هذاااا شنووو اااانووب تتعاااطين يااا ساااقطه
لااااا لاالاا مسكن ألم والله راسي راسي يوجعني حباب جييبه حباااب بس حبايه وحده لاااا.
شمرها من الجامه ويضرب على الستيرن ويحچي بصراخ.
اااابووووچ دمر عااائلتي وااانتي دمرررتيييني خليتيييييني مررريض بيييچ ورحتي لغير وااحد.
اااسكتت اااسكتت شجاااي تحچييي ااانچببب
انس انس اااانس اااانتبه.
فجأةً سيارة انس صارت مُحاطة بسيارات القوات الخاصة مكافحة الإرهاب وسيارة صگر عبرت وكسرت عليه وگفت امام سيارته اللي داس بريك وگفها وخلى المسدس براسي. القوات المسلحة طلعت وانتشرت بكل مكان صگر نزل بكل هدوء
أشر على أنس واردف.
صگر: لا تخليني ارجعك لعمي جنازه.
انس: مراح تفهمني انت ما خسرت شخص غالي عليك بسبب والد البنيه اللي تحبها.
صگر: آني الماافهم عليك؟ يول بنت المحكوم
صارت مرتي وأم أبني..
انس: هي حبتك بس رُقيه ما حبتني.
صگر: أنس!
أنس: شتررريد من اااانس شتررريد شتررريد.
تخبل ومستمر يهددني، الضاهر هذوله گرايب!
فجأة واحد من المُسلحين اطلق النار على إيده
وگع المسدس وصگر ركض فتح الباب وجره برا السيارة بقيت بمكاني مصدومه، وگفه گدامه
وضربه راشدي يصرخ عليه.
صگر: مهررررل ااانت مهررررل شلون تعرض حياتها وحياااتك للخطر.
واحد من المُسلحين شايل تفگ ودگ على الجامه فتح الباب اردف.
امسحيها بوجهنا گرايب أخونا مخبل ومريض نفسي وترااب مكه، امشي اختي الكريمة امشي.
شال جنطي وطلعت وراه، وگفت على جانب
انطاني الجنطه وضل واگف وبينا مسافه باوعت بي شاب اشگراني طويل واسم رُتبته ويا اسمه مكتوب على البدلة ---- ريكان.
قيّدو ايد انس واخذوه وآني گعدت بجانب الطريق من الألم لازمه راسي وابچي مثل الطفله.
اختاه شبيچ؟
باوعتله نفسه الشاب الاشگراني
راسي راااسي.
القوات مشت من المكان بس هذا بقا واگف أشر على صگر بسرعه اجا كنبص گدامي
صگر: اتصلت بي هسا يوصل.
رُقيه: بمنو اتصلت بس اخذوني للبيت ما اريد شي ثاني.
دنگت راسي لحظني وابچي من ألم راسي، سمعته ينادي بكل صوته بحيث صوته يدوي بأذني
رُقيييييه وينهاااا.