رواية وقار الغريب للكاتبة حوراء السعيدي الفصل السادس والأربعون
وَهج.
أثنينه أنباوعله و هوَ شنزله صح صحته أتحسنت
بس لازم يرتاح أكثر، طابك حواجبه بأنزعاج
قصي: أخذي منها
وَهج: بَس
قصي: شككلتت أني؟ أخذي أبوية حالتها راح تجيها شوفيها.
رجعت أنظاري على رونق مبين نوبة الربو راح تجيها من صارت أعراضها واضحة.
سحبت الصندوق منها عفته على جهه لزمتها صارت تسعل بقوا
وتنفسها واضح ضاق، أيدها على صدرها
رفعت راسي
من سمعت صوت عميد الدين، اخذها مني وملامح القلق على وجهه.
رفعها من مكانها دخل بيها جوا للبيت بخوف صعدت الغرفتها
اجيب البخاخ مال الربو مالتها ونزلت بخطوات سريعة.
دخلت للصالة أمها وجدي والبنات كلهن موجودات
أخذه من أيدي عميد الدين بسرعة وبدأ ينطهياه
شگد مُتعبة هالحالة، الله يساعد مُرضى الربو
أفترت عيوني حول الكل
قصي ماموجود، سحبت نفسي منهم أدور عليه رجعت
للمكان إلى چنه أني ورونق بي گاعدين شفته گاعد وبين أيده
الصندوق بس مافاتحه بس يباوعله و أيده الثانية على عيونه.
وَهج: قصي.
نزل ايده ولا زالت عگدة حاجبه موجودة
قصي: ما فتحته والله
وَهج: مو مشكلة، شنزلك وحدك بعدك تعبان
قصي: اختنگت من الغرفة، صرت قريب منجن وشفت حالة رونق
هذا السبب إلى خلاگ تمنعها تفتحه
أكيد.
لزمت أيده أساعده يوگف
خلي ندخل جوا
تمام.
مشينا بخطوات بطيئة علمود يمشي براحته دخلنا جوا
جانت رونق بحضن أمها مغمضة عيونها أنتبهت على أخوي
مركز عليها، من شافني أباوعله غير مسار نظره القلق دب بداخلي.
لا يا ربي إلا ذاك الشي، لأن راح يكون إله أذية مرة ثانية إذا طلع إلى بالي صح.
دخلته يم جدي والموجودين، عفتهم صعدت ضميت الصندوق
بعدين أنطي الها بين ما يتحسن وضعها همزين قصي أتلاحگ الوضع
رجعت يمهم نزلت أشرت ال صفا تجي دخلنه للمطبخ.
صفا: ها وَهج خير
وَهج: قصي منو نزله
صفا: اني
وَهج: شلون.
بقت تباوع بنظرات كلها أستفهام
أقصد هوَ طلب منج لو أنتِ اقترحتي عليه.
هااا هيج قصدج، لا صعدت أشوفه وگال ضايج نزليني جوا وساعدته
اممم تمام
أكو شي
ما أدري.
أتقربت يمي أكثر لزمت أيديَّ
شصاير
ماصاير شي أمي مجرد شغلة أبالي
شاكه بي يعني أكو شي يخليج تشكين بي
لا لا مو هيج، بعدين أفهمج من أفتهم واتأكد.
هزت براسها ورجعنه يمهم مر وقت رونق وضعهاا أتحسن.
بقت نظراتي تراقب قصي بقيت اتسائل بنفسي
مامعقولة أتصيرله مشاعر أتجاه وحدة أتحب اخوه لليوم
و هوَ عنده علم بكلشي، متأكدة مايرجع يجازف ويخطأ.
بس شسوي لو طلع العكس مستحيل رونق تتقبل هيج شي
لو غريب بيها مجال بس مو أخوه، وجاي أنشوف
حتى الغريب ما تتقبله شلون لو أخو إلى أتحبه رغم من حقها تكمل حياتها.
مرت كم يوم هادئات، لاحظت رونق أتريد إلى عندي
بس تخجل تجي تگول أريده، رجعت من شغلها سلمته إلها
وَهج: ردتج أتصيرين أحسن وأنطيجياه
رونق: شكراً وَهج، يبقى عندي لو أرجعه؟
أيديها يرجفن والغصة واضحة بصوتهاا
بكيفج أنتِ شنو حابه
يبقى عندي
ممكن تتأذين هيج أكثر.
جرحي ما طاب لليوم، ف أتعودت.
حابه أعرف سر كل إلى موجود بي و بسَ أنتِ إلى تعرفين
خلي نروح الغرفتي.
طلعنه من غرفتي الغرفتها گعدت أنتظر أعرف هل الاشياء إلى بداخله الشنو.
فتحته وبدأت تطلع بكلشي بي بداخل قماشه أبيض، بالأول طلعت ساعة رجالية اله
رونق: هاي عميد الدين جابها اله ب عيد ميلاد رائد الأخير چان هنا بالعراق.
أخذتها منها وگلبي أنقسم نصين من وجعي
و قهري
أصعب ما يُمر على الإنسان الذكريات لأحبابه.
نهضت من مكانها رونق متوجهه للميز مالتها سحبت علبة صغيرة
طلعت منها تك ترچيه ورجعت، طلعت من الصندوق نفس
الترچيه إلى شفتها قبل منقوش عليها أحرفهم
رونق: ذني التراچي هو أشتراهن إلي، عضت شفتها الترجف
ودموعها أخذت مسارهن رجعت تكمل. گال باليوم إلى أخطبج
بي راح ألبسجياهن بقى وحدة عندي
و وحدة عنده.
لزمت الساعة إلى باوعت الها بأستغراب
وَهج: هاي الساعة الباجي نادية هيَّ حاطتها ويا الأغراض مال رائد.
هاي جايبهاا إلها أبوي، مثل ساعة أمي إلى عندي محتفظه بيها من سنين.
سلمتها إلى ما أهتمت إلها رجعت تطلع بأغراض رائد
لزمت الورقة المكتوب عليها مواليده وبالجهه الثانية عبارة ذات نهار تغير ما لم يكن بالحسبان .
رونق: هالورقة مرة وحدة شفتها عنده من سئلته
گال من شفتج أتغير كلشي بحياتي أكو شغلات چنت
ما متوقع تتغير و أتغيرت أولهم گلبي إلى دگلج أول ماشافج.
شهگت من كل گلبها رافعه أيديها الوجها تبچي بشوغه.
مرات گلبي مرد بونينها وصوت بكائها حضنتها الصدري
وَهج: لا تعذبين بنفسج هيج
رونق: ما گدرت أتخطاه لليوم والله ما گدرت بكلشي أتذكره
عيوني إذا أغمضهن أول شخص يجي گدام عيوني حياتي ما فرغت منه
بحياتي ما راح أبري الذمة ال أشرف حتى لو مات ولا أسامح عيسى
علي إلى سوووا، هم سلبوا مني روحي سلبوا كل حياتي من موتوا رائد.
عجزت عن الكلام بهاللحضة مو بَس رونق تحتاج تنحضن.
جنت نفس حالتها ردت أنحضن وابچي من كل گلب ذبيت نفس مُصاحب بحسرة
وَهج: الله يرحمه، رونق لا تبقين هيج متعذبة رائد ماراح يكون مرتاح
رونق: ياريتهم خذوا روحي قبل لا ياخذون روحه.
حچتها بنبرة مكسورة، رونق إلى الكل أتعود عليها
أيشوفها أنسانة قوية ما تنكسر بسهولة ولا شفنه ضعف عندها
هسه گدامي تحجي بكل خذلان وأنكسار طلعت كلشي كاتمته.
وَهج: أدعيله دائماً راح و هوَ بحسرتج وحسرة أمه الما تهنت بي.
بقت تطلع بباقي أغراضه و أتسولفلي بچت بجي أول مرة
أشوفها بهيج حالة، خفت عليها لا تجيها نوبة الربو
كاافي رونق، عوفيهن بعدين أرتاحي هسه.
حطيته على جهه صبيت ماي بگلاص شربتها غسلت وجهه
وخليتها تتمدد علمود ترتاح أنتهت خفت حيل لا أيصير شي بيها.
وَهج: بروح رائد احلفج لا تتقربين الشي إلا أتصيرين زينة.
هزتلي براسها، غطيتها وطلعت بعد ما اطمنت عليها، دخلت
للحمام غسلت وجهي مختنگة، نشفت وجهي وطلعت.
باجر لازم أبلش أجهز اسراء الزواجها مابقى وقت
لليل رجع عميد الدين من شغله سئل عن رونق حجيتله عن إلى صار
صعد الها شافهاا بعدها نايمة تركهاا براحتها.
عميد الدين: من سفرتها قبل، أخذتها الأكثر من دكتور
علمود تطلع من صدمتها، تعالجت بس ما أدري لليوم ماتقبل تتخطاه
وَهج: يعني إذا بيوم متت اني تتخطاني؟
رفع راسه خازرني، أتوترت من خزرته بلعت ريگ
عميد الدين: شنووو هذا الحجي وَهج.
وَهج: مجرد سؤال، لا تنسى كلنا بالاخير أنموت أحنا ضيوف بالحياة.
حضن وجهي بكفوف أيديه يباوع بعيوني
ما أبقى عايش
محد يموت وره أحد
أكو إلى يموت على البطيئ، أكو إلى يروح للموت برجليه
علمود يلحگ محبوبة هاي رونق بكل يوم تموت
علي البطيئ هذا أقسى عذاب يعيشه الإنسان.
قربت راسي الصدره، رفعت أيدي الگلبه أحس بنبضه بأيدي ينبض مُتسارع بدگاته
وَهج: لا أتعوفني.
شدني الحضنه أكثر.
عميد الدين: شوگت عفتج علمود أعوفج بعدين غاليتي.
نزلت دموعي بقهر
وَهج: أني فقدت اهوايَّ، فقدت أمي، بعدها فقدت أخوي وكملتها باجي نادية
عميد الدين: الله يرحمهم.
الثاني يوم طلعت اني واسراء لأن صفا مو مال طلعة
وآدم ما قبل تطلع وضعها، مايطمن وبالي يمهاا أخذنه عميد الدين بس اني واسراء
اسراء: هسه شاخذ شو كلهن حلوات
وَهج: أخذي إلى أتريدي.
بدت تختار إلى تحتاجه وإلي بنفسها ماردت يبقى شي.
بنفسها گضت عمرها محرومة من كلشي اشوف فرحتها بعيونها التلمع.
مرت الايام وأني أجهزلها كلشي بحيث حتى عميد الدين
وأبني ما أشوفهم إلا بوقت الأكل والنوم ماردتها أتروح
وهيَّ بحسرة شي، كملنه كلشي إلها اخر مرة طلعن البنات ويانه
رونق و ريم و زينب اشترن فساتين للعرس مال محجبات
وصفا جبتلها على ذوقي اسبوعين كملنا لأن كل كم يوم
نطلع نشتري قسم وأهمشي لحد يگول لأهل الكوزمتات اني عروس لأن يقفصون عليها.
رونق: لا لا فستاني ماعجبني
ريم: شبيه والله حَلو
رونق: أريد لون غامق
ريم: لا الالوان الفاتحة أحلى عليج
هسه شعليج أني اريد غامقة
أحترررمي نفسج وانجبي گنالج هذا حَلو شكو اتلحين
هيووو ترا حماتج اني أحترميني و أكبر منج
ولي.
ضلن يتناكرن بينهن بالشقة طبعاً
اسراء: أريد أصبغ شعري
ريم: لا بقي لون شعرج أحلى
رونق: هاي شبيهااا شعلييج.
وگفت ريم تموت ضحك صعدت فوگ السرير مال غرفة اسراء
لأن چنه گاعدين بيها وتفر بروحها بغرور.
ريم: تحترمني غصباً عليجن لأن أني أتزوجت قبلجن بعيداً عن وَهج
بعرسي الأكشر خليت شعري أسود وطلعت حلوة ف أخذن بنصيحتي.
اسراء: وحگ الله إلا أصبغ ماعليه بعددد
صفا: أكو ألوان هادئة مو أور للشعر أصبغي بس لا أتسويلي ميش لعبان نفس
اسراء: اگلچن خاف أصبغ وشعري يخرب
ريم: لعد شگتلج اني
رونق: صح أكو ألوان حلوة وتلوگ الجهرتج أصبغي من الألوان الشقارات.
گعدت رونق بالنص بينهن ضلن يدورن على لون شعر مناسب الها.
لأن عاندت إلا تغير لون شعرها، رحت يم صفا المتمددة
وَهج: شلونج اليوم
صفا: أحسن بس كله خمول واتقيئ لعبت نفسي من الوضع
وَهج: فترة نساوتج نحسه كلش ميخالف أتحملي
صفا: غير تخلص تعبتني لو أدري الحمل هيج فلا أصير حامل.
أبتسمت الها عفتهن يختارن وأيسولفن وطلعت
أدور على عميد الدين اليوم ما طلع الشغله شفته يلعب كرة قدم
ويا سَند و وياهم رحيق يمنه، أكرم من يروح للدوام خفارة زينب تجي يمنه.
سَند: أريد أسجل بابا.
عميد الدين: يلاااا.
رجع سَند يلعب ومتقصد عميد الدين يخلي يسجل كول
علمود ما أيضوج، بقيت واگفة بمكاني اباوعلهم
اجه قصي إلى الحمدلله وضعه صار أحسن بهواي من قبل.
قصي: ميسي و رونالدو ما يگعدون
وَهج: ههههههههههه سَند أنطي كرة قدم ينسى حتى نفسه بس يلعب بيها
قصي: رياضي ابنج
وَهج: طالع الصفا، لأن اني مو كلش أحب الرياضة وأخبارها.
كملتي كلشي ال اسراء
أي الحمدلله
صفا شلونها
فترة حمل مُتعبة إلها
أنتبهي عليها.
أن شاء الله، وين رايح أنتَ
علاج أمي مخلص راح اجيب الها.
أمك ما يفيدها العلاج الفيزيائي
الدكتور گال نسبة قليلة للشفاء، راح أعرض تقاريرها وأشوف الوضع
شوف الدكتورة أريج
هو راح أشوفهاا، يله رايح ما اتأخر
طلع صعد سيارته، فتحله الباب عميد الدين بعد ما وگف الجهال على جهه.
يومين وراحت اسراء صبغت شعرها بلون يليق بيها
فقط صبغ، وزواجها بمر كلشي بسرعة بسرعة
رجعت من الصالون.
مسوية تنظيف بشرة وقدم، صارت أتجهز نفسها ك أي عروسة
صعدت فوگ أدور عليها وين راحت سمعت
صوت ضحك
جاي من غرفة قصي عرفتها يمه أتموت على شي
اسمه قصي تتفداه تفدي مرات يطلب شي
تطفر أول
وحدة تروح أتجيبه اله، فتحت الباب گاعد قصي و اسراء وصفا محاوطاته من الجهتين.
وَهج: أنتم هنا وأني أدور عليكم صدگ ما تستحون
قصي: سولي أقتحام بالغرفة
گعدت يمهم مبتسمة اسراء تقشر فواكه وتوزع الهم قسمت
برتقالة اربع قطع وزعتهن علينا.
اسراء: خلي أدللكم قبل لا أعرس بلكي بعرسي تبجون عليَّ.
صفا: شايلة هم الچفصاتج هناك ويا أهل ظافر
اسراء: قابل ما يعرفوني
وَهج: هو غير چفصاتج من العيار الثقيل
صفا: وربي صح، أخوات ظافر شفتيهن بيوم الخطوبة شلون مثقفات
علي طاري أخواته هوَ مو گالوا عنده ثلاثة شو بعد وحدة ماكو ماشفناها.
قلبت عيونها اسراء بملل
اسراء: ما أتحبني
صفا: عززا بس لا أتسويلج مشاكل من تتزوجين.
اسراء: شسويلها والله من تطگ عندي الزمهاا أمسح بيها الأرض مسح.
لزم أيدها قصي و هوَ يگةل
قصي: هذا منو الماعنده ذوق إلى مايحب وحدة مثلج
اسراء: أني قبل من جنت هناك أول ماشافتني زينة ويايَّ
بَس من حاولت أنتحر ضلت تحجي ويمكن عرفت
اني بنت أشرف صارت هيج تكرهني والله اني ممسويتلها شي ولا حاجيتهاا.
متزوجة؟
أي، أخوات ظافر كلهن متزوجات
لا تخافين معناها بعيدة عنج، وإذا اجت البيت أهلها غلسي عنها مو كلشي يستحق الرد.
كلامها يغث
لازم تحترمين كل فرد من عائلة زوجج أحترامًا الزوجج.
أن شاء الله، بس شوفوا اني عندي حد للصبر إذا تچفص كلش وحگ الله اگتلها.
وَهج: أمي عيب من ظافر والباقين شتگتلين ولا توصلين كلشي الظافر
لأن بعدين لاسامح الله إذا صار شي يگولون مرته دفعته
خليج انسانة مسالمة بالعكس أنتِ بأخلاقج وأطباعج تحببينهم بيج
ومن أتصير مشكلة هوَ وأهله راح يعرفون منو إلى سبب لأن يعرفونج شنو أنتِ.
قصي: صح كلام وَهج، أدري بيج إلى بگلبج على لسانج
بس مرات أكو شغلات مايستوجب نحجي بيها فهمتينه؟
اسراء: أي فهمتكم، أحاول
صفا: تحاولين؟
أسراء: هههههههههه اني عصبية مو كلشي أتحمل
صفا: مو مثل عصبيتي بس أكو أمور لازمه نفسي بيها.
سكتت وهم يحاولون يفهمونها، فرحت بداخلي
صار أكو غيري يگدر يوضح بعض الأمور واسراء
من أتصير بأمانة ظافر بعد هنا گلبي راح يطمن عليها
و على مستقبلها، لأن أعرف هذا الشخص شنو
صفا اطمنت عليها.
بعد ما صارت مسؤؤلية آدم، بقى قصي أتمنى بيوم من الايام
يرجع أيشوف حياته ويلگى إلى تستحقه مو مدحًا بي بس يستاهل.
بقيت يمهم أسولف ونضحك جانت گعدة من العمر بالنسبة إلي
وأني أشوف اخواني منجمعين قبلي، تمنيت تكتمل هالگعدة
ورائد موجود، وعيسى مثلنه هيج أكون أسعد انسانة بس مو كلشي نتمناه أيصير.
طلعت من يمهم، أحس حتى اني أحتاج أشوف شغل إلي
بس أكو شي مقيدني إلى هوَ أبني، ريم دوام وأكيد.
من تداوم بنتها راح تبقى يم أمها، باجي سلمى مرة تعبانة
صفا بس يجي طفلها للدنيا هم راح تنشغل بي وهيَّ أهتمت ب سَند اهوايَّ.
عفت موضوع الشغل أبني أهم عندي من كلشي رغم گعدة
البيت أتضوج، بس صفا لازم بالمستقبل تشتغل حلمهاا هذا
عن نفسي اني مو ذات أهمية لأن هذا المجال مال ادارة الأعمال دخلتله أجباري.
صعد عميد الدين شفته دخل للغرفة، رحت اله دخلت وراه
عميد الدين: عبالي هنا
وَهج: جنت يم قصي
عميد الدين: اممم.
چنت يم جدي أنتَ
أي.
سكتت بعدها علاقتنه بيها زعل صرت أضوج من الوضع
أحس كافي شلعت گلبه كل هالفترة
وَهج
هاا عميد الدين
عازمج الليلة
شنو المناسبة
أريد أتزوج عليج
هه دمك خفيف
هه تقبلين لولا.
وإذا ما قبلت
أنتِ الخسرانة
ليش؟
لأن اكو شي مهم أريد احجي الج
أتقربت إله طوقت رقبته نزل ايديه محاوط خصري
وَهج: شنو أحجيلي
عميد الدين: لا
لا بله
والله
سولفلي بالأول
ما اخليج تضحكين عليَّ هالمرة
عُمدة
لا تحاولين.
هسه يطلع شي عادي واني ساحله نفسي
بكيفج بعد حَبيبي.
قلصت عيوني أباوعله
گول والله مو شي عادي
والله
والله شنو؟
مو شي عادي
تمام أتفقنه أطلع وياك الليلة.
نزل نفسه المستواي باس خدي خزرته
بعدنه مامتصالحين تررا.
چاا شتسوين لازگه روحج بيَّ
لاااا عميد الدين لااا فشلتني هيج
لاااا
أييي، شلون أتخطى هسه.
غمزلي بتلاعب مبتسم.
بوسي تفاحة آدم وتتخطين
ستوووب.
أبتسمت رافعة حاجبي اله، أمشي بأصبعي على فكه
عميد الدين: I m fond of you.
وَهج: بَس؟
طمعتي شو
أتقربت أكثر اله وفراشات أنخلقت بداخلي
شو قليل واني أستاهل
أكو شي يتفوق على العشق؟، ضرب جبينه بجيني بخفه و هوَ يگول، I adore you.
وَهج: أويلي
عميد الدين: دخلي نتصالح مو بطيتي الگلبي.
حطيت راسي على صدره
وَهج: صاير ماتدللني مثل قبل، مو اگلك تغيرت عُمدة
عميد الدين: ليش أنا شايفج يُبا حياتج بَس لأبنج و أخوانج ناسيتني.
حچاها بنتر فهمت الفكرة وحقه فعلاً مامنطيته.
الإهتمام إلى المفروض أنطي اله لأن مشاكلي نستني وخلتني أنشغل بيها
رفعت راسي اله عيوني مدمعة لأن هاملته
حقك من هالناحية
هسه ليش دمعت عيونج
انتَ أتسوي كلشي علمودي، أني لا.
سحب الكرسي مال المكتبة مالته گعد عليه سحبني گعدني بحضنه
ليش أنتِ ناسيه نفسج شسويتي؟
أنتَ مثل ضلي ويايَّ دائمًا تفهمني من نظراتي
من نبرة صوتي أني بحياتي محد فهمني مثلك.
وهاي مو منيه مني، هذا واجبي يُبا لا تنسين مرة.
اجيتي وجبتي ابنج وياج وعرضتي نفسكم للخطر
علمود تطلعيني من يم بشار لا تنسين أتحملتي تهديدات
لفترة من الباشا وعلياء علمود تحميني انا وأخوج شني
كل ضنج هل الشغلات ناسيهن، وَهج أنتِ
بنيه قوية
ينضرب بيها المثل على كلشي صار وياها إلا مازالت ثابتة.
ملت براسي قريب من راسه
عميد الدين أريد أعيش وياك مثل أي أثنين يبلشون حياتهم
ويا بعض ويعيشون بسعادة، اني تعبت من الحياة دائماً مخليتني أركض.
رفع أيدي باس باطنها.
راح أتعيشيهاا وعد مني الج راح أتعيشيهاا
اممم يعني قابل بكلشي بيَّ
أكو واحد ما يقبل بوحدة مثلج؟ تدرين بأحد الليالي
گلت ياريتهاا طلعت گدامي من زمان وشايفهاا
وزوجتك الله يرحمها
ماباقي شي الها بداخلي غير الاحترام الله يرحمها
الله يرحمهاا
بس لا تغارين منها وَهج.
لا وداعت أبني قرة عيني، البنيه راحت الرحمة الله الله يرحمها
قابل راح ترجع للدنيا وتاخذك مني، هيَّ ماضي واني حاضرك ومستقبلك.
اممم شو ماشفتج أتغارين عليَّ
أثق بيك
مرات حتى لو أنثق أتصير شغلات تخلينه نغار
مثلاً سالفة كمال من وصفج هاي خفايف أنطيتهن اله
لأن گاعد ببيت أخوه، لو من بشار العار يحاول يوصل الج
أموت بغيرتي ما أريد واحد يتقرب الج لانج شي خاص بيَّ.
هههههههه طيب سؤال جاوب بصراحة
أروح فدوة لهذا المبسم
كافي تخجلني
ههههه اسئلي
أول ما شفتني من طلعت من المطار يعني أقصد
من اجيت للعراق أول مرة شنو أجه أبالك أول ماشفتني.
گلت الروحي الله يساعدك يا عميد الدين هاي مبين
راسها يابس وتعاند بس شتسوي هاي من مسؤؤليتك.
أي أي وطلعتوا أنتَ وظافر تلعبون من ورايَّ
كلشي اله أسبابه وعرفتيهاا
عميد الدين هسه سولفت وياك بكل لطافة وهدوء
عادي تحجيلي شگالك جدي
هااا لا تخلفين بكلمتج مو أنتِ مو هيج
وحدنه؟
لا بعد روحي ناخذ العشيرة كلهاا
اوووييي شبيك هو سؤال.
سحب أيدي عضهاا خلاني أكمز
وَهج: صدگ عوووود
عميد الدين: تحرگين الگلب.
وَهج: هسه وإذا أنحرگ گلبك علمودنه شدعوة عليك
ما تتحمل بمكان ما تگول حبيبتي أم سَند فدوة الج صدگ جذب و...
قاطع كلامي ولصمني على حلگي من گال
عميد الدين: أحبج أنا أنيسة روحي.
سحبت نفسي منه بهدوء
شكراً
الشكر لله يمعودة
أي أكيد
أي چا شلون.
كتمت ضحكتي هسه لو بأيده يشمرني
من البلكونه
عميد الدين: ست وَهج
وَهج: ليش ست؟
عميد الدين: باليعجبني قابل بس أنتِ تتگلبين حضرتج
وَهج: عميد الدين أحس عيب أنسوي هالسوالف
يا سوالف.
مال الزعل، شو زعلتنه طولت
يا الله راح تفرج
لا غيرت رأيي بعدني مامسامحتك.
رررربي أنتَ أفرجهااا من فدوة لأسمك
مو گتلك السن بالسن وكذا
هيّ مال السن بالسن خطأ صار وراح
شبيك عُمدة خلي أنصير مثل إلى بالمسلسلات
البطلة تشلع گلب البطل يله تسامحه
أكوووووول منين متعلمة هالسوالف
شو تصيح؟ زعلي هيج راح يتكاثف
ليش شعر هو ويتكاثف.
عميددددد الدين.
رجع أخذني الحضنه حاضني بكل قوته.
كافي وَهج والله زعلج تعبني مايهون عليَّ نبقى هيج
يُبا أنا غلطان و أطلب السماح منج وحقج تاخذينه من هل العيون بس كافي
أصلاً أني وحدة جذابة ما تگدر تأذيك
ولا أنا
بس راح أبقى اتگلب عليك حد ما أشوف شي ينسيني كل إلى مريت بي.
ركز بنظراته ناحيتي حضن وجهي، بلعت ريگ كأنما فهمني هز براسه مبتسم
متفقين
الشنو؟
راح أسوي شي ينسيج كل زعلج، وهذا الشي راح
يكون بداية جديدة بين عميد الدين و أنيسة روحه.
أنتظر بدايتي الجديدة وياك معناها.
لليل جهزت نفسي مثل ما طلب عاد أتمنى ما أيصير شي وتخرب طلعتنه
نزلت جوا اتفاجأت من شفت سَند هم مبدل وگاعد بصف عميد الدين
أثنينهم رفعوا راسهم على أثر صوتي
وَهج: سنودي هم أتروح ويانه.
اجاني يركض حضني نزلت المستوا حاضنته
سَند: أي بابا گال تروح ويانه.
زادت أبتسامتي بعد سماع كلامه عميد واگف قريب منه
تقريبًا هوَ وسَند لبسهم بي قرابة ك تنسيق
عميد الدين: يله نطلع يُبا.
هزيت براسي ودعنه عائلتنه وطلعنه ويافرحة أبني
يمشي بالنص لازم أيدينه ومبتسم صعدنه بالسيارة.
سَند: أگعد يمج ماما
وَهج: تعال.
صعدت بصف عميد الدين وگعدته بحضني هو ناعم حتى شكله
مو يم عمره طالع على نعومتنه تقريبًا بس نسخة بشار ك ملامح.
قبل لا نطلع دخل زيد أشرله عميد الدين يفتح الباب الخارجي
علمود السيارة طلعنه وگفنه يمه
عميد الدين: تجي
زيد: شعجب
خاف أتگول أمداهاا من خوة.
ههههههههههه لا عمي روحوا اني راح أسبح وانام.
ودعناه وكملنه طريقنه، وطبعاً سَند شيشوف بالشارع
يأشرلنه ولازم هنا نگعد نشرحله شنو هذا.
عميد الدين: أي بابا وين أتحب أخذك
سَند: ألعاب
وَهج: نروح ناكل بالأول وبعدها للألعاب
أخذنه لأحد المطاعم الموجودة نزلنه قريب عليها علمود السيارة
گعدنه بأماكنه، اجوا أخذوا طلبنه.
وَهج: شنو الشغلة إلى ردت تگولها إلي
عميد الدين: ليش مستعجلة
وَهج: شو مامرتاحة.
عميد الدين: هو خبر يخص شذى
سولف
قبل الاكل؟
أي عادي.
تمام، شذى أتزوجت وائل خال قصي
نعممم؟
الله يستر عليها المرة ما تگدر تعيش بدون رجال الزلم عندها مثل الأوكسجين
منين عرفت
عرفت مو مهم منين
هااي شبيها ويا الزلم، هو هذا غير متزوج
أي ومرته داريه وصايرات أمالخ وهسه هو ومرته الاولى صايرين بالمحاكم.
بقيت صافنة يعني شنتظر من وحدة مثلها مابقت
واحد بنفسها استغفرالله سواء كبير بالعمر أو صغير.
عميد الدين: هي مو إلها أيد بموت أمج
وَهج: هوَ أبوي إلى متفق وياها، وهسه ماعندنه دليل عليها
عميد الدين: المهم أكملج، شذى صاير وياها حادث
وهسه بالمستشفى هيَّ و وائل لأن اثنينهم مندعمين بسيارة وحدة.
وضهم شنو؟
مكسرين و شذى أيدها كلها أنشالت.
توسعت عيوني وصابتني قشعريرة
تقصد أيدها گاطعينهاا
أي، والله ما أدري شگلج بس مكتشفين عندها مرض موزين هم
ف أشوف مايحتاج بعد ندور وراها لأن رب العالمين.
جاي يعاقب بيها بالدنيا وأبتلائها بهيج مرض قبل عقاب الآخرة.
سكتت مصدومة بالي سمعته، جنت أسمع بالعدالة
الإلهية بس ما شفتها إلا من دخلت بهالحرب ويا الناس الماترحم
عميد الدين: رايد منج طلب
وَهج: شنو؟
مد أيده لأيدي لزمهاا
عميد الدين: رايد منج نترك كلشي وره ظهرنه الماضي
اذانه كلنه، اليوم خلي ننطي ل نفسنا فرصة نعيش
باقي حياتنه بهدوء تعبنا من المشاكل، أخذنه نصيبنه
من المعاناة بالحياة هسه صار وگت نعيش لنفسنه.
هزيت راسي مبتسمة لهنا خلي نطوي صفحات الماضي
ونفتح صفحات جديدة من حياتنه تكون
من حقنه
وبهالگعدة جانت أكو وعود اهوايَّ ومن ضمنهن
نرجع نولد بالحياة من جديد ونعيش كل لحضة بيها
صار الوگت إلى أمنح الشي إلى صارله اهوايَّ ينتظره مني.
جابوا الاكل بدينه ناكل ونسولف كملنه وطلعنه من المطعم
رحنه للألعاب علمود سَند، وگفت بمكان وعميد دخله يلعب
بقوا بالساعة يلعبون، وصوت ضحكات أبني المدموجة بالفرح مُتعالية.
رجعنا للبيت بالعشرة ونص بالليل تقريبًا وارث وبنته گاعدين
حاطهاا بحضنه يلاعب بيها وهيَّ تضحكله
عميد الدين: أشو انطينياهاا.
خذاها عميد الدين يبوس بيهاا يضحك
عميد الدين: فدوة للبنيات
وارث: أمها نامت وطلعتنه من الغرفة
وَهج: هههههههه ريم صايرة مسيطرة
وارث: اگدر احجي كبل تگلي أحترم نفسك.
نزل آدم من فوگ ضايج، أبتسم من شاف مريم
خذاها من عميد الدين وگعد حاطها على صدره
وهيّ مسنحه عليه نايمه بهدوء بس فاتحة عيونها.
آدم: باجر اخذ صفا للدكتورة، وضعها ماعاجبني
وَهج: ليش صار شي؟
لا بس اتعب من أشوفها هيج والله حتى شغلي
مامركز بي من وراهاا، مو ريم وزينب خلفن شو ماشفت وحدة منهن هيج صار بيها
عادي آدم أكو نساوتهن عادية واكو لا يتعبن بيها لا أتخاف
لا باجر أخذها لدكتورتهاا.
قفل إلا يأخذها حاولنه نفهمه الوضع عادي بس هو
وين يقتنع، خذت سَند بدلتله بالملابس إلى قصي جابهن اله
من بغداد من راح البيت روزا، اسراء گاعدة تخابر ويا ظافر.
نومته بصفهاا شهگ سَند أثنينه باوعناله عبالنه شو شنو بي.
حط أيده الناعمة على حلگه وهو يگول
سَند: ماما خاله ما تستحي
وَهج: اااا، ليش
سَند: بالليل بس تحجي شگد ماتخليني أنام
اسراء: صخام الصخمني فضحتني.
عضيت شفتي اضحك
وَهج: بس كون ما مچفصه
اسراء: لا وحگ ربج سوالفنه كلها شريفة خالية من الفسوق نگضيها نتعارك.
ياااا
لا يعني مو كله نتعارك بس سوالفنه عادية شريفين بعد بيتي
اممم، لا تنسين سَند يمج.
ولج وَهج هو حازم يعووفنه كل ما احجي يجي
يحط بوزه بالجهاز ويغني، واخذنه واخذنه ماريده جزت منه
ههههههههههههه يغار على أخوه.
صعدت الغرفتي ذبيت جنطتي عميد الدين باقي گاعد جوا
يم أخوانه، غيرت ملابسي أتمددت بفراشي أتصفح بجهازي
شفت ليلى مراسلتني جاوبتهاا، أنفتح الباب دخل عميد
أبتسمت اله يله كافي زعل طوخناها وأحنا الاثنين عنده غلط كان.
عميد الدين: بعدج گاعدة
وَهج: شفت ليلى مراسلتني جاوبتها.
غير ملابسه وباوعلي.
فرشتي أسنانج
لا
ليش
أريد أرجع أيام بداية زواجنه شلون جنت مهتم إلي.
أبتسم وسحبني من أيدي موگفني
و أهتم لأخر العمر هم
أي حباب دللني، أحب الدلال مالتك.
طلعنا من الغرفة للحمام شبعت ضحك من فعلاً رجع
مواقف أول زواجنه من چان يوگفلي يم الحمام حد ما أكمل.
أخذ فرشة الاسنان لزم فكي بخفه فرش أسناني
ما أتحمل كل ثانية ضاحكة و هوَ يضرب خدي بخفه
عميد الدين: ولج كاافي.
غسلت أسناني وجهي جاب المنشفة نشف وجهي.
يضمضم بشعري جوا الحجاب ويعدل بملابسي لابسه
شي خفيف جوا وفوكاه روب مثل البشت.
عميد الدين: هسه تمام
وَهج: الولد بعدهم جوا
عميد الدين: أي
طلعنا من الحمام نمشي بالمُمر لازمه بأطراف اصابعه
دخلنا الغرفتنه ذبيت حجابي وإلي لابسته كبل ذبيت نفسي بفراشي
أتمدد يمي حاطني بحضنه وأيده تمشي بهدوء على كتفي غمضت عيوني
مستسلمة مرتاحة ومنا اگدر اگول بدأت بداياتنه الجديدة.
اسراء.
اجه يوم زواجي وَهج إلى راحت ويايَّ للصالون.
صفا من راحت للدكتورة گالتلها لازم ترتاح حتى
الشغل لغته لبعد ولادتها بالسلامة، سويت حنه بينه گعدة بنات.
بدت تشتغلي أم الصالون، وَهج لون فستانها كحلي تصميمه
كلاسيكي ناعم يجنن مال محجبات هم أشتغلت
مكياجها بالصالون، تسريحة شعري مفتوحه تسريحة خليجية
من الگدام برمتلي خصل أم الصالون خصوصاً من صبغت شعري
لون هادئ باوعت النفسي شكلي كله أتغير حتى اني اتفاجأت من نفسي
لأن حفيت وجهي وصبغت شعري صار تغير جذري بيَّ.
كملت وَهج اجت تباوعلي عيونها صارن تظهر قلوب من شافتني
وَهج: ماشاء الله
اسراء: ههههههههه أحس نفسي مو اسراء
وَهج: طالعة تخبلين والله واضح التغيير بيج.
أبتسمت الكلامها بفرح، لثواني ذكرت أخواني بلعت غصتي
أم الصالون شافت عيوني دمعت هزت راسها برفض
لا تبجين هسه مكياجج يخرب
قابل ببلاش غير دافعتلج فلوس.
عضتلي شفه وَهج من المراية، والله يا الله صوجي اجيت لهذا الصالون.
لو رايحة للصالون إلى سوت بي صفا أحسلي ذني ما أرتاحيت الهن
رغم شغلهن حلو وفخم بس يحجن معلك عبالك
مسويات منيه هو غير راح أدفعلچن عابت.
كملتني، دخلت لبست بدلتي أجرلي ابو راس بدلة من ذني
الراقيات الغاليات والأهم ماملبوسة قبل ساعدتني
وحدة من العاملات بلبسها، اليوم أطشر عرضك يا ظافر.
ثبتتلي التاج الناعم بشعري، شعري من النوع سرح كلش
بصعوبة يتثبت بي شي، ترست شعري ترس ماشات اليلة للصبح علمود الماشات.
كملتني على الاخير، باوعت النفسي برضى كلشي تمام
وَهج: راح أخابر عميد الدين يجي ياخذنه.
خابرت وَهج عميد الدين يجي لأن زفتي تطلع من بيت
جدي شرط قصي وجدي هذا، يعني من بيت جدي للقاعة ياخذوني.
وره ربع ساعة وصل عميد الدين قبل لا نطلع وَهج دفعت
الحساب مال الصالون، ظافر مسلمها المبلغ قبل يومين
من اجه اتفقوا على كلشي، الحجي بينه ظافر صرف بگد شعر راسي.
قصي گاله أريد الاختي عرس چبير تحضر بي البصرة والانبار وسواها ابو راس صدگ.
طلعنا من الصالون وَهج لازمتني ساعدتني أصعد
زواجنه صار بنهاية التاسع كلش، أتذكر بوقتها دوام سَند
ماباقيله غير أسبوع أما ريم لا مبلشة دوام من زمان لأن الجامعات قبل المدارس
صعد عميد الدين، طلعت وجهي بس ساترة نفسي أختنگت.
باوعلي أبتسم، وَهج صعدت بصفه بالگدام والاخ اكلها اكل بعيونه
حقه غير طالعة أتشك شگتين خصوصاً شوي سمنانه.
عميد الدين: طالعة حلوة حيل
وَهج: عيونك الشهل حلوة أتشوفني هيج عُمدة.
أكثر اثنين أموت بسوالفهم أنسى نفسي واني أباوعلهم
شغل السيارة عميد الدين وأنطلقنا متوجهين للبيت
عميد الدين: يُبا اسراء مُبارك الج أن شاء الله بيضي وجهنه هااا
تراه رجلج عار ومالي خلگه يجي ينك فوگ راسي.
ضحكت ساكتة عود أخذه وضعية الخجل لأن عروس
وأني هسه إذا يدگولي اگوم ارگص بس عميد الدين أحترمه كلش واخجل منه
وَهج: لا تحجي على نسيبي.
عميد الدين: احمممممممم.
ضحكت وَهج ضل يسولف وياها حد ماوصلنه نزلت من السيارة.
دخلنا الداخل البيت اتلگوني بالهلاهل عمه نجاة وسلمى
بناتنه كلهن موجودات هم محضريلي مكان اگعد بي
صفا فستانها مال حوامل، وريم وبنتها لابسات
نفس اللون ازرق چنهن كيكات طالعات هي ومريم.
محد رايحة للقاعة گالوا منا يجيبون سيارات ويطلعون بيها.
صفا: شنووو هاي ماعرفتج والله صدگ التغير واضح
ريم: هسه ظافر عباله مغيرينهاا.
رونق: گلبه يعرفهاا عيني
اسراء: كافي لا تخجلني.
حچيتهاا كاتمة ضحكتي صاحن بصوت واحد سوا
شنووووو منووووو تخجل
اسراء: ههههههههه امداجن شبيجن عوفني عايشة اللحظة.
مر الوقت واني أودع اخر ماتبقى من دقائق بهذا البيت
عيوني تباوع للكل فرحان إلي، دمعت عيوني من صارت عندي
لحضة أدراك بعد أجي لهذا البيت زيارات وأعوف اخواتي وأخوي.
اجت وَهج تباوعلي بقلق، لازمه أيدي تعدل بشعري
وَهج: شبيج امي.
مابيَّ شي بس صرت حساسة لأن راح أعوفكم
يمج نفس المحافظة شوكت ما حبيتي تجين، تعاي.
هزيت براسي ما اريد يخرب مكياجي وأتفشل عاد شنطلع نخبل
من الكحل والمكسارة يسيلن نطلع أشباح الله لا يجذبني كافي شگد تنمرت.
گالوا اجه العريس طم طح طم طح گلبي صار هيج من التوتر
بالأول يگعدون بالديوان هيج العادات ويضيفونهم
بعدها يسلموني اله، بس لحد الان ما ادري منو إلى راح يسلمني الظافر.
دخلن أخوات اثنينهن بعد أنباريات لعبن لعب تقريبًا نص ساعة
وگالوا راح يدخلون، لبستني وَهج البركع مالتي وسترتني
لأن بدلتي من يم الصدر شوي مفتوحة دخلوا جدي و ظافر وياهم السيد.
صوت الهلاهل أعتلت، أتقدم ظافر إلى باس راسي و هوَ يباركلي
ضل جدي يوصي عليَّ ويا محلى الوصايا چانت ختمها بكلامه من گال
عزام: بمعزة روحي حافظ عليها
ظافر: من عيوني حجي عزام بالحفظ
أن شاء الله.
سلمني السيد اله حطت وَهج عبايتي فوگ بدلتي طلع بيَّ.
نزلت دموعي من سمعت صوت قصي بس ما اگدر أسوي شي
صعدني بالسيارة ظافر، أتمنيت يجي أيشوفه أنفتح باب السيارة
ضحكت من بين دموعي من سمعت صوته رفعت راسي
صاير مثل السد گدامي محد يگدر أيشوفني مبتسم بوجهي
قصي: شايفة كل الخير أبوية زواج الدهر.
باس راسي
عدل عبايتي و أبتعد، لمحت الناس أتفاجأت بالزفة بس أكيد بعضهم من الانبار.
سد الباب مالتي، الدقائق اجه ظافر صعد بصفي.
صوت الاغاني والموسيقى تارسة الشارع مسحت دموعي
ظافر: يولي أشوفج زين
اسراء: لو أتمووووت
ظافر: يولي مو وگت هيلكتج
اسراء: درووووح.
أسمع صوت ضحكته، شغل السيارة والله شو نزل عليه الخجل منه
ما أدري شصار، خجلت أيشوفني بقيت مدنكة
أتحركنا من يم
بيت جدي وأبو راس علكها بالسيارة لو ما وَهج موصيتني أصير ثكيله إلا أرگص
لأسوي لمحد أمسوي
وادگ للصبح چوبية
وأخطن لافته بعرسي وداعاً للعزوبية.
رجع على الصوت كلش ماتسمع شي يمه الأجواء إلى يحبها گلبي.
رفعت البركع شوي أختنگت أريد أشوف الزفه
حازم سيارته
بصف سيارتنه أخواته وياه، دهر دهره يسوق ويهز بأكتافه
نزل الجامه من شافني أباوعله أضحك رفع أيده بمعنى السلام عليكم
طلع راسه من السيارة و هوَ يصيح
حازم: أم عيووووون المكبسلة صررتي چنتنه
اسراء: ابوووو عضلات المنفوخة.
بسرعة ظافر سد الجامة
ظافر: راح أورج ور فضحتينااا يول
اسراء: أخوك يتحرش بيَّ شعليه والله.
دار بعيونه يباوعلي علامات الصدمة أحتلت ملامحه رجع عينه
بالطريق وكل شوي داير بعيونه عليَّ.
ظافر: شطالعة يا غضب
اسراء: أور ور
وريتيني يولي شلاعبة بروحج
سحلت شواربك
والعشيرة كلهااا.
ضحكت بخجل ايععع باع منو يخجل وصلنا للقاعة
لزمني من أيدي صارت دخوليتنه وياها أغنية من المنسقين
مال القاعة مجهزيهاا، البنات واصلات قبلنه الناس صايرة
من الجهتين، وأحنا نمشي بأتجاه الكوشة.
وصلنا إلها اخذته أماكنه، أجت جدة أمل تهوس گدامنا
گاملها ظافر باسها براسها وأيدها يحضن بيها يضحك
أمل: مبارك يمه.
رجع باسها وطلع بلشت اجواء العرس ما أعرف أحد
غير أهلي بناتنه وأخوات ظافر شفت من بعيد أخت ظافر بلسم.
تباوعلي بطرف عينها وتحجي ويا إلى گاعدة بصفها
غلست عنها يوم عرسي ما أسوأ أغث بنفسي بنات مستحلات
القاعة و أخوات ظافر وياهن يرگصن، صعدتلي
بنيه شنووو من جمال أطگ بالگاع شنو الجسم شنو الملامح.
الشعر للأكتاف بس گصته تموت، أني بنيه بقيت مفهيه بيها.
صعدت وياها أخت ظافر الچبيرة عرفتني عليها
هند: هاي أطياف أن شاء الله قريبًا أتصير خطيبة حازم.
فتحت عيوني مبتسمة ايا ابو عضلات المنفوخة وين چان ضامها عنه.
أطياف: مَرحبا يا عروس
اسراء: أهلاً.
سلمت عليه ولجننن تخبل وحگ الله هذا والله صايدله صيدة
بقت يمي أتسولف أتصير أقارب الهم وطلع الاخ صارله
يحبها سنتين بس أبوها چان معارض اصلهم مو أنباري بس عايش.
بالانبار، ممرضة عملها.
أطياف: ظافر اهوايَّ حچالي عنج
اسراء: هههههههه شحچالج
أطياف: يگول أتسميني ابو العضلات المنفوخة گتله وأخيراً وحدة مثلي
اسراء: الله حبيت شخصيتج، راح أنصير ببيت واحد تخبل الإخوان.
رفعت راسها خربانة ضحك، أجت وَهج يمي هم أتعرفت عليها
أطياف: وَهج عجبتيني إذا أخطبج تقبلين.
وَهج: يااااا خيه متزوجة وعندي طفل
أطياف: عليج الله، اسفة هههههههه لعد هنياله لزوجج بيج.
اسراء: أسكتي لا يسمعج العُمدة مالتها عمي ويخرب عرسي
غير سافرت أشهر سافر وراها وعاف الناس أشهر تدور عليه طلع لاحگهاا.
گرصتني وَهج وهيَّ مبتسمة بوجه البنيه لأن صرت اچفص
وأرجع لوره، همستلي بخفوت
وَهج: إذا أعوفج بعد راح أتفضحين تاريخ العائلة كله
اسراء: هههه صدك هههههه ولا أدري ههههه يله راح أسكت هههههه اسفة.
رجعت أباوع لأجواء العرس مر وقت گالوا راح يدخل العريس
علمود نكمل باقي فقرات عرسنا، الكل گعد بمكانه.
قليل إلى لابسات مصلخ الأكثرية فساتين محجبات
عدلت الطرحة مالتي وَهج أبتلت بيَّ بهذا اليوم حبيبتي
ما أنسى كلشي سوته إلى ولو أكو شي أگدر اجازيهه بي ما أتردد.
أنفتح باب القاعة دخل بَس ظافر ماكو لا جماعته ولا شي
بأيده باقة ورد يمشي برزانه بأتجاهي وصل إلى قدملي
الباقة مال الورد شميتها عطرها طيب والله لو طالعة ريحته خايسة إلا أشمرها.
لزمني من أيدي حطيت الورد بمكاني هو والمسكة مالتي.
أخذني نزلني النص القاعة، وهذا الكعب گوا مسيطرة بي
اسراء: ظافر الزمني ولك لا أتزحلگ بنص القاعة اني وكعبي
ظافر: متوازية
اسراء: غير أطلع عروس أنيقة چاا شلبس نعال أبو الأصبع.
شغلوا الأغنية مال الرقصة مالتنه بديت أتمايل بجسمي ويا الموسيقى
ظافر: دحگي هين
اسراء: لا تگلي أخجلي يمعود والله مو مال خجل حاولت فشلت
ظافر: هههههههههه أحبج بطبيعتج أبقي هيج
اسراء: بعد عمري احچي بصراوي جعل محد غيرك يحچي بصراوي.
قربني اله لا عاد هنا أختفت الصلافة من طبع قبلة قريب من أذني
ضاع صوتي، خنست مثل الحرامي وگلبي صار طم طح بنبضه
حضني راسي على صدره ولازلنا مُستمرين نرگص
ظافر: اسراء
اسراء: امم
يولي شبلاج وين ألسانج ضاع
هااا
هنيال أمي.
رمشت بعيوني أصحصح كبر شبيج اسراء هي بوسة
رفعت راسي اباوعله
ظافر
عيونو
طولت بنظراتي اله بينما نظراته هامت بعيوني.
طولنه بالرگص الكعب أذى رجلي.
عض شفته يتوعدلي
أحترررررگ ابووووچ أشرررف.
نزلت عيوني أضحك حد ما خلصت هالفقرة بس والله صح
الكعب أذاني أحس أصابعي طگگن كملنه باقي فقرات العرس
من كيك وهالسوالف بعدها أخذنه جلسة التصوير
جايبين مصورة خاصة النا ماقصرت ويانه البنيه تعبت
بشكل لأن عذبتهم بالحركات لأن محسوبتكم الشرف يخرخر منها.
گعدت على الكوشة و هوَ بصفي بعد ما طلع صفنت
بالموجودين والتغيير إلى صار بحياتي من بنيه أتجدي بالشوارع.
الى هذهِ النعم إلى رب العالمين أنعم بيها عليَّ وافضل النعم كانت
هم عائلتي بيت حجي عزام بدون استثناء والإنسان
الي خاطر بنفسه وطلعني من ذاك المستنقع.
فزيت من أفكاري على لزمت أيدي أبتسمت بوجهه
ظافر: وين صافنة.
حضنت أيده بكل حُب، واني اگول
اسراء: أحس نفسي اليوم أسعد أنسانة بالكون.
طبط على كف أيدي مبتسم
ظافر: عساها دايمة هالسعادة يا أم عيون نعسانة.
أجت هند أكثر وحدة من أخواته هيج حركة وأتسويلك أجواء.
سحبتنه اني وظافر النص القاعة وشغلت ردح عاد هنا گلت
اسراء ياعيب يا هم يحزنون هو كم مرة تعرسين بحياتج
والله وشغلوا ردح ماكو مايخليك تتوقف رگصت رگص من كل گلبي.
بس زوجي الثكيل بس يصفك ما يقبل يرگص يخجل عمت عيني
بعدها أجت ويانه أخته الثانية وجدة امل وأستحلينه القاعة
باوعت للبنات يضحكن ويباوعلي، رونق تأشرلي بمعنى كملي كملي دزيتلهن بوسة بالهوا.
حد ما تعبنا وصار وقت نطلع من القاعة اجت وَهج و رونق يمي.
عدلني علمود ظافر ياخذني
اسراء: محد أتروح ويايَّ
وَهج: الصبح نجيج أمي، لأن أنتِ ماقبلتي أتروحون الفندق
فضلتي كبل البيت زوجج مايحتاج وجودنه وياج جدة أمل وهند.
هزيت براسي، لأن اني رفضت سالفة الفندق بالبيت أحسلي
ودعني البنات وَهج الف وصية وصت اجه ظافر أخذني
طلعنه نفس الاجواء وبعد أحلى ناس ترگص والسيارات
والاغاني واكو فرقة موسيقية هم، صعدنه بسيارة ظافر.
أتوجهنه البيت أهله والزفه ورانه، نسيت اگول.
ظافر غير بيتهم وصار هنا قريب مو مثل قبل بتلفات الدنيا
ولا بنفسي أرجع أدخل الذاك البيت إلى اخواتي أصطفت توابيتهم أبابه.
وصلنا البيتهم دخلوني للبيت الهلاهل والجكليت
فوگ روسنه دخلوني الغرفتي ظافر بقى برا ويا جماعته
هند: سرو هذا الحمام عندكم داخلي أخذي راحتج بعد
اسراء: شكراً هند.
هند: اسراء خاف بلسم تسمعج كلام لا أتريدين عليها شبلاها ما أدري
اسراء: عادي.
أبتسمت بوجهي وطلعت بقيت وحدي، زفرت نفسس طووويل.
عمي طلع العرس صعب وهوسة عبالي بس أركص وأرجع البيتك
گعدت على السرير حطيت باقة الورد إلى جابها ظافر
بوجهه والمسكة وياها، باوعت للغرفة، عميد الدين سواها النا بطلب من ظافر
وكالعادة تصميمهاا different.
شمرت الكعب كمزت من مكاني من واحد الطش بالميز
صرت اضرب على خدودي ركضت اني وبدلتي شلته
حطيته هو والثاني بصف الميز همزين ماكو أحد چان أنفضحنا.
هسه لازم أسبح رحت للميز طلعت الشغلات إلى أحتاجهن.
بالشَور لأن مامخلينهن بالحمام أغراضي قبل عرسي جابوهن هنا.
أنفتح الباب دخل ظافر، صرت أبلعم أبتسمت بتوتر
قلص عيونه يباوعلي وگفت بمكاني وبأيدي الصابون مال الجسم.
ظافر: هذا بس اني أدخل العروستي لازمتلي صابون
اسراء: أي حياتي شبيك أحنا نختلف بكلشي
شو گصرتي مو جنتي طويلة
غير نزعت الكعب مسويني زرافة.
نزع السترة واني أركض للحمام دخلت قفلته عليَّ.
دگ الباب
يولي المهيلكة شبلاج
أريد أسبح
وتدخلين بالبدلة
أي.
اللهم صبرج يا روح.
سكتت عنه وگفت أنزع بالبدلة همزين سهل نزوعها بسرعة تنزع
نزعتها وفتحت الباب صرت وراه صحتله بصوت ناصي
اسراء: ظافرر
ظافر: عيونو يولي.
تعال.
أجه مديت أيدي اله إلى بيها البدلة
اسراء: المساعدة مطلوبة بين الزوجين حباب حطها بمكان بين ما أطلع.
أخذها مني بدون ما يحجي رجعت سديت الباب
باوعت للمكياج هسه أحنا ندفع ملايين علمود يوم واحد
شعري تگطع من الماشات اجيت ابجي يشلعن الگلب.
بس أكيد هل اليوم يستاهل لأن تعيش بي ذكريات تبقى للأبد
غسلت وجهي بالاول أحس وجهي هسه أتنفس
دخلت جوا الدوش سبحت أمحي التعب الجو حار چان
بس المثبت ستر عليَّ ما صرت زومبي كملت سحبت المنشفه
نشفت بيها جسمي ردت أبدل لطمت على خدي مادخلت ملابس ويايَّ.
وأدري هسه لو صحتله راح يخبث ويايَّ لفيت البرنصص
ولميت شعري بالمنشفه وطلعت البرنصص يجي للركبة
باوعلي من فوگ لجوا چان گاعد عمت عيني عاقل
اسراء: أدخل أسبح.
ظافر: تمام علمود أنصلي.
أخذ ملابس اله ودخل للحمام نشفت شعري وشسورته
علمود أگدر أتوضه، بدلت روب مال النوم طويل مو قصير
شطلع سيقاني المعضلة، طلع من الحمام هم شسور شعره ونشفه
رحت أتوضيت علمود الصلاة وهو بعد ما كمل أتوضة.
مديت سجادات و لبست حرام الصلاة وگفنه أنصلي
من كملنه أشرلي ما أگوم، دار ناحيتي حط أيده على راسي
ما أدري شيقرأ بس شفايفه تتحرگ حد ما كمل فتح عيونه أبتسم بوجهي.
ظافر: الله يجعلج خير بحياتي.
اسراء: امين.
حضن أيديَّ الاثنين بأيديه
كل شخص هنا تحسبينو من عائلتج حازم أخوج جدتي جدتج
البنوات أخواتي أخواتج، أحاول أعوضج كلشي فقدتي أن شاء الله.
ظافر إذا حاب تحجي كلام عندك يخص حياتنه الجديدة
احجولي علمود أتعلم وما يبذر مني غلط.
خوش سؤال، ما أريد منج غير شغلتين
شنو هنّ
أي شي أيصير داخل هل الغرفة مايطلع خارج هذا الباب
تمام والثانية
أحترام الكل واجب، ولو يوم أحد قلل من أحتىرامج بنفسي أخذ حگج
أن شاء الله.
نهضت من مكاني نزعت إلى لابسته السبلت مشتغل
اندگ الباب چانت هند دخلت بأيدها العشاء مالتنه
المعازيم كلها أتعشت بالقاعة بس أحنا لا أخذه ظافر منها أتشكرها وطلعت
حطه بالأرض، صاحلي علمود ناكل سوا گعدت گدامه بدينه ناكل.
اسراء: ابو عضلات المنفوخة طلع يحب
ظافر: شفتي أطياف
اسراء: أي اليوم هند عرفتني عليها تخبللللل
ظافر: هههههههه حازم أنهبل عليها
هيَّ أقاربكم من جهة أمك
أي بس ساكنين بالانبار مو هين.
وليش أبوها چان ما قابل
مشاكل جانت لا تدوخين نفسج بيها
والله ذوقه حلو
ذوقي أحلى.
غمزتله، وقلبت عيوني
طبعاً
هههههههههه غضب مو بيدج.
كملنه اكل طلع أخذ الصينية وصوت حازم يلعلع يضحك ويصيح
هاي شكول ضباط ديلا بلا بس والله هو شاب مرتب الله يحفظه.
غسلت وعدلت نفسي وطلعت همزين مخليلي حمام داخلي
رجع دخل مغسل، لزمت جهازي دزيت رسالة ال وَهج
اسراء: أني بشاربج يا أم سَند.
الثواني جاوبتني
وَهج: شچفصتي.
اسراء: لحد الان ما چافصه بس أتوترت
وَهج: ماكو شي أمي هو حلالج وأنتِ حلاله وظافر عاقل.
رفعت راسي أباوعله ينزع بمحابسة إلى لابسهن بأيده
رجعت كتبتلها وگلبي صار ببطني من أنحضنت من وره
وأنسحب الجهاز مني، ما باوع للمحادثة غلقها بدون ما أيشوف.
اسراء: جنت احجي ويا وَهج
ظافر: أدري بيج، تعاي
أخذني من أيدي گعدني وگعد گبالي
خايفة؟
لا شبيك من شنو خايفة قابل حرب ايران والعراق
يولي هي مال جذب
اوف أسكت متوترة.
نهض من مكانه گعد بصفي أخذني الحضنه يسولف ويايَّ
ماكو شي شبيج ترجفين
متوترة ظافر
ما أريد شي منج
ياااا جذذذاااب
چفصنه.
لزمت أيده ألعب بأصابيع أيده
أيصير هنا نتمالخ بس من نطلع خارج الغرفة نحترم بعض.
أهتز جسمه يضحك ضربته على أيده عباله أشاقة
مو علساس صرتي عاقلة
متعودة عليك.
باس راسي، و هو يطمني بكلامه ومن بين الالف والياء
وسوالفنه صار يقترب إلى وأقابله بحركات خجل.
إلى أن گدر يسيطر عليَّ بالكامل وتم زواجنه قلبًا وقالبًا.
وَهج.
رجعنه من العرس، فرحانين ال اسراء كل البنات
خصوصاً بالعرس يگولن من رگصوا ظافر واسراء
ظافر نظراته عبارة عن حُب ناحيتهاا يستاهلها وتتستاهله
أتلگانه زيد عاط بينه يم الباب خرعنه شبيه هذا.
زيد: مابقيتن للصبح
وَهج: شكو
زيد: گتلني الجوع وكلچن كبعتن ورحتن للعرس
رونق: چاا ماطبخلكم الشيف قصي
زيد: ليششش وينه هذا لا هو ولا عميد الدين مختفين.
بس طلعت الزفه طلعوا وبعد محد شافهم.
عفت كلشي وركزت باخر كلامه
وَهج: جدي ما يعرف بشي؟
هز أيده بأستهزاء
زيد: علساس جدج يحجي.
ويا حجايته طلعوا وارث وآدم يركضون فتحت عيوني، صاح زيد وراهم
زيد: شكووووو شبيكم.
صاح آدم وهو يصعد بسيارته
آدم: قصي وعميد الدين صايرين لحم ويا خوال قصي وشايلينهم للمركز.
شهگت والكل دخل بحالة صدمة شيسون راحوا مو گالوا راح يحلون كلشي بالتفاهم.
ركض زيد صعد وياهم ورونق كمزت قبله راحت صعدت وياهم، طلع جدي هم وجهه يتنافض غضب
عزام: أدخلننن جوا، وحدة منچن تصعد لأم قصي أتشوفها
المرة من العصر لحد الان نايمة خافنهااا ميتة.
مسحت وجهي بتوتر
وهزيت براسي صعدت الها هو قصي گال اني ابقى يمي
وخلانه گلنه أنروح للعرس لو أدري يطلع دورنه الحل.
فتحت الباب المرة صدگ نايمة، أيدي على گلبي
أتقربت منها دخلت ريم ورايَّ، راحت گدامي تتفحصها بقلق.
غمضت عيونها بأرتياح رفعت راسها إلي
ريم: ما بيها شي الحمدلله بس شنو هالنوم معقولة هالساعات كلها نايمة
وَهج: خاف قصي منطيها منوم
ريم: لا شلون ايصير موزين
وَهج: هم صدگ.
باثناء كلامنه فتحت عيونها أتباوعلنه متمتمت بالكلام مو كلش نفهم عليه
وَهج: جوعانة؟
هزت براسها
هسه أسويلج اكل.
طلعنا من يمها رحت بدلت فستاني وبالي يم قصي وعميد الدين
شيسون راحوا الهم وهيج وصلت المواصيل وياهم.
غسلت وجهي و نزلت جوا سَند موجود ما أخذته ويايَّ للعرس
بقى علساس يم عميد الدين، دخلت للمطبخ أسوي اكل ال علياء
دخلت صفا مبدلة وگفت بصفي
صفا: شصاير
وَهج: ما أدري لا تفكرين أنتِ مو زين عليج القلق والتوتر.
گعدت يمي بين ما كملت اكل علياء صبيته وصعدت الها
جبت الطبلة حطيته، گعدتها عدل علمود تاكل بديت أوكلها
وكل شوي صافنة، حتى هيَّ نظراتها صارت غريبة أتجاهي
بسبب صفناتي كملت اكلها، سحبت كلنكس خاص.
مسحت بقايا الاكل شربتها ماي ورجعت أتمددت.
طلعت من يمها نزلت المواعين للمطبخ غسلتهن
باجي سلمى تحجي ويا جدي وهوَ يگلها ذوله ضلوا يلعبون بكيفهم.
مرت الساعات وأحنا ننتظر يعني كل ما انگول خلصنه من المشاكل
تجي مشكلة تخرب كلشي، راسلتني اسراء جاوبتها، أتصلت برونق جاوبتني وهوسة يمها.
وَهج: هاا رونق
رونق: صايرة كض اخوك لا ايطيح
ياااا
ولچن عالگينهاا عميد الدين و قصي متعاركين.
ويا ولد خوال قصي يجون بأعمارهم واحد مكسور خشمه والثاني كاسرين أصابعه.
صدگ تحجين
أي والله وهاي هل عالگه بالمركز خوال قصي ما يقبلون يتنازلون
هم شكو رايحين
رايحين علمود يتفاهمون وياهم وضالين خوال قصي
يچفصون بالحجي وعالگه بينهم مايقبلون ينطون قصي حقه
وهسه شلون
جاي نحاول، وعميد الدين وقصي صاروا يخزرون بيَّ لان دخلت للمركز
بهذا مكياجي، بس همزين لابسة رسمي ومالبست فستان.
العالم وين وهم وين.
راح أسده وَهج خلي أنشوف الوضع
طمنيني، اگلج عميد الدين وقصي خو مامتاذين
كلشي مابيهم مكسرين الناس وهم جرح واحد ما لايحهم.
سديته منها مقبوض على گلبي شيحلها هسه رحت الجدي سولفتله.
عزام: رونق تحلهاا
وَهج: جدي جنت تدري؟
عزام: گالوا رايحين نتفاااهم مو نتعاررك
وَهج: مو رونق تگول چافصين ويلهم
خير ان شاء الله
من هزة راسه عرفته ضمها الهم، بقيت الليل كله أنتظر.
نومت سَند بغرفتي، صفا هم نامت من تعبهاا بعد ما أستفرغت وأنتهت.
الليل كله مَر وهم ماكو مارجعوا ورونق والولد باقين بالسيارة
للصبح هذا الشي حجته رونق بعد ما اتصلت بيها الصبح
رونق: راح نرجع نجرب هسه بلگي يتنازلون
وَهج: يمكن كحلتج صارت هالات بعيونج
رونق: ولج أخواني من طلعنه من المركز هم غسلوني بالرزايل
خو آدم لعب لعب يگلي شعندنه أستعراض جايه بهذا المكياج.
نوب راح أشترى بطلين ماي وگعد يغسل بوجهي گتله غير چنه بعرس.
أبتسمت بنص ضوجتي شلون تقلده رجعت سديته
والقبل الغده يله فكت السالفة ورجعوا أول ما دخلوا
عميد الدين و قصي طاح عليهم جدي بذيج الرزايل
غسلهم غسل وهم محد نطق الحرف
عزام: شگتلككمم موووو گلت من أتشوفونهم يمسلتووون ترجعوون بدون مشاكل
قصي: جدي هم مو بس مسلتوا چفصوا هم بالحجي.
عاط بي جدي بصوت خرسه والله من يمي أنخرست وخفت منه.
عزام: ولااااااا كلمةةةةة قصيييي.
سكت قصي، عميد الدين واگف أيديه وره ظهره يفر بفمه مثل إلى منتظر رزالته الخاصة بس جدي أكتفى
بالرزالة الجماعية الهم أثنينهم بحيث ماخلاهم يدافعون حتى عن نفسهم.
صعد عميد الدين صعدت وراه اول مادخل حچيت وراه
وَهج: هاااي سالفة أتسوونها
عميد الدين: ششوفينه مزعطة ونتعارك على كلشي
جاي نگول چفصوا بالكلام وعلگت بالأول بين قصي وابن خاله
خوب ما أتريديني أشوفه وحدة يتعارك والچفصه چبيرة.
وَهج: شگالوا
عميد الدين: يطعنون بشرف اختهم ذوله أخوانها بالاول
وبعدين ولد اخوانها ضلوا يمسلتون بالحجي واكيد اخوج مو مكرن
يقبل بهذا الكلام على أمه خذوا المقسوم والحمدلله.
شلون اتنازلوا
بس بالقانون راح يگاومونه عشاير وأحنا هم راح أنضمها ألهم بالعشاير
وخليها تعلگ بالاول قصي غصباً عليهم ياخذ حگه منهم
إلي هو فك الشراكة بين أمه وخواله والثانية الطعن بالشرف.
بقيت ساكتة يحجي بأنفعال، بس بداخلي طايرة.
بفرحتي أخوي اكو من واگف بظهره مو وحدة رحت القصي
أشوفه، حتى اسراء محد راح الها عود گتلها اجيج الصبح
بس دزيتلها رسالة گتلها صار عندنه ظرف العصر نجيج.
شفت باب ام قصي مفتوح اكيد يمها رحت عليه
مثل ما أتوقعت گاعد يم راسها يسولف وياها من شافني سكت
وَهج: لا تزعل من كلام جدي
قصي: لا أبوية يمون عليَّ
ليش ضايج هالگد
يمكن عميد الدين حچالج
أي سولفلي هسه يستاهلون إلى صار بيهم.
چاا أنتِ شلون تخلين رونق تجي للمركز هيج.
صفنت الثواني أبتسمت بخفه أخفي تفاجئي
چنه بعرس ومن وصلنا صار الخبر مالحگت البنيه تغسل لو تبدل.
هز براسه، وگلبي بدأ يتاكل بفضولة.
وَهج: قصي ممكن سؤال
قصي: أتفضلي
وَهج: أنتَ بس لا عندك مشاعر اتجاه رونق؟
رفع راسه فاتح عيونه بكل وسعهن بصدمة عضيت شفتي
بتوتر من ردت فعله، أردف بنبرة مصاحبتها عصبية مُبطنه.
قصي: شتحجين وَهج؟ يعني أعوف البنات كلها وأحب وحدة أخوي چان يحبها
وَهج: أعتذر، بس لان شفتك مهتم الها.
قصي: طبيعي لان هي بمثابة اختي حالها من حالچن الله شاهد
ولا مرة فكرت بيها مجرد تفكير ما فكرت ولا راح أفكر بيها
رونق مثل اختي، ونفسي ما تتقبل انسانة چانت أتحب
أخوي وهيَّ أتحبه لليوم أتحبه، اجي اني مثل الغبي أحبها
لا طبعاً أبوية غلطت قبل بروزا ما أرجع أكرر خطئي.
لا أتضوج مني لأن سئلت هيج بس ما أدري ليش صار شك عندي
اطمني رونق معزتها بمعزتجن وأعدالها من أعدالچن.
وصدگيني رونق ما راح تفكر أدخل حياتها أحد ثاني من بعد رائد
أختبرتها أكثر من مرة بالكلام وشفت جوابها.
للعصر بدلنه علمود أنروح ال اسراء كل ساعة مراسلة
اتأخرتن، شصاير وياكم، شنو من أتزوجت بقيتوا أتضمون عني وضلت بقلق.
رشيت عطر وعدلت حجابي عميد الدين
واگف ورايَّ يلبس بساعته وباجر معزومين كلهم يم بين ظافر.
عميد الدين: وَهج
وَهج: عيوني.
أستداريت عليه مبتسمة لزم حنكي يباوعلي
جهزي نفسج
كملت هاي گدامك.
هز راسه برفض على كلامي
لا ما أقصد هيج عيوني انتِ
چاا شنو فهمني
باس طرف أنفي وأردف بنبرة هادئة
العرسنه حَبيبي.
صفنت بي الثواني أستوعب كلامه أردفت
بلا وعي مامصدگة كلامه
عرسنه؟..