رواية وقار الغريب للكاتبة حوراء السعيدي الفصل السابع والأربعون
وَهج.
لزم أيدي باسها وفرني حول نفسي مبتسم أردف ويا أبتسامته
عميد الدين: أي يُبا عرسنه وأحلى عرس لأقوى أمراة شافتها عيوني
وَهج: ههههههههه ما جاي أعرف شنو احجي عميد الدين لساني يعجز عن الكلام
عميد الدين: ضحكتج و لمعة عيونج شرحت كلشي.
وگفت بمكاني عيوني مدمعة، حضنته مغمضتهن
وأبتسامتي ما أختفت من ثغري، سحبت نفس من عطره ترس ريتي
وَهج: شكراً
عليمن؟
علي كلشي سويته و جاي أتسوي
من حقج هذا الشي.
أندگ باب الغرفة أجه صوت باجي سلمى وهيَّ أتگول
سلمى: يله يمه اتأخرنه
عميد الدين: صار سمسم أجينه.
نزل أنظاره إلى طبك حواجبه سوالي حركة الشنوفه ضحكت بنص دموعي
وَهج: لا تقلد
بدون بجي ممكن
دموع فرح
حتى من تفرحين أضحكي لا تبچين عيونج يا عيوني أنتِ.
هزيت براسي، أخذت جنطتي مسحت عيوني وعدلت نفسي
نزلنه أني وياه جوا البنات منتظرات گاعدات وزيد گاعد
يتنمر على صفا بينما هيَّ تباوعله صفح ماعاجبها.
زيد: صفا لمن تخلف أتصير هيكل هو هسه وبس الخشم باقي
آدم: راح اجيك عوفهاا
زيد: أمداهااا من خوة خربتهاا النسوان.
عميد الدين: زيد لازم نزوجك ونخلص من قوانتك
زيد: وينهن كلهن يصيحلي اخي بنات الحَلو
عميد الدين: مُظطهد
عميييي زوجووووني
خلي جدي يدورلك، وإذا اكو وحدة أبالك گول
اگله كلهن يگللي أخي وخوية يگلي وحدة أبالك ولججج يمههه أررريد مرررة.
باوع وارث ال أمه يضحك.
وارث: يمه خطبيله وحدة من بنات خالاتي ماشاء الله هن اهوايَّ وحلوات هم.
ريم جانت تلاعب بنتها بحضنها بسرعة رفعت راسها اله وناسيه الكل
ريم: نعم؟ شمعرفك حلوات لازم مركز بيهن حضرتك.
عض شفته ضام ضحكته
وارث: بنات خالاتي اكيد شايفهن
زيد: چاا ماتدرين وارث چان يحب وحدة منهن موووو آدم؟
آدم: اي صدگ حتى وصلت للخطبة وخربت وبعدها البنيه أتحن وتون عليه.
بسرعة باوعلها وارث
وارث: يجذبون عليج بوية
ريم: گول والله.
وارث: والله شبيج برنسس تصدگين بذوله الهتليه
ريم: لا ما صدگتهم هذا زيد محروگ گلبه لأن ضال وحيداً فريداً.
زيد: ضلي ضلي مضحكة يضحكون عليج ولجج وداعت ابو نخلة ما مجذب عليج
ريم: أحترررم نفسك، و منو ابو نخلة
زيد: واحد صاحب بخت
وارث: جذاب واحد غاسلته الدنيا غسل بطياح حضهاا.
عميد الدين: يله يُبا أمشن إذا نبقى وره سوالفهم
للصبح ما مخلصين، آدم أنتبهوا على سَند ورحيق هي شغلة كم ساعة ويرجعن البنات.
آدم: يعني شنو راح أشتغل داده عندهن
عميد الدين: استغفرالله يُبا قابل هم بالكماط هالگدامك كبار
آدم: الطفل ب 100 ألف وبكيفكم بعد
زيد: هههههههه هههههههه ههههههههه دسكت لا يجرنه زيج بهيج مبلغ.
هز بأيده عميد الدين طلعوا هو وارث لأن ماتكفينه سيارة وحدة
حتى زينب ويانه، باجي سلمى وعمتي نجاة واني وصفا ويا عميد الدين
وريم ورونق وزينب ويا وارث اتوزعنا على السيارات.
طلعنه من الفرع مال بيت جدي و عمي هادي قاطع طريقنه.
نزله عميد الدين أحنا بقينه بالسيارة فاتت سيارة وارث
أشرله عميد الدين يمشي گدامنه ضلوا الدقائق يحجون هوَ و أبوه
ثواني ورجع للسيارة أخذ المحفظة مالته ورجع عليه طلع مبلغ منها سلمه اله.
گالت باجي سلمى وهيَّ تباوعلهم
سلمى: الله يطول بعمرك يا حجي عزام من زرعت بيهم هل الطيبة.
رجع عميد الدين للسيارة صعد شغلها مشينه مكملين طريقنه
عميد الدين: أجه ياخذ مصرفة الشهري.
نجاة: أي أنتَ أشتغل وأنطي الأبوك وخلي يصرف على كوثر الچلية.
عميد الدين: ميخالف نشتري راحة بالنا من المشاكل عمه هسه أحنه ولا يمه
وذاك اليوم واحد من المنطقة لزمني يعاتبني يگلي ابوكم
رجال جبير وليش عايفينه ومن هالسوالف گتلج قبل العالم
الها الظاهر ماتدري بالدواخل شكو وشنو من بشر هم.
سكت الكل محد علق، كمل الطريق حد ماوصلنه
البيت ظافر وارث لاگانه بالطريق راجع نزلنه عميد الدين.
محد چان بالشارع، وصلنه ورجع هم باجر معزومين هنا
دخلنه جوا اتلگتنه جدة ظافر رحبت بينه هي وأخواته
سلمنه عليهن دخلنا الداخل البيت عندهم نسوان من أقاربهم.
وهوسة العرس كابه للظالين، أدور بعيوني على أختي ماكو
لزمتني من أيدي هند أخت ظافر الجبيرة
هند: جوا بغرفتهاا تعاي أخذج إلها.
أشرت الصفا رايحة، رحت وياها دگينه الباب فتحته
جانت يمها بنيه تجي بعمرها سلمت عليه وطلعت دخلت الها.
وحدي هند هم راحت، حضنتها أتبارك الها.
اسراء: اتأخرتن
وَهج: بسبب المشكلة إلى صارت اتأخرنه علساس نجي الصبح الج
اسراء: شصاير هو
وَهج: البارحة من رجعنه من العرس و...
سولفتلها مختصر عن إلى صار.
الله ياخذهم شنو من بشر ذوله
هسه راح أتصير گعدة عشاير وكلمن عنده حگ ياخذه
أن شاء الله قصي ياخذ حگه من هالچلاب عود خواله الغسل
الله كريم، عوفينه من كلشي شلونج أنتِ
الحمدلله، بس هاي بلسم من الصبح لحد الآن بس تشمر
غلسي.
ساعديني أختار فستان البسه البنيه الجانت موجودة ذوقها مو كلش قنعني
تعاي.
فتحت كنتورها بقيت اشوف بالملابس طلعت الها فستان
لونه فاتح، گعدتها بديت أشتغللها بشعرها ومكياجهاا ماجانت محضرة شي.
شلبستي الصبح
هذا الفستان الابيض وبي خطوط ذهبية
متأكدة طلع حَلو عليج
بس المكياج مو حلو
ليش
ردت اني احط وبناتهم يگللي لا هاي وحدة بينه عبالك أم صالون
طلعت كله جذب حتى اني إلى ماصارلي فترة تعلمت أحسن منها.
سوت عيوني زرق ورق اجيت ابجي نوب دخل ظافر شافني أنقذني
گالها ما أحب هيج تحط اسراء أحب ملامحها تكون طبيعية ما تكثر
ركضت للحمام غسلته كله طلعت مهرج الله وكيلج وگعدت حطيت النفسي
وگعد يحجي عليه يگلي هاا السانج بس عليَّ لو بيج خير چان گتيلها ما عجبني اگله أستحيت منها يگلي لا السانج بس على ظافر
سحبت نفس يماااا شگد حجت
وَهج: اسراء امي اسحبي نفسسس شسالفة خرطتيهن كلهن جرة وحدة.
اسراء: موو أختنگتتت مسوية نفسي كيوت ما أسولف أهوايَّ.
غطيت وجهي بأيدي خربانة ضحك عليها
وَهج: ليش
اسراء: خاف يگولون تحجي اهوايَّ، بس يم ظافر ضاربة الوضعية
عبالك واحد هو وصاحبة ههههههههههه.
گعدت تسولفلي موتتني ضحك حد ماكملنه وگفت أتباوع النفسها
تروحيلي فدوة يا بلسم أخت ظافر تعيبين على صبغ شعري صاحلج مثله ام الوسخ
لچ عيب أسكتي
ختولي الصبح بس تقلد على صبغ شعري البنات يگللها.
حلو تگلهن لا مال معدان مال ناس مامحتضرة
لزمت ألساني گووا
مو مهم يعجب غيرج المهم الشي يعجب صاحب الأمر الباقي مو ذات أهمية.
هسه لو مو حلوة چان گلت تغار بس والله هي تشگ شبيها بعد
حاولي تكسبيها بأسلوبج
أن شاء الله والله ماعندي شي وياها بس كلامها يغث
لان تحاول تستنقص مني گدام الكل واخواتها يخجلن من تصرفاتها
الخاطر أخوها وأهله أصبري، ظافر حباب وأهله هم
أي والله لو أتشوفين جدة أمل بعد روحي شگد مرة معدلة وطيبة.
سولفت وياها تحاول ما تهتم الكلامها وتكسبها بأسلوبها
مرات اكو ناس من هالنوع بس من أتشوف طبعك وأخلاقك
وأحترامك تخجل من نفسها و ممكن تتغير أكثر وحدة
من اخواتي تعبت بتعلومها هيَّ اسراء رغم فطيرة حيل وگلبها طيب
بس عصبية وعندها عناد، صفا گدرت أسيطر عليها من زمان
ببداية عمرها بس اسراء محد علمها وهذا الشي يكون غالبًا مُتعب
بس افرح من أشوفها فعلاً تغيرت ببعض الأساليب خصوصاً.
صوتها العالي هسه لا وين صارت تحجي مثلنه وبهدوء طلعنا خارج الغرفة يم النسوان.
سلمت على البنات وباجي وعمتي گعدت بمكانها
والنسوان الموجودة أتباوع عليها، أخذت مريم من أمها
حطتها بحضنها أتبوس بيها، راحت صفا يمها گعدت أيسولفن ويضحكن بينهن.
للعصر كلش أترخصنه منهم بعد ما كلمن أنطت هديتها ال اسراء
ودعناها وطلعنا ردت أخابر عميد الدين بس ظافر ما قبل
صاح الحازم و وياه ولد ما أعرفه طلب منهم يوصلونه.
وصلونه للبيت محد حچت شي بس رونق واني لأن متعودين على حازم.
حازم: رونق من فترة ذكرتج
رونق: يا الله بشنو
حازم: علمود قضية وچان المحامي فاهي ما أدري شلون جابوا أهل المتهم
رونق: أمووووت من الفاهيين والباردين
أنتِ منو أخوانج، يولي دمكم حار
خوية الفهاوه أدق خصوصًا إذا رجال.
ضلوا أيسولفون بينهم حد ما وصلنه نزل الكل ردت أنزل
درت عليه باوعت للبنات دخلن جوا الولد هم بقى واگف يباوعلي مستغرب
حازم: خير خيتي محتاجة شي.
وَهج: أگدر اسئلك سؤال
حازم: أكيد اتفضلي.
وَهج: عيسى هم عندك أخبار عنه.
مابي شي، بس النذل يبقى نذل طول عمره أعتذر على كلامي
بس اخوج ما يتوب، مرات اكو سجناء من يدخلون للسجن
عقلهم يرجع المكانه، إلا عيسى حقارته زايده ومسويلي عصابات بالسجن.
يعني ما أتغير ولا شي قليل؟
للأسف لا، من فترة رايدين هو واحد يگتلون
سجين لو ما متلاحگينهم، اني صديقي هناك ويجيبلي أخباره.
شكراً الك لأن جاوبتني
حياج الله عيوني خيتي.
نزلت دخلت للبيت، گعدت بالحديقة والله كل ضني
راح يتندم ويتغير، بس ماكو من كل هذا طلعت رونق
شافتني اجت گعدت بصفي صافنة بيَّ
رونق: شبيج وَهج، شفتج بقيتي يم حازم
وَهج: سئلته عن عيسى
رونق: شبيه
وَهج: عبالي متغير والسجن مأدبه طلع صاير أنكس من قبل.
ذيل الكلب يبقى أعوج طول عمره شتتوقعين
من واحد گاتل أخووووه، والله العظيم لو عيسى يتندم طول عمره.
ويبجي دم بدل الدموع بحياتي ماراح أسامحه ولا أغفرله وعسا ربي ما يغفر اله.
نهضت من مكانها بعصبية دخلت جوا، حقها ما ألومها.
مسحت وجهي ودخلت جوا الولد ماحجوا شي من عرفوا
حازم و ولد وصلونه، دگ جهازي شفته عميد الدين باوعت
للولد كلهم موجودين حتى وارث بس هو ماموجود
فتحت خط عليه جاوبته واني أصعد فوگ الغرفتي.
وَهج: هلا عميد الدين
عميد الدين: أجيجن
وَهج: لا رجعنه وهسه بالبيت
عميد الدين: منو رجعجن.
ظافر ما قبل گال شيجيبهم الولد خلى حازم وياه ولد وصلونه
أهاا، بس منو الولد الثاني
ما أدري ما أعرفه.
خير أن شاء الله، انا عندي شغلة أكملها وأرجع للبيت
تمام
أجيبلج شي ويايَّ من ارجع
سلامتك
الله عليج
والله ما مشتهية شي ولا محتاجة شي
تمام يُبا.
سديته نزعت الكعب إلى لابسته ويا فستاني أتمددت بمكاني
هو ما أدري ليش من ننزع الكعب عبالك چنه بمعركة ورجلينه تأذينه.
بقيت الدقائق، بعدها غيرت ملابسي نزلت جوا البنات هم مبدلات
الولد محد طلع اليوم بيهم، آدم متمدد راسه على رجل صفا
ايسولف وياها مبين يتناقشون بشي بالجهاز.
وارث وريم هم يسولفون ومريم بحضن وارث زينب گاعدة
يم عمتي وباجي وجدي وابنها بأيدها سَند ورحيق
يم زيد يلعبون وياه مادري شنو، رونق ماكو دخلت للمطبخ
طلعت مواد كيكة، اشتهيت كيكة باردة وگفت أجهز بيها
ما ادري شنسوي للعشاء، أكثر شي مُحير.
دخل زيد باوع للحالة إلى اني بيها اخذت الكيكة حطيتها
بالأون، فتح الثلاجة طلع خيارة منها ياكل بيها
زيد: أطلب منج طلب
وَهج: أتفضل
زيد: أريد مندي للعشاء
وَهج: مندي مندي وهسه شوف الوقت
زيد: لو أيصير ب 10 بالليل هم قابل والعباس عبالك وحدة تتنسى.
ضحكت للتشبيه مالته، والله الاذان مال المغرب راح يأذن وهذا يريد مندي
وَهج: تمام بس يتأخر أتحمل
زيد: متفقين، بس مو تگولين زيد طلب مني گلها أتكب بيَّ لان فقير.
هههههههههه متفقين
والكيكة هم أريد منها مو تاكلونها كلها وابقى الحس بالماعون.
كتمت ضحكتي أشرتله من عيوني رفع أيده بمعنى سلام وطلع
طلعت دجاج ومواد المندي كلها دخلت صفا تباوع
صفا: شراح أتسوين
وَهج: مندي
صفا: هسه
وَهج: أي أشتهيته
حتى اني شو أشتهيته شو ريحته صارت بخشمي وأنتِ ما مكمله
شلونج اليوم
أحسن همزين مالعبت نفسي من شي، خلي اساعدج بالطبخ.
دخلت زينب وسمعتها
زينب: لا يرحم أمج روحي يم رجلج لا بس أيشوفج تشتغلين.
صاااح مررررتي شلون تخلونها تشتغل
صفا: هههههههه يشاقة شبيجن
زينب: أدري ولج بس مو مال شغل روحي أرتاحي اني وريم وياها هسه تجي.
طلعتها زينب من المطبخ گوا اجت ريم بدينه نطبخ
إذن المغرب وأحنا هستونه بادين
وَهج: زينب تباتين هنا مو
زينب: أي أكرم الليلة بالمستشفى باجر يجي
ريم: اگلج وَهج أسوي زلاطة
أي أمي.
راحت طلعت خيار وطماطة وطرشي وجزر گعدت تثرم بيها.
رجع عميد الدين سمعت صوته اخخ يا نبرة صوته المُميزة عندي.
دخل للمطبخ أبتسمت جايب شغلات وياه للبيت من فواكة وهالشغلات
عميد الدين: الله يساعدجن.
ردن البنات عليه، راح يم ريم گعد يمها يسولف وياها
يسئلها عن دوامها وهي أتجاوبه شوي وطلع.
نوب العشاء أتأخر وآدم فضحنه لأن ايريد يطلع
أسمع قصي يحاجي بي يگله أخذ من الطريق اكل وآدم
يگله ما أحب كلش اكل المطاعم، شگول عليك
يا زيد ورطتني وخليتنه باللسان ابو عصبة على گولت جدي
ماصدگنه كمل كلشي صبيناه ونقلناه للصالة.
گعد الكل يتعشى وآدم مقلص عيونه أتجاه زيد
آدم: اگلك أنتَ مساع گبل لا يجن امي والبنات مو گلت مشتهي مندي
زيد: مشتبه
آدم: أگص أيدي لو هذا ما چان طلبك ومن وراك اتأخر.
عزام: أكلوا واسكتوا وخلوا أحترام للنعمة إلى گدامكم.
بعد كلام جدي سكتوا ماحجوا، زيد يباوعلي ويضحك من جوا لجوا
عميد الدين فهم هاي سوالفه بس غلس كملوا عشاء وشربوا چاي
وآدم طلع الباقين محد طلع ضلوا يتناقشون علمود سالفة خوال قصي.
عزام: عگب باجر الگعدة
قصي: حق أمي ما أتنازل عنه، والضربة إلى ضربونياها وصلتني للموت هم
عزام: إذا ماسلموك حگ امك اروح ترفع عليهم شكوى
وهنا أنسويها وحدة بوحدة ينطون حگك ماتنرفع قضية عليهم
قصي: والطعن بالشرف جدي لا تنساه
عزام: أن شاء الله.
ضلوا أيسولفون ويتفقون على كلشي علمود يضمنون
ياخذون كلشي الصالحهم خصوصاً قصي عنده رسائل تهديد
من عندهم وصوتيات لازمهن عليهم وهيج راح يلصمهم لصم.
خاف الهم نيه يلوفونها عليه، تحمحم عميد الدين وفتح
موضوع العرس گدام الكل، طفر زيد من مكانه
زيد: وووولكم انييي ما معرررس وانتم راح تعرسون مرة ثانية.
عزام: چاا همه ما سوووا عرس عميد و وَهج بس خطوبة
زيد: أتزوووجوني لااا أحرررك البيت عليكم
عزام: انا أدورلك مرة
زيد: أحلف.
ضحك جدي وحاچاه بجدية بعيداً عن الشقه
عزام: أنتَ صدگ أتريد تتزوج لو بس تهوبز علينه.
رجع زيد گعد بمكانه يهز بأيده
زيد: شبيه مسوودن أتزوج هسه.
وارث: چااا مو صغير أنتَ دراسة ومكمل شغل وعندك
زيد: لا يمعودين ما أتزوج هسه بس هاي هوبزه مني.
رفع جدي عكازته ضربه بيهاا خلاه يكمز
عزام: چاا بعد لا تخبصنه خبص چنك بزونه ماكلين عشاها
زيد: ابن زيارة أنتَ گدرتك بس عليَّ.
عميد الدين: غير ينجب ويگعد مو جاي أنسولف
زيد: يله سكتنه.
رجع عميد الدين ايسولف ويا جدي بخصوص موضوعنه
عزام: خوش خلي نفض سالفة خوال قصي وعرسوا.
البنات يباوعلي يضحكن فرحانات إلى حتى رونق من سمعت الخبر راحت الضوجة مالتها.
رحت جبت الكيكة إلى سويتها وقطعتها وزعتها عليهم
گام جدي من مكانه
عزام: رايح انام باجر ورانه گعدة مو تنسون معزومين يم أهل ظافر
لا تنسون روحكم وتسهرون ويا نسوانكم للصبح
زيد: إذا سهروا أگعدك وكسر عوچيتك عليهم
عزام: أنطمر أنتَ وكلها تنطمر
زيد: ادررررري شبيييك ويااااااي.
ضحك جدي وراح ينام بقينه بس أحنه البنات والولد باجي وعمتي.
هم راحن ينامن، باوعت ال سَند مندمج بالايباد ما أريده
يصير مُدمن رحت عليه مديت راسي شفته يلعب بلعبة
وَهج: موو كافي لعب ماما
سَند: بس شويَّ بليز
وَهج: موزين على عيونك أمي يله كافي لازم تحظر نفسك للدوام بعد كم يوم.
خرج من اللعبة وسده حطه بأيدي
سَند: تشتريلي ملابس مدرسة
أكيد
أجه عميد الدين گعد بصفه من الجهه الثانية
عميد الدين: ناخذك انا و أمك نشتريلك يُبا
سَند: أي أي أثنينكم.
حضن عميد الدين يضحك، حضنه عميد مبتسم ويباوعلي.
أخذته ينام ورحيق هم نامت حقهم كضوها بس لعب بالنهار.
نومتهم ورجعت يمهم دخل آدم جايب علاكة حلويات وعصاير وزعهن علينه
ريم: أروح انام عندي دوام
رونق: باجر ما أتروحين للعزبمة
ريم: لا ما اگدر دوام.
أخذت بنتها وصعدت و وارث هم وياها، بعدها كلمن راح الغرفته ينام.
الثاني يوم مو الكل راح للعزيمة بس الولد كلهم حتى أكرم.
أما البنات رونق ماراحت ولا عمتي نجاة بس اني وباجي سلمى وصفا.
وصلنه الهم الزلم بمكان والنسوان بمكان لوره الغده
دخلوا جدي والولد يتباركون ال اسراء حسيت بدخوليتهم
هيج هيبة والله گدام عيال اسراء وفعلاً اختي جانت مفتخرة بيهم.
حضنها جدي يسلم عليها
عزام: شلونج جدي
اسراء: الحمدلله جدي.
سلموا عليها الولد و أتباركولها وأنطوها فلوس مثل مايسون بالعادات
زيد گوا لازمينه ما يتحرش بيها لأن ظافر موجود.
گلوله عيب غربة هم ألزم نفسك أتقرب الها طلع من جيبه ربع حطه بأيدها.
زيد: مفلس بس هذا إلى طلع مني
ظافر: يولي ربع حتى الجاهل مايقتنع بي
زيد: شبيك عايز فلوووس
ظافر: الحمدلله الله رازقنه
مد أيده الجيبه طلع منه خمسة وعشرين
زيد: شوفي هذا الخمسة وعشرين أتحملت الحر ورزايل عميد الدين
ونك الناس إلى تجي للمحل وجمعته كله وهسه بكل بساطة راح أنطي الج.
خربهم ضحك، حطه بأيدها يضحك ويتبارك الها.
باوع آدم الحجية امل والجدي غمز الظافر
آدم: هسه شنو ظافر نجي لو لااا
ظافر: هلا بيكم بس نسئل البنيه بالاول
آدم: قنعهااا دقنعهااا بمعرفتك يمعود لگطه وين تلگى مثله.
حجية أمل لابسة عبايتها وشيلتها ولا مفتهمة لكلامهم بس تتبسم الهم
حازم: لو تدري عليمن أتسولفون تطلعكم مصلخين
رجعوا سلموا مودعينهم وطلعوا أحنا وياهم هم قبل لا نطلع
بقى جدي يوصي على اسراء يم ظافر ويديرباله عليها.
رجعنه للبيت بدأت الايام تمشي ماتلحگ عليها وراها بيوم
صارت الگعدة مال خوال قصي وهم رجعت علگت بينهم بنص الديوان
عود شيوخ ومادري شنو بس ذولاك چان كلامهم يستفز
ومثل ما أتوقعت حصرهم قصي بالرسائل والبصمات الصوتية.
اخر ماتوصلوا اله ينطونه حق أمه و هو يفتح شغل خاص بي
وإذا ما ينطونه إلى يريدوا ياخذ إلى لازمه عليهم ويشتكي عليهم.
سالفة الطعن بشرف أمه هم أخذ حگها وهيج أنسدت سالفتهم.
وبدو كلمن ياخذ حقه من الشغل المشترك مال خواله وشغل علياء.
طلعنه اني وعميد الدين أشترينه ملابس السَند
وَهج: سَند ماما شنو السالفة كلشي مايعجبك
سَند: مو حلوات.
لزمت أيده تعبني صارلنه ساعتين نفتر كلشي ماعاجبه
أجه عميد الدين بأيده قمصان أثنين أخذه مني يحاول وياه
عميد الدين: خلي أنشوف ذني بابا يمكن يعجبنك.
لبسه واحد منهن طنكر سَند هم ما أيريده أول مرة يتعبني هيج
نزعه ولبسه الثانية يله وجهه ضحك
سَند: أريد هذا.
عميد الدين: صار وليدي المهم عجبك، ناخذلك واحد ثاني
وَهج: عميد الدين عنده اهوايَّ ملابس والله
ميخالف يُبا يفداه
أخذه اختارله واحد ثاني، بعدها اخذناله جنطه هم
وبنطلون ماخليته ياخذ أكثر من واحد عنده شگد من غير إلى قصي جابهن اله.
طلعنه من المحل، رحنه للمكتبة اخذناله قرطاسية كاملة
صعدت بالسيارة ذبيت نفس من كملنه تجهيزه
عميد الدين: تعبتي
وَهج: أول مرة سَند هيج يتعبني.
عميد الدين: لا تنسين كبر وبدأ يفهم أكثر مو مثل ما هو صغير
وَهج: اوووييي يمهه أبني خاف يكبر وتاخذه النسوان مني.
رفع حاجبه يباوعلي بطرف عينه
چاا أنتِ وخواتج مو خذيتنه من أمهاتنه
أحنه حبابات، خاف أتصير عندي جنه تس وتغير أبني أمووت غير
ههههههههههههه صدگ تحجين
والله عميد الدين أخاف كلشي ولا أبني تعبت بي
صدگيني سَند ما راح ينسى كل تعبج هذا لأن أنتِ أمه.
وان شاء الله مثل ما اتمنيتي يكون سَند الج دائماً عنده مثل گلبج ما يتغير كلشي.
أبتسمت اله فرحانة بكلامه بعدها رجع گال
عميد الدين: هسه أنجهز الزواجنه بعد ماعندنه شي
وَهج: يعني نجهز شنو بالضبط
قاعة أنتِ شنو تحتاجين كلشي يخص العرس أنسوي
ما أريد أشتري شي عندي كلشي
لاااا، تشترين كلشي مثل أي عروس.
وين أحطهن عندي شگد أغراض
أتبرعي بالقديمات واخذي كلشي جديد
صدگ تحجي؟
وداعت حبي الج يا أم عيون العمص.
يابه عرفنه عيونك حلوة بس عوف عيوني
ههههههههه سَند موجود ما اگدر احجي.
شغل السيارة، بقيت أفكر والله عندي شگد أغراض وين أوديهن
بس مثل ما گال أتبرع بيهم هن كلهن نظيفات وجدد والله
اني من النوع ما أگطع ملابس لو أخربهن رجعنه
للبيت ركض سَند بأغراضه الصفا يشوفها شمشتري
گعدت يمهم و هو كل دقيقة مطلع حاجة غمضت عيوني
من التعب ما أدري شلون غفيت واني گاعدة.
اسراء.
مر على زواجي أسبوع و وَهج خابرتني گالت راح أيسون عرس.
يا فرحتي بهذا الخبر الها تستاهل هيَّ أكثر وحدة عانت بينه
كملت تنظيف غرفتي ورشيتها معطر جو وطلعت.
ظافر وحازم گاعدين بالصالة وجدة وياهم غسلت أيديَّ
و دخلت گعدت يمهم، بس شافني حازم ضل أيسوي عيونه شلون المكبسلة
اسراء: من جمالك هسه تعيب بعضلاتك ذني المنفوخات
حازم: عيوووون مكبسلةةة
اسراء: عضلاااات منفوووخةةة.
هز راسه ظافر بيأس منه
ظافر: أنكتموووا، مزعطة شنو.
حازم: مرتك ما تتشاقة شدعوة عليها أطياف العب بيها لعب ما أتضوج
ظافر: هذيج حبيبتك غصباً عليها تتحملك.
أمل: ولك حوويزم شوگت نروح نمشي عليها
حازم: من أبوها الردي ينطينه خبر حاجيته قبل عرس
ظافر يگلي الله كريم، راح أنيم طلقة بصلعتو وأخلص.
أمل: لا بارك الله بأفكارك
حازم: جدة صارله كم سنة مطلع روحي من الله يطلع روحه.
مبين ابوها مطلع روحه، رجع باوعلي گال
حازم: هسه أنتِ چنتنه مرة الچبير گومي سويلنه تعلعوله.
اسراء: گوم سوي الروحك شعليهه.
بسرعة طفرت
من مكاني من شفت ظافر يباوعلي وذكرت كلام وَهج
تدلل تدلل حماي العزيز اشاقة وياك اني شسالفة فد نمونه
أحلف عليج مسوودنة.
قلبت عيوني دخلت للمطبخ، اكو كليجة سوتها هند
قبل لا أتروح سووتها النا وطلعت عصير حطيتهن بصينية
ورجعت يمهم وزعتلهم، جاي ناكل وأندگ الباب
حازم: بس لا هم وادم جايه تتبارك مو شگيتني بخطارك
ظافر: أنكتم گوم شوف منو.
طلع حازم يدردم دقائق اتفاجأت من دخلت بلسم وزوجها
همزين لبسي مابي شي هي راحت بثالث قبل يومين
سلمت علينا سلامها ويايَّ من وره خشمها رحت للمطبخ
حضرت الماي اجه ظافر أخذه وبعدها حضرت الضيافة هم اجه اخذها
ضل يباوع البسي مابي شي ماحچى شي ماطلعت
بقيت گاعدة بالمطبخ استحي من رجلها.
دخلت بلسم وره شويَّ باوعتلي وگفت گدامي
بلسم: شنو تستشرفين أطلعين گدام زوجي.
اسراء: مو أستشرف بس ما متعودة عليه بعدين بكيفي دام سلمت عليه هايهيه
بلسم: شووو تحجين معلككك حضرررتج.
اسراء: شبيج بلسم شنو مشكلتج ويايَّ اني مسويتلج شي و ما أدري؟
صفگت أيد بأيد خلتني صافنة على تصرفاتها
عووووود شووووفوووني فقيررررة
ماكو أحد فقير، الفقير لله، كلنه عندنه السان ونگدر
ندافع عن نفسنا، جاي اسئلج شنو مشكلتج
دفعتني بأيدها من يم صدري وهيَّ تگول
اريد افهم ظافر وين عقله من أختارررج.
روحي اسئلي اخوج ليش تسئليني إلي.
شيگلي والله لفيتهاا من الشوارع لو شنو ولچ تدرررين أبوووج گاتل اخووووي.
بلعت ريگ بقهر من كلامها لأن محد ينكر حقيقة موت أخوها ومنو سببها
بس اني شدخلني؟ اني هم أنظلمت بسبب أبوي
شنظلمتييي، هوووو أنتِ امج وحدة وأنتِ جابوج من الشوارع
كاافي تتجاوزين بالكلام لحد الان محترمتج لا تخليني أتصرف غير تصرف وياج.
رجعت دفعتني غمضت عيوني بقلة نفاذ صبر صوتها بدأ يعلى.
وأكيد هسه الموجودين راح ايسمعون كلامنه
بلسم: شتسوووين يعنييي هاااا احجي يله احجييي شتسوووين بنت الملاهيييي.
فتحت عيوني بصدمة من كلامهاا
بلسم بديتي تتجاوزين حدودج
لازم حقيقتج ضوجتج، الله يعلم بشنو ورطتي أخوي ولفاج وجابج النه.
نزلت دموعي من كلامها لا والله مامجبورة أتحملها
وهي تحاول تهين بيَّ، دفعتها من گدامي أريد أطلع
رجعت سحبتني أنضرب عكس أيدي بالميز شاغت روحي
صرخت بألم دموعي صارت تنزل شلال من الألم.
دخل ظافر يركض ضل يباوعلي ويباوع البلسم إلى وجها أنخطف لونه.
بلسم: وگعت وحدهااا والله.
اسراء: شااااالج الله يااااا جذذذااابةةةة
سحبتها جدة أمل تخزر بيها وطلعت بيها خارج المطبخ
لزم أيدي ظافر، حازم طلع، رفع رداني ايشوفها
ساكت بس وجهه أحتقن بغضبه ضل يتفحصها
ظافر: تأذيج.
أردفت من بين دموعي ما أدري ابجي من قهر كلامها لو من الم أيدي
اسراء: أي.
گومي ويايَّ
أخذني لازمني الغرفتنه أسمع جدة ترزل بيها دخلنه.
أتمددت بمكاني لازمه أيدي عاصرتها عصر من الألم
طلع ظافر بدون ما يحجي، الألم مو بالعظم عبالك يدگ بروحي
الحافة مال الميز من هذا الخشب الثخين الثواني رجع
بايده عصارة گعد بصفي يباوع بعيوني
ظافر: راح أدهنها الج.
هزيت براسي بدأ يوزع المرهم عليها ويدهن بيها
كاتمة وجعي أيدي الثانية ضاغطة بيها على الفرشة
ظافر: إذا ما صارت زينة اخذج للدكتور
راد يگوم لزمته من أيده أخاف يروحلها ويتعاركون.
اسراء: خليك يمي.
هز براسه گعد بصفي أخذ راسي يم صدره
ظافر: عليمن أتعاركتن
اسراء: ما أتعاركت اني والله
ظافر: هي دفعتج مو
اسراء: لا مو هيَّ
لا تجذبين بالمطبخ گتيلهاا جذابةة.
بقيت ساكتة ما اگدر أنكر شي فهم من سكوتي
ظافر والله ما عندي شي وياها.
أدري بيج، اني قبل عرسنه حاجيتها وفهمتها.
رفعت راسي
تكرهني لأن أبوي إلى گتل اخوكم
شدخلج أنتِ يولي، هو أشرف إلى من لحمو ودمو ماسلمو منه يسلم الغريب.
سكتت مرجعة راسي اشهگ بدموعي رفع أيده يمسح بدموعي
أخليها تعتذر منج
ما أريد شي منها بس خلي أتعوفني بحالي.
أندگ الباب اجه صوت جدة، گام ظافر يفتح الباب
مسحت دموعي بسرعة، دخلت تباوعلي بحزن
أمل: اسراء يمه بلسم رايده تعتذر منج
اسراء: ما يحتاج جدة.
ماردت عليَّ وصاحت عليها
تعاااي ولج.
دخلت عيونها حمر من گد ما باچية وگفت گدامي تعتذر بس تباوعلي بحقد.
بلسم: أعتذر منج مو بقصدي.
حچت هالكلمات وطلعت ما أنتظرت حتى احجي.
راد يطلع ظافر وراها لزمته الحجية
أمل: الخاطري عوفها
ظافر: ساكت لأن رجلها هنا وعيب فهميهاا جدة گليلها
ظافر شگالج قبل لا يتزوج لا تخلي الخوة تتخارب بسبب الحقد
من عيوني يمه بس عوفها مالك شغل بيها
راح أسكت هالمرة بس بالمرة الثانية أتشوف شي ما يعجبها
تجي هنا تحترم الكل وماتدخل بشي ذنيج خواتها
الباقيات مالهن علاقة بشي شبلاهااا هيَّ.
طلعت جدة و هو يزفر نفس بغضب لليل أيدي تقريبًا أحسن.
بلسم خذاها رجلها ورجعوا لبيتهم حازم ضل يحجي عليها
حازم: صايرة فد مرة هاي بلسم
أمل: اكو من يدفعهااا
حازم: أوررها ور هي والي يدفعهن بيها هل العربانة خلي
تحترم روحهااا بنت الناس مو تايهه النا ونلعب بكيفنه هاي
عندها أهل يسدون الشارع لو بنتهم تأذت وجدها أكثر من مرة وصانه عليها.
جنت يم باب غرفتي أسمع الكلامه، دگ جهازي رحت
شفته چانت وَهج، أحبها من تذكرني جاوبتها
اسراء: مشتاقتلج.
وَهج: هلا أمي شلونج
اريد حضنج.
أختفى صوتها سكتت ومبينة جاي تمشي رجعت گالت
شبيج اسراء ليش صوتج هيج مختنگ
مابيَّ شي بس مختنگة بعدني مامتعودة بدونكم
متأكدة هذا وضعج علمود هذا السبب
أي، شلونهن البنات جدي والولد.
كلهم بخير ويسلمون عليج، باجر تجونه مو
ليش شكو
جدي خابر ظافر وعزمكم يمنه
ما أدري ماگالي شوگت خابره
قبل نص ساعة هيج
هاا مو يمي هسه طلع يجيب علاج جدة
زين، ردت اطمن عنج لأن اليوم ماكو الج أثر
چان يمنه خطار.
والله مامرتاحة الصوتج أكو شي وجاي تضمينه
مو علمتيني اسرار البيت ما أيصير تطلع
اممم أي، بس نبرة صوتك قلقتني
والله هسه اختنگت لأن ذكرتكم ومشتاقتلكم
أن شاء الله باجر تجين وأتشبعين منه.
ضلت أتسولف ويايَّ وأتسولفلي بدوا يجهزون الزواجهم
وسَند بعد يومين يداوم أول يوم من دوامه حد ما اجه ظافر سدته.
ظافر: شلون صارت أيدج
اسراء: زينة زينة
جدج خابرني باجر عازمنه
أي هسه گالت وَهج جنت احجي وياها.
حط بحضني حلويات ضحكت.
ظافر: ذني الج
اسراء: فدددد أحبك يا الله.
ضحك على جملتي بينما اني غطيت بهدومي من الخجل أول مرة احچيها
گرص خدي يضحك فرحان بيها
أعشگج يا مهيلكة
ابو راس، شو ماجايبلي كرزات بس حلويات
هسه أخلي حازم يجيبلج.
فتح الباب وصاحله بصوت من يم الباب
ظافر: حااازززم
حازم: هااااا
ظافر: روح جيب كرزات المرت أخوك
حازم: كوووون التحق وما أرجع الكم.
يله يووولي تتنسى عليهم
ليششششش شوووووگت صارت حامل.
دموعي ضلت تنزل من الضحك شلون يحجي ماجاوبه ظافر
وسد الباب رجع يمي راد ياخذ من العصاير ماخليته ضل يباوعلي
ظافر: تعزينهن عليَّ
اسراء: غير جبتهن إلي
أجيبلج كل يوم إلى أتريدي
يله هاك هذا العصير بس مال الرمان لأن ما أحبه.
طلعته اله، رفع أيده غماني
ام نفس نحيسه
تغمنييييي
وأطيحو الحضج
ابو راس إذا ما...
حط أيده ساد حلگي
يواش يواش.
دفرته برجلي يبعد أيده أختنگت لزم رجلي وأتفلكحت لوره نومني صار فوگي.
اسراء: وولك الفاسق.
أخذ شفايفي بقبلة كل ما يبتعد يرجع يبوسني سطرني سطر ابن المسطور
ظافر: أنصير فاسقين مثل ما تگولين أحسن ما تحجين عنه بظلم.
عضني يكتفي خلاني أرافس
شبيكككككك هوووووو هيجج
انجبي.
گام من مكانه نزلت فستاني أتخردلت تف عليج يا دنيا
هاي اني هيج أيصير بيَّ وگف يعدل بقميصه اجه حازم
أنطاه الكرزات حطهن گدامي راد أيسد الباب أسمعه يگله
حازم: اگلك ظافر عود صدگ مرتك حامل يول ما صار غير أسبوع من تزوجتوا.
ظافر: جذببب ردتك بس أتروح.
ضل يغلط عليه وراح اخذت كل الحلويات ركضت ضميتهن بكنتوري اني أعلمك.
ظافر: عاد أنطيني من الكرزات
اسراء: درووووووح
مووووو أجيج.
هزيت أكتافي
شوف شلون خفت منك
كل البنوات تخاف إلا أنتِ يا جبل مايهزك ريح
طبعاً اني جنوبية ما تخاف بس من إلى خلقهاا
غضب غضب والله غضب.
راح گعد بمكانه رحت گعدت يمه لزگت روحي لزگ بي
باوعلي ضحكت بوجهه ضرب على وجهه
ظافر: مهبوووولة.
اسراء: ظافر شبيك غير اني وياك اصدقاء قبل لا أنصير زوجين
أي
چا خلي نلعب
شنلعب
نلعب لعبة و إلى يفوز شيريد يسوي بالخاسر أيسوي
شتسوين أنتِ بله
أسمطك عشرررر راشديات
أوررررج عشرررررر مرات وما يبرد گلبي منج.
والله زعلت أنتَ مو خوش زوج
يعني لو تضربيني لووو ماكووو
أضربك خفيف حباب وافق
أگعدي اسراء من كل عقلج.
صرخت بوجهه ضل صافن بي مصدوم
ظافررررررررررررر
هااي شبيهاا
ههههههههههه أشاقة.
رفع راسه لفوگ رافع أيديه و هوَ يگول.
ربي انطيتها أنتَ چااا مخلي براسها عقل.
أكلت من الجبس إلى بأيدي
شو ما خذتني شهر عسل
غيرررر أنتِ گلتي ما أريد
وانتَ شنو شگول تصدگني
يارررربي
گول ما أريد أصرف ليش تجذب عليَّ لا تخجل مني مرتك اني.
رفعني من ياخة فستاني غصيت بالجبس من الضحك
ظافر: شبلااااج اليوووم
اسراء: هههههههههههه يمه بطنيي راح أموووت من الضحك
عليمن تضحكين
عليك ههههههههههههااااي يمهههههه
وجعععع شكووووو.
أنتَ شلون راح تعيش ويا وحدة تافهه مثلي العمر كله
كل يوم ويا الصلاة أدعي ربي يصبرني عليج ماكو غيرها.
هو أنتَ فاسد وفاسق وادبسززز دعوتك توصل الباب الحمام وترجعلك حافي
شمسووي
تبوس بيَّ بدون أذن مني وتسطرني من الله يسطرك.
عافني گعد مغطي وجهه ميت ضحك شبيه هذا شحجيت اني
ليششش تضحك
ولي نامي أحسن
صير محترم ويايَّ لا ارجع اسراء القديمة
علساس هسه أنتِ جديدة نفس سوالفج.
بس وياك وداعته لگلبي إلى يموت عليك ابو الشباب شبيك ما تتحمل شقه.
هز راسه يأس مني، هو ما يدري جاي أتسودن عليه
لان راح اموت من الملل وماعندي شي أسوي وهو المكرود طاح بيها
نام أنطاني ظهره لزگت نفسي بي
ظافر: اسراء جنيتج لليوم طالعة عليَّ
أگعدددد شنووو تنام وتعووفني عرسان جيس جبس ابو الربع.
دار وجهه سحبني الحضنه أنرگع راسي رگعة معدلة.
ظافر: سولفي أسمعج
اسراء: بعد روحي ابوسك شو تعال.
بسته بخده رجعت المكاني.
أسمعني، أريد اقدم للجامعة علمود أرجع أكمل دراستي
بس مو السنة، السنة التجي هسه ما ألحگ وبدوا يداومون
تأمرين، وبعد.
رفعت أيدي أعدد بأصابعي
أريد بنات اثنين و ولد اثنين.
هسه أوصيهم الج توصيل دلفري
اهووو مو جاي احچيلك عن أحلامي
هههههههه كملي
إذا اجتني بنيه أسميها فاطمة على أسم السيدة فاطمة الزهراء عليها السلام والثانية زينب أحب اسماء أهل البيت
عليهن السلام، والولد شتسمينهم
لا ما أظلمك أنتَ سميهم.
عجل متفقين، بعد شنو أحلامج.
أتصير عندي عائلة حلوة وسعيدة وتحبني وأحبها
أحلامج سهلة أن شاء الله.
سكتت من أتذكرت حياتي قبل وعائلتي لا الاب طلع أبوي
ولا الأم كانت مثل الأمهات، فزيت من صفنتي على صوته.
ظافر: وين صفنتي
اسراء: نعست أريد أنام.
ضميت نفسي بحضنه أحتلني هدوء ضل يحاجيني
ما رديت سويت نفسي نايمة وفعلاً نمت للصبح گعدت
جهزت نفسي علمود أنروح البيت جدي.
صفا.
گعدنه الصبح لأن عندنه العزيمة مايخلني أشتغل.
نظفت البيت هيج خفايف، سبحت وبدلت رتبت وجهي
صاير كلش يلعب النفس، نزلت جوا وَهج مبدلة
تبخر بالبيت، ريم وبنتها نزلن صادف يوم جمعة ماعندها دوام.
للعشرة اجت اسراء وعيالها، الزلم وحدهم والنسوان وحدهن
دخلت اسراء على گولت عجائز قبل بيها نشعة عروس
ضلت تحضن بينه عبالك سنة ما شايفتنه وجدة امل وياها
رحبنه بيهم دخلن للصالة عمتي نجاة تاكل الواحد اكل بالسلام.
كله بعد گلبي وبعد عمري وأروحلج فدوة سلامها يجنن عبالك تتغزل بيك.
اجت اسراء ويانه أحنا البنات تاركين الكبار وحدهم
اسراء: اخخخ ولجن مشتااقةةة لهذا البيتتت خرب لو شارطين على ابو راس يتزوجني گعيدي
رونق: وين اكو انباري يگعد گعيدي
اسراء: الحب أيسوي كلشي وكلاشي
رونق: شلونج ولج ويا أهل ظافر.
زينين مثل العسل
وبلسم
مالي علاقة بيها ولا إلها علاقة بيَّ مجرد سلام بينه
خوش حجي أحسن الجن أنتن الاثنين.
أبتسمت اسراء بوجه رونق رجعن أيسولفن.
اسراء: وَهج شوكت عرسكم
وَهج: أن شاء الله هل الفترة
اسراء: سَند راح يحظر عرس أمه سجلها
يا تاريخ
وَهج: هههههههه سَند البارحة يگلي أيصير أتزوج وياج ماما.
جاي أنسولف سمعنه صوت مرة بس الصوت غريب ما أنعرفه
طلعنا كلنا چانت مرة جبيرة بالعمر باجي سلمى تحضن بيها فرحانة
زهرة: وين ذوله ولدج المسربتين ولد المسربت.
ضحكت رونق بصوت وراحت الها
رونق: بيبي أهلاً وسهلاً.
لكن سرعان ما صارت عينها إلى وياها أختفت أبتسامتها
وأنقلبت كل خلقتها تحولت ملامحها للغضب والحقد.
رونق: ولجججججج أنتِ شتسوووين هنااااا بنت الكلب.