رواية وقار الغريب للكاتبة حوراء السعيدي الفصل الثامن والثلاثون
اسراء.
أخر شخص ممكن أفكر أرجع أشوفه هيَّ هاي الإنسانة أمي
أختفت أبتسامة الفرح من وجهي مجرد عيوني شافتها
اسراء: أنتِ؟
چانت حيل متغيرة مو نفسها أمي إلى عافتنه أني و أخواني
متغيرة، و متغير كلشي بيها، واگفة ولا كأنما بنتها إلى گدامها تباوعلي ببرود.
بلعت ريگ كتفت أيديَّ ببعض أبتسمت بوجها
اسراء: أهلاً وسهلاً زمان على هذا الوجه.
أردفت بنبرة ما بيها شي يدل هيَّ مشتاقتلي لو.
متلهفة إلى نبرة چانت عادية بس أذت گلبي.
مها: شلونج
اسراء: بنص الخير، شنو منين طالعة الشمس اليوم؟
دارت عيوني على ظافر الواگف بصف جدي وآدم
و عميد الدين هم واگفين بجهة، رجعت عيوني مثبته على ظافر
أبتسمتلي عيونه، دنك راسه لأن الكل موجود
رجعت لأمي
يا ناري گلبي منها شيطيفيها؟
حچى جدي موجه كلامه إلها
عزام: وهاي اسراء هسه صارت گدامج أنسمعج.
رفعت راسها ولا يگلك مسوية شي، أتقربت إلي.
بخطوات إلى أن وصلت گدامي، نزلت دموعها بس
لا مستحيل اصدگ هالدموع، دموع كاذبة، خادعة.
اسراء: حبابه بدون تمثيل صدگيني شبعت من هالأفلام
مها: أسمعيني اسراء
اسراء: يله أسمعج، بَس لا تمثلين خليج بحقيقتج علمود أگدر أصدگج.
مها: لا تظنين إلى أيد بموت أخوانج.
هنا ما گدرت أتحمل ذكرتني بأصعب و أقوا جرح مر عليَّ بحياتي
غمضت عيوني، محررة سيل الدموع إلى چان متجمع بعيوني
أخوانج؟ ليش تستنكفين تگولين ولدي
ما اقص.
قاطعت كلامها.
بَس أي حقج أنتِ وين تعبتي عليهم وين شفتيهم
يكبرون گدام عيونج ما ألومج من تگولين أخوانج مو ولدي.
ما عندي وقت أكثر لازم احچيلج كلشي
و أروح
إذا أعاتبج راح يفيد؟ إذا أعاتبج راح ترجعيلي سنيني
إلي ضاعت، راح ترجعيلي طفولتي إلى مافهمت منها شي
راح ترجعيلي أخوووووواني إلى راحووووا.
ما راح يرجع شي، إلى يروح بعد ما يرجع.
مسحت دموعي إلى تنزل
بكل خذلان بكف أيدي، أي والله هنا چان موقفي.
مثل الطفلة إلى مضيعة أمها وتبچي أتريدها بَس الفرق أمي گدامي واگفة.
اسراء: لا أتطولينهاا احچي كلشي عندج.
رجعت دموعها تنزل، بَس ما أدري ما أدرس ليش
گلبي ما يحن عليها قتلت كلشي بداخلي أتجاها بأيدها دمرت كلشي
مها: اني مالي ذنب بموتهم، مأمون چان كل فترة يسحب مني
مبلغ، ويهدد بيَّ
اسراء: عفية خوش مسرحية كملي كملي.
مها: اسراء ماما.
فتحت عيوني على كلمتها
اسراء: ماما؟ أنتِ عليمنننن جااايه تضحكين.
ياااا ماماااا هااااي، هسسه عرفتيني بنتج وتگليلي مامااا.
تبقين بنتي.
ضحكت من بين دموعي دمي يغلي غلي
هههههههههههه، اسفة بس كلامج يضحك بنتج تبعينها
بنتج بسببج صارت تجدي بالشوارع وهيَّ بعمر صغير
ماخفتي الشنو راح تتعرض وأنتِ تدرررين الشارررع كلشييي بي كلشييي
عفتيني بنص الوحوووش لچ انيييي معجزة من ربي
گدرررت أحافظ بيها على نفسي وشررفي لليوم تدررين هناااك كم وحدة ضاعننن لووو ماتدررين.
تدررررين مأموووون كم وحدة دمراهااا فووگ دمارررهاااا لوووو تغشمين بروووحج.
ظافر: مهااا، احجي إلى أنريده وكاافي تتلاعبين بمشاعر البنيه.
رجعت أباوعلها، ماكو ماكو شي يدل هيَّ متندمة
ماكو شي يخليني أحن عليها، وأتقبلهاا كلشي بيها يدل على شي واحد واضح
مها: ما راح تصدگين أي شي احجي.
صرت گوا واگفة لزمتني وَهج
وَهج: على كيفج ويا نفسج أمي.
مها: أمي؟ ليش منو حضرتج وتگوليلها هيج.
أبتسمت وَهج بوجهه.
وَهج: اختها الجبيرة واجبي اكون ساندة إلها بكل الأوقات.
مها: وووين جنتوا هسه يله عررفتوها اختكم.
بقت وَهج متعجبة على أسلوبها ووقاحته وينطبق هذا المثل عليها
فوگ شينه گواة عينه، أردف ظافر و هوَ بمكانه
ظافر: لو چانوا يدرون عندهم أخت ماكو شي يمنعم يوصلون إلها
بس گووولي وحدة
مثلج ذبتها بنص المايرحمون ودارت ظهرها هااي شنگول عليها؟
آدم: هيج نسوان
أخليهن بحسرة الضنى وطبهن ألف مرض.
ظافر: احچي وفضيهااا جبتج هنا تحجيلها كلشي مو تنبشين بسوالف مالج علاقة بيها.
عاندت ما تحجي أي شي و أختلفت على ظافر بالكلام
مها: اني ما مسويةة شي هذا الشخص هددني إذا ما احچي إلى يريده يموتني
آدم: أويلي عليج يمه
ظافر: هههههههه عرفتج راح أتسوين كل هذا أگعدي أگعدي خاتونة.
اجتني سريع لزمت أيدي
مها: لا أتصدگين أي شي يحجي، أني نجبرت أبيعكم
علمود تبقون عايشين چانوا يهددوني بيكم
اسراء: اووووه.
بهتت ملامحها و روحي بدأت تفرفح من ظافر فتح التسجيل
مسجل كل كلامها و أعترافاتها الحديث كان متبادل بينهم.
التسجيل: مها: يمعود خليهم يموتون احسن مايكبرون ويصيرون
من المجرمين، هسه راحوا للجنة، بلكي هم الله يغفرلي هناك
ظافر: يولي ولدج ذوله تعرفين شنو ولدج ماتوا اتگتلوا أتعذبوا وأنتِ ما هامج
مها: صوج أختهم إلى ماحافظة عليهم
ظافر: اختهممم شعليهااااا
مو هيَّ ربتهم ليش مادارت بالها عليهم
تفي عليج من بين الأمهات.
هسه أتفضل أطلع، عندي شغل.
أختفى صوتها من التسجيل سده ظافر و گال
ظافر: أنجبرت أستخدم وياها القوة علمود تعترف.
رجع شغل تسجيل و أتوقع ثاني غير الأول.
احچي لا أدفنج هين.
اعترافها بالحقيقة ما أذاني بگد ما أذتني نبرة صوتها
إلي تحجي بيها بعدم أهتمام كأنما جاي أتسولف سالفة عادية
مها: مأمون چان يدري بشغلي وعنده لزمات عليَّ
بكل مرة يهددني بيهن، چنت بكل شهر أدزله مبلغ أسكته بي.
أشرف ما قبل يساعدني، حاولت وياه رفض رفض قاطع
يساعدني بشي إلا أن أنجبرت ابيع أولادي اله
ظافر: بعتي أولادج علمود تسترين على نفسج
مها: چاا شتريد أدخل للسجن؟
ظافر: ليش بعتيهم ليش ما بقيتي تنطينه مبالغ
مها: شعندي بنك الخلفوك، بكل شهر يضاعف المبلغ فلسني
اخر شي گال بيعيني أطفالج وروحي بحال سبيلج وبالأساس الشغل إلى نشتغله كله تابع الأشرف.
ظافر: وضحي
مها: سواء شغلي أو شغل مأمون العار كله تابع لأشرف.
أنتِ مو مطلگة من أشرف يولي شتسوين وياه
هذا شغلي من زمان
شصار ليش مأمون گتل أصيل و أسامة
خابرني باخر فترة رجع يطلب مبالغ صارت مشاكل بينه
صارت تهديدات بينه، گال راح احرگ گلبج وكلشي أيصير براسج
ما چان عندي فكرة عن إلى راح أيسوي.
ظافر: عذبهم تعرفين شنو عذب أطفال مايتجاوز عمرهم العشر سنوات
يوووولي مأمووووون هذاااا أعتدى عليهم جنسياً قبل لااااا يخلص عليهم.
شهگت بفزع من اخررر جملة گالها إلى هيَّ كانت بمثابة.
زلزال نزل عليَّ أعتداء جنسي صرت أريد بس أشم نسمة هواء
دموعي خنگتني وگعت بين ايدين وَهج البقت جاحظة عيونها
من كلام ظافر، عذاب، اعتداء، موت، كل الواگفين صدمتهم ما أتقل عني.
رفست برجليَّ أريد أتنفس ما أگدر چنت أتوقع هاي أخر أنفاس إلى بالحياة.
وَهج: صدمتي وأني اسمع كلام مها وكلام ظافر خلتني أعجز عن الكلام
وگعت أختي بين أيديَّ منتهية وهيَّ تسمع سبب موت.
أخوانها والظلم إلى أتعرضوله، لو گلبك حجر راح يلين وأنتَ أتشوف حالتها.
صرخت بصوت كله ذُعر
وَهج: وووولكم اختييي.
ركضوا ظافر و عميد الدين النا، سحب عميد الدين ماي
أشرلي أغسل وجهاا، ضل يصبلي بأيدي أغسل بوجها فتحت حجابها.
هدأ جسمها، بَس دموعها تنزل لا زالت، دام دموعها تنزل دموعي تنزل
ويا كل دمعة تنزل منها، بقت مثل الجثة بين أيديَّ
گام ظافر الشرار يتطافر من عيونه يريد يهجم على مها صار گدامه آدم.
آدم: ظافر عووفها لا تجيبلنه تهلكه.
ظافر: قسماً بالله العظيم، راح تتعاقبين أشد العقوووبات راح تدفعين ثمن كلشييي.
رفعت عيوني عليها هاي تفوقت حتى على قساوة أشرف
رفعت أيدها بعدم مبالاة برووود برووود مامهتمة
مها: لا تدوخني، هاي هل المابيها شي.
عميد الدين يباوعلها بتعجب مثلي معقولة اكو أم بهيج نذالة
عفنه كلشي وركزنه على صرخت أسراء إلى طلعت نابعة من قلبها
اسراء: طلعووووووهااااا، ماااريد أشووووفهاااا.
عزام: أخذوا اسراء جوا.
رفعتها ماتساعد بنفسها ميتة، ما اگدر الها وحدي
وَهج: عينيني فدوة اسراء
بانثاء ما وگفت لزمت گلبها غمضت عيونها بألم
شهگت بالنفس وهيَّ تحسبه أردفت مختنگة فاتحة عيونها
اسراء: راح أموت.
جبينها أتعرق، فتحت عيوني بتوسع من رجعت وگعت مغمي عليها
وَهج: اسراء أتسمعينييي.
أضرب على خدها ماكووو أنتهتتت مثل الميت رفعها عميد الدين
طلع يركض بيها للسيارة، أريد أعين نفسي ما أگدر رجليَّ ماتن أنتهيت.
وإني أشوف اختي بهذا الحال، وگفت وجسمي يرتعش رعش.
طلعت وراهم آدم يفتح بالباب ال عميد الدين صعدت حطوها على رجليَّ
اخخخ اخخخ لشوگت تضل روحي تحترگ بأخواني
يوميا واحد روحي تتبهذل عليه، أنطلق عميد الدين مُسرع
من البيت ويا طلعتنا أجوا قصي وصفا نزلوا من السيارة يضحكون
بَس سرعان ما شافوا الوضع أختفت ضحكتهم.
عفناهم ورانه متوجهين للمستشفى
عميد الدين: وَهج على كيفج.
وَهج: اختي أنتهت عميد الدين أختي راح أتروح من أيديَّ
عميد الدين: شنو السالفة أم سَند گولي يا الله أن شاء الله ماكو شي.
نزلت دموعي أكثر و أني أندب بحظي
ليش مكتوب علينا هذا العذاب شوگت نرتاح ليش يوميا گلبي محترگ بيهم.
دگ جهاز عميد الدين رفعه يحجي
عميد الدين: هاا قصي، لا بعدنه، مستشفى...
راح أوصل ماباقي شي.
سده منه وجان الواضح يسئله عن حالة اسراء و بيا مستشفى رايحين.
طلعت روحي بين ماوصلنا للمستشفى أستلموها من عندنه
وگفت قابضة أيدي أسيطر على رجفتي لزمني عميد الدين.
اهدأي
شهدأ ماااا شفت حالتهاااا
حقها حقها يُبا چاا إلى سمعته مو هين والمصيبة طلعوا
أخوانها معتدي عليهم الشي هذا محد أتوقعه ولا ظافر حچى بي
ولا حتى حازم مو سهل تتقبل هيج جريمة بشعة الله يكون بعونها على ما أبتلاها.
وره ربع ساعة دخلوا صفا وقصي و آدم وبوجوهم علامات
القلق والخوف حضنتني صفا
قصي: شنوو وضعهااا.
عميد الدين: بعدهم الدكاترة ما طالعين منها.
مسحت دموعي صفا
صفا: أن شاء الله ماكو شي أدعيلها.
حسيت حتى طاقتي بالكلام نفذت ما اگدر أرد عليهم
عميد الدين: آدم ظافر وين
آدم: أخذ أم اسراء، يسلمها للقانون
عميد الدين: بس أحنا بعدنه مافهمنا كلشي
آدم: يگول بعد إلى صار من سابع المستحيلات أخلي اسراء وأمها يتواجهن وإذا اظطر الأمر
اني أواجه اسراء واحجيلها كلشي بس مها أنتهى لقائها ويا اسراء.
صفا: مو لازم تسمع كلشي من أمها
آدم: حرام تسمى أم هااي الله لا يشوفج شلون چانت تحجي
دمچ يحتررك حررگ، مامهتمة لا لبنتها ولا لولدها الماتوا بسببها.
صفا: معقولة أكو أم هيج؟ شلون يعني أم ما تتأثر بموت أولادها.
عميد الدين: والله ما أدري بعدني لحد الآن صافن ومتعجب عليها
حتى الحيوان أجلكم الله يحن على أبنه وهاي ماكو
قصي: ظافر مو نفسه إلى چان يشتغل ويا أشرف؟ لو مشتبه اني.
رفع راسه عميد الدين اله، ورجع بنظراته إلى جاوبه
عميد الدين: أي
قصي: بس شلون؟ يعني شجابه عليكم
و على اسراء
عميد الدين: بعدين أفهمك.
هز براسه قصي، وملامحه كلها قلق على اسراء.
وَهج: ليش اتأخر الدكتور شصايررر
قصي: أكيد جاي أيشوفون شغلهم
بقينه ننتظر حد ما طلع الدكتور و گال
الدكتور: الحمدلله على سلامة مريضتكم
قصي: دكتور اني اخوها، ممكن تفهمنا شبيها اختي.
الدكتور: المريضة متعرضة الصدمة؟
بقينه واحد يباوع بالثاني هزيت براسي اله
وَهج: أي
المريضة أتعرضت السكتة قلبية.
رجعت لوره مامتوازنة بوگفتي لزمتني صفا
قصي: سكتة قلبية؟
الدكتور: ما أريد أهبطكم لكن للأسف أتعرضت الشلل بس مؤقت أن شاء الله مع العلاج ترجع مثل قبل شغلة أعصاب.
عافنه بنص صدمتنة وراح سكتة قلبية؟ شلل مؤقت
حضني قصي يهدأ بوضعي
قصي: يرجع كلشي يرجع دام مؤقت بالعلاج ترجع و أحسن من قبل.
نزلت دموعي بهدوء.
وَهج: الصبح ما بيها شي اني اخذتها بنفسي مابيهت شي چانت تضحك.
مر الوقت بعدها سمحولنا أنشوفها ماقبلوا كلنا لأن مريض
السكتة القلبية مو زين عليه التجمعات دخلت وحدي إلها
گعدت بصفها ما گدرت احجي ومنعني الدكتور احجي بشي أو ابجي.
رفعت أيدها بستها والغصه حرگت بلعومي
وَهج: يرجع كلشي مثل قبل وعيونج.
بسبب وضعها التعبان يومين بقت بالمستشفى وبعدها طلعنا بيها للبيت
بَس مو اسراء إلى نعرفها أتغير كلشي بيها
دخلها.
قصي شايلها الغرفتهن هيَّ وصفا حطها بمكانها
حاول يحجي وياها بس ما أنطت أي ردة فعل بس عيونها إلى ترمش بهدوء.
طلع الكل بعد ما اتحمدلها بالسلامة بقت بس صفا يمها
گعدت لازمه جبيني تعبانة، غمضت عيوني بتعب و أرهاق
حسيت بأيد لزمت أيدي الثانية باوعت چان عميد الدين
عميد الدين: صارلج يومين بالمستشفى مامرتاحة أصعدي أرتاحي.
هزيت براسي بدون ما احچي باوعت للبيت مستفقدة قرة عيني.
بَس بالدوام چان، صعدت فوگ سحبت وأتمددت جسمي منتهي
غمضت عيوني طمست بالنوم بسرعة من تعبي.
عميد الدين ما قبل على تصرف ظافر لأن سلم مها للقانون
طلع الباشا هم معترف عليها لأن تشتغل وياهم وبعد شغلات
غير قانونية، ومنها متاجرتها بالبنات والأماكن القذرة إلى تشتغل بيها
عميد ما قبل لأن رادها تحجي كلشي بعد عن علاقتها بأشرف ولازم اسراء تعرفه.
بس اختي وصلة مرحلة حتى هذا الشي ماعاد يهمها ولا أهتمت اله وقبل لا نرجع من المستشفى طلبت بعد ما أتشوفها بعينها للموت
ظافر گال اكو شغلات اني بنفسي احجيهن الها بطريقة ما اتأذيها
هو ما وصل للمستشفى لأن أنشغل بموضوع مها وحسب كلامه
ما اگدر اجي زحمه من الولد، محد يدري هو رايدها غير عميد الدين
و للأسف كان سبب موت أخوانها هو الطمع نفسه الطمع.
إلي دمرنه كلنا وكانوا ضحايا حالهم من حالها و أسفي على أمثال مها وغيرها.
فزيت على لمسات بوجناتي، فتحت عيوني بنعاس
الغرفة ضلمة والتبريد مشتغل، أعرفه هذا عميد الدين
رجعت غمضت عيوني من النعاس ما أگدر احجي أريد بس أنام
رفعني حطني بحضنه و أيده يمسد بيها على شعري بهدوء ما حچى شي رجعت نمت.
گعدت العصر باوعت شفته نايم مقيدني بحضنه
أريد أسحب نفسي ما أگدر، عبالك راح أشرد منه رجعت النفس نومتي
وَهج: عميد الدين أگعد.
أتقربت أكثر ضميت نفسي بحضنه أبتسم وهو َ مغمض عيونه
عميد الدين: الوكيحة.
وَهج: هسه أريد أنزل مو حالة هاي عبالك أريد أشرد منك حاضني هيج
عميد الدين: تعاي تعاي.
طبع قبلة بجبيني، نظراته مخترقنني وأيده تمشي على شعري.
تعبتي ذني اليومين غاليتي
جبت العُمر بالتعب ما أحس شي جديد.
ريت التعب بيَّ ولا بيج يُبا
إذا تتعب أنتَ هم أني أتعب وياك
رفع أيده لمس حلقتي إلى لابستها
أنلبست بسبب خطة، بَس راح تبقى بسبب شي ثاني.
بسبب عُشق العُمدة ل أنيسة روحه وغاليته.
سحب نفس من شعري
ليش ما مشطه
چنت تعبانة و أنعس نمت گلت من أگعد
گومي مشطي خلي ننزل نتغده بدون اكل أنتِ وسَند هسه تلگينه راجع من الدوام.
عميد الدين
غاليته
شوكت نبلش بعلاج اسراء
بس نلاگي دكتور زين أن شاء الله جاي ندور
يحتاج دكتور فيزيائي زين
خايفة عليها
الله كريم تحتاج وقت تتقبل بي.
ظافر شصار عليه
هذا جاي يغط ما أدري وين
احم عميد الدين هو عادي لو جاي ظافر للمستشفى.
رفع حاجبه بأستنكار
شعنده جاي
يعني علمود اسراء
أم سَند انا أحترمج وما يهون عليَّ حتى اگلج انجبي.
تدري أحب هذا احترامك إلي، أحب من تصيحلي أم سَند
ما تستنكف من أبني، ولا يزعجك موضوعه
سَند أبني، وأم سَند غاليتي شلون أستنكف؟
ياحظها لأم سَند و أبنها بهيج رجال دخل حياتهم.
اممم ويا حظه هوَ من دخلت أنسانة الحياته مثلها.
أبتسمت نهضت من مكاني أي أي راحتي يم هذا الشخص
إلي كافل يغير مزاجي بكلامه وحنيته ينسيني كل تعبي.
رفعت شعري لبست حجابي واكيد يعني وياه الكب إلى هو قضية عميد الدين
إلي ما تغلبه بيها، ما يقبل بدونه يگول شعرج يطلع.
عميد الدين: وشعرج الغيري ما يطلع ولا ينفتح.
غير ملابسه طلعنا نزلنا جوا أطمن على اسراء طلعت صفا منها، بملامح حزينة
صفا: گعدتي
وَهج: من التعب بقيت نايمة، شلونها اسراء
صفا: نفس الوضع
وَهج: ما حچت شي
صفا: گد السؤال والجواب.
هزيت براسي راحت صفا، دخلت الها صافنة گاعدة ناحية الشباك.
أكو بلابل واگفات على الشجرة إلى أتصير قريبة من الشباك وتباوع عليهن.
وَهج: أييي شلونهاا الحلوة.
ما ردت عليَّ بقت نفس وضعها گعدت يمها حاولت احچي وياها
بس وين أني تعبت وأستسلمت وهيَّ على نفس وضعها
ما نطقت الحرف ولا حچت شي.
دخلت صفا گالت
صفا: اجه ظافر وجدته و وياهم بنيه.
درت على اسراء أدري بيها شگد تحبهم لعل تحچي
شي بس للأسف كان نفس الوضع، محد گدر يأثر عليها.
دخلت حجية أمل وياها البنيه، باجي سلمى وعمتي نجاة.
رحبوا بيهن، سلمت عليهن راحن الاسراء.
أمل: يااا من سوده بوجهي جدة من عمت عيني شصاير بيج.
أتقربتلي صفا تهمس همس
صفا: هاي صدگ جدة ظافر
وَهج: أي
صفا: عين الباردة عليها شگد قوية وشخصية
وَهج: أسكتي أحنا وين وانتِ وين.
عاد صدگ سكتت ولأن الدكتور مانع التكلم بكثرة يمها
ما طولوا، طلعنا للصالة، أستحيت من المرة لأن اختي ماعبرت أحد
بَس أكيد فاهمين حالتها، جابت ريم الضيافة.
أمل: اللهم صلي على محمد وآل محمد منين هل البنيه
نجاة: بنتي حجيه
أمل: يحفظها الباري الج
نجاة: بعد گلبي حجيه.
گعدت ريم يمنه خرب يومها ضاربتلها بياض مو نشاز
بياض يخليك تكزكز عليها، حقه وارث مات عليها.
ريم: ماحچت شي اسراء
وَهج: لا والله
ريم: أوف والله شبعت بچي من عرفت موضوع أمها و أخوانها خطية.
دخلت رونق سلمت هم مبينة چانت طالعة گعدت يم حجية أمل و أتسولف وياها
وَهج: صفا وين سَند
ريم: نومه آدم وياه.
وَهج: يمه أبني صار يم آدم ولكم أبني راح أيصير طكة آدم
صفا: چاا شبيه آدم؟ هااا.
وَهج: مسودن
صفا: بهااي حقج
وَهج: آدم گعد لولا
صفا: أي قبل لا يجي ظافر و أهله
چاا صاعدة أشوف أبني.
عفتهن طلعت صعدت الغرفة آدم فتحتها چان بس سَند نايم
دخلت اله، بس سديت الباب گعد باوعلي بزعل
سَند: وين چنتي
وَهج: ماكو حُضن الماما؟
نهض من مكانه حضني وطنكورة النوم بعدها بي
أشتاقيتلك أنتَ أشتاقيتلي؟
أي
جنت ويا خالة اسراء مريضة.
هز براسه رجع حضني مخلي راسه كافي ساكت.
حضنته طلعت بي أمشي بالمُمر دخلته للحمام غسلتله
نزلنا جوا، دخل زيد و وياه رحيق جنهم تؤم وجيري
يتكافشون بس ما يتفاركون، أكرم دائماً يگول تربية زيد هااي.
زيد: طبعاً ابنج فد واحد نازك ومايع
وَهج: شبيه
زيد: گتله يله أنتَ تربية وَهج شتطلع مثلاً
وَهج: لا تحجي على أبني هيج.
أتروحين تبثين سمج علينا أهووو
سَند: لا تحجي على ماما
زيد: تربية وَهج ما عليك عتب
رحيق: واني تربيتك عمو.
رفعها يبوس بيها
زيد: چاا ماتشوفين طلعتي من الطريق لأن تربيتي.
أخذ سَند ورجع طلع بيهم أكيد يا اما يلاعبهم يا أما يشتريلهم.
دخل عميد الدين، يفر بعيونه ماعاجبه ما أدري شبيه وگف بصفي مكتف أيديه.
وَهج: شبيك عميد الدين
عميد الدين: شو جدي صاير عنده كلشي سفردحي.
وَهج: شبيه
عميد الدين: يگول عادي خلي ظافر أيشوف اسراء
وَهج: هااا يعني من هاي ضايج
عميد الدين: چاا غيررر بنتنه
چاا هيَّ مو چانت يمه قبل.
قبل لا أدري بيها أتصير منه وبينه
يعني شنو ماعندك ثقة بظافر؟
لا أكيد مو هيج بس أحسها صعبة.
قصي شگال
صاير يعجبني هم ما عجبه الوضع بس ياهو يگدر يحجي غير جدي ينعل والديه
لا تصعبوها
شعندنه ولادة.
لميت شفايفي للداخل أكتم ضحكتي لأن ضايج كلش
إذا أضحك گدامه الله يستر، باوعلي مقلص عيونه.
طلعيها ليش ضامتها
احم. شنو
الضحكة
لا مشتبه وين اضحك، حتى ما إلى نفس أضحك
خوش دخلي حظري أختج، كون ملابس أطوال وشعره وحدة ماتطلع منها.
ضربت كتفه بخفه
وَهج: بالمستقبل أحتمال ايصير النسيب.
نزلت أنظاره على أيدي
عميد الدين: عود من ايصير النسيب الله كريم أخوج يتصرف
أخوي مثقف هادئ، بس للأسف الواضح راح أيصير مثلكم يا احفاد عزام.
ضحكت من قلب عيونه بملل لاحظت بي هذا الشي من مايعجبه الشي
يقلب عيونه ماعاجبه، دخلت ال اسراء طلعت ملابس الها
غيرتلها ملابسها و على نفس السكوت.
وَهج: ظافر أجه أيشوفج، مو چنتي مشتاقة أتشوفينه.
ماردت دمرتني بسكوتها لبستها حجابها عدلتها دگ الباب صحت. أتفضل.
دخل عميد الدين باوعلنه
عميد الدين: راح يدخل
وَهج: تمام. أطلع اني؟
صفن الثواني هز راسه برفض
عميد الدين: لا أبقي يم أختج.
طلع الدقائق دخلوا نوب مو وحدهم لا قصي وآدم وياهم
ديلا ظافر اكلها وين تگدر تحجي شي هسه يجوز إذا يگول شلونج يهدون عليه.
ضل ظافر يباوعلهم دار شافني أبتسم بوجهي
ظافر: شلونج وَهج
عميد الدين: أم سَند، حَبيبي أم سَند.
ظافر: شلووونج أم سَند خووووية.
عميد الدين: ليش تصيح؟ شو ماعاجبك.
خلوني أتنفس يولي شبلاكم
قصي: زين أنتَ ليش أتريد أتشوفها مو حجينالك وضعها
آدم: ظافر گلبي ما مرتاحلك.
أبتسم بوجهم، اني من يمي غطيت بهدومي من الخجل
واگفين ثلاثتهم حسرة يحجي شي يستلموه أخزر بيهم ولا عبالك
وَهج: شنو السالفة شباب.
دخلت صفا شافت ظافر، والضحكة شگت الحلگ
صفا: ظافرررر
ظافر: يا هلا بصفصف
صفا: شلونك عاش من شافك.
ظافر: الله يحفظج خيتي الحمدلله عايشين.
حسيت ولدنه بالغوا بردت فعلهم وهم عيب واگفيله على الحچاية
آدم: يله صفصف أطلعي.
باوعت عليه صفا
صفا: تدري ظافر أعرفه قبل لا أعرفكم كلكم الحق يُقال
آدم: ويعني؟ ترا أحنا مو نفس عيشتكم هناك كلشي عادي عندكم.
أندگ الباب مدت راسها رونق مبتسمة
رونق: أيصير ننضم الكم
قصي: ذني سون تسجيل دخول
عميد الدين: شنو سالفتجن كل دقيقة داخله وحدة؟
عاد هنَّ حسن على الوضع كبل سحبن نفسهن بيت جدي.
ما عندهم اي رجال تگعد يمه المرة بس إذا چان أقارب وهم أقارب كلش مو من بعيد.
وظافر صح صديقهم بس هم عندهم صعبة يخلون
نسوانهم تگعد وياه، صفا متعلمة عليه من قبل لا نرجع هنا
ورونق هم لأن بينهم شغل قبل بس هم مع كل هذا ماقبلوا
أنحرجت لا ظافر أيصير بخاطره من تصرفهم بس بالعكس
طلع هو أخس منهم بالايام الجايه راح تعرفون معنى كلامي.
سلم ظافر على اسراء ماجاوبته، أنزرعت ملامح القلق بوجهه.
و هوَ يباوعلها، عيونه كانت حزينة و هوَ يناظر الها.
ماطول يمها أترخص وطلع، طلعوا وياه الولد گعدت بصفها حضنتها
ومشت فترة واسراء نفس الوضع حد مالگينه دكتور وبلشنا علاج
عنده وهنا خبلتنه وخبلت الدكتور ما أتساعد نفسها وأكثر العلاج
يعتمد على المريض بس كأنما جاي تنطينه أشارة خلاص أنتهت حياتي.
ريم.
والله يأبه إلى يدخل طب فكر روحه حياته ما يفتهم بيها شي غير الدراسة.
واللعبان النفس رغم حُبي لهذا القسم إلا التعب والجُهد إلى دا أبذله
تعبني ومنا هسه حملي والأشهر الأولى تكون صعوبات
أحس نفسيتي داتتعب، دخل وارث شافني ابچي زفر نفس بنفاذ صبر.
وارث: هم بچت
ريم: عيوني لو عيونك، باچيه بعيوني.
ذب الاوراق
مال الطلاب على الميز چان يصحح بيهن گعد بصفي.
وارث: أدري بيج جاي أتعبين، بس يا بوية
ما أيصير هيج بس تبچين عيونج راحت.
ريم: دا أتعب، مدا أحس فهمانة شي من حياتي.
حتى العطلة إلى أتصير تكون عبارة عن مشاكل بهذا البيت وقهر
وارث: أي والله بهاي صدگتي هذا البيت إذا يعيش يوم فرحان عشرة يشوف الويل.
دگ جهازه رفعه ما جاوب على المتصل أنطاه رفض
رجع يسولف ويايَّ يهدأ من وضعي
وارث: تگومين نطلع
ريم: وين تاخذني
وارث: بكيفج حبيبتي وين حابه أتروحين المهم
نفسيتج ماتبقى هيج لا تنسين أنتِ حامل.
هزيت راسي بقبول أريد أطلع مختنگة غسلت وجهي رجعت
غيرت ملابسي وهوَ هم بدل نزلنا لاگانه آدم.
آدم: هاا خوية وارث وين طالع وماخذ بنتك
وارث: أغيرلها جو
ريم: ترا زوجي شنو بنته
آدم: ولج خوية هو أنتِ إلى أيشوفج لا يگول دكتورة ولا يگول متزوجة جنج نتفه.
ضليت أباوع النفسي شو اشوف نفسي جبيرة
ريم: يعني شنو ما مبين اني متزوجة
آدم: منيلج، اني وارث أحطج جوا أبطي وأمشي بيج
ريم: أحتررررم نفسسسك، اني زوجته وبعد فترة اكون أم لأطفاله.
ريم گلبج اتحدث لو بعده
وارررث
وارث: وولك كاافي عووفها.
آدم: ولك هالطولها بطول الفصمة مشيتك على
الصراط المستقيم وحگ العباس تضحكون.
ريم: وشبينه يعني ونضحك گول محروگ گلبي لأن متزوجين واني بعدني.
آدم: أريد أغلط على مها غلط ما صاير بالكرة الأرضية هيج هيج
بلغات ما يفهمها أحد مال طلاسم من حركة گلبي هاي
عرسي بسبب جيتها اتأجل، لأن اسراء شوف شصار بوضعها.
وارث: هوَ أنتَ السانك وسخ بدون ما تخلق لغة جديدة وطلاسم.
آدم: إذا أشوفها إلا اتفل بوجها وأغلط بطلاسم عليها ياااابوووووية.
ريم: اووووييي أمشي وارث هذا أخوك ضارب عقله
آدم: هااااي عليمن.
من خوفي صرت وره وارث
ريم: اني حامل لحدد يحاچيني
آدم: چاا و إذا حامل خاااب الزمج بالچفچير تذكرينه من خليتج ساعات محبوسة بالسطح.
الله أيام المعضل
وارث: هاااا بلشنااا
ريم: وارث صير معضل
آدم: لا تضحك عليك جسمك مرتب تررا
ريم: يا أخي ليش تدخل نفسك بيني اني وزوجي.
هيهي قصدج أنتِ و أبوج أتحدا واحد بالشارع يعرفكم متزوجين
وين صفا تجي تاخذك وتخلصنه
بنت أشرف الشريف لعنة الله على روحه بايعتني علمود أخوها.
وارث: أهاا اگول ليش ضايج وجاي تخرب بينه طلعت
الاخت بايعتك وأتريد تخرب بين الوادم
آدم: چاا أحب فعل الخير
وارث: خير و منك محد يريده
آدم: شبيه أستاذ الأونكوليزي.
وارث: أمشي برنسس هذا سالفته تعبانة
آدم: خلي أطلع وياكم صخونه حتى ماعزمتوني
وارث: رجال ومرته تنبص روحك بالنص ليشش.
آدم: مو بيدي أحب أنبص روحي بنص الوادم
روح خلي روحك بين صفا وقصي
لا هاي أم خشه ما أگدر أضوجها
چااا عوووفنه
شبيك المفروض أنتَ بكل يوم تگتل قصي
ليش؟
چاا غير خطب مرتك، كرة عينك أي والله اني يخطبون مرتي و أسكت.
ريم: لا صار سوء فهم، وسوالف أمه هاي هو الولد حباب والله.
دار عليَّ وارث يباوعلي
وارث: شكو تدافعيله
ريم: شبيكم ويا الرجال والله خطية كلكم شاديها عليه.
آدم: لا تبچين هذا إلى تحجين عنه ياخذج للشط ويرجعج عطشانه مثل خواته.
وارث: كاافي انجب، موضوع صار بي سوء تفاهم و أنحل
وبعدين أنتَ ياهو گالك كل هاي السوالف
آدم: زويد
وارث: مثل الدلالة هذا يمشي ويخرط بالسوالف.
ريم: صدگ آدم تجي ويانه أحسك تونس
آدم: لا شعندي رجال ومرته
ريم: شنو هل الأختلافيةة
وارث: الله لا يورط عبد بلسانك يا آدم.
عفناه نضحك، و وهوَ صعد فوگ.
أنطينه خبر الأهلنه طالعين، صعدت بالسيارة و أحس بمعدتي قلبت
نزلت بسرعة لعبانة نفسي.
شبيج برنسس
شنو هاي الريحة إلى بسيارتك
شبيهاا العصر غاسلها ومعطرة ما بيها شي والله
لا أيععععع ريحتها تلعب نفس.
اهووو بدأت سوالف النساوه الله يصبرك
يا وارث.
رحت غسلت بالمغسلة إلى بالحديقة ورجعت
ريم: ما أصعد بسيارتك
وارث: چاا بيمن نروح ب بايسكل
ريم: خلي نمشي
وارث: غير حامل وين تگدرين
ريم: ليش الطفل مشدود بخيط مثلاً.
بس ما نمشي أهوايَّ
تمام.
رجع سد السيارة، طلعنا نمشي لازم أيدي ضحكت
من شفت الفرق بين أيدي وأيده صدگ لو گال آدم محد يصدگ متزوجين
طلعنا على الشارع العام نمشي.
وارث: هسه لو جايين بالسيارة مو أحسن
ريم: لا هيج أحلى شوف الأجواء بالليل تموت شوف الناس
وارث: علمودج أني
ريم: تدري وارث مشتاقة لمحافظتي
بابل
أي. عشت 18 سنة هناك مو قليل عندي ذكريات بيها صعب تتنسى.
ليش ما عجبتج البصرة هنا.
لا حلوة، بَس ما أدري يعني شلون أوصلك الفكرة
بس يبقى الشخص يحن للمكان إلى چان عايش بي
صح كلامج، المشكلة عمامج مابيهم حظ جان خذيتج هناك تتونسين.
قاطع حديثنه صوت بنات وهن يگولن
أستاذ وارث.
وگفنه بمكانه، أجن أتقدمن النا مبتسمات من شافهن وارث هم أبتسم
اتفاجأت منو ذني و على أبتسامتهم بقيت مبتسمة.
وارث: هااي شنو شتسون هنا
استاذ شلونك
سلمن عليه سلام كان بأحترام، شافني أباوعلهم ضحك ورجع لزم أيدي.
وارث: ذني طالبات عندي من الطلبات المُتميزات بنات عم.
ريم: أهلاً وسهلاً.
وارث: زوجتي.
ضلن فاتحات عيونهن، يعني اوكي أفتهمنا ناعمة بس مو الهلدرجة محد يصدگ
صدگ والله زوجتك أستاذ
هههههههه أي
تخبل تخبل أستاذ والله هنيالك عليها الله يحفظكم أن شاء الله.
ريم: ويحفظكم عيوني انتن.
كانت لطافة كلامهم طاغية الدرجة غصب عنك تحبهن
ودعنه وراحن كملنا طريقنا نضحك لأن محد يصدگ متزوجين
ريم: كلش لطيفات البنات.
وارث: احم، يعني ما ضجتي
ريم: لا عيوني ليش أضوج هنَّ طالبات عندك وأنتَ مو بعمرهن
علمود أتصيرلي فكرة محلوة براسي شبيك وارث مو صرت عاقلة اني مو مثل قبل.
وارث: أروح فدوة للعاقلة، زين وإذا چبيرة
ريم: أذبحك أنتَ و وياها
مو علساس عاقلة
لا بهيج وضع أرجع لخبالي.
حسيت صار عندي ألم بظهري عقجت وجهي بألم
هااا شگتلج
خلي نگعد.
دخلنا بأحد المرطبات إلى موجودة گعدنه بيها أبتسمت بوجهه أطمنه
ريم: لا تخاف مابيَّ شي
وارث: و ظهرج.
هسه أرتاح
صوچي خذت بكلامج.
دگ جهازه رفعه هم أنطاه رفض، قلقني هذا الوضع
صارله يومين كل مايتصلون عليه ينطي رفض
طلبنا عصير
لزمته أشربه وعيوني تراقبه، بس ما أريد ارجع
مثل قبل وأتسرع وأحكم غلط، اخذت رشفه من العصير إلى گدامي مال ليمون.
ريم: عمري، ليش ما أتجاوب
وارث: مو مهم برنسس
ريم: أهاا، أبتسمت، تمام.
وارث: بعده يأذيج ظهرج
لا أحسن
هسه من نرجع ناخذ تكسي
إلي يعجبك.
لزم أيدي ضل يسولف ويايَّ عن مواضيع عامة
وارث: ريم.
ريم: عيوونهاا
وارث: شنو أتريدين أيصير عندنه بنيه لو ولد
ريم: ههههههههه أول مرة أذوف رجال يسئل هذا السؤال بالعادة النساء تسئل.
مو مشكلة نغير، جاوبيني
والله ما أدري مايفرق عندي المهم يجي بأتمام صحته وعافيته
أن شاء الله
ليش سئلت هذا السؤال
ردت أشوفج شنو حابه يكون مولودج الأول.
سكتت أباوع للناس الگاعدة
وارث: سُرى هم تتقرب الج
ريم: لا عبالك ما تعرفني، بس سمعت من الطالبات راح تتزوج قريباً
وارث: أها. الله يسعدها.
رجع يدگ جهازه هم رفضه رفع راسه شافني أبتسم
أنطي صامت أفضل
قلقتني هل المكالمات ليش ما اتجاوبها
گتلج مو مهمة
شمعرفك مو مهمة هسه جاوب ممكن أكو شي مهم
ما يحتاج حبيبتي، أعرف المهم من المومهم عوفينه
هسه من المكالمات، شلون صرتي بعدج مختنگة
صرت أحسن.
كملنه وطلعنا أخذلي من المحلات الموجودة حلويات
علمود من أدرس اكل بيهن بس بقى بالي يم المكالمات الغريبة هاي.
رجعنه بتكسي، بس زين نفسي مالعبت، يمكن السبب.
چان من العطر إلى حاطه وارث بالسيارة هل لعبت نفسي.
وصلنا للبيت فتح الباب وارث بالمفاتيح إلى عنده
أول ما دخلنا زيد و آدم و الباقين گاعدين بالحديقة وياهم
بس وَهج ماموجودة ولا الكبار سلمنا گعدنه يمهم.
آدم: هاا الحية تونستي
ريم: أي
آدم: تعترفين أنتِ حية يعني
ريم: احترررم نفسك.
عميد الدين: والله دوختنه كاافي
قصي: أي والله
آدم: هاااااا هاااااااا
زيد: باعووووك ياخوية باعوووك.
وارث: انجب.
زيد: أخوي اكبر مني تاج راسي غصباً عني أحترمك و أحترم مرتك.
رحت يم صفا الگاعدة ساكتة
ريم: شلون صارت صفا
صفا: نفس الشي
ريم: الدكتور شدا يگول
صفا: لازم تساعد نفسها وتلتزم بالتمارين بس هيَّ قافلة وَهج عجزت تقنع بيها.
اندگ باب البيت الساعة چانت بالعشرة بالليل راح زيد فتحه
ما أنشوف بس دشداشة رجال واگف نهضوا الولد من مكانهم
وارث: هذا أبوي.
آدم: شيسوووي جااي هنا.
دخل يمشي خالي هادي أبو الولد سلم عليهم بس محد رد السلام
دخل جوا، الولد بقوا صافنين من جيته
عميد الدين: شعنده جاي
وارث: خلي ندخل جوا نفهم شكو.
دخل الكل واني وصفا وياهم، چان گاعد بالصالة
بطبع جدي ما يطرد الشخص من بيته إلا بعد ما يچفص ببطنه
لأن يگول هو عاتب عتبة بيتي وتنحسب عليَّ
بس الغريب
جدي أتبرأ من خالي هادي شيسوي هسه هنا.
عزام: شعندك جااي هادي
هادي: أريد احچي وياكم بموضوعين.
عميد الدين: مواضيع شنو، أحنا شنو إلى يربطنه وأتريد تفتح مواضيع؟
هادي: أكو بوية أكو.
عزام: احچي
هادي: انا استقاليت من شغلي وبقى راتبي التقاعدي
وما جاي يكفيني، لأن راتب التقاعد مو مثل الراتب من أنتَ تداوم
وارث: ليش وين ولد أولاد كوثر مو هم ولدك أحنا شكو جاي علينا.
هادي: رايد منكم كل شهر تخصصولي مبلغ من رواتبكم وشغلكم
آدم: نعمممم؟ ماليششش نخصصلك ليشش حضرررتك أنطيتنه بيوم.
علموووود هسسسسه جااااي أتريد ننطيك فلسسس واحد ما أتشووووف.
لزموا آدم إلى أنگلب گلاب بكلام أبوه لازمي عميد الدين و وارث.
دخلت وَهج على أثر صوت العياط مال آدم إلى صار يرج بالبيت، ما مفتهمة شكو.
عزام: أسكت آدم خلي نتفاهم، دار جدي على خالي هادي، أي و الموضوع الثاني شنو.
تحمحم خالي وخلاهم هل المرة يتخبلون كلهم مو بس آدم
هادي: أكو ناس خطبوا رونق مني.
رونق چانت گاعدة بصف جدي
رونق: شنو شنو؟ ما سمعت.
هادي: خطبوج مني بوية
رونق: هههههههه بوية؟ أي ومنو هذا إلى خطبني
هادي: ناس خيره ومعروفة والولد يشتغل بالميناء.
مسحت وجها رونق، وأيدها صارت ترجف مبين حالتها
راح تجيها ركض عميد الدين عليها ساحب البخاخ مال الربو مالتها
أنطاها منه گعدها لازمها زيد رجع على أبوه.
عميد الدين: زحمه والله زحمه نهينك وأنتَ محسوب علينا و أبونه
ولا مستعد أغضب ربي بسبب شخص مثلك لأن يگلك
يبقون أم وأب وغصباً عنك تبقى محترمهم ومقدرهم.
آدم: خلي حيدووووري يخصصلك راتب مو هو أبنك
ورونق لووو تنمد جنازتهاا هنا ماتاخذ واحد من طرررفك.
هادي: تتحداني آدم؟
آدم: و أتحدا اكبرررر راسسس.
گال خالي بطريقة مُستفزة الهم
هادي: إذا أريد أزوجها لا أنتَ ولا عشرة مثلك يمنعوني ابقى أنا الأب
وبوجود الأب محد اله كلمة، خلوا هذا الشي أبالكم.
وارث: مو من حقك لأن هيَّ بالغة السن القانوني هههههه
و خاف ماعندك معلومة، رونق محامية يعني هيَّ حقوق غيرها.
تاخذها غصباً عن الخشوم بالحق، ما بالك بحقوقها؟
رجع گعد بكل ثقة بقينه اني والبنات صافنين عليه شنو من رجال ماكو هيج.
هادي: طلبي الأول تخصصولي مصرف كل شهر غصباً عنكم
وإلا أشتكي وأتصير محاكم بينه، والثاني بيني وبين رونق انتم ما تدخلون.
الكل صُفن بطلبه، وشلون كان بطريقة مُستفزة
ما أشوف غير آدم صعد لفوگ، دقيقة دحدة ونزل يصيح
وما نسمع غير صوت سحبة الاقسام مال السلاح إلى دبت الرعُب بداخلنا.
ركضوا أخوانه عليه يريدون يلزمونه إلا هو أتخبل
آدم: وحگ دين محمد أحط طلقة بررراسك وبررراسي و أفضهااااا.
جدي ساكت، صفا وجها أنقلب اصفر من الخوف صارت
تبلعم من شافت حال آدم، والسلاح إلى بأيده
عميد الدين: آدم أتعوذ من الشيطان.
أشرلنا زيد على رونق رحنالها چانت تعبانة من زمان ماجايتها حالتها
بقوا يتصايحون آدم و أبوه، باجي سلمى ما طلعت ولا أتدخلت.
هادي: وووينهااا امكم فرررحانة ولدها هاديننن على أبووهم.
آدم: يااا ابوووو منين أبوووونه، أحنا أبوونه عززززام مووو أنتَ
قصي واگف بصف وَهج ما أتدخل بينهم.
عميد الدين: جددي تتصرف أنتَ لو أنا أتصرف؟ هذا مسووودن لا أيسويلنا مصيبة.
گام جدي وجهه محتقن
عزام: سمعت الجواب من أولادك هادي بعد ماعندك حجه ثانية
أطلع من هذا البيت ولا ترد اله، أنتَ سقط حقك من زمان بس چانوا ساكتين الشيبات أمهم إلى طلگتهاا.
دفعوا الولد آدم لبرا لأن خافوا لا أيسوي شي بسبب عصبيته.
إلي تخليك ترجف مجرد أيصير عصبي يفقد وفوگاها بأيده سلاح
والله إذا أيسوي شي غلط يروح شبابه كله بسبب هذا الخطأ.
رجع عميد الدين عيونه بگصته، سد الباب مال الصالة
صفگ أيد بأيد بقوا
عميد الدين: عووفنه يأبه عوووفنه أعتقنه مو عمرك كله
ما سئلت عنه
أحنا بعمرنا ما أخذنه شي منك ولا أنريد منك شي بسسس عوفنه
نعيش مرتاحين هيَّ الدنيا كاافي مصايبهااا علينا تجي أنتَ تزودهااا
والله إذا أطلع ضيم گلبي منك ما أخلص للصبح كاافي.
عندك عائلة أختاريتهاا بنفسك هايهيه أعتبرنه ميتين
أتريد مصرررف يُبا انا أدزلك المصرف بس عووف أخوواني لا تتقرب الهم
تدري ب آدم يتخبل منك ومن طاريك لاتطلع گدامه جاي أتوووسلك تعوووفنه.
هادي: مصرفي أريده منك.
عميد الدين: هايهيه
ورونق
لاااااا تخبلنييي رونق مالك علاقة بيهاا.
طلع خالي هادي بعد ماوزع النار بين الكل وخلاها تشتعل.
ريم: رونق شلون تحسين نفسج.
حچت بتعب
رونق: أحسن، آدم وين.
اجه عميد الدين لمها الحضنه يباوعلها بخوف
عميد الدين: شلون صرتي بنيتي
رونق: زينة لا أيضل بالك، بَس آدم
لازمه وارث وزيد لا تخافين عليه تدرين بعصبيته.
غمضت عيونها، وعيون عميد الدين تباوعلها.
قصي: أسف على السؤال، بَس رونق مريضة ربو؟
عميد الدين: أي
صارلي اهوايَّ هنا ماشفتها بهيج حالة
من أتشوف نفسها تريد تجيها حالتها تصعد الغرفتها تاخذ علاجها.
هز براسه قصي ضل يباوعلها متفاجئ.
دخل آدم اجه بلهفة حضن رونق.
آدم: أنتِ زينة
رونق: أي، وأنتَ
آدم: مابيَّ شي يابعد عيوني أنتِ.
أبتسمت اله وبقت حاضنته، سحبت نفسي من يمهم
رجع جهاز وارث يدگ، بس مامهتم اله، نرفزتني هل الاتصالات.
بدأ يهدأ الوضع، وصار نقاش بين عميد الدين وأخوانه
وارث: بَس أنتَ مالتيش تنطي
عميد الدين: ميخالف نتكفى المشاكل وارث إذا ما أسكته هيج
راح يبقى كل فترة يجي يسوي مشاكل لو مو جدي يتبرأ منه
زيد: هاي سوالف كوثررر بنت الجايفةةة.
ضلوا يتناقشون وختمها عميد الدين گالهم محد يدفع شي منه
كل شهر انا بنفسي أنطي مبلغ يكفي وهيج نسكته
لأن فشل گدام الناس نتعارك ويا أبونه والعالم ما راح
تگول هو غلط راح يذبون الصوچ بينه ويگولون يبقى أبوكم.
مر اليوم ومر اليومين والثلاثة والاتصالات على وارث لازالت مُستمرة
رجعنا من الدوام بيومها أتغدينه لأن هو مامتغدي
ريم: وارث عادي تنطيني جهازك أدرس بي جهازي طافي شحن
وارث: أي عادي كملي اكل بالاول.
كملت غسلت مواعينه صعدت وياه علمود أدرس
دخلنا للغرفة عيوني تراقبه بدون ما ينتبه طلع جهازه ما أدري شسوا بي، وأجه قدمه الي
وارث: هاج بوية أدرسي عليه بس لا تصفري شحن عندي طلعة
ريم: أن شاء الله.
اخذته منه گعدت نيتي مو أفتش، بس
دا أحس
بشي غريب ذني الايام، ما دخلت غير على قائمة المكالمات
بقيت أدور بيها كلها محذوفة بس عميد الدين وآدم موجودين
وحتى مو اتصالات أهوايَّ، طفيته و گعدت ادرس بس عقلي.
أتشوش صار مايستلم أي معلومة بسبب تفكيري إلى صار بهذا الموضوع.
للعصر گعد، أنطيته الجهاز فتحه طبگ حواجبه
وارث: شنو ما مستخدمته
ريم: لا أستخدمته
وارث: أنطيتچياه بي 85 وهسه بي بس 80
ريم: يمكن جهازك ما يصرف شحن وهم مو اهوايَّ درست عليه.
هز براسه وبدأ يجهز نفسه يريد يطلع
أنتَ وين رايح
للمحل مال عميد الدين
اممم شتسوي
شغلة عندي وياه
تتأخر
يجوز أجي وياه، ليش برنسس محتاجة شي
لا سلامتك مجرد سؤال.
أجه حضني من وره، مثل عادته يبوس خدي يجعصه جعص
ريم: شوگت تبطل هالحالة
وارث: من تبطلين أتصيرين حلوة.
أبتسمت الكلامه، بس داخلي مامرتاح ما أدري ليش.
سحب أغراضه وطلع، ركضت للشباك أباوع شفته طلع بسيارته
أتمددت بمكاني، أفكر بالموضوع إذا ما عنده شي ليش سجل
الاتصالات فارغ مابي مكالمات، بالعادة إذا شخص يتصل
أكثر مرة اكو بين قوسين عدد الاتصالات بس مالكيت هذا الشي عنده.
معقولة ناريمان رجعت تحاول تتواصل وياه؟
بلعت ريگ بأنزعاج هزيت راسي برفض لا مستحيل
أنتهت من حياتنه هل الإنسانة.
نمت بمكاني للمغرب گعدت
هو بعده ما راجع نزلت يم البنات وَهج وصفا مشلوع گلبهن
باسراء من جهه ماجاي تتجاوب ويا العلاج ومن جهه
هم لازم أحد دائماً يمها، ما تگدر أتسوي أي شي وحدها
بسبب الشلل إلى عندها، رغم التعب إلا هنَّ ماعايفاتها وقصي وياهن.
گعدت يم أمي
نجاة: چنتي نايمة ريمه
ريم: أي يووم تعبانة ونمت
نجاة: شلونه الحمل وياج.
ريم: يعني زين مرة هيج ومرة هيج.
اكلي مو تبقيلي على النستله والعصيرة ماتغذي يمه وأنتِ بداخلج طفل
والله من أجوع اكل، بس مرات مالي نفس.
ضلت تحجي ويايَّ
لازم أنتبه النفسي لأن مو بس نفسي اكو نفس بداخلي و هو كل كلامها صح
بس وحدتنه بأول أشهر من حملها يطيح حظها بسبب النساوه.
رجعوا عميد الدين و وارث والباقين هم نزلت زينب شايله أبنها
صاروا هوسة عليه الكل أيريده أمي لازمتني.
نجاة: ولچ لا تجي دفرة من هل المخابيل وأنتِ حامل
ريم: وارث حباب جيبه إلي.
أخذه من آدم الصار يلعلع علينا بصوته
آدم: موووو اگلك ممشيتك على الصراط المستقيم هل الفصمة زلم اخر وگت.
زيد: علساس أنتَ ما ممشيتك صفا مثلها دسكتوا
خربتكم النسوان، امداها من خوه.
ضلوا يتلاغون بينهم حط وارث زين العابدين بحضني
ناعم وابيض يخبل، مطلع السانه يفتح عيونه ويغمضهن اريد اكله من لطافته وجماله.
ريم: إذا بنتي لو أبني ما يطلع مثله أنتحر
وارث: شوفي أيديه شلون صغار.
مد أصبعه داخل أيد زين العابدين يلعب وياه
ريم: وارث خلي نأخذه الليلة يمنه
وارث: لا حبيبتي بعده صغير يحتاج أمه من يكبر ناخذه
ريم: خوش.
بقى بحضني و كل مايريد آدم لو زيد يجون يأخذونه
يعيط بيهم عميد الدين يخليهم يرجعون المكانهم.
وارث: راح أتوضه و أصلي يمج عميد الدين بس يسولج شي أنطي أشارة يعلسهم الچ
ريم: هههههههههه تمام.
حط غراضه جهازه ومحفظته يمي وطلع بقيت ألاعب ب ابن أكرم
اجه اشعار رسالة على جهاز وارث اخذته چان رقم داز بس وارث.
بقيت أباوع أنتظر يدز شي ثاني أو لا، رجع دز مجموعة صور
نهضت من مكاني أنطيت زين العابدين ال آدم
أخذت الجهاز
صعدت فوگ، متأكدة نفسه هذا الرقم إلى جاي يتصل
قبل لا افتحه، اجت رسالة اقرأ من الاشعارات كاتب الصور يخبلن مو.
فضولي خلاني أفتح هل المحادثة ما أدري حظي.
فتحت الجهاز أعرف الرمز دخلت على المحادثة الصور يحملن
بقيت اكرط بأظافيري واني أنتظر الصور
ينفتحن النت ضعيف بشكل، بس اريدهن ينفتحن گلبي
راح يوگف من التوتر ليش مامرتاحة ليش أحس هالصور وراهن شي.
أنفتحن الصور، ياريت ما أنفتحن ولا شايفتهن
صور جانت الوارث ونريمان.
أتجحظت عيوني بصدمة، متبسمرة بمكاني وچانن الصور
هيَّ بدون حجاب، گاعدة بصفه لازمين ايدين ببعض
رفعت أيدي على گلبي، دموعي أتجمعت بعيوني.
أنفتح الباب دخل وارث، ضل يباوعلي ويباوع الأيدي إلى بيها الجهاز
سد الباب، رفع أيده يحاول يفهمني
وارث: ريم اهدأي صدگيني ما مجاوبهاا أتصلت موو؟
طبگت حواجبي دموعي نزلت منهارة
ريم: نريمان إلى چانت تتصل بيك وما أتجاوبها؟
وارث: أي.
غمضت عيوني، لحد هل اللحضة هو ما يدري شنو إلى بين أيدي
كل ضنه شغلة أتصال، لزمني من أيدي نترت أيده مني.
ريم: هو سؤال بس وجاوبني عليه أحلفك بأغلى ما عندك
وارث: شنو، ريم بالاول أفهمي مني.
أي أي راح أفهم بس جاوبني على هذا الشي
رفعت الجهاز گدام عيونه حطيت الصور گدامه
صرت أتصفح بيهن ملامحة أعتلتها الصدمة
ريم: هالصور حقيقيات لو مفبركات؟
بلع ريگه وملامحه أتغيرت كلها غمض عيونه وهوَ يجاوبني بجواب صادم
وارث: أي حقيقيات...