رواية وقار الغريب للكاتبة حوراء السعيدي الفصل الأول
ذات الزمن تتلاشى الأنفاس الحانية في فوضى الأموال الصاخبة
استحال حُب الاهتمام إلى خيوط باهتة مهجورة على حواف القلوب
يُبدل الإنسان جلده بوجوه ملونة من الورق وتُطوى الصفحات الدافئة
تحت أوزانها الثقيلة ب جبروت الظلم يُقيمون محكمتهم داخل أسوار الأرواح
يعتلون عروشها بلا تاج يُطغون ولا يرون
إلا صدى ظلهُم فالفضة والذهب
تُشعل فتيل التحول تتردد الأوصال
من عباءاتها الشفافة وتغلفها.
برداء مُحكم الإغلاق حب هؤلاء الأناس
تلك الاصوات التي كانت تُنشد بتواشيح البراءة تتبدل ألحانها
تُصبح نوتة معلّقة في سماء مُلبّدة بخيوم التوقعات المادية يتحوّلون إلى صخب
صمت مُوجع.
أحد الدول العربية.
وَهج.
فزيت على أثر كابوس مُرعب مُخيف الدرجة جسدي
كله يرجف تنهدت بضيق وحسرة نفسه بكل ليلة يزورني ملاحگني طول هالسنوات
رفعت انظاري
وقوة الرهبة محتلتني ومسيطرة على كاملي
تشدد تركيزي
علي عقارب الساعة بلعت ريگ بضياع وذهول الوقت ضبط نفسه مامتغير لا متقدم ولا متأخر كلشي
نفس الشي ما اتغير من سنين، حضنت نفسي أثبتها خوفًا
من الانهيار هوسة الأفكار إلى صارت بعقلي تعبتني.
نهضت من سريري لازمه مكان معدتي تأذيني ألم مزقها من قوته
فتحت ال مي البارد رغم برودة الطقس القارص ما اهتميت
ما اتحملت أستفرغت من راسي واحس بمعدتي تتشلع
لأن مماكلة شي فارغة غسلت ورجعت الداخل غرفتي والرجفه بعدها بي
دگ جهازي لزمته شفت الاسم المكتوب على الشاشة
فصلته بوجهه مفكر دخول الحمام زي خروجه اتعذب وذل نفسك أكثر اعيش وأشوف ذلتك
تركت الجهاز بجهة مهملة اتوجهت الخزانتي طلعت ملابس.
جدد غير عن إلى لابستهن، بدلت وگفت كدام المرآة، شعرلي الكيرلي، بشرتي الخمرية لون عيوني البُني
كل هذهِ التفاصيل ورثتها منها طول شعري إلى يوصل النص ظهري
لزمت المشط امشط بي ومبتسمة لأن اشبها أشبه امي
سحبت قلم كحلة، عيوني صغار بس مع كل هذا احب
اكحلهن واخفي تعب هالسنين رسمتهن بتدقيق
فتحت صندوق مجوهراتي ومن بين كلشي طلعت الشغلة
الوحيدة الباقيتلي ذكرى منها من بعد ذكرياتها ساعتها مُصممه.
بشكل مُميز لبستها بأيدي أتذكر جانت اهوايَّ تلبسها بس لليوم ماعرف قصتها.
اخذت جهازي وطلعت أمشي بأحد ممرات هذا البيت إلى جمالية
تصاميمه عاكسه على سواده وسوادة أسراره أتلاشت ابتسامة قهر على معالم وجهي كلمة ياريت
اهوايَّ نگولها بس يبقى معناها معروف شي بعد فوات
الأوان ياريت بذاك اليوم ماعفتك تطلع ولاتخطي
خطوة وحدة حتى لو جنت بنص هاوية هذا الجحيم اقلتًا عيوني مانحرمت من طولك ذاك وينكم عني.
تعالوا وشوفوا الدنيا شسوت ويايَّ من بعدكم هفيت
علي وجهي امنع دموعي تتساقط ماكو مجال للضعف
هنا أما تدافع عن نفسك أما تكون فريسة الهم
هيكل خاوي من كلشي كل شخص هنا عايش بعالمه الخاص مايعرف عن الآخر
مفتقرين أهم الأشياء، الحب، الإهتمام، الاحتواء
الرحمه والتودود كل هذا ماموجود بقاموس هذا المكان
ناسه عبارة عن كتلة من الغل والخبث السم يَسري بدمهم
وأما تكون مثل السم مالتهم أو سمهم يقتلك وينهي كل حياتك.
غصبًا عنك تصير قوي وتتحدا كلشي لازم تضل عندك قوا
وتبقى تدافع عن نفسك وذاتك وكلشي يخصك والا حياتك تنتهي
أستوقتني رجليّ گدام أحد الابواب، الباب الوحيد إلى بي
كل سعادتي ودنيتي ابني سَند قرة عين امه
فتحت الباب
بهدوء گاعد بالأرض ويرسم رفع راسه شافني عاف كلشي
اجاني يركض لميته بحضني اسحب نفس من عطره شمصبرني على الدنيا ومصايبها غيره.
سميته سَند
وكلي امل بيوم من الايام راح يكون سند الامه
الي حاربت.
وأتحاربت، وتعذبت عذاب الكافر علموده راح يجازي بيوم تضحياتي لو يطلع مثلهم.
وهَج: صباح الخير امي
باسني بخدي أخذني من ايدي للمكان الگاعد بي يشوفني رسمته
گعدت بصفه لامته بحضني سحب وحدة من الرسمات
راسم بنيه وبصفها طفل رفع عيونه عليَّ
سَند: اني وأنتِ
اخذتها من أيده امتع انظاري بيها عمره خمس سنوات
بس عقله تصرفاته أسلوبه مو يم عمره ابتسمت
وَهج: اكدر احتفظ بيها حضرة استاذ سَند
سَند: ماما
قرة عيني
اني ليش ماعندي اب.
عضيت شفتي وگلبي زادت دگاته الشي إلى جنت خايفة
بيوم من الايام يصير وانسئل عنه السؤال الوحيد الاعجز عن إجابته
التفتت اله يباوعلي بملامحه البريئة الناعمة مسدت على شعره
شنو رأيك ننزل انشوف باجي نادية شمحضرة ريوگ النا؟
هز راسه بقبول سحبت نفس براحة مابقى يسئل عن هذا الموضوع
طلعنه ويا طلعتنه طلعت صفا اختي الصغيرة تمشي بأستعجال
والحذاء بأيد والجواريب بالأيد الثانية ماتبطل هالعادة صحت وراها
وَهج: صفا.
وگفت بنص الدرج دارت وجها ناحيتنه وتكمز عبالك قرد
صفا: لچ عززززا عززززا اتأخرت
أتقدمت بخطواتي الها واسئل بيها
وَهج: الشنو وين رايحة بهذا الصباح
دنگت تلبس بتك حذاء وتجاوبني بسرعة
صفا: مقابلة شغل عندي
التزمت الصمت بعد جوابها لأن اعرف بكل مرة شيصير
رفعت عيونها عليَّ كأنما فهمت سبب صمتي لبست جنطتها وحچت بثقة
ماراح استسلم اني ما انخلقت علمود اكون انسانة عاجزة
بالتوفيق
بيچ شي وَهج؟
لا ليش؟
ملت براسي اباوعلها بأسف ادري راح يكسرونها
مثل كل مرة تروح بيها المقابلة شغل طبطت على ظهري بهدوء
نحن حواء لا يليق بنا الاستسلام
هههههه عااش
نزلت جسمها المستوا سَند جعصته بحضن وباسته ونزلت مكمله طريقها
أتريد تطلع وصار بوجها اخوي عيسى اكيد راح اتصير دمايه هسه
نزلت بأستعجال وراها خايفة عليها أشرت الباجي نادية
طلعت من المطبخ تجي تأخذ سَند ورحت الهم بس شافني صاح
عيسى: اجت الثانية
صفا: سالمين؟ ابتعد اريد اطلع.
حط ايده بجيوبه وابتسامة الشر مرسومة على ثغره
عيسى: وينن؟
صفا: الجهنم مسوين حفلة تجي ويايَّ لأن مكانك الاصلي هناك
جاووووبي بدون تمسلت صفاا
هسه توخر عن الباب لولااا؟
لازم ناسيه اني اخوچ لازم اعرف كلشي عنچ
ضحكت صفا بصوت عالي وتأشرلي باصبعها عليّ
لا لا مش مصدقه ده مين عيسى اخوية انا مش مصدقه ياجماعة
شلون راح اطيح حضها من صباحية الله
يرجى فحصه للتأكيد انُ لم يتعاطى الممنوعات أرجوكم.
أنني في صدمة كبرى ده الكائن بيقول أختي
ادري بيها تحچي باستهزاء لأن عيسى مو مثل اي اخ ماشفته منه شي زين
عاش عمره ويانه يأذي بينه ويفرح الأذيتنه وانكسارتنا رادت تطلع ووقفها كلامه
عيسى: عندج مقابلة مو عود سلميلي على استاذ وليد بطريقچ
صفا: اهااا طلعت تعرفه ما أستغربت
اكيد موفقة بالعمل هذهِ إذا وافقوا عليچ
عافنه ودخل للصالة
وصفا وجها احتقن دارت وجها لازمه راسها بعصبية
يريدوني اقترف خطأ بكد صماخهم يله يرتاحون.
نزلت شذى زوجة أبوي الجديدة هيَّ مو محجبة مثلنه
شذى: صباح الخير عيني بنات
صفا: صباح وبوجوهكم اوعععع
شذى: شبيج عيني مو دا اصبح عليچن مو صوچن صوچي اني
وگفت صفا تقلد طريقة كلامها لأن هيَّ بغدادية
من جماعة الدا بس المشكلة ماتحچي عدل تعوج بحلگها عوج
صفا: مووو لعبتييي نفسي ماتحچين عدل تتنعوصين عبالك
وحدة بعدها شباب وأنتِ رجليج بالگبر اوععع
ينزل الحجي ويتصرف وياچ قليلة تربية
شلون خفت منج يا ام المستويات
شتقصدين؟
القصد واضح زوجة أبي العزيز
باثناء ماجاي يتجادلن نزل ابوي الحجي أشرف
شافهن وحدة گبال الثانية يتشاحنن بالكلام وشذى اكيد اخذت دور الضحية
أشرف: شجاي يصير هنا ليش اصواتچن عالية
شذى: والله العظيم حجي نزلت صبحت عليهن واستلمني
وَهج: ترى أنتِ اتجاوزتي علينه احنا واگفين نسولف طبيعي
نزلتي تحچين علينه شبيچ شذى حتى مو حلوة بحقچ تچذبين بهذا العمر.
اتجحظت عيونها بصدمة من اختلافية الكلام الصارت بس تستاهل.
لطمت على صدرها بتعجب، وصفا ضامه ابتسامة النصر
شذى: شگد چذاابات حجي لا تصدگهن بيمن احلفلك
أشرف: كاافي مالي خلك السوالف النسوان
اتجاهل كلشي ودخل بالصالة إلى بيها عيسى
من تريدين تلعبينها العبيها صح شذى
بسيطة يا وَهج أنتِ جبتيها النفسچ
اتوكلي
اتخبلت من طريقة كلامي إلى تستفزها صعدت الغرفتها تغلط وتسب بينا
صفا: ديربالچ على ابنچ لا هالحية اتسوي شي لأن ماتسكت
وَهج: اتأخرتي امي.
طلعت شفت عمو ابو فراس واگف بالحديقة سلمت صفا وطلعوا سوا
دخلت للمطبخ شفت باجي نادية واگفه وبصفها المساعدة
سَند گاعد يلعب ويا برنسس قطة شافتني باجي عافت إلى بايدها واجتني
باجي نادية: صباح الخير مدام وَهج
وَهج: مدام؟
أشرتلي بعيونها على المساعدة الواگفة هذهِ جابتها شذى وطردت
الجانت موجودة هنا، فهمت قصدها لأن هالمساعدة
مشغلتها جاسوسه علينه تنقل كلشي عبالها ماكاشفينها
صباح الخيرات باجي حبيبتي.
تحبون تتريگون بالصالة لو بالحديقة
ماتفرق نفس الوجوه كل يوم
صاح عيسى بصوت عالي يريد ريوگ حضروا وطلعوا نقلوا للصالة
ريگت سَند وعفته يلعب دخلت عليهم بعدهم گاعدين وشذى نازله
طبعًا تنزل ماتفوت شي عليها گعدت بمكاني اكل ساكتة حچه ابوي
أشرف: بيت الباشا دزولچ رسالة
وَهج: رسالة شنو
أشرف: اذا ماتتنازلين عن القضية الرافعتها يصير شي مايعجب
رجعت ظهري على الكرسي.
وَهج: چاا وصللهم جوابي كلهم وَهج دزتلكم سلام خاص وتگول حجل برجلي ما البسهم
ضلوا صافنين بكلامي كل ضنهم وَهج نفسها الداسوها من سنين، مايدرون كل طعنه قوتني
وكل كسرة حطمتني وكسرتني خلتني الكلمة الاطلعها احسبلها
الف حساب ومتأكدة منها أفعالهم خلتني اصير انسانة بهذهِ الشخصية والبرودة والصلابة
ضرب ابوي ميز الطعام بقوا فزز الكل
شنووووو هالكلام والاستهتاررر
والله بعد شنسوي يا حجي هذا الموجود.
مستقوووية اهووواااييي وَهج
بفضلكم كلشي يتغير حجي
تريدين نهايتچ تنكتب على أيديهم
اني نهايتي من زمان انكتبت والي كتبها هلي من دمي ولحمي فما بالك اهتمالغريب؟
اجتني رسالة على جهازي تغيرت كل الأوزان من شفت الرقم
وهنا كان لازم اطلع من يمهم لأن إذا ينكشف شي تنكتب
النهايات الحقيقية بأبشع الطريق بقيت الدقائق أمثل مامهتمه الشي
لأن إذا اطلع هسه راح تشتغل شكوكهم مر وگت وأبوي.
بس ينافخ بعصبية هه يمثلون الخوف عليّ وهم أساس خرابي ودماري
لو ما هما الباشا وأهل بيته وين يعرفوني بس سهلة يابيت الحجي.
طلعت من يمهم بعد مامر وگت كافي ماخليهم يشگون بشي
طلعت للحديقة الخلفية وصارت الرسائل تتراگع سويت الجهاز silent
وگفت بمكان ما يلمحوني بي فتحتهن أكثر من رسالة مكتوب بيهن
وينچ وَهج ضروري نحچي، يمعودة مو وگت تختفين، راح اسب بيت الحجي واحد واحد.
اخر شي جان كاتب إلى الشي المنتظرته من شهر كامل يصير عندي الأمانة صارت يمي
وأخيراً كتبتله
وَهج: موجود
ثواني وجاوبني
وينچ أنتِ
بالبيت بس الوضع مراقب ما اگدر كل وقت اجاوبك
امانتچ يمي
من شوگت صارت يمك
اسبوع
بهالسرعة
3 اسابيع اشتغل بالموضوع و3 اسابيع كم يوم 21 يوم يعني يوم ينطح يوم مو قليل
أنتَ تعرف مدى خطورة الشي الجاي انسوي
ماراح اسلمها الچ بالوقت الحالي.
صفنت الثواني برسالته شقصده رجعت اكتبله وعيوني تراقب المكان لا يطلع أحد
وَهج: مو هذا چان اتفاقنا؟
الوضع راح يصير خطر خصوصًا بعد مايعرفون
فقدان هذا الملف معناها دمار الهم الكل راح يصير تحت المراقبه ركزي بكلامي وَهج
تتوقع حتى أنتَ؟
كلشي اتوقعي هذهِ إذا ماعض السانه ومات من الصدمة
أبوية إلى بايدينه يمحيهم من الكرة الأرضية
أبتسمت نص ابتسامة
وهذا الاريده اني الدمار
ما أستغربت من الرد.
واني ما اريدك تستغرب وتنصدم لاتنسى العرگ دساس.
نهيت المحادثة وياه وحذفتها كلشي اتوقع ماخلي نقطة
تخليني تحت الشكوك، الحذر واجب مثل ماعلمني، هنا ماكو شي
اسمه مكان للثقة والأمان بأي ثانية اتوقع الغدر من الكل
حتى لو جانوا اقرب الناس الك ومن دمك راح يغدرونك
كل شخص هنا تهمه مصلحته ومايهمه غيرها ضميت الجهاز بجيبي
ورجعت الداخل البيت بس رجعت بخطوات من شفت عيسى
واگف يخابر ويحچي بهمس ويتلفت بجوانب البيت اتقربت.
اله اشوف شبي وگفت وره شجرة موجودة بالحديقة وصوته
چان ناصي كلش بصعوبة گدرت اسمع الكم كلمة بس ا
كيد ماجانن كلمات عادية وراهن سر.
عيسى: مووو گايلچ لااا تتصلين اله اني اتصل عليچ، گتلچ بالليل اجي ونتفاهم لا تبقين تتصلين
وتخليني اصير تحت الشك، هههه شنو تهددين. جربي توصلين وشوفي شراح يصير
سد الاتصال ورجع يمشي سريع
جوا للبيت بقيت افكر منو هذهِ وليش عيسى هيچ خايف منها.
رجعت جوا هم شفته گاعد بصف ابوي وگدامهم كم ملف يتناقشون بي كملوهن وطلعوا الشغلهم
وره ساعة طلعت شذى لابسه ومتكشخه مادري وين وهنا جانت فرصتي اسوي إلى ابالي واطبقه
صحت الباجي تصعد ويايَّ الغرفتي دخلت گدامي قفلت الباب وراها
ضلت تباوعلي مستغربه من تصرفي بس هيَّ جبرتني على هذا التصرف
باجي نادية: ليش قفلتي الباب وَهج؟
وَهج: سؤال واحد إذا جاوبتيني هالباب ينفتح.
بس إذا ماحصلت الجواب ماراح ينفتح الى ان احصل الجواب السؤالي
اتخبلتي؟
خبلنييي الماضي إلى كلكم مدسرين عليّ
افتحي الباب وَهج هسه يرجع ابوچ
باجي
ضلت تتهرب من نظراتي اني لو مامتأكدة تعرف شي وضامته
ما اتصرف هالتصرفات بس تجبرني على فعلها
وَهج: بذاك اليوم شنو إلى صار بين ابوي ورائد؟
رائد اخوي إلى برمشة عين مات لاااا تگليليي الحادث مامتقصد
باااجييي الحادث فعل فاعل وسدوا القضية بفلوسهم احچييي وريحينيي.
أنتِ الوحيدة الجنتي موجودة بذاك اليوم
مسحت وجها إلى انخطف لونه وايديها صارن يرجفن
شلون تنامين الليل وتعرفين السبب بموته
ح حادث اي حادث
مووووو حادث لاااا تحاووولينن تضحكين عليَّ
وَهج افتحي الباب ابنچ جوا وحده
احچيلي منو أبوي؟ عيسى؟ لو شذى؟ لو اكو طرف مجهول ما اعرفه؟
لا تفتحين دفاتر الماضي الوحيد الراح يتأذه أنتِ
أذية شنووو ولكم اخووووي بعمرر الورد هستوهااا.
الدنيا ضحكتله انقتل ودمه محددد اتحاسب عليّ شلوننن تريديننن اسحب نفسي
ما انصحچ تعرفين اسرار هذا البيت لأن عقلچ ماراح يتحمل
بس انصحچ تحاولين ترجعين للعراق هناك راح تكتشفين كل الدفاتر القديمة
العراق؟
اي وَهج هناك راح تلكين اجوبه الاسئلتچ
بس رائد انقتل هنا مو بالعراق
أبتسمت بوجهي بملامح غاطيها الحزن
هناك اجوبتچ راح تلكينها
اخذت المفتاح من ايدي فتحت الباب وطلعت خلتني بنص أفكاري.
ياعراق هذا واني مارايحتله غير مرتين بطفولتي حتى ما اتذكر عمامي كلش بعمر صغير رحت هناك
بس شنو جان قصدها باجي نادية اجوبتي الكاها إذا ارجع
شنو رابط موت اخوي رائد هناك لزمت راسي الراح ينفجر من كثرة الاسئلة الصارت بي.
رجعت صفا العيون حمر دم وعرفت تم رفضها مثل كل مرة
والسبب أبوي وعيسى يريدونها تشتغل وياهم وهيَّ اخذت طريقي
اني ضميت شهادتي ورفضت الشغل وياهم أما هيَّ لليوم تحارب.
علمود تحصل شغل خلونه ندرس إدارة أعمال غصب عنه رغم
مو هذا حلمنه ولا إلى ابالنا بس چان حكم القوي على الضعيف هوَ الماشي
لليل وهيَّ حابسة نفسها بغرفتها رجع الكل مانزلت مالي خلك
للمشاحنات وياهم دگيت الباب عليهم ودخلت چانت گاعدة ولازمه جهازها
تكتب ماعرف شنو وگفت بجهه اباوعلها رفعت راسها
وَهج: ماراح يتركونچ اله تشتغلين وياهم
صفا: لو ادري اگضي حياتي كلها ادور على شغل وما احصله ما اشتغل وياهم.
معناها راح تبقين بهذا التعب
إذا موتت أحد بيهم بيوم لا تلوميني
نبرة كلامها خلتني اخاف منها اتقربت الها حضنت وجها بكفوف ايديَّ
انطيچ نصيحة وأنتِ حرة الاستخدام بيها
ماتفيدني النصائح، اني وأنتِ عقليتنه تفكيرنه مختلف
اسمعي. التسرع عمره ماجاب نتيجة دائمًا اسبقي اللعبة بخطوة
يعني العبي بيها قبل لا تلعب بيچ بس بهدوء على البارد
أنتِ إلى اتحكمي بيها مو هي تتحكم بيچ وهيچ راح.
تضربين عصفورين بحجر واحد، اخذيها قاعدة بالحياة
كلشي يتخطط بعقل هادئ يفوز ومايخسر أوهميهم بالغباء بينما أنتِ كاشفه كل اللعبة
صفا: عقلچ يخوفني بعض الأحيان
وَهج: تعيشين هنا وتبقين غبية عيب بحقچ امي
شنو إلى براسچ هذا هدوئج بعده عاصفة
انتظري اللعب
انشوف بنت الحجي ولعبها
والله ابونه مو شكول حجي بس شنسوي طلعنه للدنيا وهم يصيحوله الحجي
اريد افهم جدي شنو جان إحساسه من سمه ابوي اشرف
عباله يطلع شريف.
اثنينه صفنا بكلامنا احنا بيا حال ونصنف طكيناها بضحكه سوا
واختفت ضحكتنا من سمعنه صوت صرخة شذى الرجت البيت رج
بصراخها طلعنه نركض نزلنه على الدرج وانصدمنا بالگدامنا.
العراق بابل
ريم.
في البداية الدفء والعناق وفجأة الجفاف والبُعد تلاشت المشاعر
ذابت الآمال كأنها أحلام تتلاشى وتنساب
كلمات قاسية جروح عميقةقلب ينزف
ألم لا ينتهي رقة تلاشت حنان ضائع
وحيدة في عتمة بدون أمل
كلمات كسياط جروح مكبوتة
روح مثقلة و عتمة طويلة
ل نور الهُدَى
گاعدة بحديقة بيتنه الصغيرة لأن مساحته على گدنه
طلعت امي بايدها المعجنه مال العجين حطتها.
ووگفت تخبز بالتنور الطين ماعندنه غاز انتظرت نوال صديقتي الوحيدة نروح ونرجع سوا للدوام
اندگ الباب عرفتها هذهِ دگتها اخذت كتابي مال الاحياء
اليوم عندي امتحان شهري واني سادس رحت الامي قبل لا اطلع
ريم: يووم اني رايحة للمدرسة تريدين شي قبل لا اروح
نجاة: انتبهي لدروسج ولا منا ولا منا ريم يمه
ريم: قابل وين اروح للمتنزهات شو مدرس يطلع مدرسة تدخل حتى بالفرصة مانطلع مرات
مخليتلچ فوك الثلاجة الف روحي أخذي عزلته.
البارحة الچ مصرف من الخياط مال ام حمزة
شعجب جابت الخياط كل مرة تخلي ارواحنه تطلع يله اجيبه
خزرتني امي بعيونها ماتقبل احچي على أحد دخلت جوا
اخذت الالف واكيد لازم هذا الالم اخلي مصرف اربع ايام
كل يوم ربع وإلا ابقى بدون مصرف فتحت الباب شفت نوال
واگفة سلمت عليها وطلعنه للشارع نمشي
مامأجرين خط لا هم الحالتهم تسمح ولا احنا يادوب التقاعد
يكفينه احنا واهلنه أبوية يشتغل ببسطيه وأبوها بمخبز وبيوتنه إيجار.
نوال: خاب هذا شكد منطينه مادة لو مخلي الكتاب كله احسن
ريم: مابقى شي وانعطل علمود ندرس للامتحانات النهائية
نوال: هنيالچ ضامنه دخولچ
ريم: أن شاء الله أنتِ هم تدخلين ونمتحن سوا ونطلع معدل حِلو وعالي
اووف شوگت والله بالمطره الأخيرة البيت ضل يصب مي علينه
ماتگدرون تغيرونه
هذا ارخص بيت نگدر ندفع إيجاره لا تنسين اختي الجبيرة
هم جامعة وأخوي ثالث متوسط واني سادس وهم دانكلف بابا زين منه ديلحك هذهِ إذا ماطلع متداين.
تهون
وأنتِ شنو وضعچ
ماكو شي جديد نفس الوضع ارجع من الدوام اقرأ شويه
ونوب اگعد اخيط ملابس الناس هم احصلي كم فلس
ريمه ترا رگبتچ راح تدمر هم خياط وهم تقرين
شسوي لعد نوال حالنه مو احسن من حالكم هذهِ عود بس
اني عند اهلي ومدا يلحگون ابوية فقراته هالفترة واليوم نايم
بالفراش ما يگدر مريض كلش البارحة للصبح گاعدة مكابلته
تعبتني عيشة الفقر بس اگول الحمدالله يمكن احنه احسن من غيرنه.
هيچ كل يوم تضل وحدة تشكي للثانية دخلنه للمدرسة واول درس الامتحان
جهزنه اوراقنه ودخل الاستاذ يحچي سريع حتى المامتور يتوتر بكلامه
استاذ باسل: الكل بمكانه بسرعة نزلوا الجنط بالأرض
ما اريد اي شي على إذا الگه شي مخالف اعتبره غش
وانطي صفر يله بابا استعجلوا، سوينه مثل ما گال وبدأ يرد بالاسئلة
بالنسبة إلى چانت لا بأس بيها مستواي الدراسي زين
ادرس واتعب اريد احقق حلمي واصير دكتورة اسنان حلم طفولتي هذا.
اريد اطلع أهلي من هذا الفقر الشبعنه بي ضيم
اريد ارد مجازاة تعبهم الي
أبوية إلى يبقى ايام يشتغل علمود يجمعلي فلوس ملزمه لو شجازي
امي إلى تخبز للناس وتساعدني مادري شلون اردلهم كل هذا
بديت احل بالاسئلة الاعرفها أبوية دائمًا يوصي بيَّ السؤال
الي يشتتني وما اعرفه اتركه للأخير علمود ما اخسر وقت والحك
علمني قبل لا ابلش بحل الاسئلة أردد بدعاء الفرج لتسهيل الأمر وينجي قارئة من الصعوبات.
شويه ويدگ الجرس كملت سلمت ورقتي وطلعت افتر بالساحة
نوال بعدها نايمة على الورقة اكو رحلة حاطينها گعدت عليها انتظرها
عيوني تفتر بالساحة تباوع للبنات واگول بداخلي شكد لبسهن
حِلو وكله من هذا الغالي ارقى الصدريات والقمصان اغلبهن
هذا لبسهن أما البعض لا مثل وضعي ومثل مايگول المثل مد رجليك على گد غطاك
طلعت نوال
من الصف رفعت أيدي الوحلها علمود اتشوفني بس شافتني
اجت تركض گعدت بصفي فرحانة وعيونها تلمع بفرحها.
نوال: بس فرع واحد غلط كله صححح
ريم: عاشت ايدچ اني هم مو كل الاسئلة بس انجح
مالت براسه على كتفي وصارت تحچي مثل كل يوم واني مبتسمة
علي كلامها لأن يزرع بيَّ طاقة إيجابية
نوال: اتخيلي اني وأنتِ لابسين اللابكوت الصدرية البيضة
مال الدكاترة ونمشي بالمستشفى ويصيحون دكتورة نوال دكتورة ريم
ريم: هههههههه والله يانوال فد عندچ سوالف حلوة
نشجع انفسنا لعد شنسوي لچ امي كل هالدراسة تگلي شدارسة.
ومابيج خير وبنات خوالچ احسن منج وبنت فلان احسن منچ
ريم والله الكلام يقهر مالتها ليش مدا اتشوف تعبي ابقى للصبح
ادرس من عندي امتحان ماتشوف هالشي بس من اترك الكتاب تشوفني
اول مرة چنت اشوف نوال بهالحالة وچان الواضح امها اهواي
ماذيتها حضنتها اواسيها لأن امها مهما يكون ما اگدر احچي عنها
لا تزعلين مرات الأهل يحچون علينه علمود مصلحتنه
نزلت دموعها تبچي
ريمه امي ماتحبني الوحيدة تعاملني بهذا الأسلوب.
لو اتشوفين اختي ماتخليها تلزم العود وأخوي شيريد تجيب
اله اني نوال روحي نوال تعاي نوال جيبي هذا الشي والله مرات تگومني من نص دراستي علمود اشتغل
ومن اكلها ادرس تگلي هسه إلى يشوفچ يگول راح تطلعيلي طبيه
وابوچ
بابا من فدوة اروحله مامقصر ويايَّ بشي ومرات يتعارك وياها
لأن تضل تطلعلي شغل من جوا الأرض تريد دراسة وشغل
لا تضوجين حبابه
بقت اتسولفلي عن عذاب امها الها خلتني مصدومه ماتوقعت.
امها تكون بهذا الأسلوب والقساوة بحيث واصلة مرحلة اتمد أيدها عليها
دگ الجرس للصفوف وهيَّ هادئة بعد مابچت وطلعت إلى بگلبها
ريم: يله نونو راح تجي ام الرياضيات إلى يحبها گلبچ
بعدها بحضني بقت مانطت أي ردت فعل دغيتها ببطنها
بالعادة من اسوي هالحركة تطفر من مكانها بس هالمرة بقت بمكانها ماتحركت
نوال لچ كوومي والله ماتدخلنه إذا اتأخرنه وتدزنه للمديرة
ماچان اكو اي ردت فعل منها گرصني گلبي وحاولت اچذب احساسي.
وشعوري بهذا اللحضه ضربت على خدها بخفه همست
ن نوال
تحركت اريد اگوم وگعت أيدها انضربت بالرحلة من جهتها
عجزت شنو إلى اسوي چانن الطالبات بيهن جاي يدخلن لصوفهن
بس من شافنه كلها التمت علينه اجت المديرة والمدرسات
يريدون يأخذونها مني مچلبه بيها صديقة الطفولة والعمر برمشة عين خسرتها وهيَّ بحضني
رنت كلمات المديرة وهيَّ وياها استاذ باسل وهم يگولون
انا لله وانا اليه راجعون
نزلت عيوني عليها بهدوء شفايفها صايرة بيض.
ريم: نووووال حبااابه نووووال اگعددي ويننن رايحه
لچ نوووووال قبل شوية چنتييي تحچين باحلامنااا
ابوووسسس ايدچ افتحييي عيوونچ حضنتها الصدري جمرة موتتها غيرت اهواي شغلات بحياتي
رخى جسمي وعيوني غوشت اخذوها مني وعيوني تراقبهم شلون شالوها
غمضت فاقدة الوعي من الصدمة عقلي وكلشي بيَّ رفض يتقبل
موتتها بحضني ماتتت بين ايديَّ چانت حاضنتني
فتحت عيوني واني بالمستشفى واگف على راسي أبوية وامي.
گعدت مفزوعه عيوني تدورها شنو هذا الموت معقولة بكل سهولة
ياخذ روح بني ادم وهوَ مابي شي وگاعد يسولف ضربت وچهي اصرخ
يومين بالمستشفى بعدها طلعوني ماحضرت حتى فاتحتها أستصعبت اگعد بفاتحة صديقة عمري روحي ماتتحمل
ويا موت نوال تغير كلشي بحياتي وچان سبب موتها سكتة قلبية
اني شهدت اخر كلماتها اخر عذابها من الدنيا رجعت اداوم وكل مكان.
اشوفه بالمدرسة النا بي ذكرى، أهلها بعد وفاتها انتقلوا الغير منطقة وماعرفنه شي عنهم بعد اختفوا
انطونه عطلة السادس وجان إلى يحفزني بكل مرة أفقد شغفي بالدراسة
هوَ كلامها اخر مرة وشلون چانت تحچي عن الحلم بدينه نمتحن
أهلي وگفوا وياي ماعوفوني بكل خطوة چانوا مسانديني حد ماكملت الامتحانات
وهنا بدأ العد التنازلي للنتائج ماهتميت النفسي بگد ما اهتميت
احقق هذا الحلم وعدتها بأحد الليالي احققه واصير مثل ما اتمنت.
دخل أبوية بايده علاگه باسني براسي حطها گدامي فتحتها جان بيها
حلويات دمعت عيوني على حنيته
ريم: بابا لا تضل تصرف بفلوسك عندي والله
عدنان: شعندي غير ريمه اني
دنگت راسي ودموعي نزلت ذكرتها جانت ماتصيحلي غير ريمه
مشت الايام يوم بعد يوم واني انتظر النتائج أبوية يوم يشتغل
ويوم مايگدر بسبب ظهره حرنه بي لا عندنه المبلغ إلى يكفي
وناخذه على حسابنه ولا يقبل ياخذ الفلس من خوالي امي رادت.
تخابر جدي وتطلب منه ماخلاها وعشنه ايام جرعنا بيها المر
والعلاجات إلى نجيبها من المستوصف ببلاش يمنه، اجه يوم النتائج
لبست امي عبايتها علمود تروح الجيرانه يطلعون النتيجة مالتي
لأن ماعندنه بس جهاز ابوية من ذني الاصدارات القديمة بقيت افتر واكل باظافري من التوتر وامي اتأخرت
كل شوية ادخل الأبوية اشوفه لأن وضعه بدأ يسوء للاسوء
دخلت امي اتهلهل رحتله اركض ودموعي بعيوني
ريم: هاااا يووم بشررريييي.
حضنتني تبجي وشكت أذني بهلاهلها وتبوس براسي
نجاة: والله وسويتيها يبنت عدنان وراح تصيريننن دكتورررة
ضحكت بنص دموعي يعني صدك راح اصير دكتورة اني حققت إلى رادته نوال وصرت الدكتورة ريم عدنان.
اندگ باب بيتنه ضلت عيونه معلگه على الباب ما چنت ادري
فتحة هالباب راح اتغير اهواي شغلات واولهم حياتي
العايشتها بگد ما الفقر چان عذاب النا بس صار أحد احلامي
ارجع لهالايام ولهالعذاب ولا العيشة الراح اعيشها.